الفصل 16
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴6️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بيصحى أُبي وكنان فوق راسو .
كنان : انت ليش نايم لهلق ماعندك شغل .
أُبي : اخي وانت شو جايبك لعندي هلق .
كنان : قووم اصحى بدك تروح معي .
أُبي : ليك مو ناقصك اليوم ماعندي شغل كتير خليني مرتاح ونايم شوي ... بعدين روح وخود ايلاف وحل عني .
كنان : ايلاف اليوم قرر يصير مرضي وال شو بدو يقضي يومه مع العيلة بقا قوم .
أُبي : كنان حل عني .
كنان : أُبي قوم مو ناقص دلالك انا ناطرك تحت بالسيارة غير عالسريع وتعاا .
أُبي : ربي يصبرني عليك بس .
كنان : ويصبرني انا كمان .
نزل كنان عالسيارة وقعد فيها ينطر أُبي خلال دقايق وكان وصلان أُبي .
أُبي : يلا شرف لنشوف وين بدك تاخدني .
بيمشي كنان وهو عالطريق بيحكي لح اخدك تفطر اول بعدين منروح .
أُبي : اي الحمد الله بتشكرك استاذ كنان غمرتني بعطفك .
كنان : بلا مسخرتك أُبي بلا مابطل .
أُبي : اوك الله يمضي هاليوم .
وهنن عم يفطرو ..
أُبي : شيل قصة اني متجاكر منك اليوم فيك تخبرني ليش انا معك وشو بدك مني .
كنان : بكرا حفلة تخرج كاترين وانا معزوم عليهاا .
أُبي ( بصدمة 😳): وناوي تروح ؟؟؟!!!!.
كنان : اي ليش مستغرب .
أُبي : اخي انت ليش مو متقبل فكرة انو علاقتكن خلص انتهت .
كنان : انا مو رايح لان كانت علاقة بينا بس جود عزمني وقلت بلا ما ارفض العزيمة ماحلوة يعني انت بتعرف مو من عادتنا نرفض حدا .
أُبي : متأكد ؟؟!! هاد هو الشي يلي عم يدفعك انو تروح .
كنان : اي وليش لاء مثلا عندك اعتراض .
أُبي : طبعا عندي.... كنان اطلع فيني منيح انت رايح لتلبي دعوة ولا كرمال تراقب كاترين وتشوف كيف طلتها ومع مين هي .
كنان : بلا مبالغتك ولا تفكر بقصص مالك فيها .
أُبي : قول انك مابدك تحكيلي يلي بقلبك ومو حابب تواجهني بالحقيقة.
بيلتهي كنان بالاكل ومابيعطي اي ردة فعل لأُبي .
بيسكت أُبي شوي وبيحكي .
أُبي : طب انا لهلق مافهمت شو محلي من الاعراب بوجودي معك .
كنان : طبعا جبتك كرمال الهدية .
أُبي : حداا خبرك انو معي دكتوراه بهل القصص .
كنان : بعرفك طشم بس مافي بديل غيرك يساعدني .
أُبي : الله يعزك 🙂.
........................
عند كاترين والشلة بعد مافطروا وطلعو اتجهو عالمول بأمر من جود .
كاترين : وهي وصلنا عالمول يلا بقا احكي ليش جبتنا .
جود بمد ايدو وفيها الكريدت كارت وبيعطيها لكاترين .
كاترين : ليش عم تعطيني بطاقة البنك تبعك .
جود : هي كلن موجودين مشان يكونو شاهدين تمام .
أوس : على شو بدنا نشهد .
كاترين : ييي احكي منيح ماعم افهم عليك .
جود : هي البطاقة حرة التصرف فيها لمدة ساعة معك حد معين مالازم تتخطيه واذا تخطيتيه بدك تدفعي حق كلشي جبتيه .
كارولين : انو شو خطرلك مثلا تعمل هيك .
جود : كسر نمطية وهيك هي بتختار هديتها بإيدها انا ماعرفت شو جيب .
" اتجهت كاترين ع اول مكان بتشوفو بوجهها بالمول وبلشت تركض لتلحق تاخد كلشي بدها ياه ... هي تركض والكل يضحك عليها حتى الطاقم يلي بيشتغل بالمول "
جود : يلا ع الكاشير .
كاترين : جوووود لوتفاً لو طلع سعر الغراض زيادة عن الليميت خليني رجع لحد الليميت بس مو ادفع حقهههن .
جود : منشووف .
" وطبعا كاترين اشترت كتير غراااض وهي هلئ خايفة من الليميت .... وبعد ما وصلوا ع الكاشير وحسبو الغراض بخبرها جود انو مافي ليميت .. طبعا عصبت كاترين كتيير منو لأن كان بنفسها تشتري اكتر غراض بس الليمت منعها وهو صار يضحك وخبرها ناطرة مني خبرك انو مافي مبلغ محدد حتى تصرفي كلشي معي فلوس وفلس ".
كملو نهارهن سوا وبعد تعب كبيير رجعو ع الفيلا ليريحوا مشان بكرة كونو يوم حافل بامتياز وما مننسى كنان يلي فتل المولات كلها مع أُبي وما عجبو شيي حتى بالاخير اعتمد ع هدية تليق بأسمو ومكانتو .
''"""""تاني يوم"""""""""
بتصحى كاترين بتخطف نظرة ع الساعة بتلاقي الوقت كتيير تأخر بتنط من الفرشة بسرعة ع الحمام بتعمل دوش سرييع وبتلبس بتاخد تلفونها وبتنزل لتحت ..
كاترين : لكككك ياربيي تأخرنا ليش ما حدا فيقني بكيير .
"" بتنصدم انو اهلها لسى اعدين عم يشربو قهوة ومو جاهزين ""
لميا : صباح الخير حبيبتي ... شبك هيك مستعجلة .
كاترين : اتأخرنا عالكوافير كتيير وانا بعدني نايمة وانتو قاعدين بتشربو قهوة ولا عبالكن .
لميا : ،لكك مامي الساعة لسى ٨ ونص الصبح .
كاترين : شوووووو ... 《 بتطلع ع تلفونها بتلاقي عنجد الساعة ٨ ونص 》.
جود : والله طعميتك المقلب يا كاتوو .
كاترين : انا بفرجيك يا حقيير .
كارولين : خلص بلا ولدنتكن تعي شربي القهوة احسن ما نتأخر عنجد .
" بتشرب القهوة مع اهلها وبعدها بروحو ع الكوافير "
عند كنااان بيصحى بيعمل دوش سريع .. نزل فطر مع اهلو وبعدهاا بروح عند الحلاق ليزبط حالو .
____^_^
مضى الوقت بسرعة الكل جهز حالو للحفلة .. طلعت كاترين بتجنن بإطلالتها والفستان كان اخد شقفة منها وكمل جمالها الميكب .. وشعرها يلي عملتو فير ويفي مع بومبيه وضب على طوله .
كاترين بغرفتها عم تلبس الاكسسوارت وتضع آخر لمساتها بيندق عليها الباب .
كاترين : تفضل .
لميا ( بدمعو عيونها ) : ياعمري ما أحلاكي ملكة ماشالله حولك .
بتركض كاترين على امها وبتمسح دموعها : امي ليش البكى هلق .. ماتبكي هلق بتبكيني معك وبيخرب الميكب بهون عليكي ينتزع شكلي .
لميا : لا ياقلبي شو يخرب الميكب ربي يحميكي .
بتمد لميا ايدها وبتعطي كاترين علبة صغيرة .
كاترين : شو هاد امي .
لميا : فتحيها وشوفي .
بتفتح كاترين العلبة وبتشوف فيها خاتم الماس .
كاترين : واووو شو حلو هاد الي .
لميا : اي ياقلبي الك .
كاترين : بس هيك كتير علي .
لميا : مافي شي بيكتر عليكي يا قلبي .
بتعانق كاترين امها وبتدخل عليهم كارولين .
كارولين : احم احم شو عم يصير هون شكلها البنت المدللة مابتبطل عادتها ولسا عم تاخد كل الدلال الها .
لميا : انا ماعندي حدا مدلل كلكن بسعر بعض .
كارولين : اي واضح امي .
كاترين بتركض بتعانق كارولين : يقبرني الغيور انا اييه ؟؟؟!!.
كارولين : لاا مو اييه .
لميا بتحكي : يخليلي ياكن يارب .
كارولين : ويخليلنا ياكي يارب .
نزلو عالصالون والتقو بجود ويحيى وكل حدا طلع بسيارتو ومشيو
-------------------------
ببيت نور
أوس جهز وطلع من غرفته واتجه على غرفة اويس .
نقر عليه الباب وفات .
أوس : شو جاهز .
أويس : طبعا جاهز الله يعينهم علينا لما يشوفونا .
أوس : هههه آمين .. يلا نمشي لتحت .
بينزلو لعند اهلهم والكل بيستغربو لما يشوفوهن .
نور : اسم الله حولكن .
ميلا : شوهالحلا هاد بس ليش هيك لابسين نفس بعض هلق الكل بخربط بينكم .
تيم : قصدك الكل او انتِ .
ميلا : مابتفرق بابا انا من بين الكل .
الكل بيضحك عليها .
أوس : يلا ماما امشوا لاخدكن معي .
نور : يلا امي بس لجيب جزداني وجاية .
تيم : لا معلش ابني بروح انا وامك بسيارتي .
أوس :متل مابدك بابا ...لكن مشي نسبق امي عالسيارات .
ميلا : وانا ليش ماحدا عم يعبرني ويقلي بوصلك معي.
أويس : انتِ لح اخدك انا معي .
بتمشي ميلا اتجاه أويس وبتصير تطلع عليه وتقلب بوجهه يمين وشمال .
تيم : شو عم يصير معك بنتي .
ميلا ( بتلتفت ناح ابوها وبتقلو ): بابا عم شوف هاد أوس او أويس .
أوس : لكك مجنونة هاد أويس .
ميلا : اففف يااه انا كل مابدي شوف مين يلي جنبي بدي شوف الشامة تبع الرقبة .... طيب أويس حباب باليز انطرني لحظة طالعة على غرفتي ثانية وراجعة .
أويس : اوك سابقك عالسيارة ماطولي .
ميلا : لا ثانية .
اتجهوا الكل للسيارات ....
عالطريق بكون أويس عم يسوق وبرن موبايلو .
أويس : اهلين بابا .... اي عم سوق ... الله يسلمك ويسلمها ... ان شاء الله ... سلامتك الله يخليلي ياك .
ميلا : شو كان بدو بابا .
أويس : لا هاد ابي مو ابوكي .
ميلا ( باستغراب ) : عفوا ليش شو الفرق .
أويس : بقصد انو هاد ابي يلي رباني يعني هدول اهلي التانين .
ميلااا : اممم .. لسعتك على تواصل معن .
أويس : اي طبعاا .. بيبقوا اهلي يلي كبروني وعلموني .
ميلا : شكلك بتعزهن كتير .
أويس : هدول عيلتي التانية .
ميلا : وشو مشان عيلتك الاولى .
أويس : شبها ؟؟!.
ميلا : خلص مافي شي .
أويس : لا في شي .... وبرأي انو لازم تحكيه ولاتخليه جواتك وطالعيه لبرا وقوليه .
ميلا : خلص قلتلك ولا شي .
(أويس انتبه على حاله انوو ممكن يكون دايقها من طريقة كلامه عن عيلته التانية ماحس على حالو غير وقف السيارة على جنب وحكى ) : تمام وصلني جوابك بعتقد عرفت شو قصدك .. هلق شوفي انتو اهلي وعيلتي الاصلية يلي انا بنتميلها بس طبعا انا معرفتي فيكن ماصرلها مدة طويلة وانا عم حاول اتأقلم معكن وفوت بالجو حتى ماحس حالي غريب وكون منكن وفيكن عم اعمل جهدي اكتر مابقدر اني اتصرف كأني معكن من زمان حتى اكسر الحاجز يلي بينا واطلع من جو الرسميات لأني نوعا ما ما بنتميله ولا من جوي او ترتيبي .. حتى اني حبيت كتير جو العيلة الموجود فيكن وحسيت حالي انو انا عنجد بحب هيك اجواء ممكن لاني لقيت هون عيلة كبيرة وكلها مع بعض وعايشين سوا او ممكن حتى حبيت شعور انو يكون عندي اخوات بعد ماكنت محترم هالشعور كوني بعيلتي القديمة كنت وحيد من غير اخوات .
" ميلا عم تسمع كلامه ومركزة كتيير منيح معه وكل اهتمامها عليه كيف هيك فتحلها قلبو وعم يحكيلها كلشي "
ميلا : بعتذر اذا فتحت موضوع مو حابب تحكي فيه .
أويس : لا ولوو انتِ مابتعتذري انتِ اختي وبين الاخوات مافي فرق .
ميلا : شكراا ... بس بتعرف شغلة .
أويس : شوفي .
ميلا : نحنا صح عيلة وحدة وبتحب بعضها بس اجت فترة وماكنا سوا متل ما انت مفكر .
أويس : شلون قصدك .
ميلا : يعني في فترة مرقت علينا وأوس صار غريب كتيير عنا ويغييب عن البيت كتييير بحجة شغله بس انا ماكنت حس هيك لان كنت حسو كتيير تعبان وكان يحكيلي من تعب الشغل وفي ضغط كتيير .
أويس : ايي ؟؟؟! .
ميلا : بقي هيك فترة معينة للوقت يلي كاترين فاتت فيه عالمشفى بسبب حادث عملته بقي جنبها وبالمشفى حتى معد رجع عالبيت ابداا طول ماهي بالمشفى للوقت يلي طلعت فيه كاترين من المشفى وهون رجع أوس على طبيعتو حسيتو رجع أوس القديم يلي كلنا منعرفه .. الحمد الله فترة ومضت وبدال أوس واحد صار عندي تنين يخليلي ياكن .
أويس : دخيل قلبك ..
《رجع شغل أويس السيارة ومشي فيها 》
"وهو عالطريق بيحمل موبايلو وبيتصل ".
أويس : اهلين كيفك .
...: تمام الحمد الله وانت .
أويس : الحمد الله وينك انت .
...: ليكني بالبيت جهزت و بدي اطلع .
أويس : مافي داعي تجي بسيارتك انا صرت ناح بيتك وباخدك بطريقي .
... : اوك بصير .
أويس : يلا دقيقتين وبكون جنب بيتك يلا طلاع .
.. : اوك سلام .
" سكر الخط وكمل بطريقه "
ميلا : مين يلي بدنا ناخدو بطريقنا .
أويس : هاد شيفاي قلت بما انو وصلنا لناحه مناخدوا معنا .
ميلا " بيرجف قلبها لما تسمع باسمه " : هممم .. كأنكن كتيير صحبة .
أويس : وكتييير كمان اكتر ما تتخيلي نحنا منقول عن بعض اخوات مو اصحاب ... هااا ليكنا وصلنا .
ميلا : مو بعيد البيت .
أويس : لا ابداا .
" بيتجه شيفاي لعندن وبشوف ميلا قاعدة جوا ومن غير شعور بتنزرع الابتسامة على وجهه " .
ميلا بتفتح الباب وبتنزل .
شيفاي : مرحبااا .
أويس : اهليين .
ميلا : ياهلا تفضل قعود مكاني وانا بنتقل للكرسي الخلفي .
شيفاي : ليش عذبتي حالك ما بتفرق معي كلو واحد .
ميلا : لا ولو مشان واجبك " مع ابتسامة " .
ببادلها شيفاي الابتسامة وبيركب بالسيارة .
أويس : منيح عالوقت طلعت .
شيفاي : معقول نطرك يعني .
قال شيفاي هالكلمتين وسرح بخيالو وتفكيرو وهو عم يتذكر ابتسامة ميلا واناقتها وذوقها باختيار الفستان والميكب يلي زايدينها حلا اكتر واكتر .
-------------------------
بمكان تاني كان كنان مجهز اموره وصار جاهز ليمشي بيحمل الهدية بين ايديه بيخطف نظرة عليها مع ابتسامة ساحرة وبيمشي بطريقه للحفلة .
---------‐--‐----------
كم اني متييم بعشقك فباتت
انعكاسات صورتك تحاوطني في كل مكان تجتاح خلايا عقلي تسري داخل اوردة وشرايين قلبي المسكين .
يتبع ...........
البارت الرابع عشر
"صار وقت الحفلة والمعازيم بلشت تملي المكان ".
أويس وصل لمكان الحفلة ونزل من السيارة .
أويس: يلا تفضلو .
ميلا : أويس أويس أويس ... استنى شوي .
شيفاي بيستغرب من ميلا وبركز معها ليعرف شو بدها .
أويس : نعم .
ميلا بتمشي باتجاه أويس وبتحكي ..
ميلا : انتظر هلئ بتشوف .
ميلا بتطلع من جزدانها دبوس المخصص للكرافة مشان تبقى الكرافة مثبتة بالقميص مشان ماتتحرك بالهوا .
ميلا : هااا هييييك تمام .
أويس : لككك مجنونة شو خطرلك .
ميلا : هممم بما انك انت وأوس لبستو نفس اللبسة قررت ميزك بقطعة صغيرة لفرقكن .
أويس : ايمت لحقتي تجيبيها .
ميلا : ما أنا طلعت على غرفتي كرمال جيبها .
شيفاي مكتفي بنظراتو يلي عم تخبي جواته مشاعر الشك عدا كمية الاسئلة يلي صارت عم تدور براسو .
شيفاي : اوك صار فينا نمشي ؟؟!.
أويس : اي يلا .
بيمشوا باتجاه باب المطعم ليدخلو .
ميلاا : Wowwww شو حلو هالمطعم .
أويس : لسى ماشفتي شي التجهيزات جوا وعلى شط البحر بتاخد العقل .
《《 هامش : للتذكير مكان الحفلة عبارة عن مطعم مقسوم قسمين داخلي وخارجي .. الطرف الداخلي مغلق اما الخارجي مطل على شط البحر فورااا 》》
بيدخلو لجوا وبلاقو وسيم قاعد مع اهله .
شيفااي : هااا وسيم وصل قبلنا .
ميلاا : ييييي سيمووو هوون .
"شيفاي بقلدها بقلبه بمياعتها يييي سيمووو هوون ""
أويس موجه كلامه لوسيم : شو هالهيبة ما تبلى .
وسيم : مافي هيبة من بعدك ...( بوجه كلامه لشيفاي ) اهلين بشيفاي بعد زمان والله .
شيفاي : اهلين فيك .
جود وأوس بكون جايين سوا باتجاه أويس والشلة .
جود : شلون شايفين التجهيزات .
ميلا : بتعقد تعقيد يسلم ايدين يلي تعبو .
جود : انتي يلي بتعقدي شو هالطلة الحلوة والله وعندي بنت عمة بتعرف شو تختار من البس وميكب .
ميلا : تسلملي عيونك .
فجأة بتنتطفي الاضواء وبيبقى ضو الستيج شغال وخلفه ضو شاشة عرض كبيرة وفجأة بينسمع صوت اغاني ومع الاغاني في صور عم تنعرض عالشاشة وصوت حدا ببلش يغني مجهول الشخصية.
الكككل بيلتفت لمكان الستيج والحضور مدهوشين بدهن يعرفو مصدر الصوت ..
الغنية هي :
هنااا صدقت .... حلمي وبدأت .... قالو عني زمان موهوم بيضيع وقت ... لا يوم سلمت ولا استسلمت ووقعت وقمت ومبارح غير داا الوقت ... هناا قلبي من جوه ده اللي بيديني القوة .... في طريقي مشيت واديني سبقت
( وعند هالمقطع بيطلع صاحب الصوت طبعااا كل الحضور من غير استثناء اتفاجئو من المصدر لان كانت موهبة مخفية "" طبعااا من ضمن الحضور كان موجود كنان """)
من هنا قررت بعد ما فكرت ....امشي ع الصعب وعرفت انا لما كبرت ان اللي تفكر في أزمة ده بخوفك منه ملهوش لازمة ...واديك عالصعب قدرت ...واللي زمان ضحكوا عليك شوفهم دلوقتي ببادرو كسوفهم ... رهنوو عليك تخسر ووصلت ....
خلصت الغنية وطول ما هالشخصية عم تغني نظراتها عم تتمحور على كنان .... شاشة العرض كانت عم تعرض صور كاترين وهي بتشتغل بالجامعة ومشاريع راسمتهم من اول سنة لحد مشروع التخرج طبعااا بعد كل هالشرح اكيد نعرفت الشخصية ويلي هي كاترين ...
( ردة فعل كاترين لما شافت كنان اول شي ما شالت نظراتها عنو تاني شي عطت امر للديجيه مشان يشغل كاريوكي غنية بلشت بالغنية الجديدة فوراا بعد ما خلصت الغنية القديمة وكانت هالغنية موجهة لكنان
وهالشي واضح من نظراتها وحركاتها ) .
( الغنية :
وخسرنااا بعض ... بطلنا نتلاقى ... صرنااا بعااااد كتيير بعاااد .. شو سهل البعد ... بطلت تحكيلي ... بطلت احكيلك ... بطلت تعنيلي ... بطلت اعنيلك ... شوفي اكتر بعد ... شوفي اكتر بعد ....🎼🎻 🎼)
كاترين كانت ملاحقة كنان بنظراتها لحد ما اختفى وصارت تدور عليه ..
منرجع للغنية
( وبعدت عني بس كنت تعبانة احوالي ....
""في حداااا بيكمل الغنية عن كاترين وبيستلم الجملة يلي بعدها""
(فكرت فيكي وماكنت عم فكر بحالي ) هي الجملة كانت بصوت كنان بعد ماطلع عالستيج وصار مرئي لجميع الجمهور وكاترين لفت لطرف اللي عم يغني انصدمت من وجود كنان وكيف تجرأ يعمل هالحركة وبقيت واقفة ومجمدة وكنان ادارك الموقف وكمل بالغنية لحالو
منرجع للغنية ( شوفي اكتر بعد شوفي اكتر بعد )
طبعا متل ما حكينا هي الجملة المفروض تكون عم يغنيها الطرفين بس كاترين من الصدمة وقفت غنا وكنان كفا للوقت يلي قدرت كاترين تستجمع نفسها ورجعت كملت معو
( كاترين : بطلت تحكيلي وبطلت احكيلك ....
كنان : وبطلت تعنيلي ....
كاترين : وبطلت اعنيلك ....
سواا : شوفي اكتر بعد ... شوفي اكتر بعد ...
بطلت تحكيلي ... وبطلت احكيلها ... وبطلت تعنيلي .. وبطلت اعنيلها ... شوفي اكتر بعد ... شوفي اكتر بعد)
" انتهت الغنية والكل صار يصفق ويصفر ماحدا عرف من الجمهور انو الغنية كانت مش متفق عليها .. وماحدا بيقدر يتوقع اصلا لان الانسجام يلي كان بيناتن رهيب وماحدا بيحذر عليهم "
(كاترين بعد ماخلصت الغنية نزلت من الستيج ودخلت لجوا المطعم من غير ماتعطي اي التفات لكنان وكنان نزل ولحقها )
كنان لاحق كاترين وعم يناديلها .
كنان : كاترين كاترين لككك انطري شوي حاج تهربي .
كاترين : ...
كنان : لككك عم حاكيكي انا .
كاترين مابترد عليه....
بيسحبها من زندها وبيفتلها لعندو .
كنان : حااج تتجاهليني وانا عم اركض وراكي ..
كاترين : ممكن تتركني بحالي نحنا بمكان عام والكل هون بيعرفنا .. مو حلوة بحقك استاذ كنان .
كنان : استاااذ ؟؟!!! ..
بيسحب كاترين من ايدها وبيمشي .
كنان : امشي من غير ماتلفتي انتباه .. وما تحسسي العالم انو في شي .
كاترين : انااا مو مضطرة امشي معك مطرح مابدك .
كنان مابرد عليها وبيسحبها لمكان مافيه حدا وبعيد عن العالم .
كاترين بتنفض ايدها منو وبتحكي بعصبيية حادة : شوو عم يصير معك شو وجعك ممكن تخبرني.. شوو مشكلتككك معيي .
كنان : انتِ قلتيلي نحنا بمكان عام وانا سحبتك لهون حتى مايكون في حدا معنا ..
كاترين : اااه والله هاد الشي المهم هلئ .
كنان : وكماان يا ست كاترين تعلمي اصول الحديث مع العالم لما يكون حدا عم يحكي معك عبريه واطلعي فيه لا تفتلي ضهرك وتمشي وهو يركض وراكي .
كاترين : مثلا جبتني لهون حتى تعلمني آدااب الحوار... ماشالله حولك شو بتعرفهم وبطبقهن ... لككك انت مغرووورر ومغروور كتير كمان شفتني ما عطيتك اهتمام صرت بدك تلحقني وتحاسبني مااللك علاقة فيني نحنا تركنا عم تفهمني .. فهمان يا استاااذ ولا عيد .
كنان بعصب وبسكرلها تمها بإيدو وبيحكي .
كنان : استااااذ ؟؟؟!!!! هلئ صرت استاذ يا كاترين ..
انا بعمري مالحقت حدا هيك متلك حاكيه ويتجاهلني ... هاد الاسلوب بيستفزني ماحدا بيقدر يتجاهلني هيك ولا خلق حتى .. هي اخر مرة بسمحلك تعملي هيك اما لو صار وعدتيها لح يكون حسابك عسير ....
كاترين بتعض ايدو .
كنان "بينفض ايدو وبيحكي لا اراديا " : ااه لكك وشرسة كمان .
كاترين ( باستفزاز ) : شرسة ان احتاج الامر لاتجرب حتى ما تقدر تلقى خرمشتي .
كنان : شكلنا رح نتسلى كتير ... بس بتعرفي شو ...صح شرسة بس شرسة بحلاوة .
كاترين : مممممممممم ... حلاوة بس خسرتها وضيعتها من ايدك .
كنان : مو انا يلي بخسر انا يلي بستغني عن حدا قدر وغدر فيني فهاد الحدا ما بيلزمني ... ولا الو اي داعي .
كاترين : قلتلي مابتخسر لكن بس بتستغني ايييه براافو .
كنان : فينك تسكتي شوي وحاج حكي .
كاترين : لككك بكفي تسكتني منيح يلي الله خلصني منك .
(كنان بيرفع ايده بس كاترين بتغمض عيونها وبتخاف منو ..)
" بقرب كنان منها وبيمسح بايده على شعرها "
كنان : فتحي عيونك كاترين .
كاترين : بترجاك حل عني .
"كنان بقرب بخطوات اتجاه كاترين وهي بترجع لتبعد وتهرب منو بس هو بيرجع بقرب منها وهي بترجع حتى وصلت للحيط واستندت عليه ومافي مجال لتهرب اكتر "
كاترين : شو بدك مني .
" كنان قرب من كاترين واخد نفس عميق وهو قريب منها وهمس بأذنها "
كنان :ليش مغيرة ريحة العطر تبعك بس بالرغم انك مغيرتيه بس برضو هاد كمان ريحتو غريبة ومميزة متلك انتِ .
كاترين : بعد عني بعدين ايمت لحقت تحفظ ريحة عطري .
كنان : كل مرة كنت فيها قريب منك كنت اتنفس ريحة عطرك مثلا لما كنتي بالمطعم مع رفقاتك وشفتك وقت مشيت للحمام ووقت المطعم بايطاليا كمان .... بالمختصر وقت كل بوسة اخدتها منك .
كاترين : وقحح حللل عننني .
كنان : بعدين شو هالحلا كلو .
كاترين : عفرااقك والله .
كنان : مقبولة منك ..كم مرة بدي خبرك ما تلبسي شي قصير .
كاترين : اولاا مادخلك بلبسي...تانياا انا مالي لابسة قصيير ... تالتا انا لابسة طويل يا استاااذ .
كنان : طويل ؟؟؟!!!
كاترين : اي نعاام .
كنان : وين الطويل بالموضوع وفي شقة كاشفتلك كل رجلك الشقة يلي موجودة بفستانك يا انسة لسا لو لابسة شورت كان بيغطي اكتر منها ولا الضهر المكشوف .
كاترين : انا عاجبني الفستاان وكتيير مو شوي مالي مضطرة غير طريقة لبسي اذا ما عجبتك يا استاااذ.
" كنان بمد ايده على رجل كاترين وهي بترجف وبتتجمد من حركتو وبعدين تحسس رجلها مكان الشقة بلمستو صار يعدي ايدو بالهدا عليها بعدين برم اصابيعه حتى يوجعها لكاترين .. كاترين اول الشي حبست دموعها بعدين من كتر الوجع ولما شافت كنان ماشال ايدو عنها ما قدرت تتحمل و صرخت "
كاترين : ااا..
"بس قبل ما تكمل كاترين كان كنان مسكتها بحركة وحدة منو ويلي هي بوسة على شفافها سكتتها وجمدت كاترين بمكانها اما كنان شاف هي الطريقة الوحيدة يلي بيقدر فيها يفرغ كل عصبيتو منها بعد عن كاترين بعد دقايق بعد ما هدي نار غضبه "
كاترين : لكك شو بدك مني فهمني بعد عنيي ليش جبتني لهون بس كرمال هالمهزلة هي ولكك ليش طلعت معي عالستيج لككك ما حداا وكلك ولا حدااا...
كنان : بتسكتي ولا ارجع سكتك بطريقتي .
كاترين : انت متغيير كتيير .
كنان : هاد انا وماتغيرت بس انتِ ما كنتي بتعرفيني منيح شكلك .
كاترين : ولا لح اعرفك شكلي .
كاترين فتلت بدها تمشي بس كنان اسرع منها شدها من ايدها ورجعها مكانها والقى نظرة عليها من فوق لتحت .
كنان : قلتيلي عاجبك الفستان .
كاترين : اي وكتيير .
كنان : بس بدي افهم كيف هيك بيقبل يلبس حبيبتو هيك فستان مغري ومثير مع ميك اب صاخب .. لكك اذا كان عندو ذرة رجولة مابيقبل على حالو تطليعة الشباب بحبيبتو هيك .
كاترين : شوو بتقصد .
كنان : كلامي مفهوم وكتير منيح .
كاترين : هي حفلتي على فكرة ولازم تكون الانظار علي .
كنان : ياخساارة بس .
"بيجي كنان بدو يمشي بتوقفه كاترين ".
كاترين : كناان وقف مو وقت يلي بدك بتوقفني ووقت يلي بدك بتجيبني انا كمان عندي سؤال ومن حقي اعرف جوابو .
"كنان التفت عليها "
كنان : تفضلي شو بدك .
كاترين : ليش طلعت غنيت معي عالستيج .
كنان : ماقدرت قاوم هالجمال بنت متلك وبجمالك وعم تغني لحالها .
كاترين : كنااان مو هاد السبب الرئيسي اكيد.... عم اسألك ليش ياريت تحكي من غير لف ودوران .
كنان : نظراتك وحركاتك وكلماتك وعواطفك ومشاعرك ولكك حتى احساسك كله كان موجه الي وعم يخبرني ويقلي انو هي الغنية الك ورسالة منك ئلي (بتعلى نبرة صوت كنان ) بتقدري تنكري اااه بتقدري تنكري انو الغنية كانت الي بكلشي فيها بعدين ماحلوة مني شوفك هيك عم تغنيلي وما شارك معك بهالغنية يلي لازم يكون فيها كوبل ف قلت بطلع وبساعدك فيها .
كاترين : ....
" ماعرفت كاترين شو ترد لان كلام كنان كان صح "
كنان : ماتحكي ليش ساكتة .. ولا بس شاطرة تقوليلي تركني وبعد عني ولاتحاكيني وحل عني وووو .
"قبل مايمشي بيحكيلها "
كنان : ااه صح ليش مو مخبرتيني من قبل انو صوتك حلو .
كاترين : وانت ماخبرتني وهيك منكون تعادلنا ...
كنان : بشوفك جوا ماحلوة منك هالقد تتركي معازيمك .
"تركها ومشي وهي واقفة وموعرفانة شو تعمل "
ريتا عم تحكي .
لما وصلنا عالحفلة كانت التجهيزات وكلشي تمام مكان منظم وحلو وواضح كيف متعوب عالتحضيرات وقفت عالطاولة انا وشغف بس كاترين ماكانت مبينة ابدا شفنا كارولين اختها ... انطفئت الاضواء وبس بقي عند الستيج في اضاءة شتغلت الموسيقا وفي حدا عم يغني مو معروف مين بعد ماعرفنا مين وانو هالصوت صاحبته كاترين كلنا اتفاجئنا كانت طالعة بتاخد العقل فستانها بجنن خصوصا شكل الايدين كيف طوال ومشكوكين بس ليغطو الايدين يعني لما صارت تحرك ايديها كانو يبينو كلن كانت عم تغني وواثقة من حالها خلصت اول غنية وغنت وحدة جديدة بس انصدمت انا وشغف انو في شب طلع وغنا معها عالستيج .
شغف :لككك ريتاااا .
ريتا : نعم شوفي .
شغف : لككك هاد الشب عرفتيه .
ريتا : مييين اي واحد .
شغف : لكك يلي عم يغني معها لكاترين .
ريتا: اي شبو .
شغف : هاد نفسو يلي مرة شفناه بالمطعم وكنا مع كاترين .
ريتا : ياااه لككك اي والله كيف ما انتبهت .
شغف : بتذكري كيف وقتا كاترين ما اهتمتلو .
ريتا : لكك اي اي بتذكر .
شغف : كيف هيك صار يا ترا وشو جابو لهون لا وعم يغنو سوا .
ريتا : مابعرف والله شو صار حتى شفناه هون بس شوفي ما أحلاه واديش جنتل .
شغف : اي والله كتير مرتب وحليوة بس بتعرفي طالعين حلوين سوا .
ريتا : اي عنجد في انسجام غريب وواضح بينن شوفي كيف عم يطلع فيها .
شغف : ايي اصلا عيون كل الشباب بالحفلة على كاترين على قد ما طالعة حلوة وحتى عيون الصبايا عليه .
--‐----------------------------
كيف كانت ردة فعل اهل كاترين لما شافو كنان هلئ منشوف .
يحيى : شوعم يصير هون جود اختك مخبرتك بهل المسخرة .
جود : لا والله بابا حتى انا تفاجئت متلك .
لميا : يحيى البنت حابة تتسلى وتنبسط ما بدنا نعكر عليها .
يحيى : شو بدها تحكي عنا العالم مالقت غيرو تغني معو .
لميا : مامنعرف شي ولا شايفين القصة من جهة كاترين مابدنا نحكي شي ويكون غلط لتخلص الحفلة منفهم منها .
كارولين : اي بابا مابدنا نخرب عليها الحفلة ولا بدنا نحسس حدا بشي .
يحيى : بصير خير .
جود : يخليلنا احسن اب انا رايح شوف الشباب .
عند أوس يلي شاف كاترين كيف عم تغني مع كنان وانزعج وعصب وهاد الشي واضح لكل حدا بشوفه كيف ضاغط على سنانو وشادد على قبضة ايدو .
بعد ماخلصت الغنية ..
شيفاي : أويس .
أويس : نعم .
شيفاي : شبو اخوك كأن مو على بعضه .
(أويس بيلتفت يشوف أوس و انتبه عليه كيف تغيرت ملامحه وفي شي مو عاجبه )
أويس : وسيم .
وسيم : اي .
أويس : مابتعرف شبو أوس .
وسيم : المفروض انت اخوه وانت يلي تعرف مو انا .
أويس (بانفعال واضح ) : لككك صح اخوه بس ماصرلي بعرفه زمان انت بتبقى بتعرفه قبل مني .
وسيم : خلص لا تهتم شوي وبروق بس بدك نصيحتي .
أويس : هات لشوف .
وسيم : هاد اخوك اللك وبرأي ماحلوة تكون علاقتك فيه هيك سطحية وانت اخوه التوأم صح ماصرلك زمان بتعرفه بس لازم تتعودو على بعض اكتر وتكونو بيت اسرار لبعض انت لازم تتقرب منو حتى يرتحلك وتقوى علاقتكم سوا انا عم احكي هالشي كرمالكم اذا بدك خود مني وكب بالبحر انا مابخفيك عرفت شبو
بس تركتلك هالشي لتعرفه منو احسن برأي .
أويس : انشالله بصير خير عكلن انا عم حاول اني ماكون غريب عنو واتقرب منه بس بالنهاية كلشي بدو وقت والثقة مو سهل تنجاب وتحصل عليها .
وسيم : هي وجهة نظرك الك بس وجهة نظري بتقول انكم توأم والرابط يلي بينكم قادر انو يقوي الصلة او العلاقة يلي بينكم من غير مانفكر بكلمة ثقة او وقت مو هيك ولا شو رأيك يا شيفاي .
شيفاي : اي والله صح كلامك وانا كمان هيك رأي .
وسيم : يلا شباب انا رايح شوف جود وأوس .
شيفاي : اوك .
وسيم : مابدك تلحقني أويس .
أويس : يلا شوي وبجي .
مشي وسيم لعند أوس وكان واصل لعندو جود .
وسيم : شو الاخبار .
جود : شوفة عينك .
أوس : وين اختفت كاترين .
وسيم : هلئ بترجع بتكون عم تريح شوي .
أوس : كيف عم تريح وتركت الستيج بطريقة غريبة لا سلمت عالعالم ولا شي .
جود : مامنعرف لشو مخططة .
وسيم : وكنان وينو .
جود : بعد ماخلصت الغنية مو مبين .
أوس :اختفاء كاترين متزامن مع اختفاء كنان .
جود : شو قصدك أوس على شو عم تلمح .
أوس : والله من غير ما لمح واضحة .
أويس بكون وصل لعندن وقطع حديثهن.
أويس : شو بلاقيكم تاركين الحفلة ومتجمعين هون .
أوس (بسخرية) : هه اذا صاحبة الحفلة ويلي الحفلة كرمالها مختفية ماوقفت علينا .
جود : أوس سمعني سكوتك معلش .
وسيم : خلص شباب شبكن .
أوس : مافي شي خرسنا .
وسيم : وينو شيفاي مو كنت معو.
أويس التفت مطرح ماكان واقف وما بلاقيه...
أويس : بكون هون بشي مطرح .
وسيم : عن اذنكن شباب .
جود : الله معك .
أويس : أوس عندك شي بعد الحفلة .
أوس : لا مافي شي ليش .
أويس : اي تمام .
أوس: ليش شوفي .
أويس : ولا شي سؤال .
أويس: هااا ليكا اجت كاترين .
(لما اجت كاترين كانت هي ووسيم )
"""""""""""
بمكان تاني عند شيفاي المختفي ___^_^
شيفاي عم يحكي :
بعد ماتركني أويس شفت ميلا ماشية باتجاه البوفيه المفتوح وعم تاخد عصير مشيت لعندها .
شيفاي : هاي ميلاا... شايفك هون لحالك .
ميلا : هلاا اي عم جيب عصير بدك ؟! .
شيفاي : ياريت منك مابقول لاء .
ميلا : اوك تكرم .
شيفاي : شو رأيك نتمشى شوي ناح الشط .
ميلا : حلو ليش لاء .
بياخدو العصير وبيمشوا "طبعا المطعم حدودو لعند الشط وهنن لسا ضمن المطعم "
شيفااي : شو شعورك وانتِ بعد ماصرتي صبية بتكتشفي انو عندك اخ تاني .
ميلا : انو طبعا اول ماعرفت انصدمت خصوصا انو اهلي مو حاكين جنبي انو كان عندي اخ وانفقد ... وحاليا بلشت اتعود عالجو واتعرف على أويس اكتر هو حدا كتيير كاتم مشاعرو .
شيفاي : فعلا أويس مابحب يبين يلي جواته بس طبعا هالشي مو عليي وانا رفيقه من سنين مافيه يخبي عليي وان حاول بكشفه فورا .
ميلا : طب وين اهله يلي ربوه بقصد وين عايشين .
شيفاي : هنن بمدينة سامسون.
ميلا : وانت كمان من هنيك يعني كيف تعرفت عليه وكيف صرتو هالقد رفقة .
شيفاي : تعرفنا على بعض من المدرسة واذا حابة تعرفي اكتر فهالقصة بدها اعدة غير هالاجواء .
ميلا : اي صح معك حق .
شيفاي : بس عندي فضول صغير في سؤال عم يدور براسي اذا ممكن اعرف جوابه .
""""""""""""""""""""""
عند كاترين :
وسيم : ليش اخترتيني انا وبعتيلي مسج لاجي لعندك .
كاترين : مابعرف انت احسن حل كان بتفكيري .
وسيم عم يطلع فيها نظرات مليانة شك واسئلة .
كاترين : وسيم لا تطلع فيني هيك .. بعرف شو عم يدور بعقلك امشي من تم ساكت .
وسيم : اي ليش لاء بتأمري .
كاترين : رايحة شوف رفقاتي .
وسيم : هلئ جبتيني بس كرمال وصلك لعند رفقاتك .
كاترين : تعال معي اذا بدك .
وسيم : لا شكرا .
كاترين : اي باي لكن .
"مشيت كاترين لعند ريتا وشغف"
كاترين : هاي يابنات .
شغف : هايات .
ريتا : هاي شو هالجمال .
كاترين : يعمري جمالك .
شغف : بتعرفي انك بتجنني واخدتي عقل الكل انتِ وهداك الشب يلي كان معك .
كاترين : يوه هالقد .
ريتا : كاترين ليش هدليك المرة لما شفناه بالمطعم عملتي حالك ما بتعرفيه .
كاترين : ماحسيتا شغلة مهمة لخبركن فيها .
شغف : ييي حدا بيعرف هيك شب ومابعرفنا عليه .
كاترين : ليش شبو متلو متل كل هالشباب .
ريتا : حبيبتي كاترين روحي سلمي على ضيوفك ورجعي لعنا .
كاترين : اوك .
" مشيت كاترين وبلشت تسلم على كل معارفها" .
كنان رجع لمكان الحفلة وقعد على طاولة لحاله .
جود بقرب لناح كنان وبيحكيه .
جود : كيفك .
كنان : تمام وانت .
جود : بخير ... منيح انك ماخيبت ظني واجيت .
كنان : ولو انا مو من عادتي ارفض دعوة حدا .
جود : وينها كاترين شفتها .
كنان بأشر بايدو على كاترين .
كنان : ها ليكها عم تهتم بضيوفها ..*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```