الفصل 15
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴5️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
في انحس من هيك يوم صرلي من الصبح عم حاول لاقيه وعبس نزلت عالسيارة دورت كمان مالقيتو قايم عالنادي احسن شي .. طلعت من المكتب وانا مو شايف قدامي .
حلا : استاذ جود .. استاذ جود.
جود : خيير كماان .
حلا : مو راجع .
جود : شو بدك فيني ان رجعت وان لا .
حلا : بس مشان ارجع عالبيت لان ماعندي شي .
جود : هاد يلي شاطرة فيه تروحي عالبيت دورولي عالزفت الملف بكون احسن .
حلا : يا استاذ دورنا كتير مو بس انا شغلت الشركة معك ومالقينا اكيد مو بالشركة .
جود : لكن بطلعيلي الحسابات وكلشي بخص المناقصة من اول وجديد وبتحطيهم على مكتبي بدي اجي المسا ولا قيهم .
حلا : بس يا استاذ هاد الشغل مابيخلص بساعة الدوام بس باقيلو ساعة .
جود بعصبية : مابهمنيي بدك تعملي يلي قلتو وتطلعي عالوقت من الشركة .
مانطرتها ترد وطلعت من المكتب .
""""""""""""""""""""""""""""""""""""""""
وسيم وكاترين عم يتغدو بالمطعم .
وسيم : اووف على هالنسوة .
كاترين : شوفي .
وسيم : لكك اليوم وقت كنت عندكم جود مدري شو نسي عالطاولة بالبيت ظرف بخص الشغل كان حاملو بس لما طلع جاب مفاتيح سيارتو ورجع كان نسيانو عالطاولة و انا اخدتو على اساس أعطيه ياه وهلئ بكتشف اني نسيت .
كاترين : اي مو مشكلة هلئ منروح عالشركة ومنعطيه ياه .
وسيم : ا ي احسن شي .
كاترين : قوم خلينا نمشي لسا قاعد .
وسيم : مو لتخلصي اكل بل اول .
كاترين : لكك خالصة 🤦♀️.
دفعوا الحساب واتجهوا للشركة .
بالشركة ....
كاترين : مرحبا .
حلا السكرتيرة : هلا آنسة كاترين .
وسيم : جود بالمكتب .
حلا : لا والله من ربع ساعة طلع .
كاترين : ولوين راح .
حلا : ماخبرني بس هو بالعادة متل هالوقت بروح عالنادي بس اليوم كان كتير معصب مدري شو مضوع وماعم يلاقيه .
وسيم : يا حبيبي رحنا فيهاا .
كاترين : ماعرفتي شو هالشي .
حلا : ظرف بخص مناقصة عم يشتغل عليها فيه كل الحسابات وكلشي عقود .
وسيم : شكرا الك ... يلا امشي كاترين .
""""""""""""""""""""
بالنادي كان جود عم يدرب ويفرغ كل الطاقة السلبية يلي فيه وكمان كنان كان موجود بالنادي ... خلال فترة قصيرة وصلو وسيم وكاترين عالنادي .
كنان عم يحكي كنت عم اتدرب بتفاجئ بكاترين اجت عالنادي هي وهداك الزفت .. شفتها انتبهتلي وقلبت فورا وجهها لتاني طرف وانا ما اهتميتلها وكأنها مو موجودة بس الشي يلي لفتني الها واكيد بكون لفت كل شب بالنادي انها لابسة شورت وتيشرت حفر ... شي وشعل جواتي بس انا جربت اعمل حالي مو مهتم لشوف ردة فعلها .
عند جود وكاترين .
وسيم : جود تعا شوي عالمكتب .
جود : مالي فاضيلكن مو شايفين عم اتدرب .
كاترين : بس شوي وقف تمرين .
جود : انا من غير شي معصب لا تخلوني اتفشش فيكن .
وسيم : نحنا جينا نهديك يلا امشي .
( مشيو عالمكتب وعيون كنان كانت على كاترين من غير ما يحسسها )
جود : وهي صرنا بالمكتب .
وسيم : انت ضايج صح .
جود : صح .
كاترين : وفي شي زاعجك مو .
جود : مو .
وسيم : وعم تتفشش بالتدريب صح .
جود : هلئ جبتوني لهون مشان واحد يقلي صح والتاني مو شو بدكم خلصوني .
وسيم : الظرف يلي مضوعو معنا .
جود : شوووو ؟؟؟!!!!! .
كاترين : اي معنا .
جود : لككك شو جابو لعندكم انتو شو.... من الصبح عم دور وقلبت الدنيا عليه .
وسيم : منعتذر لا تعصب علينا .
جود : بعد كل فورة هالقلب ومابدكن ياني عصب شي حلو والله .. شو ناطرين اشكركن على تزفيت يومي وقلبو لنحس .
كاترين : جود هلئ انت بدك العنب ولا تقاتل الناطور المهم لقيت الظرف ومشي الحال.
وسيم : اخي مابدنا تشكرنا بس عالمقلية جينا نخمد بركانك .
جود : وينو الظرف .
وسيم : معي بالسيارة .
جود : بس بدي افهم شو جابو لعندك .
وسيم : لما طلعت الصبح نسيتو بالبيت وانا حملتو لجبلك ياه ونسيت .
جود : نسيت ؟؟!! هيك شغلة بهالبساطة بتنتسى ؟؟.
وسيم : سيدي هاد يلي صار .
كاترين : خلص جود هلئ المهم انك لقيتو اي مابدك تشربنا شي .
جود : اي كيف لكن فاتح مضافة انا .
وسيم : فعلا انك نفسية .
جود : ناطر اني اتشكركن يعني واخدكن بالاحضان وقول اقعدوا حبيباتي ضيفكن ؟؟!.
كاترين : هوه هووه علينا شيلونا من هالقصة بقا .
جود: كاترين اسكتي على اساس انتِ انظم .
كاترين : ليش شو عملت انا كمان .
جود : خلص ولا شي .
--‐-‐--------------‐-‐-‐---‐-----‐-‐----------
بهل الوقت كان كنان عم يدرب بوقفو صوت رنة موبايلو بكون ايلاف متصل فيه .
كنان:الو .
ايلاف : وينك يازلمة .
كنان : بال gym.
ايلاف : ماخلصت .
كنان : مو مطول .
ايلاف : اي يلا تعا لعندي لنطلع .
كنان : عم اشتغل عندك سواق انا ؟؟!!.
ايلاف : انا قلت انوو بدنا نطلع سوا مو جايبك لتاخدني لمشاويري .
كنان : فيها وجهة نظر .
ايلاف : اي يلا سلاام .
كنان : سلااامات .
سكرت الخط مع ايلاف ومشيت من النادي مالي نفس اني شوف كاترين مع وسيم وينتزع مراقي مرة تانية .
_________
عند كاترين عم تحكي .
بعد ما اعدنا عند جود وجبنالو الظرف وقت طلعنا من المكتب التفت يمين وشمال قبل مانطلع ومالقيت كنان موجود معقول راح .. هيك صاير سهل عليه انو مايشوفني مع انو بيعرف اني هون اكيد نسيني خلص اصلا وان رجع بدو ياني انا مابدي ياه مابدي واحد هاني ومستعد انو يهيني بكل وقت وانا شاردة بقرب مني جود وبيهمسلي.
جود : حاج تدوري عليه بكون راح .
طلعت من النادي انا ووسيم وجود وطلعنا نقعد بشي كافيه .. اتصلت فيني كارولين وخبرتني انها مع أوس بكافيه وقالتلي نجي نقعد معن .
______
خلال هالوقت كان كنان موصل لعند ايلاف سلم على أهله ومشي هو وياه وراحو .
كنان : هات لشوف لوين بدك اخدك .
ايلاف : فتلني بشوارع اسطنبول لان اشتقت للشوارع وضجتها وشكل البحر بالليل .
كنان : يا اخي شو انك معت شو هالرومنسية الزايدة يلي عندك الواحد بقول خدنا نتعشا .
ايلاف : طيب خدنا نتعشا وبعدها فرجيني الشوارع وضجتها .
____^_^
كاترين والشلة قعدوا بكافيه واحاديث تاخدن واحاديث تجيبن وكنان وايلاف اكلو بمطعم وبعدها اتفتلو بالشوارع وهيك بكون مضى هاليوم .
__^_^
يوم جديد وصباح جديد ..
بلش هاليوم عند كنان يلي اول ما صحي عمل دوش وشرب نسكافيه واتجه لمكتبو ... كالعادة روتينو الصباحي ماتغير .
اما كاترين يلي صحيت على مفاجأة جديدة شو ردة فعلها ومن مين ..؟؟؟.
يتبع ......
البارت الثالث عشر
كاترين عم تحكي...
صحيت من نومي ومشيت عالحمام عملت دوش وسشورت شعري لبست افرول لون بوردو ولما طلعت من غرفة التياب لفت انتباهي بوكس من ورد موجود بزاوية الغرفة ركضت لعندو وفتحتو لقيت فيه قصاقيص قصاقيص ورق صغيرة فتشت ونبشت بينن حتى لقيت ظرف فتحتو وشفت مكتوب فيه ..
" مو انتِ بتحبي تتسلي.. ؟!!!! مشان هيك نزلي عالصالون ودوري على رسالتي التانية "
شو هاد من وين هالبوكس ورسالة شوو ... ركضت وطلعت من الغرفة بسرعة متوجهة للصالون صرت دور بكل مكان فوق الكنب وتحتن بين كل شي اجت امي وعم تشوف شبني وليش هيك جانة وعم انكت .
لميا : لكك كاترين شو عم تعملي من الصبح .
كاترين : عم دور على شغلة .
لميا : وشو هالشغلة .
كاترين ( عم تحاكي امها وهي لسا عم دور ومن دون ماتلتفت لعند امها ) : رسالة لكك رسالة .
لميا : سمعو على هالسمعة مين لسا بيبعت رسائل كل الرسائل صارت الكترونية بعدين وان لسا في هيك عالم المفروض توصل على باب الفيلا مو تتخبا هون بالصالون .
كاترين : اميي شو بعرفني اناا .
( لميا صارت تخبي ضحكتها مابدها تبين لكاترين انها بتعرف )
بقيت عم دور وافتل بالصالون حتى اني سألت الخدم وقالو ماشافو شي وقت ماضربت عيني على الفازات يلي بصدر الصالون مشيت لناحن وصرت اتفحصن وحدة وحدة .... لوقت يلي حسيت انو في وحدة كأن فيها شي مديت ايدي لقلبها وطالعت ورقة ... مكتوب فيها ... "نشالله ماتكوني تعبتي كتير للقيتيها يلا فداي المهم هلق صار وقت الخطوة الجاية ويلي هي انك تطلعي للحديقة وتمشي لناح باب المطبخ الخارجي ولازم تلاقي علامة جديدة هنيك "....لااااا هيك طفح الكيل مين يلي عم يلعب معيي ... مشيت لبرا وبطريقي لناح باب المطبخ وانا عم اتفقد الارض لقيت بوكس خشبي صغير كتير فتحتو ولقيت فيه قصاقيص ورق كتير نبشت بينن لقيت ورقة مكتوب فيها " لسا الخير لقدام واللعبة ماخلصت جهتك الجاية لناح غرفة الحارس دوري ناحيتو لتلاقي علامتي الك " ... مشيت لناح البوابة الرئيسية للفيلا وصرت دور على شي علامة دورت ودورت لوقت لقيت بوكس مغلف بالورق فتحتو بكل عصبية شقشقت الورق شقشقة للقيت علبة فتحتها لقيت فيها شوكولا سنيكرز وجنبها ورقة " اكيد بتكوني عصبتي هي سنيكرز لتروقي اهم شي تكوني ريلاكس وهلق صار وقت تطلعي من الفيلا وتدوري حواليها على امل تلاقي مفاجأتي ... حظ سعيد ... " .. لككك بس لاعرف مين بدي اكسر السنيكرز على راسو لعما شو هالمسخرة هييي .. طلعت برا الفيلا وانا مو شايفة قدامي وعم دفش الارض برجلي .... مشيت ومشيت لشفت بوكس خشب كبييييير فيه دبدوب باندا كبيير حامل بوالين شفافة فيها اضوية وبقلب البوكس كمان في علب مغلفة قربت لناحن يا الله ما أحلاهن لقيت الدبدوب حامل رسالة وبعدين بقااا مع قصة الرسائل ... فتحتا ولقيت مكتوب " الف مبروك يا مدللة العيلة ومدللة قلبي فتحي العلب فيهن شغلات بتعجبك اكيد ااه صح ومالح قلك مين انا اكيد لح تعرفيني لحالك بتمنالك حياة عملية حلوة وكلها نجاح مهندستنا الحلوة " حملت اول علبة فتحتها لقيت بقلبها اسوارة دهب عليها اسمي كان الاسم وكأن مركب تركيب على الاسوارة بارز منها والخط مزخرف كان من تجمع اكتر من لون سوا البرونز والدهبي والاسود والفضي مع الماس كلن سوا مصممين احلاا تصميم كتيير كانت قطعة حلوة وفخمة فتحت تاني علبة كانت اكبر بشوي لقيت فيها تحف صغيرة للهندسة شي مسطرة T وشي طاقية المهندس ومثلث ومجسم مهندسة صغيرة كانوا كتير حلوين خطفولي قلبي واخيرا فتحت العلبة الاكبر ولقيت فيها مجموعة عطور خاصة باسمي طار عقلي معقول صار عندي مجموعة عطور خاصة فيني كانت علبة فيها اكتر من عطر وكل عطر الو استعمالو الخاص فيه يالله اديش حبيت هالهدية بوكس الخشب يلي كانت محطوطة بقلبو كلشي هدايا كان محفور عليه كلمة congratulations وبأرضيتو قصاقيص ورق صغيرة وعلى داير البوكس من جوا ورد جوري بعد ما فتحت الهدايا صار بدي مين يجي يحملي البوكس لان كبيير و تقيل وانا مابقدر احملو 😂😂 التفت لورا شفت أوس واقف ومكتف ايديه .
كاترين : أوس .
أوس : لا انا خيالو .
كاترين : لككك هاد انت لاتقلي انو انت كمان صاحب الهدية ..
أوس : ليش مالح يعجبك كون انا .
كاترين : لككك هاد انت فظييع شو عملت فيني لاء وشو بتحطلي سنيكرز كمان مشان روق .
أوس : سنيكرز شو .
كاترين : عم تغشم حالك ... لككك بمتاهتك يلي فوتتني فيها اليوم حسيت حالي بشي لعبة .
أوس : خلصنا ولو كلن رسالتين بعدين هيك عم تعملي فيني اعدة عم تبهدلي فيني وما شكرتيني عليها .
كاترين : انوووو شكرااا بس قلبي مو رضيان لسا عن يلي عملتو فيني .
أوس : طيب تعي نفوت الهدية للحراس وعالطريق بتقوليلي شو عملت فيكي .
كاترين : اي طريق .
أوس : بدنا نطلع نفطر ونتسلى يلا امشي .
اخدنا الهدية وعطيناها للحراس مشان يطلعوها لغرفتي ونحنا عالطربق كنت ساكتة وماعم احكي .
أوس : بشو عم تفكري .
كاترين : بالعذاب يلي عشتو اليوم .
أوس : له له عذاب شوو .
كاترين : والله حضرتك فتلتني الفيلا كرمال الهدية .
أوس : اي تفتيلة هي كلها رسالة الغرفة والصالون .
كاترين : كمل ليش سكتت ورسالة الحديقة وباب الفيلا كمان .
أوس : اوووه مين حطن هدول .
كاترين : مين غيرك يعني ال شو كمان بتحطلي سنيكرز بتعرفني بكون طلعت عن صبري وبدك تهديني
.
بيضحك أوس ضحكة كبيرة ومن قلبو .
كاترين : ليش عم تضحك صار عذابي بضحك مثلاا .
أوس ( وهو عم يكتم ضحكتو ): لا بس هاد جود شكلو حب يلعب معك وحطلك كم رسالة زيادة وهو كمان يلي حط السنيكرز .. انا ماعطيتو غير بوكس الغرفة ورسالة يلي كاتب فيها انو الكادو لح يكون برا الفيلا .
كاترين (بعصبية ) : هالحقيير انا بفرجيه عم يلعب بأعصااابي .
أوس ( ولسا كاتم ضحكتو ): شفتي معناها انا ما ذنبي .
كاترين : لا مو ذنبك انت.... هاد جود الدب .
(أوس عم يحاول يكتم ضحكتو بس ماعم يقدر )
كاترين : أوس حاج تضحك وانتبه على سواقتك .
أوس : طب مو بأيدي شر البلية مايضحك 😂😂😂.
_____^_^
كنان وصل عالمكتب وطلب من السكرتيرة تجهزلو فنجان اسبريسو ..
ايلاف بيتصل على كنان ..
ايلاف : الو .
كنان : ياهلا صباح الخير .
ايلاف : صباح النور .
كنان : قررت تجي تساعدني بالشغل .
ايلاف : من جهتي مو مشتاق للشغل ابداا بس اذا كان عندك ضغط بالشغل لعيونك .
كنان : مو هلق بعد كم يوم بدي احتاجك وكتير جهز حالك واستمتع بعطلتك كتير منيح .
ايلاف : يا حبيبي .. بدي ارجع على ايطاليا .
كنان : مو بكيفك خليك عنا لسا شوي .
ايلاف : منشوف .. شو عم تعمل .
كنان : من شوي وصلت عالمكتب .
ايلاف : طيب مالح عطلك بحاكيك بعدين .
كنان : بدك شي ليش .
ايلاف : لا خلص بعدين .
كنان : ماشي .
سكر كنان الخط وفتح اللابتوب وبلش شغل .
______^_^
بهاد اليوم رجع أويس وشيفاي من السفر ... لما رجعو كان شيفاي بدو يروح على بيتو بس أويس ما رضي الا يجي معو ... بعد ما وصلو واستقبلتن العيلة فطرو مع العيلة وطلعوا قعدوا بغرفة أويس كان أويس متسطح عالتخت وشيفاي اعد عالكنباية .
شيفاي: والله ماحلوة انا فورا جيت معك لهون هلئ بقولو اهلك شو هالرفيق الدبقة .
أويس : ليش انت مو دبقة ؟؟!.
شيفاي : أويس ..بعدين مو حرام عليك انت متسطح عالتخت وانا تاركني هون اقعد .
أويس : حقك علي لازم جبلك تخت وحطو عندي لانك مقيم عندي .
بيندق عليهم الباب ...
أويس : قوم فتاح الباب زكاتك .
شيفاي : لككك بيتي ولا بيتك .
أويس : لكك قوم اكيد أوس لان ما شافنا لما اجينا بكون اجا لهون .
شيفاي : ماشي .
فتح شيفاي الباب وتفاجئ انو يلي عم يدق ميلا اول ما فتحلها الباب كانت واقفة ومعها صينية نسكافيه وحلويات .
ميلاا : اااه مرحبا .
شيفاي :ياهلا .
ميلا : تفضل هدول الكن .
شيفاي : يسلم ايديكي .
ميلا : الله يسلمك .
شيفاي عم يحكي اول ما فتحت الباب ماكنت متوقع تكون ميلا لان حسب توقعات أويس انوو لازم يكون
أوس..... انا تفاجئت فيها وهي كمان اتفاجئت فيني حتى نأزت لما شافتني اخدت منها الصينية ولاول مرة بتكون قريبة مني هيك دققت بتلاميحا الناعمة والطفولية عيونها لوزيات لونهم عسلي وشعراتها الطوال يلي منزلة طرفن على وجهها وحاطة لمسة ميك اب خفيفة على وجهها زايدها حلا اكتر اخدت منها الصينية وفتت استلمت أويس .
شيفاي : هي آخر مرة بفتح انا ...طلعت اختك مو اخوك يا حرام تلبكت لما شافتني فكرتك انت يلي ح تطلع بوجهها .
أويس : شوف اديش مافي منها ليك شو جايبتلنا .
شيفاي : لاتغير السيرة وقلتلك انا مادخلني حلو والله كأن بيتي واعز .
أويس : اي روق هلق ماصار شي .
_____^_^
عند كاترين وأوس ...
كانوا بالمطعم عم يفطرو ويدردشو .
أوس : كيف تجهيزاتك لحفلتك .
كاترين : تمام الحفلة بعد بكرا والحمد الله مالي حاسة شي ناقصني .
أوس : اي تمام اذا بدك اي مساعدة انا جاهز .
كاترين : تسلملي ...
بتسكت كاترين شوي وبتحكي ...
كاترين : بس انو معقول انت مالقيت تحطلي ورقة الصالون غير بالفازة .
أوس ( متفاجئ ) : فااازة ؟؟؟؟!!!.
كاترين : اي شبك عم تغشم حالك .
أوس ( وهو عم يضحك ) : شكلك نسيتي انو جود كان حابب يشتغل فيكي 😂😂😂 انا عطيتو صندوق خشبي صغير للصالون مشان يحطها فيه .
كاترين : لككك الصندوق كان بالحديقة .
أوس : كمااان 🤣🤣🤣.
كاترين : طيب لاتذكرني فيه .
أوس : طيب وين بتحبي نروح .
كاترين : ليش ماعندك دوام او عمليات اليوم .
أوس : اليوم بس الك .... انتِ اليوم من حصتي انا .
كاترين : هيك لكن .
أوس : اي والله ماعجبك .
كاترين : مبلا كيف لكن .
أوس : اي فكرت ...
كاترين : طيب اذا هيك شو رأيك نروح للسينما ..
أوس : اي حلو كتيير فكرة حلوة .
كاترين : يلا منمشي .
أوس : منمشي .
______^_^
جود بالمكتب عم يشتغل عالمناقصة يلي كان مضيع وراقها بتفوت لعندو السكرتيرة حلا .
حلا : يعطيك العافية استاذ جود .
جود ( وهو عم يطلع بالملفات من غير مايلتفتلا ) :
الله يعافيكي خير شوفي .
حلا : مشان ملفات المناقصة يلي قلتلي عنن مبارح ما...
جود : بقاطعها : ليكني عم اشتغل فيهن .
حلا : كيف لقيتن استاذ .
جود : هي شغلتي في شي تاني .
حلا : مبارح بعد ماطلعت اجت الآنسة كاترين ومعها وسيم سألو عنك .
جود : بعرف غيرو .
حلا : اجتماع هي المناقصة عالساعة 4 .
جود : تمام وهلئ فيكي تروحي لمكتبك .
حلا وهي ماشية باتجاه الباب بتهمس وبتقول اديش شايف حالو هالزلمة .
جود : بلا بربرة وعلى شغلك .
حلا : حاضر .
--------------
كاترين وصلت عالسينما مع أوس وقطعو تذاكر لفيلم كوميدي .
أوس : يعني ليش ماخليتينا نقطع للرعب .
كاترين : مابقدر على هيك افلام انا .
أوس : ايه مافيه شي بالنهاية هو فيلم ومو حقيقة .
كاترين : اي ولو .
أوس : يا خويفة ... خويفة .
كاترين : مالي خويفة .
أوس : اي اي واضح بس كنتي ح تموتي لما عرفتي انو فيلم رعب.
كاترين : 🙂... لأثبتلك اني العكس روح وحجزلنا فيه .
أوس : مابدي مشي الحال حجزنا بالتاني .
كاترين : لا لسا معنا وقت والفيلم التاني بلااه يلاا.
أوس : اوكك .. رايح معد في مجال للتراجع .
كاترين : مالح اتراجع .
كان لسا باقي للفيلم نص ساعة اشترو بوب كورن وفاتو لجوا ناطرين ليصير وقت الفيلم .
ببلش الفيلم وكانت كاترين قدرانة تتحمل المشاهد يلي عم تطلع بس بل اخير ماقدرت ماتغمض عيونها مشان ماتشوف وأوس كان جنبها ومدموج مع الفيلم ومالو خايف بشوفها كيف غمضت عيونها .
أوس : شو بلاقيكي خفتي وغمضتي .
كاترين : لا ابداا شو خفت .
أوس : اي واضح كتير .
رجعت كاترين ركزت نظرها عالفيلم وجاهدت اكتر مافيها تفتح عيونها ... بس بلأخير طلع بوشها لقطة رعبتها وخلتها تنأز وتعانق أوس وتخبي راسها بصدرو.. لما شافها هيك مرتعبة مسح على ضهرها وهداها .
أوس : خلص اهدي مافيه شي .
كاترين : اي ابدااا .
بقيت كاترين متمسكة بأوس وتطلع شوي بالفيلم وكل ماتجي تخاف ترجع تدفن راسها بصدرو .
أوس عم يحكي
كاترين على قد ماخافت من الفيلم عانقتني وفتلت راسها مابدها تشوف ... حاولت هديها اكتر مافيني بس قربها هيك مني رجع ذكرني بحبها يلي محفور بقلبي ومو قدران اطلع منو قلت بنفسي ..ليش هيك عم تعملي ياكاترين كل ماحاول انساكي بترجعي بتقربيني الك ... قربك هاد عم يشعل ناري اكتر ما يخمدها ...
بعد ماخلص الفيلم وطلعنا لحتى نتغدى ...
أوس : ماتوقعتك بتخافي لهل الدرجة .
كاترين : كنت متوقعة اني اقدر شوف الفيلم بس بعدين معد قدرت اسفة .
أوس : يلا خلص مضى ....بس كان حلو على فكرة .
كاترين : لكك فظيع انت كيف ما ارتعبت ولا نتفة .
أوس : من قبل مانفوت قلتلك هو بالنهاية فيلم .
كاترين : وممكن لأنك دكتور وعلى طول متواجد بغرفة العمليات مابتفرق معك انك تشوف شكل الدم او حتى اذا شفت شي مشوه كلو صار عندك عادي .
أوس : امم كمان ممكن .
أوس عم يحكي بقلبه
لو تعرفي لما شفتك جاية عالمشفى بحالة اسعاف و الدم مغطي وجهك اديش خفت كان يومها فيلم رعب بس حقيقي بالنسبة ئلي .... هداك المشهد كان مشاعرو غير كليا عن اي فيلم رعب ممكن تشوفيه كنت بحالة مابتتقارن ابدا مع حالتك لما شفتي الفيلم هلئ مشاعر القلق وخوفي اكبر بأضعاف المرات عنك وقت شفتي الفيلم اليوم ... وانا كنت جزء من الفيلم او لو تعرفي لما كنتي بغرفة العمليات اديش يومها ضعفت وخفت وصرت مو قدران اعمل شي كأني عجزت هاد الشعور اول مرة براودني لان انتِ يلي كنتي المريضة .
أوس بكون شارد وكاترين عم تناديلو وماعم يرد .
كاترين : أووس ... لكك أوس .
أوس : هااا .
كاترين : وين شردت .
أوس : مو بمكان مافي شي .
كاترين : شلون مو بمكان وانا صرلي مدة بحاكيك وانت ماعم ترد .
أوس : مافي شي مهم .
كاترين : طيب ....انا جعتت كتيير .
أوس : مالح قلك ماصرلنا زمان اكلين لان بعد هالفيلم لازمنا وجبة غدا مرتبة .. شو اطلبلك .
كاترين : مابتفرق شو بدك جيب .
أوس : اوك .
-------------‐--------------
كنان بالمكتب عم يشتغل على اللابتوب ومشغول فجأة بينفتح عليه الباب من دون اذن بيلتفت بعصبية ليشوف مين بلاقي ايلاف ومعو اكل .
كنان : هيك العالم بتفوت من غير احم ولا دستور .
ايلاف : فايت على مكتب شغل انا مو بيت او غرفة نوم .
كنان : اي لو وين ماكان مابصير .
ايلاف : ياربي يصبرني عليك .
كنان : بعدين كيف اجيت لهون لحالك .
ايلاف عم يحاكيه هو عم يحط الكياس عالطاولة .
ايلاف : فكرك صعبة كتير اوصل لمكتب المهندس كنان رأفت الباشا .
كنان : وليش هيك عم تحكي اسمي .
ايلاف (بعد ماقرب بخطوات لناحو وقعد جنبو عالكنباية ) : لانو اسمك اشهر من نار على علم ماشالله مجرد ما اسأل عنك فورا بيعرفوك من شهرة ونفوذ ابوك يعني ماضعت ولا تعذبت ابدا بأني اوصل لهون ببساطة .
كنان : انا شو حارقلي دمي غير انو شهرتي جاية من ابي وشركته حاولت ادرس واشتغل بغير مجال كرمال كوّن اسمي لحالي بس عبس .
ايلاف : شو بدك احلى من الشهرة يا زلمة .
كنان : شهرة عن شهرة بتفرق بس عكلن قريبا بدك تلاقي اسمي بالعلالي .
ايلاف : شو عم تخبي عليي .
كنان : كلشي بوقته حلو .
ايلاف : عليي هالحركات لككك كنان .
كنان : خلص قلتلك كلشي بوقته حلو بعدين ليش جبت الاكل لهون مو على اساس نتغدى برا .
ايلاف : حبيت اعملك ياها مفاجأة .. بس شو هالسكرتيرة يلي عندك .
كنان : شبها .
ايلاف : ماحبيتا .
كنان ( بضحكة) : ماحدا طلب منك تحبها على فكرة ... كيف فوتتك لهون من غير ماتخبرني ؟!!.
ايلاف : انا مابيصعب علي شي .
كنان : اهااا قلتلي ... يلا قووم خلينا ناكل صوصت من جوعي .
ايلاف : بدك تاكل اصابيعك من بعد هالاكل هلئ شوف .
كنان : الله يستر ما اكل اصابيعي ندامة .
بيتجهو لياكلو وهنن عم يحكو ويدردشو ومضى الوقت عليهم وهنن بالمكتب ....
جود عمل اجتماعو وكان كلشي لصالحو ....
شيفاي بروح من عند أويس بعد مايتغدى معن لان نور ماقبلت طلعو من غير غدا ....
كاترين وأوس كملو يومن سوا ومن مكان لمكان وهنن مبسوطين ....
طلع القمر واحتل مكانتو بالسما للوقت يلي طلعت بدالو الشمس لتعلن عن يوم جديد ....
ببيت نور ....
ميلا : امي انا بفطر معكن وبدي اطلع .
نور : لوين امي بدك تروحي .
ميلا : خبرتني كارولين انو اليوم طالعة هي وجود وكاترين وقالتلي اطلع معن ..
نور : اي روحي امي الله يسرلك .
بيجي أويس من ورا ميلا
أويس : لوين بدك تروحي ..
ميلا: صبااح الخير بل أول .
أويس : صباح النور ... اي ماخبرتيني لوين .
ميلا : أوس مافي بالعادة دقق هيك على هالسؤال .
بتضحك نور وبتقلا : لككك هبلة هاد أويس .
ميلاا : اووف يااا كيف بدي فرق بينكم انتو .
أويس : بالفراقة .
ميلا : غلييييظ .
أويس : اي جاوبيني .
نور : امي شبك علقت عالبنت .
أويس: امي انا مو متل أوس ممكن أوس مايسألها ويكون عندو عادي بس انا لازم اعرف وين اختي عم تروح وبعدين سؤال عادي مابتوقع فيه شي .
ميلا : اي عادي سآل ماعندي مشكلة لان ببساطة طالعة مع كاترين وكارولين وجود .
أويس : جود لحالو معكن .
ميلا : اي ليش .
أويس : طيب وانا طالع معكن .
نور : امي ماعندك شغل .
أويس : لا امي ماعندي .
ميلا : اوك هلئ بخبرن جهز حالك لان بعد الفطور جايين ياخدونا .
أويس : مافي داعي يجو... يخبرونا لوين ومنروح بسيارتي .
ميلا : اوك هلئ بقلن .
____
كارولين : يلاااا يا كاترين ماخلصتي .
كاترين وهي نازلة من عالدرج : ليكني جيت وينو جود .
جود عم يحكي وهو بالصالون : انا خالص وناطركن يلا امشو لأن حاكتني ميلا وال هنن طلعو من البيت .
بيتجهوا الكل وبيطلعو من الفيلا وبوجهن عالمطعم ... اول ما بيدخلو بتتفاجئ كاترين بزينة معبية المطعم
كاترين : واااااو شوو حلوو .....الله يهنيهن يلي حفلتنن شووو حلو بالذات هداك البوكيه يلي ع الطاولة .
كارولين : مشوا ندخل .
بيمشوا باتجاه الطاولة يلي عليها البوكيه بكون عبارة عن بوكس كتيير كبير ميكب و ورد .
كارولين : عجبك ؟
كاترين : كتيييير هاد لالي 😳 .
جود : لاا .
كارولين : شوو غليظ .. اي لالك ياروحي .
" بتضمها لكارولين "
كاترين : ميرسييييي ياروحي انتِ.. كتيير حلو .
كارولين : ولو كم كاتوو عنا .
كاترين : يخليلي قلبك الطيب ..ايمت لحقتي تجيبي .
كارولين : في حدا ساعدني مو لحالي .
كاترين : ميين .
بيجي أوس هو وأويس وميلا ....
أوس : انا ساعدتها .
بتلتفت كاترين للصوت .
كاترين : انت ؟؟؟!!!.
أوس : اي انا ماعجبك .
كاترين : مبلا عجبني بس ياريت تعرفني عن حالك مين لان شايفة نسخة تانية منك جنبي ومو عرفانة فرق بينكم .
أوس : بحب عرفك عن حالي انا الدكتور أوس بكون ابن عمتك ( بمد ايدو يسلم عليها ) .
كاترين ( بتبادلو السلام ) : هلا تشرفت بمعرفتك دكتور أوس .
أويس ( بمد ايدو يسلم عليها ) : وانا أويس عرفتيني .
كاترين : ولو كيف لكن ... اهليين ميلا تعي ليش واقفة لحالك .
ميلا : ناطرة تخلصو تعارف على بعض .
كاترين : ههههه تعي خلصنا (بتلتفت كاترين حوليها مابتلاقي جود ....) وينو جود ياجماعة .
بكون جاية وحامل بوكيه ورد من شوكولا وجاية ناحي .
جود : حبيبة قلبي كاترينو نشالله الف الف مبروك .
كاترين بتعانق جود : يعمري انا يخليلي ياك يا قلبي .
بتاخد البوكيه منو .
كاترين عم توجه كلامها للبوكيه : طب انا شو اعملك هلق اتفرج عليك ولا اكلك.
الكل بيضحك عليها .
جود : شو مابدك عملي فيه ولسا بعد الفطور في الك مفاجأة .
كاترين وهي متحمسة : عنجددد .
جود : طبعا عنجد لكن عن كذب .
كاترين : يلا خلينا ناكل مشان اعرف شو هي باسرع وقت .
أويس : لا تستعجلي كتير اول عن اخر لح تعرفي .
كارولين : لسا مابتعرفها لكاترين ماعندها صبر اتجاه المفاجآت ابدا .
كاترين : هلق هيك الله يسامحك .
ميلا : طب يلا خلونا ناكل اذا مو مشان الكادو كرمالي لاني كتييير جعت .
بيقعدو كلن عالطاولة وببلشو اكل ...
------------------
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```