الفصل 14
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴4️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين : طيب شو بدكم .
شغف : الجامعة .
كاترين : شبها .
ريتا : قدمو حفل التخرج وصاار بكرى .
كاترين : اي عادي وين المشكلة ... شوووو شو عم تحكو بكرى .
شغف : لكك اييي .
كاترين : وليي ليش ماعندي علم مو على اساس لسا في اربع ايام .
ريتا : من مبارح طلع القرار ونحنا ماعم نقدر نلاقيكي .
كاترين : اي صح ماكنت فاضية مبارح .
شغف : ليش شوفي عندك .
كاترين : بحكيلكن بعدين .
ريتا : مابدك تشوفينا اليوم مشان نحكي عن بكرا .
كاترين : مابوعدكم اقدر خلص هلئ بفتح واتس ومنحكي عالغروب عن كلشي .
ريتا : مع انو صار الفضول يقتلني لاعرف شبك وليش مختفية بس على راحتك .
كاترين : يسلملي المتفهم انا .
شغف : يلا سلااام .
كاترين وريتا : سلاام .
سكرت الخط وانا لسا نعسانة بس خلص فقست نومتي على هالخبرية منيح مجهزة اموري وكلشي تمام والا كان مستحيل لحق .
كارولين : خلصتي حكي انتي ورفقاتك من عند هالصبح .
كاترين : انتِ فايقة .
كارولين : لما يكون في تلاتة بغرفتك عم يحكو كيف بدك تنامي بالله .
كاترين : مدري ... يلا بما انك صحيتي مشي ننزل .
كارولين : يلا شكلي لان مالح ارجع نام مرة تانية .
غسلنا وجهنا وصحصحنا شوي ونزلنا كان لسا هدوء بكل المزرعة بس كان الخدم فايق وعم يجهزو بالفطور طلعنا لبرا مشان نتنشط سمعنا صوت ضحك .
كارولين : سمعانة كأن في صوت ضحك .
كاترين : اي والله منين .
كارولين : تعي نشوف .
كاترين : ييلا .
لحقنا الصوت للقينا أويس وأوس وميلا وجود ووسيم وشيفاي كلن سوا .
كارولين : صبااحو ..
كاترين : صباااحو يا حلوين ... شو بلاقي صواتكن عالية .
بردو عليهم : صبااحو .
كارولين : شو هالخيانة كلكن متجمعين وعم تضحكو سوا ونحنا تاركينا ننام فوق .
كاترين : هاا شايفة شيفاي هون .
شيفاي : شايفة ماقدرت بلاكن قلت بجي لعندكم .
كاترين : هههه .
كارولين : شو مصحيكن بكير .
أويس : انا وشيفاي منصحا بكير لما صحيت كنت اول حدا بيصحى بالمزرعة جيت لهون وقلتلو لشيفاي يجي كرمال عرفو على امي بالمناسبة شيفاي هي كارولين اخت كاترين وجود وست كارولين هاد بكون شيفاي رفيقي .
كارولين : تشرفنا .
شيفاي : تسلمي .
كاترين : طيب والباقي .
ميلا : انا صحيت وماقدرت ارجع اغفا .
جود : موبايل حدا مزعج صحاني .
وسيم : خبرناك منعتذر تاني مرة بعملو سايلنت .
أوس : كمان اتصال من المشفى .
كاترين : هههه شوفو هالجمعة الصباحية ما أحلاها .
""""""""""""""""""""""""""""""""""""""""
كنان صحي و عمل دوش عالسريع وحمل موبايلو واتصل بعامر .
كنان : مرحبا .
عامر : اهلين استاذ كنان .
كنان : نشالله مشي الحال .. وزبطت امورك .
عامر : اي مشي الحال .
كنان : بفهم منك انو مشي حال الشروط .
عامر : اي مشي الحال .
كنان : كتيير منيح هي الاخبار الحلوة .
عامر: انت غالي علي مابعمل هالشي لغيرك .
كنان : تسلم يارب .
عامر : يلا بدك شي .
كنان : سلامتك .
سكر كنان الخط وهو مبسوط ياترا لشو عم يخطط وشوفي حتى هالقد الخبر فرحو ؟؟؟!!
بعد ماسكر الخط مشي عالمكتب واتجه ليوم جديد من الشغل .
"""""""""""""""""""""""""""""
بطرف تاني عند العيلة الكل مبسوط فطرو كلن سوا وقرروا بعد الغدا بتخلص زيارتن بالمزرعة بكون وسيم عم يحكي بالموبايل على جنب بتشوفو كاترين .
كاترين : وسيم .
وسيم : نعم .
كاترين : مع مين كنت عم تحكي.
وسيم : اتصال من ميلانو .
كاترين : شو صار بقصة الجريدة والاخبار .
وسيم : كلو حليتو لا تهكلي هم والصحفي المسؤول لح يتعاقب بنقل اخبار كاذبة .
كاترين : اي منيح طمنتني .
وسيم : شوقال بكرا حفل التخرج .
كاترين : اي والله .
وسيم : وايمت حفلتنا نحنا .
كاترين: بنهاية هالاسبوع ... بس لهلئ ماخبرت حدا .
وسيم : يعني انا اول مين بيعرف .
كاترين : هيك شي طبعا ابي بيعرف لان اتفقت انا وياه عالمكان .
وسيم : حلو واخترتي وين .
كاترين : يس .
وسيم : طب شو ناطرة ماتخبري العيلة .
كاترين : لازم مو .
وسيم : طبعاا لازم .
كاترين : امشي لقلك .
مشيت كاترين هي ووسيم لعند العيلة يلي متجمعين بالصالون .
كاترين : سمعوني اذا بتريدو .
يحيى : خير انشالله .
كاترين : خير بابا مافي شي .
يحيى : هاتي لنشوف .
كاترين : بكرا حفلة تخرجي بالجامعة ... ويوم الخميس لح تكون حفلة العيلة والمعارف .. هي عم خبركن هاا مشان تعملو حسابكن من هلق مامعكن وقت .
لميا : بنتي شو هالعزيمة هي .
كاترين : عادي ماما مافي حدا غريب .
الكل بيضحك على عفوية كاترين .
أوس : ووين ناوية تعمليها .
كاترين : بمطعم عالشط بابا حجزلي ياها كلو والحفلة لح تكون ناح الشط يعني بالقسم الخارجي مو الداخلي .. ومشان التفاصيل اكتر عن اسم المطعم و والوقت وهيك بدي اعطيكم كروت .
لميا : يحيى من ايمت مجهز انت وبنتك وانا مو عرفانة .
يحيى : من لما كانت بايطاليا وانا عم اتفق معها عالمكان اقل منها يعني بنتي الحلوة ما اعمللها شي يفرحها .
العيلة كلها باركت لكاترين وهنتها ....
كاترين كانت اعدة عم تحكي عالواتس مع رفقاتها بتجي كارولين لعندها .
كارولين : بست .
كاترين : نعم .
كارولين : شو مشان كنان مابدك تعزميه .
كاترين : من كل عقلك بدك ياني اعزمو بعد يلي عملو معي حبيبتي انا...
كارولين : هسس لاتنفعلي وتبيني للعيلة احكي عادي .
كاترين : انا مالح اعزمو وبعدين بابا عامل الدعوة مفتوحة يعني مين مابدو يجي اهلا وسهلا .
كارولين : شلون عم تقولي مفتوحة وكنتي عم تحكي انو في كروت للعيلة .
كاترين : اي في كروت بس اكيد ابوكي بيعزم ابوه لكنان مشان يتفاخر قدامو وينفش بريشو هنن اصلا شو بيعرفو اكتر من انن يجاكرو بعض .. بهالحالة كنان اكيد لح يعرف وفيه يجي بدون كرت ما هو اصلا الكرت بس مشان المكان والزمان بينما في اسم عيل محددة بدها تكون عالباب مسمحلن يفوتو .
كارولين : فيها وجهة نظر .
كاترين : اي طبعا .
الشباب والصبايا كانو سوا طول الوقت والاهل لحالن الكل غير جو وكأنها عطلة مفاجِّأة ونور وتيم حبوه كتير لشيفاي وهو حبهم اهل كاترين ووسيم رجعو على بيتن بينما نور وعيلتها قررو يكملو النهار بالمزرعة وتاني يوم بيرجعو عالبيت وشيفاي مشي لما مشيو اهل كاترين ووسيم ... كنان داوم بالمكتب ورجع اتعشا مع اهلو بس الغريب انو ماعم يسأل على كاترين متل قبل ياترا شو السبب ومعقول نسيها ..
""""""""""""""""""""""""""""""
يتبع .....
البارت الثاني عشر
كاترين عم تحكي
صحيت من بكير لازم كون متنشطة عملت دوش وشربت نسكافيه وفورا مشيت عالصالون عملت ميك اب خفيف وفيرت شعري طبعا طقم التخرج كان وسيم مصمملي ياه الوقت عم يمضى بسرعة مشيت عالجامعة وكانت امي واختي كارولين لاحقيني ليحضرو حفل تخرجي والتقيت ب ريتا وشغف .
كاترين : شو هالجمال كلو .
ريتا : من بعدك .
شغف : انتِ الحلوة .
ريتا : حدا عم يصيبو فكرة انو لما بدو يطلع اسمها بدها تتفركش وتوقع .
كاترين : ولييه بلا تشاؤم .
شغف : الله لايقدر .
كاترين : يا الله اديش نطرنا هاليوم لنكون سوا .
ريتا : واخيرا اجا هاليوم .
شغف : اي والله ... يلا امشو مامعنا وقت ح تصير الحفلة لازم نكون جوا وهلئ ليجو اهلنا بيلحقونا عالقاعة .
كاترين : اي يلاا.
( كم انتظرت هذا اليوم بكامل شوقي لنكن معاً يد بيد لنتقاسم الفرح ولكن شاء القدر وفرقنا )
كان يوم من عمري كلشي كان ميسر حتى اني تكرمت من الأوائل عالدفعة معدلي كان عالي وبأهلني للدراسات العليا كذا دكتور ودكتورة قنعوني اني كمل دراسات عليا وانا لسا مالي مفكرة بهل القصة .. انبسطت بجمعتي مع ريتا وشغف هنن رفقاتي من اول سنة وتعاهدنا نتخرج سوا ونكون بالحفلة سوا وفعلا كنا مع بعض رمينا الطواقي سوا وتصورنا واحتفلنا بعد الحفلة طلعت انا وريتا وشغف لنتغدا بمطعم يلي منروح عليه .
ريتا : اديش مضى هاليوم بسرعة .
كاترين : عنجد .
شغف : صح كاترين بشو كنتي مشغولة من يومين .
كاترين : صارت قصة بالعيلة متل المسلسلات .
ريتا : بالله شو صار .
كاترين : طلع عندي ابن عمة تاني وكان ضايع .
ريتا : عنجدد وكيف لقيتو .
كاترين : قصة طويلة بس المهم اني كنت فيها من الشخصيات المهمة لان بسببي انا ووسيم لقيناه طبعا لان طلع توأم هو وأوس عرفناه والا كان مستحيل نشك فيه .
ريتا : هاد يلي كان شاغلك من يومين .
كاترين : اي كانت نتيجة فحص الDNA وبعدها احتفلنا نحنا والعيلة سوا عند عمتي ونمنا عندها .
شغف : واكيد بتكون عمتك مبسوطة .
كاترين : مو عاطية فرحتها لحدا .
ريتا : اي الحمد الله نشالله على طول الفرح مايفارقها .
شغف : تيابك كتير حلوين مشان هيك ماكنتي بدك تفرجينا ياهن .
ريتا : اي عنجد منين جايبتين .
كاترين : هدول ابن عمتي عملي ياهن خصوصي لهل اليوم ... بعدين انتو كمان كتير حبيت لبسكن اليوم .
شغف : بس اليوم .
كاترين : لا على طول كمان 😂😂.
ريتا : هيك ها بدنا نضل نلتقى مو اذا تخرجنا مانشوف بعض .
شغف : لا طبعا شو نغيب عن بعض .
كاترين : صح الجامعة جمعتنا بس اكيد مالح تفرقنا .
ريتا : ايي طبعااا ..
كاترين : ياالله يا بنات كتير جاية عبالي نقعد كمان بس صار لازم امشي .
شغف: اووف كاترين كل مرة هيك بدك تنسحبي .
كاترين : خلص الجايات اكتر من الرايحاات.
ريتا : منشوف .
كاترين : اي اي بتشوفو 😂 يلا سلاااام ياحلوين .
ريتا وشغف : سلااام .
-------------------------------------------------
كنان عم يحكي :
كنت بالمكتب فتحت الواتس عم حاكي ايلاف بشوف كاترين منزلة ستوريز فتحتهم لقيت صورها بتوب التخرج ياالله اديش طالعة حلوة كانت منزلة كذا صورة شي مع اختها وشي مع رفقاتها وشي لحالها مااقدرت ماعلق وباركلها .
---------------------------------------
كاترين عم تحكي :
كنت بالسيارة عم سوق بيوصلني مسج بفتح بلاقي كنان باعتلي : الف مبروك بتستاهلي كل خير 🤍
اوووف هاد شو خطرلو يبعتلي ماشالله شو صاحب واجب ال مبروك ال ماشي ياكنان فكرك عم تبعتلي عادي ولا كأن في شي ؟؟!!!!
نطرت شي ساعة وبعدها رديت عليه بس بِ الله يبارك فيك تسلم 💜.
---‐------‐-------------------------
عند عيلة نور:
بتكون نور والعيلة عم يودعو أويس وشيفاي لان عندن سفر .
نور ( وهي عم تبكي ) : يعني ضروري تسافر .
أويس: هاد شغلي شو اعمل .
تيم : مالحقنا نشوفك الا رايح .
أويس : مابطول هي سفرة روحة رجعة بكرى بكون عندكم انشالله مو هيك شيفاي احكي كلمة .
شيفاي : اي طبعا عمو مامنطول انشالله .
ميلا : هيك انت بتحب تخلينا نشتقلك .
أويس : مابتلحقي تشتاقيلي انتِ كل ماتشتاقيلي اطلعي على أوس كأني جنبك .
ميلا : عندو شغل بالمشفى .
أويس : وانا كمان عندي شغل .
أوس : خلص روح ولا تاكل همهم عندي .
أويس : يلا بدكن شي .
شيفاي : بالاذن .
نور وتيم : الله معكم .
ميلا : وقت يصحلك حاكينا .
أويس : اوك تكرمي يلا سلام .
ميلا : سلام .
أوس عم يحكي تركت اهلي بعد ما ودعنا أويس وطلعت عالغرفة لحاكي كاترين .
كاترين : الو ..
أوس : كيفك .
كاترين : تمام الحمدلله.
أوس : شو قال خبروني انو مدللة العيلة كانت حفلة تخرجها اليوم .
كاترين : لايمت بدكن تبقو عم تقلولي مدللة العيلة ؟؟.
أوس : لنلاقي لقب تاني .
كاترين : ترا انا صرت مهندسة اذا ماعندك علم .
أوس : لا لا مابيمشي حالو هاد اللقب فيه كلفة ورسميات .
كاترين : يعني لما منقلك دكتور بكون في كلفة ورسميات .؟؟!!
أوس : هيك شي .
كاترين : اممم هيك لكن.
أوس : شكلك لهيتيني بالاسم ولهئ ماباركتلك نشالله الف الف مبروك .
كاترين : يبارك بعمرك .
أوس : واخيرا خلصتي يعني .
كاترين : واخيرا .
أوس : اي الحمد الله انا عندي اليوم عملية مشان هيك لح تنفدي مني ومالح شوفك يلا بدك شي .
كاترين : سلامتك .
سكرت الخط وتنهدت وقلت بقلبي لهلئ مابنكر انو مكانتك بقلبي غير الكل ...
غيرت تيابي لروح على المشفى مشان العملية ..
‐‐--------‐-----‐--------‐-----------------------
كنان شاف رسالة كاترين وابتسم .
وقرر يروح عالنادي لعند جود من ضغط الشغل ماعم يقدر يروح طلع من المكتب وراح عالبيت لبس تياب النادي وراح عالنادي ...
كنان عم يحكي اول مافتت عالنادي لقيت جود بوجهي .
كنان : مرحبا .
جود : هلا .
كنان : كيفك .
جود : تمام .. شو شايفك هون بعد هالغيبة فكرتك غيرت النادي .
كنان : لو شو ماصار مابغيرو متعود عليه.... انا الشغلة المتعود عليها صعب اتركها وهلق رايح عالتمرين بدك شي .
جود : لا تقسى كتير على حالك لان العصبية والتمرين مابينفعوا تنين سوا .
كنان : لاتخاف علي بعرف كتيير منيح شو اعمل .
جود : عم انصحك انا وانت ساوي يلي بدك .
كنان : هو هيك .
(عصبية وتمرين قلتلي ماا .... كأنك متقصد تنكرزني
بسيطة )
----------------------------------------------
بتتصل كاترين بجود لما ترجع عالبيت وما تلاقيه .
كاترين : هاي جود وينك .
جود : بالنادي ليش في شي .
كاترين : شو عم تعمل بالنادي مابتعرف انو اليوم بدي ارجع وشوفكن كلكن مجتمعين .
جود : اسف بس عندي ضيف مو حابب امشي وهو هون .
كاترين : هاد الضيف اهم مني شكلو .
جود : طبعاا مو اهم ماعندك فضول تعرفي مين .
كاترين : مابدي اعرف خلص باي .
جود : تعي يا مجنونة وين بدك تسكري كنان عندي بالنادي .
كاترين : مين كنان .
جود : لككك كنان ماغيرو هلئ بطلتي تعرفيه .
"كاترين لمعت براسها فكرة"
كاترين : اطلب منك طلب .
جود : شو ؟؟!!.
كاترين : روح لعند كنان وعزمو على حفلة التخرج .
جود : لييش شو الها داعي .
كاترين : هديي مو مشاان شي بس حابة يجي عالحفلة وجاكروو شوي .
جود : طيب ماشي .
كاترين :حدااا خبرك من قبل انك احسن اخ ؟؟؟!!.
جود : حاج كولكة وروحي شوي وبجي .
كاترين : خود وقتك عادي يلا سلااام .
جود : هلئ صار خود وقتك موو بايباي .
بعد ماحكيت كاتربن حملت مفاتيح السيارة وموبايلي وطلعت من غرفتي لاتجاه كنان .
جود : كناان ممكن توقف تمرين شوي لنحكي .
كنان : نعم .
جود : قبل ما امشي قلت بجي بعزمك على حفلة تخرج كاترين .
كنان : .......
جود : الحفلة ح تكون بالمطعم يلي عالشط يوم الخميس .
كنان : .....
جود : مابدك تحكي شي ؟؟؟!!
كنان: بهمك وجودي او لح تفرق معك مثلااا ؟؟؟!! ... عكلن شكرا عالعزيمة .
جود : انا مابتفرق معي بس اكيد بتفرق معك انت .
" حكيت كلامي وتركتو وطلعت من النادي "
-----------------------------------------
بالفيلا عند كاترين :
كانت كاترين اعدة مع امها واختها بيجي ابوها وحامل علبة حمرا صغيرة بقرب لعند كاترين وبيعطيها ياها .
كاترين شو هاد بابا .
يحيى : هي هدية تخرجك يلاا فتحيها .
كاترين : يلا .
" فتحت الهدية كان فيها مفتاحين "
كاترين : شو هدول المفاتيح .
يحيى : هدول واحد منن مفتاح سيارتك الجديدة والتاني مفتاح مكتبك المستقلبي .
بتعانق كاترين ابوها وبتبوسو وبتقلو : لككك يخليلي ياك يارب .
يحيى : يحميلي ياكي .
كاترين : بابا بس ليش السيارة انا عندي .
لميا : بنتي سيارتك هي ما حبيت فالها عليكي ابداا شفتي شلون عملتي حادث وبلطف الله نجيتي منو .
كاترين : ماتذكروني فيه شي ومضى .
يحيى : بنتي هاد المكتب جنب مكتب اختك حتى تبقو سوا بس عندي شرط مابتشتغلي فيه غير لتدربي بمجالك لمدة سنة ونص اقل شي بعدين بتفتحي لحالك .
كاترين : بابا بس مو هيك كتير .
يحيى : لا حبيبتي اختك هيك كان شرطي الها ووافقت سأليها .
كارولين : اي اختي افضل بتكتسبي خبرة اكتر انا متلك اول الشي عارضت بس بعدين عرفت كيف هالشي لصالحي .
كاترين : ماشي متل مابدكن .
جود : شو هاد يلي متل مابدن .
كاترين : واخييرااا جييت .
جود : اي حاكيتيني من هون وفورا اجيت ... هلئ ماقلتيلي شو هاد يلي متل مابدكن .
كارولين : بابا عطاها لكاترين مفاتيح مكتبها بس قلها ما بتشتغل فيه غير لتدرب وتكسب خبرة شي سنة ونص .
لميا : وطبعا اختك كانت اول الشي معترضة انها تدرب سنة ونص بس بعدين اقتنعت .
جود : اي منيح بعدين فيكي بعد ماتدربي منيح تشتغلي اضافي بمكتبك عالخفيف.
كاترين : اييي فكرةة حلوة .
يحيى : هيك هااا على طول بدي شوفك فرحانة .
كارولين : لما بقلكم مدللة العيلة ماحدا بصدقني .
جود : مبلا مبلا انا مصدقك .
الكل : هههههههه .
كاترين بتاخد جود على طرف .
كاترين : شو صار معك قلتلو لكنان .
جود : اي قلتلو .
كاترين : اي منيح ماقلك شي اذا جاية .
جود : لا ماخبرني ... بعدين تعي لهون شو خطرلك تعزميه .
كاترين : بالنهاية هو ساعدني بمشروع التخرج ومالح انسالو هالمنيحة وغير هيك انا مو حابة احكي معو ولما قلتلي عندك لقيت من حظي انك انت تقلو .
جود : ايواا .
بتجي كارولين لعندن .
كارولين : شو عم تحكو هون لحالكن .
جود : ولاشي مافي شي مهم مشو نرجع لعند ابوكن وامكن .
--------------------------------
عند كنان يلي بعد ما خلص تدريب طلع من النادي ورجع عالبيت عمل دوش سريع وتسطح بالتخت وعم يفكر بحفلة كاترين ... ياترى هالعزيمة من كاترين ولا جود ؟؟؟!! لازم فكر بهدية اذا هيك .. يلا لسا معي كم يوم احسن شي نام وارتاح لان اذا بقيت فايق بدي ابقى متذكر كاترين نفسي افهم شو عملت في هالبنت حتى تأثيرها قوي عليي .
-------------------------------
تاني يوم الصبح صحيت كاترين وتفاجأت بخزانة من بلور وفي الها تاج ملوكي دهبي موجودة بغرفتها وفيها ورد زهري وابيض بأرضها وفي بقلبها قطعة تياب مغلفة مو مبين شو هي .
(كاترين عم تحكي )
لما صحيت وشفت شكل الخزانة بوشي نطيت لشوف شو يلي بقلبها على قد ماكان الشكل من برا حلو وملفت ف شلون من جوا لما فتحتها لقيت فيها فستاان حملتو بين ايدي وفردتو آخد عقلي من حلاوته كان طويل وفيه شقة كاشفة من الرجل اكتر مو مغطية كان كلو مشكوك وكمامو عريضة و طويلة لدرجة انها اطول من الايد ونازلة لتحت حتى انها بس بتغطي الايدين تغطاية يعني مابتنلبس ومشكوكة من شك الفستان لون الفستان كان الموف الهادي البارد يلي انا بحبو وانتبهت في درج بالخزانة فتحتو كان فيه سكربينة تناسب الفستان وكأنن انعملو خصيصا ليكملو بعض وجنبها علبة اكسسوارات كمان بتناسب الفستان كان موجود تحت العلبة ورقة صغيرة فتحتا شفت مكتوب فيها
" اسمحيلي تكون هديتي الك بمناسبة تخرجك اني كون مسؤول عن اطلالتك يوم حفل تخرجك..
....وسيم..... "
صرت نطوط من الفرح وعلى قد ماني متفاجأة ومبسوطة اتصلت فورا على وسيم .
كاترين : صبااحو .
وسيم : صبااحو فل .
كاترين : واحلى صبااح وقت يلي صحيت وشفت الكادو بالغرفة عنجد شكراا كتيير .
وسيم : معقول بيناتنا ومن كل عقلك عم تتشكريني.
كاترين : لككك انت شو .. ؟؟؟!!عنجد بدي اتشكرك مرة ومرتين وتلاتة .. على هالهدية كتييير حبيتا الفستان وكلشي بياخد العقل .. هييك كتير عليي .
(وسيم عم يحكي بعد ماحطيت الهدية بغرفتها نطرتها تفيق وانا ناطر بالصالون تحت ولما اتصلتلي حاكيتها من تحت وهي ساردة بالحكي طلعت شوي شوي من غير ماتحس لعند غرفتها وتسندت على الباب وانا لسا فاتح الخط وعم احكيها )
وسيم : مافي شي كتير عليكي .
(كاترين عم تحكي لما رد عليي حسيت صوتو قريب اطلعت عالباب كان واقف وعم يحاكيني ركضت عليه وعانقتو وصرت نطوط ) .
وسيم : لكك شبكي يا مجنونة اذا هيك كل مرة كل يوم بجبلك هدية .
كاترين : ليش لاء لان شكلي حبيتها كتير .
وسيم : واضح انك حاببتيها من غير ماتحكي .
امها لكاترين كانت واقفة وعم تضحك عليهم .
لميا : الله يديم الفرحة بقلوبكم.
وسيم : تسلمي مرت خالو .
كاترين : يخليلي ياكي مامي .... بتلتفت على وسيم وانت كيف مفوت كل هي على غرفتي بدون ماحس .
وسيم : سألي امك .. كيف كنتي نايمة وغاطة لدرجة .
كاترين : انااا ؟؟؟.
لميا : ايي انتِ.
كاترين : يلا من حظي مشان اتفاجأ 😂😂.
لميا ووسيم بيضحكو على حكياتها .
لميا : يلا مشو يا ولاد مشان نفطر .
كاترين : ماما ليش ماحدا مبين .
لميا : الكل راح على شغلو وانتِ نايمة .
كاترين : اووف شكلي غاطة عنجد .
وسيم : يلا بكفي كسل غيري تيابك ونزلي عالفطور .
كاترين : يلا لاحقتكن .
مشيت عالحمام غسلت وجهي وبدلت تيابي ولبست شورت ابيض وتيشرت حمرا .
------------------------------------
عند كنان :
صحيت من نومي عملت دوش ع السريع ولبست بنطلون اسود وقميص ابيض نزلت عالصالون كانو اهلي عم يفطرو .
كنان: صباح الخير .
رأفت : صباح النور ابني .
ميس : صباح الورد يلا تعا عالفطور .
كنان : مبلشين بدوني شايف .
بانا : شكلنا تعودنا عليك صاير كل يوم عم تطلع بكير وماعم تفطر معنا .
كنان : كان عندي ضغط بالشغل .
رأفت : لو تجي وتتسلى بالشغل عندي مو اريحلك .
أُبي : اي وبتاخد كتف عني شوي .
"بيطلع كنان على أُبي وبيعطيه زورة وبيلتفت على ابوه "
كنان : بابا انا شغلي بحبو وهي دراستي بينما أُبي درس ادارة اعمال خصوصي ليساعدك بالشغل .
رأفت : هاد كلامك مابتغيرو .
كنان : يلي فيه عادة مابغيرها .
" برن تلفون كنان بيطلع المتصل ايلاف "
كنان : اهليين والله شو ذكرك فينا .
ايلاف : اي خرااس وقوم انا بالمطار .. تعا استقبلني .
كنان : وانا عم قوول ليش اليوم اسطنبول مو منورة .
ايلاف : بوجودك يلاا قوووم .
كنان : ليكني جاااية .
" بيفصل الخط وبيستأذن من اهلو .
-------------------------
عند كاولين :
" اتصلت بأوس لخبرو انو لازم نطلع لنوصي ع هدايا "
كارولين : هاااي أوس .
أوس : هلاا كارولين .. كيفك .
كارولين :تماام ... بدي خبرك انو انا فاضية بتحب امرق ونروح سوا .
أوس : اي تمام بعد ساعة بلاقيكي جنب المشفى عندي .
كارولين : اوك .. سلام .
أوس : سلاام .
______
كاترين عم تحكي ....
نزلت لعند امي ووسيم فطرت معهم ...
وسيم : اي شو عندك اليوم .
كاترين : كنت ناوية انزل عالسوق بس انت ريحتني .
وسيم : اي منيح لكن اليوم بقية نهارك معي .
كاترين : شكلك نسيان انو عندك شغل .
وسيم : شغلي بميلانو اولا .. وتانياا عادي متل لما كنت اقدر نسق بين اقامتي بدبي وميلانو هلئ بقدر نسق بين اسطنبول وميلانوو ... بعدين بفهم منك عم تتهربي مني .
كاترين : لا معقول ارفض شي طلعة انا بتعرفني .
لميا : كاترين اسرع منها للروحة والجية مافي .
كاترين : اميي.
وسيم : اي قومي لكن جهزي حالك .
كاترين: جاهزة .
وسيم : هيكك رايحة .
كاترين : اي هيك .
وسيم : يلا لكن بدك شي مننا مرت خالو .
لميا : الله معكن انتبهو على حالكم .
طلعت انا ووسيم من الفيلا وركبنا بسيارة وسيم ومشينا .
-------------------
جود فات عالشركة ومتجه عالمكتب .
حلا : صباح الخير استاذ .
جود : صباح النور جيبيلي قهوة على المكتب .
حلا : تكرم استاذ .
بعد مافات عالمكتب واستقر على كرسيه دور بين الملفات وفي شي ناقص ... بيتصل على مكتب حلا وبيحكيها .
جود : حلا تعي شوي .
""ومابينطر ترد بكون مسكر .. بتدق الباب وبتدخل ""
حلا : نعم استاذ طلبتني .
جود : ملف مناقصة بكرى وينو..
حلا : مبارح كنت عم تشتغل عليه واخدته معك تكمله.
وسيم : روحي لشغلك .
" اتصل جود على امه بالبيت "
جود : كيفك ماما .
لميا : اهلين ابني الحمد الله .
جود : زكاتك شوفيلي بغرفتي نسيان شي ظرف .
لميا : يلا لحظةة......
بعد دقيقتين ...
لا مو نسيان شي .
جود : طيب شوفيلي طاولة السفرة او اي شي بالبيت .
لميا : ماشفت هيك شي ابداا .
جود : ماشي بدك شي .
لميا : سلامتك .
جود عم يحكي : اووف وين بدو يكون راح هلئ وقته يعني فيه كل الحسابات ومستحيل اقدر ارجع اعمل غيرو من هون لبكرى .. رجعت اتصلت بحلا .
جود : شو صار معك بل قهوة .
حلا : يلا استاذ خبرت ابو عمر وهلئ بجيبو .
-------------------------------
بهاد الوقت بكون وصل كنان لعند ايلاف عالمطار .
كنان: هلاا والله طلعت عنجد انت هون .
ايلاف : لا انا هنيك .
كنان : لما قلتلي انك جاية ماصدقت .
ايلاف : ولسعتك مو مصدق .
كنان : لا هلئ صدقت يلاا وين بدك اخدك .
ايلاف : مو لمكان خدني عالبيت بدي شوف اهلي .
كنان : عم اشتغل عند حضرتك شفير لأني تركت شغلي واجيت لعندك .
ايلاف : لكك انت ماصرلي مدة وشايفك بس اهلي صرلي زمان .
كنان : اممم اذا هيك قنعتني يلا امشي .
" حملو الشناتي وحطوهم بالسيارة ومشيوا ."
كنان : شو اخبار الصحافة عندكن .
ايلاف : غير شكل من ورا الفتيشة يلي رميتها .
كنان : انا مارميت شي حكيت الحقيقة يلي عم يخبوها .
ايلاف : الحقيقة قلتلي ..
كنان : اي وهلئ هديت الاوضاع ولا لسا الخبر مطروش.
ايلاف : الاخبار يلي عم تطلع فورا عم ترجع تنخفى وبيرجع بيطلع شي جديد وبرضو اخرتو متل يلي قبلو شكلو قدرانين يسيطرو عالصحافة منيح حتى الصحافة عم تسحب كلامها .
كنان : هيك لكن اي شو عليه ..
""""""""""
عند كارولين وأوس .
أوس : برأي هاد وهدول مع هدنك كتير تمام بيطلعو .
كارولين : ايي تمااام ولسا كمان بدي جيب .
أوس : اي نقي انتِ لان هي مو شغلتي انا شب .
كارولين : جبناك يا عبد المعين لتعين .
أوس : ليكون مو عاجبك .
كارولين : لا معقوول يعني .
أوس : هيك هدية كان لازم تقولي لميلا تجي معك مو انا .
كارولين : انا يلي جبتك معي ولا انت يلي جبتني ودقيتلي وقلتلي تعي منجيب الهدية سوا .
أوس : اي شو عرفني انو هيك هديتك .
كارولين : يلا خلصت حاج نق صحيه بكرا دورك ولا دوري .
أوس : مابتفرق يلي بدك .. اليوم كان دور مين .
كارولين : اليوم وسيم ومبارح بابا .
أوس : اممم .
"""""""""""""""""""""""
عند كاترين يلي طلعت هي ووسيم وعم يتفتلو من مكان لمكان وماخلو مطرح ما راحوله .
كاترين : شو خطرلك تاخدني وتبتلا فيني طول نهار .
وسيم : المشكلة مو بس انا لح ابتلى فيكي طول نهار كل يوم بدك تكوني بلوة لحدا .
كاترين : شو قصدك مافهمت .
وسيم : معك معك بتفهمي لاتستعجلي على رزقك .
كاترين : طيب .
(الفكرة انو كل حدا من العيلة بدو يعطي كاترين هديتها رح يقضي معها كل اليوم هنن عملوا هالاتفاق بينن )
"""""""""""""""""""""""""""
كنان بعد ما وصل ايلاف عالبيت راح عالمكتب ليشيك على الشغل بعدها طلع من المكتب كان عندو اجتماع وبعد الاجتماع اتغدى ورجع عالبيت غير تيابو ليلبس شي يناسب ال gym .
""""""""""""""""""""""""
عند جود
جود عم يحكي .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```