الفصل 13
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴3️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين : وانا طبعاا مو .
أوس : كمان مو .. في شي تاني .
كاترين : سلامتك بتعرف اي ساعة النتيجة .
أوس : غالبا عال ٧ .
كاترين : اي تمام منحكي اذا هيك .. يلا سلام مابدي عطلك .
أوس : اوك .. سلاام .
" رجعت اتصلت لأويس وخبرتو عالوقت واتفقنا اتلاقى انا وياه ونروح سوا ورجعت لعند البنات "
شغف : شو يااا احاديث بالموبايل على طرف ..
شو مافيكي تحكي جنبنا .
كاترين : مبلا فيني بس مشان ما اتشوش بحكيكم وماركز بيلي معي عالتلفون .
ريتا : اممم قلتيلي .
كاترين (بتطلع ع الساعة بتلاقيها صارت ٣٠: ١٢ .. سلمت ع رفقاتها وقررت ترجع ع البيت ).
""""""""""""""""""""""""""""""
عند كنان بالمكتب .
السكرتيرة : استاذ كنان اتصل بغيابك عامر بيك وطلب مني انو يشوفك ..انا خبرتو انك مسافر لكم يوم .. واليوم رجع اتصل فيني ليشوف اذا بعدك مسافر او رجعت وعطيتو موعد بعد نص ساعة لأن دققت بجدول المواعيد ولقيتو مافيو كتير ضغط .
كنان : اي تمام .
بعد نص ساعة اجا عامر ودخلته السكرتيرة ع مكتب كنان ..
كنان : اهلا عامر بيك .
عامر : اهلاً فيك كنان بيك .
كنان : شكلك فكرت بموضوعنا مشان هيك قررت تعملي زيارة شخصية .
عامر : بعطيك موافقتي بس بشروط .
يتبع .....
البارت الحادي عشر
كنان : موافق بدون ما اعرفهن ....وانا بوثق بكلامك شو ما كان ... وشروطك مقبولة بدون ما اسمعها .
عامر ( بمد ايدو وبسلم ع كنان ) : بشكرك ع ثقتك فيني وانشالله بصير خيير .
كنان : شكرااا.
"""""""""""""""""""""""""
بتوصل كاترين ع الفيلا بكونو كارولين وامها وجود اعدين بالصالة بتدخل بدخلتها المعتاد عليها ..
كاترين : كيفكن يا حلوين .
جود (بهمس ) : خوود ع دلال هلئ .
كاترين : سمعتك يا غيور .
لميا : هلاا بكاتوو .
كاترين:هلا فيكي يعمري .
كارولين :كأن نسيانة شي انت .
كاترين :لا متذكرة وليكني قايمة جيبهن .
جود :انشالله ما نكون منسيين .
كاترين : شو مفكرني متل بعض جماعة بلا ذكر اسماء يعني .
جود : شو قصدك وليه مدللة .
كاترين : شفت كيف انك غيوور .
جود :خلص خلص سكتيي العلقة معك مو سهلة ابدا .. يلا يلا تحركي لشووف تشوقت .
كاترين : يلا تكة وبرجع .
طلعت كاترين ع غرفتها جابت شنطة الهدايا ونزلت .
كاترين :هاا جييت .
كارولين :يسلااام الهيئة هدايا حلوة .
جود :لا تتحمسي كتييير لأن بجوز تطلع تلت رباعها لحضرة السيدة كاترين .
لميا : ليش حاطت دابك من دابها اليوم لكاترين .
جود : بدنا نهز الورد لنشمو .
كاترين : يلاا تعو شوفو هداياكن الحلوة .... اول الشي لماما هاا ( طلعت تيااب من الشنطة عبارة عن بنطلون جينز عريض مع تيشيرت وكماان بورتكليه نص باسمها والنص التاني مكمل باسم ابوها .... اما عن الهدية المشتركة يلي بين امها وابوها ويلي هية كريستالة بس تشتغل ع الكهربا بيطلع صورة بقلبها لامها وابوها بشكل ثلاثي الابعاد " 3D " ).
لميا : ياا قلبيي اناا مابدي غير سلامتك ليش هيك جايبة ومعزبة حالك .
كاترين: ما بيغلى عليكي شي ماما حبيبتي .
جود : ايي لكن العز للرز والبرغل شنق حالو .
لميا :ولاا طلعت انا رز يعني .
جود : لا لا اعوذ بلله انت الاصل .
كاترين :يلا دورك صار جود افندي ( طلعت ماغ مرسوم عليه اثقال ومكتوب عليه عضلاتو كبار وعقلاتو صغار .. وكمان مجسم لشخصية بباي حامل اثقال وعم ياكل سبانغ .. اما عن اخر هدية فهي عبارة عن ساعة بتحسب اديش حرق كالوري حسب اديش ركض ) .
جود : لتكوني مخربطة انت وهدول مو لالي .
كاترين : مافي غيرك ابو عضل لمين بدي جيبهن يعني .
جود : قلت لحالي كل هاد لئلي .. يسلمن كتيييير حلوين .
كاترين :الله يسلمكك المهم يكونو عجبوك .
كارولين : احم احم نحن هنا .
كاترين : ها اجا دورك ( جابت لكارولين شنطة كبيرة فيها ميك أب من جميع انواعه ..وعطتها ياها )
كارولين : ياعمري مااحلاهن هدول بكفوني لسنة ... لوف يوو .
كاترين : باقلبي وفي هاد التوب من وسيم هاد مشان وقت يكون عندك شي قضية تلبسيه وتذكريه شوفي كيف كاتب عليه اسمك من هون وكمان صمم واحد تاني باسم امك .
كارولين : ييي ماأحلاه .
لميا : مافي منو هالوسيم .
جود : واناا مابعتلي شي .
كاترين : اي صح كان لازم يبعتلك شي تيشرت او فستان تلبسو .
جود : عم تتمسخري يعني .
كاترين : والله مابعرف مين عامية على قلبو الغيرة انا ولا انت .. شكلك نسيان انو وسيم ديزاينر بس للبنات ومابصمم شي للشباب .
جود : لانو دب .. شو بدو بالبنات نحنا الشباب احسنلو .
وسيم : شو عم اسمع مين الدب .
جود : من ايمت انت هون .
وسيم : من وقت ماقلت عني دب .
جود : ليش الكذب فعلا دب .
وسيم : طب ماشي الك معي هدية ومالح اعطيك ياها .
جود : انت احلا دب يعني كيف بدي قلك دب بس لطيف .
وسيم : برأي تسكت احسن .
كاترين : اي عنجد لان بدال ماتكحلها عم تعميها .
كارولين : وسيم عنجد ميرسي عالهدية كتير حبيتا .
وسيم : ولوو مافي بيناتنا .
لميا : يسلم ايديك وسيم عذبت حالك .
وسيم : الله يسلمك يعني اقل منها اتذكركن بكادو بسيط .
جود : اي تذكرن وماتذكرني .
وسيم : عنجد انك بتنق اكتر من البنات .
جود : 😑.
وسيم : هي هديتك معقول انساك يعني .
جود (بحماس) : فرجيني ..
وسيم : تفضل .
جود : شو هااد تيشرت اسود سادة .
وسيم : اي صح سادة بس فيه ميزة انو بينلبس للجيم ووقت بتوصل لمرحلة منيحة بالتدريب بتظهر عليه جملة بتقلك يكفي الى هذا الحد اليوم يمكن العودة للمنزل .
جود : عنجدد .
وسيم : اييي عنجد .
جود : اكيد مو تصميمك .
وسيم : مبلا تصميمي بس انا ماكنت مخبر كاترين عالفرع الرجالي يلي عندي .
جود : حبيتااا .. جبلي منها كمية اعمل قسم خصوصي بالتيشرتات بالنادي بيع منن .
وسيم : هههه مابك شي صاير عم تفكر .
جود : على طول بفكر انا .
وسيم : اي على طول بس مو على طول بتزبط معك .
جود : يلا كمان اتمسخر علي .
وسيم : لا ابدااا .....
كارولين : كاترين .
كاترين : عيونا .
كارولين : مابدك تفرجينا شو جبتي تياب .
كاترين : لا مفاجأة كل ما البس قطعة بتشوفوهم .
وسيم : على هالحالة بدكم تبقو عم تتفاجئو سنة لقدام لأن مابقي قطعة تياب ماجابت منها .
الكل بيضحك .
"""""""""""""""""""""""""""""""""""
بالفيلا عند اهل كنان بكونوا الكل قاعدين بجية كنان .
كنان : مسا الخير .
بانا : يا مسا الفل بأخي الحلو .
ميس : خير بانا شو القصة حتى هيك عم تحكي مع كنان .
بانا : مافي شي ماما ضروري يكون في شي يعني
أٌبي : مبلا في .. في الهدية .
كنان : الدنيا مصالح .
بانا : هيك طلع معكن الله يسامحكن .
كنان : خليكي هون عم تتمسكني لوقت ماكون جبت الهدايا وجيت .
بانا : لككك يخليلي يااك .
كنان عم يحكي :
طلعت على غرفتي جبت شنطة الهدايا ونزلت وبلشت من عند ابي وبعدين امي بعدين باناا كلهم عجبوهم الهدايا و لسا بقيان أُبي ماعطيتو هديتو .
أُبي : يا امي طلع عندك ابن مذوق عرفان شو يجبلكن .
كنان : انا من طول عمري مذوق .
أُبي : اي اي مذوق مشان هيك ماجبتلي هدية .
بضرب على جبيني بمعنى اني نسيان ....
كناان : لككك اييه والله كيف نسيتك انت .
أُبي : نسيتنيي ؟؟!! بتعرف تذكر انو عندك اخ ليجيبك من المطار ومابتعرف تذكر انو عندك اخ وقت تجيب الهداياا .
كنان : ااااه صح على سيرة المطار ذكرتني لازم اتصل بايلاف .
بطلع الموبايل الجديد من جيبتي وتقصدت أُبي يشوفه وهو شافه وهو فتح عيونو وتمو .
أُبي : شوو هاااد .
كنان : شبك عم تحكي بوجهي بدي اعرف احكي معه .
أُبي : لتحكي معو بتفهمني شو هاد .
كنان : اي ايلاف .. لا ولا شي بس هاد اخي ... اي تمام .. اي رجعت ..
أُبي : انا ناطر تخلص .
كنان : لكككك ... اي ايلاف خلص بحاكيك بعدين لانو شكلو أُبي مالح يهنيني ... يلا سلاام .
كنان : شو أُبي شووو .
أُبي : كأنك مشتري موبايل جديد .
كنان : اي وشو مشكلتك .
أُبي : وليش مابتخبرني مثلا .
كنان : ليش لازم آخد الموافقة منك مسيو أُبي .
أُبي : لا طبعا .
كنان : اي تمام اذا هيك .
أُبي : ليش ماجبتلي واحد بدل يلي نزعتلي ياه .
كنان : انااا جبتلك واحد غيرو وخلصنا من هالقصة .
باناا : يووه أُبي فظيع شو بتنق .
أُبي : اي اي تعي معو طبعاا شي طبيعي بعد ماعطاكي الهدايا .
ميس : كنان معقول هيك بتنسى اخوك ماحبيتا منك .. يعني كلشي الا السيد أُبي .
أُبي : قلبت مسخرتكن شايف .
الكل : ههههههه.
كنان : خلص زعلت عليك بكفي لهون انا برأي... تعا تعاا خود هديتك .
أُبي : شفقة ؟؟!!
كنان : بتجي بتاخدها هلق وبدون حكي او معد في .
أُبي : طبعا بجي .
كنان : تفضل .
أُبي : شو هاد .
كنان : موبايل نفس يلي شفتني عم احكي فيه وعيونك بظو .
أُبي : انا بعرفك انك كريم بس ماكنت متوقع لهالدرجة .
كنان : انا بحب اثبتلك .
""""""""""""""""""""""""""""""""""""""""
عند كاترين :
كنت اعدة بالصالون مع اهلي فجأة رن تلفوني كانو شغف وريتا استأذنت من العيلة وطلعت ع غرفتي .
شغف :ليش طولتي لرديتي .
ريتا : بتكون غاطة ابصر وين .
كاترين : لك تضربو كنت بالصالون مع اهلي .
ريتا : خلص سامحناكي .
كاترين : فضلتي علينا انسة ريتا .
شغف : لكك حاج هلئ خلونا بالموضوع الاساس .
كاترين : اي صح ليش داقين .
ريتا : قررنا قرار .
شغف : قصدك انا يلي قررت .
ريتا : هلئ تنيناتنا واحد .
شغف : لاا ياا افكاري خليها لالي بس .
كاترين : لككك احكو بقى .
شغف : لما حفلة التخرج يلي بالجامعة نجيب مصور او مصورة خصوصي مشان صور التخرج .
كاترين : اي طبعا ... هيك لازم فكرت عندكن شي فكرة عليها القيمة .
شغف : هيك عم تحكي بدل ماعم نذكرك كرمال ماتنسي .
ريتا : هالبنت مابتقدر افكارنا .
كاترين : ييي علينا غلطت وهيك حكيت ... برأي شوفو شي حدا يكون تصويرو حلو بعدين تعو قلولي لاتشكركن على جهودكم .
شغف : ريتا انتِ دوري انا بكفي تعبت وفكرت .
كاترين : لا جد انتِ ولا فيوز .
ريتا : خلص خلص انا هلئ بروح بعمل بحث على افضل فوتوغرافر .. يلا تشااو .
شغف وكاترين : تشااو .
""""""""""""""""""""""""""""""
اليوم التالي :
كاترين عم تحكي .
بصحى من نومي كالعادة بعمل دوش وبشرب نسكافيه مدري شو خطرلي احمل الموبايل وفتش ب أكونت كنان لقيت منزل بوست فيه صورته بالمطار وكاتب فيه عبارة لما شفتها حسيت بغصة مدري ليش حسيت انو هالكلام أثر فيني من جوا .
..... البوست :
"في علاقات بتخلق حجر الاساس بقلبنا بس بموقف واحد صغير بتنتهى وبتسرق معها شغف وحبنا للحياة"
يالله شو قصدو ؟؟؟!!! هييه شو صرلي انا عم فكر فيه يصطفل شو مابدو يعمل ويساوي انا ماخصني نسيانة شو عمل فيني احسن شي اطرد هالافكار من عقلي وانزل عالفطور .
"""""""""""""""""""""""""""""""""""""
عند كنان عم يحكي :
صحيت من النوم عملت دوش عالسريع ونزلت عملت رياضة بحديقة الفيلا وبعدها فطرت مع اهلي ومشيت عالمكتب اتصلت على ايلاف .
ايلاف : يا فتاح ياعليم شو ذكرك فيي من بكير .
كنان : الواحد بقول صباح الخير ...
ايلاف : صباح النور خير .
كنان : ايمت نازل على اسطنبول .
ايلاف : مابعرف لسا .
كنان : شلون يعني مابتعرف لا تجنني بدك تحدد وقت .
ايلاف : ليش بالله ليكون لسا بدك شي من هون لسا كان بقيان تحمل ميلانو وتحطها بشنتايتك .
كنان : شكلي كان لازم ضبك انت بالشنتا ... المهم رتب امورك مشان تجي زيارة لهون ولا مو ناوي تشوف اهلك .
ايلاف : طبعا ناوي كيف لكن ما انا كل نزلتي كرمالن .
كنان : اي كتير منيح وهلق صار لازم سكر سلام .
ايلاف : على كيفك لان بتفتح وبتسكر .
كنان مارد على ايلاف وفصل الخط بوجهه.
ايلاف : عم تفصل بوجهي انا بفرجيك بس لشوفك .
"""""""""""""""""""""""""""""""
عند كاترين :
كنت عم افطر مع اهلي بيوصلني مسج من أوس اكدلي انو اليوم النتيجة وبدو ياني كون معهم بالمشفى بعد ماخلصت فطور ... مضى الوقت وصارت الساعة 5ونص طلعت غيرت تياب البيت ولبست افرول لونو ازرق وفيه حزام ابيض عملت شعري سنبلة ومكياج خفيف كتيير بعد ماجهزت اتصلت بأوس وخبرتو اني جاية انا وأويس سوا .
""""""""""""""""""""""""""""
عند أويس وشيفاي :
أويس : انا خايف من النتيجة .
شيفاي : ما تعتل هم شي انت قوي وشو ماكانت النتيجة لخير .
أويس : بركي طلعت النتيجة ايجابي انا شو موقفي بعد ماشوف عيلة غريبة عني كيف بدي اتقبل انو هي عيلتي يلي حكون معها طول عمري عيلة غريبة عني بدها تصير اقرب حدا مني .
شيفاي : انت عم تزودها بأكدلك اول ماتشوف امك او ابوك بدك تشعر بحنيتهم يلي انحرمتو هاد الشي كفيل انو يطرد كل الافكار يلي براسك بس مو اذا صار عندك عيلة تنساني انا رفيق دربك وعمرك .
أويس : معقول لككك انت اخي يلي ما ولدتو امي .
شيفاي : اي منشوف .
أويس : هاا كاترين عم تتصل شكلها وصلت يلا انا طالع ادعيلي .
شيفاي : خبرني شو بصير معك .
أويس : طبعاا بخبرك سلااام .
شيفاي : سلااام .
أويس عم يحكي :
طلعت لقيت كاترين ناطرتني بالسيارة .
أويس : هااي كيفك .
كاترين : هاايات تمام وانت .
أويس : تمام .
كاترين : جاهز .
أويس : مو كتيير .
كاترين : لااا ليش مافيها شي القصة كلو شقفة تحليل .
أويس : هاد التحليل بدو يقلبلي حياتي .
كاترين : نشالله بيقلبها للاحسن انت بس قول يارب ... منمشي ؟؟ .
أويس: منمشي .
وصلنا عالمشفى كان أوس ناطرنا بغرفته ...
كاترين : هااي .
أويس : مرحبا .
أوس : اهليين تفضلو ... التحليل وصل وهو عالمكتب ناطركن لينفتح .
كاترين : يلا فتحو .
أوس : شو رأيك انتِ تخبرينا بالنتيجة .
كاترين : هات لشوف .
اخدت كاترين الظرف وفتحتو كانت ردة فعلها باردة ماعطت اي شي ممكن يلمحلنا بالنتيجة .
كاترين : حسب هالظرف يلي بين ايدي وحسب هالتحليل يلي حاملتو وحسب يلي قرئتو هي الورقة عم تخبرني انو كان عندي ابن عمة واحد وصارو تنين .
رعشة مشيت بجسمي لما سمعت كلامها مو عرفان شو اعمل ... اطلعت بأوس كانت ردة فعلو مو اقل من ردة فعلي .
كاترين : شبكن جمدانين هييك تعو عانقو بعض واحمدو الله يلي جمعكن .
كاترين عم تحكي : بعد ماحكيت النتيجة بقيو هنن التنين بأرضن كأنن مو متوقعين النتيجة قربتن لناح بعض خليتن يعانقو بعض .
أوس ( عم يحكي وعينو حابسة الدمعة ) : يعني انت توأمي .
أويس ( وهو مبتسم ) : هيك عم يقول التحليل.
أوس : اديش هالدنيا صغيرة .
كاترين : وصغيرة كتير شايف كيف فرقتكن وجمعتكن ايمت ناوين تخبرو عمتي .
أوس : بالوقت يلي بدكن .
أويس : في مجال اليوم لان عندي سفر بعد يومين .
كاترين : سفر شو نشالله مفكر عمتي تسمحلك بهالسهولة .
أويس : مضطر هاد شغلي و غير هيك ماني مطول .
أوس : طيب بما انو هيك بدك اليوم منخبر امي .
كاترين : ووين بدنا نجتمع فيها .
أوس : اليوم العيلة لازم كلها تجتمع .
كاترين : كييف ؟؟.
أوس : بعزمهم على مزرعتنا وهلق بخبر امي مشان تروح عالمزرعة لان العيلة جاية وبدهم ينامو عنا .
أويس : وانا كيف بدي اجي يعني انتو بدكم تخبروها عني بل اول ولا كيف .
أوس : تعو لقلكم التفاصيل .
................
(بيحكيلهم أوس كلشي وبيعزم العيلة كلها وكلن جايين رغم انهن استغربوا من هالعزيمة المفاجئة بس أوس قنعهم وأويس اتصل بشيفاي وخبرو بيفرحلو كتيير )
""""""""""""""""""""""""""""""""""""""
كنان غرقان بالشغل وعم يحاول يخلص اكبر قدر ممكن لان بسبب السفر على ايطاليا صار عندو كومة شغل رغم انو كان عم يحاول يمشي شغلو من بعيد بس هالشي ماكان كافي .
""""""""""""""""
المسا بحديقة المزرعة
نور واقفة على جنب طلعت موبايلها لتتصل بأوس يلي جمع العيلة ومو مبين فجأة قبل ماتتصل بتلمحو جاية من بعيد
نور : هاااا واخيرا اجااا أوس ... اهلين أوس وينك لهلئ امي .
أوس بيبقى ساكت ... وعم يمشي باتجاهها.
بس لما بيوصل لناحها ويصير قبالها بتتجمد بأرضها وملامحها بتتغير بتركض عليه وبتكمشو من كتافو
وبتحكي بحرقة :
أويس والله أويس هاد انت .. هاد انت يا نور عيوني (بتحكي وهي عم تتحسس وجهه بايديها وتبكي ) .
أويس : كان واقف وعم يطلع فيها وماعم يتحرك .
وهي صارت تعدي ايديها على وجهه وتنزل لكتافه وايديه وصارت تتفحصو .
نور ( عم تحكي وهي عم تبكي وشهقاتها ماقدرت تخفيهم ): ماعم احلم صح انا بحقيقة انت نور عيوني يلي ضيعتو من سنين انت روحي يلي راحت معكك .
الكل عم يطلع فيها ومصدوم بيجي زوجها وبيسحبها وبهديها .
تيم : نور هدي شبك منين طلعتي بقصة أويس هلئ هاد أوس اطلعي منيح .
نور بتبعد عنو وبترجع لعند أويس : لاا مو صح هاد أويس لككك هاد أويس اطلع فيه شوفو .
كاترين وأوس بكونو واقفين بعيد عنن وعم يتفرجو .. بتخطف كاترين نظرة على أوس بتلاقيه دمعت عينو .
كاترين ( وهي عم تحاول تهدي أوس ) : طول بالك .. بعدين لايمت نحنا بدنا نبقى متخبين هيك .
أوس : مالح نبقى متخبين كتير .
عند نور والعيلة .
كانت العيلة مستغربة من تصرف نور وماحدا عم يصدق حكيها .
تيم : ابني أوس احكي شبك ساكت خبر امك انك هاد انت .
أوس : لا مو انا .
بيلتفت الكل لجهة الصوت بكون أوس جاية هو وكاترين وعيونو مدمعين .
أوس : لا مو انا قلتها وبرجع بعيدها هاد مو انا هاد توأمي ونصي التاني هاد اخي أويس .
نور وشهقاتها عم تزيد بتركض وبتحضن أويس : قلتلكم هاد أويس ماصدقتوني.
بتحضنو وهي عم تبكي وهو ببادلها وبيحضنها كمان عيونو خانو وبكي حنيتها كانت واضحة لما حضنها حس بالأمان ... بتبعد نور عنو وبتحكي : مابدك تحكي شي لايمت بدك تبقى ساكت .
أويس ( وعيونو مليانة دموع) : هاد انا أويس يا أمي .
نور : يالله اديش اشتقت لهل الصوت ولهل الكلمة اسمعها منك .. تيم تعا سلم على ابنك .
أويس : هو مابيجي انا يلي بروح لعندو ..
بيحضن أويس ابوه .
تيم : ماكنت مصدق نور لما قالت انك انت بس طلعت انا الغلطان وماقدرت اعرفك سامحني .
أويس : انت مابتغلط ولا بتطلب السماح من حدا انا يلي بدي قلك سامحني على كل لحظة عشتها بعيد عنكن .
العيلة كلها عم تطلع عليهم والدموع معبية عيونهم
ميلا واقفة بعيد وعم تبكي وشهقاتها مسموعة .
نور : ميلا يا قلبي تعي سلمي على اخوكي .
تيم : قربي بابا .
بتجي ميلا لعندهم وهي عم تمشي عالهدا .
أويس بحط ايديه على كتافها : عندي هيك اخت حلوة وماحدا بخبرني .
ميلا من بين دموعها بتخلق بسمة على وجهها من كلامه وبتعانقو : وانا ماحدا خبرني انو عندي هيك اخ ظريف متلك .
أوس : احم احم ليش انا انسة ميلا شو بتعتبريني .
ميلا : انت اغلظ اخ بشوفو بحياتي .
الكل بيضحك عليهم وبعرفوه لأويس على كل العيلة .
بعد العشا كانو اعدين وعم يحكو سوا .
جود عم يسأل عمته : عمتو كيف عرفتي انو هاد أويس وهو مابيفرق عن أوس ولا شوي .
نور : يا ابني قلب الام غير وكمان انا مستحيل خربط بينن وان صار وخربطت فأوس عندو شامة برقبتو وأويس ماعندو ياها .
بيطلعو أوس وأويس على بعض ليتأكدو من قصة الشامة وبتطلع عنجد صح متل ماعم تحكي .
جود: منيح لكن عطيتيني علامة فرقن .
لميا : ست كاترين انتِ من ايمت بتعرفي بالقصة .
كاترين : من لما عرف وسيم .
قمر ( وهي متفاجئة): وسيم انت بتعرف .
وسيم :اي ماما بعرف بس ماخبرناكم لان كان مجرد شك فقلنا لوقت نتأكد .
فهد : يعني انت وكاترين كنتو اول حدا بيتعرف على أويس ؟؟!!.
وسيم : بالضبط .
نور بتوجه كلامها لأويس : وانت خبرني وين كنت وكيف صار هيك وتعرفت على هل الجوز .
أويس : بالطيارة .
نور : كنتو سوا بنفس الرحلة يعني .
أوس : لا ماما أويس هو كابتن الطيارة.
كارولين : عنجدد شو حلو احكيلنا كيف القصة صارت .
أوس بيحكي للعيلة القصة بالتفصيل وكلشي صار معن بقضو كمالة يومهم بأجواء كلها فرح والكل مبسوط نور وتيم مابيقبلو الا الكل ينام عندن وحتى أويس ماخلوه يرجع عالبيت .
""""""""""""""""""""""""""""""
عند كنان ..
رجع عالبيت واتجه على غرفتو عمل دوش وكان قاعد بالغرفة بيندق عليه الباب .
كنان : مين .
أُبي : انا .
كنان : فوت أُبي .
أُبي : وينك اليوم مو مبين .
كنان : كان عندي شغل كتير .
أُبي : بدك تقنعني انو مو مع كاترين .
كنان : كاترين شوو.... كاترين خلص مافي انا وكاترين انتهينا وانتهت علاقتنا .
أُبي : انا بعرفك كتير منيح انت بتحبها لكاترين يعني مستحيل تنساها عارضت ابوك وبقيت عم تنكش ورا قصة ابوك وابوها لكاترين ومااستسلمت للوقت يلي عرفت ..
كنان (بقاطع أُبي): خلص بكفي أُبي لكك انشالله مفكر انو كاترين بتحبني لكك هي و معي وعلى علاقة بغيري لكك هي عم تحرقني من جوا .
أُبي : مابعرف شو بدي قلك احسن شي الله يهدي بالك
انا رايح نام .
كنان : اوك .
بعد ماطلع أُبي فورا كنان نام .
"""""""""""""""""""""
الصبح بحديقة المزرعة كان أويس ....
أويس عم يحكي
اديش كان شعور حلو لما كنت جوا العيلة عرفت شو يعني يكون عندك عيلة كبيرة بتحب بعضها امي لما عرفت بشيفاي كتير اصرت علي اني جيبو تتعرف عليه احسن شي اتصل واحكيه ....
أويس : صباح الخير .
شيفاي : صباح النور ... كيفك وكيف كان مبارح معك .
أويس : هيك مابيمشي الحال هون تعا لعندي لنحكي .
شيفاي : شو اجي لعندك لوين بدي اجي... مو انت بالمزرعة .
أويس : اي بالمزرعة وامي حابة تتعرف عليك وما رضيت الا جيبك.
شيفاي : مو معقول اجي من بكير .
أويس : بلا اعتراض ح ابعتلك العنوان .
شيفاي : اوك .
من طبيعتي بصحى بكير هي عادتي انا وشيفاي لما يكون ماعنا شغل طبعا انا هلئ لحالي هون بالحديقة لان الكل نايم نطرت شيفاي لوقت ما اجا دقلي وطلعت استقبلتو .
شيفاي :معقول جايبني من بكير .
أويس : مافي حدا الكل نايم وانا مليت لحالي .
شيفاي : قول هيك من الاول تحججت بامك .
أويس : لا جد امي بدها تشوفك فوت هلئ لاحكيلك .
اخدتو عالحديقة واعدنا بمكان منعزل شوي عم المزرعة .
شيفاي : ماشالله فورا حفظت المزرعة .
أويس : مبارح تمشيت فيها انا والشباب .
شيفاي : اي حكيلي كيف لقيت عيلتك الجديدة .
أويس : اديش كنت خايف وقلقان اخطي هيك خطوة واديش هلئ مرتاح.... كتير ارتحت مبارح معن والاجواء كانت حلوة .
شيفاي : احلا من عيلتك القديمة .
أويس : عيلتي القديمة الها فضل علي انها ربتني وعلمتني وهالشي مابنساه عيلتي القديمة كانت صغيرة بينما هي العيلة كبيرة .
شيفاي : صح ماعم تحكي مع اهلك يلي ربوك .
أويس : مبلا بتعرفني بحاكيهم كل فترة وما بقطعهم .
شيفاي : انت بتعرف اكيد انو هنن مالن غيرك .
أويس : طبعا بعرف انا بس مابحب اختلط معهم كتير لان هنن مصرين انن يسجلو كلشي باسمي كونو مافي غيري بس انا بشوف هالشي مو من حقي مشان هيك مو رضيان .
شيفاي : لا تزعلهم ابقى كل فترة حاكيهم .
أويس : اي طبعا .
سمعنا صوت من بعيد جاية عم ينادي أوس فتلت شوف مين كانت ميلا .
ميلا : أوس ....
أويس : اهلين .
ميلا : عم ناديلك ليش ماعم ترد علي .
أويس : لأني أويس مو أوس .
ميلا : هيك مازبطت معي لازم استخدم الشامة يلي قالت عنها امي .
أويس ( وهو عم يضحك ) : لازم لازم .
شيفاي : احمم .
أويس : ااه صح بعرفكن ميلا هاد شيفاي .. شيفاي هي ميلا اختي .
شيفاي : تشرفت بمعرفتك .
ميلا : وانا كمان .
شيفاي : ماحكيتلي انو عندك هيك اخت .
ميلا : بس انا حكالي انو عندو رفيق على طول سوا .
شيفاي : ااه والله .
ميلا : اي .
أويس : صحيانة على بكير .
ميلا : اي صح صحيت وماقدرت ارجع اغفا قلت بنزل عالحديقة .... يلا انا رايحة وتاركتكن تاخدو راحتكن ... بدك اعمللكن نسكافيه .
أويس : بلا ماتعزبي حالك .
ميلا : مافي عذاب بدي ساوي الي وبساويلكن معي .
أويس : اوك .
ميلا عم تحكي .
كنت عم نادي على أوس واجيت حكيت وانا منفعلة ومو عرفانة انو في حدا غريب اتجهت على صوت شفت شب بياخد العقل قد مالو حلو كان واقف خجلت بس ماحبيت بين اني خجلانة خبرني أويس انو هاد رفيقو سلمت عليه وصرت بدي انسحب منن حتى مابين اني خجلانة .. بس انا الجدبة رجعت علقت حالي برجعة تانية مشان جبلن نسكافية .
شيفاي : ماخبرتني عن اختك .
أويس : وانا ماكنت بعرف تفاجأت فيها مبارح .
شيفاي : باينة حبابة .
أويس : اي من اول ماشفتها حسيتا حنونة .
شيفاي : صح شو قصة الشامة يلي حكت عنها .
أويس : انا و أوس مافي شي يفرقنا الا شامة موجودة برقبة أوس وانا ماعندي ياها .
شيفاي : هيك لكن صارت العالم بدها تعرفك من علامة .
أويس : هيك شي .
شيفاي : انا شكلي بدي استعمل هالشامة كمان .. صح شو مشان الشغل .
أويس : عنا سفر بكرا .
بتجي ميلا من بعيد وحاملة النسكافيه ..
ميلا : مين بدو يسافر.
أويس : يسلم ايديكي .
شيفاي : شكرا عزبتي حالك .
ميلا : عفوا مافي عذاب ... (بتفتل لجهة أويس ) ماقلتلي مين بدو يسافر .
أويس : نحنا .
ميلا : ليش .
شيفاي : هاد شغلنا ... نحنا مهندسين طيران واخترنا نطلع رحل سوا .
ميلا : بس انا لسا ماتعرفت عليك منيح .
شيفاي : عليي !!! .
ميلا (بلبكة ) : اااءء بقصد أويس انا لهلئ ماقعدت معك منيح .
أويس : اقعدي معنا لقلك .
ميلا : طيب .
شيفاي : شو بدك تعرفي عن هاد اسأليه قدامي مشان اذا كذب بصحح .
ميلا : اممم عمرك وبعرفو كمان شو بتدرس برجك كمان متل أوس .
أويس : هيك عم تتعرفي علي .
ميلا : اي شو لكن .
أويس : طب انا هدول يلي قلتين مابعرف عنن شي من جهتك .
ميلا : عمري ٢٣ عم ادرس صيدلة السنة الجاية بتخرج .
شيفاي : انا صار لازم انسحب مالي مطرح بين الاخوات هون .
أويس : شو عم تحكي انت اخي بس ماولدتو امي .
ميلا : هلئ انتو عايشين سوا .
شيفااي : اي سوا .
ميلا : ليش وين اهلك بعتذر عالسؤال اذا كنت كتير حشرية اذا بدك لاتجاوب .
شيفاي : لا عادي ابي وامي منفصلين وانا وأويس قررنا نعيش سوا .
أويس : القرار يلي مابندم عليه .
ميلا : حلوة الرفقة يلي بتبقى وبتدوم .
""""""""""""""""""""""""""""""""""""""""""""""
كاترين تم تحكي :
صحيت على صوت موبايل كارولين عم يرن وهي مو حاسة قمت شوف مين لقيت ريتا وشغف .
كاترين : لككك انتو شو جابكن لعند اختي عند هالصبح .
ريتاا : لككك وينك انتِ اااه .
شغف : فتلنا عليكي وانتي خطك يا مطفي يا ماعم تردي .
كاترين : شوفي .
ريتا : من مبارح عم ندقلك وانتِ مو مبينة .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```