الفصل 12
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴2️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
"عند جود كان قاعد بالنادي وبيوصلو مكالمة من وسيم "
جود : ابو السيم ..اهلين ..
وسيم : اهلين فيك .
كاترين : اخي انا هون سامعتك .
جود : كمان انتي هون .. خير انشالله شو بدكم.
وسيم : بدنا تجي تاخدنا من المطار .
جود : من المطار 😳 انتو وينكم هلق .
كاترين : لسعتنا بميلانو .
وسيم : بس بكرى راجعين .
جود : هيك بدون ماتخبرو حدا .
وسيم : شو عم نعمل هلق .
كاترين : جود ماتخبر حدا بس انت وأوس يلي لح يعرف برجعتنا .
وسيم : مشان هيك لازم تجمع كل العيلة بكرى .
جود : صعب مافيني .
كاترين : وليش مافيك بالله .
جود : انتو شكلكم نسيانين انو اليوم الجمعة .
وسيم : اي و شو يعني.
كاترين : ايي والله اليوم الجمعة.... ولااه جود انت وينك مافي صوت حدا حوليك شو مو بجمعة العيلة .
جود : لا مو معن .
وسيم : وينك ولااه.
جود : لكك بالنادي اجيت شوي وراجع لعندن .
كاترين : عند مين اليوم مجتمعين .
جود : عند عمتك قمر .
وسيم : يعني عنا .
جود : ايي ... هلق خيلتوني شو بدكم .
كاترين : قلنالك تجمع العيلة بكرى .
جود : وشو المناسبة .
وسيم : لككك شبك انو نحنا راجعين .
جود : بعرف بس انتو مابدكن تخبروهم انا بأي حجة بدي اجمعن .
وسيم : بحجة يلي ماعندو حجة .
كاترين : هي مو شغلتنا ..نحنا علينا نخبرك وانت تنفذ .
جود : مابدكم زينلكم المطار وافرشلكم ورود وسجادة حمرا بمناسبة قدوم اهم ديزاينر وعارضة الازياء يلي مكسرة الدنيا بظهورها وبنتو ليحيى القاتي صاحب شركةمن اهم شركات السيارات بالبلد ااه بدكم .
كاترين : مو وقت غلاظتك ماشي .
وسيم : كامش حالي عليك مشان مااطلع من الموبايل واضربك .
جود : اي اي انتو قرووا وتعا يا وسيم نفذ روحو الله معكم .
كاترين : لكك تعا يااهبل مابدك تعرف ايمت موعد طيارتنا .
جود : ايمت بدكم تشرفو حضرتكم وتنورو اسطنبول .
وسيم : عالعشرة منطلع من هون كون بالمطار عال ١٢ ونص انت .
جود : طلبات تانية ؟؟.
كاترين : سلامتك .
وسيم : يلا سلام .
.....
كاترين : فظاعة شو بعقد الامور .
وسيم : تعي نتصل بأوس.
كاترين : اي يلاا.
....
أوس : الو .
وسيم وكاترين : كيفك .
أوس : شوهاد شوهي اتصال ٢ ب ١ .
كاترين : هيك شي .
وسيم : وينك انت مع العيلة شي .
أوس : لا بالمشفى كان عندي عملية .
كاترين : يعطيك العافية ونشالله نجحت .
أوس : اي الحمد الله كلشي تمام .
وسيم : اي الحمد الله .
أوس : خير ليش متصلين اكيد مو مشان تسألوني عن العملية .
وسيم : بيعجبني ذكائك .
أوس : طالعلك .
كاترين : اتصلنا لنخبرك انو راجعين بكرى .
أوس : اييه يا اهلا وسهلا شو اعمللكم ... شووو؟؟!! بكرى يعني بكرى..
وسيم : اي بكرى شبك .
أوس : ولا شي تفاجئت .
كاترين( بدلع ) : تعال استقبلنا بالمطار .
أوس : تكرم عينك .
كاترين ( بفرح ) : عنجد جاية .
أوس : اي طبعا جاية معقول تطلبي مني وارفض .
وسيم : مو راجع لعند العيلة هلق .
أوس : مابعرف .
وسيم : اذا ماعندك شي روح لعند العيلة ولاقي شي حجة مع جود لتجمعوهن بكرى لان ماخبرناهم انو جايين .
أوس : ماشي .
كاترين : خبرنا جود نحنا وانت ماحدا غيركم لح يعرف .
أوس : اوك .
وسيم : يلا منشوفك بكرى .
أوس : اوك سلام .
كاترين : سلاام .
""""""""""""""""""""""""
وسيم : وهي خبرناهم وكلشي تمام .
كاترين : خايفة من ردة فعل أوس بكرى لما يشوف أويس .
وسيم : لا تاكلي هم اكيد بيفرح لما يشوفو .
كاترين : نشالله .
وسيم : انا رايح ضب تيابي وجهز اموري .
كاترين : اوك وانا كمان .
كاترين عم تحكي تركت وسيم ومشيت لغرفتي وبلشت ضب بغراضي وبلاقي مكالمة فيديو من رفقاتي شغف وريتا .
شغف : هااي
كاترين : هاايات .
ريتا : بعد زمان وليه شكلك نسيتينا .
كاترين : معقول انساكن انا .
شغف : معقول ونص ماعم تحاكينا ابدا .
كاترين : امممم بهي معكم حق بس مو يعني نسيتكن ايوا .
ريتا : شو شلون ميلانو معك نشالله تكوني مبسوطة .
كاترين : اوو شو رواق غير شكل فتلني وسيم شوارع ميلانو لو ماكان معي بضيع يمكن ... بس عنجد انبسطت كنت بشتهيكم معي .
شغف : ياعمري ... صحيح شو مشان حفل التخرج .
ريتا : اي والله قرب .
كاترين : نشالله لانزل منجتمع ومنتفق .
ريتا : اي احسن .
شغف : وايمت نازلة .
كاترين : قريبا مابتلاقوني غير معكم .
ريتا : ايواا .
كاترين : يلا بنات بدكم شي انا تعبانة وبدي نام .
شغف : لا حبيبتي الله معك .
ريتا : سلامتك ياقلبي .
بعد ماحكيت البنات جهزت اموري شفت شو ناقص لسا ماضبيتو ورتبت كلشي بالشناتي وحطيت راسي ونمت ...
"""""""""""""""""""""""""
تاني يوم وسيم عم يحكي .
فقت عالساعة ٥ الصبح عملت شاور وطليت على كاترين كانت نايمة فتحت موبايلها وعيرت المنبه ليرن بعد خمس دقايق ونطرت شوف ردة فعلها وهو المنبه عم يرن قبل بساعة ونص من الوقت يلي محددتو كاترين ...وقفت مستند عالباب وعم هز برجلي ومكتف ايدي وعم اطلع عليها ... وبعد مارن المنبه حملت الموبايل وفصلتو واجت بدها تقوم .
كاترين ( وهي عم تشهق ) : بسم الله الرحمن الرحيم شو عم تعمل هون انت .
وسيم : صباحو .. تأخرنا .
كاترين ( بصدمة ) : لاا عنجد تأخرنا .
وسيم : ايي يلاا قوميي .
كاترين نطت من اربعتها وقامت ووقت وصلت عالصالون سمعتها عم تصرخ علي .
كاترين ( وهي عم تصرخ ): وسيييييم ... لككك شوو هاااد لسى الضو ماطلع اديش الساعة .
وسيم : ايي ايي لا تعيطي ليكني جنبك ..
كاترين : طب اديش الساعة .
وسيم : 5 وتلت .
كاترين : شووووو... لككك لسى بكير شو مفيقني انا والله المنبه مو هلق وقتو ليش ليرن بوجهي .
وسيم : بلا تنبلة روحي عملي شاور وتجهزي ويلا هلق بيمضى الوقت بسرعة .
كاترين : والله لندمك على حركاتك .
وسيم : ناطرك بالصالون .
كاترين : اي ايي .
بعد ماخلصت كاترين حملنا الشناتي وحطيتن بالسيارة ومشينا للمطار بعد ماوصلنا كان ناطرنا أويس وشيفاي كانت الساعة 7 الصبح متل ماوعدناهم.
أويس : بونجوركم شو هالنشاط عالوقت .
وسيم : طبعا نحنا عند وعدنا .
كاترين : اي هاد المخلوق يلي جنبك خلاني فيق قبل بساعتين من الموعد .
وسيم : اولا مو ساعتين تانيا لو بدي انطر ليرن المنبه للوقت يلي انتي معيرتي بعمرنا مامنوصل لهون .
كاترين : طب كنت جهزت اموري بنص ساعة .
شيفاي : نص سااعة ؟؟!!! لا هيك كتيير منيح يلي فيقك اذا هيك .
كاترين : طيب ماشي خلصونا انا جوعانة كتييير وبدي اكل .
وسيم : لسا هلئ اكلتي .
كاترين : سندويشة القشقوان بتسميها اكل ؟؟!! هي يادوب اعدت بزاوية بطني .
أويس : انتو مابتخلصو حكي ؟؟!! انا رايح جبلك اكل .
كاترين : اييي دخيل قلبك .
شيفاي : 😂😂😂.
بعد مامشينا وراق السفر واكلت كاترين كان باقي عالرحلة شي نص ساعة بكون أويس عم يجهز امورو وعلى اساس ح يطلع عالطيارة ونحنا منكمل امورنا فجأة بلاقي أويس جاية باتجاهنا وعلامات الصدمة على وجهه.
أويس ( بنبرة فيها حدة ) : لككككك شو عاملين انتوو شو مخبيين علينا .
وسيم : لييش شوفي .
كاترين : شبكك ؟؟!!.
أويس : تفضلو يا اساتذة شوفو .
شيفاي كان واقف جنبو ومصدوم وأويس مد ايده فيها جريدة وعطانا نشوف الخبر الرئيسي يلي متصدر الجريدة ... الخبر يلي ماكنت بحياتي اتوقعوو .
كاترينن( برجفة بصوتها ) : لككك شوو هاااا
وفجأة قبل ماتكمل كلمتها اغمى عليهاا .....
يتبع .....
البارت العاشر
عند كنان عم يحكي :
صحيت الصبح كان ايلاف لسا نايم عملت ماغ نسكافيه وقعدت عالبلكون وشربت سيغارة على غير العادة ماكنت دخن كتير بس هالفترة صاير عم دخن اكتر من قبل وانا قاعد اجا ايلاف لعندي .
ايلاف : صباح الخير شكلك فايق بكير .
كنان : صباح النور .. اي اليوم السفر ولازم كون جاهز على بكير قلت اصحى على بكير قضي شوية وقت معك قبل موعد الطيارة .
ايلاف : الله يهونلك طريقك ويهديلك قلبك المجنون .
كنان : نشالله .
ايلاف : قوم نفطر برا رايح اعمل دوش والبس بتكون لبست .
كنان : يلا .
""""""""""""""""""""""""""""""
باسطنبول .
أوس : ياذكي انا عالطريق .
جود : يلا ماتطول .
أوس : اي اي ليكني .
جود : دبرت حجة ..
أوس : اي بجيب لعنكن أهلي لاتاكل همن دبرت امورن جايين ..ومن جهة عمتك قمر هلق بتصللها وبدبر امورها وهيك بكون تمام امورنا .
جود : اوك منيح .
أوس : جاية لعندك مشان تفطرني وبعدين منروح عالمطار .
جود : تعا تاكل هم قلبي .
أوس : يلا سلاام .
""""""""""""""""""""""""""""""
رجعنا لميلانو ‐-----✈---
" بالمطار "
وسيم حمل كاترين ورفعها عن الارض ....حطها عالكراسي وكان شيفاي جايب عطر وقطنة وعم يصحوها فيها ..
وسيم : ياكاترين ... كاترين ...
شيفاي : اهدى شوي هلق بتصحى .
وسيم : كاتوووو ...
كاترين ( وبلشت تفتح عيونها شوي شوي ) : ااه خطبة يارااسي ..
" رجع اغمى عليها من جديد "
أويس : شو عم يصير معها صحوها منيح .
وسيم : ياربي دخيلك شو هالمصيبة هي ... ياكاتريين اصحي .
أويس : بعد لقلك مابتنفعو لا للخل ولا للخردل انتو التنين .
" قرب أويس على كاترين وبلش يصحي فيها وحاول وهيك لصحيت ولما شافتو بوجهها قالتلو "
كاترين : أوس ؟؟! انت شو عم تعمل هون .
أويس : انا أويس .... الحمد الله على سلامتك ..
كاترين : ااه راسي عم يوجعني .
وسيم : طبعاا يا ستي من عزم الخبطة تبع راسك عالارض .
شيفاي : اي لحشتي حالك لحش .
كاترين : شو اعمل بحالي اول ماشفت الخبر مدري شو صرلي .
وسيم : صحي شو هالعلاك بالجريدة .... ال خطبة ااال .
كاترين : هيه وبين مين .. بيني وبينك هيك كتيير .
وسيم : يصحلك .
شيفاي : وعم تجهزو تحضيرات العرس كمان .
كاترين : ااه راسي لاتذكرني ... وسيم انت لازم تعرف مين ورا هالخبر وتبهدلو شو هاد هي الاشاعات بتضربلك اسمك .
وسيم : وبتشهرني كمان .
كاترين : مجنون وربي .
وسيم : لاتفكري بالموضوع هلق بخبر ايفانا تعرف مين الصحفي المسؤول وتدبيرو عندي .
أويس : بس شو هالصحفي هااد ما اكتفى بالخبر لحالو وحط صور لالكن سوا .
وسيم : انا بورجيه هالكلب صرلو يومين عم يشهر فينا وينزل قصص وسير مالا طعمة .
شيفاي : هلق روقوا ولا تفكرو فيه وخلونا نمشي صار موعد اقلاع الطيارة .... يلا يا أويس اتأخرنا .
أويس : يلا مشي .
مشيوا عالطيارة وكاترين عم تفكر بعقلها منين طلعت هالاخبار عنها وشو مصلحة يلي نشرها وافكار تاخدها وتجيبها .....
وهي قاعدة بالطيارة وشاردة ووسيم كان عم يتسلى بهل الورقة والقلم وعم يرسم تصاميم .. المعروف عن وسيم لما يعصب او بدو يتهرب من شي شغلة بيتفشش بالرسم اصلا هاد الشي يلي خلاه يكتشف موهبته ..
كاترين عم تلف وتدور بوجه وسيم .. وسيم بيرفع عيونو عن الورق وبحاكيها .
وسيم : حاج تلفي ودوري بوجهي دوختيني .
كاترين : لكك راسي ح يطق .
وسيم : خدي مسكن .
كاترين : مابدي .
وسيم : براحتك .
كاترين : هات الجريدة من عندك لقلك .
وسيم : شوبدك فيها .
كاترين : بدي ارجع كحل عيوني بهالخبر .
وسيم : تفضلي .
كاترين وهي عم تقرء الخبر : العنوان :مالعلاقة التي تربط الديزاينر الشهير وسيم وعارضة الازياء التي ظهرت فجأة في عرضه الاخير .
الخبر : الديزاينر الشهير على علاقة مع العارضة التي ظهرت في عرضه الاخير وقد لفتت الانظار بأطلالتها الفريدة .. وهما في علاقة صاخبة بمشاعر الحب والعشق ومن الواضح ان تجهيزات حفل الزفاف او الخطبة قريب من الصعب تحديد اذا كان الحفل زفاف او خطبة لعدم تصريح الديزاينر عن هالشئ ..
كاترين : شوهااد شو هالسخافات لكك منين جايبين صورنا وانا معانقتك لسا شوي تانية بنشرولنا صور ونحنا عم نبوس بعض .. لككك كل هلقد شاغلين بالو للصحفي حتى صرلو يومين عم ينزل عنا .
وسيم : خلص انسي انا بشوف القصة .
كاترين : اي نزعولي نهاري الله يخرب فرحتن .
وسيم : اهدي شوي واقعدي برم راسي من كتر ماعم تفتلي .
كاترين : حاضر ... بس بدي افهم من وين جايب كل هالسلام الداخلي يلي فيك ... لكك وقاعد وعم ترسم عادي .
وسيم : احسن مااتفشش بيلي بيطلع بوجهي .
كاترين : طيب معلش اتفرج على رسمك .
وسيم : تعالي .
كاترين : انت ومتوتر وهيك رسمك شلون ماتكون روااق عنجد اللي عم شوفه فن .
""""""""""""""""""""""""""""""""""""
"باسطنبول "
أوس عم يحكي :
جمعنا كل العيل وماعرفو انو سبب الجمعة هي رجعة كاترين ووسيم مفكرين أنو زيارة عادية .... هلئ نحنا بطريقنا ع المطار مشان نستناهن شغلة نص ساعة قبل ما يوصلوا...
/عند العيلة /
لميا : الله يخليلنا جود وأوس ع هالجمعة الحلوة نورتونا والله .
قمر : تسلميلي حبيبة قلبي .
يحيى : وينهم البنات مو مبينين .
نور : ميلا وكارولين بغرفة كارولين شوي وبيجو .
يحيى : الله يبسطهن ناقصة كاترين معهم .
تيم ( زوج نور ) : الله يرجعها بالسلامة هي ووسيم .
لميا : ياحبيبة قلبي ياكاترين شو اشتقتلك .
كارولين : احم احم .
قمر : اهلين انتِ هون عمتي .
كارولين : اي هون بس كالعادة في حدا بالبيت آخد الدلال كلو لناحو ونحنا برا .
لميا : له له انت الاصل .
كارولين : وانا هيك عم قول .
فهد : ياجماعة حدا بيعرف وين جود وأوس جمعونا ومو مبينين .
ميلا : هلق بيجو مو مطولين .
"""""""""""""""""""""""""""""""""""
بالمطار اسطنبول .
جود : ايمت بيجو هدول مو هلق وقتن .
أوس : الغايب عذرو معو هلق مابتلاقيهن الا بوجهك .
جود : طول عمرها كاترين بتحب التقل بكلشي وحتى هون وصلت معها .
أوس سكت عم يفكر بكلمة جود وقت قال طول عمرها كاترين بتحب التقل ...
جود بلاحظ على أوس كيف ساكت .
جود : ما تفكر بشي أوس مو قصدي اذا اخدتها بغير معنى .
أوس : ولا يهمك .
..............
كاترين عم تحكي ....
بعد مانزلنا من الطيارة وخلصنا اجراءات وكلشي نطرت أويس وشيفاي انا ووسيم ليجو لعنا ونروح سوا لعند جود وأوس خبرت أويس يكون قد مافيه طبيعي وانو هلق بدو يشوف نسخة تانية منو ...
مشيت انا ووسيم وايدي بايدو وكان وراي شيفاي ووراه أويس لقيت جود وأوس من بعيد ناطرينا أشرتلون بإيدي والبسمة على شفافي شافني أوس من بعيد وضحكلي هو ووسيم بس تلاشت ضحكة أوس وتحولت ملامحه لصدمة بعد ماطلع أويس من وراي وشافو أوس .. طبعا جود مدري شو صرلو لما شاف أويس ملامح الفرح على وجهو زادت ..ركضت لعندن وعانقت جود وهو شدني لحضنو ... رجعت اطلعت على أوس كيف سلم على وسيم وعيونو موجهة على أويس .. جيت بدي سلم عليه بس هو صدني وكمشني من ايدي وقلي ..
أوس : مين هااد .
كاترين : هااد ( بتأشر على شيفاي ) .
أوس : لا هااد ..
أويس بقرب بدال كاترين وبوقف بوجه أوس .
أويس : انا ممكن كون نصك التاني وممكن كون شخص عادي .. بيجمعنا رابط دم او ما بيجمعنا هاد الشي يلي بدي اتأكد منو .
أوس ( بعصبية ) : منينن طلعت انت شو هالتخبيص .
وسيم بروح لعند أوس وبيمسك ايده : هدي شوي وتعال نحكيلك كلشي .
جود : بصراحة وانا مش فاهم حاجة .
كاترين : بكون احسن .
شيفاي : أويس تعا معي .
أوس : أويس... ؟؟؟!!!!!
وسيم : امشي معي .
مشيو على مكان مافيه ناس .
أوس : يلا هلق احكولي ... كلشي .
كاترين : هاد الكابتن تبع الطيارة يلي اخدتنا وجابتنا من ميلانو .
أوس : بفهم انو كابتن واضح من لبسو بس شو الحكي يلي حكاه جوا .
وسيم : انت خلقت مع شقة توم يعني انت في منك نسخة تانية اذا بتذكر وقت كنا بعطلة وتحديدا عم نسبح بالبحر يوميتا فقدت اخوك طبعااا نحنا كناا صغار كتيير .
أوس : ايي فقدتو .. هوو ماات .
أويس : وممكن يكون ما مات وانا هوو ... انا بالصدفة شفت كاترين ووسيم بالطيارة .. ممكن تكون اشارة من ربنا لترجع تجمعنا .. انا يلي بعرفو بحياتي انو اهلي هنن يلي ربوني بس مانن الحقيقين واسمي هاد هو ماتغير لان لما جيت لعندن كنت بعرف اسمي وماغيرو ..
أوس : يعنيي انتت ممكن تكون اخي .
كاترين : ايه .
شيفاي وجود عم يتفرجو عليهم وماعم يحكو شي .
أويس : انا قلت لكاترين ووسيم انو بس انت يلي بدي شوفك مشان اعمل تيست ال DNA مشان نتأكد من القصة واذا ماطلعنا من نفس الدم مننهي الموضوع بدون ما امك تعرف مشان ما نكون عشمناها ع الفاضي وبتكون فرصة سعيدة اني تعرفت عليك .
أوس : يفضل التيست ينعمل هلئ وبالنسبة لأمي ما في داعي تدرى لأن مو ناقصها زعل وتتذكر اخي يلي لهلئ مابعرف اذا بدي قول عنو ميت او هو يلي قدام عيوني هلئ وطبعا رح تكون فرصة سعيدة الي كماان .
أويس : تمام لكن خلينا نمشي على المشفى ومنعمل التيست ... وانشالله يكون ظني بمحلو .
كاترين ( نزلت دمعة من عينها ) : يا عمري محلااكن يارب تطلعو اخواات .
جود : بست انتِ ... شايف تأثرتي كتيير ... مدللة العيلة مالك عم تحضري موفي رومنسي .
كاترين : جوود افندي اذا انت ما عندك مشاعر بقى مش الكل متلك ياعديم الاحساس .
جود : عصب ابو الفضل .
كاترين : جووود .. ماشي انا بورجيك لنرجع بس .
جود :يلي بيطلع بإيدك عمليه اذا قدرتي .
كاترين :لا تنسى لما المسبح شو عملنا فيك .
جود :لا تنسي الانتقام كيف كان .
وسيم :خلص بس انت وياها تقاتلو بالبيت ... خلونا نمشي .
شيفااي :هلئ انتِ هيك طبيعي عادي يعني .
جود :لسى ماشفت ابو الفضل شو بيعمل فينا (بيهرب عالسيارة ).
كاترين :(بتركض وراه ) : اذا انا ابو الفضل بقى انت واحد مجنوون ماشي ماشي يا جوود .
وسيم :فضحتونا خلص .
أويس : ياجماعة خلونا نمشي بكون احسن .
شيفاي :اي والله .
وسيم : يلا مشوا بس ع اي مشفى بدنا نروح .
أوس : طبعا ع المشفى تبعي .
وسيم : اوك يلا تفضلوا .
مشيو عالمشفى و بسيارة جود ركب وسيم وشيفاي وبسيارة أوس بتركب كاترين وأويس .
بعد ماوصلو عالمشفى الممرضات يلي هنيك صارت تتهامس على أوس وأويس ... طبعاا أوس مااهتملهم وبقي عم يمشي عادي راح لقسم المخابر .. وشرح للدكتور المسؤول عن كلشي طبعا الدكتور كان رفيقو وعملو التيست وخبرو النتيجة بتطلع بعد ثلاث ايام بس بما انو التحليل بخصو بيعمل جهدو انو تطلع النتيجة قبل ..
كاترين : يجمااعة اناااا جعتتتت .
شيفاي : وانا كماان .
جود : كأنو لسعتنا بالمشفى .
كاترين : 😒.
أويس : نحنا رح نتركن ونمشي وانشالله بكرة منعرف شو النتيجة ... سلام .
شيفاي : يلا بخاطركن
و بيمشوا أويس وشيفاي ..
كاترين : ايي وانا بدي اطلع لأن رح مووت من الجوع .
أوس :مشي العيلة كلها مجتمعة متل ما طلبتو بكونو هلئ عاملين اكل .
كاترين : اييي امانة متت جوع .
جود : قبل بشوي كنتي رح تموتي وهلق متي وبعد شوي بتندفني .
كاترين : انت شو شربان بغيابي كأنو شرش الزناخة عندك كبران .
وسيم : كان كل يوم عم يبكي على غيابك سأليه يدقلي ويصرعلي راسي بس بدو يشوفك .
جود : شكلك انت الشربان مو انا .
أوس : حدا قلكم انو نحنا بوضع تتزانخو فيه انا ماشي واذا بدكم لحقوني .
كاترين : جيت معك .
وسيم : يلا كمان نحنا نمشي .
كاترين عم تحكي :
رجعنا عالفيلا وكانت العيلة مجتمعة بالطريق كان أوس مو على بعضه انا عرفت انو عم يفكر بقصة أويس الحق معو بالنهاية ....لما وصلنا ركضت على امي وعانقتها متل الطفلة الصغيرة الكل فرح لما شافنا ماكانو متوقعين انو نجي قعدت مع العيلة وتسلينا وتغديت اهم شي .. بعدين قعدت شوي مع ميلا وكارولين بالحديقة وحكيتلن عن ميلانو بزاوية تانية كانو اعدين شباب العيلة وسيم وجود وأوس كان واقف بعيد مشيت لعندو .
كاترين : بشو عم تفكر ..
أوس : ببكرى .
كاترين : ليش شوفي بكرى .
أوس : مافي شي انسي .
كاترين : أوس اذا طلع عنجد أويس اخوك شو موقفك .
أوس : يمكن افرح اني لقيتو ...
كاترين : يمكن ؟؟؟!!.
أوس : شلون لقيتيه .
كاترين : للصراحة شب حليوة لكك وخصوصا لما يكون لابس بدلة الطيران .
أوس : عم قلك وصفيه انااا ؟؟!! .
كاترين : اي الشب مافيه شي حباب وماشفت عليه شي وكربوج .
أوس : هلق صرتي تشوفي جمالو لأويس وهو نسخة عني وانا ولا مرة شفتي او لاحظتي اني حلو .
كاترين : هو كان لابس بدلة الكابتن لو كنت انت لابسها يمكن كنت انتبهت على جمالك من الأول .
أوس : شو هالعذر يلي مو راكب على بعضه .
كاترين : طب شو اعمل عم اعطيك رأي فيه بدك كذب وقلك ماحلو وهو حلو وعندو كاريزما حلوة .
أوس : هووو هوو علينا رجعنا .
كاترين : ليش ايمت مشينا نحنا .
أوس : خلص امشي نروح لعندن .
رجعنا قعدنا مع البنات والشباب و قضيت النهار مع العيلة .
""""""""""""'
بمكان تاني كان ايلاف عم يودع كنان .
ايلاف : كان اليوم اكتر يوم بنبسط فيه معك يمكن لانو يوم الوداع .
كنان : اييه شبنا قلبتا دراما .. وقت يلي بدك ياني بتلفون صغير بكون معك ... صار موعد الطيارة يلا بدك شي .
ايلاف : الله معك ياصاحبي رح اشتقتلك .
بعانق كنان ايلاف وبيمشي على الطيارة.
" قعدت بمكاني صرت اشتغل ع اللابتوب لأنسى شووي التفكير بكاترين ويمضى الوقت ... نمت شوي وفقت كان موعد الاكل ... خلصت اكل كانو عم ينادو انو رح نهبط بعد خمس دقايق ... ضبضبت غراضي وحضرت حالي .. كان أُبي عم ينطرني بالمطار .. سلمت عليه ومشينا .... وصلت عالبيت "
أُبي : تعوو شوفو مين اجا .
ميس : اهلين بحبيبي .
عانقتها وسلمت عليها .
ميس : هيك ياماما بتروح بدون ماتخبرنا .
كنان : اجا سفري فجأة حقك علي .
رأفت : اهلين بكنان ايمت جيت .
كنان : اهلين فيك بابا هلق وصلت.
بتجي بانا من بعيد عم تبكي ... بتركض عليي وبتعانقني.
كنان : شبكي كل يلي غبتو كم يوم مابدها هالقد .
بانا : اي صح كم يوم بس ماخبرتنا انك مسافر فجأة منلاقيك حاكيتنا من غير بلد .
كنان : خلص المرة الجاية بجي بودعك انتِ خص نص .
بانا : ونشالله راجع هيك وايديك فاضين بدون هدية .
كنان : لا ولو معقول انساكي .
بانا : عنجد .
كنان : اي بس مو هلق بس لارتاح لان تعبان .
بانا : اي ولايهمك المهم أمنت انو في هدية .
أُبي : مصلحجية مو بأيدك .
بانا : لمين بدي اطلع غير لأخي حبيبي يلي هو انت .
كنان : والله انك جبتيها عالوتر .
الكل صار يضحك على الموقف يلي نحط فيه أُبي .
تركتن وطلعت على غرفتي تمددت عالتخت وصرت العب شوي بموبايلي مليت منو ... قمت عملت شاور و بعتت مسج لايلاف طمنتو عني وبعدها استسلمت للنوم ونسيت قصة الهدايا من تعبي .
"""""""""""""""""""""""""
عند كاترين/ بعد ماخلصت سهرة العيلة ودعتن وطلعت فورا على غرفتي طبعاا اجت كارولين وبدها ترمي غلاظتها علي وانا مارديت عليها تركتها عم تحكي ونمت .
"""""""""""""""""""""""""
عند أويس وشيفاي /
شيفاي : أويس .
أويس : نعم .
شيفاي : شلون لقيت أوس .
أويس : لسا مو مبين عليه شي يادوب قعدت معو كم ساعة .
شيفاي : بس الا ماتكون لاحظت عليه شي .
أويس : اي طبعا لاحظت .
شيفاي : هات لنشوف .
أويس : اول الشي باين عليه عصبي وتاني شي لقيتو بحب أمو كتير واضح كيف مابدو ياها تعرف وخاف على مشاعرها وتالتا نسبة الشبه بيني وبينو فظيعة عنجد هلق عرفت ليش كانت ردة فعل كاترين ووسيم هيك لما شافوني ورابعا حسيت بنظراتو لكاترين مو طبيعية .
شيفاي : كل هااااد وبتقلي ما لاحظت شي هاد كلو من كم ساعة شلون ماتقضي نهار معو .
أويس : كنت قلتلك عاشراً كمان .
شيفاي : مابستبعد .
أويس : وانت شلون لقيتو .
شيفاي : مالقيت فيه شي انا غير انو باين ئلو قيمتو بالمشفى واضح من استقبالن ئلو .
أويس : اي باين محبوب ... يلا بكفي استنتاجات لليوم وخلينا ننام .
شيفاي : وانا هيك عم قول لأن نعست .
أويس : اي حل عني اذا هيك .
شيفاي : غود نايت .
أويس : غود نايت .
"""""""""""""""""""""""""""""""
عند كنان عم يحكي .
بكون نايم وغاطط بصحى على صوت دق الباب .
بانا : فييق ياكنااان .
كنان : اصبحنا واصبح الملك لله ... شو هالصبااح يا ربي .
رجعت غطيت راسي ونمت صحيت وهي عم تشيل الغطا عني وتفيق فيني .
بانا : كنااان ... ليش هيك نومك تقيل قوم .
كنان : خيير بانا شووو .
بانا : اول شي صباحو .
كنان : اي صباح هاد ليش خليتي فيها صباح انتِ .
بانا : تانيا والاهم بتاكل بعقلي حلاوة مبارح وبتعطيني حبة سيتامول على اساس بدك تعطيني الهدية وبتنام بصير هيك .
كنان : تالتا والاهم .. صباحي ونزعتيه ف ياويلك تتنكتي بوشي اكتر لان ساعتها بتقولي للهدية باي باي .. اذا لسا بدك الهدية بتطلعي متل العاقلة من غرفتي ولأصحى بعطيكي ياها .
باناا : اووف ياااااا .
كنان : ١ ..... ٢ ...
بانا : طالعة....بس بليز اصحى فورا يعني مو ترجع تنام .
كنان : طلعييي .
بانا : طالعة طالعة .
كنان : ياربي دخيلك على هاليوم من اولو واضح كيف اص الله ايام ايلاف عالقليلة كنت اعرف اتعامل معو .
بانا ( بتمدد راسها من الباب ) : حااج تبربر .
كنان : انتِ لسا هون .
بانا : لاااا هونييك سلااام .
بتقول كلمتها وبتركض ... شكلو مافي امل ارجع كمل نومتي .. قمت عملت شاور وزبطت شعراتي ولبست مشان امشي عالمكتب .. نزلت عالصالون كانو اهلي عم يفطرو سلمت عليهم واكلت كم لقمة واجيت وقت بدي امشي لحشت كلماتي لبانا ومشيت .
كنان : بانا عندي شغل ومضطر امشي هديتك راحت للمسا هي عقوبتك لان زعجتي نومتي .
باناا : شوو قول كذب .
كنان ( مقاطع بانا ) : وكماان اذا بتزعجيني باتصالاتك مافي هدية بتبرع فيها لشي حدا غيرك .
بانا : 🙂.
أُبي : بطريقك تبرع ببانا لشي حدا.
بانا : خراس انت .
كنان : فكرة حلوة يلا المرة الجاية ... يلا سلاماات .
""""""""""""""""""""""""
عند كاترين عم تحكي / صحيت من نومي وعملت شاور كانت أمينة عاملتلي ماغ النسكافيه كالعادة رجعت لروتيني ومشيت عالشط اعمل رياضة لان صرلي زمان ماعملت بعد ماعملت رياضة رجعت عالبيت غيرت تيابي وقلت اتصل بالبنات مشان التقى فيهم ونفطر بشي مكان ... اتصلت لشغف وقلتلا تخبر ريتا يجو لعندي .. نزلت خبرت امي اني مالح كون عالفطور اول الشي اعترضت انو صرلي زمان ما افطرت معن بعدين وافقت كانو وصلانين البنات طلعت لعندن ومشينا عالمطعم .
//بعد الفطور //
ريتا : لكك بتعرفي اديش اشتقنالك .
كاترين : وانا كمان .
شغف : كل مرة نكون سوا ونتذكر غلاظتك معنا .
كاترين : اخر الشي طلعت غليظة ثانكس يادنيا .
ريتا : اي بس غلاظتك حلوة .
كاترين : اي منيح .
شغف : التخرج قرب هااا .
كاترين : ايي والله قرب .
ريتا : مابدك تشتري تياب .
كاترين : اجوني هدية .
شغف : ايه ايامك يا عمي .
كاترين : وانتو مابدكم تشترو .
ريتا : مبلا كنا ناطرينك نشتري سوا بس بما انك جبتي ومشي الحال منجيبن لحالنا .
كاترين : اي مافي معكن وقت باسرع وقت جيبوهن .
شغف : وهو هيك .
بكون اعدة عم احكي معن وساردة بالحديث بيجيني اتصال من أويس ... بمشي على جنب لاحكيه .
كاترين : الو .
أويس : صباح الخير .
كاترين : صباح الفل .
أويس : مشان النتيجة اليوم بدك تكوني معنا شي .
كاترين : اي أكيد .
أويس : فينك تتصلي بأوس وتعرفي اي ساعة النتيجة .
كاترين : اي هلق بتصلو تكرم .
أويس : ربي يكرمك .
" سكرت الخط مع أويس واتصلت بأوس " .
كاترين : صبااحو .
أوس : صبااحك كاتو .
كاترين : انت بالمشفى .
أوس : لا بالعيادة ليش .
كاترين : ولا شي بس ايمت النتيجة .
أوس : عالأغلب بكرى المسا .
كاترين : طبعا وقت بدك تشوف النتيجة لازم يكون أويس موجود مو .
أوس : مو .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```