الفصل 11
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵جمرة.عشق.tt* ❤️🔥❤️🔥
*❴🔢❵☟الـــبـــــــــــ❴1️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
أُبي : بابا مو هيك قصدي بس نحنا بالعادة لما ندفع هيك بكون الربح مضمون الف بالمية مو مية بالمية .
رأفت : التجارة ربح وخسارة ومافيك تضرب ضربتك الكبيرة اذا ماخاطرت ... طريق التجارة بدو قلب قوي مو يخاف من اي شغلة يخسر فيها ... بتقوي قلبك وبتعمل ضربتك بالسوق من غير مايكون حدا متوقع منك اي حركة بتعملها .
أُبي : بابا بس نحنا ماعم نحكي بالسوق المحلية عم نحكي بالسوق العالمية على مستوى دول .. واكيد اما معك بكسر نمطية الشغل حتى الخصم مايقدر يتوقع شو بدك تعمل بس الاحتياط واجب ببعض الاحيان .
رأفت : لا تخاف انا دائما عندي البديل لأي شي بصير غير متوقع ..وهلئ صار عندك مهمة جديدة .
أُبي : شو هية .
رأفت : تسويق السيارات بأسعار عالية .. لما عم قلك السيارات انا مابقصد بس تبعات هالمناقصة انت بتعرف منيح شو قصدي وشو الترتيب يلي لازم تتبعه طبعا هالشغلة مو صعبة عليك وانا بعرف انك قدها .
أُبي : ماشي بدي شوية وقت مافيني سوّق بأسعار عالية بهالسرعة بدي رتب مع باقي الشركات ...
رأفت : مو مشكلة بعرف انك بتقدر ولهيك خود وقتك بس ماتاخد راحتك كتير شي بالمعقول الوقت يلي بيمضى مو من صالحنا .
أُبي : حاضر بابا .
.............................
" عند الطرف التاني
يحيى : اتصلت لخبرك اني تركتلو المناقصة .
جود : شووو ؟؟.
يحيى : ليش مستغرب .
جود : لان مو بهل السهولة يحيى القاتي يترك مناقصة طول بعرض لرأفت الباشا .
يحيى : صار وتركتهاا .. وانا صح تركتهاا بس ماتركتلو ياها بسعر قليل .. بالعكس السعر كان عالي .
جود : وانا عم قول مو من عادتك ..طلعت مأمن شي بالمقابل .
يحيى : انا يحيى ولاااك .
جود : تشرفناا بأحلا ابو جود .
" منرجع على ميلانو🛫.
عند كاترين ووسيم بعد مااشترو تياب .... وصار بدن شناتي توسع التياب الجداد .. تجهوا عالمطعم ليتغدوا ... كنان وايلاف لسا مستمرين بمراقبتن طبعاا لا كاترين ولا وسيم حسو عليهم .. بعد ما اعدت كاترين عالطاولة وبلشت عم تاخد وتعطي مع وسيم بالحديث .. بتتفاجأ بدخول كنان عالمطعم .. وبتتوتر ... مو عبالها تشوفو قلبها صار يدق وتنكرزت لمجرد فكرة انو يكون معها بنفس المكان ..وهاد الشي مالح يريحها " .
كاترين : لكك وسيم .
وسيم : نعم .
كاترين : كنان لكك كنان اجااا عالمطعم .
وسيم : كناان ؟؟ ليش كنان شو وصله لهون .
كاترين : شو بعرفني عم تسألني الي مالقيت غيري جاوبك .
وسيم : هااه صح ... وينه هلئ .
كاترين : ليكو قعد عالطاولة هديك .
وسيم : ايي شفتو .
كاترين : قوم نمشي مابدي اجتمع فيه بنفس المكان .
وسيم : اقعدي يا جدبة ... لاتحسسيه انها فارقة معك .
كاترين : طب شو اعمل مو بأيدي .
وسيم : خلص لاتفكري فيه .
كاترين : طيب ماشي .
" عند كنان وايلاف " .
ايلاف : بشو عم تفكر .
كنان : وسيم مدري ليش عم يطلع لهون .
ايلاف : هاد يلي مع كاترين .
كنان : اي هو .
ايلاف : اي مو شي غريب بكون عرفني .
" بقول جملتو وبحس حالو غلط فبيسكت " .
كنان : نعم ؟؟!.. شو عم تحكي .
ايلاف : اااه لاا ولاشي .
كنان : ايلاف احكي بلا لف ودوران .
ايلاف ( عم يحكي بلبكة وهو عم يقطش بالحكي ) : ايي انووو يعني .. انا بعرف وسيم .
كنان : حبيبي والله ... شو عم تخبص انت .
ايلاف : مو تخبيص جد عم احكي .
كنان : شو عرفك فيه .
ايلاف : انا ورفيقي ايمن صممناله بناء شركته .
كنان : يا سلام وشو ناطر ليش لهلق ماخبرتني حضرتك .
ايلاف : .....
كنان : لككك تضرب بهيك صاحب .
" ايلاف عم يحكي بصوت خفيف بينو وبين حالو "
:ياحبيبي اذا بس عرف اني بعرفو وهيك عمل شلون مايعرف اني كنت بالعرض وعم احضره.
كنان : شو عم تمتم ...
ايلاف : ولا شي بس عم اتسائل اذا هيك ردة فعلك لما عرفتني انو بعرف وسيم شو بدك تعمل لكن ماتعرف اني بحضر عروضة الازياء تبعو .
كنان : نعاااام ؟؟؟؟!! .
( ايلاف بعد ماحكى حس حالو جاب العيد وجاب اخرتو كمان ... زلق بدون مايحس والله يعينو عالنتائج )
ايلاف: بمزح معك .
كنان : ايلااف انا بعرفك بلا كذبك هلق .
ايلاف : طيب ماشي ماعم امزح .
كنان : لما اتصلتلك وقلتلك عن كاترين نشالله كنت حضرتك بالعرض .
ايلاف : بحبك لانك ذكي ... وطبعا لما حكيتلي عنها فورا عرفتها لاني كنت موجود .
كنان ( عم يحكي بحزم وهو معصب ): وانا بحبك لان بتسمع الكلمة ويلاا قوم سلم عليه .
ايلااف : وااات ...
كنان : ايلاف انا عم حاول كون هادي معك لأبعد درجة بعد ماسمعت كل هالتخبيص يلي عامله ....قوم سلم عليهم وانا جاية معك ..
ايلاف : انا ماعم قلك عدلي الكلام .
كنان : لا والله لازم عيد لان استيعابك بطئ ومخك متل البطيخة .
ايلاف : قايم بس لاحفظ ماء وجهي بهالمطعم المحترم .
" عند كاترين ووسيم"
كاترين : قامو من عالطاولة شوهل السرعة هي .
وسيم : شو بعرفني .
كاترين : لكككك هدول جاييين اتجاهنااا .
وسيم : اووك اهدي ولاتتلبكي .
كاترين : يلعن حظي .. ياريت قمنا .
وسيم : الله ربي .
" بوصل لعندن ايلاف وبمد ايدو ليسلم على وسيم "
ايلاف : مرحبا سيد وسيم .
وسيم : اهلين .
بنفس الوقت كنان عم يسلم على كاترين .
كنان : مرحبا كاترين .
كاترين (بنشافة ) : اهلين بالمهندس كنان الباشا .
وسيم : كاترين بعرفك على ايلاف المهندس يلي صمملي بناء الشركة كان هو ورفيقو ايمن .. كنت شوف ايمن اكتر منو .. ماشالله حولن من اهم المهندسين هون .
كاترين : اهلا وسهلا تشرفت بمعرفتك .
ايلاف : وانا بالاكتر .
وسيم : هلا بكنان والله .
كنان : اهلين فيك .
ايلاف : بتعرفو بعض ؟؟!!.
وسيم : اي تعرفت عليه بموقف مابنحسد عليه .
ايلاف : شوقتني اعرفو .
وسيم : اتفضلو اقعدوا معنا ليش لسا واقفين .
( كاترين بتدعس على رجل وسيم )
وسيم بيحاول يكتم شهقتو .
" بعد مابيقعدو سوا بحيث طريقة اعدتهم كاترين جنب ايلاف ومواجهها وسيم وجنبو كنان "
كاترين : من ايمت بتعرفو بعض .
كنان : من لما كنا بالمدرسة ونحنا سوا كملنا جامعة سواا ودرسنا بالدراسات العليا كماان سواا .
ايلاف : بس القدر فرقنا بعد مادرسنا انا صحتلي فرصة بميلانو للشغل وكان عرض ممتاز..بس كنان ماقبل يشتغل معي ..وقرر ينزل على بلدو ويفتح مكتب .
وسيم : معناها رفقتكم قوية .
ايلاف: اخوة مش اصحااب .
( بوجه ايلاف كلامه لكاترين )
ايلاف : ماشالله عنك بالعرض الاضواء كلها موجهة عليكي .
( كنان بيزور ايلاف )
كاترين : تسلم .
ايلاف : مو ناوية تكفي بمجال عروض الازياء .
كنان ( باندفاع ) : طبعاااا لااء عندها دراستها وشهادتها .
كاترين ( بعصبية ) : وليش لاااء مثلااا .
كنان : لان دراستك وتخرجك اولى .
كاترين : مو صح انا ماحدا بيفرض علي شو اولوياتي .
كنان : هاد الشي مو فرض بس شي بديهي انك هلق على بواب تخرج تكوني مهتمة لتخرجك اكتر من اي شي تاني .
كاترين : اي مهتمة لاتاكل هم .
كنان : واضح واضح الاهتمام عم يشرشر منك .
كاترين : نعاام شامة ريحة مسخرة بالموضوع .
"ايلاف عم يقول لوسيم "
ايلاف : كأنو علقت .
وسيم : هيك شكلو ..... ياجماعة هدو شبكن .
كاترين : مافينا شي بس انا مابحب حدا يدخل فيني ويملي علي رأيو انا بس بمشي يلي براسي .
كنان : وقت تكوني على صح مشي يلي براسك .
كاترين : ماقربت عليك ولادخلت بحياتك لاتقرب عليي و لاتدخل فيني وبقراراتي اذا بتريد .
كنان : مالي قاتل حالي لحتى ادخل بحياتك .
كاترين : اي كتير منيح لكن .
ايلاف عم يحاول يهدي الجو وقرر يسأل كاترين عن دراستهافكرو ينهي نقاشن .
ايلاف: ليش حضرتك شو دارسة .
كاترين : هندسة البطييييخ .
كنان : البطييخ ؟؟؟!!! .. اسمهااا عماااارة ... هندسة عمااارة على فكرة .
كاترين : اوك ماشي هندسة البطيخ .
كنان : اااه واضح شو مهتمة .
كاترين : وانا برجع بقلكك مادخلك فيي وبتخرجي وبدراستي .
كنان : ااه صح مادخلني ليش عم عذب حالي انا ... عم ذكرك بشي عم تشوهيه .
كاترين : كنان انا حرة بحياتي.... بعدين انا عم شوه فرع دراستي باعتقادك ؟؟؟!!
كنان : حرة ؟؟!!!' كيف يعني حرة واهلك يلي ناطرين تخرجك ويشوفوكي اكبر مهندسة .
كاترين : بعيد وبكرر للمرة الف .. ماحداااا دخلووو فينيي ماشي .. نشالله بعلق شهادتي عالحيط بمكتبي او بلحشها بالخزانة وبشتغل سكرتيرة او برجع لعروض الازياء .. ماحداا خصو فينيي .
كنان : منشوف ياست كاترين .
وسيم : خلصنا بقا شبكن .. نقاشكم ماعم يخلص .
كاترين : خلص كرمالك لح اقفل عالسيرة .
وسيم : اي هيك هاا .
" تغدو وخلصو اكل وكاترين متجاهلة كنان وعم تاخد وتعطي مع ايلاف مشان تجاكرو "
كاترين : سيمو شو رأيك نمشي .
وسيم : اي ماشي .... يلا بدكم شي ياجماعة .
ايلاف وكنان : سلامتكم .
كاترين لايلاف : فرصة سعيدة تشرفت بمعرفتك مرة تانية .
ايلاف : وانا بالاكتر .
" بعد مايمشو شوي كاترين ووسيم ويبعدو عنهم "
كنان عم يقلد كاترين بمياعة : سيمو شو رأيك نمشي.
ايلاف (عم يضحك) : ولي عالغيرة .
كنان : مو غيران .
ايلاف : واضح واضح .
كنان : خراس ايلاف .
"عند كاترين وهي ماشية مع وسيم ولسا ماطلعو من المطعم يعني مبينين على كنان وايلاف ".
كاترين : وسيم حط ايدك على كتفي بسرعة يلا .
وسيم : ليش .
كاترين : حطها هلئ ولا تسأل .
وسيم : تكرمي .
" كنان بشوف كيف وسيم حاوط كاترين ونار الغيرة بتشعل جواته وصارت تاكلو "
كنان : قوم نمشي .
ايلاف : اعدين .
كنان : قوم بلا اكل هوا .. وحاج تخفي ضحكتك احسن ماامسحلك ياها.
ايلاف : اووف منك ... لاحقين على روحة البيت .
كنان : مو عالبيت عالمول .
ايلاف : ليش .
كنان : بدي جيب تياب .
ايلاف : اذا هيك انا يلي بمشي .
كنان : الي مو الك لاتسن سنانك .
ايلاف : مو مشكلة نحنا واحد... يعني ايمت مابحب باخد من عندك شي قطعة تنتين تلاتة مافي مشكلة ابدا .
كنان : وبالمرة اربعة خمسة ستة كمان .
ايلاف : بصير ليش لاء.
كنان : لا مالك سألة امشي امشي .
"مشيوا من المطعم واتجهو عالمول.. وقت وصلو بيشتري كنان ٣ تيشرتات وبنطلونين جينز وطقم رسمي وطقم سبور شيك وبوط رياضة وشوز للطقم .. بعدين رجعوا عالبيت وراح كنان لينام بس طبعاا ماقدر مايفكر بكاترين .. وماقدر مايتذكر حركاتها وتصرفاتها بالمطعم .. رغم انو قلبو مكسور منها الا انو ماعم يقدر يطلعها من عقلو وكيانو ..."
" عند كاترين ووسيم :
كاترين : بدك شي سيمو انا نعسانة وبدي نام .
وسيم : اي صح ليش لما كنا بدنا نطلع من المطعم قلتيلي حط ايدي على كتفك .
كاترين : خلص ولا شي انسا .
وسيم : لا ليش .
كاترين : بهمك ؟؟!!.
وسيم : طبعاا لو مابهمني ماكنت سألتك .
كاترين : عم حاول غيظ كنان مابعرف شو خطرلي قلت ممكن يتجاكر بهل الحركة .
وسيم : عنجد ان كيدهن لعظيم .. بس حاج تنكدي عليه للزلمة فظاعة اليوم شكلكم انتو وعم تتناقرو بضحكك.. بس بدي اضحكك بس قلت ماحلوة .
كاترين : اوك طلع معك انا نكدية .. طب ماشي .
وسيم : هو مافي منو اي بنت بتتمناه .. واضح من نظراتو كيف بحبك بس مدري ليش عم يتعامل معك هيك ... بتعرفي اذا طار من ايدك بيقدر فورا يلاقي غيرك ...شب وحليوة وعندو كل المواصفات يلي بتحلم فيها اي بنت وغير هيك من عيلة معروفة .
كاترين : طب ماشي طلع معك انا يلي ما لح لاقي حدا يحبني ؟؟!!.
وسيم : مو هيك🤦♂️ .
كاترين : طيب بدي نام لان معد ركزت وحاسة حالي لح اختمها بخناقة معك مشان هيك بوانا نوتيه.
وسيم : بوانا نوتيه كاتوو ( ليلة سعيدة بالايطالي ).
" بتمشي كاترين على غرفتها والافكار عم تاخدها وتجيبها وتفكر بكلام وسيم وتفكر من جهة تانية بالرسالة يلي وصلتها بالمول ومين يلي باعتها .. وافكار ملخبطة فيها موعرفانة شو تعمل ... "
" كاترين عم تحكي : اووف ياربي ليش هيك كاتب علي اني ابقى مو مرتاحة بحياتي ... كل ماحاول انسى كنان بيطلع بوجهي مرة تانية وكل مرة عم اتعذب اكتر طب مين يلي بعت الرسالة معقول يكون كنان لا لااا كنان اذا بدو شي بيجي بيحكيني بوجهي وماعندو هالحركات كلشي عندو عالمكشوف .. لككك اصلااا صاحب المسج شوعرفو بقصة الطقم ميين هوو ... يالله ماعم افهم شي احسن شي نام ومافكر بقااا "
يتبع .....
البارت التاسع
يوم جديد واحداث جديدة بدها تصير بهاليوم ياترى مع مين وشو هي ....
" صحيت كاترين على صوت وسيم هو وعم يخبرها انو عندهم طلعة عالشركة كرمال تستلم التصاميم وتجرب منهم .... طبعاا كاترين نطت من فرحتها وفورا اخدت شاور عالسريع وعملت شعرها كيرلي ولبست بنتكور ابيض مع كنزة قطش من عند الصرة بينك وصندل بينك فطرو عالسريع ومشيوا عالشركة "
وسيم : يلااا ياكاترين صرلي ساعة ناطرك لشوف كيف طلعو التياب وماكنتي تطلعي .
كاترين : ليكني جاية ..
بتطلع كاترين من غرفة القياس .
كاترين : تاتاتاتا ... شلون ؟؟!!
وسيم : برلون ... اخدين منك شقفة .
كاترين :الفضل بيرجع للديزاينر يسلم ايدين الديزاينر .
وسيم : وايديكي كاتوو القالب غاالب .
كاترين : في داعي جرب الباقي .
وسيم : لا كلون لح يطلعو تمام بما انو هدول مناح .
كاترين : اوك معناها لح غير وارجعلك .
وسيم : اوك .
" كاترين بغرفة القياس عم تبدل وسمعت وسيم عم يحكي عالموبايل بعد ماطلعت اجاها فضول تعرف مين "
كاترين : مع ميم كنت عم تحكي .
وسيم : مع أويس .
كاترين : فيه شي ؟؟.
وسيم : لا بس عم يخبرني انو صار هون وبكرا الصبح سفرنا .
" كاترين بتنط من الفرحة و بتروح بتعانق وسيم وبتبوسه .."
كاترين : عنجد راجعين .
وسيم : لا عن مزح .
كاترين : يسلااام .
وسيم : شو بلاقيكي انبسطتي بالرجعة شو موعاجبتك ميلانو .
كاترين : لككك طبعااا عاجبتني وكتير بس انو حاجتنا هون في عندي تحضيرات لحفلة التخرج .
وسيم : ايواا ... اذا هيك من بكرا بدك تكوني بين عيلتك ورفقاتك ولح ترجعي تنامي على تختك... وب ربوع وطنك ..
كاترين : اييي ..
وسيم : يلا قبل مانمشي بدي شيك على كم شغلة هون لان معد اجي عالشركة قبل السفر .
كاترين : اوك خود راحتك .
" عند كنان وايلاف :
ايلاف : خبر جديد حقو مليون ليرة .
كنان : هات لنشوف .
ايلاف : لا اول شي هات المليون بقلك الخبرية .
كنان : بدك مليون لطشة مو مليون ليرة .
ايلاف : مافي خبرية اذا هيك .
كنان : تصطفل بطلت مابدي اعرف .. ال ياخبر اليوم بفلوس بكرة ببلاش .
ايلاف : اي مافي بكرة لان بكرة بكون فات الاوان .
كنان : ايه ويفوت عادي .
ايلاف ( بصدمة ) : عادي اذا سافرت كاترين وانت ماعرفت .
كنان : دائما لسانك فاضحك انت .. وهي بدون ماادفع فرنك .. وهلق خبرني سفر شو .
ايلاف : بدو فرم لساني انا.
كنان : اي والله .
ايلاف : بكرا راجعين على اسطنبول .
كنان : مين خبرك .
ايلاف : بدك الخبرية ولا تعرف مين خبرني شو بهمك اكتر .
كنان : التنين .
ايلاف : عادي مو صعب انو يكون عندي حدا صاحبي وعم يشتغل عند وسيم بالمكتب .
كنان : ااممم معقول .
""""""""""""""""""""""""""""""""""""
منرجع عند كاترين ووسيم "
كاترين عم تحكي
بعد ماطلعنا من الشركة اتجهنا عالمول جبنا كم غرض للبيت من ضمنهم غراض طبخ صار وسيم ينقيهم وانا مو فهمانة شو عم يصير ..المهم وصلنا عالبيت وتفاجأت بيلي صار
" بالبيت "
كاترين : رايحة بدل تيابي وجاية .
وسيم : اي لاطولي لان بدي علمك الطبخ او الأصح بدك تاكلي من تحت ايدي .
كاترين : عنجددد انت بتعرف تطبخ .
وسيم : اي ليش مستغربة ... شي طبيعي عايش بالغربة لحالي لازم كون بعرف اطبخ .
كاترين : يسلام وشو ناوي تطبخلنا .
وسيم : بدي اعمل جاج بالصينية .. يلا بدلي تيابك عالسريع وتعي ساعديني.
كاترين : اوك .. يلا دقيقتين .
بروح عالغرفة وبغير تيابي وبلبس بنطلون عريض وكنزة ربط من عند الخصر ...رجعت عالمطبخ كان وسيم مبلش بتحضير الأكل .
كاترين : سيمو بما انك بدك تعمل جاج لح اعمل شوربة فطر وفتوش .
وسيم : ياسلام اقتراح حلو .. الخضرا هونيك مشان تبلشي تحضير قبل مايوصلو المعازيم.
كاترين : وااات ... معازيم ؟؟؟! مين هنن وليش ماخبرتني فيهم .
وسيم : هلق ليجو بتعرفي مين .
كاترين : طيب لاتحكي ... لحالي بعرف .
" مين ياترا عازم هاد .. ولي معقول كنان وايلاف ... لا لا اكيد مو هننن ... لككك اييي أويس صارو هون نو وشيفاي اكيييد هنن .... اي هنن ... خلص كاترين حاج تفكري اكيد هننن "
..عند كنان وايلاف ..
بكون كنان مشغول بموبايلو فجأة بحس على طيارة اجت ع رقبتو .
كنان : لككككك *** عليككك .
ايلاف : فوق مالي جاية وجايبلك خبر .
كنان :لككك انت من وين عم تجيب اخبارك الزفت لسى كل ساعة بتجيني بخبر شكل .
ايلاف : تصطفل ومارح خبرك .
كنان : قول خلصني مو رايقلك .
ايلاف : تفضل يا سيدي شوف بعينك .
" بمدلو ايلاف الجريدة وهو فاتح ع اول صفحة وطبعا اول صفحة بكون فيها الاخبار المتصدرة وكتييير مهمة " .
كنان : ( بعصبية وصياح ) ولككككك شو هاااد كيف هيككك .. شو هالتخبيص .. شو هالعلاك .
ايلاف : هدي اعصابك .. لوو عرفانك رح تعصب ماكنت خبرتك .
كنان : اي اي لا تخبرني انطرني شوف الاخبار بتلفزيون .
ايلاف : اي خلص المرة الجاية بس شوف خبر ما بخبرك بستنى لينشهر اكتر ويصير يطلع ع التلفزيون بدل الجرايد بتشوفو لحالك .
كنان : تهبلن عليي ايلاف اي ... لاتلعب بوتر اعصابي لأن باقي وترين وبيفقع عرق الجنان عندي .
ايلاف : سوريي منك مسيو كنان خلص هاا التوبة وسكتنا ( وخبط ع تمو ايلاف بمعنى انو ماعاد يحكي ).
كنان : اي بتفضل اذا بتسكت ..... سمااااع بدي مصدر هالخبر .
ايلاف : لسى هلئ كنت عم تسكتني شووو بلاقيك ما بتقدر تستغني عني .
كنان : اوك انت لسى ناوي وتر الجنان يطق كلمة تانية منك بتلاقي حالك صرت * .
ايلاف : لااا دخيلك انا اصلا بعرف مين ناشر الخبر .
كنان : ناطر سنة تانية لتخبرني مثلا .
ايلاف : لا رح احكي يلي نشر الخبر بكون صحفي خود هي رقمو حاكيه اذا بدك .
كنان : طب تكة تكة بدي افهم هي الصورة التانية ايمت مصورة ؟.
ايلاف : اااا وانا شو بعرفني ...يلي عليي اني جبلك الاخبار الرئيسية والمهمة .
كنان : اي هات الرقم .
" بياخد الرقم وبيتصل فيه "
.... : الو .
كنان : يعطيك العافية .
... : الله يعافيك ..مين معي .
كنان : مو المهم مين معك .. المهم شو جايبلك معي .
...: اذا بتريد احكي بوضوح .
كنان : انت الصحفي المسؤول عن نشر خبر بخصوص الديزاينر وسيم .
... : ايه انا اتفضل .
كنان : حلو كتيير ..
... : ممكن تحكي بوضوح اكتر .
كنان : جبتلك خبر مهمم فيه فائدة كبيرة للجريدة هو تتمة الخبر يلي انت ناشرو .
... : شو هو .
كنان : سمعنيي منيح .. ( **** ) .
... : انت متأكد .
كنان : ولو اخبار موثوقة ... المهم هاد الخبر بكرا بدو يكون مطبوع بالجريدة ومطروشة فيه ميلانو كلهاا .
... : طبعاا لح ينتشر .. هاد الخبر حقو ذهب .
كنان : فيني اسألك الصور يلي ناشرن بالجريدة ايمت صورتن .
... : بس لأنك جايبلي متل هيك خبر مهم رح خبرك ... والا هيك معلومات مو مسموح تطلع لبرا الجريدة .
كنان : مشكور سلفااا ... وهلق ممكن تخبرني .
... : الصور الجديدة اليوم الصبح التقطهم وكان الخبر نازل خلال ساعات .
كنان : شكرااا الك .
... : وانا بشكرك على الخبر كمان .
" طبعا كنان كان عايش بايطاليا فترة منيحة خلال دراسته وهو بيعرف يحكي ايطالي منيح ... بعد ماسكر كنان الخط بشوف بإيلاف كيف نظراتو جامدة وعلامات الصدمة والاستغراب على وجهه " .
ايلاف ( بجدية ) : لككك مجنووووون .. انت شو عملت ... انت لسا فيك عقلل.. انا ماعم اعرفك .. انت مو كنان نفسك يلي كنت رفيقي .. ابداا مو كنان رفيقي .
كنان ( بعصبية وعيااط ) : اي مجنون مجنون ... يلي بدو يحرق قلبي .. بدعس على قلبو موبس بحرقو .
ايلاف : لككك اصحى على حالك .
كنان : حل عني مابدي مين ينصحني ...انا بعرف شو عم اعمل كتير منيح ( وبلشت نبرة صوتو تعلى اكتر ) خلصنااا بقاا خلصناا ....
" كنان بيحمل موبايلو ومفاتيح سيارة ايلاف وبيطلع من البيت وبيخبط الباب بقوة وبيطلع "
" عند كاترين ووسيم "
كاترين : ياسلااام ايه شو هالريحة هيي ... لكك شي بشهي .
وسيم : حتى تعرفي في عندي مواهب مدفونة انا .
كاترين : وانا شوف ماأحلى صحن الفتوش يلي عاملتو .
وسيم : ايه صح عزبتي حالك .
كاترين : ولو كرمالك وكرمال ضيوفك يلي لهلق ماخبرتني مين عادي .
وسيم : يلا تعي ننقل االاكل عالطاولة مو باقي كتير ليوصلو .
كاترين : اي يلا .
" بعد مانقلنا الاكل وصفينا السفرة وصار كلشي جاهز مشي كل حدا مننا لنغير تيابنا قبل ماتوصل الضيوف يلي لهلق ماعرفت مين .. لبست فستان طويل لونه بيبي بلو وعملت شعري بالسيشوار وحطيت مكياج ناعم ...اماا وسيم فكان لابس بيجامة رياضة لونها رمادي "
وسيم : "فتح الباب " ياهلاا والله عالوقت ماتأخرتو .
شيفاي : نحنا دائما ع الموعد .
أويس : ههه لكن مامنحب التأخر .
وسيم : ههه ... تفضلو رتاحو لبين ما نادي كاترين .
" طلع وسيم نقر نقرتين ع باب غرفة كاترين ليخبرها انو وصلو "
وسيم : كاتووو شوو لسى ما خلصتي لبس .
كاترين : مبلا يلا سبقني ونازلة .
وسيم : اوك يلا .
" طلعت كاترين من غرفتها ع الصالون ما كانت عرفانة انو المعزيم وصلو "
" كااترين عم تحكي :
طلعت من غرفتي ومشيت باتجاه الصالون بتفاجأ انو المعازيم وصلو مشيت لناحهن ولقيت المعازيم شيفاي وأويس .
كاترين : يا هلاا .. ايمت جيتو .
أويس : فيكي ..من شوي .
شيفاي : اهلين بكاترين .. وين هالغيبة .
كاترين : انا ولا انتو .
وسيم : يلا ياجماعة الاكل جهز .
كاترين : اي صح اليوم بدكم تروحو عالمشفى لان السيد وسيم بجلالة قدرو وقيمتو هو يلي عمل الاكل .
شيفاي وأويس : 😂😂😂.
وسيم : شو قصدك .
كاترين : من الفتوش يلي عملتو .
وسيم : هيك هاا زبطتيها .
شيفاي وأويس : 😂😂😂.
شيفاي : بتصدقو اشتقت لمنقاراتكم سوا .
كاترين : يلي بيسمعك بقول صرلك سنة مو شايفنا .
أويس : 😂😂.
شيفاي : انا جعت وين الاكل .
وسيم : يلا امشو جاهز عالطاولة .
.............................................
(بعد الاكل )
أويس : يسلم ايديك يا وسيم عنجد الاكل لايعلى عليه .
كاترين : على فكرة صحن الفتوش وزبدية الشوربة تبعاتي عم يبكو بالزاوية .
أويس : طبعاا مامننسى صحن الفتوش تبعك وزبدية الشوربة .
شيفاي : الاكل كلو على بعضو اخد شقفة من قلبي .
كاترين : دخيل قلبك انت .
وسيم : خلص بما انكم حبيتو الاكل هيك تعو كل يوم .
شيفاي : كل يوم كل يوم؟؟!!! .
وسيم : عم امزح .
الكل : 😂😂😂.
وسيم : اي صح شو مشان السفر اي ساعة .
شيفاي : شو ياكابتن مو مخبرن .
أويس : عال 10 الطيارة بتأقلع منكون بالمطار 7 الصبح مشان الوراق .. وعكلن مامنختلف عالوقت طول ماانتو معي .
كاترين : اي تمام منيح .
شيفاي : ضبيتو الشنط .
كاترين : باقي كم غرض وبكون خالصة انا وفي هدايا العيلة .
أويس : ماشالله ولحقتو تجيبو هدايا .
كاترين : يس .. وقت رحت عالمول جبت تياب وجبت هدايا .
وسيم : انوو الله وكيلكم يوميتا ماصفي محل بالمول مافتلناه .
شيفاي : الله يعينك .
كاترين : 🙂.
أويس : حابب احكي بخصوص الموضوع .
وسيم : اي موضوع ؟ .
أويس : مشان تحليل ال DNA .
وسيم : اي احكي عم نسمعك .
أويس : انا وافقت اني اعملو وكلشييي بس عندي شرط .
كاترين : شو هو .
أويس : ماحدا يعرف بالقصة غير انتو وبالاضافة لأوس .
كاترين : اكيد ماحدا لح يعرف بس بدي اخي جود يعرف لان هو بدو يستقبلنا بالمطار وانا بدي قلو يجيب أوس عالمطار ليشوفك .
وسيم : اي فكرة حلوة .
أويس : ماشي مافي مشكلة .
وسيم : برأي فحص ال DNA نعملو فورا بكرى بلا ما ناخد ونعطي بالقصة ويمضى الوقت عالفاضي .
أويس : اي افضل .
شيفاي : الله يخترلك الخير يا صاحبي .
أويس : نحنا صار لازم نمشي .
وسيم :قاعدين وين بدكم تمشو .
شيفاي : لازم نرتاح لسفر بكرى .
كاترين : على راحتكم .
أويس : يلا سلام
شيفاي : منلتقي بكرى لا تتأخرو .
وسيم : لا انشالله عالوقت .
كاترين : الله معكم .
...............................
عند كنان بعد ماطلع من البيت واخد مفاتيح سيارة ايلاف صار يدور بالطرقات لوقت مافات على كافيه وقعد فيها .. يدخن ويشرب نسكافيه .
كنان عم يحكي بينو وبين حالو
معقول كلام ايلاف صح .. معقول عم زودها انا ...
مو عرفان شو عم اعمل كل تصرفاتي مو بايدي ماعم اقدر اتحكم فيها قلبي هو يلي عم يمشيني
انا صار لازم اتحكم بقلبي اكتر ...
حملت الموبايل واتصلت على أُبي ....
أُبي : اهلا اهلاا شلون خطرنا على بالك .
كنان : مو وقتك هلق .
أُبي : شبك ..
كنان : انا راجع بكرى .
أُبي : خليك شوي فوق مااشتقنالك .
كنان : ولا انا اشتقتلك على فكرة .
أُبي : اي منيح طمنتني .
كنان : تعا عالمطار خدني منو .
أُبي : اي ساعة .
كنان : بكون عندك عال 6 ونص المسا .
أُبي : مابقدر عندي نادي عالسبعة .
كنان : أُبي اذا مابتجي بدعوسك .
أُبي : قول لبانا .
كنان : ماخبرت اهلك اني جاية .
أُبي : شو يعني .
كنان : يعني بدك تجي من تم ساكت .
أُبي : تكرم .
كنان : يلا بدي سكر سلام .
أُبي : على كيفك لان بتبلش بالمكالمة وبتنهيها .
مارديت عليه وسكرت بوجهو... بعد ماحاكيتو قمت من الكافيه ورحت لجيب هدايا للعيلة ... فتلت بالمول على تياب ومكياج لبانا .. وجبت كريمات للبشرة امي موصيتني عليهم امي قد منها مافي بتجيب كريمات وبتعتني ببشرتها وجبتلا هدية مني تيور مرتب متل مابتحب وجبت لأبي بارفان وجزدان رغم اني ماكتير عم حاكيه من بعد ماتخانقنا سوا بس بيبقى ابي وواجبي احترمو بالنهاية هو عم يعمل هيك لاسبابو وانا لازم قدر واخيراااا أُبي النقاق جبتلو موبايل جديد نازل باسطنبول مانزل لسا مع انو الموبايل يلي جايبلو ياه من احدث الموبايلات يلي نزلت على تركيا بس هو نقاق بضل يندب موبايلي مع انو كذاب وعاجبو الموبايل يلي اشتريتلو يااه اااه صح وانا شو مابحقلي غنج حالي كمان جبت موبايل نفس موبايل يلي جبتو لأُبي مع انو كمان موبايلي جديد بس ماقدرت قاومه واشتريت لاب توب غير يلي عندي احدث منو كوني بشغلي لازم يكون في لاب توب وكمان جبت واحد تاني احتياط صاحب المحل روق علي من كل شغلة اخد قطعتين ..واشتريت شنتة سفر صغيرة وضبيت فيها كلشي كادويات
بعد مااشتريت كلشي رجعت عالبيت
ايلاف : شو هالشنتة يلي حاملها بأيدك .
كنان : هدايا لأهلي.
ايلاف : قررت ترجع يعني .
كنان : اي بكرى طيارتي .
ايلاف : طبعا يا عمي اذا حبيبة القلب مو هون ليش لتبقى .
كنان : متوقع مني ابقى يعني ؟؟!!.
ايلاف : لا طبعا .
كنان : ايه خلصنا بلا هالحكي اذا هيك .. بعدين عندي شغل تركتو ورا ضهري واجيت لهون بدي انزل في مشاريع برقبتي .
ايلاف : الله يسهلك طريقك .
كنان : اي هاد الحكي يلي بينسمع .
"""""""""""""""""""""
عند كاترين ووسيم:
وسيم : يا كاترين وينك .
كاترين : اييه اجييت كنت عم بدل تيابي.
وسيم : تعي بدنا نحكي مع جود وأوس نخبرن انو راجعين .
كاترين : اييه يلااااا اول الشي منتصل بجود .
وسيم : اوك .
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```