الفصل 10
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴🔟❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كااترينن : ايي يلا ليكني جاية ثواني .
وسيم : وين ثواني صرلي ساعتين بسمع منك كلمة ثواني لو عرفان كنت شفت شي فيلم لوقت ماتخلصي .
كاترين : بلا مبالغة وسيم كل يلي تأخرتهن ساعة وين صارو ساعتين عكلن ليكني جاية .
(لبست كاترين تنورة قصيرة كتير يعني لفوق الركبة بمنيح وفوقها كنزة قصيرة لعند الخصر مع جاكيت بطول التنورة وعملت شعراتها ويفي )
وسيم : يلا انا طالع عالسيارة وانتِ لحقيني .
كاترين : اوك.
كانت كاترين عم تلبس الشوز وطلعت كان وسيم ناطرها بالسيارة بس هي مابتعرف انو في عيون عم تراقب تحركاتها ... وصلت كاترين لعند وسيم ..وطلعت معوو .
وسييم : اوو كاترين شو هاد .
كاترين : شوفي مو حلوين اطلع غيرن .
وسيم :لككك تعي طالعة بتجنني التنورة كتيير لابقتلك .
كاترين : ايي ريحتني .. يلا نمشي .
وسيم : منمشي .
" وصلو لعند أويس وشيفاي عالمطعم .. وكانو هنن واصلين قبلن "
وسيم : مسااالخيير ..
كاترين : بونسواار ...
شيفاي وأويس : بونسوار ..
أويس : اهلين بوسيم والله ليش تأخرتو .
وسيم : شفتي قلتلك تأخرنا ..
كاترين : سوري مابقصد أخركن.
شيفاي : ولا يهمك هاد أويس عم يمزح ماصرلنا ربع ساعة موصلين ..
كاترين : غليظ مو بأيدك ..
أويس : ههه .
وسيم : شو اخباركم ..
أويس : كلشي تمامم.. انت الاخبار عندك ..
وسيم : عندي انا .
شيفاي : ااه عندك .
وسيم : من اي ناحية .
أويس : مثلاا .. شلون كان العرض ونشالله طلع متل مابدك .. وكييف هيك بتكون كاترين العارضة الرئيسية ومابتخبرنا .
شيفااي : ال ونحنا سألناه وين كاترين قلنا شوي وبتجي .
وسيم : ههه .. والله من جهة العرض الحمد الله كلشي متل مابدي واحسن ..ومن جهة كاترين .
كاترين مقاطعة وسيم : ومن جهة كاترين انا بكمل ... هاد يا سيدي ملا انتو اليوم تذكرت العارضة يلي جايبها وسيم انها تجي عالعرض وهالشي ايمت قبل بشوي من العرض .. وهي كان عندها عرض ببلد بعيدة فطيارتها مابتلحق العرض .. ف بيجي السيد وسيم وبلاقيني المنقذة تبعو .
كاترين وهي موجهة الكلام لوسيم : وسيم افندي اذا ماكنت انا موجودة شو كنت عملت بحالك .
وسيم : بسيطة بجيب العارضة الاحتياط .
كاترين بعصبية : وليش ماجبتها اذا بتقدر .
وسيم : بصراحة انا كان الي تلتين الخاطر انك انتِ يلي تكوني العارضة ... الفستان كأني مفصلو الك .
كاترين : شو عم تحكي .
شيفااي وأويس عم يضحكو عليهم .
كاترين بتحمل الشوكة وبتوجهها عليهم هنن التلاتة واحد واحد : هييه انتو التلاتة ليش عم تضحكو على فكرة مافي شي بضحك وانت يا سيد وسيم الا مايجي يوم واسترد حقي منك .
" وبتخبط ايدها عالطاولة وبطير معها كاسة العصير وبتنسكب عليها وعالطاولة ...'
كاترين : يييي شو عملت انااا ...وسيم شو هالعيون يلي عندك صبتلي التنورة بالعين وانكب عليها عصير .
أويس : قومي غسلي ولترجعي بتتخانقو .
شيفاي ووسيم كاتمين ضحكتون على شكل كاترين كيف صار بعد مانكب عليها العصير .
كاترين : يلا رايحة غسل وراجعة .
" مشيت كاترين عالحمامات وصارت تمسح بتنورتها من العصير وتنضفها وبعد ماخلصت زبطت الروج يلي راح منو شوي من العصير ورشت عطر وكانت عم تجهز حالها لتطلع بس بتتفاجئ انو الباب بينفتح عليها وبيدخل عليها حدا ماكانت متوقعة وجودو ابدااا ...
كاترين لما بتشوفو بتنقز وبترجع كم خطوة لورا حتى انفاسها كانت مو منتظمة من صدمتها ."
كاترين وهي عم ترجف : ككك.....ن...ااا....ن .. كناان ..
كنان : اييه كنان ليش مستغربة .
كنان صار يقرب بخطواته اتجاهها وهي تبعد .. هو يقرب وهي تبعد .. هوو يقرب وهي تبعد لوقت ماانحصرت بالحيط منيح ومو قادرة انها ترجع اكتر .
كاترين : انت شو عم تعمل هون .
كنان : ولوو انتِ هون معقول مااجي شوفك .
كاترين : تشوفني ؟؟!!! من وين لوين نحنا انفصلنا ... اذا نسيان يعني .
كنان : ولوو معقول انا انسى .
بيقرب منها بيحاوطها من خصرها وبشدها ناحو .
كاترين بتنتبه لايد كنان المضمدة وبترتعب عليه .
كاترين : شبها ايدك .
كنان : ماتفكري فيها شغلة بسيطة ازازة فاتت فيها وجرحتها .
كاترين : جرحها غميق ؟؟.
كنان : لا بس اختي بتكبر الأمور ومارضيت ماتضمدلي ياها خلينا بموضوعنا الاساسي .
كاترين (اجت تبعد عنه ) : بعد عني مافي حديث بينا ليكون في موضوع اساسي .
كنان (صار يلعب بخسلات شعر كاترين ) : برأيك معقول انسى انو انفصلنا !!!! بس قلت مو معقول يعني تعملي عرض ويكون فيه كل هالنجاح وماباركلك .. ماحلوة يعني .
كاترين : لا يا سيدي حلوة وحلوة ونص وشقفة كمان .. بعد عني خليني اطلع ..
" وبتحاول كاترين تنفد حالها منو .. بس هو بيرجع بيحضنها وبشد عليها اكتر .
كنان : وين ياحلوة وين عم تهربي لسا ماباركتلك .
كاترين : خلص انا اعتبرت انك باركتلي وبصفتي بقلك .. الله يبارك فيك .. وهلق صار فيني روح استاذ كنان الباشا .
كنان : تؤ تؤؤ .. بس انا لسا ماباركتلك ولا هي طريقتي يلي بدي باركلك فيها ..
كنان بكون عم يحاكي كاترين وموجه عيونه على شفايف كاترين هي عرفت شو بيقصد .. وحاولت للمرة التالتة تتهرب منو .
كنان : لا هيك مااتفقنا .. رجعتي تهربي قبل ماباركلك .
كاترين : مابدي حدا يباركلي حل عني .
كنان : ااه صح بتكوني اخدتي مباركتك من حبيب القلب بس بتوقع مني غير .
وبعد مابيخلص كلماته بيكون كنان لامس شفايف كاترين بشفافو وببوسها .. وكل ماتحاول تهرب منو يقربها منو اكتر ويحضنها ويرجع يبوسها .. بعدين بروح لعند ادنها وبيهمس .
كنان : اممم .. وهلق صار فيني قلك Congratulations (يعني مبروك ) .
" بيجي بدو يمشي كاترين بتقاطعه بكلامهاا "
كاترين : لكك الله يلعنك كلكم هييك كلكم نفس الطينة .. مابهمكم غير شهواتكم .
كنان بيرجع لعندها وبيكمشها من زندها : بدك تزعليني منك .. انتبهي على كلامك معي تاني مرة والا مابصير خير .
" بيتركها وبيفتل ليمشي بس بيرجع لعندها... وصار قريب منها لدرجة يقدر يسمع صوت نفسها ...مرق ايده على رجليها يتحسسهم "
كنان : هااه صحيح هدول الرجلين ينصحك ما تخليهم يبينو مرة تانية وبيغمزها وبيمشي ...
"وهي بتقعد تبكي لحالها .. بعد ماهديت نفسيتها قامت لتعدل الميك اب .. بتلاقي كنان مخربلها الروج بترجع بتغسل وجها ويتزبط الميك اب وبتطلع لعندن بتلاقيهم عم يحكو ويضحكو ... وكنان مالو اي أثر .. قررت تروح لعندن وماتحسسن بشي مشان ماتنزع عليهم السهرة "
كاترين : انا جيت .
أويس : اهلين .
كاترين : ايه شو حكيتو بغيابي .
وسيم : حكينا عليكي .
كاترين : هيه هيه هيه بايخة .
شيفاي : انتو كيف متحملين بعضكم بالبيت .
كاترين : والله مابعرف كيف الله مصبرني عليه عكلن كلن يومين وبيمضوا .
وسيم : اي وبرتاح من غلاظتك .
كاترين : انا يلي ح ارتاح والله .
أويس : اووو انتو مابتخلصو نقار ونقير .
كاترين : هو بلش .
وسيم : لا هي .
كاترين : انت .
وسيم : لا انتِ .
كاترين : انت.
وسيم : لا انتِ .
كاترين : انت .
وسيم : لا انتِ .
كاترين : انا .
وسيم : لا انا .
كاترين ( بانتصار ) : شفت شلون اعترفت انك انت .
أويس هو وشيفاي كانوا عم يتفرجوا عليهم كيف عم يتناقروا .
شيفاي : مطولين .
كاترين : لا خلصنا .
أويس : كتير منيح .
وسيم : اي والله .
أويس : يعني هلق صار فيي احكي ؟!! .
شيفاي : لا استنا شوي يمكن لسا حدا منن نسيان يقول شي كلمة وهلق بيتذكرها بعد الخناقة كالعادة .
كاترين : لا خلص خلصنا .
أويس : ايه كتيير منيح .
شيفاي : عنا رحلة قبل رحلتكم ....
وسيم : ايه ...؟؟؟!!!!
أويس : معد نشوفكم غير ليوم السفر .
شيفاي : يعني منسافر ومنرجعلكم ..
وسيم : يعني هي آخر جمعة هون النا بميلانو .
أويس : للأسف .
شيفاي : يلاا الجايات اكتر من الرايحات انشالله .
كاترين : رح نشتقلكم .
أويس : مو مطولين عليكم راجعين ناخدكم .
كاترين : طيب .
وسيم : ايمت سفركم .
شيفاي : اليوم بالليل .
وسيم : معناها كاترين مالازم نسهرن لازم يرتاحو .
كاترين : ايي مبلاا .
أويس : لا تعتلو همنا... نحنا بس حبينا نجمعكم اليوم حتى نودعكم .
وسيم : يلا نمشي كاترين .. موفقين برحلتكم .. بنفسنا نقعد معكم شوي كمان بس لازم ترتاحو وتنامو شوي حتى ماتنعسو .. .
كاترين : بشوفكم بخير .. سي يو .
أويس : والله مافي منكم انتو .
شيفاي : الله بعتلنا ياكم متل العوض .
وسيم : حبايبي .
كاترين : يلا سلام .
شيفاي و أويس : سلاماتت.
"تركو المطعم ورجعوا ع البيت وطول الطريق كاترين صافنة وعم تفكر "
بالبيت .....
وسيم : اي والله مافي احسن من أويس وشيفاي .
كاترين : اي والله مافي منهن بس لازم ينزل معنا ع اسطنبول مشان يشوف أوس ونعمل التحليل .
وسيم : اي بس يرجع من سفرتو منخبرو بخصوص الموضوع .
كاترين :اي تمام وهلئ بوانا نوتيه (بوانا نوتيه : تصبح ع خير بالايطالي ) انا تعبانة وبدي نام .
وسيم :شو شايفك اذا بتقعدي هون شوي تانية بتنزلي على اسطنبول خاتمة اللغة.
كاترين : شو ناطر مني وانا عم اقعد جنب واحد بلبل بالايطالي .
وسيم : يلا كورسات ايطالي مجانا عم اعطيكي ... وخلص روحي نامي هلئ شوي تانية منسرد بالحديث اكتر .
"طلعت كاترين عملت شاور ولبست بيجامة وبعدها اعدت بالتخت تفكر بكنان "
كاترين عم تحكي :
ياربي انا ليش هيك بصير معي كل ما حاول انسى بيرجع بيطلع بوشي بس يلي ماعم افهمو كيف وصل لهون وعرف مكاني معقول يكون هون من لما اجيت ... لا لا مو معقول اصلا كيف رح يعرف ... هفف ياا انا لازم لاقي طريقة لاعرف ليش هيك عمل فيني ... طب شو قصتو مع هالعصبية الزايدة ماكان هيك كان كتيير رايق وحباب ... شو قصتو مع كلمة حبيب القلب كل ما بصدف وبشوفو بقلي هي الكلمة ... خلص كاترين انسي كنان .... طب هو تركني فجأة وما عرفت السبب ... ياااا شو عم خبص انا مستحيل انسى كيف خبص معي بالحكي وهانّي ...بس بقى حاج بكفي تفكير فيه ... انا لازم انساه وطلعو من حياتي واتفضى لتخرجي وحياتي من دونو ...
"وبعد ما حكت مع حالها استسلمت للنوم "
عند كنان ....
.. : والله ما عرفتك كتيير متغير .
كنان : انا ؟!
..: اي اي انت صاير مو انت .
كنان : انا متل ما انا ما تغيرت .
.. : وين مو متغير يا زلمة اتاري العشق بغير كتيير .
كنان : وبيكسر القلب اكتر .
... : طول بالك مو لهل الدرجة .
كنان : انت بتعرفني كتيير منيح اني بعمري ماحبيت بنت ولا كنت مفكر حب اصلا ... ولما صار وحبيت كسرتني .
... : يالله شو صاير فيك .. لكك صاير كتيير نكدي يازلمة .. مو معقول وين كنان الفرفوش اكتر حدا بالشلة .. كان يشعل الجو .. ويشيل الملل .
كنان : لا مو لهل الدرجة عم تبالغ .
... : بتحبها .
كنان : اي حب هاد بعد ماخانتني .
... : بس انت هلئ هون كرمالها .
كنان : انا اجيت لهون مو كرمالها بس انا اجيت لحتى حطها على عينها وفرجيها كيف عم تخونني .
.. : انت متأكد انو عم تخونك .. بركدن انت غلطان وعم تظلمها معك .. وعم تظلم حالك معها..
كنان : لكك انا شفتها معو وبتقلي عم اظلمها .. راحت معو عالمطعم .. كذبت علي وراحت استقبلتو من المطار واخدتو بالأحضان .. وانا بتقلي انها عندن ضيوف ومالح تقدر تحكيني .. لما كانت بالمشفى كان معها وناطرها لتصح و وووو ... شو بدي قلك لقلك .. بدك اكتر من هيك لسا ... انا تعبت من كذبها وحبها المزيف الي .
.... : والله مابعرف شو بدي قلك الله يهدي بالك احسن شي .. وبرأي تتأكد اكتر احسن ماتندم على حب حياتك انك ضوعتو من ايدك ..
كنان : والله وصاير عم تحكي مواعظ وحكم انت يلي كنت بدك مين ينصحك .
... : الدنيا دوارة .
كنان : اي والله .... ومنيح يلي رجعت جمعتنا سوا ... لكك اشتقتلك ولااه .
( بيحمل كنان المخدة وبيلحشها عليه )
... : ولاااه انت ( بعد ما يلقط المخدة ويردلو ياها ) .
... : لككك صح شلون لقيتلي هالسفرة وماقدرت تشرحلي منيح عالموبايل شو القصة بالتفصيل.
كنان : تعاا لقلك كلشي بما انو قاعدين .
""""""""""" فلاااااااا🔙ااااااش """"""""""""""
كنان وقت يلي شاف العرض عالتلفزيون .. ماقدر يسكت اكتر .. مالقى حل غير انو يتصل بحدا .. وهل الحدا عايش بميلانو صرلو زمان ..
كنان ( وهو بقمة غضبه ) : الو .
... : اهلين شو ذكرك فيي بعد زماان .
كنان : هاد انت ماتغيرت فوق مو داقق اطمن عليك واطلب منك طلب .
... : هااا هلق بلش يبين ليش دقيت .
كنان : إيلاف اسمعني منيح .. انا هلق عم سوق ومو ناقصك تلعب على وتر اعصابي فوق ماني معصب ومو قدران اتحمل غلاظتك .
إيلاف : هات لشوف شبك .
كنان : بدي ياك تأمنلي حجز طيارة هلئ بدي اطلع لعندك .
إيلاف : ياعمري مشتقلي كل هل القد حتى بدك تجي لعندي وهلئ .
كنان : خراس مو وقتك ... المهم طيارة ولو كانت خاصة وغير هيك غير هلق مابدي .. لاتفرجيني خلقتك اذا مادبر معك .
إيلاف : خلص يا حبيبي لا تموت هلق بأمنلك طيارة تجيبك لعندي تطفي شوقك .
كنان : إيلااااف لكككك * خليني كمل وكمااان بدي منك تروح على عرض الازياء يلي هلئ عم يصير .
إيلاف : في الف عرض ازياء شو بعرفني اي بدك ؟؟ وليش ناوي مثلا تسرق التصاميم مثلا !!.
كنان : انشالله لح اسرقن وحطك معي بال سجنن بصفتك انت صاحب الفكرة .
إيلااف : نييه باايخة ... هلئ خبرني اي عرض ازياء .
كنان : بعتلك مسج بالتفاصيل وفي بنت وشب بدي منك تراقبهم وقت يطلعو من العرض وتشفلي وين بروحو .
إيلااف : نعااام آخرتي اشتغل جاسوس عندك .. لا هييك كتيير .
كنان : لا انشالله اخرتك على ايدي اذا مابترد علي وبتنفذ يلي قلتو .. يلاا انا ضبيت غراضي وناطر منك خبر لاجي عالطيارة ومشان البنت والشب هلئ كلشي بيوصلك تفاصيل عنن بمسج .
إيلااف : طب مابدك افرشلك بساط احمر وقت تنزل من الطيارة ورشلك ورود وكمان سيف وترس .
كنان : اممم كمان بصير ... يلا سلاام إيلاف سلام .
"""""""""بااااا🔙اااااك""""""""
كنان : بعد ماحاكيتك كملت طريقي للنادي يلي صاحبو اخوها لكاترين .. فرغت كل طاقتي وكل عصبيتي ماطولت يعني قريب الربع ساعة كونه ايدي مضمدة شوفة عينك وانت كنت داققلي خبرتني انو معي نص ساعة لكون بالمطار وامشي .... اخوها لكاترين كان بالنادي عرفت من سيارتو بس ماشفتو ... وبعد ماطلعت من النادي اتجهت فورا عالمطار والمسافة بين اسطنبول وميلانو بالطيران مو كتيرة شغلة ساعتين وشوي قدرت اوصل لهون عالوقت المناسب.. وطبعااا اول ما وصلت ماشفتك بس منيح يلي كنت عم تراقبن كنت ماعذرتك ..ركبت بتكسي واجيت على عنوان المطعم يلي بعتلي ياه لما وصلت عالمطعم كانوا واصلين قبلي بس قدرت فوت عالمطعم من غير مايشوفوني او يعرفوا ايمت وكيف جيت ... حسيت حالي بتسابق مع الوقت شفت العرض وماقدرت كمل المسخرة اللي شفتها تركته وحكيتك لاجي فورا ... بس واخيرا وصلت بالوقت المناسب ...وبعدها كلشي بتعرفو.
إيلاف :اممم هيك لكن .
كنان : انا تعبان وين بدك تنيمني .
إيلاف : هدليك غرفتك .
كنان : اوك يلا تصبح على خير .
إيلاف : وانت بخير .
" لمحة عن إيلاف :
إيلاف عايش لحالو بميلانو بعيد عن اهلو يلي هنن باسطنبول ... بكون البيست لكنان بس بحكم انو مسافر فقليل مايحكو سوا .. بس مرة كان عندو كنان سفر بالشغل لبرا البلد واجا لعندو ومن وقتها ماشافه .. كانت علاقتهن قوية وقت الجامعة والمدرسة .. بقيو سوا ومازعلو من بعض يوم .. كانو سوا وقت الجامعة وكمان كملو سوا دراسات عليا .. بس إيلاف قرر يبقى بميلانو بحكم اجاه عرض شغل كتيير منيح ومارضي يرجع على اسطنبول .. وهيك كنان رجع لحالو .. وافترق عن رفيق دربه ... كنان كان فيه يتوظف مع إيلاف بس هو فضل انو يرجع على اسطنبول ويفتح مكتب خاص فيه ويطور شغله .
مواصفات إيلاف : طويل وأسمر عيونه بني ودقنو كثيفة .. جسمه متناسق لا سمين ولا نحيف .. بحب المزح كتير بس وقت يكون الموضوع جدي بصير حدا تاني كليا "
" الصبح "
كاترين فاقت متنشطة وعملت دوش وجهزت حالها واعدت تفيق بوسيم .
كاترين : قوم يا وسيم قوم ..
وسيم : 😴😴.
كاترين : لكك قووم فيق بقااا .
وسيم ( بفتح عيونو وهو لسا نعسان وبيطلع بلاقي كاترين اعدة جنبو وعم تهز فيه ليفيق ) : خير من عند هالصبح يافتاح ياعليم يارزاق ياكريم شو عم يصير معك عند هالصبح .
كاترين : قوم يلا مافي وقت نضيعو .
وسيم ( بيرجع بيفتل عنها وبحاول ينام )
كاترين : لكك قوم بقااا مو وقت نومك .
وسيم : لكك تركيني نام كمان شوي شو صرلك .
كاترين : لا مابصير مجهزة الفطور وعم يستناك يلا قوم بقاا .
وسيم ( بيفتل لعندها مستغرب ): شو عم اسمع انا .. معقول ماسمعت غلط انتِ ساويتي الفطور وناطرتيني .. ايي لااا هييك كتيير .
كاترين : فوق ما عم دللك مشان هلق دللني بمشوارنا .
وسيم : ااه يا مصلحجية .
كاترين : طب يلا قوم بقاا.
وسيم : قايم قايم ليش انتِ بتخلي حدا يعرف ينام او بتتركيه بحالو .
كاترين : سوري .
وسيم : طيب سبقيني بدي اعمل شاور واجي .
كاترين: اوك ناطرتك .
" عند كنان :
كمان كنان واقف فوق راس إيلاف وعم يفيقو .
كنان : إيلاف فيق مو نصيحة اذا مافقت .
إيلاف : 😴.
كنان : عم قلك اصحى بقاا.
إيلاف ( وهو نايم عم يحاكيه ) : هممم تركني بحالي .
كنان : يلا يارب .
إيلاف بيصحى من عز نومه على سطل مي انطرش فوقه .
إيلااف : ياااا زفتتت باااردة لكك انت مجنون منين جبتها .
كنان : منين يعني من البراد .
إيلاف : يااا ****.
كنان : قوم خلصني هلق .
إيلاف : شو بدك مو قايم .
كنان : بدي مفاتيح سيارتك .
إيلاف : ماتنقبر تاخدن ليكن جنبك.
كنان : لح أخدن وأخدك معهم انشالله .
إيلاف : حل عني مابدي حدا ياخدني .
كنان : مو بكيفك يلا غير تيابك ولحقني .
إيلاف : ماتحلم .
كنان : يلاا ناااطرك ياويلك تتأخر.
إيلااف : قلتلك بأحلامك .
كنان : ليك هالمرة مو سطل مي باردة هل المرة بجيب كيس طحين وبطرشو فوقك بركدن بتصير عجينة بما أنك مبلول ومبلول .
إيلااف : طلاع لبرا هلق بلحقك.
كنان : هلق انت عيني.
عند كاترين ووسيم بكونو عم يفطرو ....
كاترين : ايه سيد وسيم وين ناوي تاخدني .
وسيم : والله شكلك بتعرفي وين بس عم تغشمي حالك .
كاترين : بما انو انا وانت منعرف بدي منك يكون بالك كتير طويل لان انا بال shopping باردة شوي .
وسيم : شوي ؟!!.
كاترين : مو شوي شوي ..شوي كتيير .
وسيم : روقت شكلي .
كاترين : معقول كون موجودة ويكون في عنصر حزن او اكتئاب بالمكان.
وسيم : مداح بحالو بسلم عليكي .
كاترين : الله يسلمك .
وسيم : دايمة وميرسي لجهودك بتحضير الأكل .
كاترين : صحة وهناا .. تعا كل سنة مرة .
وسيم : تكرمي عطول رح اعزم حالي عندك ... يلا قومي .
كاترين : يلا.
" بتمشي كاترين مع وسيم وبيطلعو برا البيت ليركبوا بالسيارة بيمشوا وبيكون كنان عم يراقبن ومعه إيلاف ....."
وسيم : وهي وصلنا عالمول يلا ننزل .
كاترين : شو باين حلو .
" بالسيارة عند إيلاف وكنان"
إيلاف : شو عم يعملو هون .
كنان : هلئ منشوف ... يلا مشي ننزل وراهن .
.......
كاترين : وسيم تعا تعا شوف هدول حلوين كتير شو رأيك .
وسيم : جربيهم .
كاترين : اوك .
" بتلبس كاترين طقم سبور شيك وبتطلع .
كاترين : شو رأيك .
وسيم : لابقينلك كتير .
كاترين : لح غير وارجع .
وسيم : ماشي.
" بتطلع كاترين من غرفة القياس وبتتجه لقسم السبورات
كاترين عم تحكي مع حالها :
شو حلوين هالشورتات اوو ولا البروتيلات ... وهاد الافرول الجينز الشورت .. لازم آخد منن بس يي كنان بيتجاكر من هيك لبس ... اي وشو عليه ما لازم رد عليه وخليه يطق بجكرو وغيرتو ... وبلشت اسحب من كل شغلة قطعتين عالماشي واشتريت كنزات قصار بتبين منها الصرة واشتريت تنانير قصيرة وكمان كنزات كت وبنتكورات و كتيير شغلات وقصص كلو حاولت انو يكون قصير وبيستفز كنان .
وسيم : كاترين .
كاترين : شو .
وسيم : ماعم تحسي حالك انك مبالغة شوي بهل التياب .
كاترين : وين المبالغة انا ماعم شوفها .
وسيم : اول شي عم تكتري وكأن ماعندك غير قطعة تياب بالبيت وتاني شي يعني ان بتلاقي اقصر من يلي عم تجيبيون مابتقولي لاء .
كاترين : شو عرفك اني مابقول لاء .
وسيم : بعدين انتِ مو بالعادة تجيبي هيك ستايل .
كاترين : حابة غير ستايل لبسي يلا نقي معي بلا كتر حكي .
وسيم : برأي حاج من هدول مشي آخدك على محل تاني تجيبي شي للاجتماعات وهل القصص .
كاترين : بس هدول ليك ماأحلاهم وما أريحهم باللبس .
وسيم : قلت بكفي بعدين ماشالله حولك ماخليتي ستاند مااخدتي منو قطعة قطعة عالماشي ..
مو على اساس بتعزبي بالتنقاية شايف كل ماتشوفي قطعة بتاخديها.
كاترين : شو اعملك اذا كلو هون حلو .
وسيم : اي الحمد الله عم تلاقي شي يعجبك .
كاترين : طيب امشي نشوف بغير محل .
" بتطلع كاترين من المحل ومعها كياس كياس هي حاملة ومحملة وسيم كمان .. بشوفها كنان من بعيد "
إيلاف: شو كل هالكياس لو عم تجهز مو هيك .
كنان : شو بعرفني انا .
إيلاف : منيح خلصت منها باينة بتحب التياب كتير .. كنت صرفت كلشي مصاري على تيابها.
كنان : إيلاف اضبضب .
إيلاف : ايي سكتنا ... طب امشي نشتري معن الهيئة مطولين .
كنان : مو هلق بعدين .
ايلاف : طيب ماشي .
" رجعت كاترين فاتت على محل تاني وكمان صارت تشتري وتشتري ولقت تياب قصيرة كمان بس وسيم ماخلاها لأن يلي اشترتن وزيادة .. اشترت كذا طقم سبور شيك .. وكمان طقومة رسمية ... وماعدا الجينزات والكنزات والفساتين ..بعد ما اشترت كاترين اتجهو سوا على محل للتياب الرجالية مشان وسيم "
وسيم : اي شو رأيك .
كاترين : كتيير حلوين .
وسيم : خلص لكن لح آخدن .
كاترين : اي وشو مشان الطقم .
وسيم : خلص حبيتو ولح آخدو .
كاترين : اي واحد .
وسيم : اي واحد يعني هنن تنين صرلي ساعة محتار بينن يا السبور يا الرسمي وانتي مافي غير بتخليني اشلح والبس وغير بينن .
كاترين : ايه وشو اعتمدت بعدين .
وسيم : السبور .
كاترين : لاا ماحزرت جيب واحد رسمي .
وسيم : قلت سبور انا .
كاترين : وانا قلت رسمي .
وسيم : سبور .
كاترين : رسمي .
وسيم : سبور .
كاترين : رس..
" وقبل ماتكمل كاترين كلمتها بيقاطعها صوت المسج بتفتح لتشوف شو فيه وبتنصدم بالمحتوى "
يتبع .....
البارت التامن
" وقبل ماتكمل كاترين كلمتها بقاطعها صوت المسج بتفتح لتشوف شو فيه وبتنصدم بالمحتوى "
( الرسالة :
الطقم السبور شيك احلى .. وبرأي الشب بيطلع فيه شخصية وهيبة .. وطبعا لما يكون في مناسبة خطبة اكيد السبور لازم كوني شب وبعرف شو منحب نحنا الشباب ) .
" كاترين بتقرء الرسالة وبتنصدم بتوقف عن التفكير من الصدمة مين صاحب الرسالة وشو عرفه بشو عم يصير فيها توترت واعصابها صارت ترجف وتجمدت ملامحها وقررت انو ماتخلي وسيم يحس عليها . "
كاترين : اوك سبور .
وسيم : شو ؟؟!.
كاترين : عم قلك سبور مو انت بدك سبور طب ماشي سبور .
وسيم : شو يلي غير عقلك فجأة .
كاترين : ماتغير بس متل مابدك .
وسيم : شو وصلك عالموبايل حتى هيك انقلبي وتعابير وجهك تغيرت .
كاترين : ولا شي مافي شي .
وسيم : ماشي مع اني مااقتنعت .
باسطنبول ...
عند بيت القاتي ...
كارولين : صباحو يا حلوين .
لميا : يييي هي كلمة كاتووو حبيبة قلبي شو شتقتلها .
يحيى : ليش الدموع هلئ كلها كم يوم وراجعتلنا .
جود : اي لكن ياعمي العز للرز والبرغل شنق حالو .
كارولين : هي مدللة العيلة شلون ما بدها تستفقدلها .
لميا : سكوت انت وياها شو هاد برغل ورز شي حلو والله كلكن عندي عسل البيت .
يحيى : الغيرة يلي بهالبيت مو طبيعية .. يلا انا طالع ع المكتب عندي اليوم مناقصة مهمة .. ( بيلتفت لعند جود ) جود لا تتأخر عنا شغل كتييير .
جود : حاضر بابا .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بالمكتب عند رأفت :
( رأفت عم يحكي مع مدير اعمالو )
هالمناقصة كتيير مهمة بالنسبة الي ولازم ناخدها .
.. : تكرم يابيك .. بس المنافس لالنا مو سهل ابدا وعندو نفوذ .
رأفت : مابهمني مو انا يلي بيقدر ياخد مني شغلي .
أُبي : انشالله نقدر ناخدها وما يطلع شي بوجهنا مش حاسبين حسابو .
رأفت : المناقصة لالنا وهلئ بتشوف شلون .
أُبي : انا طالع ع مكتبي واي شي بدك مني خبرني .
رأفت : ماشي الله معك .
.. وقت يطلع أُبي بيحكي بينو وبين حالو ..
انو يعني شو فيها واذا اخد المناقصة شي مرة واذا اخدها بصير مصيبة بالشركة والوضع بِتوتر .
"""""""""""""""""""""""""""""
بالمكتب عند يحيى :
( يحيى عم يقول لجود )
يحيى : بعد شوي بصير وقت المناقصة انت مارح تكون موجود .
جود : ليييش .
يحيى : مافي داعي لوجودك لا انت ولا أُبي نحنا فينا نقوم بالمناقصة لحالنا بعدين معنا ودراء اعمالنا يعني مو لحالنا .
جود : متل ما بدك انا ماشي ع مكتبي .
يحيى : الله معك .
.. بيطلع جود من عند أبوه وبصير يحكي بينو وبين حالو ..
والله ابي و بعرفك اكيد هلئ بتكون عم تفكر كيف بدك تحصل ع هالمناقصة بأي تمن طبعاا شو سر هالعداوة بينك وبينو لرأفت بس لو اعرف بعد ما كنتو اعز صحاب وشركاء فجأة تفرقتو وقلب هالحب لكره وصار الشاطر يلي بدو يخرب شغل التاني ويخسره خسائر عالضرب التقيل مو اي ضرب شغل معلميين اي العما لو مافيا مو هيك .
___*_*..
عند رفقات كاترين :
شغف : ياكاترين وين رحتي مو متعودين ناكل بهالمطعم لحالنا .
ريتاا : ايييه بتكون اخر رواق بميلانو.
شغف : الله يسعدها بتستاهل كل خير والله .
ريتا : اي والله .. بس اتوقع طلعتها على ميلانو في من وراها قصة .
شغف : وانا هيك بقول مابتعرفيها هي ام المفاجأت ... ماشفتي كيف تفاجأنا بالعرض .
ريتا : اي والله بس شو طالعة حلوة بهل الفستان ... قولي بتشتغل موديل من زمان .
شغف : اي والله ...
" بالمناقصة كانت الاجواء ملخبطة و نظرات بين رأفت ويحيى مو مفهومة .. بلشت المناقصة وهاد يزيد بالسعر وهاد يزيد اكتر .. هاد يزيد وهداك يزيد .. بقيو على هالحال فترة للوقت يلي يحيى قال فيه سعر ورأفت قال سعر اعلى منو وهون يحيى قرر يترك المناقصة لرأفت بس السعر ماكان قليل بالعكس خيالي والمناقصة مابتستاهل هالقد .. كانت غاية يحيى انو اذا ماقدر ياخد المناقصة يرفع السعر ويتركها لرأفت ليضمن انو ما يربح منها واحتمال الخسارة كبير "
يحيى : مبروكة عليك المناقصة .
رأفت ( بانتصار ) : الله يبارك فيك ..
يحيى : مو ملاحظ انك عطيت المناقصة اكتر من حقها يعني ماكانت بتستاهل هيك سعر بعتقد .
رأفت : وقت يلي بتكون انت الخصم بتكون بتستاهل وكتير واذا قلبك عليي كرمال ما اخسر مو رأفت يلي بحط ايده بشي وبيخسر .
يحيى : اييه تتهنى فيها .
(يحيى مانطر رأفت ليرد ومشي هو ومدير اعماله ).
______~_•..
بعد ما بيوصل رأفت ع الشركة و بقول للسكرتير يناديلو لأُبي ..
رأفت : شفت شلون اخدتها .
أُبي : اي مبروك عليك .
رأفت : مبروك علينا كلنا ....
أُبي : واديش السعر كان .
رأفت : ** .
أُبي : اوووف بابا مو ملاحظ انو هالسعرر غالي كتييير عليها لككك قد ماكانت مناقصة محرزة بس بيبقى في سقف لحدها و تمنها .
رأفت : أُبي انا ابوك مو انت ابي حتى تعلمني الصح من الغلط وانا لو مابعرف اني بقدر حصل تمنها ماكنت خاطرت بمئات الملايين كرمالها .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h