الفصل 9
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴9️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
وسيم بأشر بأيدو على الكنب وبقول: تفضل تفضل لا تبقى واقف .
أويس : شكرا .
وسيم : شو بتحب تشرب .
أويس : شكرا مابدي شي .
وسيم : لا مابصير .
أويس : طيب ايس كوفي ... بس بشرب بعد مااحكيلك هالكلمتين يلي عندي .
وسيم : اي طبعاا.... وانتِ كاترين شو تشربي .
كاترين : نسكافيه .
وسيم : اوك ح اطلبن لوقت مايجو بتكون حكيتلي يلي جاية كرمالو.
كاترين : اذا بدك انا بطلع من هون اذا مدايقك وجودي .
أويس : لا بالعكس انتِ كمان لازم تكوني موجودة لتسمعي يلي بدي قولو ... بصراحة انا بعد ماسمعت بالقصة يلي حكيتلي ياها وماخبيت عني شي انا قررت كمان احكيلك قصتي ... هلق ممكن انت تقول انو انا شو خصني بقصتك وليش عم تحكيلي ياها بس هي بتهمك .. المهم انا من لمّا كنت صغير وانا بعرف عن حالي اني مو ولد امي وابي .. بمعنى هنن لقوني وانا وصغير وربوني ... وعيت عالدنيا ومعي هالحقيقة يلي دائماً بتحسسني بالنقص يلي جواتي .. نقص اني بدون اب وام او حتى عيلة ... مابخفيك ابي وامي .. بقصد عيلتي المربيتني كتير بحبوني بس انا بيبقى عندي شعور جوا قلبي فاضي ..وانا حابب اتأكد من صحة الشي يلي خبرتني ياه مشان هيك انا برأي اذا انت هل القد عندك شك فيني انا بدي اعمل
فحص DNA لاتأكد .. وبالنهاية انا بكون جربت مابخسر شي واذا ماطلعنا منقرب بعض ففرصة سعيدة جمعتني فيكن.
وسيم : مابعرف شو بدي الك انت فاجئتني .. اكيد نحنا جاهزين للفحص .. ومنتفق على هل القصة .. وبتمنى يطلع شكي بمحلو لاني حبيتك وحسيتك قريب من القلب كأني بعرفك من زمان .
كاترين : يا عيني هلق صار عنا نسخة تانية عن أوس .. كنت بواحد صرت بتنين .
أويس : اذا مو عاجبك ببطل هاا.
كاترين : لاا يوه بس خايفة صير مافرق بينكم .
أويس : لا تاكلي هم الا ماتلاقي حل .
وسيم : هههه كاترين بلشتي نق من هلق .
كاترين : انو اي يعني .
وسيم : عندي عرض ازياء نهاية الاسبوع بتشرف بوجودك معنا.
كاترين : ياااي في عرض ازياء ليش ماخبرتني .
وسيم : ليكك عرفتي .
أويس : الي الشرف سيد وسيم .
وسيم : انا مابحب الرسميات برأي بلا سيد .
أويس : تكرم وسيم.
"بتدق السكرتيرة الباب وبتكون جايبة المشاريب"
كاترين : من ايمت انت بتشتغل طيار ؟!.
وسيم : كاترين شو هل الأسئلة .
أويس : لا عادي بجاوبها .. انا من صغري بحب اتنقل من بلد لبلد وكونه انو اهلي كانو متمسكين بفكرة دراستي وانو مالازم اترك ...وانا كمان من طبيعتي بحب الدراسة فجمعت بين الدراسة وشغفي بالسفر سوا ودرست هندسة طيران وكملت دراسات عليا وهلق بصفتي طيار جمعت بين شغفي بهل المهنة و دراستي المرتبطة فيها ...
كاترين : وااو حلوو..
وسيم : برافو قدرت توفق بين هوايتك ودراستك بنفس القصة .
أويس : اي هيك طبيعتي ... ماشالله عنك انت اسمك معروف بالبلد بشغلك وتصاميمك المميزة متل ماشفت وانا جاية اسأل عنك .
كاترين : اي وسيم بيعمل شغلات حلوة كتير وهلق عم يصمملي تياب التخرج .
وسيم : هاد من فضل الله علي كمان انا بحب هالمجال وماقدرت ماكمل فيه ..
أويس : حلوو... لما تكون المهنة بتحبا بتأبدع فيهاا .. وبيفتل وجهو ناح كاترين وبيسألها ..
بما أنو عم تصممي تياب التخرج معناها تخرجك قريب شو عم تدرسي حضرتك .
كاترين : اي قربت اتخرج..وعم ادرس هندسة عمارة ..
أويس : وهي طلع شي مشترك بيننا ويلي هو الهندسة .
كاترين : اي شايف .. ونشالله كمان نشترك بصلة القرابة.
أويس بيكتفي انو يبتسم لكاترين ويوقف ويسلم عليهم .
أويس : فرصة سعيدة وانا صار لازم امشي .
وسيم : اي شي بدك تستفسر عنو انا موجود ورقمي معك ايمت مابتحب تتصلي .
أويس : شكراا ... يلا سلاماات .
كاترين : سلام .
وسيم : الله معك .
" بعد مابيطلع أويس من المكتب "
كاترين : باينتو ظريف هل أويس كنت مفكرته لئيم .
وسيم : اي هيك مبين عليه ظريف .. شفتي شلون منيح يلي اجينا لهون حتى نجتمع فيه ..
كاترين : اي والله .. نشالله يكون توأم أوس ويكون شكك صح ..
وسيم : نشالله .. والله خالتي نور لتطير من الفرحة .
كاترين : وأوس كمان الا مايفرح .
وسيم : شو القصة كاترين كأنك صايرة عم تهتمي بأوس وتسألي على فرحه وزعله بعد الحادث .
كاترين : لا ولا شي بس اكتشفت اني كنت عم اظلمو وزودها عليه واتنرفز منو على بلا طعمة .. لهيك قررت اعمل هدنة .. واتقبلو كصديق وابن عمة .
وسيم : هدنة ؟؟!!! شو انتو بحرب .. بعدين قلتيلي تتقبلي كصديق ايه الله يسمعنا الأخبار الحلوة .
كاترين : اي بحرب الحب .. بعدين شو قصتك انت على شو عم تلمح مافي شي من يلي ببالك ..تمام؟؟! انا مرة وحدة انضربت وحبيت .. وماطلعلي حظ .. ومالح اقدر حب بعدو ..
وسيم : كأنك كنتي تحبيه كتير وكأنك لهلق بتحبيه ..
كاترين : بس هو كسرني وترك جرح بقلبي وهالجرح ترك أثر .. ومعد في مجال للرجعة ..
وسيم : شو اسمو ؟!!.
كاترين : كنان .
وسيم : لككك هاد نفسو يلي اجا عالمشفى وتخانق مع جود ..
كاترين (بتتفاجأ) : شو ايمت .. شو عم تحكي انت ايمت صار هالحكي ..
وسيم : وقت يلي عملتي الحادث قبل ماتصحي اجا لعندك عالمشفى وشافك ووصى جود فيكي .. طبعاا مدري شو حكا هو وجود وشعلت نار بينن وتخانقو وتضاربو بنص المشفى حتى اجيت انا وأوس وفكيناهم.
كاترين : عنجد عم تحكي .
وسيم : معقول كذب يعني .. هيك صار .
كاترين : وكيف كانت حالتو ..
وسيم : كان مبين عليه التعب .. ومبين عليه ابن عز ..
كاترين (بغصة ) : ايه ... لييش ماحدا خبرني انو اجى لعندي زارني .
وسيم : ماعندي علم ...لسا بتحبيه .
كاترين : مابعرف وسيم عنجد مابعرف .. هو جرحني كتير مو شوي واتهمني بقصص وشغلات مو صايرة .. حتى هو قلي انو معد في مجال يبقى معي ومعد بدو ياني ..
وسيم : اووف وشو هالشغلات ..
كاترين : فينا نطلع على شي مكان وبعدين بحكيلك ..
وسيم : اي يلا امشي انا اصلا محضرلك مكان بدي آخدك عليه ..
" بتطلع كاترين ومعها وسيم من الشركة وبركبها وسيم السيارة وبياخدها على مكان متل الخيال "
وسيم : اهلين فيكي ببحيرة غاردا .
كاترين : واو ماأحلاهاا.
وسيم : هالمكان كتير بريح بس اقعدي فيه واتأملي ..
كاترين : عنجد الطبيعة بتاخد العقل .
وسيم : لما كون متدايق بجي لهون هاد المكان الوحيد يلي بريحني مابعرف شو السبب يمكن من الطبيعة يلي فيه ومنظر المي ..
كاترين : عنجد حلو ..
" بتسكت كاترين وبتقعد بتتأمل بالبحيرة وهي عم تتفرج عليها ووسيم جنبها بتحكي "
كاترين : تعرفت على كنان لما كنت عم العب رياضة عالشط ..
" وسيم بيلتفت على كاترين لما بلاقيها عم تحكي وبصير بيسمعها وهي بتكمل حكيها وهي ملتفتة للبحيرة"
ورجعت وشفتو عند اخي بالنادي . .. حاكيتو مشان مشروع التخرج يساعدني فيه كونه هو مهندس معماري ومكمل دراسات عليا .. من لما تعرفت عليه وجود حزرني منو وقلي اصحك انو تكون علاقتك معو اكتر من انها بخصوص مشروع التخرج . ..
وسيم : اووف ليش .
كاترين : بين ابوه وابي عداوة كبيرة ماعرفت لهلق سرهاا لما حبيتو مااعترفتلو بحبي غير لما هو اعترفلي بعد ماكنا مخلصين المشروع .. قرر يجي يخطبني .. طبعا اهلي واهلو عارضو .. ومو بس عارضو ورفضو القصة بشكل تام من دون مبرر...
وسيم : وشو عملتو ...
كاترين : بقينا عم نلتقي بالسر .. وحكينا لاهلنا انو تركنا بس جود وكارولين كانوا بيعرفو بعلاقتنا سواا.. وكانت علاقتي معو تمام لوقت يلي انت اجيت فيه عالبلد .. انا مابعرف ليش صرت كذب عليه وماخبي عنو كتير اشيا.. وقل تواصلنا سوا .. لوقت يلي حكينا وقررنا نلتقي ..
وسيم : اي شو صار .
كاترين : ولا شي تخانقنا ..خناقة كبيرة ومن بعدها مافي رجعة صار يتهمني اني عم خونو وحابة غيرو ومدري شو صار يخبص ال شافني معو ومن هل الحكي ..
وسيم : اووف لهل الدرجة .. لككك لحظةة مايكون قصدو عليي مفكرنا منحب بعض .
كاترين : معقول لا اكيد مو معقول .
وسيم : وليش لاء .. انا شفتو لما شافني بالمشفى كتير عصب من وجودي وصار يضرب أوس ويضربني معو.
كاترين ( بتصير تبكي) : حتى ولوو مابحقلو يتهمني قبل مابررلو .. ( بتصير تعيط وشهقاتها تزيد ) هاد يلي عم يعملو مو حب وسيم انا تعبانة حاولت كون قوية بهل الشهر وارجع لطبيعتي بس صورتو ماعم تفارقني .
وسيم بضم كاترين وبهديها : خلص اهدي هووس ولاتفكري بشي ...
كاترين بتهدا شوي شوي ..
كاترين : فينا نرجع عالبيت بدي ارتاح ...
وسيم : تكرم عينك بس بدي ياكي تنسي كلشي بزعلك وتروقي تمام ..
كاترين وهي عم تمسح دموعها يلي على خدودها : تمام.
" بعد مابترجع كاترين عالبيت مع وسيم بتتوجه فورا على غرفتها وبترمي حالها عالتخت وبتناام بتصحى على صوت وسيم هو وعم يقلها "
وسيم : يلا يا كاترين الغدا جاهز .
كاترين وهي عم تفرك عيونها : يلا جاية .
"بتقوم كاترين وبتبدل تياب الطلعة يلي اول ماوصلت عالبيت ارتمت عالتخت وهي لابستن بدون ماتغيرن
وبعدين بتغسل وجهها وبتطلع لعند وسيم كان جايب برغر و بيتزا"
كاترين : ياعيني .
وسيم : روحي جيبي كاسات من المطبخ مشان الببسي.
كاترين : يلا رايحة .
"بتجيب كاترين الكاسات وبتقعد لتاكل "
وسيم : شلون صرتي .
كاترين : احسن .. لاتهكل همي تعودت .. بعصب شوي وبرجع بروق .. فيك تقول صايرة مزاجية ..
وسيم : المهم ماتحطي شي ببالك ..
كاترين : اي انشالله ..
ببلشو اكل وبتكون كاترين ماعم تحكي بس فجأة بتحاكي وسيم و بتقلو : وسيم .
وسيم : نعم .
كاترين : انو انا حكيتلك عني وماخليت شي ليش ماانت تقلي كيف وضعك .. انو مثلا حابب.. عشقاان .. او بلا ولا شي ..
وسيم : انا ماعندي قصص ومغامرات متلك انا ماحبيت حداا.. هون صعب تلاقي بنت وتكملي معها .. كلن مؤقتين ..
كاترين : يعني ولا مرة حبيت شي بنت .
وسيم : هلق اعجاب ممكن بس حب ابداا مافي حدا بناسبني هون رغم كل البنات يلي حوالي بس مابحسن زابطين لكمل حياتي معن .. ناطر لانزل على بلدي عالقليلة ممكن لاقي شي بنت تفهم علي .. العادات والتقاليد تكون مشتركة .. حتى اللغة اذا بدك .
كاترين : بس ماشالله عنك انت تمام بلغة هل البلد ليش لتاكل الهم .
وسيم : تخيلي اتزوج وحدة غير لغة .. اوك انا لح افهم عليها وتمام بس بكرا اذا صار عندي ولاد شو بدو يصير فيهم بدن يتشتتوا وممكن يلقطو لغة امهم ويتركو لغة بلدن .. حتى العادات وكلشي هاد كلو محسوب عالاولاد .
كاترين : والله وطلعت بتفكر لقدام يا وسيم .
وسيم : اي لكن بعجبك انا ...بالنهاية نحنا عم نعيش حاضرنا وبأيدنا منوجه مستقبلنا .. ف خلينا نكون منطقين باختياراتنا ومانختار شي يتعبنا بحياتنا ...
كاترين : اي والله معك حق ..
وسيم : ع فكرة كنت بدي آخدك عالمطعم بس شفتك تعبانة آجلتها ..
كاترين : كلو نفس الشي بعدين معنا وقت منروح بغير يوم وشو رأيك نعزم أويس .
وسيم : معقول يكون سافر .
كاترين : انت عم تتغابى اكيد .. شبك نحنا حجزنا الطيارة معو ذهاب واياب ..
وسيم : اي صح بس ممكن بفترة قعدتنا هون يروح ويرجع ..
كاترين : لا مابتوقع هو وعدك يحضر عرض الأزياء .
وسيم : ايتس اوك .. منحاكيه اذا هيك ومنعزمو.
كاترين : ايي ماشي ..ع فكرة الاكل شغلة .
وسيم : اي صحتين ..
كاترين : على قلبك .
" بعد ماخلصو غدا كاترين اتصلت على اهلها وحاكتن فيديو هي ووسيم وروقت وانبسطت كتيير .... وبعدين حاكو أهلو لوسيم .. وبعد ماخلصو اعدو دردشو شوي وراحت كاترين تنام بغرفتها ... عم تمر الأيام وكنان مو عارف ليش سافرت كاترين .. عم يحاول ينساها ويقتنع بقصة انو هنن تركو وهي مو ئلو ... وكل مرة كان يتذكر فيها كاترين تغلب عليه مشاعر ملخبطة من عصبية لحب لكره لغيرة مو عرفان شو عم يصير معو ... وسيم صار ياخد كاترين ويعرفها على ميلانو وكاترين غيرت جو وصارت نفسيتها احسن بس بترجع كل ماتذكر كنان يبقى بقلبها حسرة ... وسيم وكاترين رجعو اجتمو بأويس وعزموه عالغدا والعلاقة عم تقوى بينن بكل مرة عم يصيرو صحاب اكتر وبلشو يتعودوا على بعض حتى تعرفو على رفيق أويس ( شيفاي) وصار رفيقن كمان كتير حبوه بما انو هو بطبعو بحب المرح والضحك كان كل مايكون معن تكون الاعدة كلها تسلاية وضحك .... اجا اليوم يلي عم يحضرلو وسيم وعم يتعب عليه ويلي هو يوم عرض الازياء ويلي وسيم بدو يقدم فيه مجموعة جديدة من التياب ... صحيت كاترين الصبح عم تفرك عيونها اتجهت لناح الحمام وغسلت وجهها وطلعت عملت فنجان نسكافيه وعم تدور بالبيت لتشوف وسيم وينو ..."
كاترين : اووف يااا وينو هااد .. ليش مو مبين من الصبح مافي بالعادة يروح على بكير .
" بتكون كاترين شايلة ماغ النسكافيه بأيدها وعم تدور بتلاحظ انو في ورقة عالطاولة حملتها وشافتها "
( صباحو كاتو ... مابعرف ايمت لح تصحي بس بتعرفي انو اليوم مهم عندي وعندي فييه كتييير شغلل وصرلي زمان عم اشتغل واتعب لهل اليوم ... مشان هيك انا طلعت عالشركة وبعدها طالع على مكان عرض الازياء لشيك اذا في شي ناقص ولا تنسي تجهزي حالك على بكير لان لازم تكوني جنبي بهيك يوم )
كاترين : ييي لكك اي والله كيف نسيت انو اليوم عرض الازياء مابصير اترك وسيم لوحده يلا قايمة البس عالسريع لروح شوفو وبعدها برجع لجهز حالي للعرض .
" كاترين بتعمل دوش عالسريع وبتطلع بتنشف شعراتها وبتسشورن وبتلبس بنطلون جينز مع قميص لونو بينك وبتعمل سندويشة جبنة وبتاكلها عالسريع مشان تطلع تلحق وسيم "
كاترين عم تحكي مع حالها : ايي وايمت ناوي ترد عليي يا سيد وسيم ...لكك اوووف شو وين حاااطط موبايلو هاد .
وسيم : بجيبتي .
كاترين : نقزتني ليش ماعم ترد علي ...
وسيم : الموبايل سايلاينت وماقدرت رد وصباح الخير اول شي .
كاترين : صبااح الورد ... اي وينك هلق ..
وسيم : صرت بموقع العرض مرقت عالشركة وشيكت على الامور فيها كلشي تمام ..
كاترين: اي ممتاز لكن انا جاية لعندك ..
وسيم : هلق ؟؟!!
كاترين : اي ليش مستغرب يلا روح معد معك وقت ..
وسيم : اوك ناطرك ..
كاترين : ماشي سلاام .
" بكون وسيم عم يتفقد الاضاءة والستيج والعارضات "
وسيم : يا ايفانا وين العارضة الرئيسية .
ايفانا : لسا ماوصلت عرفت انها كانت بسفرة وهي هلق عالطريق .
وسيم : كيف يعني ماوصلت ومسافرة ومدري شو كمان .
ايفانا : والله يا استاذ هيك صار ... ماتعتل هم خلال ساعة بتوصل .
وسيم : ساااعةة ؟؟!! مابتعرفو انو ماعنا وقت ولازم توصل لهون وتجهز في عندها بروفا قبل العرض ولسى بتقوليلي ساعة .
ايفانا : .. ..
وسيم : طيب روحي على شغلك وحاولو تمرقولي هالعرض من غير مشاكل ..
ايفانا : تكرم استاذ ... بتريد شي .
وسيم : لا المهم يخلص هاليوم على خير .
(اجت كاترين عند وسيم شافته معصب وعم يتفشش بالموظفين) .
كاترين : شوفي وسيم شبك معصب هيك .
وسيم : في مشكلة كبيرة .
كاترين : خيير شوفي .
وسيم : العارضة الرئيسية لسا ماوصلت وتأخرت كتيبر .
كاترين : هلئ بتوصل ماتعتل هم .
وسيم : مو الهيئة خبروني انها كانت مسافرة ومابعرف اذا وصلت او ممكن تكون عم تكذب ولسا مطولة .
كاترين : يييي شو رح تعمل .
وسيم : عندي فكرة .
كاترين : شو هي ؟؟
يتبع ....
البارت السابع
كاترين : شو هي ؟؟!!.
وسيم : شو رأيك تكوني بدال العارضة الرئيسية ..
وتمشيلي هالعرض على خير .. بليز كاترين قبلي .
كاترين : انو انا مابعرف بهل القصص وغير هيك مالي مجربة ولا مرة بعدين اذا صار و قبلت لح كون العارضة الرئيسية بالحفلة يعني كل الاضواء موجهة ناحيتي .. اكيد عم تمزح مو ..
وسيم : لا تعتلي هم شي انا بعلمك على كلشي بس وافقي انتي ..
كاترين : ماشي وافقت كرمالك بس .
وسيم : مافي منك انتِ يلا مشي معي لعلمك على كلشي ... شو بدك احسن من هيك وسيم بذات نفسو عم يعلمك وماجبتلك مدرب ...
كاترين : شكرا على لطفك معي ... انو عنجد غمرتني بلطفك ..
وسيم : عم تتمسخري طيب ماشي مقبولة منك ... يلا مشي معي ..
كاترين :يلاا.
وسيم : ليكي كيف هلق لح جيب العارضات يعملو بروفا جنبك .. انتبهي منيح على حركاتن وكيف بدن يبدلو بين بعض ..
كاترين : ماشي .
وسيم : ايفانااا.
ايفانا : حاضر استاذ .
وسيم : جمعيلي العارضات يجو يعملو بروفا .
ايفانا : تكرم .
" بتشتغل الاضاءة والموسيقى وبيبدا العرض كانت كاترين عم تنقل نظرها بينن هنن الكل "
وسيم : شو رأيك تشجعتي ولا لسا ..
كاترين : اي مو صعب ..
وسيم : شوفي شو كنت مقرر اعمل انتي لح تكوني آخر عارضة تمام .. بتطلعي بتمشي عالستيج وبتلفي بترجعي بس مابتفوتي لجوا متل الباقي بدك ترجعي انا كون ناطرك اول مابتفوتي وبتاخدي ايدي ومنفوت هون في شعالات نار بدها تشتغل مشان ماترتعبي منمشي بكل هداوة سوا ووقت نوصل للاخير منوقف شوي وكونك انتي لح تكوني لابسة فستان انا لح لفك كرمال العالم يشوفو الفستان منيح وبعدها منرجع ...
كاترين : اوو وسيم ليش هالقد .
وسيم : بتعرفيني بطبعي بحب التغير وماكون متل الباقي .
كاترين : لا عنجد شو رأيك تجيب كمان سيف وترس وبالمرة منعملو عرسنا 🙂..
وسيم : بلا هضامتك هلق ..ااه صح نسيت هالعرض فيو كتير صحافة لاتتوتري وحابب خبرك انك انتِ هون بالعرض واهلك بكونو عم يشوفوكي عالتلفزيون الله عليكي ياكاترين لح تنشهري .
كاترين : ميرسي بفضلك اهلي رح ينصدموا لما يشوفوني وانا بتمختر متل العارضات او وين متل ما انا صرت منن .. امانة اذا نسيان شي تذكر لا تخجل امانة .
وسيم : لاهيك منيح اذا تذكرت شي بخبرك .. يلا بقيان ساعتين ونص عالعرض دوبنا نلحق ..
كاترين : طب مابدك تفرجيني فستاني انو مو معقول من اول ماجيت على ميلانو وانت عم تشتغل بهالعرض وشوفتني كل الديزاين الا تبع العارضة الرئيسية ال يعني مفاجأة طب انا يلي ح البسو كمان مالح شوفو .
وسيم : لا خليه مفاجأة وقت تشوفيه تتفاجأي فيه .
كاترين : اوك ماشي .
وسيم : عم بمزح تعي معي .
كاترين : يلاا.
وسيم : تعي على غرفة التياب شايفة هديك الخزانة الكبيرة .
كاترين : ايه .
وسيم : روحي وفتحيها .
كاترين عم تحكي :
مشيت واول مافتحتها اشتغل فيها ضو وكان الفستان بقلبها موجود بقلب مليكان كان فستان خيلة طويل نفش لونو دهبي فيه شقة لفوق الركبة بمنيح مرصع بالألماس من عند صدرو .. وظهرو مكشوف كتفو نازل شكلو ملوكي بجد .
كاترين : اوو شو هاد انا بدي البسو لهاد .
وسيم : يس .
كاترين : لككك كتيير حلو بس مو كأنو تقيل كيف بدي البسو ومااتفركش فيه .
وسيم : ههه عم اعملك بروفا مشان فستان عرسك انا .
كاترين : من هلق فستان عرسي عليك .
وسيم : اي مو تكرمي .
كاترين : ميرسي سيمو .
وسيم : ناوية تخبري اهلك انك بدك تشاركي بالعرض ولا شو .
كاترين : طبعا بدي خبرن مابدي يشوفوني عالتلفزيون وينصدمو .
وسيم : اي لا تعذبي حالك خبرتن قبلك .
كاترين : ايمت .
وسيم : من شوي .
كاترين : عرفان تستغل وقتك والله ... خلصت شغل انت .
وسيم : اي كلشي تمام .
كاترين : طيب روح جهز حالك مشان ماياخدنا الوقت .
وسيم : على فكرة انا فورا بخلص بس شو مشانك انتِ ؟؟.
كاترين : ييي اي والله يلا رايحة بشوفك بعدين .. سلاام
وسيم : لككك وين رح تروحي وعم تقولي سلام لحظة هلئ بقول ل ايفانا تاخدك مكان مابدك تجهزي ويعملولك الشعر والميك اب .
كاترين : ااه صح .
( وسيم عم يحكي )
بعد ماتركت كاترين وكنت رايح على مكتبي لقيت أويس عم يتصل فيني .
وسيم : هلا أويس .
أويس : كيفك .
وسيم : تمام وانت .
أويس : الحمد الله .
وسيم : اي شو الأخبار .
أويس : والله الاخبار عندك كيف تجهيزات عندك نشالله كلو تمام .
وسيم : اي الحمد الله كلشي تمام .
أويس : اذا بدك اي مساعدة مني خبرني هاا.
وسيم : لا تعتل هم اكيد بقلك ... ناطرك اليوم انت وشيفاي .
أويس : اي لكن جايين .
وسيم : اي منيح.
أويس : يلا بلا ماعطلك بشوفك لأجي سلاام.
وسيم : سلاام .
قعدت شوي بالمكتب وبعدين رحت شوف كاترين لقيتن عم يعملولا شعرها انسحبت من دون ماتشوفني ورجعت لحتى جهز حالي ... عملت دوش عالسريع ولبست بدلتي وساعتي ورشيت العطر كان ماضي اكتر من ساعة رجعت لعند كاترين لقيتا خالصة ميك اب وباقي الفستان .
وسيم : اي شو هالجمال .
كاترين : ماشفت شي لسا لألبس الفستان بتغير اكتر .
وسيم : ايييه وانا ماقلتيلي شلون طالع .
كاترين : بتجنن .. بدك تاخد عقول البنات .
وسيم : مو لهل الدرجة .. يلا لبسي الفستان لنعمل بروفا انا وانتي قبل مايبدى العرض نص ساعةوببلش لان .
كاترين : يلا انطرني دقيقتين وبكون خالصة.
وسيم عم يحكي : نطرت كاترين لتلبس الفستان وتطلع خلال خمس دقايق كانت خالصة ..
كاترين : شوو كيف طالعة .
وسيم : شو هالجمال كأن عملت الفستان خصوصي الك هلق بتسرقي الاضواء كلها لعندك وبينسو العالم اني انا الديزاينر .
كاترين : لا ولو مو لهل الدرجة ..
وسيم : اي منشوف .
كاترين : اي .. يلا امشي عالبروفا .
وسيم: يلا .
طلعنا عالستيج وعملنا البروفا وكان كلشي تمام رجعت كاترين ترتاح بالغرفة لان بلشت الناس توصل .. وكان من بينن أويس وشيفاي .
أويس : نشالله بالتوفيق يارب .. ونشالله من نجاح لنجاح .
وسيم : تسلم .
شيفاي : الجو حلو وكلشي منظم يعطيك العافية شكلك تعبت .
وسيم : الله يعافيك .. يعني لابد مااتعب شوي شو بدي اعمل .
أويس : وينها كاترين مو مبينة .
وسيم : هلق بعد شوي بتشوفوها خليها مفاجأة .
شيفاي : هلق لان قلتلنا مفاجأة بدي انسا العرض وفكر شو المفاجأة .
وسيم : 😂😂.
تفضلو على مقاعدكم بالصف الاول مكتوب اسمكم عالكرسي .
أويس : اوك .
بلش العرض والموسيقا شغالة وعارضة عم تطلع وعارضة عم تفوت والاجواء حلوة وكلشي منظم والصحافة عم تصور وجماعة التلفزيون واهل كاترين كانو عم يحضرو وناطرين كاترين تطل عالشاشة .
" كنان كان رايح عالجيم لمح بانا قاعدة بالصالون عم تاكل بوشار و تتفرج عل عرض ازياء وقف لحظة .. فجأة بيلمح صورة وسيم عالتلفزيون ومكتوب عنوان بالخط العريض عرض ازياء المصمم المشهور وسيم .. ومعروض على جنب الشاشة عرض الازياء بقي واقف جنب بانا يتفرج معها ليشوف شو يلي عم يصير "
بانا : شو اخي مو كنت ماشي ليش وقفت شكله عاجبك عرض الازياء ولا عم تتفرج على شي تاني .
كنان : على شو بدي اتفرج يعني مافي غير عارضات تروح وتجي .
بانا : اممم يعني ماعم تطلع عالبنات .
كنان (وهو يقلد طريقة بانا بالحكي ) يعني ماعم تطلع عالبنات لاا ماعم طلع عالبنات بانا خانم .
__*_*
" بغرفة العارضات كانت اعدة كاترين ومتوترة بعد ماحست القصة جد والاضواء لح تكون موجهة عليها وكل الأنظار .. كاترين عم تحكي بينها وبين حالها
(يالله شو هاد لو عرسي موهيك لح يكون في عالم ماعدا الصحافة والتلفزيون اي غلطة بكفرة ياربي منك ياوسيم بشو علقتني ... بس هو شو ذنبو اذا العارضة الاساسية مااجت .. يلا انا لازم كون قوية قرب دوري مو بقيان قبلي غير وحدة يلا ياكاترين شدي حالك ) ايفانا عم تنادي لكاترين وتخبرها انو صار دورها .
كاترين : يلا يارب كون معي .
طلعت كاترين وهي اول الشي مترددة بعدين لما تلاقي حالها بينت للناس شدت حالها واتشجعت ومشيت ولا كأن في حدا والعالم عم تطلع عليها مندهشين بجمالها وجمال فستانها وكيف ماشية بتقل وفارضة شخصيتها .. أويس وشيفاي تفاجئو من كاترين لانهم ماكانو بيعرفو بالقصة ولاحتى توقعوا انها ممكن تنضم للعرض .
" عند كنان لما بشوف كاترين بعرض الازياء .. بينصدم .. وبتتغير كل تعابير وجهو .. انصدم كيف طالعة عالتلفزيون بصفتها عارضة وانصدم بجمالها يلي بيخطف الانظار ..
كنان عم يحكي والغيرة شاعلة بقلبو : لكك شو عم تعمل هيي هون.... كيف قبلانة تكون عارضة وعيون الكل عليهاا ... بسيطة ماصدقتي ايمت تركنا لتصيري طيرة حرة ....
بانا : اخي بالله مو وقت انفعالك هلئ خليني مستمتعة بالعرض وشو عم تبربر ومين هي اللي تركتها هدول كلن بايطاليا شو اخدك على ايطاليا انت .
بتقدم كاترين عرضها وبتروح لعند وسيم يلي عم يستناها وبياخد ايدها وبيرجعو عالصالة والاضواء مسلطة عليهم بوصلو للأخير ووسيم بيفتل كاترين وبيميلها على ايدو وبيرفعا وبيرجعوا بيمشو .. كنان شاف وسيم كيف ماسك ايد كاترين وماشين سوا وعم يفتلها ويميلها عليه وكيف في نار وقصص شعلت نار الغيرة جواتو وموقادر يتحمل عصب وصار يصرخ ويقول .
كنان : كمان كمان ... هاد عرض ازياء ولا حفلة عرس .. ماكفاكم تحبو وتعشقوا بعض بالسر صرتو عالتلفزيون والصحافة ... والله لندمك على خيانتك الي ....
بانا (وهي عم تاكل بوشار ) : اخي وطي صوتك او روح عيط وخانق برا قد مابدك شوي تانية بصدق حكيك على قد ما انفعلت .
(كنان معصب وبانا كل شوي تنط وتحكي وتزيد عليه) .
كنان : بانا حاج تطلعي بوجهي متل اعلانات اليوتيوب ... احسن مافش عصبيتي فيكي .
بانا : طلعت اعلانات يوتيوب .
بيطلع كنان على غرفته معصب مو عرفان شو يعمل ضرب المرايا بأيدو وبتبلش ايدو تنزف بتجي بانا على صوت التكسير ... بتجي وهي مرعوبة .
بانا : شوفي شو صاير هون ... كنان شو عم يصير ... دمم ؟؟!! لككك ايدك عم تنزف دمم مو منتبه ؟؟!!.
كنان وهو عم يعيط : طلعي كاترين من حياتي ....
طلعيي لبرااا.
بانا : هييه كنان انا مو كاترين انا بانا شبك ..
كنان : بااانا عم قلك طلعي وتركيني بحالي مو ناقصك اناا.
بانا : لك بس فهمني شو صاير الغرفة صايرة خرابة ..
كنان : باااناااا بلشت عد انا وااحد ... تنييين ...
بانا : ماشي ... الحق علييي يلي جيت اطمن عليكك .
كنان : مابدي حدا يطمن عليي ... وطلعي ولاتخلي حدا يفوت لعندي .. ياويلك اذا بتبعتي حدااا ..
بانا : مالي طالعة قبل ماضمدلك ايدك .
كنان : بانااا اذا بتريدي .
بانا : ماني رايدة يلا قعود متل العاقل لجيب الضماد .
"" بميلانو عند وسيم وكاترين """"
بيرجعو وسيم و كاترين لعند المدخل يلي بتفوت منو العارضات وبتطلع العارضات كلون وعلى رأسهم وسيم وكاترين بيفتلو آخر فتلة بالصالة وبينتهى العرض.
وسيم : مبروك عليكي الشهرة كاترين .
كاترين : ناقصني شهرة لأن .
بيجي أويس وشيفاي لعندن .
أويس : برافو كاترين شوهاد ماكنا منعرف عندك هالمواهب .
شيفااي : انا برأي تركي الهندسة وشتغلي مع وسيم .
كاترين : هههه مو لهل الدرجة بالنهاية هي تجربتي الاولى وماكنت بفكر بهيك قصة لو ما وسيم اضطر على عارضة بدل يلي واعدهاا .
وسيم : عنجد .. تعي كل مرة كاترين .
كاترين : لا انشالله بالأفراح .
أويس : اذا ماعندكم شي حابب اعزمكم عالعشا ..
وسيم :عندي لقاء مع الصحافة بخلصو ومابكون علي شي .
أويس : كتير منيح معناتا بتخلص اللقاء وبتجي .
كاترين : لكن انا بروح وانت بتلحقني .
وسيم : لا ماحزرتي انتِ لازم تكوني معي مشان اذا سألو عنك .
كاترين : قلن مشغولة .. او قلك قلن الشهرة ماعم تخلي معي وقت فاضي .. او خبرن اني شايفة حالي ومابطلع بلقاءات ..
وسيم : لا ماحزرتي جاية معي بعدين منروح سواا .. يا مس مشهورة ..
كاترين : وسيم مشان الله انا ماصدقت ايمت خلصت من صحافة بلدنا وقت الحادث ... هلق بدك ياني اجي برجلي لعندن لا وبغير البلد الحمد الله كل مالي عم وسع نطاق الشهرة ... شوي تانية بروح عالصين .
وسيم : هنن سؤالين وبلا كتر حكي انا قررت .
كاترين : ونشالله بدنا نطلع عالتلفزيون .
وسيم : ممكن ليش لاء .
كاترين : عااا ... ماكنت بعرفك فار شهرة هيك .
أويس : روحي معو مابتخسري شي ونحنا ناطرينكم مو شيفاي .
شيفاي : اي طبعاا.
كاترين : ماشي .... شرف مسيو وسيم عالاجتماع.
" مشيو كاترين ووسيم مشان يلتقو بالصحافة وبلشت الاسئلة "
.....: مسيو وسيم كيف رضاتك عالنتائج على نتائج العرض .
وسيم : الحمد الله كلشي منيح ومتل ماتوقعت .
.... : مسيو وسيم سمعنا انو بأخر لحظات تغيرت العارضة الرئيسية .. هاد الشي صح او غلط .
وسيم : لا ابداا مافي هيك شي حتى هي معي اذا بتحبو تسألوها شو رأيك بهل الكلام كاترين .
كاترين : طبعاا هل الحكي مافيو شي من الصحة انا ووسيم متفقين عالعرض من زمان .
.... : مسيو وسيم مين هالعارضة ماشفناها سبق وشاركت بالعروض يلي بتعملها.
وسيم : صحيح هي اول مشاركة الها وهي مانها عارضة بس كرمالي عملت العرض لاني لقيت الفستان بيلبقلها وبيلبق لستايلها وجمالها ومالقيت انسب منها .
... : آنسة كاترين .. مقررة انك تستمري بعروض الازياء .
كاترين : حاليا مافي عندي هيك طموح انا عندي دراستي يلي قريبا بدي اشتغل بالفرع يلي بحبو .
... : آنسة كاترين شو نوع دراستك وليش فضلتيها عالشغل مع وسيم بيك يلي الكل بيتمنى يشتغل معو ..
كاترين : انا مهندسة ... وبالنهاية انا بحب مهنتي ومو ناوية غير .. واكيد بالوقت يلي بدي اشتغل فيه مع وسيم بخبره وهو مالح يقلي لاء .. صح سيمو .
وسيم : اي طبعااا .
وبيوجه وسيم كلامو للصحافة .
وسيم : وهيك بتوقع بكفي اسئلة وشكرا لوجودكم ..
بيمشي وسيم وبيسحب كاترين ..
... : مسيو وسيم بس كلمة ..
... : كاترين اذا بتريدي جاوبينا على هالسؤال .
...: سيد وسيم شو نوع العلاقة يلي بتربطك مع الآنسة كاترين .
...: كاترين كيف تعرفتي على وسيم وانتِ مهندسة ..
والصحافة لسا عم يسألو ويسألو ووسيم وكاترين مشيو وما جاوبو على اسئلتهم ....الصحافة كانت بتحكي معهن بالانكليزي لو بالايطالي كنتو شفتو كاترين مو عارفة تفهم غير نص الكلام بس .
" عند كنان بعد ما ضمد ايده قرر يروح عالنادي ويفرغ شوي من الطاقة والعصبية يلي فيه ...لبس شورت وبروتيل عريض ورشرش من عطره واتجه للنادي ... طبعااا هو بعد تفكير مالقا انسب من نادي جود .. بالرغم من انو صرلو فترة ماراح عليه بعد قصتو مع جود .. بس هو معصب وبس بدو يفرغ عصبيتوو فأنسب حل هو نادي جود مشان اذا شافو يتفشش فيه ..."
" جود عم يحكي : وصل كنان لعندي عالنادي وهو موشايف قدامو من أول ماوصل على تمرين وتمرين مارحم حالو باين عليه كتير معصب وبس بدو يفرغ طاقتو ... انا لما شفتو هيك ماحبيت قرب عليه ولا حاكيه موناقصني مشاكل ... شفتو من مكتبي من غير ماهو ينتبه "
عند كاترين ووسيم بعد مضي 3 ساعات ونص عن اجتماعهن مع الصحافة ..
وسيم : يلا ياكااترين شو ماخلصتي صرلون ساعة بالمطعم ناطريناا .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h