الفصل 8
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴8️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
أوس : ليش شو عملتيلي.
كاترين : بدي اعتذر منك على معاملتي القديمة معك .. بتمنى تسامحني.
أوس : كاترين معقول عم تحكي هييك ... معقول يعني انا ازعل منك انتِ ... بعدين انتِ ماعملتي شي لتعتذري ..انا نسيان كلشي مضى .
كاترين : عنجد مابعرف شو بدي قلك انت حدا كتير منيح .
وكاترين بتنط من فرحتها وبتعانق أوس ....
مشاعر تلخبطت جواتي لما شفتها عانقتني اديشها طفولية وبريئة يالله شو مشتاق لهل الحضن ماترددت ابدا ومديت ايدي لضهرها وحضنتا .
بتبعد كاترين عن أوس و بتطلع فيه بخجل من حركتها.
أوس : يبدو انا صار لازم امشي عندي عملية بعد ساعة .
كاترين : آعدين .
أوس : لا هلق مافيني .... الا ماشوفك ... يلا صار لازم امشي بدك شي .
كاترين : بدي سلامتك .
أوس : يلا سلام .
كاترين بتسلم على أوس بايدها وبتبوسو.
كاترين : سلام وعنجد يسلم ايديك على كلشي .
أوس : كاترين رجعنا .
كاترين : هئ .. خلص روح سلام.
أوس بيضحك وبقول : سلام .
........................................
أوس علاقتي بكاترين صايرة منيحة نوعا ما .. لما عم شوفها وتسلم عليي عم اتمنى خبرها اديش انا اشتقتلا .. واديش قلبي دايب عليها ...
" خلال فترة هالشهر كاترين كانت تروح عالجامعة لتقدم امتحاناتها وكان دايما يوصلها جود بحكم انو كانت سيارتها بالتصليح وبحكم كمان ايدها المجبرة .. كانت كاترين تقضي وقتها بالجامعة مع رفقاتها وبالدراسة .. كانت كل ماتتذكر كنان تحاول تلهي تفكيرها بشي تاني لحتى تنساه بالنهاية هنن تركو .... ومافي شي بيربطن سوا "
..............
(كاترين عم تحكي )
بكون عم اتفتل بالحديقة وبتفاجئ بمكالمة فيديو من ريتا وشغف
كاترين : اهلين .
ريتا وشغف: اهلين .
ريتا : مامنقبل ولا عذر بدنا نطلع نتغدى سوا بالمطعم.
شغف : اي كاترين صرلنا زمان مااجتمعنا سواا.
ماكان عندي ولا احتمال صغير اني قلن لاء بالنهاية انا مالة وعبالي اطلع وماعندي شي امتحان وخلصت ومافي شي .
كاترين : اييي ليش لاء ... لاتاكلوني بلا ملح والله جاية .
ريتاا : امم قلتيلي مدري مين صاير عم يفقس طلعاتنا سوا .
شغف : يلا معناها نص ساعة ومنلتقي سي يو.
كاترين وشغف : سي يو .
بعمل دوش عالسريع وبلبس فستان موف طويل وبخلي شعري مفرود على رياحتو و برشرش عطر وبحط شوية مكياج.. وانا نازلة عالدرج بلتقي بجود ....
جود : الله الله شو لوين الهمة .
كاترين : مع رفقاتي .
جود : ايواا ... ابقي سلميلي على رفقاتك ..
كاترين : ايه الله يسلمك بدك شي تاني .
جود : ايه .
كاترين : شو .
جود : بدي سلامتك.
كاترين : لككك ماأغظلك..
جود : هههه يلا روحي مالح آخرك .
كاترين : يلا سلاام .
جود : سلام.
نزلت عالدرج وكملت طريقي شفت امي وخبرتها اني لح اتغدى برا البيت وركبت سيارتي ومشيت فيها عالمطعم لقيت ريتا وشغف ناطريني .
كاترين : هاي بنات.
ريتا : هاياتو .
شغف : يا هلا والله .
كاترين : شو كيفكم اليوم .
ريتا : مشتاقينلك .
شغف : مبروك شلتي الجبيرة .
كاترين : اي والله.... الله يبارك فيكي .
......
عند كنان .
كنان : اوك تمام منلتقي بعد نص ساعة .
السيد عامر : تمام كنان بيك .
كنان: يلا بشوفك .
السيد عامر : سلام.
(كنان عم يحكي)
طلعت من المكتب عالبيت تدوشت وتعطرت ولبست بنطلون جينز اسود وكنزة بيضا وبوط رياضة .... وانا طالع من الغرفة شفت أُبي .
أُبي: شو لوين رايح .
كنان : عندي اجتماع .
أُبي : اجتماع وهيك لابس .
كنان : ليش شبو لبسي .
أُبي : ولا شي بس في بالعادة بتلبس طقم سبور.
كنان : وهل المرة حابب غير .
أُبي : اوك عراحتك وين اجتماعك .
كنان : بالمطعم .
أُبي: طب خدني معك .
كنان : امممم.....
أُبي : شكرا كتير لانك وافقت يلا لوقت ماانت تكون وصلت عالسيارة بكون لحقتك .
كنان : بس.
أُبي : خلص لاتاكل هم مابطول .
كنان : دخيلك ياربي يلا عم استناك.
ركبنا بالسيارة واتجهنا عالمطعم ... التقيت انا والسيد عامر وكان معو مدير اعمالو ... سلمت عليهم ودخلنا عالمطعم ... كنا حاجزين طاولة بأسمنا
عند كاترين والبنات
ريتاا : شوفو شووفو يابنات
شغف : شوفي .. شبك .
ريتاا : لكك مو معقول ليكو الجمال والكياتة .
شغف : وين وين .
ريتا : لكك ليكن هدول شلة الشباب الفايتة عالمطعم .
كاترين بتفتل راسها مطرح ماعم تقول ريتا وبتشوف كنان ومعو تلاتة ... بتتوتر وقلبها صار يدق لما بتشوفو صرلها من وقت الحادث ماشافته بتطلع فيه وتحكي بقلبها متل ماهو حلو وزايد حلاوة عن قبل ... فورا بتفتل وبتحاول ماتبين لشغف وريتا شي .
كاترين : هلق هدول هنن ايه عادين .
شغف : شو عادين شوفي كل واحد احلا من التاني..
ريتا : ولا هاد الاشقراني .
كاترين بتطلع هيك بكون تنين شقر كنان وواحد تاني .
كاترين : اي اشقراني قصدك ؟؟
ريتاا : لكك هاد ابو الكنزة البيضا شوفي على هالجمال.
كاترين : اي عادي ... وخلص تطلعو عليهم هلق بينتبهوا .
شغف : اي صح خلص ريتا ديري وشك .. بلا ماتجرصينا .
ريتا : طيب ماشي .
( كنان عم يحكي )
... اعدنا شوي ودردشنا لوقت مايكون اجا الاكل ... كان في مواجهنا طاولة فيها شلة بنات .. طلعت مواجهي منيح والله هالبنت بعرفها.. يلا لترفع راسها بتبين منيح... كاترين بتكون حاطة عيونها بالطاولة...
ريتا : كاترين هيييه كاترين .
كاترين بترفع راسهاا : هااا ايه شو .
كنان عم يحكي ...
لككك هي كاترين والله هي ... شو متغيرة وحليانة ...
كنان بقي صافن بكاترين ونعزل عن يلي حواليه لحد ما هي انتبهت عليه وفتلت وجهها فورا...
شغف : شلون تحضيراتكم لحفلة التخرج.
ريتا : منيحة .
كاترين : ......
شغف : وانتِ كاترين شلون همتك مشان الحفلة .
كاترين : هااه .
شغف: عم اسألك شلون همتك مشان حفلة التخرج... ووين شاردة .
كاترين : لا مو شاردة ليكني معكن .. ومشان تحضيري للحفلة تمام التمام .
ريتا : بكرى مابتلاقو كاترين غير مفاجأتتا بشي قصة وبتبهرنا فيها اي ماشفتو مشروع التخرج اديش كان بيفلج واديش عجب الدكاترة .. كاترين الوحيدة يلي كانت محضرة متل هيك مشروع ... ماحدا من الدفعة كان مشروعو متلك.
كاترين بتتذكر انو المشروع كان بمساعدة وفضل كنان وبتطلع عليه .
شغف : اي والله كان مشروع خيلة.
كاترين : حاجتكم مدح ... كان مشروع تخرج عادي متلو متل اي مشروع تخرج.
شغف : اي اي عادي ومشان هيك اخدوه الدكاترة واحتفظو فيه مشان ينفذوه .
كاترين : انا رايحة عالحمام .
ريتا : ماشي .
اتجهت عالحمام مابعرف ليش خطرلي ابكي بس انا قوية ومالح كون ضعيفة غسلت وجهي وطلعت لقيت كنان بوجهي نقزت ...
يتبع .....
البارت السادس
اتجهت عالحمام مابعرف ليش خطرلي ابكي بس انا قوية ومالح كون ضعيفة غسلت وجهي وطلعت لقيت كنان بوجهي نقزت....
كنان : كيفك اليوم.
كاترين : مو منيحة بشوفتك.
بفتل لامشي بلاقيه وقف بوجهي وقطع علي الطريق.
كاترين : كنان بعد من وشي وخليني امشي.
كنان : شبك هدي لا تعصبي .
كاترين : اوك بعد بهدا .
كنان : كاترين شبك نحنا صح تركنا بس مو يعني مانسلم على بعض ابداا.
كاترين : كنان انا معد في شي بيربطني فيك .. ماشي .. فمافي داعي سلم عليك .
كنان : ماشي .... سلاام او قلك مو سلاام .
تركني ومشي شو دايقتني طريقتو ... ال نسلم على بعض ال لكك منيح يلي قدرانة شوف وجهو بعد الكلام يلي وجهلي يااه.... رحت عالطاولة وقبل مااقعد قلتلن لريتا وشغف.
كاترين : خلونا نمشي.
ريتا : ليش اعدين .
شغف : بس مااعدنا كتير وصرلنا زمان مااجتمعنا .
كاترين : معلش انا تعبانة .
شغف : طيب لحظة لنحاسب اذا هيك اقعدي .
اعدت ولقيت كنان موجه نظرو علي مااهتميت فتلت وجهي عنو ... حاسبنا ومشينا.
" كنان بعد ما تغدى وطلع من المطعم راح هو وأُبي عالبيت... تسطح عالتخت وصار يتذكر تلاميح كاترين وكيف كانت طالعة بتجنن بالفستان .. بعد ماكان عم يفكر فيها مالقى حالو غير نام بدون ما يحس ..
وكاترين رجعت عالبيت وطلعت فورا على غرفتها تمددت على تختها وبتتفاجئ بمكالمة من وسيم "
كاترين : الو .
وسيم : مسا الخير .
كاترين : مسا النور .. شو مذكرك فيني هلق ...
وسيم : هلق هيك هاا.. الله يسامحك على كلن بكرى لازم شوفك محضرلك مفاجأة .
كاترين : مفاجأة ؟؟!!! .
وسيم : اي مفاجأة .
كاترين : طب شو هي .
وسيم : عم قلك مفاجأة يعني سوربرايز شلون بدك خبرك يلا نامي هلق وبكرى منلتقى ... غود نايت.
كاترين : ماشي.. غود نايت.
............
(كاترين عم تحكي )
صحيت من النوم عملت دوش عالسريع وكانت أمينة كالعادة محضرتلي النسكافيه.. شربت الماغ ونزلت لقيت العيلة مجتمعة ...
كاترين : صباحو يا حلويين.
لميا : صبااحو.
يحيى : اهلين بقمري.
كارولين : شايف جود بلشو بالدلال لكاترين.
جود : اي لكن هي المدللة مو حيلا.
كاترين : مو عاجبكن يابعدي .
جود : لا بالعكس .
يحيى : يلا كاترين شبك واقفة تعي عالفطور .
كاترين : مابقدر مواعدة وسيم وليكو صار على وصول .
لميا : خبريه يفوت يفطر معنا .
كاترين : هاا ليكو عم يتصل فيني.
يحيى : ايه خبريه يفوت يفطر .
كاترين : بتأمر بابا.
كاترين : الو .
وسيم : صباحوو.
كاترين : صباحوو.
وسيم : شو جاهزة .
كاترين : ايه جاهزة وينك انت.
وسيم : ليكني جنب الباب .
كاترين : يلا فوت مشان تفطر معنا هي أوامر خالك.
وسيم : ايه تكرم عينك انتي وخالي .
"بيدخل وسيم وبسلم عالكل "
وسيم :صباح الخير .
يحيى :صباح النور حبيبي .
لميا :اهلين وسيمو صباح النور .
جود: شايف اديش حماتك بتحبك .
وسيم :اي شي طبيعي تحبني اصلا يصحلها صهر متلي .
كارولين : اهلين وسيم تفضل .
كاترين :اهلاا وسهلا بالغليظ .
وسيم:الله يسامحك انا غليظ لكك فوق مو محضرلك مفاجأة ماشي خلص بطلت معد بدي ساويلك شي .
كاترين : لا لا انت احسن واحلا والطف ابن عمة ومااالك غليظ ابدا ابدا بس قلي شو هي المفاجأة .
يحيى :شو القصة ياولاد شو هل مفاجأة .
وسيم : لا خالو مافي شي لاتاكل هم بس بدي اخطف منكن كاترين لعندي ع ميلانو اذا بتسمحلي فيها .
كاترين :مين قلك بدي اتزوجك انا .
وسيم : انتي مين قلك انو بدي اتزوجك لك انا عاملك تصميمين لتياب التخرج مشان تختاري واحد مع انك مابتستاهلي ها .
كاترين :لاااا عم تمزح اكيد موو .
وسيم :ليش المزح وبكرة السفرة مشان تحضري حالك .
كاترين " بتنط بتعانق وسيم " : عنجد شكرا كتييييير .
وسيم : ولو بس بركي خالو مارضي .
يحيى :لا ولو خالو اذا معك ما أمنت عليها مع مين بدي أمن ... اكيد مو مشكلة خدها .
جود: ايي وسيم افندي ونحنا عمرنا مانطلع ع ميلانو ماا .
وسيم :لكك لا ولو يلي بدو يطلع بطلعو قبل مني .
جود: لكك كبيييير .
" خلصوا فطور واستأذنو منهن وطلعو ليجيبو تكتات الطيارة "
... : بس يا استاذ مافي رحلة بكرى على ميلانو .
وسيم : شلون مافي يعني .
.... : لان كان في رحلة من ساعتين والرحلة الجاية لبعد ٣ ايام .
وسيم : بس انا مضطر سافر بكرى .
.. : فيك تحجز طيارة خاصة بس التكلفة بتكون كبيرة .
وسيم : مافي مشكلة حجزلي وحدة .
...: تكرم استاذ.
(كاترين عم تحكي)
كنت عم نقل نظري بينن هنن التنين متل الهبلة حجزنا الطيارة واعتمدنا تكون السفرة بليل... وطلعت انا ووسيم لنروح على شي كافييه.
عند كنان ....
كنان عم يحكي
فقت بكيير لقيت في اتصال من مجد اتصلتلو فورا عرفت انو في شي بخص كاترين رد عليي .
كنان : خليك ساعة كمان لترد .
مجد : لاتواخذني بس كنت عم الحقهن ماقدرت رد بسرعة.
كنان :ليش وينها وهي ومين .
مجد :هلئ طلعو من مكتب طيران وهي مع واحد .
كنان : وصفلي ياه .
مجد : حنطي وطويل عندو دقن خفيفة بس باين حليوة وعضلجي وبيعرف يلبس شي حلو .
كنان :تضرب بشكلك انت وياه شو هو بنت لحتى عم تتغزل فيه كل هل قد ، المهم شو كانو عم يعملو بمكتب الطيران ماعرفت شي .
مجد :لا ماعرفت لأن دخلو شغلة نص ساعة لطلعو ولهلئ لطلعو .
كنان : لاعاد تلحقهن ورجاع ع المكتب وتأكد شو كانو عم يعملو .
مجد :حاضر استاذ بتأمر .
"اتجه مجد للمكتب ودخل وبلش بأسألتو ".
مجد :مرحبا .
...: هلا تفضل شو بتريد .
مجد : انا بكون شوفير الاستاذ يلي اجا لعندكن قبل شوي بس حابب اتأكد من موعد الحجز لأن خايف يكون مخربط .
...: قصدك ع الشب والصبية يلي كانو هون وحجزو ع ميلانو .
مجد :اي هاد هو بس ممكن اعرف اي ساعة .
...: السفرة الساعة ٢ بالليل .
مجد :شكرا عزبتك .
...:ولو مافي عذاب .
" طلع من مكتب الطيران واتصل فورا بكنان ليخبرو عن الموعد "
مجد : الو مرحبا استاذ .
كنان : شو صار معك عرفت شو كانو عم يعملو .
مجد : " العما شو لقيم بس رد السلام " اي عرفت حجزو ع ميلانو الساعة ٢ بالليل اليوم .
كنان : شووووو انت متأكد .
مجد :اي متأكد
كنان :الحجز ذهاب واياب ولا كيف .
مجد :مابعرف .
كنان :تروح وماترجع الهي .
" بسكر بوجهه الخط وبيلبس ليطلع مباشرة "
"بالكافييه"
كاترين " بدلع " : وسيييييم .
وسيم : حاسس في شي من نبرتك خير .
كاترين : مو انا كاترين ورفيقتك وبنت خالك يلي بتحبها .
وسيم : اييه ؟؟!!.
كاترين : شو رأيك تخبرني اكتر عن المفاجأة .
وسيم : اولا انتِ قلتي انو اسمها مفاجأة اكيد مالح خبرك وتانيا لاتفكري تسأليني مرة تانية بكرى بتعرفي التفاصيل .. تالتا مابتثقي بشغلي حتى هيك عم تسألي .
كاترين : لااا ولووو مو هيك بس يعني بتعرفني فضولية .. بعدين انت مافي من شغلك ولا تصاميمك ماشالله اذا بميلانو معروف والك اسمك بدك ياني شك بشغلك انا .
وسيم : رجعنا من جديد كاترين لا تستعطفيني مالح احكي .
كاترين : اي تصطفل .
وسيم : شو رأيك نقوم نجهز الشنط ونودع العيلة .
كاترين : ايه شبك ولوو يلي بيسمعك بقول بدك تاخد شنطة كبيرة انا متأكدة شنتايتك اصغر من شنتاية البيبي يلي بتكون مع امو .
وسيم : وانتي مابدك تجهزي شنتايتك .
كاترين : معقول يعني طالعة على ميلانو بلد الموضة والازياء وبدك ياني آخد من هون .. ياا حييف .. بعدين جنبي اكبر مصمم بميلانو اكيد مالح تعذبني بالتدوير عندك كلشي .
وسيم : تكرمي .. كم كاتو عندي انا .. بس جد خلينا نقوم هلق بدي شوف اهلي وخبرهن .
كاترين : طيب ماشي .
......
عند كنان
... : تفضل استاذ.
كنان : اذا بتريدي بدي احجز على ميلانو ايمت في رحلة .
...: منعتذر منك بس من هون ليومين تلاتة مافي رحلة .
كنان : كيف هيك ورفيقي حجز عنكن من شوي .
.. : يا استاذ اليوم ماحجزنا لميلانو غير بطيارات خاصة .
كنان : ايوا يسلم ايديكي.
طلعت من المكتب وانا معصب ومنرفز من كاترين . .. فوق ماانها مسافرة ... بدها تطلع بطيارة خاصة ماشي يا كاترين .
""""" المساا"""""""
كاترين عم تحكي ..
نزلت عالصالون كانت معي شنتة صغيرة يادوب حطيت فيها كم قطعة ... ولا كأني مسافرة على غير بلد ...
ودعت اهلي وكان وسيم عم يستناني جنب الباب .. سلمت عليه واتجهناا للمطار ...
كاترين : يالله لح اشتاق لبلدي .
وسيم : يلي بيسمعك بقول انك رايحة روحة بلا رجعة كلن ٨ ايام وراجعين على بلدنا ..
كاترين : ايه سكوت انت متعود على ميلانو والعيشة فيها وطول عمرك متغرب برا البلد اكيد مالح تفرق معك .
وسيم : ممكن بس نحنا رايحين سياحة ممكن ماتندبي اكتر ... يلاا هااا ليكنا وصلنا عالمطار تفضلي ست كاترين.
كاترين : يلا ..
وبالمطار جهزنا وراقنااا وصار وقت رحلتنا .. طبعا كانت طيارة خاصة شو روقت بالرحلة وخصوصا وانا عم اتأمل النجوم والسما وانا أعدة بينن ... منظر غير شكل وشعورر مابينوصف .. وسيم كان عم يقرأ بالمجلة مو مهتم لشكل السما .. كونو متعود عالسفر ..
كاترين : هلق بعد مانوصل لوين رايحين .
وسيم : طبعاا على بيتي .
كاترين : اهاا.
وسيم : ايه شو بدك يانا نفتل بنص الليل منوصل عالبيت نرتاح وننام لبكرى مشان يصير وقت تنفيذ المفاجأة.
كاترين : يا سلاام اديش ح انطر هل اليوم على احر من الجمر .
"طبعاا وسيم بحكم شغلو واستقرارو بميلانو عندو بيت وسيارة كأن عايش ببلدو واحسن.... منكون اعدين بالطيارة منسمع عم يقولولنا مشان نجهز حالنا للهبوط بمطار مالبينسا "
وسيم : نعااام شو عم اسمع كأن هدول بدن ينزلونا بمطار مالبينسا ...
كاترين : ايه ليش شو الغريب بالموضوع .
وسيم : الغريب انو طريقنا مو لهون ..
وسيم بشوف مضيف طيران وبيندهلو .
وسيم : اذا بتريد بس بدنا نغير وجهة الطيارة ونغير المطار .
المضيف : بس انا مادخلني بهيدا الخصوص وحدو الطيار يلي بيقدر يتحكم بهل القصص .
وسيم : انت اكيد عم تمزح معي .. انا بدي شوف الطيار .
المضيف : بس صعب .
وسيم : مافي شي صعب .
كاترين : وسيم شبك ممنوع تروح على غرفة الطيار .
وسيم : كاترين اذا بتريدي .
" بيعطي وسيم للمضيف برطيل مشان يسلكلو امورو "
المضيف : تكرم استاذ .
وسيم : فورا مافي وقت معنا قبل ماتهبط الطيارة .
المضيف: يلااا.
"بغيب المضيف دقايق وبيرجع "
المضيف : استاذ صار فيك تحكي مع الطيار وهو عم يستناك .... تفضل معي .
وسيم : كاترين امشي .
كاترين : وانا كمان ؟؟!!!.
وسيم : ايه ليش لاء .
كاترين : طيب .
" بيتجه وسيم لغرفة الطيار بس هون كانت المفاجأة لما بشوفه"
وسيم (بصدمة ) : أوووووس .
الطيار : عفوااا.. خبرني مضيف الطيران انو عندك مشكلة تفضل .
كاترين : أووووس .
الطيار : يا آنسة شبكي انتي وهو لسا مافي على لسانكم غير هالاسم اذا عندكم مشكلة اتفضلو واذا مافي خلوني كمل شغلي.
وسيم : لحظة اذا بتريد .
الطيار : ماعندي وقت ضيعو .
وسيم : تفضل شوف هاد مو انت يلي معي بالصورة .
الطيار : انا بس مو اناا ... جايين لعندي حتى تفرجوني صورة شايفين الوقت مناسب الطيارة عم تمشي على احداثيات وشوي تانية لازم انا وجهها بالهبوط .
وسيم : اوك نحنا اسفين بس بررلنا شو قصدك ب انت بس مو انت .
كاترين : مستحييل لكك نسبة الشبه مو طبيعية .
الطيار : فيني اعرف مين هالشخص يلي نسخة مني.
الكابتن التاني الموجود بالطيارة : أويس الطيارة رح تهبط ماعاد في وقت .
كاترين : " بدهشة "أويس .
أويس : اي ليش عندك مانع ..واذا بتريدو صار موعد الهبوط .
وسيم : تكة بس نحنا مارح ننزل بهيدا المطار ...نحنا بدنا مطار ليناتي .
أويس :مافيك تغير عند آخر لحظة .
وسيم : بس انا طريقي لهنيك وين بدكن تاخدوني ع مطار مالبينسا وأي تكاليف زيادة انا بدفعها مافي مشكلة .
أويس : طيب ماشي بس حاليا مافيني اقطع الهبوط منهبط بهيدا المطار وبعدها منرجع منمشي برحلة جديدة لمطار ليناتي بس بعد الهبوط بدي اعرف شو قصة هل الشخص يلي معك بالصورة مو هلئ.. لأن الوقت مو مناسب .
وسيم : اوك شكرا الك وانا بدي اعرف اكتر منك .
أويس : لو سمحتو ارجعو مكانكم وبس نوصل منحكي .
رجع كل مين ع مكانو وطبعا من لما اعدو كاترين ماسكتت وهي عم تسأل وبدها تعرف شو القصة .
كاترين : وسيم شو قصتو لهل الشب لككك فوق مو انو نسخة عن أوس كمان اسمو أويس .
وسيم :مابعرف كاترين مابعرف انا بدي اعرف اكتر منك .
"حكى بينو وبين حالو "
انشالله يكون يلي ببالي صح .
" هبطت الطيارة ونطرو شوي حتى يرجعو يمشوا باتجاه مطار ليناتي ...كان الوضع متوتر كاترين غفيت وهي عم تفكر ياترى شو قصة هالشب ... وماصحيت الا على صوت عم ينبهن انو الطيارة ح تهبط "
وسيم : شو صحيتي .
كاترين : ايه صحيت كأن صار وقت الهبوط.
وسيم : اي يلا جهزي حالك..وصحصحي منيح عنا مقابلة مع السيد أويس .
كاترين : اوكك.
(كاترين عم تحكي )
بعد مانزلنا من الطيارة خبرنا مضيف الطيران انو الطيار يلي هو أويس بيشوفنا بالمطار ..
كاترين : اييه بقاا وين بدنا نلاقيه لهاد .
وسيم : لاتخافي مالح نضيع عنو لان هو عندو فضول يعرف شو القصة اكتر مننا .
كاترين : ماشي .
بلاحظ أويس جاية باتجاهنا من بعيد وهو لسا بتياب الطيار ...
وسيم : هلا .
أويس : اهلين فيك ممكن نبلش بالسيرة ماعندي وقت لروحو من ايدي ..
وسيم : طبعا بس وين ...
أويس : تفضلو معي .. نشرب شي سخن ونحكي .
وسيم : يلا .
كاترين عم تحكي بينها وبين حالها : يا الله مو معقول اديش طالع حلو بهالبدلة حاسة أوس ادامي بس فظاعة اديش شايف حالو بعكس أوس .
أويس : تفضل سامعك حكيلي مين يلي بالصورة وليش كنتو بتنادولي أوس مين هاد أوس ؟
وسيم : وانا عندي نفس اسألتك بس في اختلاف بسيط ...أولا أوس ابن خالتي تانيا أنا لما شفتك تفاجئت وللوهلة الاولى فكرتك هو وفي شك كتييير كبير بقلبي انو لما عرفت اسمك كل مالو زاد هاد الشك وصار في شي من يلي ببالي صح .
أويس : كأنك فوتتني بدوامة لسى شك وقلبك ومدري شو بعدين شو هل الشي يلي ببالك وعندك قناعة انو صح .
كاترين :وسيم شو هل تخبيص انا ماعاد فهمت عليك ابدا .
وسيم : اسمعو مني هالسيرة وبعدها احكمو ا ....
"""""" فلاااا🔙ش """""""
نور : تيم ( للتذكرة تيم زوجها لنور ) شو ليش هيك راجع بس معك أوس وينو أويس .
تيم (بنبرة فيها كسرة خاطر ): يانور انا مالقيتو فجأة اختفى بالبحر كان عم يسبح جنبي ومالقيتو الا اختفى دورت عليه كتيير بس للأسف .
نور ( بتبلش تبكي وشهقاتها تزيد ): مشان الله ياتيم احكي غير هالحكي بديي ابني أويس وينووو.
تيم: بنزل راسو مكسور وبيبقى ساكت .
نور : اكيد بكون عم يلعب مع وسيم موو اكيد هو معو وهلق راجعين .
بتطلع نور حواليها بتلاقي وسيم جاية لحالو .
نور : وسيم حبيبي وينو أويس وين تركتو .
وسيم : انا ماشفتو كنا عم نلعب سوا وفجأة اكلو البحر انا ماكنت بعرف انو البحر بياكل ولاد انا معد بدي اجي لهون .
نور بضم وسيم وأوس وبتبكي وشهقاتها بتزيد من قلب محروق ... وتيم بيطلع عليهم مو قادر يعمل شي قلبو مكسور ودموعوا خانوه ونزلو على خدودو ..
"""""""""" بااااا🔙اااااك """"""""
بيطلع وسيم ع أويس بلاقي دموعو نازلة ع خدودو ..
وسيم : وهي هية القصة يلي مخليتني شك فيك .
كاترين : شوووووو أخ لأوس وضايع من زمااان انا ليش مابعرف ليش ماعندي خبر شو مالي من العيلة يعني ولااا شو ليش تاركيني بلا خبر لهل الشي .
وسيم : طولي بالكك وهلئ مو وقتك بعدين انتي ماكنتي خلقانة وكنا صغار .
أويس : ضل ساكت ودموعو عم تنزل .
وسيم :بدك تبقى ساكت مارح تحكي شي .
أويس : شو بدي احكي .
وسيم : ليش دمعو عيونك .
أويس :لا بس تأثرت بالقصة .
وسيم : بس هيك .
أويس : ايه .
وسيم : عكلن انا ما اقتنعت وحاسس في شي بدك تقولو ومو قادر ... تفضل هي كرتي وفيه رقمي ومكان شغلي اذا بتحب تحكي شي انا جاهز بأي وقت بدك .
" أويس بمد ايدو وبياخد الكرت "
وسيم : فيني اطلب منك طلب .
أويس : تفضل .
وسيم : بدي تعطيني رقمك .
أويس : اوك ....سجل عندك *** .
وسيم : تشرفت بمعرفتك .
أويس : وانا اكتر وتشرفت بمعرفتك يا آنسة .
كاترين :وانا كمان بالمناسبة اسمي كاترين .
" وبعد ماحكينا مع أويس طلعنا وكانت سيارة وسيم ناطرتنا مخبر رفيقو يجيبها ركبنا واتجهنا عالبيت رجعت فارطة تعب بس مابقدر مااسأل وسيم "
كاترين : وسيم .
وسيم : نعم .
كاترين : يا ترا شو قصتو لهل الشب ... شو سر الشبه بينو وبين أوس معقول يكون شكك بمحلو .
وسيم : كلشي معقول .
كاترين: طب كيف بدنا نتأكد.
وسيم : تركيها علي ..
كاترين : ايونن.
وسيم : هلق يلي بدي ياه منك ويلي هو الاهم انو مااتجيبي سيرة لحداا .
كاترين : ولا يهمكك.
وسيم : حتى أوس هااا عم نبهك ..
كاترين : خلص ماتهكل هم ..... اييه وين غرفتي اناا تعبانةة وبدي نااام .
وسيم : هونيك بأخر الممر يلي بالصدر .
كاترين : اووك.. يلااا بونووي .
وسيم : بونووي .
" وسيم عم يحكي تركتني كاترين بين حيرتي و اسألة عم تاخدني وتجيبني استسلمت للنوم وحملت حالي ورحت على غرفتي .... صحيت من نومي كانت لسا كاترين نايمة طلعت جبت فطور ورجعت فيقت كاترين لنفطر ... وبعد ما فطرنا خبرتها تجهز حالها مشان نطلع "
كاترين : ييي شو بجننو .
وسيم : عيونك ... المهم اي ديزاين اعتمدتي ..
كاترين : والله شي بحير كلو حلو ..
وسيم : خلص معناها منعمل منو كلو ..
كاترين : لا شو كلو ما كلو .. هلق بنقي .
وسيم : خلص انا قررت لح نصممن كلن ..
كاترين : لككك مافي منك انت.
" خبرتن يعملولا لكاترين من كل التصاميم "
كاترين : اييه وهلق شو لح نعمل .
" عند أويس "
" لمحة عن أويس عايش هو ورفيقو اسمو شيفاي نفسه اللي كان معه بالطيارة ... بيطلعو كل الرحلات سوا وبيساعدو بعض بادارة الطيران بالطيارة ... هنن رفقات من الروح للروح مابخبو شي عن بعض .. بالنهاية هاد شي طبيعي بما أنو عايشين سوا وشغلن سوا وتربو سوا من صغرهن "
شيفاي : شو صار معك مبارح لما التقيت بالشب والصبية ماخبرتني .
أويس : والله يا شيفاي قصة وباين من وراها حكاية كبيرة .
شيفاي : هات لنشوف احكيلي .
أويس: هاد يا سيدي القصة ................
" أويس خبر شيفاي بكلشي صار "
شيفاي : وشو هلق ..
أويس : هلق مابعرف شو بدي اعمل خايف يكون شك الشب بمحلو .
شيفاي : لازم تخبرو بقصتك .
أويس : بس بتعرفني انا مابحب افتح دفاتر الماضي .
شيفاي : انت لازم تجرب حظك .. بلا ماتندم بجوز القدر بعتلك ياهن ... لحتى تلاقي اهلك ... برأي روح لعند الشب وحكيلو كلشي وهلق قبل بكرى .
أويس : وانت قلتا .. بجوز هي اشارة من ربي ولازم استغلهاا.
شيفاي : اي طبعااا.
................ .. ......
عند كاترين و وسيم ....
بعد ماشافو التصاميم واعتمدوا ..
وسيم : تعي روح على مكتبي في كم قصة بدي اعملا بعدين منطلع
كاترين : اوك يلا .
"بيوصلو عالمكتب "
السكرتيرة : هلا وسيم بيك الحمد الله عالسلامة .
وسيم : الله يسلمك .
"بيدخلو عالمكتب كاترين بتطلع حواليها عالمكتب اديش فخم ومرتب بطريقة عصرية وحلوة "
وسيم : شو بدك تبقي واقفة ناح الباب فوتي .
كاترين : هاا ايه يلا.... وسيم الشركة والمكتب وكلشي هون بياخد العقل قد مانه حلو ... هلئ عرفت ليش مو راضي تترك ايطاليا .
وسيم : شكلو عجبك مكان شغلي يلا تعي اشتغلي معي اذا بدك .
كاترين : لا ياقلبي خليني بشخبط برسم العمارة وانت شخبط على كيفك بتصميم الازياء .
وسيم : ههههه على راحتك .
"بتقعد كاترين ويتستنى وسيم وهو عم يشتغل "
كاترين : شو عندك شغل كتير ؟!
وسيم : لا ليكني لح اخلص باخدون بكملن بالبيت عادي .
كاترين : اممم.
بدق السكرتيرة الباب....
وسيم : تفضل .
السكرتيرة : وسيم بيك في شب برا اسمو أويس ال بدو يشوفك .
وسيم : دخليه لعندي فورا.
السكرتيرة : تكرم .
بيدخل أويس بلاقي كاترين ووسيم ....
أويس : مرحبا .
وسيم وكاترين : اهلين .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h