الفصل 7
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴7️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين وهي رايحة لتجيبن بتسألو : اديش صرلك ع هل الحالة .. كم كاس عم تشرب لكك فوق مانك سخنان وعم تشرب ناوي تموت حالك انت .
أوس : ع الحالتين ميت مافرقت .
كاترين : لا مو صح .
أوس : مافي شي لعيش كرمالو .
بتجيب الكمادات وهي عم تحطلو ياهن بتقلو : طول مافي أمل بالحياة معناها في سبب للعيش.
بيطلع بعيونها وبقلها : الأمل يلي كان موجود عندي راح .
كاترين : بترجع بتخلق أمل جديد .
أوس : مافي أمل جديد بعدو مالح اقدر كفي حياتي وهل الأمل متلاشي.. وانا شايفو مو ألي ..
كاترين بتهرب عيونها عنو...
بيمسك أوس دقن كاترين ليرفعلا راسا ويرجع يشوف بعيونها ويقلا : طول ماانتِ أملي وطول ما أنتِ مو ألي انا ماعندي سبب للحياة .
كاترين مو عرفانة شو ترد وهو بهل الحالة مابدها تجرحو وحاسستوو انوو مو وعيان ع حكيو بتبقى عم تطلع فيه ساكتة ماعندها جواب للوقت يلي بيغرس فيه أوس شفايفو ع شفافها وهو ماسكها كرمال ماتهرب بيبعد عنا بعد مايطفي شوقو.. كاترين مصدومة مو قدرانةة ترد بتعرفو عم يهلوس بتبعد عنو وبتفتل ضهرها وبتلهي حالها بالكمادات .
أوس : انتِ الوحيدةة يلي عشقتها لهل الدرجة مو قدران امنع نفسي عنك مشان هيك بعدت عنك واختفيت عم حاول انساكي بالمشروب والشغل كنت عم راقبك بالحفلة وقلبي عم يحترق .. بتفاجئ اني عم حاول انساكي وبلاقيكي هلق بقلب بيتي مابقدر للمعة عيونك بضعف قدامها ..
" كاترين بتحبس الدموع بعيونها وبتروح ع الحمام حتى مايحس عليها بتبكي مو عرفانة عم تبكي ع حالها ولا عليه ولا تأثرت بكلامو ... بتغسل وجهها وبتطلع بتلاقيه نايم بتقرب بتشوف بتفاصيلو اديش هو تعبان وغير أوس يلي كانت بتعرفو اديش هو هلق ضعيف.."
عند كنان : شو مجد ماعرفت بيت مين .
مجد : مبلا .. طلع صاحب البيت اسمو الدكتور أوس .
كنان (بعبئ وجهو ): حلو.. بتخبرني بكل تفصيل مابتروح علي شي .
مجد : حاضر .
كنان عم يحكي .. بقفل الخط وانا مو قدران شوف قدامي شو اخدها لعندو مو ع اساس حب من طرف واحد ورايحة ع بيتو يلي برا المدينة كماان .. اووف كاترين شو عم تخبصي صرت انا آخر اهتماماتك بتفكري بالكل الا فيي .. هيك معد يمشي الحال لا معي ولا معك .. صار لازم شوفك ..
كنان بيتصل ع جود .
جود : الو .
كنان : كيفك .
جود : اهلين سيد كنان كيف خطرنا ع بالك .
كنان : بدي شوفك لازم نحكي .
جود : اي تعا لعندي على الشركة .
كنان : على الشركة مالح اجي بلاقيك اليوم بالنادي .
جود : ماشي .
" كاترين عم تحكي بقيت جنب أوس وهو طول الوقت عم يهلوس .. حرارتو كانت كتير مرتفعة .. بقيت جنبو للوقت يلي اطمنت فيه انو حرارتو نزلت وصار منيح .... كان بعدو نايم كتبتلو رسالة واجيت بستو من جبينو وهمست سلام أوس بتمنى ترجع قوي متل اول ..
والتفتت بدي امشي مسكلي ايدي وقلي لاتتركيني اطلعت فيه لقيتو لسا غفلان .. فلتت ايدي ومشيت طلعت من البيت وركبت بالسيارة راجعة عالبيت بعد هل اليوم المتعب "
كنان : ايه.. مجد خير .
مجد : هلق طلعت من البيت وراجعة ع البيت شكلها.
كنان : مابدي توقعات منك بتلحقها لتتأكد .
مجد : بأمرك.
" كنان عم يحكي جهزت حالي ورايح للنادي .. أول ما وصلت لقيت جود ."
جود : هلا والله .
كنان : جود انا علاقتي فيك منيحة نوعا ما والحكي يلي بدي قلك ياه ممكن يخرب هالعلاقة مابعرف القصة بترجعلك .
جود : خير شوفي .
كنان : اولا علاقتي بأختك مو منيحة .. وتانيا الحمدالله انا صاير آخر اهتماماتها يعني ليكون عندها وقت فاضي بتصير بدها تحكيني فيه .. وتالتا وماتفهمني غلط بس اختك من شب لشب .. انا عم احكي كرمالها انت لازم تنبهها .. هي ممكن تكون معتبرة علاقتها فيهم عادية بس كرمال حكي الناس .. وانا بصراحة مافي كمل معها هيك .. حبي بقلبها شكلو مات .
جود شد على قبضة ايدو وضعط ع سنانو بعد الكلام يلي سمعو .
جود : شكرا الك كنان أنا بشوفها شو قصتها وتأكد انو كاترين بتحبك .
كنان : انا مو شايف هالحب وانا بغنى عنو عكلن انا هلق بدي اتصللها مشان شوفها .
جود : براحتك يلي بتشوفو مناسب مابدي دايقك .
كنان : طبعا هالشي مالح يأثر ع جيتي لهون مو ؟!
جود : طبعا بتشرف بأي وقت .. انا بعرفك من قبل ماتعرف اختي .
كنان : يلا انا صار لازم امشي .. سلاماات .
جود : سلاام.
" جود عم يحكي بينو وبين حالو آااه كاترين آااه "
" أوس عم يحكي بصحى وبلاقي جنبي ورقة باخدها لشوف شو فيها بتكون رسالة من كاترين ..
// أوس //
بالوقت يلي انت لح تفتح فيه الرسالة انا بكون بطريقي للبيت او وصلت ... ... وانت هلق الحمدالله صرت منيح وحرارتك صارت تمام تأكد ماتركتك لخفت حرارتك ... جهزتلك شوربة بتلاقيها بالمطبخ ... بتمنى منك ترجع أوس يلي بعرفو .. أوس القوي .. وتبعد عن المشروب كرمال صحتك يلي عم تقتلها باستهتارك هاد.. انت عندك مرضى بحاجتك ... مو الدكتور أوس يلي بيترك شغلو يلي معروف عنو بالعيلة اديش هو شاطر فيه ... تأكد برقبتك حياة بشر ولازم تكون قد اليمين يلي قطعتو..
كرمالي رجاع لطبيعتك ولحياتك ورجاع لبيت العيلة .. ولا تعيش لحالك .. وبطل شرب .. بتمنالك الخيرر من كل قلبي ..
//كاترين //
أوس عم يحكي بينو وبين حالو اديش هالبنت طيبة .. هاد بيعني اني ماكنت بحلم وهي كانت جنبي واهتمت فيي.. وهاد بيعني انو جد هي باستني قبل ماتمشي ..
عند كاترين :
كنت أعدة بالغرفة بسمع صوت موبايلي بشوف مين بكون كنان .. قلبي بفرفح واخيرا رضي علي ودقلي..
فتحت الخط وانا فرحانة .
كاترين : اهلين بكنان ..
كنان : كيفك .
كاترين : مشتقتلك .
كنان : بدي شوفك.
كاترين : ايمت .
كنان : هلق والأفضل انو مايكون بمطعم او كافيه تعي لعندي عالمكتب.
كاترين : اوك ماشي .
كنان : ناطرك.
"مع آخر كلمة بقولها بيقفل الخط.. كاترين بتستغرب من جدية كنان معها بالمكالمة وبتغير تيابها ع السريع وبتطلع من الفيلا.. وصلت بيفتحلا كنان الباب ..بتجي بدها تعانقو بيبعد عنها "
كاترين : شبك كنان .. شو عم يصير معك صرلنا فترة ماعم نتواصل منيح .. وهلق بجي بدي عانقك عم تبعدني ؟؟!!.
كنان : كاترين لما بدك تحكيني لا تتنتوري فيي هيك .. فهمانة علي .
كاترين : اتنتور ؟؟!! انا عم اتنتور.... (قربت كاترين على كنان وحاوطت رقبته بايديها وصارت تدلع عليه وتحكي ) شكله في حدا زعلان ولازم نراضيه .
كنان (بعد كاترين عنه ) : مو هاد حديثنا هلق.
كاترين : تفضل لشوف شو حديثنا .
كنان : مابعرف كيف وليش بس انتِ عم تكذبي علي كرمال شخص .. مابعرف مين هو .
كاترين : انا عم كذب .
كنان : لاتقاطعيني .. انا أكره ماعندي الكذب .. انا لما بشوفك مع غيري بحترق شلون اذا كنتي عم تخونيني
كاترين : ب...
كنان : قلتلك لاتقاطعيني كاترين .. انا مليت منك ومن كذبك .. انا صح حبيتك بس انا فييي بكل بساطة كب العالم يلي عم تغدر في... انا مابقدر كمل معك لتبقي عم تضحكي علي .. وتغدري فييي ..انا مو مجبر .. تركت اهلي وحاربتن كرمالك ..
كاترين امتلو عيونها بالدموع وموعرفانة شبو .
كنان : لاتحاولي تنزليلي دموع التماسيح هدول .. برأي روحي عند حبيبك ونزليهم جنبو يمكن يصدقكك.
كاترين بتقاطعو معد فيها اكتر : انا ماخنتك فهاام شبكك .
كنان : لاتكذبي انا شفتك بعيني معوو .. انا مستحيل كذب يلي شافتو عيوني .. بحب قلك يا ست كاترين يحيى القاتي انو هون بتكون انتهت علاقتنا وانتهى كلشي بيناا .. اكتر من صديقة مستحيل اعتبرك .. وهاد اذا قدرت اعتبرك صديقة كمان .
كاترين وهي عم تبكي بتصرخ فيه : خلص مشان الله بيكفي .. وانا مابقبل ابقى مع واحد ماعندو ثقة فيي .. وبكذبني.. مالي مضطرة عيش مع واحد بدو يقتلني كل يوم بالشك .
وبتفتل ضهرها وبتمشي وقبل ماتطلع من الباب بتقلو: انا ممنونتك لأنك ساعدتني بالمشروع سيد كنان الباشا .. بتقول هل الكلمتين وبتطلع .
" كنان بعد مابتطلع كاترين بكسر كلشي بالمكتب .. بدو يفرغ عصبيتو ... كاترين بتطلع عم تبكي بتركب سيارتها وبطير فيها عم تفتل وتسوق ع وجهة مابتعرف وين لوقت ماصارت ع الاوتستراد ومافي غير عم تزيد بالسرعة وتتذكر كلام كنان يلي كان متل السم ع قلبها .. كلامو كان كفيل انو يولد الكره بقلب كاترين تجاهو ..لان هي عندها انو يتشكك بأخلاقها خط أحمر .. وفجأة بتصحى ع صوت سيارة جاية معاكسة الها .. بتدعس فرامان بس كان القدر اسرع وبتعمل حادث كمية السرعة يلي كانت فيها مو طبيعية .. اصطدام السيارتين ببعض بقوة كاترين كان آخر شي بتحس عليه ... ضو السيارة يلي كان جاية بعيونها بنص الليل عماها عن الطريق "
" حالة فوضى مو طبيعية واستنفار بكل المكان .. عم ينادوا للاسعاف والطبيب المسؤول .. اول مابيوصل الدكتور بيصرخ بصوتو عملياات جهزو غرفة العملياات بسرعةة ... بيجي ع صوت الضجة ليشوف شو صايرر
بيتفاجئ بكاترين .. تجمدت الأعصاب وانحلت الأطراف .. ضعف صاب كل أعضائو وشلن عن الحركة .. قلبو عم ينزف عليهاا عم يقول بصوت مقطع وعم يرجف..
: ك....اا...اا...ت...ر...ي....ن.
واحد من الدكاترة : دكتور أوس شو عم يصير معك ساعدناا لننقل المريضة على غرفة العمليات.
أوس عم يقول بصوت مقطع : ل..كك هيي كاتر...ينن .. لكك هيي ملاا....كي.
""بفوتو كاترين ع غرفة لعمليات ليجهزوها للعمليةوبيجي واحد من الدكاترة لعند أوس وبيحكيه: العمليياات غرفة العملييات دكتور أوس بدك تفوت معنا ولا لح تبقى هون جامد .. الوقت مو بصالحنا المريضة بحالة خطرة .
أوس بقوي حالو وبيتذكر كلام كاترين لما قالتلو انو يرجع قوي ولما قالتلو انو في مرضى بحاجتو .. بيستمد قوتو من كلامها وبفوت ع غرفة العملياات .. بيبقى فوق راسها حتى انو ما خلا الدكاترة يشتغلو شي هو ضمضلا جروحا وقطبلا ياهن حتى انو كان في عندها كسر بأيدها هو داوالها يااه كان عم يشتغل وعم يساعدوا كم ممرض .. رافقها لغرفتها وقعد جنبها عم يمسح على راسها و يقول .. مين بصدق انك كنتي عندي الصبح عم طبطبيلي ع مرضي وجروحي ... و هلق صرتي بين ايدي بهالحالة هي ..
بيلمس مكان القطب والجروح وبيحكي مو حرام هل وجه البريء يصير فيه هل قد قطب.. كاترين شو صار معك لوصلتي لهون .؟!! ...انا بفضلك اجيت على الشغل هلق .. انا كرمالك قويت حالي ورجعت فورا .. . كأنك كنتي عم تقوليلي قوم ورجاع لشغلك انا جاية لعندك المسا بدي داوينيي ... بتمنى انك تقوي حالك وترجعيلنا .. أوس ببوسها من راسها وبقوم يتصل ع أهلها أمها أول ماعرفت اغمى عليها من الصدمة .. ...
عند كنان .. بيرجع عالبيت وهو موقدران يشوف حدا بيطلع على غرفتو وبسكر على حالو الباب .. تمدد عالتخت لينام ويرتاح .. بس ذكرياتو مع كاترين كانو متل الشريط عم يتكرر جنب عيونو وعم يمنعو من النوم .... غرس ايديه بنص شعرو عم يحاول يلقط نفس وعم يحاول يطرد كاترين من تفكيرو وكيانو ...
بقي ع هل الحالة اكتر من ساعة ..للوقت يلي قرر فيه يفتح لاب توب ويشتغل شوي ويشغل تفكيرو بركدن بينسى وبيتعب من الشغل وبنام من غير تفكير ..
عند كاترين بتكون العيلة اجتمعت بالمشفى عم يتطمنوا على كاترين .. وهي لسا ماصحيت .. وسيم صار يدور على أوس بالمشفى وعرف انو هو بمكتبو .. مشي لعندو ونقر عالباب نقرتين .. فتح شاف كيف أوس دافن راسو بين ايديه ومسند ايديه عالمكتب.. مشي لعندو خطوات .. ووقفوا أوس بكلامو ..
أوس : مين ماكنت تكون انا مالي بمزاج أني قابل حداا.
وسيم : حتى انا يا أوس..
أوس بيقول وسيم وبيرفع راسو .
وسيم : ايه هاد انا ... فيني افهم ليش دافن حالك بهالمكتب .. والعيلة برا عم تسأل عنك .. حتى ماطمنتن عن كاترين.
أوس : موجوع يا وسيم موجوع.... قلبي عم ينزف ..
وسيم بيقرب ع أوس وبيقعد جنبو .
وسيم : بس انت بتعرف انو كاترين هلق منيحة وتعدت مرحلة الخطر ... ليش كل هالخوف مو انت هيك خبرت الممرضين يخبرونا .
أوس : صح بس أنا مابقدر شوفها هيك.. لما شفتا جاية عالمشفى بحالة اسعاف مدري شو صرلي تجمدت ... نشل عقليي... صرت عاجز بالوقت يلي لازم كون فيه قوي كرمالهاا.. ماتحملت شوفها مغطاية بالدم .. وعم تنزف مع اني هالمنظر كل يوم بشوفو مية مرة.. ماتحملت فكرة انها تموت .. انت بتعرف انو هي كانت اليوم عندي وبقيت جنبي لشفيت من ارتفاع حرارة بسيط؟؟!!!! .. انا خفت مااقدر ساعدها لما وصلت ...لكك انا مالازم اضعف هييك انا لازم كوون قوي بالوقت يلي احتاجتني فييه ضعفت .. بتعرف انا لوماها هي ...انا هلق لسعتني بالبيت عم اشرب وحالتي حالة .. هي قالتلي رجااع قووي قالتلي في بشر حياتن برقبتك.. كأنها كانت عم تقليي انا اليوم ح اجي عالمشفى بحاجتك ح اجي مريضتك قوم بسرعة وتعا عالمشفى لداوييني لتنتشلني من الموت .. لككك يالله لييش هييك ... ليشش عم تعذبني هييك.. انا تعبتت.
أوس مع كل كلمة كان عم يحكيها وعم يرتفع صوتو والرجفة بصوتو تزيد.. وسيم بيكمش أوس من كتافو وبيحكيه.
وسيم : هييه شببك هديي حاللك ... لا تضر حالك اكتر .. انت عملت يلي عليك .. وهي هلق منيحة .. لاتحملها اكتر.. لاتفكر بشي راح فكر بيلي جاية.. نحنا كلنا قلبناا عليها وعم ندعيلا بالشفاء العاجل .. أوس صدقني .. اذا انت ضعفت هيك مالح تقدر تساعدهاا ابداا ... قوي حالك وخليك عم تأشرف على صحتها من هون لتصح وتصير بخير.
أوس بيكتفي انو يهز براسو انو موافق.
عند كنان
كنان عم يحكي ..
بعد ما بخلص شغل على لاب توب بعمل دوش عالسريع وانا متسطح عالتخت وعم أتفرج عالشاشة .. و عم قلب بين القنوات بملل فجأة بتفاجئ بصورة كاترين انتفضت من صورتها وهي مددة عالنقالة والدم عم ينزف منها .. انا انصدمت من المنظر .. قلبي وجعني عليها .. نسيت اني متزاعل انا وهي .. نسيت كلشي ورجع قلبي سيطر علي و ع مشاعري .. بالوهلة الاولى ماعرفتها انها هي ... لوقت ماسمعت الاخبار عم يقولو انو ابنة التاجر يحيى القاتي عملت حادث وهي هلق بالعناية المركزة .. شلت مفاتيح السيارة وطرت عالمشفى ...
بالمشفى ....
كنان : اذا بتريدي غرفة المريضة كاترين القاتي .
الريسبشن : لحظة شوي .
كنان ( مو قدران يستنا كمان عصبية عامية عقلبو ) : معقول عم اسأل عن مريضة وانتي بكل هالبرود .. ماشي انا بشوف وين .
الريسبشن : لحظة يا استاذ .
( كنان بكون ماشي وما برد عليها صار يدور بالمشفى راح ع قسم الاسعافات بعدين عالعمليات بيسأل بيعرف انها طلعت من العملية وهلق هي بالعناية .. بروح لعندهاا وقلبو نار عليها ..بلاقي اهلها قلبن فاير عليها .. وهو مابدو يقرب ويعمل مشاكل هلق اكيد اهلها مالح يسمحولو يفوت لعندها .. بينطر شوي بلاقي ممرضة عم تخبر اهلها انو كاترين شوي وبياخدوها ع غرفتها وعم تخبرون يروحوا ويرتاحو بغرفتها لوقت مايجيبوها..
كنان بيستغل هالقصة لصالحو وبعد مايمشوا اهلها فورا بيجي بدو يفوت لعندها ..
بس الممرضة بتمنعو وبتقلو: اذا بتريد هي عناية مركزة مانها غرفة عادية هي غرفة معقمة ومابفوت عليها حدا الا الممرضين والدكاترة.
كنان : اذا بتريدي خليني فوت اذا ماقدرت شوفها هلق واطمن عليها مالح اقدر شوفها مرة تانية .. بترجاكي ..
الممرضة : ماشي بس بلأول تعال البس لباس معقم ممنوع تدخل هيك .
كنان : ماشي .
بروح كنان بيلبس وبيرجع عند كاترين بشوف فيها كيف هيك متمددة عالتخت والاجهزة بجسمها ولا ايدها المجبرة تقطع قلبو عليها بيحمل ايدها السليمة وببوسها وبصير يحكيها والدمعة علقانة بعينو ومو باقي الا تنزل .
كنان : يا قلبي انتِ قومي لعندي ضمك بحضني ما بيلبقلك المرض ولا بيلبقلك تكوني بهالمنظر .. كاترين قومي قتليني ضربيني عملي فيي اي شي لاتبقي هيك بهالحالة .. لا تدبلي يا وردة عمري .. انا مافيي بلاكي ... لكك نسيت كلشي ونسيت انو تخانقنا مابدي شي الا تكوني معي وجنبي وانتي بصحة وسلامة ..
كنان بيكمش كاترين من كتافها وبقلها ..
قومي كاترين قوميي .. بلا لعب هلق .. قومي بعدين منلعب هلق رجعي كاترين القوية يلا رجعيلي ..
(كنان صار يبكي ويقلها تقوم بس هي ع وضعها )
كنان : ماشي انتِ لسا زعلانة مني وعم تددللي .. يا ستي وبيلبقلك الدلال .. انا ماشي وتاركك
( بيقرب عليها وبيطبع بوسة على جبينها وبيهمس بأذنها
أميرتي سأبقى مُتعلق بحبك ومعلق قلبي بعشقك لاتكوني كالجمرة وتحرقينني بلهيبك كفاكِ نوم بهذا الفراش كفاااكِ .. بخاطرك يا عشق حياتي .
( بيطلع كنان من عندا وهو طالع من الغرفة بيلمح جود جاية )
كنان ( ونبرتو كلها تعب ): انتبه عليها وداريها بعيونك .
جود : ليش وين رايح انت.
كنان : انا شفتا اليوم بس بكرا مالح اقدر .
جود : ليش شوفي.. ماتكونووا انفصلتوو.. شلون وكيف وايمتت.
كنان : جود الله يخليك مو فايقلك .. انا لازم امشي .. انا واختكك خلص انتهينا بتمنالها حياة حلوة هي ويلي بتحبو .
جود : وقف شوي شو هي... هي ويلي بتحبو شو عم تخبص انت .
كنان : مافي تخبيص انا تعبت من كذبها وانفصلنا اليوم طلعت من عندي من المكتب بعد مااتخانقنا .
جود : ايمت هالقصة صارت .
كنان : عم قلك اليوم .. من كم ساعة .
جود : لكككك اختيي بتكون عملت حادث بسببك .. لككك انت شو عملت فيهااا .. هي مابتتحمل ..اكيد بتكون سايقة بجنون بعد ماطلعت من عندك لحتى عملت هالحادث .
كنان : جود لا تخبص .. اذا اختك عملت الحادث فأكيد مو انا يلي كنت عم سوق الشاحنة وضربت فيها.
جود بيتنرفز ومعد بيشوف ادامو وبيهجم ع كنان .
جود :لككك انت مجنونن اذا بيصرلا شي مابرحمك عم تفهمني بشيل كلشي ع جنب انت مابتعرفني لما عصب انت مابتعرفني لما الموضوع يتعلق بكاترين بحرق كلشي.
كنان كان واقف وجامد ماعم يدافع عن حالو وجود عم يضرب فيه بعدين كنان بيصحى عحالو وبرد جود عنو بس ماببادلو اي ضرب ... وسيم بشوف جود من بعيد بقرب ليبعدو عن كنان .
وسيم : لككك جود شبك بعد عنوو.
(كنان لما بشوف وسيم نار وبتلهب جواتو وبصير يردلو الضربات لجود ليفرغ عصبيتو من وسيم ووسيم عم يفك بينن كنان بيستغل هالقصة وبيضرب وسيم كم ضرب .. وبيجي عصوتن أوس وبيصرخ فيهن ).
أوس : خلص اذا بتريدو هي مشفى محترمة بكفي حركات ولدنة جوددد بعد عنو .
بفكن عن بعض بمساعدة وسيم وكنان بيجي ليمشي وقبل مايمشي بقول لجود : انا ماشي وبرجع و بعدلك كلامي دير بالك عليها وانا ح اطلع من حياتكم..
(مشي كنان وبيبقى أوس ووسيم وجود بيلتفت اوس بلاقي صار الكل متجمع حواليهم)
أوس : يلا كل واحد ع شغلوو .. خلصت المسرحيةة.
التفت أوس لعند جود وبيحكيه....
أوس : جود شبك شو صرلك بدال ماتكون عم تدعيلا بالشفا آعد عم تعمل مشاكل جنب غرفتهاا!!!.
وسيم : خلص لا تهكل هم أوس هلق انا بهديه وبروقو.
جود : مابدي حداا يروقني تركوني بحالي في مجال.
بيتركن وبروح.
وسيم : شو صرلو هاد .
أوس : شبعرفني .
وسيم : شو صار بوضع كاترين .
أوس : منقول احسن لسعتها تحت مفعول المخدر ونشالله بتفيق بعد مايروح تأثيرو انا خبرتون يجهزولا غرفة لتنتقل عليها.. بس.. .
وسيم : شوفي أوس احكي بس شو.
أوس : مابخفي عليك يا وسيم انا خايف يخلص مفعول الدوا وماتفيق كاترين وتفوت بكومة.. انا ماخبرت حدا بهل الشي ... نشالله تطلع توقعاتي غلط.
وسيم : شوووووو.
أوس : اي والله يا وسيم انا خايف كاترين ماتكون قوية وتكون مأثرة عليها الصدمة.
وسيم : ياربي دخيلك وشو الحل .
أوس : و لا شي قلبي عم يحترق عليها وخايف .. بس انشالله كاترين قوية وبتصحى من هون لساعتين واذا ماصحيت للأسف بدنا ننطر.
وسيم : لا كاترين قوية اكيد بتصحى من هون لساعتين.
أوس : انشالله يارب.
....................
كنان لما طلع من المشفى رجع عالبيت وهو تعبان وجناحو مكسور .. تمدد عالتخت ومن كتر التعب مابحس على حالو الا نام.
بالوقت يلي كان فيه جود بحديقة المشفى وعم يدخن ومو شايف قدامو بلاحظ بأيد انحططت على كتفو .. بيفتل ليشوف مين بلاقي كارولين.
كارولين : هيك يا اخي مابدك حدا يكون جنبك بهالمحنة .
جود : كارولين انا تعبان .
كارولين : كلنا تعبانين .. انا تعبانة كمان ياجود .. اختي قدامي بهل المنظر مو قدرانة اعملا شي ( بتصير تبكي وشهقاتها تزيد ) جود لك انا قلبي عم يوجعنيي مو قدرانةة شوفهاا هيييك .. روحي حاسستها عم تتمزق عليهاا.. لكك اناا سمعت أوس عم يقول اذا ما صحيت من هون لساعتين بتفوت بالكومة( وبتزيد شهقاتها اكتر)
بيضمها جود لصدروا وبيمسح على شعرهاا وبيحكيهاا
جود : خلصص اهدي انا بعرفها لكاترين قوية ومابينخاف عليها هي مدللة العيلة .. بيرفعلها راسها وبحط اصبعو ناح تمو بقلهاا هووس بكفي ... بعدين اذا انتي كمان ضعفتي مين بدو يبقى عم يقوي اهلك ااه قوليلي ..شي حلو والله محامية وهيك ضعيفة بدي افهم كيف بتربحي قضاياكي انتي ... بتبكيلو للقاضي شوي حتى يسامح موكلك يعني ...
كارولين بتضربو ع صدرو : سكوت مو وقتك هلق ( و بين شهقاتها بتخلق ضحكتها )
جود : ايه هيك هااا يلا مشي نمشي لعند كاترين وندعيلها.
"وهنن داخلين عالمشفى بتلحقن الصحافة وبيتجمعوا حواليهن يسألوهن عن كاترين ووضعها "
جود بيضم كارولين لصدروا بأول ايد وتاني ايد بيفردها بطريقة يبعد فيها الصحافة وبيدخلو لجوا.
بيطلعو عند كاترين ينطرو جنبها شوي بيدعولها وبيمشو لعند اهلهن يشوفوهم
.........................
بعد مرور وقت
عند كاترين :
بتكون الممرضة عم تزبطلها السيروم بتحس على كاترين وهي عم تمتم بين شفافها وين انا
الممرضة : صحيتي الحمد الله عالسلامة ... انتِ هلق بالمشفى .
كاترين : من ايمت انا هون .
الممرضة : ...
بلحظة دخول أوس بأشر للممرضة مشان تطلع ( أوس لما بشوف كاترين صحيت بيرفرف قلبو وبيشكر ربو وبحاكيها بابتسامة عريضة وعيون كلها فرح وحب )
أوس : شو المدللة صحيت الحمد الله عالسلامة .
كاترين : أوس .
أوس : لا خيالو ..
كاترين : كيف صرت هون انا.
أوس : عملتي حادث وفي مين اسعفك عالطريق.
كاترين : ويلي عملت معو الحادث كيفو هلق.
أوس : ماتأثر كتير كانت اضرارو مادية شوية رضوض وجروح ساواهن واجت الشرطة اخدت اقوالو ومشيت.
كاترين : امممم.
أوس : عم يوجعك شي .
كاترين : لا الحمدالله .
أوس : ايه الحمد الله .. شو رأيك نعمل سوربرايز لأهلك وآخدك على غرفتك هونيك هنن عم يستنوكي.
كاترين : مابتفرق.
أوس : امشي معي لكن .
كاترين : أوس مو وقت غلاظتك.
أوس : ااه صح مابتقدري .
بتكون عيلة كاترين اعدين بغرفة كاترين بيلاحظو الباب عم يفتح بوجهوا نظرهن عليه شافو أوس ووراه كاترين عم ينقلوها عالكرسي المتحرك .. فرحة بالعيلة مابتنوصف لما بيشوفوها اجت وهي صحيانة وبيلتفو كلن حواليها يحاكوها ...وبتجي عماتها لكاترين لما يطمنو انها صحيت وبيطمنو عليها .... أوس بخبرهن انو اذا بقيت هيك كاترين .. بتقدر تطلع بكرى من المشفى ... بتجي الشرطة وبتاخد أقوال كاترين وبتمشي .. والعيلة بترجع بتتلم حوالين كاترين مبسوطين انهم شافوها بخير وسلامة .... تاني يوم بتطلع كاترين من المشفى ..... كنان عرف انها صارت منيحة من الاخبار وفرحلها كتيرر ... و رفقات كاترين بيجو لعند كاترين ليتطمنو عليها بعد ماصارت بالبيت ...
بعد مرور شهر .
أمينة : ست كاترين الدكتور أوس وصل .
كاترين : خليه يطلع لعندي .
أمينة : تكرمي .
........
أوس بدق الباب على كاترين .
كاترين : فوت أوس .
أوس : كيفك اليوم .
كاترين : مشتقتلك .
أوس : وانا اكتر .... يلا جاهزة لنفك الجبيرة .
كاترين : طبعا جاهزة .. اييع مليت منها بدي اخلص ... حاسستها حابستني.
أوس : يلا لكن تعي لنفكها.
بتقرب كاترين لعند أوس وبيقعدوا عالكنباية ... وببلش أوس يفك بالجبيرة شاف بكاترين كيف خايفة ومتوترة... بتطلع فيه وهو عم يفكلها الجبيرة وهو ماتردد ابدا لما شافها كيف عم تطلع فيه انو يخطف نظرة عليها ويلتقو عيونن ببعض ... عيون أوس عم يحكو لحالن عن حبو ... أوس بيحكي وهو عم يطلع فيها .
أوس : لسا لمعة عيونك نفسها ...
وبوجه نظرو عالجبيرة وبيحكي .. وهيك هااا خلصنا ...
كاترين : يسلم ايديك عنجد ..
أوس : ولو كم كاتو عندي انا ..
كاترين : ميرسي .
أوس : عندك خيارين يا كون جاية لعندك بصفتي دكتور وهيك بكون خلص شغلي وصار لازم امشي .. او كون جاية لعندك بصفتي أوس ابن عمتك وهلق تعزميني على فنجان نسكافيه ..
كاترين : امممم بنقي الخيار التاني .
أوس : وهون بدك تشربيني نسكافيه .
كاترين : لا يعني معقول .. مشي ننزل عالحديقة نتمشى ونشرب نسكافيه.
أوس : اوك امشي.
..........................
كنان بكون بمكتبو وعم يشتغل .. بيندق عليه الباب .
كنان : تفضل .
السكرتيرة : وصل السيد عامر مشان الاجتماع .
كنان : خليه يتفضل .
عامر : مرحبا كنان بيك .
كنان : يا هلا بالاستاذ عامر تفضل ليش واقف .
"طبعا متل ماشفنا كنان صار كل همو شغلو والنادي معد راح عليه غي قليل وصار يتدرب ببيتو "
................................
كاترين و أوس شربو النسكافيه وهنن رواق على مزح وضحك بيناتهن.
كاترين : أوس بدي اعتذر منك .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h