الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴6️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
" بيتصل وسيم ل أوس ليتفق معو ع المكان وبروح وسيم ليشوفو"
وسيم : لككك اهلين والله بأوس بيك شتقنالك يا زلمة .
أوس : اهلاً بالمشاغب والله .
وسيم : هاد يلي طلع معك مشاغب يلا مقبولة منك ، كيفك شو اخبارك طمني عنك .
أوس : مشتقلك وانت كيفك .
وسيم : مشتقلك اكتر ، هات لنشوف ليش مبارح ما اجيت ع بيت خالك يحيى ؟.
عند كاترين ....
" بتجهز حالها وبتلبس فستان اسود طويل وبتعمل شعرها بالليس والطرف ملفوف وبتعمل الميكب وبتطلع متل الاميرات وبتنزل لتحت لتستنى وسيم " .
كل يلي تحت بقولو بصوت واحد : واااااااو .
كاترين : صباحوو كيفكن .
لميا : صباحك يا أميرة شو هل حلو هاد وين رايحة ؟
يحيى : صباحك حبيبتي ، شو وين رايحة لحتى مجهزة حالك عندك شي مهم ؟
كاترين : رايحة مع وسيم ع المول بدنا نجيب غراض للحفلة التنكرية تبع المسا هاا ليكو اتصل يلا بدكن شي .
كارولين : سلامتك ياقلبي .
كاترين : امشي روحي معنا شو مابدك تروحي ع الحفلة ؟
كارولين : مبلا رايحة بس مجهزة تيابي وكل غراضي وهلق متفقة مع رفقاتي نروح سوا .
كارولين : متل مابدك يلا سلام ياحلوين .
" بتطلع كاترين لعند وسيم بكون ناطر بالسيارة ... بيتفاجئ بجمالها وكيف طالعة "
وسيم : وااااو شو هاد لكك كاترينو ليش هيك طالعة.
كاترين : ليش فيني شي ستنا رايحة غير اكيد مو حلوين .
وسيم : روقي روقي شوي بلعكس طالعة بتجنني شبكي كل مرة مابتثقي بحالك وتجي تغيري مابتبطلي عادتك من زمان ولسى ماتغيرتي .
كاترين: لأنك رعبتني قلت فيني شي غلط ، هلئ شيلنا مني وخلينا بأوس شو صار .؟.
" بيتلبك ومابيعرف شو رح يقول "
وسيم : بصراحة ، مابعرف شو قول يعني هو ابدا مو طايق يشوفك ابدا بس ليش مافهمت .
كاترين : شو عم تقول انت طب مافهمت منو شي ابدا ولاشي .
وسيم : لا بس هو هيك قال وما عطاني من راسو خبر .
"""" فلااا🔙ااش """
وسيم : هات لشوف شو قصتك مع كاترين .
أوس : مافي قصة ولاشي.
وسيم : ماتكذب علي انا بعرف كلشي .
أوس : شو قصدك بكلشي ليش شوفي شي مخبا انا مابخبي عليك شي .
وسيم : اي صح مابتخبي بس انت مخبي علي اهم شغلة بحياتك كلها.
أوس : اووف هل القد .... هات لشوف شوهل الشغلة.
وسيم : حبك لكاترين ..
أوس : لا تجيب هل سيرة لانو هي عبارة عن صفحة وطويتا .
وسيم باستغراب : صفحة وطويتا شلون يعني؟؟!!!!! .
أوس : كاترين طلبت مني وانا عم نفذ واذا بتريد ماتسألني أكتر لأن مالي نفس لا أفتح هل القصة ولاحتى احكي بسيرة كاترين .
وسيم : طيب متل مابدك..
.....................باااااا🔙ااااااك.........................
وسيم : وهيدا كلشي صار .
كاترين : هيك لكن مالو نفس حتى ينذكر اسمي جنبو .
وسيم : خلص لاتفكري كتير فيه وخلينا نوصل ع المول لنجيب التياب .
كاترين : ماشي .
""عند كناان """
كنان عم يحكي غيرت تيابي وطالع ع المكتب بقي اطمن عن اخبار كاترين أفضل شي اتصل بمجد ..
كنان : الو اي مجد شو صار معك .
مجد : اهلين معلم انا عم اعمل متل ماخبرتني والصبية من شوي طلعت من البيت مع شب .
بقطع كلامو قبل مايكمل : شو عم تحكي شب !! مين يلي عم يسوق السيارة ولحقتن ؟؟!!!
مجد : السيارة للشب وانا وراهن ماتركتن خطوة هلق هنن بالمول .
كنان: بعتلي اسم المول برسالة وانا جاية لعندك خليك وراهن خطوة خطوة لاضوعن .
مجد : متل مابتريد انا بانتظارك .
بغير طريقي وبتجه للمول يلي بعتلي عنوانو أمجد لما بوصل بشوف كاترين ونفس الشب يلي كانت معو مبارح كاترين طالعة مو طبيعية بجمالها اديش لابقلا هل الفستان بس مدري شو صرلي تنكرزت من شوفتن و بقيت لاحقن كانوا عم يجيبوا تياب شكلهن لحفلة تنكرية راقبتن من بعيد بدون ماينتبهولي وبعد مااشتروا فتت ع المحل واشتريت تياب الي ونبهت ع مجد يراقبن .
... عند كاترين ووسيم ....
وسيم : ايه شو هاد يا ست كاترين فتلتينا المول كلو لاعتمدتي ع شي لا وغير هيك اشتريتي المحل كلو انو طبيعية انتِ؟؟؟!!
كاترين : وسيم انت بتعرفني انو انا هي عادتي من لما كنت صغيرة ف هلق شو الغريب .
وسيم : لا مو غريب الا الشيطان.
كاترين : ايواا.
""بيجي كنان وبيرجع براقب كاترين ووسيم من بعيد ""
وسيم : طيب لاتزعلي كاترين خانم ماانتِ مدللتنا .
كاترين : لا مازعلت معقول ازعل منك .
بيمسح وسيم ع راس كاترين : طيب شو رأيك نروح نشرب شي أحسن من دوارتك الي بهل المول اي والله فتل راسي اشترينا التياب ولسا عم نفتل .
كاترين : طيب ماشي وانا كمان تعبت من المشي.
وسيم : طيب بما أنو نحنا التنين تعبنا مالح طلعك برا هل المول تعي ع هل الكافيه القريبة .
كاترين : اي يلا امشي.
بيقعدوا بالكافيه ووسيم بيطلبو نسكافيه وطبعا كنان لسا عم يراقبن وقلبو عم يغلي ويفور من الغيرة معتقد انو في شي بين وسيم وكاترين مو قدران يصدق انو علاقتن صداقة .
كاترين : وسيم .
وسيم : هاا.
كاترين : قولتك إذا حاكيت أوس وخبرتو انو بدي شوفو بيقبل ولا بلاها.
وسيم : والله مابعرف شو بدي قلك بس إذا بدك حاولي مابتخسري شي .
كاترين : طيب انت برأيك انا ظلمتو شي لكك صرلي أكتر من شهر ماسمعت عنو شي انو انا مابدي ياه يقسى عليي لهل الدرجة بالنهاية نحنا ولاد عيلة وحدة ورفقات الطفولة لكك انت بتعرف منيح كيف علاقتنا.
وسيم : طبعا انا يلي بعرف طيب برأي روحي وقابليه وخبريه انو مابدك ينقطع التواصل بينكن وقوليلو انك بتعزيه ومابهون عليكي فيه.
كاترين : مابهون عليي فيه ؟؟؟!!! ليش شبو انت مخبي عني شي .
وسيم : لا أبدا ولا شي اطمني .
كاترين : وسيم احكي انا بعرفك مابتعرف تكذب وخصوصا عليي .
وسيم : خلص كاترين مافي شي .
بتمد ايدها كاترين وبتمسك ايد وسيم هون كنان بشوفها ونار الغيرة بتشعل جواتو هي بهل الحركة عم تأكدلو أنو علاقتن مو عادية .
كاترين : حلفتك في شي مخبي عني وانا مابعرفو.
وسيم : ليكي هو مجرد شك انا مابدي خبرك ويطلع غلط .
كاترين : معلش خبرني .
وسيم : انا شاكك أنو أوس عم يشرب لما شفتو اليوم ماكان ع طبيعتو وانا حسيت بهل الشي .
كاترين : شو عم تحكي معقول ؟؟!!!.
وسيم : أنا عم قلك شاكك مشان هيك روحي شوفيه واتأكدي بنفسك ... تماام ؟؟!!.
كاترين : تماام .
وسيم : طيب شو رأيك نمشي لأن مو باقي كتير للحفلة .
كاترين : اااه صح اخدنا الوقت .
" بيدفعو الحساب وبيمشو كنان تركن من وقت ماطلعو من المول لأن اجاه تلفون من المكتب و لازم يروح ضروري ...بس بالمقابل هو صح راح بس ترك مجد يراقبن وينقلو تحركاتن بتوصل كاترين ع البيت بتعمل دوش وبتبلش تجهز حالها ع الخفيف مشان الحفلة "
.... عند كنان .....
كنان : أُبي عم قلك وين البطاقات .
أُبي : لككك شو بدك فين انت بالعادة مابتهتم لهيك قصص ولا بتروح ع هيك حفلات.
كنان : أُبي أخر مرة ومالح عيد كلامي بتقلي وين البطاقات او مابتعرف شو بيطلع بمخي .
أُبي : اييي روووق هلق بجبلك ياهن أنو نفسي أعرف شو غير رأيك فجأة وصرت بدك تروح كم وحدة بدك جبلك .
كنان : انا واحد اكيد بتجبلي بطاقة وحدة مو عشرة صح ؟؟!! بتمنى تكون وصلتلك الفكرة والباقي انت حر شو مابدك بتعمل فين .
أُبي : ايي ايي وصلت بحب خبرك أنو باقي للحفلة بس ساعة شلون بدك تجهز .
كنان : وأنا بحب خبرك أنو معك ربع ساعة لتجبلي التكت والا مابتعرف شو بصير انا واصل ع البيت وبدي شوفك هنيك مشان تعطيني التكت يلا سلاام .
أُبي : اييي ماشي سلام الله معكك .
مشي كنان وبيتفاجئ باتصال من كاترين أول الشي بفكر انو مايرد بس بعدين بيلحق كلام قلبو وبرد هو بالنهاية مشتقلا ومشتاق ليسمع صوتا.
كنان : هلا والله عاش من سمع صوتك.
كاترين : هلا كنان كيفك عم اتصلك يا مغلق يا ماعم ترد.
كنان : اي صح يا مغلق ياماعم رد والانسب أني ماعم رد .
كاترين : ليش ماعم ترد.
كنان : كاترين مو قدران احكيكي هلق عندي شغل مو فاضي ضيع وقتي بالحكي يلي مالو طعمة معك .
كاترين : مالو طعمة ؟!!!! الحكي معي مالو طعمة سيد كنان.
كنان : عندك شي بكرا ؟؟!! .
كاترين : ليش عم تغير السيرة .
كنان : ماعم غير وولا شي بشوفك بكرا مشان نحكي فيها ببعتلك مسج بالعنوان والتفاصيل يلا سي يوو.
كاترين : طب.....
طبعا كنان مابينطر لترد كاترين وبيقفل الخط .
كاترين بتحكي بينها وبين حالها ماشي يا سيد كنان بكرا منتلاقى ..
" طبعا بجهزو حالهن وبيلبسوا مشان الحفلة اتصل وسيم ع كاترين "
وسيم : الو كاترين شو خالصة ولا لسى ؟
كاترين : هلا وسيم يلا ليكني جاية .
وسيم : اوك يلا ناطرك تحت .
" بتنزل كاترين لتحت وبتشوف كارولين لابسة ومجهزة حالها "
كارولين : يلا انا جاهزة خديني معك .
كاترين : يلا امشي ما بدنا نتأخر .
" بينزلو وبلاقو وسيم تحت ناطرهن بيركبو بالسيارة وبيتجهو ع مكان الحفلة "
كارولين : هي أول مرة بكون متحمسة لهل درجة .
كاترين : أي المهم تطلع حلوة وننبسط .
وسيم : يلا خلونا نفوت قبل ما نتأخر اكتر .
" كنان بكون وراهن وعم يراقب كل خطوة من لما طلعو من البيت لحد ما وصلو ع الحفلة ....نزل أُبي من سيارتو واتجه لعند كنان "
أُبي : شو كنان بيك مابدك تنزل ولا بدنا نحضر الحفلة بالسيارة .
كنان : بلا لعي مالو طعمة يلا نازل .
أُبي : 😒😒 .
" سكت شوي أُبي ورجع حكى بحماس"
أُبي: طب شو رأيك بما أنو هل الحفلة تنكرية نفوت عليها بطريقة مو مألوفة .
كنان : هات لشوف يا فطحل زمانك .
أُبي : كناان .
كنان : نعم .
أُبي : شو رأيك ....
كنان : لا مستحيل لاتفكر .
أُبي : بالله أمانة والله صرلنا زمان ماتسلينا هيك .
كنان : عم قلك مستحيل لاتحاول .
أُبي : خلص ولو اي وافق هي حفلة وجاين لنتسلى واصلا ماحدا لح يعرفنا اي ليك شو لابسين اي اذا بتجي ميس خانم بذات نفسا مالح تعرفنا بهل التياب يلا ولو وافق .
كنان : طييب ماشي .
أُبي : يسس والله لنكيف .
كنان : ياربي صبرني .
" بيدخلو ع الصالة تبع الحفلة بس طبعا قبل مايفوتو اتفقو مع ال DJ "
""""" كاترين عم تحكي """"""
بكون اعدة بهل الحفلة عم اتفرج ع العالم واتسلى مع كارولين ووسيم وفجأة مابشوف غير اشتغلت موسيقا وبلشت هل الأغاني وطلع صوت شب أما شو صوت مو طبيعي شلل بتبلش الغنية وماكان يبين هل الشب بغني أولها وهو مختفي و بين كل هل العجقا بيطلع شبين واحد عم يغني والتاني عم يعزف ع الغيتار مو طبيعي الانسجام بينن وخصوصا الغنية كانت اجنبية عم يتبادلو الادوار بين بعضن من غير مايعملو غلطة وحدة مرة واحد بغني والتاني بيعزف ومرة بالعكس بس تفاجأت بواحد منن أول ماشافني مدري شوصرلو كأنو بيعرفني رغم أني مو شايفتو من قبل طبعا الأضواء والأنظار كلها موجهة ع هل الثنائي يلي طلع فجأة ومو معروف مين هنن.
" كنان وأُبي هنن المجهولين يلي عم يغنو ويعزفو طبعا شدوا الكل لناحن ع قد ماكان صوتن وعزفن ملفت للنظر
كنان أول ماشاف كاترين ماقدر يشيل عينو عنا حتى هي بلشت تنتبه عليه فحاول يشيل نظروا لكن للأسف عيونو كانت عم تخونو... وقف كنان ع البار "
كنان : عطيني تنين مشروب .
الكرسون : تكرم .
أُبي : رح نشرب بس انتبه ماتقل مشان تضل واعي ع حالك.
كنان : واعي!!!! وانا قلتلي؟؟!!! حبيبي قول لحالك بل أول قبل ماتعطيني حكم ومواعظ ايوه الله يرضى عليك.
أُبي : اي شبك لساا بتهتني فيها للقصة اي كلها مرة بهل العمر يلي شربت فيها وتقلت ووديت ابوك ع المشفى من وراها .
كنان : طيب منشوف مين لح يكون واعي ع حالو اليوم.
"""" عند كاترين """""
كاترين : شورأيكن نروح نشرب شي .
وسيم : اي ليش لاء .
كارولين : جيبولي معكن انا ناطرتكم مالح امشي.
" اتجه وسيم ع البار وهو حاطت ايدو ع خصر كاترين كنان بشوفو هيك وبتولع بقلبو الغيرة مدري شو بصرلو ...فقد اعصابو وحاول يهدي حالو "
وسيم : تلاتة مشروب لو سمحت .
الكرسون : تكرم .
كنان : " بيبتسم لكاترين ليختبرها اذا بتعطي وش لحدا "
كاترين : " بهمس بينها وبين حالها " العما شو قصتو هاد من اول ما دخل ع الصالة وماشال أنظارو عني اووف يا "
"""" عند أُبي وكنان """"
أُبي : شو رح تضل واقف هيك ؟.
كنان : روح انت رح ضل هون شوي وبجي .
أُبي : طب لا تطول اوك؟؟!! .
كنان : اوك .
" بروح أُبي وبضل كنان عم يراقب كاترين وكل تحركاتها وفجأة ببلش صوت الاغاني يعلا والرقص اشتغل "
وسيم : شو كاترينو مارح نرقص .
كاترين : طبعاً ليش لحتى مانرقص ليش جايين لكن لنتفرج ع بعض .
وسيم : اي لكن امشي نرقص وننبسط .
"بحط ايدو ع خصرها وكنان رح يموت وهي عم تضحك بصوت عالي وتتمايل بجسمها ".
وسيم : شو مبسوطة .
كاترين :اي وكتيير كمان.
" فجأة وهنن عم يرقصوا مابحس وسيم غير ايد ومسكتو "
وسيم :خير في شي .
كنان :اي في .
وسيم :شو في .
كنان : سمحلي بالصبية .
"قال هيك ليستفز وسيم وطبعاً كان مغير لهجة حكيو مشان كاترين ما تحس "
وسيم : عفوااا ليش مين انت لأسمحلك فيها .
كنان : ومين انت حتى ماتسمحلي وتقرر عنها .
وسيم : انقلع من هون احسن ما خربطلك الواجهة .
كنان : انت بدك تخربطلي الواجهة .
( وضحك بمسخرة ) .
كاترين :لك خلص خلص مين انت وشو بدك مني ااا وسيم خلص تركو هاد واحد وقح .
كنان : انا وقح لكن... وانت بدك تخربطلي واجهة وجهي؟؟!! أي لكن شوف شو رح يصير .
" ونزل كنان ضرب بوسيم وكاترين عم تصرخ بيجي
أُبي بياخد كنان بعد معاناة لقدر يفكن وطلع فيه لبرا "
أُبي : لكك شبك شو مجنون ليش هيك عملت.
كنان بيطلع فيه ساكت من دون مايحكي....
أُبي: هييه عم حاكيك انا ماعم تسمعني ... ال آمنا وصدقنا أنو انا بيأثر علي المشروب بس انت شو ؟؟!! شوفني ليكني مأحلاني ماتقلت .
كنان : خلص أُبي فهمنا لسا بدك تنق ؟؟!! لسا عندك كلمة علقانة ع لسانك وماقلتها ... قولها وخلصني يلاا؟؟!! خلص بقاا مو ناقصك تركني بحالي.
أُبي : هاد انت مابتتغير يلا المهم عرفت انو مو مأثر عليك المشروب لسعتك بعقلك اب جوزتين .
كنان : انا ماشي خليك عم تحكي مع حالك سلاماات ..
أُبي :لكك مجنون اقسم بالله مجنون.
بيطلع كنان بأُبي وبيبرم نظرو عنو وهو مو عاجبو الحكي .
" اتجه كنان لسيارتو وبسوق بأسرع ماعندو بيوصل عالبيت بتشوفو بانا وبتجي بدها تحكيه بس مابرد عليها وبيطلع ع طول ع غرفتو وأول مابيوصل راح للحمام مشان يعمل دوش"
كنان عم يحكي مع حالو لككك يقطع عمرك يا أُبي شو هل الخبيصة يلي عملتا بوشي قلنالك رايحين ع حفلة تنكرية مو رايحين نهرج اييه المهررج شكلو مقبول أكتر مننا لا وشو جايبلي واحد مدري من وين غيرلي شكلي تضرب انت ويلي برد عليك "
" عند كاترين :
وسيم شو خبرني انت منيح .
وسيم : اي منيح منيح لاتاكلي همي هي دكتور وجبتيلي شو بدك اكتر من هيك .
كاترين : اي المهم تكون بخير ...
وسيم : كاترين مين هاد الشب يلي اتعالقت معو بتعرفيه شي .
كاترين : ييي ال اعرفو لكك اول مرة بشوفو من اول ماكان عم يغني وماارتحت لنظراتو واحد مجنون مفكرلي حالو شغلة .
وسيم : خلص انسيه مابيستاهل نضيع وقتنا بسيرتو يلي بتسد النفس .
كاترين : طيب انت منيح يعني الجروحة ماعم توجعك.
كنان : لكك بسيطة مافيني شي كلو شي سطحي لا تخافي علي ويلا قومي عالبيت هلق اهلك بيستفقدولك بما أنو كارولين سبقتك .
كاترين : طيب يلا بما أنك كتير مستقلع مني انا رايحة بدك شي.
وسيم (بكون حامل مخدة وبيلحشها على كاترين): هلق طلع معك أني مستقلع .
كاترين(بترجع بتلحشلو المخدة بنرفزة) : مدري ...يلا سلااام .
وسيم : سلام انتبهي ع حالك .
كاترين عم تحكي : رجعت عالبيت تعبانة مو قدرانة احكي مع حدا بكون اعدة بلاقي كارولين عم تدق الباب .
كارولين : كاتو نمتي .
كاترين : لا مانمت فوتي.
بتفوت كاترين بسرعة وهي عم تسألني.
كارولين : اييه خبريني شو صار مع وسيم نشالله تحسن كيف صار .
كاترين : لا الحمدالله هلق هو بخير .
كارولين : اي منيح طمنتيني .. بس لعما اديش هالشب مجنون يلي ضربو ... انوو شو عم يتعاطى.
كاترين : يصطفل شيليني من سيرتو .
كارولين : أنو واذا صوتو حلو وجسمو حلو بس لو مبين وشو 🤦🏼♀️.
" كانت كارولين عم تحكي وسرحانة "
كاترين : بتقفلي ع سيرة ولا شو ؟؟!.
كارولين : ايي ماشي خرسنا .
كاترين : تمام .
كارولين : شو وضعك انتِ وكنان.
كاترين : ييي كنان ذكرتيني فيه لازم حاكيه .
كارولين : شو يعني ذكرتك فيه شو هو غرض لتنسيه ياجدبة هاد حبيبك .
كاترين : اييي طبعا حبيبي وحب حياتي وقلبي كمان وهلئ يا اختي ياحلوة بدي احكي معه .
كارولين : هي تقليعة بس بطريقة محترمة مثلا ؟!.
كاترين : اي يا حلوة .
كارولين : الحق عليي يلي اجيت لعندك .
كاترين : سكري الباب منيح وراكي .
عم اتصل ع كنان بس خطو مطفي ... ماعم اعرف ليش هل قد ماعم يسأل عني ... شو قصتو ... يحكيني ولو دقيقتين ولا مابيقدر حضرتو ؟!😑
طيب انا ببعتلك واذا مابترد يعني .
كنان بكون متسطح وبيسمع صوت مسج بيفتح الموبايل بلاقي " كنان كيفك حبي ... ليش هل القد بعيد عني ... فيك شي ... بتمنى اذا شفت المسج ترد تعبت وانا اتصلك وكل مرة مافي رد ... مس يوو💋❤"
كنان بيشوف المسج .... بيلحش الموبايل ع الحيط وبجيبو خالص .
كنان عم يحكي : اوووف منكك كاترين اووف ماعم افهم عليكي شو ذكرك فيي وحبيب القلب بالفرشة بدو مين يهتم فيه وهي الموبايل ونكسر وبقيت بدون موبايل .
الصبح بيصحى أُبي وأول ما بيوعى متعود يفتح انستا شوي ويشوف الاخبار بس بيطلب الموبايل ومابلاقيه !!!!!..
صوت أُبي عبى الفيلا وهو عم يقول الموبايل انسرق
بيجي كنان ع الصوت متنرفز منو .
كنان بيمسك الموبايل بأصبعين وبيلولح فيه وبقول لأُبي .. شو ماسمعت بدك الموبايل؟!! هاد قصدك ؟!! ... حبيبي انت في بعقلك شي معقول ينسرق موبايلك وانت بقلب بيتك .
أُبي فتح عيونو ع أوسعن متل توم وبقلو :
موبايلي لككك اييه والله موبايلي لك هاد موبايلي شو عم يعمل معك عطيني يااه .
كنان : أولا هاد من هلق صار موبايلي لوقت مااشتري واحد لأن كسرت تبعي ... تانيا حاج تقول موبايلي متل الولاد ... تالتا سمعني حرف وشوف كيف بلحقو بموبايلي.
أُبي : هييه انت ماعندك حدا تستقوي عليه غير موبايلي لهلق مو نسيان فصلك هداك و هلق بتجي بدك تكسرلي هاد او تاخدو اي لا والله ديمقراطي ... كسرت تبعك انت حر بس موبايلي ابدا مش حر .. تركلي يااه ماصدقت ايمت فهمت عليه وفهم عليي 🥺.
كنان : انساه من هون للمسا.
يتبع ....
البارت الخامس
أُبي : روح اشتري واحد وحل عن تلفوني المسكين .
كنان : سمعني سكوتك مالي فرحان كتير فيك لحتى خلي موبايلك معي .
أُبي : اذا مانك فاضي مو مشكلة انا بفضيلك حالي وبشتريلك احدث موبايل نازل بس لا تتفشش فيه لهل المسكين .
كنان : بتكون ريحتني... معك ساعة قبل مااطلع من البيت .
" بيلحش كنان الموبايل لأُبي وبيمشي"
بانا : شو يعني هيك خلص المسلسل .
أُبي : من ايمت انتِ هون .
بانا : من وقت ماكنت عم تصرخ وتندب انو موبايلك انسرق .
أُبي : في شي اسمو احترام خصوصية وحمدالله هل الشي مو موجود عنا .
بانا : عاانجاااد بدك ياني اسمعك عم تندب وتنوح ومااجي وساعدك .. شوف حتى جايبة معي فلاشة فيها موسيقا حزينة ووصيت يعملولنا لبن عيران مشان يهديلنا أعصابنا... وعم استمتع باكل البوب كورن وانا بتفرج عليكن .
أُبي : اديش انا محظوظ حتى يكون عندي هيك اخت مثالية متلك عاملة مأساتي مسخرة ... شكرا تعي قعدي جنبي نسمع الموسيقا ونشرب اللبن ....
بانا : من دوني مابتعرف تعيش بسلام وراحة بال بعرف بعرف من غيري بتضيعو .
أُبي : وليش ما عملتي اركيلة مشان نسلطن مع الاغاني ؟!!.
بانا : بدك ماتواخذني ماكان معي وقت يلا بركدن المرة الجاية بس خبرني قبل ماينسرق مشان جهز حالي .
أُبي : بااااااانااااا انتِ مطولة بمسخرتك هي هون ؟!!.
بانا : ليش ما ورانا شي عم نحكي .
أُبي : انقلعي من وشي مو فاضيلك عندي شغل .
بانا : اااه صح نسيت انو كنان مهلك ساعة بس برافو أُبي معك ساعة لتصحصح وتغير تيابك وتجيب الموبايل وترجع ... بس له له مامعك وقت تفطر وبتعرف شو صارو اقل من ساعة .
أُبي : وانتِ معك ٣ ثواني لتختفي من وجهي.
" بتطلع بانا من الغرفة وبيعمل أُبي دوش ع السريع ...طلع من الفيلا مشان يشتري موبايل"
كاترين عم تحكي :
صحيت من نومي عملت دوش سريع وطليت ع الموبايل مالقيت كنان باعت شي ... اتصلت بوسيم عم اطمن عليه.
كاترين : صبااحو .
وسيم : صباحك ..
كاترين : شو كيف صرت اليوم .
وسيم : غير شكل الحمدالله.
كاترين : اي منيح يعني مابتستقبلني اذا اجيت .
وسيم : صدقيني صرت منيح بس اذا بتعملي هالقصة يلي ح قلك عليها بكون مبسوط.
كاترين : هات لنشوف شو بدك.
وسيم : حاكيت أوس ولقيتو مو حسنان ولا قدران يحكيني حتى مدري شبو بتعملي معروف اذا رحتي وشفتيه.
كاترين : هلق مافي غيري يشوفه للسيد أوس .
وسيم : ع راحتك بس تأكدي انو هو بحاجتك هلق وانتِ مو من عادتك تتركي حدا محتاج مساعدتك .
كاترين : اوكك هلق بشوفو ... بعدين هو مانو ببيت اهلو حتى ماحدا شايفو.
وسيم : هو ببيتو هلق ببعتلك الموقع انتبهي ماحدا بيعرف بهل البيت غيري .
كاترين : طيب .
" بنزل عالصالون بلاقي امي وابي قاعدين "
كاترين : صباحوو ياحلوين كيفكن .
يحيى : لكك يسعدلي هالصباح شو بدي احسن من هيك اتصبح بوجه اميرتي الصغيرة .
كاترين : يخليلي يااك .
لميا : شو امي بلاقيكي مجهزة حالك لوين رايحة .
كاترين : عندي محاضرة بالجامعة بدي احضرها .
لميا : الله يوفقك يابنتي .
كاترين : الله يخليلي ياكي ... يلا انا صار لازم روح بتوصوني بشي ؟!
لميا : سلامتك ياقلبي .
يحيى : انتبهي ع حالك .
" طلعت من البيت واتجهت ع بيت أوس يلي صاير بعيد عن البلد "
منرجع لعند كنان :
أُبي : تفضل سيد كنان هي موبايل جديد .
كنان : اممم ساعة وربع يعني تأخرت ربع ساعة يلا مامشكلة .
أُبي : لا أمانة اعترض ... ليكون عندك اعتراض .
"كنان بيبرم وجهو وبيترك أُبي عم يحكي وبيمشي وأول مابيبعد عن أُبي بيتصل بمجد" .
كنان: كيفك .. شو الأخبار عندك .
مجد : من شوي طلعت وانا لاحقها .
كنان : لوين .
مجد : مو مبين معي صرنا برا المدينة.
كنان : ماشي خليك وراها وعرفلي وين هالمكان.
مجد : حاضر .
""أوس عم يحكي : كنت قاعد زهقان مو شايف قدامي ع قد ماشربت ماعم تروح من بالي صورتها بالحفلة كنت عم راقبها من بعيد ما قدرت روح لعندا واحكيها مو عبالي ارجع للمشاكل معها مو عبالي ارجع اتعذب وهي ماعم تحبني.. قطع شرودي صوت الجرس .. فتحت واتفاجأت انو هي يلي عالباب.. معقول يلي عم شوفو...
كاترين : هااي .
أوس : كاترين ؟؟!!
كاترين : أوس شبك ليش هيك حالتك ؟؟!!
أوس : فوتي ولاشي ..
كاترين : ليش هيك حالة البيت وريحة المشروب كمان.
أوس : عادي ..
كاترين : أوس انت عم تقول عادي ؟؟؟!! .. أوس انت دكتور وهيك عامل بحالتك شلون اذا ما كنت دكتور .
أوس : انا منيح .
" مع آخر كلمة بقولها بيلتحش فوق الكنبا رجليه خانو وماقدروا يحملو "
كاترين ( بخوف ) : أوس ...
" بتقرب كاترين على أوس بتشفلو حرارتو مرتفعة .."
كاترين : ليش هيك تارك حالك ..؟!! ماعم تاخد أدوية ..
أوس بيبقى ساكت عم يطلع فيها كيف قريبة منو وكيف خايفة عليه وهو مو بوعيو لسا مفكر حالو بحلم.
كاترين : وين علبة الاسعافات ومنين بدي جبلك كمادات .
أوس : هونيك .
أشر بأيدو وهو يادوب قدر يرفع ايدو .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h