الفصل 4
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴4️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كنان : والله مشتقلك ... شو رأيك يعني هلق كنا سوا عم نفطر شو هل السؤال البايخ .
أُبي : بعرف هلق كناا سوا بس انت كنت معنا ومو معنا .
كنان : شلون زابطة معك هي معنا ومو معنا .
أُبي : يعني كنت معنا بس جسدياً اما عقلياً لااا حياة لمن تنادي .
كناان : ااااه والله .
أُبي: هاات لنشوف مين شاغلك بالك .
كناان : ولاحدا .
أُبي: واذا قلتلك انو في حدا .
كنان : وانا بقلك ع راحتك مو عبالي ناقش.
أُبي: بالله كنان فتحلي قلبك ع طول انت هييك غامض ومامنعرف عنك شي .
كنان : شو بدك احكيلك .
أُبي : كل شي .... وأول شي شو يلي شاغل تفكيرك وآخد عقلك .
كنان : هاااد ياسيدي .... ولا قلك بلاها .
أُبي : لك شو بلاها بالله تحكي .
كنان : طيب .... انا كنت عم فكر ببنت.
أُبي : بنت !!!!.
كنان : اييه بنت شبك انصدمت وانصعقت.
أُبي: غريبة انت ماعندك هل الحركاات ... ولابعمرك عطيت وش لبنت .... ولاحتى بتهتم لهل القصص.
كنان : حركااات شو ... البنت بحبها يعني مو تسلاية .
أُبي : معقول كنان بيك واخيرا حب ... واخيرا في مين خطفلك قلبك .... اييه مابدك تخبرني ميين هي .... بعرفها انا شي .
كنان : جود صاحب نادي الرياضة عرفتو .
أُبي : ايييه شو خصو هلق بهل القصة .
كناان : كيييييف شو خصوا ....هو يلي خصوا ...
أُبي : وكييف بقاا.
كنان : لكككك هو بكون اخوها .
أُبي (بصدمة) : جود اخوها .
كنان : اييه .
أُبي : معقول انت شو عرفك بأختو .
كنان : قصة طويلة ....
أُبي : احكيلي ياها ماعلينا شي .
كنان : هلق بلاها .
أُبي : لاااااء مو بلااها واذا مابتحكي بجيب بانا وبخليها ترمي غلاظتها عليك وماتتركك غير لتحكي .... وانت بتعرف كيف بدها تبلش اسئلة وهااات اذا بتخلص .
كنااان : اووك ماشي تماام ... اصلا انا الحق علييي يلي حكيتلك .... كان ناقصني نقك ... بحكي بس بعدين ولا سؤال .
أُبي : اوك ... موافق.
كنان : هاااد ياسيدي .......
" كنان بيحكي كل القصة لأُبي "
أُبي : يعني علقت وأخيرااا لااا ومااخترت غير بنت من مجال عملك مهندسة ....
كنان : هيدا يلي صاار .
أُبي : ايمت بدك تعرفني عليهاا.
" بتجي بانا وهنن وعم يحكو وبتسمع حكي أُبي ".
بانا : لحظة ... لحظة لحظة شوعم يصير شو سمعت انا كأني سمعت بالقصة في بنت .....شو عم تحكوا انتو التنين.
أُبي : عم نحكي عن يلي اخدت عقل كناان.
كنان : أُبي خراااس.
أُبي: هئ.
بانا: هيه ليش عم تخرسوا هلق بدك تحكيلي كل شي .
" كنان عصب من أُبي كتيير وصار يتزورو "
كنان : 🤬.
بانا : يلا احكيلي.
أُبي : احكيلها ليش ساكت .
كنان : اووووف بدي ارجع عيد من الاول.
" كنان حكى كل القصة مرة تانية لأخته بانا "
بانا : كنااان مو على اساس مابدك ترتبط بحدا ولا تتزوج وكنت دائما تحكي انا مافي بنت تربط اسمها باسمي شو تغير بلاقيك هلئ عشقان ..لا وانا كنت دائما قلك عن رفقاتي ماترضاهن .
كنان : ايي لأن كنت رافض الفكرة ورفقاتك كتير بيدلعو وبلطفو جو لما يشوفوني فكرهن اني حب حدا منهن .
بانا : ماتحكي عن رفقاتي هيك برأي نرجع لقصة البنت اللي حاببها احسن ماتهزلي بدني .
" بانا ماشبعت اسئلة واستفسارات .....وكنااان معصب ..."
كنان : ايييه وهي حكيتلكون انتو التنين نشالله ارتحتوا ...بقيتوا تقولو كنان غامض ...كنان غامض ...لوقت ماكشفتو وراقي كلون بقعدة وحدة ....نشالله تكونو انبسطوا ...واكتر من هييييك لاتحلموا احكي ...لهون وبس يعني....لعيتولي قلبي.
بانا : وايمت بدك تعرفنا عليها.
كنان : لساااا بكير.
أُبي: شو بكييير .... لتكون عم تتسلى.
كنان : شو عم اتسلى مااتسلى ...حلو عني انتو التنين نزعتولي مزاجي .
" كنان بيترك بانا وأُبي وبروح على غرفتو "
---------------------------------------------------------
كاترين وكارولين : يلاااا ماما بدك شي نحنا ماشيين .
لميا : سلامة قلبكن ياعمري .... ليش جود مو معكن .
كارولين : جود قال مو عبالو واذا حب قال بيجي لعنا .
لميا : يلاااا حبيباتي مع السلامة .
كاترين : الله يسلمك مامي.
" مشيت كاترين وكارولين وطلعوا من الفيلااا وراحوا ع الشط يتمشوا ..... بيقضوا وقت حلو .... وهنن مبسوطين .... بيقرروا يمشوا ع كافيه يشربوا نسكافيه ...وهنن بالكافيه بيتصل كنان لكاترين "
كاترين : الو .
كنان : هلا كاترين كيفك .
كاترين : تمام وانت.
كنان : مشتقلك .... شو عم تعملي.
كاترين: ولاشي اعدة بالكافيه انا واختي.
كنان : حلوو شو رأيك اجي لعندك .... انا عالحالتين كنت متصل مشان شوفك... وغير هيك بتعرفيني على اختك.
كاترين : اااااه مابعرف.
كنان : اذا فيها ازعاج بلاها .
كاترين : لا خلص تعا مافي ازعاج ولا شي.
كنان : اوك بعتيلي اسم الكافيه وانا نص ساعة وبكون عندك.
كاترين : اوك يلاا سلام.
كنان : سلااام.
" بعتت كاترين اسم الكافيه بمسج لكنان وكملت قعدتها مع كارولين"
كارولين : شووو مييين كنتي عم تحكي.
كاترين : هاد شب اسمو كنان كان عم يساعدني بمشروع التخرج ...وهلق جاية يقعد معنا.
كارولين : ايوااا ... ونشالله يكون حباب.
كاترين : لااا حباب حباب هلق بتشوفي بيعجبك .
كارولين : اوك ايمت بيوصل .
كاترين : شي نص سااعة وبكون عنا.
" كملو قعدتهن على حكي لوقت مااجى كنان"
كنان : مرحباا.
كاترين : اهلين كنان ... بعرفك أختي كارولين أكبر مني بسنتين دارسة حقوق متل ماما وهي هلق فاتحة مكتب ماما وبتشتغل فيه.
كنان : تشرفت بمعرفتك .
كارولين : تسلم وانا تشرفت بمعرفتك.
كاترين : ايييه هييك بدك تبقى واقف .
كنان : لااا يلاا ليكني قعدت .... اييي شو الاخبار .
كاترين : ولاشي.
كارولين : انت مهندس على حسب مافهمت من كاترين صح .
كنان : صح .
كاترين : كنان هو ساعدني بمشروع التخرج كتيييير بحب شغلو ومبسوط فيه.
كارولين : حلو انك تكون بتحب مهنتك بتبدع فيها.
كنان : اييه انا دخلت هيدا الاختصاص عن قناعة وحب بس كان فيني ادرس غير فرع متل طب مثلا .... بس بحب الهندسة المعمارية.
كاترين : متل اختي كارولين دخلت الحقوق عن حب كتييير بتعشق شي اسمو حقوق.
كنان : ااه والله .
كارولين : انا بعكس كاترين .... كاترين دخلت هيدا الاختصاص بس لان اسمه هندسة مو لان بتحبه.
كنان : عنجد .
كاترين : اييه ... شو الغريب.
كنان : ليش شو كنتي حاطة بتفكيرك.
كاترين : ولاشي ماكنت اطمح لشي ... المهم جمع علامات.
كنان : اوو ماكنت هيييك متوقع... لان شفتك بتحبي اختصاصك.
كاترين : ايييه لاني مابكرهه .
كارولين : ايييه حاااج حكي عن الدراسة خلونا نطلب شي نشربه.
كنان : اوك .... شو بتحبوا تشربوا.
كاترين : انا وكارولين بدنا نسكافيه .
" كنان طلب النسكافيه وكفوا قعدتهن سواا ... وبعد ماطلعوا من الكافيه ... مشي كنان بسيارتو ... وكارولين وكاترين مشيوا كمان بسيارة كارولين "
كارولين : كاترين شو القصة .
كاترين : أنو قصة .
كارولين : قصة كنان .
كاترين : ولاشي حكيتلك قصتو كلها.
كارولين : بس لسا في شي ناقص.
كاترين: وشو هل الشي .
كارولين : انك بتحبيه.
كاترين : ااااه ومنين جبتي هل الحكي .
كارولين : مو من مكاان بس انا شفتك كيف تلبكتي لما قلك جاية لعنا على الكافيه ...وشفت عيونك كييف لمعو لما وصل ... وكان الحب فيهم ... فأنا بعتقد مافي داعي تخبي على أختك.
كاترين : يعني في هيك شي.
كارولين : وحب من طرف واحد.
كاترين : لااا لو كان من طرف واااحد كنت ضليت مخبيتو جواتي ولاحكيتلك... انا اصلا مااعترفتلو بحبي غير لبعد ماهو اعترف.
كارولين : شوووووو ومعترفتيلو.... ومعترفلك ...وكل هااد وانا آخر من يعلم ايمت كنتي ناوية تحكيلي ... لو ماصدفة اليوم كنت ماعرفت بالقصة.
كاترين : لككك والله قصة جديدة اصلا انا لليوم الصبح لعترفتلو وهو من قبل مااضعف ...يعني ماصرلاا زماان القصة .
كارولين : مشااان هيك اليووم كنتي طايرة فرح الصبح وفايقة ومتنشطة .
كاترين :😊😊.
كارولين : ايييه وكل شي جديد بتخبريني ياااه والا انا مابعرفك ولابتعرفيني.
كاترين : ماشي ...ماشي بس هلق خلينا نوصل عالبيت بقااا.
--------------------------------------------‐
"كنان كمل طريقو على النادي لعند جود ليعمل التمارين الرياضية المتعود عليهاا............. كاترين وكارولين رجعوا على البيت وقعدوا مع امهم دردشو شوي ......... كنان بعد مابيرجع من النادي بيتصل لكاترين ..... كاترين لما بيتصل كناان كانت هي وأمها وكارولين اعدين لما شافت كنان المتصل انسحبت شوي شوي مشان ماتخلي امها تحس عليها وانسحبت بحجة بدها تجيب عصير "
كاترين : الو .
كنان : هلا كاترينو كيفك.
كاترين : تمام كيفك انت.
كنان : مشتقلك.
كاترين : ميرسي .
كنان : شو عم تعملي .
كاترين : اعدة مع امي واختي .
كنان : ماكون دايقتك باتصالي .
كاترين : لا عاادي ولا يهمك .
كنان : بدي اسألك انتي مانك مخبرة كارولين بعلاقتنا.
كاترين : لااا مالي مخبرتها بس بعد ماشافتك بالكافييه عرفت مني كل شي على الطريق وعنجد بتشكرك انك ماحرجتني جنبها بما أنو ماكانت بتعرف .
كنان : لا ليش الشكر ولوو ... انا حسيت عليكي من طريقة حكيك انو مابتعرف شي لهيك بقيت عم اتصرف عادي جنبها....ولا كأن في شي .
كاترين : عنجد ميرسي كتيييير .
كنان : مابدها هل قد عكلن هي عرفت وعرفت على الحالتين ....شلون كانت ردة فعلها عليكي.
كاترين : عااادي كتييير فرحتلي انو وآخيرا حبييت ومو من طرف واحد .
كنان : ليش انتي كنتي حابة حدا من طرف واحد .
كاترين : لا أبداً .
كنان : لكن شو قصداا كارولين.
كاترين : ولا شي لاتحط بالك .
كنان : كاترين احكي .
كاترين : عم قلك ولاشي .
كنان " عصب وبلشت نبرة صوتوا تعلى ": لافي شي وهلق بدي اعرفوا لو ماكنتي بعلاقة حب من طرف واحد ماكانت حكت هييك كارولين.
كاترين : اووك اذا بدك احكيلك خليك هادي .
كنان : كاترييييين انا بكوون رووااق وهادي اذا بتخبريني.
كاترين : بتذكر ابن عمتي يلي شافنا بالمطعم .
كنان : اييه بتذكرو ليش .
كاترين : هاد أوس هو يلي بحبني من طرف واحد انا مالي علاقة .
كنان : وانا عم قول ليش تلبكتي وكنتي مو على بعضك لما شفتيه ....بس بما انو مالك علاقة فيه ليييش لتتوتري.
كاترين : انا خفت يعمل مشكلة لما شافك ماسك ايدي ... وحتى انو خفت يخبر أهلي وانا يلي لازم خبرن مو هو .
كنان : بس هييك .
كاترين : والله بس هييك معقول كذب عليك .... أنا أصلا كنت حبك من قبل ما انت تعترفلي بحبك بس مشاان مايكون حب من طرف واحد كنت ادفن مشااعري وماخليك تحس ....انا شفت أوس أديش كان عم يتعذب من الحب من طرف واحد ...وأنا مابدي كون متلو ... مابدي أتعذب أو أتالم.
كنان : بفهم من حكيك انك زعلانة عليه .
كاترين : مو زعل بس أنا مابأيدي اعملو شي .....أنا زعلانة من حالي أني عم أجرحوا.... أنا مابحب أجرح حدا ف شلون اذا كان هيدا الحدا بحبني.
كنان : وأنا مابتزعلي اذا جرحتيني .
كاترين : لككك مو بس بزعل وبتوجع كماان .... ليش انا جرحتك شي .
كنان : بحكيك هييك عليه عم تجرحيني .....نسيت أنو يلي عم تحكي معو هو كماان بحبك ....وكماان بيعشقك .
كاترين : عنجد أنا مو قصدي أبداً زعلك .
كنان : اوك .....كاترين انا تعبت وصار لازم ارتاح بدك شي .
كاترين : كنان ماتزعل مني والله مو بقصد .
كنان : اوك ....يلااا سلااام .
كاترين : سلااام .
" كاترين عم تحكي:
سكر كنان الخط وتركني محتارة بأمري .... انا كييف هييك بحكي على أوس جنبو .... شو غبية ...لككككك عنجد متل ماقلي أوس أنو يلي بحب بيداوي مابيجرح ....بس أنا مابعرف حبب أنا حبييت وجرحت .....انشالله يرووق لبكرااا..... برأي أرجع لعند أمي وكارولين وشيل هل الافكاار من رااسي .....رجعت لعند أمي وكارولين على الصالون .
لميا : وين العصير.
كاترين : هاااه؟؟؟.
كارولين : أمك عم تسألك عن العصيييرر وينو .
كاترين : أي عصيير !!!!.
كارولين : لاااا انتي جد خالصة... لككك مو انتي قلتيلنا رايحة تجيبي عصيير .
لميا : لككك كاترين وين عقلك ..شبك.
كاترين (بصدمة ) : العصير ..هااااه العصيير ااااه هلق تذكرت العصيييييير....العصير اييه العصير ...مافي عصير.
كارولين : خالصة عل الأخر.
كاترين : اذا سمحتي لاتقولي عني خالصة عندي مشاعر وكرامة احترميهن شوي .
لميا : لككك شلون مافي عصير .
كاترين : هووو ااه هو انو انا كان بدي جيبلكن عصير بس بسس دقتلي شغف .... وشغلتني ....ونسيت العصير .
لميا : لككك امي احكي هيك من الاول رعبتيني عليكي قلت لحالي شو صرلا البنت انهبلت .
كاترين: ماما كمان انتِ صرتي متل كارولين الله يسامحكن بس .
كارولين : والله هادا مو شي غريب هي اكيد الحالة جايتك .
كاترين : ست كارولين ننننننن.
لميا : طيب تعي اقعدي وهلق منقول لأمينة تجيب عصير .
كارولين : تعي يامدللة .
"قعدت مع امي وأختي جسديا بس كَ تفكير وكَ عقل وكل كياني مع كنان يلي زعلتو ."
"وخلص هالنهار وانا بالي مشغول عند كنان وقررت اني روح لعند كنان وصالحه "
" صحيت وكالعادة عملت دوش سريع ولبست بنطلون جينز وبروتيلة بيضا وعملت شعري ذيل حصان.... شربت النسكافيه تبعي ونزلت ع الفطور "
كاترين : صباحو يا حلوين كيفكن ؟ .
لميا : صباحو مامي شو هالنشاط كلو .
يحيى : اهلين بقمري اناا يؤبرني الرايق .
كارولين : احمم ، شو مارح تفطروا .
كاترين : " باستفزاز " مبلا حبيبتي كوكة رح نفطر .
" فطروا العيلة كلهاا وطبعا كان جود يلي ناقص ع الفطور ومالو موجود لانو كان بسابع نومة .
يحيى : شو رأيكم اليوم بما انو يوم جمعة وعطلة للكل نطلع مشوار .
كارولين : اييي ممتاز كتير دايق خلقنا ، بس لوين ؟؟؟.
كاترين : " بتفاجئ" لاا انا اليوم ما بقدر روح معكون مواعدة شغف وريتا نطلع سوا .
يحيى : ما بصير بدك تروحي معنا و ولا بدك ازعل منك .
كاترين: لا بابا مو هيك القصة بس اكيد مابدي زعلك بس انا مشان شغف وريتا لاني مواعدتهن .
يحيى : ما بقبل اي عذر، و بدك تروحي معنا لعند عمتك .
لميا : لعند نور بدنا نروح ؟ .
يحيى :لا لعند قمر .
" قمر اختو التانية ليحيى "
لميا : اااا ليش قمر رجعت من دبي ؟
يحيى : اي رجعت من يومين و كنت ناطر تترتاح شوي وهلق حابب نروح لعندها .
" وطبعا كاترين ارتاحت لانو مو رايحين لعند عمتها نور بس بقيت عندها مشكلة انو مارح تقدر تشوف كنان وتصالحو .
كاترين عم تحكي : طلعت غيرت تيابي لبست فستان اسود وعملت شعري بالسيشوار بعتت مسج لكنان وصبحت عليه .
" وبعد ما جهزنا مشينا لعند بيت عمتي "
قمر : " بتفاجئ " لكك يا مية اهلا وسهلا بأخي وعيلتو نورتونا .
لميا : اهلين فيكي قمورة .
يحيى : اهلين بقمورة والله نورتينا.
قمر : يسلملي قلبك، تفضلوا ع الصالون .
" ودخلت العيلة عالصالون "
كاترين: كيفك عمتو انشالله بخير شو وينو وسيم مو باين .
قمر : وسيم لسى والله بدو ٣ أشهر ليجي لان بالوقت يلي نحنا اجينا فيه لهون هو كان رايح على ميلانو .
كاترين : يوصل بالسلامة .
يحيى : شو وين فهد .
قمر : ليكو عم يجهز حالو ونازل .
" اجا فهد زوجها لقمر " اهلا وسهلا بيحيى .
يحيى: اهلين فيك .
فهد : اهلا وسهلا بالكل .
" وفجأة بدق جرس البيت "
قمر : حياة تعي فتحي الباب . " حياة الخادمة "
يحيى : شو ايمت لحقتي تجيبي خادمة ؟
قمر : نزلت معي من دبي .
"نور يلي بتكون ع الباب"
نور : كيفكن ، الحمدلله ع السلامة قمورة .
قمر :الله يسلمك نوارة حبيبتي.
فهد : شو وينو أوس والله مشتاق شوفوا.
نور : يلا لاحقنا ع الطريق .
" كاترين لما تسمع سيرة أوس بتتوتر وبيغلب عليها شعور الخوف ...وهنن عم يحكوا بيجي أوس وبيسلم على العيلة ...وبيسلم على كاترين وبيغمزها ... كاترين استفزها أوس كتيير "
قمر : يلا نمشي عالغدا لأن جهز .
" وبعد الغدا كانوا الشباب والصبايا بطرف من الصالون وباقي العيلة بطرف تاني"
جود : شو رأيكن نعمل تحدي وصراحة .
ميلا: يسس ..فكرة كتييير حلوة .
جود : طب يلااا نبدأ وانا رح بلش من عندي مع ميلا بما انك كتير حابة الفكرة .
ميلا : اوك عادي مافي مشكل .
جود : تحدي ولاصراحة .
ميلا: صراحة .
جود : كم مرة عملتي مصايب بدون علم أهلك .
ميلا:هو هوووه كتييير .
أوس : نعمم !!!!
كارولين : يلا صار دوري .
ميلا : تحدي ولا صراحة .
كارولين : تحدي .
ميلا : طيب هلق بتروحي لعند العيلة وبتنطي جنبن ٣ نطات.
كارولين : شوووو اكيد عم تمزحي .
ميلا : لا ماعم امزح.
كارولين : قولي مزح بالله قولي مزح يعني شو هل التحدي البايخ .
ميلا : انتي عم تقولي بايخ روحي عمليه.
" كارولين راحت ونفذت التحدي والعيلة انصدمت بيلي شافتو "
يحيى : شو عم يصير معك .
كارولين : اااه لاااا مافي شي ...يلا سلااام .
" كارولين رجعت معصبة ومتجاكرة من ميلاا"
كارولين : صار دورك جود .
جود : صراحة .
كارولين : كم بنت ضحكاان عليها .
كاترين : هوووو هووو اكيد كتااار .
جود : وحياتك ولابنت شو مفكريني أوس.
أوس : عفواااً شو عم اسمع كأن في حدا حابب يستفزني.
جود : لا عم لطف جو.
أوس : اييه لاتلطف طلعت كتيير غلييظ.
جود : صار دورك كاترين .
كاترين : بدي صراحة .
جود : كم مرة حبيتي .
" بيطلع أوس بكاترين وهو عم ينطر الجواب .
كاترين : مرة وحدة ، يلاا صار دور مين .؟
أوس وهو متفاجئ من كلام كاترين : مابقي غيري وبدي تحدي .
كاترين: رح اعطيك هيدا التحدي وهو انك تنسى يلي حبيتا .
أوس : " بتفاجئ " عفوااااً شو هل تحدي .. هاد مو تحدي على فكرة واللعبة مافيها هيك اوامر .
كاترين : عم نتسلى ولووو... يعني مابصير نغير شوي بقوانين اللعبة ونضيف لمستنا عليها .
أوس : ماشي متل مابدك ..رح انسى واذا نسيت ما بوعدك اني كون مسوؤل عن النتائج .
(بيقطع يحيى حديثهم) :يلا تعالو خلونا نمشي .
" وراح كل مين على بيتو وكاترين شافت موبايلها كذا مرة بس للأسف كنان ما رد عالمسج "
كاترين : اووف شو هاد وهي كنان ما رد ع المسج قلتلو لبابا مابدي روح معكن بس مارد .
كارولين : " فتحت الباب وفاتت لعند كاترين " شو صاير معك مين هاد يلي مارد ؟.
كاترين : ااا ، لا ولاشي بس هي شغف وريتا زعلوا لانو مارحت معهون اليوم .
كارولين : امم ، شغف وريتا قلتيلي .
كاترين : اي مالك مصدقتيني اا .
كارولين: لا مبلا هلئ شيلينا من هل الموضوع وقوليلي هلق ليش هيك عملتي مع أوس.
كاترين : عملت يلي عملتو وخلص مشي الحال.
كارولين : شو عملتي يلي عملتيه شبك مابتعرفي لأوس بدك ياه يجن يعني .
كاترين : خلص كارولين خلصنا مليت انا اناااا مليييييت.
كارولين : طيب هلق نامي لنشوف نتائج يلي عم تعمليه تصبحي على خيير .
كاترين : وانتي من اهلو.
" كاترين عم تحكي :
خلص هيدا اليوم وانا بالي مشغول عند كنان اكيد بكون زعلان مني ياربي لو رد علي بابا وماخلاني روح معن .....صار الصبح متل عادتي عملت دوش سريع وغيرت تيابي وقررت افطر بعدها روح عند كنان ع المكتب .....بعد ماجهزت ركبت سيارتي واتجهت على مكتب كنان قلت بعملو ياها مفاجأة لأني واثقة ما ح يرد لاعلي ولا على اتصالاتي.... وصلت على المكتب كان عندو اجتماع انتظرتوا بالمكتب جوا حتى اجى...... لما فتح الباب كان واضح على ملامحوا انو عم يتصرف عادي بس لما شافني تغير من العادي لل مو طبيعي ...."
كنان : هلا بكاترين والله شو خطرنا ع بالك .....مانحنا أخر همك .
كاترين : لاا كنان شو عم تحكي شو أخر همي انت من اولوياتي وحياتك.
كنان : واضح وواضح كتييير منيح .
كاترين : انا كنت من مبارح بدي شوفك وصحح الموقف يلي صار بس بابا مارضي الا نروح عند عمتي.
كنان : ااااه واكيد شفتي أوس .
كاترين : ايه كان موجود لأن ...طبيعي شوفه .
كنان : هاااه شايفة كييف انا آخر اهتماماتك ليكك شفتي أوس... أكيد بتكونوا انبسطتوا سواا .... بهنيكي .
كاترين : كنااااان ... لاتخبص بترجاك ... لاتخلق مشكلة جديدة ...بكفي اني كنت جاية تا صلح الموقف القديم لا تخلق شي جديد.
كنان : اوك كاترين متل مابدك انا يلي عم اخلق المواقف ...بتشكرك لانك متحملتيني.
كاترين : كنااان انت بتعرف اديش انا بحبك طب سامحني هل المرة .
كنان : كاترين انا كنت ماعم رد عليكي تا انسى ووقت اجيت ح انسى بتجي انتي بتقوليلي مقضية يومك مع أوس .
كاترين : لككك مو مع أوس مع العيلة بتفرق كتييير ...يعني شو ما ح تسامحني .. بلشت ازعل انا كمان .
كنان : ليش انا بقدر ع زعلك يامجنونة .
كاترين : وانا هيك قلت .
كنان : انتي روحي واكيد انا مافيني عيش بدونك لك مجنونتي.
" ركضت على كنان وعانقتو من فرحتي وأخيرا سامحني ... كنان عانقني كمااان وشد علي كأنو خايف اهرب منو ... ضمني بكل حنية وحب....بعدها مسكلي راسي وباسني من جبيني وخبرني كلمة خلتني رفرف من الفرحة ... "
كنان : بعشقك يامجنونتي ... بتمنى يبقى هاد آخر موقف بيصير معنا ونبقى مع بعض .... لأني مابقدر عيش من دون أكسجين.
كاترين : وأنا كمان بحبك كنان ... نبضي خلق تا يهتف بأسمك.
" بعد ماكنان وكاترين تصالحوا ...مشيت الامور بينن تمام ومضى شهرين وكنان وكاترين متل عصافير الحب من جهة أوس كتييير صار ناشف مع كاترين كأنها عدوتو لأن هي بكلامها جرحتو عم يحاول ينسى بشغلو وبالنادي صار يلتقي بكنان اوقات بالنادي بس كنان يحكي معو عادي بس كل مايتذكر انو بحب كاترين الغيرة تاكلو من جوا ...طبعا ماحدا بيعرف بعلاقة كاترين وكنان الا اخوات كنان وكارولين ... وبيوم كان فيه كنان وكاترين بالمطعم ..... كنان حب يفاجئ كاترين بقرار بالمطعم وماكانوا متوقعين انو هل القرار بدو يغير حياتن"
كنان : كاترين بدي فاتحك بموضوع.
كاترين : عم اسمعك .
كنان : انا برأي صار لازم تكون علاقتي فيكي جدية .
كاترين : ايييه شو يعني.
كنان : يعني بدي احكي لأهلي عنك تا أجي أخطبك .
كاترين : بس أنت بتعرف انا ع وشك اتخرج .. مو أحسن لو نأجلها شوي.
كنان : لااا حبي نحنا ع الحالتين عم نلتقى مارح تفرق بس هيك بيصير بعلم أهلك ومنعرف انو في شي رسمي وع الحالتين هيدي فترة خطبة ولبعد ماتتخرجي منفكر بالزواج.
كاترين : اوك موافقة ... انا اصلا شوبدي غير كون معك انا بس كنت معترضة مشان التخرج.
كنان : طيب اذا هيك انا اليوم بحكي لأهلي عنك وانتِ كمان خبري أهلك لأن يوم الجمعة جاية أنا وأهلي لعندكن.
كاترين : اوووو يوم الجمعة ... يعني بعد ٣ ايام .
كنان : مو مناح ٣ ايام.
كاترين : مبلا مناح .
كنان : طيب رح أطلب الحساب مشان نمشي خبري أهلك ع بكير وقوليلي الرد .
كنان : اوك موافقة .
" طبعا لحد الان كل شي طبيعي والامور تمام بس بعد مايكون عند العيلتين الخبر شو رح يصير "
----‐-----------‐--‐--‐-----‐‐---‐-‐-
كنان : لييييييش .
رأفت " اب كنان": هييك مافي ليش.
كنان : عطيني سبب مقنع.
رأفت : من غير سبب هل العيلة لاتقرب عليها.
كناان : بس عطيني سبب .....مو معقول يعني لما لقيت البنت يلي حبها وتحبني توقف بطريقي .
رأفت : خلص كنان خلصت القصة قلت مافي يعني مافي .
كنان : وانا بدي ياها يعني بدي يااها .....الواضح انو مافي سبب مقنع تقنعني فييه مشان هيك انا عند قراري ومابتخلى عنها.
رأفت : انت مابتعرف انو يحيى القاتي أكبر منافس الي بالشغل ....ولاشكلك نسيان .
كنان : لا مو نسيان متذكر كتيير منيح بس هاد السبب مو كافي .
رأفت " عصب وبلش تعلى نبرة صوتو" : كافي وخلص كنااان عم تفهم .
كنان : لااا ماعم افهم ولا بدي افهم .
رأفت : لككك انت مابتعرف اديش ابوها بيكرهني .
كنان : ليش وشو السبب .
رأفت : خلص من غير سبب .
كنان : مبلاا بابا وفي سبب وانا بدي اعرفواا.
" كنان بيترك ابوه بالمكتب وبيطلع معصب..... بيشوفوا أُبي طالع من المكتب بيناديلو كنان كنااان....... بس كناان ماعم يشوف قدامو من عصبيتو....... بيطلع على غرفتو وبيطبق الباب بقوة وراه "
-----------------‐-‐----‐-‐--------
" كاترين مجتمعة هي والعيلة بالصالون .....قررت كاترين تخبر أهلها عن كنان حسب اتفاقهم ......"
كاترين : بابي معلش افتح معك موضوع .
يحيى : احكي حبيبتي .
كاترين : في شب تعرفت عليه وساعدني بمشروع التخرج تبعي وبصراحة هيدا الشب طموح وشاطر بمهنتو ساعدني كتيير بس هو حبني وطلب يتقدملي ويجي هو وأهلو بعد ماآخد رأيكن .
يحيى : وانتِ عاجبك الشب ....حبيبتي انا بل آخير بتهمني حياتك وتكوني مبسوطة فيها وغير هيك مابهمني شي .
لميا : يابنتي نحنا شو بيعنيلنا غير سعادتك بالدنيا .
كاترين : تسلميلي ماما اي بابا الشب عاجبني ....هو شب لطيف و كمان الواضح انو منييح ومن عيلة معروفة .
يحيى : ميين عيلتو .... وشلون أوضاعهن اكيد انا مابقبل اني زوجك لحدن اقل مناا.
كاترين : اسمو كنان الباشا ووو.
" قبل ماتكمل كاترين كلامها قاطعها يحيى بكلامو .
يحيى مصدوم : البااااااشا هو من بيت الباشا ؟؟!!.
كاترين : ايي بابا حتى جود بيعرفه .
يحيى : جوود ليش ساكت احكي ميين هااد يلي بتعرفه أختك من بيت الباشا .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h