الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كاترين : عنجد .
جود : أهلو ...
" قبل مايكمل حكيو قاطعتو كاترين "
كاترين : عنجد مهندس معماري ؟؟!!!!.
جود : ايه شبك شو صرلك .
كاترين : عم يدرس ولا مخلص .
جود : مخلص دراساات عليا اذا بدك ومو هون بعتقد بايطاليا .
كاترين : قوول والله.
" جود حط ايده على وجه كاترين عم يشوف اذا اختو مرتفعة حرارتا او شي بس شااف الحرارة طبيعة وقال بهمس اكيد جنت هي وصار يعمل حركة بأيدو على أنها مجنونة "
جود : شبك انتي على طبيعتك؟؟؟.
كاترين : ايه ايه على طبيعتي امشي نروح لعندو .
"جود عم يحكي حتى قبل مااعطيها رأي شدتني من ايدي وسحبتني جهة كنان"
جود : لك شو عم تعملي يامجنونة بمشي لحالي .
كاترين: اوك امشي لحالك .
"كاترين كملت جهة كنان وانا لحقتا لما وصلنا لعندو كان عم يدرب " .
كاترين : استاذ كنان اذا بتريد .
" كنان بيلفت وجهه ناح الصوت مشان يشوف مين بيشوفني انا واقف متل الغبي وكاترين معي ".
جود : كيفك كنان .
كنان : هلا جود تمام .
كاترين : بس بدي اسئلك سؤال اذا مابتدايق .
كنان : عادي اسألي .
كاترين : سمعت من جود انك مهندس صح هالحكي .
كنان : بما انو جود قلك فأكيد صح .
كاترين : فيني اطلب منك مساعدة .
جود : تفضلي .
كاترين : انا كماان عم ادرس هندسة وعندي مشروع تخرج وصعب عليي ساوي .. هلق هو مو صعب بمستوى الصعب كتير بس بتعرف انت يعني بكون مو عرفانة من وين بلش وشو انهي غير الوقت المحكومة فيه اذا ممكن فيك تساعدني فيه انا كنت عم دور على حدا بس مالقيت .
كنان : اي مو تكرم عينك .
كاترين : الله يكرمك.. يعني عنجد بدك تساعدني .
كنان : اي طبعا بساعدك مافي مشكلة ولا اي سبب لأرفض ..
عطيني رقمك مشان اقدر اتواصل معك ونتفق على موعد محدد.
كاترين : اوك سجل عندك .
"جود : كل هاد عم يصير وانا عم اتفرج"
كنان : اوك تمام.
كاترين : ميرسي لأنك قبلت وهلق صار لازم نستأذن .
جود (سلم على كنان بأيده ) : يسلم ايديك كنان .
كنان : ولوو .
____^_^..
" كنان عم يحكي:
كنت عم اتدرب شفتا جاية هي وجود فرح قلبي لما شافها مابعرف ليش ....او حتى شو عم يصير معي مابعرف ...شفت كتيير بناات بحياتي ولاوحدة بتفائل لما شوفها ... عندها طاقة ايجابية بتوزعها عالكل .... لما عرفت انو بدها ساعدها بالمشروع طار قلبي وكياني من الفرح بس مابينت هالشي ...فرحت اني بدي شوفها مرة تانية وتالتة وعاشرة كمان ... وقت مشيت لما سلمت عليها كنت بدي اتعرف عليها اكتر .... كنت مفكر مابقدر احكيها بعد هلق بس بعد ماطلبت مني ساعدها بالمشروع صار عندي الحجة القوية اني شوفها ..".
" منرجع لعند كاترين وجود يلي راحوا على مكتب جود وهو كان معصب"
جود : لك شو عملتي .
كاترين : ولاشي طلبت المساعدة عندك مانع .
جود " بعصبية " : ايي عندي ..عندي مانع .
كاترين : اووووف شو هالذنب العظييم يلي ساويتو .
جود : لكككك كاتريييين . .... انت مابتعرفي شي .
كاترين : شو يلي مابعرفوا خبرني مشاان صير بعرفوا.
جود : يلي مابتعرفي انو ابوه لكناان بكون أكبر منافس لأبوكي بالشغل .
كاترين : هي هية ايه بسيطة اذا هيك .
جود : شو البسيط بالموضوع .
كاترين : أنو أنا شو خصني اذا ابوه بنافس ابوك انا يلي بيهمني اني لقيت مين يساعدني بمشروعي .
جود : عنجد ... هيك لكن .
كاترين : هلق فهمني الشب مامنيح فيها شي اخلاقو.
جود : بالعكس شب منيح وطموح ... على طول بيجي عالنادي ماشفت منو شي غلط .....
كاترين : خلص انا بطلب منو المساعدة بمشروعي بعدين خلصصص ماخصني فيه .
جود : ماشي بمشيلك ياها هالمرة بس ياويلك ابوكي يعرف بالموضوع بيخرب علي وعليكي فهمانة .
كاترين : فهمانة ..فهمانة.
جود : امشي يلاا قبل مانتأخر ولا مابدك تتعلمي .
كاترين : شو مابدي ...اكيد بدي .
" مشيوا كاترين وجود من النادي ...... جود عطى كاترين اول درس وهي كانت كتيير حابة الشغلة وكانت عم تتعلم بسرعة وكانت جريئة وماعندها ذرة خوف او حتى ارتبااك.... وصلو أخيرااا عالفيلا "
جود : برافو عم تتعلمي منيح ... فكرتك بدك تعذبيني وتكون أخرتنا اليوم عالمشفى .
كاترين : ليش شو شايفني .
جود : ولاشي بس هلق عم شوفك ذكية .
كاترين : ليش كنت غبية .
جود : هيك شي .
كاترين : نعم... نعااامممم.
جود : 😑😑.
" كانو داخلين من الباب وصواتن طالعة استقبلتن لميا ".
لميا : لك يخليلي ياكن ويخليلي جمعتكن سواا.
كارولين : ايوااا وانا وين رحت .
لميا : انتي حبيبة قلبي ونور حياتي .
كارولين : اييييه كلي بعقلي حلاوة .
يحيى : ماحدا يزعجلي كارولين هي شمعة حياتي .
كارولين : لك يخيليلي يااك بابي .
" بتجي أمينة وبتقطع عليهم حديثهم "
أمينة : بعتذر لأني قاطعتكم بس بدي خبركم انو العشا جاهز مشاان تتفضلو .
لميا : ماشي أمينة يلاا جايين .
" راحوا على غرفة السفرة واكلو ... بعدها سهروا سواا ..وبعد هيداا اليوم كل حدا راح على غرفتو ليناام .... خلص اليوم وبلش يوم جديد كانت كاترين بهاليوم ماعندها محاضراات اتفقت هي وجود انو بعد الغدا يعلمها درس جديد .... بس بعد ماصحيت كاترين وعملت دوش المعتاد فطرت مع العيلة وكانت عم تتمشى بحديقة الفيلا .... بيجيها اتصااال من رقم غرييب "
كاترين : اوووف مين هالرقم هاد .
كاترين : الو .
...: مرحبا انا كنان .
كاترين : اهلين كنان .
كنان كيفك .
كاترين : تمام الحمدالله .. وانت .
كنان : تمااام ... كنت بدي خبرك مشاان المشروع .
كاترين : ايي .... مشان ما ازعجك وقت يلي بتكون ماعندك شي بتساعدني فيه.
كناان : اذا بتحبي اليوم ماعندي شي .
كاترين : اوك تماام اي ساعة بتحب .
كناان : شو رأيك عالستة .
كاترين : منييح كتيير ... بس وين بدنا نلتقى .
كناان : اذا بتحبي تعي لعندي عالمكتب .
كاترين : تمااام .
كنان : اوك عالستة بكون بانتظارك ... وهلق ببعتلك مسج بلوكيشن المكتب .
كاترين : ماشي .
كناان : يلااا سلاام .
كاترين : سلااام .
" خلصت كاترين اتصالها مع كنان ... وكملت يومها بالفيلاا وبعد الغدا عطاها جود درس جديد بالسواقة .
جود : تماام اذا بتبقي هيك درسين مكسمو تلاتة منخلص .
كاترين : لك يخليلي يااك .
جود : شو عندك هلق .
كاترين : اتصلي كنان واتفقنا نلتقي بعد نص ساعة ... بس انت يلي رح تعرف بالموضوع ماحدا بيعرف .
جود : اوك تماام .. الله يخلص هالمشروع على خير مين بدو يوصلك .
كاترين : عم فكر انت.
جود : عم تفكري ولامقررة من الاول .
كاترين : بصراحة مقررة .
جود : ياسلاااام عالصراحة يلا روحي جهزي حالك وخلينا نمشي .
" مشيت كاترين على غرفتا وجهزت حالها عملت شعرها بالسيشواار ولبست فستاان طويل ".
كاترين : جود انا جهزت .
لميا : شو وين رايحة لكك امي .
كاترين : بدي روح عند شغف بدنا نشتغل على مشروع التخرج .
لميا : الله يوفقكن .
" بيقطع عليهن جود وقت يوصل "
جود : يلاا انا جاهز نمشي .
كاترين : يلاا... يلا بدك شي مامي .
لميا : سلاامة قلبك ياعمري .
كاترين : الله يسلمك .
" مشيت كاترين ومعها جود ووصلت كاترين على مكتب كناان كان مكتب فخم وبمنطقة راقية "
كاترين : مرحبا .
كناان : هلا تفضلي .
كاترين : تسلم .
كنااان : شو بتحبي تشربي .
كاترين : ولاشي ماتعذب حالك .
كنان : شو عذب حالي هلق بطلبن من مسؤول البوفيه وبيجيبن .
كاترين : نسكافيه .
كنان : اوك .
" طلب كنان ٢ نسكافيه وبعدين سأل كاترين "
كنان : اييه هاتي لشوف شو هل مشروع .
كاترين : هاد هو .
كناان : وريني .. امممم تمام ماكتير صعب .
كاترين : عنجد .
كنان : عنجد .... يلااا شو رأيك نبلش فيه .
كاترين : يلااا موافقة .
" كاترين عم تحكي اشتغلنا عالمشروع سواا ... بس موطبيعي اديش ذكي عنجد ماكنت متوقعتو هيك كأن واهب حياتو كلها للدراسة ... بقينا ٣ ساعات عم نشتغل
.... بعدها حكيت مع جود وخبرتو يجي يجيبني "
جود : كيف شفتيه لكناان .
كاترين : شطور وفهماان .. ساعدني منيح بس لسا ماخلصنا .
جود : ايوااا .
" منرجع لعند كناان يلي بعد ماراحت من عندو كاترين مشي على بيتو .... ولما وصل شااف امه "
كنان : مساالخير .
ميس " امه لكناان " : مسالنور اهلين ياعمري ... شو وينك لهلق .
كنان : كنت بالمكتب عندي شغل .
ميس : ياالله امي حضر حالك عالعشا ربع ساعة وبيخلص .
كنان : اوك بس اعمل دوش وانزل .
ميس : يلا ياقلبي ونحنا بانتظارك.
" كنان عم يحكي :
طلعت على غرفتي يلي هي بالطابق التاني عملت دوش وجهزت حالي .... بس ماعم تروح من بالي صورة كاترين مو معقولة هل بنت شو عفوية وبسيطة من جواتا عكس مو مبين عليها .... وانا طالع من غرفتي شفت أخي أُبي وأختي بانا "
أُبي : هاااا هي كناان هون .... شو ايمت جيت .
كناان : من شوي .
بانا : يلاا امشو مو وقت حديثكن انا متت جوع .
أُبي : اصلا انتو البنات هاد يلي شاطرين فيه بس الاكل.
بانا : نانانانانا .
" نزلو تعشوا مع العيلة وبلشت تمضي الاياام وكاترين عايشة بضغط عندها الكلية والشغل عالمشروع ... طبعا كاترين تعلمت تسوق وحدها واستلمت سيارتها واخيرا وصارت تروح وتجي لحالها .... بالفترة الاخيرة كاترين كان تقريبا كل وقتها وهي مع كناان مشان المشروع ... كناان تعود عليها وكان معجب فيها بس هي ماحست بشي ... وبالمقابل كانت كاترين معجبة بشخصية كناان كانت تشوف فيه الشب الطموح يلي رغم انهن كانوا يقضوا اغلب وقتن سواا ماكان يحكي كلمة غلط
كاان هادي كتيير ... حتى انو كاترين وكناان صارو اصدقاء يعني كاترين مو بس مشااان المشروع صارت تلتقي بكنان كمان صاروا يروحوا ويجوا سواا ... كاترين مع الوقت بلشت تحس انها عم تحبو لكناان بس هي مابدها تحب حدا بدها تقتل شعورها وتكذبوا ... هي نسيت تنبيه جود لما حكاها وحذرها انو ما تختلط مع كناان كتير ..... نسيت انو ابوه اكبر منافس لأبوها ....
نسيت كل شي لما دق قلبها بدون اذن .....وكمان بالمقابل هي بطبيعتها مابتحب الحب من طرف واحد لان بتعرف فيو عذااب ... كانت تشوف أوس كيف عم يتعذب بس مابتقدر تعمل شي مو بأيدها حتى أنو صرلاا فترة ماشافتو لأوس ولاحكت معو من بعد طلعة انقرة....وهي مستغربة كيف ماعم يحاكيها ... بس بعدين قالت انو اكيد ترك القصة للقدر ....وبيوم من الاياام كانت كاترين مع كناان بالمكتب..... كانو عم يحطو لمساتن الاخيرة عالمشروع... بس كناان فاجئ كاترين بقصة ماكانت متوقعتها ابداا "
كنان : وهيييييك منكون خلصنا المشروع .... مبروك.
كاترين : الله يبارك فيك.... عنجد يسلمو ايديك لو ماساعدتني كان ماخلص .... شكرااا كتييير الك .
كنان : عادي ولايهمك ماعملت شي ...... شو رأيك بهالمناسبة نروح نتعشى بشي مطعم.
كاترين : اوك موافقة .
" مشيوا عالمطعم كل حدا بسيارتو وهنيك صارت المفاجأة"
" كنان عم يحكي:
مشينا عالمطعم تعشينا ... وانا بعد العشاا قررت اعترف بمشااعري مافيني اصبر اكتر .... شي جواتي بيخنقني اذا صبرت اكتر وخصوصا المشروع خلص ومافيني التقي فيها متل اول " .
كنان : كاترين .
كاترين : ايوا.
كنان : بدي خبرك شي .
كاترين : تفضل .
كنان : بس بتوعديني ماتزعلي ولاتتأثر صداقتنا .
كاترين : بوعدك .
كنان : بصراحة انا شفت فيكي البنت يلي بتناسبني ...ويلي بتمناها ....وبصراحة اكتر انا معجب فيكي وبشخصيتك .... معجب بكل تفاصيلك .... كاترين انا بحبك مابعرف اذا لاحظتي هالشي عليي او لاء بس انا كل يوم شوفك فيه اتعلق فيكي اكتر واكتشف فيكي شغلات تشدني ناحيتك ما حسيت كيف وايمتا بالضبط حبيتك بس اللي بعرفه اني بحبك وبس .... فينك ماتردي فكري بالموضوع لاتتسرعي واذا انتي مابتبادليني بالمشاعر بتمنى صداقتنا ماتخرب .
كاترين : يعني انا مابعرف شو بدي قلك انت فاجئتني .
كنااان : خدي وقت قد مابدك .
" كنان بيمد ايده وبيمسك ايد كاترين وبيحكيها "
كناان : بتمنى تفكري بالموضوع وانا قبلاان بكل النتائج ...رغم انو ممكن اتدايق شوي بس المهم بالموضوع تكوني مبسوطة .
" كاترين عم تحكي :
بقيت ساكتة ومصدومة ... رغم اني متأكدة من مشااعري تجاهه بس ماكنت متوقعة يفتح معي هالموضوع وكنت كل مافكر فيه حاول اقفل عالسيرة حتى مايكون حبي من طرف ... لطافته ومعاملته معي كنت قول هاد اسلوبه وهو محترم معي حتى ما امنح لنفسي التفكير بقصص ممكن ماتكون موجودة من اصلها .... مابعرف شو صرلي وقت حكى تجمدت كلي ... حتى ماقدرت اسحب ايدي منو .... ماقدرت تجمدت كلي انا وكياني كلنا تجمدنا..... بس قبل ماجاوب حتى تفاجأت
يتبع ....
البارت التالت
بس قبل ماجاوب تفاجئت بشخص جاي ناحنا ... فورا سحبت ايدي من كناان وفزعت ..
أوس : هااي كاترين .
كاترين : هلاا أوس .
أوس : شو ماعرفتينا من هالشب يلي معك .
كاترين : اااااا هيدا كناان عم يساعدني بمشرووع التخرج.
" أوس بيمد ايده ليسلم على كناان وهو معصب لان شافها لكاترين لما سحبت ايدها "
أوس : مرحبا انا أوس ابن عمتها لكاترين وووو ولاشي .
كنان : ياهلا تشرفت فيك .
كاترين : تفضل أوس شاركنا بالاعدة .
أوس : لامعلش انا مع رفقاتي قاعد وشفتك ... واجيت سلم عليكي ...وهلئ بدي امشي .
" بيمشي أوس بيسلم على كاترين بيشد على ايدها وبعانقها وبيهمس بأدنها"
أوس : بتشكرك على هيك قدر .... عنجد فاجأتيني ميرسي كتييير .... بس حكيينا ماخلص حاكيني اليوم .
" مشي أوس... وترك كاترين عم ترجف ومتوترة ...قلبلهاكل كيانها .... كاترين تجمدت عندها الحروف ماقدرت ترد عليه بقيت مصدومة .... كناان حس بشي غريب انو مين هاد وليش هيك عمل حتى استغرب منو لما ضمها وبوسها ....حس في شي غريب .... قلبو ماارتااح .....تحرك فيه شعور الغيرة .... "
كنااان : خير كاترين فيكي شي من وقت راح قرايبك وانتي مو على بعضك .
كاترين : ااااااه لا ولاشي .... كناان فينا نمشي انا تعبت وبعتذر منك كتيير .
كنان : عادي ولايهمك .
" مشيت كاترين وكان وراها كنان .... أوس وقت شاف كاترين طالعة غمزها .... طلعت كاترين من المطعم مو على طبيعتها ودعت كناان ومشيت عالبيت .... رجعت منهارة مو مصدقة... وقت يلي لقت شخص يحبها وتحبو خرب عليها كلشي .... كنان بعد اللقاء أوس معهن تركو بحيرة خايف يكون في شي بينهن ... هو حس انو في شي غريب بالموضوع ... مضى اليوم وكل حدا كان بقلبو مشاااعر مختلفة ... تاني يوم الصبح صحيت كاترين عملت دوش ومشيت عالكلية "
كاترين : صباااحو .
ريتا : صباحو .
شغف : هلا والله شو اخبارك .
كاترين : تماام منيحةوانتو .
ريتا : نحنا كتيير مناح اكتر من هيك مننتزع .
كاترين : اوووف ليش بقا .
شغف : ضغط دراسة مو طبيعي.
كاترين : عنجد معكن حق .
ريتا : شو اخباار مشروع التخرج .
كاترين : خلصتو واخيراااا.
شغف : شو هو ؟؟!!!.
كاترين : مفاجأة .
ريتا : هيك لكن ... مبروك .
كاترين : الله يبارك فيكي .
شغف : فرحتلك من قلبي عقبالنا.
كاترين : امين .... يلا امشوا عالمحاضرة .
" كانت كاترين عم تصطنع تكون طبيعية بس هي مو هيك ... صااار عندها خوف ليش أوس خبرها انو بدو يحكيها وماحكاها شو السبب ... حاولت انها تهرب حالها وكملت يومها عادي لوقت مابيجيها اتصال من أوس وهي راجعة عالبيت ... بتتردد انو ترد بس بتستجمع شجاعتها وبترد "
كاترين : الو .
أوس : اهلين والله بملااكي كيفك .
كاترين : منيحة .
أوس : عنجد بتشكرك عالقدر يلي صنعتي ... كان احلى مفاجأة .... كان عرض سينمائي كتيير حلو .
كاترين : أووس .
أوس : روقي لاتعصبي بعدين بيزعل حبيب القلب .
كاترين : أوس شو بدك .
أوس: بدي خبرك بدي نلتقي حد الحديقة بتلاقيني عم انتظرك بسيارتي .
كاترين : ليش ؟؟!!.
أوس : حابب اتأمل جمالك شو رأيك في بينا حسااب ولازم يخلص .
كاترين : اوك تمام بعد نص ساعة بكون عندك .
أوس : يلا باي .
كاترين : بااي .
" كاترين بتغير جهة طريقها وبتروح لعند أوس ... وصلت كاترين لعند أوس لقتو قاعد بسيارتو ومتوتر حتى انو معصب كتيير " .
كاترين : مرحبا .
أوس : ياااهلا والله وجهك ولاضو القمر .
كاترين : وجهي .
أوس : تفضلي ارتاحي .
كاترين : اوك ... بس خبرني شو بدك .
أوس : كاتووو او كوكة ... مابعرف اذا هل اسمااء بتذكرك بشي .... خبريني انتي بتذكرك ؟؟!!.
كاترين : بطفولتي .
أوس : برافو ... ذاكرتك قوية الهيئة مابنتسي الذكرياات .
كاترين : أوس من كل عقلك جايبني مشااان هالحكي الفاضي هاااد .
أوس : برافو عليكي كاترين كل مرة انا حكي فاضي .
كاترين : هيك شي .
أوس : ليش عيشتيني على أمل وهدمتيه .
كاترين : انا ماعيشت حداا ماخصني اذا انت بنيت احلامك وانهدمت .
أوس : ماخصك !!! عفوااا مييين يلي خصو .
كاترين : ماعندي فكرة .
أوس " بعصبية وبلش يصرخ " : ليش عم تكوني مصرة كل مرة تطعنيني بسكين منك ....ليش ... لييييش.
كاترين : انا قلتلك خليها للقدر ...انا مابنيتلك لا أحلام ولا وعدتك بشي ... وأنا برأي انو القدر عم يلعب لعبتو ... عم تفهم علييي.
أوس : لاااء ماعم افهم بدك تروحي لعند حبيب القلب روحي بس مو قبل مااتركلك ذكرى ... بما إنك مابتنسي ... فأكيد هاااد الشي منيح .
كاترين : مافهمت عليك وشو هل الذكرى هي .
أوس : هلق بتفهمي.
" بقرب أوس من كاترين وبحط ايد بشعرها والايد التانية على وشها وبيبوسها هييك ليشبع شوقوا منها .... هي كتييير حاولت تبعده بس هو ماعم يتحرك ثابت مكانه ... كاان باين عليه كيف متوتر ومعصب ... كاترين وأخيراا قدرت تبعد عنو وهي معصبة من تصرفوا المتهور والغير مسؤول "
كاترين : لك انت شو عملت لكك مجنون .
أوس : انا كنت مجنون وعمحاول كون عاقل .
كاترين : كل هااد وعاقل .
أوس : هيك شي .... وهيييك بكون تركتلك احلى ذكرى مني نشالله تعجبك ست كاترين .
كاترين : تعجبني ... تعجبني !!!! لككك هي اسوء ذكرى بحياتي لكككك انا مابحبك فهاااام .
" فتحت كاترين باب السيارة ونزلت ركض على سيارتها عم تبكي ... شغلت السيارة وطارت فيها عالفيلااا. ... فاتت كاترين فوراا على غرفتها تبكي وتبكي لوقت نامت ... وما صحيت غير على كارولين يلي عم دق عليها الباب ... "
كاترين : ميييين.
كاروليين : هي انا .
كاترين : فوتي .
كارولين : امشي نتعشا العشااا جاهز .
كاترين : ماني قدرانة كتيير تعبانة مو حاسة بجسمي ابداا .
كارولين : ويعلي شبكي .. شو صاير معك .
" بتركض كارولين لعند كاترين بتشوفها بتلااقي حرارتها مرتفعة "
كارولين : اووف ليش هيك سخنانة... انا رايحة نادي الدكتور .
كاترين : مافي داعي مابدي دكاترة ليكني منيحة لاتنادو لحدا وخاصة أوس هاااا ليكني وقفت مافيني شي....
" بتسقط كاترين على الارض وبتغيب عن الوعي .... كارولين لما تشوف هيك اختها بتجن وبطير عقلااا بتنادي ع العيلة .... وبجيبوا الدكتور ... كارولين ماخبرت أوس يجي وجابت غير دكتور خايفة يكون في شي بين أوس وكاترين مشان هيك كاترين رفضت واذا عرفت انو جابو لتزعل وتتخانق معها .... بخبرهن الدكتور انها مرهقة وتعبانة .... لازمها راحة وعطاهن خافض حرارة ومنشطاات .... بتبقى كاترين مرضااانة يومين بالفرشة ماعم ترووح ولاتجي وجع رااس ماعم يتركها وسخونة ترووح وتجي .... هي بطبيعتها كتيير حساسة ومن كلمة بتزعل .... فا شلون اذا نهااان شعورهاا...... وخصوصا كانت مرهقة من شغل عالمشروع وماعم تناام منيح تجمع كلو مع بعض وشكلولها مشكلة ... كناان كان يتصل على كاترين بس ماترد كان خطها مقفول ... حتى رفقاتها اتصلو كتيييير ... حتى اجو لعندها وشافوا حالتها وتفاجئوا فيها... بعد ما صحيت كاترين تفاجأت بمكالمات كناان .... ...وقررت تتصلو "
كنان: الو.
كاترين : مرحبا كناان.
كنان : اهلين كاترين وييينك عم اتصلك كتييير ماعم تردي وبعدها صار يطلعلي مقفول.
كاترين : كنت مريضة شوي .
كناان " بيحكي بسرعة وهو خايف" : مريضة فيكي شي ....من شو موجوعة ...هلق كيفك تحسنتي... رحتي عند الدكتور.
كاترين : كنان هدي شوي عليي كنت مرضانة وهلق صرت احسن.
كناان : أكيييد تحسنتي؟!!!.
كاترين : لكك ايه لاتخااف.
كنان : اوك سلامتك.
كاترين : الله يسلمك.
كنان : كاترين اذا انا حكيت شي زعجك يوم يلي كنا بالمطعم بعتذر واعتبري ماقلت شي.
كاترين : لااا كنان مافي داعي للاعتذاار.
كناان : انا بهمني ماتزعلي مني .
كاترين : ولايهمك.
كناان : اوك.... ومرة تانية سلامتك.
كاترين : الله يسلمك يلا انا مضطرة سكر بدك شي .
كنان : لاسلامتك.
" وقبل ماتسكر كاترين الخط بتحكيلو لكنان كلمة وبتسكر"
كاترين : كنان انا بحبك .
كنان: 😳😳.
" وبتقفل كاترين الخط فورا من غير ماتنتظر ردة فعل كنان....."
" كناان عم يحكي :
كنت عم احكي مع كاترين عادي وفجأة بتحكيلي كلمة مامتوقع اسمعها ... هي الكلمة كانت كفيلة بأنها تشيلني وطيرني فرح.... قفلت الخط بدون ماتسمع ردي حتى....
حاولت اتصللها بعدها بس مافي رد ... المهم اني عرفت حقيقة مشاعرها .... عرفت أنو أنا بقلبها .... لازم شوفها واحكيها "
" كاترين عم تحكي :
قفلت الخط بوجه كنان ماعرفت اذا حكاني شو رد مالي عارفة شو احكيه ... بس يلي بعرفو انو كان لازم خبرو بمشاعري ... مابعرف كلمتي هي لوين بدها تاخدني .... بس انا عندي قناعة انو بقدر وقف بوجه كلشي ...وكون قوية لو شو ماكانت النتائج"
" مشي كنان لعند اهله على الطابق الارضي وهو كتلة فرح وتفائل"
كناان : صبااااح الخييييير .
رأفت : صبااح النور .
بانا : ياعيني شو هل النشااط .... شو القصة كنان .
أُبي: شو هل التفاؤل.
ميس : تركو للصبي شو صرلكن انتو التنين.
كناان : عادي ..عادي .. شوفي لسا عندكن حكي كملو كملو .
ميس : تعا ماما لاترد عليهن .... يلاااا مشوا عالفطور.
بانا : ماشيين ....
" منرجع لعند كاترين يلي مشيت لعند كارولين "
كاترين : هااي .
كارولين : ياهلا ... شلون صرتي .
كاترين : تماام افضل .
كارولين : تماام الحمدالله .
كاترين : شو عندك اليوم.
كارولين : ولاشي شو القصة .
كاترين : عبالي نطلع نتمشى .
كارولين : اييييه مو تكرم عينك الف طلب متل هل الطلب هلق المهم انك صحيتي بخير .
كاترين : يسلملي قلبك اييه.
كارولين : 😇😇.
كاترين : اذا هيك شي ٣ سااعات ومنمشي .
كارولين : اوك تماام .
كاترين : شو رأيك نقول لجود .
كارولين : مابتفرق .... هلق بخبرو .
كاترين : طيب .... انا طالعة على الحديقة اشرب نسكافيه واقعد شوي مع ماما بعدين بجهز حالي .
كارولين : اوك .
" منرجع لعند كنان يلي فطر وطلع يقعد بالحديقة وهو بالحديقة بيجي أُبي وبيرمي غلاظتو عليه"
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h