الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
" كاترين عم تحكي : كنت عم اتمشى بحديقة الفيلا انا وكارولين وفجأة منشوف جود جاية لعنا وحامل عصير فريش "
جود: شو عم تطبخوا من دوني يااااااا..
" طبعا جود ماقدر يكمل حكيو لأن تزحلق بالمي وقلب بالمسبح وهون انا وكارولين فرطنا ع شكلو وع شكل الكاساات يلي عم طير بالسماا"
كارولين : ههههههه ياويلي موديلك شو بيضحك.
كاترين : موطبيعي كيف قلبت بالهواا🤣🤣.
كارولين : لحظة لحظة في شي ناقص كاترين عم تفكري متل ماعم فكر .
كاترين : اي لكن مشان يصير حمام محرز .
"كارولين وكاترين بيركضوا لعند البستاني وبياخدوا منو بربيش المي وبيركضوا ناح المسبح وبيغسلو جود حمام مرتب وهنن فارطين ضحك عليه ".
كاترين : نعيمااا جود .
كارولين : أمااا شو حمااام .
جود : انا بفرجيكن انتي وهي .
كاترين : اي لتقدر تطلع بلأول .
كارولين : مابتقدر تعمل شي انت وتحت ابقى فرجينا شو رح تعمل لتطلع .
جود : وميين قال مابقدر ... حكي عدوين .
" بينزل جود يسبح تحت المي مشاان يضوع كاترين وكارولين ومايشوفو وين صار وفجأة .. بيطلع جود من جنبهن وبيسحبهن لتحت بيخليهن يقلبو بالهوا وينزلوا بالمسبح "
جود : هيك بيكون الضحك ع أصولو وع الاشخاص الصح .
كاترين : لك شو عملت يامجنون .
جود : اوووه بتقطعو القلب عنجد زعلتوني تئ تئ تئ.
كارولين : شو هل حركة هي.. شو هل ولدنة .
جود : ولدنة .
كاترين : ليش كبيتنا هون .
جود : ولاشي قلت بخليكن ترطبو شفتكن مشوبين .
كاترين : اذا مابردلك ياها .
كارولين : مو ملاحظ انو مزحة غليظة ومو شوي كتيير كماان .
جود : انا اخدت بحقي.. مو جود يلي بينضحك عليه وهلق انا طالع استمتعوا بالسباحة... الجو حلو .
كاترين : دب ومابيفهم .
كارولين : تعي نطلع نعمل دوش ونشوف شلون بدنا ننتقم .
كاترين : وانت قلتيها إذا مابندموا ما بكون كاترين.
" كاترين عم تحكي
طلعت أنا وكارولين من المسبح وفتنا ع الفيلا "
لميا : شو هيدا ليش هيك منظركن .
يحيى : شو وين كنتو .
كارولين : كنا عم نتمشى .
لميا : واضح كتير منيح .
كاترين : اي بس ابنك المدلل خلانا نبورد بالمسبح .
لميا : يووه ليش .
كارولين : قال شافنا مشوبين .
وهون بيفرطو ضحك امي وابي علينا
كاترين : اي اي تعو معو .
كارولين : نحنا رايحين نعمل دوش ونرجعلكن .
" طلعت انا وكارولين كل وحدة ع غرفتها وفورا ع الحمام الملحق بالغرفة عملنا دوش وغيرنا تيابنا ونزلنا لننتقم "
...كاترين وكارولين عم يخططو لمصيبة بس شو هي ياترا ....
كارولين : فكرة فلجة بس بدها شوية بهارات .
كاترين : منبهرها قد مابدك .
كارولين : اوك ليكي شو رح نعمل .....
كاترين : تماام وهيك بيصير الانتقااام .
كارولين : قومي ع التنفيذ .
كاترين : يلااا.
" كاترين عم تحكي :
مشيت انا وكارولين نفذ الخطة وبلشنا بالتنفيذ ونحنا آخر روااق ."
" جود بعد ما رمى اخواته بالمسبح وشعر بالنصر طلع ع غرفتو وعمل دوش ونام بس المفاجأة كانت لما بيفيق "
" جود عم يحكي :
صحيت من قيلولتلي ونزلت ع الصالون حتى قبل ماغسل كل فكري ماغفيت ... وياريتني مانزلت "
لميا : شو جود ...
"وحتى قبل ماتكمل امي كلامها كانت فارطة بلأرض ضحك وأنا مستغرب... اجيت كمل مشي وانا واثق من حالي وماحدا قدي...
وصدفت ابي وأنا ماشي لك حتى قبل مايحكي كلمة كان غمياان ضحك "
جود : شو عم يصير .
يحيى (عم يضحك) : ولاشي .
" مشيت وياريتني مامشيت شفت كاترين وكارولين وقفوا بوشي وكل وحدة حاملة ماغ النسكافيه "
كاترين : ليكي شو كيووت .
كارولين : بيجنن وبيضحك ع قد مو حلو .
جود : شبك انتي وهي .
كاترين : مافينا شي عم نشوف نتيجة إنجازاتنا.
جود : أي انجازاات ؟؟؟!!.
كارولين : اوووه الهيئة ماشفت حالك بالمراية قبل ماتطلع من غرفتك .
" أنا ركضت ع أقرب مراية بلاقيها بطريقي وشفت الصاعقة يلي خلت الدخاان يطلع من راسي والبخار من أنفي عم يعمل صفاراات قطار
شفت آخر شي كنت بتوقعو"
جود (بصدمة ): مين هاد وجه مين انا شايف وجه قطة قدامي وليش شعراتي صايرين قروون ؟؟؟؟!!.
" كاترين عم تحكي :
وقفت انا وكارولين نشوف إنجازاتنا بس جود فورا نط ليشوف منظرو ونحنا واقفين منسمع صوتوا متل الانفجاار "
جود : كاتريييييين ... كاروولييييين اذا ما ****
والله لندمكن انا تعملو مني قطة ياهورين .
" هون انا وكارولين رجلينا ركبوا عجلااات وطارو بأقصى سرعة ..... وبعد فترة سمعنا سيارة جود مشيت "
كاترين : لك وين مشي بدي شوف كمالة المشهد .
كارولين : ولي والله ليفضحنا اذا صار المشهد جنب حدا .
كاترين : ياسلاااام ع الأكشن .
كارولين : برأي نحضر لقبرنا من هلق .
كاترين : ايه والله ليجن من ورانا.
" طبعا هدول التنتين شو عاملين لسا مصايب هلق منشوف "
" منروح لعند جود يلي غسل وجهو وغير تيابو وساوى شعروا ومشي ع النادي تبعو "
" جود كان عندو اجتمااع بالنادي مع رؤساء أقساام كل قسم بالنادي مشاان هيك مشي وسكت لكاترين وكارولين على عملتون"
جود : وهلق شو مشاان المسؤول عن كراتيه .
...: حاضر أستاذ .
جود : وين الكوتش الجديد .
...: من بكراا بيداوم أستاذ .
جود : اي تمام وشو مشان ....
" قبل مايكمل جود كلامو كان رانن موبايلو بغنية غريبة يلي كان محتواها... انا جوجو الحبابة جوجو جوجو الدلوعة... .. طبعاا جود ماعاد عرف شو يعمل بعد ماشااف كل واحد عم يخفي ضكتو شكل"
جود : لحظة لو سمحتو موبايل اختي نسيانتو معي .
جود عم يحكي مع حالو : شو هل كذبة هي .
" بيرن مرة تانية وبيقول غنية جديدة انا جودة الغليظة شايفة حالي ومغروروة "
جود : اوك خلص اليوم الاجتماع وبكرا في اجتمااع جديد .
" بيطلع جود من غرفة الاجتمااع معصب من هل المقلب الغليظ بيجي يحط سماعاتو ليسمع موسيقا هادية تروقوا بس.. بلاقيون مخربينلو السماعات ..
طبعاا هون وصل صبر جود لذروتو "
جود : ماشي انا عم تلعبوا معي
لعب ولاد صغار مابيعرفوا الكباار كيف بيلعبوا .
" بيرجع جود ع الفيلا وبيدخل ع غرفتو وبيغلق الباب بقوة خلتو يرج المكاان ....وبهيدا الوقت ابتسامة النصر على وجه كاترين وكارولين لاتوصف .
" جود عم يحكي :
دخلت ع غرفتي شفت ظرف ع التخت فتحتو لقيت فيه صورتي بوجه القطة ... شقيت الصورة ورميتا لكبها بس شفت ظرف تاني بلأرض فتحتو ولقيت مكتوب فيه ....عادي في نسخ تانية عن صورة اذا انشقت معك بالغلط ...تعيش وتاكل غيرها هيك بيكون كمل الانتقاام...... "
جود : عم تلعبوا مع الكبار ياصغاار .
" جود ماعمل شي بالمرة بس شغلة وحدة حط لكل وحدة هامستر صغير بالغرفة هو بالنسبة للبناات كان ديناصور وبسببو انقلبت الغرف وانتكتت وتعزلت وهي شغلة كانت كفيلة بأنو ياخد حقو "
" كاترين عم تحكي :
ركضت طلعت من غرفتي لقيت كارولين عم تركض وعم تصرخ فارة فااااارة وشفت جود واقف قبالنا وعم يضحك علينا كيف خايفين زت كلمتو ومشي "
جود : تعيشوا وتاكلو غيرا .....لا تلعبوا مع الكبار تاني مرة.... هي بس فركة ادن المرة الجاية حفلة مرتبة ...
ع فكرة كلو شقفة هامستر صغير ...يلااا سلاام "
كاترين : شو متوحش .
كارولين : ومقرف .
كاترين : يلا وحدة بوحدة المهم انتقمناا .
كارولين : اوووه اصلا انتقاموا مابيطلع قد ربع انتقامناا.
كاترين : ايوااا كدا .
كارولين : بس انا قرفت من غرفتي .
كاترين : وانا .
كارولين : شو نعمل ؟؟!!..
كاترين : اليوم مناام بالغرف المخصصة للضيوف وبكرا من طبيعتنا رايحين ع انقرة وقت نرجع بيكونوا نضفوا الغرف.
كارولين : عنجد انك ذكية لك تؤبريني طالعتيلي .
كاترين : 😳😳
كارولين : يلا ضوعنا وقتنا اليوم حتى انو ماوعينا ع الغدا مع العيلة وأكلنا لحالنا مشان الانتقاام وهلق اتأخر الوقت يلا مشي ناام .
كاترين : قولتك بكفي لعب لليوم بكرا عنا سفر ويوم طويل .
" وهيك بكون كل طرف من العيلة أخد حقو ع التمام وخلص النهار ليجي نهار جديد فيو مغامراات بانقرة "
" كاترين عم تحكي :
صحيت من نومي عملت دوش لبست بنطلون جينز مع كنزة بيضا وفوقها جاكيت جلد اسود وعملت شعري بالسيشوار وخليته ع طولو "
كاترين : يلااااا ياكارو وينك لهلق ..
كارولين : ليكني أنا هون جيت .
" كارولين كانت لابسة بنطلون اسود وفوقوا كنزة توتي وعاملة شعرها ديل حصاان "
كاترين : لك وين هداك الدب معقول ماخلص .
كارولين : ليكو نزل .
جود : شو عم تحكو علي انتو التنتين .
كاترين : عم نقول تأخرت .
جود : اي بسيطة اذا هيك شو جاهزين .
كارولين : شو شايف انت .
جود : يلاا امشو .
كارولين : وين باقي الشلة .
جود : هلق منلاقيون ع الطريق .
" مشيوا ع سيارة جود وركبوا هنن التلاتة شافوا أوس وميلا ع الطريق وكملو ع انقرة "
كارولين : اوووف ليش ماشي بطئ جود أسرع شوي .
جود : انا مادخلني هاد أوس هاااا ليكو صف ع جنب .
كاترين : يووه شو صف يعمل هاد كماان .
جود : رايح شوفوا .
" نزل جود من سيارتو وراح لعند أوس "
جود : شوفي ليش وقفت .
أوس : هي ميلاا جاعت بدها تاكل يلا قلن ينزلو مشاان ناكل .
جود : يلااا.
" راح جود لعند كاترين وكارولين "
جود : يلا نزلوا .
كاترين : لوين .
جود : ميلا جاعت ووقفنا مشان تاكل وكمان نحنا مناكل .
كارولين : ياسلااام عنجد انا جوعانة .
جود : يلا تحركوا .
" نزلوا من السيارة وراحو لعند أوس وميلا"
أوس : صبااحو كيفكن اليوم .
كارولين : مشتاقيلكن وانتو كيفكن .
أوس : مشتاقيلكن .
كارولين : اي طلبتو أكل ولا لسا .
أوس : اي طلبنا يلا شوي وبيجي .... شو ست كاترين ليش ماعم تشاركينا بالحكي .
كاترين : مو عبالي احكي .
أوس : اوووف وليش بقا هيك معكرة لسا النهار بأولو .
" كاترين بتبتسم ابتسامة باردة وبتقول "
كاترين : هيه وهيك منيح سيد أوس .
أوس : هدي هدي لاتعصبي مافي شي مستاهل .
كاترين : عنجد مافي شي مستاهل.
جود : اي خلصنا بقا انتو التنين .
ميلاا : نحنا جاييننتسلى ونغير جو .
كاترين : ليكنا عم نغير جو .
ميلا : الواضح انك فهمانة قصة تغير الجو بالمقلوب .
كارولين : اووف شو معتين .
أوس : لنكون مو عاجبينك ست كارولين .
كارولين : عاجبيني وعاجبيني كتير مو شوي بس خلص سكروا ع السيرة .
أوس : بتأمري .
جود : وين ناوين نروح بعد الفطور .
ميلااا: شو رأيكم بعد مانحجز بلفندق نتفتل شوي بالطرقات .
جود : اوك تمام.
كارولين : اي وبعدين منعمل shopping.
أوس : لا خلي ال shopping لبكرا اليوم تعبانين من الطريق .
كارولين : اوك متل مابدكن .
كاترين : شو رأيكم نركب بالسفينة ونتفتل بالبحر مشاان اعصابي تهدى .
أوس : اي مو تكرم عينك وفكرة حلوة كتير .
" بعد مايفطروا ويرجعوا كل حدا على سيارتو بيتجهوا بجهة الفندق بيحجزوا الغرف وبيرتبوا غراضن وبينزلو يتفتلو بانقرة "
كارولين : اوووه شو اشتقتلك ياانقرة .
جود : ايي حاجتك يلي بيسمعك مابقول انك كنتي من ٣ اشهر بانقرة ولا نسيتي .
كارولين : اي شو اعمل بحالي عم عبر عن مشاعري .
أوس : لازم تعبري عن مشاعرك ولازم كلنا نعبر عن مشاعرنا مشان مانطق .
ميلااا : اييييه وبعدين يلا امشو ناح الشط مشان نركب بالسفينة .
كاترين : عنجد هاد احسن حل برافو ميلاا.
جود : هدو الجو حلو وعم نتمشى هلق منوصل .
كاترين: اوك خلص .
" تمشوا بشوارع انقرة واتجهوا ليركبوا بالسفينة "
....: هاتي ايدك يا انسة مشاان تطلعي .
كارولين : ليش انا اول وحدة مابدي .
كاترين : خلص بعدي انا بطلع.
أوس : بعدو هيك انا بطلع اول واحد .
" طلع أوس طبعا أوس مارضي انو شب يطلع كاترين "
أوس : هاتي ايدك كاترين .
"كاترين رفعت كتافها بمعنى لاء "
أوس : " بعصبية " عم قلك هاتي ايدك لاتجننيني .
كاترين : اي فهمنا .
أوس : كارولين هاتي ايدك .
كارولين : يلاااا.
أوس : وانتي كمان ميلاا.
ميلاا: حاضر .
" بقي جود واقف وعم يتفرج "
أوس : جود حبيبي شو رأيك انت كمان تعطيني ايدك .
جود : خلص طالع لاتتمسخر.
"طلعو ع السفينة وغاصوا لجوا البحر وهون بلشت كاترين تهدى من عصبيتها وتروق مع جو البحر ...
وكان الكل رواق ....وبعد ماخلصت رحلتن بالبحر ورجعوا ع السيارات مشان يروحوا يتعشوا بالمطعم "
جود : شو كاترين روقتي .
كاترين : آخر رواااق .
كارولين : يووه شو مدللة يلاا جود انا جعت .
جود : اوك ليكنا ع الطريق .
" منروح لعند أوس وميلااا "
ميلااا : أوس .
أوس : اممممم
ميلا : اطلع في شوي.
أوس : حابة تخلينا نعمل حادث شكلك .
ميلا : اوك لا تطلع بس بدي قلك شي .
أوس : قولي بلا مقدماات .
ميلاا: ليك خف على كاترين شوي .
أوس : ليش ماعم اعملها شي .
ميلا : بعرف بس اليوم لاتحاكيها شي وخليك طبيعي يعني خلينا مبسوطين اذا بدك تحكيها شي أجلها لبكرا .
أوس : اوك تمام ... في أوامر تانية .
ميلا : لا ولاشي .
" وصلو على المطعم وطلبوا الأكل وتعشوا قعدوا شوي بعدين مشيوا على الفندق "
" كاترين عم تحكي : رجعنا على الفندق بعد ماتعشينا
كنت أنا وكارولين وميلاا بغرفة وجود وأوس بغرفة "
كاترين : اوووف وأخيرا خلص هل يوم على خير .
ميلا: بكرا عنا يوم طويل ومتعب.
كارولين : أنا برأي نام وبلا حكي .
" منرجع لعند أوس وجود "
جود : أوس... أوس.... يا أوس .... أووووس
أوس : ايه شبك .
جود : وين صافن؟؟؟!!! .
أوس : مو بمكان ليكني معك .
جود : واضح كيف معي صرلي ساعة عم نادي لحتي رديت .
أوس : ياسيدي كنت صافن وهلق صرت معك شو رأيك .
جود : هدي شوي لاتتعب أعصابك .
أوس : اوك تمام .
جود : كنت عم تفكر بكاترين صح؟؟؟!!!! .
أوس : اي بكاترين .
جود : ماتزعج حالك كاترين وبتعرفها مابتتغير هيك هي .
أوس : طيب تحس فيني شوي ماعم قلها تحبني ع القليلة تتقبل حبي لألها ولو شوي انا ماعم اطلب منها تبادلني نفس المشاعر يلي عم اطلبو تفهمني وتقدر مشاعري عنجد تعبت من ايمت وانا احكيلها وهي ماترد عليي.
جود : الله كريم الا مايجي شي يوم وتقدر هالمشاعر بس مسألة وقت .
أوس : مسألة وقت مسألة وقت اديش يعني لإيمت بدي ابقى عم انتظر خايف افقد أملي .
جود : طيب شو رأيك بكرا تحكيها .
أوس : كيف بدي احكيها وهي ماعم تتقبل .
جود : ياسيدي عندي خطة .
أوس : شو هي .
جود : قرب لقلك شو بدنا نعمل بكراا بس انا مادخلني من ردة فعلها انا مو مسؤول عن النتائج من هلق عم خبرك .
أوس : أنا موافق بس خبرني شلون .
جود : ياسيدي ليك شو بدنا نعمل.......
" خلص اليوم الاول من رحلتهن واتفق جود وأوس على خطة مبدئية مشان يقدر جود يقنع كاترين عسى تقتنع كل شخص نام ع مشاعر مكنونة جواتو شي أمل وشي شوق وشي تفاؤل وشي متشوق لبكرا وشو بدو يصيير "..
"اشرقت الشمس لتعلن بداية يوم جديد صحيوا الصبايا وجهزوا حالهن ليطلعوا ع السوق "
ميلا: شو وين الشباب .
كاترين : هااا ليكن جايين.
أوس وجود : كيفكن اليووم .
البنات: تمام .
أوس : جاهزين نمشي.
كارولين : يلااا.
" مشيوا سوا ع السيارات وركبوا فيهم ... راحوا تسوقوا والاجواء هادية وكانوا كتير مبسوطين طبعا البناات ماخلو شي مااشتروا تياب واكسسوارات فساتين وشناتي وكلشي بيلزمن.... كاترين اتصلت عليها امها راحت لبعيد مشان تحكيها بس لما رجعت لعندن مالقت حدا غير أوس "
كاترين : شو وينن ....وين راحوا .
أوس : خبروني انهن ماشين قبلنا ع السيارة وانا نطرتك
مشان نروح سوا ع السيارة يلاا جاهزة.
كاترين : جاهزة يلاا نمشي.
.......
كاترين : شو ويننن مافي حدا هون ناطر وين صاروا.
أوس : غريب خبروني جايين لهون .... تعي ننطرن جوا السيارة .
كاترين : اوك.
" بيجي اتصال لأوس بيشوف مين وبيحكي بعد مايخلص مكالمتوا "
أوس : جود حكاني وخبرني انو كارولين فرطتت جوع ومشيوا قبلنا ع المطعم وخبروني نحنا نلحقن بالسيارة.
كاترين : وينن بروح معن .
أوس : ما بيمشي الحال لان هنن مشيوا مع جود قبلنا وصار في فرق بيننا بالمسافة.... يلا نحنا منلحقن ومنغير جو سوا.
كاترين : ....
" شغل أوس السيارة وهو ماشي حب يدردش شوي مع كاترين "
أوس : كاترين .
كاترين " وبدون ماتلتفت ناح أوس " : امممم.
أوس : مافكرتي ؟؟؟!!.
كاترين : بشو بدي فكر .
أوس : بموضوعنا.
" بتلتفت كاترين صوب أوس وهي مستغربة "
كاترين : موضوعنا !!!!!.
أوس : كاترين لاتكسريلي قلبي بترجاكي .
" كاترين فتلت وجهها عن أوس وماردت ولا كأن حكاها شي .... أوس بيشد ايد كاترين ناحوا .... كاترين بترجع تلتفت ناحوا بعد ماسحبلها ايدها "
أوس : كاترين ضو حياتي بدونك حياتي معتمة أنا بحبك ايييه بحبك انا ماعم اطلب منك تحبيني او تبادليني نفس المشاعر بكفي تقدري مشااعري .
" كاترين سحبت ايدها من أوس وبرمت وجها فيه وقالت "
كاترين : شيلنا من هل حكي الفاضي هلق .
" أوس زاد سرعة السيارة وعصب كتييير وصار يسوق بجنون"
أوس : حكي فاضي ؟؟؟ ... فاضي انا عم احكي حكي فاضي .
كاترين : أوس هدي شوي شبك هيك منعمل حادث.
" أوس مارد عليها "
كاترين : لك أوس شو أنت مجنون شي ولا حابب تجن شو قصتك .
أوس : ايييه مجنون لأني حبيتك مجنون ومجنون كتير كماان .
كاترين : اوك خلص هدي .
أوس : انتي هيدا يلي شاطرة فيه بس تجرحي اما تداوي لاااء .
كاترين : الجرح بيداوى مع الزمن وبيطيب .... بس هلق خفف السرعة اذا بتريد.
" أوس هدي وخفف من السرعة "
أوس: شو قصدك الجرح بيداوى مع الزمن .
كاترين : ترك القصة للزمن وخلي القدر يلعب لعبتو وانا رضيانة ب يلي بيحكملي ياه القدر .
" أوس بردت أعصابو بعد ماسمع كلام كاترين وشعر بتفاؤل وأمل انو ممكن تكون ملكو بيوم من الأياام " .
أوس : اوك ماشي منشوف القدر شو كاتبلنا وانا قبلاان .
" وصلو على المطعم وأخيرا .....بعد ماصار هدوء بين الطرفين.... بعد الصراع يلي صار .....كان جود والبناات ناطرين بالمطعم دخلوا على المطعم وسلمو عليهن عادي ......بس أوس استغرب من كاترين يلي كانت اعدة عادي وكأن ماصار شي ...هو كان متوقع يتعكر جو الغدا لأن كاترين وبيعرفها ... جود كان متوقع تكون كاترين مزعوجة... لان بيعرف انو أوس بدو يفتح معها الموضوع حسب الخطة يلي حطلو ياها أنو كارولين فرطتت من جوعها وبدن يسبقوهن على المطعم مشانها ....ويلي استغرب منو اكتر انو غمز جود بمعنى حكيت معها وكان ردوا ايه ...... اتغدوا بالمطعم وكملو اليوم تسلاية .... كان جود وأوس بالفندق عم يحكو "
جود : عنجد انت حكيت مع كاترين ولا كنت عم تمزح معي .
أوس : والله جد .
جود : مو معقول ردة فعل كاترين لما اجيتو على المطعم مابتوحي بهالشي .....طيب بما انكم حكيتو شو كان ردها.
أوس : أول الشي قالتلي انو كلامي حكي فاضي ومابهمها انا كتييير عصبت عليها وجنيت ... بس هي بعدين قالتلي انو اترك القصة للقدر وهي رضيانة بحكمو ...انا بصراحة تفائلت شوي ....ايييييه وهيكاا.
جود : فرحتني .... ياسيدي الله يريح بالك .
أوس : أمين ، يلا انا رح نام بكرا عنا طريق سفر ، يلاااا تصبح على خير .
جود : تلاقي الخير .
" صار يوم جديد وكاترين ولا كأن صار معها شي عم تتصرف عادي جهزوا الصبايا والشباب ومشيوا من انقرة وقت وصلو كاترين و كارولين وميلا ارتموا فورا كل وحدة على تختها وغرقت بالنوم من السفر أوس وجود اخدو حمام سريع وأوس مشي عالعيادة وجود عالنادي صحيت كاترين عملت دوش سريع وبعدين بلشت شغل على مشروع التخرج "
كاترين : اوووف يااا شوهاد ...كتير صعب مو عرفانة من وين بلش لازم حدا يساعدني فيه.
" بقيت كاترين عم تشتغل لوقت ماصار وقت العشا تعشت مع العيلة وقضت شويت وقت بعدين رجعت على غرفتها واستسلمت للنوم " .
" كاترين عم تحكي :
صحيت من بكير عندي محاضرة لبست تيابي وحضرت حالي واجيت طالعة شفت جود نايم ماقدرت بدي استفزوا قررت صحيه من نومه .
كاترين : جوود قوم جود .
جود : 😴😴.
كاترين : ياجووووود اصحى بقا .
جود : امممم شوفي شو شايفتيني بمنامك.
كاترين : هيك شي .
جود : اديش الساعة .
كاترين : ٧ونص .
جود : شووووو .... شو جابك لعندي من الصبح مابتعرفيني مابحب حدايزعج نومتي .
كاترين : ايييه فهمنا ....خلص انا قررت .
جود : شو قررتي .
كاترين : بدك تقوم انت توصلني على الكلية مابدي السواق بدك تبقى تاخدني وتجيبني اذا ماعلمتني السواقة .
جود : شو يعني هاد عقاااب .
كاترين : هيك شي يلاااا قوم بسرعة حضر حالك لتوصلني .
جود : اوووف منك ياااه نزعتيلي صباحي ونزعتي هل مرة بمشيلك ياها بس المرة جاية يا ويلك تعمليها .
كاترين : اييه يلا قوم بلا كتر حكي هلق بتأخر انا خبرت أمينة تعملك قهوتك جهز حالك وبتكون جهزت معك ربع ساعة .
جود : كمااااان آااااه منك يامدللة .
" حضر جود حالو شرب قهوتو وراح وصل كاترين على الكلية ...."
كاترين : صباااحو ياحلوين كيفكن .
ريتا : مشتاقينلك مين هالحلو يلي وصلك؟؟؟!! .
كاترين : هاد جود اخي .
شغف : كل هالجمال موجود بأخوكي ونحنا مامنعرف .
ريتا : انتي خبرتينا انو عندك أخ بس ماخبرتينا انو حلو هيك .
كاترين : شغففف ..... ريتتا شو صرلكن مابعرفكن هيك خلص بقا اسكتوا .
شغف : خلص ياستي سكتنا كنا بس عم نعبر عن رأينا ..... ايييه تعي خبرينا كيف كانت سفرتك نشالله حلوة انبسطي ولااا لاء... شو اشتريتي .... لوين رحتي ...شو اكلتي ..
ريتا : ايه خبرينا كلشي بالتفصيل .
كاترين : هيه شبكن اليوم هدوا علي لأحكيلكن حاااج تنقو .... فظاااعة .
ريتا : سكتنا .
" خبرت كاترين الصبايا وجاوبت على اسئلتن يلي ماكانت تخلص بعدها راحوا على المحاضرة وتفاجأت كاترين باتصال من جود بعد ماخلصت محاضرتا "
كاترين : الو اي جود .
جود : كيفك وينك انتي .
كاترين : ليش اشتئتلي بدك ترجعني .
جود : لااا بدي خبرك خلي السواق بجيبك عالنادي لعندي .
كاترين : ليش؟؟؟!!! .
جود : لأني قررت رجعك معي من النادي وعلمك السواقة .
كاترين : عنجد عم تحكي .
جود : جد الجد .
كاترين : اوك انا عندي محاضرة وبعدها ....انا بطريقي لعندك .
جود : تمام ... يلا سلاام .
" خلصت كاترين مكالمتها مع جود وهي طايرة فرح ومو مصدقة أنو واخيراا قبل يعلمها .... اجا وقت المحاضرة
وبعد ماخلصت كاترين ودعت رفقاتها وراحت لعند جود وهي آخر روااق بس شو الشي يلي بيصير معها وهي بالنادي..؟؟!!!"
كاترين عم تحكي : وصلت على النادي وانا كلي نشااط وحيوية ومو مصدقة حالي طايرة فرح وقت دخلت على النادي دورت بعيوني على جود وانا عم دور بسمع حدا عم ينادي بأسمي التفتت جهة الصوت وبشوف شب بيااخد العقل اشقر عيون عسليات طويل ومهيوب جسمو مبين عليه رياضي بس انا مافهمت شو عرفوا بأسمي ترددت اني رد بس بدي اعرف مين هو وشو عرفوا بأسمي رديت عليه بالمختصر : نعم ....الشب قرب جهتي واجا يسلم عليي" .
الشب : كيفك آنسة كاترين .
كاترين : عفواا بس مين انت.
الشب : شو ماعرفتيني انا كنان يلي شفتك ناح الشط .
" كاترين عم تحكي :
انا كنت نسيانتو كلو حتى نسيانة قصتو وشايلتا من بالي حتى شكلو انا نسيانتو اصلا لما شفتو ماكان مبين لأن كان حاطط طاقية البجاما السودا وكمان مغطي عيونو بنضارات شمسية يعني مو مبين حتى تلمحيو "
كاترين : ياهلا لاتواخذني ماعرفتك .
كنان : عادي ولايهمك .
كاترين : بس شو عم تعمل هون .
كنان : بعتقد أنا يلي لازم أسال هل السؤال يعني صبية متلك شو عم تعمل بنادي هلق اكيد مو غريب تكوني بتدربي هون بس ولا مرة شفتك من قبل كوني من فترة منيحة بجي لهون وغير هيك تيابك مو للجيم كمان هاد سبب تاني لأسالك هالسؤال وإذا سؤالي مزعج بعتذر سلفاا ....أما أنا فهاد شي طبيعي اني كون بنادي رياضي هيك بظن صح .
كاترين : عادي مافي ازعاج أنا جيت لعند أخي .
كنان : ااه والله هو هون هلق بركدن بتكون صدفة حلوة وبكون بعرفه.
كاترين : اي طبعا هون هو صاحب هالنادي انا بغالب الأوقات لما بجي لشوفه بكون بمكتبه يعني ماخصني بجناح التدريب بس لما جيت ومالقيتو بالمكتب خبروني انو عم يعمل جولة قلت بدور عليه .
كنان " وعلامات الدهشة على وجه " : جود بيكون أخوكي؟؟!!.
كاترين : اي أخي في شي.
كنان : لا ولاشي عادي .
" بلمح جود من بعيد واقف " .
كاترين : يلا بلإذن ليكو اخي .
كنان : إذنك معك .
" كنان عم يحكي :
كنت عم ادرب بلمح صبية فايتة على النادي صار عندي فضول اعرف مين هالصبية يلي فايتة على نادي مافي غير الشباب دققت بملامحها لكك والله هي اي هي نفسها يلي شفتا على الشط بس غريب شو جاية تعمل هون وماقدرت إلا ناديلا وسلم عليها بعد ماخبرتني ليش هي بالنادي مااستغربت وجودها بس يلي استغربتو انو لما شفتا اول مرة كانت كتيير شايفة حالا ومابتتحاكى بس هلق العكس رايقة وعم تحكي عادي بدون تكبر عنجد غريبة هل بنت ..."
" منرجع لعند جود وكاترين "
جود : شو كنتي عم تعملي هنيك مع كنان .
كاترين : ولاشي بس مرة شفتو عالشط وسلم علي انت بتعرفوا شي ؟؟!!.
جود : طبعاا بعرفو .
كاترين : مين هو منعرف أهلو شي .
جود : هاد أسمو كنااان .
كاترين : بعرف .
جود : مهندس معماري .
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h