الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *جمرة.عشق.tt* ❤️🔥
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
لميا : يا كاترين اصحي مشان تروحي ع الدوام .
كاترين : اي ماما انا اليوم مو رايحة غير لتاني محاضرة اول محاضرة عندي ياها نظري .
" انا كاترين بعرفكن عن حالي صبية عمري ٢٣ سنة عم ادرس هندسة عمارة سنة خامسة بقولو عني حلوة كتير بس انا بشوف حالي عادية وبالنهاية الجمال من عند الله "
لميا : تمام حبيبتي حضري حالك ع الفطور .
كاترين : يلا ماما بس اعمل دوش ونازلة زكاتك قولي لامينة تحضرلي النسكافيه .
" وطبعا امينة الخادمة "
لميا: تكرمي حبيبتي .
" وبعد ما كاترين عملت دوش وشربت النسكافيه نزلت ع الفطور والعيلة كلها مجتمعة "
كاترين : صباحو ياحلوين ، كيفكن اليوم .
لميا : صباحو مامي ، الحمدلله تمام .
يحيى : " ابوها لكاترين " صباحو ياقمري ،منيح بوجودك .
كاترين :"تقبل ابوها " يخليلي ياك انت ومامي .
جود :" اخوها لكاترين " اهلين بالمشاغبة والله .
كارولين :"اختها لكاترين " مو بس مشاغبة ومدللة كمان شو يعني اذا اخر العنقود بتكون ساحبة الدلال كلو وانا وين رحت " وهي متجاكرة " .
كاترين : انتي الاصل كوكة حياتي .
يحيى : يخليلي ياكن يا شمعة عمري .
جود : ايواااا وانا يعني وين رحت " وهو عم يصطنع الزعل"
لميا: تؤبر البي انت وحيدي وبدونك البيت مالو بهجة
"بتسكت شوي وبتحكي "
لميا : يلااا حاج ثرثرة خلونا ناكل برد الشاي .
"بعد الفطور بتروح كاترين ع غرفتها يلي هي بالطابق التاني من الفيلا وبتبدل تيابها لتروح ع الكلية "
كاترين : سلااااام ياحلوين انا رايحة ع الكلية عندي عملي بدكن شي ؟!! .
جود : الله معك يامشاغبة .
كارولين : تعي منروح سوا انا طالعة ع المكتب بوصلك بطريقي .
كاترين : ايه لكن حاااج تذكريني بمعاناتي " بتطلع ناح جود وبتحكي" وانت شدلي حيلك شوي مشاان تعلمني السواقة ع السيارة يلي جبلي ياها بابي ع عيد ميلادي ولهلق ماجربتاا .
جود : لأفضى من شغلي شوي عندي ضغط " طبعاً بتهرب ".
كارولين و كاترين : يلا سلااام ، باي .
لميا ويحيى : " بصوت واحد " مع السلامة .
جود : باااي .
" بيطلعوا كارولين وكاترين سوا وبيبقى جود وامه وابوه "
جود بيحكي : يلااا وانا كماان رايح ع شغلي سلاااام .
يحيى : مع السلامة انتبه ع حالك ع الطريق وخفف سرعتك .
لميا: مع السلامة ياقلبي .
"وصلت كارولين كاترين ع الكلية "
كاترين : هاي صبايا ، شو الاخبار ، حضرتو النظري ؟!.
شغف : " رفيقة كاترين " اي حضرناه بس مافي شي مهم منيح يلي ما اجيتي .
ريتا " كمان رفيقة كاترين " : هاي كاترينو، اي عنجد مافي شي مهم والمحاضرات بتاخدين من المكتبة .
شغف : يلا يا صبايا مو باقي غير ربع ساعة عالعملي خلونا نمشي .
" وراحو الصبايا ع المحاضرة ......"
" منرجع لعند جود يلي طلع من البيت حاطت السماعات عالطريق يسمع اغاني ومنعزل عن ضجة الطريق ، وصل على شركة ابوه يلي هي تجارة السيارات وهو فارض هيبتو على كل الموجودين بجمالو و بشخصيتو القوية ، توجه لمكتبو الخاص وبلش حكي مع السكرتيرة "
حلا "سكرتيرة جود " : صباح الخير استاذ.
جود: صباح النور قولي لابو عمر يحضرلي فنجان القهوة الاميركية .
حلا: حاضر استاذ .
"وهو داخل ع المكتب بتسألو السكرتيرة حلا "
حلا: شو مشان الاجتماع استاذ ؟؟
"وهو فايت وبدون ما يلفت وجهه ناحيتا "
جود : تمام ، لاشرب قهوتي بتخبري الكل مشان ماحدا يتأخر مو ناقصني انزع صباحي مشان حضرتهن اوك .
" ومنرجع لكلية كاترين وبعد مرور ٤ساعات "
كاترين : واخيراااااااا خلصنا اووووف شو كانت طويل
ومتعبة هل محاضرة ، عنجدد تعبتت .
ريتا : وانا والله فرطتتت ، شو رايكن صبايا نروح نشرب شي وبعدها نتغدى ؟؟؟!.
شغف : اي والله انا موافقة فكرة حلوة وبتجنن خلونا نخبر اهالينا .
كاترين : " عم تحكي مع امها ع الموبايل " الوو مرحبا مامي كيفكك حياتي شو ما شتقتيلي ؟؟!
لميا : هلا حبيبتي ،منيحة بسماع صوتك ، مبلا اشتقلكك كتير .
كاترين : اي مامي حياتي بس قلت لحالي لخبرك انو ما تستنوني ع الغدا ماني جاية بدي اطلع مع رفقاتي اتغدا بالمطعم .
لميا : الله معك حبيبتي ، وصحة وهنا سلفاً..
" وبهيدا الوقت بيكونوا الصبايا خبروا اهاليهن "
شغف" بتقول للصبايا وهي متحمسة " : يلااا خلونا نمشي متتت جوع منروح بسيارتي.
ريتا وكاترين : اوكي يلااا .
"راحوا الصبايا ع المطعم وطلبوا عصير فريش "
ريتا: اووووف بردت اعصابي وهديت من كتر التعب .
شغف: ايه وانا كماان .
كاترين : خلونا نقرر شو بدنا نتغدى لبين مايخلص العصير .
شغف : انا جاية ع بالي كوردون بلو .
ريتا: وانا كمان بدي اطلب فرانشيسكو وجنبو سلطة .
كاترين : انا بدي وحدة برغر وجنبها بطاطا.
" وبعد ماشربوا العصير اجا الغدا بعد كل هل التعب والجوع"
ريتا: يالطيف ع الجوع واخيراا اجا الاكل باين من منظرن بشهو .
" بتتصل لميا بكاترين "
لميا: مرحبا مامي، بدي اسألك ايمت جاي ع البيت .
كاترين : خير مامي في شي .
لميا : لا حبيبتي بس كنت بدي خبرك انو جاية لعنا عمتك ع العشا مشان تجي قبل بوقت .
كاترين : ايه مامي بخلص غدا وبجي ، سلااام مامي.
لميا : يلا روحي حبيبتي الله معك .
ريتا : شو امك يلي اتصلت؟؟؟
كاترين : اي مامي.
شغف : خير في شي ؟؟؟
كاترين : لا ولاشي.. بس عم تخبرني انو عمتي جاية لعناا.
ريتاا: هي عمتك يلي ابنها دكتور .
كاترين : اي مين غيرها يعني عمتي التانية بالسفر
شغف : يعني اليوم ح تشوفي العاشق المتيم .
كاترين : ايي يابعدي ريتني اتهنى بهيك شوفة .
ريتا : حرام عليكي ليش هيك عم تحكي عليه للشب .
كاترين : تعي اليوم كوني كاترين ليوم واحد مع مدايقاته .
ريتا : انتِ الحق عليكي من اول مرة قلك فيها بحبك صديتيه من غير ماتعطيه او تعطي حالك فرصة .
شغف : اي عنجد كاتو ليش عملتي هيك يعني ماشالله حوله دكتور عندو عيادة وغير العيادة شريك بمشفى .
(ريتا بتكمل عنها ) : هي من جهة العلم والشغل اما من جهة الجمال فعندو كاريزمة وشخصية كافية لأي بنت تشوفه وماتتغزل فيه .
شغف : ولأنه دكتور محافظ على حاله وعلى جسمه مابتشوفي اخوكي شو بقلك عنه واديش بيجي محافظ على الدوام بالجيم .
كاترين : ايمت وكلكن لدافعو عنو وتقولولي صفاته حتى اغرم فيه .. انا لما بدي حبه مارح انطر حدا يمدحلي بصفاته او شبوبيته ولا رح انطر رأي حدا بقراري بس حاليا انا عنجد ما بخبيلو بقلبي اي مشاعر صح انا بحبه بس هو بيبقى ابن عمتي ومشاعري اتجاهه لسا ماتجاوزت حبي قلو كأبن عمة ...وبسس فينا نتهنى بالأكل اذا بتريدو .
ريتا : اوك على راحتك .
شغف : متل ماقالتلك ريتا .
كاترين : اممممم ياويلي شو طيب الأكل .
شغف : عنجد ولا أطيب من هيك .
ريتا : هل مطعم شلل هو وأكله .
" بعد ما خلصوا غدا دفعوا الحساب وصلتن شغف بسيارتها "
" رجعت كاترين ع الفيلا وشافت امها اول ما وصلت "
لميا: اهلين حبيبتي .
كاترين : اهلين فيكي مامي ، شو مناسبة جية عمتي اليوم ؟؟ .
لميا : مافي مناسبة خبرتك جايين عالعشا .
كاترين " بملل " : ايي خير انشالله .
لميا : شبك كأن مو عاجبك .
كاترين : لا مو عاجبني بتعرفيني ماكتير بحب احتك بعيلة عمتي او كون موجودة لما يكون ابنها المصون .
لميا : لككك امي شبك عيب بيبقى ابن عمتك ، الشب حلو عين الله عليه دكتور جراحة قد الدنيا... بعدين مشاغله كتيرة يعني ممكن مايجي مع اهله اليوم ويكون عندو دوام بالمشفى .
كاترين : اي اي دكتور وغليييظ ، قلتيلي مشغول مو اليوم منشوف حضرة الدكتور اذا جاية او مشغول بالمشفى تبعه ... بعدين كم مرة قلتلك مابحب الخطبة التقليدية .
لميا: لكك ياكاترين شو غليظ ماغليظ واي خطبة تقليدية هي الشب بيحبك وكل العيلة حاسة عليه عيونه فاضحته ولو كانت تقليدية متل ماعم تحكي كنتي من زمان خطيبته وعلى اسمه .
كاترين : طيب امي خلص مليت من هالسيرة لسا مين مابشوف بصيرو بدن يمدحولي فيه وبأنجازاته كأنو ماحدا كامل هالقد غيره ، انا طالعة عالغرفة استريح قبل ماتجي عمتي وابنها المصون .
" تعريف صغير عن ابن عمتها لكاترين اسمو أوس دكتور جراحة مكمل دراسات عليا بأميركا عندو عيادة وشريك بمشفى مع رفيقه ، ابيض ولحيتو سودة وجسمو رياضي يعني حليوة "
" كاترين وهي طالعة ع الدرج بترجع بتلتفت ناح امها"
كاترين : ماما وين جود ما رجع لهلئ ؟؟.
لميا : اخوكي كان عندو اجتماع حاكيتو لما خلص وقلي رايح عل النادي ؛ يلا حبيبتي طلعي ارتاحي ماعاد في وقت .
كاترين : يلا باي .
"كاترين عم تحكي بقلبها "
" بعد ما طلعت ع الغرفة وغيرت تيابي ارتحت شوي وطلعت اللابتوب وبلشت اشتغل ع المشروع ، وانا وعم اشتغل بتدقلي كارولين "
كارولين : هاي كاترينو ، كيفك ؟؟.
كاترين : اهلين كوكة ، مشتاقتلك ،وانتي كيفك ؟
كارولين : مشتاقتلك حبيبتي انتي وينك ؟
كاترين : انا بالبيت ليش ؟!
كارولين : ولا شي حبيبتي ،كنت بدي رجعك معي وقلت منتسلى سوا لاني مالة كتيرر .
كاترين : اي تعي تعي كوكة جاية عمتك لعنا رح تتسلي احلا تسلاية .
كارولين : مين عمتك؟؟
كاترين : مين غيرهاا ...عمتك نور .
كارولين : ههههههههه هلئ عرفت ليش هيك عم تحكي ،يلاا معناها جاية ،يلا سلام .
كاترين : سلاام .
" رجعت كاترين تشتغل ع لابتوب هيك لحتى مضى الوقت وصار موعد الزيارة راحت كاترين لتغير تيابها ، غيرت تيابها وخلصت ووقت طلعت من الغرفة شافت جود طالع من غرفتو يلي قريب من غرفتها "
جود : شو هالحلو لابسة ومتأنقة شايف .
كاترين : بالله شو انا طول عمري بلبس وبتأنق.
جود : امممم..... قلتيلي ولا مشاان السيد أوس ؟؟!!!
كاترين " عم تحكي وهي متجاكرة وبلشت تعصب " : جود كرمال الله مو ناقصتك انت كماان واصلة معي لأقصى درجة من الصبر يعني اذا لسا سمعت حدا عم يجيب هالسيرة جنبي ممكن شيل هالفازة واضربه فيها و انت بتعرف منيح موقفي من هل القصة فأكيد مافي داعي البس واتأنقله.
جود " بيحكي وهو عم يخفي ضحكتو " : اي خلص خلص لاتعصبي امشي نازل معك ال اقصى درجات الصبر قال ح تاكلينا بلا ملح .
" نزلوا مع بعض لتحت وشافو العيلة مجتمعة "
يحيى : خير شو عم تخططوا انتو التنين صواتكن طالعة بالعالي ؟؟
كاترين : لا ولا شي بابا بس هاد جود متل عادتو عم يتغالظ .
جود : بلله جد .
كاترين : ايي والله جد .
لميا : يلا ماما تعالو عمتكن ع وصول .
كاترين : وينها كارولين مو مبينة ، شو مارجعت ؟!!.
كارولين : ليكني انااا هون .
" عم تحكي وهي نازلة من ع الدرج ".
"بهاللحظة بيندق الباب"
لميا: أمينة افتحي البااب .
" بتفتح أمينة الباب وبيطلع الي ع الباب نور عمتها لكاترين هي وعيلتها"
نور : مسا الخير .
يحيى : مساالنور .
" وطبعا بعد السلام واللقاء بتجتمع العيلتين بالصالون وبيتبادلوا الأحاديث وبعدين بتطلع الصبايا ع جنينة الفيلا "
ميلااا " بنت نور " : اييييه شو الاخبار .
كاترين: ولاشي بهل الدراسة .
كارولين : وانا بالشغل .
" بتسكت فترة كارولين بعدين بتحكي "
كارولين : لك مو معقوول اديش في ملل شو رأيكم نظم شي طلعة نتسلى فيها ؟!.
كاترين : اي عنجد مو طبيعي الملل .
ميلاا: اي تماام معناها تعو نقرر من هلأ شو مخطط المشواار .
" بهالوقت بيجو الشباب جود و أوس لعند الصبايا"
أوس : شو عم تطبخوا .
(كاترين قالت بقلبها يا حبيبي ماكان ناقص الا هو بهل القعدة )
جود : شامم ريحة خيانة بالموضوع .
كارولين : أهلين شباب ، مافي لا خيانة ولا طبخة .
أوس : لكن شو عم يصير .
كارولين : القصة ومافيها اني مالة واقترحت على الصبايا نروح شي مشواار نتسلى .
أوس : ياسلاام اذا هيك نحنا معكن كماان .
ميلا: معناتا تعالوا نتفق ونخطط سوا.
" بيقعدوا الشباب مع الصبايا جنب المسبح وبيبلشوا يخططوا طبعا كاترين بما أنو أوس موجود ماعم تشارك معن بالحديث مشاان ماكتير تاخد وتعطي معه"
كارولين : شو رأيكم نروح بالويكند على أنقرة .
ميلا: فكرة حلوة ومنعمل shopping شو رأيكم أنا من جهتي موافقة وانتواا؟!!.
كارولين : اهم شي ال shopping 🛍 تبعك .
ميلااا : اييي في احلى منو هلئ شو موافقين .
كارولين : أنا موافقة .. ومن عندي بحكي عن كاترين موافقة .
أوس : وأنا و جود موافقين.
" بعد مااتفقوا من تخطيطاتهم بيروحوا ع الصالون مشان يخبروا العيلة انو قرروا بعد يومين بدهم يسافروا ع انقرة "
ميلا : ماما ، بابا ، خالو ، مرت خالو قررت أنا والشباب والصبايا نسافر ع أنقرة نغير جو .
يحيى : وشو هل القرار المفاجئ.
كارولين : مالين وحابين نتسلى .
تيم " زوج نور " : بالتوفيق الله يسعدكم يارب .
ميلا: تسلملي بابي .
نور : اعملوا يلي بيسعدكن .
يحيى ولميا : بالتوفيق انشالله .
كاترين : يلا أنا رايحة ع المطبخ شوف إذا جهز العشا .
" بتروح ع المطبخ وبيلحقا أوس
بتشوف اذا جهز العشا وبتعطي أوامر بالناقص ليكملوه الخدم بس بعد ماتعطي الاوامر "
أوس : لوسمحتي أمينة خدي الكل لبرا وروحوا .
أمينة " الخادمة " : حاضر بأمرك .
" بعد مابيطلع الكل أوس بسكر الباب وبيقفلو بالمفتاح "
كاترين " بخوف " : لك شو عملت انت ليش طلعت الخدم لبرا وقفلت الباب علينا انت مجنون؟؟؟!! .
أوس : هئ .
كاترين " بعصبية " : برودة الأعصاب يلي عندك مو طبيعية أوس عم اسألك ليش طردت الخدم لبرا لككك وليش سكرت الباب خلينا نطلع مشان العيلة شو بدها تقول إذا شافتنا لحالنا هون ؟؟ .
أوس : يقولوا شو مابدهن ماحدا دخلوا .
كاترين : لو سمحت أوس بعد مشاان مايجي حداا هلق .
أوس : مارح تطلعي من هون قبل ماتخبريني ليش هيك عم تعملي .
كاترين : ماعم اعمل شي انا .
أوس : من اول ماجينا عم تتجاهليني وتتجاهلي نظراتي قعدنا وعم نحكي ونتفق على طلعة وانتِ ولا كأنك موجودة معنا ولا عم تحكي وتشاركي .
كاترين : اي عادي مو جاية عبالي احكي ..ضروري احكي يعني المهم عم اسمع .
أوس : لا مو مشان هيك انتِ كنتِ ماعم تحكي او تقولي شي كرمال مايكون في بيناتنا اي حديث او كلام .
كاترين : الله على استنتاجاتك يا محقق كونان .
أوس: كاترين بلا مسخرة انا شفتك من بعيد قبل ما اوصل لعندكن انا وجود كيف كنتي عم تحكي وتاخدي وتعطي بالحديث مع ميلا وكارولين بس بعد ماوصلت سبحان الله معد جاية عبالك تحكي قولي انك مابدك تحكي لأني موجود وحتى مايكون بينا اي حديث ولأنك مابتحبي تحكي حتى ولو كلمة معي قوليها ليش عم تتهربي وتخترعي كلام مالو اصل من الحقيقة .
كاترين : اييه ياسيدي ماحكيت كرمال ما احكي معك .
أوس : مابعرف انتِ شو مجرد الحديث مستكترتيه عليي متجاهلة نظراتي متجاهلة مشاعري متجاهلة كلشي بمد الي بصلة لو بصحلك بتهربي من المكان يلي بكون فيه حتى .
كاترين : لو بصحلي مابقصر صدقني .
أوس " بترجي " :لككك كاترين افهميني مشاان الله افهمي مشاعري وقدريهن لككك ولوو بنسبة قليلة بس مو هييك انتِ عم تقتلي روحي عالبطيء .
كاترين : انت افهمني انا ويااك مستحيل نكون لبعض ، صح انت دكتور وناجح بمهنتك بس انت مانك الشخص يلي بشوفوا مناسب .
أوس : طب ليش ماني مناسب ؟!!.
كاترين : أنا بدي شخص حبو ويحبني مابدي حبو غصب عني فهمنيي.
أوس : بس أنا ماعم قلك حبيني غصب عنك انتِ حاطة هالفكرة ببالك ومابعرف اصلا منين جايبتيها كاترين انا بحبك .
كاترين : خلص مشاان الله حااج حكي فاضي .
" كاترين بتلف وجهها لجهة الباب وبتحاول تروح مشان تفتحوا بس قبل ماتكمل خطواتها بيستوقفها أوس وبيمسك ايدها وبيشدها لعندو"
أوس " وهو عم يحاول يخفي عصبيتو " : لو فتلتي العالم كلو مارح تكوني غير الي انا وبس .
كاترين " بترجي" : خلص أوس بعد عني ارجوك تركني بحالي شو صرلك جنيت فجأة .
أوس :......
كاترين " بترجي " : أأأووس لطفاً... عم توجعني .
أوس : عمم تتوجعي ااه عم تتوجعي مهيك صدقيني وجع ايدك هاد مو شي من وجع قلبي يلي انا عايش فيه .
كاترين : اووك بفهمك بس ترك ايدي .
أوس (بيضحك ) : ضحكتيني وربي بتفهميني ؟؟؟! انتِ بتفهميني ؟؟!! . ليش انتِ ايمت حاولتي تفهميني .
(قرب من اذنها وهمس ) .
أوس : الجمر يلي عم انكوى فيه مابيطلع قد ربع الوجع يلي انتِ فيه انا صح تركت ايدك بس وحررتك من هالوجع بس انتِ أسرتيني بوجع اكبر من يلي كان.
كاترين : موبقصدي والله مو بقصدي انا اكيد مابحب سبب الوجع لحدا فكيف اذا كان هالحدا بحبني ..أوس بعد عني وجودك وانت قريب مني هيك بوترني.
(بعد عنها وطلع فيها لصار وجهه مقابل وجهها وقريب كتير منها لدرجة قدران يسمع نبض قلبها ) .
أوس : طيب ماشي ياكاترين رح خليكي تروحي هلئ ويكون بعلمك انا بحبك ويلي بيحب بيداوي مابيجرح وبحب قلك هلق قدرتي تهربي بس بعدين مارح تهربي مني أبدا .
" أوس بيترك كاترين و بيطلع على الحديقة من باب المطبخ يلي بيطل عليها"
"أوس عم يحكي بقلبه : ماقدرت اتحكم بتصرفاتي لما بكون معها بفقد السيطرة على تصرفاتي رغم اني بحاول كتير كون مسيطر على كلامي وتصرفاتي بس دائما بضعف وبستسلم لقلبي هي بتعرف اني بحبها وعم تتجاهل هالشي لما سمعت نبضات قلبها من خوفها بقربي منها مابعرف شو صرلي ضعفت وسرقت من شفافها بوسة وتركتها ومشيت وهي واقفة وكأن حدا عاطيها أوامر بأنها تبقى على نفس الوضعية وماتعطي اي ردة فعل واقفة محتارة بتصرفاتي الغير مسؤولة والمزاجية كل لحظة بمزاج غير يلي قبله مرة بعصب منها ومرة بحبها وبضعف قدام قلبي بترجع بتقول اي كلمة تستفزني وبرجع بعصب اكتر من قبل بس لما بشوف وجهها الملائكي مابقدر اتحكم بعصبيتي اكتر الحل المناسب حتى ما اضعف جنبها اكتر اني تركتها وطلعت من الباب التاني للمطبخ يلي بطل عالحديقة الخارجية للفيلا ورجعت مشيت للمسبح لدخن وريح نفسي شوي ".
"كاترين عم تحكي : قعدت مع العيلة وانا متوترة من أوس وكلامو قطع علي شرودي كلام ميلا معي " .
ميلا : كاترينو وينو أوس شفتو مشي ع المطبخ ؟!!.
كاترين : اي دخل ع المطبخ وطلع بعدها ع الحديقة يدخن غالبا.
"ومنرجع لعند أوس يلي رجع ع المسبح يهدي أعصابه بالدخان واجى جود لعنده"
جود : خير ليش رجعت لهون .
أوس : ولاشي حابب شم هوا .
جود : هيك لكن قلتلي.
أوس : اي هيك لكن في شي تاني .
جود : لاتعصب هدي ع حالك شوي .
أوس : ماني معصب .
جود : اي خلص خلص ماشي بس اجيت مشان خبرك انو العشا جهز .
أوس : تمام هلئ بجي .
" تعشت العيلتين وكملو سهرتهن سوا وكاترين وأوس عم يتجاهلو بعضهن حتى النظرات انعدمت بينهن .. خلصت الزيارة وبدهن يودعوا بعض"
تيم : يلا تصبحوا على خير .
يحيى : تلاقوا الخير .
لميا : الله معك نورا.
نور: تؤبشيني والله مابينشبع منكون .
" بيسلم أوس على كاترين وبيهمس بالقرب منها"
أوس : تصبحي على خير يامعذبتي .
كاترين:" وهي عم تحاول تغيظه" وانت من أهلو دكتور أوس .
" أوس بيتجاكر من كاترين وبيطلع على سيارتو بشغلها وهو معصب ".
جود : " وهو موجه حكيو للعيلة" يلا بونوي .
يحيى : ليلة سعيدة للكل.
" كاترين بقلبها عم تحكي : اي واضح شو ليلة سعيدة"
" بتطلع كاترين ع غرفتها وبتسكر الباب بعد اللحظة بيندق الباب وبتكون كارولين بتفتح وهي نص جسمها جوا الغرفة نص التاني برا "
كارولين : هاي كاترينو .
كاترين : اهلين كوكة فوتي .
" بتفوت كارولين لعند كاترين وبتتربع جنبها ع التخت "
كارولين : ايييه شبو الحلو زعلان .
كاترين : مو زعلانة ولاشي .
كارولين : وإذا قلتلك انو غير هيك .
كاترين :....
كارولين : كاترينو لاتخبي علي انا بعرف إنك مو على بعضك من لما رجعتي من المطبخ وقت شفتي الخدم اذا خلصو تجهيز السفرة يعني من قبل العشا كمان .
كاترين :....
كارولين : أوس صح ؟!.
كاترين : اي الزفت أوس .
كارولين : اووف اوف ليش عم تقولي الزفت شو عمل .
كاترين :خلص ولاشي شكلي عم زودها .
كارولين : بس هو شب منيح لا تظلميه.
كاترين : والله ماني عرفانة مين عم يظلم التاني .
كارولين : أنا برأي فكري شوي بجدية هو بيحبك ومارح تلاقي حداا بيحبك متلو .
كاترين : ....
كارولين : خلص واضح انك مدايقة مارح اضغط عليكي اكتر ، يلاا بونوي.
كاترين : بونوي.
" كاترين بتحكي: اوووف شو كان نهار طويل حتى اني مالي قدرانة نام من كلاام أوس "
____*_*..
" تاني يوم كان يوم جمعة "
" كاترين بتحكي : صحيت الصبح بكير فيني قول انو مانمت منيح لأصحى شفت الساعة اووو ماعاد معي وقت قمت ع السريع عملت دوش ونشفت شعري بالسيشوار وعملتو ديل حصاان لبست بجامة الرياضة وبوط الرياضة ونزلت شوف أمينة "
كاترين : أمينة حضريلي ماغ النسكافيه .
أمينة : حاضر .. بتأمري شي تاني؟؟.
كاترين : اي بس تصحى ماما خبريها اني طلعت .
أمينة : بتأمري .
" ولوقت ماحضرت أمينة النسكافيه اخدته معي وطلعت من الفيلا"
" طبيعة كاترين بتحب تروح ع الشط مشي سريع وحاطة السماعات وعم تتسمع ع الموسيقا وهي عم تمشي فجأة بتحس بحدا عم يدق على كتفها"
" كاترين عم تحكي :
كنت عم اركض شعرت بحدن عم ينقر على كتفي التفتت بخوف شفت شب لابس طاقية بجامة رياضة سودة ومغطي عيونوا بالنظاراات الشمسية مومبين منيح تلاميحو "
كاترين " بقلق": خير في شي .
الشب: لا ولاااشي ... بس شفتك عم تركضي ووقعت من جيبة جاكيتك ورقة ناديتك كتيير ماسمعتيني .
كاترين : اوك شكرا.
" بتجي كاترين تمشي بوقفها الشب بكلامو معها من جديد "
الشب : عفواا بس ماعرفتيني على حالك .
كاترين : عفوااً ... بس شو المناسبة .
الشب : ولاشي عادي يعني ... ومشاان تكوني مرتااحة بعرفك عن حالي أنا اسمي كناان .
كاترين : ااااااه تشرفت فيك.
كنان : لسا ماطمنتي تخبريني اسمك !!!.
كاترين : اسمي كاترين يلااا سلاااام.
" بتقول كاترين اسمها وبتمشي وبتترك كنان بحيرتو"
" كنان عم يحكي بنفسه :
شو هل البنت المجنونة عنجد غريبة بس ياويلي شوهل الجمال جمالها بيسحر لون عيونها الأخضر بيشل .... ولااا شعرها البني الطويل المخسل بالأشقر ... بياضها يلي متل حب اللولو عم يزيدها سحر .... مو طبيعي جمالها سحرني ... شبك كنان اصحى شو عم تحكي .... بس مومعقول اديش شايفة حالهاا؟؟؟!!!!.
" بكمل كنان الرياضة الصباحية المتعود عليها "
" عند كاترين " ( كاترين عم تحكي مع حالها )
كاترين : اووف منك يا أوس خليتني أحكي مع العالم بنكد مع أنهم مادخلهم بشي.
" بعد ماخلصت كاترين الرياضة رجعت ع الفيلا وكانو الكل مجتمعين "
كاترين : صباحوووووو ياحلوين .
يحيى : صباحو ياقمري ليش ماخبرتيني انك طالعة ؟؟! .
كاترين : بابا شو نسيان انو انا كل جمعة بعمل رياضة الصبح .
لميا : يلا مامي حياتي طلعي بسرعة بدلي تيابك ونزلي بكون جهز الفطور .
" وهي طالعة ع الدرج باتجاه غرفتها بتشوف جود "
جود : هاي يا مشاغبة ، شو وين رايحة من الصبح .
كاترين : أهليين بالغليظ ، أنا هلق رجعت يا اجدب كنت عم اعمل رياضة .
جود : اي يلاا بسرعة بدلي تيابك لأنو العيلة مابتفطر بدونك يا مدللة .
كاترين عم تحكي :
"بدلت تيابي ونازلة افطر مع العيلة وانا نازلة شفت كارولين "
كارولين : شو راق القمر .
كاترين : بوجودك دايما رايقة .
كارولين : لكككك يخليلي ايي ... يلا مشي ع الفطور .
يتبع ....
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h