الفصل 10
*– ࢪوايــة :«وصــِال الــســبــِـِـِع ».*
*– البـاࢪت :« ⁷ ».*
*– اللۿجـه :« سوريــِـِـِۧـة ».*
*– الڪَاتبه :« سجــِـِـِۧـِى ».*
ــــــــــــــــــــــــــــــــــــــــــــــــ
*قناه : روايات واجمل الحكاياتֶָ،،𖢐📓🌸᪥𖠣⸰..*
```https://whatsapp.com/channel/0029VaM8CnBJ93wMgXUgXd2o```
: *بـاشراف : ۿيبـ♔︎ـهۂ،بروفيسـ𓂆ـور⁽ ͢ᵛᵎᵖ٣³.*
*𝖒𝖆𝖒𝖔𝖔𝖓⁽ ͢ᵛᵎᵖ*
*____________*
- *كروب تلبيه روايات مستندات𝐏𝐃𝐅*
```https://chat.whatsapp.com/Iue5BSpL03dEBEAEndEYFG```
*ــــــــــــــــــــــ*
> *الروايه لاتلهيڪم عن الصلاھ اللهم بلغت اللهم فأشهد .*
*____________*
••
.الجزء السابع
(قتادة)
دخلتي للشركة قدام عيونهم كانت سبب كافي لتجلطهم وانها تعمل حرب الها اول مالها اخر، دخلت لمكتبي وماني طاسس حدا وحتى قبل لادخل اخدت كاس القهوة، وقفت بحد المكتب لشوف اليوم شو الملفات يلي مجمعة عالطاولة قدامي وبايدي التانية لسة بشرب بالقهوة الا باب المكتب بينفتح لاخرتو.وبدخلو قسام ووسام والغريب انه الفردة التالة هشام مانو معهم مع اني لمحته بالمكتب معهم
قتادة..خير يا طير
قسام..بكل وقاحة فايت عالشركة
قتادة..مكان شغلي فيك تمنعني؟؟
وسام. يا بتنقلع من الشركة يا بتطلق اختنا
قتادة. انتو متاكدين انها اختكم؟ وانكم اخوتها؟؟!
وسام. مو وقت هضامتك قتادة
قتادة. اذا بتحب بنشيل الهضامة ع جنب وبنجيب العضل لو بدك
قسام. سو عم تهدد كمان
قتادة. لا شوف ما احسن ديمقراطي عم بخيركم.اي لغة بتحبو حاكيكم فيها
وسام. اخر مرة بقلك يا بتنقلع من هالشركة يا بتطلق وصال
قتادة. اي اسم وصال ازبط من اختكم حاكم مرتي ما بشرفها اخوة متلكم
كان ع شوي رح يتهجم عليه بس دخلة حسام ومعاه هشام
حسام. اختكم انجوزت وهلق جايين لحتى تخربو بيتها شو بدكن فيه للزلمة
قسام. شو سيد هشام من وينتا انت بصفه لهاد
قتادة..اسمع انت وباه وياه، الشركة شركتكم وانا رئيس مستشاريها هي وغيرها من باقي الشركات، طلاق ما بطلق واختكم مرتي وصارت ع كنيتي وصال السبع، ان بدكم اترك الشركة انا جاهز لكن حطو ببالكم العقد يلي بيننا دائم مو سنة وسنتين ويلي بفسخه هو بتحمل النتائج ان جاهزين تدفعولي المبالغ ما عندي اي مانع بالعكس بطلع ربحان
هشام. ما بدنا اختنا تطلق
اتطلع فيه وانا بشف شفة القهوة ورافع حاجبي وقلتلو. منيح والله متحسنة اخلاقك
حسام. قتادة نحنا ما بدنا غير اختنا تكون منيحة ومرتاحة
قتادة. اريح من هيك رياحة مستحيل بكفي ارتاحت من لسان نساوينكم، لمهم انت وياه يلي راكبين روسككم قررو بخصوص العقد وبعتولي خبر وهلق عن اذنكم عندي شغل بشركة مدامتي وصال
حطيت القهوة ع المكتب وقلت. وسام قسام القهوة لسة سخنة ازا بتحبو تكفو الكاسة بلكي بالكافيين صحيتو عحالكم.وفتح.مخكم
حملت حالي وطلعت وقلبي بردان ويلي جيت كرمالو اليوم عملتو، بعتت رسالة وانا لسة رايح ناح المخرج للسكرتيرة تبعتلي كل الملفات لاشتغلهم بالبيت 😂 لانه اصلا مالي شغل اليوم بالانشاءات بس هيك مجاكرة فيهم لهدول الجوز خليهن يطقو
رجعت للبيت ومن وسط الساحة سامع صوت تامر حسني وهو بغني ببيتنا، فتحت الباب واذ بشوفلكو هالشوفة
وحدة رابطة شعراتها بطريقة مالها اي صلة بالترتيب، حاملة سكين وعمالها ترقص وتغني . كل مرةة بشوفك فيها يبئى نفسي آه ياا آه
كانت ترقص وتبرم ونا قدمت لعندا وناديت. وصاااال
لفت بسرعة والسكين صارت مقابيلي
قتادة. الله لا يجبرك كان روحتيني
وصال. انت شو مدخلك هيك
قتادة. انتي لشو معلية صوت الاغاني هيك ليش هيك شكلك ولا السكين شو بتعمل معك بالصالون هاي للمطبخ
وصال. لك عم بطبخ
قتادة. يا عيني ملا طبخة وانتي بترقصي وياريت لو بمكان الطبخ
وصال. لك شو عاملة اكلةة رح تاكل اصابيعك وراها
قتادة. لا انتي شكلك رح تخليني عض اصابيعي ندم ع جوازتي منك
وصال.😌😌 ييي يصحلك اصلاا
رفعت حاجبي ع طريقتها الطفولة قربت اكتر واتجرات حطيت ايدي ع خاصرتا وقربتا مني وقلتلها. اي ما هو صحلي ليكك عندي
وصال. قتادةة شو بتعمل ما بصير بعد عني
قتادة. ليش بالله
وصال. نحن اتفقنا صح
قتادة. هالشي محطوط بشروط الزواج عالورق؟
وصال. لا حكينا حكي
قتادة. لكان ما في دليل والحكي بطير مع الهوا
وصال. قتاااادة لا تنسى مو انت السبع عاساس وحكى رجال بعد عني
قتادة..هههههه كانه في شي عم يحترق
انتفضت بعدت عني وركضت دغري لجوا
وصال. ولييي الله يبعتلك حمى ع شوي كان احترقو
قتادة. كان احترقو بسبب قلة انتبهاك يا
وصال. عيريني سكوتك شوي
قتادة. وين ستي
وصال. اجى اخدها عمي ابو مازن معزومة اليوم عندهن
قتادة. غريب ما خبرتني هاي اول مرة بتتركني هيك وبتروك بلا خبر
وصال. تاركتك بين ايدين امينةة
قتادة. اه اما شو ايديين بدهن تكسير كانو رح يجيب اخرتي بالسكين وهلق حرقو الطبخة
وصال..ولكك لا لا ما احترقت تعى تعى شوف
دخلت عندا وهي واقفة بحد.المجلى مسكت معلقة داقت الرز
وصال. طول معلقة للتدوق
كان منظرها يلي مفشكل حلو ومغري بطريقة مختلفة، اخدت المعلقة يلي منها ودقت الكبسة فيها
وصال. ولك اكلت فيها
قتادة. مممم شي بشهي وبالاخص لانها كانت بين هالشفاف ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(وصال)
ولييي شبو هاد شو صايبو مالو اليوم بعدنا باول ااطريق شو بخبص ، تجاهلت حكيو ورحت طلت صينية كبيرة هو حط الرز عليها وانا رشيت اللوز والجاج ع الوش وحطيت صحون السلطةقتادة. يا فالحة الكبسةة بدها بصل بصل اخضر ينقرط معها
وصال. وااع شو هالحكي عاد
قتادة. واع عليكي ما تاكليها بالايد شو بتقولي
وصال. ولييي بغوطن
قتادة. ههههههههههه طيب يلا انا بطول من البراد
وصال. هلق بدك اسبوع لتطلع ريحة تمك
قتادة. خلص ازا بتدايقي ما باكل
وصال. وشو دخلني انا
قتادة. مهي مرتي حارمتني ف مش رح تتشمني بصل 😂 لهيك رح باكل واخر راحتي
وصال. لك انت شبك والله بعرفك راكز
قتادة. طيب سو بدك اركز.من هيك خلص ما بكفي بالشغل هيبة
وصال. ما بعرفوو الحقيقة المخفية
قتادة. اي شفتي بالله
وصال..اي مخدوعين بالجنتل مان
قتادة. بربي كبساتك بشهو والحد فيهم شي ناهي
وصال. عجبووووك ماا ولك لازم تبوس ايدي انت
قتادة. هههههههه.تقول صانعة طيارة انتي كلهن رز وعليهن.مرق جاج
وصال..حتى لو النفس النفس فكرك مين ماكان بطلعلو يطبخ بكل حب
قتادة.هههههههههه دخلك انتي كيف قدرتي توصلي الطنجرة عالغااز؟
وصال. عفكرة طولي مناسب في اقصر مني
قتادة. اي مناسب الي بتوصلي لصدري وهاد بكفيني
عزاا عنجد اليوم مانو طبيعي
وصال. شبها اليوم ضحكتك منشقحة كتير
قتادة..حرام الواحد ينبسط
وصال. مو حرام بس اكيد في سبب مو متل المجانين بضحكو بلا سبب
قتادة. ههههههههه في اكتر من هيك سبب قاعد قدامي وبجاكر فيه😂
وصال. الله يسعدني بعرف حالي هرمون سعادة الله يخليني وصل انشرها بين العالم
قتادة. لا هاي خاصة فيني وبس
وصال. 😒😒
قتادة. هاي هرمونات التعاسة مع غيري والسعادو بس الي 🥱
وصال. اي ما بعود بضحك لعاد لتنبسط؟
قتادة. مع الناس اي معي لا
وصال. والله
قتادة. اي مو الي وانا احق الناس
وصال. نفسي اخبطك بهالصحن بس حوينتو يروح فيك كسر خليه بلزمنا
قتادة. جد مانك طبيعية يا مرتي
وصال. ولك حاجتك مرتي ومرتي شو مامك حافظ غيرها
قتادة. مبلا في مدامتي في وصال السبع في حرمتي شو بتحبي
وصال. حرمتك قلتيلي يحرمك الي هالجدبة اي
قتادة. هههههههه لا هيك بزعل ان انحرمت منها ما بعود احسن اتفاهم مع الجدبان امثالك مرتي
وصال. الحمدلله شبعت
قتادة. اكلك وصالتي زاكي لهيك لا ما شبعت
وصال. مين ماسكك كل ما بعرف لشو نقصت بصحن ووسختو لو اكلت من الصينية احسن عجميع الاحوال رح تنسفها نسف
قتادة. ههههههههه
وصال. بس عالقليلة مرة تانية قولي يسلمو قول شكرا لحتى ما حس اني عم قدمو لبهايم بياكلو وما بحكو
وقفت حطيت صحني بالجلاية واول ما رفعت حالي كان صار واقف، كسكلي زندي بشدة خفيفة مانها مؤلمة وحكى. اولا عاطيكي مجال تمزحي وتضحك وتاخدي راحتك بس هاد الغلط ولو كان مزح معي بديش اسمعو فاهمة؟؟؟ وتانيا الله يسلم هالايدين يلي تعبو وعملو هالاكل الطيب
بكل هدوء رفع ايدي يلي ماسكها حنى راسو وباسها وحكى . بأمرك ليكني بوستهم لانهم عجبوني ولو ما عجبوني كمان رح بوسهم
مو طبيعي شو انه خبرة بالحكي مع حوا، كيف حكى يلي بدو ياه ووصلي كلامه بكل هدوؤ بطريق عجزت اني ناقشو
ترك ايدي وراح لبرا المطبخ بس قبل يطلع عالصالون حكى. لمي واعملي شاي نشرب يا حرمة.
غمضت عيوني نص تغميضة من غيظي من كلمة حرمة. الخدمة مو متوفرة تشكل آسي هلق جاي امي عندي بدي خلص والبس
حكى وهو باللصالون. اي وبالمرة رتبي شعرك لا ترتعب وتفكرني طابك شي قتلة😂
وصال. مو عاجبك لا تطلع فيني
قتادة. ههههههههه فش غيرك قدامي بمتع نظري
نظفت الطاولة لحيت الاشيا بالمي وحطيتهن بالجلاية ،، طللعت لالبس شي مو عالقة فيه ريحة الطبخ قبل تيجي امي يلي كانت المفروض تيجي الصبح بس نطرت لطلعو اخوتي من البيت واتطمنت ع هديل عندها امها.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ايامي هون كانت حلوة وبالذات وقت بتيجي امي لتزورني ومعها اخي حسام ومرته، كتير حكيولي عن هشام انه متدايق من وقفته ضدي بس مالو وجه يطالع فيني، وبعد تفكير عميق اخدت قرار وكانت اول مرة رح روح لهداك البيت لزور اهلي، كنت ما روح حتى اتجنب تصادمي مع قسام او وسام كانت الدنيا المغرب لبست وجهزت حالي ونزلت عن الدرج كانت ستي عم تحكي تلفون مع حفيدها مازن يلي مسافر برا البلد اشرتلها بايدي وين قتادة ووجهت اصبعة ايدا ناح غرفة التدريب
مشيت لهنيك فتحت الباب ودخلت.
ولي كان بشورت وبس كان جسمه عضله كله بشر عرق شر
قتادة. وصال!!
وصال. قتادة انا شسمو
نزل عن الجهاز.طفى الاغاني واخد بشكير صار ينشف فيه
قتادة. خير وين ع باب الله
وصال. بدي تاخدني لعند امي
قتادة. لشو
وصال. لييش ممنوع!
قتادة. اكيد لا بس يعني استغربت ما قلتي قبل وهيك فجأة وبهالوقت
وصال. لسة بكير ممكن تاخدني مشتاقلها
قتادة. اذا هيك بدك ما في مشكلة بس لاخد.حمام والبسوصال. بدك تدخل معي!
قتادة. الافضل ايه، مابدي اخواتك تتواجهي معهم
وصال. تمام استعجل بس، وبصراحة بدي شوف هشام كتير اشفقت عليه وقت خبرني حسام انه مالو عين يحكيني
قتادة. دخيل الحنون ايه
وصال. ههههه يلا البس
قتادة. ممممم طب هلق افهم انه عندك قلب وحسيتي بهشام ما
وصال. اي طبعا شو شايفني عديمة الاحساس
قتادة. حلوووو
وصال. شو الحلو
قتادة. انك بتحسي
وصال. ما ابيخك
قتادة. معناها اقدر افهم ليش مو حاسة بجوزك المنهنه
وصال. ومين نهنهو لجوزي
قتادة. حلو تمام هيك معترفة اني جوزك
مشي لعند وقرب مني بلا ما يللمسني بس كان وجهو كتير قريب مني وحكى. وينتا بدك تخليه يصير جوزك عنجد وتشفقي عليه
وصال. قتادة انت شو بصير معك نحنا تزوجنا لتساعدني مو ؟ مو حبيتني وجيت طلبتني
قتادة. ضروري حبك ومن بعدا اخطبك
وصال. اي هيك
قتادة..ما يمكن يكون العكس
وصال. شلون
قتادة..خطبتك ومن بعدا حبيتك
وصال. لا تحلم صدق لانه ما لحقت تعرفني لتحبني
قتادة. يا ستي خلينا نكون منطقيين اكيد ما طبست فيكي وعشقتك من اول نظرة بس بكفي انك عجبتيني ويمكن وصلتي لقلبي من اكلاتك مو بقولو الطريق لقلب الرجل معدته
وصال. قتادة
قتادة. شوو
وصال. روح البس
قتادة. ليككني طالع
راح لغرفته يلبس وانا بفكر بحكيو، قتادة شب منيح ويمكن يكون حلم كل صبية من اخلاق وتصرفات وجمال بس وقت اتزكر كلامه انه حيساعدني ك رد جميل لابوي برجع لوضعي الطبيعي وما بعود فكر فيه غير كرفيق
ركبنا السيارة بعد خبرنا ستي وطلعنا، كنت كتير فرحانو بروحتي.لعندهم فرحانة بروحتي للبيت يلي ربيت.وكبرت فيه.للبيت يلي ضمنا كلت تحت سقفه.وقت كان.كل همنا كيف نغيب عن المدرسة او نهرب من.عقاب ابوي وقت نخبص بشي امتحان، وصلنا البيت وطلت امي من الباب كانت عارفة امي جاي
سونيا. مية اهلا وسهلا مية اهلا وسهلا بالغوالي تفضلو
وصال. حبيبة قلبي امي
سونيا. اتفضل ابني
قتادة. كيفك مرت عمي
سونيا. صرت منيحة بشوفتكم اتفضلو فوتو
دخلنا وبنفس اللحظة نزلو حسام ومرته لارا يلي بطما مبلش يكبر والحمل بجنن عليها
كنت صدقا من جواتي مشتاقة لولاد اخوتي يلي كنت زمان انبر من ضجتهم وانقهر من تصرفاتهم يلي مش مربية ابدا، قال بربو ترباية حديثة ، قصدهم ما بربوو ابدا
حسام. اختي انا بدي انده لهشام يجي وتشوفو بعض خلص بكفيه المسكين .
وصال. لا لا تندهلو
سونيا. ليش يا بنتي
وصال. هو اخي واكبر مني وحقه مني ورح اطلع براسي لعندي بس بدك.تيجي معي حسام
سونيا. الله يرضى عليكي يا حنونة
وصال. قتادة ما بتاخر
قتادة. طالع لبرا خدي راحتك
وصال. تمام امي انتي كمان تعي معي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(قتادة)
بهاي اللحظة بالذات حبيت اتركها هي مع اخوتها واهلها براحتها، طلعت لبرا عالساحة وهي من الباب الداخلي مشيت لتطلع ع بيت هشام بس وانا برا بسمع صوت . اطعلي من هووون انتي وعديم الشرف جوزك
من قيل لاسمع بقية الجملة كنت داخل من الباب الكبير يلي ع بيت الدرج المدخل الرئيسي للبيوت كلها ودشعت عليه لوسام يلي كان واقف مقابليها وايدي ع بلوزته دفشتو عالحيط وكنت بكز ع سناني. ميييين عديم الشسشرف يااا &&&&& انو لك انوو يلي بدو ياكل مال اختوو يا%%%%
ما خليت كلمة الا وسبيتو فيها وبوكس بنص خلقتو وقبل اضربو التاني كانو هشام ووحسام ووصالو يبعدو فينا عن بعض
قسام. هاد يلي اتجوزتيه وجايبتيه يضرب اخوتك متحامية فيه ولي يا حوينتة دلالنا الك
وصال. اه الدلال يلي كان لمصالح اخيييي
هشام. قسسام اختصر واطلع لبيتكك
وسام وهو يمسح الدم عن وجهو. شو هشام نسيان انو كل المخططات كانت من تدبييرككك
وصال. عالقليلة هو عرف غلطة واعترف ورجع للشي الصح مو راكب راسو وبعاند ع غلط
قسام. انقلعوو من هون
قتادة. اييدك اصحك تقرب ناحها
سونيا. هاي اختكم ومتل ما الكم الها هون ولا حدا بقدر يطرها
وسام. قصدك الها الاكثر
سونيا. ابوك لوما انه عارف ولادو يلي رح ياكلو حق اختهم ما عمل هيككككك بس عارف شو مخلف
قتادة. ولكو ما بتستحو عحالكم ابوكم يلي الكل بحلف بحياتو وهلق بحلفو برحمته ع قد مانو مساعد الناس انتو شوو وش انتو
وسام. ليك مين جاي يعلمنا ويتفهمن علينا، اليتيم يلي تحننا عليه لصار وتصور من تعب دنا ومن رزقنا ومالنا
مش بايدي ما قدرت اتحمل اكتر وهالمرة حتى اخوتو ما قدرو يدفشوني عنه مسكت راسو وضلت طق فيه بالحيط وانا احكي. ابوووك يلي كفلني وهلق نياله بالجنه هاد تبعه الو ومجهودو اله وما صرت غير من كتر ما تعبت عحالي وبفضل ربنا وبفضل ابوك المحترم يلي مخلف انجاس
كانو يبعدوني عنه وامه ووصالو يعيطننفضتو مني وقلت . صح يتيم بس طلعت اربى من ناس اهاليها موجودة
مسكت ايدي وصال يلي كان هشام حاضنها وقلتلهم. لا تحلم انت وياه تشوفو ظفرها حسام هشام انتو صدر بيتي الكم والعتبة الي سلام
دخلت فيها لحوا البيت اخدنا شنتتها وموبايلي ومفتاح السيارة وطلعت من الباب التاني للساحة مباشرة
كانت عم تشهق وتبكي على هالاستقبال يلي لاقته
بس قبل نطلع بالسيارة اخدتها لصدري وقلتلها. ششش خلص بكفي بكي
وصال. ولك اخوتي اخوتي من امي وابوي قلعوني
قتادة. خاييريين انسيهم وكبي ورا ظهرك انا هون ومعك وبوعدك وعد شرف ما اتركك الله يلعنهم انسي خلص اهدي
طالعتا بالسيارة ومشيت وهي لسة دموعا بنزلو وتسمح فيهم عالساكت
صرت لفلف فيها بالشوارع ونتفتل لتهدى ونحنا شوي نحكي وشوي نسكت لوقت حكتلي . وقف وقف هون بحياتك
قتادة. شبك
وقفت السيارة وحكتلي . بربك بدي انزل هون شوي
نزلت ولحقتا مباشرة راحت عالرصيف عن شب واقف ببيع ورد جوري
وصال. ضمة كلها احمر
حاضر يا خانم
طالعت مصاري لحاسب
وصال. شو بتعمل لا ما بدي
قتادة. مش عيب تدفعي وحوزك موجود هاي اهانة بحقي
وصال. هههههه خلص تمام ادفع
حملتهم متل بنت صغيرة وطلعت عالسيارة
قتادة. بتحبيه شكلك
وصال. مغرمة بالورد الجوري وعشقي اللون الاحمر بالذات
قتادة. بس انتي احلا وردة فيهم
طالعت فيها وانا عم سوق وشفت خجلها وغمازتا يلي بينت وقت ضحك
قتادة. يلعن سلفسفيلو يلي بدو يبكيكي مرة تانية ويحرمنا شوفة هالغمازة هاي
وصال. ههههه ولك خلص اسكت شبك شو صايبك انت
قتادة. والله وانا مش عارف شو صايبني 😂
وصال. ههههه حلوين مووو شوف شوف بدي حطهن بالمطبخ حتى وانا اطبخ استمتع بمنظرهم
قتادة. ونا بوقف عالباب استمتع بشوفتك
وصال. لا انت منجن رسمي
قتادة. ولك مشان ما بكفي العقل بالشغل
وصال. شو راك زوجك لكان وبتنجن معها
قتادة. ما بحب التعداد وحدة بتكفي
وصال. بس انا قلتلك انه
قتادة. لا تحكي اتركي كلشي لوقتي
*يتبــِـِـِۧـِـع*
*_< يــۥــۥــتبـ؏ـع⇦⇩_*
*_`قنــــواتنـــا_انــيرونـا •⸙♡»))`_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
```https://whatsapp.com/channel/0029VaM8CnBJ93wMgXUgXd2o```
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
```https://whatsapp.com/channel/0029VaihPFf2ER6YjKLyjl2y```
﹌﹌﹌﹌﹌﹌﹌﹌﹌﹌﹌
*_- اتـشـنـل ڪروب روايات تلبيه طلبات ڪتب ومستندات𝐏𝐃𝐅📓تلبيه طلب المتابعين☟_*
```https://chat.whatsapp.com/Iue5BSpL03dEBEAEndEYFG```
✧◌⑅◌•❁𓆩٣³𓆪❁•◌⑅◌✧
*_- اتشنــل قناه رواياتي تلبيـه طلبـات واعاده نشر ڪل الروايات حسب طلب المتابعين☟_*
```https://whatsapp.com/channel/0029Vb75uek1iUxbkIJBpH2T```
﹌﹌﹌﹌﹌﹌﹌﹌﹌﹌﹌
*_اتـشـنـل قـنـاة نڪت وقصف جــجبۿات⸢⑇֯🌚💔⑇⸥_*
- *_ضابحين صح وتشتوا قصص ومشعات ونڪبات تضحڪوا؟!⇣⁽☻_*
- *_تعالو هنــا☟_*
```https://whatsapp.com/channel/0029Vb75QOR9WtCASkmTbb0U```
2
```https://whatsapp.com/channel/0029VbBWqPM2v1IozE4ldR2Q```
﹌﹌﹌﹌﹌﹌﹌﹌﹌﹌﹌
- *_`اتـشـنـل قناة قصيد وشيلات⁽🕊⁽✨_*
- *_تطلبين القصايد وانتِ اجمل قصيده_*
- *_في عيونك بحور وفي رموشك مواني_*
```https://whatsapp.com/channel/0029VaaASUGLo4hltNj3vm1U```
﹌﹌﹌﹌﹌﹌﹌﹌﹌﹌﹌
*_اتـشـنـل `قناة حالات وتساب وأقتباسات منوع وفعاليات⁽㋡⇣ツ._*
1
```https://whatsapp.com/channel/0029VaMuPn8Gk1FjtCR7dn1U```
﹌﹌﹌﹌﹌﹌﹌﹌﹌﹌﹌
*_اتـشـنـل ڪـروب الرعـب𓆘•_*
*_𓄀𓏤𝒉𝒐𝒖𝒔𝒆 𝒐𝒇 𝒉𝒐𝒓𝒓𝒐𝒓ꪶ🕸️💀•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
```https://chat.whatsapp.com/Bm4xrtQ5PG0BkNq92BLjQX```
🏴☠️≛𝖒𝖆𝖒𝖔𝖔𝖓≛🏴☠️
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪروب هواجيس وبيت القصيد و اقتباسات منوع ونڪت ورفله وتلبيه طلبات المتابعين⁽㋡⇣ツ._*
- *مٛࢪحَ͡حبٰأإأإأإأإݪفِ:🌷♥️⃟🕊️*
*`-_-_-_-_-_-_-_-_-_-_-_-_-_-_-_-_- `*
- *عٰٓيٰٰٰٰٛــــنٖ تٖٜࢪحَ͡حبٰ وٛꪆعٰٓيٰٰٰٰٛنٖ تٖٜهٓہٰٰٛݪيٰٰٰٰٛ...!🌷📻*
```https://chat.whatsapp.com/EWMr5WUkYaWFKZLIstdgYO```
﹌﹌﹌﹌﹌﹌﹌﹌﹌﹌﹌
*_اتـشـنـل قنـاه ملصقات وتساب متنوعه☟_*
```https://whatsapp.com/channel/0029Vb6IHq4JP212MnEZ6q3W```
﹌﹌﹌﹌﹌﹌﹌﹌﹌﹌﹌
> *نورو قنواتنا تليجرام_قـنـاه روايات تليجرام_قناه جبر خواطر_قناه آرح مسمعك_قناه مكافحة الفرخان_قناه افكار مشتتة*⭒
@brokeen305
@broken305
@broken339
@broken336
@anfasaam
*_- بوت تواصل☟_*
@yemeni_broken9bot
*_- معرفي يوزر تليجرام_*
@broken107
*✧══•❁𓆩٣³𓆪❁•══✧*
_*- قناتي يوتيوب☟*_
https://youtube.com/@mamoon305?si=eHmouU101_phBs3K
*_- قناتي 𝐓𝐈𝐊 𝐓𝐎𝐊☟_*
https://www.tiktok.com/@brokenn107?_t=ZS-8zoksack0jy&_r=1
> *🏴☠️≛𝖒𝖆𝖒𝖔𝖔𝖓≛🏴☠️𓆩٣³𓆪 ♡*
﹌﹌﹌﹌﹌﹌﹌﹌﹌﹌﹌
*_💥القراءة السريعة مثل الأڪل بدون هضم💥_*
▬▭▬▭▬▭▬▭▬▭▬▭▬▭▬