الفصل 2
*– ࢪوايــة :«وصــِال الــســبــِـِـِع ».*
*– البـاࢪت :« ¹ ».*
*– اللۿجـه :« سوريــِـِـِۧـة ».*
*– الڪَاتبه :« سجــِـِـِۧـِى ».*
ــــــــــــــــــــــــــــــــــــــــــــــــ
*قناه : روايات واجمل الحكاياتֶָ،،𖢐📓🌸᪥𖠣⸰..*
```https://whatsapp.com/channel/0029VaM8CnBJ93wMgXUgXd2o```
: *بـاشراف : ۿيبـ♔︎ـهۂ،بروفيسـ𓂆ـور⁽ ͢ᵛᵎᵖ٣³.*
*𝖒𝖆𝖒𝖔𝖔𝖓⁽ ͢ᵛᵎᵖ*
*____________*
- *كروب تلبيه روايات مستندات𝐏𝐃𝐅*
```https://chat.whatsapp.com/Iue5BSpL03dEBEAEndEYFG```
*ــــــــــــــــــــــ*
> *الروايه لاتلهيڪم عن الصلاھ اللهم بلغت اللهم فأشهد .*
*____________*
••
.الجزء الأول
من داخل جدران كانت تحفظ ضحكاتنا ولهفاتنا وهبلاتنا وأسرارنا، مقاعد خشب تعبت قد ما حملتنا، وطوايل كتبنا عليها أسماءنا وأحلامنا، ودوشة طلاب كانت موسيقى الصباح ومناداة وصياح ، و قبل رنة الجرس يلي بعلن بداية الدراسة والفلاح ، خطوات بتركض لتوصل قبله، ووقت يرن يسكت الكل فجأة، وكأن الزمن وقف لحظة.
رنة الجرس لليوم لسه بترن براسنا، بتاخدنا لزمن أبسط،لأيام ما كان همنا غير الدفتر المفقود ولا نظرة المعلمة من آخر الصف ، المدرسة ذكرى دافية، بزمن قديم تمنينا نتخطاها و كلننا كرهناها وبعد ما كبرنا بلحظة حبيناها.
تخطيتها كوني طالبة ، يمكن ماكان هاد الحلم لكنه هاد الواقع، كبرت الطالبة المشاكسة يلي كانت ترقص على الطوايل بوقت الفراغ، ورجعت دخلت من هالأسوار فتاة سبيستون وأصبحت فتاة المستقبل مدرسة لغة E.
حكيت والضحكة لورا اذاني وانا حاملة اوراق العمل والالوان وبوسط الصف واقفة وبين مقاعد الطلاب.
Are you ready for the lesson?
كلهن حكيو بصوت واحد !Yes, we’re ready, teacher
(وصال)
طلعت من باب المدرسة وكان الشوفير ناطرني، أنا وصال ويا أرض اشتدي ما حدا ئدي ما انا بنت البيك يلي الكل بخافوه لدرجة انه ما فيهن يناسبوه أو يصاهروه، رجعت للبيت فكيت الشالة ع راسي وحطيتها ع رقبتي كنت لابسة بلوز أحمر اللون يلي مغرمة فيه لابعد الحدود وجينز دخلت وقبل ايا سلام وأيا كلام بدلت تيابي ورجعت للحنونة يلي عايشة هون ومغلوبة بس عمالها تشتغل بالمطبخ لترضي ذوق البيك رغم كل الخدم يلي عنا الا انه ما اشتهى وما حب من بعد اكلها اكل، واخدت منها هالمهارة😌
كانت واقفة بالمطبخ وعم تلف ورق العريش حضنتها من ورا وبوست خدها
وصال. شووو مدللتني امي اليوم ولا يا عمي كله لابنها الغالي
سونيا. يعني ما بدللكم غير نهار يا ست وصال مين بطبخلكم كل يوم طبخة اطيب من التانية
وصال. هههههه امي علينا؟
فتحت الطنجرة يلي عالغاز وصرت شم الريحة
وصال. انتي قلتيها طبخة مو تلات طبخات طقة وحدة، يلنجي و الباشا وعساكرو و وجاج محشي والله كتيير
سونيا. لك هدول بحبهن حسام
وصال. شفتي ما قلتلك كل الدلال لحسام ولا يا عمي عريس جديد وبدها تدلله
سونيا. عقبال ما يجي ابن الحلال يلي يرجعك من شهر العسل وتدللي عنده وعند حماتك ياا حق
اتنهدت وحكيت. مو باين يا امي مو باين
سونيا. وكلي امرك يا بنتي وكا تأخيرة فيها خيرة والا ما تفرج
قعدت عالكرسي اخدت خيارة من جاط يلي محضرتهم امي للسطلة طقيتها بالنص وصرت اقرط فيها
وصال. كيف بدها تفرج وولادك واقفين سنجق عرض وبس شغل تطفيش لك امي؟
سونيا. والله يا بنتي اخوتك بحبوكي وما حابين يفارقوكي
وصال. شو هالحب دخلك، وازا بحبوني يكبسوني مخلل؟
سونيا. شو هالحكي بس انتي الصغيرة ومدللة العيلة ولكل بس بدو رضاكي
وصال. اطلعي من هالابواب امي شو هالحب التملكي ها؟ بحبوني واخر النهار كل واحد فيهن بطلع لبيته وينام بحضن مرته وانا ماحدا سألان شو بدي ؟
سونيا. كيف مو سائلين؟ واحد عينلك شوفير والتاني عينك بأرقى المدارس الخاصة، والتالت جبلك آيفون لسة ما لحق ينزل عالسوق، والرابع ليكو راجع من شهر العسل وكل يوم يرن بس ليسألك شو بتؤمري يا آخر العنقود
وصال. هوووف امي مو عارفة يعني انتي هلا عاجبك اني هيك بقيانة وقف عندكووون
سونيا. لك انا منى عيني يجيكي عريس يهنيكي
وصال. ليش مين بسترجي يجي من اخوتي ولو اجى دغري بيتقلع يمكن لو رمش بعينو يقولو بيرمش كتير
سونيا. شو هالحكي بنتي هني بدورو ع مصلحتك و ع واحد يكون قد المقام ومواصفاته منيحة
وصال. مواصفاته منيحة؟ شو هو كاين سيارة كل يلي اجو حسن واخلاق بس ولادك هني السوسة
سونيا. حاجتك لعي وقومي شوفي الخدم خلصو تنظيف بشقة حسام ولا لا
طلعت من باب البيت كان مقابيلنا شقة اخي هشام طلعت الدرج وبهالطابق شقة وسام وحسام ولو كملت لفوق بيجي الطابق الآخراني مع الروف بيت أخي الكبير قسام
ببيت حسام تنتين خدم بشتغلو ببيتنا بعتتهم امي وبلشو يمسحو الغبرة قبل يرجعو العرسان، كانو شبه خالصين ما عطيت ورديت معهم رجعت نزلت لتحت ودخلت لأوضتي ل مملكتي يلي فيها بكون مجردة من كل اشي اسمو جدية وبكون ع طبيعتي دخلت حمامها توضيت وطلعت لبست تياب الصلاة وباشرت بصلاتي وقبل لاقوم عن السجادة رفعت ايدي لفوق وحكيت. ياارب يالله ما طالبة منك شي غير زوج صالح يتقيك فيني ويصوني ، يصب الحب عليه صب ويبالغ بحنيته عليه يلي مفقتدتها وسط كل هالأهل يااارب يالله جيتك راجية لا تردني خايبة🤲🏻.
يمكن الجيزة مو حلم ومو هدف لكن بقصتي انا كانت هيك متلي متل كل هالبنات حلمت ووصرت 25 ولسة بحلم يجيني فارس أحلامي يلي يخطفني من كل هالناس ويسحبني معه لعالم مافي غير انا وياه، ياخدني لدنيا وموافقة ينسيني هالدلال يلي عايشته وسط اخواتي بس يكون بيملك من الحنية شي يقدر يحتويني فيه ويتملك أعمق نقطة جواتي ويكون هوي السد والسند والدفى يلي فقدتو بوسط ناس ببالغو بدلالي لكن شي جواتي ما قادر يصدق الا وانه في سر ومغلفبهالاهتمام المبالغ .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طلعو من المشفى والوجوه ما بتتفسر نهائيا، كان واحد منهم حامل وراق الفحوصات و لسة ببدلته العسكرية الظاهر تارك شغله وجاي، وتنين تانيين بأطقم رسمية ماسكين رجال تقريبا بيطلع عمره 65 سنة وكل خطوة بخطيها بسعل سعلة من قحف راسه.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعمرها ما صارت الا بالصدف وحالات شاذة تلات سلايف متفقات وحاطات روسهن بروس بعض عم يشربن قهوة وياكلن شكلاتة وولادهن متل القرود بنطو وبنكتو البيت، وبعد اجتماع القمة تبعهن بتوقف مرت قسام وهي تضحك وتتصهون وتقول. يلا يا سلفاتي إنتشروو في الأرص فساد😂😂
اكيد فساد شو بدو يطلع يعني غير الخراب ليش هو بيجي الخراب غير من النسوان🤦🏻♀🤦🏻♀ ما كل مصيبة بهالحياة وراها مرا😂 والمصايب الاكبر تبعون العيار التقيل ما بطلعو غير من الزمكة القصيرة 😂 ام لسان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(وصال)
كان الكل قاعد حوالين طاولة السفرة وقت نطقت الحية يلي بتسكت دهر وبتنطق كفر. ابصر مين وجهو خير علينا لحتى هيك طلعو فحوصاتك عمي
ردت عليها التس التانية حكت. هههههه لا سلفتي مرة حسام شوفو ملاك ملاك
ابو قسام وهو بسعل. اختصري انتي وياها، وانتي يا بنتي اهلا وسهلا فيكي بعيلتنا، لا تردي ع هدول الجوز المرض من الله هو عطى وهو بياخد
سونيا. يعني ما في علاج اله من وين هاد اجاك يا رجل
هشام. والله يا امي هاي السنة التانية وهو بتعالج والكيماوي نخر عظمه نخر وما عاد في منه رجى العلاج اكتر من هيك والرئتين عنده من أثر دخان سنين كتير متأذي
حسام. الله.يمد بعمرك يابا ويخليلنا ياك
مرت قسام. اي اي اكيد الله يخليلنا ياك عمي
مرت وسام. انت بركتناا بس اشرب مية لا تغص وانت تاكل بلا ما تطلع روحك وانت تسعل مرة تانية عمي
وسام. هديل اختصري واعرفي شو بتحكي مع ابوي
كنت قاعدة وبراقب بالكل ومن تم ساكت، بتعرفو الأية يلي بتقول(تَحْسَبُهُمْ جَمِيعًا وَقُلُوبُهُمْ شَتَّىٰ)، الكل مجمع حوالين هالطاولة وبضحكة مزيفة ويلي بشوفنا بقول ميتين ع بعض ومن جوا ما حدا طايق التاني 🤦🏻♀
كان اخي حسام ومرته لارا مو تاركين شي الا وجايبينلي ياه متلي متلها، حسام نوعا ما الاقرب لالي ، ما اعمارنا متقاربة ومرته من جيلي وكانت رفيقتي بالصف، رجعو من شهر العسل يلي استمر شهرين ب إيطاليا و حامل كمان.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لابس بدلته الرسمية يلي عنده منها فوق 10 قطع كلهن نفس اللون ونفس الموديل، دخل بكل هيبة ووقار رافع حاجبه، ايده بجيبة بنطلون والايد التانية ماسك شنتة دبلوماسية، ماشي ورافع كتافو وداخل لمكتبه وما في موظفة بالشركة الا وناطرة لو نظرة منه مو بس كلمة ما هو محامي البيك ومحامي شركاته وبيملك من الجمال والركازة والهيبة القدر يلي بيخليه حلم كل صبية حتى وقت الضحك والفرفشة ما في غير ضحكتو بتسرق القلب قبل النظر، ووقت يلزم الامر كلمة وحدة منه بتخرس الكل وان تملكه الغضب نار وشرار بحرق الأخضر واليابس.
(قُتادة)
دخلت عالمكتب حطيت الشنتاية عالطاولة ورحت ناح الحيط يلي كله قزاز وبيطل عجنينة الشركة الكبيرة وبوسطها نافورة مية، اتنهدت وانا صافن بهالدنيا الغريبة كيف الانسان وكأنه بحس بأجله انه قرب رغم انه كان من سنين يتعالج ومتوقع قرب منيتع لكن ولا مرة خطى هالخطوة الا من جديد اجى لعندي وطلب مني طلب غريب وما كان مني غير إني أنفذو، طلعت من المكتب رحت ع الكافي كورنر اخدت كاسي الأبيض يلي محتفظ فيه هون بالشركة عبيتو قهوة وقبل لألتف وارجع لمكتبي استوقفني صوت
شوو السبع هون
استغربت انهن جايين وخصوصي انه عزا أبو قسام ما انتهى غير مبارح، كنت حامل كاس القهوة بايد والتانية بجيبة بننطلوني رديت عليهم بكل برود
قتادة. لا هنيك
هشام. شو ما بدك تعزمنا ع قهوة
قتادة. ليكها الماكينة صبو حدا مانعكم
وسام. ولا !! انو يلي بشتغل عند التاني
حكيت وضحكة خفيفة جنابية رسمتها ع وجهي ورافع حاجب. محامي مو صباب قهوة وشاي عندك وعنده
هشام. ولك انت كم مرة صرت قايل بدك تعزمنا ع شي طبخة من ايدين ستك ولا تراجعت😂
قتادة. يا باطل أبشرو وينتا بدكم
وسام. لك اتركو اتركو هاد عم يجدبها علينا وبيتغدى زيت وزعتر ، يمكن كل مصاريه حطهن ع الجي كلاس يلي جابو ولا عم يدفعهن كوى لتيابو ليك كيف مهندس حاله ولا الساعة ولا السنسال لحاله بعمر بيتقتادة. خيا وسام بيت السبع ما بخلى من العظم ومو السبع يلي بيخلف بوعده، بكرا بعد الدوام ناطركم ، وهلق عن اذنكم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
(وصال)
كانت وقت الاستراحة قعدت بالساحة بين طلابي حبايب قلبي يلي بعتبرهم ولادي، اخدت صورة سيلفي ونشرتها مع عبارة من خيالي كتبتها
لا اعلم ولا أدري في أي بقاع الأرض تمكث ،،لكنني أنتظرك بفارغ الصبر ...💗!
اليوم قطع أبوي الأربعين بوفاته، دخلت وريحة الطبايخ فايحة ما اليوم الخميس وجمعة الأهل يلي مو أحباب عنا بالبيت وكل السهرة ضحك ومسخرة وخباثة ودج وتسميع حكي من تحت لتحت واخيرا انقلعو روحو ودرب يسد ما يرد تعبت وانا مثل اني حاببهم ومقطعة حالي لشوفهم ، قمت تنشطت وصرت ساعد الخدامة وعم اترقوص وغني. عم اعشق انا عم اخلق من اول وجديد عم امزح انا عم نظف وراهم من اول جديد
جونا. ماما اقعد انتا انا بنظف
وصال. هههههه دخيلك انتي مخليتيني استمتع بكلمة ماما،، يلا ياروح ماما انتي خدي هول للمطبخ وانا بكفي هون😂
طلع ضو النهار وانا عم حاول فتح عيوني غصب عني بس فضولي بدو يقتلني لاعرف سبب هالصوت العالي، قمت عن تختي وبلا ما غسل طلعت لبرا
وصال..خير اللهم اجلعه خير شو شايفينا بمنامكم شو فيه؟
سونيا. وليد طالبك ابن رفيق ابوكي
وصال. هلق كل هالهيزعة هاي كرمال انه وليد طالبني؟
حسام. وشو رايك اختي
وقبل انطق ايا حرف
هشام. شو رأيها ما رأيها طبعا لا
وصال. اخي العريس الي مو الك
سونيا. شو رايك بنتي نستقبله وبتشوفيه والله كنت اسمع من ابوكي انه محترم
وصال. اي امي مو غلط
حسام. بالاول بتشوفيه وبتتعرفي عليه
قسام. قلت لا يعني لا
وصال. اخي وبعدين ما بدكون تحلو عني كل ما اجى عريس يتقولو لا كم سنة وبصير بالتلاتين يعني لمتى بدي ضل عزابية هيك بدكن ياني عنس وما حدا يجي ويدق بابي
صفنو كلهن ببعض واجى هشام قرب مني وحاوطني وحكى. اكيد لا انتي حبيبتنا وغاليتنا وما بهون علينا غير تتزوجي سيد الرجال
وسام. لك انتي اخر العنقود السكر المعقود
وصال. لكن اتركوني شوف حياتي ولاقي ابن حلال عيش معه ليكن انتو تزوجتو وكل واحد بيتركني كل يوم وبروح لمرته وعايشين احلا حياة مع ولادكن
قسام. كيف بدنا نتركك ونحنا بنشوفك بدك تختاري الشخص الغلط
وصال..غلط؟ طالما الشب ابن صاحب ابوك واكيد معناها منيح ووقت بشوفو بقرر
مسح هشام ع راسي وحكى. اي بس مو ننزلك ع ضرة
حسام. وليد متزوج بنت عمه وبسبب الجينات والقرابة ما صار معها حمل وقرر يتزوج
وسام. ونحنا ما بنعطي اختنا بنت البنوت المدللة ل مين ماكان ومتزوج قبل
سمعت هالحكي وطاقة الامل عندي تسكرت من اول وجديد، بعدت من حضن هشام وقلت. طالما مجوز انا ما رح وافق ارتاحو وهلق فيكون ترجعو لحضون نسوانكم
تركتهم وامي المسكينة قاعدة وساكتة وهي عارفة شو نهاية كل مرة بيجيني فيها عريس، لفيت ورجعت لغرفتي كمل نومي بيوم العطلة.
*يتبــِـِـِۧـِـِع*
*_< يــۥــۥــتبـ؏ـع⇦⇩_*
*_`قنــــواتنـــا_انــيرونـا •⸙♡»))`_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
```https://whatsapp.com/channel/0029VaM8CnBJ93wMgXUgXd2o```
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
```https://whatsapp.com/channel/0029VaihPFf2ER6YjKLyjl2y```
﹌﹌﹌﹌﹌﹌﹌﹌﹌﹌﹌
*_- اتـشـنـل ڪروب روايات تلبيه طلبات ڪتب ومستندات𝐏𝐃𝐅📓تلبيه طلب المتابعين☟_*
```https://chat.whatsapp.com/Iue5BSpL03dEBEAEndEYFG```
✧◌⑅◌•❁𓆩٣³𓆪❁•◌⑅◌✧
*_- اتشنــل قناه رواياتي تلبيـه طلبـات واعاده نشر ڪل الروايات حسب طلب المتابعين☟_*
```https://whatsapp.com/channel/0029Vb75uek1iUxbkIJBpH2T```
﹌﹌﹌﹌﹌﹌﹌﹌﹌﹌﹌
*_اتـشـنـل قـنـاة نڪت وقصف جــجبۿات⸢⑇֯🌚💔⑇⸥_*
- *_ضابحين صح وتشتوا قصص ومشعات ونڪبات تضحڪوا؟!⇣⁽☻_*
- *_تعالو هنــا☟_*
```https://whatsapp.com/channel/0029Vb75QOR9WtCASkmTbb0U```
2
```https://whatsapp.com/channel/0029VbBWqPM2v1IozE4ldR2Q```
﹌﹌﹌﹌﹌﹌﹌﹌﹌﹌﹌
- *_`اتـشـنـل قناة قصيد وشيلات⁽🕊⁽✨_*
- *_تطلبين القصايد وانتِ اجمل قصيده_*
- *_في عيونك بحور وفي رموشك مواني_*
```https://whatsapp.com/channel/0029VaaASUGLo4hltNj3vm1U```
﹌﹌﹌﹌﹌﹌﹌﹌﹌﹌﹌
*_اتـشـنـل `قناة حالات وتساب وأقتباسات منوع وفعاليات⁽㋡⇣ツ._*
1
```https://whatsapp.com/channel/0029VaMuPn8Gk1FjtCR7dn1U```
﹌﹌﹌﹌﹌﹌﹌﹌﹌﹌﹌
*_اتـشـنـل ڪـروب الرعـب𓆘•_*
*_𓄀𓏤𝒉𝒐𝒖𝒔𝒆 𝒐𝒇 𝒉𝒐𝒓𝒓𝒐𝒓ꪶ🕸️💀•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
```https://chat.whatsapp.com/Bm4xrtQ5PG0BkNq92BLjQX```
🏴☠️≛𝖒𝖆𝖒𝖔𝖔𝖓≛🏴☠️
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪروب هواجيس وبيت القصيد و اقتباسات منوع ونڪت ورفله وتلبيه طلبات المتابعين⁽㋡⇣ツ._*
- *مٛࢪحَ͡حبٰأإأإأإأإݪفِ:🌷♥️⃟🕊️*
*`-_-_-_-_-_-_-_-_-_-_-_-_-_-_-_-_- `*
- *عٰٓيٰٰٰٰٛــــنٖ تٖٜࢪحَ͡حبٰ وٛꪆعٰٓيٰٰٰٰٛنٖ تٖٜهٓہٰٰٛݪيٰٰٰٰٛ...!🌷📻*
```https://chat.whatsapp.com/EWMr5WUkYaWFKZLIstdgYO```
﹌﹌﹌﹌﹌﹌﹌﹌﹌﹌﹌
*_اتـشـنـل قنـاه ملصقات وتساب متنوعه☟_*
```https://whatsapp.com/channel/0029Vb6IHq4JP212MnEZ6q3W```
﹌﹌﹌﹌﹌﹌﹌﹌﹌﹌﹌
> *نورو قنواتنا تليجرام_قـنـاه روايات تليجرام_قناه جبر خواطر_قناه آرح مسمعك_قناه مكافحة الفرخان_قناه افكار مشتتة*⭒
@brokeen305
@broken305
@broken339
@broken336
@anfasaam
*_- بوت تواصل☟_*
@yemeni_broken9bot
*_- معرفي يوزر تليجرام_*
@broken107
*✧══•❁𓆩٣³𓆪❁•══✧*
_*- قناتي يوتيوب☟*_
https://youtube.com/@mamoon305?si=eHmouU101_phBs3K
*_- قناتي 𝐓𝐈𝐊 𝐓𝐎𝐊☟_*
https://www.tiktok.com/@brokenn107?_t=ZS-8zoksack0jy&_r=1
> *🏴☠️≛𝖒𝖆𝖒𝖔𝖔𝖓≛🏴☠️𓆩٣³𓆪 ♡*
﹌﹌﹌﹌﹌﹌﹌﹌﹌﹌﹌
*_💥القراءة السريعة مثل الأڪل بدون هضم💥_*
▬▭▬▭▬▭▬▭▬▭▬▭▬▭▬