الفصل 12
> *_روايـــــــة: اوقدت نارالشوق في صدري وعجز زمان الوقت يطفيها•⃠⁽❤️🔥⸙♡»))_*
⤹. | _~*بواسطــٍۛ❀ـٍۛـة- `𓄀𝐌𓏤 𐇻`*~_ | ˚˖☆˚.
> *_𝑼𝑹 : 🏴☠️𝖒𝖆𝖒𝖔𝖔𝖓🏴☠️𓆩٣³𓆪 ♪_*
*_{🖋️}☜تنسيق : ۿيبــٖهٰ̐ہ.بروفيسور𓆩٣³𓆪_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
﹌﹌﹌﹌﹌﹌﹌﹌﹌﹌﹌
*_||☜⤸اتـشـنـل ڪـروب الرعـب𓆘•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
*_ثريدات وقصص و احــحداث منوعۿ_*
﹌﹌﹌﹌﹌﹌﹌﹌﹌﹌﹌
••
*– ࢪواية :«اوقدت نارالشوق في صدري وعجز زمان الوقت يطفيها .».*
*الباࢪت:«10».*
*_الڪاتبه: غزال الشعريه»..*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
ــــــــــــــــــــــ
فتح عيونه بتعب وناظر لسعد الي قاعد يمه والدكتور قاعد يغير له السيروم، قال.
هذام بتعب : وش صار.
سعد : مب متذكر الي صار.
هذام بتعب : لا.
سعد : صار عليك هجوم، وانصبت بكتفك، والسواق مات، وانت صحيت عقب الهجوم واتصلت لي عشان اجي اخذك، وطلبت مني اوديك ل الشقه تبعك وانادي الدكتور.
تذكر هذام الي صار، وتنهد بضيق وتعب وقال.
هذام بضيق وتعب : عمر مات.
سعد بضيق : للاسف.
هذام : ما عرفتو مين الي ورا الهجوم.
سعد : لا طال عمرك، بس قاعدين نراقب كاميرات الشوارع وان شاء الله نعرف منو الجاني.
هذام بتعب وغضب : جيبو لي الي سوى كذا من تحت الارض، والله ما اترك دم عمر يروح ؏الفاضي.
ناظره الدكتور وقال.
الدكتور : طال عمرك ممكن تهداء، من وقت قصير خيطت الجرح، ويمكن ينفتح من ثاني عقب انفعالك وعصبيتك ذي.
ناظره هذام وما رد.
رجع هذام ينام من التعب، وقعد ؏الحال ذا تقريبآ ساعتين ونص .
رن تلفون هذام وصحاه من النوم، ما قدر سعد ياخذ التلفون لانو متاكد انو هذام راح يقتله لانو يمكن يكون المتصل من اهله.
فتح هذام عيونه بتعب واخذ التلفون من ؏ الكمدينه وناظر المتصل وكان حارس البيت رد وقال.
هذام : خير يا سند.
سند وهو ماسك راسه من الضربه الي اخذها قال.
سند بخوف من ردة فعل هذام : طال عمرك طويلة العمر هربت.
فز هذام من الصدمه وصرخ بعصبيه وقال.
هذام بعصبيه : وشووو، اشلون هربت.
سند بخوف : مدري طال عمرك، اخذتني على غفله وضربتني ؏راسي، وصحيت بعد هروبها بنص ساعه وما شفت احد، والشغاله بعد طايحه بالارض.
هذام بغضب : شغلك عندي بعدين، بس خل الاقيها اول.
غلق هذام التلفوه بوجه سند، وبعدها شال اللحاف عنه واخذ قميصه الابيض من ؏الكنبه ولبسه، متجاهل جرحه.
راح له الدكتور وحاول يمنعه لانو روحته بالوقت ذا غلط، ويمكن يتعب.
ما اهتم هذام لكلامه، ناظر سعد وقال.
هذام بغضب : تلف لي الرياض شارع شارع لين تلاقي حرمتي، وخل الحرس يتزوعو بكل مكان، وانا رايح ادور عليها بنفسي.
سعد : طال عمرك انت ارتاح وراح اجيبها لحد عندك.
هذام بغضب : قلت تلاقوها، ما احد يجي يمها او يلمسها*مد يده لسعد وقال * عطني مفتاح السياره .
عطاه ياه سعد، وراح بعده وهو خايف عليه.
طلع هذام من الشقه، وهو مليان غضب، اخذ سيارة سعد وراح، كان سعد راح يروح معاه بس هذام رفض، وخبره يروح مع الحرس للاماكن القريبه من البيت، وهو بيروح لمكان يامل انو يلاقيها فيه.
حرك هذام السياره وقعد يدور على روح.
عند روح
ــــــــــــــــ
قعدت تتلفت يمين شمال وهي خايفه.
ابتسمت رغم خوفها لانو خلاص طلعت من البيت هذاك، وان شاء الله ما ترجع له ابد، تذكرت اشلون طلعت، وكيف كانت خطتها.
روح اتفقت مع الشغاله تفتح لها الباب وبعدها تروح للحارس وتفقده الوعي، وبالفعل الشغاله سوت المطلوب، ولمن شافت روح طالعه، راحت لاقرب جدار بالبيت وضربت راسها بقوه لين ما فقدت الوعي، عشان هذام ما يشك فيها، وعشان لو رجعت روح تقدر تساعدها من ثاني.
قعدت روح تمشي وتمشي، وهي تحس ببرد وخوف، كانت روح متغطيه بالكامل، يعني لابسه عبايتها ونقابها .
مشت بالشارع العام وهي خايفه لا تجي الشرطه وتاخذها وترجعها لهذام، لانو زوجها ومستحيل يقبضو عليه، وراح يرجعوها له.
ناظرت لسيارات الشباب الي باواخر الليل، والبنات قاعدات بسياراتهم والاغاني ماليه الشارع، استغفرت الله بنفسها من هالوضع الي صارو البنات فيه، وبعدها ناظرت لممر ضيق بعيد عن هالشباب الي قاعدين يجو بالسياره لحد عندها ويعاكسوها، خافت وقررت تمشي بالممر الضيق ذا، عشان تبعد عنها، وبالفعل ركضت وقعدت تركض وتركض لين ما ابتعدت عنهم، وبدات تمشي بممرات ضيق، وبيوت كثيره، وهي خايفه ومرعوبه، وفيه صوت كلاب من بعيد، دب الرعب بقلبها، وبدات تدعي الله يطلعها من هالمكان بدون ما تتأذا.
لوهله تمنت انها ما طلعت من البيت، على الاقل بوجود هذام رغم قسوته الا انها تحس بالامان.
قعدت تمشي وتمشي، لين ما شافت اربع شباب واضح عليهم الصياعه وانهم شياطين انسيه، ارتعبت منهم لانو كانو قاعدين يشربو حشيش ويشربو مخدرات،وبعدما اخذو المخدرات قعدو يضحكو بشكل هستيري وكانهم مجانين ، تراجعت بخطواتها لورا وهي خايفه، وتبي تبعد من هالمكان قبل يحسو فيها.
تراجعت لورا وكان فيه علبة مويه طايحه بالارض، وبدون ما تحس روح، داست عليها وطلعت صوت.
غمضت روح عيونها بخوف، وبعدها ناظرت ل الشباب وارتعبت لمن شافتهم التفتو ل الصوت وارتسمت على وجوههم ابتسامه وحشيه لفريسه طاحت بوكرهم.
بدون ما تفكر روح ركضت وقعدت تركض وهي خايفه، وكل ما التفتت تشوفهم بعدها او لا، شافتهم بعدهم خلفها، زودت من سرعة خطواتها ولمن التفتت تشوف اذا بعدهم تعثرت وطاحت على وجهها، وانجرحت يدها، ومرفقها من الطيحه، امتلت عيونها بالدموع، والتفت بسرعه وشافت الشباب وصلو لها،ناظرتهم بخوف وقالت.
روح بخوف : تكفو اتركوني بروحي، انا ما شفتكم ولا راح اخبر الشرطه عن المخدرات.
ابتسم واحد من الشباب ومد يده لها، ومسكها وقال.
الشاب بخبث : هذا اذا طلعتي عايشه اساسا.
انحنا بجسمه عشان يشيل نقابها، وشده بقوه لدرجة انو من شده ل النقاب انجرحت رقبتها.
صفرو السباب بانبهار من جمالها
بكت روح بخوف وقعدت تدعي الله ينقذها منهم، ويوريها عجائب قدرته.
مسكها الشاب الاول من فكها وقال.
الشاب الاول بخبث : راح نتسلى يا حلوه.
صرخت روح بخوف وقعدت تضربه وهي خايفه، ولا اراديآ قعدت تصرخ وتنادي هذام وهي مرعوبه وخافيه.
تقرب منها الشاب الاول وضربته تحت الحزام وبعد عنها، حاولت تهرب بس سحبها الثاني من رجلها وطيحها من ثاني.
روح بصراخ : ماما هذاااام احد يساعدني.
اخذت حصى كان بالارض وضربته براس الثاني وهربت بكل سرعتها، والتفتت تشوفهم الا تضرب بشي زي الحيط، ناظرت ل الشي الي ضربت فيه، وحست انو الروح ارتدت لها، لمن شافت هذام.
ناظرته بدموع وقالت.
روح بدموع : تكفى خذني من هني، وعد ما اهرب، تكفى رجعني البيت.
ناظرها هذام بنظرت جامده ولا نطق بكلامه، سحبها خلف ظهره وخباها خلفه، وناظر ل الشباب الي وصلو له وهم يلهثو من الركض، راح له الاول وكان راح يمسك يد روح عشان ياخذها وقال.
الاول بغضب : هذي لنا، لو ودك ياه تقدر تاخذها بعدين.
مسك هذام يده الي كانت راح تمسك يد روح بكل هدوء، وضغطت عليها بقوه، لين ما سمع طرقعتها.
صرخ الاول باللم لمن كسر هذام يده.
ناظر هذام لروح وقال.
هذام : لا تتحركي.
بعد يدينها الي ضامته من خصره، وناظر ل الشباب واخذ الاول بكل غضب وضربه ضربه طيرته عند خويه، وبعدها راح ل الشباب وقعد يتضارب معاهم، وطبعا كان الفوز من نصيب هذام، بس بعدما ضربه واحد من الشباب بكتفه مكان الرصاصه وتالم هذام، بس لقنه الضربه القاضيه وطيحه بالارض.
راح لروح من ثاني واخذها من يدها،سمع صوت سعد وهو يناديه لانو هذام اتصل لسعد بعدما سأل الناس عنها وخبروه انو فيه بنت غريبة الاطوار راحت من ناحية البيوت الضيقه ذي.
بسرعه التف هذام وضم روح لصدره وعطا سعد ظهره، عشان يغطيها من سعد والحرس.
اول ما وصل سعد ناظر ل الشباب واستغرب من هذام اشلون قدر لهم وهو مصاب، ما طول استغراب وبسرعه صد لمن سمع صوت هذام يقول.
هذام بغضب : سعد صد انت والحرس اهلي معاي.
صد سعد وراح بسرعه لسيارته واخذ شماغ منها ورجع لهذام وعطاه ياه وهو صاد عشان هذام يغطي فيه روح.
اخذه هذام وغطا فيه وجه روح وشعرها ومشى معاها وبعده ضامها لصدره، ناظر سعد وقال.
هذام : خذ هالحيوانات للقسم، وبعدها تعال للبيت ابيك.
سعد : ابشر طال عمرك.
راح هذام ل السياره وفتح الباب لروح وهو يحاول يكتم غضبه عنها، وصوت بكاها منرفزه حيل.
دخل السياره وحرك متوجه للبيت.
قعد طول الطريق معصب وحاطط يده على صدره وهو متالم من جرح كتفه الي افتك .
بعد وقت مب طويل وصل هذام للبيت، واول ما دخلت السياره ل البيت راح الحارس يشوف مين الي بالسياره ويسأل اذا حصلو روح او بعدهم.
اول ما فتح هذام الباب ناظر لسند وقال.
هذام بغضب : تقلع يالله، حرمتي بدون غطاء.
مشى سند وهو صاد احترامً لهذام وحرمته.
راح هذام لباب روح وفتحه واخذها من يدها ودخلو البيت.
اول ما دخلو البيت غلق هذام الباب وسحب روح بقوه عشان توقف امامه وقال.
هذام بغضب : ليه طلعتي من البيت لييييه يا روح لييه.
ما ردت روح بس تبكي، وذا الي جنن هذام اكثر، اشلون قاعده تبكي وهو مليان غضب بسببها، ليه ما تبرر سواتها.
روح ببكى وصوت مرتجف : م ما راح اطلع، وعد ب بس بطل صراخ.
صرخ هذام عليها اكثر، وروح من الخوف رفعت يدينها لاذونها وبكت، ناظرها هذام وما عرف اشلون يتصرف معاها، بسبب تهورها كانت راح تخسر نفسها، وبسبب غبائها كانت راح تروح فيها.
ناظرته روح بعيون مليانه دموع وقالت.
روح بدموع : وعد ما اكرره، وعد بس انت لا تصرخ علي،*وبشهقات *ان انا خايفه.
عورها قلبه عليها، وحس انو طفله بريئه ما شافت من كوكبه المظلم شي.
ساقته رجليه لها، وبكل هدوء، ضمها لصدره بدون ما يقول كلمه، وتركها تكمل بكاها وتحس انو فيه حضن امن يحتويها.
روح اول ما ضمها هذام بكت بنحيب، وتمسكت بقميصه وهو تبكي، وكانها طفله ترتجي حنان ابوها، او شخص ينتشل قلبها ويوريه الامان.
وسط بكى روح، تذكرت معاملة هذام لها من اول ما عرفته، وبدات افكارها تنسج لها كلام شعري وتقول.
روح بنفسها ومن وسط بكاها :
جرحني وبدال الدمع دمت،،،،،،،، هالمحاجر
واصبحت من بعده بقايا،،،،،،،،،،،،،،،،،، حزينه
ابكي من شتاتي والفكر بالهوجاس،،،،،، حاير
الظلم شتتني، واصبحت بين ضلعانه سجينه
هل يا ترا الحب يجني،،،،،،،،،،،،،،،،،، هالخساير
واكتشف فيما بعد اني بعينه،،،،،،،،،،،،،، رهينه
لقدر اروح يمين ولا يسار مهما،،،،،،،،،،،،،، اكابر
يمكن اقدر افتك من سجنه واتجاهل،،،حنينه.
حاولت ويهزمني لا منه صاح وقال،،،،،،،حاظر
انتي يسار الصدر وغيرك،،،،،،،،،،،،،،،،،،،،،،، يمينه
ناظرها هذام ومسح على راسها بهدوء، وكانه ما يبي يبين لها حنانه، ويوهم قلبه انه بس يواسيها،بس نبضات قلبه تعالت، وحس بشعور غريب.
رفع راسها من على صدره بهدوء، ومسح دموعها وقال.
هذام بهدوء : بسك بكى، وعقابك بعدين.
ناظرت روح بعيونه، وطاحت عيون هذام بعيونها وكان عيونها اغرقته وموجها وداه لعالم ثاني.
يحس بشتات غريب عجيب، وتناقض بالمشاعر، قعد ينقل عيونه بين عيونها، وناظر لدمعاتها الي محبوسه بعيونها، وتذكر الي يقول .
شتات تارسن فكره والبال،،،،،،،،،،، داير
ومن شتاته ضاربً لك ،،،،،،،،،،،،،، يدينه
يجن جنونه ويصير الدم،،،،،،،،،،،،،، فاير
لا شاف دمعك وانتي،،،،،،،،،،،، تحبسينه
تهزمه عينك بس،،،،،،،،،،،،،،،،،،،،،،،، صابر
لا طاح بهدابك اساير،،،،،،،،،،،،،،،،،،كمينه
ماهو كما المعتاد ابد،،،،،،،،،،،،،،،،،، صاير
مثل الي كذب بغبار طيح،،،،،،،، دمعتينه
يدري ان الحب بعيونه اليوم،،،،،،، ظاهر
ويدعي يالله عسى ربي،،،،،،،،،،،،،،، يعينه
لاهو بالي قوى ولا بالذي،،،،،،،،،،،،،،، قادر
ولاهو بالذي هدي وعمته،،،،،،،،، السكينه
تعب لا منه بعينك،،،،،،،،،،،،،،،،،،،،،،، يناظر
ولو تركزي كان شفتي اسمك في جبينه
افتحي صدره وشوفي الحب،،،،،، ظاهر
قد نبت اسمك بصدره،،،،،،،،،،،،، ياسمينه
سج بخياله والهوجاس،،،،،،،،،،،،،،،،،طاير
يدري ان قلبك يبحث عن،،،،،،،،،، ضمينه
يمكن يشيل القلب،،،،،،،،،،،،،،،،، هالمشاعر
ويلين القلب باعتراف انتي،،،،،، تنطقينه
جارحك بالحب صار اليوم،،،،،،،،،،، شاعر
ويمكن تغير وبعدك ما،،،،،،،،،،،،،، تعرفينه
يفضحه صوت قلبه لو ،،،،،،،،،،،،،،، يكابر
وشلون ما ينبض وهذا الي،،،،،، تعشقينه
ضمت روح هذام وحاوطت يدينها حول خصره وكملت بكاها، بس وقفت بكاها بصدمه لمن حست بشي ساخن تسلل ليدها الي ؏ظهره، بعدت عن حضنه، وناظرت ليدها وهي مرعوبه، بعدما شافت الدم الي فيها.
روح برعب : د دم د دم.
ناظرها هذام الي بداء التعب يزيد عليه وشوي وبفقد وعيه وقال.
هذام : لا تخافي، ساعديني اروح لغرفتي وبعدها بتصل ل الدكتور، واياك تطلعي من غرفتك، لانو سعد والدكتور راح يقعدو لين يخلصو شغلهم.
ما ردت روح لانو قاعده تناظر الدم الي بيدها وهي خايفه، من وين هالدم، وليه هذام ما يبيها تروح له، وش صاير.
هذام بتعب : ممكن تسنديني لغرفتي.
راحت روح له وبعدها خايفه عليه رغم انو قاعده تحاول ما تبين خوفها.
ساندته لين وصلته لغرفته، وبعدها اخذ تلفونه من جيبه واتصل لسعد وخبره يجيب الدكتور ويجي، لانو باقي له تكه ويفقد وعيه بسبب الدم الي فقده، وجرح الي انفتح.
غلق من سعد وبعدها ناظر روح وقال.
هذام بتعب : يالله امشي سعد والدكتور ؏وصول.
روح بخوف : انت قاعد تنزف.
هذام بتعب : ما انزف، بس جرح بسيط لا تح.
قبل يكمل كلمته غمض عيونه فاقدً للوعي.
ناظرته روح وبكت من خوفها، راحت له وحاولت تصحيه، بس ما صحي.
سمعت صوت سعد الي كان عارف انو هذام تعبان وكان جايب الدكتور معاه، لانو لمن راح ياخذ الشباب لاحظ الدم الموجود على قميص هذام.
طلعت روح بسرعه من الغرفه، وراحت غرفتها،كانت راح تطلع بس تذكرت انو مافيه نقاب ونقابها طاح عليها، قررت تستنا لين يطلعو وبعدها تروح ل الشغاله وتروح لسند او اي احد من الحرس عشان يتصل لسعد ويطمنها على هذام.
قصر ابو هذام
ــــــــــــــــــــــــ
قاعده بجناحه، وتستنشق ريحته الي بعدها بالجناح.
ناظرت للغرفه الي انشال كل شي منها، صوره واغراضه، الي تبرعو فيه للجمعيه، راحت ل سريره وطاحت عليه وقعد تدور ريحته بالفراش الي غيرته الشغاله، بعدما شالو الاول.
لانو ابو هذام طلب منهم يشيلو كل اغراض فارس، ما يبي نبض وام هذام لا دخلو الجناح يتذكروه ويرجع لهم الحزن من جديد.
**وكانو الاغراض لا راحت بيروح طاري راعيها، القلب عيى ينسى من فيه حتى لو صار تحت التراب **
ناظرت للجناح وضيق الكره الارضيه فيها، اشتاقت لفارس، وعجزت تتخطا موته.
كانت طالعه بس فيه شي لفت انتباهها تحت السرير، ويمكن الشغاله ما شافته.
انحنت بطولها وشافت شي اسود مرمي تحته.
اخذته وكان دفتر، وخمنت انو دفتر مذكرات.
قررت تاخذه لجناحها وتقراء الي فيه قبل تطب عليها امها وتاخذه منها.
طلعت من جناح فارس، وراحت جناحها، دخلت وغلقت الباب بالمفتاح، وبعدها راحت ل الكنبه الي بالصاله وقعدت عليها.
سمت بلله وفتحت المذكره، وبقلبها شي ينمعها من فتحها.
فتحت اول صفحه، وقعدت تقراء الي فيها وهي تبكي.
قعدت تقرا ورقه ورا ورقه ورا ورقه ليه وصلت لورقه مكتوب فيها.
انا لمن احس نفسي مخنوق او احتار بشي، او محتاج افضفض لاحد، كنت اخذ الرقم ذا.
وكان الرقم مكتوب بالورقه، واتصل له، وابداء اطلع كل الي بقلبي، ورد صاحب الرقم كله حكمه وحنان، ويحسسني اني اخوه الصغير، وانو لي اخ ثاني غير هذام، اي نعم هذا اخوي ب، الي بفضل الله ثم هو انقذني من التدخين، عقب ما قعدت ادخن 5 اشهر بالخفه،، وما احد درا عني حتى اهلي .
قعدت نبض تناظر ل الرقم وهي مستغربه مين هالشخص الغامض الي ما كتب فارس اسمه،وليه اشار له بحرف الباء ، وليه فارس يعزه حيل.
ناظرت الرقم وما كان سعودي وهذا الي استغربته، يعني احتارت منه وحيرها.
لو كان بحرف ر كان قالت رائد لانو تعرف اش كثر رائد عزيز وغالي على فارس الله يرحمه، قعدت تناظر الرقم والهواجيس تجيبها وتوديها، وقلب يقول لها تتصل وتشوف مين هالشخص وترضي فضولها، وقلب يقول لا تغلطي وتسويها.
قعدت تفكر وتفكر، وبعدين قررت تنام وبكره يحلها الله.
اليوم التالي
ــــــــــــــــــــ
تركيا
المستشفى
ـــــــــــــــــــ
فتحت عيونها بتعب وشافت نفسها بمكان كله ابيض في ابيض ، والي خمنت انها بالمستشفى، حاولت تقوم وحست باللم يسار صدرها، رفعت يدها عشان تحطها مكان الالم، وشافت المغذيه فيها ، وجهاز القلب باصباعها السبابه، ناظرت للغرفه وشافته فيه كذا جهاز محطوط وموصل بجسمها، استغربت، وش صار لها بعدما فقدت وعيها.
دخلت الدكتوره عشان تشوف مؤشراتها الحيويه، وتاخذ تقرير كامل عن حالتها، بس تفاجأت لمن شافتها صاحيه، راحت ل الزر الي يم السرير، وضغطت عليه، والي هو زر استدعاء الطبيب المشرف عن الحاله ، وبعدما ضغطت ؏الزر، راحت لام بندر واخذت الكشاف الصغير وسلطته على عيون ام بندر وقعدت تكشف عن حالتها.
ابتسمت لها وقالت.
الدكتوره بابتسامة t : انكِ اليوم بحالً افضل.
ناظرتها ام بندر وشافتها بنت جميله، ولابسه حجاب ووجهها مكشوف، كانت بنت جميله بعيون خضراء، وبشره بيضاء، وشامه بطرف شفتها من جهة اليمين، وحواجب مرسومه، وانف وسط.
ناظرتها الدكتوره وابتسمت لها.
دخل الدكتور المشرف عن حالتها وناظر الدكتوره وقال.
الدكتور t : ما مؤشراتها يا عائشه.
عائشه بابتسامه t : انها جيده للغايه، وسيتم نقلها لغرفه عاديه بعد قليل.
راح الدكتور لام بندر وسألها عن كم شغله، واذا تحس بألم او لا، ومن هالكلام، وخبرته انو تحس باللم بصدرها من جهة اليسار.
ابتسم الدكتور وخبرها انو اجرأت عملية بشأن القلب بالامس.
طلبت ام بندر تشوف اولادها بعدما تذكرت الي صار وانو رائد مختفي.
طلعت الدكتوره عائشه وشافت بدر بالممر، وباين عليها الارهاق قالت.
الدكتوره عائشه t : هل انت من اقارب المريضه.
رفع بدر راسه لها بعدما كان حاني راسه، وقال.
بدر بخوف t : اجل كيف حالُها
الدكتوره عائشه بابتسامه t : لا تقلق انها بحالً افضل، تريد رؤية احد ابنائها ، هلا انت احدهم.
بدر t : اجل.
وقف بدر وراح مع الدكتوره، وراح لامه، وهو داخل شاف الدكتور طالع ومشى من جنب الدكتوره عائشه وباسها من خدها وقال.
الدكتور بابتسامه t : انا ذاهب للمنزل، اراك بوقتً لاحق.
الدكتوره عائشه بابتسامه : وداعآ عزيزي.
ناظر بدر لها واشمأز منها، اشلون فيه بنت محجبه حتى لو كانت اجنبيه تسوي سواتها، مطيحه الميانه مع دكتور زيها، وبوس واشياء مقله للادب.
راح لامها وباسها من راسها وتحمد لها ؏السلامه.
ناظرت ام بندر لبدر بتعب وقالت.
ام بندر : وينه رائد يا بدر، وينه اخوك.
مسك بدر يد امه وباسها، ابتسم بضيق وقال.
بدر : اتصل خوي بندر له وخبره انو قاعد عنده، وانو رافض يكلم احد او يشوف احد، و ما يقدر يعطيه ياه لانو رافض يتواصل مع احد.
ام بندر بتعب وتكذيب : تلعب علي بالكلام يا بدر.
دخل بندر على كلامها وقال.
بندر بابتسامه : لا يمه ما نلعب عليك، واسمعي باذنك صوت بندر وهو يكلم خويي.
راح بندر لامه وباس راسها وطلع تلفونه وسمع امه صوت رائد الي كان بالذكاء الاصطناعي، وكان كلام بندر بس بصوت رائد، والحمد لله الشغله مشت على ام بندر واقتنعت.
ناظرتهم الدكتوره عائشه وابتسمت لهم، وبلعت غصتها، هي مب متخيله انو فيه اولاد وام بعدها بالجمال الاسري ذا، تذكرت امها الي رمتها وهي باللفه وتركتها لابوها، ما تتخيل انو فيه امهات حنونه وجميله زي ام بندر، وفيه امهات جشعه زي امها الي ما همها الا الفلوس.
طلعت من الغرفه والدمعه بعينها، وقعدت تمشي بالممر وراحة لدورة المياه وقعدت تبكي.
استأذن بدر وراح دورة المياه.
واول ما دخل للمغاسل سمع صوت بكى طالع من جهة دورة المياه النسائيه.
ما اهتم، غسل وجهه لانو كان مرهق وتعبان ويبي يصحصح، نشف وجهه وطلع، بنفس اللحظه الي طلعت الدكتورة عائشه وضربو ببعض، ولانو بدر جسمه قوي و يلعب حديد، وطويل والرجال بفطرته قوي.
طاحت بالارض، والدمعه بعينها، متألمه من الطيحه وكمان تبكي من حزنها.
ناظرها بدر وقال.
بدر بتوتر t : اءء عذرً لم انظر اليك،اصتدمت بك فجأه.
مد يده يساعده اول ما رفعت يدها تذكر انه مسلم.
بسرعه طلع محرمه من جيبه وحطها على يده وشد يدها، ولمن وقفت صد وقال.
بدر بنرفزه t : اكرر اعتذاري.
لمن سمع صوتها وهي تبكي، مد المحرمه الي بيده وعطاها ياها تمسح دموعها.
اخذتها ومسحت دموعها.
ناظرته الدكتوره عائشه وشافته مشي وتركها، استغربت اشفيه هالرجال، وليه قاعد يعاملها بالطريقه ذي.
ناظرت ل الحرامه وشافت اسمه مكتوب عليه، قالت.
الدكتوره عائشه بصوت عربي : بدر، الشخص ياخذ من اسمه نصيب، الا انت مدري وش ماخذن منه.
•• الرياض ••
بيت هذام
ــــــــــــــــــ
الساعه 10:13 ص.
فتح هذام عينه وحس بشي على صدره العاري، التف يشوف اش فيه، شاف يد روح طايحه على صدره ، وغرقانه بالنوم، والكماده محطوطه على راسه وراسها ؏طرف السرير.
ناظرها بهدوء واشفق عليها، نايمه بدون غطاء، وكمان نومة الكرسي اليمه.
رفع يدها من على صدره بهدوء، واول ما رفعها شاف فيه جرح بباطن كفها، ناظر ليدها الثانيه الي محطوطه يم راسها وكان مرفقها بعد مجروح، استغرب متى انجرحت، وليه ما لاحظ جرحها.
عدل جلسته وشال الكماده من على راسه، وشال اللحاف عنه ونزل من السرير بكل هدوء.
ناظر لصدره الي ملفوف بالشاش، وبعدها راح لجهة روح بكل هدوء، شالها من ؏الكرسي،متجاهل اللم كتفه .
سطحها ؏السرير وغطاها زين.
وبعدها راح لدولابه واخذ له تيشيرت ولبسه عالماش، وبعدها طلع من الغرفه وراح ل الدور الاول.
اول ما نزل شاف الشغاله طالعه وشايله الفطور، اول ما شافته قالت.
الشغاله بفرح : طويل الامر انت كويس.
ناظرها هذام بهدوء ،شاف اللصقه الي بجبينها وقال.
هذام بهدوء : خبري سند يجيني بالحال وانتي بعد تعالي معاه.
نزل متجاهلها وراح ل الصاله.
بلعت الشغاله لعابها بخوف، وادركت انو هذام اكيد كشف خطتها هي وروح.
خافت وارتعبت لانو هذام ماراح يرحمها لو اكتشف السالفه.
نزلت بالفطور وودته لهذام بالصاله وبعدها راحت لسند وخبرته انو هذام يبيه، راح هذام معاها ودخل البيت، وراح ل الصاله .
راح سند وخلفه الشغاله قال.
سند بخوف : سم طال عمرك.
ناظرهم هذام لوهله وقال.
هذام بهدوء : سند انت رجال طول بعرض وقدرت بنت تطيحك بالارض وتفقدك الوعي.
سند بخوف : يا طويل العمر اخذتني على غفله.
ناظر هذام ل الشغاله وقال.
هذام بهدوء : اشلون قدرت تاخذ منك المفتاح، الي اعرفه انو حرمتي اضعف من انها تمسكك من راسك وتقعد تضربك بقوه لين ما تفقدك الوعي.
سالي بخوف وتوتر : ما يدري اش يسوي هو، هو في مجنون.
هذام بهدوء : والله ما فيه مجنون غيرك، ولاا فيه احد يقعد يضرب راسه بالجدار عشان يطلع من التهمه، وناسي انو فيه كاميرات بالبيت موصله بتلفوني، انتي وسند غلطتو ولازم تنالو عقابكم*ناظر سند *انت يا سند قصرت بعملك ك حارس، وما قعدت تتلفت يمين وشمال، ومن الكاميرات شفت اشلون كنت قاعد ؏التلفون ومب يم الحراس *ناظر سالي *وانتي يا سالي بعد قصرتي، وساعدتي حرمتي تهرب باواخر الليل بدون ما تفكري انو بطريقتك ذي وديتيها للموت برجلينها، انا قررت قرار وماني متراجع عنه.
ناظره سند وسالي بخوف مترقبين قراره.
رفع هذام تلفونه واتصل لسعد وخبره يدخل.
دخل سعد للبيت وراح له الصاله، واول ما وصل لهذام قال.
سعد : سم طال عمرك.
هذام بهدوء : ود سالي لمكتب التوكيل وشيل كفالتي عنها واحجز لها اول تذكره لاندلوسيا وسفرها لاهلها، وسند نزله من قائمة الحرس واعطه مستحقاته.
خلص هذام كلامه وطلع من الصاله متجاهل ترجيات سالي وسند انو ما يطردهم.
بس هذام عطاهم ابسط عقاب، ويحمدو الله ما عطاهم اقصاه.
•• الديره ••
بيت ابو هتان
ــــــــــــــــــــــــ
ناظر ابو هتان لرائد الي كان جاي مع حمد، بطلب من ابو هتان عشان يعرف سالفته قال.
ابو هتان : وش سالفتك يا ولد.
ناظره رائد وبعده ناظر هتان ونادر وحمد، وقال.
رائد بهدوء : ترد الضيف لو قال ما يقدر يحكي سالفته.
ابو هتان بفزعه : ما نرده، ولو عندك لاحد شي انت ضيفي.
رائد بهدوء : يا عم انا جاي هالديره بالغلط، ولا تخاف ماني بملحوق، بل هارب من هلي، وودي بمكان ما فيه احد لين يطيب الي براسي، ويخف شوي من هم قلبي.
ابو هتان : يا ولد حيرتني، دامك مب ملحوق، اجل اشفيك هارب من هلك *وبشك *انت سويت الرديه يا ولد وهارب.
ابو هتان شك انو رائد من الشباب الصايعه والضايعه، وعشان كذا شك وقال كذا
رائد بفزع : استغفر الله يا عم وش هالكلام، ما اسويها ابد عندي اخت و*بتر كلامه وبلع غصته بمراره بعدما تذكر روح وقال *ومقدر اسويها.
ابو هتان : لا تترك الشك يراودني يا ولد، وقول سالفتك.
رائد بضيق وحزن : انا طالع من هالديره، بس دام ماراح اقعد ماني خسران شي لو خبرتك.
هتان بهدوء : قول يا ولد، وترا انت بوجهنا ما يجيك ضيم ولا اذا.
رائد بحزن : قصتي يا طويل العمر انا هارب من تركيا، وجاي لهني بدون ما اخبر اهلي، عقب موت خويي واختي ما قدرت اقعد مع اهلي،وانا جاي ماكنت بوعيي، والهواجيس تجيبني وتوديني، وما ادري اشلون الرجال الي كنت معاه راماني، وبعدها قعدت امشي وانا ما ادل الدرب، وفكرت نفسي تهت وراح اموت من العطش، وسمعت لي صوت اذان من بعيد، مشيت خلف الصوت وبعدها شفت بداية الديره، رحت جهة المدرسه وشفت بطريقي بنت ومن عقبها مدري وش صار.
نادر بشك : بس ذي سالفتك.
رائد بحزن : بس ذي.
رائد ما حب يقول لهم انو قتل خويه وما يبي يتذكر هالسالفه، لانو بعده مب مستوعب انو ذبح فارس.
ابو هتان بابتسامة : امس كنت تعبانه وما صحيت، واليوم غداك يا ولد عندي، واليوم بات وعين من الله خير وبكره يحلها الرحمن.
رائد بهدوء : تسلم يا عم، وخيرك سابق، بس انا ابي اروح.
حمد بهدوء : مو قلت ودك تريح راسك وترتاح وما ترجع لاهلك، اجل اقعد هني كم يوم ولو طاح الحطب الي براسك الله وياك.
هتان بهدوء : وحمد صادق اقعد هني وحياك الله الديره ديرتك.
رائد : تسلمو يا رجال بس انا ما ودي اكلف ؏احد *ناظر ابو هتان الي يناظره بعمق وقال *والبيت فيه حرمته، والحشمه لراعي البيت.
ابو هتان بابتسامة : يا ولد الي يشوف وجهك يقول عز الله ما تدل للمراجل درب، ولا تفهم بسلوم العرب، انت ولد منو يا ولد.
رائد بهدوء : انا رائد عبد العزيز.
فز قلب ابو هتان فجأه وقال.
ابو هتان بشك : عبد العزيز منو.
رائد : حمد سعود ال راجح.
تنهد ابو هتان وتعوذ من ابليس، اشلون يطري له اخوه بالوقت ذا، يعني ولو كان ولده اكيد بيشبهه، ولو بشي بسيط، بس هذا كانه اجنبي وما يشبه السعوديين، الا بانفه الحاد والشامخ، ونظرات عيونه وكمان سلومه وكلامه.
رائد : يالله انا استرخصكم.
ابو هتان بابتسامة : وش قلت راح تقعد او نشوف لك سياره توديك، وترا انا ملزم عليك بالقعده.
رائد بابتسامة باهته : شورك وهداية الله، بس دام تبغاني اقعد، ابي منك طلب.
ابو هتان بابتسامة : انت ما تطلب يا ولدي انت تامر.
ابتسم رائد لا اراديآ لكلمة ولدي، وحس باللهفه لها الكلمه لو كانت من فم ابوه، قال.
رائد : ابي تشوفو لي اي شغله اشتغلها واساعد فيها.
ناظر ابو هتان لحمد وغمز له بمزح وقال.
ابو هتان بمزح : شرايك يا حمد لو يصير معاك بالمرعى، يرعى الحلال ويهتم فيه.
رائد بعد استيعاب : مرعى وراعي اشلون.
نادر بهبال : يعني تاخذ الحلال وترعاهم، تاكلهم وتعطيهم مويه وتهتم فيهم.
رائد باستغراب : حلال معاكم حلال يعني خيول ونياق وغنم وغيرهم.
هتان برفع حاجب : وانت يا الاشقر من وين تعرفهم.
رائد بابتسامه حزينه : كنت انا وخويي لمن نروح ل الصيد نشوفهم ونقعد مع الرعيان ونسولف مع بعض ونتشارك صيدنا معهم.
حمد باستغراب : انت تصيد * وناظره من فوق لتحت وقال *متاكد.
رائد بنرفزه من نظراتهم : هيه انت وياه مستقليني يعني، اي نعم اصيد ومالي منافس بالصيد.
ابو هتان بابتسامة : ونعم، بس يولدي بعدك صغير وعشان كذا استغربو.
قرر يتوه الكلام عشان يغطي على كلام الشباب الي مستغربين انو هالاشقاراني يعرف يصيد.
رائد صح اشقر وحلو، بس جسمه معضل وطويل ومشكلته الوحيده انو حلو، وعشان كذا شباب الديره مفكرين انو رائد زي شباب الرياض، الي من كان حلو صار خكري ومايع.
ابو هتان بابتسامة : الحين يا ولد خل نروح وناخذ لفه بالديره واعرفك عليها.
رائد : طيب، بس بالاول ما خبرتني وش راح يكون شغلي.
ابو هتان بابتسامة : راح اشوف لك شغله بعدين، الحين خل نروح.
وقف رائد مع ابو هتان وراحو، وهم طالعين كانت عروب داخله، ورائد كان ماشي قبل ابو هتان، واول ما شاف عروب داخله رجع يدخل من ثاني وهو صاد، وبعد عن طريقها.
ناظرته عروب بخف وبعدها دخلت بسرعه.
ناظرها ابوها وقال.
ابو هتان : عروب من وين جايه.
عروب بهدوء : من المدرسه.
ابو هتان باستغراب : ليه ما رحتي اليوم.
عروب بهدوء : رحت يبه بس تعبت شوي وسمحت لي الابله اروح.
راح لها ابو هتان بينما رائد طلع واستنا ابو هتان برا.
راح ابو هتان لعروب بخوف وقال.
ابو هتان بخوف : اشفيك يبه.
عروب بهدوء : مافيني شي يبه لا تخاف، بس مغصني بطني، وحلقي يعورني، يمكن ماخذه برد لا تحاتي.
باسها ابو هتان من راسها بحنان وقال.
ابو هتان بحنان : روحي ارتاحي يبه، وانا بروح ل الدكتور وباخذ لك دواء.
عروب بهدوء : لا تروح يبه، انا بخير بس ابي ارتاح،يالله انا داخله.
دخلت عروب وبعدها طلع ابو هتان وراح مع رائد يعرفه ؏الديره.
بيت ابو خلف
ــــــــــــــــــــــــ
قاعد خلف بغرفته يناظر لنفسه بالمرايه،وهو مليان غضب قال.
خلف بغضب : والله ما اتركها لك يا هتان،كنت حاس انو بينهم شي بس الحين تاكدت،الشي الي نفذتي منه يا سراب راح انفذه اليوم بلليل وبنص بيت ام ضاري،وبعدها نشوف اذا احد يقدر يوقفني.
(( وصلنا لنهاية البارت ))
//توقعاتكم //
تتوقعو هذام يأذي روح ؟
او راح يسامحها عقب سالفة الهروب ذي ؟
روح راح تفكر تهرب من ثاني ؟
او هل راح تقعد لانو تحس بالامان بوجود هذام ؟
تتوقعو نبض تنسى سالفة حرف ر ؟
تتوقعو يلعب بها الشيطان وتتصل ل الرقم ؟
رائد راح يستقر بالديره او راح يروح بعد فتره ؟
تتوقعو يصير بين بدر والدكتوره عائشه قصة حب ؟
او وجود الدكتوره بهالبارت مجرد شي عابر ؟
خلف راح يقدر ينفذ الي بباله ؟
او هتان راح ينقذ سراب زي الاول وينهي خلف
شاركوني توقعاتكم الحلوه يحلوين
*_< يــۥــۥــتبـ؏ـع⇦⇩_*
*_`قنــــواتنـــا_انــيرونـا •⸙♡»))`_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
*_https://whatsapp.com/channel/0029Vb75uek1iUxbkIJBpH2T_*
﹌﹌﹌﹌﹌﹌﹌﹌﹌﹌﹌
*_- اتـشـنـل ڪروب ڪتب ومستندات𝐏𝐃𝐅📓_*
https://chat.whatsapp.com/CWiALT5QKFJ46EeIEwvnrd?mode=wwt
✧◌⑅◌•❁𓆩٣³𓆪❁•◌⑅◌✧
﹌﹌﹌﹌﹌﹌﹌﹌﹌﹌﹌
*_اتـشـنـل قـنـاة نڪت وقصف جــجبۿات⸢⑇֯🌚💔⑇⸥_*
- *_ضابحين صح وتشتوا قصص ومشعات ونڪبات تضحڪوا؟!⇣⁽☻_*
- *_تعالو هنــا☟_*
_*https://whatsapp.com/channel/0029Vb75QOR9WtCASkmTbb0U*_
2
*_https://whatsapp.com/channel/0029VbBWqPM2v1IozE4ldR2Q_*
﹌﹌﹌﹌﹌﹌﹌﹌﹌﹌﹌
*_`اتـشـنـل قناة قصيد وشيلات⁽🕊⁽✨_*
_*https://whatsapp.com/channel/0029VaaASUGLo4hltNj3vm1U*_
﹌﹌﹌﹌﹌﹌﹌﹌﹌﹌﹌
*_اتـشـنـل `قناة حالات وتساب وأقتباسات منوع وفعاليات⁽㋡⇣ツ._*
1
_*https://whatsapp.com/channel/0029VaMuPn8Gk1FjtCR7dn1U*_
2
*_https://whatsapp.com/channel/0029Vb6r2he7tkj2Lo22T92j_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪـروب الرعـب𓆘•_*
*_𓄀𓏤𝒉𝒐𝒖𝒔𝒆 𝒐𝒇 𝒉𝒐𝒓𝒓𝒐𝒓ꪶ🕸️💀•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
🏴☠️≛𝖒𝖆𝖒𝖔𝖔𝖓≛🏴☠️
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪروب اقتباسات منوع ورفله⁽㋡⇣ツ._*
*_https://chat.whatsapp.com/Lwd2kqSAho4CJOOQSnNQ1U_*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاه ملصقات وتساب متنوعه☟_*
*_https://whatsapp.com/channel/0029Vb6IHq4JP212MnEZ6q3W_*
﹌﹌﹌﹌﹌﹌﹌﹌﹌﹌﹌
> *نورو قنواتنا تليجرام_قـنـاه روايات تليجرام_قناه جبر خواطر_قناه آرح مسمعك_قناه مكافحة الفرخان_قناه افكار مشتتة*⭒
@brokeen305
@broken305
@broken339
@broken336
@anfasaam
*_- بوت تواصل☟_*
@yemeni_broken9bot
*✧══•❁𓆩٣³𓆪❁•══✧*
> *🏴☠️≛𝖒𝖆𝖒𝖔𝖔𝖓≛🏴☠️𓆩٣³𓆪 ♡*
﹌﹌﹌﹌﹌﹌﹌﹌﹌﹌﹌
*_💥القراءة السريعة مثل الأڪل بدون هضم💥_*
▬▭▬▭▬▭▬▭▬▭▬▭▬▭▬