الفصل 7
> *_روايـــــــة: اوقدت نارالشوق في صدري وعجز زمان الوقت يطفيها•⃠⁽❤️🔥⸙♡»))_*
⤹. | _~*بواسطــٍۛ❀ـٍۛـة- `𓄀𝐌𓏤 𐇻`*~_ | ˚˖☆˚.
> *_𝑼𝑹 : 🏴☠️𝖒𝖆𝖒𝖔𝖔𝖓🏴☠️𓆩٣³𓆪 ♪_*
*_{🖋️}☜تنسيق : ۿيبــٖهٰ̐ہ.بروفيسور𓆩٣³𓆪_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
﹌﹌﹌﹌﹌﹌﹌﹌﹌﹌﹌
*_||☜⤸اتـشـنـل ڪـروب الرعـب𓆘•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
*_ثريدات وقصص و احــحداث منوعۿ_*
﹌﹌﹌﹌﹌﹌﹌﹌﹌﹌﹌
••
*– ࢪواية :«اوقدت نارالشوق في صدري وعجز زمان الوقت يطفيها .».*
*الباࢪت:«6».*
*_الڪاتبه: غزال الشعريه»..*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
ــــــــــــــــــــــــ
انصدمت نبض لمن شافت فيه بنت طايحه بالارض ومغماء عليها.
راحت لها بخوف، وبعدت شعرها من على وجهها وبانت ملامحه الجميله لنبض.
بعدت نبض يدها عن راسها بسرعه بسبب حرارت روح العاليه.
خافت عليها نبض حيل وحاولت تصحيها بس ما صحيت.
رن تلفون نبض وكان هذام.
ردت عليه وقالت.
نبض بخوف : هذام البنت مرا تعبانه وحرارتها مرتفعه، و وتنفسها مرا ضعيف، لازم ناخذها للمستشفى.
هذام بسرعه : لا انتبهي تاخذيها للمستشفى، انا اتصلت ل الدكتوره جمان وهي الحين بالطريق، اياك احد يشوفها، او يدخل سعد البيت، البنت بامانتك يا نبض، انا مضطر اغلق الحين .
غلق هذام من نبض بدون ما يسمع ردها.
ناظرت نبض لروح وهي متورطه وش راح تسوي، البنت راح تموت قبل توصل الدكتوره.
عند الدكتوره جمان، اول ما اتصل لها هذام راحت للبيت، واول ما وصلت للبيت، نزلت من سيارتها وعطت سعد المفتاح عشان يسفطها بالشارع زين.
وهج اول ماشافت سعد طلع من السياره، بسرعه طلعت من السياره وراحت خلف الدكتوره ودخلت معاها البيت.
الدكتوره ما حست ب وهج الي خلفها، ودخلت البيت وتركت الباب مفتوح من عجلتها.
ناظرتها نبض وفرحت انو فيه احد جا يساعدها.
بس انصدمت لمن شافت وهج خلف الدكتوره قالت.
نبض بصدمه : وهج.
ناظرت الدكتوره جمان خلفها وشافت وهج واستغربت من وين طلعت ذي.
وهج بطفوله : اسفه وعد ما اعيده.
واعطت نبض ابتسامه بريئه.
تنهدت نبض واشرت لها على احد الكنبات عشان تقعد وما تتحرك لين تخلص شغلها.
نفذت وهج كلامها وراحت تقعد على احد الكنبات.
راحت الدكتوره لروح وكشفت عليه وبانت على ملامحها القلق قالت.
الدكتوره جمان بقلق : نبض لازم نوديها المستشفى، البنت مو بخير.
نبض : جمان تكفي سوي اي شي، هذام رافض ناخذها المستشفى.
الدكتوره جمان بقلق : انا راح اسوي الي علي، وانتو تحملو المسؤليه لو صار شي للبنت.
نبض بخوف : ان شاء الله مو صاير لها شي.
الدكتوره جمان : تعالي سعاديني، خل نطلعها ؏الكنبه .
نفذت نبض كلامها وساعدتها وسطحو روح ؏الكنبه.
طلعت الدكتوره كل شي تحتاجه من شنطتها، اخذت المغذيه وشقت مسارها بوريد روح، وبعدها طلبت من نبض تجيب شماعه عشان تعلق السيرومات فيها.
هذام وصف ل الدكتوره حالة روح وانو لها 4ايام بدون اكل ولا اي شي يدفها، والدكتور على حسب كلامه اخذت كذا سيروم مغذي لها، واخذت جهاز الحراره عشان تقيس حرارتها.
انصدمت الدكتوره لمن شافت حرارة روح، وكانت 40.9 ، خافت بدات تطلع سيروم وحطت فيه ابر خافضه للحراره، وركبت لها مغذيه بيدها الثانيه.
كانت الدكتوره جمان مرا متوتره، مافيه المعدات المطلوبه ولا الادويه الي تحتاجها، ولازم يجيبوها بسرعه عشان تنخفض حرارتها بسرعه.
كتبت كذا دواء بورقه وطلبت من نبض تاخذها وتعطيها سعد عشان يجيبهم بسرعه.
طلعت نبض من البيت وعطت سعد الورقه وطلبت منه يجيب هالدواء بسرعه، وبعدها رجعت ل الدكتوره.
ناظرتها الدكتوره جمان وقالت.
الدكتوره جمان : نبض روحي بسرعه جيبي مويه لازم نعطيها مسكن وخافض بسرعه.
راحت نبض للمطبخ، اخذت كوب وفتحت باب الثلاجه وانصدمت لمن شافتها فارغه تمامآ، ولا فيها الا علبة مويه.
اخذتها نبض وسط صدمتها وملت الكوب وراحت بسرعه ل الدكتوره جمان.
عطتها المويه، وحاولت الدكتوره تبلع روح المسكن عشان تخف حرارتها، بس ما عرفت وذا الي صعب عليها الامور اكثر.
الدكتوره جمان بقلق : نبض البنت مو قادره تفتح فمها، لازم تعطيها المسكن ضروري، او راح اضطر اعطها ابر وسيرومات لين بلليل.
نبض بخوف : طيب وش السواه.
الدكتوره جمان : انا شغلي يوقف على اعطائها السيرومات وخافض الحراره، وغير كذا مقدر اعطيها شي.
نبض بقلق : طيب عطيها سيرومات وانا بكلم سعد يجيب ثلج ومويه بارده وبنسوي لها كمادات.
الدكتوره جمان : طيب بس خل يستعجل.
كلمت نبض سعد وخبرتها يجيب ثلج ومويه بارده ويستعجل.
كل الي قاعد يصير تحت انظار وهج الي مو مستوعبه شي .
يعد ثلاث ساعات خفت حرارة روح شوي، وتطمنت الدكتوره جمان .
ناظرت ل السيروم الي باقي له شوي ويخلص، ناظرت نبض الي قاعده تغير الكمادات لروح وقالت.
الدكتوره جمان : استمري بالكمادات، انا مضطره اروح بعد ما يخلص السيروم، مابقى شي على طلوع ولدي من الجامعه، ولازم اروح اخذه.
نبض بقلق : طيب هي راح تكون بخير.
الدكتوره جمان : ان
قاطع كلامها دخول هذام.
اول ما دخل هذام ناظر ل الدكتوره ونبض وكان رايح لروح عشان يتطمن عليها، بس قاطعه صوت وهج الي صرخت وقالت.
وهج بفرح : بابا.
راحت له ركض وضمته من رجلينه بقوه.
ابتسم هذام لها وشالها وضمها لصدره وباس خدها وقال.
هذام بابتسامه صغيره : وهج بابا انا جبت لك الي وعدتك فيه، وراح اعطيك اللعابك بعد شوي، بس خل اروح بالاول اشوف نبض واتكلم معاها بامور تخص الكبار طيب،وانتي اقعدي شاطره لين ما اخلص كلام مع نبض .
وهج بطفوله : تيب.
نزل هذام وهج وراحت وهج للكنبه من ثاني وقعدت عليها.
مشى هذام وراح لها وقلبه مقبوض، خايف لا تموت وتصير برقبته.
ناظر الدكتوره وقال.
هذام بقلق مخفي : كيفها يا دكتوره.
الدكتوره جمان : هي الحين احسن، وراح اشيل عنها السيروم بعد شوي، البنت مرا تعبانه وحرارتها مرا مرتفعه، انتبه لها زين، هي تعاني من سوء تغذيه، وكمان محتاجه احد يهتم فيها، ولازم تكون جنبها طول الليل، لانو حرارتها راح ترجع ترتفع من ثاني، وكمان راح تعاني من دوخه ببعض الاوقات، وهذا بسبب قلة الاكل والسخونه.
هذام بهدوء : طيب تقدري تروحي عقب ما يخلص السيروم.
ناظرته نبض وكانت راح تسأله منو ذي، وقبل تتكلم ناظرها هذام وقال.
هذام : نبض بعدين، مو وقت هالكلام.
سكتت نبض وقررت تأجل اسألتها لبعدين.
خلص السيروم وشالته الدكتوره، شالت المغذيه من يدها اليمين وبعدها شالت الثانيه من يدها اليسار، حطت لصقه صغيره عشان توقف الدم، وبعدها ناظرت لهذام وقالت.
الدكتوره جمان : انتبه لها زين عشان ما تسوء حالتها اكثر،سوو لها شوربه وحاولو تاكلوها ياها،عشان تغذي جسمها شوي .
هذام بهدوء : طيب.
طلعت الدكتوره وودتها نبض لحد باب البيت ورجعت وناظرت هذام وقالت.
نبض بنرفزه : هذام ممكن تحكي لي السالفه، ومين ذي.
هذام بهدوء : نبض انا راح احكي لك السالفه بس مو الحين.
كانت نبض راح ترد بس قطع كلامها صوت تلفونها، ناظرت المتصل وكانت امها، ردت وقالت.
نبض : هلا ماما.
ام هذام بقلق : نبض يمه وينك فيه، وهج مختفيه والمربيه مو قادره تلاقيه.
نبض بهدوء : ماما وهج معاي، وانا ب.
اشر لها هذام ما تحكي لها انو ببيته.
اضطرت نبض تكذب وقالت.
نبض : انا بالمول.
ام هذام بخوف : وليه ما خبرتيني اروح معاك.
نبض : ماما انا رحت مع سعد لا تخافي.
ام هذام براحه : خلاص دامك مع سعد خذي راحتك.
غلقت نبض من هذام وقالت.
نبض : ليه اشرت لي اكذب ؏ماما.
هذام بهدوء : نبض خذي وهج ويالله ؏القصر، سعد مستنيكم برا.
ناظرته نبض بصدمه وقالت.
نبض بصدمه : نعم.
هذام بهدوء : الي سمعتيه.
نبض بعصبيه : وباي صفه راح تقعد مع البنت، لا انت اخوها ولا زوجها، انا راح اقعد مع البنت ولاني متحركه ابد.
هذام بهدوء : نبض اسمعي الكلام ويالله روحي، ما ابي ازعلك بالكلام.
نبض بنرفزه : هذام انا الي من حقي اقعد مع البنت واهتم فيها، وماني طالعه من هني لين افهم سالفتك، ولين ما اشوف البنت بخير.
هذام بهدوء : نبض انا للحين بعدني هادئ وقاعد احاول ما اطلع عن هدوئي، البنت انا راح اهتم فيها، وانتي ياللا روحي امي وابوي بيقلقو عليك .
صرخت نبض بعصبيه وقالت.
نبض بصراخ وعصبيه : ماني رايح، ابي افهم وش سالفة البنت، البنت كانت راح تموت بسببك، وانت قاعد تقول انو راح تهتم فيها، باي صفه تبي تهتم بالبنت يا هذام.
صرخ هذام فيها وقال.
هذام : بصفتي زوجها.
انصدمت نبض وقالت.
نبض بصدمه : و وش قلت، ز زوجها، متى تزوجت.
مسح هذام وجهه وحاول يتمالك اعصابه وقال.
هذام : راح احكي لك السالفه بس توعديني ما تطلع لاي احد.
نبض : وعد ما تطلع لاحد، بس يالله قول وش سالفة البنت.
هذام بهدوء : خل نقعد اول.
قعدت هذام بعدما عطا وهج تلفونه عشان تلعب فيه وما تهتم لسواليفهم.
ناظر لنبض وقال.
هذام : البنت اسمها روح، تعرفت عليها من شهر، وهي يتيمه وما لها احد، شفتها طايحه بالشارع،وكانت تعبانه، واخذتها للمستشفى، وقررت اتزوجها واكسب فيها اجر.
دمعت عيون نبض وكبر هذام بعينها، وحست بالفخر كون هذام اخوها.
نبض بدموع : يا حرام، طيب مالها عموم او اي احد.
هذام بهدوء : لها زوجة عم وكانت معذبتها وتعنفها، وانا وديتها السجن عشان تتعلم الادب.
قعد هذام يالف سالفه من مليون كذبه، ونبض بكل بساطه صدقتها.
ابتسم هذام بنفسه على كذبته المحبوكه بشكل متقن.
ناظر نبض وقال.
هذام : يالله روحي القصر، ولا تخبري اهلي برجوعي، وبرضو لا تخبريهم بسالفة الزواج، اول ما احس نفسي متهيأ نفسيآ راح اخبرهم، خل السالفه سر بيناتنا.
نبض : السالفه راح تبقى سر بيناتنا بس روحه ماني رايحه.
هذام بهدوء : روح امي راح تخاف عليك، روحي الحين وبكره تقدري ترجعي لي، وكمان خذي وهج معاك.
رن تلفون نبض وكان امها، قررت تروح وبكره ترجع لهذام.
وقفت نبض وردت على امها وخبرتها انو جايه بالطريق.
طلعت من باب البيت ونادت سعد يعطيها الاغراض الي طلبت منه يجيبها للمطبخ.
ناظرت هذام وقالت.
نبض : هذام خذ الاغراض من سعد وودهم المطبخ وانا برتب الاغراض وبشوف روح وطالعه.
وقف هذام وراح ياخذ الاغراض من سعد، ونبض راحت المطبخ ترتبه وتكتب الوازم، لانو بس طلبت من سعد يجيب شغلات بسيطه زي تست وحليب وجبن وجام وعصاير، والبيت لازم له اغراض خاصه.
ناظرت وهج ل نبض وهذام وما شافتهم، ابتسمت بشقاوه وراحت لروح وقعدت يمها.
ناظرت لروح وشافتها نايمه بعمق، ابتسمت لها بفرح، ومسكت رموش روح وعجبوها ومسكت طرف شعر روح وحست بسعاده وقالت.
وهج بسعاده : يالله اصحي يا الاميره النائمه، ابي اشوفك زين.
حطت كفها الصغير على خد روح وتحسسته بحنان طفولي وقالت.
وهج بابتسامه : انا وبابا ونبض راح نهتم فيك، وراح تصحي يا الاميره النائمه.
فتحت روح عيونها بتعب وحست بحرقه فيهم من الحراره، ناظرت وهج والرؤيئ بعدها مشوشه عندها ومو مركزه زين.
سمعت وهج وهي تقول.
وهج بفرح : بابا بابا الاميره النائمه صحيت.
طلع هذام من المطبخ على صوتها وراح يشوف روح.
روح اول ما تكلمت وهج ونادت ابوها رجعت تغفي من ثاني، وما حست بشي.
ناظرها هذام وقال.
هذام بحنان : راح تصحي يا بابا بس مو الحين، روحي الحين مع نبض واقعدي معاها، وبكره راح تشوفيها.
وهج برفض : ما ابي، ابي اقعد يم الاميره النائمه.
هذام بمحايله : وهج بابا مو انتي تحبي بابا وتسمعي كلامه.
وهج بدموع : بابا انت ما تحبني، انت بابا مو كويس لانو ما تبي تتركني مع الاميره النائمه.
ناظرها هذام بقلة حيله وحاول فيها تروح مع وهج بس هي رفضت وقعدت تبكي.
تنهد هذام بضيق وطلب من نبض تروح وتخبر امه وابوه انو اخذ وهج وراح تبات معاه، وانو بكره بيسير عليهم.
راحت نبض وقعد هذام مع وهج وروح.
ناظر روح وقرر يوديها الجناح.
راح ل الدور الثاني فتح جناح الجناح الي يم جناحه وشاف الجناح مرا متوسخ ومليان غبار، ومستحيل احد يقدر يبات فيه.
تنهد بضيق وراح لجناحه، فتح الباب وشافه نضيف ومرتب، لانو ببعض الاوقات يروح ل هالبيت لمن يكون متضايق او مخنوق، وجناحه يكون نضيف عشان تواجده فيه.
ترك باب الجناح مفتوح وراح ل الدور الاول، راح للكنبه وشال روح من عليها.
كانت روح لابسه بنطلون اسود وبلوزه بيضاء، بكلام اسود.
طبعآ عباية روح كانت مرميه ؏الارض، وروح كانت بدونها.
هذام لمن شال روح بين يدينه، حس كانو شايل طفله.
مشى فيها وتوجه لجناحه، ووهج خلفه.
وداها لغرفته، وسطحها ؏السرير، وغطاها زين.
وبعدها ناظر وهج وقال.
هذام : وهج بابا شرايك نروح المطبخ نسوي شوربه.
وهج بحماس : عشان الاميره النائمه .
ابتسم هذام لها وقال.
هذام بابتسامه : ايوا عشانها.
وهج بحماس : يلا.
مشت وهج قدام ابوها بحماس، وقعدت تتنطنط وهي فرحانه.
اليوم شافت الاميره النائمه الي بقصص اميرات ديزني.
ابتسم هذام على حماسها وراح معاها للمطبخ.
قصر ابو هذام
ــــــــــــــــــــــ
دخلت نبض للقصر وشافت امها وابوها قاعدين بالصاله، راحت لهم وقعدت يمهم.
ناظرتها امها وفزت بخوف وقالت.
ام هذام بخوف : نبض وين وهج.
نبض : هذام اليوم وصل من السفر شفته وانا راجعه، وهج من شافته اصرت تروح معاه واخذها وراح.
ام هذام براحه : هوه اشوى والله خفت، طيب وهذام ليه ما سير علينا، مشتاقه له بالحيل.
نبض بتثاوب : هااااهه مدري، قال مرا مشغول وبكره بيسير علينا، انا رايحه اريح، ؏المغرب صحيني.
ام هذام بحنان : الله وياك، حاولي ما تنامي يمه ترا نوم العصر مامنه خير.
نبض : مرا تعبانه ومحتاجه انام ومقدر اقاوم النوم.
ابو هذام بهدوء : روحي ريحي يبه.
راحت نبض جناحها واول ما وصلت طردت كل الافكار من راسها وتسلل النوم لعيونها ونامت.
شركة الغيث
ــــــــــــــــــــ
كانت شوق قاعده بمكتبها وتناظر الوقت ب ملل، خلصت شغلها من بدري، وفيه اجتمع ؏اساسا بيصير مع رئيس الشركه بس ما وصل، وهي تعبت تستنا.
ناظرت شوق ل الساعه وشافتها الساعه 4:58 م باقي دقيقتين ويخلص دوامها، ناظرت زميلتها بالقسم والي اسمها منال قالت.
شوق : منال انا رايحه البيت، لو سالك عني المدير، خبريه انو وقت دوامي انتهاء.
منال : شوق لا تروحي الرئيس بيعصب، ما يحب احد يتغيب عن الاجتماعات.
شوق بهدوء : يعصب دوامي لين الساعه خمسه، وفوق الساعه خمسه ما لاحد عندي شي.
وقفت شوق واخذت اغراضها وطلعت من القسم ومن الشركه بكبرها.
اخذت سيارتها من موقف الشركه وحركت متوجهه للفيلا.
بنفس الوقت الي دخل فيه غيث بسيارته ل الشركه.
نزل غيث من السياره وعطا الحارس المفتاح عشان يسفطها بالموقف الي يم الشركه .
دخل الشركه بكل هيبه وشموخ وراح لغرفة الاجتماعات وطلب من السكرتير يخبر الكل يروحو لغرفة الاجتماعات.
راح السكرتير وخبر الكل بالاجتماع والكل توجه لغرفة الاجتماعات.
ناظر غيث للكل وشاف فيه مقعد فاضي قال.
غيث : الكل موجوده؟
ناظرت منال لمقعد شوق الي يمها وقالت.
منال بورطه : اءءء ايوا لا.
غيث برفع حاجب : اي او لا، مين الي متغيب.
تكلمت بنت اسمها سناء وذي بنت حرابيه وتكره شوق لانو بنظرها هي قاعده تسرق منها شغلها لانو شوق دخلت بواسطه،طبعآ سناء ذي بنفس القسم مع منال وشوق وكذا بنت .
سناء : شوق هي الي غايبه، راحت من شوي *وبخبث وفتنه *منال خبرتها تقعد بس هي رفضت حتى بعدما خبرتها انو انت جاي ومسوي اجتماع، بس هي ما اهتمت لكلامك يا طويل العمر.
ناظر غيث لمنال وقال.
غيث : كلام سناء صحيح يا منال.
منال بنرفزه من سناء : ايوا صحيح يا طويل العمر، بس ترا شوق طلعت بعد وقت الدوام ومعاها شغل ضروري.
تنرفز غيث وعصب بس ما بين، وقرر يعلم شوق الادب بالتزام المواعيد.
**للمعلوميه غيث ما يدري انو شوق هي نفسها شوق البنت الي ملك عليها، وابوه خبره انو ذي بنت اسمها عذبه وغيرو اسمها لشوق، وهي بنت محترمه وموهوبه بشغلها،وهو وظفها بالشركه عشان ابوها المريض،وانو هي الي تصرف ؏دواء .
غيث بنرفزه حاول يخفيها : اتصلي لها وخل تجي الحين.
منال : ب
قاطعها غيث وقال.
غيث بعصبيه : كلميها الحين لو ما حصلتها بعد 20 دقيقه بالشركه تودع وظيفتها.
منال : طيب.
اخذت منال تلفونها من ؏الطاوله واتصلت لشوق، وبعد كم رنه ردت شوق وقالت.
شوق : هلا منال.
منال بتوتر من عيون غيث الي مركزه معاها قالت.
منال بتوتر : شوق تعالي الحين *وبهمس *المدير مرا معصب*رفعت صوتها زي اول *هو قال اخبرك اذا ما اجيتي خلال 20 دقيقه راح تنطردي.
شوق بنرفزه : اعلى ما في خيله يركبه، ماني مهتمه لاحد، دوامي وخلصته بالوقت المحدد، ما يقدر يأيدني باي وقت ثاني، ولو الاخ يبي الاجتماع ضروري ورا ما قدمه واجل اشغاله، بدال ما يايد احد فينا باشغال، وكل واحد عنده مليون شغله بدال الاوقات الاضافيه تبعه.
منال بتوتر : شوق راح يفصلك من الشغل.
شوق بنرفزه : يفصلني ميته ؏الوظيفه تعبه .
ناظرت منال لغيث واشر لها تعطيه التلفون، ما قدرت ترفض عطته التلفون بكل هدوء.
اخذه غيث وقال.
غيث بعصبيه : 20 دقيقه واشوفك منرزعه قدامي ؏المكتب، او ودعي وظيفتك، والله لولا ابوك الضعيف ما تركتك بالوظيفة ابد.
غلق بوجهها وعطا منال التلفون وقال.
غيث : يالله نبداء الاجتماع.
استغربت منال، دام بيبتدي الاجتماع من غير شوق اجل ليه ناداها.
ما طول استغرابها وبدات تركز بالاجتماع.
كان فيه عيون حاقه وفرحانه بالي قاعد يصير لشوق.
فيلا ابو شوق
ـــــــــــــــــــــــ
كانت شوق توها واصله من الشركه، ووقفت بالكراج عشان ترد ؏الاتصال.
واول ما غلقت من غيث ضربت الدركسون بغضب،وجن جنونها،مين هالي قاعد يذلها عشان شغله،كانت راح تطنش السالفه وتدخل الفيلا،بس تذكرت كلام ابوها لمن قال تقعد شهر وبعدها تطلع من الشركه لو ما حبت الشغل.
قررت تروح الشركه وتوقف بوجه هالمدير المتعجرف وما تبين له ضعفها.
طلعت من الفيلا من ثاني وراحت الشركه.
•• الديره ••
بيت الجده عفاف
ــــــــــــــــــــــــــــ
طلعت سراب مع البتول وراحت ل الزينه.
راحت سراب ل الشبك وفتحت الباب وطلعت الزينه وامها.
راحت ل الزينه وباستها ومسحت على شعرها وابتسمت بفرح اول ما استجابت الزينه لها ول مداعبت شعرها.
ناظرتها البتول وشافتها كل شوي ترفع نقابها من على عيونها بسبب الهواء، ومب عارفه تقعد زين بسبب النقاب، قالت.
البتول بابتسامة : سراب شرايك ناخذ الزينه ونروح ل الحوش، وتقدري تشيلي نقابك.
سراب بابتسامة : انزين.
راحت سراب لام الزينه واخذتها ومشت الزينه بعد امها.
دخلتها للحوش تبع بيت الجده عفاف، وراحت تجيب لها اي شي تاكلها ياه.
بينما البتول قعدت تناظر الزينه وقالت بنفسها.
البتول بنفسه : يهيه يالدنياء، قلبين عيى يميلو لبعض، مصيرهم يميلو بسبب هالزينه.
ابتسمت بنفسها على افكارها، وناظرت سراب الي طلعت من البيت وبيدها صحن فيه خبز لام الزينه.
**هههههههه مدري وش ياكلو الناقه والله ، وان شاء الله ياكلوها خبز **
عطت سراب الخبز ل الناقه وناظرت للبتول وابتسمت لها، لانو البتول كانت تناظرها ومبتسمه.
راحت سراب لجنب الجلسه الي بالحوش وشالت عبايتها ونقابها وتركتهم.
شالت البنسه من شعرها وتركته يتماوج على ردوفها زي البحر من عذبه.
كانت لابسه مخور ملون، لونه بين الاخضر الغامق والابيض، وفيه طراز جميل بالصدر والكم، والمخور مخصر على جسمها بخفيف.
راحت ل الزينه وقعدت تلاعبها وهي تضحك.
ناظرتها البتول وابتسمت، حست سراب طفله بنت 15 سنه مب بنت راشده وواعيه، اشلون قاعده تلعب بمرح وشعرها يتلاعب معاها لامن طاح ؏خصرها.
طلعت من البيت بعدما خبرت سراب انو رايحه تشوف عروب، لانو حالها مو عاجبها.
بنفس الوقت الي كان جاي بسيارته، وقرر يروح يشوف الجده عفاف لانو شرهانه عليه، لانو من راح ل الرياض ما شافته، وطلبت منه ياخذ اجازه من الشغل، ويجي تبيه بشغله.
سفط السياره جنب البيت وكان مرا تعبان ومرهق ويبي يسلم على جدته ويروح البيت وينام.
فتح باب البيت بعد ما شافه مفتوح بخفيف، فتحه بالكامل ودخل.
ويا ليته ما دخل، شاف فيه بنت لابسه مخور، وشعرها الاسود يتماشى مع اخطاها، وكانت تلعب مع الزينه وامها، وهم مستجيبين لها والزينه تلعب معاها.
ناظر كل تفصيله بجسمها، خصرها الي مو باين حيل بالمخور، وطولها، وصفاء كفوفها.
تمنا شي واحد بالوقت ذا، هو انها تلتفت ويشوف عيونها الي ياما طرو له باحلامه وعيا ينساهم.
ابتسم هتان لا اراديآ اول ما شاف الناقه التفتت له ومشت ناحيته بفرح.
التفتت سراب تشوف الناقه اشفيها، وانصدمت لمن شافت هتان داخل ويناظرها.
شهقت بقوه وراحت ل البيت ركض.
مشت بخطواتها وشعرها يتماوج مع كل خطواتها وييلاعب ظهرها من حلاته.
لاح طيف ابتسامه على وجه هذام وبسرعه محاها وقال.
هذام بصوت عالي : احم احم، يابنت العم انا ماكنت ابي ادخل كذا، بس الباب كان مفتوح، خبري جدتي اني اجيت*وبغيره * ويا ليه تغلقي الباب زين، مب لازم كل من هب ودب يشوفوك، ولا تكشفي ابد بالحوش، القرايب كثيره جياتهم لجدتي.
خلص كلامه وطلع وغلق الباب بقوه خلفه.
تنهدت سراب براحه اول ما طلع.
تنفست بقهر من ها ال هتان الي قاعد يتشرط ويتامر عليها.
بيت ابو هتان
ـــــــــــــــــــــ
دخلت البتول البيت وما شافت عروب استغربت وينها فيه.
قررت تطلع للمرعى تشوف وينها فيه.
تغطت وطلعت، راحت للمرعى وسألت نادر الي كان مع حمد عنها، وخبرها انو شافها رايحه جهة بيت الجده القديم.
ناظرت البتول لحمد وشافته قاعد يناظر الارض وسرحان، لوهله تمنت تدخل عقله وتشوف وش قاعد يدور فيه
تذكرت البتول انو جايه تشوف عروب وينها فيه،تذكرت انو نادر اخوها قال انو شافها يم بيت الجده عفاف،استغربت وش موديها لهناك.
راحت البتول، لبيت الجده، ولمن وصلت نادت عروب بس ما احد جاوب لها، راحت للكوخ وقررت تنادي يمكن تكون فيه.
البتول : عروب، عروب.
بس للاسف ماكان فيه رد، خافت وين ممكن تكون .
عروب من خلفها : البتول.
فزت البتول بخوف اول ما سمعت صوت عروب جاي من خلفها، قالت.
البتول : بسم لله خوفتيني، وينك فيه يابنت.
اشرت عروب على صيته صحبتها وقالت.
عروب : كنت مع صيته نذاكر، خير عسى ماشر.
البتول براحه : خير لا تخافي، بس خفت عليك لمن ما حصلتك بالبيت، بس دامك مع صيته خذو راحتكم بس هاه لا تطولي ترا الليل داني، وابوي لو عرف انك تاخرتي بيذبحنا.
عروب : ابشري الحين جايه.
راحت البتول وناظرت عروب لصيته وقالت.
عروب بامتنان : شكرآ صيته لولاك مدري وش كنت راح اسوي، كان يمكن انو البتول تعرف بسالفة الكوخ، وتحرمني منه، اشكرك لانو ناديتيني بالوقت المناسب وطلعت منه.
صيته بابتسامة : ما بيننا يا عروب احنا خويات بعض، وما للخويه الا خويتها.
ابتسمت عروب لصيته بامتنان.
هي ما تبي احد يدري بسالفة الكوخ، لانو بالديره عقلياتهم شوي متحجره، يعني لو احد عرف بالسالفه بينشرو غسيلها بالديره كلها، وبيطلو عنها اشاعات كثيره، وعن فارس الي رقد تحت التراب.
شركة الغيث
ـــــــــــــــــــــ
وصلت شوق ل الشركه، وكانت الساعه 5:23 م.
نزلت من السياره بعصبيه ودخلت الشركه، راحت للاصنصير وضغطت على زر الدور المطلوب وبعدها توجهت ل غرفة الاجتماعات.
دخلت الغرفة وشافتها فاضيه، وعصبت اكثر، دام الاجتماع خلص اجل ليه طلبها تجي ل الشركه.
طلعت من غرفة الاجتماعات وكانت طالع من الشركه، بس ناداها سكرتير غيث، وخبرته انو يبيها بالمكتب.
راحت له، وطقت الباب ودخلت بعدما سمح لها.
دخلت بعصبيه وقالت.
شوق بعصبيه : وش تبي يا استاذ غيث، انا خلصت دوامي وماني ملزومه باي اجتماع خارج عن وقت العمل.
ناظرها غيث ببرود وقال.
غيث ببرود : استدعيك وقت ما ابي، وبتجي غصبن عنك، والشركه مو شركة ابوك تجي وقت ما تبي، وتروحي وقت ما تبي.
شوق بانفعال : ما تجيب طاري ابوي، ولو ابي توظفت باي شركه، ووالله لولا ابوي ما طبيت هالشركه.
تنرفز غيث من كلامها ووقف بعصبيه وقال.
غيث بعصبيه : غصب عنك بتشتغلي زيك زي اي موظفه، ومن اليوم ساعات العمل راح تطول لين الساعه سته، وكل ما خالفتي كلامي وقت عملك راح يطول اكثر.
ناظرته شوق وكانت راح ترد بس من كثر عصبيتها وضيقها حست بضيق بالتنفس، ناظرته وكانت راح تتكلم بس حست بنفسها يضيق اكثر.
ما قدرت تتنفس، وناظرت لغيث الي مكمل كلامه.
غيث بعصبيه : يالله انقلعي ومن بكره اشوفك من رزعه قدامي.
حاولت شوق تتمسك بالكرسي عشان ما تطيح، حطت يدها اليمين على صدرها وحاولت تاخذ نفسها بالعافيه وما عرفت.
صار صوت تنفسها مسموع لغيث.
طاحت شوق على ركبها وحاولت تفتح الشنطه وتطلع البخاخ الي تستخده، لانو واضح انو راح تدخل بازمة ربو.
ناظرها غيث وفكرها قاعده تمزح، بس خاف اول ما شافها طاحت بالارض وحاولت تفتح شنطتها وما عرفت.
راح لها وحاول يساعدها، قال.
غيث بقلق : هي انتي بخي اشفيك.
ما ردت عليه شوق وقاعده تحاول تفتح شنطتها وتطلع البخاخ.
قدرت تفتحها بس ما عرفت تطلع البخاخ، حست انو راح يغماء عليها.
قعد غيث بالارض يمها وقرر يساعدها، طلعت لها البخاخ وعطاها ياه.
اخذته بيدين مرتجفه وحاولت توصله لفمها بس عجزت وانهارت قواها وكانت على وشك الاغماء،مالت بجسمها على جنب وطاحت بحضن غيث وهي تتنفس بصوت مسموع .
خاف عليها غيث وبدون اي تفكير، شال النقاب عنها واخذ البخاخ وعطاها ياه وقال.
غيث بقلق : هيه بنت حاولي تسوي زيي.
وقعد يوريها اشلون تاخذ شهيق وزفير عشان تستعيد تنفسها وتتنفس طبيعي.
حاولت شوق تسوي زيه والحمد لله بعد عنا طويل عرفت تتنفس من ثاني.
بس من التعب والارهاق حست انو محتاجه ترتاح وجسمها مرهق مافيها حيل تتحرك.
ناظرها غيث وبدون اي تفكير شالها وسطحها على الكنبه الموجوده بالمكتب، واتصل لمنال الي بعدها بالمكتب وخبرها تجي تشوف صحبتها.
منال اول ما سمعت بالي صار راحت طيران ودخلت المكتب.
خافت على شوق اول ما شافتها نايمه من التعب وجسمها حيل مرهق، وكاشفه، ناظرت غيث وقالت.
منال بعتب : طال عمرك انت وش سويت، ليه هي بالحال ذا.
غيث بهدوء وقلق يحاول يخفيه : ما سويت لها شي، هي كانت جايه معصبه وانا اول ما تكلمت بدات تتعب *وبشك *صحبتك مريضة ربو.
منال بضيق : مدري انا من ايام بس تعرفت عليها .
غيث : كلمي اهلها وخل يجو ياخذوها، وبكره خل ترتاح بعطيها اجازه ترتاح بكره، وخبريها انو ماني متراجع عن كلامي.
منال بضيق : ماعندي رقم احد من اهلها، وتلفونها حاطه باسورد فيه
غيث : طيب خل ترتاح وبعدين بتعطيك ياه هي، انا طالع راح اترك المكتب مفتوح لين ما تصحي، وغلقيه انتي لمن تطلع.
منال : اوك.
طلع غيث من المكتب وراح بكل هدوء.
بينما منال قعدت مع شوق لين صارت احسن، وقررت تخبر اهلها بس شوق رفضت، وطلبت منها توصلها للفيلا تبعهم.
وافقت منال واخذت شوق.
بيت هذام
ـــــــــــــــــ
طبخ شوربه مع وهج وحاول ياكلها روح، ويالله صحيت واكلت ثلاث ملاعق وبعدها رجعت تنام.
راح لمكتبه يشتغل بينما وهج قعدت يم روح، ونامت يمها وهي تتاملها ومستنيه الاميره النائمه على قولتها تصحي.
بعد صلاة المغرب
فتحت روح عيونها بتعب، وحست بحرقه فيهم من الحراره.
ناظرت حولها وشافت فيه بنت صغنونه وكيووووت تناظرها وهي فرحانه وتقول.
وهج بفرح : الاميره النائمه صحيت يس يس.
ونزلت بسرعه من السرير وطلعت.
استغربت روح مين ذي وهي وين، ووش هالغرفه الي هي فيها.
راحت وهج بفرح لمكتب ابوها وهي تصارخ وتقول.
وهج بفرح : بابا بابا الاميره النائمه صحيت.
وقف هذام بهدوء وراح لها يشوف كيفها.
شافها مفتحه عيونها بشوي وواضح عليها التعب.
ناظرته روح وحست بالكره الشديد تجاهه، ناظرته بنظره ميته وبعدها شتت انظارها عنه.
ما اهتم هذام لنظراتها.
راح لها واخذ جهاز الحراره وحطه بصدرها بدون ما يسألها واستناها يطلع صوت عشان يشوف اذا حرارتها نزلت او لا.
حمر وجه روح وحست بخجل شديد بس رعد ما فرق هل ذا احمرار خجل او بسبب السخونه.
كانت خدود روح زي الورد، وبياض بشرتها زادها تورد.
ناظرتها وهج وراحت وقعدت يمها، مسكت خدها وقالت.
وهج ببرائه : ياي بسرتها يا بابا زي الاميرات.
ناظرها هذام وما رد.
اخذ الجهاز اول ما صفر، وشاف حرارتها وكانت 30،الحمد لله يعني خفت عن اول.
ناظر روح وقال.
هذام بهدوء : حرارتك انخفضت، ولازم تاكلي لك شي، انا رايح اجيب الاكل.
ناظر وهج وقال.
هذام : وهج بابا تروحي معاي.
هذام قال كذا، لانو شاف انو اكيد روح تبي تقد بروحها او تغير، ووهج بتحرجها.
وهج ببرائه : لا بابا بقعد مع الاميره.
هذام بهدوء : بابا بس لازم ناخذ الاكل لها، بناخذه وراجعين، او ترا راح اخلي سعد ياخذك لنبض.
وهج بسرعه : لا لا خلاص يلا نروح.
مسكت يده ومشت ومشته معاها.
ابتسم لها هذام.
وكان معطي روح ظهره وما شافت ابتسامته.
اول ما طلعو من الجناح، ناظرت روح لنفسها وقررت تاخذ شور ينعشها.
قعدت ؏السرير، وشالت اللحاف بتعب ووهن، واول ما حطت رجلينها ؏الارض ووقفت رجعت تقعد من ثاني بسبب الدوخه الي داهمتها.
وقفت من ثاني اول ما حست انو الدوخه خفت.
مشت بوهن وتعب وراحت لدورة المياه.
اخذت شور، ولمن خلصت حصلت روب ابيض بدورة المياه، اخذته ولبسته، وتركت شعرها بدون منشفه لانو ما حصلت.
طلعت من دورة المياه وراحت ل غرفة التبديل تشوف لها اش شي تلبسه
ضربت راسها بتعب وقالت.
روح بتعب : روح انهبلتي، انتي ما جبتي اي ملابس.
غلقت الدولاب بعدما حاولت تلاقي اي شي وما حصلت شي، بس بدل وتيشرتات وبناطيل لهذام ومستحيل تلبسهم مو عشانهم لهذام وما تبي منه شي، لا بس لانو واسعين.
طلعت من غرفت التبديل ومشت لجهت السرير من ثاني وقعدت بتعب وحست بانو السخونه رجعت لها من ثاني، حطت كف يدها على راسها وقالت.
روح بتعب : مب وقتك والله، خل الاقي لي لبس اول.
وقفت روح من ثاني، وشافت فيه شي معلق ؏الشماعه قريب من باب الغرفه وكان بالون الازرق،وما تدري تشوف زين او يتهيئ لها انو بنطلون وجنبه ملابس .
مشت بوهن وتحس قاعده تمشي بحفره عميقه،وخطواتها متعثره.
عند هذام
كان طالع وشايل بين يدينه صحن الاكل ووهج طلبت تاخذ معاه الحليب.
تركهم على الطاوله الي يم الباب عشان يسال روح اذا تبي شي او تاخذ شور اول .
طق الباب. دخل لمن ما سمع صوت.
فتح باب الغرفه ودخل واول ما دخل شاف روح جايه جهته وماشبه بخطوات متعثره.
استغرب اش فيها.
مشى ناحيتها وصار بينهم مسافه بسيطه قال.
هذام بهدوء : انتي بخير.
ناظرته روح وحست انو صار كذا واحد، قالت.
روح بتعب : ا ان انت مو ان
وطاحت بالارض فاقده وعيها.
مسكها هذام من خصرها قبل تطيح.
ناظرها وهي طايحه بحضنه بكل تعب، ناظر لعنقها الطويل، واهدابها المرتخيه بكل هدوء، وشعرها المبلل الي طاح ؏يده.
بكل هدوء شالها بين يدينه بكل خفه ووداها ل السرير.
حط يده على جبينها وكانت نار، استغرب ليه رجعت حرارته تزيد.
ناظر لريموت التكييف وتذكر انو بعده شغال.
عصب اكيد بترجع تزيد دام الانسه ماخذه شور، والتكييف مفتوح.
ناظر وهج الي قاعده تناظر روح وخايفه، راح لها ونزل لمستواها، واخذ منها كوب الحليب، وتركه بالارض، مسك يدينها بيدينه، وقال.
هذام بابتسامه حنونه : لا تخافي بابا، هي راح تكون بخير، بس كانت نعسانه ونامت، الحين خل نروح ونتركها تنام، وكمان لازم اوريك غرفتك الجديده.
مشت معاه وهج بحماس طفولي وراحت مع هذام الي وداها للغرفه الي يم غرفته ووراها العابها وهي بكل طفوله قعدت تلعب ونسيت روح.
خبرها هذام تلعب لين يرحع لها، وهو شوي وراجع.
طلع هذام من عندها، وراح لغرفته من ثاني، راح لروح وشاف حرارتها عاليه.
عصب منها، واكيد تروشت بمويه حاره.
قرر يرجع يروشها من ثاني بمويه بارده عشان تخف حرارتها.
شالها بين يدينه بكل خفه، وودها دورة المياه، وفتح المويه البارده عليها.
شهقت روح الي صحيت من اغمائها، وقالت.
روح بتعب وصت مرتجف من البرد : ب بر بردانه، ما ماما دف دفيني، ما ماما ل لا تتركيني، ب بابا، لا رائد.
وبدات تهذي باي كلام وخلاص.
طلعها هذام من البانيو، وشالها ل السرير من ثاني.
حطها ؏السرير، ولحفها زين عشان ما تبرد.
راح لغرفة التبديل، حاول يلاقي اي شي يلبسها ياه بس ما حصل، وبالاخر اخذ لها بدله سوداء، ورجع لها من ثاني.
راح لها وشال الروب عنها، وهو يحاول يغض البصر.
خلص واخذ البدله ولبسها ياها، وبعدها شال اللحاف الي توسخ مويه ورماه بزاوية الغرفه، وبعدها راح لغرفة التبديل من ثاني، واخذ لحاف ومنشفه.
لحفها زين وبعدها اخذها بحضنها وقعد ينشف شعرها عشان ما تتعب اكثر.
خلص وبعدها اخذ الروب ورماه حنب اللحاف وبعدها اخذ تلفونه، واتصل لنبض ومن اول رنه ردت قال.
هذام : نبض وانا اخوك ابيك بشغله.
نبض : امر.
هذام بدوء : ممكن ترسلي لي ملابس من ملابسك مع الشغاله، روح مو جايبه اغراضها.
نبض بابتسامه : ابشر، بس ترا ما احد بالبيت، الشغالات راحو من بدري، وانا وماما وبابا رحنا نتمشى وما راح نرجع بدري، بكره بأذن لله وهم عندك.
هذام : طيب ما تقصرين، وكمان ارسلي لي شغاله، البيت بحاجة تنظيف .
نبض : ابشر.
غلق هذام من نبض وراح يشوف وهج.
دخل الغرفه وشافها غرقانه بالنوم، ابتسم لها وعدل سدحتها ولحفها زين وباس جبينها وبعدها راح لغرفته وقعد طول الليل يسوي كمادات لروح، الي كل شوي تصحي وتهذي بكلمات غير مفهومه.
•• تركياء ••
فيلا ام عماد
ــــــــــــــــــــــ
قاعده ام بندر مع امها، ناظره ام عماد لام بندر وقالت.
ام عماد بحزن : اذكري الله يا بنتي روح راحت للي ارحم مني ومنك، وانتي ادعي لها، على الاقل روح راحت ما تشوفي عناد الي عايش على هالاجهزه وما ندري متى يصحي.
ما ردت ام بندر بس قاعده تبكي.
وطول الايام الي طافت كل وقتها بكى، وما صارت تاكل زين، وبالزور تاكل كم لقمه بعد محايله من اولادها.
دخل بدر بسرعه للفيلا، وشاف امه وجدته قاعدين وقال.
بدر بخوف : يمه الحقي رائد.
(( وصلنا لنهاية البارت ))
//توقعاتكم //
شوق عندها ربو من متى، واهلها ليه مو عارفين ؟
تتوقعو غيث يستمر بمعاملتها الزفت لها ؟
وهل هي راح تتحمل او راح يضيق بها الحال وتقدم استقالتها ؟
عروب بعدها ما تخطت فارس ؟
تتوقعو يجيها الشخص الي ينسيها فارس وطوايفه ؟
تتوقعو طيف سراب يروح من بال هتان ؟
قلب هذام الجامد راح يلين بعد الي صار لروح بسببه ؟
او راح يستمر بتجريحها بالكلام وتعنيفها بالكلمات ؟
بدر ليه كان خايف، ورائد وش صار له ؟
تتوقعو فيه شي يكسر قلب ام بندر من ثاني ؟
شاركوني توقعاتكم الحلوه يحلوين
*_< يــۥــۥــتبـ؏ـع⇦⇩_*
*_`قنــــواتنـــا_انــيرونـا •⸙♡»))`_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
*_https://whatsapp.com/channel/0029Vb75uek1iUxbkIJBpH2T_*
﹌﹌﹌﹌﹌﹌﹌﹌﹌﹌﹌
*_- اتـشـنـل ڪروب ڪتب ومستندات𝐏𝐃𝐅📓_*
https://chat.whatsapp.com/CWiALT5QKFJ46EeIEwvnrd?mode=wwt
✧◌⑅◌•❁𓆩٣³𓆪❁•◌⑅◌✧
﹌﹌﹌﹌﹌﹌﹌﹌﹌﹌﹌
*_اتـشـنـل قـنـاة نڪت وقصف جــجبۿات⸢⑇֯🌚💔⑇⸥_*
- *_ضابحين صح وتشتوا قصص ومشعات ونڪبات تضحڪوا؟!⇣⁽☻_*
- *_تعالو هنــا☟_*
_*https://whatsapp.com/channel/0029Vb75QOR9WtCASkmTbb0U*_
2
*_https://whatsapp.com/channel/0029VbBWqPM2v1IozE4ldR2Q_*
﹌﹌﹌﹌﹌﹌﹌﹌﹌﹌﹌
*_`اتـشـنـل قناة قصيد وشيلات⁽🕊⁽✨_*
_*https://whatsapp.com/channel/0029VaaASUGLo4hltNj3vm1U*_
﹌﹌﹌﹌﹌﹌﹌﹌﹌﹌﹌
*_اتـشـنـل `قناة حالات وتساب وأقتباسات منوع وفعاليات⁽㋡⇣ツ._*
1
_*https://whatsapp.com/channel/0029VaMuPn8Gk1FjtCR7dn1U*_
2
*_https://whatsapp.com/channel/0029Vb6r2he7tkj2Lo22T92j_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪـروب الرعـب𓆘•_*
*_𓄀𓏤𝒉𝒐𝒖𝒔𝒆 𝒐𝒇 𝒉𝒐𝒓𝒓𝒐𝒓ꪶ🕸️💀•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
🏴☠️≛𝖒𝖆𝖒𝖔𝖔𝖓≛🏴☠️
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪروب اقتباسات منوع ورفله⁽㋡⇣ツ._*
*_https://chat.whatsapp.com/Lwd2kqSAho4CJOOQSnNQ1U_*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاه ملصقات وتساب متنوعه☟_*
*_https://whatsapp.com/channel/0029Vb6IHq4JP212MnEZ6q3W_*
﹌﹌﹌﹌﹌﹌﹌﹌﹌﹌﹌
> *نورو قنواتنا تليجرام_قـنـاه روايات تليجرام_قناه جبر خواطر_قناه آرح مسمعك_قناه مكافحة الفرخان_قناه افكار مشتتة*⭒
@brokeen305
@broken305
@broken339
@broken336
@anfasaam
*_- بوت تواصل☟_*
@yemeni_broken9bot
*✧══•❁𓆩٣³𓆪❁•══✧*
> *🏴☠️≛𝖒𝖆𝖒𝖔𝖔𝖓≛🏴☠️𓆩٣³𓆪 ♡*
﹌﹌﹌﹌﹌﹌﹌﹌﹌﹌﹌
*_💥القراءة السريعة مثل الأڪل بدون هضم💥_*
▬▭▬▭▬▭▬▭▬▭▬▭▬▭▬