الفصل 4
> *_روايـــــــة: اوقدت نارالشوق في صدري وعجز زمان الوقت يطفيها•⃠⁽❤️🔥⸙♡»))_*
⤹. | _~*بواسطــٍۛ❀ـٍۛـة- `𓄀𝐌𓏤 𐇻`*~_ | ˚˖☆˚.
> *_𝑼𝑹 : 🏴☠️𝖒𝖆𝖒𝖔𝖔𝖓🏴☠️𓆩٣³𓆪 ♪_*
*_{🖋️}☜تنسيق : ۿيبــٖهٰ̐ہ.بروفيسور𓆩٣³𓆪_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
﹌﹌﹌﹌﹌﹌﹌﹌﹌﹌﹌
*_||☜⤸اتـشـنـل ڪـروب الرعـب𓆘•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
*_ثريدات وقصص و احــحداث منوعۿ_*
﹌﹌﹌﹌﹌﹌﹌﹌﹌﹌﹌
••
*– ࢪواية :«اوقدت نارالشوق في صدري وعجز زمان الوقت يطفيها .».*
*الباࢪت:«3».*
*_الڪاتبه: غزال الشعريه»..*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
ـــــــــــــــــــــ
بيت ابو هتان
ـــــــــــــــــــــــ
دخل هتان البيت وهو شايل سراب، واول مادخل الحوش شاف الجده عفاف واقفه ؏باب المجلس ومستنيه وصوله وقلبها متشفق وخايف.
صرخت الجده عفاف بخوف لمن شافت هتان جاي، وشايل سراب بين يدينه.
الجده عفاف بخوف : يمه هتان اشفيها سراب.
هتان : لا تخافي مافيها شي، بس طاحت من البرد، لانو بنت ولدك خارجه بهالمطر تشوف العنود.
طلع ابو هتان على صوت الجده عفاف وهتان قال.
ابو هتان : هتان ود بنت عمك غرفة البنات ، بسرعه البنت بتمرض.
هتان بهدوء : ابشر.
توجه هتان لقسم الحريم ودخل بعدما فتحت له البتول، وكانت الجده عفاف وابوه ماشين خلفه.
توجه لغرفة البنات وشاف عروب وعواطف قاعدين فيها ، ودخل وترك سراب على سرير عواطف وناظر لها لوهله خفق قلبه بقوه، وعجز يشيل عيونه عنها، شعرها الي طاح على الجاكيت واطرافه ؏السرير يظاهر سواد اللحاف، ووجهها الملائكي وداه لعالم اخر، شفايفها التوتيه وخدودها الورديه، واهدابها المرتخيه بسلام زادو شتاته.
صحي من سرحانه على صوت الجده عفاف وهي تقول.
الجده عفاف بخوف : هتان فز ناد الدكتور خل يشوفها.
هتان بهدوء : يمه مافيها الا العافيه شوي وتصحي وتشوفيها بخير.
الجده عفاف بعصبيه : هتان اقلك فز جيب الدكتور، بنت ولدي لايصير لها شي.
هتان : طيب ابشري.
مشى هتان طالع بس كانو تذكر شي، ناظر جدته من ثاني وقال.
هتان : يمه ترا العنود ماتت، وشفت بنت عمي يمها.
الجده عفاف بصدمه : وشوووو، ماتت.
هتان : ايوا ماتت.
الجده عفاف بخوف : عز الله لتنهبل سراب، العنود غاليه على قلبها.
هتان بهدوء : لمن رحت اشوفها، شفتها قاعده يمها وماسكه راسها وتبكي.
الجده عفاف بخوف : ياويلي عليه يا سراب، وش هالحظ الاعثر الي رماك هالرميه، فراق ابوك، وبعدها فراق ناقته.
هتان بهدوء : يالله انا رايح انادي الدكتور.
الجده عفاف : لا تتوخر يمه، اخاف تصير لها حراره وانت بعدك مارجعت.
ناظر هتان لسراب من ثاني وقال.
هتان بهدوء : غيري لها بتاخذ برد.
طلع هتان وبقيت الجده مع البتول وعواطف وعروب وام هتان.
استووووب استوب، خل نتعرف ؏ الشخصيات عشان ما تتوهو اكثر.
•• تعريف الشخصيات ••
عائلة ال فارس
الجده عفاف ام ضاري، العمر 75 سنه، الجده عفاف عقليتها قديمه ومتحكمه، وتحب البنت السنعه والذربه الي تفهم بامور الحياه ، وما تحب البنت الدلوعه، لانو ؏قولتها البنت تتسنع من صغرها وما تتربا ؏الدلع، تحب حفيداتها واحفادها،وطبعآ هذام يتصدر قائمة الاحفاد كلهم. وتعزه حيل، ولو يطلب روحها عطته، تحبه حيل رغم انو ما تشوفه كل الوقت بس هي تفهمه زينن وهو يفهمها، وتحب سراب لانو تذكرها بولدها طلال الله يرحمه.
الجد متوفي.
•• اولادهم ••
ضاري ابو هذام، العمر 57 سنه، عايش بالرياض واستقل فيها، وكون نفسه من الصفر وبداء يشتغل على نفسه لين ما صار له اسم بالسوق وعده شركات وفروع بكل مكان، والي ساعده على تكبير هالشركات ولده هذام، حنون على اولاده ويحبهم حيل، اب متفهم وما يحب يتدخل بامور اولاده الشخصيه منهم هذام، الي تركه يطلق بنت اخوه من دون ما يعرف اش هي اسبابه، لانو يدري ومتاكد انو هبه سوت شي وعشان كذا هذام طلقها.
ساره ام هذام، العمر 55 سنه، الي يشوفها يعطيها اقل من عمرها، لانو حرمه تهتم بنفسها وتحب الاناقه، ام حنونه وقلبها طيب على اولادها وما ترضا بالغلط، صديقة اولادها وقريبه منهم.
•• اولادهم ••
هذام عمره 30 سنه، رجال ينضرب فيه المثل، معروف بوقفاته وفزعاته مع الغير، كبير بعيون الكل، رجل حزامي وغيور وقلبه جامد، كره الحريم وقرر ما يتزوج ابد، ويصير لبنته وهج الام والاب، يدير شركات ابوه وهو الرئيس التنفيذي لهم، وابوه قاعد يدير شركه واحده فقط.
وصفه، حنطاوي، طويل وله عضلات مفروده، وله هيبه تجبر الي يناظر عيونه يكسرها، وهو كبير العيله، وكل عمومه واولادهم يستشيروه بكل كبيره وصغيره ، عيونه كبار حاده ، ولونهم اسود فاحم، ورموشه طويله وكثيفه، وشعره طويل لحد رقبته، ناعم ولونه اسود فاحم، انفه زي حد السيف، وحواجبه حلوين، ويقتل لا رفع حاجبه وحدق بحده، لحيته محدد ، فكه حاد.
عنده بنت اسمها وهج عمرها 5 سنوات، بنت ذكيه وفطينه وفصيحة لسان، ولسانها وش طوله، تشبه هذام حيل، وشالت ملامحه كلها، بنت عسل، عيونها كبار سوداء، برموش كثيفه وطوليه، وانف صغنون وفم صغنون وخدود مليانه ، شعرها لكتوفها لونه اسود.
فارس ... متوفي.
نبض عمرها 17 سنه، دلوعة البيت، وعيون الكل، الكل يحبها ويعزها وطلباتها عند الكل مجابه، تحب اخوها هذام حيل بس تخوفها هيبته، وتحب فارس بعد، كونه قريب من سنها وكل وقتها هواش معاه، تدرس ثالث ثنوي، قسم علمي.
وصفها، بيضاء وطويله طول حلو، جسمها حلو، وعيونها حلوين لونهم اسود فاحم،رموشها طويله وكثيفه شوي، وشعرها اسود سابغته ثلجي على اسود، طوله لنص ظهرها، شفايفها ورديه شكلهم وسط، انفها طويل وصغنون مناسب لملامحها، حواجبها حلوين، رسمة وجهها قلب، ولها خدود حلوين، دلوعه وتحب الي يدلعها، ما تحب احد يقول لها لا، ام دميعه وتبكي لا احد صرخ عليها
•••••••••
طلال ابو سعود، متوفي
العنود ام سعود عمرها 50 سنه، ام اهتمت لاولادها من عقب موت طليقها طلال، وعايشه ببيت بروحها مع ولدها سعود، ابو سعود ما مات كذا، كان مريض بالسرطان اعاذنا الله منه، وما احد كان يدري بالسالفه، وهو من كثر حبه ل العنود، طلقها قبل يموت بايام، عشان ما تتعب بالحداد عليه، وبعدها راح الديره وقعد ثلاث ايام وبعدها مات، ام سعود تكره الديره ذي، لانو بسببها طلال طلقها لانو فهمها انو يحب الديره وهي رفضت تروح معاه لانو بنت الرياض، بنت المدينه وذا طبعا ما يناسبها، بس لمن عرفت قعدت تتحسر على الي صار وتمنت تزور الديره وتشوف قبر طلال، بس باي حق راح تروح تشوف قبر طليقها،تشوفه في سراب،وتشوف سراب هوه .
•• اولادها ••
سعود عمره 29 سنه، رجال ولا كل الرجال، شهم واصيل ويحب الخير، ومن شافه عطاه بنته بدون ما يسأل، لانو مثله وشروه ينشر نسبهم، اشتغل كثير وبنا نفسه من الصفر،ومن الفلوس الي تركها ابوه لهم،اسس له شركه وقعد يصرف على امه واخواته.
وصفه، اسمر وطويل، عيونه حلوين لونهم بني، رموشه وسط، انفه طويل وحاد، وفكه حاد، وله لحيه خفيفه، دايمآ محددها بخفيفه، شعره بني ناعم طويل شوي،حواجبه حلوين وشوي ملاقين بس بشعرات خفيفه، طبعه حاد شوي ويشبه هذام بشوي من اطباعه، وهو خوي هذام، ورغم انفصال هذام عن اخته هبه، بس بعدهم قريبين من بعض وعلاقتهم قويه.
هبه، عمرها 26 سنه، بنت حقوده وماكره، وما تحب الخير لاحد، تزوجت هذام لمن كان عمرها 20 بس ما حبته، وكل وقتها هواش معاه، وتسوي حركات مو حلوه، وللاسف خسرته، وحاولت ترجع له بس ما نالت مبتغاها، وتزوجت خوي اخوها سعود محمد، وحياتها معاه مو احسن حاجه، ورغم زواجها من محمد الا انو بعدها حاقده على هذام، ومقرره لتنتقم منه وترجع له من ثاني،ولانو طبعآ خسرت العز الي كان هذام معيشها ياه .
وصفها، حلوه وتشبه سعود،وطبعآ هي وسعود اخذو ملامح امهم،بعكس سراب الي اخذت ملامح ابوها .
سراب عمرها 22 سنه، سراب وما ادراك ما سراب، بنت فلقة قمر، تسحر من حلاها، بنت طيوبه وتحب الخير، تعشق شي اسمه ديره بسبب عشق ابوها لها،عاشت مع جدتها من فتره طويله شوي، وتزور امها واخوانها بين وقت والثاني، تحب امها حيل، وتحب هبه بس هبه تجرحها بكلامها وتصرفاتها الغبيه، تحب سعود وتتمنا لو انهم يستقرو بالديره ويقعدو مع جدتها، ويم ريحة ابوها الغالي، بس امها عيت تروح، وكمان سعود ما يحب الديره، وهبه تقول عنها قرويه لانو تحب الديره.
وصفها سراب الليل لا اجمع اطيافه شعرها، وسواد الخيل لا سكن محجر نونها، شعرها كالليل اسود، يسابق اردوفها من طوله، عيونها كبار وسوداء، لونهم اسود فاحم، ورموشها كثيفه وطويله، انفحها حاد وحلو، وفمها زي التوت وملامحها تميل للبراءه وتعكس تصرفاتها الجاده، طويله وبيضاء، جسمها يجنن، وحواجبه حلوه، بالمختصر فلقة قمر .
•••••••••
سعود ابو هتان، عمره 55 سنه، العم الفلاوي الي يحب كل اولاد اخوانه ويعتبر خويهم مو عم، رجال وقت المزح مزح ووقت الجد جد، كل وقته ضحك ومزاح، بس لاصار معصب او قرر قرار صارم مستحيل يرجع عنه، ربا اولاده على الطيب والعفه والحشمه وحسن الاخلاق، ويا زين ما ربا.
الجازي ام هتان، عمرها 52 سنه، ام تحب اولادها وتهتم لهم، راعية بيت، وربتها الديره على الكرم وطيب الكلام، وذا شي علمته اولادها ونما فيهم.
•• اولادهم ••
هتان عمره 29 سنه، رجال عصبي وغيور ويحب يفرض هيبته على الكل، ما يحب احد يكسر كلمته او يحاول يمشي شوره عليه، يحب شي اسمه بر، ويحب طلعات البر مع هتان وسعود، وطبعآ طلعاتهم ذي سريه، وما احد يدري عنها، هتان شاب بدوي جميل، وماخذ الملامح البدويه من امه وابوه،ملامحه جميله،وملفته ل النظر،معرف باخلاقه الحلوه،وحشمته للغير، يعشق ركوب الخيل ويحب ناقته خوافي، شايل فكرة الزواج من راسه، ومقرر ما يتزوج.
نادر عمره 27 سنه، شاب مجنون، ويحب المغامرات، ويحب طلعات البر مع فارس،صح هم مو قريبين من بعض بس كانو نفس التفكير،
ملامحه حلوه ويشبه هتان، بس هتان اجمل منه.
عواطف عمرها 23 سنه، بنت حلوه وجميله معروفه بهداوتها، وعايشه حالها حال نفسها، تحب اخوها هتان، ولو يطلب عيونها عطته، تحب شخص بس كاتمه هالحب بقلبها، لانو تدري انو هالشخص ما يبادلها نفس الشعور.
ملامحها حلوه وتميل للهداوه اكثر، ثقيله بطبعها وبنفس الوقت حساسه و تزعل بسرعه.
البتول عمرها 20 سنه، البنت المجنونه، الي ما تترك احد فحاله، ودائمآ تحب تجنن جدتها، وتمقلب ابوها، البنت الي صكت العشرين وبعدها ما عقلت *هههههههه ولا احد يستنا منها تعقل *تحب المزح وطبعها فلاويه، بس تجي لها اوقات وتقلب فجأه،خلصت تعليمها بالثانويه،ورفض ابوها تدخل جامعه .
ملامحها حلوه، شعرها طويل لنهاية خصرها، عيونها عيون المها، ورموشها حلوين طولهم وكثفهم وسط، شفايفها ورديه، وانفها طويل، بشرتها حنطيه، قصيره، وجسمها حلو، بالمختصر كلها على بعضها حلوه .
عروب عمرها 17 سنه، بنت كيوووت وتجنن، تشبه البتول، بس ملامح عروب اجمل منها بشوي،شخصيتها مرحه وتحب المزح والضحك.
•••••••••••
عبد العزيز، الابن الرابع للجده، متوفي.
هنا نكون خلصنا فقرة التعريف عن عائلة ال فارس.
بطلنا بهالعائله، وابيكم تحددو اي واحد فيهم البطل، اما بطلتنا راح تكون خارج هالعائله.
فيلا ابو شوق
ـــــــــــــــــــــــ
ابو شوق بصدمه : وش الي قاعده تقوليه يا سعاد، انتي انهبلتي، شوق مستحيل توافق.
ام شوق باصرار : انا فكرت وقررت خلاص، ولازم تعييني بالي راح اسويه، عشان نطلع شوق من هالحاله يا فهد.
ابو شوق بتفكير : لو عنتك بالي راح تسوي، مين العريس الي تفكري تزوجيها ياه.
ام شوق بابتسامه : تذكر ولد خويك حمد.
ابو شوق باستغراب : غيث ؟
ام شوق بابتسامه : ايوا هو، ام غيث من ايام تقدمت لشوق، وانا قاعده اقلب السالفه براسي من وقت.
ابو شوق بعصبيه : سعاد انتي تستهبلي، غيث من عقب موت حرمته رافض يتزوج، تبغيني ارمي بنتي لرجال عاف الحريم من عقب حرمته.
ام شوق بابتسامه : هدي روحك يا فهد واسمعني زين، ما يداوي الجرح الا خويه، شوق ما قدرت تتخطا موت زياد، وغيث ماقدر يتخطا موت زوجته، ولو صارو لبعض بيداوو بعضهم، والزمن كفيل يزرع بقلوبهم المجروحه محبه.
ابو شوق برفض : شيلي الفكره من راسك، ماراح ارمي بنتي هالرميه.
ام شوق برجاء : فكر زين يا فهد، انا افكر بمصلحة شوق، وابي لها السعاده، حط يدك بيدي، وخل نطلع شوق من الحاله الي عايشه فيها.
ابو شوق بضيق : سعاد انا ما ابي اضحي ببنتي وارميه لرجال عايش على ذكرى حرمته.
ام شوق : فكر زين بالسالفه، غيث وانت تعرفه، رجال ولا كل الرجال، وهو الوحيد الي بيقدر يطلعها من هالحاله، وصدقني راح يفهمها اكثر مننا.
ابو شوق بضيق : بفكر بالسالفه وارد لك خبر.
•• تعريف الشخصيات ••
فهد ابو شوق العمر 45 سنه، رجل اعمال وعنده شركه خاصه للاستثمارات، يشتغل فيها، مهتم لعائلته، ويحبهم حيل، يحب بنته شوق حيل ، وطلباتها عنده مجابه، يتمنا شي واحد بالحياه، وهو انو يشوف شوق ترجع بروحها الحلوه الي زمان.
سعاد ام شوق العمر 40 سنه، حرمه سنعه تهتم لبيتها وتراعي زوجها، وتهتم لامور بنتها، وبرضو تهتم لشكلها وكشختها، ام فلاويه ، تحب بنتها شوق حيل وما ترضا تشوفها زعلانه
•• اولادهم ••
ماعندهم غير بنت واحده، والي هي شوق.
شوق عمرها 22 سنه، بنت تقول للقمر انزل بطلع مكانك، عليها جمال يشق الصخر، عيون كبار ناعسه، وانف طويل وحاد، وخدود مليانه، وشفايف توتيه، ووجه دائري، وحواجب مرسومه، وشعر بني ناعم وكثيف، طوله لحد كتوفها ، ببشره بيضاء وطول متوسط، وخصر منحوت، من الاخر البنت تخق من جمالها.
شخصيتها مرحه وتحب المزح والمقالب، بس تغيرت شخصيتها عقب موت زياد، وصارت ما تتكلم كثير، وكل وقتها بغرفتها، تركت جامعتها وما صارت تتواصل مع احد.
•• الرياض ••
قصر ابو هذام
ـــــــــــــــــــــــــ
بعد ما دفنو فارس.
•• مجلس الرجال ••
واقف هذام يم ابوه ويستقبلو المعزيين.
كان هذام متلطم بشماغه بدون عقال،وعيونه حمراء،من الدموع والحزن.
خلصو من استقبال المعزيين، وقلطوهم المجلس، وراح هذام وقعد يم ابوه وسعود يمه.
حط سعود يده خلف ظهر هذام وقال بصوت هامس .
سعود بهمس و حزن : شد ظهرك وانا اخوك. ادري ان اليوم طاح سندك وظهرك، ودفنته تحت التراب، وعز الله ما على فقيد السند شرهه.
هذام بحزن وهمس : اه يا سعود، احس بظهري انكسر، راح السند، وراح الاخ والعزوه.
سعود بحزن : اذكر الله وادع له بالرحمه.
هذام بحزن : لا اله الا الله، الله يرحمه.
هذام طول العزاء قاعد يكابر ويحاول ما يبين ضعفه، ويبين القوه امام ابوه عشان ما ينهار ابوه اكثر.
لمعت عيون هذام بحقد لمن تذكر رائد وقرر بعد العزاء يروح له.
•• مجلس الحريم ••
كان المجلس مليان وصوت القرآن منتشر بالمجلس بصوت خفيف.
كانت ام هذام ونبض بصدر المجلس قاعدين يبكو بنحيب.
حاولت ام سعود تهدي ام هذام وتواسيها.
بينما هبه راحت مع امها للعزاء بعدما خبرت رجلها، وقعدت تواسي نبض الي مب طايقتها.
هبه ما جات محبتن في نبض ولا في ام هذام، لا هي جايه تشوف هذام، لانو القلب للماضي يحن.
ناظرت احد الحريم لهبه وناظرت للحرمه الي يمها وقالت.
الحرمه بعتب : وجع الي استحو ماتو، ذي جايه لبيت طليقها.
الحرمه الثانيه بشماته : خلك منها، اكيد القلب حن، لو عندي بنيه وزوجتها لهذام، لو تموت ما اتركه يطلقها، اكيد فقدت العز الي هذام معيشها فيه.
ضحكت الحرمه الثانيه بخفيفه بدون ما احد يسمها.
**للاسف يا اخواتي هذا حال بعض الحريم بالمواقف الي زي كذا، يروحو العزاء عشان يضحكو على احزان الناس وكلهم شماته، ويقعدو يحشو بذيا وذاك، بدون خجل من اهل الميت.
سمعتهم هبه، وشبت النار بصدرها، وحست من جد انو خسرت هالعز الي كانت عايشه فيه، محمد معيشه ببيت عادي ما يوصل لفخامة الملحق الي بقصر ابو هذام، وذي الي خلاها تحن لايام هذام، ويمتلي قلبها بالحقد من ثاني، فكرت شوي وطرت لها فكره جهنميه وخبيثه وقررت تنفذها باسرع وقت.
•• الديره ••
بيت ابو هتان
ـــــــــــــــــــــــ
دخل هتان مع الدكتور، وكشف على سراب وعطاها خافض حراره لانو ارتفعت حرارتها، وخبرهم لو ما خفت حرارتها ياخذوها لمستشفى الرياض.
خلص الدكتور وطلع، طلع معاه هتان لحد باب الحوش.
طلع تلفونه من جيبه الي كان مسويه وضع طيران،زل وضع طيران،ودش التلفون بجيبه من ثاني.
ناظر لمنظر الديره عقب المطر ما وقف، وتنهد تنهيده عميقه واستنشق هواء المطر البارد.
رن تلفونه مقاطع انسجامه بالهواء الطلق.
طلعه من جيبه وشاف المتصل وكان سعود، رد بعدما شاف كوم هائل من المكالمات قال.
هتان : هلا سعود،خير عسى ماشر وش له كل هالاتصالات.
سعود بضيق وحزن : هلا بك، اسمع يا هتان.
هتان : اسمعك قول.
سعود بحزن : اتصلت لعمي سعود وما يرد، وابيك تبلغه بشي.
هتان : ابوي مغلق تلفونه عقب المطر، يخاف لا تجب صاعقه بسبب التلفون، عساه خير قول .
سعود : فارس ولد عمي ضاري عطاك عمره، خبر عمي سعود وتعالو للعزاء، دفناه من ساعه، وما قدرنا نستنا وصولكم، لانو اتصل لكم وما احد رد.
هتان بصدمه : وشوووو، انا لله وانا اليه راجعون، متى مات، و وش الي صار.
سعود بحزن : اليوم طلع للبر مع خويه وذبحه، انا مضطر اغلق الحين، خبر عمي سعود وجدتي.
هتان بضيق وحزن : ابشر.
غلق هتان من سعود ودخل للبيت ووجهه ما يتفسر من الحزن، نادا جدته وابوه وخبرهم يروحو للمجلس.
استغرب ابو هتان من ملامح وجه ولده الي ما تتفسر من الحزن، قال.
ابو هتان باستغراب : عسى ماشر يا هتان، اشفيك.
ناظر هتان للجده عفاف الي داخله من باب المجلس، وقال.
هتان بحزن : فارس ولد عمي ضاري عطاكم عمره.
صرخت الجده عفاف بصدمه وقالت.
الجده عفاف : وش الي قاعد تقوله يا هتان.
ابو هتان بحزن : انا لله وانا اليه راجعون، متى مات.
هتان بحزن : الي سمعتيه يا جده، مات اليوم، ودفنوه من ساعه، اتصلو لك يبه بس تلفونك مغلق.
الجده عفاف ببكى : انا لله وانا اليه راجعون، يارب رحمتك ولطفك، الله يرحمك يا فارس، الله يرحمك.
ابو هتان بحزن : اجل وش مقعدنا، يالله خل نروح للعزاء.
هتان : يالله.
ناظر ابو هتان لولده وقال.
ابو هتان : وين يالله، انت اقعد هني، ما احد بالديره يم حريمنا، وابيك تقعد هني لو تعبت بنت عمك ودها للمستشفى.
هتان بضيق : ابشر يبه.
طلع ابو هتان ونادا البتول تجيب عباية جدتها، وبعد ما اخذ العبايه والنقاب، عطاهم للجده عفاف وبعدها اخذها ل السياره دخل السياره و شغلها وبعدها حرك وتوجه ل الرياض.
•• قسم الشرطه ••
دخلت ام بندر مع بندر وروح وبدر، وسألو عن مكتب الضابط ممدوح، المسؤال عن قضية رائد.
دلهم العسكري، وتوجهو للمكتب.
واول ما وصلو طلبو من العسكري الي يم الباب يخبر الضابط ممدوح انو يبغو يشوفوه.
دخل العسكري وخبر الضابط ممدوح، ودخلهم العسكري بعدما سمح له الضابط ممدوح يدخلهم.
دخلت ام بندر وهي تبكي، ناظرت ل الضابط ممدوح وقالت.
ام بندر ببكى : وش صاير يا حظرت الضابط، وش مسوي ولدي.
اشر الضابط ممدوح ؏الكرسي وقال.
الضابط ممدوح : اقعدي عشان اقدر احكي لك السالفه.
قعدت ام بندر ؏الكرسي، بينما روح متمسكه بيد بندر ومتخبيه خلف ظهره وتبكي.
اما بدر قعد على الكرسي المقابل لامه.
الضابط ممدوح : ولدك يا خاله قتل خويه قتل عمدآ، وياسفني اقلك انو عقوبة الي صار قصاص، بس حسب اقوال ولدك والرجال الي مسكه، انو ولدك ماكان يدري انو بالسلاح رصاص، وكان يخوف خويه بس السلاح كان به رصاص وللاسف الرصاصه صابة عنق خويه وقتلته .
ام بندر ببكى : طيب وش راح يكون مصير ولدي.
الضابط ممدوح : ماراح اكذب عليك يا خاله، بالحالتي ولدك راح يروح قصاص، وبالدين والاسلام قبل الدوله، العين بالعين والسن بالسن.
ام بندر ببكى : يعني ولدي خلاص راح.
الضابط ممدوح بهدوء : للاسف ايوا، بس فيه شي واحد يمكن ينقذ ولدك.
ام بندر بلهفه : وشو.
الضابط ممدوح بهدوء : لو اهل الولد تنازلو عن الدم.
بندر بهدوء : ما هقيت يصير به تنازل، رائد حكالي عن اهل فارس، وانهم ناس كبيره بالبلد، والله معطيهم من الخير، ماراح يقبلو ديه.
ام بندر ببكى : والله لو يطلبو روحي عطيتهم، بس يتركو ولدي يعيش.
الضابط ممدوح : راح اعطيكم عنوانهم، وان شاء يرضو بالديه ويعفو عن ولدك.
بدر باستفسار : انت اول ضابط اشوفه متعاطف كذا مع قاتل حتى لو كان القتل بغير عمد، يعني الشرطه مصيرها تكون صارمه وتحقق العداله لو على حساب سعادتها.
الضابط ممدوح بابتسامه حزينه : عشان اخوي زي اخوك، قتل ولد عمي بالغلط، وراح اعدام، وبالنهايه اكتشفت انو مو هو الي قتله، والي صار انو ولد عمي حاول يقتله وتدخل ولد عمي الثاني وقتله وهرب، وما قدر اخوي يبلغ عنه لانو بنظره ولد عمي الي هرب حماه.
تاثرو من سالفته، تكلمت روح من خلف بندر وقالت.
روح بصوت رايح من البكى : وينه رائد ابي اشوف.
ناظر الضابط ممدوح ل الصوت الناعم الي طلع من خلف بندر، وقال.
الضابط بندر : هو الحين بالحجز، وبعد ساعه بياخذوه للسجن العام، ومحاكمته راح تكون بعد اسبوع،وانتو عارفين الي راح يصير بالمحاكمه لو ما تنازلو اهل الولد عن الدم.
روح ببكى : بندر ودني لرائد ابي اشوفه.
الضابط ممدوح بهدوء : اطلع مع البنت وخل العسكري يوديكم له، وانا بتفاهم مع الخاله عن القضيه، من الاحسن تطلعها لانو واضح صغيره وما تفهم بالامور.
الضابط ممدوح شاف يد روح الرقيقه والينه الي ماسكه ثوب بندر بقوه، وحس انو ذي طفله، ومستحيل تكون بنت كبيره، وعشان كذا قال هالكلام.
طلعت روح مع بندر واخذهم العسكري لرائد.
بينما ام بندر قاعد تسأل الضابط ممدوح عن القضيه، وخبرته يسأل اهل الولد لو يبغو ديه، انهم مستعدين يعطوهم اي شي يبغونه، اهم شي يعفو عن ولدها رائد.
•• قصر ابو هذا ••
استأذن هذام من ابوه والرجال وطلع من المجلس، بعدما راحو اغلبية المعزيين، وباقي الاقارب، قرر يطلع من القصر ويشم هواء، يحس القصر كاتم نفسه، ويشوف طيف فارس بكل زاويه فيه.
قعد يفرفر بالسياره والضيق ماكلن قلبه.
تذكر رائد ولمعت عيونه بحقد وشر، حرك وتوجه لقسم الشرطه، ونيته مو خير ابد.
•• قسم الشرطه ••
راحت روح وبندر لرائد، وشافو طايح بالارض ومضروب، بكت روح عليه وضربت قبضان السجن وقالت.
روح ببكى : رائد، رائد .
فتح رائد عينه اليسار بتعب، وعين اليمين ما انفتحت من الضربه الي اكلها فيها، تحامل على نفسه، ووقف بتعب وراح لروح وبندر، ومسك قبضان السجن بتعب وقعد بالارض وقال.
رائد بتعب وحزن : والله ماكنت ابي اذبحه، هو خبرني انو سلاحه مافيه رصاص، وانا حبيت امزح معاه، ماكنت ابي اذبحه، ياليت ذبحت روحي ولا ذبحته*بكى بحزن *هذا فارس يا روح هذا خوي دنياي، ماني متخيل حياتي بدونه*ابتسم من بين دموعه *بس الحمد لله بروح قصاص واشوفه، ما ابي دنياء مافيها فارس،*بكى اكثر * ياجعل الموت ياخذني ولا مسكت السلاح بيدي.
نزلت روح لمستواه وقعدت بالارض ؏ركبها، ومسكت وجه رائد وهي تبكي وتقول.
روح ببكى : لا تقول كذا يا رائد، حياه من دونك يا خوي ما تسوى.
رائد ببكى : انتي تدري وش قال لي فارس قبل فتره، قال ودي باختك روح لاخوي هذام، روح اغلى من روحك،وانا هذام اغلى من روحي،ودي نصير قرابه وتقوى صداقتنا، فارس من كثر حبه لي عرفني على اهله، ودخلني بيته وانا بكل بساطه انهيت خويي، ذبحت فارس يا روح ذبببحته.
ضمت روح راس رائد لها وبكت معاه وحطت راسها على قبضان السجن وبكت مع اخوها بنحيب.
هي اقرب شخص لرائد وارائد اقرب اخوانها لها، ومستحيل تقدر تشوفه يعاني كذا وتسكت.
كل الي صار تحت انظار شخص، وهالشخص ماكان الا هذام، الي اشتعلت عيونها من الغضب والحقد، وناظر روح ورائد وعيونه تقدح شرار.
بعد هذام عن الباب لمن دخلت ام بندر وبدر.
واستنا لمن طلعهم العسكري، وراحو، وبعدها دخل لرائد وشافه قاعد يبكي بحزن وانين وحاني راسه للارض وضام رجلينه لصدره ،تكلم هذام وقال.
هذام بحزن وحقد : اشلون قوى قلبك تقتله، اشلووون يا حيوان، هو حبك واعتبرك اخوه، وانت بالنهايه تغدر فيه يا الخاسي.
رفع رائد راسه ودموعه تطيح، شاف هذام واقف امامه، وبينهم قبضان السجن حاجز، قال.
رائد ببكى وحزن : والله ماكنت اقصد، والله ماكنت ادري انو بالسلاح رصاص.
وقف رائد ومسك يدين هذام وحطهم على عنقه وهو يبكي وقال.
رائد ببكى : تكفى اخنقني، اذبحني خل اروح لفارس، مو قادر اعيش بلياه.
سحب هذام يدينه من عنق رائد بقرف ودفه بقوه،ومن قوة الدفه طاح رائد بالارض قال.
هذام بصراخ : العداله بتحاسبك امام الملى، ما اوسخ يدينه باشكالك.
قعد رائد يبكي ويترجاه يسامحه ويخبر اهله يبيحوه، لانو مو قادر يعيش من تعذيب الضمير مايبي يشيل حزن اهل فارس مع حزنه.
توجه هذام طالع بس استوقفه شي توه يفتح عيونه عليه، كلام فارس له لمن قال خذها يا خوي، وكلام رائد الان لمن قال روح اغلى من روحك، وهذام اغلى من روحي.
رجع بخطواته لرائد وارتسمت على وجهه ابتسامه شريره وقال.
هذام بشر : عقب ما تروح قصاص، راح اخذ اختك روح، وراح اعذبها بابشع طريقه، وراح اخسر اهلك واعيشهم بالشوارع، راح اتركهم يتمنو الموت وما يلاقوه، انت اخذت اخوي فارس وانا باخذ روحك وكل شي انت تحبه وغالي عليك.
خلص هذام كلامه وطلع، تارك رائد خلفه يصرخ ويترجاء هذام ما يسوي شي لروح او اهله، هو خايف عليهم من هذام، فارس خبره انو هذام شخص شراني، ولو خسر شي يحبه بيحرق الكون عشان.
قعد رائد يبكي بحرقه وحزن، ويترجاء هذام يمكن هذام يسمع صوته ويرق قلبه ويترك اهله فحالهم.
•• الديره ••
بيت ابو هتان
ــــــــــــــــــــــ
قاعد هتان على عتبت باب الحوش يفكر وسرحان، والحزن بقلبه ماله حدود.
دخل للبيت لمن سمع امه تناديه، راح لها وشافها قاعده يم باب الحريم، قال.
هتان بحزن : سمي.
ام هتان بحنان : سم الله عدوك، اذكر الله يمه، وخل عندك الهواجيس الي مب زينه، فارس راح للي ارحم مني ومنك.
هتان بحزن وغصه : يمه فارس زي اخوي، صح ما نشوف بعض كثير، ولو شفنا بعض فهو بالسنه مره، بس يبقى ولد عمي واخوي.
طبطبت ام هتان على كتف ولدها وقالت.
ام هتان بحنان : اذكر الله يمه، وروح يم الحلال شوف حمد وش مسوي بروحه، طلع عقب المطر وما احد شافه.
هتان بحزن : ابشري.
طلع هتان من البيت وراح يم الحلال، بينما امه دخلت وراحت للمطبخ تسوي شوربه لسراب تدفيها عقب البرد.
ومو دريانه عن العيون الي كانت مترقبه لكلامها مع هتان، والدمع فاض منها.
طلعت عروب من خلف الجدار وهي تبكي، ركضت وطلعت من البيت وراحت للمكان الي يحب يروح له فارس، والي هو كوخ صغير مغطا بالاشجار، قريب من بيت جدتها القديم، دخلت للكوخ، وقعدت تبكي بنحيب وحزن، وقلبها متقطع على فراق فارس.
اشلو ما يتقطع قلبها، وهي حبت فارس بل عشقته بجنون، وكل ما زار الجده عفاف مع اهله تقعد تراقبه بصمت، وتدعي الله يجمعهم ويكونو نصيب بعض.
بس للاسف الله ما اراد لقلوبهم الترفا تجتمع، وكان الموت مصير فارس.
هي تدري انو فارس يحبها وصرح لها برساله تركها بالكوخ، لانو يدري انو هي الي تروح الكوخ من بعده، وتقعد ترتبه وتهتم فيه.
بكت بحزن ولمت رجولها لصدرها وقعدت تدعي لفارس وتتمنا لو انو الموت خذاها وما تقعد بدنيا خاليه من زول فارس.
بنفس الوقت كان هذا كلام رائد، وكانو اللقطه انقسمت نصين ، وصار شكل رائد بجهه يبكي، وعروب بالجهه الثانيه.
•• بعد اسبوع ••
يوم محاكمة رائد.
طبعآ طول هالاسبوع، وام بندر وبندر وبدر قاعدين يترددو على قصر ابو هذام، ويحاولو فيهم يعفو عن رائد، بس للاسف مافي اي امل، ابو هذام رق قلبه شوي، بس هذام عيى، وراسه والف سيف ليعدوم راىد، ودم اخوه ما يروح هدر.
•• السجن العام ••
دخل العسكري لرائد الي قاعد ؏الارض وقال.
العسكري : حكم اعدامك راح يكون الساعه 11 ص، اذا ودك بشي قبل يتم اعدامك قول.
ابتسم رائد بحزن وقال.
رائد بحزن : ودي اشوف امي واودعها، واختي بعد واخواني، وودي اصلي، ابي منك تجيب لي ملابس نضيفه وتاخذني لدورة الميه جزاك الله خير.
العسكري : بس هذا الي ودك فيه، ماودك بشي ثاني.
ابتسم رائد بحزن وقال.
رائد بحزن : لا ما ابي شي، وش ابي اكثر من اني اودع اهلي، واصلي لربي واطلب منه السماح على زلتي، عساه يجمعني مع خوي دنياي بالجنه.
تاثر العسكري من كلام رائد واشفق عليه، وحس انو حرام يروح قصاص وهو ماكان قاصد يقتل خويه، والي صار مقدر ومكتوب.
طلع العسكري من عند رائد وراح يجيب له ملابس نضيفه، ورجع له من ثاني واخذه لدورة المياه عشان يتروش ويلبس الملابس ويصلي.
وبالفعل طلع رائد من دورة المياه وهو لابس ثوب ابيض وملامحه تشع، وكانو ازدادت نور، ما ندري نور الخوافي البينه، او نور شحوب بشرته من التعب.
اخذ رائد السجاده من العسكري بعدما شكره، وفرشها بالارض وبداء يصلي بكل تاني وخشوع.
قعد يدعي بكل ركعه وسجود، عسى الله يغفر له ويرحمه، ويتوب عنه، ويغفر سيأته.
وباخر سجده قعد يدعي ويبكي بصوت عالي، يبكي مناجي ربه على الشي الي سواه بدون ادراك منه، مو معترض على حكم الاعدام، ويشوف انو يستاهل يروح قصاص، بكائه كان بسبب احساسه بالذنب انو قتل خويه بيدينه، قتل اخو دنياه، وصديق عمره.
دخل الضابط ممدوح عشان ياخذ رائد يودع اهله، لانو مابقى شي على وقت الاعدام، شافه قاعد يصلي ويبكي بصوت عالي وكله خشوع.
ناظره ودمعت عيونه من المنظر، ما يدري يرق قلبه لانو رائد بريئ او يقسى قلبه لانو رائد بالقانون مجرم.
خلص رائد وبعدها راح مع الضابط ممدوح،يشوف امه واخوانه.
كانت ام بندر وروح وبندر وبدر قاعدين بغرفه منعزله عن ساحة القصاص الي بينفذو فيها الحكم مستنين وصول رائد عشان يودعوه، لانو ماراح يقدرو يشوفوه بساحة القصاص لانو المنظر راح يكون مروع.
دخل رائد وخلفه الضابط ممدوح، وراح لامه وانحنا بجسمه لرجلينها وضمهم بقوه وباسهم، وقال.
رائد ببكى : سامحيني يمه، ادري عذبتك معاي، وتعبتك، وشيبت راسك بمصايبي، اعذريني يا جنتي.
قعد رائد يبكي ويبوس رجلين امه.
انحنت ام بندر وقعدت بالارض ورفعت راس رائد وضمته لصدرها بقوه وبكت.
قعدت تبكي ورائد يبكي، وبندر يبكي وبدر وروح.
ناظر الضابط ممدوح لرائد وامه ومسح دمعه هاربه من عينه وقال.
الصابط ممدوح : رائد بسرعه ودع اهلك،لازم نروح لساحة القصاص الحين.
وقف رائد وبعد عن امه بعدما باس راسها ويدينها، وبعدها راح لبندر وضمه وقعد يوصيه على امه وروح وبدر، وكانو انقلبت الايه وصار رائد الكبير العاقل، وبندر الصغير الطايش.
بعد رائد عن بندر وبعدها ضم بدر وقعد يقوله.
رائد ببكى وضحكه : هههههههه بدير، ترا البلستيشن الي توي شاري لك، خلاص ماراح اقعد اذلك عليه، وكمان اللابتوب وكل شي ودك فيه صار حلالك.
بكى بدر وقال.
بدر ببكى : ياجعلني الموت لو لمست شي من اغراضك، يا عسى ربي ينزل معجزه من السماء تنقذك، ياعسى ربي ما يخيب رجاي.
بعد رائد عن بدر وناظر راح الي ميته بكى، وعيونها تعبو من الدموع.
فتح رائد ذراعيه واشر لها تجي.
راحت روح له بسرعه، وضمته بقوه وقعدت تبكي بنحيب، وتشاهق من كثر بكاها.
ضمها رائد بقوه وقعد يحاول يهديه بس ما هديت.
اشلون تهدء واخوها وسندها بعد كم دقيقه بيفارق الحياه، وهي ما بيدها شي تسويه.
نادا العسكري الضابط ممدوح عشان يطلع رائد.
راح الضابط ممدوح وطلب من رائد يمشي معاه.
حاول رائد يبعد روح عنه بس ماعرف، كانت متشبكه فيه بقوه ومو راضيه تتركي.
انهار رائد بالبكى اكثر وما قدر يتحمل، ناظر بندر واشر له ياخذ روح.
حاول بندر ياخذ روح وبعد عنا طويل قدر يفكها من رائد.
قعدت روح تصارخ بانهيار وتقول.
روح بصراخ وبكى : لااا رائد اخوي، لا تاخذوه تكفو، رااااائد، لا تروووح.
بكى بندر من كثر صراخها، وضمها لصدره وحاول يهديه.
قعدت روح تبكي وتشاهق بحضن بندر.
قصر ابو هذام
ــــــــــــــــــــــــ
صحيت ام هذام والحزن كاتم صدرها، من لمن مات فارس والاحلام تراودها، ومن بين هالاحلام، حلم اليوم الي عجزت تتخطاه، كل ما حاولت تغفى شوي، نط لها فارس بالحلم ويقول لها كلام عجزت تنساه.
طلعت من جناحها ونزلت الدرج، وشافت نبض نازله الدرج، نادتها وقالت.
ام هذام : نبض وينه هذام.
نبض بملامح حزينه : مدري، يمكن راح يشوف قصاص الي ذبح فارس.
ام هذام بخوف : وشووو، ليه متى راح ينفذو الحكم.
ناظرت نبض لساعتها، وكانت الساعه 10:45 ص، قالت.
نبض : ؏الساعه 11 راح ينفذو الحكم.
خارت قوى ام هذام وقعدت ؏الدرج بتعب، راحت لها نبض بخوف ومسكتها، وساعدته توقف وبعدها نزلو من الدرج وقعدتها على احد الكنبات الي بالصاله، ونادت الشغاله تجيب لها مويه.
ولمن عطتها المويه وحست انو صارت احسن قالت.
نبض بخوف : ماما اشفيك.
ام هذام بتعب : اتصلي لهذام بسرعه قبل يعدمو الولد، ماراح يرتاح قلبي لو اعدموه، فارس كل يوم يزورني باحلامي، واليوم قالي شي واحد، وهو انو رائد لا يموت، وانو رائد ماله ذنب، وهو الي خبره انو ما في السلاح رصاص.
نبض بغصه : ماما هذا مجرم ولازم ياخذ عقابه، هو ذبح اخوي.
ام هذام بتعب : من اصفح وترك نفس انسان يا نبض ، كانما احيا الناس جميعآ، ذا اخر كلام قاله لي فارس، ومستحيل ما انفذه له، ام رائد بعد ام ولها قلب، انا ماقدرت انقذ ولدي من الموت، بس راح احاول انقذ ولد ام رائد، وعسى الله لا يعيش اي ام الشعور الي عشته عقب فقد الضنا.
نبض بدموع : يعني خلاص ماراح يعدموه، راح يعيش عقب ما ذبح فارس.
ام هذام بتعب : نبض يمه ماتوقعت قلبك حقود، اذكري الله، الحياة فانيه وانا امك، عز الله ان بصدري نار ما انطفت، وما ابي ذباح ولدي يعيش، بس ذا طلب فارس، الحين اتصلي لهذام بسرعه.
نبض بحزن : تيب.
طلعت نبض تلفونها من جيبها، واتصلت لهذام، وبعد كم رنه رد، قالت.
نبض : هذام ماما تبيك.
هذام باستغراب : طيب عطيني ياها.
عطت نبض امها التلفون، وقالت.
نبض : ماما هذام ؏الخط.
اخذت ام هذام التلفون من هذام، وقالت.
ام هذام بتعب : هذام يمه نفذو حكم الاعدام او بعدهم.
ناظر هذام لرائد الي قاعد ؏ركبه بساحة القصاص ،وناظر ل السياف الي بيقطع راسه و قال.
هذام : هذا هم بينفذو الحكم الحين.
ام هذام بتعب : هذام وقفهم، لا يذبحوه، انا مسامحته، وما ابيه يموت، فارس زارني بالحلم، ووصاني عليه، تكفى يا ولدي برضاي عليك لا يذبحوه.
هذام باستغراب : يمه وش قاعده تقولين، انتي تدري انو مستحيل نتخلى عن دم فارس.
ام هذام بتعب : اعف عنه وانا امك، وخل اهله يتسهلو من الرياض، ولا نشوفهم بالرياض ابد، ولو شفت رائد خطا درب الرياض دمه مسفوح.
هذام بنرفزه : يمه انا ماسكن روحي عنه بالعافيه عشان ما اذبحه، والحين تبغيني اوقف حكم القصاص.
ام هذام بتعب : هذام يمه تكفى يولدي وقف هالحكم، وخل يتسهلو، انا فقدت ولدي، بدون ذنب، وام رائد مالها ذنب تفقد ولدها، ماني مسامحه رائد ولاني محللته، بس خل يعيش بتانيب الضمير، وذا كفيل يخليه يعيش الموت الف مره.
هذام بضيق : يمه انا مقدر انفذ كلامك.
ام هذام بتعب : تكفى يولدي ل.
بترت كلامها لمن سمعت صوت العسكري يقول كلام قبل يعدمو رائد، وبعدها قال.
العسكري : نفذ حكم الاعدام.
صرخت ام هذام لهذام عشان يوقفهم.
بس للاسف هذام قطع الخط قبل يوصله كلامها .
(( وصلنا لنهاية البارت ))
//توقعاتكم //
وش راح تكون ردة فعل شوق لمن تعرف بسالفة العريس الي مدبرينه لها اهلها ؟
تتوقعو توافق ؟
وغيث بعد تتوقعو يوافق يتزوج بنت عقب حرمته الي ماتت ؟
عروب راح تقدر تتخطا موت فارس ؟
وهل راح يعوضها القدر بحب ينسيها حب فارس ؟
هذام هل راح ينفذ الشي الي هدد رائد فيه بعد موت ؟
رائد راح يتنفذ فيه حكم الاعدام ؟
او هذام راح يقدر يوقفهم ؟
روح راح تقدر تتخطى موت رائد او لا ؟
شاركوني توقعاتكم الحلوه يحلوين
*_< يــۥــۥــتبـ؏ـع⇦⇩_*
*_`قنــــواتنـــا_انــيرونـا •⸙♡»))`_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
*_https://whatsapp.com/channel/0029Vb75uek1iUxbkIJBpH2T_*
﹌﹌﹌﹌﹌﹌﹌﹌﹌﹌﹌
*_- اتـشـنـل ڪروب ڪتب ومستندات𝐏𝐃𝐅📓_*
https://chat.whatsapp.com/CWiALT5QKFJ46EeIEwvnrd?mode=wwt
✧◌⑅◌•❁𓆩٣³𓆪❁•◌⑅◌✧
﹌﹌﹌﹌﹌﹌﹌﹌﹌﹌﹌
*_اتـشـنـل قـنـاة نڪت وقصف جــجبۿات⸢⑇֯🌚💔⑇⸥_*
- *_ضابحين صح وتشتوا قصص ومشعات ونڪبات تضحڪوا؟!⇣⁽☻_*
- *_تعالو هنــا☟_*
_*https://whatsapp.com/channel/0029Vb75QOR9WtCASkmTbb0U*_
2
*_https://whatsapp.com/channel/0029VbBWqPM2v1IozE4ldR2Q_*
﹌﹌﹌﹌﹌﹌﹌﹌﹌﹌﹌
*_`اتـشـنـل قناة قصيد وشيلات⁽🕊⁽✨_*
_*https://whatsapp.com/channel/0029VaaASUGLo4hltNj3vm1U*_
﹌﹌﹌﹌﹌﹌﹌﹌﹌﹌﹌
*_اتـشـنـل `قناة حالات وتساب وأقتباسات منوع وفعاليات⁽㋡⇣ツ._*
1
_*https://whatsapp.com/channel/0029VaMuPn8Gk1FjtCR7dn1U*_
2
*_https://whatsapp.com/channel/0029Vb6r2he7tkj2Lo22T92j_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪـروب الرعـب𓆘•_*
*_𓄀𓏤𝒉𝒐𝒖𝒔𝒆 𝒐𝒇 𝒉𝒐𝒓𝒓𝒐𝒓ꪶ🕸️💀•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
🏴☠️≛𝖒𝖆𝖒𝖔𝖔𝖓≛🏴☠️
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪروب اقتباسات منوع ورفله⁽㋡⇣ツ._*
*_https://chat.whatsapp.com/Lwd2kqSAho4CJOOQSnNQ1U_*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاه ملصقات وتساب متنوعه☟_*
*_https://whatsapp.com/channel/0029Vb6IHq4JP212MnEZ6q3W_*
﹌﹌﹌﹌﹌﹌﹌﹌﹌﹌﹌
> *نورو قنواتنا تليجرام_قـنـاه روايات تليجرام_قناه جبر خواطر_قناه آرح مسمعك_قناه مكافحة الفرخان_قناه افكار مشتتة*⭒
@brokeen305
@broken305
@broken339
@broken336
@anfasaam
*_- بوت تواصل☟_*
@yemeni_broken9bot
*✧══•❁𓆩٣³𓆪❁•══✧*
> *🏴☠️≛𝖒𝖆𝖒𝖔𝖔𝖓≛🏴☠️𓆩٣³𓆪 ♡*
﹌﹌﹌﹌﹌﹌﹌﹌﹌﹌﹌
*_💥القراءة السريعة مثل الأڪل بدون هضم💥_*
▬▭▬▭▬▭▬▭▬▭▬▭▬▭▬