الفصل 3
> *_روايـــــــة: اوقدت نارالشوق في صدري وعجز زمان الوقت يطفيها•⃠⁽❤️🔥⸙♡»))_*
⤹. | _~*بواسطــٍۛ❀ـٍۛـة- `𓄀𝐌𓏤 𐇻`*~_ | ˚˖☆˚.
> *_𝑼𝑹 : 🏴☠️𝖒𝖆𝖒𝖔𝖔𝖓🏴☠️𓆩٣³𓆪 ♪_*
*_{🖋️}☜تنسيق : ۿيبــٖهٰ̐ہ.بروفيسور𓆩٣³𓆪_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
﹌﹌﹌﹌﹌﹌﹌﹌﹌﹌﹌
*_||☜⤸اتـشـنـل ڪـروب الرعـب𓆘•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
*_ثريدات وقصص و احــحداث منوعۿ_*
﹌﹌﹌﹌﹌﹌﹌﹌﹌﹌﹌
••
*– ࢪواية :«اوقدت نارالشوق في صدري وعجز زمان الوقت يطفيها .».*
*الباࢪت:«2 ».*
*_الڪاتبه: غزال الشعريه»..*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
•• الرياض ••
فيلا ابو شوق
ــــــــــــــــــــــ
قاعده بغرفتها تناظر لالبوم الصور والدمعه بعينها.
طلعت صورته من الالبوم ، وتحسست وجهه وطاحت دموعها.
بكت بحزن شديد وقلبها متقطع من الذكرى الي عجزت تتخطاها.
ناظرت للالبوم من ثاني وشافت صورها معاه وهي بفستان العرس،وكل صوره تعبر عن مداء اللحظات الجميله الي عاشوها مع بعض.
رجعت نظرها لصورته من ثاني ، وضمت الصوره لصدرها،وبكت بنحيب وقالت.
شوق ببكى ونحيب : اهئ اهئ اهئ ليه تركتني يا زياد ليييه، ليه تركتني احارب العالم بروحي،اهئ اهئ اهئ ليه يا زياد اهئ ليه .
كانت ام شوق رايحه لغرفتها، بس سمعت صوت جاي من غرفة شوق، فتحت الباب ودخلت، وشافت بنتها بحاله يرثاء لها، وتبكي بنحيب.
راحت لها وقلبها خايف عليها قالت.
ام شوق بخوف : اسم الله عليك، يمه اشفيك.
ما ردت شوق بس تبكي بنحيب.
قعدت امها يمها وضمتها وتركتها تبكي براحتها وقلبها متقطع عليها، ناظرت ل االبوم الصور، وتنهدت بحزن، الحين عرفت اشفيها بنتها، كله بسبب هالصور الي مو راضيه تتركها.
ام شوق بحنان وحزن : شوق يمه بسك بكى قطعتي قلبي، ادعي له يمه، هذا يومه والموت ما يترك احد.
شوق ببكى : يمه قلبي يعورني، اهئ مو قادره انساه، يمه اهئ اهئ ابيه تكفون جيبوه، خل يرجع وياخذ روحي معاه، مو قادره اعيش من غيره.
ضمتها امها اكثر وحاولت تهديها، شعور صعب وشين، انو تحبي شخص وبيوم زواجكم وبعد ما صرتي ملكه وحلاله يصير لكم حادث، ويموت بالحادث،وانتي تعيشي.
تنهدت ام شوق بضيق، شوق مو قادره تتخطاء الي صار، هي تضررت من الحادث بس بعد شهر تعافت، بس نفسيتها الي مرا تعبانه ومو قادره ترجع زي اول.
ام شوق بحنان : شوق يمه عشاني بسك بكى، خلاص ترا قاعده تعذبيه بدموعك.
ضربت شوق صدرها بانهيار : يمممه بقلبي نار ما انطفت، يمه احس بقلبي غصه عجزت ابلعها، ماني قادره اتخيل حياتي من دونه، يمه هذا زياد، زياد الي حبيته وانا بزره، وكبرت وكبر هالحب بقلبي، وكنت ادعي الله انو يكون من نصيبي، بس القدر خطفه مني عقب ماصرنا لبعض، يمه ابي اروح له، خلاص تعبت وماني قادره اتحمل غيابه.
ام شوق بحزن : الله يجبر قلبك، ويعوضك بالي ينسيك زياد.
بعدت شوق عن حضن امها بسرعه وناظرتها وصرخت وقال.
شوق بصراخ : ما احد يقدر ينسيني ياه، ما احد يقدر يدخل القلب عقبه.
قعدت شوق تصارخ بانهيار وتبكي، لين مانامت بحضن امها من التعب.
نزلت دموع ام شوق على حال بنتها، بعدت شعر الشوق عن وجهه وشافت جفونها الي صارو زي الدم من كثر البكى، وخدودها جرحتهم ملوحة الدمعه.
ام شوق ببكى : اه يا يمه والله ان قلبي متقطع عليك، وما بيدي شي اسوي، قاعده اشوفك تذبلي امامي وما بيدي شي.
عدلت نومتها وحطت راسها ؏المخده وعدلت سدحتها.
ناظرت ل البوم الصور، وصورة زياد الي بحضن شوق، وطاحو دموعها اكثر، اخذتها وحطتهم ؏الكمدينه، ولحفتها زين وباست جبينها وقالت.
ام شوق بحزن : تعبت وانا اشوفك تذبلي يا شوق، وقلبي ماصار يقوى يشوفك بالحال ذا، سنه كامله وانتي بحزنك، تركتي الجامعه من عقب الي صار، وانعزلتي عن العالم الخارجي عشان حزنك، بس خلاص لازم الاقي حل للي قاعد يصير.
ناظرت ام شوق ل البوم الصور، واخذته وهي مصره للي راح تسويه.
طلعت من غرفة شوق وراحت لدور الاول، شافت ابو شوق طالع من مكتبه وبيده شنطة الشغل، وواضح انو رايح الشركه، نادته وقالت.
ام شوق : فهد.
التفت لها ابو شوق وقال.
ابو شوق بابتسامه : ياقلب فهد.
ام شوق بابتسامه حزينه : ابيك بسالفه.
ناظر ابو شوق لساعته وشافها الساعه 9:03 ص، قال.
ابو شوق بابتسامه : باقي شوي ؏الاجتماع، بس راح اسمع سالفتك قبل.
ام شوق بضيق : اجل خل نروح الحديقه، البيت كاتمً نفسي.
ابو شوق بقلق : اسم الله عليك من كتم النفس، اشفيك يا قلب فهد.
ام شوق بضيق : خل نسولف بالحديقه، مادوي شوق تصحي وتسمعنا.
تنهد ابو شوق وقال.
ابو شوق : يالله خل نروح.
مشى ابو شوق مع ام شوق وتوجهو للحديقه، قعدو ؏الطاوله الي امام المسبح يسولفو.
ابو شوق : اسمعك.
مدت ام شوق الالبوم لابو شوق وقالت.
ام شوق بضيق : من سنه وهي عايشه على ذكراه، كل يوم تبكي والاقي هالصور يمها، قطعت قلبي عليها، قاعده اشوف بنتي تذبل امامي يا فهد، ومو قادره اسوي لها شي.
ابو شوق بضيق : وش تبيني اسوي، ما بليد حيله، انتي شفتي من ثلاث اشهر لمن خبينا الالبوم وش صار فيها، قعدت اسبوه بالمستشفى منهاره، ماودي اخسر بنيتي، اشوفها عايشه وذبلانه ولا اخسرها للابد.
ام شوق بعصبيه : ماصارت حاله يا فهد، خلاص ترا تعبنا، البنت بتروح منا، لازم نلاقي حل.
ابو شوق بضيق : وشو الحل الي ببالك يا سعاد.
ام شوق بعد تفكير : لازم نزوجها.
ابو شوق بصدمه : وشوووووو.
•• الشرقيه ••
البر
ــــــ
صرخ رائد صرخه هزت البر من كبرها.
رائد بصراخ : فااااااااااااااارس.
قعد يمه وهو يبكي ويصارخ، مسك راسه وتلمس رقبته الي اخترقتها الرصاصه وقاعد ينزف بغزاره، ضغط مكان الرصاصه عشان يوقف النزيف وهو يبكي ويقول.
رائد ببكى وصراخ : فاااارس لا تكفى لا تروحويا خوي، فارس تكفى لا تتركني بروحي، والله ماكنت ادري انو بالسلاح رصاص، الله ياخذني ولا سويت الي سويته، تكفى اصحى، فارس فااااارس.
قعد رائد يبكي ويصارخ وهو منهار.
راح سعد ولؤي بعدما سمعو صوت الرصاصه وصراخ رائد.
مشو لحد السياره، واول ما وصلو انصدمو من الي شافوه، شافو فارس طايح بالارض غرقان بدمع، ورائد قاعد يصارخ ويبكي، وقول والله ماكان بقصدي، والله ماكنت ادري انو بالسلاح رصاص.
دف سعد رائد وصرخ على لؤي يكتفه، بينما هو تحسس نبض فارس وهنا كانت الصدمه.
ناظر سعد ل لؤي وقال.
سعد بصدمه : م ما مات.
انصدم رائد اكثر، وصرخ وقال.
رائد بصراخ وبكى : لا لا فارس مستحيل يموت، فااااااارس لااااا تكفى لا تتركني يخوي.
اخذ سعد شماغ فارس بحزن، وناظر لؤي وقال.
سعد بحزن : روح جيب السياره، وانا بنتبه للخاسي.
دف لؤي رائد لسعد وراح يجيب السياره.
ناظر سعد بغضب وجنو لرائد وقال.
سعد بحزن وغضب : ليه سويت كذا لييييه، وش سوى لك، هو يعزك حيل، ذي اخرت الخوي الي يعزه.
جن جنونه لمن شاف رائد قاعد يبكي وما يرد، ضرب ضرب مب طبيعي لين افقده الوعي.
طلع تلفونه واتصل لشرطه وبلغهم بكل الي صار، وارسل لهم الموقع، اخذ رائد وكتفه وربطه ل الشاص.
سعد بلغ الشرطه قبل ياخذ فارس لاهله، لانو يدري بجنون هذام، لو عرف بالسالفه قبل توصل الشرطه، بيذبح رائد بدم بارد عشان اخوه، وما وده توصل السالفه ل الثار اكثر .
وصل لؤي، ناظره سعد وقال.
سعد : اقعد مع هالحيوان لين ماتوصل الشرطه، وانا باخذ فارس لاهله.
لؤي باستغراب : اشلون تاخذه والشرطه، لازم يثبت الي صار بالبحث الجنائي.
سعد بحزن : وش الي يثبت، احنا شفناه بعيوننا، والولد بعد اعترف بنفسه.
سكت لؤي وما رد.
شال سعد فارس على كتفه ودموعه تطيح، فارس كان بمثابة اخ صغير له، ماكان يهتم لكونه حارس اخوه هذام، وكان كل وقته مع الحرس يسولف لهم عن طلعاته من رائد واش كثر يحبه، وبنهايه صار موته على يد خويه.
فتح الباب الخلفي ل السياره وحط فارس، وبعدها راح للمقعد الامامي، وشغل السياره وحرك متوجه لرياض.
ناظر لؤي لرائد الي فاقد وعيه وعوره قلبه عليه وعلى فارس، كلهم بعمر ال20 واحد مات قبل لا يتهنا بشبابه، وواحد بينسجن وبيعيش بحسره تنهي شبابه.
بعد ساعتين وصل سعد ل الرياض.
قصر ابو هُذام
ـــــــــــــــــــــــ
قاعد هذام مع ابوه وامه بالحديقه يشربو قهوه ويسولفو،ووهج قاعده تلعب يمهم.
هذام خلص اجتماعه ورجع من بدري، لانو وهج زنت عليه عشان يجي يلعب معاها.
اما نبض راحت المدرسه عشان الامتحان.
تلكم ابو هذام وقال.
ابو هذام : هذام.
رفع هذام انظاره عن الابتوب الي كان يشتغل عليه، وقال.
هذام : سم.
ابو هذام : سم الله عدوك، ماودك تعرس، صار لك سنتين من طلقت هبه وانت محتاج لك حرمه تعونك بتربية وهج وعشان تهتم فيها، وهج فاقده حنان ولازم لها ام ترعاها.
هذام بهدوء : وهج انا اهتم فيها، وماني بحاجة حرمه تذل بنتي وتعذبها من وراي، وتطعني بظهري.
ام هذام بحنان : اصابيعك مو زي بعض يمه، فيه بنات يخافون الله وما يرضو الزله.
وقف هذام بعدما غلق الابتوب واخذه، وقال.
هذام بهدوء : اتمنا ما تفتحو هالموضوع من ثاني، لانو تدرو وش اجابتي.
مشى هذام من امام ابوه وامه، ونادا وهج وقال.
هذام : وهج يبه يالله نروح.
تركت وهج الالعاب من يدينها، وراحت لابوها ركض،وتمسكت بيده .
ابتسم لها هذام ومشى معاها متوجهين للقصر.
ناظرت ام هذام لابو هذام وقالت.
ام هذام بضيق : لازم نشوف حل ماصارت كل ماجبنا طاري الزواج مشى ولا عبرنا بكلمه.
ابو هذام بهدوء : هذام رجال ويدري بمصلحته، مو بزر يا ساره .
ام هذام بقلة حيله : مدري من وين الاقيها منك او منه، عز الله جننتوني.
وقفت ام هذام وراحت القصر، وقف ابو هذام بعدها وراح هو بعد.
نزل هذام من الدرج وتوجه لباب القصر طالع، عشان يجيب الورقه الي طاحت عليه لمن اخذ الابتوب، صادف امه وابوه واهم داخلين، مشى متجاهل نظرات امه العتبانه.
وصل للحديقه، نزل لحد الطاوله واخذ الورقه الي طاحت تحت الطاوله، وتوجه داخل بس قاطعه صوت تلفونه، طلع التلفون من جيب الثوب،وشاف المتصل وكان سعد.
رد وقال.
هذام : هلا سعد.
سعد بغصه : طال عمرك انت بالقصر او بالشركه.
هذام باستغراب : بالقصر،شوي واروح الشركه .
سعد بغصه : اجل استناني يا طويل العمر، انا شوي واوصل .
هذام باستغراب : خير يا سعد، فيه شي.
سعد بغصه : شوي واوصل واخبرك بالسالفه.
غلق هذام من سعد وقلبه مقبوض، وش صاير.
قعد بالحديقه مستني وصول سعد.
شوي وتنفتح بوابة القصر وتدخل سيارة سعد.
راح هذام ل السياره وقلبه مقبوض.
شاف سعد طالع منها وفيه شي على التيشيرت الاسود الي لابسه سعد، بس ماحدد وش هالشي، لانو الون الاسوم يخفي لون الشي الي عليه.
راح سعد ل هذام والدمعه بعينه وملامحه ما تتفسر من الحزن، وقف امام هذام وقال.
سعد بحزن وبكى : سامحني يا طويل العمر ماقدرت احميه.
هذام بخوف : اشفيه يا سعد، وش الي صار، فارس فيه شي.
سعد بحزن : عظم الله اجرك.
هذام بصدمه : وشوووووووو.
سعد بحزن : فارس عطاك عمره.
مسك هذام سعد من التيشيرت بقوه وقال.
هذام بصراخ وصدمه : وش الي قاعد تقوله يا سعد، وينه فارس، وينه اخوووي.
اشر سعد على السياره وهو محني راسه والدمعه بعينه.
دفه هذام بقوه لين ما طيحه بالارض ، وراح ل السياره، فتحها وشاف شي ما تمنا يشوف، شاف فارس متسطح ؏المقعد الوراني، ووجهه متغطي بشماغ، والدم مغطيه.
اخذه من السياره وشاله بين يدينه والدمعه بعينه، تركه ؏الارض وهو يناظره ومو مصدق انو الي قاعد يشوفه حقيقي، اخوه فارس مااات، اخوه الي يعتبره ولده مو اخوه خلاص راح.
شال الشماغ عن وجهه وصرخ وقال.
هذام بصراخ : فارس يا خوي اصحي، تكفى يا خوي لا تمتحن قلبي فيك، تكفى يا فارس لا تبتلي قلبي وانت تدري وش غلاتك فيه.
هزه وهو يبكي ويصارخ ويقول .
هذام بصراخ وبكى : فااااااارس تكفى لا تروح، فاااارس يا خوي لاتروووح.
ضم هذام راس فارس لصدره وهي يبكي حسره وحزن على اخوه.
طلعت ام هذام وابو هذام على صراخ هذام.
راحو لهذام وهم مفزوعين، اشفيه قاعد يصارخ كذا.
راحو لهذام وكانت السياره مغبيه على هذام وفارس لانو هذام طلع فارس من الجهه الثانيه.
مشى ناحيت هذام وكانو الخطوات صارت ثقيله بالنسبه لهم.
بداو يمشو وشوي وشوي بداو يشوفو رجلين فارس وبعدها شافو نص جسمه، وبعدها شافو جسمه كامل وهو طايح بحضن هذام.
صرخت ام هذام وهي مو مصدقه وتقول.
ام هذام بصراخ : فارس لا فارس ولدي، فاااااااااااارس ولددددي، فارس يمه اشفيك.
طاحت ؏الارض يم هذام واخذت فارس لحضنها وهي تبكي زي المجنونه وتتحسس وجه فارس وتقول.
ام هذام ببكى وصراخ : فارس يمه ولدي، فااااارس رد علي يمه، رد علي.
قعدت تبكي وتصارخ زي المجنونه وهي ترفض التصديق بانو هذا ولدها الي راح من 5 ساعات وهو بخير وفرحان.
انهار ابو هُذام يبكي يمها وهو ماسك يدين فارس ويحاول يصحيه وهو يبكي، مو مصدق انو ولده خلاص راح.
قعد هذام بالارض يناظر لامه وابوه واخوه فارس الي غرقان بدمه بيناتهم وناظر لثوبه الي تلطخ من دم فارس، وقف وهو مو شايف قدامه من الغضب والحسره والحزن.
راح لسعد ومسكه من رقبته وضربه وقال.
هذام بصراخ : مين سوى فيه كذا، مين ذبح اخوي، انا لوش مشغلكم. ما وصيتكم على اخوي، اخوي راح بسببكم يا حيوانات،اشلون ينذبح فارس وانتو وراه يرخوم.
مارد سعد ولا حاول يقاوم ضرب هذام، بس يبكي لانو يدري انو هذام قاعد يقول كذا من حزنه على اخوه، وكمان لانو كلامه صحيح وهم قصرو بحماية فارس.
طاح سعد بالارض من كثر الضرب، اخذه هذام من الارض ووقفه من ثانيه وقال.
هذام بصراخ : مين ذبح اخووووي مين ذبح فاااارس.
سعد بغصه : خويه رائد.
صددددددددمه حلت على كل من هذام وابو هذام وام هذام، ما احد توقع انو فارس يموت، ولمن مات يكون سبب موته خويه.
ترك هذام سعد من الصدمه وراح لجثة فارس ومسك راسه وباسه والدمعه متجمده في عينه وقال.
هذام بحرقة قلب وحزن وكره : وغلاتك لاخذ حقك، وراح يلاقي مصيره المحتوم.
ناظر هذام لابوه وكانو هذام تبدل، من شخص يبكي ومنهار، لشخص تبدلت ملامحه للقسوه والجمود.
ابو هذام ببكى : ولدي مات بسبب خويه يا هذام اشلون .
هذام بغضب : ايوا يبه بسبب خويه رائد.
ابو هذام بصدمه : خويه رائد، رائد مغيره.
سعد بحزن : ايوا.
ابو هذام بغضب : وينه والله لاخذ بدم ولدي.
سعد بحزن : اخذه لؤي ل الشرطه، وهم بالطريق ل الرياض.
تعتمت ملامح ابو هذام من الحزن والغضب، ناظر هذام وقال.
ابو هذام بحزن وغضب : هذام اتصل لشيخ المسجد يجي يغسل اخوك، خل نصلي عليه بعد صلاة الظهر وندفنه.
هذام بملامح جامده : ابشر.
صرخت ام هذام وقالت.
ام هذام بانهيار : وين ماخذين ولدي، ولدي عايش ماراح اسمح لكم تدفنوه تحت التراب، ولدي عاش شوفوه قاعد يتنفس.
دمعت عيون ابو هذام من منظر حرته الي قاعده تاشر لبطن فارس وتقولو لهم انو قاعد يتنفس، من حزنها عقلها قاعد يرفض الواقع.
تذكر هذام شي وقال.
هذام بتردد : يبه نبض.
حس ابو هذام انو الارض طاحت فيه لمن تذكر نبض الي بالمدرسه، اشلون بيخبروها بالخبر، قلبها كان حاس انو راح يصير لفارس شي، وعشان كذا طلبت منه ما يروح.
ابو هذام بحزن : خل نغسل فارس ونكفنه وبعدها روح وخذها من المدرسه، وحاول ما تخبرها بشي.
هذام بحزن : ابشر.
وقف هذام والحزن كاسيه، طلع تلفونه واتصل لشيخ المسجد عشان يغسل فارس، وبعدها اتصل لسيارة الموتى عشان ياخذو جثمان فارس فيها.
ناظر ابو هذام لحرمته بحزن وحاول يقوي نفسه قدامها عشان ما تنهار اكثر، مسكها من كتوفها وحاول يبعدها عن فارس وقال.
ابو هذام بحزن : تعوذي من ابليس يا ساره، ويالله خل ناخذ فارس نغسله، ترا حرام الي قاعده تسويه، وانتي قاعده تعذبيه بدموعك.
حاولت ام هذام تبعد يدين ابو هذام عنها عشان ترجع تضم فارس من ثاني، بس صرخ فيها ابو هذام وهزها من كتوفها وقال.
ابو هذام بصراخ وبكى : سااااره خلاص بس، قوي عزمك، قولي ان لله وانا اليه راجعون، هذا يومه، وذباحه بشرب من دمه، قولي الحمد لله على كل حال، هذا يومه، هو كان حاسس انو اليوم اخر يوم له ، وودعنا، ليه تبكي عليه، وانتي تدري انو راح للي ارحم مني ومنك.
انهارت ام هذام اكثر بالبكى، وضمها ابو هذام وقعد يهديها وهو يداري دمعته عشان ما تطيح اكثر، ويضعف قدامها.
راح سعد وهو حزين والكون ضايق فيه.
تنهد ابو هذام بحزن وغصه وقال.
ابو هذام بحزن : نبض الحين جايه يا ساره، لازم ما تنهاري قدامها، انتي تعرفي نبض ضعيفه وام دميعه، وانتي تدري اش كثر تحب فارس، والله اعلم اشلون بيكون حالها لمن تعرف، خلك معاها وقويها، ادري فيك ايمانك قوي، فلا تضعفي ويقل ايمانك*وبحنان * ابكي طيب بس بدون صوت، لا تنوحي عليه، ترا النوح يعذب الميت.
بعدت ام هذام من حضن ابو هذام وقالت.
ام هذام ببكى : ابشر.
ابو هذام بحزن : يالله انا راح اودي فارس ل الشيخ عشان نغسله،وبجيبه عشان تشوفه نبض وتودعوه وبعدها بنروح نصلي عليه.
اومأت ام فارس براسها وهي منهاره بكى.
نادا ابو هذام سعد وطلب منه يساعده يشيل جثة فارس، اخذوها ل السياره وراحو فيها لغرفة غسل الموتى الي يم المسجد.
مدرسة المملكه
ــــــــــــــــــــــــ
قاعده بالصف مع صحباتها، من ساعه خلصت امتحان الفيزياء، وبعدها رن الجرس وراحت مع صحباتها يفطرو، ومن شوي دخلو الصف.
ناظرت شروق لنبض وشافتها سرحانه وتناظر الصبوره قالت.
شروق بمزح : بنت وين سرحانه، ليكون عندك حبيب واحنا ماندري.
صحيت نبض من سرحانها على كلام شروق قالت.
نبض بابتسامه باهته : حبيب وش، وكانو ماتعرفي مين عائلتنا، ومين هذام بالذات، الحب مع هذام مو يمنا.
شروق بابتسامه : بنفسي اشوف هذام اخوك، سمعت انو حليو ويطيح الطير من السماء.
نبض بابتسامه باهته : هو وصلني كذا مرا للمدرسه بس مايدخل، وعشان كذا ماشفتيه، ماراح اقلك انو حلو وابالغ، بس لو شفتيه بعيونك راح تحكمي.
شروق بتفكير : هو متزوج صح وعنده بنت.
نبض : منفصل هو وحرمته من سنتين وزي ماقلتي عنده بنت.
شروق بحماس : حمستيني اشوفه *وبمزح *دامه مطلق حرمته ينفع اتزوجه.
نبض بابتسامه : لا تتاملي هذام مستحيل يتزوج، شرايك بفارس ترا فله وحلو، واحبه حيل.
شروق بابتسامه : اجل موفقه خل اخذ فارس دام هذام غثيث.
برقت نبض بعيونها لشروق لمن قالت عن هذام غثيث.
ضحكت شروق وحطت يدينها ؏فمها وقالت.
شروق بضحكه : ههههه اوبس امزح.
دخلت بنت اسمها دانه نادت نبض وقالت.
دانه : نبض الابله خبرتني اناديك، اخوك برا.
نبض باستغراب : اخوي ؟
ناظرت ل الساعه وشافتها الساعه 11:23 ص، بعده وقت على انتهاء الدوام، وهي ماطلبت من الابله انو تبي تطلع.
ما طول استغرابها، اخذت شنطتها وراحت للغرفه الي يم الصف، والي تضم دواليب كثيره، بشكل طويل، وكل طالبه لها دولاب خاص فيها، تقدر تحط اغراضها فيه.
فتحت دولابها، طلعت عبايتها والشيله والنقاب، ولبستهم، وبعدها اخذت شنطتها من الارض وراحت ل الساحه، شافت البوابه مفتوحه والابله واقفه مع هذام، استغربت اش فيه ونقزها قلبها.
راحت للبوابه، ناظرت للابله وشافت عيونها مدمعه استغربت اش فيه، ناظرت لهذام وزاد استغرابها وشافته متلطم بالشماغ ولابس نظارها سوداء.
راحت ل السياره قررت تسأل هذام عن السالفه لمن يحركو للقصر.
فتحت الباب الامامي ودخلت السياره وقعدت.
راح هذام ل السياره، دخل وبعدها حرك متوجه للقصر.
قعدو طول الطريق ساكتين، وبعد وقت قررت نبض تكسر السكوت، تكلمت وقالت.
نبض : هذام اشفيه، ليه اخذتني قبل ينتهي الدوام، وكمان الابله ليه كانت تبكي، وانت ليه متلطم بالشماغ ومغطي عيونك.
تكلم هذام بصوت متحشرج من البكى، وقال.
هذام : مافيه شي.
نبض بقلق : هذام تكفى لا تخوفني، احد صاير له شي.
وقف السياره ؏جنب وقال.
هذام بهدوء : نبض بسألك.
نبض باستغراب : اسأل.
هذام بهدوء : لو بيوم من الايام انا متت وانتي تدري انو الاعمار بيد الله، وانو الموت شي لا محال منه، وتدري انو الله اخذ روحي بالوقت الي كتبه بجبيني قبل لا اطلع ل الدنيا، وش حتكون ردة فعلك.
نبض بخوف : اعوذب لله وش هالفال تفه من فمك، الله لا يجيب يوم ما اشوفك فيه، الله ياجعل يومي قبل يومك يا خوي.
بلع هذام غصته، هو يبي يمهد لها الوضع بس واضح راح يتعب معاها.
هذام بغصه : نبض انتي تدري انو الاعمار بيد الله، وكلنا راحلين، وما احد باقي، ولو خبرتك الحين بخبر موت حقيقي وش راح تقولي.
نبض باستغراب وخوف : هذام لا تخوفني، وش صاير، وش جاب هالطاري فجأه، كلامك وشكلك وطلعتي من المدرسه فجأه وشكل الابله يخليني اتاكد انو صاير شي، ماما فيها شي، او بابا، او ا*بترت كلامها وتذكرت فارس، وقالت بصدمها وعدم تصديق *ف فارس صار له شي؟
هذام بحزن وغصه : اذكري الله، يا نبض، وهدي روحك.
صرخت نبض بخوف وجزع وقالت.
نبض بخوف : تكفى يا هذام لا تقول انو صاير له شي، تكفى يا خوي لا تقول انو فارس مات.
هذام بحزن : فارس عطاك عمره، وراح للي ارحم مني ومنك.
ناظرته نبض والدمعه تجمدت بعينها اشلون، يعني فارس خلاص مات، معاد فيه احد بيمازحها، ولا ينكد عليها نومها، ولا احد بيزعجها عشان ترتب له اغراضه، صرخت بعدم تصديق وقالت.
نبض بعدم تصديق : لا لا مستحيل، لا مستحيل فارس يروح، لا اكيد انت قاعد تمزح.
هذام بحزن : اذكر الله وادعي له بالرحمه، فارس خلاص راح.
صرخت فيه نبض عشان تسكته وما يتفاول على فارس وهي تبكي وتكذب الي صار.
صرخ فيها هذام الي قلبه متقطع من الحزن، والنار الي بقلبه وقال.
هذام بصراخ : ماني باصغر عيالك تصرخين علي، فارس خلاص راح يا نبض خلااااص راح.
سكتت نبض بخوف منه وقعدت تبكي بصمت وقلبها متقطع على فراق اخوها وتحاول تكذب الي سمعته.
استغفر هذام بنفسه، وناظرها بحزن، ماكان وده يصرخ عليها، بس هي الي اجبرته، هو مايبيها تنهار اكثر، مو قادر يشوفها بالضعف ذا، لازم تكون قويه شوي وتتحمل الي صار، لانو الموت شي الكل بيعيشه.
فك حزام الامان وقرب منها وضمها وتركها تبكي براحتها.
انهارت نبض بالبكى، تبكي فقد وفراق اخوها فارس.
•• الشرقيه ••
بنفس الوقت
بيت ام بندر
ــــــــــــــــــــ
قاعده ام بندر بالصاله مع روح، بروحهم.
بندر بشغله، وبدر بالجامعه.
روح اليوم عندهم ويكند وقاعده تذاكر لامتحان بكره .
رن تلفون البيت، وقفت ام بندر واخذت التلفون وردت، وصلها صوت رجال كبير، استغربت، والي زاد استغرابها الرجال لمن تكلم وقال.
الرجال : السلام عليكم.
ام بندر باستغراب : وعليكم السلام.
الرجال : معاي الاخت ام بندر.
ام بندر باستغراب : وصلت.
الرجال : انا الضابط ممدوح من الرياض، ولدك عندنا بالقسم.
ام بندر باستغراب وقلق : عندك بالرياض، اشلون؟، هو طالع مع خويه للبر بالشرقيه مو بالرياض.
الضابط ممدوح : ولدك ذبح خويه واحنا اخذنا ل الرياض، لانو اهل الميت بالرياض، ولازم تكون محاكمته بالرياض.
صرخت ام بندر بصدمه وقالت.
ام بندر بصرخه : وشوووووو.
الضابط ممدوح : الي سمعتيه ياخاله، اليوم عزاء الولد، وراح يحاكموه بعد اسبوع بعد ما اعترف ولدك انو ذبحه بنية المزاح وماكان يدري انو بالسلاح رصاص، اذا ودكم تشوفوه قبل ياخذوه ل السجن العام تعالو.
طاحت ام بندر بالارض فاقده وعيها من الصدمه.
صرخت روح لمن سمعت شي يطيح بالارض، التفتت وشافت امها طايحه، صرخت وقالت.
روح بخوف : ماما.
راحت لها وحاولت تصحيها، اخذت مويه ومسحت وجهها بشويش ويدينها، وشوي شوي بدات ام بندر تفتح عيونها.
قعد الضابط ممدوح ينادي لام بندر بس ماسمع منها رد، بس سمع صوت بنت تنادي عليها، غلق التلفون.
بينما روح ساعدت امها توقف واخذتها للكنبه وقعدت تهديه وتسألها وش فيها.
ماردت ام بندر بس تبكي، حسره على ولدها الي ضيع روحه وروح خويه.
ام بندر ببكى : عطيني تلفوني بسرعه.
اخذت روح تلفون امها من ؏الطاوله، وعطتها ياه.
اخذته ام بندر واتصلت لبندر وبعد كم رنه رد.
ام بندر ببكى : بندر الحق علي.
بندر باستغراب وقلق : خير يمه، اشفيه.
ام بندر ببكى : اخوك رائد ذبح خويه وهو الحين بسجن الرياض، تعال بسرعه ودني له، راح ياخذوه ل السجن العام، ودني لولدي يا بندر، ودني له.
بندر بصدمه : وشوووو، وش الي قاعده تقولينه يمه، انتي متوكده من الشي الي قاعده تقولينه.
ام بندر ببكى : ايوا متوكده، من شوي اتصل لي ضابط وخبرني بالسالفه.
بندر باستعجال : يالله انا الحين جاي.
ام بندر ببكى : لا تتوخر.
غلقت ام بندر من بندر، وناظرت روح الي قاعده تناظرها بصدمه ومو مصدقه الي قاعده تسمعه قالت.
روح بصدمه : ر را رائد ذ ذبح خويه.
ام بندر ببكى : ايوا ذبح خويه، يالله فزي البسي عبايتك وعطيني عبايتي، بندر الحين جاي وراح ياخذنا الرياض.
روح ببكى : اشلون يسويه، مستحيل اصدق، رائد ما يقدر يقتل نمله، مستحيل يقتل خويه، مستحيل .
ام بندر ببكى : روح والي يرضالي عليك، ماني بناقصتك، يالله استعجلي، لولا خوفي عليك، كان تركتك بروحك وما اخذتك معاي.
روح ببكى : مستحيل اقعد سوى خفتي علي او لا، ودي اشوف رائد ويكذب الكلام الي قاعدين نسمعه، انا متاكده انو رائد ما يسويها.
راحت روح بسرعه لغرفتها واخذت عبايتها ونقابها وبعدها راحت لغرفة امها واخذت عبايتها ونقابها ورجعت لامها بسرعه.
اخذت ام بندر العبايه منها والنقاب ولبستهم، ناظرت لروح الي لبست العبايه والنقاب، واخذت تلفونها وفتحت الباب تشوف اذا بندر وصل او لا.
وبالفعل سمعت صوت السياره، طلعت وغلقت الباب بالمفتاح، وراحت ل السياره، فتحت الباب وشافت بندر وبدر بالسياره، ما استغربت لانو اكيد بندر خبر بدر.
دخلت السياره وقعدت يم روح بالمقعد الوراني، وحركو ل الرياض.
وطول الطريق وما جفت دموع ام بندر وروح.
•• باواخر الديره ••
بننننفس الوقت.
المرعى
ــــــــــــ
ناظر حمد لناقة ابو سعود وشافها مو قاعده تاكل، ورافضه تشرب، استغراب اش فيها، راح لها وناظرها وما شاف فيها شي، وذا الي زاد من استغرابه.
فجأه سمع صوت رعد خفيف .
ناظر ل السماء وشافها ملبده بالغيوم، وصوت الرعد يعمها، قال.
حمد بابتسامه : يارب اغثنا، غيث الايمان في قلوبنا، وغيث الرحمه في اوطاننا، اللهم اجعله صيبآ نافعً، وجلا لكل الهموم، وتطهير للقلوب الحاقده والمريضه.
شوي وحس بشي صغير وبارد بلل طرف وجهه، تحسس وجهه وابتسم، هذي قطرات المطر.
تنهد بعمق واستنشق هوء المطر، والريح الخفيفه الي ترسل هواء ونسيم ساحر.
زفر الهواء من صدره، وراح للحلال، ساقه لجهة الديره
وبدا يتحرك مع الحلال، وهو يدعي انو المطر ما يشتد عليه هو والحلال، لانو مافيه مكان يتخبو من المطر فيه.
بدات حبات المطر تهطل وتبلل الارض، والمطر صار شوي شديد.
سمع حمد صوت رعد قوي انار بالسماء وشق نوره غيمها.
حمد : سبحان من سبح الراعد بحمده، وملائكته بخيفته.
قعد حمد يستغفر ويردد هالكلام كل ما اجاء الرعد.
بعد نص ساعه من المشي وصل حمد وصار قريب من شبك الحلال.
راح ل الشبك، فكه ورجع للحلال ودخله الشبك، وهو ميت من البرد.
تفقد الحلال، ولمن تاكد انه كله، راح جهت بيته.
صادف بطريقه هتان الي راح يتطمن عليه، وكان لابس جاكيت واقي من المطر، وتحت الجاكيت جايب بشت لحمد عشان يتدفا فيه.
راح له هتان وهو خايف عليه وقال.
هتان بعصبيه : يولد وينك فيه، خوفتنا عليك، ابوي ارسلنا اشوف اذا وصلت او بعدك، وجدتي ارسلت لك هالبشت عشان تتدفا فيه.
حمد بصوت مرتجف من البرد : ما تقصرو، الله يجزاكم خير.
عطا هتان حمد البشت وغطاه فيه لانو بعد المطر ماوقف، قال.
هتان : امش معاي البيت، ابوي طلب مني اوصلك لين عنده، حالف ماتروح بيتك.
حمد باحراج : تسلم يا هتان، بلغ عمي عذري، مقدر اروح.
هتان باستهزاء : احلف بس، اقول يالله امش قدامي، لو انك رضيت تعرس وفيه عندك حرمه تهتم فيك كان قلنا تمام، بس وش نسوي، البليه فيك رجال عزابي وما عنده احد.
حمد بضحكه مرتجفه : هههههههه كانو قاعد تشتمني وتعايرني يا هتان.
هتان بابتسامه عريضه : بالضبط، والحين امش قدامي، ترا تجمدت من البرد بسبتك.
مشى حمد مع هتان ومو منتبهين لعيون الي قاعده تراقبهم، ومستنيه يروحو.
شبك الحلال
ــــــــــــــــــــ
قعدت العنود تضرب الارض وتتعثر، طاحت بالارض تأن وصوت انينها يعور القلب، وكانو قاعده تصارع الموت.
قعدت تحرك رجولها بالارض وتحاول تقوم بس ماعرفه، بدات تتنفس بسرعه، وبطنها بدات تنتفخ، وعيونها دمعو من الالم،، ولو انها بشر لصرخت بصوت عالي، الحقوني راح اموت.
فجأه مشى شي اسود من تحتها وطلع من الشبك، وهالشي ماكان الا ثعبان، ، امس كان فيه عقرب صغير لدغتها وما اثر فيها سمها، بس قعدت بدون اكل وما احد لاحظ عليها، بس الحين الي لدغها ثعبان، وطيحها الارض.
قعدت تصارع الموت بسبب الدغه.
عند العيون الي كانت تراقب هتان وحمد، طلعت بسرعه من خلف البيت، وراحت جهة شبك الحلال، ماقوى قلبها ما تشوف العنود، ما اهتمت للمطر، ولا اهتمت انو طلعت كذا بعبايتها بدون جاكيت او شي يدفيها.
راحت ل الشبك وبعد كم دقيقه وصلت له، فتحته وشافت كل النياق قاعدين يناظروها، وخافت شوي، بس قوت قلبها، وقعدت تقنع نفسها انو ماراح يأذوها.
تسحبت بين الناقات بخوف وشافت العنود باخر الشبك طايحه خافت وفكرت انو قاعده تتوهم.
راحت يمها وانصدمت ذي العنود ناقة ابوها.
شالت النقاب عنها لانو مو قادره تتنفس بسبب المويه الي غرقت نقابها، رمته بالارض بعد مبالاه وهي مصدومه ومو قادره تستوعب الي قاعده تشوفه.
طاحت بالارض على ركبها وهي تبكي، واختلط دموعها مع موية المطر.
مسكت راس الناقه وهي تبكي وتقول.
سراب ببكى : العنود اشفيك، العنوود.
حاول تصحيها بس ما صحيت، ايقنت انها خلاص ماتت، ضمت راسها وقعدت تبكي بصوت عالي عليها، ومو مهتمه للمطر الي صار غزير وصوت الاذان يظاهي صوت المطر، ويعلن عن حلول صلاة الظهر.
بيت ابو هتان
ـــــــــــــــــــــ
دخل هتان مع حمد للمجلس، شال هتان الجاكيت وناظر لجدته الي جات من بدري قبل يصير المطر، وراحت مع ابوه لسوق الديره تشتري كم غرض لسراب والبتول، ولمن خلصت عزمها ابو هتان تتغداء معاه.
ناظرت الجده عفاف بحنان لحمد الي واقف باول المجلس وقالت.
الجده عفاف بحنان : اقعد يمه يم المشب عشان تدفاء.
*المشب * هو مدري شيسموه، شي حديد وكبير، يشبو فيه نار داخل المجالس بالديره، عشان ما يحرقو الارضيه، ويزهبو القهوه عليه عقب ما يشبو النار.
ان شاء الله فهمتو.**
راح حمد للمشب وقعد ؏الارض يدفي يدينه وهو بردان.
راح هتان وشوي ورجع من ثاني وهو شايل ملابس لحمد وبشت عشان يتدفا فيه.
راح له وقال.
هتان بابتسامه : فز غير هدومك، غرقت المجلس.
ابتسم حمد باحراج من كلامه، ووقف وراح لدورة المياه وغير هدومه.
لمع نور البرق بشبابيك المجلس وذكرو الله، تكلمت الجده عفاف وقالت.
الجده عفاف : هتان يمه، روح شوف البتول وسراب، وخل يجو لهني، وكاد خايفين بروحهم.
هتان بابتسامه : ابشري على خشمي.
واشر هتان على خشمه.
الجده عفاف بابتسامه : تبشر بالجنه.
توجه هتان لباب المجلس طالع بس قاطعه صوت البتول وهي تناديه ياخذ منها القهوه عشان حمد.
التفت هتان لجدته وقال.
هتان بابتسامه : خلاص يمه مافيه لزوم اروح، هذي هي البتول.
فز قلب الجده عفاف لانو سراب مستحيل تروح لاي مكان، ولا حتى لبيت عمها، حبت تطمن قلبها قالت.
الجده عفاف بقلق حاولت تخفيه : هتان يمه اسأل البتول، سراب فيه او لا.
هتان باستغراب : يمه البتول هني، اكيد بنت ولدك معاها.
الجده عفاف باصرار : هتان.
هتان بنرفزه مخفيه : ابشري.
هتان : البتول بنت عمك فيه.
البتول من الحوش باستغراب : لا مو فيه.
فزت الجده عفاف بخوف واخذت عصاها وقالت.
الجده عفاف بخوف : وشو، سراب مو فيه، اجل وينها.
البتول باستغراب : مدري يمه، انا ما شفتها من عقب المطر، كنا بالبيت، ولمن صار المطر اختفت، وانا فكرت انو جات هني، بس لمن دخلت البيت ماشفت احد.
هتان باستغراب : تستهبلي، اشلون مو فيه، اجل وين بتكون.
فكرت شوي الجده عفاف وقالت.
الجده عفاف بخوف : يخوفي لتكون راحت ل العنود.
ابو هتان باستغراب : وين تروح ل العنود، ما تشوفي الجو يمه، ما تقدر تمد خطواتها زين.
الجده عفاف بخوف : هذي سراب بنت ثامر يا غازي، وكانك ماتعرف عناد اخوك ثامر الله يرحمه لا بغى شي، هي اليوم رجعت تبكي عقب ما راحت تشوف العذوب، وخبرتني انو ماشافتها، الوكاد راحت لها انا متوكده.
مشت الجده عفاف ناحية الباب طالعه تشوف سراب، بس استوقفها صوت هتان.
هتان : اقعدي يمه، انا رايح اشوفها.
الجده عفاف بخوف وقلق : روح يا هتان، ولا تعاود الا وهي معاك، بنت ولدي لا يصير لها شي.
هتان : ابشري.
اخذ هتان جاكيته من يم الباب وطلع من المجلس ومن البيت بكبره، وتوجه لشبك الحلال.
بعد وقت مب طويل، وصل هتان ل الشبك، شاف الباب مفتوح و مردود شوي ، تنهد بعصبيه وحاول يهدي روحه، ذي البنت مجنونه او صابها شي، اشلون تروح ل الناقه بالوقت ذا، وبذات بالجو الممطر ذا.
فتح الباب ودخل ودف الباب شوي عشان ما يطلع الحلال، هش النياق عن طريقه عشان يقدر يشوف وين سراب فيه.
مشى شوي وشوف فيه بنت قاعده بالارض تبكي وماسكه راس الناقه، والناقه طايحه بالارض.
شاف سراب من ظهرها، وشاف شعرها الي لامس الارض من طوله، ولونه الاسود الي زاده المطر لمعه وليونه، وصار المطر يتماوج معاه.
تعوذ من ابليس وراح جهتها وهو معصب منها، ذي انهبلت، تبي تقتل روحها، ما تخاف تمرض او احد يطلع لها.
هتان بعصبيه : هيه انتي وش قاعده تسوي هني.
ماردت سراب بس قاعده تبكي على الناقه.
هزها هتان بعصبيه عشان توقف وقال.
هتان بعصبيه : بنت يالله امشي قدامي، جدتي منهبله عليك، وانتي ولا هامك.
وقفت سراب والغضب عامي عيونها والدموع بعينها، التفتت وصرخت فيه، ماكانت تدري انو لفتها ذي اسحرت قلب هتان، وشالت الغمام عن قلبه، لمن شاف رموش عيونها المتبللين، وعيونها الي صارت ساحره اكثر، وخدودها الي صارد ورديين من البرد وشفايفها الي قاعده ترتجف من البكى والبرد.
دفت سراب هتان وضربته على صدره وقعدت تصارخ وتقول.
سراب ببكى وصراخ : كله بسببك، كله بسببك، والله ما اسامحك، انت الي احرمتني من اخر شي لابوي، الله ياخذك يا حيوان، الله ياخذك.
قعدت تضرب هتان على صدره وهي تبكي.
بينما هتان ما تحرك فيه ساكن، قاعد يناظرها بملامح جامده، كانت ملامحه متأثره بجمالها، بس بعدها تحولت ملامحه للجمود.
ماطول هالجمود الا وراح، بسبب سراب الي قالت.
سراب بصوت مرتجف : الله لا يسامحك ان كانك احرمتني من ذكرى ابوي *ارتجف صوت سراب اكثر وتغير ل التعب*ال الله ل لا يسامحك، ي يا ه.
ما كملت كلمتها وطاحت بالارض مغما عليها، بس قبل توصل للارض مسكها هتان.
ناظر لرموشها المرتخيه وملامحها الينه وابتسم بسخريه على حاله.
شال شيلتها من الارض والنقاب، اخذهم وحطهم بحضن سراب، انحنا وسند راسها ونص من جسمها بحضنه، وبعدها شال جاكيته ولبسها ياه، ونزل الكاب ؏راسها عشان ما احد يشوفها.
شالها بين يدينه بكل خفه، وضم راسها لصدره عشان يغطي ملامحها وتوجه فيها لبيت الجده عفاف.
(( وصلنا لنهاية البارت ))
//توقعاتكم //
تتوقعو شوق تواقف تتزوج، وتنسى زياد ؟
وهل ابو شوق راح يقدر بجبرها تتزوج، ولو اجبرها، ياترا مين هالعريس ؟
تتوقعو وش راح يكون مصير رائد ؟
تتوقعو يروح قصاص او لا ؟
وهذام وش راح يسوي، تتوقعو يسكت او ينهي رائد زي ماكان يتوعد له ؟
ام بندر راح تقدر تسوي شي عشان رائد ؟
سراب راح تقدر تسامح هتان عقب ما ماتت العنود ؟
و عقب اغمائها وش راح يصير فيها ؟
تتوقعو المنظر الي شافها فيه هتان يشعلل شرارات الحب بقلبه ؟
او راح يطنش الي صار، بحكم انو مايحب البنت الي ما تمشي تحت شوره ؟
شاركوني توقعاتكم الحلوه يحلوين
*_< يــۥــۥــتبـ؏ـع⇦⇩_*
*_`قنــــواتنـــا_انــيرونـا •⸙♡»))`_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
*_https://whatsapp.com/channel/0029Vb75uek1iUxbkIJBpH2T_*
﹌﹌﹌﹌﹌﹌﹌﹌﹌﹌﹌
*_- اتـشـنـل ڪروب ڪتب ومستندات𝐏𝐃𝐅📓_*
https://chat.whatsapp.com/CWiALT5QKFJ46EeIEwvnrd?mode=wwt
✧◌⑅◌•❁𓆩٣³𓆪❁•◌⑅◌✧
﹌﹌﹌﹌﹌﹌﹌﹌﹌﹌﹌
*_اتـشـنـل قـنـاة نڪت وقصف جــجبۿات⸢⑇֯🌚💔⑇⸥_*
- *_ضابحين صح وتشتوا قصص ومشعات ونڪبات تضحڪوا؟!⇣⁽☻_*
- *_تعالو هنــا☟_*
_*https://whatsapp.com/channel/0029Vb75QOR9WtCASkmTbb0U*_
2
*_https://whatsapp.com/channel/0029VbBWqPM2v1IozE4ldR2Q_*
﹌﹌﹌﹌﹌﹌﹌﹌﹌﹌﹌
*_`اتـشـنـل قناة قصيد وشيلات⁽🕊⁽✨_*
_*https://whatsapp.com/channel/0029VaaASUGLo4hltNj3vm1U*_
﹌﹌﹌﹌﹌﹌﹌﹌﹌﹌﹌
*_اتـشـنـل `قناة حالات وتساب وأقتباسات منوع وفعاليات⁽㋡⇣ツ._*
1
_*https://whatsapp.com/channel/0029VaMuPn8Gk1FjtCR7dn1U*_
2
*_https://whatsapp.com/channel/0029Vb6r2he7tkj2Lo22T92j_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪـروب الرعـب𓆘•_*
*_𓄀𓏤𝒉𝒐𝒖𝒔𝒆 𝒐𝒇 𝒉𝒐𝒓𝒓𝒐𝒓ꪶ🕸️💀•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
🏴☠️≛𝖒𝖆𝖒𝖔𝖔𝖓≛🏴☠️
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪروب اقتباسات منوع ورفله⁽㋡⇣ツ._*
*_https://chat.whatsapp.com/Lwd2kqSAho4CJOOQSnNQ1U_*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاه ملصقات وتساب متنوعه☟_*
*_https://whatsapp.com/channel/0029Vb6IHq4JP212MnEZ6q3W_*
﹌﹌﹌﹌﹌﹌﹌﹌﹌﹌﹌
> *نورو قنواتنا تليجرام_قـنـاه روايات تليجرام_قناه جبر خواطر_قناه آرح مسمعك_قناه مكافحة الفرخان_قناه افكار مشتتة*⭒
@brokeen305
@broken305
@broken339
@broken336
@anfasaam
*_- بوت تواصل☟_*
@yemeni_broken9bot
*✧══•❁𓆩٣³𓆪❁•══✧*
> *🏴☠️≛𝖒𝖆𝖒𝖔𝖔𝖓≛🏴☠️𓆩٣³𓆪 ♡*
﹌﹌﹌﹌﹌﹌﹌﹌﹌﹌﹌
*_💥القراءة السريعة مثل الأڪل بدون هضم💥_*
▬▭▬▭▬▭▬▭▬▭▬▭▬▭▬