الفصل 2
> *_روايـــــــة: اوقدت نارالشوق في صدري وعجز زمان الوقت يطفيها•⃠⁽❤️🔥⸙♡»))_*
⤹. | _~*بواسطــٍۛ❀ـٍۛـة- `𓄀𝐌𓏤 𐇻`*~_ | ˚˖☆˚.
> *_𝑼𝑹 : 🏴☠️𝖒𝖆𝖒𝖔𝖔𝖓🏴☠️𓆩٣³𓆪 ♪_*
*_{🖋️}☜تنسيق : ۿيبــٖهٰ̐ہ.بروفيسور𓆩٣³𓆪_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
﹌﹌﹌﹌﹌﹌﹌﹌﹌﹌﹌
*_||☜⤸اتـشـنـل ڪـروب الرعـب𓆘•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
*_ثريدات وقصص و احــحداث منوعۿ_*
﹌﹌﹌﹌﹌﹌﹌﹌﹌﹌﹌
••
*– ࢪواية :«اوقدت نارالشوق في صدري وعجز زمان الوقت يطفيها .».*
*الباࢪت:«1 ».*
*_الڪاتبه: غزال الشعريه»..*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
الشرقيه
ــــــــــــــ
•• بيت ام بندر ••
الساعه 4:15 ص
صحيت ام بندر على صوت اذان صلاة الفجر، نزلت رجولها من ؏السرير ولبست الشبشب وهي تتمتم وتردد مع الاذان بصوت هامس، راحت لدورة المياه، توضعت وعقب ما خلصت، طلعت من دورة المياه، ومن الغرفه بكبرها، راحت لغرفة ولدها بندر، وكانت راح تطق الباب، بس بندر فتح الباب فجأه وكان متوضي خلاص ولابس ثوب ابيض وشماغه على كتفه وقاعد يزرر اكمام الثوب.
بندر بابتسامه : يالله صبحها بالخير.
ام ضاري بابتسامه : الله يصبحك بالنور.
بندر بابتسامه : ارتاحي يا الغاليه انا بصحي بدر، ورائد اكيد صاحي من بدري عشان طلعته مع خويه ، انتي صحي روح.
ام بندر بابتسامه : الله يرضا عليك يمه.
باس بندر راسها وراح لغرفة بدر ورائد، بينما ام بندر راحت لغرفة روح وفتحت الباب ودخلت.
تحسست الجدار عشان تلاقي زي النور عشان تشغله، ولمن حصلته شغلت النور، وبعدها راحت لسرير بنتها.
شافت روح كالطفله نايمه بكل هدوء وبراءه.
وشعرها طايح من حولها، واهدابها مرتخيه.
مسحت على شعرها بحنان وقالت.
ام بندر بحنان : روح.
روح بصوت كله نوم : هممم.
ام بندر بحنان : اصحي يمه، اذن الفجر.
فتحت روح عيونها وفركتهم بكل براءه وناظرت لامها وقالت.
روح بنعاس : يالله صحيت.
قعدت وشالت اللحاف عنها وناظرت لامها بابتسامه وباست راسها وقالت.
روح بابتسامه : الله لا يحرمني من هالزول.
ام بندر بابتسامه : ولا منك يارب، يالله خل عنك الكلام وروحي صلي، وانا بعد رايحه اصلي.
ابتسمت لها روح وراحت لدورة المياه، بينما ام بندر ناظرت زولها وعورها قلبها على بنتها، لانو رغم ابتسامتها تدري انو تخفي بداخلها كثير.
وقفت ومشت من الغرفه وراحت لغرفتها تصلي.
بينما روح خلصت وضوئها وطلعت من دوره المياه وراحت لـ الدولاب، طلعت السجاده وثوب الصلاه، لبست ثوب الصلاه وبدات تصلي بكل تاني وخشوع.
•• الرياض ••
قصر ابو هذام
ــــــــــــــــــــــــ
•• جناح هذام ••
صحي من بدري وتروش وتوضاء ولبس ثوبه وشماغه، وتعطر، راح لغرفة بنته وهج، شافها نايمه بعمق، واللحاف طايح بالارض، ابتسم لها بحنان، اخذ اللحاف ولحفها زين، وبعدها باس راسها وطلع من الغرفه وغلق الباب بهدوء،وطلع من جناحه، وتوجه لدور الاول، واول ما نزل، شاف ابوه وفارس واقفين وواضح انو يبغو يروحو المسجد، راح هذام لابوه و باس راسه وقال.
هذام بابتسامه خفيفه : صبحك الله بالخير.
ابو هذام : صبحك الله بالنور.
ناظر هذام لاخوه فارس وقال
هذام : مشينا.
فارس بابتسامه : نقول بسم لله.
طلعو من باب القصر، ناظر هذام ل السيارات الي مسفوطات بكراج القصر، و طلع مع ابوه وفارس من القصر مشي.
رغم غناء ال فارس الفاحش، الا انهم، محتسبين كل خطوه يخطوها ل الصلاه، ما يبغو يخسرو اجر المشي الى بيت الله.
بعد 5 دقائق وصلو المسجد،اسطفو بصفوف المصلي،وشوي ويسمعو صوت المؤذن يقيم الصلاه، كبرو وبدأو الصلاه.
بعد وقت خلصو الصلاه وطلعو من المسجد.
ناظر هذام لاخوه فارس وقال.
هذام : فارس بعدك مصر تروح الشرقيه تقنص مع خويك.
فارس بابتسامه : حيل، انت تدري انو احب اروح مع رائد بكل قنيص.
هذام بهدوء : وانت وش حادنك تروح ل الشرقيه، الرياض وش كبرها تقدر تصيد منها.
فارس بابتسامه مصره : احب الشرقيه حيل، وودي اروح القنيص مع خويي.
ابو هذام بهدوء : الله يسهل دربك، مير تحرص على روحك.
فارس بابتسامه : ان شاء الله.
هذام بهدوء : متى راح تحرك.
فارس بابتسامه : ان شاء الله ؏الساعه 6:00.
هذام بهدوء : خذ معاك سعد ولؤي، لا تروح بروحك.
فارس بابتسامه : هذام انا ما ابي اشوف نفسي على احد بالحرس الي معاي، خويي رائد مو من الطبقه المخمليه، وانا خاويته لانو رجال ينشر بالذهب ومو راعي مصالح.
قرر هذام يسايره بالكلام، ويرسل سعد ولؤي معاه، ويراقبوه من بعيد قال.
هذام بهدوء : طيب.
وصلو القصر، راح هذام لجناحه، بينما فارس راح لجناح نبض وقعد يزعجها لي ما صحيت من النوم.
صرخت نبض عليه بعصبيه وقالت.
نبض بعصبيه : فارسووووه ياتبن اطلع برا.
فارس بابتسامه : اقول قومي يا الشينه، رايح الشرقيه وودي انكد عليك قبل اروح.
نبض بعصبيه : يخي مين مسلطك علي، هاه فهمنيي؟
فارس بروقان : الله اذا حب عبدآ ابتلاه.
قعدت نبض بعصبيه، لانو تدري لو فارس رايق مستحيل يتركها تنام براحه، قررت تستعطفه يمكن يتركها فحالها، قالت.
نبض باستعطاف : فارس انا من امس مو نايمه زين، وراي امتحان وابي انام لي سوي، خاف الله فيني.
فارس بابتسامه : نوي لو تستعطفيني من اليوم لبكره ماراح اتركك، يالله فزي وتعالي رتبي لي اغراضي، تعرفيني ما احب احد يرتبهم غيرك.
نزلت نبض من السرير وامرها لله، فارس نكد عليها نومها، ومستحيل تقدر ترجع تنام من ثاني عقب ازعاجه ذا.
راحت لدورة المياه وغسلت وجهها، فرشت سنونها، وطلعت من دورة المياه وناظرت لفارس الي بعده قاعد ؏السرير ومستنيها قالت.
نبض باستغراب : بعدك هني.
فارس باستعباط : لا هناك.
ضحكت نبض على كلامه وقال.
نبض بضحكه خفيفه : هههههههه ياتفاهتك، اقصد ليه ما ذلفت غرفتك لين اخلص واجي.
فارس بابتسامه : مدري فيه شي بقلبي يقول اقعد استنا الاميرة نبض تخلص، عشان اشبع من شوفت وجهها الجميل.
نبض بضحكه : يا تفاهتك يا خي، الحين يالله اذلف قدامي اشوف.
فارس بضحكه : الحريم اولآ.
نبض بضحكه : هههههههه الله يخلف عليك يا ام هذام، وش هالبليه الي مخلفتها.
طلعت نبض مع فارس من جناحها وراحو لجناحه.
قعدت توضب اغراضه بالشنطه، وتسولف معاه وتضحك.
فارس اكثر شخص تحبه، رغم انو كل وقتهم زي توم وجيري، الا انه الاقرب لقلبها، شخص يطلعها من حزنها، ويضحكها غصب عنها، تحب فصلاته وجنونه، وهباله، بعكس هذام الي ما يحب المزح كثير، ولازم يفرض على الكل هيبته وما يبين ابتسامته لاحد، وحتى لو ابتسم، يمر على ثغره طيف ابتسامه صغيره.
خلصت نبض من توضيب الشنطه، ولمن خلصت، طلعت مع فارس من الجناح، بنفس الوقت الي طلع فيه هذام مع بنته وهج من جناحه.
وهج صحيت واصرت على ابوها ياخذها لفارس .
صرخت وهج بطفوله وقالت.
وهج بطفوله : عمو فارس.
ترك فارس الشنطه، ونزل للارض وفتح يدينه لوهج، وجات وهج بسرعه وضمته.
وقف فارس بضحكه وقعد يضحكها ويدور فيها وهي تضحك بسعاده.
فارس بابتسامه : وهج اسمعي.
ناظرته وهج بعيون بريئه وقالت.
وهج : اسمعك.
فارس بابتسامه عريضه : تبغيني اخذك معاي ؏الشرقيه.
وهج بحماس : ايوا تكفى، ودي اشوف البحر واخذ سمك لبابا.
ضحك الكل على تفكيرها الطفولي.
فارس بابتسامه : اخذك بالمره الجايه، بس بشرط، قولي لي منو الشين، انا ولا ابوك.
ناظرت وهج لابوها بطفوله وبعدها ناظرت فارس وقالت.
وهج بزعل طفولي : انت الشين يادب، بابا حلو.
ضربته على صدره عشان ينزلها، ونزلها وهو يضحك، وراحت لابوها وممسكت برجله وقالت.
وهج بزعل : بابا فارس يقول انت شين، بس انت حلو.
اخذها هذام بين يدينه وهو مبتسم بخفيف، وقال.
هذام : فارسوه لا تزعل اميرتي، عشان ما اعلقك ؏بوابة القصر.
فارس بكوميدياء : لا ارجوك لا تفعلها، انا حقاً اخاف، وقد اصبت بالذعر عند ذكر ذالك.
ضحكت عليه نبض ووهج، بينما هذام ابتسم لكلامه.
سمعو صوت ام هذام وهي تناديهم.
راحو ل الدرج وتوجهو لدور الاول ، وبعدها راحو ل الصاله.
راح فارس لامه الي مجهزه له الفطور وتناظره.
فارس بابتسامه : يمه لا تصري انا راح اتاخر ؏خويي، ووري ساعتين لين الشرقيه.
ام هذام بابتسامه : كل شي ملحوق عليه يمه، الحين افطر وان شاء الله ما تتوخر.
راح فارس ل الطاوله وقعد يفطر وهو مبتسم، ويحس انو ذي اخر اكله راح ياكلها.
بعد شوي خلص من الفطور، مسح يدينه بالكلينكس، وبعدها وقف وراح لامه، باس راسها وضمها بقوه، وقال.
فارس بابتسامه : سامحيني يمه لو بيوم زعلتك، طيش الشباب كثير، ونسأل الله يصلح حالنا.
دمعت عيون ام هذام وقالت.
ام هذام بغصه : الله يسامحك دنياء واخره ما يجيني منك عقوق يمه.
باس فارس يدينها وبعدها راح لابوه، وضمه وباس راسه ويدينه وقال.
فارس بابتسامه : ادري تعبتك كثير يبه، وعانيت وياي، وانا طالبك تسامحني، وتسمحلي اروح.
بلع ابو هذام الغصه وقال.
ابو هذام : لا تتعذر يولدي، والله لو عندي مثلك يا فارس عشره لاحمد الله عليهم.
ابتسم فارس له، وبعدها راح لهذام، ضمه بقوه وقال.
فارس بابتسامه : هذام اخوي الحبيب، اخوي القاسي الي قدر ينتشلني من طريق الضياع، والي حرص علي اكثر من روحي، لو احكي عنك من اليوم لبكره ما اوفيك حقك، الله لا يحرمني منك.
ما يدري هذام ليه عوره قلبه على اخوه، ويحس انو ذي اخر مرا راح يشوفه فيه.
ضمه بقوه وقعد يوصيه على نفسه.
ابتسم فارس له،وهمس له بصوت خافت وقال.
فارس بابتسامه وهمس : لا تنسى الي قلت لك عنه، عشاني ياخوي خذها.
هذام بهدوء : لا تتوخر، قبل غروب الشمس اشوفك راجع، بكره وراك جامعة لا تنسى.
فارس بابتسامه : ان شاء الله.
بعد عنه وبعدها راح لنبض الي دمعتها بطرف عينها ضمها وقال.
فارس بضحكه : اشبلاك يا البكايه.
ضمته نبض اكثر وقعدت تبكي بحضنه وهي متاثره حيل، ماودها يروح، احساسها يقلها انو راح يصير شي وما تدري وش هالشي بالضبط.
راحت وهج لفارس وقالت.
وهج ببرائه : فارس وانا بعد ودي تشيلني.
ضحك فارس عليها، لانو قصدها يضمها، بعدت نبض عن فارس ومسح دموعها بحنان وقال.
فارس بحنان : اشفيك يا نبض اخوك.
نبض ببكى : لا تروح يا فارس، قلبي مو متطمن لروحتك.
حاول فارس يغير الجوء وقال.
فارس بضحكه : هههههههه سمعتو يا الربع، اخيرآ الاخت نبض فكرت تخاف علي ويلين قلبها.
ابتسمت نبض من بين دموعها وضربته على كتفه وقالت.
نبض بابتسامه ودموع : دب.
راح فارس ل وهج وشالها وقعد يدورها بالسماء وهي تضحك وخايفه.
راح هذام لفارس وقال.
هذام : فارس اترك البنت دوختها.
اخذ هذام وهج من فارس لانو داخت من دورانه لها، تمسكت برقبة ابوها وهي مغمضه عيونها و تضحك وتقول.
وهج بضحكه : ههههه بابا فارس دب دوخني.
ابتسم هذام لكلامها، وبعدها ناظر فارس الي اخذ شنطته وطلع من القصر وراح.
راح بعده واشر لسعد ولؤي يتعقبوه بخفه.
اوماو بروسهم بالموافقه .
بينما فارس اخذ الشاص وحط شنطته بالمقعد الي يمه، وبعدها شغل السياره وناظر لاخوه واشر له ب مع السلام.
اشر له هذام بمعنا الله يسهل دربك.
للمعلوميه، فارس يحب الشاص حيل، اكثر من اي سياره، مع انو الي بجيله يحبو الفراري، والبورش وغيرهم من السيارات، بس هو فيه حب البدو ل الشاص، ويحب طلعات البر، بس حبه للبر مايضاهي حب هذام، لانو هذام يحب البر اكثر منه، ولو ضاق صدره يمكن ياخذ عزبته ويبات بالبر عادي.
حرك فارس من امام فارس، وبعد شوي تحركت سيارة الحرس، عشان ما يشوفهم فارس.
تنهد هذام بضيق مدري ليه يحس وده يروح بعد فارس ويمنعه من هالروحه.
الشرقيه
ــــــــــــ
•• بيت ام بندر ••
طلعت روح من غرفتها وهي شايله كتاب الفيزياء عشان تذاكر، لانو بكره عليها امتحان فيزياء، راحت للمطبخ سوت لها قهوه تركيه واخذتها وراحت ل الصاله، شافت رائد قاعد يلم اغراضه، لانو رايح مع فارس.
قعدت ؏الكنبه شالت الشبشب ورفعت احد رجولها ؏الكنبه وثنتها، والثانيه تاركتها بالارض *اتمنا فهمتو كيف *
لبست نظارتها واخذت القلم ولمت شعرها وحطته فيه، لانو قاعد يزعجها.
بدات تذاكر بانسجام.
بينما رائد خلص حزم اغراضه وناظر لروح الي قاعده تذاكر،ابتسم بخبث وقرر ينكد عليها شوي ،راح لها وقعد امامها واخذ قهوتها من ؏الطاوله،ارتشف رشفه منها وطلع صوت بارتشافه،وذا اكثر شي تكرهه روح،انو احد ياكل او يشرب ويطلع صوت يمها .
ناظرته روح بعصبيه وقالت.
روح بعصبيه : رائد وجع اترك قهوتي ولا تشرب زي العنز.
رائد بابتسامه : ماني بتاركها ويالله وريني وش راح تسوين.
وقف رائد واخذ الكوب وناظر لروح بنظرات مستفزه.
جن جنون روح من رائد، تركت الكتاب ووقفت، راحت لرائد الي مشى لنص الصاله، وقالت.
روح بعصبيه : رائدوه عطني الكوب اشوف.
رفع رائد الكوب بيده لفوق وناظر لروح ورقص حواجبه وقال.
رائد بابتسامه لعوبه : لو انك كفو جيبيه يا بنت عبد العزيز.
حاولت روح تطوله بس ماطالته، لانو رائد بحكم انو رجال حيكون اطول منها بمراحل .
روح كانت تقدر تسوي اي حركه فيه وتاخذ القهوه بس خايفه لا تعوره بالقهوه لانو ساخنه، زعلت من تصرفه وقالت.
روح بزعل : اشبع فيها، معاد ابيها.
رجعت للكنبه من ثاني ومسكت كتابها ورجعت تذاكر وهي زعلانه، رائد ما ينكد عليها الا باوقات المذاكره، وهي ما تحب احد يشوش لها افكارها.
ابتسم رائد على ملامحها الزعلانه، راح لها وترك الكوب ؏الطاوله وناظرها وقال.
رائد بابتسامه : اقول يا الزعوله يالله افردي لي هالخشه، قبل يجي بندر وينهيني، تعرفيه زين ما يرضا بزعلك يا السنيوره، وكمان امي وبدير.
ما ردت عليه روح، مو عشانها زعلانه عشانه اخذ قهوتها، لا تحس فيه شي مكدر خاطرها، وتبي تبكي وتعاتب، ماتدري ليه بس يراودها هالشعور.
اخذ رائد القلم من شعرها وطاح شعرها الاشقر لتحت اكتوفها زي الحرير يتسابق مع بعضه.
رائد بابتسامه : انا اسف يا الزعوله، ماكنت ادري انو راح تزعلي ؏القهوه الخايسه الي تشربيها.
ناظرته روح بعيون مدمعه وبعدنا نزلت نظراتها للكتاب وما قالت شي.
ناظرها رائد وحط ريده تحت فكها ورفع راسها وقال.
رائد بحنان : مين زعل ام العيون الزرقا.
ما ردت روح وطاحت دمعه من عينها وتوالت بعدها دمعات، قالت.
روح بدموع : زعلها اخوها.
راىد بابتسامه : يخسي، الا ويعقب بعد، وش يرضيك عيونك يا روح رائد.
ما ردت روح ورفعت يدينها لعيونها ومسحت دموعها بطرف كم البجامه.
رائد بابتسامه : الحين ابغى اسألك، متوكده انو عمرك 17 والله صرت اشك انك طفله ام 7 سنوات.
ناظرته روح بنظرات معصبه لانو قاعد يقول عنها طفله او خل نقول ينعتها باسم طفله.
روح بعصبيه : كل تبن.
دخلت ام بندر وبدر وبندر على صوت هواشهم.
ناظر بندر لروح وشاف عيونها حمراء،وانفه وخدودها متوردين من البكى قال.
بندر باستغراب : اشفيها روح بندر.
رفع رائد يدينه باستسلام وقال.
رائد بابتسامه : انا الفاعل، بس والله ماسوي شي هي بكت من روحها.
دفه بندر بعصبيه وقعد يم روح وضمها، سالها اش فيها، وخبرته انو بس تحس بضيق وبكت فجأه.
بندر بعصبيه : والله يا رائد لو ما تركت اختك بروحها لاوريك شغلك، كل ماشفتها بروحها نكدت عليها.
ناظرهم بدر وقرر يغير مود السالفه،نقل نظراته بين الكل وبعدها قال
بدر بابتسامه : يمه الحين بسألك، انتي وين ولدتي روح، ما تشبهنا ابد، شعرها اشقر وعيونها زرقاء غامق، وبيضاء بشده، ورموشها كثيفه بزياده وطويله، بعكسنا، احنا حنطاويين، باستثناء رائد الي ابيض، وكمان شعرنا اسود، ورموشنا وسط، بعكسها تماما.
ابتسمت ام بندر وقالت.
ام بندر بابتسامه : روح طالعه لجدتها الجادل، اخذت صفات امي الله يرحمها*وبحزن *اما رسمة العين وكبرهم ورموشها طالعه لابوكم الله يرحمه .
الكل : الله يرحمهم جميعآ.
بدر بابتسامه : وورا ما اخذتي انتي هالملامح، وكاد كنت طلعت لي بشكل حلو، ويتخبلو علي البنات.
بندر بنهر : بدير وجع وانت كل شوي فاتح هالسالفه، روح بنيه والله يزود جمال البنت عن الرجال، ليكون ودك بحلى بنيه وتصير خكري؟
بدر بضحكه : هههههههه لا بلله ماودي فيه، بس حبيت اغير شوي من جو النكد الي قلبته الاخت روح،والاخ رائد.
اخذت روح المخده ورمتها بوجه بدر.
ضحك بدر، وقعد هو رائد يمازحوها بالكلام، وهي مو يمهم، تحس بيصير اليوم شي،وشي مب هين بعد.
الديره
ــــــــــ
•• بيت الجده ••
صحيت من بدري، وراحت المطبخ، زهبت الفطور، واخذت القهوه والتمر للحوش، شافت الجده قاعده ؏الجلسه بالحوش، وبيدها سبحتها.
راحت لها بابتسامه، وتركت الدله وصحن التمر والفناجين.
تهلل وجه الجده عفاف اول ماشافتها.
راحت لها وباست راس الجده ويدها وقالت.
سراب بابتسامه : صبحك الله بالخير يمه.
الجده عفاف بابتسامه : ياهلا والله ببنيتي سراب، صبحك الله بالنور.
سراب بابتسامه : اشلونك عساك زينه.
الجده عفاف بابتسامه : الحمد لله يمه ما اشكو باس، متى عاودتي.
سراب بابتسامه : امس بلليل، وصلني سعود وعقبها راح.
الجده عفاف باستغراب : ورا ما بات، وش موديه بانصاص الليالي، الديره مب امنه بلليل، وكاد احد من قطاعين هالطريق وقفه، سعود كمخه مايفهم شي.
سراب بابتسامه : وكانك ما تعرفين سعود يمه، ما يواطن الديره ابد، ويحب الرياض اكثر.
الجده عفاف بابتسامه حزينه : انتي زي ابوك الله يرحمه تحبين الديره، بعكس سعود الي هج منها*لمعت عيونها بحزن شديد *كل اولادي ما يبغون الديره، حتى ولدي ضاري اخذ اولاده وراح لرياض،ويسيرو علي بالسنه مرا، ما يدرو انو قلبي يحبهم ويشتاق .
حزنت سراب على حال جدتها، جدتها تبين للكل قاسيه وصارمه، بس من داخلها ام ترتجي لمة اولادها من حولها.
هي ما تكره الديره ولا تحبها، بس تجي لهني عشان ابوها لانو يحب الديره حيل، وعنده ناقه اسمها العنود، ويحبها حيل، ولمن كانت صغيره كان يوديها لها، ومن بعد ما توفى قررت تقعد مع جدتها وترعاها، وتنتبه لناقة ابوها.
صح عمها سعود مو مقصر بشي، وكل وقته مع جدتها، وحتى حرمته واولادهم، بس هي تبي تادي بر ابوها لامه.
الجده عفاف باستغراب : يمه سراب وين سرحتي؟
سراب بسرحان : هاه، معاك معاك بس سهيت شوي، يالله اقلطي خل اقهويك، وبعدها اجيب الفطور نفطر، ودي اروح اشوف العنود.
الجده عفاف بابتسامه : اجل قهويني اشوف.
وقفت سراب بابتسامه واخذت الدله والفناجين وقهوت جدتها، على دخلت عمها ابو هتان.
ابو هتان بابتسامه : السلام عليكم.
الجده عفاف وسراب : وعليكم السلام.
ابو هتان بابتسامه : يالله صبحهم بالخير.
الجده عفاف وسراب : الله يصبحك بالنور.
سراب بابتسامه : اقلط حياك.
ابو هتان بابتسامه : الله يحييك.
قعد ابو هتان يم الجده بعدما سلم عليها وباس راسها.
مدت له سراب القهوه وقهوته.
ابو هتان بابتسامه : عشتي.
سراب بابتسامه : عاشت طواريك.
قدمت التمر لجدتها وعمها سعود وراحت للمطبخ، اخذت الفطور وطلعت، راحت لجدتها وعمها، وتركت الفطور امامهم وقالت.
سراب بابتسامه : يالله انا استأذن.
ابو هتان باستغراب : على وين يبه.
سراب بابتسامه : رايحه للحلال، ودي اشوف العنود.
ابو هتان بابتسامه : ما صحيت خيشت النوم.
سراب بابتسامه : لا بعدها نايمه.
الجده عفاف : اقول صحي البتول، ماعندنا بنات يطولو بالنوم، بكره لا اعرست مين بيزهب فطور رجلها وهي نايمه.
سمعت سراب صوت من خلفها وكان صوت البتول.
البتول بنعاس : خل العريس يجي اول يمه، وبعدها يصير خير.
الجده عفاف بنهر : وجع استحي على وجهك، مابقى فيه حيا ببنات اليوم.
البتول بتثاوب : هاااه، ابد، اغسلي يديك، وانا منهم.
سراب بابتسامه : يمه خلك منها، تعرفيها البتول هاذي عوايدها، يالله انا رايحه تامرون على شي.
ابو هتان بابتسامه : سلامتك يبه، بس تغطي زين، هتان ونادر يم الحلال.
سراب بابتسامه : ابشر.
ابتسمت سراب بنفسها، هي من لمن جات لهني ما بحياتها شافت اي احد من اولاد عمها ، لها تقريبآ سننتين من صارت مستقره هني، مو زي اول كانت تزور جدتها بالسنه مرتين،بس من خلصت دراستها قررت تقعد مع جدتها، وتزور امها بين حين واخر.
رجعت سراب للبيت، اخذت عبايتها ونقابها وتغطت.
طبعآ بالديره ما يلبسو الحريم والبنات برقع زي براقع بنات الرياض، يعني يكون برقعهم واسع ويظهرو شوي من شعورهم، ويلبسو ذهب ومن هالشي، بس سراب وكل حريم اولاد الجده عفاف وحفيداتها يلبسو زي الرياض، باستثناء حرمة ابو هتان وبناتها.
طلعت سراب من الحوش، وتوجهت لشبك الحلال،الي يبعد عن البيت شوي،وبين بيت الجده عفاف وشبك الحلال كم بيت .
مشت وتوجهت له، وبعد شوي وصلت للحلال
كان قاعد امام شبك الحلال مع اخوه نادر وحمد راعي الحلال
ناظر لناقة عمه خالد وشافها قاعده تتحرك بشكل غريب، استغرب، ناظر حمد وقال.
هتان باستغراب : حمد اشبلاها ناقة عمي خالد.
حمد باستغراب : مدري والله،الحين بشوفها .
فتح حمد شبك الحلال ودخل ودخل بعده هتان، وبعدو النياق عنها عشان يشوفو اش فيها، بس هي تصرفت بشكل عدواني وطلعت من الشبك هاربه. وكانو فيه شي مخوفها.
صوت لهم نادر وقال.
نادر : حمد هتان اطلعو، اكيد الناقه عطشانه.
حمد بتفكير : يمكن يالله يا هتان خل اطلع الحلال عشان اسقيهم واخذهم المرعى.
هتان : يالله.
طلع هتان من الشبك، وحمد فتح الشبك وترك النياق يطلعو ومشاهم لين الويت الي يسقو الحلال منه.
بينما هتان مشى مع نادر وبالطريق استأذن نادر وخبره انو رايح لخويه، كمل هتان مشي وبطريقه صادف بنت رايحه جهت الشبك، ناظر حوله باستغراب وفكرها مضيعه، لانو جهت الشبك كلها رجال والشباب بكل مكان قال.
مشى ناحيتها وصد عنها وقال.
هتان بهدوء : على وين يا بنت الناس.
نزلت سراب عيونها للارض، وقالت بصوت خافت.
سراب : رايحه للحلال.
هتان باستغراب : للحلال؟
سراب : ايوا.
هتان باستغراب : الرجال بكل مكان، وين تبي فيه يا بنت الناس، مضيعه هلك انتي،واي حلال الي ودك تروحي له .
سراب بهدوء : انا رايحه لحلال جدتي عفاف.
استغرب هتان اكثر وعصب شوي وقال.
هتان بعصبيه خفيفه : يا بنت الناس اقلك الرجال بكل مكان، روحي البيت الله يستر عليك .
استغربت سراب، واذا الرجال بكل مكان اش فيها، هي كل يوم تشوف حمد عند الحلال وعمها سعود يشوفها وما يقول شي، حمد رجال يخاف الله وما يناظرها، وبعدين مين هالرجال الي يبي يمنعها تروح .
سراب بعناد : ماني رايحه مكان، وبعد عن طريقي.
هتان بعصبيه : ماعندنا بنات يروحو للحلال، يالله تسهلي، وخبري ابوك يربيك زين على علوم البنات السنعه .
عصبت سراب حيل وصرخت فيه وقالت.
سراب بصراخ : متربي من قبل معرفك يا حيوان، وابوي لا تجيب طاريه .
جن جنون هتان من لسان هالبنت، هو الرجال الي الكل يحسب له الف حساب، وما فيه بنت تطاولت عليه بالكلام، تجي ذي البنت وترادده بالكلام، رفع انظاره لها وهنا انصدم من جمال عيون البنت، عيون سوداء كبار فيهم كحل ورموش مسطره كنها عساكر، تقولو عيون المها.
سب نفسه على فهيانه، ومسك سراب من معصمها وصرخ فيها وقال.
هتان بعصبيه : اذا اهلك ما عرفو يربوك انا اربيك يا قليلة الحياء.
هتان فكرها بنت من بنات التاجر، لانو يلبسو زي بنات الرياض.
صرخ ابو هتان الي كان رايح يشوف الحلال ويوصي الرعيان يجيبو الحلال بدري، لانو واضح راح يصير مطر، بس انصدم لمن شاف ولده ماسك يد سراب ويصرخ فيها قال.
ابو هتان بعصبيه : هتان وجع اترك يد بنت عمك.
ناظره هتان، وبعدها ناظر سراب وانصدم ، بنت عمه؟
اي بنت عم، هو يدري انو فيه بنت تروح وتجي ل الديره بس مايدري منو هي، لانو كل وقته مع خيله ويطلع البر مع خوياه وكمان يشتغل بالرياض، يعني يجي ويروح، بس ما بحياته شافها، لانو كل عمومه عايشين بالرياض، من لمن كان بزر.
ترك يدها وناظر ابوه ووقال.
هتان باستغراب : بنت عمي؟
ابو هتان بعصبيه : ايوا بنت عمك، اشفيك ماسكها بنص الديره، وش تبي الناس تقول عنا.
عصب هتان وجن جنونه وحس بالغيره لكونها من محارمه، هو عصب لمن كانت راح تروح للحلال بدون ما يعرف منو هي، بس الحين ادرك انو ذي بنت عمه، يعني شعره من وجهه ومستحيل يرضي احد من الرعيان او شباب الديره يناظر لها، صرخ في سراب وقال.
هتان بعصبيه : يالله اذلفي البيت، ومن اليوم ورايح لو اشوفك جايه يم الحلال، والله لاحش رجولك حش.
ابو هتان بعصبيه : هتان ضب لسانك ذي بنت عمك.
هتان بعصبيه : يبه بنت عمي وعلى راسي، بس ماعندنا بنات يسرحو ويمرحو ؏كيفهم.
ناظر سراب الي امتلت عيونها بالدموع من اسلوب هتان وطريقته بالكلام، بلعت غصتها وقالت.
سراب بغصه : تخسي ما انت بولي امري وراح اروح لناقة ابوي.
هتان بعصبيه : والله يا الي مني بقايل، لو ما تروحي الحين، لاشيلك واحبسك باسطبل الخيل.
ناظر ابو هتان لسراب واشر لها تروح، لانو يدري بجنون ولده، وانو لو حلف بيسوي الي براسه وقال.
ابو هتان : يبه سراب روحي البيت وبجيب لك الناقه لين عندك، الرعيان يم الحلال.
ما حبت سراب تتطاول على هتان قدام عمها، لانو بالنهايه عمها وله حشمته حتى لو ولده قل ادبه معاها.
سراب بغصه : ابشر.
باست راسه وقالت.
سراب بدموع : العذر منك يا عمي، بس ولدك زودها وقل ادبه حيل، ولولا غلاتك لوصل الي صار لجدتي عفاف.
ابتسم ابو هتان لها وباس راسها، يحب سراب حيل، ويعتبرها زي بناته واغلى بعد، كبر عقلها وحكمتها تخليه يستحي منها.
راحت سراب بينما ابو هتان ناظر لولده وقال.
ابو هتان بعصبيه : والله يا هتان لو اشوفك متعرض لها من ثاني لتشوف شغلك، البنت بنت المدينه ماتدري عن سلومنا، كبر عقلك يا هتان، وبنت عمك حطها فوق راسك، مو تسمعها كلام يسم البدن.
هتان بعصبيه : يبه بنت مدينه او بنت ديره، البنت مالها الا البيت، وطلعات قدام الرجال مابيها، والله لو اشوفها جايه يم الحلال لتشوف شي مب زي، وهاذي انا حلفت، وصل لها كلامي، عشان ما اضطر اسمعها ياه بنفسي.
مشى هتان بعصبيه وترك ابوه واقف يصفق كف بكف من غير حول له ولا قوه، لانو يدري انو ولده عنيد وغيور وراح يسوي الي براسه.
قعد هتان يتوعد لسراب لو شافها يم الحلال، طرا له عيونها ونفض الخيال من راسه وعصب وقال.
هتان بعصبيه : تخسي مابقى الا هالمنحطه تشتت افكاري، الايام بيناتنا وراح تشوفي منو الحيوان يا بنت العم.
الشرقيه
ــــــــــــ
•• بيت ام نادر ••
طلع رائد من البيت وراح لسيارة فارس الي سافطها يم البيت وركب فيها،بعدما اخذ شنطة فارس وحطها ورا وقال.
رائد بابتسامه : اشفيك يا رجال ما قلطت نتقهوى، والله ان الوالده شرهانه عليك.
فارس بابتسامه : الله يكثر خيرها، انت تدري انو ما احب اكلف على احد،و.
قاطعه رائد بعتب وقال.
رائد بعتب : افا يا الخوي، تعتبر قهوتك كلافه.
فارس بتبرير : لا ما اقصد كذا، بس انت تدري انو مستعجلين، وودنا نخلص رحلتنا لانو بكره جامعه زي ما تعرف، وهذام عطاني اليوم اطلع فيه، واليوم لازم ارجع قبل غروب الشمس.
تفهم رائد كلامه وقال.
رائد بابتسامه : يالله اجل حرك يا الخوي.
حرك فارس الشاص وتوجهو للبر.
ناظرت روح لزول سيارة فارس وقلبها مقبوض.
دعت الله يحمي رائد ولا يوريها فيه يوم اسود.
•• بعد ساعه ••
وصل فارس ورائد للمكان المطلوب، نزلو من السياره، ونزلو ادوات العزبه وفرشو الجلسه، ورتبو الاغراض، شبو النار، واخذو عدت الصيد، وراحو يصتادو.
كل ذا تحت انظار سعد ولؤي الي كانو مراقبينهم زي ماطلب هذام.
بعد وقت مب طويل، رجع رائد وبيده ارنب، وفارس يده فاضيه، قعدو ؏الارض وناظر رائد لفارس وقال.
رائد بضحكه : هههههههه افا يا الخوي، ما عرفت تصطاد ارنب.
قعد فارس يمه وقال.
فارس بضحكه : هههههههه يخي وش اسوي بندقيتي نفذ منها الرصاص وكل ما احاول اصيب ارنب تهرب.
رائد بابتسامه : معليه، انا اصتطدت ذي، وتكفينا.
ابتسم له فارس.
رائد بابتسامه : يالله انت زهب القهوه وطلع لنا الخبز، وانا بسلخ الارنب واشويها.
فارس بابتسامه : ابشر.
وبالفعل كل واحد بداء يسوي شغله.
راح فارس ل السياره، اخذ تلفونه وثبته عشان يصور كل شي، لانو يحب يوثق لحظاته الجميله، وطلعاته.
وبعد وقت زهبت القهوة ، والارنب بعد وبداو يفطرو وهم مبتسمين.
بعد الفطور.
فارس بابتسامه : الحمد لله الذي اطعمنا وسقانا من غير حول لنا ولا قوه.
رائد : الحمد لله، انا بجيب شي من السياره وراجع.
قررر رائد يخوف فارس شوي، اخذ بندقية فارس الي مافيها رصاص، وراح لفارس من وراه وقال.
رائد بتمثيل للجديه : فارس تشهد على روحك.
سايره فارس بالكلام وقال.
فارس بابتسامه : اشهد ان لا اله الا الله واشهد ان محمد رسول الله.
رائد مكمل تمثيله : يالله اوقف اشوف وتوجه للقبله.
وقف فارس وهو مبتسم وناظر رائد وقال.
فارس بابتسامه : يخي تعوذ من ابليس وخل عنك هالمزوح.
راىد مكمل تمثيله : ما امزح، يالله لف ظهرك اشوف.
بدا فارس يتوتر شوي قال.
فارس : رائد تعوذ من ابليس ترا الشيطان شاطر.
رائد : عندك وصيه قبل تموت.
فارس بابتسامه : دام الموت منك ياهلا به، ماعندي اي وصيه، مير ودي اقلك انك اخ منت خوي، وغلاتك بقلبي كبيره.
حاول رائد يخفي ابتسامته وتأثره بكلامه، قال
رائد : اجل يالله تشهد على روحك ودير ظهرك.
فارس بابتسامه : ما يصير الغدر من الظهر يالخوي.
قرر رائد يخوفه اكثر، شحن البندقيه الي كانت فاضيه على قولت فارس، وضغط على الزناد وهو يضحك، بس فجأه.
نسمع صوت رصاصه
وسكون عم المكان
وماهل الا لحظات ونشوف جسم فارس يطيح بالارض، غرقان بدمه.
طاحت البندقيه من يدين رائد من هول الصدمه.
(( وصلنا لنهاية البارت ))
//توقعاتكم //
تتوقعو مين راح يكونو الابطال ؟
هذام وش سالفته، ووين حرمته ؟
هتان وسراب، تتوقعو تصير بينهم مواقف ثانيه وتستمر مشاكلهم، او ينسو الي صار بيناتهم ؟
رائد وفارس، والي صار ؟
تتوقعو فارس يموت ؟
تتوقعو وش راح تكون ردة فعل اهل فارس، وبذات هذام ؟
وهل راح يقدرو يتحملو يسمعو خبر اصابة او موت فارس ؟
شاركوني توقعاتكم الحلوه يحلوين
*_< يــۥــۥــتبـ؏ـع⇦⇩_*
*_`قنــــواتنـــا_انــيرونـا •⸙♡»))`_*
*_تـابـ؏ اتـشـنـل ||☜عالمنـــــ͜͡ـــا•روايـات•واجـمل•آلـحڪــــ͜͡ــــآيات ֶָ،،𖢐📓🌸᪥𖠣⸰.☽⇦|| فۍ واتسـاب_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*https://whatsapp.com/channel/0029VaM8CnBJ93wMgXUgXd2o*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاة للقرآن الڪريمꪶ💚🍃•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://whatsapp.com/channel/0029VaihPFf2ER6YjKLyjl2y_*
*_https://whatsapp.com/channel/0029Vb75uek1iUxbkIJBpH2T_*
﹌﹌﹌﹌﹌﹌﹌﹌﹌﹌﹌
*_- اتـشـنـل ڪروب ڪتب ومستندات𝐏𝐃𝐅📓_*
https://chat.whatsapp.com/CWiALT5QKFJ46EeIEwvnrd?mode=wwt
✧◌⑅◌•❁𓆩٣³𓆪❁•◌⑅◌✧
﹌﹌﹌﹌﹌﹌﹌﹌﹌﹌﹌
*_اتـشـنـل قـنـاة نڪت وقصف جــجبۿات⸢⑇֯🌚💔⑇⸥_*
- *_ضابحين صح وتشتوا قصص ومشعات ونڪبات تضحڪوا؟!⇣⁽☻_*
- *_تعالو هنــا☟_*
_*https://whatsapp.com/channel/0029Vb75QOR9WtCASkmTbb0U*_
2
*_https://whatsapp.com/channel/0029VbBWqPM2v1IozE4ldR2Q_*
﹌﹌﹌﹌﹌﹌﹌﹌﹌﹌﹌
*_`اتـشـنـل قناة قصيد وشيلات⁽🕊⁽✨_*
_*https://whatsapp.com/channel/0029VaaASUGLo4hltNj3vm1U*_
﹌﹌﹌﹌﹌﹌﹌﹌﹌﹌﹌
*_اتـشـنـل `قناة حالات وتساب وأقتباسات منوع وفعاليات⁽㋡⇣ツ._*
1
_*https://whatsapp.com/channel/0029VaMuPn8Gk1FjtCR7dn1U*_
2
*_https://whatsapp.com/channel/0029Vb6r2he7tkj2Lo22T92j_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪـروب الرعـب𓆘•_*
*_𓄀𓏤𝒉𝒐𝒖𝒔𝒆 𝒐𝒇 𝒉𝒐𝒓𝒓𝒐𝒓ꪶ🕸️💀•_*
> *_𝑻𝒉𝒆 𝑳𝒊𝒏𝒌 𝑪𝒉𝒂𝒏𝒏𝒆𝒍_*
*_https://chat.whatsapp.com/Bm4xrtQ5PG0BkNq92BLjQX_*
🏴☠️≛𝖒𝖆𝖒𝖔𝖔𝖓≛🏴☠️
*_𓄀𓏤𝖍𝖔𝖚𝖘𝖊 𝖔𝖋 𝖍𝖔𝖗𝖗𝖔𝖗ꪶ🕸️💀•_*
﹌﹌﹌﹌﹌﹌﹌﹌﹌﹌﹌
*_اتـشـنـل ڪروب اقتباسات منوع ورفله⁽㋡⇣ツ._*
*_https://chat.whatsapp.com/Lwd2kqSAho4CJOOQSnNQ1U_*
﹌﹌﹌﹌﹌﹌﹌﹌﹌﹌﹌
*_اتـشـنـل قنـاه ملصقات وتساب متنوعه☟_*
*_https://whatsapp.com/channel/0029Vb6IHq4JP212MnEZ6q3W_*
﹌﹌﹌﹌﹌﹌﹌﹌﹌﹌﹌
> *نورو قنواتنا تليجرام_قـنـاه روايات تليجرام_قناه جبر خواطر_قناه آرح مسمعك_قناه مكافحة الفرخان_قناه افكار مشتتة*⭒
@brokeen305
@broken305
@broken339
@broken336
@anfasaam
*_- بوت تواصل☟_*
@yemeni_broken9bot
*✧══•❁𓆩٣³𓆪❁•══✧*
> *🏴☠️≛𝖒𝖆𝖒𝖔𝖔𝖓≛🏴☠️𓆩٣³𓆪 ♡*
﹌﹌﹌﹌﹌﹌﹌﹌﹌﹌﹌
*_💥القراءة السريعة مثل الأڪل بدون هضم💥_*
▬▭▬▭▬▭▬▭▬▭▬▭▬▭▬