الفصل 11
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴1️⃣1️⃣والٱخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖:
الجزء الحادي عشر والأخير:
-غدي: لا تسكرو باب الطيارة ..... انا بدي انزل .......
فرجاهن الباسبورت ....
-غدي: انا ريان مفيد الخليل .... بدي انزل ..... لغيت السفرة ....
ما تنّو معو ...... نزل فورا .... وبعد ١٠ دقايق كان برا المطار هوي ولميا مع شناتيهن .......
-لميا: شو صااار .... ؟؟ ......
-غدي: رح جن ... رح جن لميا ..... لك في عندي اخت اكيد عاشت مأساة متلي ... اكيد عانت ... لك مين هالبلا ضمير اللي ما كفاه انو رماني بالميتم ... الا رماني وحيد وانا خلقت مع اخت .... لك ليه هالقد الدنياااا ظاااالمة .... لييييييييه ......
__________________________________________
بعد ساعة بالضبط ..... كان واقف غدي بإيدو المجبرة ... مقابيل ابوه وامو ....
-غدي: اذا بكون هالشي كذب .... هالمرة رح تندمو .....
-عليا: لا ... مانو كذب .... آنا .... بتكون اختك ... توأمك .......
-غدي: نعممم !!! ..... كيف هيك ....
-طلال: قصة طويلة .... اقعد لنحكيلك ياها .....
قعد غدي .... وقبل ما يبدو حكي ... ابتدا يتذكر كل لقاء كان مع آنا ...... واكتر ذكرى اثرت فيه ... يوم اللي استندو ع بعض .... وراحو عالمستشفى ..... اتذكر شعورو اتجاها دائما ... لما كان لا اراديا يبعدا عن الخطر .... وكإنو الدم عم يفهمو لا تإذيها ........
__________________________________________
-منير: وينك آنا ....
-آنا: بالشقة ... وين بدي كون .....
-منير: شو شكلك استقلتي ....
-آنا: لك انا متفاجأة كيف الغراب تركني ... بس تخف معو المشاكل حاليا مع ابنو رح يتذكرني ... ويرجع العقاب .... خليني استمتع بهالهدوء حاليا بلا شغل ....
-منير: اساسا ما عم بفهمو ... ما عاد مهتم لشي ... ولا لشحنة ولا للاجتماعات ولا اي شي ....
-آنا: انسى شريك ... روح اتنعم هالكم يوم بالحرية ... سلم على علي ومعتز .....
سكرت الخط .... ولمعت براسا صورة غدي ....
-آنا: لغزك غريب .... ليه ما قدرت إإذيك ... ليه دافعت عنك .... ليه كنت عم بحميك ....
اندق الباب ... وقامت تفتح ..... مجرد ما فتحت ... دخل مازن وسكر الباب ولزقها فيه ....
-آنا: طالعلي بالسحبة .....
-مازن: اشتقتلك ......
-آنا: .............
-مازن: وكتير ...... كتير ......
-آنا: انت شو عم تخبص ....
-مازن: اكتشفت اني عم حسلك بشي ......
مشاعرا تخربطت .... سكتت شوي ورجعت حكت .....
-آنا: وأنا ... ولا يوم كان الاعتراف عندي سهل متل هاللحظة .... يمكن بدي استغل هاللحظات ....
-مازن: بحبك ....
-آنا: وانا حبيتك ... ما بعرف كيف ... بس انت استثنائي .....
قرب اكتر ... وغمرها .........
__________________________________________
-غدي: عطوني عنوان شقتها ...... رح اتأكد اذا اختي او لا بطريقتي .....
-طلال: التحاليل اثبتت ....... روح جيبا وتعو ... نبني عيلة سوا .....
-غدي: بأحلامك .... انا رايح ... بعتلي العنوان مسج .... اه صحيح ... عطيني هالطوق اللي بإيدك .....
اخدو ومشي ..... وهوي وطالع من الحديقة ... التقى بنارين جاية ..... وقفو لحظات مقابيل بعض ....
-نارين: ما سافرت ......
-غدي: رغم كل مشاكلي ... ورغم الحقايق اللي عرفتا ...... انا وبالطيارة ... ما فكرت الا فيكي ..... لحد ما وصلني اتصال رجعني .....
-نارين: يعني ما رجعت كرمالي ...
قرب وغمرها بدون مقدمات .....
-غدي: عطيني شوية وقت بس للملم حالي .... بعدا رح اجي لعندك واحكيلك كتير اشيا ......... يلا بخاطرك ....
بعد عنها وراح .... ركب تكسي .... واتوجه فورا ع شقة آنا ....... كان لسا مازن طالع من عندا وهيي عم تسكر الباب ... لما وصل غدي وحط ايدو ومنع تسكرو .....
-آنا: مش ع اساس سافرت ؟!!!! ....
-غدي: رجعت ....
-آنا: ليه ؟ .....
-غدي: هلأ بتعرفي ....
مسك ايدها وجرها وراه .......
-آنا: يي ... لوين ماخدني ...... غدي ... لك وقف ... يا ريان .. يا غدي ... يا انت ... وقف .....
شدها من ايدا لعندو ووقف ..... وزورها .....
-غدي: اسكتي .... وروقي .....
ضل يمشي فيها لوصلو ع شط البحر والدموع بعينيه وعم يمنع نزولا ... شقتها كانت قريبة من الشط .....
-آنا: ليش اجينا لهون ......
-غدي: لانزل عالبحر ....
-آنا: نعم ؟ .... بإيد مكسورة ... وبهالطقس .... يي هلأ بتاخد برد لا تشلح .....
كان عم يشلح كنزتو بصعوبة بسبب ايدو ... بس كان في موال براسو .... كل الطريق شارد وعم يجمع افكارو لفهم كل شي ... ووصل لهالقرار ...
قربت من فورا ... وصار تحاول تلبسو كنزتو .... ولمحت شي اسفل ضهرو .... لما همدت وجمدو ايديها عرف انو وصل لهدفو ... وشافت الوحمة ........
-آنا: هاي وحمة !! ....
ما عاد قدر يتحمل الصمت .......
-غدي: عندك منها ما ؟ .....
-آنا: .............
ما قدر يتحمل سكوتا ... وصدمتا .... قرب اكتر وبكل عزمو رفعلا كنزتها ...... بدون مقاومة منها ... كانت لسا صافنة ..... كيف ذات المحل وذات الشكل ...... ومجرد ما لمح غدي نفس
الوحمة اسفل ضهرا .... حط ايدو ع ظهرا وشدها لعندو .... دفن وجو فيها ....... وهوي بعالم تاني كليا .... في شعور ولد جواتو فجأة اتجاه شخص ما كان عارف بوجودو ... عكس ابوه ... وعكس امو واخوه اللي من البداية عارف بوجودن ...... شعورو اتجاه آنا كان اختو اللي كانت معو من لما كان نطفة .... وعاشت متلو ... نفس الحياة .... نفس المأساة ........
-آنا: بعد عني .... شو عم يصير .......
بعد عنها وحط ايديه ع خدودا .... وهوي يحرك نظرو بين عيونا .......... وهيي شبه مستوعبة ........
-غدي: لسا ما فهمتي ؟! .... ما بيوجعك راسك وجع فجائي وجسمك كل بيوجعك .... وبيختفي بلحظة .... لما صفنتي هيك يعني اي .... هاد بصيبك لما انا بكون بخطر ... لما بنضرب ..... وانا بحس نفس شي لما انتي بصرلك شي .... ونفس الوحمة .... شو معناتو هاد .... لك لا تصفني هيك ... افهمي بقى ..... نحن اخوة .... مش بس اخوة .... نحن توأم .........
صارت تحرك عيونا وتراقب تفاصيلو ..... وبنفس الوقت ذكريات كتيرة اقتحمت مخيلتا ........ رجع غمرها غدي من جديد ..... وشد عليها وهيي لساتا مكانا ..... لحد ما طلعت من صفنتها ورفعت ايديها وكزت عليه .... ودموعا كفتوو ...... وشهقاتا زادو .... لأول مرة آنا المروضة بتبكي بهالشكل .... او بتشهق ..... بعدت عنو ودققت بعيونو .....
-آنا: يعني أنا ماني وحيدة ..... يعني انا عندي اخوة .... يعني انا عندي ام وعندي اب ... يعني عندي سند ....... يعني ... يعني ...... (تشهق) .......
-غدي: هشششش ..... روقي ..... بوعدك .... بوعدك ...... انو بحياتي ما اتركك ..... بوعدك نكمل هالعمر ونعوض عم السنين اللي ما ربينا فيها سوا ..... بوعدك .......
-آنا: هه .... ههه ..... انا ماني وحيدة يا الله .... عندي اخ ... لا لا ... أخين ..... هه لك انا كان عندي مؤنس برحلة التسع شهور .......
سكتو ثواني .... الدموع بس كانت عم تحكي .......... مد ايدو ......
-غدي: خلينا نفل ..... ونختفي ....... نعيش الطفولة اللي انحرمنا منها ......
مدت ايدا ..... ومسكت ايدو .... ومشيو ..... سوا ..........
___________________________________________
بعد مرور اسبوع .....................
بمكان بعيييد .... وما فيه غير صوت العصافير ...... الاشجار معبية المكان ...... والضحكات ع وجوه الكل ..... بأوتيل صغير ... بحديقتو ...... كانو عم يركضو .... يلحقو بعض ويضحكو .... ومعلقين برقبتهن الطوق ....... ما كانو حاطينو لانو من اهلهن ... كانو حاطينو لانو من ماضيهن .... من طفولتهن .....
-ورددد ..... مسكتك ...... هههههههاااي ........
-لا هاد مانو عدل .... انت زعبرت ريان ........
-لانك خسرتي عم تقولي هيك ......
بعد هالضحك اللي ضحكوه لازم يكون في اخر شي غصة ..... قعدو عالحشيش ...... وصار يلعب ريان بالورد ليصنعلا شي .......
-غدي: محلانا لما نضحك ... وقلوبنا عتبانة عالدنيا كلها .......
-ورد: من اول ما ولدت لهاللحظة .... هاد اجمل اسبوع .... هاي اول مرة بضحك بهالطريقة ... بهالعفوية ........
-ريان: وانا لاول مرة سعيد هالقد .......
سكتو دقايق ..........
-ورد: بكون مشغول بالن علينا .... اختفينا فجأة ......
-ريان: ماني هكلان هم حدا ... غير نارين ....... وحرام قيس .....
-ورد: ومازن .....
-ريان: هاد لازم شوفو قبل ... لاعرف مناسب يكون صهري او لا ......
-ورد: صار عندي اخ يخاف عليي ..... يا الله شو بحبك ....... ما تخاف رح تحبو .....
-ريان: تعي ندقلو .... يجي ويجيب معو نارين وقيس .......
-ورد: فكرة والله ...... حافظة رقمو .... رح دقلو من الاوتيل ... استناني هون ........
راحت عالاوتيل .... ودقت لمازن .... رد .....
-ورد: الو ... انا ورد .....
-مازن: لك انتي وينك ..... وينككككككك ....... فتل راسي عليكي ..... بكفي تعملي فيي هيك بكفيييي .....
-ورد: ما سمعت باللي صار ؟ .....
-مازن: سمعت ..... بس مانو مبرر ....
-ورد: كنت بحاجة لشوية وقت ... مع اخي .... بعيد عن العالم .......
-مازن: بس انا مش حيلا حدا .... عالاقل خبريني ....
-ورد: طيب خلص .... تعا بلا ما حدا يعرف ... لعنا .... جيب معك نارين وقيس .... ما بدي حدا يعرف .... تمام .....
-مازن: بسرعة البرق ......
-ورد: بحبك ......
-مازن: بعشقك .......
رجعت ورد لعند ريان .... قعدت حدو ...... كان صار خالص من الطوق اللي عملو من ورد ..... حطو ع راسها وابتسملا .....
-ورد: جايين ....
-ريان: ما صار لازم تحكيلي .... لتنسي ... طلعي اللي بقلبك ... عطيني هالحمل ... قبل ما يجو ... وبعدا منفتح صفحة جديدة .........
اتنهدت تنهيدة طويلة ..... ورجعت حكت .......
-ورد: لما قررت مثل الدور ... اني بنت عليا ... وقللي منير انو اسمي ح يكون ورد ... اقتحمني احساس غريب ... يمكن لانو اتسميت اول ٥ سنين من عمري بهالاسم .......... كان الغراب مروضنا للنسى اسمائنا ومن وين جينا .... هاد علم درسو ... و
بالفعل نجح .... (حطت ايدا عالطوق اللي برقبتها) ...... بس لما فرجيتني عهالطوق .... اتذكرت كل شي ..... اتذكرت الميتم .... صح كنت صغيرة .... بس بتذكر ملامح بسيييطة ...... واتذكرت اشيا كتير ..... واولن اول ما جيت لعند الغراب .... الضرب والقتل اللي اكلتو ..... ايام كتير مرقت عليي بغرفة مظلمة .... لحد ما صرت خاتم باصبعو للغراب ... شو يحكي نفذ ... وكإنو ما الي رأي .... بحركنا متل الآلات ... ما منعرف نقول لا ........ اساسا ما كنت اعرف انو اللي عم نعملو غلط .... ما كنت افهم ولا اعرف بالقانون ... او بالشرطة .... ما كنت ميز بين الصح والغلط ...... بس الشي الوحيد اللي بالفطرة كان ... انو كان مستحيل اقتل ... منير عملا ... وحتى علي وحتى معتز ... رغم اني كنت قوية ومشاكسة ... والاهم مشكلجية .... بس ما كنت قاتلة .... ولا يوم قدرت اخد روح بني ادم .... بس ما كنت اعترف بيني وبين حالي عن عجزي بهالمهمة .... اللي بعدين اكتشفت انها قوة واني كنت عم بعمل الصواب ........
قرب ريان وغمرها ......
-ريان: منا ننسى كل شي .....
-ورد(مبتسمة): امرك توأمي ........
____________________________________________
-الخادمة: ست عليا بشو فيي اخدمك .....
-عليا: طلعي لبرا ......
تركتا الخادمة مسطحة بتختا .... والسواد تحت عيونا .... وتجاعيدا كترانة ...... وآلاما ما عم تنتهي ...... نزلت الخادمة لتحت ووقفت مقابيل طلال ....
-الخادمة: على حالا .....
-طلال: بدي اعرف بس وين اختفو ريان وورد .... وييين ..... انتي ديري بالك عليها منيح .... انا رايح وبكرا برجع بطل عليها ........
_________________________________________________
-قيس: متأكد انو هون ؟! ....
-مازن: اي اكيد ....
-نارين: طيب يلا نفوت ......
استقبلن موظف الاوتيل .....
-الموظف: حضراتكن نارين خانم وقيس بيك ومازن بيك ؟ ....
-مازن: اي نحن .....
-الموظف: ورد وريان ناطرينكن بالحديقة .......
ركضو كلن لبرا ...... ووقفو ريان وورد لما لمحوهن من بعيد ..... وركض ريان لحضن نارين ..... وورد لحضن مازن .......
-ريان: بحبك ..... هلأ قادر قللك ياها بلا حواجز ... بعد ما راحت الغيمة السودا من فوق قلبي .... بعشقك .....
-نارين: وانا ... بحبك اكتر ما بتتصور .....
-مازن: اشتقتلك .....
-ورد: مش ادي .........
كان واقف قيس بالنص وحاطط ايديه بأجيابو ......
-قيس: احم احم ..... نحن هنا ..... انو هاد مانو عدل ابدا ... كان قولولي جبت معي شي صبية .....
ضحكو الكل من قلبن .... وقربو كل ٢ من جهة وغمروه ...... ومشيو كم خطوة .... قعدو عالحشيش وعملو دائرة .....
يعني بليلة ما في ضو قمر صار عني ٣ اخوة ... لا والاضرب من هيك كلن اكبر مني .... طلعت اخر العنقود .....
-نارين: هههه .... كرمال تضل مدلل وما حدا ياخد مكانك ......
-الكل: ههههههههههههههه .....
-قيس: لا والاضرب من كل هاد .... في شي ما عم بستوعبو ... عندي خي واخت بحبو بعض ... بس مانن اخوة ... يعني اذا بحضر عرسن ... بقلن العريس اخي والعروس اختي .... بس هني مانن اخوة ... اذا انا ما فاهم .... العالم بتنجلط .....
-مازن: هههه ... يا بهيم .... انا وانت أبونا مشترك ... وانت وورد امكن مشتركة .... بينما انا وورد ما في لا ام ولا اب مشتركين .... بالتالي مانا اخوة .... ففينا نرتبط .....
-قيس: كتير استوعبت .....
خبطو ريان ع رقبتو .....
-ريان: خلص ما ضروري تستوعب ......
-الكل: ههههههههههههه ........
-قيس: هلأ شيلو الضحك والمزح .... امي منهارة .... ما صار وقت العفو ؟! ....
-مازن: يعني انا اللي كانت عدوتي انقهرت على حالتا ........
اطلعو ريان وورد ببعض ........ وبلعو بريقن .... حاول ريان يغير الموضوع .....
-ريان: وانت مازن ... يا اخ اخي ... بس مش اخي .... شو عاد صار مع عليا ؟! ... ما طالبت بحقك ؟ ....
-مازن: لا ... صح ثروة امي معا ... بس هيي اللي طورتا وزادتا وكبرتا .... ما فيني انكر انو الثروة ما كانت بهالكبر .... بعدين انا ماني بحاجة المصاري الحمدلله .....
-نارين: بعرفك عم تغير الموضوع .....
اطلع ريان بورد ....
-ريان: بعتقد صار الوقت ....
هزت براسا ورد ...... ووقف قيس فورااا .....
-قيس: اي يلااا ... قوموو ....
-مازن: لك انطر خلينا نستمتع بالطبيعة شوي وناكلنا شي شغلة .....
-قيس: لا ما حزرتو ... امي عم تتألم ... يلا نخفف عنها الالم ......
انطلقو الخمسة من الاوتيل .... وبعد ساعة كانو بقصر عليا زهران ..... طلعو لفوق ..... وفاتو ريان وورد بس ع غرفتها ....... كانت بارمة ضهرها ...... شمت ريحة عطر .... بتعرفا .... برمت فورا ... ولقتن واقفين حد بعض وعم يطلعو فيها مبسوطين ..... قامت وركضت لعندن ..... غمرتن بقوة .....
-عليا: لك انا بحلم ولا بعلم .....
شدو عليها ........
-ورد: امي ........
-ريان: ا ..... م .... امي .......
-عليا: يا تؤبروني .... ريتا تؤبرني هالكلمة .....
كانت عم تغمرن وتبوسن بكل محل بوجن وهيي عم تبكي ... ما مصدقة انو واخيرا ... انصدر العفو .... اللي اساسا ما كان الها ذنب بشي .......
عقد حواجبو قيس برات الغرفة واطلع بمازن .....
-قيس: شو رأيك تطلع ابنا انت كمان ... بلكي بتكمل معي .... وما عاد بيبقالي دور .......
-مازن: هههههههه ......
-نارين: انت اخدت حقك ... يا صبي .....
___________________________________________________
........................ بعد مرور سنة .....................................................
ع باب السجن ..... واقفة نارين بحضن ريان ... وبطنا لحلقا ..... ومازن عم يمشي بتوتر يمين وشمال .... وعليا غامرة قيس ... وايدا ع تمها .... وفهد واقف ع جنب ........... انفتح الباب ... وقلوبن نطت .... وطلت ورد .... بس لمحتن نزلت دمعة فرح ... ووقعت شنتايتها عالارض .......
ركض مازن ... وبدورا هيي فتحت ايديها لانها ما كانت قادرة بعد تمشي من الفرحة .... غمرها ... صار يشمها .... ويشد عليها .....
-مازن: نورتي .... اشتقتلك .... فستانك جاهز .... من هون عالقصر بتبدلي تيابك وانا بلبس بدلتي وفورا عالمحكمة ......
اشر على نارين وريان .....
-مازن: وهدول الشهود جاهزين ......
ضحكت ورد ..... وقربو كلن يغمروها دور دور ........... والضحكات ما عم تفارقن ...... بعد ما طلعت ورد من السجن .... بعد ما اخدت عقابا .... اخف عقاب ... كونا كانت تقوم باعمال غير قانونية غصب عنها .... وانها ولا مرة قتلت هاد كان شي ايجابي الها ...... كانت سنة تأديبية مش اكتر .....
-ورد: كيفو ابي ؟ .... بكرا الخميس ... مسموح الزيارة .... ما خصني مازن ... ما تقللي صباحية عرس ومدري شو .... بدي اجي عالسجن وشوفو ... انتو بهالسنة كل جمعة بتزوروه ... اما انا لسا ما شفتو .....
-مازن: الله بعين ... شو بدي اعمل .... بتحمل ........
رجع قرب ريان وغمرها مرة تانية ....... عقد حواجبو قيس وغمرها كمان .... ضربو ريان ع رقبتو .....
-ريان: مش طبيعي شو غيور .......
-ورد: قبل ما كان عندي ولا حضن ... بس هلأ الاحضان بتتخانق عليي ...... يا نياليييي ......
-نارين: لا أنا اللي صار لازم غار ..... (حطت ايدا ع بطنا) .... ما هيك ماما ......
-الكل: هههههههههههههههههه
///نصف ساعة .... بين تسليم الطفل الأول والثاني ..... تسببت بفراق مداه اثنين وثلاثين سنة ..... مع ظهورهم المفاجئ عبر صدفة غريبة .... ابتدت أسرار كثيرة بالإنكشاف .... نهايتها لقاء نطفتين اجتمعو تسعة اشهر ... وافترقو اثنين وثلاثين عاما ..... عاشو أسوء حياة .... عانو معاناة لم يعانيها أحد قط .... وأم لا تعرف بوجودهن بسبب قساوة قلب فرقتهم .... وأب كان ظالما بسبب وحدته .... قرر السجن كي يسامحه أولاده .... كي يسمع منهم كلمة أبي .... ونجح في ذلك ....... ولكن الأجمل من كل ذلك هو أن تولد قصص حب رغم الفوضى العارمة .... /// #بقلم_نسمات_الليل
______________النهاية_________________
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`