9/10
[٢/٣، ٩:٠٦ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴9️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖:
الجزء التاسع:
الصدمة كانت واضحة ع وجوه التنين ........ غدي اللي ما قادر يرفع راسو .... والغراب اللي شوي شوي بلش ينزل سلاحو ......
-الغراب: انتي شو عم تخبصي ... عم تكذبي لحتى ما اقتلو ......
-آنا: وحياتك لا .... انا بس عرفت من كم يوم لما بحبشت ورا غدي ..... وانت قلت انو انا انسحب من هاللعبة لانو بنت عليا هيي بنتك .... بس هوي صبي مش بنت ..... غدي فات ع حياة عليا لينتقم لانها زتتو بالميتم ..... يعني هوي ابنك ....... رح تعرفو من الطوق اللي مخبيه تحت تيابو .......
قرب منو الغراب ... شد الطوق بقوة وقطعو ..... عقد حواجبو .... كانت دائرة بتحمل اسم كريم (ابو عليا) ......
كان غدي بهاللحظة مانو مستوعب شي ... مستحيل يكون ابن هيك شخص .... حاول بينو وبين حالو ينكر ... كانت حقيقة مُرّة ... عالتنين سوا .....
بهالاثناء الغراب فقد السيطرة على افكارو .... تجسدت مقابيلو مشاهد بتجمعن ... اول لقاء ... واول شحنة فوتو فيها على عالمو الوسخ .... وضربو واهانتو من يومين لهلأ ........ واخر شي تذكرو معاناتو ليصير عندو ولد ..........
كانو ثواني لطلع من صدمتو وركض عند غدي .... صار يفكلو ايديه واجريه ...... صرخ ....
-الغراب: جيبووووو مي ......
صار يعرق الغراب .... ويرجف .......... قعدو لغدي عالارض ..... مسك شقفة من جيبتو وصار يمسحلو دمو ........
-الغراب: ابني !!
اتخطفت منو خطف هالكلمة ...... بس غدي استجمع كل قوتو ... وبعدو عنو .... اجو الشباب معن مي .... اخد الغراب المي وصار يشرّب غدي ....
-غدي: بعد عني ... اذا الدم بيجمعنا ... ما تتخايل انو القلب والعقل والروح يجمعونا ......
-الغراب: انا اسف .....
-غدي: ع شو بالضبط عم تتأسف ... ع انو عندي هيك اب ... او عالسنين اللي رميتني فيها ... او عالشي اللي عملتو فيي من يومين لهلأ ... حدد بالضبط لاعرف ع شو سامح .... بس ع كل حال ... انا قلبي من حجر ... ما بعرف سامح ....
-الغراب: رح عوضك ... رح عوضك عن كل شي .....
-غدي: ما بدي شي .... بدي بس تطلعو من حياتي ..........
حاول يوقف غدي .... سندو الغراب .... ورجع كمان مرة بعد عنو غدي بقوة ......
-الغراب: غدي ابني .... لا تفل .....
-غدي: حتى اسمي ما بتعرفو ..... لا تقللي ابني .....
مشي غدي لعند آنا .... وصار يفكها ... كان عارف انو مستحيل يعترض الغراب ........ وقفت آنا بتعب .... حطت ايدها ع كتف غدي ... وغدي حط ايدو ع كتفا ..... سندو بعض .... ومشيو ... كانو مايلين ... بس كل ما يميل طرف يسحبو التاني .... مستندين ع بعض بقوة ....
قعد الغراب عالارض .... لسا ما مستوعب مزبوط .... لمح الطوق جنبو عالارض .... مسكو .... دقق فيه مطولا ..... وعقد حواجبو ..... في شي لمع براسو .... شي مضى عليه ٢٨ سنة .........
/// ذكريات .....
-الغراب: انا بكون الغراب .... انتو الاربعة بدكن تعملو اللي بقولو .... وتنفذوه بالحرف الواحد ... لحتى ضل راضي عنكن .... انت يا ولد شو هاد الخاتم اللي بإيدك .....
-المديرة قالتلي انو من اهلي ....
-الغراب: عطيني ياه .... ما بينفعك .... وانتي يا بنت شو هاد اللي برقبتك .....
شدو من كل عزمو .... وصرخت البنت ......
-هاد الي تركو ... لا تاخدو ..........///
وقف فورا الغراب ... شد عالطوق .... وركض ... طلع بسيارتو وصار يسوق بطريقة جنونية .... لأول مرة بدون شوفير ...... لحد ما وصل على مقرو الخاص ..... اتجاهل اسئلة معتز وطلع على غرفتو .... فتح خزنتو ... وطالع ملفات قدييمة كتيير وماكلتها الغبرة ... سحب ملف آنا ..... ومجرد ما فتحو وسحب منو الطوق اللي فيه .... سحبو مغناطيس الطوق اللي بإيدو .... تعول غدي ....... ولزقو ببعض ....... عقد حواجبو ودقق بالاسم اللي ع طوق آنا ..... وع طوق غدي ..... وهمس بعدم استيعاب .......
-الغراب: عليا ..... وكريم ..........
__________________________________
نزلو من السيارة قدام المستشفى ساندين بعض .... اخدت من جيبتها آنا شوية ليرات .... وعطت التاكسي .... ومشيو لجوات المستشفى ... وهني راكيين ع بعض ..... متل الاخوة تماما ......
-غدي: ما كان في داعي ....
-آنا: انت كتير تعبان ... الضرب ما واتاك .... انا ربيت عالضرب ......
-غدي: كنت انضرب كتير ... مانا اول مرة ....
ركضو الممرضين .... وسحبو آنا وغدي فورا .......... وابتدو بالاجراءات ...... كانت آنا وضعا افضل لإنها ما تلقت الضرب اللي اتلقاه غدي ......طلبت تلفون ودقت للغراب ....
-آنا: نحن بالمستشفى ... ابنك حالتو صعبة ...... عم خبرك عشان نفوذك .... مش كرمال شي تاني .....
سكرت الخط بدون ما تسمحلو يحكي ....
بعد ربع ساعة بالضبط كان الغراب بالمستشفى .... ركض عالاستعلامات ....
-الغراب: آنا وغدي ... كيف وضعن ....
-الممرضة: هني بالطابق التاني .... اسأل دكتورن الخاص ......
طلع لفوق ركض ..... وهوي وماشي بالكيريدور لمح آنا بغرفة من الغرف ..... فات لعندا ....
-آنا: كيفو ؟ ... شو قا
لو الدكاترة ؟ ...
-الغراب: هلأ وصلت .... ما شفتن لسا .....
صفن فيها ثواني .......
-آنا: ليه هيك عم تطلع فيي ....
-الغراب: كيفك انتي ....
-آنا: !!!!!!!! .... انا .... ؟ ..... منيحة ......
ضهر من عندا ... وشاف الدكتور ......
-الغراب: طمني دكتور ... عن آنا ... وغدي ......
-الدكتور: آنا وضعا تمام .... شوية رضوض ..... اما غدي الشب اللي معا اتلقى ضربات قوية .. عندو كسر بإيدو الشمال .... كنا هلأ منا ندق لحدا من اهلو ... حضرتك ابوه ؟ .....
-الغراب: اي نعم .... ابوه .....
-الدكتور: ما تعتل هم انشالله وضعو بيتحسن .... ونحن فتحنا محضر ... اللي عمل هيك رح يتعاقب ....
-الغراب: تمام ......
دكا ضهرو عالحيط .... وفوت اصابعو بشعراتو ... بعد ما اتنهد تنهيدة طويلة ..... نزل شوي شوي عالارض ...... راسو كان رح ينفجر من التفكير .... وربط الاحداث ببعض ....... ووقف فورا ليروح مشوار .......
_____________________________________
-قيس: امي البكي ما بجيب نتيجة ......
-عليا: انا تعبت .... حتى ما عارفة شو جنس اللي ولدتو ... ما عارفة اتخيل ... ولا عارفة إنسى ورد ... حبيتا كتير ... هيي قطعة مني انا متأكدة ... شعوري ما بخيب ......
-قيس: خففي تفكير ... ارجعي عليا زهران اللي بعرفا ... اللي ما بتنكسر .... ارجعي عالشركة والشغل ....
-عليا: بس انا انكسرت .... خالك وستك كسروني ..... لما اخدو مني حمل ٩ شهور ...... لما ولدوني وانا بغيبوبة .... فقت منها ما في حمل ... وما في طفل ..... كسروني يا ابني ......
-قيس: من مين هالولد ؟ ....
-عليا: من واحد مجرم ..... سيء ... حبيتو بالغلط ووثقت فيه ... ولما حملت ... جبرني نزل الولد ... واختفى من حياتي ..... كذبت عليه اني نزلتو ... ما كان فيي اقتل ابني بإيدي ...... بس ما سلمت من هالشي ... امي اللي غدرتني ..... هه قال حجتها انو يا ابي ح يقتل الولد يا ابوه .... كان فيني خبيه ... كان فيني اعتني فيه بالسر ......
-قيس: وابي ؟ .....
-عليا: حظي بالرجال عاطل ..... حبني ... وركض وراي وهوي مجوز وعندو ولد ......
-قيس: شوووو ... عندو ولد ؟!!! .... برافو امي برافوووو .... عم بكتشف انو انا عايش بكذبة .... كذبةةةة كبيييرةة ... شي ولد منك وشي من ابي ..... لك بلشت شك بحالي .... انا مين ......
-عليا: ابني روق بترجالك .... عالاقل انت خليك حدي ....
-قيس(بعصبية): شوو ضلل حددك ... لك انتي وابي مليانين اسرار وكذب ...... اشرحيلي كل شييييي هلأاااااا ... وفوراااااا .......
-عليا: لما انت خلقت ... هوي سفّر مرتو وابنو لبرات البلد ..... انا بوقتا ما كنت فاهمة شي ..... بعدين فهمت انو اتجوزا لهديك كرمال المصاري ... كرمال ورثتا الكبيرة اللي ورثتا من بيها ..... نهب عليها كل شي ..... ولما صار كل شي ملكو ... سفرها ليرتاح منها ....
-قيس: وابنو ؟ ... كيف هان عليه ....
-عليا: ابوك ما بيعرف يحب ..... هوي اتزوجا رغم انها اكبر منو .... وبعدا اتزوجني كرمال بريستيجو ... ما كان فارق معو لا انت ولا مازن .....
-قيس: مازن !! ...
-عليا: اي اسمو مازن ..... ولما عرفت ام مازن بكل شي .... بعتت ناس يقتلوه ... وضلت برا البلد بعيدة عن كل الانظار .....
-قيس: هيي قتلتو ؟!!!! ............... وليه ما رجعت كرمال حقها ..... كرمال تاخدو ......
-عليا: هيدا هوي السر اللي مات معا .... ليه ما رجعت !؟ ... سؤال كتير سألتو لحالي وسألتو لفهد .....
-قيس: ومازن هلأ وين .....
-عليا: ماتت امو من فترة ... واجا لهون لياخد حق بيو ... فكرنا نحن سرقناه ... ما عارف انو ابوه هوي اللي سارقو .....
-قيس: وعرف الحقيقة ؟ ....
-عليا: اي عرف .... واختفى ... بس ما بعرف اي متى بيرجع وبطالب بحقو ... وبياخد كل شي .....
سمعو صراخ تحت ..... جلست عليا قعدتها ....
-عليا: شو صااير .....
فاتت الخادمة لعندا فورا ....
-الخادمة: انا اسفة ستنا ... بس دخل غصب عننا ..... مصر يشوف حضرتك ......
بدقيقة وحدة كانو قيس وفهد ونارين وعليا ... تحت واقفين مقابيل الضيف المفاجئ .....
-عليا: شو بدك .... شو جابك لهون طلال .......
-طلال: بتعرفي مين بالمستشفى ؟! .....
-عليا: مين ؟ ....
-طلال: ورد .......
-قيس: ما بتهمنا .... وحدة كذابة ......
-عليا(انتفض قلبا): شو اشبا ؟ .....
-طلال: وبتعرفي مين كمان ؟ ..... غدي ......
-قيس: غدييي ؟؟؟ ... شو اشبووو ... شوو صااير معووو .....
-نارين(مش مستوعبة): شوو .....
كانو نارين وقيس عم يركضو ناح الباب ... بس صرخت عليا .....
-عليا: استنووو .... ممنوع تروحو .... الله لا يردو ... انا قلتلكن تواصل معو ما بدي ... واحد ما بيسوا فرنكين .....
-طلال: اول مرة بشوف ام بتحكي هيك عن ابنا ......
-عليا: انت شو عم تخبص .....
-طلال: ولا مرة لمحتي الطوق اللي برقبتو ....... غدي بكون ريان ... ابنك اللي عم دوري عليه من شهور ........
الصدمة كانت واضحة ع وجوه الكل ..... مش
اعر اتخربطت ..... واحاسيس اجتمعت ..... وذكريات اتجسدت مقابيل كل شخص من الموجودين ... ذكريات بتجمعن مع غدي ......
-طلال: هوي فات عالقصر لينتقم منك ... لانك زتيتيه ع باب الميتم .... هيك مفكر ....
-فهد: انت من وين عم تجيب كل هالحكي ....
-طلال: من لما شفت ورد عندا بالمكتب وانا مشغل كل وسايطي لافهم كل شي .... واليوم فهمت كل شي .......
خبطت عليا عالارض خبطة وحدة ..... ما قدرت تتحمل فكرة انو الشخص اللي عم تحاول تإذيه ... يطلع ابنا .... يعني غدي وصل لمبتغاه .... من بعد ما وعيت وصحصحت .... بربع ساعة كانو الكل بالمستشفى ... والصمت مخيم عليهن .... الصدمة ما خلتلن كلام ولا عبارات ..... اتمنت عليا انو يكون وضعو منيح ... كيف فجأة مشاعر الكره تحولت لحب .... واخيرا ارتوى عندا الانتظار .....
-طلال: كيف الوضع دكتور .....
-الدكتور: آنا صار فيها تفل .... عم نعملا اوراق الخروج ..... وغدي نقلناه ع غرفة خاصة ... رح يضل الليلة عنا تحت المراقبة ... وبكرا بتخرجوه ......
-طلال: شو رقم غرفتو .....
-الدكتور: الطابق التاني ..... ٢٠١ .....
________________________________
-آنا: كيف وضعك غدي ... موجوع ؟ ...
-غدي: لا تمام ... ليه ساعدتيني ... من وين بتعرفي انو هداك ابي ..... من وين عرفتي اني ابنا لعليا ......
-آنا: قصة طويلة ..... المهم انك بخير ....
فاتو الكل عالغرفة ..... وبهاللحظة كل واحد منن كان شعورو مختلف .... قربت عليا منو .... والدموع معبية عيونا ...... رفعت ايدا ناح كتفو ... كانت عم ترجف ... بس ما استرجت تحطها ......
-عليا: ابني ......
بهاللحظة طبعت عين طلال(الغراب) ... على آنا .... اتذكر مشاهد تعذيبو الها ..... وطردن لهالافكار فورا ....... وحكا بقلبو هوي وعم يراقب آنا وغدي .....
-طلال(بقلبو): من ٢٨ سنة فتت على هداك الميتم ... وعبرت من قدام ابني ... اتخطيتو ... وكمان اخدت آنا ... وانا مش عارف شي ... معقول هالقد الصدفة جارحة .... ٢٨ سنة ضاعو هيك ......
نظرات الكل كانت عم تحكي شي مختلف .... راقب غدي امو ... والكل ...... وحكا من بين اسنانو .....
-غدي: الكل يطلع لبرااا ... فوراااا .... ما بدي حدا ......
-عليا: بس ......
انقطع الحديق لما فاتت لميا مستعجلة عم تصرخ .....
-لميا: ريااان ... انت منيح ... (انتبهت لحالا) .... قصدي غدي ...... كيفك عم يوجعك شي ....
قربت منو ومسكت ايدو ..... واطلعت ع ايدو التانية اللي كانت مجبرة ..... والكل متسائل مين هاي ....
-لميا: قللي ... بشو حاسس ... متت خوف .... بعرف انو الدنيا قاسية معك ... بس مش هالقد ....
هالعبارة غرزت بقلوب الكل متل السكين ........
-غدي: روقي ... انا منيح .... مانك سمعتي صوتي عالتلفون ... ما في داعي لكل هالخوف ..... نفذتي اللي طلبتو .....
-لميا: اي .... بكرا عال١١ ......
-طلال: شو في بكرا عال١١ .......
-غدي: بعتقد اني طلبت تتركوني لحالي ... طلعو من حياتي .... متل ما تركتوني وحيد من ٣٢ سنة بقرارة نفسكن ... انا هلأ قررت بقرارة نفسي اترككن .... طيارتي بكرا عال١١ ... تكت بلا رجعة ........
-عليا: ابني ... انا .....
-غدي: لا تقولي ابني ... انا ماني ابن حدا ......
-عليا: عطيني فرصة اشرح ........
-غدي: طلعييي لبرااااااا .....
-طلال: انا ما كنت بعرف بوجودك ..... سامحني .....
-غدي: انت بالذات اطلع لبرا .... يا ريت الارض انشقت وبلعتني ولا عرفت انو عندي هيك اب .....
الصدمة بانت ع وجوه الكل ... ولميا اطلعت فيه متسائلة كيف فاتها هالشي ... كيف لهلأ ما خبرها ... اطلع فيها غدي .....
-غدي: اليوم عرفت ....
ضهرو عليا وطلال ولحقن فهد ... ضهرو من الغرفة وجن ما بيتفسر ....... وانهارت عليا برا ..... صابا انهيار عصبي وركضو الممرضات واخدوها ..... اما جوات الغرفة .... قرب قيس من غدي ....
-قيس: يعني انت ... اخي ... من اول يوم جيت ... هاداك اليوم لما قلتلك لو كنت انت اخي شو كان حلو ... كان تمني صائب ....
-غدي: اي ... اخي .... ما توقعتا هالكلمة بهالجمالية الا لما عرفتك ... كنت حاقد عليك ... كان بدي إاذيك لانك عشت مع امي اللي تركتني ع باب ميتم .... بس لما شفتك ... اتغير كل شي ....
-قيس: انت فاهم غلط ... هني اخدوك من حضنا .... قالولا انك ميت ....
-غدي: ما بدي اسمع شي ....
-قيس: طيب ضل ... كرمالي انا .... كرمال اخوك ...... او هالقد انا ما بعنيك .......
-غدي: ..................
كانت آنا واقفة بعيد ... وعم تراقب وبس ...... قربت وحكت ......
-آنا: عندك مازن ... اخوك .....
-قيس: انتي اسكتي ما تتدخلي .....
عقد حواجبو غدي .... شو هالاسرار اللي ما عم تخلص ......
-غدي: لحظة لحظة .... مين مازن .....
_____________________________________
كانت مرتخية عليا عالتخت وعم تبكي بعد ما اعطوها مسكن ......... قرب طلال منها بعد ما طلب من فهد يتركن لحالن .......
-عليا: بعد عني ... كلو بسببك ... لو
اعترفت بحملي ما كنا وصلنا لهون ... كنا بنينا عيلة .... سوا ..... بس بشكر الله انو بعدك من طريقي ..... لك ابني بسببك اجا ينتقم وهلأ بدو يفل ......
-طلال: قصدك ولادنا .....
-عليا: شو عم تخبص ... اوعى تفكر ابني قيس متل ابنك ... لسا ابوه بضل ارحم منك ....
-طلال: لا مش قيس ...... عليا وين النص التاني من الطوق .....
-عليا: !!!! .....
-طلال: غدي حامل برقبتو طوق مكون من دائرة وحدة .... بتحمل اسم كريم .... التانية اللي بتحمل اسمك .... وينا .....
-عليا: بلا لف ودوران ... احكي .....
-طلال: غريب انو تكون بملف آنا ... بقصد ورد ..... ولما احملا ينجذبو ويلزقو ببعض ..... صح .....
-عليا: كيف يعني .... وضح ..... قلبي ما بقا يحمل .....
-طلال: تنيناتن بالمستشفى ... طلبت يسحبو منن دم ... غدي وآنا .... وانا اخدولي دم ... بدي اعمل تحاليل ..... وبعدا بجاوبك ....
-عليا: عقلي ما عم يستوعب ... بشو شاكك ....
-طلال: انن توأم ......
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
[٢/٣، ٩:٠٦ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴🔟❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖:
الجزء العاشر:
-عليا: شووووو ...... لك .... لك ........
-طلال: مانك متذكرة لما ولدتي ....
-عليا: ما كنت بوعيي .... (تبكي) .... ما كنت بوعيي ..... الله ينتقم منك يا امي .... الله لا يسامحك يا فهد .....
-طلال: امك من شو مصنوعة ....
-عليا: من نفس طينتك .....
________________________________________________
//////////////////قبل ٣٢ سنة ............
جبين الداية عرقان .... وام فهد واقفة ودقات قلبا عم تتجاوز الطبيعي .....
-الداية: طلعو ولدين ..... بنت وصبي ...... شو رح تعملي ....
-ام فهد: عليا هلأ غايبة عن الوعي ... رح نقلها ابنا مات واندفن ... وهالسر رح يندفن هون ....
-الداية: شو رح تعملي فيهن ....
قربت ام فهد من عليا وسحبت الطوق من رقبتها ... فصلت الدائرتين عن بعض ... وحطت تاني دائرة بسلسلة اخدتا من درج الخزانة ... حطتلن كل واحد منن سلسلة برقبتو ......
-ام فهد: خدي واحد منن ووقفي ورا بعيد ... ما بدي يبكي ....
اخدت الداية البنت ... وبعدت شوي ... حملت ام عليا الصبي ومشيت ناح الباب ... ومجرد ما فتحتو ركض فهد ...
-فهد: امي قليلي ... شو طلع ... ح كون خال لصبي او بنت ....
-ام فهد: مش مهم ... خدو على اقرب ميتم ... اذا عرف فيه ابوك او ابو هالطفل رح يقتلوه ... يربى بيتم افضل بكتير ....
-فهد: بس امي ....
-ام فهد(صرخت): بلااااا بسسس ... نفذ ... وحسك عينك اختك تعرف ....
راح فهد حامل الطفل .... ولمحو الشوفير حكمت من بعيد .... ودق تلفونو ....
-حكمت: الو ... امرك ... جايي ...
سكر الخط وراح عند ام فهد ...
-حكمت: امريني ستنا .....
-ام فهد: خود حط هالطفل بأقرب ميتم ....
-حكمت: بس ستنا ....
-ام فهد: هاي اوامر .... وبس تحطو بتنسى للأبد ... عم تفهم ......
-حكمت: امرك ....
فل ... وقربت الداية منها .....
-ام فهد: ما بدي ايا حدا غيرنا نحن التنين يعرف انن توأم ... شو فهمتي .... ما بدي تكبر الدائرة ... وخصوصي فهد ما لازم يعرف ... منكون بشي منصير بشي تاني .... عارف اختو حامل ... كنت مضطرة وكلو بمهمة تسليم ولد ....
-الداية: امرك ستنا .....
بعد ما انتهت هالاجواء ... راح حكمت عند الداية .... حاول معا كتير لخلاها تنطق ....
-حكمت: يا عمي لا تنكري ... شفتوو لفهد ماخد طفل ... يعني هني ٢ ....
-الداية: لا تخبر الست بترجاك .... هيي بدا ياه يكون سر فليكن ... نحن ما خصنا ....
-حكمت: تمام ... احكي ....
-الداية: عطت الصبي لفهد يحطو بميتم ... وعطتك البنت ... كانو ٢ ... ما بدا حدا يعرف انو توأم ....... ///////////////
____________________________________________________
-غدي: تعبت من هالعيلة ... تعبت من الكذب ... تعبت من الاسرار ... من كل شي ......
واخيرا قربت نارين ... وكإنو هلأ صار دورا .....
ضهرو قيس وآنا ولميا لبرا .....
-نارين: عالاقل ضل كرمالي ...
-غدي: بصفتك شو ؟ .....
تلبكت ... تماما متل تلبكو لما سألتو بصفتك شو رح افقدلك ...... او اشتقلك .....
-نارين: لنفس السبب ... اللي كرمالو فتت ع غرفتي وسألتني اذا فقدتلك .....
-غدي: ............
-نارين: طلعت ابن عمتي لكن .......
-غدي: اي بنت الخال .....
-نارين: اعطي فرصة لعمتي .... ابي هوي اللي حطك بالميتم .... قالولا انها ولدت ميت .....
-غدي: بتعرفي شو عشت بهال٣٢ سنة ؟!!! ... قليلي بتعرفي نارين ؟؟؟!!! .....
بهاللحظة وقفت عليا عالباب ... غمضت عيونا بقهر ... وكفتو دموعا ......
-نارين: ما الها علاقة ....
-غدي: مبلا الها ... لما حملت فيي بطريقة غير شرعية ليه ما راحت نزلت لما عارفة انها مش قد المسؤولية ..... لييه .... جاووبي ....
-نارين: .............
-غدي: لك انا ... لك ..... اناااا بعمر ال٨ سنين ...
بهاللحظة برات الغرفة اجا طلال كمان ووقف حد عليا عالباب ......
-غدي: اجا واحد عالميتم ... دفع قرشين واخدني بلا ولا معاملة ...... وسجلوني اني هربت بعد ما دفعلن لانو القانون ما رح يسمحلو يتبنى ولد ..... اخدني وسجلني ع اسمو ... فكر انو يكون عندي اب افضل من هالحياة .... عبا نقصو فيي .... دمرني ... بلا شي كنت عايش ٨ سنين وحدة .... ابتدت معاناتي معو .... شفت بهالعمر كل القرف ... النسوان والسكر ... الضرب ... كلو كان يصير بقصرو قدام عيوني .... وبتعرفي لما صار عمري ١٥ شو عمل .... قرر يخليني صير رجال ... جبلي مراا ... فوتا ع غرفتي ... جبرني نام معا .... مفكرني بهالشغلة بصير رجال .... هه ...... كان يضربني ويهينيي ... بس ع قولتو انو كان يحبني .... انو كان بدو ولد وما قدر يجيب ... فصرت انا ابنو .... انا ما بلشت عيش الا لما مات .... مات بأحضان بنت ليل .... وتركلي كل ثروتو ... كانو متل العلقم ... بس مع هيك لملمت حالي وقفت على رجليي ..... بس شو بدك يصير .... هوووب ... تنتقل الى رحمة الله المديرة ... وقبل ما تموت بتشوف المديرة الحالية وبتخبرها عني ... بتقلها انقذيه ... خبريه مين بكون ..
. خليه يسامحني .... خليه يسامحني بتقلها انا ما عرفت ح يعيش هيك حياة ... ع اساس انها مش عارفة انو اللي بيرشي بيعمل كل شي ...... قالتلا اني ابن عليا زهران .... قالتلا خليه يدور ع امو .... من وين عرفت فجأة ... من فهد اللي اجا سأل عني بعد كم سنة .... وما لقاني ... كل شي بين بالوقت اللي عم لملم حالي فيه .... لما دقتلي المديرة الحالية وصعقتني .... لحتى ارجع اتبعثر ودور ورا الانتقام ...... ما لقيت حدا حدي غير لميا ... وسفرتا بالغصب لبرا البلد كرمال ما تضعف وتروح تحكي كل شي ...... بس ما قدرت ... كان بدي حدا فضفضلو ... رجعت جبتا .... وعم عيش كل يوم اسوء من اللي قبلو .... اسوء بكتيييرررر .........
كان لاول مرة بيبكي بهالالم ... وقدام حدا ........ قربت نارين وحضنتو ....... شعور التنين كان مبعثر ......
اما برا ..... كانت عليا عم تنهار اكتر واكتر بين ايدين طلال ..... وتشهق بقوة كبيييرة ...... كانت عم تتألم ..... تماما متل ما ابنا عم يتألم .......
كانت آنا عم تراقبن ... من بعيد ... كيف عليا منهارة ... والغراب حاضنا .... تمنت لو بالفعل كان الها ام واب ... حتى لو اب متل الغراب .... المهم سند ..... إيد سحبتا لورا الحيط .... سندا عالحيط وحط ايدو ع تما لحتى ما تصرخ ....
-روقي انا مازن ....
شال ايدو عن تما ...
-آنا: شو عم تعمل هون ؟!! ....
-مازن: وين اختفيتي ... خفت تكوني ارجعتي انخطفتي ... قلبت الدني عليكي ......
-آنا: شو بدك مني ......
قرب منها اكتر لحتى سمعت انفاسو ......
-مازن: بس اعرف ... بجاوبك ...... اللي بعرفو انو بهديك الليلة ولد شي .....
-آنا: شي متل شو ....
-مازن: شي .......
__________________________________
-عليا: الله يلعني .... لك انشالله بياخدني بلا رجعة .....
لمحت آنا جاية من ورا الحيط ... وقفت فورا .... وهمس طلال ....
-طلال: اوعى تغلطي ..... انتبهي ... ما تأكدنا بعد .....
-عليا: انت من وين بتعرفا لحتى معك ملفها ....
-طلال: هيي من رجالي ....
-عليا: شوووو ....
دفشتوو بقوة .....
-عليا: لك بكرهككككككك ....
تركتو وراحت عند آنا ... غمرتها ........
-عليا: اسفة على كل شي ....
-آنا: انا اللي لازم اعتذر .... كذبت عليكي ... غلطت غلطة كبيرة ....
-عليا: بس عيشتيني شعور ما عشتو من قبل ... شعور ام لبنت .... كان حلو رغم كل شي .....
-آنا: وانتي عيشتيني شعور ما عشتو من قبل .... انو يكون عندي ام .... (دمعت) ... عكلن ... لازم فل ....
_________________________________
في اليوم التالي ......
-غدي: جهزتي غراضي .....
-لميا: فكر اكتر ......
-غدي: انا اخدت قراري خلص ......
-لميا: انت عم تترك ام واب واخ ... خال وحبيبة .... عم تترك عيلة لترجع للوحدة .....
-غدي: حبيبة ! .....
-لميا: نظراتكن لبعض واضحة ... ما فيكن تنكرو هالشي ......
-غدي: مجرد حكي .... مشي حال اوراق الخروج .... ؟
-لميا: طلال بيك خلص كل شي ......
طل طلال من الباب .... كان غدي عم يوقف ......
-طلال: خليك هون ... عالاقل كرمال امك ... مش كرمالي ......
-غدي: لازم المجتمع ينظف من اشكالكن ......
-طلال: انت هاد اللي بدك ياه .....
-غدي: هه .... صرت خاف قول شو بدي ... لانو دايما بصير العكس ......
-طلال: انا كل شي عملتو بحياتي هوي بسبب الوحدة .....
-غدي: حب المصاري .... زبط حكيك .....
-طلال: لو عارف انو عندي ولد ... كان كرست حياتي كرمالو ....
-غدي: كنت عارفها حامل ... واجبرتا تنزل الولد ....
-طلال: كنت ٢١ سنة ....
-غدي: مانو مبرر ......
طلع من الغرفة ولحقتو لميا .... ركبو بالسيارة متوجهين عالمطار .......
___________________________________
-عليا: طلال بترجاك ... لا تخليه يروح .....
-طلال: ما فيي اجبرو .... ما في غير حل واحد ....
-عليا: اللي هوي ..... ؟
-طلال: يعرف بتوأمو ......
-عليا: بس نحن لسا ما تأكدنا من شي ......
-طلال: انا شغلت وسايطي .... كل كادر المختبر ترك كل شي من ايدو وعم يشتغلو ع تحاليل ال DNA .... من مبارح لليوم ..... بعتقد خلال ساعة بتكون النتيجة عندي ......
-عليا: منلحقو !؟ ....
-طلال: ما تعتلي هم ... منلحق ......
_________________________________________
كانت نارين بعياداتها ..... عم تشتغل من غير نفس .... مشاعرها مخربطة وما عارفة شو عم تحس بالزبط ..... احساسا اتجاه هاني اتبخر فجأة وما عاد اهتمتلو ابدا ... ولا حتى فكرت فيه ....
في شي عاشتو مع شوفيرها الخاص ما عاشتو من قبل ... هوي بالنسبة الها ما كان حيلا شوفير بينصاع لأوامرها من دون اعتراض ... بالعكس كان صارم ويمشي كلمتو ... كان منقذ ومساعد ... كان اشيا كتير .....
فاتت السكرتيرة لعندا ....
-السكرتيرة: ما عاد في مواعيد لبعد ساعة دكتورة ....
-نارين: إلغيهن .... تعبانة وبدي فل عالبيت ....
-السكرتيرة: ماشي .......
_________________________________________
-ط
لال: لا تستني ... روحي انا بستنى النتيجة ....
-عليا: ماني متزحزحة من المستشفى لاعرف النتيجة ......
-الممرضة: استاذ طلال الدكتور طلب يشوفك .....
ركض طلال وركضت وراه عليا .... حسو ادي الطريق طويل لعند الدكتور ... حسو انو ما عم يوصلو ... شعورن كان غريب كتير ..... واخيرا وصلو .... وفتحو باب المكتب .... وركضو لعند الدكتور .....
-الدكتور: وصلتني النتيجة هلأ استاذ طلال .....
-عليا: نطفتلنا قلبنا ... احكي ....
-طلال: طمنا دكتور .....
-الدكتور: توقعك مزبوط استاذ طلال .... آنا وغدي ولادك .... توأم .....
بنفس التكة غابت عليا عن الوعي .... ومسكها طلال فورا ... ما سمحتلو ياخد وقتو بالشعور .... اخدوها فورا على الطوارئ .... وقعد طلال بالارض ..... غمض عيونو ..... واخد نفس طوييييل ......
-طلال: رغم كل الذنوب اللي عملتا ... رغم المعاصي اللي اقترفتا ..... رحمتك شملتني يا الله .... قرفت من حالي ... واستحيت اكتر ... انا مين لاخد كل هاللطف .... مين ......
دق تلفونو ......
-طلال: نعم منير .....
-منير: الشحنة ....
-طلال(قاطعو): ما بدي اعرف شي .... اعمل اللي بدك ياه .... انا اعتزلت هالشغل ....... (سكر الخط) ..... عندي ولاد ... ما عدت وحيد ... ما عدت ما احسب حساب شي .......
وقف لما وعيت عليا ونادتلو ....
-عليا: طلال ... دق لغدي ... دقلو يجي فورا .......
وقف طلال مش مستوعب ... كيف لهلأ ما دقلو ... كيف شعورو نساه .... اطلع عالساعة .... كانت ١١ الا ٥ دقايق ...... اتلبك ...... وحمل تلفونو فورا ....
-طلال: ما معي رقموو ... عطيني ياه .....
-عليا: دق من عندي ....
-طلال: ما رح يرد ..... ع رقمك ........ عطيني تلفونك انا بنقل الرقم .... ما معو رقمي .....
اخد طلال تلفونا .... صارو ايديه يرجفو ... خاف ما يلحق ....... حط رقم غدي ع تلفونو ... ودق فورا .... رنة ... ٢ .... ٣ ..... عالرابعة رد غدي .....
-غدي: الو مين معي .......
كان لسا دوبو هوي ولميا عم ياخدو مقاعدن بالطيارة ..... ولسا ما اقلعت ......
-طلال: لا تسافر ...... مش كرمالي ولا كرمال امك .... ولا حتى اخوك ..... كرمال توأمك ......
-غدي: شوو ؟؟؟؟؟ ......
-طلال: انت ما خلقت وحيد ..... انت جيت ع هالدنيا مع اخت ........
تنفسو صار مسموع ..... ولميا حدو خايفة من الاتصال ... عم تتسائل شو صاير ..... ابتدا مايكرفون الطيارة بالحكي ..... ركض غدي .... ولحقتو لمياا .....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`