5/6
[٢/٣، ٩:٠٦ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
الجزء الخامس:
-غدي: تمام ... موافق ... لما القصة فيها مصاري ....
كان لازم يبين لعدوو انو همو المصاري كرمال ما يتفاجأ من انو وافق بسرعة ... حب المصاري ما الو قواعد ولا قوانين .... ولا حتى كرامة .... كرمال هيك قرر غدي بهاللحظة يتجرد من كل شي .....
-ورد: كتير منيح .... رح احكي الغراب .....
-غدي: الغراب !! ....
-ورد: لقب الريس .....
-غدي: شو اسمو الحقيقي ؟ ....
-ورد: ما حدا بيعرف .......
______________________________________
-عليا: رجعة مازن كانت بالوقت الغلط .....
-فهد: لحد ما وصلتي انا اتحريت عنو ... امو توفت .... ورجع من السفر لياخد كل شي .....لياخد حقو وحق امو ....... اذا بيعرف باللي صار من ٢٥ سنة ....
-عليا(قاطعتو): ما رح يعرف ... الظاهر امو ما حكتلو شي قبل ما تموت ... فهالسر اندفن معا ..... وانا وانت ما خصنا .... نجيب زهران هوي ورا كل شي .... نحن ما النا علاقة ...
-فهد: بس نحن سكتنا .. واتسترنا ع كل شي .....
-عليا: امو اللي اتسترت ... مش نحن .....
-فهد: اذا حقق بكل شي يمكن يعرف .....
-عليا: ..........
-فهد: ليه سكتي ؟ ......
-عليا: ما بعرف اذا ضميري ح ينام ... بعد ما عرفت انو رجع لياخد حقو ... هاد حقو شإنا أم أبينا ....
-فهد: تراجعتي فورا !!! ......
-عليا: نحن لهاي اللحظة ضحايا متلنا متلو .... بس من هاللحظة لما عم نسكت صرنا نحن الظالمين ولحالو الضحية .......
_____________________________________
بعد مرور يومين .........
-نارين: الو .... اي هاني ..... كل شي عم يتعقد ..... غدي كابس ع نفسي ع اساس عن يحميني .... وقيس اتغير من لما عرف عندو اخت .... ابي وعمتي اسرارن ما بتخلص وبضلو يحكو بالمخفي .... انا عم موت ...... وهاي ورد مش معروف خيرا من شرا ..... انا عنجد تعبت ......
-هاني: روقي يا قلبي ... الوقت كفيل يحدد كل شي ....
سكر الخط هاني واتأفف .... كان قاعد عالتخت .... انمدت ايد بنت ع كتفو ..... وانسمع صوت انثوي ....
-شو حبيبي .... شو بدا .....
-هاني: لك لورا هاي نارين عم تخنقني .... مشاكلها وقصصها ما عم يخلصو ......
-لورا: رح تتحمل كرمال مستقبلنا ....
-هاني: بضلها بكي وهموم ونكد ... تعبت ....
-لورا: ع اساس كنت تحبها ....
-هاني: كنت غبي ... لك من لما رجعت من السفر صارت انسانة تانية .... والفارق اللي بيناتنا كبر الجفى بيناتنا ...... وبعدينا بسفرها تعرفت عليكي ... ونسيتيني نارين واللي خلفها .....
-لورا: حبيبي .... شو بحبك ..... اساسا هاللعبة طولت .... عزت نفسك اللي كنت عم تمثلها صار لازم تخففها لتسحب منا مصاري .... ونحقق احلامنا ... وبعدا نتزوج .....
-هاني: معك حق ... من بكرا ح بلش احكيلا عن ضائقتي المادية ... الا ما تعرض مساعدتا .... وهاي رح تكون البداية .....
-لورا: برافو عليك ........
________________________________________
-ورد: اتفضل هاي اول دفعة ..... من الريس .... لتبدا اللعبة بحماس ......
اخد غدي الظرف ... وحطو بجيبتو ......
-غدي: شو المطلوب .... ؟
-ورد: تاخد قيس لصفك ....وتعبي بقلبو ع امو لتكبر المشاكل بيناتن .....
نزلت ورد من سيارة غدي ..... بعد دقيقتين طلعت لميا .... عطاها غدي الظرف .....
-غدي: عطيه لشي ميتم او جمعية خيرية ...... خلي مصرياتها تنفع ناس .....
-لميا: عم تبلش تخسر شي من نفسك .....
-غدي: شو عم بخسر ؟!! ... هاا قليلي .... الي ٣٢ سنة عم بخسر ... هلأ ابتدا الربح ......
-لميا: ...........
-غدي: انا ماني انسان سيء ... الحياة هيي السيئة ... انا عم حاول انتقم مش اكتر ....
-لميا: الانتقام بالاخر بلف على صاحبو .....
-غدي: لميا انا ما جبتك من اخر الدني لتوقفي ضدي ... انتي اكتر وحدة بتعرفي معاناتي .... ف لازم تكوني بصفي ... مش بصف عدووي ....
-لميا: انا بس ما بدي ياك تتدمر ... مش اكتر .....
-غدي: كيف الوضع بالشركة ؟! ....
-لميا: تمام ... بس عم يسألو عنك ... وانا دائما جوابي واحد ... "استاذ ريان بسفرة طويلة حاليا" ...
-غدي: عال .....
___________________________________
مرق فترة قصيرة .... بهالفترة المشاكل كترت ..... فهد وعليا بحرب مع مازن .... وهاني ولورا لساتن عم يلعبو ع نارين اللي بلشت تسحب مصاري لتعطي هاني .... ورد وغدي فاتو بلعبة رح تدمر العيلة .... وقيس صار انسان تاني وما الو حدا غير غدي .... اللي صار اعز صاحب عندو ......
كان قيس بالبار عم يسكر لما فات غدي عليه وسحبو من ايدو ......
-غدي: امشي معي ... انت عم اتدمر حالك ......
-قيس: امي اللي دمرتني ... امي اللي بعدت عني ... واهتمت ببنتا الغير شرعية .... امي السبب ....
طلعو بالسيارة .... وسكر عليه غدي الباب ولف للناحية التانية ليسوق .... علقت دمعة بعين غدي ....
-غدي: انا ما بدي دمرك اخي .... امنا هيي المقصودة ... بس شكلا هيي المرتاحة ونحن اللي عم نتألم .....
طلع بالسيارة وبلش يسوق ..... وصل عال
قصر .... ولف لناحية قيس ... وطالعو من السيارة وصار يمشيه بهدوء ... دق الباب .... فتحت الخادمة ..... صار يحكي ويخبص بالحكي قيس ... وغدي يحاول يسكتو ....
-غدي: هششش .... قيس روق ... نحن بنص الليل .....
صار يصرخ قيس اكتر .....
-قيس: وييينك يا اميييي ... وينكككك يا اختي اللي مش شرعية .... وينك يا خااالي .....
نزلو فهد وورد وعليا عالصوت ... وركضت عليا لعند ابنا ..... مسكتو من ايدو وهيي مرعوبة ....
-عليا: ابني شو صايرلك ... شو عامل بحالك ....
نفض ايدو من ايد امو وأشر على ورد ....
-قيس: روحي امسكي ايد هديك .... طالعني غدي ... طالعني ...
طالعو غدي عالغرفة .... نيمو عالتخت .... شلحو صباطو .... غطاه وقبل ما يبرم مسكلو ايدو قيس ...
-قيس: يا ريتك لو انت هوي اخي .......
وكإنو سكين انغرزت بقلب غدي ...... قعد حد راسو ......
-غدي: انا اخوك ......
-قيس: هه .... صح ... اخي ....
مسح غدي دمعتو .... ووقف فورا ..... مجرد ما برم كانت عليا واقفة ...... سحبتو من ايدو لبرا وسكرت الباب ......
-عليا: اسمع يا شب ... اول ما وصلت كان مبين عليك شب محترم وآدمي .... بس حاليا انت عم تخربط كل شي .... انتبه لتصرفاتك مع ابني وقربك منو ..... ونظراتك لبنتي ورد انا عم شوفا .... انتبه لموقعك وموقعا كتير منيح .... وبنت اخي اللي عم أمنك عليها ما عم بستفيد شي ... لساتا عم تلتقي بعديم الشرف هداك ....
نفض ايدو من ايدا وقرب وجو منا .... وعيونو كانت مليانا سم ..... وهيي اتخربطت .... دقق بعيونا وحكا من بين اسنانو .....
-غدي: اول شي لو ما لميت ابنك اللي بسببك صار داشر بالبارات ... كان مدري شو صرلو بين الناس الوسخة .... تاني شي بنتك ورد من الاساس ماني شايفا لحتى يكون في نظرات ... تالت شي والاهم ... انو لو ما انا شايف بعيني انو هاني عديم الشرف ما كان سمحتلك تفكري بطبقية وتبعدي هالبنت عنو ..... بس انا بهمني مصلحة نارين وبالوقت المناسب رح خليها تشوف اللي شايفو ... ورح اكشفلا كل الحقايق ....... انا بعرف الشخص مين بكون من عيونو .... متل ما تماما هلأ عم بقرا شو في بعيونك ست عليا ........
طبعت كف ع خدو من كل عزما .....
-عليا: انتبه لحكيك معي كتير منيح .... وانت مطرود من الشغل .....
-غدي: بأمرك انا ... بحقللك تطرديني من شغلي ... بس من حياة قيس ونارين صعبة .... لاني صرت جزء منن .....
-عليا: كلك شقفة شوفير بدقيقتين بينسوك .......
-غدي: تمام ... منشوف .... وبكرا بتعرفي مين بكون هالشوفير ..... يا .... خانم ......
-عليا: انقلع لبرا ... عم تهدد وتتوعد بنص بيتي ......
-غدي: قصدك بيت مازن نجيب زهران ......... (رفع حاجبو) ... ولا شو ......
دقات قلبا تجاوزت الطبيعي .... وقبل ما ترجع لوعيا كان غدي تارك المكان ....... بعد ثواني مسكت تلفونا .... ودقت لفهد .....
-فهد: قليلي اختي ......
-عليا: الشوفير اللي عنا .... غدي ... جبلي قرارو من تحت سااابع ارض .... بدي دمرو ...... بدي انهيه ... مين مفكر حالو ليوقف قدامي ويهدد ويتوعد ....... لك هاد من وين بيعرف الشاردة والواردة بكل شي ......
-فهد: شو صاير ؟! ....
-عليا: لك هاد بيعرف كل شي ... عم يهدد ويتوعد ... شفلي شو صلتو بمازن ......
-فهد: انتي شو عم تحكي .... من وين بيعرف .......
-عليا: ما بعرف ... ما بعرف .... رح هستر .......
____________________________________
في اليوم التالي ..........
اندق الباب ع غرفة ورد .....
-ورد: اتفضل ........
فتح قيس الباب وفات ...... عقدت حواجبا ورد .... ووقفت .... قرب منها قيس ....
-ورد: شو بدك ! .....
-قيس: شو بدك منناا ... احكي .....
-ورد: ثروتكن واملاككن ... هيك ناطر تسمع ؟! ....
-قيس: بعطيكي اللي بدك ياه بس فللي من هون ... خلينا نرجع لحياتنا الطبيعية ......
قربت خطوات اكتر من قيس ...
-ورد: بتقدر تعطيني حنان الام اللي فقدتو .....
-قيس: بشك انو بس هاد اللي بدك ياه .......
-ورد: ليك انت بلشت توجعلي راسي ..... تركني بحالي ......
-قيس: بأحلامك .......
تركها وطلع من الغرفة .... مسك تلفونو ..... ودق لغدي .....
-قيس: وينك ؟ ....
-غدي: ببيتي .....
-قيس: ليه ؟ ...
-غدي: امك طردتني من الشغل ....
-قيس: نعممم ... ليه ؟ ....
-غدي: قصة طويلة ....
-قيس: بعتلي عنوانك ... انا جاي ....
سكر الخط وبعتلو غدي عنوان بيتو البسيط اللي بحي شعبي ...... رجع دق تلفونو ......
-غدي: نعم ....
-ريس الشب والبنت بالشقة .....
-غدي: تمام ... خليك هونيك لاوصل .... (رجع دق لقيس) ...... ليك قيس انا جد عليي مشوار صغير ... راجع بسرعة ... لما توصل بتلاقي المفتاح تحت الزريعة ... فوت ... ما بطول عليك ....
-قيس: تمام .... عندي مشوار صغير .... وبرجع بجي لعندك .....
-غدي: تمام .....
ضهر غدي من البيت بسرعة قياسية .... ووصل على عيادة نارين ..... فات وبدون اذن اتخطى المرضى .... وفات ع غرفتها ...
-نارين:
انت شو مفكر حالك عم تعمل ....
-غدي: لازم نحط النقط عالحروف ..... امشي معي .....
مسكا من ايدا غصب عنها وضهر من الغرفة ....
-غدي: انلغت كل المواعيد ......
-نارين: رح تدفع تمن اللي عم تعملو غدي ......
ركبها بالسيارة وساق لوصل عالشقة .... مسكها من ايدها ونزلها من السيارة .... طلع لفوق هوي وياها ... وهيي عم تحكي وتسب وهوي ما عم يرد .... وصل على باب الشقة ... دق اتصال ....
-غدي: بعدن جوا ؟ ... تمام ... فيك تفل .......
اشرلها تسكت ... وما تطالع ولا صوت ..... رفع اجرو وبخبطة وحدة انفتح باب الشقة .... جرها وراه وفتح باب غرفة رجع سكر ... هيك لوصل على غرفة النوم ..... وزتها مقابيل التخت من كل عزمو ..... اللي كان هاني ولورا عليه مستنفرين عالصوت اللي طلع ......... بلعت نارين بريقها ...... واتجمعو الدموع بعيونا ........ قرب غدي من اذنها .... وهمس ....
-غدي: اوعى تضعفي ......
-هاني: نارين انا ....
ضهرت نارين فورا ولحقها غدي ...... نزلو لتحت ...... وهون نارين فقدت اعصابها وتوازنها ........ مسكها غدي ..... دقق بملامحها بين إيديه ..... طالعها بالسيارة فورا لما شاف هاني راكض بالشورت وعم يصرخلا .................
-هاني: نارين اسمعيني شوي .... بترجاكي ......
ركب غدي فورا وساق ..... وصل على شط البحر وصف السيارة ... كانت نارين عم تسترجع وعيا .... نزلت من السيارة وركضت ناح البحر ... صرخت صرخة من الصميم وهيي مانا مستوعبة .... قرب غدي وغمرها .... وهيي تشهق بحضنو وتوقع عالارض شوي شوي وهوي يهديها ......
-غدي: روقي ... روقي نارين .....
بعد دقايق كانت شبه متحسنة ... وقاعدة عالارض وغدي حدها .....
-نارين: الصبح لما وعيت وما لقيتك .... وقالتلي عمتي انو تركت الشغل فرحت ... لانو القيود راحت ... ما عرفت انو انت مصر تعذبني وتإذيني .....
-غظي: انا اللي عم بإذيكي نارين ... او هاداك اللي ما عم يترك فرصة ت يخونك .....
-نارين(بصراخ): لك شو بدك مني فهمني .... شووو بدددك .... بتستلذ بعذابي ليييه ؟؟؟؟ .... ليه حطيتني مقابيلو لتفرجيني ادي انا غبية وهبلة ورخييصة ........
-غدي: لا لا مش هيك ..... كان بدي تشوفي الحقيقة ......
-نارين: كان بدك تشوفني منهارة ....... شووو بدككك منيي شووو ..... ليه هالقد بتكرهني .....
-غدي: نارين انا عم بحميكي ....... انا ابدا ما بكرهك .... بالعكس انا .......... (سكت) ......
-نارين: شو بهمككك فيي ..... شو انا عندك لحتى يهمك تحميني .......
وقفت ودارت ضهرا لتمشي .......
-نارين: اوووعى ... اوعى تلحقني ........ ولا بقا بدي شوف صورة وجك ......
مشيت وصار يراقبها كيف عم تبعد .... كان مقهور ع وضعا ... وبنفس الوقت مبسوط انها تركتو لهاني واخيرا .... دق تلفونو .....
-غدي: يلا قيس عالطريق صرت واصل .......
________________________________________
بالشركة .........
-فهد: هالشب ما عم لاقي شي عنو ... وكإنو مانو بهالدنيا .....
-عليا: بدي اعرف بس جلال بشو بلانا .......
-فهد: قلتلو يجي ... ما بقا الا يوصل ....
اندق باب المكتب وفات جلال ....
-جلال: امرني فهد بيك .....
-فهد: من وين بتعرف غدي ... وليه طلبت توظيفو عنا .....
-جلال: ما يكون سودلي وجي يا بيك ......
-عليا: احكي بلا كترة لعي .....
-جلال: شب تعرفت عليه من كم شهر ... كان بالطريق وحالتو حالة .... كان فاقد بيو جديد .... وانا تعاطفت معو بعد كم موقف اثبت فيهن رجولتو ....
-عليا: حلو بليتنا بواحد ما بتعرفو الا من كم شهر .....
-فهد: انت بتعرف انو هاد فات عالعيلة وفي براسو شي .... صلي ... صلي يا جلال انو ما يصير شي ... كرمال ما تصفى انت وعيلتك برا القصر .......
بلع جلال بريقو وظهر من المكتب .... دق لغدي .... بس ما رد ......
________________________________________
-غدي: هيدا اللي صار ....
-قيس: والله ما عاد فهمتا لامي .... هلأ لانك عم تطالعني من الزبالة ... قلعتك ..... !!
-غدي: ولا انا فاهم شي ..... خلص شيلك من هالموضوع ... انت قللي شو بدك ....
-قيس: ورد .... بدي اعرف لشو عم تخطط ... بدي نتساعد سوا .....
-غدي: شاكك ما تكوت اختك ؟! ....
-قيس: ولا يوم حسيتا اختي ... بعيونا في شي غريب ....
-غدي: ولا يهمك شريك ... موضوعا عندي ....
ربت قيس ع كتف غدي .....
-قيس: انت ما في منك غدي ....... انت اخي اللي ما ولدتو امي ......
ابتسم غدي ...... ووقف .....
-غدي: شو بتحب تشرب ......
_______________________________________
كانت واقفة نارين ع شط البحر .... رجعت بعد ما فل غدي ..... كانت عم تسترجع كل ذكرياتا مع هاني ...... والدموع بعيونا .... مسحتن فجأة وحاولت انها تطالع حالا من هالحالة ....
-نارين: بكفي خلص ... ما بيستاهل ولا دمعة .... واحد خاين ...... الله لا يسامحك يا هاني ... سنين عمري ضاعو كرمالك .... وانت ما بتستاهل .........
________________________________
_____
المسا .........
-غدي: الو ... بدي احكيكي بموضوع ضروري ....
-ورد: عم بسمعك .....
-غدي: قيس رح يبلش يبحبش وراكي ... انتبهي .....
-ورد: مش مهم ... ما رح يلاقي شي .... انت ليه تركت الشغل ....
-غدي: امك قلعتني ... قال نظراتي الك ما عم تعجبها .....
-ورد: هههههااي ... والله انها بضحك هالعليا .... ع كلن معا حق ... انت عطول بتزور وبتتوعد بنظراتك ....
-غدي: بدي اعرف هالنظرات كيف شافتن شي تاني ...
-ورد: هيي انا ما قدرت تعرف اني مش بنتا .... كيف بدا تعرف شو مضمون نظراتك .... على كل حال ... في الك شغلة ... اذا اشتغلتا ح طالعلك كتير ....
-غدي: شو هيي ....؟
-ورد: تعا بكرا الصبح عالعنوان اللي ح ابعتلك ياه ... ح يكون منير هونيك ... هوي ح يفهمك ... ما تسودلي وجي معو ......
-غدي: تمام ......
سكر الخط ... والتفت على لميا حدو ....
-لميا: دخولك على حياة بيت زهران كان واضح ..... بس دخولك على هالمافيا شو ؟! ....
-غدي: الغراب .... بدي اوصلو ... هيدا شبكة ... عم يإذي الناس ... وانا بدي ورطو ت خلص العالم من واحد وسخ متلو .....
-لميا: ما تلعب بالنار .....
-غدي: ما عندي شي اخسرو .....
-لميا: مبلا في اخوك ... وفي امك اللي الها مشاعر جواتك انت عم تنكرا .... وفي نارين ... ما تفكرني مش ملاحظة اهتمامك فيها .....
-غدي: اهتمام غبي ... انا ما بدي اتعلق بشي بهالعيلة ....
-لميا: بس دمك متعلق هونيك ... وهالشي ما بيتغير ....
-غدي: لك نفسي مرة وحدة تكوني بصفي وما تسمعيني هالحكي ......
-لميا: عم بحكي منطق ..... ليش ولا مرة فكرت تعرف مين ابوك ؟ ....
-غدي: لانو ما بهمني اعرف ... هوي نزوة عملها وفل .... بس هيي حملت فيي ٩ اشهر وزتتني ع باب الميتم ......
-لميا: لازم تعرف مين بكون .......
-غدي: انا صار لازم قوم .... بشوفك ........ اه صحيح ... ما تنسي تبعتي الظرف لعليا ....
-لميا: بعتو .... بكون وصل .....
-غدي: تمام ......
____________________________________
فاتت الخادمة ع صالون القصر وفي بإيدا ظرف ..... عطتو لعليا ....
-الخادمة: وصلك هاد الظرف يا خانم ......
-عليا: من مين ...؟
-الخادمة: ما بعرف .... لقيتو قدام الباب .....
راحت الخادمة وفتحت عليا الظرف اللي مكتوب عليه بالخط العريض " عليا زهران " ........ عقدت حواجبها لما قرت العبارة المكتوبة ...... ورددتا بصوت هادي .....
-عليا: نصف ساعة خربطت حياتك عليا زهران .......
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
[٢/٣، ٩:٠٦ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
الجزء السادس:
حملت تلفونها فورا ... ودقت للمحقق اللي كان معا خطوة بخطوة لحد ما لقت بنتا ورد .......
-عليا: فيك تجي لعندي ضروري ... ؟ ... تمام ... ماشي ... ناطرتك .....
بعد نص ساعة كان المحقق عندا وحامل الورقة بإيدو ....
-عليا: بدي اعرف مين بعتا ......
-المحقق: شفتي الكاميرات .... ؟ ...
-عليا: شفتن ... ما مبين شي .....
-المحقق: يعني هاد شخص بيعرف كل زوايا المكان ...... او خبير ......
-عليا: رح جن ... رح جن حضرة المحقق ........
-المحقق: انتي لازم تلاقي الشب اللي وصل قبل ورد بنص ساعة ... هالشي ضروري ....
-عليا: بس التحاليل كانت ايجابية .... وانا كتير تعلقت بورد ......
-المحقق: انسي التحاليل ... نحن عم ندور عالحقيقة .......
-عليا: مين بدو يكون عم يلعب معي هيك لعبة ...... !!
-المحقق: يمكن يكون الولد اللي اتسلم قبل نص ساعة من ورد .......
-عليا: رح جن .......
_____________________________________
في اليوم التالي .......
-ورد: الو ... غدي ... شو رحت عالعنوان ؟ ....
-غدي: عالطريق ....
-ورد: تمام .....
-غدي: ورد ....
-ورد: قللي ......
-غدي: في شغلة فايتتك ... لانو همك الثروة ... ما انتبهتي تسألي شي .....
-ورد: شو هوي .....
-غدي: مين ابوكي .....
-ورد: ...........
-غدي: مبين سكتي ....
-ورد: شردت ....... بس معك حق ... هلأ امي ضهرت من القصر ... رح الحقا عالشركة ... ما لازم تحس بشي غلط ... رح برر ليه لهلأ ما سألت ......
-غدي: تمام ....
سكر الخط ... بهالحركة ضرب عصفورين بحجر واحد ..... الاول انو يحسس ورد انو حدها وعم يدعما .... والتاني انو يعرف مين ابوه بدون عناء ... بالاحرى ما بدو يعترف انو هامو هالشي ..... كإنو اذا ورد عرفت وخبرتو رح تكون الصدمة اخف ...
________________________________
وصلت عليا عالشركة وطلعت على مكتبها ...... عقدت حواجبها لما شافت شب جسيم مطقم قدام باب المكتب .... مبين متل الحارس الشخصي ..... اطلعت بسكرتيرتها اللي وقفت لتبرر فورا ....
-السكرتيرة: في زلمة كبير عندك بالمكتب ....
-عليا: كيف بتفوتيه بلا اذني ؟! ....
-السكرتيرة: يا خانم ما استأذن ... وع خصرو هوي وهالشب سلاح ....
-عليا: شوو ؟؟ .....
فاتت عليا فورا ع مكتبها ... لما فاتت اطمن الحارس وطلب من السكرتيرة دلو عالحمام ......
لما فاتت لقت ع كرسي مكتبها اللي مبروم زلمة مبينة بس شيبتو .... برم كرسيه ... وانصدمت عليا ...... وحكت بصوت شبه مسموع ........
-عليا: طلال !!!!!!!!!!!!!!!!!!! ......
-طلال: هالسنين ما عم تزيدك الا جمال يا عليا ......
-عليا: شو بدك مني ؟!!!! شو رجعك على حياتي .......
-طلال: اشتقتلك .......
-عليا: اطلع لبراا لو سمحت ......
-طلال: انا ما عاد قدرت جيب ولاد .... الله عاقبني لما اجبرتك تنزلي اللي ببطنك .... ولما هددتك لو خلق اقتلو .... عملت حادث طلعت منو عقيم ..... الله عاقبني يا عليا .....
-عليا: جيت لتقللي هالحكي ؟! ... وانا شو بفيدني ... عمرك ما ترجع ... انقلع لبرا ..... لك الحمدلله اللي رديت عليك ورحت نزلت الولد .... والا ابدا ما ح يكون مبسوط بهيك اب .... وكل عمري ما رح اقدر احميه منك ومن ظلمك وجبروتك .... لساتك متل ما انت ... وبعتقد اسوء .... بتجمع مصاري بالحرام والمخدرات والاسلحة ......
-طلال: انا علنا يا حب ... بينما انتي ....
سكت ووقف .....
-عليا: انا شو ؟! .....
-طلال: مازن عم يبحبش وراكي ... وصل لعندي ومصر يعرف انت مين ومن وين اجت ثروتك .... جيت بعد كل هالسنين لنبهك عليا خانم ..... وكإنها حجة ت شوفك .....
-عليا: شووو .......
انفتح الباب عليهن فجأة ..... وطلت ورد وهيي عم تحكي .....
-ورد: امي ......
سكتت مجرد ما لمحت طلال ...... وانصدمو التنين سوا ...... قلب ورد صار بين اجريها ..... وعلامات الاستفهام حاوطت طلال ... اما عليا صرخت .....
-عليا: طلعي لبرا وررد .... فورراااااااا ........
تمنت لو تقدر ترجع الزمن وتلغي هاللحظة عشان طلال ما يكون شاف ورد .... طلعت ورد لبرا وسكرت الباب فورا وهمست .....
-ورد: الغراب !!!!!!!!!! .................
اجا الحارس الشخصي من الحمام وشافا واقفة ناح الباب ... اطلعت فيه وركضت لعندو ....
-ورد: معتز !! ... شو عم تعملو هون .....
-معتز: انتي اللي شو عم تعملي هون ........
بالمكتب ....
-طلال: مين هاي ... ؟
-عليا: ما دخلك (مسكت تلفون المكتب) ... خلي الامن يطلعو ع مكتبي فورا .......
-طلال: بدك تشحطيني من هون ! ... فوق ما عم ساعدك ....
-عليا: بدي اشحطك من كل حياتي ..... اطلع احسن ما يشرشحوك الامن ......
فتح الباب وضهر .... عدلت وقفتها ورد ... وقرب منها طلال .... وهمسلا فورا بلا ما حدا ينتبه .....
-طلال: معك نص ساعة آنا لتكوني عندي ... نص ساااعة .... (رفع صوتو) ... الحقني معتز ......
وقفت عليا عالباب وهيي عم تشوفو عم يروح ... اطلعت على مكتب السكرتيرة الفا
ضي واتوعدتلا بعقاب ما صار ليه تركت مكتبها وفاتت ورد لعندا .........
-ورد: امي مين هاد ؟! ....
-عليا: ما حدا مهم ..... اول مرة بتجي لهون ... شو كان بدك مني .....
-ورد: ولا شي ... مش مهم ... بعدين بحكيلك ... لازم روح .....
-عليا: لوين .... ورد عم بحكيكي ... ارجعي لهون .......
نزلت ورد وركبت سيارتها .... مسكت تلفونها ودقت لمنير .....
-ورد: منيير مصييبة ... انت مانك قايل للغراب وين عم بشتغل .....
-منير: شو صاير ؟؟؟
-ورد: كان عند امي ... بقصد عليا زهران ... بالمكتب ....
-منير: شووو ؟ .... بلكي شاف الملف وقرر يشوف بنفسو الشغل ....
-ورد: من ايمتا الريس بشوف بنفسو اشغال تافهة متل هاي .... بعدينا انصدم بس شافني .... وامرني اجي فورا لعندو ....
-منير: انا وغدي هون ... ناطرينو .... حكينا بكل شي ووافق ....
-ورد: تمام بس اجي منحكي ... اكيد حاطو بالغرفة الخاصة كرمال ما يشوف حدا ....
-منير: اكيد ... وبس دقيتي ضهرت ....
ورد: يلا شوي وبوصل .......
____________________________________
صف معتز السيارة مقابيل مكان الغراب ..... ونزل طلال من السيارة وتوجه ع غرفتو فورا وشرارة الغضب عم تطلع من عيونو .... ومعتز وراه .....
-طلال: ناديلي منير فوراااا .....
-معتز: امرك يا ريس ....
وقف معتز بأرضو ... وهوي اول مرة بشوف الغراب هالقد معصب ..... اجا علي ....
-علي: شو صاير معو ....
-معتز: ما بعرف نادي لمنير .....
ثواني ومنير وورد وصلو سوا ..... وقفو قدام باب غرفة الغراب وقلبن عم يدق ..... وعلي ومعتز سوا ناطرين يعرفو شو صاير ......
-ورد: شو هاد اللي بإيدك .....
-منير: ملفك ... اكيد ح يسأل عن كل شي ... قلت بجهزو بلا ما يعصب ....
-ورد: يلا نفوت .......
فاتو وسكرو الباب وراهن .....
-الغراب: آنا شو كنتي عم تعملي بشركة عليا زهران .... وشو قصة منادتك لالها امي ......
-آنّا(بتأتأة): ريس نحن سألناك قبل ما نفوت بهالمهمة .....
عقد حواجبو الغراب ... واتذكر الحديث اللي دار بينو وبين منير ... ما رسخ براسو لانو عندو امور كتير اهم ......
-منير: ريس انا كان بدي اعطيك تفاصيل بس انت قلتلي مانك فاضي وبتوثق فيي ....... وهيدا الملف كامل .......
اخدو الغراب ودقق فيه .... طالع منو سيدي واشر لمنير يحطو باللابتوب ..... حطو منير ... ثواني واشتغل ...... كانت عليا بالفيديو .........
-عليا: أنا عندي موضوع حساس شوي ... يا ريت اللي عندو أي معلومة يفيدني فيها ... في بنت وشب اتسلمو لميتم الفقدان من ٣٢ سنة بتاريخ ٣ من شهر أيلول ...... كان مع الطفل سلسلة فضية ... دائرة بتحمل اسم عليا ... او كريم اسم ابي ......... يا ريت اللي بيعرفن يجي عالعنوان المكتوب أسفل الشاشة ... او يدق عالارقام الموجودة .....
كان الغراب عم يسمعا وهوي عم يتسائل كيف ما شاف هالمقطع عالتلفزيون من قبل ..... ابتسامة لا ارادية انرسمت ع وجو ..... وبقلبو حكا ......
-الغراب(بقلبو): ميتم الفقدان !!!!!!!!!!!! من ٣٢ سنة ... يعني ما نزلت الولد ..... كرمال هيك اتلبكت لما فاتت آنا ... توقعت افهم انو هاي بنتي ..... مانا عارفة انها مش بنتا ......
طلع من افكارو لما خلص الفيديو ... وقف بعصبية وصار يصرخ ويلوم منير وآنا .....
-الغراب: انتوو رح تندمووو عاللي عملتوه فهمتوووو ..... من يوم ورااايح ولا شييي بينعمل بلا ما يمرق من تحت ايدييي ....... عم تفهمووووووو .......
-منير: يا ريس نحن بشو غلطنا ......
-الغراب: لك هاي عليااا .... عليا زهراان .... آنا من هاللحظة بتنهي هالمهزلة .......
-آنا: بس يا ريس وصلنا لآخر الطريق .....
-الغراب: من ايمتا بسمح لحدا يعطي رأيو ... انا قلت بتنتهي يعني بتنتهي ....... انتو غلطتو غلطة عمركن .... عليا عم تدور ع بنتا ... وانتي حطيتي حالك مكانها .... بتعرفي شو معناتوو هاااد .... انتي غلطتي آنا ....
-آنا: ما بعرف ع شو معصب يا ريس ... بس ما بعتقد انو نحن ما غلطنا بشي ....
لكشها منير وهمس ......
-منير: اسكتي .....
قرب الغراب من آنا ومسكا من رقبتها ..... وحط عيونو بعيونا ......
-الغراب(بعصبية): انا ما لميتك انتي وياهن من الزبالة لحتى توقفي قدامي وتجاوبني بهالطريقة ......
نفضت حالا آنا من ايدو ..... وصرخت .......
-آنا: كل عمرك مستبعدنا ... وكل عمرنا منذلين لانك لميتنا من الزبالة ... اللي اساسا ما منتذكرها .... انا حاليا رح ضل بنت عليا زهران لاوصل لهدفي .....
مسكا الغراب من قميصا .... وزتها بقوة ناح الحيط .....
-الغراب: لك بنتاااا يعني بنتييييييي ..... يا غبيةةةةة .... نفذي اللي عم قولو والا اترحمي على روحك ......
الصدمة بانت على وج منير وآنا .... تمتمت آنا ....
-آنا: امرك ......
راحو ناح الباب ... وقلن الغراب يوقفو .... غلط كيف قلن هالحقيقية اللي طلعت من تمو لا اراديا .....
-الغراب: لا علي ولا معتز ولا اي مخلوق ح يعرف باللي حكيناه ... والا رح انسى كل شي ... ودمركن
.......
-منير: امرك يا ريس ....... بس في شغلة ... الشب اللي امرتني جيبو كرمال شحنة المخدرات الجديدة ... بانتظارك بالغرفة الخاصة وقت بدك ..... انت امرت يكون شب جديد موثوق ......
-الغراب: تركوني نص ساعة لحالي .... وبعدا جيبو لعندي ........
طلعو لبرا .... ورجعو طلعو برات المبنى وقعدو عالدرج وكل واحد سارح باللي سمعو ....
-آنا: هه ... لو انا بنتا لعليا كان رح يكون الغراب ابي .... هههه ... شي بضحك ما هيك ....
-منير: اسكتي آنا ما عم بستوعب شي .... شو هالصدفة .......
اجو معتز وعلي من ورا ......
-علي: شو كان بدو ؟ ....
-منير: ما شي مهم .... تعو اقعدو ......
-معتز: اووه ... اشتقنا لهديك الايام ... اربعتنا سوا ....
-علي: اي والله ... فصلك الريس عننا ... حطك معو وحطنا بمكان تاني .......
-معتز: هول آنا ومنير فايتين بغيبوبة شكلن ....
-علي: شو صاير معكن .........
___________________________________
كان الغراب قاعد ع مكتبو صافن ........ افكار تاخدو وتجيبو ....
-الغراب: يعني طلعت اب !! ... يعني عندي بنت او صبي ..... شب او صبية ..... اول مرة بتخالفي قراراتي يا عليا وما بعصب منك ... عملتي زينة العقل .... بس شو اللي صاير لحتى دورتي هلأ ... لطالما ولدتي ..... في اسئلة كتير براسي بدي اخد جوابن ..... وبعدا ح دور على طفلنا .......
عقد حواجبو لما اتذكر كلمتها بالفيديو (ميتم الفقدان) ........ واخدتو الذكريات لقبل ٢٧ سنة ......
//// كان واقف الغراب بخرابة ... وعم يوزع مصاري على خمس شباب ....... وفي ٤ ولاد قاعدين عم يبكو عالارض .....
-طلال: برافو .... مرق كل شي بنجاح .... خدو مصرياتكن ... ومن هاللحظة انسوني وانسو ميتم اسمو الفقدان ....
-واحد من الشباب: بس ليش هول الاربع ولاد بذات يا ريس ....
-طلال: انت ما دخلك .... يلا فلو .....
فلو الشباب ... سكر طلال وراهن ... ونزل على مستوى الولاد الاربعة ....... اللي اعمارن ... ٥ .. ٦ .... وتنين منن بعمر ال٧ سنين ...... وجاوب حالو ع سؤال الشب ....
-طلال: لانو بعيونن في اعصار .... لانو بدي ربيهن وروضن لنصير شبكة ....
بهداك الوقت كان طلال عامل دراسة عالميتم ... واكتر ٤ ولاد كانو مشاكسين ومشكلجية قرر يخلص الميتم منن وياخدن لصفو .... رباهن بكل ارادة وقوة ... روضن ونساهن وين كانو ... حتى اسمن الاساسي نسيوه ..... وسماهن ... آنا ... علي ... معتز ... ومنير .... وكل واحد حسب شجاعتو وقوتو عملو منصبو الخاص ... لحد ما انشأ شبكة ... هوي ورا الكواليس ... وهالاربعة واجهتو ..... لحد ما اشترا شباب لا تعد ولا تحصى يشتغلو تحت ايدين هالاربعة .......... //////
طلع الغراب من ذكرياتو .......
-الغراب: شو هالصدفة ......
انتفض من مكانو وطلع لعند الاربعة .... وقف مقابيلن وهني مصدومين انو لاول مرة الريس هوي اللي بيجي لعندن ....
-الغراب: انتو ادي اعماركن .....
-آنا: ٣٢ ... هيك بتذكر كاتب حضرتك بملفي .....
-علي: ٣٣ يا ريس ....
-معتز ومنير: ٣٤ .....
-الغراب: منير بعتلي الشب اللي قلت عنو .... وآنا معك بس نص ساعة تنفذي اللي طلبتو ... نص ساعة ودقيقة بنهيكي .....
فات ع مكتبو ...... اتكررت براسو كلمة آنا ...... "هيك بتذكر كاتب حضرتك بملفي " .....
-الغراب: الملفات .....
قبل ما يفكر اكتر اندق الباب .... طفا الغراب الضو اللي موجه عليه ..... وفات غدي ............ كان مطقم ... الو هيبة .... ورافع راسو بدون ما ينحني قدام شخصية قوية ......... الشبه كان واضح بيناتن ..... التنين عندن نفس الحقد بعيونن ... التنين نفس الهيبة .... التنين نفس الاصرار ..... اشيا كتير كانت مشتركة ومتشابهة بس صعب تبين للكل ........
-غدي: امرني يا بيك ......
غدي ما كان شايفو .... بس الغراب كان شايف غدي بكل ملامحو .....
-الغراب: بعتقد منير فهمك كل شي .....
صوت الغراب رن بإدن غدي ....
-غدي: فهمني يا بيك .....
-الغراب: اللعب معي متل اللعب بالنار ..... انت عليك اشيا لازم تنفذها من تم ساكت ... واذا مانك قد الشغلة بتروح بلا رجعة ....
-غدي: نحن رجال .... والرجال ما بينقلها انو مانك قدها .....
-الغراب: برافو عليك .... عندك اصرار متلي بصغري .... وهالشي بفيدك لتعلى اكتر واكتر عندي .... اليوم بالليل ... عالساعة ١٢ ..... رح تكون اول شحنة بتستلمها .......
-غدي: لحالي ؟! .......
-الغراب: لا ... انا رح اجي لإتأكد انك عم تشتغل مزبوط ... ومن بعدا بصير كل شي لحالك متل منير وعلي .......
-غدي: بتمنى كون عند حسن ظنك يا بيك ......
_________________________________
-فهد: ليه هالقد موترة اختي .... روقي حاجة تروحي وتجي قدامي ... فتل راسي ....
-عليا: شافاا ... شافاا ... وسمعا عم تقول ماما ... اذا بيعرف انها بنتو رح تطربق الدني علينا ... صار عقيم .... رح ياخدا مني ....
-فهد: روقي ... يمكن ما يكون انتبه ....
-عليا: سألني مين هاي ... رح يبحبش ورا
ها ... رح يعرف انها بنتي اللي ولدتا من ٣٢ سنة .... انا لازم فكر مزبوط ... لازم ضيعلو تفكيرو ... لازم وجهو على ولد تاني ....
-فهد: اختي صايرة عم تخبصي .... مستحيل يإذي بنتو ... في شي اهم حاليا ... مازن ....
-عليا: عمرو ما يرجع مازن .... ياخد كل شي ... بس مهم حافظ على عيلتي ....
-فهد: ما فيكي تحافظي عليها بلا مصاري اختي .......
اندق الباب .... وفاتت ورد ... رجعت من عند الغراب لتنفذلو طلبو ... قررت تحكي كل شي ... فاتت مرددة وخايفة ... تحكي او لا ... اذا ما حكت رح يدمرها الغراب ...... واذا حكت رح تدمر عليا وترجعها للصفر .... ركضت لعندا عليا وضمتها .....
-عليا: بنتييي ... رح احميكي ... من كل شي ......
للحظة ... لأول مرة بتشعر ورد بحنان الام اللي ما حستو بحياتا .... حست شعور غريب اتجاه عليا .... شعور عم يقلها انتي من هاللعبة كسبتي ام وحنان ... قبل مصاري وثروة ...... قبل ما تنطق انفتح الباب وفات مازن متل التور الهايج .....
-مازن: انتو عم تلعبو بالنار ... قربياااا ... قريبااا كتير رح امسك عليكن مكمش ... دمركن فيه ... ورجع حق ابي ....
عقدت حواجبا ورد .... قربت منو خطوتين ....
-ورد: اعرف حالك كيف تحكي مع امي .....
-مازن(عم يزقف): برافو .... برافو .... البنت الغير شرعية .... عم تدافع عن امها ...... يا حلوة امك هاي اللي عم تدافهي عناا ....
-عليا(قاطعتو): هوووس هوووس مازن .....
-مازن: سارقة كل ثروة ابي .... اخدي حقي وحق امي .....
-عليا: قلتلك هوووس ....
-مازن: وقاتلتو وماشية بجنازتو .......
-عليا: انت حكيت وانا عم سكتك ... عم تشوهلي صورتي قدام بنتي ... صورة خاطئة ..... لكن صار دوري اني احكي ... وانت مجبور تسمع .... امك هيي اللي قتلت ابوك .... هيدا السر اللي كنت عم حاول احميك منو ... بس يبدو عم تعلن الحرب عالشخص الغلط .....
-مازن: كذااابة ... عم ترمي اللوم ع غيرك لتبرئي حالك قدام بنتك .....
-عليا: لاا ما عم كذب .... هالثروة كلها لامك مانا لابوك ... هيي اخدتو فقير وعملت منو زلمة .... بس هوي نهبا واخد املاكا وسفركن لبرا ... لهيك بعتت ناس يقتلوه ... وما عاد استرجت تجي طالب بحقكن ....
-مازن(مش مستوعب): لا لا لا ..... انتي كذابة .....
ترك المكتب وهوي شبه واعي ..... ولحقتو ورد ....... نادتلا امها بس ما سمعت منا .... طلع لبرات الشركة .... وقعد عالرصيف ... قعدت حدو .....
-ورد: ما بعرف شو يعني اب ... ولا شو يعني ام .... بس بقدر حدد شعور انو حدا منن يحرمك من التاني لحتى تنحرم التنين .....
-مازن: ليش لحقتيني ... كنت عم بهدلك من شوي .....
-ورد: لانو بدي ياك تساعدني .....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C