3/4
[٢/٣، ٩:٠٥ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
الجزء الثالث:
-غدي: استني لخبرها ......
راح غدي عالصالون .... لقاهن ابتدو يتروقو ع طاولة السفرة .... كانت عليا براس الطاولة وقيس ع يمينا ونارين ع شمالا ......
-غدي: بعتذر عالمقاطعة .... بس في بنت برا مصرة تشوف حضرتك ست عليا ......
قلبا نغزا ... حست انو انتظارا بهاللحظة ح ينتهي ..... وقفت فورا .......
-عليا: شو قالتلك ؟؟؟ ....
-غدي: انو اسما ورد ... وعم تنتظرك من ٣٢ سنة .......
-عليا: شوووو ......
ركضت عالباب .... ولحقا قيس فورا ... وبعدا نارين ..... وقفت مقابيلا ... ودققت بعيونا ...... مشاعرها اتخربطت ..... او بالاحرى مشاعر التنين ........ غمرتها من دون مقدمات ....
-عليا: ورررد .... بنتييي .......
-ورد(بقلبا): شكلك عاطفية كتير ... رح اتعب معك ......
كان غدي عم يراقب لهفتا ... لهفتا ع بنت مش بنتا ... تخايل حالو مكان ورد ... وطرد فورا هالفكرة ... كانت عليا عم تشد ع ورد .. أو بالأحرى آنا ... بعدت عنا ودققت بعيونا .... كانو عيون عليا معبايين دموع .... صارت تمسحن لتقدر تشوفا وتحفظ ملامحا .... اتمالكت حالا ورد وبعدت خطوتين ....
-عليا: شو اشبك بنتي ...
-ورد: ما تقولي بنتي بسرعة ... يمكن تنفنسي ... انا كان معي طوق بيحمل اسم عليا نفس اللي شرحتيه بمقابلة التلفزيون ..... بس ضيعتو من ١٠ سنين .... وقررت اجي ونعمل تحاليل ... لنتأكد ....
-عليا: بس انا جواتي احساس كبير ... انك بنتي ....
-ورد: لو منا نعتمد عالاحساس ما كنتي تركتيني ٣٢ سنة .... (كانت بدا تحكي عليا بس كملت ورد) ... ع كلن انا ما اجيت لاني سامحتك ... انا اجيت لإتأكد اذا انتي امي او لا ... وبعدا بصير حكي تاني ....
-عليا: شو قصدك ؟! .....
-ورد: قصدي ما رح انسى ٣٢ سنة تشرد ... ضياع ... يُتم ... ألم ... دموع ... أهات ... أو حتى الرجال اللي اتحرشو فيي لاني بلا حدا ..... ما رح انسى بالسهولة يللي متخيلتيها ......
شهقت عليا بهاللحظة .... ما عادت شافت قداما ... وهداها غدي فورا .... بهاللحظة حس احساس غريب ... امو بين ايديه .... اما ورد كانت عارفة تشتغل مزبوط ع مشاعر عليا .... كل ما كانت حياتها مأساوية كل ما لامت حالا عليا ... وكل ما دفعت ثروتا كرمالا .......
اتمالكت حالا عليا وجلست حالا ... اطلعت بعيون غدي ... اقتحما احساس غريب ... بس فورا راح ..... بهالاثناء كان قيس واقف ... احساسو غريب ... بس ابدا ما كان ايجابي .....
-ورد: بكرا عال٩ بلاقيكي بالمستشفى ... بالإذن ....
-عليا: لحظة ... عالاقل خليكي عندي ... نامي هون ... الصبح منروح سوا .....
-ورد: ما تخافي عليي ... معودة عالتشرد .....
تركتا ومشيت .... وعليا حاسة انو في جبال بيناتن صعب تزول ... اطلع فيها غدي ....
-غدي: بتحبي وصلها ع شي محل ست عليا ؟ ....
-عليا: اي برافو عليك ... روح إلحقا ... وأمّن عليها ....
لحقا غدي .... كانت عم تمشي بهدوء ... ضلت متابعة مشي لما شافتو ... ومشي حدها ....
-غدي: لازم اتدربي حالك عالتمثيل اكتر من هيك .....
وقفت عن المشي ... وفتحت عيونا ع وسعن وطلعت فيه بخوف .....
-ورد: عفوااا ؟؟؟ ...
-غدي: قصدي انو لما ست عليا اجا ليُغمى عليها ... كونك بنتا لازم تنفعلي فورا بدون حواجز ... مش تصفني فيها ....
-ورد: شو متوقع من بنت ربيت بلا ام .... وتاني شي نحن مش اصحاب لنتحدث بشكل عادي ....
-غدي: تمام ... معك حق ... بس بظن رح نكون كتير اصحاب بالمستقبل ....
-ورد: ليش مين بتكون حضرتك .....
-غدي: شوفير خاص ....
-ورد: بنت الست والشوفير !! ... بشك ....
-غدي: ههههاي ... كذبتي الكذبة وصدقتيها .... سبق وقلتلك اول حديثنا ... لازم تكوني متمرسة اكتر بالتمثيل .....
-ورد: انا ما عم مثل ... وبكرا ح نعمل تحاليل ... واذا سلبية ما بقا حدا ح يشوف صورة وجي ..... اما اذا ايجابية ... رح يكون في تفكير تاني .....
-غدي: لكن ببشرك ... رح تطلع ايجابية ...... فكري من هلأ ....
-ورد: شو قصتك ساعة تمثيل وكذب ... ساعة ايجابية .....
-غدي: انا بعرف انك مش بنتا ... وبعرف اكتر انو لو ما متأكدة انك قادرة تعملي النتيجة ايجابية ما كنتي اتجرأتي تقفي قدامها .......
-ورد: هه ... واثق بحالك كتير ... يا ريت تتركني بحالي كرمال ما يصير شي تندم عليه بعدين .... وما كتير تحلم ... اذا النتيجة ايجابية يعني ايجابية ... مش لانو الست عليا غنية معناها خلص البنات كلها ح تجي تجرب حظها ......
-غدي: انتي قلتيها ........ رح تكوني بحاجتي كتير بالأيام الجاية .... لانو بدك حدا يدافع عنك لما يبلشو يشككو فيكي ... ويخبرن انو احساسكن غلط ... وانو انتي بالفعل مجرد بنت بسيطة ......
اتجاهلت حكيو .... تركتو ومشيت .... وهوي رجع عالقصر .....
-عليا: ليه رجعت بسرعة ......
-غدي: ما قبلت وصلها .....
-قيس: امي روقي ... ما بدا هالقد .....
-نارين: قيس تعال معي شوي ... خلينا نترك امك ترتاح .... امشي غدي كمان ...
_______________________________________
ر
كبت تكسي ... وحملت تلفونا ..... ودقت لمنير .....
-منير: كيفك ورد ...... كيف كان الوضع !! ...
-ورد: به .... ليك هاي عليا عاطفية كتير ... وانا بتعرفني ما الي خلق ع نواح النسوان وبكائن .....
-منير: رح تتعودي ...
-ورد: وشكلو شوفيرا رح يتعبنا كتير .....
-منير: كيف ؟ .. مين شوفيرا .... تعي فورا عالمبنى لنحكي ....
-ورد: تمام .. عشر دقايق بكون عندك .........
___________________________________
طلعو نارين وقيس ليقعدو بالحديقة ... وغدي وراهن .... وهني وعم يقعدو ....
-غدي: بتأمريني بشي ست نارين ....
-نارين: غدي تعا اقعد بدي اسألك سؤال ... وبعدا بتروح .....
-غدي: اتفضلي .....
-نارين: كيف حسيت ورد ؟ ...
-غدي: من اي ناحية ....
-نارين: من جميع النواحي .... (اطلعت بقيس اللي حس انو في حدا بصفو عم يحس متلو) ... فهمانة عليك قيس .....
-غدي: بنت مبينة انها عانت كتير ... وصعبة الواحد يعيش بدون إم ....
-نارين: ماشي ... فيك تفل ....
راح غدي ووقف بمكان يقدر يسمعن فيه .... واطلعت نارين بقيس ....
-نارين: شو ؟؟ ..
-قيس: ما حسيتا صادقة ... ما حسيت شي اتجاها .... ما حبيتا ... ما ...... بس امي عم تتأمل تكون بنتا ....
-نارين: وانا حسيت شعور غريب ... شعور عم يقللي لا تصدقي .... بس كرمال عمتي مستحيل احكي شي ... لنشوف النتيجة بكرا ....
-قيس: انشالله تطلع سلبية .... من لما عرفت انو يمكن يكون عندي خي او اخت بنيت احلام كتير وعشت تفاصيل كتير بخيالي .... بس لما شفت ورد ... كل شي اتبعثر واختفى ... مش هيدا هوي الاحساس اللي كنت ناطرو .... مش هيدي الاخت اللي كنت ناطرها .....
-نارين: خلص هلأ انت كل شي عم تحس فيه اوعى امك تحس ... وما تخبر حدا بالوقت الحالي ......
ترك غدي المكان ... ومسك تلفونو ....... ودق اتصال .....
-غدي: لميا ... انا بحاجتك كتير ..... احجزي بأول طيارة .....
-لميا: تتذكر اول ما مسكتني تكت الطيارة ... وقلتلي كيف بهالسهولة وافقتي تفللي وانتي مغرمة ببلدك ؟ ... اكيد بتتذكر ... وقتا قلتلك بعدين بخبرك ... بتصور وضحت الاجابة عندك .....
-غدي: كيف كنتي واثقة ... ؟ اني رح ارجع قللك تعي ....
-لميا: استاذ ريان انا حافظتك عالغيب .... بعرف ما فيك تخطي خطوة بلا مساعدتك ومستشارتك ....
-غدي: يعني ما رح تجي ؟ ...
-لميا: من لما توفى بيك ... بقصد اللي رباك ... وانا ناطرة تبعت وراي ... كيف بدك ما اجي .... اذا لقيت حجز اليوم ... بكرا بكون عندك ....
-غدي: تمام .... بس توصلي احكيني ... لقللك وين نلتقي ....
-لميا: اكيد ... يلا باي ...
-غدي: باي .............. لميا .....
نادلا بس كانت صارت مسكرة الخط .... اتنهد وحكا بهمس ....
-غدي: كان بدي اتشكرك .....
________________________________________
-منير: كيف يعني عارف انك مش بنتا ... انو كذبتيه او اتلبكتي ؟؟؟؟ ....
-ورد: من عقلك منير ؟ ... اكيد ما اتلبكت ... واكيد كذبتو ....
-منير: بس ليه واثق هالقد ؟! ...
-ورد: عطيني شوية وقت بس ... وقرارو بكون عندك ....
-منير: من كل عقلك بدي انطر ؟؟ ... منصفيه فورا .....
-ورد: لا ... ما رح نصفيه ... بفيدنا ... ما تسألني كيف ... اوثق فيي بس ... هاد في وراه سر ... ولو بدو يإذينا كان كذبني قدام عليا ... بس في موال براسو .... يعني هالشي لصالحنا ......
-منير: بلكي ابتزاز ....
-ورد: بكون احسن ... مناخد اللي منا ياه منو ... ليساعدنا جوا القصر ... وقبل ما ياخد حقو ... منعمل اللازم ....
-منير: والله مانك قليلة ست آنا .... قصدي ورد .... ههه ...
-ورد: به .....
__________________________________________
قيس: اي الو ... نعم .....
-نبيل: ليه ما جيت عالجامعة اليوم ؟ ....
-قيس: مش وقتا هلأ بحكيلك بعدين .....
-نبيل: ميرا سألت عنك .....
-قيس: احطلا ... ما الي جلادة عليها .....
-نبيل: اوف ... اكيد صاير شي خطير ....
-قيس: نبيل روح .. حل عني .... بحكيك بعدين .....
سكر الخط .... واطلع ب نارين ...... اللي بدورا وصلا كمان اتصال .....
-نارين: اي صفاء .... ماشي بمر عليكي المسا .... اوكي ... باي ......
سكرت الخط ... واجت عليا ... قعدت معن ... كانو عيونا منفخين من البكي ... والتعب واضح عليهن ..... غمرت قيس ... وصارت تلعب بشعراتو ....
-قيس: امي ليه كنتي متأكدة هالقد انو هاي بنتك .....
-عليا: شعور الام ....
-قيس: اوقات الشخص من الفراغ اللي عندو وحاجتو انو يعبي هالنقص بصير يصدق او يشعر بكل شي ....
نفضتو من حضنا ... ووقفت ....
-عليا: اوعى ... اوعى تشكك باحساسي .....
تركتن وراحت .....
-قيس: حلو ... اول مرة بتعمل معي هيك .... بتعرفي شو نارين ... انا فالل وفخار يكسر بعضو ... واذا طلعت التحاليل ايجابية رح تولع الحرب بيناتنا ... ما رح اسمح لحدا يشاركني امي وقصري وممتلكاتي ....
-ناريس: قيسسس ارجع لهووون ... قيسس .... اووف منك اووف .... ما بعرفك هيك ... صح مدل
ل وصايع بس مانك هيك .......
________________________________________
المسا ......
-صفاء: قايمة اعمل شي نشربو ..... وبتحكيلي كل شي .....
-نارين: تمام .... متأكدة ما رح يجي اخوكي ....
-صفاء: لا سهران مع الشباب ... ما بيرجع بهالوقت .....
-نارين: تمام .....
راحت صفاء عالمطبخ ... وبهالوقت انفتح الباب ..... وفات هاني .... تلبكت نارين كتير .....
-هاني: مسا الخير .....
-نارين: مسا النور ....... انا ... انا ....
-هاني: انتي شو .....
-نارين: انا ما كان بدي اجي بس اكدتلي صفاء انك ما بترجع بكير ....
-هاني: صح ... بس سمعتا عم تحكي معك ... وقررت ما روح اسهر ....
-نارين: ليه ....
-هاني: قولك ليه .....
وقفت نارين ... وقربت لعندو .... اطلعت بعيونو .....
-نارين: اشتقتلك .... وكتير ......
غمرها بدون مقدمات ... شد عليها وهيي ابتدت تبكي ....... وفجأة بصعوبة بعد حالو وراح ناح الباب ....
-هاني: عم نغلط ..... انا وانتي مستحيل نكون سوا ... ما بعرف شو وصلني لهون ... بس في شي كان عم يقودني بلا ما حس ..... ما عاد بدي نلتقي .....
ضهر وهيي قعدت تبكي ... اجت صفاء وقعدت حدها ....
-صفاء: اسفة ... لو عارفة انو سمع مكالمتي كنت قلتلك ما عاد تجي .....
-نارين: انا رايحة ....
-صفاء: خليكي ... لا تروحي ....
-نارين: مخنوقة ... بدي شم هوا ....
قامت وفلت وصفاء عم تناديلا .......
________________________________________
في اليوم التالي .........
-لميا: الو .... استاذ ريان انا صرت بالبلد ....
-غدي: غدي ... اسمي غدي ..... تمام الحقيني عالفيلا ....
بعد نص ساعة كانت صارت قدام الفيلا ..... وهوي دوبو واصل وحامل المفاتيح .... فتح الباب .... واطلع بتفاصيل المكان ... وذكرياتو البشعة ..... سكرو فورا ... وقعد عالدرج ..... اجت لميا ... وقعدت حدو ....
-غدي: الحمدلله عالسلامة ......
ابتسمت .... كانت امرأة بأواخر التلاتينات ..... فقدت جوزا وابنا بحادث سيارة ... وبعدا اتوظفت كمستشارة ومساعدة لريان مفيد الخليل .... بعد ما كانت خادمة بسيطة عند ابوه ......
-لميا: التقيت فيها ؟ .....
-غدي(الدمعة بعينو): دمرتني ..... دمرتني لميا ........ ليه هيك عملت ... وليه هلأ ابتدت دور عليي لما انا لقيتا وقررت دمرا .... ما رح سامحا ... ابدا ....... اجت بنت شكلا حاطة عينا عالورثة بعد ما عرفت انو عليا عم دور ع ابنا او بنتا .... هه ... لك حتى مانا عارفة حالا شو ولدانة ....
-لميا: شو عملت ؟ ...
-غدي: ولا شي ... قررت خليها تحب هالبنت وتفرغ عاطفتا اتجاه بنت مش بنتا ... لحتى اصدما بالنهاية ... خليها معتبريتا بنتا ... خليها تتألم .... متل ما انا تألمت ٣٢ سنة .....
-لميا: واخوك .......
-غدي: ما اجمل هالكلمة .... ولا يوم تخايلتا بهالروعة .... كنت بدي إإذيه ... دمرو ... وخسرا ياه .... لتعرف كيف ترميني بالميتم .... بس بعد ما شفتو ... ما قدرت .... حسيت اتجاهو احساس ... غريب .... لك هوي من لحمي ودمي .......
-لميا: ما حسيت هالاحساس اتجاه امك ؟؟ ... هيي كمان من لحمك ودمك .....
-غدي: لا .... كل ما بشوف تيابا ومجوهراتا وممتلكاتا وعاطفتا ع ابنا ... بقول شو كان ناقصا لتربيني .... وبزيد الحقد جواتي ....
-لميا: ليه ما بتسمعا ...... يمكن يكون في اسباب .....
-غدي: لو شو ما كان السبب ... انا عشت بسببها ألم ما حدا عاشو ..... رح خليها تكرهني ... رح خليها تتوعدلي .... رح خليها تإذيني لدرجة الموت .... وبعدا خبرا شو ساوت بإبنا الحقيقي ....
-لميا: ما بعرفك هيك ..... بهالقساوة والحقد ....
-غدي: الحياة ما بدا غير هيك ......
-لميا: ليه قاعد هون .....
-غدي: قولك ليه ؟ ... ذكريات هالمكان بشعةة ... عم تخنقني .....
-لميا: من لما سافرت ما اجيت ؟ ...
-غدي: من لما توفى .... هاداك ...
-لميا: يعني ابوك ....
-غدي: مانو ابي .....
دق تلفون لميا .... ردت .....
-الو .. ست لميا ؟ ...
-لميا: اي نعم مين معي ....
-ست لميا انا الي فترة عم حاول دقللك ... بس يطلع الخط مسكر ... ودقيت عالشركة قالولي انك مسافرة ....
-لميا: اي كنت مسافرة ... اليوم وصلت وشغلت الخط .... ما قلتيلي مين حضرتك ..
-انا مديرة ميتم الفقدان الحالية ......
عقدت حواجبا لميا ووقفت .....
-لميا: شو في ....
-المديرة: الست عليا عم دور ع ابنا ....
-لميا: انشالله قلتيلا مين بكوون ؟؟؟!! ...
-المديرة: اكيد لا ......
-لميا: اوعى ... اوعى والا بتعرفي ريان شو بيقدر يعمل فيكي .....
-المديرة: اكيد بعرف ... سلطتو ونفوذو وثروتو كفيلة انها تخبرني شو ممكن يعمل ... بس انا قلت بخبرك ....
-لميا: منيح ... اي شي بجد بتخبريني .... ما تتصرفي من راسك .....
سكرت الخط واطلعت بغدي اللي بدورو كان مشغول بالو شو ممكن يكون صار ...
-لميا: مديرة الميتم ..... امك سألت عنك ... بس اطمن ما خبرتا شي .....
-غدي: هه ... المديرة السابقة حتى هيي وعم تحتضر
كانت عم دمرني لما خبرت المديرة الحالية عني .....
-لميا: كانت بدا تخلصك .... من شخص باعتك الو .... كان ضميرا عم يوجعا ....
-غدي: بعد شو ؟ ... بعد ما كان صار عمري بالتلاتينات .....
رن التلفون ....
-غدي: الو .. اي ست نارين .... يلا جاي ... مسافة الطريق .....
-لميا: مين نارين ؟ ...
-غدي: مديرتي ... بكون شوفيرا الخاص ... بنت اخوها للست عليا .....
-لميا: عم تلعب بالنار ...... بثروتك في تشغلن كل عندك ... بدل ما انت تشتغل عندن ..... شوفير !!
-غدي: انا اتأخرت ... بشوفك ...... يا ريت طلي عالشركة لاني ما عم بفضى طل ... وارجعي ع شقتك بتلاقي مفاتيحا بخزنتي بالمكتب ....
-لميا: ما بعتا ؟ ...
-غدي: بعد ما عرفتي حقيقتي ومين بكون وقررت سفرك لحتى ما تحكي رغم ثقتي فيكي ... كان عندي شي جواتي عم يقللي رح ترجعي ... ف تركتا ......
ابتسمت لميا ... ومشي غدي .....
______________________________________
بالمستشفى .....
-عليا: ادي لتطلع النتايج ...
-الممرض: ٣ ايام يا خانم .....
مشيت عليا ... ورا ورد اللي ابتدت تروح .... نادتلا ووقفت مقابيلا ....
-عليا: جهزتلك غرفة عنا بالقصر ... تعالي معي .... من هلأ ...
-ورد: وبلكي ما طلعت بنتك ...
-عليا: انا متأكدة انك بنتي .....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
[٢/٣، ٩:٠٦ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
الجزء الرابع:
طلعت ورد بعليا اللي عم تتوسل والدموع بعيونا .... سكوت ورد كان علامة رضا .... هزت براسا عليا ....
-عليا: يلا امشي ... الشوفير ناطرنا برا .....
ضهرو لبرا .... واشرت عليا للشوفير يفتح الباب لورد .... قرب وفتحلا الباب ... ابتسمت ورد جواتا ... وطلعت بالسيارة .... حملت موبايلا .... وكتبت رسالة ...
رسالة ورد "مشي الحال انا رايحة معا عالقصر ... وعينات الدم صارو بالمشفى ... شوف شغلك .. وما دقللي لحتى انا احكيك ..."
حطت التلفون بجيبتا ... وصارت تراقب العالم من الشباك .... وعليا عم تراقب وجها وملامحا .....
_______________________________________
صف غدي مقابيل البناية اللي عم تتجهز فيها عيادة نارين ...... وقبل ما يحمل تلفونو ليخبرا انو وصل ... نزلت .... صار يراقبها بنظرات جديدة ... طلعت بالسيارة .....
-غدي: اسف عالتأخير ...
-نارين: عادي ... انا خبرتك اني مأخرة بالعيادة ... بس خلصو العمال شغل لليوم بكير ... وبكرا ح يكون اخر يوم انشالله ... واللي بعدو ح اشتغل عالديكور ... والاسبوع الجاي ببدا ...
-غدي: موفقة ....
-نارين: كتير محمسة ....
-غدي: شكلك بتحبي مهنتك كتير ....
-نارين: بحب الولاد اكتر من مهنتي .....
-غدي: لوين بتحبي وصلك ؟ .....
-نارين: خدني ع شي مكان حلو ... اتنشق فيه هوا نظيف .....
-غدي: في مكان بيهبل ... رح يعجبك كتير ....
_______________________________________
وصلو عليا وورد عالقصر ..... لمحت عليا سيارة فهد ...... عقدت حواجبا ونزلت من السيارة ......
-عليا: يلا فوتي خللي الخادمة تفرجيكي غرفتك .....
-ورد: توقعت انتي تفرجيني عليها ....
-عليا: طيب انتظريني بالصالون ... ٥ دقايق وبلحقك ...
مشيت ورد وهيي عم تراقب عليا والسيارة اللي ع جنب .... ولما وصلت ع باب القصر ... نزل فهد من السيارة .....
-عليا: شو بدك فهد .....
-فهد: اي متى ح تسامحيني ؟! .....
-عليا: لتسامحني بنتي ....
-فهد: لقيتيها .... هيي اللي فاتت ؟! ....
-عليا: ما دخلك ..
-فهد: اختي ما توثقي فورا ... قلتلك شعوري الاكبر بقللي انو صبي ... بعرف انك رح تعصبي ... بس اسمعيني ... متل ما لقيتي البنت ... لاقي الشب ... لو بتسمحيلي فوت معك بالموضوع ونساعد بعض ... انا مش فاهم شي ... غير اللي حكتلي ياه نارين ... انو بالبداية كنتي ناوية تلاقي شب وبنت اتسلمو للميتم في فرق بينن نص ساعة .... بس ولا شي بعدا بعرفو .....
-عليا: هالنص ساعة بين الولدين رح تقتلني ... رح تقتلني فهد ... هالنص ساعة اللي انت ما عرفت حالك اذا حطيت الولد قبل او بعد نص ساعة دمرتنا كلنا ....... لك كيف كان الك قلب ... تروح وما ترجع ....
-فهد: رجعت اختي ... رجعت .... بعد كم سنة رحت سألت عن الولد ... بس ما حدا عطاني معلومة واضحة .... وفليت ... ورجعت بعد كم سنة .... قالولي انو الولد اللي عم تسأل عنو هرب ....
-عليا: هرررب !!!! .... لا لا .. ما رح تقدر تشتتلي افكاري ... انت لانك سألت عن صبي قالولك عن هاداك اللي قالتلي اسمو ريان انو هرب ... بس لو سائل عن بنت .... كان حكو شي تاني .....
-فهد: اختي شو قالولك عن البنت ....
-عليا: انها انخطفت .... بعمر ال٥ سنين ....
-فهد: اسأليها ... ما رح تعرف اذا ما كانت بنتك ....... معا الطوق ؟ ...
-عليا: لا ... مضيعتو ... هلأ التحاليل بتبين كل شي .... وما رح اسألا شي عن ماضيها ... ما رح كون السبب بتفتيح جروحتا من جديد ... جروحتا اللي انا سببن ..... فل فهد ... بدي روح شوفا ... تأخرت عليها ....
-فهد: ما رح تسامحيني ؟ .....
-عليا: وين عم تنام ؟ ... وشو عم تاكل ؟ ...
-فهد(ابتسم): بالاوتيل .. اكل مطاعم ...
-عليا: روح جيب شنتايتك وارجع عالبيت ....
-فهد: ليكا معي بالسيارة ... سكرت حساب الاوتيل ... كنت عارف ح تقليلي ارجع .....
ضحكت عليا من قلبا بعد مدة طويلة من الحزن ....
-عليا: بس تكون غلطان ما عاد بشوفك خي اكبر مني الو هيبة ... بتصير طفل صغير ......
-فهد: بحبك اختي ....
قرب ليغمرا .... وبعدت ....
-عليا: قلتلك ارجع عالقصر ... بس ما قلت سامحتك ... تصرفات بنتي معي بتحدد تصرفاتي معك .... ما رح انسى انك حرمتني من بنتي ٣٢ سنة ......
تركتو وفاتت عالقصر ... نادا فهد للسائق وقللو يفوتلو شنتايتو .....
-فهد: طالعا ع غرفتي ......
_____________________________________
-ورد: كيف يعني اخوها ... انت ما خبرتني هيك شي .... شو يعني بدك ياني اتفاجأ بكل شي ليزبط التمثيل ... خلص خلص سكوت ... حاسة في حدا جاي .....
سكرت الخط .... واجت عليا .....
-عليا: بعتذر كتير طولت عليكي ... بس ....
-ورد(قاطعتا): مش مشكلة ... طولتي عليي ٣٢ سنة ما فرقت ع ٥ دقايق ......
-عليا(تنهدت): بنتي انا جد ما كنت عارفة بوجودك ... قالولي انك متي ....
-ورد: هالحكي مش وقتو هلأ .... قبل ما تطلع النتيجة ....
-عليا: يلا تعالي معي لتشوفي غرفتك ....
مشيو سوا وطلعو لفوق ..... و
ورد عم تراقب المكان وجماليتو ... تحفو ولوحاتو ..... وصلو لآخر الممر ... وفتحت عليا الباب .... دخلو .... كانت غرفة خرافية .... مشتغلة عليها عليا كتير منيح .... والها حمامها الخاص .... كانت خزانة التياب مفتوحة .... ومعباية اشكال والوان .... وفي درجتين بطلو ع مساحة فيها قعدة صغيرة .... كإنها جناح خاص .....
-عليا: عجبتك ؟! ....
-ورد: ماشي حالها .... يا ريت تتركيني لوحدي ....
-عليا: متل ما بدك ... اي شي ناديلي ....
طلعت عليا لبرا .... اتنهدت ورد ... وقعدت عالتخت ..... وهيي غم تفكر ادي ممكن تتحمل هالتمثيلة .... انفتح الباب عليها بقوة ... فات قيس وسكر وراه .... رفع سبابتو .....
-قيس: ليكي اسمعي ... انا ماني شغل عواطف متل امي ... اذا انتي قدرتي تسلبيها عليها ف عليي مستحيل .... رح خللي حياتك جحيم ... عم تفهمي ..... تنعمي حاليا بهالغرفة وهالاجواء ... لانك مانك مطولة فيهن .....
ضهر بدون ما يسمحلا تحكي وخبط الباب وراه .....
_____________________________________
صف السيارة غدي بمكان عالي وحلو ... بطل ع اماكن حلوة ومميزة ...... غمضت عيونا نارين واسترجعت ذكرياتا بهالمكان ....
-نارين(بهمس): شو هالصدفة ....
-غدي: حكيتي شي نارين ؟ ...
-نارين: لا ما شي ... المكان رائع ...
نزلت من السيارة ... وهوي ضل فيها .... كان عم يراقبها بكل حركاتا ..... مشيت كم خطوة ... وبلشو دموعا ينزلو .... بس لمحت حدا جاي ... كان هوي ... هاني .....
-نارين: شو عم تعمل هون ؟ ...
-هاني: هاد مكاني .... او نسيتي ؟! ....
عقد حواجبو غدي هوي وعم يراقبن .....
-هاني: انتي اللي شو عم تعملي هون ؟ ....
-نارين: اشتقت ........ ما تعبت من المكابرة ........ ما تعبت من الصمت والبعد ... ما تعبت من الشوق؟ ... بعرف انك ما نسيتني ..... بعرف انك لساتك بتحبني ....
-هاني: وبعرف انك ما بتحبيني ... انا مجرد مغامرة حبيتي تغامري فيها ... كل شي محجوب مرغوب .. وانتي بتعرفي انو مستحيل ننجح ... بس انتي بتحبي انك تثبتي العكس ... كرمال هيك في مشاعر جواتك .... بس لما تحصلي ع كل شي ... رح تملي ... وتفللي .....
-نارين(عم تصرخ): مش صحيييييح .... لاااااا .... مش هييييك .... لك بحببككككك بحبكككك افهم بقاااا .... ٨ سنين ... وانا كل يوم بموت الف موتة .... بلاك ......
حط ايدو ع ضهرا وشدها لعندو ... دفن وجو بشعرا ... وهيي عم تبكي ... شدت عليه ..... واتنشقت عطرو بنفس طويل .....
-هاني: تعبت نارين تعبت ........
كان غدي عم يراقب بصمت .... بس كان في شي عم ينعصر جواتو مش مفهوم سببو .... هز راسو بقوة .... يمكن اتفاجأ ... او ما توقع تكون نارين على علاقة ... في مشاعر فاضت بهاللحظة ..... شي جواتو مش قادر يطردو ولا بأي شكل .....
-نارين: ليش هيك عملت فيي ... ليه هيك تركتني .....
-هاني: كان لازم تسافري ... كان لازم تفكري بمستقبلك وتنسيني .... انا وين وانتي وين .... انتي بنت فهد عبدالنور اخوها لعليا عبدالنور زهران مرت المرحوم نجيب زهران .... ولا بتحبي تعرفي شو يعني زهران ....
-نارين: ليه بتفكر هيك ... ليه عم تبني حواجز ....
-هاني: هني بالاصل موجودين ... لا ابوكي ولا عمتك ح يقبلو بواحد عادي واقل من عادي متلي ... نجار بحي فقير ......
-نارين: خلص لا بقى تحكي ... خلينا نستمتع بهاللحظة ... ارمي كل شي وراك ... خلينا نبدا بداية جديدة .....
-هاني: صعب ... صعب نارين ....
-نارين: ما في شي صعب هاني ... نحن منسهل ونحن منصعب الامور ......
غمرها من جديد ......
__________________________________
بعد مرور ثلاثة أيام ......
رجعت عليا مع السائق وبإيدا نتيجة التحليل .... كانت حاملتو وعم تربت فيه ع ايدا التانية ... وابتسامتها واضحة ع وجها .........
-عليا: طلعت بنتي .... طلعت بنتي يا جلال .....
-جلال: فرحتلك كتير ست عليا ......
مسكت تلفونا ودقت رقم ....
-عليا: الو .. حضرة المحامي بدي اتجهزلي كل الاوراق المطلوبة لسجل بنتي ورد على اسمي ....
-المحامي: امرك ست عليا .... بس ....
-عليا: بس شو ....
-المحامي: ما تنسي انو في خانة الاب .....
عقدت جواجبا عليا ... حكت بقلبا كيف فاتها هالشي ...
-المحامي: يعني الست ورد غير شرعية ... ف ....
-عليا(قاطعتو): منحكي بعدين ....
سكرت الخط واتنهدت ... طردت الافكار وقررت تستمتع حاليا بهاللحظة ......
وصلت عالقصر .... وكانت ورد واقفة عالشباك .... ابتسمت ابتسامة صفرا لما شافتا جاي ..... وراحت قعدت عالتخت ... بعد دقيقتين كانت عليا عم دق الباب عليها ...... فاتت وهيي فاتحة ايديها ودموعا ع خدودا ......
-عليا: طلعتي بنتي .... بنتي عنجد ... ورد ....
قربت ورد وغمرتها ... اتصنعت دموعا واهاتا ......
-ورد: اخخخ يا امي شو عانيت بهالسنين ....
-عليا: شو قلتي ؟ ... امي ..... عيديها كمان ......
-ورد: ........
-عليا: خلص بوعدك نسيكي كل شي ..... كل شي ......
-ورد: انشالله انسى ...
انشالله .....
-عليا: رح تنسي ... هاد وعد ......
مسكتا من ايدا لينزلو بعد ما سمعت عليا وصول الهدية ... صوت الزمور الجديد بالقصر اعلن قدومها .... نزلتها وفتحت باب القصر ... كان في سيارة حمرا صغيرة مزينتها بزينة خاصة .... نزل الشوفير منها ... واعطا المفاتيح لعليا .....
-عليا: هديتك ... هاي سيارتك .....
ابتسمت ورد ابتسامة عادية ..... واخدت المفاتيح .... قربت لتجربها ... رجعت التفتت لحالا فورا ... وبرمت لعند عليا ....
-ورد: بس انا ما بعرف سوق ......
-عليا: اخوكي بعلمك ....
قالت هالكلمة مع وصلة قيس من الجامعة .......
-قيس: نعم ؟! ... اخوها مين ...
-عليا: انت .....
-قيس: اي لا ما حزرتو .... لا رح علمها ولا رح اعتبرها اختي ... الظاهر طلعت النتيجة ايجابية لحتى جايبتيلا سيارة ..... ما صرلا بالقصر غير من مبارح العصر وصار عندا سيارة موديل السنة ... ومش بعيدة بعد شهر تكون مكوشة عالثروة كلها ......
قربت عليا وطبعتلو كف ع وجو .... انصدم .... حط ايدو مكان الكف ... وزور امو ...
-عليا: ما كنت عارفة انو هيك ربيتك ... طماع وبخيل .... مدلل وغيور .... ع اساس كنت ناطر اختك ع احر من الجمر ...
-قيس: حلو والله .... انتي ملاحظة انو من لما فاتت ع حياتنا صار تعاملك معي سيء وصراخ وضرب واهانات ..... هاي وحدة كذابة ... وبتأسف انو احساس الامومة تبعك ما حسسك بهالشي ...
-عليا: انت الغيرة عامية ع عيونك .... ما عم تشوف مزبوط .... شإت أم أبيت هاي اختك من لحمك ودمك ..... وبدك تحترمها .....
-قيس: فتحي عيونك امي فتحيهن .... اتصالاتا المتكررة المخفية ما بتشكك بشي ...
-ورد: خلص بكفي ... لهون وبس ... ما بدي شي منكن ... واذا كل هالقد مضايقك وجودي ... انا رح فل ... خلي امك الك ...... بلا ما تقول انا محظوظ خلقت وربيت مع ام ... بينما اختي عاشت ٣٢ سنة يتم وامها عايشة ... جيت استكثرت عليي يومين حلوين ... خللي كل شي الك ...
حس قيس بنغزة بقلبو ... يمكن تخنها .... بس احساسو ما عم يخليه يشوفا اختو ولا بأي شكل ... الشفقة سيطرت عليه بهالوقت .... وما طلع من افكارو الا ع امو عم تعيط ...
-عليا: ورد بنتي لا تردي عليه ... ارجعي ... لوين بدك تروحي .... (وجهت حكيا لقيس) ... روح اعتذر وجيبا فورااااا ... والا ح يصير شي ما حلو .....
اتلخبطت مشاعر قيس بهاللحظة ....... ركض ورا ورد ونادالا ....
-قيس: خلص ارجعي ... انا اسف ... يا ريت تعطيني شوية وقت لاتعود انك اختي .... بالنهاية انا ربيت وحيد ... وفجأة بين ليلة وضحاها اجا حدا يشاركني امي وحياتي .... بدي شوية وقت لاتأقلم ... ارجعي كرمال امي .... ما بدي شوفا عم تتألم .... بكفي الالم اللي عاشتو من لما عرفت انك عايشة لحد ما لقتك ......
-ورد: رح ارجع ... بس ما كرمالك ... كرمال امي ... ف ياريت تبعد عني وما تسمعني حكي من هلا لبين ما تتأقلم يا خيي .... هه ......
اتخطو ورجعت ...... غمرت امها اللي كانت عم تراقبن لتشوف رجعتا .....
-عليا: طنشيه بنتي .... هلأ بقول لغدي يعلمك ... وبالناقص من خدماتو ........
______________________________________
نارين: خلص غدي خلص ... لا بقى تحكي ولا تبرر .... ما في مبرر لانك حكيت لعمتي عن لقاءاتي بهاني .... لك بس بدي افهم شو خصك ....
-غدي: هيي سألتني لوين عم باخدك وجيبك ... وانا عبد مأمور ....
-نارين: لك انا بكرهك شو خصك فيي تحكي ... لك من وراك عمتي وابي وقفو ضدي ومنعوني شوفو ... لك كلو الحق عليك .....
-غدي: لك هالشي لمصلحتك ... هاني مانو مناسب الك ... ولا من مستواكي ....
-نارين: لك انت مين لتقيم هاني شو ... ما بتطلع حضرتك اد صرمايتو عم تفهم ... لك وصرت مجبورة فيك .... شكلوك ع خصري والا بيحبسوني بالبيت ... عشت ٨ سنين برا البلد لحالي وما حدا اتدخل .... وهلأ متل الولد الصغير من عيادتي للبيت ومن البيت للعيادة .... لك قرفت من كل شي .....
-غدي: انا عم بحميكي نارين .... سمعتك بالدق ....
-نارين: ست نارين لو سمحت ..... عم تفهم .... وما ناطرة حماية حدا ....
قرب منها اكتر ..... حط ايدو ع ضهرا .... بلعت بريقا .... ودققو بعيون بعض ......... وحكا بصوت خفيف ......
-غدي: تكرم عيونك ... ست نارين يعني ست نارين .......
اتلبكت ... حاولت تتحرر من عيونو وحكت .......
-نارين: يلا وديني عالبيت ....
-غدي: ومواعيدك ؟ ...
-نارين: لغيتن ... او بهيك بدك تتدخل كمان ....
برم ضهرو غدي ... وابتسم ...
________________________________________
بالشركة ................
اندق باب مكتب فهد ..........
-فهد: اتفضل ......
فات شب بأواخر التلاتينات ...... مرتب .... طويل ولحيتو اسود داكن ... شعرو مصفف بطريقة مرتبة ..... كان مهموك فهد بالاوراق مقابيلو وما اطلع فورا عاللي فات .... ومجرد ما رفع راسو انصدم ..... ووقف ....
-فهد: مازن ؟؟!!!! .....
-مازن: اي ..... اي مازن ...........
-فهد: مانك متغير كتير ............
. شو جابك لهون ..... شو ذكرك فينا .....
-مازن: جاي رجع حق ابي اللي اكلتوه .... ابي اللي مات واندفن بلا ما احضر جنازتو ..... ابي اللي انتو قتلتوه لتورثو كل شي ......
-فهد: مازن انت مانك طفل صغير لحتى ما تستوعب شو صار .....
-مازن: شو صار .... هااا .... قلليي ؟؟!!!! ........ في شي غير انو الست عليا عبدالنور ... بردو ... بقصد عليا زهران ..... اخدت ابي مني انا وامي .... لدرجة انو سفرنا لبرا البلد ليتخلص مننا وانا يا دوب كنت ١٥ سنة .... كان يسأل عننا كل يوم ... وبلش يخف شوي شوي التواصل ... لحد ما انقطع لما ولد ابنو قيس .... انا رح دمركن كلكن .... عم تفهمو .... كلكن .......
ضهر وخبط الباب وراه بقوة ........ حمل فهد تلفونو ودق لاختو .....
-فهد: عليا مازن رجع عالبلد ..... رح يدمرنا يا عليا .... نحن انتهينا اذا بيعرف هاداك السر ......
-عليا: شوووووو ....... شو رجعووو ..... شو رجعو بالوقت الغلط .... انا جاي عالشركة لازم نحكي ....
سكرت الخط ... وأمرتن يجهزو السيارة فورا .... مع ضهرتها لبرا وصلو نارين وغدي .....
-عليا: انا مستعجلة لازم فل ... نارين ما تنسي ضهرة من البيت ممنوع ... و ...
ما سمحتلا تكمل وفاتت عالقصر معصبة ... اتنهدت عليا ....
-عليا: غدي شافتو اليوم ؟؟؟ ....
-غدي: لا ستنا ....
-عليا: تمام .... من اليوم ابتدي تدريب ورد عالسواقة ... تمام .... يلا باي .....
طلعت بسيارتها ..... وهوي بلش يتأمل سيارة ورد الجديدة ...... ركبها .... وزمر زمور قوي ... طلت ورد من الشباك ... اشرلا تنزل ..... ثواني ونزلت .....
-غدي: اتفضلي اطلعي .....
طلعت معو بالسيارة ومشي .....
-غدي: لازم علمك السواقة حسب الاوامر .... بس انا متأكد انك بتعرفي تسوقي ... حركة ذكية اللي عملتيها ......
-ورد: انت ليه مصر انو انا ماني بنتا .....
،-غدي: لانك بالفعل مش بنتا ....
-ورد: لكن ليه لهلأ ما خبرتا ....
-غدي: بدي انتقم منها .... بدي ياها تعيش شعور انو عم تحن ع بنت ما تطلع بنتها ... بدي خليها تعاني متل ما خلتني عاني .....
-ورد: شو عملتلك ؟ ....
-غدي: سرقت مني اعز ما بملك .....
-ورد: شو ؟ ....
-غدي: امي .....
-عقدت حواجبا وتمتمت .......
-ورد: ما فهمت ... انو قتلتا ؟ ....
-غدي: .............
-ورد: غدي .... شو رأيك تنضملنا .... نشتغل سوا .... والريس ساعتا رح يكت عليك مصاري ليوم الكت .....
-غدي: ...........
-ورد: شو قلت ..... ؟
صف ع جنب .... واطلع فيها نظرات غريبة .... نظرات للحظة خوفتها ... ورجعت ذكرتها انو هيي آنّا القوية مش ورد الضعيفة ........ جلست ضهرا وهيي ناطرة الجواب ...
-ورد: صدقني ما رح تندم .....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`