1/2
[٢/٣، ٩:٠٥ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖:
نصف ساعة بقلم نسمات الليل
لجزء الأول:
أنفاس متسارعة .... بداية احتضار .... سعلة قوية .... وصوت خافت ..... صوت عم يحاول يحكي بس مش عم يطلع ..... تجاعيد وجو الكتيرة وشعرو الأبيض كانو بدلو انو خلَص خُلِص عمرو ....... كانو تيابو كتير مبهدلين .... وفراشو قديم ...... ومرتو البسيطة واقفة بعيد وعم تتألم ....... بس كان في ايد فيها دهب .... مبين عليها الغنا .... ع كتفو ..... حكت وهيي عم ترجف .....
-حكمت احكي ليه طلبتني .......
-حكمت: احح ... احح ..... اب ... ابن .... ك ..... للل .... لل .... احححح اححح ......
-شو اشبو ابني ؟؟ ... هوي بالجامعة .......
-حكمت: لا .... اححح .... اححح .... من تن ..... احح احح ... تنين ...... اححححححح ... وتلا ..... وتلا ....... تين .......... اححححح احححح .... سسس .... سسسسنة ....... عااا .. يش .....
فتحت عيونا ع وسعن ... والصدمة كانت واضحة ع وجها ..........
-لسااتوو عاايش ؟؟؟؟؟ ... قللي ... حكمت قللي وينوووو ....
-حكمت: ووو ......... م ........ احححح ... احححح .... بنت ....... ع ع ... عايش ....
اخر رمق ...... ما قدر يكمل .... واختفى صوتو عالآخر ... عباراتو كانت شبه مُبهمة ..... والمرا كانت عم تراقبو بصدمة .... كيف مات بين ايديها بعد ما عطاها سر قتلها من جوا ..... وقفت فورا وبرمت ناح مرتو اللي مانا مستوعبة موت جوزا ....
-حكااالك شييي ؟؟؟ .... (مسكتا من اكتافا وهزتها بقوة) .... احكي بتعرفي شييييي ......
-ست عليا والله اول مرة بسمع اللي حكاه ....
نفضتا بقوة من بين ايديها وتركتا وطلعت من هالبيت البسيط ....... ركبت سيارتها وأمرت الشوفير يروح عالبيت فورا ....... وهيي عالطريق دقت تلفون ......
-عليا: فهد لاقيني عالبيت فورا .........
ما سمحتلو يحكي أي حرف ... وسكرت الخط ..... كانت عم ترجف ... والذكريات عم تقتحمها ........
///قبل ٣٢ سنة ..........
-عليا: امي ابني وين ... ؟؟؟ ... رديييي وينووو ؟؟؟ .....
-ام عليا: ولدتيه ميت .... ودفناه ...
-عليا: كيف بتعملي فيي هيك ... كيف بتدفنو ولد قبل ما تشوفو امو ... كيييف .....
-ام عليا: الك ٣ ايام بغيبوبة مش معروف اي متى بتخلص .... كان لازم نتصرف .....
-عليا: ما رح سامحك .... كل عمري ما رح سامحك ......
-ام عليا: لازم تقولي الحمدلله خلق ميت .... احسن ما يعيش والعار راكبو من فوق لتحت ....
-عليا: اسكتيي اميي اسكتييييي ........ ///
طلعت من ذكرياتا لما انصفت السيارة مقابيل قصرها الكبير ..... وهيي وعم تنزل من السيارة صفت سيارة تانية حدها ونزل منها شخص مبين بالخمسينات .... مطقم ومرتب ......
-عليا: الحقني لجوا بسرعة ......
-فهد: شو في اختي ...... خير .....
-عليا: جوا بتعرف .........
______________________________
ع بوابة قصر عليا زهران .... واقف شب هيئتو فقيرة بس مرتب ...... حلو وطويل .... اسمراني وعيونو عسلية ....... قرب جلال شوفير عليا منو ....
-جلال: شو جابك هلأ غدي .... قلتلك حكيت الست .... وما مشي الحال .....
-غدي: رجاءا انا كتير بحاجة لهالشغل ... دبرها .....
-جلال: خلص انا وعدتك ح زبطا ... ورح احكي معارف ال ....
-غدي(قاطعو): ما بدي معارف ولا بطيخ ... بدي اشتغل هون ... معك ....
-جلال: خلص بوعدك زبطها ..... الست الصغيرة رح تجي من امريكا بعد كم يوم ... رح تستقر هون بعد ما خلصت دراستا .... اتأكد انها رح تطلبلا شوفير خاص .... ورح زكرا فيك ....
-غدي: اي بترجاك ما تنساني .... بتعرفني بحاجة كتير للشغل ......
-جلال: تمام رح حلها ... فل هلأ ...... ما بدي مشاكل ..........
______________________________
-فهد: انتي شو عم تخبصي اختي .... مين حكالك هالشي .....
-عليا: خلص لا بقى تنكر .... انا من زمان حاسسني قلبي انو انت وامي رتبتو مؤامرة من ورا ضهري .... اعترف ...... وهلأ تأكدت انو امك هيي وعم تموت لما طلبت مني اجي شوفا ضروري وماتت قبل ما اوصل ... كانت رح تقللي هالشي .... ف ما عاد تنكر .....
-فهد: ..............
-عليا: فهد بترجاك احكي .... بترجاك ....... كانت بنت صح ؟ .....
-فهد: ما تلوميني اختي .... انا كنت يا دوب ١٩ سنة ........
-عليا(صرخت): احكييييي .... يلا احكيييي ..... ما عم بقدر صدق شو عملتو فيي ..... احكييييييي ....
-فهد: ما بعرف جنس الجنين ... بتذكر نهارا كانت بس الداية وامك بالغرفة معك .... وبعد كم ساعة ضهرت امي حاملة ولد ... قلتلا شو طلع ؟ رح اطلع خال لصبي او بنت ... قالتلي مش مهم ... روح حطو ع باب شي ميتم ....... انا وقتا انصدمت .... وضليت واقف مكاني بس هيي صرخت .... وقالتلي انو يعيش بميتم افضل من انو ابوك وابو هالطفل يقتلوه .......
بلشت عليا ترجف ... وقعدت وهيي عم تهذي وتحكي عبارات مش مفهومة .... لحد ما وقفت وصارت تصرخ ....
-عليا: كل عمري ما رح سامحكن ..... ابدا ما رح سامحك وخصوصي اذا طلعت بنتي عايشة طفولة وحياة قاسية ... صدقن
ي رح دمركن ......
-فهد: اسف اختي ... سامحيني ..... والله بعد موت امي حاولت دور عالطفل لجبلك ياه واعتذر بس ما لقيتو ... ما حبيت خبرك وتعبك عالفاضي .... اختي سامحيني بترجاكي ... كنت صغير ... وانت كنتي تعرفي امي كيف كانت .....
-عليا: كان قلبا من حجرررر .... همها البريستيج والعالم والطبقية .... الله لا يسامحكن ... اخدتو مني بنتي ......
-فهد: مين قللك انها بنت ؟ ....
-عليا: انت ما دخلك ... انقلع من خلقتي ولا بقى تفرجيني صورة وجك ...... لحظة ... قبل ما تفل اكتبلي عنوان الميتم اللي زتيت فيه بنت اختك بلا رحمة او شفقة ......
-فهد: اسف اختي .... بس انا ما كنت واعي .... ولا انتي كنتي واعية لتقدري تهتمي بطفل ...... كنتي يا دوب ١٦ سنة .........
-عليا: انقللللع لبرااااا فهههد ........
طلع لبرا مقهور بعد ما كتبلا العنوان ..... وهيي كانت فايتة بحالة صدمة كبيرة .... وهيي عم تتخايل بنتا ادي كانت ممكن تكون عانت او هلأ عم تعاني ...... كانت عم تروح وتجي بالصالون وهيي عم تفكر بكل شي .... ما بقا في حدا تقدر تاخد منو معلومات ... امها وشوفير امها القديم والداية كلن ماتو ........ وفهد ما بيعرف اكتر من اللي حكاه ....... ضهرت لبرا وركبت سيارتا بعد ما منعت شوفيرها يقرب .... كانت بدا تسوق لحالا ... وتفل لحالا ...... كانت مشتتة وعم تفكر ... لطالما اخوها اللي اخد الطفل عالميتم ... الشوفير السابق شو عرفو .... الموضوع مشربك ... وما في راس خيط .....
______________________________
من باب الجامعة كانت عم تبتدي الطلاب تضهر ....... طل من بين الكل شب مبين عليه علنا الدلال ...... عم يلحق صبية ويناديلا .......
-ميرااا ميرااااا .... وقفي لقللك ... بشرفك ......
-ميرا: شو بدك استاذ قيس .....
-قيس: عنجد ما كان قصدي ... كنا عم نتسلا ك شلة ونتمسخر .... ما قصدت ضايقك .....
-ميرا: انت عطول هيك ... بتستخف فيي وبضل تتمسخر .... خلص انا وياك مستحيل نكون ناجحين سوا ... خلينا كل واحد بطريق .....
-قيس: ميرا لا تقولي هيك ... انتي بتعرفي انتي شو بالنسبة الي .....
-ميرا: مانو مهم .... انت قيس زهران وحيد الست عليا زهران ووريثا الوحيد .... وهالجملة بتكفي يعرف الكل ادي انت مدلل ومغرور ... واناني ... وبدك كل شي الك ... بعرف انك ما بتحبني .....
-قيس: بس ميرا .......
-ميرا(قاطعتو): بلا بس .... لا بقى تلحقني ........
فلت وتركتو ..... وقف وصار يتفحص حواليه .... واجت ضربة خفيفة ع رقبتو ......
-كيفك شريييك ...... شو تركتك ميرا ؟؟؟ ....
-قيس: حل عني نبيل ......
-نبيل: حسستني انك مقهور يا حرام .... في بدالا مليون بيتمنو ع اجرك .....
-قيس: ع قولتك .... امشي نروح ع شي محل ... ما الي خلق عالبيت ....
-نبيل: يلا امشي ....
دق تلفون قيس .....
-قيس: الو اهلين خالي .... كيف يعني مانا منيحة ... شو صاير .... يلا يلا رايح عالبيت ......
______________________________
-عليا: متأكدة انو صبي ؟؟ ..
-المديرة: اي نعم ست عليا ... هيك مكتوب بالارشيف .... بالتاريخ اللي عطيتيني ياه ما فات عالميتم الا صبي واحد ...... وهلأ طلبت يجيبو ملفو ... شوي وبيوصل ....
سكتت عليا وهيي عم تفرك ايديها ... والمديرة عم دقق بالكومبيوتر قدامها ... فجأة انفعلت وحكت ....
-المديرة: مبلا .... في بنت ..... الصبي وصل بالتاريخ اللي قلتيه عال ١١ و ٤٥ دقيقة بالليل .... اما البنت وصلت ١٢ وربع بعد نص ليل .... كرمال هيك حاطيناها بتاريخ تاني نهار .... يعني في فرق نص ساعة ..... انتي اي ساعة ولدتي ست عليا ....
-عليا: صحيح ... انا ولدت بالليل ..... حوالي ال ١٠ .........
-المديرة: تمام ... يعني اللي جاب الطفل يا جابو بسرعة ووصل عال ١٢ الا ربع وهوي الصبي ... يا تأخر وجابو عال ١٢ وربع وهوي بنت ... ف اكيد بسجلوه تاني نهار .....
-عليا: ما بعرف ... امي كل عمرا تقللي ابنك .... بس شوفيرا قبل ما يموت قللي انها بنت ..... او يمكن قصد يخبرني عن بنت بتعرف مكان ابني ..... عم تتعقد الامور (منهارة) ......
-المديرة: روقي ست عليا ....
-عليا: كيف فيني لاقيهن لهالطفلين ......
-المديرة: هلأ بس يوصلو ملفاتن منشوف ..... (رفعت السماعة حدها) .. جيبولي كمان ملف البنت اللي بعد هالتاريخ ... مسجل هون انو اسما ورد .....
-عليا(بهمس): ورد !! ....
انفتح الباب وفاتت الموظفة ... سلمتها ملفين ..... وفتحت اول ملف .... وبعدا التاني .....
-المديرة: الصبي صعب كتير تلاقيه ... لو مُتبنى كان سهل الموضوع .... بس المشكلة انو هالولد لما كان عمرو ٨ سنين هرب من الميتم ..... ومن بعدا ما عاد عرفنالو اثر ..... والبنت .... والبنت .......
-عليا: البنت شووو احكيييي .......
-المديرة: ع عمر الخمس سنين تعرض الميتم لكم ارهابي ... والبنت من الولاد اللي انخطفو وما عاد عرفنا عنن شي .......
-عليا: انتي شو عم تحكي ..... كيف رح لاقيهن .... اكيد واحد منن طفلي اللي و
لدتو .... لانو اخي جابو ع هاد الميتم ...... صحيح اخي ..... رح اسألو اي ساعة ..... كيف نسيييت .................................. الووو .... فهددد .... ايا ساعة جبت الطفل عالميتم ؟؟؟
-فهد: اختي ما بتذكر .... وقتا كتير مشيت بالشوارع وانا مردد .... وحطيت الطفل وضليت كل الليل من شارع لشارع عم فكر فيكي وباللي طلبتو امي .... ما انتبهت للساعة ..... اختي بترجاكي .....
توت توت توت ...........
طبشت الخط بوجو وبلشت تفرك ايديها .......
-عليا: عطيني تفاصيل .....
-المديرة: الصبي سموه ريان .... فات بتاريخ ولادتك ... عال ١١ و٤٥ دقيقة بالليل .... كان طفل رايق ومطيع كتيير ... بتاريخو بهالميتم ابدا مانو مسجل ولا مشكلة عاملها ..... او مصيبة واقع فيها ....... بعمر ال٨ سنين بنص الليل انفقد .... وسجلوه انو هرب .... دورو عليه فترة وبعدين سكرو قضيتو .......
-عليا(بهمس): ريان !!! .....
-المديرة: البنت سموها ورد .... كانت طفلة مشاكسة كتير .... وخانة المشاكل معباية .... لما كانت بعمر الخمس سنين متل ما قلتلك انخطفت مع كم ولد من الميتم .......
-عليا: مشاكل !! ....
-المديرة: بتحبي اقرالك شو كانت تعمل ؟ ....
هزت براسا بمعنى اي .... وكملت المديرة حكي .....
-المديرة: في مرة ضاربة موظفة بخشبة تختا ... ومتسببتلا بجرح ع كتفا اليمين .... ومرة مقفلة الباب عالمديرة السابقة ...... وكانت تضل تضرب الولاد بالميتم .....
-عليا: خلص لا بقى تكملي ...... كيف بدي لاقيهن لاعرف ايا منن طفلي .... كييييف ياااااا اللله كييييف .....هالنص ساعة صح قلال بس بغيرو حياة .....
-المديرة: روقي ست عليا ..... صح انفقد اثرن .... بس فيكي تنشري بالجرايد او عالتلفزيون ..... خلي املك ب الله كبير ....
طلعت عليا من عندا وراسا بالارض .... وخيبة املها واضحة .......
_____________________________
المسا ........
-قيس: امي احكيلي ... شو صاير معك .... ليه هيك وجك تعبان ......
مسكت عليا ايد ابنا .... وباستا .... رجعت قربت منو وحطتو بحضنا .... وهيي عم تبكي ....
-عليا: تتذكر لما مرة فقت عليي بالليل بعد وفاة ابوك بكم يوم .... كان وقتا في كابوس عم يخنقني ..... سألتني اي متى ح تحكيلي شو هالكوابيس اللي ملاحقتك ..... وقتا حكيتلك صح .....
-قيس: اي ... وقتا قلتيلي لو بيك بعدو عايش ما تجرأت قللك ..... بس بدي عاد شيل الحمل عن قلبي .... قلتيلي انو الك ابن خلق ميت .... ودايما بتكوبسي انو عايش وعم ياخدوه منك ......
-عليا: ما خلق ميت ..... لساتو عايش ......
-قيس: شوووو ؟؟؟ ... يعني انا الي اخ اكبر مني ؟؟؟ ...
-عليا: او اخت .......
-قيس: لا خي اجمل .... ادي بكون عمرو ؟؟؟ ...
-عليا: ٣٢ سنة .......
-قيس: اكبر مني ب ١١ سنة ....... وليه زعلاانة ... لازم تكوني مبسوطة ........
-عليا: لاني ما بعرف كيف لاقيه .... لاني عم فكر كيف ممكن يكون عاش هالسنين بلاي ... لاني عم فكر انو ممكن يكون مات وما شفتو ......
غمرها بقوة ...... ورجع حكا .......
-قيس: رح نلاقيه ... بوعدك ..... احكيلي كل شي من البداية ........
___________________________________
كانت مديرة الميتم بالبيت .... حملت تلفونها ودقت اتصال ......
-المديرة: الو .... معك مديرة ميتم الفقدان الحالية ...... فيني احكي مع الست لميا .... مسافرة ؟؟ .... واي متى بتجي ..... تمام .. فيني اطلب منك لما تجي تقيليلها دقللي كتيير ضرورييي .... تمام بتشكرك ......
سكرت الخط .... واتنهدت ........
__________________________________
-قيس: لا تخافي امي .... الا ما تزبط .... رح نلاقيه .... او نلاقيها ... بس حكمت هيك ضيعنا ... اذا بنت او صبي .......
اندق الباب ..... فتحت الخادمة ودخل فهد .....
-عليا: انا ما قلتلك ما بقى بدي شوف صورة وجك ؟؟؟
-فهد: اختي .... اسمعيني ... اتذكرت شي ..........
نطت من محلها وركضت وقفت مقابيلو .... ومسكتو من قميصو ....
-عليا: احكي ... شو تذكرت ؟؟؟ ....
-فهد: تتذكري الطوق اللي كان هاديكي ياه بابا يوم عيدميلادك ال١٤ ...... كان دائرتين فيهن مغناطيس .... ما بيتفرقو عن بعض بسهولة ..... ومكتوب عليها اسمك واسم بابا .......
-عليا: اي وقتا قللي خللي هاد برقبتك ... هاد متل الاب وبنتو ... اللي ما بيفترقو .... بس انا كنت ضل فكن والعب فيهن .....
-فهد: اي هاد يوم ولادتك لما وصلت عالباب وبإيدي الطفل .... انتبهت لدائرة وحدة برقبة الطفل .... استغربت وقتا ليه امي معلقتلو ياها ......
ابتسمت عليا لما حست انها وصلت لطرف خيط ..... قعدت وهيي صافنة ...... ورجعت اندفعت للحديث ....
-عليا: الدائرة التانية ..... رح شوفا ....
ركضت ع غرفتا لفوق ..... وصارت تبرم بين مجوهراتا .... وبصناديقها ... ما كانت تلاقي شي .... برمت ضهرا ولقت قيس واقف ....
-عليا: ما لقيتا .....
-قيس: بتكون ستي خبتها معا ......
_______________________________
برات القصر ..
.. وبرات البوابة ..... كان عم يروح ويجي .... ويفكر ويصفن ..... لحد ما رفع ايدو ناح رقبتو ...... وشد الطوق بقوة ....... فتح ايدو ورفع الطوق مقابيلو ..... وراقب الاسم اللي عليها متل كل مرة ...... وهمس .....
-كريم ..........
كان صافن بالطوق .... وعم يفكر بخطواتو الجاية ...... سمع صوت وراه عم يناديلو ...
-غدي ........
زت الطوق فورا من ايدو من شباك سيارتو التعبانة والقديمة .... والتفت عالصوت ....... كان جلال .... سائق عليا ....
-جلال: غدي شو عم تعمل هون ؟؟ .. ما قلتلك بدا يومين لتوصل الست الصغيرة .....
-غدي: اي بعرف .... بس هيك كنت مارق بالصدفة بس ......
ركب سيارتو البسيطة ... وساق فورا لحتى ما يغرقو جلال بالأسئلة ........ اخد الطوق من ارض السيارة ..... وفتح التابلو وزتو فيه ......
-غدي: لبستو ٣٢ سنة .... لانو قطعة منك .... بس هلأ ما عاد في داعي بعد ما اكتشفت انك غنية وقادرة تربيني ....... لانو اللي متلك حرام يكونو ام .... رح احرقلك قلبك ع ابنك التاني ... متل ما حرقتي قلبي .... رح دمركن ..... كلكن ........٠
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`
[٢/٣، ٩:٠٥ م] null: *؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
لجزء الثاني:
بعد مرور يومين ............
بالقصر .... كانت قاعدة عليا بالحديقة .... ومقابيلا شخص غريب مطقم .....
-عليا: جد معك شي حضرة المحقق ؟ ....
-المحقق: عم حقق بالقضية ... وعم حاول اوصل لطرف خيط .... وانشالله كل المستجدات رح خبرك فيها .... انشالله مقابلة مبارح معك عالتلفزيون رح تجيب نتيجة .....
-عليا: ........
-المحقق: ست عليا لازم نكون صبورين اكتر من هيك ... القصة مانا سهلة ....
-عليا: حاطة كل أملي فيك ...
-المحقق: وانشالله ما بخيبلك أملك ..... بالاذن .......
فل المحقق .... ولمحت عليا بنت من بعيد ... ابتسمت ووقفت فورا ... وفتحت ايديها .... ركضت البنت لعندا .... وغمرتا .....
-عليا: ناااارين .... حبيبة قلبي .... اشتقتلك كتييير ......
-نارين: وانا اكتر عمتي .... اشتقتلك اكتر ............. وين هالازعر قيس ؟ ...
-عليا: وين بدو يكون ... اليوم عطلة ... وسهر مبارح كتيير ... ولساتو لهلأ نايم ....
-نارين: تمام أنا بوعيه .....
فاتت نارين عالقصر .... وطلعت ع غرفة قيس .... فتحت الباب عالهدا .... وفاتت شوي شوي ..... حملت بريق المي ... وكبتو ع وج قيس ..... انتفض من مكانو .....
-قيس: يلعن ......... نااااريييين ؟؟؟؟؟؟ ....
غمرها بقوة .... وهني عم يضحكو ......
-قيس: اهلا ببنت الخال .... شو كيف كانت امريكا معك ؟؟ ....
-نارين: تمام .... الحمدلله اللي خلصت منا ..... يي ما ابشع الغربة .....
-قيس: يعني هلأ عنجد صرتي دكتورتنا ......
-نارين: ههههه لا دكتورة اطفال ... الا اذا حاسب حالك طفل .....
-قيس: به به به ... يلا قومي انقلعي من غرفتي لبدل تيابي وننزل نتروق .....
-نارين: هششت .... احترم اللي اكبر منك .....
-قيس: ييي شو اشتقت لقصصنا وخناقاتنا ......
-نارين: يلا نازلة عند عمتي .... ما طول ......
-قيس: تمام .....
-نارين: ع فوقا ..... شو في بين عمتي وبابا .... جابني من المطار لهون فورا وما قبل ينزل معي .....
-قيس: العلاقة متوترة بيناتن شوي الها كم يوم .... خلص بعدين بحكيلك ......
-نارين: ما عم ينام بالبيت ؟ ...
-قيس: لا ... عم ينام بالاوتيل .... وبالشركة امي ما عم تروح ... فما عم يلتقو ....
-نارين: يي هلقد .... احكيلي هلأ .....
______________________________
-عليا: جلال بعتت ورا الشوفير الخاص ؟؟ ...
-جلال: اي ستنا .... ليكو ناطر برا .....
-عليا: انت متأكد منو ؟؟ ... ما بدي يسودلي وجي مع بنت اخي ... ويطلع مش خرج ثقة ....
-جلال: لا طمني بالك ستنا .... موثوق فيه .....
-عليا: تمام ... ابعت وراه ......
راح جلال ... دقيقتين واجا غدي معو .... كانت عليا ضهرا الو .... وغدي عم يراقب تفاصيل اناقتها .... اللي ما بدل ع كبر عمرها ........ برمت ضهرا والتقو عيونن ... حست بنغزة بقلبا ... وهوي كانت المرة الاولى اللي بشوفها عن قريب هالقد ...... وحكت عليا ......
-عليا: شو اسمك ؟ ....
-غدي: ............
لكشو جلال لينتبه ع سؤال عليا .... تمالك حالو ورد فورا ... كانت مشاعرو مخربطة .....
-غدي: غدي .... اسمي غدي يا خانم .......
قبل ما ترد كانو نازلين نارين وقيس من فوق ... وجايين باتجاهن .... استغل غدي هاللحظة ليدقق بملامح عليا اكتر .... لحد ما سمع السلام ...... برم عالهدا ......
-قيس: مرحبا ......
-غدي: مرحبا .....
-عليا: نارين بنتي ... هاد غدي ... شوفيرك الخاص .....
-نارين: تمام ......
-قيس: هيك دغري تمام .....
-عليا: يا ريت بتتعلم منا وبطمنلي قلبي ومنحطلك شوفير خاص .....
-غدي: ما تهكلو هم ... الست نارين بعيوني .... متل اختي رح حافظ عليها ..... وانشالله بكون قد الثقة ......
-قيس: اووه نيالك ست نارين ......
-غدي: واخوك انت كمان .......
قال هالجملة وعيونو عم يلمعو ... وهوي عم يراقب قيس .... ابتسم قيس ... وابتسمت عليا ..... نسمة طمأنينة هبت لقلبا .... وريّحتا ....... قرب قيس وربت ع كتف غدي .....
-قيس: بنت الخال بأمانتك .......
غدي كان جدي بكلمتو لما قلو واخوك انت كمان ... كرهو لقيس قبل ما يشوفو ... اختفى لما شافو ... حس بالاخوة ... الدم حن ... نسي غيرتو منو انو عاش كل هالسنين مع امو ..... بس امو ما قدر انو يسامحا بأي شكل .... لانها زتتو بالهلاك بدون ما يرفلها جفن حسب ما بيعرف ......
_______________________________
فاتحين عالتلفزيون .... واناقة عليا وجمالها واضحين حتى من ورا الشاشة ..... كانت عم تحكي ودموعا ع خدها .......
-عليا: أنا عندي موضوع حساس شوي ... يا ريت اللي عندو أي معلومة يفيدني فيها ... في بنت وشب اتسلمو لميتم الفقدان من ٣٢ سنة بتاريخ ٣ من شهر أيلول ...... كان مع الطفل سلسلة فضية ... دائرة بتحمل اسم عليا ... او كريم اسم ابي ......... يا ريت اللي بيعرفن يجي عالعنوان المكتوب أسفل الشاشة ... او يدق عالارقام الموجودة .....
رفع الريموت وطفا التلفزيون ..... وابتسم بسمة خبث ......
-شو رأيك ؟؟ .....
-ع شو ناوي ؟؟ ......
-ناوي ع آنّا ......
-عم تمزح !!! .......
-ليه بدي امزح .... رح خبر الغراب .... وآنّا أد هالمهمة ... وزيادة ......
-بس قبل ما تخبر الريس لازم تعمل دراسة كاملة .....
-انا منير ولو .... ما بينقلو هيك حكي .... من لما شفت هالمقابلة مبارح ... وانا درست كل شييي ... يوم واحد كان كفيل بوضع خطة مبكلة ....... وعرفت كل شي .... ما بحكي بشغلة مانا مضمونة .....
-اي مانك قليل ..... مش قليلة انك ايدو اليمين للريس .....
-منير: ما بدي نبه عليك علي .... ولا حدا من الشباب لازم يعرف باللي عم نخطتلو .... لحد ما احكي الريس الكبير ......
-علي: امرك ريس ...... مش عالفاضي انا ايدك اليمين ......
-منير: برافو ......
منير وعلي هني اشخاص بشبكة كبيرة .... شبكة ما في شي مش قانوني الا مشتغلة فيه ... هني باختصار ادوات بلعبة الشطرنج .... والغراب هوي الملك اللي ما بصير شي الا من بعد مشاورتو .... هوي اللي بحط الخطط والرجال اللي لا تُعد ولا تحصى وحتى بنات .... بتنفذ اوامرو .... منير بكون ايدو اليمين ... هوي صلة الوصل بينو وبين باقي الشبكة .... هوي اللي اوقات بيعطيه افكار ... وكل ما كانت الافكار مربحة اكتر كل ما كانت مكافأتو أكبر ........ بهاللعبة كلها الشخص المجهول ... هوي الغراب ... الطاولة .... طاولة الشطرنج .... اللي اذا وقعت ... وقع وراها كل شي ........
_____________________________
-غدي: لوين بتحبي وصلك ست نارين ؟ ....
سألها وهوي عم يراقبها من مراية السيارة الامامية ....... اطلعت فيه .... وجاوبت .....
-نارين: ما رح تعرف العنوان ... انا رح دللك ... احفظو منيح ... لاني رح روح كتير لهونيك بالايام الجاية .......
-غدي: أمرك .....
-نارين: خليك ماشي مستقيم ... اول مفرق عالشمال ... فوت فيه وبعدا بدللك ....
-غدي: أمرك .....
ضلو يمشي حوالي العشر دقايق ... ونارين دللو هون وهونيك ... وهوي عم يراقبا من المراية ..... شعرا القصير اللي معطيها جمالية خاصة ... كيف كل شوي بينزل ع عيونا وبترفعو .... وعيونا اللي بتشبه عيونو ..... ولبسا المنسق ......
-نارين: اووف ... كيف ضيعت الطريق .... هالقد البلد مغير .....
-غدي: ادي الك مش جاية عالبلد ستنا ؟؟ ...
-نارين: من اخر زيارة جيت فيها ... صرلي ٥ سنين ....
-غدي: اووه ... قليلة يتغير كل شي ؟؟!! .... انتي قليلي شو اسم المكان الا ما كون سمعت فيه .......
-نارين: منطقة السلام .... شارع الخليل ......... هوي المكان صعب شوي .. وبعيد .... وسكانو قلال .... عشان هيك ما الكل سامع فيه ..... وخصوصي انو المنطقة صغيرة ومنفية شوي عن الشارع العام ......... ليه عم تبتسم ....
-غدي: لاني ساكن هونيك ست نارين .....
-نارين: عنجد ؟ ... يي لو حاكية من الاول .... ما كنا لفينا كل هاللفة وتعبتك ......
-غدي: ولو هاد واجبي ستنا .....
-نارين: فيك لا بقى تقللي ستنا ... وست نارين .... وهالالقاب ..... !!
ابتسم غدي ..... وتابع الطريق .......
_____________________________________
جوات الظلام ..... مكتب ... قاعد عليه رجل مش مبين منو شي .... كلو سواد ... بس شعراتو الابيض هني اللي مبينين .... كان فاتل كرسيه .... رفع ايدو ليأمر الكل يضهر بعد ما فوتو منير .... ولما اتسكر الباب ... برم الريس ...... وحكا منير ....
-منير: بكل مرة بجي وما بتسمح لحدا يشوف وجك غيري بتزيدني شرف يا ريس ... بحس ادي انا محظوظ يا غراب ...
-الغراب: تافه .... ما لازم تركض ورا مناصب ... اد ما لازم تركض ورا المصاري .....
-منير: اذا بدي اركض ورا المصاري يا ريس يمكن بيعك ... وانا من اهل الوفا ....
-الغراب: ع اساس في مين يعطيك اكتر ..... ع كلن ... انشالله يكون موضوعك مهم ....
-منير: اكيد مهم .... في مرا غنية ... طلعت عالتلفزيون عم تدور ع بنتا .... وآنّا أد هالقصة ....
-الغراب: ........ شو بهمني بكم دولار من مرا عم تدور ع بنتا ....
-منير: له يا ريس ... إذا أثبتنا انو آنا بنتا ... رح تورثا ... وثروتا بتغطي نص البلد يا بيك ...... بعرف انو حاليا منا نركز عالشحنة اللي جاية من برا ... بس آنا من لما تعممت صورتها عالمطارات ما عاد اشتغلت ... خلي هالشغلة تسليها ... ومنا منكسب بدل الخير خيرين ....
-الغراب: صاير يعجبني تفكيرك .... فيك تباشر ......
-منير: واذا بتحب بفرجيك ع تفاصيل ......
-الغراب(قاطعو): مش مهم ... انا بوثق فيك ... وبوثق بآنا اكتر ... وانتبه انت ما توثق بمين ما كان ... بتعرف انو انا ما بعرف غيرك وغير آنا وعلي ومعتز رئيس الحرس هون ... ف خود بالك .....
-منير: ما تعتل هم يا غراب .....
رجع رجوع ناح الباب بدون ما يبرم ... ضهر برا المكتب .... والتقى بمعتز ....
-معتز: اهلا شريك .... كيفو علي ..... (لوا شفتو) ... وآنا ......
-منير: تمام ... انا مستعجل شريك منحكي بعدين .... وخففلي خناقاتك انت وآنا اي ......
ضهر من المبنى وحمل تلفونو .....
-م
نير: آناااااا ... مهمة جديدة .........
عالطرف التاني من الخط ... بشقة مرتبة ... لابسة تياب سودا .... وطت ناح الطاولة واخدت السيجارة والقداحة .... ولعت ... ونفخت ......
-آنا: انشالله تكون محرزة ...
-منير: محظوظة يا بنت انك اول التلاتينات .... لاقيني بسرعة بمبنى الغراب المهجور .... لنحكي ....
سكرت الخط ... ورمت تلفونا ..... سحبت سحبة تانية من سيجارتها وقعدت .... صفنت مقابيلا .... وعيونا المميزين حكو بالاعصار اللي ممكن تعملو بس برمشة عين ......... نفضت السيجارة .... حملت مفاتيحها وضهرت .......
______________________________________
كان صافف غدي مقابيل باب البيت اللي نزلت عليه نارين .... عم يراقب تفاصيل البيت ... اديشو قدييم وتعباان .... اتسائل بينو وبين حالو كيف بنت ب رُقي وغنا نارين ... او بالاحرى الدكتورة نارين ... عندا حدا بخصا بهالبيت ...... وبهالحي ...... حمل تلفونو يتصفح فيه لكانت ضهرت ....... بيّن قدامو مقطع فيديو عليا اللي انتشر بسرعة رهيبة على مواقع التواصل الاجتماعي ........ حضرو ... ابتدت تتكون دمعة بعينو ... مسحا فورا ... عقد حواجبو .... وحكا من بين اسنانو .....
-غدي: هلأ فقتي !!! ... بعد ٣٢ سنة .... ما رح سامحك ... رح دمرك ... وهالفيديو ما رح يغير شي من طريق انتقامي .......
بهالوقت كانت نارين قاعدة جوا مع بنت من عمرا ...... وعم يحكو .....
-نارين: والله كتير اشتقتلك صفاء .......
-صفاء: خمس سنين يا بلا قلب ....
-نارين: قلتلك تعي زيارة لعندي كل فترة ... انتي ما كنتي تقبلي ... اوعى تقيليلي مصاريف .. كل شي كان ح يكون ع حسابي .....
-صفاء: بعرفك ما بتقصري ... بس ما فيي اترك اخي هاني ... بتعرفي ...... حتى لو شب ... ما النا غير بعض بهالدني ....
-نارين: .............
-صفاء: بشو صفنتي ؟! .....
-نارين: ما شي .....
-صفاء: لساتك بتحبيه ؟! ....
-نارين: ولا يوم وققت حبو ....
انسمع مفتاح الباب ... مشاعر نارين اتخربطت وزادت دقات قلبا .... جلست ضهرا .... وحاولت انها تضل طبيعية .... فات هاني باندفاع ... ومجرد ما لمحا اتخربط ... ورجع خطوة لورا ........
-هاني: كيفك نارين؟ ....
-نارين: الحمدلله ... وانت كيفك ؟ ......
-هاني: عايش ......... اتخرجتي ؟ ....
-نارين: اي ....
-هاني: مبروك .... يعني صار فينا نقللك دكتورة ....
-نارين: الله يبارك فيك ... وانت وين صرت ؟ .....
-هاني: متل ما انا ... من خمس سنين .... بمحل النجارة ......
-صفاء: اييي ... تغديت اخي ؟ ....
-هاني: لا ... طالع تغدا مع الشباب ... جيت بدل تيابي .... بالاذن .....
طلع فورا بدون ما ينطر وحدة منن تقللو اذنك معك .... واختفى بغرفتو .... اتنهدت نارين ووقفت ....
-نارين: صار لازم روح ......
-صفاء: خليكي ... بشرفك ......
-نارين: بدي فل ....
-صفاء(مسكتا من ايدا): اطلعي فيي ... لمحت دمعة ؟ .....
-نارين: اتركيني صفاء ... لساتو لامبالي ... ولا كإنو في شي .... عم يحكي طبيعي .....
-صفاء: بس ....
-نارين(قاطعتا): خلص صفاء .... بشوفك بعدين .....
طلعت نارين من البيت ... ركبت السيارة .... وقالت لغدي يمشي .... ومجرد ما بعدت عن البيت ... بلشو دموعا ينزلو .... اطلع عليها غدي من المراية .... اتسائل بينو وبين حالو ... بس موقعو ومنصبو ... ما سمحولو يسأل .... لمحتو عم يطلع فيها من المراية ......
-نارين: ادي ممكن يكون القلب من حجر ؟ .....
-غدي: ع أد الحزن والقهر اللي عاشو ......
-نارين: بما انو جاوبت بسرعة ... يعني قلبك من حجر ....
-غدي: بس اتجاه الشخص اللي عذبني واذاني ....
-نارين: ومين هالشخص ؟ .. حبيبة ؟ ....
-غدي: لا .....
سكتت نارين لما حست انو ما بدو يحكي .... وتابع الطريق لصف مقابيل القصر .... نزلت ....
-نارين: شكرا الك .... فيك تفل ... ما عاد ضاهرة اليوم .....
هز براسو ... ومشي .......
________________________________
-آنّا: يعني شكلك بكلتا منيح .... بس نسيت الطوق .... من وين منا نجيب متلو .... اساسا ما منعرف شكلو لنصمم واحد ....
-منير: عادي جدا ... ببساطة ضاع ... بعدين تحاليل الDNA اللي ح تطلع ايجابية ... رح تغطي عليه ... وما عاد حدا يسأل عنو .....
-آنا: المهمة صعبة .... رح فوت وعيش بين ناس غرب ....
-منير: ما تقولي غرب ... هدول اهلك ....
-آنا: كذبت الكذبة وصدقتا ....
-منير: نحن ربينا سوا آنا ... وغيرنا اماكن كتيرة ... ما رح تعجزي عن مكان جديد .....
-آنا: بس ولا مرة عشنا بقصر ... على كلن اكيد موافقة ... بحب المغامرات .....
-منير: اهم شي تبدي تخليها تسجلك اشيا بإسمك .... لحد ما يصير كلو الك .....
-آنا: بس ع حسب علمي ... عندا ولد ....
-منير: لما تلاقيكي ... رح ينعمى ع قلبا .....
-آنا: وبلكي ظهرت بنتا الحقيقية ....
-منير: ما بعرفك متشائمة هالقد ... ع كل حال رح ننتظر يومين ... اذا ما بينت بتبدي بمهمتك ... ولما تحسي انو رح تبين او يبي
ن ... كونو قالت ممكن يكون صبي ... بتلفون واحد بصير بعداد الموتى .....
-آنا: تمام .... لازم من اليوم بلش اتدرب اني كون بنت هبلة وع نياتي ... والقط بياكل عشاي ... واشتري تياب مبهدلة لحسسها كيف عشت بدونها ..... وتنقهر وتلوم حالا ...
-منير: براافو ... بلشتي تفكري مزبوط ... لتتعاطف معك ... وتسجلك ممتلكاتا بإسمك كتعويض .........
-آنا: ...........
-منير: ع فوقا .... بنتا اسما ورد ... هيك سموها بالميتم ....
-آنا: ورد ؟؟؟!! .....
-منير: ليه تفاجأتي ؟ ....
-آنا: ولا شي .... بس استغربت الاسم .... ما بعرف شو حسيت ..... ع كل حال انو يكون اسمي ورد شي حلو .....
_________________________________
بعد مرور ثلاثة أيام ............................
بمطبخ القصر ..... عم يحضرو الترويقة ........ قاعد جلال وغدي عم يشربو قهوة ناطرين الاوامر ... اذا الست عليا او نارين قررو يضهرو .....
-الطباخة: عجلي سمية ... طالعي الاكل لفوق .....
-سمية: يلا امي .....
-جلال: ع مهلك عالبنت حميدة ...... يلا بنتي طالعيهن وروحي ع مدرستك .....
-سمية: ماشي بابا ... اساسا شوي وجايي ثريا ... ما فيني اترك امي لحالها .....
اندق باب القصر ......
-حميدة: ع شو بدي لحق للحق ... لازم تصير تجي ثريا أبكر .....
-غدي: انا بفتح .....
راح غدي يفتح الباب .... وبس فتحو ... طلت صبية ناعمة ... ما في آثار للمكياج ع وجها ..... هيئتها بسيطة ... ودموعا ع عيونا ...... عقد حواجبو غدي .... ونطر منها تحكي .....
-فيني شوف الست عليا لو سمحت .....
-غدي: ما بتقدر تشوف حدا بلا موعد .....
-ضروري كتير ... قلها ورد عم تستناكي من ٣٢ سنة .... وهيي لحالا ح تجي تشوفني ......
عقد حواجبو غدي ...... صفن فيها ... وافكار تاخدو وتجيبو ..... كان بين انو يسكر بوجها ... وبين ينفذ اللي بدها ياه ... اللي كان واثق انو كذب ... كانت بس ثواني لحد ما لمعت براسو فكرة ... وقرر قرارو ...
يتبع .... غدا .....
قولكن شو قرار غدي ؟ .. وهل ورد فايتة على لعبة سهلة ؟ .. وعليا شو رح يكون موقفها ؟ هل شعور الامومة ح يلعب دور ؟ ... أما قيس هل رح يقبل حدا يشاركو بإمو وممتلكاتو ؟ ... كلو ببين بالجزء الثالث .. يلا حللوو ....
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`