الفصل 8
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم نصف ساعة`*
*❴🔢❵الـــبـــــــــــ❴8️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖:
الجزء الثامن:
-آنا: حدا فكرني غبية .... حدا عم ينتقم منها لانها تركتو .....
-مازن: كيف عرفتي ....
-آنا: شكيت فيه ... وضليت بحبش وراااه .... لحد ما بالاخر عرفت انو جاي من ميتم الفقدان ....
-مازن: مانك قليلة ....
-آنا: يلا انا قايمة ... بتشكرك مرة تانية ... ورح خليك تعيش المك شوي لحالك ...
-مازن: ألمي ! ... انا اتخدرت خلص ..... ما بقى بدي شي ... بدي انسى امي وابي ... وعيش بسلام ....
-آنا: هه ... الدنيا شو ظالمة ... انت بدك تنسى .. وانا بدي اتذكر وين كنت قبل هالمافيا ... بدي اعرف مين هني امي وابي .... ما رح سامحن ... ابدا .....
-مازن: اذا كان عندن اسباب رح تسامحيهن ....
-آنا: بشك ...
-مازن: ما رح تقيليلا لعليا مين ابنا ؟! ....
-آنا: رح اترك هالشي الو ... هوي بس بدو بخبرها .......
____________________________________
-نارين: الوو .... كيفك ؟ .....
-غدي(كان عم بسوق): ما توقعت شوف اسمك عالشاشة ......
-نارين: وانا ما توقعت انو بالفعل انت كنت الشخص اللي ارتكي عليه وقت يصير مشكلة ... او بالاحرى مصيبة ....
-غدي: كنا كل يوم سوا ... كنت دائما احميكي ... بس بدك وقت لتعرفي هالشي ... شكلو من لما بعدنا لليوم لصار مصيبة .....
-نارين: هه ... اي والله .... اول مصيبة ......
-غدي: احكيلي ....
-نارين: ورد ما طلعت بنتا لعمتي .....
-غدي: شووو ..... شو صار ... مين قلها ... كيف اكتشتفت ... !!!!!
-نارين: روق روق ... سؤال واحد واحد ..... هيي ورد اختفت مبارح ودقتلها اليوم ... انو خلص ما بقى فيها تكذب ... واعترفت بكل شي .....
-غدي: انا لازم سكر ... بحكيكي بعدين ..... باي ....
سكر الخط ودق فورا لورد ... كان مغلق .....
-غدي: شو عملت الغبية شو عملت ......
وصل لعند الغراب ونزل ... فات لعندو ...... ومتل العادي الغراب بالظلام .......
-غدي: أمرني يا بيك .....
-الغراب: عندي بنت عم تعصي الاوامر .... بدي تجيبا من تحت سابع ارض .......
-غدي: امرك يا بيك .... مين بتكون ؟! ... بدي شوية تفاصيل .....
-الغراب: انزل عند معتز .... بيعطيك المكافأة ... وتفاصيل عن البنت .....
-غدي: تمام يا بيك ...
-الغراب: اذا جبتلي ياها .... رح تكون طلعت ٣٠ درجة بمهمة وحدة ......
ابتسم غدي .. وضهر .... نزل لعند معتز .....
-معتز: اها جيت ... مجهزلك الظرف ... اتفضل ....
-غدي: يسلمو ... مين البنت اللي بدو ياني لاقيها ....
-معتز: ما رح يتركا بحالا ... لك كل عمرا خادمة عند اجريه ... عند اول غلطة رح يدمرا .....
-غدي: شو صاير ... !
-معتز: ما بعرف ... اللي بعرفو انها غلطت وبس .... اسما آنا .... عمرا بأول ال٣٠ .... رح قللك الاماكن اللي بتتواجه فيها اكتر شي ... عندا شقة بشارع الاكليل ... بس هاي للغراب ما بعتقد تتواجد فيها ... وقصر زهران ....
-غدي: قصر زهران !!! ....
-معتز: اي عاشت فترة هونيك بإسم ورد .....
غدي: اي قول من الاول .... عرفتا ....
-معتز: من وين بتعرفا ....
-غدي: ما قللك منير انو جابني من هالقصر .....
-معتز: اها ... تمام ... يعني بتعرفا ..... ليك لاقيها ... لاقيها بترجاك ... بس اوعى تسلمها للغراب ... خبر منير هوي بيعرف شو يعمل ....
-غدي: ليه ....
معتز: هيي قطعة مننا كلنا .....
__________________________________
-فهد: قللي دكتور ....
-دكتور: تركوها ترتاح ... اعصابا تعبانة شوي ....
-فهد: تمام ... شكرا الك ....
نزل الدكتور لتحت ..... وقرب قيس من فهد ....
-قيس: كنت عم بلش صدق انها اختي ... ليه هيك عملت بإمي ... ليه .....
-فهد: الطمع بيعمي العيون يا خال ......
-قيس: انا فايت شوفا .....
________________________________
-غدي: الو ... مين معي ....
-لك انا ورد يا غدي ...
-غدي: قصدك آنا ....
-آنا: من وين عرفت .... ؟
-غدي: عرفت وبس ....
-آنا: المهم ... بدي شوفك .......
-غدي: وين ؟ ......
-آنا: ما بعرف ... مطرح ما بدك .... مهم مكان آمن ....
-غدي: رح ابعتلك العنوان بمسج .....
بعد ساعة كانو غدي وآنا واقفين سوا بمكان مإفي تحت ظل شجرة ......
-غدي: قليلي ....
-آنا: بدي منك خدمة ... انا ما عدت اوثق بحدا ... لا معتز ولا منير ولا علي .... الي مستندات عند الغراب بدي هني ..... رجاءا ....
-غدي: بتعرفي شو آخر مهمة عطاني ياها الغراب .....
-آنا: شو .....
-غدي: جيبك لعندو .......
اطلعت حواليها آنا برعب .... حست انها اجت عالموت برجليها .....
-غدي: بس ما تخافي .... ما رح اعملا .....
-آنا: اساسا ما بتسترجي ...
-غدي: مش لمصلحتك تتحدي .... شو فيهن هالمستندات .....
-آنا: فيهن انا ....... بدي اعرف انا قبل الغراب وين كنت ... ومن هاداك المكان رح اعرف مين انا ......
-غدي: كلنا منجهل مين نحن ... ومنسأل ذات السؤال .... مين أنا ....
-آنا: انا حدا زتوني اهلي للهلاك ...
-غدي: شو قول انا ......
من بعيد بسيارة مفيمة ... عم يحكي شب عالتلفون ....
-اي يا بيك ... عم نلاحقو متل ما طلبت ... هلأ واقف بمكان هوي وآنا .....
-الغراب: تمام ... اذا راحو سوا بتلحقن ... واذا كل واحد بطريق ... بتلحقو آنا .... وبس يصير الوقت مناسب بتجيبوها لعندي ........
-امرك ......
توقع الغراب كان بمحلو ..... افترقو غدي وآنا .... ولحقو الشباب آنا ......وبس صار الوقت مناسب ... مخدر ع قطعة قماش ... حطوه ع تما ... وغابت عن الوعي .... وشحطوها معن بالسيارة ... بدوون شوشرة .......
___________________________________
واخيرا اتجرأ غدي ... وفات ع هاداك القصر ... قصر ابوه اللي رباه ... اللي ورثو كل أملاكو .... او بالاحرى قصر اللي ظلمو ....... فات شوي شوي ... وبلشت تتجسدت الذكريات مقابيلو .... ذكريات كتيير بشعة ... مشاهد ضرب ....... مشاهد اهانات ...... سكر وعربدة .... ظلم وكره ...... رصاص ودم .......
-غدي: شو كان بدك بهالحياة يا ابي ..... وحتى موتك كانت ابشع موتة ..... بأحضان بنت ليل ........
برم راسو لما حس بحركة ناح الباب .....
-غدي: اهلين لميا .....
-لميا: بدك ابعت ناس للتنظيف .....
-غدي: بدي تبعتي سمسار ... اعرضيه للبيع ....
-لميا: بس ....
-غدي: بلا بس ...... الشي الوحيد اللي عملو معي منيح هداك الزلمة هوي انو ورثني كل شي ..... مع انو بحس املاكو ومصرياتو عم يسممو كل شي بيلمسوه ...
-لميا: انت لازم تنسى الماضي ....
-غدي: انت اللي كنتي عم تشوفي كل شي عم تقولي هيك ...... هوي شي بينتسى .... كتير اوقات بتسائل ليه جابني من الميتم لطالما بدو يعيش حياتو بقرف وبالطول وبالعرض ... لطالما بدو يإذيني ... بدو يضربني ويهيني .... بدو يعملني رجال وانا ابن ١٥ سنة ......
-لميا: حاول تتناسى ... وتكمل حياتك طبيعي ..... الماضي بضل ماضي ... بس اشتغل ع مستقبلك حاليا .....
-غدي: بهداك الوقت انتي استلمتي الشغل معنا ...... كان عمرك ٢٢ سنة ... كنتي ولدانة جديد ... وابي كان يمنعك تروحي تشوفي ابنك وجوزك اوقات ......
-لميا: وقتا ما كنت بعرف انو مانو ابوك ......
-غدي: بسببو بعد كم سنة ابنك وجوزك عملو حادث ... كانو جايين يطمنو عليكي لانو الك فترة ما رحتي .....
-لميا: سكر عالسيرة ما بدي اتذكر شي .... خليني ع اني مساعدتك من كم سنة .... من لما اتوفى ابوك .... هون ابتدت حياتنا ...........
-غدي: ورجعت انتهت لما اجانا اتصال من مديرة الميتم .... هزنا هز ....
-لميا: انسى ... انسى ......
-غدي: انا طالع .....
_____________________________________
في اليوم التالي ...........
وعيت آنا بمكان مهجور ...... ولما دققت وعرفتو لهالمكان ابتسمت ابتسامة جنابية ..... ياما جابت ناس لهون وعذبتن ... شكلو اليوم اجا دورا .... اطلعت على رجليها وايديها .... كيف مربطين بجنازير صعب تنفك ...... ما تعبت حالا بالصراخ لانها بتعرف تماما انو هالمكان مقطوع ما بيقطع منو جنس مخلوق .......
-الغراب: بشو صافنة ست آنا ......
-آنا: شو بدك مني ؟ .....
-الغراب: روحك ...... انتي بديتي تطلعي عن طوري .... ما عاد قدرت سيطر عليكي متل قبل .....
-آنا: خود روحي ... بس خبرني قبل ... انا مين بكون ......
-الغراب: رح تموتي بهالحسرة .....
-آنا: كل هاد كرمال غلطة ....
-الغراب: غلطة بتجر غلطة ......
اجا صوت رجولي عم يصرخ .....
-تركووووونييييي ... انتووو مييين .... شووو بدكن منييييي ..... تركوووني .....
-همست آنا: غدي ........
بس شافا غدي بهالحالة مربطة ... عقد حواجبو .......
-غدي: آنا .... شو صااير .....
-الغراب: انا هون بسأل وبس .....
اطلع عليه غدي ودقق بملامحو .... بهيبتو ... وبرسميتو واناقتو ... بشيبتو ....... ما كان عرفو لو ما حكا .... لإنو هوي حافظ صوتو عن غيب ....
-الغراب: نظرتك بتقول انك عرفتني .....
-غدي: وشو صار لحتى حصلي الشرف شوف سيادتك .... شو صار لحتى طلعت عالنور .....
-الغراب: ما حدا بشوفني الا بكون اخر شي قبل موتو ... فيك تستعد .....
-غدي: شو عملت .....
ربطو ايديه الشباب بحديدة عالية .... وعملن حركة الغراب انو يفللو .......
-الغراب: شكلك عذبتن منيح للشباب لجابوك .....
-غدي: شو بدككك منيي .....
-الغراب: شفت آنا ... وما جبتا لعندي ... غلطتك هاي خلتني بحبش وراك .... أتاري بيتك المعفن حامل صور ومستندات وفيديوات الي ... بدك ادمرني يا واطي .... عم تخون الثقة اللي عطيتك ياها .......
_____________________________________
بعد مرور يومين ......
كانو يومين صعبين كتير ع آنا وغدي ..... قاعدين بهالمكان المهجور وعم ياكلو ضرب .... وما شافو الغراب بهاليومين ... ناطرين القرار اللي ح ينصدر بحقن .... حاولو يهربو كذا مرة ... بس ما قدرو ..... الدم معبي وجوهن واجسامن .....
أما عليا كانت شبه ميتة وهيي عم دور على بنتا ... او ابنا ... ورجعت لنفس الحالة ... مين ورد الحقيقية ومين ريان ... لهلأ ما لقت الجواب ... ما كانت بتعرف اساسا انو اللي اجت اتقمص
ت دور بنتا هيي ورد ... يعني الاحتمال التاني هوي الصح ... انو ريان ابنا .... صدفة غريبة ... ما كانت عارفة انو لازم تشدد ع انها دور بس على ريان .....
فهد من الشركة عالبيت ومن البيت عالشركة .....
قيس بروح عالجامعة مرة اي عشرة لا .... متسائل عن اختفاء غدي .... اللي صار صاحبو بدون حواجز ....
منير وعلي ومعتز شاكين انو الغراب ماخد آنا ... بس ما بيقدرو يخطو ولا خطوة احسا ما يشملن العذاب ....
نارين تعبت من انتظار غدي ... صارت هيي تبرم عليه ... بس بدون نتيجة ... للحظة اتوقعت يكون اتخلى عنا ....
أما مازن هوي اللي كان فايع ... لما ما وصلو خبر من آنا عرف فورا انو رجعت انخطفت مرة تانية .... خبر الشرطة وما في نتيجة ... فص ملح وداب .... الشعور اللي حسو اتجاها بليلة وحدة ... بعثرو من جوا ... حس انو نساء الكرة الارضية كلها ما رح يعبو مكانا ... او احتياجو الها .....
______________________________________
واخيرا وصل الغراب ... اتنفسو غدي وآنا الصعداء ... حتى لو كانت لحظة موتن .... احسن ... احسن بكتير من الانتظار ... انتظار المصير ......
-الغراب: شكلن الشباب مزودينا معكن شوي ...... شملك لطفي يا آنا .... للأسف ما فيي كب ٢٨ سنة ربيتك فيهن .... صرتي متل بنتي .... بس رح ترجعيلي متل قبل ... مطيعة وتنفذي اوامري .....
-آنا: كتر خيرك والله ... بس فشرت .... ما رح ارجع عبدة عندك ... يا بتعطيني الحرية ... يا اما الموت ....
-الغراب: ما تخافي رح ارجع روضك ............ أما انت استاذ غدي .... يومين ما قدرت لاقي شي عنك .... عارف تخبي هويتك كتير منيح ... فتت ع عالمي وانت حاطط هدف ... وللأسف ... اليوم ح تكون جنازتك ....
-آنا: لا لا لا ... ما فيك تعمل هيك شي ......
-الغراب: شو اللي بيمنعني ..... ومن اي متى صار قلبك عليه ......
-غدي: اذا كنت رجال قتلني بإيديك ... مش تتخبى ورا رجالك ....
-الغراب: عم تتحداني ولا صعلووك ....
قرب وضربو ب رجلو بقوة ....... بعّد خطوتين ... حمل سلاحو ... وصوبو على غدي .... كان غدي واقف وايديه مربطين ورجليه كمان ... وراسو همدان بسبب الضرب ........
-الغراب: اترحم على روحك .....
جهز حالو ... وحط ايدو عالزناد .........
-آنا: ما تتهور يا ريس .... ما تتهور .... رح تندم .....
-الغراب: عم تهددي وليييك .....
حاولت آنا توقف رغم الجنازير .....
-آنا: لا تعملا يا ريسسس ... اوووووعى ..... ريييييسسسس .......
ابتدا يضغط ... صرخت آنا .....
-آنا: لك هااااااد ابنكككككك .... ابنك من لحمك ودمك ..........
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`