الفصل 3
*✿ࢪواية خدعه الحب✿🎀♡*
8/9/10
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
«بارك الله لكما، وبارك عليكما، وجمع بينكما في خير…»
أروى وقفت مكانها…
الشنط وقعت من إيدها.
صوت الزغاريد علي
قالت بصوت عالى وبغل: هو ايه ال بيحصل هنا؟
يارا بابتسامة ثقة: باركيلى ياأروى انا وعامر كتبنا الكتاب
حامد بصلها بقرف وخرج يوصل المأذون
أروى بغل: ايه ياماما هو انا غريبة مش من الواجب تعزمونى على كتب كتاب اختى ولا اعرف بالصدفة كدة
سنية: يابنتى احنا قولنا انك عروسة جديدة وبعدين ايه خرجك دلوقتي؟
كملت بقلق: ليكون محمود زعلك
كانت أروى مش معاها بتبص لعامر ويارا بحقد وهيا شايفاهم مبسوطين وعقلها مش مستوعب ان عامر ممكن يكون بيحب يارا او نسيها بالسهوله دى
يارا باستفزاز: ماتردى ياعروسة ايه نزلك من تانى يوم
فجأة أروى حالها اتبدل راحت حضنت والدتها وعيطت
سنية بقلق وهيا بتبطب عليها: مالك يابنتى فى ايه؟
يارا بسخرية: دى اكيد بتمثل ياماما والله اعلم جاية ناوية على ايه المرادى
سنية بحدة: يارا اسكتى خالص
قالت أروى وهيا بتعيط بدموع مزيفة
= كلكم ظلمتو*نى ياماما وقولتم انى خطفت خطيب اختى منها بس ال انتم متعرفهوش انها هيا ال خطفت عامر منى.. عامر ويارا كانوا بيحبوا بعض وخدعونا كلنا طب.. طب تعرفى ياماما انهم كانوا على علاقة ببعض قبل..
عامر قاطعها بغضب: اخرسى ياأروى مش معنى انى ساكتلك انك تتمادى فيها
أروى باندفاع: انت ملكش الحق تعلى صوتك عليا
يارا: سيبلى انا ياعامر الطلعه دى.. انتى عايزة ايه ياأروى بالظبط جاية فى يوم صباحيتك عشان تفترى عليا بكلام محصلش مش قادرة تصدقى ان انا وعامر تخطينا خداعك انتى ومحمود وبدأنا حياتنا انتى ايه ياشيخه شيطا نة
أروى بتحذير: احترمى نفسك والزمى حدودك انا اختك الكبيرة
يارا بانفعال: بلا كبيرة بلا صغيرة وبعدين مين بيتكلم على الاخوة انتى.. انتى. ياأروى ال طول عمرك بتطلعينى وحشة قدام اصحابنا وكل ال نعرفهم وكنت اسكت واقول اختى الكبيرة اكيد متقصدش وهييجى اليوم ال هتتعدل فيه لكن شكل من كتر ماسكتلك افتكرتينى ضعيفه اسمعينى كويس ياأروى الكلام الكذ*ب ال قولتيه لماما من شوية لو قولتيه قدام الناس وحاولتى تشوهى سمعتى انا وقتها مش هسكتلك
أروى بغضب: شايفة ياماما كلام بنتك.. بنتك بتهدد*نى قدامكم كلكم ده كله عشان انا غلبانة و
_تعبانة.. انتى مجرد تعبانة ياأروى وبعدين انتى ايه مش بتزهقى انك تمثلى نفس الدور كل مرة انتى خلاص بقيتى مكشوفة قدامنا كلنا
قالتها يارا بسخرية
سنية بغضب: خلاص اسكتوا انتم الاتنين مفيش ولا واحدة عاملالى احترام بتتخانقوا وقدامى
أروى وهيا بتاخد شنطتها: انا ماشية من هنا ومش جاية البيت ده تانى غير اما تتعلموا تحترمونى
وقبل ماتمشى كانت يارا قالت متعمدة تغيظها : الفرح الجمعه الجاية ياأروى ياريت تعملى الواجب وتيجى انتى وجوزك تباركلينا زى مانا جيت باركتلكم وهتبقى فى نفس القاعة
بصتله أروى بغضب بعدها خرجت وركبت عربيتها
نروح على فين ياهانم؟
تناست أروى غضبها وقالت: على محل المجوهرات وبعدين اطلع على الفيلا
والله ياماما زى مابقولك كدة شوفتها جاية بعربية كبيرة.. شكلها حلو اوى اوى ياماما
فتحية بحسرة: حسرة علينا وعلى بختنا بقى سنية تجوز بناتها الجوازات المحترمة دى وانتى لسة قاعدالى
ميار بتذمر وهيا بتسرح شعرها الاحمر المصطنع
= يووه يامامى كل مرة نفس السيرة
فتحية بسخرية: مانتى لو فالحه كنتى لفيتى على محمود وخلتيه يحبك لكن اقول ايه طالعه عا*ر لابوكى
ميار بتذمر: يامامى انتى عارفة من الاول انى مش معجبة بمحمود واعجابى كله لعامر هو فتى احلامى
فتحية بسخرية: عامر الفقير طب اتنيلى يابت على خيبتك... وروحى اندهى للفالح ابوكى هو ده كله بيكتبوا الكتاب يكنش كتاب كتاب الوزير عامر على الوزيرة يارا
ميار: مش كان من الزوق يامامى نحضر مرات عمو تقول علينا ايه دلوقتي مش مبسوطين
قووومى يابت من وشى.. قااال زوق قاال... روحى ياسنية الهى ماتنبسطى انتى وعيالك
مجرد ماأروى خرجت يارا قالت بند*م
انا آسفة بجد ياعامر انى ورطتك فى حكاية الفرح... ممكن تعمل فى قاعة على قدك او حتى متعملش خالص مش هزعل
ابتسم عامر وقال: لا يايارا الفرح هيتعمل وفى نفس القاعه ال طلبتيها
يارا باحراج وهيا بتفرك ايدها: قولت كدة قدام أروى عشان اغيظها انا غلطت وعارفه
عامر بتصميم: حتى لو مكنتيش قولتى فانا لوحدى كنت هعمله فى القاعه دى
صبرى: يارا معاها حق ياعامر يابنى متحملش نفسك فوق طاقتها ايه لازمتها التكاليف دى
عامر: ياجماعه خلاص انا مقرر وبعدين دى ليلة واحدة فى العمر خلينا ننبسط
لما يارا لقت عامر مصمم قلعت الخاتم بتاعها مسكت ايد عامر وحطته
عامر باسغراب: ايه ده؟؟
يارا: بما انك مصمم فخد الخاتم بيعه عشان لو احتجت اى مصاريف
مسك ايدها ولبسها الخاتم تانى وقال: يارا انا عامل حسابى خلى الخاتم فى صباعك واوعى تقلعيه من ايدك تانى
سنية ابتسمت وهيا شايفه التفاهم مابين يارا وعامر واتمنت ان حياة أروى تبقى زى اختها وربنا يهديها والحقد ال فى قلبها ده يروح لكن متعرفش ان أروى مصممه على الأذية
يارا كانت حاسة ببعض القلق خصوصا ان عيلة عامر مش موافقة على جوازهم ومحضروش كتب الكتاب كل ال فى دماغهم ان يارا شبه أروى بس هل يارا هتقدر بمعاملتها معاهم وطيبة قلبها تكسبهم ويحبوها
قعد عامر مع يارا وعيلتها شوية بعدها استأذن وروح بيته مجرد ماوالدته شافته داخل قالت
عملت ال فى دماغك واجوزت يارا ياعامر
عامر بضيق: ايوا ياماما وكان افضل لو حضرتك حضرتى كتب الكتاب انتى ورؤى
نجاة بحدة: انت عارف سبب رفضى البت دى اكيد شبه اختها وهييجى اليوم ال هتسيبك فيه الا بقى ياحبيبي لو انت قولتلها على الحقيقة وبعدين طالما انت مستعجل اوى كدة على الجواز كنت قولتلى وكنت جوزتك بنت خالتك اهى مننا وعمرها ماكانت هتزعلك
عامر بغموض: ماما يارا هيا انسب واحدة ليا صدقينى وبالجوازة دى هكون مرتاح واوى
نجاة بشك: انت اجوزتها ليه ياعامر عشان بس تغيظ أروى صح؟؟
عامر رد على الفور: لا ياماما قولت لحضرتك ان يارا انسب واحدة ليا ومتخافيش مش هقولها على اى حاجة قبل ماتأكد من معدنها الاول وياريت انتى ورؤى متعرفوهاش.. هدخل اشوف رؤى بقالى كذا يوم مشغول ومسألتش عنها
فى داخل غرفة رؤى كانت بتكلم صاحبتها وهيا بتعيط
= لا ياميادة انا عمرى مااعترفله بحبى اساسا قصة حبنا انتهت قبل حتى ماتبدأ
سمعت صوت عامر بيخبط فبسرعه قالت
= هكلمك بعدين ياميادة اخويا جه يلا مع السلامة
مسحت دموعها سريعا وقالت: اتفضل ياعامر
دخل عامر وقال بحنية: عاملة ايه ياحبيبتي؟
انا كويسة ياعامر انت عامل ايه؟
عامر بعتاب: انا زعلان منك.. ايوا زعلان يعنى اقدر افهم سبب عدم حضور ماما كتب كتابى لكن انتى ايه خلاكى متجيش
قالت بحزن خفى: آسفة ياعامر انا بس محبتش ازعل ماما اتمنى متكونش مضايق
خلاص ياحبيبتي انا مش مضايق بس توعدينى تيجى الفرح
ابتسمت وقالت: حاضر
روحت أروى الفيلا وهيا شايلة شنط كتير
فيه عروسة تسيب عريسها من تانى يوم جواز وتروح تلف وتصي*ع
قالتها هادية بسخرية بعدها اتفاجئت بكمية الشنط والحاجات ال أروى جايباها
ايه كل ال انتى جايباه ده لا ده انتى مش جاية تجوزى ابنى انتى جاية تخربى بيته
أروى ببرود: حضرتك مزوداها شوية ياطنط دى حاجات بسيطه جدا مش هتأثر على فلوسكم
هادية بسخرية: انا من الاول وانا شاكه فيكى وعارفه انك طمعانة فى ابنى
أروى باستفزاز: تؤ كلامك غلط ياطنط هو حرام انى انبسط وامتع نفسى بفلوس جوزى وبعدين انا اكتر واحدة هتخاف عليه وعلى فلوسه انا مراته
هادية بتوعد: اوعدك انى هكشف وشك الحقيقي قدامه ويلا امشى من قدامى وجودك بيسببلى ازعاج
مشيت أروى وهيا حاسة بغضب شديد
قالت فى داخلها بتوعد: هخلص من يارا وبعدها هيييجى دورك ياعقربة ياحماتى وكل الثروة والعز ده هيبقى ليا لوحدى
فجأة لفت انتباهها غرفة مختلفة عن باقى الغرف افتكرت ان هادية حذرتها تدخل الاوضة دى بالذات لكن فضولها كان اكبر جت تفتحها بس كانت مقفوله فزقتها جامد وهيا متشوقة تشوف فيها ايه وعقلها الجاهل بيصورلها ان.ط فيها دهب او فلوس هادية خايفه عليهم فمخبياهم
بعد محاولات الباب اتفتح دخلت والابتسامة على وشها لكن مجرد ماشافت ال فى الاوضة صرخت بأعلى صوتها
= محموووووود الحقى الحقوووونى الحقووونى
تكونش شافت تعبان يقرصها ونخلص منها 😂
يارا كانت رايحه شغلها لكن فجأة شافت شباب المنطقة بيبصوا فى تليفوناتهم ويبصولها ويضحكوا
حست بضيق لكن كملت طريقها جه واحد وقف قدامها وقال بوقاحه وهو بيديها التليفون
= مين البطة دى تعرفيها
قال الاخر بسخرية وهو بيضحك: دى واحدة شبهها لا لا دى هيا
توقاعتكم وارائكم تفتكروا ايه ال أروى شافته رعبها بالطريقة دى وهل قدرت تأذى يارا زى ماتوعدت
تفاعل حلو وكومنتات كتيير
#خدعة_الحب8
#ايمان_احمد
مين البطة دى تعرفيها
قال الاخر بسخرية وهو بيضحك: دى واحدة شبهها لا لا دى هيا
بصت يارا على الفيديو بصدمه الفيديو كان واضح، أوضح مما تتخيل…
وش بنت شبهها طبق الأصل، نفس الملامح، نفس الشعر… لابسة بدلة رقص وبتلف وتتمايل قدام الكاميرا.
يارا همست بصوت مكسور:
— مستحيل… دي مش أنا… لا مش انا
ضحكات الشباب عليت حواليها، وحد قال:
— يا سلام على البراءة… هو احنا عيال؟
حست الأرض بتلف بيها، عينيها دمعت، حاولت تتكلم بس صوتها خانها.
وفجأة…
صوت حاد قاطع الكل:
— فيه إيه هنا؟!
التفتوا كلهم، وكان عامر واقف، ملامحه مش طبيعية، عينه فيها نار.
قرب بخطوات تقيلة، خطف الموبايل من إيد الشاب وبص للفيديو ثانيتين…
وشه اتشد، فكه تصلّب رفع عينه وقال بهدوء مرعب: اللي عنده الفيديو ده يمسحه حالًا… واللي نشره أنا هعرف أجيبه حتى لو مستخبي تحت الأرض.
الشاب حاول يضحك وقال: هو انت قريبها ولا إيه؟
عامر قرب أكتر، بقى بينهم مسافة أنفاس: أنا جوزها وهعرف ازاى اجيبلها حقها واحاسب كل واحد منكم ضايقها ولو بكلمة ويلا اخفوا من وشى
نجح عامر بأسلوبه انه يخوفهم وخلاهم كلهم قبل مايمشوا يمسحوا الفيديوهات من عندهم بعدها الشباب بدأوا يبعدوا واحد واحد.
عامر لف ليارا، شاف دموعها نازلة من غير صوت.
قال بحنية وهو بيمسك إيديها: بصّي في عيني… انتي عملتي كده؟
هزّت راسها بسرعة وقالت ودموعها نازلة بوجع: والله ما أنا… عمري ما لبست كده… ولا رقصت… أنا مش فاهمة ده حصل إزاي.
شدّها ناحيته، وحضنها قدام الناس كلها، إيده على راسها بيهديها.
قال بصوت واطي بس حاسم: طالما معملتيش كدة يبقى بطلى عياط انا واثق فيكى وال يعرفك كويس عمره ماهيشك فيكى يايارا
يارا انفجرت في العياط وقالت : أروى… دي أروى… أنا متأكدة… هي عايزة تدمّرني انا بجد تعبت هيا ليه بتعمل فيا كدة
بعدها عامر عن حضنه وقال بتوعد: اوعدك انها هتتحاسب على عملتها ومفيش حد فى الدنيا هيقدر يأذيكى طول مانا معاكى
يارا مسحت دموعها وقالت: طب وال.. الفيديو
عامر: مش عايزك تقلقى انا هتصرف
سكتت يارا فقال عامر: يارا انا عايزك توثقى فيا ولو شوية
هزت يارا راسها وهيا فعلا مش قدامها حل تانى غير انها توثق فى عامر لانه بقى جوزها وهو الوحيد ال هيقدر يحميها من أروى وشرها
محموووووود الحقنى الحقوووونى الحقووونى
جه محمود جرى دخل الاوضة: فى ايه ياأروى حصل ايه وبعدين انتى ايه دخلك هنا
أروى برعب وهيا بتشاور: بص.. بص يامحمود فيه فيه عفريته هنا
راح محمود عند المكان ال بتشاور عليه أروى كان فيه كرسى متحرك وقعدة على بنت وشها محرو*ق ومبتتكلمش قعد محمود وحضنها
أروى بصدمة: محمود مين المشلوله ام وش محروق دى وازاى ازاى بتحضنها عادى كدة مش مقروف
محمود بغضب أعمى: اخرسى ياأروى دى تبقى اختى... جنى اختى الكبيرة
شهقت أروى بصدمه وقالت بتقزز حاولت تداريه
= اختك؟! و… ومين عمل فيها كده؟ تصدق أول ما شوفتها افتكرتها… احم… أقصد إني خوفت بس.
محمود بص لها نظرة كلها احتقار، عينه اتحولت فجأة من لهفة لأخته لنار مولعة.
= خوفتِ؟! ده أقصى تعليق عندك؟ خوفتِ؟!
أروى ابتلعت ريقها وحاولت تلم الدور:
= طب ما طبيعي أخاف! داخلة أوضة مقفولة ألاقي حد قاعد في الضلمة كده ومش بيتكلم!
محمود وقف قدامها قال بصوت حاد: وانتي مالك تدخلي الأوضة ليه أصلًا؟ مش ماما قالتلك قبل كده الأوضة دي محدش يقربلها؟
أروى بعناد: وأنا غريبة انا مراتك وبعدين انتم ليه مخبيينها كدة
قبل ما يرد… الباب اتفتح بعنف.
هادية دخلت أول واحدة، وشها شاحب أول ما شافت الباب مفتوح ووراها سعد
راحت جرى على بنتها حضنتها وطبطت عليها بحنية كانت البنت دموعها متجمعه فى عينها ال مليانة وجع بعدها قالت هادية بصوت متقطع: الباب… الباب كان مقفول… مين فتحه؟!؟
بص محمود لأروى فلاحظت هادية نظراتهم وفهمت ان أروى ال فتحته قالت بغضب
= حذرتك! قولتلك متقربيش من الأوضة دي!
أروى حاولت تبرر بسرعة:
= أنا ماكنتش أعرف إن فيها حد! افتكرت مخزن ولا حاجة… وبعدين هو سر ؟ ليه مخبين بنتكم كده؟
هادية بغضب: حاجة متخصكيش
سعد: اهدى يامرات اخويا هيا اكيد مكنتش تقصد
هادية بحدة: خد مراتك واطلعوا يامحمود وياريت تفهمها ان الاوضة دى ممنوع تدخلها تانى
مسك محمود ايدها وطلعوا
هادية: وانت ياسعد خد الباب فى ايدك وانت طالع
_ كدة يامرات اخويا بتطردينى وانا ال جاى مخضوض على جنى
هادية: عايزة ابقى مع بنتى شوية ياسعد بعد اذنك
سعد: حاضر يامرات اخويا
خرج سعد وبقت هادية مع ابنتها جنى
هادية بحزن: آسفة ياحبيبتي عارفة انك بتخافى من الناس وطبعا اكيد بتسألى مين دى.. دى تبقى أروى مرات محمود
دموعها نزلت بغزارة فمسحت هادية دموعها وهيا مستغربة سبب بكاء بنتها بالدرجة دى معقول أروى تكون قالتلها كلام يضايقها
خلاص خلاص يابنتى كفاية عياط حقك عليا أوعدك ان محدش هيدخلك غيرى
فى غرفة محمود
أروى: عايزة افهم ايه ال عمل فى اختك كدة
محمود بحدة: خليكى فى حالك ياأروى
أروى ببجاحه: مش لازم اعرف اذا كانت مشلوله بالوراثة ولا مجرد حادثة
محمود بعدم فهم: وهتفرق معاكى فى ايه؟
أروى : هتفرق طبعا ده معناه ان فى خلل فى الجينات عندكم ولو خلفت منك عيل بعد كدة احتمال يبقى معاق صح ولا لا
محمود بحدة: ايه الكلام الغريب ال انتى بتقوليه ده ... وبعدين على افتراض انك كنتى حامل فى طفل معاق وقتها هتعملى ايه؟
ردت على الفور: هنزله طبعا انا هجيب طفل معاق يتعذ*ب ويعذب ال حواليه ليه زى اختك كدة
محمود بغضب: أروى احترمى نفسك ومتجبيش سيرة اختى ولا ليكى دعوة بيها وال حصل مع اختى كان مجرد حادثة ومش هقول اى تفاصيل اكتر
قالت أروى برقة وهيا بتحاول تصلح الوضع
= حبيبى انت زعلت منى مكنتش اقصد اضايقك والله
محمود بضيق: خلاص ياأروى... بس مكنتش اتوقع تكونى بالتفكير الرجعى ده
قال كلامه وسابلها الاوضة وخرج
أروى بغضب: يلا فى داهية
رن تليفونها ردت على الفور بعدها ارتسمت ابتسامة شر على وشها وقالت
= لسه يا يارا… ده أول الدرس مفكرة انك تقدرى تاخدى حاجة ملكى وهسكتلك انا مش انتى
بعدها ضحكت ضحكة مليانة شر
مجرد مايارا روحت البيت راحت لوالدتها حضنتها وعيطت لكن سنية بعدتها وفجأة كف نزل على وش يارا
يارا بصدمه وهيا حاطة ايدها على وشها: ماما انتى بتمدى ايدك عليا انا عملت ايه!
قال حامد بغضب: عاملالنا فيها محترمه وانتى مقطعه السمكة وديلها
فهمت يارا انهم شافوا الفيديو فقالت على الفور بانهيار
= انتم كمااان هتشكوا فيا والله العظيم مانا ال فى الفيديو ده بنتك أروى هيا المسئوله
سنية بصدمه: أروى.. أروى هتعمل كدة ليه
يارا بعياط: مش عارفة بقى روحى اساليها
فجأة الباب خبط فتح حامد كان عامر ماسك واحد من هدومه رماه قدام سنية
سنية بقلق: ايه ده ياعامر مين ده؟
عامر وهو بيركله: اعترف ياكل*ب
قال الراجل بخوف: انا.. انا ال نشرت الفيديو للبنت دى وكان فيديو مفبرك عملته
شهقت سنية وقالت: ليه ليه تعمل كدة فى بنتى ليه
رد الاخر بارتباك: فى واحدة ست جتلى ادتنى فلوس كتير مقابل انى اعمل الفيديو المفبرك وانشره على المواقع والله لوله انى محتاج الفلوس ماكنت عملت كدة
سنية بتوتر وقلبها بينبض بسرعه: مين هيا البنت دى؟
والله مااعرفها كانت لابسة نقاب بس انا فاكر صوتها فاكره كويس لو سمعته هعرفها
عامر قال بهدوء: اظن ان كلنا عارفين هيا مين
حامد بغضب: كان لازم من الاول نعرف ان الحركة دى متطلعش غير من الكل*بة أروى
الراجل قال بخوف لعامر: انا قولت كل ال عندى ارجوك متأذنيش انا عندى عيال
عامر بجمود: ومفكرتش ليه فى سمعة الناس الغلابة دول وانت بتعمل عملتك ولا انت الوحيد ال عندك عيلة
سنية مسكت ايد يارا وجرتها قدامها
يارا: ماما احنا رايحين على فين ماما
حامد وعامر مشيوا وراهم على الفور وهما بيحاولوا يوقفوا سنية لكنها مكنتش سامعاهم
فى فيلا محمود
كانت أروى ماسكه تليفونها بتتفرج على فيديو يارا بشماته لكن مجرد مامحمود دخل بتلقائية خبت التليفون بصلها محمود بشك وقال: ايه ال انتى مخبياه ده؟
أروى بتوتر: ده.. ده ولا ولا حاجة
كان لسة هيتكلم لكن سمع صوت عالي بيقول
فين أروى هيااا فين أرووووى
محمود باستغراب: مش دى مامتك
أروى بتوتر: ايوا هيا فعلا
طب تعالى نشوف فى ايه
هادية: ماتقولى ياسنية فى ايه؟
أروى جت تسلم على والدتها بتوتر: ماما از.. ازيك ياماما
سنية بحدة: يوصل بيكى الامر انك تعملى فى اختك
بص محمود وهادية لاروى بتساؤل حست اروى بارتباك شديد
ماما انا عملت ايه مش.. مش فاهمه
سنية بجمود: هو سؤال واحد وهتقولى الحقيقة الحقيقة ياأروى ولو قولتى غيرها انا هعرف ومتلوميش غير نفسك
هادية : ماتقولى ياسنية هيا عملت ايه ويارا مالها بتعيط ليه؟
تجاهلت سنية الرد عليها ووجهت كلامها لأروى: انتى ال خليتى الراجل ينشر فيديو مبرك لاختك
فى نفس اللحظة كان حامد جه وعامر ال ماسك الراجل ال نشر الفيديو مجرد ماأروى شافته حست بتوتر كبير
تفتكروا عامر هيكشف حقيقة أروى ولا هتقدر تنفذ نفسها
تفاعل حلو وكومنتات كتييير
#خدعة_الحب9
#ايمان_احمدانتى ال خليتى الراجل ينشر فيديو مبرك لاختك
فى نفس اللحظة كان حامد جه وعامر ال ماسك الراجل ال نشر الفيديو مجرد ماأروى شافته حست بتوتر كبير
أروى عينها كانت على الراجل مش مركزة مع سؤال والدتها فهزتها سنية وقالت
بصيلى وانا بكلمك وردى ياأروى انتى عملتى كدة فى اختك
افتكرت أروى ان الراجل اصلا مشافش وشها فالاكيد انه مش هيتعرف عليها فقالت بقلب جامد
= لا مش انا ياماما وبعدين انا مش فاهمه فيديو ايه ال بتتكلموا عن..
قبل ماتنهى كلامها كان الراجل قال بصوت عالى وهو بيشاور عليها: هيا والله نفس الصوت انا متأكد
أروى بغضب: انت اهب*ل ولا ايه انا اول مرة أشوفك فى حياتى هترموا بلاكم علياا
والله يااستاذ هيا انا متأكد صوتها مستحيل انساه هيا جت ادتنى صور للانسة دى وقالتلى اعملها الفيديو وانشره. حتى طلبت منها صور اوضح وبعتتلى
أروى بعصبية: لا ده انتم اكيد متفقين عليا بقى وجايين تشو*هوا صورتى قدام جوزى
محمود بهدوء: هاتى تليفونك ياأروى
أروى بتوتر: ايه!
محمود: قولتلك هاتى تليفونك
أروى بتوتر ظهر فى صوتها: انت انت هتصدقهم يامحمود
محمود بعصبية: هاااااتى ياأروى
أروى خرجت تليفونها وادته لمحمود والتوتر بان عليها
محمود بجمود: افتحيه
أروى: بس
محمود: افتحيييه
فتحته أروى وبمجرد مامحمود مسك التليفون شاف الفيديو بتاع يارا انصدم
سنية قربت شافت الفيديو على تليفون أروى مع كلام الراجل ال أكد ان أروى هيا ال بعتتله الصور فالكل عرف ان أروى ال عملت كدة مش محتاجين دليل أقوى الا ان يرى كانت لسة مصره تنكر عملتها
سنية قربت منها وصفعتها
أروى بصدمه: بتمدى ايدك عليا ياماما
سنية بقسوة: ده انا هعيد تربيتك من اول وجديد الظاهر انى قصرت من الاول فى تربيتك
مجرد مانتهت صفعتها كف تانى وتالت الكل كان بيتفرج محدش حاول يحوش سنية حتى محمود فكان شايف انها تستحق و مع الكف الرافع كانت أروى تخطت كل الحدود زقت سنية بغشم وقبل ماسنية تقع على الارض كان حامد وعامر جريوا لحقوها
حامد صرخ بصوت رجّ البيت كله: — إنتي اتجننتي يا أروى؟! بتمدّي إيدك على أمك؟!
أروى كانت بتنهج، عينيها مليانة شر وغِلّ، وشها أحمر من الضرب والإهانة، لكن الكِبر لسه متحكم فيها.
— ماحدش يمد إيده عليا! أنا مش صغيرة! ومش هاسمح لحد يذلني! حتى لو كان امى
كملت كلامها بقسوة: ايوا انا ال عملت كدة فى الست يارا بس هيا تستحق ياريت تمشوا كلكم تطلعوا برة بيتى بررررة والا هندهلك الحرس يجروكم جر
سنية مقدرتش تستحتمل كلام بنتها اكتر حطت ايدها على قلبها وفجأة فقدت الوعى
جريت يارا على والدتها وهيا بتحضنها وصرخت: مااااما ماااما ارجوكى اصحى ياماااما لو مااما حصلها حاجة مش هساااامحك ياأروى
وبسرعه حامد شالها وخرجوا كلهم تاركين أروى ال كانت واقفه ببرود من غير احساس بالذنب او حتى يالقلق محمود كان واقف مصدوم ومش قادر يعرف مين الانسانة ال اجوزها وازاى طلعت بكل الجبروت ده
هادية صرخت فيها: انتى ازاى تعملى فى امك كدة انتى ايه ياشيخه شيطا*نة
أروى بجبروت: متقلقيش اوى عليها دى عاملة زى القط بسبع ارواح عملت نفس الشويتين لما بابا مات افتكرناها هتمو*ت بس قامت زى القردة
هادية صرخت فى محمود ال كان مازال فى صدمته: سااامع يارب تكوووون دلوقتي عرفت انت مجوز مين البنت ال تعمل كدة فى امها واختها اومال هتعمل ايه فييينا احنا؟!
سرعان مامثلت أروى العياط ببراعه
= انتم مش فاهمين حاجة.. عيلتى دايما بتطلعى وحشة قدام الكل عايزين تعرفوا ليه بعاملهم كدة ماما دى اكتر واحدة ظلم تنى بابا ما ت وانا عندى 17 سنة بس وقتها مكنش عندنا اى مصدر دخل كنت انا ال بطلع اشتغل واصرف على البيت ماما كانت تسيب اخويا حامد قاعد وتخلينى انا البنت اشتغل ويتهد حيلى ليل نهار لحد مابدأت اشك انى ابقى بنتها كنت بتشغل ومعيشاهم احسن عيشة ورغم كدة مكنش عاجبهم وكانوا بيعاملونى اقذ*ر معاملة واخر شغلانة اشتغلتها كانت فى محل الدهب فاااكر.. فاكر يامحمود اما دخلت مرة وشوفت صاحب المحل وهو بيحاول يتحر*ش بيا فاكر
افتكر محمود الموقف ده فعلا وكدب*ة أروى صدقها لكن كان فيه حاجة فى قلبه من ناحيتها اتغيرت
محمود قال بهدوء: بس ده كله ميدكيش الحق فى ال عملتيه
بعدها سابها ومشى
هادية بتوعد: بحلفلك بعيالى انى هكشف حقيقتك القذ*رة قدام ابنى وقريب قريب اوى ياأروى
يارا بقلق: ماما انتى كويسة خلينا ناخدك على المستشفى
سنية بتعب: مفيش داعى يابنتى انا كويسة
حامد بغضب: هنسيب ال اسمها أروى دى من غير عقا*ب بعد ال عملته
سنية بحدة: محدش يجيب سيرة البت دى تانى قدامى انا مش عندى بت بالاسم ده متبرية منها ليوم الدين واكبر عقاب ليها انها هتفضل لوحدها ومش هتلاقى حد يحبها ابدا
عامر: طنط لو حضرتك تعبانة احنا ممكن نأجل الفرح
لا يابنى انا كويسة متأجلش الفرح
يارا بصت لعامر بامتنان انه ساعدها وقف جمبها وهو الوحيد ال مصدقش الكلام ال اتقال عليها
دخلت أروى الاوضة المغلقة وهيا بتبص حواليها تتأكد ان محدش موجود
أروى بشر: ازيك يامشلو*له جيت اطمن عليكى شوفى انا طيبة ازاى
قربت أروى من الكرسى المتحرك وفجأة شدت شعر جنى بقوة دموعها نزلت بوجع بس مكنتش قادرة تصرخ
أروى بضحك: تعرفى احسن حاجة فيكى انك خار*سة متقدريش تقولى حاجة من ال بتحصل وطبعا اكيد بتسألى نفسك ليه بعمل فيكى كدة والله كله بسبب هادية الكل*ب امك مفكرة انها هتقدر تطردنى من البيت... البيت ده بتاعى انا اتمنى ان امك تحسن معاملتها معايا لان كل ماضايقنى هاجى اوريكى السوا*د يامشلو*له
كملت كلامها بهوس: عامر.. عامر اتجوز اتجوز اختى طلع كدا*ب وعدنى هيحبنى طول العمر وبسهوله خانى
داست على رجل جنى بقسوة وقالت بحقد: مفكرين انى هسيبهم يجوزوا ده بعدهم... انا انا بحب عامر بس بكره الفق*ر والفقرا أهلى السبب هما السبب ليه كانوا فقرا بسببهم انزليت كتير فى حياتى ومقدرتش احقق احلامى انا بكر هم بكر هم اوى... ودلوقتى جه لحظة الخطة الجديدة اظن المرادى لازم نخلط الحقايق بالكذب عشان الخطة تنجح
قالت قبل ماتغادر الغرفة: أرجعلك تانى زيارة قريب ياجوجو
اياد: انت نسيت أصلك ياعامر
رفع عامر نضارته وقال بهدوء: مالك يااياد فى ايه؟
اياد: فيه انك سايب قصرك وشركتك ورايح تشتغل ميكانيكى ليه ياعامر
عامر بهدوء: انت هتستعب*ط يااياد مانت عارف كل حاجة
اياد: ال اعرفه ان أروى سابتك وطلعت متساتهلش حبك تقدر تقولى لسة موجود فى المنطقة بتعمل ايه؟
ولا ماما ورؤى موجودين معاك لحد دلوقتي ليه؟
عامر بهدوء: اياد انا اجوزت
اياد بصدمه: ايه اجوزت مين وازاى؟
يارا اجوزت يارا
اياد وهو بيفتكر: تقريبا دى اخت أروى لو مش غلطان
ايوا هيا
اياد بصدمه: وازاى يابنى آدم انت تجوز اختها
عامر وهو بيقوم من على الكرسى: قصة طويلة هقولهالك بعدين المهم فرحى كمان يومين عايزك تكون موجود متقلقش الفرح فى قاعة محترمة
اياد بصوت عالى: استنى هحضر بصفتى ايه
صديقى يااياد ومن غير ماتنفخ اوى فى نفسك عشان مننكشفش
بعد يومين
جه اليوم المنتظر وهو يوم فرح عامر ويارا بس تفتكروا الفرح هيمر بخير ولاأروى بتخطط لحاجة
فى بيت عامر
خرج عامر يشوف ال بيخبط لكنه اتفاجئ بأروى نفخ بضيق وقال
عايزة ايه؟
أروى ببرود: طب ايه مش هتقولى اتفضل
اتفضى وقولى عايزة ايه؟
قالت بسخرية: مستعجل ياعريس
كان لسة هيقفل الباب لكنها قالت: كلكم مفكرنى انى الوحيدة ال وحشة وبأذ*ى غيرى على الاقل انا مش مخادعة زى يارا ال غفلتك وغفلت محمود قبلك
بصلها بعدم فهم فقالت: جاية اقولك على الحقيقة ال ماما ويارا محدش منهم اتجرأ يقولها وفى الاخر بيطلعونى انا ال كدا*بة... طب روح اسأل كدة يارا او ماما بابا ما*ت ازاى ومين السبب لو مش هتصدقنى
لو هتتكلمى بالالغاز فانا مش فاضيلك
أروى: يارا مش بنت بنوت
تفتكروا كلام أروى صح وعامر ايه ردة فعله؟؟
يلا تفاعل حلو
#خدعة الحب10
#ايمان_احمد