الفصل 4
*روايات (عربيه)خليجيه مميزه 🇾🇪*
*بإدارة : شـٰٓمـُـس 𝓢𝓱𝓪𝓶𝓼 𝓐𝓵 𝓐𝓶𝓵📚🖊️⇣℡*
*للكاتبة: سماح العواضي*
*رقم الروايه 3*
*الفصل (4) ☆*
* روايه (حب احيا قلب الذياب )💫 😔💔*
*تفاعلوالنستمر😍* *قراءة ممتعة 🥹💗⃟🎀*
❤️📝 روايات وقصص مميزة 📝❤️:
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 26 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
دخلت الجناح بخطوات هاديه اخذت نفس وهي تناظر المكان حولها ، اشر لها ع الغرفه : خذي راحتك وغيري فستانك و انا بطلب العشاء و انتظرك بالصاله..
ملاذ هزت راسها و دخلت الغرفه فسخت عبايتها ونزلت شيلتها وناظرت نفسها بالمرايه وسوال ذياب يتردد بمسامعها " انتِ ليش تزوجتيني عشاني والا عشان سحاب و سلطان ولا عشان عمرك تعدى الثلاثين "
مسحت دمعتها يلي نزلت ع خدها و اخذت نفس عميق و اخذت شنطتها من الأرض وحطتها فوق السرير فتحتها وترددت وش تلبس لكن طلعت لها قميص نوم لون ابيض طويل للأرض ، سكرت الباب بالمفتاح وفسخت فستانها ولأنه الفستان ناعم قدرت بسرعه تفسخه لبست القميص وشالت التاج وتركت شعرها مثل ماهو ومكياجها كان ناعم جدا فخلته م مسحته ولا خففته ،
ناظرت نفسها بالمرايه وهي م تدري بس تطلع وش تقول والا وش تسوي !
ذياب كان بعد م غير ملابسه كان قاعد و ينتظرها وهو يفكر كيف يتعامل معاها هل يبدا معاها حياه جديده ؟ والا يخلي زواجهم ع الورق ،اخذ نفس عميق وهمس بقلبه " ملاذ زوجتي ، و الاقدار مكتوبه "
سمع صوت الباب انفتح و رفع راسه و ابتسم اول م شافها وقف ومسك يدها و جلسها جنبه : طلبت العشاء نص ساعه و يوصل
ملاذ : ذياب
ذياب ناظرها و ابتسم : لبيه
ملاذ بلعت ريقها : رداً على سؤالك تزوجت لانك ذياب و انا ملاذ ، وتقدر تقول انه وقت النظره الشرعيه أولًا ارتحت ثانياً وافقت على شروطي ، اما انه أوافق ع زواجي عشان شخص ثالث لو يكون اخر رجال لا يمكن أوافق بالنسبه لعمري ترا انا يلي قررت اتزوج بعد م اخلص دراسه و اشتغل وترا وافقت عليك بعقلي قبل قلبي
ذياب ابتسم : عادي تقدري تقولي انك تحبيني
ملاذ بادلته الابتسامه لكن ابتسامتها كانت ثقه : احبك ! م اعرف عنك شي عشان احبك ! صح انت تمتلك شخصيه حلوه وكاريزما عاليه ولك مكانه بالمجتمع لكن هالشي م ينجب الحب
ذياب انصدم جدا من ردها ومن تفكيرها في زواجاته السابقه كلمة احبك كان يسمعها من اول يوم ف توقع انه يسمعها الليله من ملاذ !
ابتسم بهدوء وهاللحظه حس في شي جذبه في شخصية ملاذ قرب لها اكثر لين انعدمت المسافه بينهم حنى راسه وباس كتفها بهدوء وهمس لها : الأيام كفيله بكل شي
ملاذ غمضت عيونها من التوتر فتحتهم وكان ذياب قدام وجهها ولا قدرت تشتت انظارها لانه قدامها وين م رفعت نظرها ذياب بوجهها
رفع كفه وهو يلعب بشعرها و ابتسم لها ابتسامه خلت كل الدم يوقف بخلايا جسمها !
فتحت عيونها وأول شي شافته ذياب كان نايم جنبها بهدوء اخذت جوالها وكانت الساعه ثلاثه العصر قامت من على السرير بهدوء عشان لا يصحى اخذت لها ملابس و دخلت الحمام اخذت لها شاور و بس طلعت كان ذياب صاحي ابتسمت : صباح الخير
ذياب : ي صباح الورد ، راحت علينا نومه
ملاذ : ايه والله .. وقفت قدام المرايه وبدت تنشف شعرها
ذياب اخذ منشفته و دخل الحمام يأخذ شاور .. ملاذ طلعت شنطه المكياج وسوت كريم ومرطب و رسمت حواجبها وحطت بلاشر ..
طلع ذياب من الحمام وهو لاف المنشفه ع خصره وينشف شعره بمنشفه صغيره ملاذ توترت من شكله وحكت جبينها بتوتر : انا بطلع الصاله خذ راحتك وغير ملابسك
ذياب ابتسم من شكلها فتح الدرج و طلع له شورت ابيض وتيشرت اصفر اخذ عطر وتعطر رفع السماعه و طلب فطور للجناح ..
طلع الصاله و جلس جنبها : طلبت لنا فطور ، اسمعيني الساعه تسعه لازم نطلع عند اهلي في عزيمه اليوم
ملاذ ناظرته بصدمه : عزيمه ايش ؟
ذياب : عزيمه عشاء علشان زواجنا يعني الاهل والقرايب موجودين
ملاذ : طيب تمام
ذياب : نحنا نطلع ع الساعه تسعه ونص نوصل هناك ع العشره نقعد بس ساعتين ونمشي تمام
ملاذ رفعت كتوفها : يلي تبيه
ذياب غمز لها : عاد ابيك تكشخين كشخه م صارت
ملاذ ضحكت : اشلون هذي م صارت
ذياب : عاد انتِ حُرمه و ادرى
ملاذ : ترا انا م احب الجمعات ونادرا م احضرها وكثرة الميكب م احبه والرموش والاظافر التركيب هذي م اسويها ابدا حتى العدسات م قد لبست ابدا
ذياب رفع حاجبه وهو يركز عليها : رموشك هذي طبيعيه ؟
ملاذ : بسم الله ع رموشي قول ماشاء الله
ذياب ضحك بصوت : عيني عليك بارده ، بس من جد ليش م تسوين هالاشياء كل البنات يحطوها ؟
ملاذ : م ادري بس احس م احب ...
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 27 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
سحاب صحت ع صوت ليان : اووف ليان
ليان : يلا قومي ترا خالتي هي يلي قالت اصحيك
سحاب جلست وهي ترفع شعرها : خير وش في ؟ ترا تعبانه بعد العرس وجسمي مكسر تكسير
ليان : ترا بياذن المغرب ونسيتي اليوم العزيمه
سحاب : ياربي وش هالعاده يلي عندنا ثاني يوم نعزم الاهل والمعاريس و اهل العروسه بعد
ليان : لازم تفرحين ام سلطان بتجي
سحاب : بحطها بعيوني بس مو اليوم لانه تعبانه مرره
ليان : شفيك تعبانه و امس قبل الزفه استفرغتي ؟
سحاب : م ادري يمكن من التعب
ليان : عندي لك خبر صدمه صدمه
سحاب ناظرتها ب استغراب : خير وش هو ؟
ليان : تخيلي خالتي مين عازمه اليوم ؟
سحاب : مين ؟ مو ع أساس الاهل والاقرايب مين بيجي غيرهم ؟
ليان : مها طليقة ذياب الثانيه
سحاب فتحت عيونها بصدمه : من جدك تتكلمين مها م غيرها ؟
ليان : ايه والله
سحاب : ليش عزمتها ؟
ليان : ام مها اتصلت تعتذر انه امس م حضرو الزواج لانه كانت تعبانه مرا وقالت كانت تبي تشوف العروسه وخالتي قالت لها م فاتك شي حياك اليوم انتي ومها و زوجة ولدك وهي قالت تم ان شاء الله نجيكم
سحاب : م ادري احس حضور مها غلط
ليان : ليش خليها تجي عادي
سحاب ناظرتها ب استغراب : مو ع أساس م كنتي ترتاحي لها ؟
ليان : يمكن كنت ظالمتها البنت م فيها شي
سحاب : مو علىِ هالحركات ي ليان انتِ تحبين ذياب صح ؟ ومن زمان لكن هو م درى عنك
ليان توترت اكثر : انا م قلت شي !
سحاب : مو لازم تقولين عيونك وكلامك وتصرفاتك هي يلي قالت ، لانه م كنتي تحبين مها والحين فجأة صارت بنت طيبه ، ترا حضورها غلط مرا وامي الله يسامحها م كان لازم تعزمهم لانه مها تحب ذياب حتى بعد الطلاق تحبه أخاف اليوم تسمع ملاذ كلام والا ملاذ تنتبه لها
ليان : كل خوفك هذا عشانها اخت سلطان
سحاب : لا ي بعدي عشانها انثى و تحس و عندها مشاعر
ليان : و انا بعد عندي مشاعر ليه م تفهمينها ؟
سحاب : لانه انتي معجبه ب ذياب مو حب فارق السن بينكم 20 سنه ترا بعمر بنته تعتبري وغير كذا ذياب موده و تفكيره و أسلوب حياته وحتى عقله م يناسب تكونو مع بعض شوفيه تزوج مرتين وطلق
ليان : كل شي نصيب و يمكن يطلق هالمره بعد !
.
عند ملاذ ؛
م كانت تبي تحضر هالعزيمه لانها تعبانه بعد الزواج لكن م بينت هالشي ل ذياب اخذت جوالها و راسلت خواتها و سلوى تتاكد همّا بيجو او لا ،
قامت فتحت شنطتها و طلعت لها فستان لونه اوف وايت طويل للأرض ماسك لعند الخصر وبعدها مفتوح واسع و مفتوح اليدين ناظرته بتردد تلبسه او لا لانه فتحت الصدر والظهر سبعه لكن م عندها في الشنطه فستان حلو غيره كل اغراضها بالبيت و اخذت للفندق بس شنطه
قامت غيرت ملابسها و لبسته رفعت شعرها و نزلت غرتها الطويله ولفتها شوي بالفير عشان تعطيها شكل احلى وسوت مكياج جدا ناعم لكن يلي ميز مكياجها هو الروج الأحمر اخذت العطر وبدت تتعطر ..
اندق الباب و دخل ذياب اول م شافها م شال عينه عنها ناظرها من تحت لين فوق لين ملاذ حست حرقها بنظراته ، حاولت تتهرب من نظراته وهي تعدل شعرها
ذياب تقدم لها و حط العلبة ع التسريحه فتحها وكان طقم الماس : هدية زواجنا
ملاذ ابتسمت : شكرا
ذياب اخذه و رجع وراها حطه ع رقبتها وناظرها بالمرايه وهو يلبسها : صُنع ل أجلك
ملاذ رفعت عيونها وهي تناظره
ذياب اخذ الاسواره ولبسها : انتِ ليش م تتكلمين كل م أقول شي بس تبتسمي
ملاذ ضحكت : م ادري يعني أوقات م الاقي كلمات مناسبه ف ابتسم
ذياب ناظر صدرها ورفع يدينه وهو يعدل فستانها : هذا كله مفتوح والا بتسكرينه ؟
ملاذ : لا كذا مفتوح ، عاد بصراحه ترددت اللبسه لكن م جبت معاي فساتين للفندق حق مناسبات
ذياب : يلا هالمره بمشيها بس ترا متفسخ بزياده
ملاذ رفعت حاجبها : شدعوه ترا الفتحه بس بالوسط مو كل الصدر
ذياب فتح الدرج بيطلع ثوبه لكن رجع لها و قرب لين لصق فيها : اذا انا زوجك للحين تستحين مني
ملاذ ناظرت الأرض : ترا تأخرنا الساعه عشره
ذياب ابتسم وحنى راسه لكتفها : تتهربين من كلامي !
ملاذ غمضت عيونها وهي تحس وجهها وكتفها انحرقو من أنفاسه
ذياب لأول مره باس نحرها بهدوء همس لها : البسي العبايه ..
مشي من جنبها و اخذ ثوبه و طلع
ملاذ اخذت نفس عميق وهمست بهدوء : وش هالذياب غريب عجيب !
اخذت عبايتها و لبستها و حطت الشيله ع راسها وشيلة ثانية لفتها عشان تغطي وجهها طلعت الصاله و كان واقف عند المرايه يعدل شماغه : جاهزه ؟
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 28 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
ملاذ : ايه ، بس عادي نمر ع محل ورد ابي باقه ورد كبيره يعني باخذها معاي لخالتي
ذياب : ابشري .. مد يده لها ومسك يدها : يلا مشينا .
.
الساعه العاشره و النصف؛
الكل كان موجود في مجلس الحريم و اهل ملاذ وصلو هم وسلوى ؛
سحاب دخلت المجلس و هي مبتسمه اول شخص سلمت عليه ام سلطان : كيف حالك ي خالتي ؟
منيرة ابتسمت : ي هلا والله ب بنتي الحمدلله طمنيني عنك ؟
سحاب : الحمدلله تمام ..
شيخه لفت ع لينا : أقول لينا كنا ذياب و زوجته تاخرو؟
لينا : لا خالتي عادي معاريس وعندهم عذر
شيخه : بس العشاء بعد ساعه
لينا : الحين تلقينهم الا وصلو ..
عند مدخل القصر ؛
ملاذ ناظرت ذياب : الحين كيف بعرف هم وين احس المكان زحمه من كثر السيارات
ذياب : الحين اكلم سحاب تلقيك عند الباب .. اتصل عليها و كلمها تلقي ملاذ
ملاذ : طيب بقولك متى بنمشي ؟
ذياب مسك يدها : اذا طفشتي او تعبتي كلميني و نمشي حتى لو قعدنا نص ساعه
ملاذ : لا شدعوه نص ساعه ، الا من أي باب ادخل
ذياب : انزلي و بوصلك لين الباب ..
سحاب كانت واقفه اول م شافتهم ابتسمت : هلا والله بالعرسان ، الله وش هالورد لي انا ؟
ملاذ : م يغلى عليك بس حق خالتي
ذياب : سحاب لا اوصيك ع ملاذ انا بطلع عند الرجال .. تركهم و مشي
سحاب : تعالي ندخل الغرفه تفسخي العبايه وبعدين المجلس
ملاذ وقفت وهي تشيل عبايتها : في حريم كثير ؟
سحاب : لا يعني المجلس مو مليان أساسا عزمنا بس القرايب و اهلك .. ابتسمت وهي تشوف جمال ملاذ وفستانها : لا من جد عروسه و انا أقول ليش ذياب مبتسم
ملاذ سرحت بهدوء : شكرا ي عمري
سحاب : يلا المجلس .. مشت و دخلت و تكلمت بصوت مسموع : يمه ملاذ وصلت
شيخه وقفت اول م دخلت ملاذ و استقبلتها عند الباب : حيّا الله بعروستنا
ملاذ باست راسها : الله يحييك خالتي
هدى همست ل اروى و سلوى : تصدقو م عرفت ملاذ وهي كاشخه وحاطه روج احمر
سلوى ضحكت : أتوقع هذي اول مره تحط روج احمر بس تصدقو طلعت تحفه ..
ملاذ بعد م سلمت ع الكل جلست جنب أمها و شيخه ، صح توترت بالبدايه لكن استقبال اهل ذياب ريحها شوي من توترها ..
كانت تناظرها بهدوء وهي تفكر انه هذي فعلا زوجة ذياب حست بشي عور قلبها حاولت تخفي حزنها بس م قدرت الكل لاحظ عيونها الحزينه .
.
الساعه 12 ، بعد م خلصو العشاء
ذياب ارسل ل سحاب انه يبغى يطلع جناحه يأخذ كم غرض كلمته يطلع من باب الدرج الخلفي ..
عند الحريم ؛
مها كانت تكلم سحاب بس سحاب كانت ع الجوال مها كررت سؤالها : سحاب شفيك قاعده اكلمك
سحاب طفت الجوال وضحكت : معليش كنت اكلم ذياب يقولي يبي يطلع جناحه يأخذ كم غرض
مها بلعت ريقها وحست بضيق ،
قامت و راحت عند المغاسل غسلت وجهها لاكثر من مره عشان تصحصح ناظرت نفسها بالمرايه وهمست : روحي ي مها وشوفينه يمكن ترتاحين شوي ناظرت يمين و يسار ولا لقت احد دخلت الصاله وكانت فاضيه رفعت عيونها وهي تناظر الدرج رفعت رجلها ل اول درجة وحست بخوف من الله وعذاب الضمير لكن تركت كل شي وطلعت بس عشان تشوف ذياب !
بالمجلس ؛
سلوى مسكت يد ملاذ : ملاذي طمنيني كيف كانت امس ليلتك ؟
ملاذ : م ادري كويسه
سلوى : طول الوقت سرحانه فيك شي ؟
ملاذ : لا والله بس ذياب احسه غريب شوي
سلوى ضحكت : مالك الا 24 ساعه معاه وحكمتي عليه غريب ؟
ملاذ : تدرين انه انا م احكم على الناس من اول مره بس ذياب مره يتكلم بغموض ومره احسه رومنسي ومره شايف نفسه م ادري والله م ادري اساليني هالسؤال بعد شهر أكون درسته كويس
سلوى ضحكت عليها : اهم شي لا اوصيك ليني قلبك وفتحي عيونك وعيشي الحياه ترا الحياه حلوه
ملاذ : ان شاء الله
اروى : ملاذ ماشاءالله الطقم يهبل
ملاذ حطت يدها عليه و ابتسمت : هذا هديه ذياب
سحاب ابتسمت : ماشاءالله مره حلو وناسبك
هدى : اختي حلوه وتحلي كل شي
ليان حست بغيره وماشالت عينها من ملاذ كانت تركز عليها طول الوقت من كثر ماهي مركزه حفظت ملامحها وضحكتها وكل شي
ملاذ فتحت جوالها وقت وصلها مسج من ذياب
" انا بجناحي تعالي ادخلي الصاله و اطلعي الدرج ثاني باب ع اليسار ، انتظرك ".
فتح باب جناحه وشغل النور ابتسم وحس فعلاً اشتاق لجناحه رغم انه غاب بس ليلتين عنه ..
وقفت وهي تشوفه واقف ومعطيها ظهره حست قلبها رجف و رجعت لها كل مشاعر الماضي نادت بصوت هادي وهي تتقدم للجناح : ذياب ..
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 29 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
لف و انصدم لمن شافها توقع يشوف ملاذ عقد حواجبه : مها ؟ وش جابك ؟
مها : جابني الشوق واللهفه عليك
ذياب مسح ع وجهه : مها م يصير هالكلام الله يستر عليك ترا انا الحين مو زوجك وحرام تقولين هالكلام
مها هزت براسها و دموعها تنزل : كويس طلعت تعرف الحرام وانا طلقتني بدون أي سبب ولا سابق انذار
ذياب : عطيتك كل حقوقك ولا ظلمتك انا وياكي م ينفع نكون متزوجين خلص ماضي و انتهى
مها : انتهى ! بهالسهوله ؟ كنت ادري انك م تحبني و كنت أحاول اجذبك بأي شي لانه كنت احبك عشان كذا لعبت فيني وبقلبي
ذياب : م لعبت فيك ولا كذبت عليك و روحي الحين لانه ملاذ جايه م ابي اضيق خاطرها لمن تشوفك هنا
مها : حلو والله تزوجت وحده من قد مقامك دكتوره ولها مكانه في المجتمع لكن بسالك تحبها والا بتلعب فيها مثل يلي تزوجتهم قبل ؟
ذياب : مها الله يستر عليك توكلي وجودك هنا غلط انا للحين محترم لك تعرفيني لو قلبت وش ممكن اسوي
قربت له بسرعه وخبطت صدره : وش بتسوي ؟
مسك يدها بقوه و رجع للخلف وتكلم بحده : يدك لا ترفعيها لانه بكسرها ولا تقربي علىِ ترا ماني محرمك اتقي ربك ي بنت الناس وعيني لا تشوفك فاهمه والالا!
مها : م رح تتوفق ابدا وانت ظالمني ؟
ذياب رفع نبرة صوته : ظلمتك ب وشو تكلمي قولي انطقي ؟ كل يوم عشتيه معاي كنتي ملكه م نقصت عليك شي لكن الحب مو باليد م قدرت اكمل معاكي قلت ي ذياب لا تظلمها معاك البنت صغيره خلها تعيش حياتها
مها مسحت دموعها : ادري انه كان الحب من طرف واحد ادري والله ادري عشان كذا وصلنا لهالمرحله بس انت م عطيت نفسك فرصه ي ذياب !
ذياب : الحب م ينطلب ي مها الحب مشاعر و احاسيس هذا يلي اعرفه عن الحب
مها : بمشي بس بسألك سؤال وتجاوب بصدق ، تحب ملاذ ؟
ذياب تنهد وهو يمسح ع وجهه : م يعنيك هالشي ، ملاذ زوجتي ويلي يأذيها يأذي قلبي
مها حست كل مالها وتنهان اكثر لفت بتطلع وفتحت عيونها بصدمه وهي تشوف ملاذ واقفه عند الباب همست بهدوء : ملاذ!
.
ذياب ناظر للباب بصدمه للحظه حس القيامه بتقوم !
ملاذ تقدمت بهدوء عكس النار والحريق يلي فصدرها رفعت حاجبها وهي تناظر مها : يلي عرفته اسمك مها
مها حست بخوف من نظرات ملاذ وبنفس اللحظه حست بالانتصار انه ع الأقل سوت مشكله بينهم
ملاذ رفعت يدها لكتف مها وهي تطبطب عليها بهدوء : لا تبكين عشان رجال م يبيك بالنهايه انتِ أنثى م رح اكون ضدك ، لكن ي مها الأنسان هو يلي يرفع من قدره وشأنه ويخلي له مكان خاص محد يطوله سوا بعائلته او بشغله او بعلاقاته الاجتماعيه .. دعست ع الأرض بقوة وطلع صوت الكعب وناظرت للأرض وكملت : وبعض الأشخاص ينزلو مستواهم للأرض ومايسوو حشره تحت مسمى الحب او الضحيه
مها مسحت دموعها بقوة : شقصدك ؟
ملاذ : أتوقع فهمتي ، شكلك م يقول انك وصلتي الثلاثين من العمر أتوقع عمرك بالعشرينات يعني صغيره وبدايه العمر اشتغلي على نفسك مو مهم تكبرين بالرقم المهم عقلك يكون ناضج بس ينضج عقلك رح تعرفي انه حطيتي نفسك بموقف لا يحسد عليه
مها ابتسمت بسخريه : تقولين هالكلام لانك م تعرفين وش يعني الحب ولا تحبين ذياب اساساً !
ملاذ ابتسمت ابتسامه حرقت قلب مها بزياده : مين انتِ لحتى اقولك عن حُبي ل ذياب أساسا وش تعرفين من الحب ؟ انك تبكي وتتوسلي للشخص يلي تحبينه انك تعيشين مقهوره ترا الحب يلي يجي معاه شقى ماهو حب ولو ذياب يحبك م تخلى عنك ولو كل الدنيا عارضته كان حطك وسط ضلوعه ولا مخلوق يقدر يسحبك منه
مها : الله يهنيك فيه اجل ، طبعا ماخذتيه على طمع
ملاذ ضحكت : نسيتي انه انا استشارية جراحه ، راتبي يكفيني اصرفه سنه كامله على نفسي يعني راتب 11 شهر على جنب م اقرب عليه هذا غير النسب يلي اخذها من كل عمليه ، حبيبتي انا عمري 36 سنه وترا رفضت اكبر الأطباء و رجال الاعمال يعني عيني مليانه الحمدلله و لا تنزلين نفسك اكثر انتِ بنت وحلوه رح تلاقين يلي يحبك .. اشرت ع الدرج و كملت : الله معك
مها هزت براسها : راح اسمع خبر طلاقك اكيد بوقتها بشوف بتغيري كلامك او لا ؟
ملاذ : صدقيني حتى لو تطلقت الطلاق م رح ياثر فيني مثل م اثر فيك لانه انا تزوجت بعد م كونت ملاذ وصارت ملاذ قويه مو محتاجه للرجال بحياتها لحتى تكبر او تصير قويه
مها ناظرتها بهدوء وهي تحس كلامها مثل السكاكين بقلبها لانه كل كلمة تقولها صح تركتهم ونزلت وهي تمسح دموعها .
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 30 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
ذياب كان واقف و انصدم من كلام ملاذ حس انها ممكن تصارخ او تقولها وخري عن زوجي او تهددها، لكن قالت كلام عكس توقعاته صح انه م يعرف ملاذ لكن هالموقف خلاه يعرف انها شخصيه قويه وعقلها نااضج جدا
ملاذ تقدمت للداخل الجناح وسكرت الباب : هلا ذياب في شي لانك طلبتني ؟
ذياب انصدم اكثر انه داخله ولا كانه صار شي توقع جاء الدور عليه انه تسمعه كلام !
ملاذ : ذياب شفيك تناظرني كذا ؟
ذياب مسح ع وجهه : هلا ملاذ ، طلبتك عشان تشوفين جناحنا بما انه م تعرفين البيت
ملاذ ابتسمت وهي تناظر صالة الجناح : ماشاء الله كبير ، هذي الصاله ؟
ذياب مسك يدها و ملاذ توترت لكن شد عليها : ايه هذي الصاله ..
دخل للمكتب و هذا مكتبي هنا اكثر وقت اقضيه وفيه بلكونه والبلكونه مفتوحه ع بلكونه غرفه النوم وهنا في حمام خاص بالمكتب .. كمل و دخل غرفة النوم : وهذي غرفة النوم وهذا الحمام خاص فيها وهذي غرفة الملابس
ملاذ : ماشاء الله ، مررا حلو
ذياب : بس نرجع من شهر العسل ب اخذك لبيتنا وبناثثه سوا
ملاذ : ليش وين مسافرين ؟
ذياب : بنروح نيويورك وبعدها ميلانو شرايك ؟
ملاذ : عاد بصراحه م اعرف هالدولتين لكن نتعرف عليهم سوا
ذياب : ان شاء الله اخترت نيويورك اول شي لانه عندي شغل هناك ابي اخلصه بس لا تخافين م رح انشغل عنك
ملاذ حست انها مخنوقه وتبي تطلع من الجناح بسرعه : ان شاء الله ، انا بنزل عشان الضيوف
ذياب ناظرها بهدوء : انتِ بخير ؟
ملاذ هالسؤال بالنسبه لها جاء ع قلبها ناظرته بهدؤ : ايه بخير
ذياب : طيب الله معك ، انتبهي للنفسك
ملاذ سرحت فيه و ذياب حس انه عندها كلام كثير م يدري كيف يفهمها الموضوع ويلي خلاه ينشغل باله اكثر هو سكوتها وتصرفها ولا كانه صار شي
ملاذ : بسالك متى بنمشي ؟
ذياب حب يغير من الجو شوي : ليه لهالدرجة مشتاقه لي ؟
ملاذ : احب ثقتك بنفسك
ذياب رفع حاجبه : حلو بديتي تحبي أشياء فيني فاتحة خير
ملاذ غمزت له : و احب انك تفهم بسرعه ، باي
ذياب كان يناظرها لين طلعت من الجناح ، زفر أنفاسه بقوه : وش هالمره وش هالقوه يلي عندها ، الظاهر طريقي معاكِ ي ملاذ مختلف عن كل الطرق !
.
صباح اليوم الثاني ؛
عند سحاب؛
صحت من النوم وهي نعسانه رغم انها نامت اكثر من 12 ساعه لكن حاسه بتعب و ارهاق اخذت جوالها و شافت الساعه لكن شهقت وهي تجلس وترفع شعرها : لا مستحيل اليوم 7 من الشهر..
قامت وهي تروح وتجي بالغرفه : ليش تأخرت الدوره عشر أيام ؟ ناظرت نفسها بالمرايه وهي تتذكر تعبها امس وقبله : اكيد من العرس وعشان لخبطه الأكل..
حاولت تلهي نفسها وغيرت ملابسها وتوضت وصلت الظهر نزلت وكانو العاملات يجهزو طاولة الطعام : هااي
لينا حطت طبق السلطه : هلا والله
ألاء: وش هالنومه كلها ؟
سحاب : عوضت عن اليومين مرره كنت نعسانه
لينا : ترا كلنا صحينا من شوي
ألاء : عاد امس نمت قبل لا يطلع نواف م ادري كيف نمت لا و نمت والمكياج بوجهي
لينا ضحكت : الظاهر انا وياكي متفقين كذا
سحاب كشرت : وش هالريحه ؟
لينا : أي ريحه ؟
سحاب : م ادري في ش مو حلو وش طابخين ؟
آلاء : قصدك اللحم ؟ الغداء كبسه
سحاب جرت للحمام و استفرغت رغم انه بطنها فاضيه لكن طلعت المويه يلي شربتها غسلت وجهها وناظرت نفسها بالمرايه رفع يدها لبطنها ومررتها بهدوء : معقوله حامل ، لا ي ربي لا موتني ولا تخليني احمل ..
طلعت جوالها بسرعه و راسلت سلطان انه اليوم العصر يزورها و يجيب لها تست حمل !
طلعت للصاله و اخوانها كانو جالسين ع السفره و ابوها و امها
شيخه : هلا يمه صباح الخير ، يلا تعالي تغدي
لينا : ليش استفرغتي ؟
سحاب وهي تسلك الموضوع : يوم العرس اكلت برجر من مطعم م اعرفه اول مره اطلب و الظاهر تسممت من يومها وبطني مرره تعورني
عبدالناصر : ثاني مره لا تطلبين الا من مطعم معروف
سحاب : ان شاء الله يبه
شيخه : عاد اليوم صحيت و انا مرره مبسوطه م صدقت انه ذياب تزوج ياارب هالمره يستقر بالزواج
طلال : عاد بالذات ذياب م ندري الا نقول نصبر و نشوف
نواف ضحك : الظاهر يمه ولدك اخذها عاده يتزوج و يطلق
شيخه : لا تقولون كذا والله انىِ ادعي له بكل صلاه وكل سجود عاد قلبي متطمن لهالزواج و ملاذ ماشاءالله لايقه عليه
لينا : الله يوفقهم ي رب .
#يـــــتـــــــبــــــــــع...
🚫 يسعدنا مشاركة الرواية ولكن لا نسمح بحذف توقيع القناة 🚫
https://t.me/joinchat/AAAAAD1p6TqBBTyITQumpA
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻