الفصل 2
*روايات (عربيه✨مميزه)*
*بإدارة : شـٰٓمـُـس 𝓢𝓱𝓪𝓶𝓼 𝓐𝓵 𝓐𝓶𝓵📚🖊️⇣℡*
*للكاتبة: سماح العواضي*
*رقم الروايه 3*
*الفصل (2) ☆*
* روايه ( حب احياقلب الذياب)💫 😔💔*
*تفاعلوالنستمر😍* *قراءة ممتعة 🥹💗⃟🎀*
❤️📝 روايات وقصص مميزة 📝❤️:
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 11 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
سحاب
كانت بغرفتها وتبكي حاسه قلبها يعورها تبي تشوف سلطان باي طريقه لكن مو قادره أمها محاصرتها بالطلعات جدا ،
رن جوالها و ابتسمت وهي تشوف سلطان ردت بسرعه : الو
سلطان ابتسم وهو يسمع صوتها رجع ظهره للخلف : ي هلا والله بهالصوت
سحاب : كيف حالك ؟
سلطان : مشتااق لك كثير ، ودي اشوفك و املي عيني بشوفتك
سحاب : حتى انا بس مو قادره اطلع و اشوفك امي بتعطيني الف سؤال
سلطان : كلها كم يوم وتصيرين زوجتي
سحاب نزلت دموعها بقهر لانها للحين م كلمت سلطان انه أهلها رافضين بلعت غصتها ومسحت دموعها
سلطان شافها م ردت حس فيها شي : سحابي فيك شي ؟ ليه ساكته هذا بدل م تقولين أن شاء الله
سحاب ببحه : سلطان
سلطان : تبكين ؟
سحاب : بقولك شي بس لا تضايق نفسك
سلطان : وش صاير ؟
سحاب : امي و ذياب وكل اهلي رافضين
بهتت ملامح سلطان ولا عرف وش يرد
سحاب كملت : بس قلت لهم انا موافقه وصدقني بحاربهم كلهم عشانك
سلطان بهدوء : عشاني اقل منكم ؟
سحاب : لا لا مو كذا السالفه
سلطان : اجل وشو ، تقولين ذياب رافض لايكون يبيك لأحد من مستواه ؟
سحاب : اهلي م يفكرون بهالطريقه بس عشان انا صغيره رافضين الزواج
سلطان : طيب بكلم امي تكلم امك وتقولها اذا ع البنت انها صغيره نخليها ملكه فقط بدون زواج
سحاب : لا لا تخليها تتصل ترا ذياب سوا امس عمليه المراره وكلهم عنده بالمستشفى عاد مو وقت سالفه الخطبه يعني لو نأجلها أسبوع ع بال م يتحسن ذياب و يصير كويس
سلطان : طيب يلي تبينه ، وسلامته م يشوف شر
سحاب : سلطان حبيبي لا تتضايق
سلطان : م ادري وش اقولك كنت اعد الأيام و اخطط للزواج
سحاب : انا بقنع امي قلت لك انا ابيك وبحارب أي احد يوقف بطريقي حتى لو اهلي
سلطان : لا تسوين مع اهلك مشاكل كلميهم بهدوء و ان شاء الله قلبهم يلين
سحاب : ان شاء الله
سلطان : طيب انا بسكر عشان اكمل شغل ، تآمري على شي
سحاب ابتسمت : تسلم ي عمري
سلطان : فمان الله .
.
بالمستشفى
عبدالناصر وقف : انا بروح اصلي العصر بالمصلى ، يلا ي نواف قوم معاي
شيخه : و انا بعد بجي دام ذياب نايم
عبدالناصر : ايه الحمدلله بعد المسكن نام و ارتاح
شيخه وهي تسكر باب الغرفه بهدوء : والله ي عبدالناصر يوم دريت انه سوا العمليه حسيت روحي طلعت
نواف : يمه انتي تحبين ذياب بزياده وتخافين عليه كانه صغير
شيخه : و الله احبكم كلكم سوا بس هو عشان مو متزوج م عنده احد غيري ..
عند ذياب ؛
انفتح باب الغرفه و دخلت ناظرته وهو نايم تكلمت بصوت هادي : ذياب ذياب
فز ع صوتها وناظرها ، ابتسمت بهدوء : انا الدكتوره ملاذ جيت عشان اشوف الجرح
ذياب مسح ع وجهه : أهلًا ، بس ليه مو دكتور ؟
قربت عليه و وقفت بجانبه : غريب امرك والله انا يلي سويت لك العمليه وانا المسوؤله عنك ..
حطت يدها ع الشرشف وشالته وكشفت مكان العمليه ناظرت ذياب وهي تطمنه : ترا بتتألم شوي بس ابيك تساعدني وتاخذ نفس بهدوء
ذياب : ولا يهمك
ملاذ حطت يدها : بسم الله .. و ذياب فتح عيونه ع الآخر من الوجع وحط يده ع يدها : وقفي وقفي
ملاذ بحده : لا لا شيل يدك ، تنفس بهدوء لو سمحت باقي شوي بس تحمل ، ساعدني لو سمحت
ذياب شال يده وهو يحاول يتنفس ، ملاذ سحبتها بسرعه وغطت مكان الجرح اخذت منديل ومسحت وجه ذياب من كثر العرق : الحمدلله ع سلامتك هي توجع شوي بس خلص الحمدلله الحين بترتاح وبتمشي طبيعي
ذياب ناظرها بحده : لا بالله ي دكتوره كل هذا و توجع شوي ؟
ملاذ : اول شي قلت لي م عليه بس شيليها ، المهم الحين انتبه ل اكلك وهالفتره خليك ع الاكل الصحي ابتعد عن المقالي والاكلات الدسمه عشان صحتك و عشان لا تتعب
ذياب هز براسه : ان شاء الله
ملاذ : انا راح اكتب لك خروج الحين وتقدر تطلع باي وقت تبيه
ذياب : شكرا
ملاذ : تبي شي ثاني ؟
ذياب : جوالي ع الشاحن ممكن تعطيني إياه
ناظرته بصدمه : وشو ؟
ذياب وهو ياشر ع الجوال : لو سمحتي اعطيني إياه ترا عندي اشغال تراكمت كثير من امس
ملاذ اخذت الجوال وعطيته : تراها مو شغلتي بس بمشيها لانك مريض
ذياب : ادري ي دكتوره بس شسوي هالكم ساعه راكمت شغل كثير
ملاذ : محسسني انك مدري وشو!
ذياب ابتسم وهو ع الجوال : طبعا انا ذياب عبدالناصر ال *
ملاذ لفت بتمشي لكن وقفت وهي تسمع اسمه وبسرعه عرفت انه اخو سحاب يلي يبيها سلطان كانت بترجع وتساله لكن مشت وطلعت من الغرفه ..
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 12 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
بعد مرور أسبوع ؛
كانت قاعده بغرفتها وتأكل بطاطس وليان جنبها واقفه عند المرايه وترسم ايلاينر
سحاب : خلص ليان صار لك ساعه ترسمين ايلاينر ولا ضبط مو ضروري
ليان : اوووف مدري ليه مو راضي عاد ابي اصير حلوه اكثر
سحاب ضحكت : سخيفه والله
ليان جلست جنبها : الله وش هالورد الحلو من مين من سلطان ؟
سحاب : ي حسره ترا اخذته من ذياب ي كثر الورد يلي وصله بعد العمليه
ليان : ايه ماشاء الله الصاله كلها ورد
سحاب : عاد لو تشوفين غرفته بس
ليان ابتسمت بحب : يستاهل والله
سحاب : ليان ي هبلا اصحي ع نفسك من جدك تحبين ذياب ؟
ليان توترت : لا مين قال
سحاب ضحكت : عيونك يالمفضوحه ، عاد والله انتي بوادي و ذياب بوادي م تناسبون بعض ابدا ترا اكبر منك ب 20 سنة وغير كذا شخصياتكم مختلفه تماما
ليان : خلص سحاب سكري هالسالفه
سحاب : أخاف تعيشين بوهم
ليان : هذا انتي عايشه بوهم سلطان ومبسوطه
سحاب : سلطان مو وهم سلطان حقيقه وبنتزوج قريب باذن الله
ليان : لهالدرجة واثقه ؟
سحاب : ايه و اكثر بعد ، لانه يحبني و انا بعد احبه و ابيه ومستعده احارب أي احد يوقف بطريقي وطريق حبنا و ..
شيخه قاطعتها بحده : حتى اهلك بتحاربينهم ؟
سحاب ناظرتها بخوف وهي م تدري أمها متى دخلت جناحها
شيخه : تكلمي قولي
سحاب بلعت ريقها بخوف : يمه !
شيخه قربت لها وهي متنرفزه من كلامها : قولي بتحاربين اهلك ؟
سحاب : يمه انا احب سلطان و ابيه
شيخه : صدق م تستحين على وجهك ي حسافه تربيتي فيك وتعبي عليك
سحاب : يمه لا تقولين هالكلام م قلت شي وش قلت
شيخه : كل هذا و ماقلتي شي اجل لو قلتي وش بتقولين ؟
سحاب مسحت دموعها : يمه لا توقفين بطريق اثنين يحبون بعض لا توقفين بطريقي انا و سلطان
شيخه عطتها كف بكل قوتها : ولا مره مديت يدي عليك لكن هالمره تستاهلين
سحاب ناظرتها وشفايفها ترتجف و دموعها ع خدها : وش سويت عشان تضربيني وش سويت عشان حبيت عشان قلت ابي سلطان تقدم لي ويبيني زوجته ليش تحرمينا من الحب الحلال .. كملت وهي تصارخ : ليش يمه ليش تكلمي قولي أي شي !!
شيخه حطت يدها ع راسها بصدمه من كلام سحاب : م اصدق هذي بنتي سحاب !
سحاب : لا صدقي انه بنتك كبرت ماهي بيبي وتبي تتزوج يلي تبيه
شيخه : بكل جرئه تتكلمين
سحاب : لاني احبه و ابيه
شيخه : أي حب أي حب ، اجل تعرفينه وتكلمينه وهالشي حرام حرام ما يجوز وين عايشين نحنا
سحاب وهي تمسح دموعها : يمه تكفين
شيخه هزت راسها بحسره : ع بالك هالشي حلال تحت مسمى الحب ! أي علاقه تبدا بغضب الله نهايتها م راح ترضيك
سحاب ناظرتها بحزن : لا تقولين هالكلام
شيخه جلست بطرف السرير : من وين تعرفي سلطان؟
سحاب : تعرفت عليه يوم كنت اراجع بالمستشفى
شيخه : بالمستشفى ؟ وش دخله ؟
سحاب : يشتغل هناك بالإدارة ولقاء بعد لقاء تعارفنا ومره شفته بكافي وسولفنا وكذا بدا حبنا
شيخه ناظرتها بقوه : وكذا بدا حبنا ! تقوليها بهالسهوله!
سحاب : يمه انا انسانه ماني صنم عندي مشاعر وعندي قلب يحب ويحن
شيخه : عن أي حب تتكلمين وانتي بهالعمر ؟
سحاب : الحب ماله عمر ولا له يوم ولا شخص الحب ماهو محصور بشي
ليان : خالتي الله يخليك فكري وسحاب بنتك وتحبينها ودامك تحبينها تمني لها السعاده و افرحي من فرحها
شيخه : ع بالكم الزواج بس احبك و تحبني و الا ع بالكم الزواج يهديني ورده واطير من الفرحه والا ع بالكم طلعات وسفريات ، م ادري كيف تفكرون ولا ادري عن يلي يدور في بالكم لكن الزواج غير ، مختلف وعميق لا تفكرين انه تشوفين أي اثنين متزوجين مبسوطين يعني فعلا مبسوطين م تدري لداخلهم ترا الزواج مثل البحر هادي وجميل من الخارج والكل يبي يدخله لكن يلي يدخل البحر يغرق م ينجي الا السبّاح بمهاره والزواج يبي له عقل قبل القلب لو مشيتي ورا قلبك والله لتبكين دم ، القلب يعيشنا مشاعر حلوه عمرنا م حسينا فيها لكن لو تخلينا عن عقلنا اعرفي و اتاكدي و ابصُمي بالعشره انه هالمشاعر م راح تدوم وهالحب مؤقت ..
وقفت وكملت كلامها : فكري بكلامي وصلي استخاره للمره الأخيره و ادعي الله واذا موافقه م راح أوقف بطريقك بكرا اتصل ل ام سلطان وتجي تخطبك رسمي بس أخاف يجي يوم وتبكين لانه م فكرتي بعقلك ساعتها الندم م راح يفيدك ابدا ..
تركتها وطلعت من الغرفه .
ليان ناظرت سحاب بصدمه : وافقت !
سحاب وهي تمسح دموعها بقوه : كلامها حفر قلبي حفر
ليان : وش قصدك م تبين سلطان ؟
سحاب ابتسمت بوسط دموعها : الا ابيه و احبه و راح اتزوجه .
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 13 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
بعد مرور يومين
الساعه الخامسه والنصف فجراً؛
انتهت من صلاة الفجر و رفعت يدينها وهي تدعي ل أولادها وبالتحديد سحاب ، خايفه عليها من مستقبل مجهول و أيام م تدري وش نتايجها استودعتها الله و استودعت قلبها وفرحها ..
فتح باب الجناح و كان راجع من المسجد تقدم لها وباس راسها : تقبل الله
شيخه ابتسمت و قامت : منا ومنكم ، ليش اتاخرت ؟
عبدالناصر جلس ع الكنبه : صليت و دعيت الله وصليت استخاره
شيخه : خير وش في ؟
عبدالناصر : تعالي قعدي جنبي نسولف شوي
شيخه جلست جنبه : قول ترا خوفتني
عبدالناصر : فكرت بموضوع سحاب و سالت عن العايله كلها م سمعت الا كل الخير عنهم ، سلطان ولدهم الوحيد وعندهم ثلاث بنات الكبيره دكتوره جراحه وثنتين تزوجو وابوهم مات من خمس سنوات وترك لهم ورث كبير حالتهم الماديه ممتازه ومرتاحين م عليهم أي كلام ، شرايك ي ام الذياب؟
شيخه اخذت نفس : والله انا بعد صليت صح قلبي ناقزني مدري عشانها صغيره
عبدالناصر : نخليها مِلكة فقط يتعرفون على بعض وبعد سنتين يصير الزواج
شيخه : يلي تشوفه صح سويه
عبدالناصر : يلي نشوفه نحنا الاثنين مو انا ، سحاب بنتنا نحنا الاثنين ونبي مصلحتها ونفس الوقت سعادتها والبنت تبي الرجال م اقدر أوقف بطريقها دام م عليه أي ملاحظه والرجال شغال و مرتاح مو عاطل
شيخه : اجل نتوكل على الله واليوم اكلم ام سلطان اقولها على موافقتنا
عبدالناصر : وعقبال نفرح بذياب
شيخه امتلت عيونها بالدموع : ذياب توفق بكل شي بحياته لكن الزواج م قدر ولا قدر حتى يجيب له ولد يشيل اسمه كل م اشوفه و اشوف شعره وكيف بدا يختلط باللون الأبيض اتحسر عليه
عبدالناصر تنهد من قلبه : و انتِ صادقه ، لكن لعلا في هالتاخير كله الخير ينتظره
شيخه : م أقول الا ان شاء الله ، امنيتي الحين اشوفه مبسوط ومستقر عائلياً
عبدالناصر وقف وهو يطبطب ع كتفها : لا تقنطو من رحمة الله ، المهم لا تنسين تبلغين اليوم ام سلطان وقولي لها حياها الله في أي وقت و أي يوم تحدده قولي لها ان شاء الله حياكم الله
.
منيرة ؛
حطت جوالها و اتنفست براحه والابتسامة شاقه وجهها : الحمدلله ي رب الحمدلله
ملاذ دخلت وبيدها صحن سلطه : خير يمه وش هالابتسامة الحلوه ؟
منيرة : هذي ام ذياب اتصلت وتقول موافقين
ملاذ ابتسمت بفرح : الله يتمم لهم على خير
منيرة : تقول حياكم الله ب أي وقت قلت لها الجمعه عشان يمدينا نرتب امورنا ونجهز كل شي
ملاذ : ايه صح عاد يمه لازم هدايا وذهب
منيره : من بكرا نطلع ونجهز باقي اربع أيام يمدينا نسوي كل شي
ملاذ : تصدقي يمه نسيت اقولك قبل فتره جاء ذياب اخو سحاب للمستشفى يلي اشتغل فيه وسويت له عمليه المراره
منيره : من جد تتكلمين ؟
ملاذ : ايه والله بس م قلت له انا اخت سلطان
منيره : ليه م قلتي له يمكن كان عرفك على اهله ؟
ملاذ : أقوله ليه وش ابي ب اهله اتعرف عليهم ! هو مريضي و انا دكتورته وبس المواضيع هذي مالها دخل وبعدين مو ضروري اشوف اهله حتى م قابلتهم الا اخ واحد لمن طلعت من العمليات كلمته
منيره : و انتي صادقه ، ي ربي شكثر فرحانه انه سلطان بيتزوح وعقبال افرح فيك ي رب
ملاذ : خلينا مبسوطين ومروقين ولا تفتحين موضوع زواجي
منيره : فهميني بس انتي ليه ترفضين ؟ ترا والله تقدمو لك افضل الرجال ومع ذلك ترفضين ؟
ملاذ رفعت كتوفها وكملت وهي تاكل سلطه : مافي نصيب ي يمه
منيره : في شي انتي مخبيته عني ؟ مو معقوله كل هالرفض لموضوع الزواج
ملاذ تنهدت : يمه والله انا مو رافضه الزواج بالعكس ابي أكون عائله و ابي اصير أم لكن م لقيت الرجال الصح ، وتعرفين سبب رفضي لكل عريس جاء واحد يرفض مناوباتي وثاني يلي يخسى يرفض اشتغل اجل درست كل هالسنين وتعبت عشان يجي واحد يقولي قعدي بالبيت و اجيب لك ضعف الراتب والله لو يكون يعطس فلوس م اتزوجه والثالث يبيني اتنقب والرابع م يناسبني والخامس بيسكني مع اهله والباقي عاد تعرفي م نتوافق فكرياً وفعلا مافي نصيب فيهم كلهم
منيرة : ماني مقتنعه بكلامك كله اجل يوم تقدم لك ولد غاليه وقالك تنقبي شفيها اذا لبستي النقاب رجال م يتعوض ؟
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 14 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
ملاذ : بالنسبه لي يتعوض وبعدين هو جاء وخطبني ويدري انه انا دكتوره وكاشفه و دوامي مختلط يتقبلني مثل انا لا يغيرني ، وبعدين ي امي ي حبيبتي ترا عندك بنت تفتخرين فيها والله انه انا كذا مبسوطه ومرتاحه لا تضايقني بسيرة الزواج والله الموضوع يضايقني لمن تفتحيه معاي ، احس تعبت وانا كل مره اعيد و اشرح لك سبب رفضي .
.
ذياب ؛
كان جالس فالصاله وقدامه اللابتوب و كوب قهوه ويشتغل ويتابع كل اشغاله من البيت ..
اندق الباب و دخل عبدالناصر ذياب رفع راسه و ابتسم : هلا يبه
عبدالناصر : الله يهديك ليش م تريح نفسك ؟ قاعد تشتغل ؟
ذياب : عادي اشتغل و انا قاعد وبعدين تدري الشغل م ينترك ولمن تاجلت سفره لندن تلخبطت أشياء كثيره
عبدالناصر : عادي وش فيها ، العمر يخلص و الشغل عمره م خلص لازم تنتبه لصحتك ي ولدي
ذياب : ابشر من هالعيون
عبدالناصر ابتسم : جاي اكلمك بموضوعين ، الأول وافقنا على سلطان
ذياب تغيرت ملامحه : من جدك يُبه ؟
عبدالناصر : سألت عنهم والعائله م عليها كلام
ذياب : مو على سلطان ، ترا سحاب صغيره مو سن زواج لسه تخرجت من الثانويه عن أي زواج تتكلمون
عبدالناصر : الرجال شاريها والبنت تبيه م اقدر أقول لا وبعدين هي خطبه او مِلكه يتعرفون على بعض والزواج بعد سنتين نتكلم فيه
ذياب : انت ادرى البنت بنتك و اكيد مصلحتها تهمك اكثر مني
عبدالناصر : الله يكتب يلي فيه الخير
ذياب : الموضوع الثاني وش هو ؟
عبدالناصر : انت !
ذياب عقد حواجبه : في شي بالشغل ؟
عبدالناصر : لا لا ابد ، موضوع طلاقك انا م سالتك كل هالفتره ليه ؟ لكن الحين ابي اسالك ليه طلقت زوجتك وهي كانت تحبك وكنتو مبسوطين مع بعض ؟
ذياب ضاق صدره من السالفه : ما اتفقنا والطلاق افضل حل
عبدالناصر : بهالسهوله يعني ؟
ذياب : عطيتها حقوقها و بزياده ولمن طلقتها كانت موافقه وهالسالفه انتهت من يومها
عبدالناصر : طيب اذا لقيت بنت الحلال المناسبه بتوافق ؟
ذياب ابتسم بس عشان يسكر ع الموضوع : ايه يبه اذا لقيت بتزوجها
عبدالناصر : والله ابي اشوفك وانت أب و ولدك بحضنك
ذياب حس الدم بجسمه توقف من كلامه هز براسه : ان شاء الله
عبدالناصر وقف وهو يرتب ع كتف ذياب : الله يوفقك ي ولدي ، عن اذنك ..
ذياب حس بصدره نار اشتعلت من موضوع الزواج وقف ودخل غرفة نومة وطلع البلكونه اخذ نفس عميق وهمس بهدوء : لمتى بتظلم بنات الناس ي ذياب بس عشان ترضي اهلك !
.
عند سحاب ؛
بعد م كلمتها شيخه انها كلمت ام سلطان عن موافقتهم وحددو موعد الخطوبه يوم الجمعة حست قلبها فراشات و انها م تمشي ع الأرض كانها طير بالسماء من كُبر فرحتها اول شخص شاركته فرحتها ليان ،
سكرت منها وقامت بسرعه اخذت شاور عميق وطلعت ولبست فستان ابيض ساده طوله لمنتصف الساق مشطت شعرها وحطت كريم و مرطب تعطرت و طلعت من جناحها ،
م شافت احد بالصاله دخلت المجلس وكانت شيخه تتقهوي مع لينا و آلاء: هلو مساء الخير والسعاده
لينا : ماشاءالله وش هالرواق
آلاء: كل هذا عشان بتتزوجين ؟
شيخه : أي زواج ؟ بس خطبه
سحاب ابتسمت بخجل : افا بس يعني انا م اروق انا كل ايامي رواااق
لينا : مو هالكثر
سحاب : عاد لينو لا تجحديني
آلاء ضحكت : ايه قولي لنا وش بتلبسين يوم الجمعة ؟
سحاب رفعت كتوفها : م ادري والله
شيخه : بكرا نطلع المول ونشتري كل شي تحتاجينه
سحاب ابتسمت لأمها بحب : شكرا يمه
شيخه : مافي داعي تشكرين هذا حقك واي شي تبينه سويه
لينا : شرايك الضيافه وكل شي نطلب شركة وهي تجي وتصمم ديكور ناعم حق خطوبه وتسوي هي كل شي
آلاء: ايه صح نحنا م يمدينا شي
سحاب : طيب هذا علىِ انا بسويه و انتو اختارو الضيافه عاد ها بيضو وجهي
لينا ضحكت : تطمني وجهك ابيض
آلاء: خالتي الا بسالك بيشوفها نظره شرعيه ؟
شيخه سرحت شوي : م ادري بس لو طلب م نقدر نقول لا
لينا : اجل اختاري فستان مناسب ولا تسوين مكياج خليك ع طبيعتك
آلاء : تذكرت يوم الشوفه حقي من كثر م كنت مستحيه طحت عند الباب ونواف ي قلبي قام يفز لي بيساعدني أوقف م انسى نظرات اخواني له
لينا ضحكت : ايه اكيد وش دخله هو
آلاء : ي عمري عليه والله خاف عاد انا بعد الطيحه م ادري اضحك والا ابكي على نفسي .
كملو يتقهوو وهم يتذكرو سواليف قديمه ويضحكو عليها و خططو لكل شي عشان الخطوبة .
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 15 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
اليوم الجمعة ؛
اليوم المنتظر ويلي كان حافل بالمحبه والتجهيزات يلي م وقفت من الصباح ،
هاليوم بالذات سحاب كانها كانت عروسه وفعلا حست اليوم انها سحابه فوق بوسط الغيم من كثر ماهي مبسوطه م نامت كل الليل من فرحتها ومع ذلك ماهي حاسه باي تعب او إرهاق ..
وقفت قدام المرايه و رشت من عطرها وفاحت ريحته بكل الجناح ،
طلعت من جناحها ونزلت من الدرج هاللحظه دخلت ليان وبيدها باقة ورد كبيره و جرت ل سحاب وضمتها بقوه : ي عمري مبروك مبروك
سحاب ضمتها وهمست لها : تتذكري يوم قلت لك سلطان يحبني وبيتزوجني
ليان خبطت كتفها : م اصدق عاد بتتزوجين
سحاب وهي تضحك : لا لا مو الحين الزواج
آلاء دخلت وبيدها ترامس القهوه : بس بس أحضان ع أساس الحين ماشيه ، شوفي سحاب سويت القهوه بيدي عاد مثل قهوتي م تذوقين
ليان فسخت عبايتها وعطتها العامله تشيلها : و انا اشهد ، الا جد جد ماشاءالله وش هالجمال والتنسيق وكل شي يهبل
لينا دخلت وهي تبخر بالعود : ترا الحين بيوصلون يلا وين خالتي ؟
سحاب وهي تتلفت : م ادري سلمت ع خالتي حصه ودخلت
آلاء : الظاهر بتخليها تشيل العبايه
لينا : عاد خالتي لو بدت سواليف مع امي وش يفكهم
سحاب : قولو لي كيف طالعه ؟
لينا : تهبلين
ليان : ليه م حطيتي روج احمر بيطلع حلو مع الفستان
آلاء: لا م يصير ، ترا بتدخل شوفه ولازم تكون ع طبيعتها
سحاب : انا حلوه بكل الحالات وعاد سلطان شاريني كيف م كنت
ليان تنهدت بصوت : خفي علينا بس
باب الصاله اندق : آلاء
آلاء طلعت : هلا نواف تبي شي ؟
نواف رفع يده وهو يغطي صدرها بالفستان : وش ذه م عندك غيره ؟
ألاء ضحكت : شفيك كلنا حريم ، بعدين وش تبي؟
نواف : ترا الجماعه وصلو استقبلوهم من مدخل الحريم
سحاب حست قلبها طبول من الخوف ناظرت ليان يلي ابتسمت لها بحب : لا تخافين انبسطي وتذكري شكثر انتظرتي هاليوم
سحاب هزت راسها ومسحت دمعتها يلي نزلت م تدري هي دموع فرح ولا خوف .
.
في مجلس الرجال ؛
الكل كان متواجد سلطان جاء هو و عمه و اخواله كان جالس في صدر المجلس هو وعمه و عبدالناصر و ذياب ،
بعد السلام والسؤال عن الحال قام نواف يقهويهم ، محمد عمّ سلطان حط فنجان القهوه وناظر عبدالناصر : حنا اليوم جاينكم وطالبين يد بنتكم سحاب لولدنا سلطان على سنة الله و رسوله
عبدالناصر هز براسه بعلامة الرضا و ابتسم : حنا موافقين ولنا الشرف نناسبكم لكن عندنا شرط و اذا وافقتو عليه تتم الخطبه
سلطان قبض قلبه وحس إنه بأي للحظه رح يتكنسل كل شي ناظر عبدالناصر : آمر ي عمي وش هو شرطكم ؟
محمد : ان شاء الله م نختلف على شي قول ي عبدالناصر
عبدالناصر ناظر ذياب و ابتسم و و ربت ع يده بهدوء وهو يتكلم : عشان تتم هالخطوبه طالبين يد بنتكم الدكتورة ملاذ لولدي ذياب على سنة الله و رسوله ، تعطونا ملاذ عطيناكم سحاب
ذياب حس الهواء انعدم بالمجلس وفي شي يخنقه رفع يدينه وهو يحاول يعدل ياقة ثوبة و ناظر ابوه بصدمه لكن م حب يكسر كلامة قدام الحظور و ابتسم ابتسامة هاديه : شاورو بنتكم ونحنا راضين باي شرط تبونه
سلطان حس جبال الأرض طاحت ع صدره لانه يدري انه ملاذ راح ترفض ناظر عمه و رجع ناظر عبدالناصر : ي عمي هذا ماهو شرط تبون البنت تعالو واطلبوها لكن لا تخلون موافقتها متعلقه بزواجي من سحاب
طلال : شاوروها و ردو لنا خبر وخذو راحتكم بالتفكير هذا زواج ماهو للعب
سلطان مسح ع وجهه بضيق : يصير خير
محمد : نفهم من كلامكم لو بنتنا رفضت م تعطونا بنتكم؟
عبدالناصر : ايه ، عطونا و نعطيكم
سلطان وقف بضيق : حنا نستاذنكم
ذياب : م شربت قهوتك !
سلطان ابتسم : نشربها يوم خطوبتك انت .. ناظر نواف و كمل : اذا م عليك امر تكلم الحريم يطلعون ننتظرهم بالسياره .. وقفو الرجال الباقي و طلعو من المجلس ..
ذياب فك زراير ثوبه و زفر انفاسه وناظر ابوه : وش سويت وش قلت ي يبه ؟
عبدالناصر : انت مو قلت لي اذا لقيت البنت المناسبه موافق اتزوج ، عاد انا سالت عن اخته ماشاء الله دكتوره واستشاريه جراحه وش تبي اكثر من كذا
طلال : م يصير تقولهم تعطونا بنتكم نعطيكم بنتنا الزواج مو للعبه تعطونا نعطيكم
عبدالناصر : انا اعرف الصح مو انتو تعلموني وبعدين متاكد بيعطونا بنتهم
ذياب : اذا رفضت ؟
عبدالناصر : م عليه سلطان يبي سحاب و اكيد بيقنعها هو بطريقته
ذياب : طيب يمكن شفتها و ماعجبتني وقتها وش بتسوي ؟
عبدالناصر : ليوم الشوفه نتكلم بهالموضوع اذا ماعجبتك بعدها لكل حادث حديث .
#يـــــتـــــــبــــــــــع...
🚫 يسعدنا مشاركة الرواية ولكن لا نسمح بحذف توقيع القناة 🚫
https://t.me/joinchat/AAAAAD1p6TqBBTyITQumpA
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 16 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
بالصالة ؛
بعد م نواف كلمهم بكل شي صار ، سحاب جلست ودموعها ع خدها م توقعت ابوها يسوي هالشي حست انه بهالطريقه قاعد يعذب قلبها اكثر و اكثر ..
شيخه بصدمه : كيف يعني يبي ملاذ لذياب ومن متى ؟ وليش م علمني من قبل ؟
نواف : م ادري ي يمه كلنا انصدمنا حتى ذياب م كان يدري ، انا بطلع المجلس عندهم
ليان ناظرت سحاب وضمتها من كتفها : كل تاخيره و فيها خيره ي عمري ..
سحاب دفتها شوي وقامت وهي تجري لغرفتها
لينا : بسم الله علينا من شوي كنا مبسوطين وفجاه كل شي انقلب
آلاء : قاعده افكر لو ذياب رفض او ملاذ رفضت وش بيصير !
لينا : م أتوقع ذياب يرفضها ماشاءالله عليها جميله
ليان : مو لهالدرجة حلوه يعني عاديه في اجمل منها
شيخه : أقول ليان روحي شوفي سحاب عاد كانت مبسوطه كثير الله يستر لو يصير لها شي
آلاء : خالتي انتي ارتاحي أخاف السكر يرتفع عندك لا تفكرين كثير م تدري كل تاخيره وفيها خيره
لينا : ايه خالتي حبيبتي كل تاخيره وفيها خيره وبعدين انتي من زمان تبي ذياب يتزوج ان شاء الله ربي يوفقه ويتزوج ملاذ ماشاءالله عليها احس من شخصيتها بتتأقلم مع ذياب
شيخه وقفت وهي ماسكة راسها : بروح اشوف عبدالناصر بالمجلس
لينا صبت لأمها قهوه : تبين تمر ي يمه ؟
حصه : لا يابنتي م ابي شي بس زعلت ع سحاب كانت مبسوطه ومتحمسه
آلاء : ي عمري كانت منتظره اللحظة يلي يقولو لها ادخلي عشان سلطان يشوفك ..
بالغرفة ؛
كانت نايمة بوسط سريرها وتبكي بانهيار وليان جنبها وتحاول تهديها : خلاص سحاب ارحمي نفسك شوي صار لك ساعه تبكين
سحاب جلست وهي ترفع شعرها و وجهها قلب احمر من كثر البكاء : ليه ابوي يسوي فيني كذا ليه يكسرني بيوم خطبتي ليه ؟
ليان : م تدري وين الخيره بال…
سحاب قاطعتها : أي خيره أي خيره هذا كسر خواطر ي عمري ي سلطان اكيد انصدم .. اخذت جوالها بتتصل فيه لكن ليان سحبت منها الجوال : لا تتصلين انتِ خلي هو يتصل عاد اثقلي شوي ي بنت !
.
بالصالة ؛
هاللحظه الكل كان هادي بعد كلام سلطان ، ملاذ ناظرته ب استغراب : م فهمت انت الحين تنتظر مني الموافقه ؟
سلطان : ايه
ضحكت بسخريه : حلوه والله هذي لعبه عطيني و اعطيكم ، لا ماني موافقه وفي الف بنت غير سحاب تتزوجها م وقفت الدنيا ع سحاب
هدى : طيب ع الأقل استخيري ي ملاذ الناس طيبه م شفنا الا كل الخير منهم
أروى: ايه والله انا أقول فكري و استخيري وشوفيه نظره شرعيه يمكن يتغير رايك
ملاذ : طبعا الناس طيبه مافي منها ، لانه شفنا الجانب الحلو منهم وش يعني تبون يطلعون سلبياتهم وقت استقبالهم لنا
سلطان ناظر امه : يمه اقنعيها قولي لها أي شي
ملاذ : انا يلي بتزوج مو امي انا يلي اقرر و انا قلت لا يعني لا ..
وقفت وطلعت غرفتها وهي متنرفزه من كلامهم لها ..
سلطان مسح ع وجهه وهو يتنهد تمدد ع الكنبه : اخخخ بس ، مدري وش أقول اطبطب ع قلبي والا اقنع ملاذ
منيرة : بسم الله عليك ي يمه لا يضيق صدرك والله لو هي من نصيبك كل الأمور بتتدبر وتنحل مهما كانت معقده
سلطان : م توقعت ابوها يطلب هالطلب احس كسر ظهري لانه ملاذ رافضه
أروى : لا تخاف ملاذ ذكيه ممكن توافق ع الشوفه عشان يطمن قلبها وتقول شروطها ، كم ي عرسان تقدمو لها وتوافق لكن بالشوفه ترفض م تدري هالمره وش يصير معها
منيرة : ي ليتها تفكر بعقلها والله هالعريس م يتعوض
هدى : ملاذ وتعرفوها م يهمها المظاهر ولا الفلوس هي عقلانيه وتاخذ يلي تبيه
سلطان: بالله عليكم تقنعوها حياتي معلقه بموافقتها
منيره بضيق : يمه لا تقول هالكلام ، ربي يكتب يلي فيه الخير ، وبعدين ملاذ تعرف ذياب اتركوها بس تأخذ وقتها بالتفكير
أروى: من وين تعرفه ؟
منيره : قالت لي من يومين انها قبل فترة سوت له عمليه المراره
سلطان جلس وناظر امه : ايه صح سحاب كلمتني انه سوي عمليه المراره
هدى : انت تكلم سحاب ؟
سلطان : مو موضوعنا هذا ، ايه يمه كملي وش صار قالت له انها اختي ؟
منيره : لا م كلمته !
.
بعد مرور ثلاث أيام ؛
كانت قاعده بمكتبها وسرحاانه وغرقانه ب أفكار كثيره ولأول مره تحس انها محتاره بقرار تبي تاخذه..
اندق الباب و دخلت سلوى وبيدها كاستين شاي : قلت بما انه وقت استراحه سويت لنا شاي
ملاذ ابتسمت : ي عمري تسلمين
سلوى : انا أقول خذي اجازه هالكم يوم و ارتاحي
ملاذ : م يحتاج الشغل يونسني شوي
سلوى : طيب لوين وصلتي بالتفكير ؟
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 17 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
ملاذ رفعت كتوفها : في جانب يقول وافقي وفي جانب لا ، في اسئله كثيره مالها جواب
سلوى : قولي وش عندك ؟
ملاذ : ذياب عمره 39 سنه وتزوج مرتين و طلق م انجب عيال وليش طلق بالمرتين ؟
سلوى : يمكن م اتفق معهم ولا تنسين انه رجل اعمال يمكن حياته وشغله ما ناسبتهم
ملاذ اخذت نفس : اليوم بصلي اخر مره استخاره وبشوف
سلوى ابتسمت : الله يكتب يلي فيه الخير
ملاذ : عندي طلب صغير
سلوى : آمري
ملاذ : ذياب بيجي بعد شوي العياده عشان افك له خياطه الجرح ، ممكن انتي يلي تفكيه؟
سلوى : لا والله م اقدر عندي عمليه بعد نص ساعه
ملاذ ناظرت الساعه : أمم اوك ، هو جاي الحين عشر دقايق و تكمل الاستراحه
سلوى وقفت : يلا عن اذنك ..
ملاذ قامت غسلت وجهها و يدها و عدلت شيلتها ولبست لاب كوت وجلست ع الكرسي رفعت السماعه وكلمت السكرتيره تدخل لها اول موعد..
اندق الباب و دخل الذياب : السلام عليكم
ملاذ ناظرته : و عليكم السلام ، اهلا ذياب تفضل
ذياب قعد بهدوء و ملاذ تكلمت : كيف حالك ؟
ذياب : الحمدلله بس ترا في الم و حكه مو طبيعيه مكان الجرح هالشي طبيعي ؟
ملاذ : طبيعي ، اذا م ارتحت كويس و تتحرك كثير تصير الحكه ، خليني الحين اشوف الجرح ..
وقفت و دخلت الغرفه الثانيه و دخل ذياب و نام ع السرير ، ملاذ لبست الجلفز و رفعت التيشرت و شالت اللصقه ع الجرح و كان مُحمر جدا ناظرت ذياب عن قُرب ولأول مره تركز فيه وبملامحه رجعت ناظرت الجرح
ذياب : في شي ؟
ملاذ : الظاهر من اول يوم طلعت من المستشفى م قعدت بالبيت ترا جرحك ملتهب
ذياب : والحل ؟
ملاذ : راح اسوي لك كريم الحين راح يحرقك كثير بس تحمل عشان يعقم و يطهر حوالين الجرح و برجع احط لك اللصقه و بعطيك مسكن ..
اخذت الكريم من الرف يلي جنبها و حطت ع الجرح ، ذياب غمض عيونه بقوة من الألم : شوي شوي
ملاذ : م أتوقع في أرق من كذا
ذياب : عاد انتو الأطباء مافي عندكم أي حنان و رقه
ملاذ ضحكت : شدراك انت بقلوبنا ..
غطت ع الجرح : خلص كملت ، الحين بعطيك مسكن و اهم شي الراحه تمام
ذياب قام بهدوء وهو كاتم الألم : شكرا دكتوره
ملاذ ابتسمت : الحمدلله ع سلامتك .
.
عند سحاب ؛
طلعت من غرفتها بعد م نادت لها أمها عشان الغدا نزلت و سحبت كرسي الطعام و جلست بهدوء م قالت ولا كلمة ..
نواف : افا مو معقوله سحاب تدخل علينا بهالهدوء
طلال : أتوقع عشان تخرجت من الثانوي ربي هداها
كلهم ضحكو الا سحاب كانت سرحانه بالأكل اخذت الشوكة وبدت تاكل سلطه ..
عبدالناصر انتبه لها ابتسم وتكلم عشان يلطف الجو : سحابتي
سحاب ناظرته بهدوء : هلا يبه
عبدالناصر : ليه زعلانه ما عجبك الاكل ؟
سحاب هزت راسها بالنفي : لا ، بس شبعانه
شخيه : وش يلي شبعانه من امس م اكلتي شي
ذياب : زعلانه عشان رفضنا العريس ؟
سحاب ناظرته بكرهه : انت السبب !
عبدالناصر : مين قال ذياب هو السبب انا يلي تكلمت
سحاب : يبه يلي صار غلط
نواف : لعلها خيره
طلال : سلطان لو نصيبك ولا احد فينا يقدر يرده
سحاب بمسخره : مره بزياده ، قاعدين تلعبو فينا
ذياب : مين يلي لعب فيكم ؟
سحاب : انتو مو ع أساس موافقين ليش تبون تاخذون بنتهم ؟
عبدالناصر : اول شي صوتك لا يعلى على يلي اكبر منك ثاني شي هذا شرطي
سحاب : شرطك والا شرط ذياب وبعدين مين بيقبل فيه بعد هذا العمر هو اختار انه يقضي حياته بلا زواج انا وش دخلني فيه وش ذنبي
ذياب خبط الطاولة بقوة وطاحت الكاسات للأرض : ولا كلمة .. اعتلت نبرة صوته اكثر : تحترميني والا اطلعي غرفتك سلطان مو اخر رجال بالعالم عشان تتصرفين هالتصرف وبعدين يوم بقرر اتزوج م راح اجي اخذ الاذن منك وكل بنات حوا تتمنى اخذها ولا مره دقيت باب و انرفضت فاهمه والا لا
شيخه : يمه اهدا شوي مو قصدها سحاب
سحاب : لا تدافعين ي يمه خ …
عبدالناصر قاطع سحاب : مو قلتي شبعانه اطلعي غرفتك
سحاب وقفت وهي تمسح دموعها : لا عاد كلكم بصف ذياب ع الأقل وقفو يوم بحياتكم معاي .. تركتهم وطلعت
شيخه تنهدت : الله يهديها و انت ي ذياب حنن قلبك عليها لا تعاملها بهالقسوه
ذياب : مو قسوة بس تفكيرها محصور تفكر بقلبها بس وش يلي انا وقفت بطريقها انا حتى م كنت ادري انه ابوي بيطلب البنت لي لكن مع ذلك م رفضت عشان كلمته لا تنكسر قدام الرجال وتجي سحاب ترفع صوتها علىِ اقص لسانها لو تعلي صوتها
عبدالناصر : صح انك اخوها الكبير وفارق السن جدا كبير بينكم لكن لا تنسى انا ابوها ومحد يمسك بنتي و انا على قد الحياه
ذياب مسح ع وجهه : اجل ربيها وعلمها كيف تتعامل مع اخوها الكبير ..
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 18 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
بعد مرور يومين
صحت من النوم وهي تتذكر تفاصيل الحلم م قدرت تتذكر كل شي لكن اللي فهمته من الحلم انه هي جدا مبسوطه رجعت راسها للمخده وسمعت صوت اذان الفجر قامت و صلت الفجر و بعدها صلت استخاره قامت من سجادتها وجلست فوق الكنبه اخذت المصحف وقرات سورة البقرة كامله لين اشرقت الشمس ..
بعد م خلصت قامت و غيرت ملابسها عشان بتطلع دوامها نزلت المطبخ وبما انه الوقت بدري سوت لها فطور و قهوه وطلعت الصاله تفطر بهدوء ..
نزل سلطان من الدرج : صباح الخير
ملاذ : صباح الورد
سلطان : صاحيه بدري ؟
ملاذ : صليت الفجر وجلست صاحيه تعال اقعد بقولك شي
سلطان ابتسم : ها وافقتي ع ذياب ؟
ملاذ : لهالدرجة تحب سحاب ؟
سلطان : ايه والله احبها كثير
ملاذ : م ادري شقولك دام تحبها الله يوفقكم الاثنين و يسعدكم انا ماني واقفه بطريقك انا صليت وافقت مبدئياً بشوفه بالنظرة و أقوله شروطي و اسمع وش يقول اذا وافق يتم الزواج اذا رفض والله لو تكون سحاب اخر بنت ماني موافقه عليه
سلطان ناظرها بصدمه : مدري افرح والا ازعل ؟
ملاذ : اقولك الصدق يعني لا يجي يقول اللبسي النقاب ولا يقولي اتركين وظيفتك ولا ممنوع تناوبي ولا لا تكلمين أطباء انا رجال و اغار هالكلام م يمشي معاي ، ترا عندي حدود فحياتي محد يتعداها
سلطان: ان شاء الله يوافق على كل شي و اتزوج سحاب
ملاذ رفعت حاجبها : لا بالله ع الأقل قول الله يوفقك ي اختي وتكوني مبسوطه بحياتك كل همك انت و سحاب
سلطان ضحك و قام : الله يسعدنا كلنا ، الا متى تبين النظره اليوم ؟
ملاذ : بسم الله وش اليوم لا طبعا الخميس بعد صلاة العشاء ، وعلى فكرا ترا انا اعرف ذياب وهو بعد يعرفني لكن م يعرف انىِ اختك
سلطان : الله يصبرني ليوم الخميس احس انه بتزوج سحاب من اول أسبوع خطبه مو قادر استنى اكثر
ملاذ ضحكت : يلا يلا ع دوامك ..
طلع سلطان وهي كملت تشرب قهوتها وسرحت وهي تناظر الشباك وتفكر وش بيصير يوم الخميس في جانب جدا مرتاح وجانب يفكر يوم عمليه ذياب كان رافض انه دكتوره تسوي له العمليه هالشي عامل لها خوف انه ياثر ع شغلها لانه التعب والسنين يلي سهرت وتعبت مستحيل تخلي رجال يجي ويمحي كل هذا بثانيه مستعده تجلس كل عمرها بلا زواج لكن وظيفتها محد يقرب عليها لانه هذا اول انجاز بحياتها و اهم انجاز و هالشي هو يلي صنع ملاذ وخلاها توصل للمكان يلي هي وصلت فيه .
.
صباح يوم الخميس ؛
هاليوم كان منتظر كثير فرحة سحاب و سلطان كبيره لانه بدأو يقربو من حلمهم لكن بنفس الوقت الخوف مسيطر من جانب اخر لو رفضت ملاذ او رفض ذياب لانه اذا جاء رفض من أي طرف سلطان وسحاب رح يتكنسل زواجهم من بعض ..
وقف قدام المرايه بكل شموخ وهو يعدل شماغه ناظر العطور و احتار أي عطر يتعطر فيه لانه يوم مميز ابتسم واخذ عطر ريحته هاديه لكن فواحه نزل من جناحه والكل كان بالصاله
شيخه ابتسمت وقامت وهي تزغرط : مبروك ي يمه
ذياب ضحك : أي مبروك تراها شوفه مو خطوبه
شيخه : لين قلبك ي يمه شوي ويلي بتطلبه عروستنا نحنا حاضرين البنت والله جميله و دكتوره م تنرد
ذياب : انا يلي بتزوجها مو انتو يعني يلي بتطلبه انا ي أوافق او ارفض
سحاب ناظرته بهدوء م قدرت تقوله أي شي رغم انه بداخلها كلام كثير ذياب رفع عيونه وناظرها كانت هاديه وبنفس الوقت وجهها ذبلان حس قلبه رف لها وحزن عليها ابتسم لها ابتسامه خفيفه و رجع ناظر امه : يلا اشوفك بعدين
شيخه : تعال اول م تطلع من عندها ابي اشوفك مو اتصال
ذياب ضحك : ابشري
لينا : يلا الله يوفقك ي معرسنا
ذياب : م الومك انعديتي من امي معرس مره وحده !
شيخه : يلا يمه لا تتاخر ولا تنسى بس تخلص تجيني للبيت
ذياب باس راسها : ابشري ي يمه .
ملاذ ؛
كانت واقفه قدام الشباك وسرحانه لشارع اخذت نفس وسكرت الشباك لفت وناظرت نفسها بالمرايه كانت لابسه فستان باللون الاوف وايت ناعم وساده اكمامه طويله ومفتوحه طوله لين كعب رجلها شعرها خلته ع طبيعته كيرلي ناعم،
ناظرت ساعتها و اندق الباب و دخلت سلوى : الله وش هالجمال والزين
ملاذ ابتسمت : تاخرتي
سلوى باستها : وش اسوي زحمه الطريق
ملاذ : كيف طالعه ؟
سلوى : تهبلين
ملاذ : شعري ارفعه والا اخليه مفتوح ؟
سلوى : لا خليه كذا بس م استشورتيه ؟
ملاذ : م ابي خليه يشوف شعري الحقيقي ليش بكذب عليه
سلوى : يلا خلينا ننزل و انا طالعه قالت لي خالتي انزلك تراها مبسوطه مره
ملاذ : ايه والله مدري ليه فرحانه امي هالكثر حتى خواتي .
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 19 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
بالمجلس ؛
كان قاعد ومنتظر لها صح انه متوتر لكن حاول يخفي هالشي حس الوقت طويل والدقايق طالت اكثر و اكثر ،
سلطان دخل و نادي ملاذ وقفت قدامه و اخذت نفس وهي خايفه للحظه حست قلبها بيوقف النبض من كثر خوفها ،
سلطان مسك يدها : ندخل ؟
ملاذ هزت براسها و دخلو المجلس دخلت وعينها ع الأرض : السلام عليكم
ذياب ابتسم و وقف : وعليكم السلام
ملاذ جلست جنب سلطان صح انها تعرف ذياب وشافته اكثر من مره لكن هالمره غير والمشاعر مختلفه هالمره مو مريض عندها هالمره مشروع زواج ..
سلطان ناظر ملاذ وحب انه يكسر خوفها وخجلها : ملاذ وش دعوه هالخوف ترا مو اول مره تشوفي ذياب
ذياب عقد حواجبه ما فهم كلام سلطان لانه للحين م دقق ع ملامحها لانها منزله راسها
ملاذ ارتبكت من كلام سلطان و رفعت راسها و التقت عينها بعين ذياب وسرحت لثواني ، ذياب ناظرها و ماشال عينه عنها ابدا حس شي بداخله رضى فيها وتقبل كل شي فيها
سلطان : هذي مو اول مره تشوفو بعض
ذياب ابتسم وهو يناظرها : عرفتها اجل ، الدكتوره ملاذ
ملاذ ابتسمت بخجل وحاولت انها تتهرب من نظرات ذياب يلي حست انه ذبحها ذبح بنظراته
سلطان : ذياب عندك شروط ؟
ذياب : لا ، لكن اسالها هي لو عندها ؟
ملاذ اخذت نفس : عندي ثلاثه شروط!
ذياب رفع حاجبه : آمري
ملاذ ناظرته وحطت عينها بعينه : شغلي خط احمر لا يجي يوم وتطلب انه اترك وظيفتي و ترا عندي مناوبه يوم بالاسبوع وشغلي مثل ما تعرف فيه اختلاط ، ثاني شرط سكن بيت لحالي ، ثالث شرط ترا انا مو منقبه لا يجي يوم وتقولي اللبسي نقاب
ذياب اعجب بخجلها وقت دخلت و اعُجب فيها الحين قوتها : بيتي انا للحين م جهز يعني بنسكن ببيت اهلي فترة اما وظيفتك م عندي مشكله فيها ابدا بالنسبه للنقاب م راح اطلب منك تلبسيه لكن م تطلعين بمكياج ابدا
ملاذ : هذا الشي حرام وانا افرق بين الحرام والانفتاح
ذياب رفع حاجبه من قوة ردها وابتسم : نقول مبروك؟
ملاذ ابتسمت بخفه و فركت اصابعها وتوترت من جديد وشتت انظارها بالمجلس م تبي تحط عينها بعين ذياب
سلطان ابتسم وحس جبل انزاح من قلبه : الله يتمم لكم على خير .
.
بعد مرور أسبوع اليوم ؛
بعد الاتفاق بين العائلتين اليوم مِلكة سلطان و سحاب وقررو انهم يعملوها في حوش القصر ؛
ف بيت عبدالناصر ؛
الساعه الثالثه عصراً
البيت كانت جدا حوسه بالتجهيزات وكل شي ، لينا و آلاء كل شوي يطلعو الحوش ويشوفو المنسقين لوين وصلو بالتجهيزات ..
بالغرفه سحاب كانت قاعده ع الكرسي والارتست تحط لها مكياج ومعاها ليان
ليان : اوووف ي ربي السواق تأخر مرره وفستاني معاه
سحاب : ترا لسه بدري عادي
ليان ابتسمت وهي تشوفها بالميكب : طالعه تهبلين
سحاب : اهم شي سلطان وقت يشوفني
ليان كشرت : مالت عليك يعني رائي م يهمك الحين ؟
سحاب ناظرت الارتست : خلص
ابتسمت وهي راضيه عن شغلها : خلص طلعتي جميله .. بدت تجمع اغراضها عشانها بتطلع
سحاب ابتسمت وهي تناظر نفسها بالمرايه وكل شوي تتوسع ابتسامتها : شككرا مرررا شكرا ..
لفت ع ليان : مرره حلو صح ؟
ليان : لا ابدا
سحاب ضحكت وضمتها : ليانو بشتاق لك كثير والله
ليان دفتها : هذا وهي ملكه بتشتاقين لي ؟ اجل لو زواج وش بتسوي بتبلكيني من كل البرامج وحياتك بعد ؟
سحاب ضحكت بصوت : مدري عاد م ابي اضيع ولا دقيقه بدون سلطان احس جلست سنين احارب عشانه وهو بس شهر !
ليان : والله مدري شقولك احسك مهبوله
سحاب ابتسمت وهي ترفع كتوفها : يمكن بس تحبين بتعرفي شعوري
ليان بهتت ضحكتها : يمكن ، بسالك بتجي اليوم ملاذ؟
سحاب : خطيبه ذياب تقصدين ؟
ليان عورها قلبها من كلمة خطيبة ذياب
سحاب : اكيد بتجي نسيتي انها اخت سلطان عاد امي صايره تحبها من الحين
ليان : شدعوه خالتي تحبها من وين المعرفه ؟
سحاب ضحكت : نسيتي انها بتكون زوجة ذياب وتعرفين امي شكثر تحب ذياب وحبتها من حبها ل ذياب
ليان : متى ملكتهم ؟
سحاب : يقول ذياب يبي الملكة بيوم الزواج وسمعته يقول ل امي مافي داعي نتأخر اكثر يمكن يرتب زواجة ع الشهر الجاي .
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 20 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌻🍃
بعد صلاة المغرب بدت الحريم توصل و شيخه واختها حصه ولينا و آلاء كانو واقفين ويستقبلو الضيوف وبدت الكراسي تمتلى والقهوه بدت تنصب للمعازيم وصوت الأغاني بدا يعتلي ..
بالغرفه ..
كانت واقفه وهي لابسه فستانها النيلي يلي كان طويل للأرض مفتوح الاكمام مكياجها الناعم وتسريحه شعرها البسيطه خلتها أميره بمعنى الكلمة للحظة دمعت عيونها من فرحتها باقي دقايق و تنزف و رح تشوف سلطان وهالمره غير عن كل المرات هالمره حلالها و زوجها ،
انفتح الباب و دخلت آلاء و ابتسمت اول م شافت سحاب : ماشاءالله طالعه تاخذين العقل
سحاب : ي عمري انا
آلاء : يلا كل المعازيم وصلت صار وقت زفتك
ليان : أخيرا بتنزل
سحاب : اهل سلطان وصلو ؟
آلاء : ايه من زمان وصلو يلا ننزل
سحاب هزت براسها و طلعت من جناحها ونزلت الدرج وقفت عند باب الحوش واخذت نفس عميق ، آلاء مسكت يدها و ابتسمت : لا تخافين انا وليان بنطلع قبلك وانتي بس تسمعين موسيقى زفتك بيفتحو العاملات الباب و تدخلين
سحاب هزت راسها و ابتسمت ، آلاء طلعت هي و ليان ، انطفت الأضواء ومره دقيقة كامله من الهدوء اشتغلت موسيقى هاديه وتوجه الضوء للباب و انفتح الباب و طلعت سحاب ابتسمت بحب وهي تناظر أمها يلي تقدمت وحضنتها بقوة : مبروك ي عيون امك
سحاب : الله يبارك فيك ي عمري ي يمه
شيخه مسكت يدها بقوة و كملت مشي معاها للكوشه يلي كانت بتصميم ناعم جدا ع شكل سحابه ..
منيرة ناظرت بناتها : يلا نقوم نسلم على عروستنا
ملاذ رجعت شعرها للخلف وللحظه حست بتوتر لانه كل العيون عليها وقفت ومشت مع منيره و أروى و هدى ، سحاب ابتسمت بخجل وهي تسلم على اهل سلطان
منيرة : الله يوفقكم و يسعدكم ي بنتي
سحاب : شكرا خالتي
ملاذ : مبروك حبيبتي
سحاب : الله يبارك فيك وعقبال نفرح فيك انتِ و ذياب
ليان ناظرت سحاب : هذي ملاذ ؟
ملاذ ابتسمت لها : ايه انا ملاذ
اختفت ابتسامة ليان وحست بكرهه وهي تشوف ملاذ قدامها !
ملاذ ناظرت ليان بهدوء : شفيك تناظريني كذا مشبهه علىِ ؟
ليان هزت راسها و ابتسمت : لا لا ، معليش انا بروح اشوف شي
أروى غمزت ل سحاب : عاد صراحة تستاهلين انه سلطان مهبول فيك
سحاب ضحكت : ليه ؟
هدى : جننا فيك
سحاب ابتسمت بخجل و هي تشتت انظارها ، ناظرت ساعتها وهي تشوف الوقت همست بقلبها " باقي نص ساعه و يدخل سلطان "
ملاذ و أروى و هدى رجعو لطاولتهم ومنيرة جلست مع شيخه و حصة بنفس الطاولة ..
هدى : ملاذ انشهرتي اليوم أي احد يسلم عليك يسالك انتِ خطيبة ذياب
ملاذ : عاد ودي اقولهم لو سمحتو دكتورة ملاذ ، الا بس يسألون خطيبته والا لا كأني بتزوج حاكم دوله
أروى ضحكت: الظاهر دخلتي عالم الشهره بس تبين الصدق اول مره اشوفك كذا كاشخه حتى مدري كيف طلعتي كذا حلوه
ملاذ ابتسمت بهدوء : انا اختار المكان المناسب لحتى اطلع فيه انوثتي و اكشخ ..
بعد نص ساعه ..
دخل سلطان وطول ماهو يمشي عيونه كانت ع سحاب اول م قرب لها م قدر يخفي حبه و شوقه لها فتح يدينه و ضمها لحضنه ،
سحاب م توقعت انه يضمها وقدام الكل هاللحظه حست بخوف و توتر وخجل من المعازيم لكن اول م نحط راسها بصدره وشمت ريحته حست بشعور غريب تمنت لو هاللحظة همّا الاثنين لحالهم باست صدره بخفه من كثر شوقها ،
بعدت عنه بتوتر عشان لا تلفت الانتباه ل أهلها و اولهم أمها
سلطان باس جبينها بحب : يا ما انتظرت هاللحظه يلي اضُمك فيها و انتِ حلالي
سحاب ناظرت عيونه يلي تلمع من بريق الحب وحست الكلام كله م يوفي هاللحظه
سلطان غمز لها : شرايك اخذك و امشي م ابي لا زواج ولا شي
سحاب : سلطااان
سلطان ضحك : لبيه ي عيون سلطان .. جلس جنبها ومسك يدينها بقوه وهو يشد عليهم
سحاب تكلمت بهدوء وعيونها ع طرف ثوبه : لا تناظرني كذا عشان امي
سلطان : لا بالله عاد شسوي بقولها ي خالتي بنتك لعبت فقلبي وعقلي يرضيك اصير مجنون
رفعت عيونها وسرحت في عيونه لثواني : ي حظ قلبي يوم انه اختارك
سلطان رفع كفها وباسه بشغف : جعل السنين المقبلة كلها أنتِ
وجعل كل صباح أبتديه فيك.
لا تبالغو بالاهتمام ، لا تبالغو بالعطاء ،
لا تبالغو بالحب ، وراء كل مبالغه خذلان
و انكسار قلب.
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
*𝓢𝓱𝓪𝓶𝓼 𝓐𝓵 𝓐𝓶𝓵🚶🏻♀*