الفصل 1
*روايات (عربيه✨مميزه)*
*بإدارة : شـٰٓمـُـس 𝓢𝓱𝓪𝓶𝓼 𝓐𝓵 𝓐𝓶𝓵📚🖊️⇣℡*
*للكاتبة: سماح العواضي*
*رقم الروايه 3*
*الفصل (1) ☆*
* روايه ( حب احياقلب الذياب)💫 😔💔*
*تفاعلوالنستمر😍* *قراءة ممتعة 🥹💗⃟🎀*
❤️📝 روايات وقصص مميزة 📝❤️:
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 1 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
العقل القوي دائم الأمل، ولديه دائماً ما یبعث على الأمل ، مهما كان الحب كبير و عميق فهو يحتاج للعقل لانه العقل الناضج لن يُرميك للهاويه يوما ما ، سوا مع الحب او العلاقات العامه.
المكان : جِده
الزمان: الساعة الخامسة فجراً
العلاقات التي بدايتها لا ترضي الله نهايتها لن ترضيك مهما كانت قويه !!
في احدى القصور الكبيره والراقيه القريبه من الشاطئ ، حوشها كان مليئ بالزرع الأخضر والورد الأصفر و الأبيض صوت المويه من النافورة كان عباره عن هدؤ و سكينه للمكان
في الطابق الثاني وبالتحديد في احدى الأجنحه الجميله والفاخره ، صحت على صوت المنبه مدت يدها لفوق الكومدينه وهي تتخبط وتدور الجوال لانه ازعجها الصوت
اخذته وسكرت المنبه مسحت ع وجهها وقامت بصعوبه ، دخلت الحمام توضت وطلعت فرشت سجادتها وصلت الفجر ..
وقفت قدام المرايه وبدأت ترتب شعرها ابتسمت وهي تناظر رقبتها وبالتحديد سلسالها يلي كان هديه حست انه معاق ع قلبها مو رقبتها!
اندق الباب و دخلت شيخه : صباح الخير
سحاب ابتسمت : صباح الخير يمه
شيخه : ماشاء الله صاحيه بدري اليوم ؟
سحاب : تدرين أيام الاختبارات اصحى بدري عشان اراجع الدروس
شيخه : طيب ي يمه الله يوفقك ، انا بنزل اجهز لك الفطور
سحاب : لو سمحتي ي ام الذياب سوي لي بيض شكشوكه صحيت مشتهيه شكشوكه وعاد من يدك طعمها مميز
شيخه ضحكت : ابشري كم عندي سحاب .. طلعت وسكرت الباب
سحاب جلست فوق كنبتها اخذت جوالها وقت وصلها مسج توسعت ابتسامتها
وضمت الجوال لصدرها وهمست ي عمري ي سُلطان ، عضت شفتها السُفليه وهي تفكر وش ترد عليه
بعد م رسل لها رساله مليانه حب ..
بدت تكتب و اصابعها ترتجف لكن قلبها كان يتراقص من الحب والفرحه يلي تعيشها !
حطت الجوال ع الطاولة بعد م خلصت وناظرت الشباك و رفعت راسها للسماء ودعت بصوت مسموع : يارب اجمعني مع سلطان بالحلال .
.
في الجناح الثاني
جناح فخم جدا كل الوانه باللون الأبيض والاوف وايت ، يتميز هالجناح بصاله كبيره جدا ومكتب خاص و غرفه نوم كبيره وبداخلها غرفه ملابسه ؛
كان واقف بالبلكونه المطله ع النافوره والزرع و رغم شده البرد الا انه كان لابس تيشرت خفيف جدا م يدفيه ابدا عباره عن قطعه قماش ع جسمه فقط
زفر أنفاسه بقوه وهو ضايق صدره ولا يدري اشلون يرتاح ،
غمض عيونه وهو يتذكر مشهد الأمس يللي للمره الثانيه يصير معاه ولسبب الكل يجهله!
شد قبضه يده بقوة وهو يتذكر كلامها " ليش بتطلقني ليش م تعطي علاقتنا فرصه ثانيه !"
فتح عيونه وابتسم بسخريه وهو يتمتم : انت م ظلمتها ي ذياب هذا الصح هذا الصح !
دخل من البلكونه وغير ملابسه وقف قدام المرايه وهو يعدل شماغه
اخذ عطره وبخ بختين وفاحت الريحه بكل الغرفه
طلع من جناحه ونزل للمطبخ ابتسم اول م شاف امه باس جبينها : صباح الخير ي أم الذياب
شيخه ابتسمت بحزن عليه : صباح الورد ، كيفك ي يمه؟
ذياب : افا بس تسألين عن حالي و انا الذياب
سحاب طلعت لسانها : خف علينا بس
ناظرها بنظرات حاده : أقول خلصي فطورك السواق ينتظرك
سحاب : ذياب وصلني انت الله يخليك
ذياب : سواق عندك و انا م ادري ؟
سحاب ابتسمت : سيارتك كشخه مره
شيخه : أقول يلا قومي بس عن هالسواليف البايخه
سحاب كشرت : يمه شفيك ؟ عاد والله كل صحباتي مخرفنين عليك ي ذياب ، اخطب لك وحده منهم
ذياب : كل صحباتك هذولا م يهموني ، قومي يلا بوصلك بطريقي
سحاب : اخخخ بس ي طيبة قلبك وين القى مثلك بس !
دخلت المطبخ وهي ماسكه يد طفلها عبدالله : صباح الخير
شيخه : صباح النور ي لينا
لينا : اليوم تاخرت م ادري كيف م سمعت المنبه
شيخه : ما عليه انا جهزت فطور عبودي
لينا : تسلمين ي خالتي
سحاب ابتسمت وهي تحضن عبدالله : الله وش هالكشخه والحلاوه على عمتك صح ؟
عبدالله : لا م اشبهك
ذياب ضحك بصوت : قولها على عمي ذياب
عبدالله ابتسم ومسك يد ذياب : ايه ابي اصير مثلك انت و ابوي بس اكبر
سحاب اخذت نفس عميق وقامت : انا بوريك والله م اشتري لك حلويات
ذياب غمز ل عبدالله و رجع ناظر لينا : وين طلال ؟
لينا : طلال صلي الفجر وطلع قال بيمر ع المشروع ويشوف العمال قبل يبداو شغل
شيخه : ماشاءالله عليه الله يوفقه ويسهله ي رب
لينا ابتسمت من دعوات شيخه : امين ي رب
ذياب : يلا سحاب مشينا .
سحاب اخذت شنطتها وباست أمها : باي مامي وهي طالعه من المطبخ وقفت ورجعت وباست خد لينا : باي لينوش الحلوه ي احب زوجة اخ بالدنيا ..
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 2 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
مشت بسرعه وطلعت السيارة وهي تفرك يدينها من البرد : ي رب وش هالبرد
ذياب : أي برد ترا الجو حلو
سحاب : حرام عليك ، اشلون م تحس بالبرد .. مسكت يده : ماشاء الله داافي وش ذه بس ؟
ذياب : سكتي بس الحين تصيبيني بالعين
سحاب ضحكت : عيني بارده مثل اسمي البارد
ذياب : صحيتي اليوم مروقه زياده
سحاب سرحت وهي تتذكر رسالة سُلطان و ابتسمت بهدوء
ذياب : وش يضحكك ؟
سحاب : لا بس تذكرت شي ، ذياب عادي اسالك سؤال؟
ذياب : لا
سحاب : اوووف ذياب
ذياب : أقول سكتي احسن بالعه راديو من الصبح تدرين م احب السواليف الكثيره
سحاب : بس هالسؤال وبعدها بسكت والله ولا تسمع صوتي ابد
ذياب : قولي
سحاب :ليش طلقت مها امس وهي مافيها شي وكانت تحبك بعد
ذياب حس قلبه عوره من كلمة " تحبك " لكن تجاهل هالشي : قسمة ونصيب
سحاب : من جدك هذا جواب !
ذياب : مثل م الزواج قسمة ونصيب الطلاق بعد قسمة ونصيب ، و انا م ابي اظلم بنت الناس معاي
سحاب : تدري من أسبوع كانت تقول لو جبت ولد بسميه سنّد
ذياب خبط يده ع الدركسون وتكلم بحده : قلتي بتسالين وتسكتين ليش م سكتي ؟
وقف السياره قدام المدرسه : يلا انقلعي
سحاب خافت ونزلت بسرعه : مجنون و ربي مجنون مافيك ذره الاخوه والحنان والحب مدري على ايش حبيتك مها !
سحاب *عمرها 17 سنه اخر سنه لها بالثانويه هي البنت الوحيده من بين ثلاثه اخوان ، طلباتها أوامر وهي دلوعه أهلها ، جميله وناعمه واخذت من اسمها نصيب.
ذياب * عمره 39 سنه انسان جدا ناجح في شغله عنده شركات في المملكه وخارج المملكه، تزوج مرتين وطلق ولأسباب مجهوله واي احد يساله يقوله قسمه ونصيب .
شيخه *عمرها 59 سنه ، حنونه جدا مع أولادها وتخاف عليهم كثير وعندها سحاب خط أحمر من كثر خوفها عليها.
لينا * زوجة طلال عمرها 24 سنه جمالها جدا هادي ومريح للعين عندها ولد عبدالله و بنت عمرها سنه ونص اسمها نور ، لينا تصير بنت اخت شيخه .
.
طلعت من غرفة العمليات وهي حاسه ب ارهاق و تعب بعد عمليه دامت لست ساعات ، ناظرت الساعه وكانت 4:20..
مشت بسرعه لغرفه الغيار وبدت تغير ملابسها
انفتح الباب ودخلت بسرعه : ملاذ ! لا عاد للحين تشتغلين
ملاذ : اخ بس طولت العمليه وصارت مضاعفات كثيره تخيلي صار لي عشر ساعات مداومه انهد حيلي
سلوى ابتسمت : طبعا استشارية جراحه تحملي
ملاذ : رغم التعب الا انه فعلا مبسوطه ب انجازاتي
سلوى : طيب شرايك تجين معايا انا والبنات
ملاذ : وين طالعين ؟
سلوى : بنطلع نتغدا برجر وبعدها نروح المول نسيتي من يومين نزلت الرواتب وكلنا ناقصنا أغراض
ملاذ : اممم ، لالا مو جايه روحو انتو وانبسطو
سلوى كشرت : ملاذي ترا بزعل
ملاذ : سلوى حبيبتي والله مو جاي ع بالي اطلع وغير كذا بجي المول وش اسوي كل شي موجود معاي مو ناقصني شي
سلوى : يرضيك ازعل ؟
ملاذ : لا طبعا ، كم عندي سلوى بالدنيا بس مو اليوم بطلع معاكم مرا ثانيه
سلوى : اوووف ، صدق راسك يابس
ضحكت ملاذ : ي كثر م اسمع هالكلمه وبعدين شوفي الساعه اربعه ونص مافي وقت ولا فيني حيل مره ثانيه
سلوى : يلا انا بروح عشان لا اتاخر ع البنات
ملاذ : الله معك ي عمري .. خلصت تغير ملابسها عدلت شيلتها اخذت جوالها وطلعت وتوجهت للكراج ،
ربع ساعه و وصلت البيت دخلت والبيت في ازعاج وعرفت انه خواتها موجودين من ازعاج عيالهم دخلت الصاله : ي هلا ي هلا و انا أقول وش هالازعاج !
هُدى : افااا بس
أروى : هذا بدل م تستقبلينا بالتراحيب
ملاذ ضحكت وهي تسلم عليهم : ي حيّا من جانا
دخلت منيرة الصاله وحطت القهوه : هلا يمه
ملاذ ابتسمت وجلست وهي تفسخ عبايتها : اليوم كان مرره متعب بالشغل اشتغلت لين انهد حيلي والله كنت بوصل و انام بس خلص دام خواتي الحلوين موجودين بتقهوى معاكم
منيرة : تغديتي ؟
ملاذ : لا يمه فطرت متاخره وشبعانه بتعشى بعدين
أروى : انا ابي افهم انتي كيف كذا نحيفه ؟
ملاذ ضحكت : م اكل الأخضر واليابس
هدى : ايه والله عاد انتِ ي أروى صديقه الاكل بزياده م انسى يوم عرسك تطلبين للقاعه
أروى كشرت بوجوههم : جوعانه يعني اروح عند محمد و أقوله جوعانه
ملاذ ضحكت : لا لا خلص بس انتي الحين بعد ولاده مالك الا شهرين جسمك يبي له صبر والتزمي بالاكل
منيرة : لا تصدقيهم ي يمه كُلي وتغذي
أروى : محد يفهمني الا انتِ ي يمه
هُدى : تصدقو امس حلمت حلم غريب عجيب م ادري هو حلو والا لا
منيرة : خير ي بنتي وش هالحلم ؟
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 3 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
هُدى : حلمت انه سلطان كان في بيده طفل وهالطفل يبكي مررره ولا احد قادر يسكته بعدين جت ملاذ وسكت بحضنها رغم انه شلناه كلنا بس م كان يسكت
أروى : وهالولد ولد مين سلطان والا ملاذ ؟
هُدى : م ادري والله حتى م كان مبين ولد ولا بنت كان طفل وباللفه
منيره : ان شاء الله خير ، و يارب اشوف عيال سلطان وملاذ
ملاذ حطت فنجانها : ويمكن م تشوفينهم ي يمه
منيره : وليش تقولين هالكلام م ودك تتزوجين وتجيبين عيال ؟
ملاذ : عاد الزواج اخر أولوياتي اذا م لقيت الرجال الصح مو ضروري اتزوج
هُدى : ي كثر الخطاب يلي تقدمو لك و انتي ترفضين
أروى : انا يلي عمري 22 تزوجت وانتي 36 وللحين ترفضين الخطاب يعني بالله عليك بتفصلي زوجك تفصيل ؟
منيرة : كلام خواتك صدق ، ترا انتِ اكبر عيالي
ملاذ ضاق صدرها من سواليفهم : اكبر عيالك و انجحهم و اعقلهم انا استشارية جراحه عامه وعندي اختصاص دقيق بالعمود الفقري ولي مكان بالمجتمع والف شخص يتمنى يتزوجني لكن م جاء الوقت المناسب ، وبعدين شفيكم متفقين علىِ اليوم لايكون في عريس متقدم ؟
أروى غمزت لها : ايه اخو محمد يبيك
ملاذ : مو من جدك ؟
أروى : ايه والله
منيره : صح عنده بنت بس زوجته توفت وقت ولادتها يعني يمكن تكوني انتي العوض الجميل لهم ي بنتي
ملاذ ناظرت فيهم وحده وحده : لا ، ماني موافقه مو عشان تزوج قبل والله لو يكون متزوج عشرين م يهمني انا بختار يلي ابيه فاهمين ، بتزوج الشخص يلي يتقبل شغلي و مناوباتي و اختلاطي بين المجتمع و يلي عقلي يبيه وبعدها قلبي م رح اتزوج بس عشان أسس عائله اذا بتزوج لازم أسس روحي ومشاعري .. وقفت وكملت كلامها : عن اذنكم بروح اخذ لي شاور.
ملاذ *عمرها 36 سنه استشارية جراحه ،
انسانه جميله جدا لكن هاديه وبعيده شوي عن الجمعات والمناسبات تحظر بالنادر مهتمه بشغلها و أي شي يخص نجاحها .
هُدى * عمرها 31 سنه متزوجه من سبع سنوات وعندها ثلاثه أطفال .
اروى * عمرها 22 سنه متزوجه من سنه ونص وعندها طفل
منيرة * عمرها يتجاوز الخمسين تحب أولادها جدا و دايما تبي هي تتخذ قراراتهم حتى لو كانو هم صح وهي غلطانه بنظرها هي امهم واكبر منهم وافهم منهم ، زوجها توفى من سنين عندها ولد وبنتعرف عليه
.
سحاب ؛
رجعت من المدرسه ونامت من التعب صحت بعد المغرب ع صوت جوالها اول م شافت اسم سلطان فز قلبها و ردت بهدوء : هلا
سلطان توسعت ابتسامته : نايمه ؟
جلست وهي تحاول تهدي من نفسها : ايه ، يعني راحت علىِ نومه
سلطان : نسيتي انه اليوم بشوفك بعد المغرب ؟
سحاب بهدوء : لا م نسيت بس كلمت امي انه بطلع مع صحباتي وهي رفضت
سلطان : ليه ؟
سحاب : تعرف امي تخاف علىِ بزياده نادرا م توافق ع طلعاتي
سلطان : يعني هي راح تخاف عليك اكثر مني ؟
سحاب سكتت وسرحت بكلامه دايما كلامه يلعب بمشاعرها وقلبها
سلطان : عمري وين رحتي ؟
سحاب : معاك معاك
سلطان : طيب اسمعيني شرايك بكرا انا أوصلك المدرسه ؟
سحاب بتوتر : لا لا سلطان والله بس لو يشوفني ذياب والا يلمحني بيقتلني و يدفني من دون لا يدرون اهلي
سلطان ضحك بصوت : تخافين منه اكثر من ابوكي !
سحاب : عاد هو بحسبة ابوي اسمع انا بدبرها و اشوفك بكرا بعد المدرسه شرايك ؟
سلطان : طيب يلي تبينه بس اعطيني الوقت
سحاب : بكلم امي انه برجع مع ليان بنت خالتي م راح تقول لا
سلطان : الله لا يحرمنا من ليان عاد دايما معنا
سحاب ضحكت واندق الباب بنفس اللحظه و دخلت أمها : طيب ليان بكلم امي و اشوف وش تقول
سلطان عقد حواجبه ب استغراب : وشو!
سحاب وهي تضحك ب ارتباك : خلص ليان عاد افهمي هذي امي جنبي بسالها و ارد عليك برساله ، باي حبيبتي ..
ابتسمت ل أمها : هلا يمه
شيخه : وينك م نزلتي خفت عليك
سحاب : يمه شدعوه تخافين مو بيبي انا !
شيخه : الولد بعين امه صغير مهما كبر
سحاب : بس م اشوفك تعاملين ذياب و طلال و نواف نفس هالمعامله ؟
شيخه جلست بطرف السرير وهي تلعب بشعرها : وش دراكِ لقلبي بس هما اكبر منك و افهم بعد يعني تقارنين نفسك ب ذياب و طلال ونواف ترا هم اكبر منك بكثير ي يمه يلي بعمر ذياب عنده بنت بعمرك
سحاب : م توثقين فيني ؟
شيخه : اثق فيك كل الثقه
سحاب : اجل بكرا بعد الاختبار صحباتي بيطلعون يتغدو برا خليني اطلع معاهم تكفين يمه
شيخه اخذت نفس : طيب ابشري ولا يهمك
سحاب توسعت ابتسامتها : من جد يمه وافقتي ؟
شيخه : ايه ، عشان تعرفي شكثر احبك و اثق فيك ، وثاني مره لا تخلطين بين الثقه والخوف فاهمه
سحاب ضمتها بقوة : احبك يمه والله احبك .
.
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 4 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
الساعة العاشره و النصف ؛
دخلت الجناح و بيدها صينية العشاء حطته فوق الطاولة : يلا طلال العشاء جاهز
طلال كان قاعد فوق الكنبه و على اللابتوب سكره وناظرها : حطيه فوق السرير
لينا كشرت : عشان ينكب العصير مثل المره الأولى و اجلس انظف
طلال ضحك وقام بسرعه شال الشيله من راسها وباس اسفل خدها : هالمره لو انكب انا يلي بنظفه
لينا ناظرته بطرف عينها : اكيد ؟
طلال : افا بس تشكين فيني و انا طلال ؟
لينا : لانك اكسل انسان شفته على وجه الأرض
طلال قرب لها الخطوه يلي تفصلهم وحط يده عند رجولها وشالها
لينا شهقت بصوت : طلال مو كذا مو كذا الرومنسيه فاهمها غلط ترا
طلال نزلها لفوق السرير وقرب منها اكثر : اجل علميني الرومنسيه انتي ي ام الرومنسيه
لينا ارتبكت : العشاء بيبرد
طلال غمز لها : انتِ عشاي
لينا رفعت يدها لوجهه وهي تغطيه : خلاااص
طلال باس باطن كفها برفق ، هاللحظة اندق الباب وسحاب تنادي من وراء الباب : ادخل والا م ادخل
طلال قام من فوق السرير فتح الباب وحط يده ع الجدار يمنعها تدخل : نعم سحاب وش تبين بهالوقت بجناح متزوجين ؟
لينا عضت شفتها : الله ياخذك ..
قامت بسرعه و دخلت من تحت يده و وقفت قدام طلال : هلا سحاب تبين شي ؟
سحاب : شفيك متوتره لايكون جيت بوقت غلط بس شفت الوقت بدري
طلال نزل يده لخصر لينا وضمها : م قلتي وش تبي
لينا : طلال عيب فكني
سحاب ضحكت : بسوي نفسي م شفت ي قليلين الحيا ، المهم لينا بسرعه عطيني شوزك الرمادي بلبسه بكرا
طلال : عندك مليون شوز وجايه تاخذين منها ؟
لينا شالت يد طلال : يلا الحين..
ثواني وحطته عند الباب قدام سحاب : تفضلي
سحاب ابتسمت : ي عمري انتي
طلال سكر الباب بوجهها ودخل
لينا دخلت وراه : ترا عيب هذي الحركات قدام سحاب
طلال : وش سويت عشان حطيت يدي ع خصرك عيب ؟
لينا من توترها فتحت البكله عن شعرها وانتثر ع كل ظهرها وجلست فوق الكنبه وبدت تاكل
طلال ابتسم من حلاوتها وجلس جنبها : يلا اكليني
لينا ابتسمت وناظرته : و انا منو ياكلني لانه ميته جوع ؟
طلال : اممم مشكله
لينا : تصدق طعم الشكشوكه لذيذ مره .. اخذت لُقمه و اكلت طلال : عوافي
طلال : دامها من يدك ف اكيد لذيذه .
طلال *عمره 37 سنه ، مهندس معماري جدا جميل تعامله جدا سلس مع الناس لكن في نفس الوقت حذر جدا ، تزوج لينا عن حب ويعاملها معامله غير الكل.
.
صباح اليوم الثاني ؛
سحاب..
صحت قبل يرن المنبه من كثر فرحتها انه بتقابل سلطان ناظرت الساعه وكانت سته الا ربع تاففت بضيق انه الوقت مرا بدري وباقي ساعات كثيره عشان تقابله ، بدت تمشط شعرها وغيرت ملابسها واخذت مناكير لون نود وبدت تسوي ،
اخذت عبايتها وطلعت من الغرفه ونزلت المطبخ سحبت كرسي و جلست : صباح الخير يمه
شيخه : ي صباح الورد ، يلا افطري عشان السواق يوصلك
سحاب : وين لينا وعبود ؟
شيخه : عبودي امس خلص اختباراته
سحاب : ي حظه
شيخه : لا اوصيك لا تتاخرين اليوم
سحاب: ابشري من هالعيون .. وقفت وهي تكمل : تبين شي ي يمه ؟
شيخه : الله معك ي حبيبتي و ربي يوفقك
سحاب طلعت من البيت وقفت وهي تحاول تهدي من نفسها للحظه حست انها تخون ثقه أمها وأهلها بعد غمضت عيونها بقوه وحطت يدها ع قلبها وهمست : بس انا احب سلطان وسلطان يحبني و راح نتزوج!
مشت و طلعت السياره سندت راسها ع الشباك وهي تتأمل شوارع جِده وصلها مسج فتحت و ابتسمت وهي تشوف سلطان يطمن عليها ويسألها ع الموعد ردت بهدوء "ايه حبيبي ع الموعد"
وقف السواق قدام المدرسه ونزلت بسرعه اول م شافت ليان حضنتها : كيفك لينو؟
ليان : ليه تاخرتي؟
سحاب : م ادري ، اسمعي بقولك شي !
ليان مسكت يدها وجلستها : شفيك متوتره ؟
سحاب : اليوم بشوف سلطان
ليان : لا عاد !
سحاب : انتي بتساعديني
ليان : مالي ادخل المره الأولى ساعدتك الحين مستحيل خالتي لو درت بتقوم الدنيا هذا غير ابوكي و اخوانك
سحاب : لياااان لا تصعبينها
ليان : اصحي على نفسك وبعدين وين بتشوفينه ؟
سحاب : بالكافي هنا قريب المدرسه
ليان اخذت نفس : وكيف بساعدك ؟
سحاب : قلت ل امي انه بنطلع البنات كلنا و انتي يلي بترجعيني و اذا سالتك قولي ايه
ليان : بس هذي اخر مره اساعدك فيها
سحاب بضيق : وهذا اخر يوم بالمدرسه يعني شوفة سلطان شبه مستحيله صارت ..
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 5 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
ليان : الحمدلله ي رب ، عاد انا مو مطمنه ابدا لسلطان!
سحاب ابتسمت بحزن : ترا سلطان غير كل الناس
ليان : دايما البدايات حلوه بس أخاف يكون اعجاب مو حب
سحاب : هذا كله و اعجاب فقط ! اجل لو حب كيف بيصير قلبي؟
ليان : ترا الحب م يجيب الا الشقى
سحاب ناظرتها بهدوء : تحبين ؟
ليان : م عليك مني خلينا بسلطان
سحاب ابتسمت بحب : والله احبه احبه !
.
الساعه الثالثه عصراً؛
طلعت من غرفة العمليات وهي تشيل الكلفز رمتهم لزباله وغسلت يدها و عقمتها ، مشت للاستراحة طلبت لها قهوه و اول م شافت سلوى مشت لعندها وسحبت كرسي و جلست : مرحبا
سلوى ابتسمت : ي هلا ي هلا ، طمنيني عنك ؟
ملاذ اخذت نفس عميق : يعني ماشي الحال
سلوى : افا بس ، اكيد صاير شي
ملاذ : امي !
سلوى : شفيها خالتي منيرة تعبانه؟
ملاذ : لا لا كويسه مافيها شي ، بس كالعاده تقدم لي عريس وتبيني اتزوج غصب
سلوى : عاد خالتي معاها حق !
ملاذ حطت كوب القهوه وناظرتها بهدؤ : شفيك سلوى؟
سلوى : خالتي تبي تشوفك عروس وترا من حقها وبعدين ماشاءالله عليك حققتي إنجازات كثيره و عاد العمر يمشي ليش ترفضينه ؟
ملاذ : تزوجتي والحين تبيني اتزوج ؟
سلوى ضحكت : لا عاد تعرفيني انا وياك درسنا الجامعه وتخصصنا و اشتغلنا مع بعض يعني صديقات عمر وفي بينا مواقف وعِشره وقلت لك الصدق
ملاذ : بس م اشوف هالرجال مناسب لي ابدا
سلوى : كل الرجال يلي تقدمو لك تقولين مو مناسب حتى رفضتي الدكتور حَمد قبل سنه نسيتي ولا ؟
ملاذ مسحت ع وجهها : اول شي هالشخص انا افضل منه ماديًا وعلمياً وعاد بصراحه انا ابي اتزوج واحد مثلي يعني مو غرور لكن عشان حياتنا تمشي بهدوء لانه ادري بتصير مشاكل مالها اول ولا اخر ، و دكتور حَمد رفضته لانه حسيته مو مناسب لي شخصيته غريبه شوي انا اشوفه دكتوري و اخ كبير و زميل شغل مو زوج
سلوى : م ادري والله
ملاذ : و امي من امس جننتني وافقي وافقي قاعده اقنعها انه انا مو محتاجه زوج لكن مو راضيه تفهم
سلوى : طيب ليه م تشوفين هالعريس نظره شرعيه يمكن ترتاحين له ؟
ملاذ: لا قلبي مو مرتاح ابدا
سلوى : هذا قلبك ميت ميت م يرتاح ل احد
ملاذ ضحكت : حرام عليك احس عندي قلب كبير
سلوى ضحكت من ضحكة ملاذ : م ضنتي والله انه عندك قلب ، اجل قولي لي وش مواصفات العريس يلي تبينه ؟
ملاذ : بتفصلينه لي يعني ؟
سلوى : لا م رح افصل لانه ادري بتقولين م ارتحت ولا ابيه
ملاذ : لا عاد مو كذا ، بس انا ابي اتزوج شخص قريب مني بالعمر انسان واعي ومثقف ومنفتح للحياه عشان يتقبلني ويتقبل شغلي ومناوباتي وغير كذا ابيه مرتاح ماديًا عشان بكرا لو صارت أي مشكله م يقولي انتي شايفه نفسك ب امولك يعني بالمختصر ابي عينه مليانه وقلبي يرتاح له والحب سهله عاد انا م اؤمن بالحب من النظره الأولى لانها اعجاب مو حب
سلوى : كل مره تقنعيني بكلامك بس كمان لا تتركين هالعريس شوفيه نظره شرعيه
ملاذ : افكر
سلوى : لا تفكرين لانه لو فكرتي بترفضي
ملاذ غمزت لها و اشرت ع قلبها : مو مرتاح .
.
سحاب ؛
وقفت قدام الكافي وناظرت ليان بهدوء : تدخلين معايا ؟
ليان : اكيد بس بجلس بطاولة بعيده عنكم
سحاب ابتسمت : يلا دخلنا ..
اخذت نفس تهدي من توترها دخلت الكافي وعينها التقت بسلطان اول م شافته مشت ناحيه الطاولة سحبت كرسي و جلست
سلطان توسعت ابتسامته اكثر : ي هلا والله
سحاب : اهلين
سلطان : أخيرا قدرت اشوفك ؟
سحاب ابتسمت : وش اسوي وعاد يمكن هذي اخر مره اشوفك تدري المدرسه خلصتها و يعني طلعاتي صعبه بتكون
سلطان مد يده ومسك يدها سحاب انتفض كل جسمها وحاولت تسحب يدها لكن سلطان شد عليها اكثر : ليه كل هالخوف يدك ثلج
سحاب رفعت كتوفها : م ادري
سلطان : طلبت لك هوت شوكلت ادري انك تحبينه
سحاب بتوتر : سلطان شيل يدك
سلطان : بشيلها بس خليها تدفي شوي
سحاب دمعت عيونها وسلطان سحب يده بسرعه : ليه تبكين ؟
سحاب : كل مره اقابلك فيها احس بتأنيب الضمير
سلطان عقد حواجبه ب استغراب : ليه وش فيها ؟
سحاب : كيف وش فيها ترا انا اخون ثقه امي و اهلي م ابي اصغر بعيونهم و انا مثل السحاب عاليه
سلطان : تدري انه انا احبك والا ما تدرين ؟
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 6 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
سحاب ابتسمت من جمال الكلمه وحست انه مخارج حروفها منه غير : ادري ، و انا بعد احبك
سلطان : اصريت اليوم انه اشوفك عشان بقولك شي حلو ، الليله بكلم امي انه ابي اتزوج وبخليها تكلم امك في اقرب وقت
سحاب حست قلبها طبول فرح و خوف : من جد ؟
سلطان : ايه خلص خلصتي الثانويه و انا ابي اتزوجك
سحاب اختفت ابتسامتها : أخاف اهلي يرفضو ؟
سلطان : ليه يعني مو قد المقام ؟
سحاب : ليه تفكر بهالطريقه ترا مقامنا سوا ، بس لانه صغيره يعني
سلطان : م عليه بيوافقو اكيد
سحاب : لهالدرجة واثق ؟
سلطان : ايه لأني احبك و راح اسوي أي شي بس عشان اتزوجك ، مرة سنه كامله من وقت تعرفت عليك وحبيتك أتوقع انها كافيه
سحاب ابتسمت بحب : م ادري وش رح تكون رده فعل امي لانها دايما تشوفني صغيره لكن يلي اعرفه انه انا رح احارب أي شخص يرفض الزواج
سلطان مد يده فوق طاولة وفتح كفه سحاب حطت يدها ع يدها وشدت عليه : مافي أي قوة تقدر ع الحب!
سلطان * عمره 25 سنه تخصصه محاسبه ، انسان جميل وعصبي هو الأخ الوحيد ل ملاذ و هدى و أروى .
قصة سلطان و سحاب قصه حقيقيه مقتبسه من الواقع ، لكن غيرت فيها اشياء بسيطه اولاً لانه البيوت اسرار و دايما في شي يكون مدفون محد يدري عنه ، وثانيا عشان احداثها تناسب الروايه .
.
بعد مرور يومين
ع سفرة الطعام يلي كان فيها مما لذ وطاب ، الكل كان موجود بمناسبه رجوع نواف و زوجته آلاء من شهر العسل
شيخه : الحمدلله يلي رجعتو بالسلامه والله اشتقنا لكم
سحاب : عاد طولتو بزياده
نواف ضحك : وش عليك انتي
سحاب : اسمه شهر عسل مو شهرين صح ي يبه ولا؟
عبدالناصر ضحك : ما عليه ي يبه عريس
سحاب : الا وش جبتو لي هديه
طلال : همك الهديه
سحاب : طبعا انا اخته الوحيده
نواف : ولا شي
سحاب : افا بس مو ع أساس ي آلاء بتجيبين لي هديه
آلاء ابتسمت بهدوء : موجوده ي عمري
سحاب رفعت حاجبها : الحمدلله
عبدالناصر ناظر ذياب و كان ياكل بهدوء ولا منتبهه لسواليفهم : ذياب
ذياب رفع راسه : هلا يبه
عبدالناصر : فيك شي ؟
ذياب : لا ليه؟
شيخه : سرحان ي يمه ولا تشاركنا سواليفنا
ذياب : لا بس افكر بالشغل وعندي سفر بكرا
طلال : بكرا ؟ وين مسافر ؟
ذياب : لندن يومين وبرجع
عبدالناصر : ليش مسافر بهالسرعه صاير شي ؟
ذياب : لا بس شغل
طلال : كان حجزت لي معاك
ذياب : م يحتاج المره الثانيه نروح كلنا سياحه
سحاب : محد لف العالم غيرك
ذياب : الحين همك بس انه لفيت العالم ؟
سحاب انصدمت من رده ونبرة صوته هزت راسها بالنفي : لا مو همي بس كذا قلت
ذياب حط الملعقه و قام : بالعافيه
شيخه تنهدت : احس فيه شي والله حاسه
لينا : مافيه الا العافيه ي خالتي لا تضايقين صدرك
نواف : الا صحيح هو ليش طلق زوجته وش صاير بينهم؟
سحاب : هو يقول مافي نصيب ولا توافق بينهم لكن هي كانت تحبه وتفكر حتى وش بتسمي عيالهم مدري كيف قدر يتخلى عنها بهالسهوله !
طلال : ذياب م طلقها الا لسبب عاد وش السبب محد يدري
شيخه : مدري وش أقول هذي ثاني مره يطلق و بيدخل الأربعين ولا استقر عائلياً ولا صار حتى اب
عبدالناصر مسح ع وجهه بضيق : ذياب م ينخاف عليه اسمه ذياب و اخذ النصيب من اسمه
سحاب : يبه ابي منك طلب
عبدالناصر : آمري كم عندي سحاب
سحاب : ابي اسوي حفله بمناسبه التخرج و اعزم صحباتي
عبدالناصر : ابشري بستاجر لك اكبر شاليه و انتي جيبي شركة وجهزيه مثل م تبيه
سحاب ابتسمت : الله لا يحرمني منك ي يبه بس م يحتاج شاليه بسويها بالحوش عند المسبح
عبدالناصر : سوي يللي تبينه و هديتك اطلبي يلي تبيه ولسه عند قرارك بتدخلين طب ؟
سحاب ابتسمت : ان شاء الله عاد حلمي اصير دكتوره أطفال .
.
كانت نايمه بالصاله وفزت ع أصوات خواتها وهم يدخلو البيت جلست وهي ترفع شعرها : بدري وش جابكم الحين هذا قلت بنام قيلوله
هدى : عيب عليك في احد يستقبل خواته بهالطريقه؟
أروى : عاد اشك انه ملاذ اختنا
ملاذ ضحكت وقامت تسلم عليهم : لك الشرف انه عندك اخت مثلي
أروى: لا والثقه عندك مليون
ملاذ اخذت سَعد ولد اروى من حضنها باست خده وجلست ع الكنبه تلعب معاه : لا م اصدق ي أروى هذا مو بيبي الا كاجو من حلاته
أروى فسخت عبايتها : دام أمه أروى اكيد بيكون كاجو
هدى : أقول وين امي بس ؟
ملاذ : تصلي العصر مو قلت لكم جاين بدري بزياده
هدى : احس في شي ليش امي عزمتنا فجأة
ملاذ : في اخبار حلوه ..
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 7 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
أروى ابتسمت : وافقتي ع العريس صح
هدى : ي عمري ي ملاذ مبروك ي عيون اختك
أروى ضمت ملاذ : كنت ادري انك بتوافقي
ملاذ ناظرتهم بهدوء : شفيكم ؟ وش تخربطون ؟ مين قال انىِ وافقت ؟ قراري قلته وانتهى وتسكر الموضوع تمام ، الخبر الحلو انه سلطان يبي يتزوج
أروى كانت بترد بس شافت أمها تنزل الدرج مشت لها وسلمت عليها : كيفك ي يمه ؟
منيره : هلا والله ببناتي
هدى : وش هالاخبار الحلوه ، اجل مين العروسه ؟
منيرة جلست : يقول سحاب بنت عبدالناصر ال *
أروى: الاسم مو غريب ؟
ملاذ : اخوها رجل الأعمال ذياب عبدالناصر يلي عنده اكثر من شركة داخل المملكه
أروى: ايه صح صح
هدى : من وين يعرفها ؟
منيره : م ادري م عطاني التفاصيل لكن عطاني رقم أمها عشان اتصل و اكلمها عشان يتشاورون بالموضوع ونروح نطلبها رسمي
هدى : الله يوفقه ي رب و ان شاء الله نسمع الاخبار الزينه
ملاذ: ابي اعرف كيف بيتزوج وهو لسه م أسس نفسه صح ي يمه ؟
منيره : وش تبينه يسوي اكثر ؟ الحمدلله موظف و راتبه زين
ملاذ : راح يقدر يفتح بيت ثاني ؟
منيره : وليش يفتح ؟
ملاذ : اجل وين بيعيش ؟
منيره : وش تخربطين انتي ؟ اكيد بيعيش هنا معانا بالبيت !
ملاذ : م ضنتي البنت بتوافق تراها عايشه بقصر ي يمه
هدى : ملاذ كلامها واقعي
منيره : بالاول خلوني اشوف الام وش بتقول اذا موافقين مبدئيا او لا !
هدى : الله يكتب يلي فيه الخير .
.
الساعه السادسه مساءً؛
في المجلس ،
كانت قاعده شيخه و لينا و الآء و سحاب يتقهو ويسولفو
الآء حطت فنجانها : سحاب قررتي وش بتدخلين بالجامعه ؟
سحاب : اممم في الف تخصص ببالي عاد ودي أكون دكتوره اطفال بس احس الطب صعب فكرت ادخل هندسه معماريه بس للحين قلبي مايل للطب
لينا : حلو هالتخصص
شيخه رفعت جوالها وهي تشوف رقم غريب يتصل فيها : أقول سكتو عشان اسمع
لينا ضحكت : خالتي من زمان ولا غيرت عادتها وقت ترد ع الجوال م تبي صوت احد
شيخه : ي هلا والله ، ايه ام ذياب مين معاي ؟
سحاب لفت على الآء : الوشه الا من جد م قلتي لي .. سكتت وهي تسمع أمها تقول " ي هلا والله ب ام سلطان " هاللحظة قلبها رجف واطرافها ثلجت وعرفت انه سلطان كلم امه بلعت ريقها وناظرت أمها بخوف لكن شيخه م انتبهت لها
الآء: كملي وش بتقولي
سحاب : لا ولاشي نسيت والله
لينا تكلمت بهدوء : وجه خالتي تغير احس في شي
شيخه سكرت وحطت الجوال : مو من جدها هذي!
لينا : خير خالتي ؟
سحاب : مين هذي ي يمه ؟
شيخه : ام سلطان ال *
لينا : من زمان عنها ، بس غريبه ليش متصله ؟
شيخه ناظرت سحاب وسحاب بلعت ريقها بخوف من نظرة أمها
الآء : خالتي شفيك ؟
شيخه : تقول تبي سحاب لولدها سلطان ، م ادري شلون تفكر البنت صغيره ولسه متخرجه من الثانويه
لينا بهدوء : انتي رافضه ؟
شيخه : اكيد
سحاب حست انها طاحت من برج عالي ناظرت أمها : بس هذا قراري انا !
شيخه : ليش موافقه ؟
سحاب : م قلت موافقه لكن م رفضت
لينا : انا أقول صلي استخاره وبعدها يصير خير
شيخه : تقول تبي راينا هالاسبوع عشان يجون ويطلبونها رسمي
الآء : انا اشوف لو خطبه عادي بس طبعا سحاب ادرى بحياتها
شيخه ناظرت سحاب كيف متوتره حست انه في شي لكن م تدري وش هو مسحت ع وجهها بضيق : سحاب لسه صغيره ومو وقت خطوبه و لا زواج مستقبلها أولى من الزواج
سحاب حست بضيق قامت بسرعه وطلعت من المجلس و جرت بتطلع الدرج ، شافها نواف وهو نازل و انصدم انها تجري و تبكي كمل ينزل و وقف قدام المجلس :انا بطلع تبون شي
شيخه : الله معك
نواف : الا جد شفيها سحاب تبكي ؟
الآء : ي عمري توترت وبكت جاها عريس .
نواف* عمره 24 سنه تزوج من شهرين الآء يلي تصير بنت عمه تزوجها بعد قصه حب
آلاء * عمرها 22 سنه اخر سنه بالجامعه بنت جميله وهاديه وناعمه في كل شي كلامها واسلوبها حتى لبسها.
.
في الصاله ؛
كانو متجمعين كلهم ويتقهوو ، عبدالناصر كان مندمج بالاخبار لكن شيخه سرحانه وتفكر ب سحاب يلي من امس قاعده بغرفتها ولا طلعت اخذت نفس وقررت تكلم عبدالناصر بالسالفه كلها : أقول ي بو ذياب في شي لازم تعرفه
كلهم ناظرو شيخه عشان تكمل
عبدالناصر : خير في شي ؟
شيخه : ايه ، امس ام سلطان ال * اتصلت وتقول تبي سحاب لولدها سلطان
طلال بصدمه : سحاب !
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 8 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
شيخه : ايه والله وتقول اذا حنا موافقين يبو يجو رسمي يطلبوها ونتفق ع كل شي
عبدالناصر : وليش م كلمتيني من امس ؟
شيخه : لانه انا رافضه لكن قلت لازم تعرف
ذياب : سحاب لسه تخرجت من الثانويه عن أي زواج تتكلمون ي يمه ؟
شيخه : وهذا يلي انا افكر فيه
نواف : يمكن بس خطبه والزواج بعدين
ذياب : حتى ولو ، سحاب صغيره وهالسن مو سن خطوبه ولا زواج هذا انا عمري 39 ولا افكر بالزواج
طلال ضحك : معليش انت حاله استثنائيه
نواف ضحك : ايه والله
ذياب : انا قلت لا لانه سحاب صغيره و أتوقع ابوي بيقول نفس الشي
عبدالناصر مسح ع وجهه بهدوء : عشان كذا سحاب اليوم م نزلت ع الغدا؟
شيخه : هي قالت لي مالها نفس للاكل
عبدالناصر : هي وش قالت موافقه او لا ؟
سحاب وقفت اخر درجتين : ايه يبه موافقه !
ناظروها كلهم بصدمه لكن السؤال يلي دار في بالهم كلهم من وين هالشجاعه كلها !
ناظرها ذياب : على اي أساس موافقه ؟
سحاب : انا استخرت وقلبي مرتاح وانا صاحبه الشأن لا تقررون عني
شيخه : انتي بنتي وانا ادرى بمصلحتك
سحاب : مو دايما قرار الأمهات يكون صائب
عبدالناصر : سحاب تعالي قعدي ونسولف بهدوء
سحاب مشت بخوف وجلست
طلال : بس احنا م نعرف عائلتهم كويس يعني المعرفه من بعيد للبعيد
سحاب : انا م راح اتزوج كل العائله لحتى تعرفوها
ذياب ناظرها بهدوء وحس في شي ويبي يتأكد منه : سحاب ، تعرفين سلطان ؟
سحاب فركت يداتها بخوف و ذياب تاكدت شكوكه تكلم بنبره حاده : تعرفينه والا لا ؟
عبدالناصر : شفيك من وين بتعرفه يعني امك تقول امه يلي اتصلت وتقول نبيها
ذياب وقف : هي حرة بحياتها لكن الندم مو الحين الندم لو فات الأوان تذكري كلامي كويس عمرك وعقلك مو حق زواج ..
طلع من الصاله والبيت بكبره ..
عبدالناصر ناظر سحاب : خلي هالموضوع أسبوع نفكر فيه و انتي بعد تستخيري ي بنتي ونشوف بعدها وش يصير .
.
عند ملاذ؛
صحت من النوم وقت صلاة الفجر اخذت نفس عميق و قامت دخلت الحمام توضت و طلعت تصلي الفجر ومثل كل يوم بعد م تخلص صلاتها تأخذ مصحفها وتقرا جزء من سورة البقرة ، بعد م خلصت ابتسمت وهي تحس براحه بداخلها قامت غيرت ملابسها وناظرت الساعه وهي سته صح انه بدري ع دوامها لكن قررت تطلع المستشفى وتشرب قهوتها بمكتبها الخاص ع رواق ،
بعد م وصلت مكتبها وطلبت قهوتها بدت تشربها وهي تشوف الجدول حق العمليات ، اندق الباب ودخلت سلوى : صباح الخير
ملاذ ابتسمت : ي صباح الورد
سلوى : عاد جايه اليوم بدري ماشاءالله
ملاذ: امس صليت العشاء ونمت
سلوى : لا عاد مو كذا
ملاذ : والله جاني النوم قلت نامي ي ملاذ وش عندك
سلوى : اجل اليوم خلينا نطلع بعد الدوام نتغدا وبعدها نروح المول ولا أي مكان
ملاذ : ابشري عاد بصراحه قاعده افكر اشتري أغراض ، تدري سلطان خطب وحده اسمها سحاب ومنتظرين الموافقه من أهلها
سلوى : ماشاءالله ومتى صار هذا كله ولا قلتي لي ومين خطب ؟
ملاذ : تدرين هاليومين انشغلت بشكل مو طبيعي م جلسنا ولا سولفنا
سلوى: بنت مين ؟ نعرفها ؟
ملاذ : سحاب عبدالناصر ال *
سلوى : ايه عرفتها عرفتها بس هي صغيره أتوقع م خلصت دراسه ؟
ملاذ : هالسنه خلصت عاد مدري كيف بتوافق وهي صغيره
سلوى : التوفيق من الله
ملاذ : لكن ربي وهبنا عقل نفكر ، سلطان يبيها هي وقال انه يحبها من زمان عاد لمن سالناه كيف تعرفها م قال لنا
سلوى : الله يكتب يلي فيه الخير ونسمع الاخبار الطيبه
ملاذ : امين ي رب ، عاد م احكي لك فرحة امي لو بيدها بتزوجه الحين
سلوى : ي عمري كل الأمهات قلوبهم غير عاد تدري منتظره متى اصير ام احس الأمومة بتغيرني كثير
ملاذ ناظرتها ب استغراب : لا عاد م اصدق هذي سلوى مو ع أساس م تفكرين بالحمل ابدا ؟
سلوى ضحكت : لا خلص الحين افكر فيه باقي لي خمس سنين و ادخل الأربعين م تبيني احمل ولا افكر بالأمومة عاد تصدقي هذا وقتها المناسب
ملاذ : وانتي صادقه الله يوفقك ي رب
سلوى : امين وان شاء الله عقبال نفرح فيك وقلبك بس يلين شوي ع الرجال يلي يتقدمو لك
كلاذ ضحكت : خلينا نقوم نشوف شغلنا عاد اليوم عندي 6 عمليات الله يعين بس .
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 9 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
عند ذياب ؛
وقف وهو يسكر شنطته عشان سفره اليوم لكن غمض عيونه ومسك بطنه بقوه من شدة الألم يلي داهمه همس بهدوء : رجع الألم مره ثانيه
جلس ع حافه السرير وبدا كل جسمه يعرق بشكل غير طبيعي أنفاسه بدت تتسارع بقوه وبدا يحس انه الطاقه انعدمت بجسمه ، اخذ الجوال و اتصل ع طلال رد عليه بسرعه : الحين نارل وترا صاحي من زمان
ذياب تكلم وانفاسه تنقطع : ط ط طلال تعال جناحي بسرعه
طلال بنفس الثانيه طلع من جناحه يجري وفتح جناح ذياب دخل الغرفه وبسرعه جلس ع الأرض قدامه وهو يمسك يداته : ذياب شفيك ؟ ليش كذا تعرق ليش وجهك اصفر ؟
ذياب : خذني المستشفى بسرعه ترا بموت من وجعها!
طلال ناظره بصدمه : وجع ايش وش فيك وش صاير لك ؟
ذياب : خذني وهناك تعرف مو قادر اسوق السياره !
بعد مرور ساعة ؛
بالطوارئ ؛
دخل الدكتور وبيده كل التحاليل وصورة السونار : الحمدلله ع سلامتك ذياب
ذياب : الله يسلمك دكتور
طلال : دكتور وش فيه ذياب ترا قبل ساعه م كان طبيعي من الألم ؟
الدكتور : عنده المراره ولازم تنشال لانها مُلتهبه جدا ويمكن يتسمم الجسم بسببها
ذياب : عندي سفر اليوم ضروري بلتزم بالمسكنات وبس ارجع اعمل العمليه
طلال ناظره بصدمه : كنت تدري ؟
ذياب ببرود : ايه
طلال : ليه م كلمتنا ولاسويتها من زمان ؟
ذياب : م فضيت لها
طلال : مو من جدك ابدا والله مانتَ مسافر اليوم وبنسوي كل يلي يقول عليه الدكتور
ذياب : طلال مافيني شي خل..
قاطعه طلال : صحتك ابدا من كل شي اذا انت م تحب نفسك ترا كلنا نحبك تمام
الدكتور: رح اعملك دخول وتنويم لازم تنشال المراره لانه جسمك بدا يتاذى منها
طلال : أي ساعه العمليه ؟
الدكتور ناظر ذياب : متى اخر مره اكلت ؟
ذياب : امس الغدا
الدكتور : كويس اجل اليوم تسويها .. تركهم وطلع
ذياب ناظر طلال بحده : وش سويت انت ؟
طلال : انت يلي وش مسوي ؟ اجل كنت لمن تتعب وتقول لنا يمكن تسمم كنت تكذب علينا وتدري انها المراره ؟
ذياب : ياخي خلص مسكن و ارتاح ماهو القلب عشان تخاف
طلال : م سمعت الدكتور رح يتسمم جسمك وانت متساهل ومهمل نفسك
ذياب : الحين كيف بنكلم امي و ابوي ؟
طلال : م عليك انت ارتاح وانا بقعد معاك وبس تطلع من العمليه انا بكلمهم .
.
سحاب ؛
غيرت ملابسها و وقفت قدام المرايه تمشط شعرها ناظرت الساعه وهمست : ليه تاخرتي ي ليان؟
اخذت نفس بضيق وجلست ع الكنبه ناظرت جوالها وكان في اشعار من سلطان بلعت ريقها وهي م تدري تفتح والالا !
انفتح الباب و دخلت ليان : هلو ي حلوه ي جميله
سحاب وقفت وحضنتها : ليان بموت بموت
ليان : بسم الله شفيك وش صاير ؟
سحاب بعدت عها وجلست فوق الكنبه بضيق : تخيلي امي رافضه سلطان و ذياب بعد
ليان فسخت عبايتها وحطيتها فوق السرير : ليش ؟ وش السبب؟
سحاب : يشوفوني صغيره !
ليان : من هالناحيه معاهم حق
سحاب : ليان انا احب سلطان تفهمين و ابيه هو وش دخل العمر اذا القلوب تبي بعض ؟
ليان : طيب خالي وش رايه ؟
سحاب : ابوي يقول لازم استخير وبعدها يشوف وش يصير
ليان : كلمتي سلطان ؟
سحاب : لا م قدرت خايفه يزعل
ليان تنرفزت : يزعل من وشو ! سحاب لا تخلين الحب يعمي عيونك
سحاب : اذا بيعميها انا راضيه اقولك احبه احبه ، وصليت و استخرت وقلبي مرتاح خلص
ليان : م ادري والله وش اقولك ، بعدين سلطان يبيها خطوبه والا مِلكه؟
سحاب : احنا متفقين مِلكه والزواج بعد سنه او سنتين
ليان : طيب والجامعه واحلامك يلي بتحققيها ؟
سحاب : عادي ادرس و انا متزوجة وش فيها يعني الزواج مو عائق ل أي شي
ليان : الحين كيف بتقنعي اهلك ؟
سحاب : م ادري انا جبتك هنا عشان تكلمين امي
ليان : لا م ادخل بهذي المواضيع
سحاب بتودد: اجل كلمي خالتي تكلمها هي اختها وبتقدر تقنعها باي طريقه
ليان : اذا اقنعت خالتي خالي منو بيقنعه وذياب بعد ؟
سحاب : ابوي يحبني م رح يوقف بطريق سعادتي و ذياب مو مهم يوافق وش دخله فيني هذا هو راح يدخل الاربعينات ولا تزوج ولا عنده ولد ولا يبي احد يدخل في حياته اجل لا يتدخل في حياتي
ليان : حرام عليك هذا ذياب لا تقولين عنه هالكلام
سحاب ناظرتها بهدوء : ادري انك معجبه فيه عشان كذا تدافعين عنه بس لا تنسي انه فارق العمر بينكم اكثر من عشرين سنه ي ليان
ليان توترت : لا مو كذا السالفه بس بالنهايه هو اخوكي الكبير
سحاب : الحين بتكلمين خالتي تقنع امي ولا ؟
ليان : ابشري من هالعيون .
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 10 ..
📚 😍 📃
📖 روايـــــــــــــة ✍🏼
{ حب أحيا قلب الذياب }
📖🖌 @storykaligi 🌹🍃
ذياب ؛
بعد الإجراءات وكل شي جهزوه و نقلوه لغرفة العمليات اخذ نفس عميق وهو جدا متوتر مهما كان قوي في شي يمر بباله ممكن ينام وم يصحى بعدها توكل على الله وبدا يقرا ايات من القرآن الكريم ،
وقفت قدامه وهي تلبس الجلفز ابتسمت عشان تطمنه : أهلًا ذياب ، انا الدكتورة ملاذ ان شاء الله العمليه بتتسهل وتصحى وانت احسن من قبل
ذياب ميل راسه بهدوء : انتِ بتسوين لي العمليه ؟
ملاذ : ايه ، في مشكله ؟
ذياب ببرود : افضل دكتور
ملاذ رفعت حاجبها : يلي قدامك استشارية جراحة ، أتمنى لك السلامه .. لفت وناظرت دكتور التخدير : خدر ي دكتور رجعت لفت ل ذياب و ابتسمت وهي ترفع الكمامه ع وجهها ..
بعد ساعة ،
طلعو ذياب من غرفة العمليات ونقلوه ع العنايه ملاذ ناظرت ساعتها وكان دوامها مخلص ، غسلت يدها وعقمتها لاكثر من مره اول م طلعت كان طلال واقف وجدا متوتر : دكتوره ليش مافي احد يطمني ع ذياب
ملاذ : تقرب له ؟
طلال : ايه اخوه
ملاذ ابتسمت : تطمن ذياب بخير ، والعمليه تمت ع خير والحين نقلناه ع العنايه ان شاء الله ساعه الى ساعتين بينقلوه للغرفه خاصه
طلال : انتي سويتي العمليه ؟
ملاذ : ايه ، الظاهر انت و اخوك تعانو من نفس المشكله
طلال عقد حواجبه : أي مشكله ؟
ملاذ : بس يصحى اخوك اسأله ، عن اذنك .. مشت وشافت سلوى يلي كانت تنتظرها : معليش تأخرت
سلوى : غريبه دوامك مخلص من ساعه؟
ملاذ : كان في حالة طارئة عمليه مراره والحمدلله نقلوه للعنايه الحين
سلوى : يلا نطلع نتغدا وبعدها ع المول
ملاذ : ي حبك للمول نص راتبك يروح ملابس
سلوى : شسوي لازم اكشخ كل يوم
ملاذ ضحكت : أتوقع انه اكثر الملابس يلي تشتريها تلبسيها من مره وحده فقط
سلوى : يعني تقريبا
ملاذ : غريبه اليوم بتتغدين معاي و زوجك ؟
سلوى : عاد اليوم بيتاخر بدوامه وبعدين عادي اذا سحبت عليه يوم خليه يشتاق شوي
ملاذ غمزت لها : اذا تزوجت بجي اخذ دورات عندك
سلوى : بالأول خلي قلبك يحن عشان تتزوجين
ملاذ ابتسمت : كل تأخيره فيها خيره انا متاكده انه ربي مخبي لي مستقبل جميل .
.
اليوم الثاني
كانت بالمستشفى واقفه عند راسه وتبكي : ليش خبيتو عني والله قلبي كان قابضني حسيت انه في شي
ذياب مسك كفها وباسها : يمه تطمني م فيني شي بس شويه وجع ومع المسكن يروح
عبدالناصر : اجل مسافر هاا!!
طلال : تصدق يبه انه كان مسافر لا ويدري بسالفه المراره وكل مره ياجلها
عبدالناصر : الله يهديك ي ذياب م يصير ي يبه يلي تسويه الحياه مو كلها شغل شغل
نواف : هذا ذياب ي يبه لو تتكلم لين بكرا بيسوي يلي يبيه
اندق الباب و دخلت دكتوره : مرحبا ، كيف حالك ؟
ذياب : الحمدلله بس ترا في الم مره م اقدر اتحرك
شيخه : بالله عليك ي دكتوره ترا تألم كثير شوفيه
الدكتوره : الألم طبيعي ان شاء الله بترتاح وتمشي طبيعي
شيخه : اقولك ولدي تألم كثير انا ولا مره شفته يتألم هالكثر أخاف صار شي وقت العمليه !!
الدكتوره مسكت يد ذياب وهي تقرا ع الاسواره مين الدكتور يلي سوا له العمليه ابتسمت وهي تناظر شيخه : تطمني خالتي مافيه الا العافيه ويلي سوا له العمليه الاستشاريه ملاذ من اهم الجراحين عندنا
نواف : هو اليوم بيخرج والا متى ؟
الدكتوره : ايه اليوم
طلال : طيب غيري على الجرح
الدكتوره : مو انا الدكتوره ملاذ هي المسوؤله عنه
عبدالناصر : ومتى بتجي؟
الدكتوره : هي الحين بالعمليات بس تخلص بتمر عليك
عبدالناصر : شكرا دكتوره يعطيك العافيه
الدكتوره : ولو هذا واجبي والحمدلله ع سلامتك ذياب .. تركتهم وطلعت من الجناح
شيخه فتحت الثلاجه و صبت عصير : يلا يمه ذياب اشرب ترا سويته انا بيدي وحطيت كل أنواع الفواكه عشان تتغذي صح
ذياب ابتسم لها بحب : تسلم يدك يالغاليه
نواف : الله وش هالدلع بس لو ادري كان انا سويت العمليه بدل ذياب
شيخه : تعوذ من الشيطان وبعدين انت عندك زوجتك تدلعك ذياب م عنده احد
ذياب : أصلا انا م ابي احد يدلعني غيرك
شيخه : ادري انك تسلك لي
طلال ضحك و وقف : انا برجع البيت من امس م غيرت ملابسي
عبدالناصر : روح و ارتاح و تطمن ع سحاب تراها تعبانه عليها حراره
شيخه : يمه طلال كلم لينا تسوي شوربه خصار ل ذياب من دون بهارات و زيت وقولها تسويها بيدها لا تخلي العامله وتحط لها ملح و رشه كمون
طلال : ابشري ، يلا عن اذنكم .
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
*𝓢𝓱𝓪𝓶𝓼 𝓐𝓵 𝓐𝓶𝓵🚶🏻♀*