الفصل 6
*– ࢪواية : بَليت بَك وانتَهى امرِي*
*فمَا انْت الا الذّ البَلاء*
*– الباࢪت«» :*
*– الڪَاتبه : سلطانه.*
ــــــــــــــــــــــــــــــــــــــــــــــــ
*قناة : روايـــات سـعـوديـــة:*
https://whatsapp.com/channel/0029Vb6e2kiCsU9HOZMBmG27
*________________*
*قروب إعادة الروايات بارتات/ مستند للبنات فقط📍*
https://chat.whatsapp.com/JxcHwDK9xsa3kUeP2J6UCG
*__________________*
> *الروايه لاتلهيڪم عن الصلاھ اللهم بلغت اللهم فأشهد .*
*__________________*
" بيت الجد جبران"
وهو بيحط جواله بجيبهه الا قاطعه مشاري : وين اختفيت؟
طالعه راكان بتعجب ! : وانت بس تلاحقني؟
مشاري : مين كنت تكلم؟
راكان : شفيك ي النشبه ؟
مشاري : مو نشبه بس تصرفاتك م تعجبني
راكان بتنهد : تبي هالليله تعدي ع خير؟ اسكت
مشى لداخله ومشاري يطالعه بنرفزه !
لحقه ودخل وراه !
_ " الحريم "
الجده فهده : الا ي الجازي انتي يوم انتس
متحمسه تحسبين بنت عبدالعزيز بتوافق ع وليدك؟
الجازي ؛ وانتي وش حارق رزتس؟ ولدتس ولدتس ولدتس
م عندتس الا راكان؟ انشغلي بولدتس وفكيني منتس
ام مناف : الله يهديكم ي جماعه شفيكم مكبرين الموضوع
شمايل ؛ هي عوبا هدت حيله زين انه طلقها
دلال : هي اللي طلبت الطلاق ولا هو؟
شمايل : وانا وش يدريني؟ م دريت الا الحين
الجده فهده : يالله بخطب له انا وبخلي عرسه وعرس
مشاري بليله وحده ان شاءلله وافرح فيهم
الجازي بعصبيه طيرت عيونها : نعنبو حييتس
وش لقفتس ؟؟؟ تهبين ي بنت ابوتس مايختار له
الا انا خليتس بولدتس بس وامسكي ارضتس
ولا بتشوفين شي م يعجبتس ي فهده
فهده : استغفرك ياربي
الجازي : اي استغفري ي كثر ذنوبتس
ام فهد : تقهوو ي حريم وعينو من الله خير واقصرو الشر
الجازي : تسكتيني ؟؟؟ وش دخلتس ؟ ي لقفتس ي ام فهد
لقفاه
فهده : وش بتس اكلتي المره؟ م قالت شي
ام فهد : لاوالله ي عمه م قصدي اسكتك محشومه
الجازي : تقهوي تقهوي انتي
_ " ناصر "
بعد م طلع الا طاحت عيونه ع شروق اللي طايحه ع الارض
بخوف ترجف نزل لها وجثى ع ركبته
يطالعها : صابك شي؟؟ ؟؟ مين اللي اطلق ؟
شروق بخوف انهارت بالبكى
: لـ..ـلا ، ناصر تكفى لايذبحوني والله بموت ع يدهم
ناصـ..ر
طالعها باستغراب رفع عيونه يطالع حوله م لقى
هالسياره اللي كانت موجوده
نزل عيونه لها : مين اللي اطلق ؟ شفتيـ.. الا جمـــد بهاللحظــه لما طاحت ع صدره مغمى
عليها : شروق !!!! ابعدها عن صدره يحركها : شروق !! شفيك؟؟ قام وشالها دخل للبيت بسرعهه ونزلها ع الكنب
شال طرحتها ونقابها عن وجهها الا جمــٌد بمكــانـه
يطالعــهـا بدهشه ! كان وجهها كدمات
مسح باصبعه ع خدها بصدمه كيف جمالها اللي اسر
قلبه تتلاشى ب كدمات ويغطي ملامحها !
همس بصدمه: مين اللي سوا فيك كذا !!!
..
..
" ناصر "
للحظه استوعب نفسهه ابتعد ومشى بخطوات سريعهه
اختطف علبه المويهه ورشه بشويش ع وجهها
وهوي حاول يصحيها : شروق؟؟ ضرب بشويش خدها : ششروق !! اصحي فتحي عيونك
م شافها قامت نزل علبه المويه وصعد بسرعهه لغرفته
اخذ العطر ونزل توجه لها رشهه ب المنديل وقربه
من خشمها تشمهه م هي ثواني الا عفست ملامح
وجهها من الريحه القويهه ارتخت اكتافه براحه وتنهد
: الحمدلله
ابعدت ايدهه بتعب فتحت عيونها
ناصر : م بغيتي تصحين! كنت شوي وباخذك للمستشفى
رجعت غمضت عيونها ب ارهاق : انـ..ـا ويـ..ن ؟
ناصر : عندي بالبيت
فتحت عيونها تطالعه بتعب
ناصر : مين اللي اطلق برا؟ لمحتي احد؟
فهت فيه تطالعه ثم استوعبت :لـ..لا ماشفت
ناصر: اها اوك ي شروق
طالعها للحظه استنكرت نظراته فيها !
ناصر : ليه هالكدمات اللي بوجهك؟
رفعت ايدها تتحسس وجهها تذكرت الكدمات
رفعت نفسها بشويش من الكنب وجلست صدت
عنه بهمس : ولاشـ..ـيء
عقد حواجبه : كل هذا ولاشيء؟
شروق: تكفى ناصر لاتضغط علي
تنهد وقام : براحتك م يهمني
رفعت عيونها تطالعه بقهر ع كلمته
اخذ جواله وفتحه : وش تبين اطلب لك اكل؟
قامت من مكانها : لاتطلب مابي منك شي ؟
طالعها بتعجب : وين رايحه؟
شروق : مابي اثقل عليك اكثر واضح انك مو طايق
قعدتي عندك
ناصر : اي وين المكان اللي بيضفك؟
شروق : مالك شغل فيني
صد ببرود : كيفك تدلين الباب ولا تبيني ادلك عليه؟
تجاهلته بقهر توجهت للباب بينها وبين نفسها بعصبيه
طالعته من بعيد
: بوريك والايام بتشهد ع هالشي ي ناصر!
لف وفتحت الباب وطلعت سكرته بقوهه
ناصر بتنهد لف يطالع بالباب : واضح انك للحين م عرفتي
ناصر ! م تمشي علي حركاتك !
سوا كوب قهوه وصعد فوق مر من جنب الغرفه ووقف
بفضول ! قرب اكثر ...
_ " بعد م انتهت عزيمتهم "
قام راكان بعد م مشو اعمامه واهاليهم : يالله يبه انا بمشي
جبران باستغراب : وين بتذلف؟
راكان : بمشي لبيتي شفيك نسيت ان عندي بيت؟
جبران : وتقعد براسك هناك ليه؟ غرفتك موجوده
راكان: ارتاح اكثر هناك يالله توصي ع شي؟
جبران : سلامتك
راكان : تبيني ادخلك داخل؟
جبران : لا توكل
راكان : ابشر يالله بالاذن
لف وطلع ركب سيارته كان مزاجه ساديه بهاللحظه
ملاك ! بذكرياته معها فتح قزاز سيارته ونزل شماغه
وعقاله ع جنب وفتح ازارير ثوبه العلويه حتى يرتاح
بعد م وصل لبيته نزل وقفل السياره دخل لبيتهه
بتنهيده عميقه رمى شماغه ع الكنب وقعد
رفع عيونهه للممر كان يتخيلها قدامه واقفه بنظرات
عتاب تطالعه نزل راسه يحاول يشتت افكاره غطى وجهه
ب انهياااااار
: خلااااااااص فكييييييني ابي ارتاااااح تكفين خلاص ي ملاك خلااااااص والله تعبت
..
.
قام ع حيله مشى وصعد فوق كانه جسد بلا روح
الم فراقها مسيطر عليه وشعوره بالذنب اهلكه
وضميره يأنبه ! يبين للناس عكس اللي خافيه
بقلبه وصدره !
فصخ ثوبه اخذ حبوب منومه وهذا حاله طول
هالاسبوع م ينام الا عليها ! انسدح بسريره
يطالع ب السقف لحد م غلب عيونه النوم
ونام
_
ناصر
ابتعد عن الباب ومشى لغرفتهه قعد
ع الطاوله فتح اللاب ع كاميرات البيت
رجعه ع الدقايق اللي ورا يشوف السياره !
دقق اكثر لما مرت السياره كانت مظلله بالكامل
وبدون لوحه! عقد حواجبه باستغراب وشك!
انتبه لنظراتها قبل م يغمى عليها !! سكر اللاب
وابتسم بخفه : تحسبين بتمشي علي ي شروق!
حافظ حركاتك وادري اللي وراك ويساعدك هو ابوي
بس والله باللي خلقني ماكون ناصر اذا ماخليتكم
اثنيننكم تندمون !! _ " بعد يومين "
مرت بدون احداث تذكر ' " بيت الجازي " " بعد صلاه المغرب "
بعد م دخل راكان للصاله : السلام عليكم
الجازيي : ياااااهلا ومسهلا ومرحباا بوليدي
عقد راكان حواجبه باستغراب الخدامه ترتب الطاوله
وشمايل تبخر : ياهلا والله براكان
راكان : الله الله ي الكشخه ي يمهه
قرب وباس راسها وايدها : وش هالزين ؟
الجازي : ليت ابوك يوحي غزلك ويتعلم منك
ابتسم راكان : انا اكفي واوفي عنه !
طاحت عيونه ع الطاوله كله حلويات وفطاير تشهي!
مد ايده : الله الله وش هالحركات
الا ضربت شمايل ايده : وخر ايدك بتخربهه
راكان ؛ افا ترا كله حبه تبخلونه علي؟
يرضيك ي يمه؟ ع جوعي من امس
الجازي : تستاهل محدن قالك تروح لبيتك غرفتك فوق
وفيه غدا وعشا وفطور ويطبخون لك اللي تبي
مير تستاهل ي ولد ثنيان
راكان : افا وراه شايله بخاطرك علي ؟
الجازي : فقعت تسبدي
شمايل : ماشوف له داعي والله قعدتك بذاك البيت لحالك
وامي لحالها هنا انت كنت تونسها اذا ابوي وانا مو فيه
راكان : ابشري الليله بقعد عندك كم عندي الجازي انا؟
الجازي : اي نشوف ماعندك غير الحتسي مير اسمعني
المطبخ فيه اكل روح هناك موزيته لك
راكان : الله لايخليني منك ولايحرمني
الا م قلتو لي مين بيجيكم ؟
الجازي بابتسامه : مره عبدالعزيز وزوجتك ارياف
كشر راكان بهاللحظه : زوجتي !!! لايمه تكفين امنعيني
من هالسوالف مابي زواج !! شمايل : البنت تهبل واخلاق وهاديه والله تغطي ع هذيك
العوبا النجسه وجع والله تقلب معدتي لاجبتو طاريها!
ضاق صدره بهاللحظه وساد على ملامحه الحزن !
يذكرونها بالشينه وهي بقبرها !
صد بضيق
شمايل بهمس : شفيه كشر ؟ لايكون م عجبه ان سبيتها؟ الجازي : لايخسي يكشر عشانها! تلقينه م يبي العرس ولاطاريه مير غصبن عنه يقنع
طلع لغرفته دخل للحمام فصخ ملابسه ياخذ شاور..
..
..
" بيت الجازي "
الخدامه باستعجال : مدام ضيوف وصل
الجازي : جايه تبشريني ؟ اافتحي الباب وش تنطرين؟
فتحت الخدامه الباب الجازي وشمايل واقفين !
الجازي بترحيب وتهليل : يااااهلا والله ومسهلا
ومرحبا شرفتينا ونورتينا اسفرت وانورت و
استهلت وامطرت
نزلت نقابها عن وجهها بهاللحظه !
_ " راكان "
بعد م لبس ثوبه ورتب شعره وتعطر اخذ جواله ومفاتيحه!
الا عقد حواجبه ع صراخ امه الجازي !! فتح باب غرفته بسرعهه ونزل بخطوات سريعه بخوف
: شفيـ.. الا بهاللحــــٌــظـــــه كأن دقـــٌات قلبــــه وقـــفـٌت
والـــــدم وصـــــل ليــــــن راســـــه مثــــل المويـــه
البـــارده اللي انكبــــت عليــــه رجـٌوله م تــــشيـــله
من الصـــدمـــه انربـط لســانـٌه : مــ.. مـ.. ابتسمت وهي تخفي كل نقطه كره له : شفيك راكان مو فرحان بوجود زوجتك ملاك؟
بوســٌع عيــٌونه بصــدمه فيــها م رمـش !!! : انـ.. انتـ..و تشوفون اللي اشـ..وفـ..ـه ! مــ.. ملاك قدامـ..ي ؟
الجازي وضغطها مرتفع ب قهر : وش جااااابتس
ي الملعونه ي مقصوفه الرقبه ؟؟ نزل بخطوه خطوه لها وكل خليه بجسمه ترجــف
بخوف انها ممكن خيـال : انتـ..ـي،؟ انتي ملاك؟
ملاك بنظرات ثابته فيه بكل شموخ خفاياها الكراهيه
والقهر والصدمه اللي بقلبها منهه وله !! مرتسمه ابتسامه البرود ع شفايفها
شدت بايدينها ع الشنطهه بكل قــــهــر بداخلها عتاااااب ولــــٌوم لــــه وهي تطــٌـالعـه يقرب لها مو مستوعب
والصدمه تعتلي ملامح وجهه ! كانه يشوفها خيال مو مصدق !
لحد م وقف قبالها باستغراب من الجازي وشمايل فيه!
رفع ايده يمسح ع وجهها يتحسس رقه بشرتها
باصابعه يحاول يصدق اللي قدامه والدموع بعيونه : يـ..ـارب مو خيـ..ـال
غمضت عيونها بكل قرف وكراهيه من حركته
الا فتحت عيونها والتقت بعيونه لما همس ببحه
صوته : مــلاك
همست : اي مـلاك اللي دفنتها وتجردت من شعور
الرحمـ.. الا ســـكــتت بهاللحظـــــه واختـــفــى صــوتـها
لمــا ضـــمــها بـــكل قــوتــه لصــــدره ورصـــها
لضــلوعـــه ولجســمــه حاوطها بايدينـــه
بصــــدمــه تســمــرت بمكــانهـٌا كأن قوتــها وشــموخـها
تــٌلاشــت بهاللحـظه بين احضـــانـه بدون م تحــس
انسابــت دمعتــها بحرقـــه ع خـــدهــا همست بخنــقه
: كيف لـ..ـك قلــب تدفنــي وانا حيــ..ـه ؟؟ همس وهو مابين راحه كانه جبااااال وجبال ع صدره من الحزن والقهر والضيق انزاااااحت بـٌفرحــه بوجودها
وبين تأنيب ضضضميره من عتابها م له وجــه يحط عينه بعينها! رصــها اكثثـر لحضنه
: يشهـ..د علي ربـ..ـي ان فقدانك هد حيــلي
من قوه م انه حاضنها تحــس انها بتدخل ضلوعه!
..
" راكان وملاك"
بكل مافيها ذره كره له وقرف دفتهه باستحقار
واشمئزاز طالعها بتأنيب ضمير : مـ..
قاطعته : لاتنطق ! مابي اسمع شي منك !
بوسط دهشه الجازي وشمايل من حركه راكان !
الجازي بعصبيه : نعنبوك الله لايسلم بك عظم
انت ووياها ؟ وش قله هالحيا ؟؟ ماهي ع ذمتك
طالعته ملاك بدهشه : طلقتني؟
ابتسمت بسخريه والتفتت عليهم : وش هالطلاق اللي
م عندي خبر فيه؟
قرب لها ومسك ايدها : امشي نتفاهم
سحبت ايدها منه بقرف بحده : لاتلمسني !!
راكان بهمس : ملاك !! خليني افهمك كل شي يرحم لي
والدينك اقصري الشر وامشي معي
ملاك بحقد وكراهيه قربت ونطقت له بتشديد : مــالك امــٌان !!
راكان : عليك الامان وبذمتي والله ماسوي لك شي
امشي نتفاهم
ملاك : والله ويشهد علي ربي بهاللحظه وقدامهم
اني لادفعك ثمن فعلتك هاذي فيني ! والله ياراكان
واللي خلق روحي انها م تمر مرور الكرام
قربت اكثر له بكل نظره استحقار تلمع بعيونها
وبحده وهمس له : انت دفنتني ذيك الليله بدم بارد
ودفنت معها كل شي ف قلبي اللي قدامك مو ملاك
الاوليه !
ابتسمت بسخريه عكس قلبها الي يحترق : انت دفنت
ملاك وتحمل كل نتايج خطاك والله لاقلب عليك الدنيا
لاخلي عاليها سافلها والله ماف قلبي رحمه لك باللي
بيصير
سحبها بهاللحظه معه بقوووه !
الجازي بعصبيه : ووووين رايح الله لايبارك فيك ي راكانوه جبت لي الضغط والسكر
اخذهااا لحد م وصلها للسياره وهو بيفتح الباب الا وقفت
قباله : وين بتدفني هالمره ؟
راكان بعصبيه : تحسبين اني متعمد هالشي !!!
ملاك : لاتبرر نجاستك لي !
دفها وفتح الباب وركبهاا بالقوه
سكر الباب وركب السياره : نتفاهم ع كل شي
ملاك : لاتحاول هالمره انك تتخلص مني لانك ماراح تقدر
بلحظه بس لو اختفيت من ع هالارض ! ودع نفسك وقته
عقد حواجبه ولف يطالعها : تهديد هذا؟
ملاك : لاتحسب م وراي سند ؟ صدقني ب اي لحظه
اخليك تنقع بالسجن بين اربع جدران لانك حاولت
قتلي ودفنتني !
راكان بتعجب : وليه رجعتي لي بدون م تبلغين عني؟
ملاك بسخريه ابتسمت : لانني ابيك بتتمنى عذابهم هم
مو عذابي !
راكان بعصبيه نطق بدون م يستوعب كلامه :
لو اني منقهر ع رجعتك لي كان م شفتيني
ضميتك !!!!
طالعته ب استحقار وكره : حضنك كان مثل الشوك لجسمي!
لف يطالعها بقهر : والله م اخذتك بحضني ولميتك فرحتي برجعتك!
صدت عنه بتجاهل وهي تغلي بداخلها ! سحب فرامل ونزل من السياره طالعته باستغراب
لما جا لجهتها وهو بيفتح الباب الا بهاللحــــظــــه
بـــسيـــــاره تصــــدمـــه !!!!!!!
بــــوســـع عيـــــونــها بـــرعـــب وصـــدمـــه صـــرخـــت!!!!!
..
.
" راكان وملاك"
نزل صاحب السياره مرعوب يركض له
: اعذررررني اعذرني والله م شفتتك ورب البيت
جثى ع ركبه عند راكان بخوف : صابك شي ؟؟
قوم قوم اوديك معي المستشفى !
اما ملاك بخووف فتحت الباب بسرعه صدمت
بالسياره لانه مسكر ع بابها طلعت ببالقوه
وقلبها طبووول وترججف ركضت له بسرعهه
الا سمرت بمكانها لحظه م شافته طايح ع الارض
حاط ايده ع رجلهه رفع عيونه لحظه م شافها
الرجال بخوف : يابن الحلال خلني اوصل للمستشفى
نتطمن
راكان ب الم يجاوبه وعيونه ع ملاك
: لا مشـ..ـكور مافيني الا العافيه
وهو بيقوم الا قربت ملاك بخوف : لاااتتحرك
خلني اطلب لك الاسعاف
راكان: م فيني شي بس رضهه ب رجلي سهالات
الرجال بخوف : وش سهالات ؟ لاتصير مستهتر
قوم معي ي رجال اوصلك للمستشفى ونتطمن عليك
راكان : ماله داعي مافيني شي خلاص
الرجال : ماخليك وانت بهالحال قوم معي
ملاك : لازم تروح المستشفى ليه العناد !
طالعها راكان : مافيني شي قلت
لف ع الرجال : خلاص ياخوي م صار شي توكل
قام ع حيله يتحمل الالم الاساعده الرجال
الرجال : متاكد ؟؟
راكان : اكيدين انا الغلطان اطلعت ع الخط م سفطت
ع جنب ماهو غلطك ي رجال روح توكل م صار شي
الرجال : طيب حلفت عليك بالله تروح للمستشفى
تتطمن ع حال رجلك لايكون به كسر ولاشي
راكان : ان شاءلله م علي خلاف
الرجال : الحمدلله ع سلامتك م تشوف شر يارب
راكان : الله يسلمك
الرجال : اعذرني ياخوي مره ثانيه مع السلامه
راكان : معذور
ركب الرجال سيارته وحرك
مشى راكان ع رجله اليسار بدون م يضغط ع اليمين
اللي عليه الضربه قربت ملاك بتمسكه
راكان : ي بنت الحلال مافيني شي
ملاك باستحقار : ي حبك للمكابر!
مشى راكان ع هونه يحاول يتحمل الم ساقه
قعد ب مقعد سيارته من جهه السايق ومنزل رجوله
ع الارض يرتاح !
ملاك واقفه قباله : م ودك تروح للمستشفى !
راكان : لام فيني شي
حطت ملاك رجلها ع رجله جهه القدم ضغطت بشويش
: متأكد؟؟
عفس وجهه ب الم : صاحيهه ؟وخري رجلك؟
بعدت رجلها ب استخفاف ؛مو تقول لي بخير ؟
شفيه قلب وجههك؟
راكان : والله انها حوبتك ! مامداي اكمل نص ساعه
من شوفتك ع طول تسببتي لي بحادث !
ملاك بتوعد وسخريه ؛ باقي م شفت شي !
نزل عيونه ب تنهد ! يضغط بايده ع فخذه
ملاك: تمنيت والله ان صار لك اكثر من كذا
باقي م تهنيت ب المك
رفع عيونه يطالعها باستنكار ! : كل هذا عشان
اني دفنتك ؟
ملاك :سهله عليك تنطق هالكلمه ببرود مشاعرك؟
رفع عيونه لها بحده : تحسبينها سهله علي!! م هانت علي
اشيلك بين ايديني جثهه هامده وانزلك بقبرك !! م هانت
ع قلبي والله م هانت!!
بعيونها اللي مبين فيها القهر والحرقه تطالعه!
..
..
" راكان وملاك "
طالعته ب امشئزاز وكراهيه : والله لو حقي ينوخذ
منك ب دمك ؟ كان اخذته ولاترددت لحظه وحده !
م ترف عيني لرحمتك والله م ترف !
صدت عنهه بحرقهه ومشت بهاللحظه خانتها دمعتها
وانسابت وداخلها عواصف تعصف بمشاعرها وقلبها!
وقفت ورفعت راسها تحاول تحبس دموعها مسحت
عيونها وبلعت ريقها : م يهز شعره من راسك ي مروه!
م يهزك رجال ! م وقفتي ع رجولك الا بسبب اللي سواه!
لا تنهارين بلحظه ضعف هبت هبايبها ع قلبك وصدرك!
زفرت بزفره عميقهه وركبت السياره وهو معطيها ظهره
بكل كلمه نطقت فيها يدور براسه ! بوسط الم رجله!
م كان يساوي الالم اللي بجوفه طالع ع جنب يلمحها
بدون م يلف عليها ! صد بعيونهه ب استسلام
ملاك بنبره جافه ؛ وصلني !
تنهد رفع رجله بالقوه ووجهه معفتس ب الم
حطاه ع الفرامل كان يحس رجله ثقييييييله والالم
ذابحه بس يكابر قدامها سكر الباب وحرك السياره
م كان يضغط ع البنزين الا ب رجله اليسار ويستخدمها
صدت وفتحت الشباك تتأمل الشارع وتتجاهله!
كان بداخلها الف سؤال وسؤال وحيره وعتاب وقهر
وغبنه تتوسط بصدرها م زادها حركته الا حبب ب انتقامه
واصرار !! غمضت عيونها والهواء يلفحها لعله يثلج قلبها
المحترق!
اما راكان بصمت عميق حتى التبرير يجهل يوصله لها
ع فعلته اللي كانت نقطه سودا بحياته !
بعد م وصل لبيتهم
لفت عليه ب استنكار : ليه جبتني هنا!!
راكان : ليه وين كنتي تبين اوديك؟؟
ملاك بسخريه ضحكت :هه لايكون تبي تكمل علي
هنا ؟
راكان بتملل صد وتأفف : انزلي نتفاهم
ملاك بنبره حاده: بنزل ليه لا م يردني لاخوف ولاغيره !
نزلت معه ومشت قدامه بكل برود وقوه شخصيتها تعكس
عليه ب استغراب من حالها ! توقعها بتكون خايفه ومرعوبه
منه ! توقعها بتنحاش منه ! بس انها رجعت له ب شموخ!
خلاه يستعجب قوتها بكل مره تصدمه ! نزل ع حيله عاض
شفته من الم رجله سكر الباب وقفل سيارته
مشى لها وهو يسحب رجله
ملاك : استعجل افتح الباب!
تجاهلها بقله صبر !
كان يعرج ويحس الثقل كله برجله فتح باب البيت ودخلت
قبله سكر الباب ولحقها ببطئ !
بعد م دخلو للبيت نزلت طرحتها وفسخت عبايتها
وهي تعلقه كانت نظراته عليها م شال عيونه !!
الا لما لفت عليه شتت انظاره عنها وحط مفاتيحه ب جيبهه
راكان : امشي داخل نتفاهم
طالعته من فوق لتحت لثانيه وصدت مشت للصاله
عقدت حواجبها من الحوسه لفت عليه
: ماشاءلله قلبته فوق تحت لايكون عشانك زعلان
ع موتي ؟ ههههههههههه لو كانت كذا ف هاذي سخريه قدر
قعدت ع الكرسي وحطت رجل ع رجل بكل برود
وشموخ وعزه نفس تطالعه : كمل ي راكان تبريرك
اللامنتهي من حادثه قتلي اتحفني بالسيناريو
منبهره من تبريرك!
..
..
راكان وملاك
مشى بكل هدوءء وهو متحمل الالم قعد قبالها
طالعها بهاللحظه كأن الكلام تبخر وتبعثر من نظرات عيونها
بعيونه !
ملاك : لهالدرجه منقهر اني عايشه؟
راكان ؛ ونظرتك فيني اني قاتل
متى تتغير؟ شلون افهمك اني م تعمدته شلون افهمك
ان دنيتي ع سعتها الا انها ضاقت فيني بعد م حسبتك
ميته ؟
ملاك :" بعد م ذبحتني قصدك ! "خلني اصححه لك
راكان : واضح ماراح نتفاهم ع خير !
ملاك بسخريه ابتسمت: هه وانت تتوقع ان
بنتفاهم ع محاولتك لقتلي؟ والله خيالك واسع
قامت وتغيرت ملامحها لجديه ونظرات استحقار نظقت بتهديد . اذا انفلت من غيري م م تنفلت مني خله ببالك
هالشي!
مشت بدون م تنتظر منه حتى كلمه صعدت فوق لغرفتها
تنهد راكان بتنهيده عميقه ونزل راسهه وهو محتار
وبتوهق
الا عقد حواجبه بهاللحظه ب شك وكأنه تو يستوعب
اللي صار !!! : هي كيف طلعت؟مين ساعدها؟
التفت حوله وكأن مثل المويه البارده انكبت عليه !
توه يستوعب كل شي بهاللحظه! كان فرحته برجوعها
خلاه ينسى التفاصيل!!
قام من مكانه بسرعهه الا كشششر وشهق ب الم
مم رجله : اااف مو وقتكك
تكى بايده ع الكنب لثواني يريح رجله وهو براسه الف
سؤال وسؤال !
رفع صوته يناديها : مــلااااك
رفع صوته اعلى : ملااااااااااااااااااك انزلي ابيييييك
" من جهه ملاك تجاهلته بكل برود وهي تسمعه !
قعدت ع طرف السرير وهي تغلي من القهر
والدموع بعيونهها : م كفاكم اللي سويتوه فيني !!
جاي تكمل ع اللي سواه فيني اخوك !!
عضت شفتها بغصه : وباللي خلقني ي راكان م تعدي
هالمره لين ماشوفك متعذب واشفي غليلي وغليل
هالسنين اللي راحت من عمري بالسجن!!
وهي تنطحن من القهرر بعد دقايق
الا انتبهت له لما جاء بالقوه
يمشي وقف ع باب غرفتها : م تسمعيني!
ملاك بحقد : اسمعك بس مابي انزل ! ولا ابي ارد!
راكان : تخليني اتعنى واصعد لك !
ملاك: هذاك جيت عورتك رجلك؟ احسن وجعله تزود
دخل بفضول وشك يسحب رجلهه متجاهل الالم
م اهم عنده الا انها تشبع فضوله كيف طلعت!
قعد جنبها الا قامت بقرف ووقفت عن التسريحه
طالعها بغرابه !
ملاك بكراهيه : يقرفني وجودك جنبي ! ويقرفني شوفتك!
راكان : اكرهيني وعاتبيني وهاوشيني وسوي اللي تبين
ماراح امنعك ولا بتشره بس جاوبيني ع شي واحد
مين ساعدك؟ شلون طلعتي من قبرك !!
ابتتسمت بسخريه : لهالدرجه تهمك التفاصيل؟ تو تستوعبه؟
راكان : جاوبيني ! عند مين كنتي هالفتره كله هالاسبوعين اكيد كنتي عند احد وساعدك !
ملاك : قال لي اوصل لك كلامه !
عقد راكان حواجبه بفضول وترقب !: اللي هو؟
ملاك : ان برقبتك روحي وروح اخوك ريان !
انخــــطـٌف لــون وجــهـه بهاللحظــه بصــدمــه!!!!
..
..
كأن الدنيــا تــدور فيه من صــدمــته نزل عيونه
ابتسمت ملاك ب خباثه وهي تطالعه مستمتعه ب صدمته!
طالعها بهاللحظه تلاشت ابتسامه ملاك ل استغباء
وتمثيل !
راكان : شلـ ..ـون ؟
هزت ملاك كتوفها : مدري !
راكان مثل المجنون :
م عرفتي اسمه؟ كيف شكله ؟ وين جاك شلون درا
انك مدفونه هناك م كان احد حولي
انا متاكد !! توقعتك ميته دفنتك ببر برا الرياض
! تكذبين
لالاالاا انتي تكذبين انتي كذابه
عقدت حواجبها : شفيك اكلتني بقشوري ؟ م كذبت
الا شهقت وهي تمثل ب استمتاع وبرود : اي صح
وقال انه كان يراقبك والصغيره يعرفها قبل الكبيره
وكان يدري انك طلعت برا الرياض حتى تدفني
ولحقك
طالعته ب حقد ونظرات شرسه بنبره حاده
: بعد م دفنتني ب دم بارد ورحت هو اللي طلعني
واللي اخذني للمستشفى وساعدني بعد م انقطع
النفس عني قعدت خمس ايام ع اجهزه تنفس
واكسجين !! وانت ؟
ضحكت بسخريه واردفت : انت تصول وتجول ب
الرياض ناسي فعلتك ! كيف كان لك بال مرتاح
بعد اللي سويته؟؟
حطت ايدها ع فمها بدهشه : اوه لايكون صدق انت ذبحت اخوك؟
م انتهت من كلمتها الا قاطعها بصراخ هستيري
: ماااااااااذبـــحــــته !!! م ذبـــحت احـــد !
مين هذا !! ميييين؟
طالعته بتعجب من صراخه المفاجئ ! ثم اردفت
بهدوء : مدري كنت لحالي بالمستشفى طول هالفتره
وارسل لي ورقه مكتوب فيه هالكلام ووصلته لك
راكان وكأنه مجنون : وين الورقه ويننها ؟؟
ملاك بسخريه : يوه رميته ! لو داريه انه تهمك كان احتفظت
فيها ليومك هذا المشؤوم !
راكان وهو مستخف : مافيه الا هوو هو الوحيد اللي
يبي نهايتي ع يده !
رفع عيونه لها : بس انامتاكد م كان فيه احد معي طول الطريق من طلعت من الرياض للبر ! م كان فيه ادمي !
ملاك ببرود : بنزل اجيب لك مويه لان واضح اعصابك
مشدوده لاتطيح علي وابتلش فيك
مشت وعطته ظهرها ارتسمت ابتسامه خبيثه ع ثغرها
تاركته بوسط صدمتهه مثل المجنون يحاول يفسر اللي صار !
نزلت للمطبخ وهي بتدخل الا ششهقت بوســـع عيـــونها
لما ســـحبــبها وقفل الباب بالمفتاح دفها ع الباب
والشرار يتطاير من عيونه بقهر ينتفض وعصبيه !
الا تســـمـٌرت بصــدمـــه !
ناصر بقهر ينتفض وعروق رقبته بارزه وضاعط بقوه
ع فمها بايده : تطلعــين من بيتي بدون علمـٌي !!
تروحيــٌن لهالكلـــب بعد اللي ســواه فيـــك !!
بايــٌعه نفسك ؟ترجعين لهال**** ؟!
طول هالفتره كنتي تسكتيني يوم اقولك انسي هالزفت
انا اللي بحاسبه واخليه مثل الكلب ينبح بين اربع جدران بالسجن !
غمضت عيونها بقوه من قربه لها تحاول تدفه !!
م كان همها الا انها انها
مو متستره ولا عليها عبايه وطرحه! كان اول مره يلمح
وجهها وجسمها!
..
" ملاك وناصر "
كانت تدفه بكل مافيها قوه بس م قدرت !!
الا بعد م استوعب نفسه وهيجانه! نزل ايده
بشويش لأول مره يشوف ملامحها ! كان مفتون
ف جمالها بنفس اللحظه مو مستوعب
جمالها كان وراه هالانسانه القويه الخبيثه !
ملامحها تعطي العكس !
فتحت عيونها بهاللحظه الا لما التقت بعيونه
صدت وحطت شعرها ع وجهها تغطي جسمها
ع الاقل ووجهها بشعرها الطويل !
حس ع نفسه ان اللي سواه غلط ! ابتعدت ع ورا
فتح هو الباب بهاللحظه طلع
بلعت ريقها ب صدمه !! م كانت متوقعه وجوده هنا!
الا انتبهت للعبايه والطرحه اللي رماها من وزا الباب
همس : البسي بسرعه
عقدت حواجبها :نعم!!
ناصر بهمس : اخلصي بتمشين معي
ملاك : ماراح اطلع لمكان !!
م حست بهاللحظه الا فيه لما دخل اخذ العبايه
وسحبها ورماها عليه وهو صاد
ملاك بقهر وعصبيه : فكـ...
الا حط ايده ع فمها : لاتفضحين نفسك
والا والله لو نزل لاكشف له كل شي!
طالعته بحقدد سحبت العبايه ولبستها وتغطت عنه
: اطلع !! احلم اني اجي معك!!
الا سحبـٌها بقووه وحط ايده ع فمها يكتم صراخها
كانت تحاول تفلت نفسها منه م قدرت ل عرض جسمه
وقوته !! الا بعد م سحبها بالقوه وطلعها معهه
بعد م ركبها السياره وهي تحاول تفتح الباب
قفلهه
وركب من الجهه الثانيهه ودعسس بسسسسرعهه!!
ملاك بعصبيه : فــــكنــــي منـــك !!!
وش جايبــك لهنا !!
ناصر بصراخ هستيري : ترجعين لهالكلب اللي حاول
يذبحك ! ليه مجنونه انتي مافيك عقل!!
ملاك : مالك شغل فيني
ناصر بصراخ : الااااا لي شغل !! احمدي ربك ان لطف
فيك وانتي بقبرك وانه م دفنك ززين !!! ولا م كان لقيتي
ذره اكسجين وانتي تحت التراب ! ناسيهه
الاسبوع اللي قضيتيه كلهه تحت اجهزه الانعاش والتنفس!!
ناسيهه وش كلام الدكاتره؟؟؟ ذي انقطع الاكسجين عنها
امكن م تعيش؟ ناسيه لما اخذ اوراقك اراجع
فيهم من مستشفى لمستشفى ادور دكتور لو بس يطمني
انك بتعيشين !! كانو يقولون لي هاذي تحت رحمه ربك!
ناسيه الرعب اللي عشتيه يوم كنتي تبعدين التراب عن وجهك وانتي مدفونه بعد م صحيتي كنتي تدورين النفس!! بس نفس !
احمدي ربك ان هذاك الشخص ساعدك بعد م اغمى عليك مره ثانيه
وطلعك من قبرك واخذك للمستشفى والله لو م وصلت
لي الرساله منه كان م دريت عن هوى دارك ! كان
الحين رموك بثلاجه الموتى وقالو ذي مامنهها رجاء
محد يقدر يساعدها ! اسبوع كاااامل يقولون لي بكل يوم
خلنا نفصل عنها الاجهزه مافيه امل تعيش !!
مستوعبه؟؟؟ وجايه الحين تقولين لي اترركني بروح له !
بعتي روحك مره لهم وقعدتي ١١ سنه بالسجن
بتبيعين نفسك مره ثانيه له !!! لراكان ؟؟ !
..
..
*____________*
> *يتبــ؏ . .*
*استغفر الله*
*سبحان الله*
*الله اكبر*
*الحمد لله*
*لا اله الا الله*
*____________*
*اتفاعلو لأكمل نشر الروايه*
*____________*