الفصل 5
*– ࢪواية : بَليت بَك وانتَهى امرِي*
*فمَا انْت الا الذّ البَلاء*
*– الباࢪت«» :*
*– الڪَاتبه : سلطانه.*
ــــــــــــــــــــــــــــــــــــــــــــــــ
*قناة : روايـــات سـعـوديـــة:*
https://whatsapp.com/channel/0029Vb6e2kiCsU9HOZMBmG27
*________________*
*قروب إعادة الروايات بارتات/ مستند للبنات فقط📍*
https://chat.whatsapp.com/JxcHwDK9xsa3kUeP2J6UCG
*__________________*
> *الروايه لاتلهيڪم عن الصلاھ اللهم بلغت اللهم فأشهد .*
*__________________*
فهده بهمس : طنشيها الحقران يقطع المصران
ملاك ببرود وسخريه : ولدك لو يلف الكون كله
م يلقى زيي يكفي اني صاينته وحاطته بعيوني
لاتعيشين هالبنت احلام تاخذه لان لو توصل لسابع
سما وتوقع ماراح تاخذه لاهي ولاغيرها !
ولا عشانك ي خالتي ي بعد قلبي جربتي الطبينه
تبيني اجربها بعد ؟
الحضور ب تعجب من طوله لسانها وردها !
كشرت الجازي بقهر من ردها وضغطهها ارتفع!! بوسط هدووووء الكل بصدمه من وقاحه ملاك !
ام فهد بابتسامه متفشله من هالحكي قدام الضيوف
تحاول ترقعها: هههههههه ي حليلهم خالتي الجازي
وملاك يحبون يمزحون م يزعلون من بعض
دلال : اييي والله قلوبهم ع بعض ربي م يفرق شملنا
الجازي بهمس : الله لايقبل دعاتس فال الله ولافالتس
شمايل بضحكه تسليك تنغز امها بمعنى اسكتي
الا بهاللحظه قطع عليهم دخول اهل عبدالعزيز
قامو الموجودين يرحبون فيهم ويهلون
الجازي بحراره ترحب : الطيب ع ذكرررره ي هلا
اسفرت وانورت
زوجه عبدالعزيز وهي تسلم عليها : بنورك ي خاله
الجازي : وينها بنيتي ارياف ؟
ام ارياف " زوجه عبدالعزيز " : معنا بتجي بعد شوي !
الا لفت فهده ع ملاك تهمس : ذي ام البنت اللي تقصدها
العجيز الجازي !
رفعت ملاك حاجبها باستنكار : اللي بنت عبدالعزيز؟
فهده : ايييييي هي بتجي الحين مير خليتس سنعه
ولاتسويهت هالعجيز العوبا حافظي ع رجالتس
ترا راكان م يرد طلب ل جده وجدته
صدت ملاك ب بركان يثور بداخلها بنفسها : هذا اللي ناقصته زوجه ثانيه وانا توي ماسميت بالرحمن
من اول شهر زواج!! بس والله لو ينطبق السما ع الارض
ماياخذ غيري !
الا نغزتها فهده ع دخول ارياف ب كل اناقه وابتسامه : هاذي هي هاذي
الجازي بصوت عالي :يااااااهلا ب الزين والسنع
ي مليحه الوجه ياهلاوالله ببنتي ارياف
ابتسمت ارياف وتقدمت لها وسلمت عليها : هلاوالله بخالتي
الجازي : والله تو مازانت الجلسه وزانت نفسيتي
بجيتس
ارياف بحيا : ي عمري والله ي خالتي لك فقده
الجازي : جعلتس م تفقدين غالي والله كل مالتس
تزينين حظه وليدي فيتس ان شاءلله كل هالزين والوجه
كانه البدر قباله حظيظ وليدي
فهده : حياالله ام ارياف ي هلا
سلمو عليهم وقعدو
فهده بصوت عالي تغيض الجازي : ذي مره ولدنا راكان
ام ارياف بابتسامه ب مجامله :اها ماشاءلله هلابك
قاطعتها الجازي بقهر : الشكوى لله مغصوب وليدي
من ابوه الله يفك عوقه عن قريب
رفعت حاجبها ملاك ب استنكار !!!! حطت الجازي ايدها ع فخذ ارياف :مير العروسه موجوده
بياخذها ان شاءلله ع خير ونفرح فيه بدال هالوجه الودر
ابتسمت ارياف بخجل
ملاك بابتسامه سخريه ل ارياف : لاتفرحين تراها كبيره بالسن وتخربط بالحكي لاتتأملين
_ " عند راكان بعد م حرك سيارته ركض مشاري لابوه
اللي جثى ع رجوله بقله حيله !
مشاري بخوف مسك ايدين ابوه : شفيك ي بعد راسي
عسى ماشر!!! قوم قوم جعلني اذوق هالحزن والقهر
عنك قوم
جبران بحسره بقله حيـله : راح ي مشـ..ـاري راح
مشاري بخوف : مين اللي راح؟ ي يبه خوفتني
جبران بضيقه وقله حيله :
والله بيلحـ..ق اخوه ماهو راكان اللي خبري خبرك ماهو
ولدي طاح ببلوه
مشاري بعدم استيعاب لكلام ابوه وقفهه بخوف : هد انت الحين مافيه الاالعافيه تلقى انه تعبان من
السفر ولاشي لاتضيق صدرك وانا ولدك بكلمه واجيبه
لك غصب بس انت هد بالك ووسع صدرك
جبران : انا غلطـ..ان بيضيع من يدي ي مشاري بيضيـ..ع
مشاري بتوهق م يدري كيف يواسي ابوه ولافاهم شي ! : انا طالبك انك تهدا انا بكلمه والله تكفى ي بعد راسي
معك السكر والضغط والله ماهو زين لك
الا طلع فهد استغرب وهو يشوف حاله جده
مشى لهم بسرعه بخطوات سريعه : شفيه ؟؟ شفيك ي جد ؟؟ مشاري : خذه ي فهد وده للملحق الي برا خله يرتاح
بعيد عن الرجاجيل انا بشوف راكان وين راح
لف ع ابوه : بجيبه لكك واخليه يكلمك غصب
وانا ولدك مشاري اللي تبيه يصير بيصير
بس انت هد نفسك مو زين لك والله العصبيه وللقهر
طالبك ي تاج راسي انك تتهدي اعصابك
فهد : ليه وش صاير؟؟ وينه ذا البلوه؟؟ مشاري بنظرات حاده : ماهو وقتك ي فهد خذي ابوي
داخل وانت ساكت !
تنهد فهد بقله صبر : تعال ي جد ترتاح داخل شوي
مشاري : اذا تعب اكثر خذه للمستشفى
جبران بقله حيله يالله يوقف ع رجوله : لالا مابيـ..ـه
مشاري : ماهو بكيفك لو م زانت امورك باخذك غصب
ادخل ارتاح انت وان شاءلله مايصير الا كل خير اخذ فهد جده مشى مشاري باستعجال لسيارته
لسيارته
ركبها وحرك وهو يتصل ع راكان بس م يرد
مشاري بقهر : ردددد ي الكلب رد !!! اخ منكك وش الي
قلبك ي راكانوه
وهو داعس ع البنزين بالشارع واتصالاته م وقفت ع
جوال راكان بقهر وقله صبر !!! الا شد انتباهه سياره راكان اللي واقفه ع طرف الشارع
ع اليمين
سحب مشاري فرامل بسرعهه بخوف ودقات قلبه السريعه : هذا شفيه واقف هنا!!!!! نزل بسرعه من السياره بخوف وحرقه اعصاب ركض لسياره راكان وهو بيدق زجاج السياره الااااا .....
تنرفزت ارياف من كلام ملاك !! الا قاطعتهم ام فهد لبنتها: : قومي ي يمه قهوي ام ارياف وبنتها
ام ارياف بنرفزه تجاهلت ملاك ولفت ع ام فهد : الحمدلله ع سلامه ولدكم ي ام فهد طهوراً ان شاءلله
ام فهد : الله يسلمك
اما الجازي بنظرات شرسه بملاك!! ام ارياف بهمس لبنتها : قطععع لسان وش هالوقاحه !
ا ع وشهو ماخذها ؟
والله شكله مغصوب عليها صدق
ارياف : قهرتني ي ميه قهرتني
ام ارياف: تقربي ل العجيز بس الولد م يتفوت وبيطلقها
ماعليك من هالعوبا
تنهدت ارياف وهي تطالع ملاك ب استحقار !
تجاهلتها ملاك بنظرات بارده
ام ارياف : الا ي خاله ليه تزوجها ؟
طالعت الجازي ملاك باستحقار وقهر : ستر عليها الشيخ
جبران الله يطول بعمره بعد سواد وجهها نزلت تبوس رجله وايده حتى تدور بيت وزوج يسترها !! الا لـــفــو ع مــٌلاك بصـــدمـــه اللي جمـــد كل خلـيـه فيــهـا!!! ابتســـمت ارياف وامــها ب خباثـــه !! _
" عند الرجال "
فهد وهو يعطي جده المويه : اشرب ي بعد راسي
ي الغالي خلك منه هو مصيره بيعرف انه غلطان
ويجيك ويعتذر منك ويبوس ايدك وراسك
ومايصري خاطرك الا طيب وش تبي اكثر ؟
ابعد جبران المويه عنه : مابـ..ـيه
ودني لبيتي
عقد حواجبه فهد: اوديك؟ لا وانت بهالحاله م يصير
جبران بعصبيه : بتوديني ولابمشي ع رجولي
فهد بتنهد : بس ي الغالي انت تعبان ماقدر اخليك
الا دخل ابو فهد : وينه هالسلوقي م تربى ! لاحشم الرجال
بوسط المجلس ولا شي الله لايبارك فيه
فهد : يبه خلاص !! جدي ماهو ناقص !
جبران : ودني للبيت
الا عقد حواجبه ابو فهد : بتروح؟؟؟ والعشا ي يبه؟؟ جبران : عشاك خله لك انا رايح لبيتي
ابو فهد : عشان هالراكان؟؟؟ لايكون واقف بحيده؟ " بصفه"
فهد : يبه !! جدي تعبان خله يروح يرتاح بقعد معه انا
ابو فهد باستسلام : اخ منك ي ولد ثنيان قلبتنا فوق
تحت ورحت الله لايردك !! جبران بعصبيه : وخر عن وجهي بمشي برجولي
فهد : لالا بوديك انا ولاتزعل ي الغالي
خلاص ي يبه قول للرجاجيل ان جدي تعبان نزل
ضغطه بيرتاح وتعذر منهم
ابو فهد : ان شاءلله ان شاءلله خلك معه
فه. : ابشر يالله ي جد
مشى جبران وطلعو ركبو سيارتهم وحركو
_ " مشاري "
وهو بيدق زجاج السياره الا انصـــدم السيـــاره
مافيهــا احــد!!!
فتح الباب بصدمهه شغل النور يدور راكان ! الا فاضيه !! طلع من السياره يتلفت حوله بصدمهه !!! : هذا وين راح!!! صرخ بصوت عالي : راااااااكـــان !!!!! ي راااااااكــٌان !!! هذا وين راح ؟؟؟؟ بسم لله توي لحقته !! الا انتبه للسياره اللي جت له بالشارع ووقفت جنب ورا
سيارته عقد حواجبه مشاري !!!!!
وقف عنده الرجال باستغراب : بنشرت سيارتك ي الطيب؟
مشاري : لالا انتظر خويي يمرني
الرجال : متاكد مانت بحاجه شي ؟؟ مشاري : لا مشكور ي اخوي
الرجال : الله يستر عليك انتبه لك
مشاري : ان شاءلله الله يعطيك العافيه
حرك الرجال بسيارته ! تلفت مشاري حوله
وهو يدور راكان م لقاه! ركب سياره راكان قعد يفتش
ب اغراضه شد انتباهه كيس صغير فيه شي ابيض!
عقد مشاري حواجبه بشك قربه من خشمه يشمه
الا عفس ملامح وجهه من الريحه الشينه!! قلبه ب ايده بصـــــدمــــه !!!!! :
لاياراكان تكفى لا !!! _ " عن المعازيم الحريم "
فهده بانفعال : لاتتبلين الضعيفه مو عشان انتس
م تحبينها تقومين تهرجين بهالهرج ! كلنا ندري
ان جبران زوج راكان ع هواه وعشانه بنت صديقه
اللي تركها امانه له ان م قال لتس الشيخ جبران
ماهو ذنبي ولاذنب هالبنيه حتى تهرجين من راستس
احشمي البنت
طيرت عيونها الجازي فيها بعصبيه !!!! قامت ملاك بهدوء وطلعت من المجلس الا انتبهت
لرساله اللي وصلت لها بجوالها ! طلعته من الشنطه
فتحته الا عقدت حواجبها من رقم غريب : تنتظرك ايام سودا
نزلت جوالها بصدمـــه !! : مين ارسلها!!! لايكون نفس
الشخص اللي ارسل الصبح!! ولاناصر؟؟ الا قطع عليها دخول
دلال : انا بمشي م عجبتني الجلسه اهم شي لبينا العزيمه
ملاك : اي خذيني معك بالله
دلال : تمام يالله السواق ينتظر برا
اخذت ملاك عبايتها ولبستها
الا انتبهت ام فهد : افااا وين وين ؟
دلال ؛ ي عمري والله بنمشي
ام فهد : والعشا؟؟ تو م قعدنا نتقهوى ونسولف
دلال : مره ثانيه ان شاءلله
ام فهد : زعلتي ي ملاك؟
ابتسمت ملاك بسخريه: لا بس زوجي ينتظرني
ام فهد بتنهد : والله ودي لو تقعدون تسمرون معنا بعد
العشا بس ع هواكم
دلال : كثر الله خيرك ي قلبي والحمدلله ع سلامه سعود
الله يحفظه ويخليه لكم
ام فهد : الله يسلمك م قصرتي
دلال : يالله مع السلامه
ام فهد : بحفظه
طلعو وركبو السياره بصمت ملاك اللي سرحانه
ب رسايل هالرقم الغريب ! و براكان اللي شخصيته
الجديده خلاها تشك فيه اكثر!!! ماهي مسافه الطريق الا وصلوها لبيت الجازي
نزلت ملاك بعد م ودعت دلال ودخلت صعدت لغرفتها
مرهقها التفكير !! فتحت باب الغرفه ودخلت
شغلت النور
الا تســـمـرت بمكــانها بصـدمــه ب راكــان !! شهقت : بسم لله خوفتني ! مو كنت بالعزيمه؟
الا قام راكان بنظرات هاديــه مرعبه فيـها
سحبهااا وسكر الباب وقفلـه ! بلعت ريقها بخوف
شدها من عضدها من بين اسنانهه ب نظرات
شرســه : ميـــن ناصـــر !!!!! بـــرعبــها منـــه الا فـــزت بخــوف من صراخــه
الهستــيري لما قربـها لــه بصراخ هســتيري : ياويــلك تنكريــن!!!!
.
" مشاري "
قام من مكانه ونزل والارض مو شايلته من صدمته !! : لحــٌق اخــوه !!! نزل شماغه وعقاله : شسويــت بنفسك ي راكــان !!! اخذ المفتاح وقفل السياره وهو مو مستوعب
اللي شــافه !!! ركب سيارته بصدمه ثابت ب بمكانه !!! نزل عيونه ع الكيس الصغير اللي بايده
بغصه نطق : ليـــ..ــه تمـ..شي بهالطريــ..ق
م كفـ..ـاك باللي صـار باخوك ؟؟ _ " راكان وملاك "
ملاك ب جـٰمـٰود تطــالعه بدون م تنــطق بـحرف واحد !! الا هزها راكان بصـراخ ارعبها :
مـــين ناصـــر اللي قابلتيـــه تحت
اول م رجعتـي !!!! ملاك بخوف : ماقابـ..لت احد !!! قربـــها له بنظـــراته الحاده بعصبيه ينتفــض !!!! : لاتســـتغفلـيني
استجمعت نفسها بهاللحظـه ودفــته بقــوه
وبصـــراخ : ماعـــرفه جدتك اللي بغت تورطني معه
اسأل جدك حتى
الا رجعت ع ورا بلحظه م قرب لها بخطوات سريعه
بنظراته الشرسه فيها مسكها من فكها وضغط عليه بقوه
وعيونه بعيونها وينطق من بين اسنانه اللي يرصها
من عصبيــته : لاتكــذبـْين !!!! صدقينـي مو متردد
لحظــه وحده اني الوث ايديني ب دمكك !! طالعته ب الم ب فكها من ايده وهي تحاول تتمالك
نفسها من بين صدمه وخوف !! الا شهقــت بقوووه
لما دفها ع الجدار وثبتها وشد ع فكها اكثـــر
وانفاســه سريــعه وعروق جبينه ورقبتهه بارزه
بعيونه اللي م رمشت من قوه عصبيتهه !! غمضت عيونها بهاللحظه م تبي تطالع بعيونه
مسكت ايده تحاول تنزلها : فــ..ـكني
راكــان بنبره حاااده وهاديه ينطق : قلت لك لاتستغفليني
انا ادري ان بينك وبينه شي !
فتحت عيونها ملاك من بين المها : انا ادري انـ..ك تبي تورطنـ..ـي بس تحلــم هذا من جدتك ارسلته علي!! راكان بعصبيه قاطعها : تخســـيــن !!! طالعته بهاللحظه كأنها من ملامحه تستذكر الماضي !
صدت عن عيونه وهي تحاول تفك نفسها منه م قدرت
راكـان بتهديد : تدرين شلون انا اعرف وين اخذك!
حتى اوريك الشغل
الا لحظه م نزل ايده بيسحبها معه صرخت ب صراخ : فكـــنــي !!!! الا لحظه م لف بياخذ مفتاح السياره
الثاني معه الا قدرت تدفه بعد م ارخى قبضه ايده
وركضت بسسسسرعه لتحت الا لحقـــها
بصـــراخ : والله م يفكــٌك احـد منــي !!!!! ملاك بخـــوف تنزل بسرعهه مع الدرج
وهي نازله لتحت ركضت للصاله اقرب لها راحت ورا الكنب بخوف : انت مريــض والله مريـ..ض
قرب راكان لها : وش متوقـعه مني بعد زواجنا؟ اخذك
بحضني ؟؟؟ جثت ع رجوللها بالزاويه ودخلت بحاله صدمه بدون م تحس بنفسها حطت ايدينها ع راسها وضمت رجولها لصدرها بصراخ هستيري انهارت بالبكى
: لاااااااتــٌقــــرب !!! لاتقـــ..رب
وقف راكان بهاللحظه بجمود يطالعها!
..
" راكان وملاك "
لانت ملامحه وهدت اعصابه وتغيرت نظراته ل نظرات
هاديه وهو يطالعها مستغرب حركتها قرب لها رصت
رجولها لصدرها اكثر بشهقات عاليهه ! قرب لها راكان
جثى ع ركبته همس : مـلاك !
غمضت عيونها اكثر تكره حتى نبره صوته !! عضت ع شفتها حيل لما حست بايده تمسح ع شعرها
:مـ..ـلاك ! طالعيني
الا دفت ايده عنها بقرف وكراهيه تستوطن قلبها !
الا لحظه م رفعت عيونها المليانه دموع تطالعهه
نطقت ودموعها تنساب ع خدها تحرقها
بكل نبره كره : انا اكـــرهـك والله بحياتـ..ي كلها م
كرهـت احد كثـرك
عقد حواجبه باستغراب : وليه تزوجتيني ؟؟ قامت بهاللحظه من مكانها قام معها
وهي بتمشي الا شد ع ايدها بقوه وسحبها له
وعيونه بعيونها : جاوبيني قد ضريتك؟؟ ملاك بقهر : اعتديت علي !
رفع حاجبه ب نرفزه عصب : وانتي كذبتي الكذبه وصدقتيها!!!! انا حتى ملامحك م عرفتها ولاصوتك
كيف تقولين اعتديت عليك!!! صاحيه!! ملاك : واضح انك م كنت بوعيك وقتها !! عقد حواجبه : شقصدك؟؟؟ ملاك : سكران او تتعاطى دامك م عرفتني !! انتفض راكان بصراخ : تهبـــيـــن !!! تسوين بلوتك
مع غيري وتبتليني فيها!!!! ليه ؟ شماعه لاغلاطك انا!! ملاك بقهر : لعلمك ترا اهلك يدرون ببلاويك بس ساكتين
ترا حتى درو لما كلمك اللي بالبحرين هذاك وقال
ان لك علاقه بموت اخوك !! بهالـــلـــحـــظـــه قـــــامـــت شــٌياطـــيــن راكـٰــان
اللـي اســـتخـــف وجــن جنــونــه تغيرت ملامــحـه
لحـــده وتجــهم وبنظـــرات شرســـة طــير عيــونـه
فيـــها !!! دفهــا ع الجـــدار وخنقهـــا بايـــده : شقــٌلتي !!!!!!!! توســـعت عيــون ملاك بصــدمه وهو يخنــقــها
حتى انـٌها عجـزت تنطق !!! راكان بصــــراخ عالـــي بهستيريه دب الرعب بقلبها
منه : شــقلتـــي غن اخـــوي !!!!! مال وجــههـا للاحمــرار وانقــطعت انفــاســها
غمضت عيــونها بقوه وهي تحاول تفـك ايدينه
اللي عروقها بارزه بدون م يحس بنفسسسه يصرخ
بوجههاا ويخنقـــها اكثـــر !!!! : ميـــن وين سمعتـــي هالكــلام !!!! وووويييين!!! مين قالكك اني ذبحــته !!!! ملاك اللي قلب وجهها للسواد والنفــس انقطــع
عنــها ودقات قلبها كل مالها تصير بطيئه
حتى م قدرت تنطـــق !!! لاشعوريا بدت تضعف اكثــر
واكثـــر الى مانقطـــع نفســها !!!!
وهو يخنــقها بكل قــوته !!!! الى م فجــأه طاحـــت ايدينـها عن ايدينـههه
وســكــن كل شــي فيــها بدون حركـٌه ومقاومــه
مال راسها ع ايــه حس بثقل جسمها كل ع ايديْـنـهه
لهاللحظه رجع لـه عقـــله واستــوعــب ابعــد ايدينه
بصــدمــه !!! الا طـــاحت ع الارض مثل الجـــثــه الهامــده
انتهى.
" مشاري"
بصدمه نطق . اخ ي راكـ..ـان اخ
نزل من سياره راكان وضيـقه الدنيا كلها مستوطنه
صــدره قفلها بصدمهه مو مستوعب وركب سيارته
حرك وهو م يدري كيف يتصرف مع هالمصيبه!
___ "راكان وملاك"
رجع لـه عقـــله واستــوعــب ابعــد ايدينه
بصــدمــه !!! الا طـــاحت ع الارض مثل الجـــثــه الهامــده انــشـل بمكــانــه بدون حــركـه وهو يطالـعها بــدون
م يرمــش حتـى بــدقات قلبــه السـريـعـه
جثـى ع رجــوله اللي م شــالته من صــدمــته
قدامــها بـردت اطــرافـه ب رجفــته نطـق : مـ.. مـ..لاك
قرب لها ب افكاره السوداويه تعصف ب ذهنه
ابـعد خصل شعرها عن وجهها ب ايده اللي ترجف : مـ..لاك
لحظه م شاف وجهها باهـت استخـف : شسويت ي راكان !!! شسـ..ويت ؟؟؟ قام من مكانه بهاللحظه وابتعد عنها
حط ايدينه ع راسه جاهل كبر المصيبه اللي طاح فيها
: انا شسـ..ويت ؟؟؟ ذبحتها؟؟؟ ذبحتها ي راكان
نزل ايدينه يطالع فيهم بهستيريه :
خنقتها ب ايديني !!! نزل ايدينه يطالعها ومنهار قرب لها وقلبه ينتفض بدقات
سريعه بلع ريقه نزل لها مد ايده بيتحسس نبضـها
وهو يدعي من داخله ان باقي فيها نبضض وروح
حط ايده ع عرق النبض برقبتها يتحسسه وهو كل
شي فيه يرجف الا جـــمــدت كل خــليــه
بهاللحظــــه فيـــه !!!! ابعد ايده بصدمــــه عنها
بــوســــع عيــونـــه انجــــن واستخـــف كل شي
فيـــه !!! : لا يـ..ـارب ماتـ..ـت؟؟؟ انهـــار بالبكـــى بهستيريــه : مــــاتت !!!! ذبحـــتها
وش ســويـ..ـت !!! انا وش سويـت
قام من مكانه وبلع ريقهه مسح ع وجهه
ويكلم نفسه زي المجنون بدون وعي
: راكـان اهـدأ اهـ..ـدأ
هي مقطوعه من شجره خذ جثتها وادفـ..نها
محد بيـ..دري محد بيفقدها وتطلقـ..ـنا
قدام اهلي وراحـ..ـت هي كانت ابليس بحياتـ..ـك
وانت ابعدتـ..ها اي اي ابعدتها
مشى بخطوات سريعه شالها من الارضض
جثه بين ايدينه ركض فيها بسـرعه لبرا حتى م يجون
اهله ويشوفون مصيبته ! دخلها السياره وراه
وسكره ركب سيارته ودعس بسسسرعهه
جنونيييييه وهو يرجــ..ـف ووجهه مايل للســواد
وانفاسـه سريـٌعه الا لحظــظه م سحــب بريــك
بقـــوه لما اعترضت سياره فهد وجده جبران قدامٌـه !!! فهد باستغراب : مو ذا راكان؟؟ جــــمـــد راكـــان بصـــدمه وانشــل بمكــانــه لما نزل
جــده ماهي لحظات الا وقفـٌت سياره مشاري عنده
لف راكـان وراه يطالعها حس بهاللحظه انه بيمسكونه
بجرمه المشهــود
الا نزل مشاري وقرب لباب راكان وسحــبه من السياره !! : انــزل انـزل وين رايـ.
الا سكت لما شاف لون راكان مخطوف دب الخوف فيه
ويتفحص حالته : شفـ..يــك!
قرب الجد له بشك : وين زوجتك؟
..
الا نزل مشاري وقرب لباب راكان وسحــبه من السياره !! : انــزل انـزل وين رايـ.
الا سكت لما شاف لون راكان مخطوف دب الخوف فيه
ويتفحص حالته : شفـ..يــك!
قرب الجد له بشك : وين زوجتك
صد راكان مسح وجهه يحاول يتمالك نفسه ورجفته
بلع ريقهه ضيق عيونه مشاري فيه بتدقيق : راكان!
تنهد بتنهيده عميــقه تخفي بداخله عواصــف
خوف و انهيار من المصيبه اللي سواها !
لف عليهم : هـ..ـلا زوجتي معزومه للتمايـ..م
انا بمشـ..ـي امرها
وهو بيلف لسيارته الا مسكه مشاري وشد بقبضه ايده
بقهر همس: وين سيارتك!! لف عليه راكان وهو يحاول يتصنع الهدوء
همس : هالسياره كانت بفلوس جدي وماعاد ابيـ..ـها
قرب مشاري بنظرات حاده واسنانه راصهه ع بعض
بقهر : ابيك لحالنا !
سحب راكان ايده بعد م انتبه لعصبيه مشاري
انفجر بانفعال : ياخي فكوني منكم !!! خلاص
ماعاد ابي شي !! مشاري بدهشه : شقلت!!! جبران بحده : خله !
لف مشاري ع ابوه باستغراب : اخليه!!! ركب راكان سيارته انتبه له مشاري دق القزاز : هيه م خلصت كلامي انززل ابيك !! تجاهله راكان ودعس بنزين بوسط صدمه مشاري منه!! : سفهني!! هذا شفيه !! لف بيركب سيارته الا وقف ع صوت ابوه بنبره عاليه
: خلاااااص خـــله !!! مشاري :شلون اخليه!! يبه الولد مو صاحي لازم اعرف
وش العلم
جبران بحده : انت توحيني ؟؟؟ خله ع مهفه
عض مشاري طرف شفته بقهر سكر باب سيارته بقوه
: اااخ منك ي راكـــان اااخخخ !!! _ " راكان "
بعد م دعس بسرعه عاليه وابتعد عن البيت
بهاللحظه وقف ع جنب نزل راسه ع الدريكسون
ب انهيـــــار يحاول يستوعــب اللي صــار
ضرب راسه بالدريكسون ونزلت دموعه : شســويت انا شسويـ..ت شسويـ..ت!! رفع راسهه وعيونه مايله للاحمرار دموعه تحرقه
لف ع وراه ب رجـفه تنفض جسمه لحظـه م طاحت
عيونه عليها م تحمل صد بسرعه واجهش بالبكى
يحس نفسه بينجن مو مستوعب الي سواه!! هي معه جثــه !!! اعمــى عيونه العصبـٌيه بوحشيه
ذبحٌـها !!! لحظه م انتبه للسيارات اللي تضرب بوري لانه واقف
ع الطريق مسح دموعه بكفه بسرعهه وفتح الشباك
وفتح ازارير ثوبه يحسس بالخنقه انفاسسه تضيق
اكثر واكثر !! حرك السياره حتى م يجيب الشبهه له
وقف سيارته عند محل ادوات اخذ المجرفه منه
وركب سيارته وحرك وهو بعالم ثاني كان كل هذا
حلم يتمنى انه يصحى منه!
طلع برا الرياض وبداخله بين نارين
يدفنها وينتهي من مصيبتها بدون محد يدري ولايفقدها
او انه يسلم نفسه للشرطه ويريح ضميره كانت نفســيته متدمــره
هالمره ذنب برقبته روحها ازهقت بسببه !!ة
ابتعد اكثر لين م دخل ل البر بعيد عن المدينه
ب الظلام وقف سيارته نزل رفع راسهه للسما
بشهقات عاليه انهار : يارب
ابي عـونـ..ك لاتعذبني باللي سويتـ..ـه نزل راسه
مسح دموعه بسرعه بنبره حاده : خـــلاص ياراكــان خلاص ! هي اللي كانت بتدمر حياتــك هي اللي جنت ع نفسها!
فتح صندوق السياره اخذ المجرفه وهو يحاول
يمسك اعصابه حفر بالارض وهو يحاول يتذكر
كل لحظه سيئه معها حتى يحقد ولا يحن عليها
وينهار ويندم بعد م حفر قبرها بايدينه اللي ترجف
رماه بقله حيله مشى للسياره وقف بهاللحظه
بتردد وخوف مد ايده ل باب السياره بيفتحه
ثم جمد بمكانه بلع ريقه الا اخر لحظه استجمع
نفسه وفتح الباب شافها بمكانها م تحركت
امتلت عيونه بالدموع بلحظه حس بالضعف
الا تجاهل هالشعور دخل سحبها وشالها وهو
يحس ب خفتها بين ايدينهه وبضـــيــقه تخـٌنقــه
يحـٌس روحـٌه بتطلع من جسمه ب تأنيب ضميـره
يحرقــه وانفاســه سريــعه بخــوف نزلها داخل
ونزلت دمعتـٌه ع خـــدها بلحظه م شاف ملامـٌحها
نزل راســـه وانهـــار بكل مافيــه من ضــٌعف
شد ع ايدينــه بالتراب : كيـ..ـف
شفت روحها تطلع منها ولاوقـفت
ضرب بايدينه بقوه بالارض بـــصــراخ هســتيـــري : انا انتهــٌيـــت تدمررررت !!
قام من مكــانه بقــله حــيله بعد م غطى وجهـها
بايده البارده برجفه و مسك المجرفــه
وغرسه بالتراب وروحه تتقطٌـع وهو يدفــنها
ويغطي وجــهها وجسمهٌـا بالتــراب رصرع اسنانه
ودموعه تنزل ع ترابها وقلبــه يعتصر ب الــم
م تحمل بعد م دفنها صــد ومسح دموعــه اللي تحــرق
وجـٌهه بلا حيـٌله يطالع بقبرها بعد م دفنها
مسح بايده ع ترابـها وصوت مبحوح
من الصراخ والبكى وعيونه متورمه ودموعه تنزل بغصـــه كل خليه بجسمه ترجـف يطالع قبرها : سـ.. سـ..ـامحيني والله م مرت بلحظه ببـ..ـالي
انهـ..ـي حياتـ.. حياتك والله م كنت متعمـ..د
اعمانـ..ـي الشيطان
نزل راسه واجهش بالبكـى : م تستاهلـ..ين تندفنين
كـ..ـذا كان اكرمتـ..ـك بموتـ ..ك مثل المسلميـ..ن
مسح ع ترابها وهو يحس قلبه بيـطلع من ضلوعـه : مـ..ـلاك
م قدرر من غصته للحظات متجمد بمكانه ودموعه تنزل
ع قبرها
قام من مكانه ورجوله م تشيلــه من الصدمه مو مستوعب اللي سواه اخذ مجرفته وركب سيارته حرك واقفى وتركها بالتراب بقبرها م اكرمها بصلاه ع الميت ولا انغسل جسدها ، ابسط حقها ك مسلمه بجسدها الطاهر تندفن مكفنه ..
" ناصر "
وهو طالع من مركز الشرطه بعد م خلص شغله
ركب سيارته متوجه ل بيته ماهي دقايق
من قربه لبيته الا انتبه لرنين جواله عقد حواجبه
هذا رنين جواله الخاص ! طلعه من الدرج
الا فتح الخط ع طول رد بعد م وصل لمسامعه
صوت مناير " مناير اللي كانت مع ملاك ببدايه
بارتات الروايه وبالسجن وتصير عمه ناصر "
مناير: ناصر ؟
ناصر : لبيهه ي هلا ي عمهه وينك لك مده م اتصلتي!
مناسر بهمس : ستر ربي علي بغو يمسكوني
يحسبون معي الجوال
ناصر بتأفف : قايل لك ي عمهه والله مو من صالحك
لو مسكوك ومعك الجوال ! م تقتنعين ؟
مناير : شلون تبيني اخذ اخبار عيالي واخبار ملاك !
تنهد ناصر بتنهيده عميقه بعد م سمع اسمها !
مناير : وش هالتنهيده؟؟ صاير شي ؟ لاتخوفني ي نويصر
ناصر : مافيها الا العافيه م ينخاف عليها تطمني
مناير : الحمدلله الا صدق وينك م جبت عيالي الاسبوع
اللي راح؟
ناصر : م كنت موجود والله ولاودي احد يوديهم بدالي
مناير : جيبهم هالاسبوع ياويلك تنسى تراي مشتاقه لهم
ناصر : ابشري بجيبهم م يصير الا خاطرك طيب
مناير : ي بعد قلبي هم
ناصر : عمه انتبهي تكفين لاوصيك ! الجوال والله لو دروا
عنه صدقيني يمددون بسنوات سجنك والله ماراح يعدونها
لك
مناير : لاتخاف ع عمتك ذيبه
ضحك ناصر بخفه : انتي م ضيعك الا هياطك
مناير : ماعلينا الا ملاك وش صار عليها وعلى الكلب
اللي معها؟
بعد م وصل ناصر لبيته وقف وفتح الباب نزل رجله واستند ع المقعد : وش تبيني اقول؟ عنيده م تبيني
اساعدها ! ، الا هي كلمتك ولا؟ قالت لك شي عني ؟
مناير : لاوالله م كلمتها اخر مكالمه لما كانت هي مسافره
للبحرين بعده انقطعت اخبارها ولاقدرت اكلمها
وش تقول عنك م فهمت؟
ناصر : اها ! لا بس اسأل غريبه م كلمتك
مناير : ودي ادق بس اخاف ذا الحيوان يمسكها
مير اسمعني ي ناصر هالبنت والله م عندها لاسند وظهر
ولاعزوه تتعزوى بها اخاف يسوي فيها شي لان م عندها
اهل انتبه لها تراها امانه برقبتك
غمض عيونه ناصر وتنهد بتنهيييييده عميقه : ليته ع كيفي والله
مناير : انا ادري انها عنيده وراسها يابس
بس تحمل وش تسوي تبي تخليها لحالها بين
هالعايله ؟ ذولا م يخافون الله ولا ذا راكان مدري شسمه
ناصر : ان شاءلله
مناير : ولدي انت والله ادري ماتقصر وكفو ينشد بك
الظهر
ناصر : يالله قفلي الجوال وانتبهي لنفسك يالله توصين ع شي ؟
مناير: سلامتك ي قلب عمتك وانتبه لك
ناصر : فآمان الله " قفل جواله ونزل سكر سيارته ودخل لبيته بعد يوم
مرهق م يبي حتى يفكر ف اي شي قفل جوالاته
واخذ شاور ونام !
.
" بيت الجازي "
مشاري بعد م طلب اوبر وراح. ياخذ سيارت راكان
رجع وصلها ل بيت الجازي ووقفها قفل السياره بعد
م تاكد انها نظيفه حتى محد ييمسك شي ع راكان بعد
اللي شافه!
مشى لابوه داخل بالمجلس : السلام عليكم
فهد : وعليكم السلام والرحمه
مشاري لفهد بهمس : م تكلم
فهد : لا
مشاري : خلاص روح انت انا بقعد عنده
فهد : طيب انتبه له
قرب فهد لجده باس راسه : تامر ع شي ي جد ؟
تجاهله جبران !
ثم صد : ع راحتك ي شيخ جبران
ارتخت اكتاف مشاري وقرب لابوه
وقعد قباله : يبـه لاتسوي بنفسك كذا انا طالبك !
هو تلقاه معصب من شي وبيطخ ويرجع يعتذر لك
هذا راكان تربيتك ولدك
جبران : ماهو ولدي
مشاري : لاتقول كذا انت خل الموضوع علي
وانا بحله ان شاءلله
جبران بحسره يخفيها : ماهو راكان الاولي
طالع مشاري بقله حيله ب ابوه الي صاد عنه
تنهد ومسك ايد ابوه حط مفتاح السياره
طالع جبران ب المفتاح باستغراب !
مشاري : هاذي مفتاح سيارته ومفتاح بيته
يقول انه حقك يرجع لك
جبران وحناياه م تاسع من الضيق : قفّى وراح ؟
مشاري : لا بس تلقاه مأنبه ضميره ع المشاكل اللي صارت
م وده يزيدها ف خله يسنع اموره ويحلها وتهدا ويرجع
جبران : اللي يعطيني ظهره ويقفي ماله مكان عندي
مشاري : افااا ! انا ادري والله انها من ورا قلبك هالكلام
هذا ولدك راكان م تسترخصه ولاتبيعه
رمى جبران المفاتيح ب حضن مشاري وقام ع حيله : لاعاد اشـوف رقعه وجهه
رفع راسه مشاري يطالع ب ابوه ب قله حيله الى
م مشى وتركه ! نزل راسه مشاري وهو ضايع ب قهر
وحزن ع حال ولد اخوه " راكان" : اخ ي راكان وش اللي قلب حالك !
مسح وجهه: انا شسوي ؟ شلون اطلعك من هالمصيبه !
تبي نهايتك زي نهايه اخوك؟؟ قام واخذ المفاتيح معه لحق ابوه
ودخل البيت : انا بقعد هنا بالصاله ان كان تبي
شي نادني
جبران : مابي احد منكم اذلفو
ودخل لغرفته وسكر الباب قعد مشاري ع الكرسي
بجنب غرفه ابوه استند بايدينه ع رجولهه
ب تفكيـــر ماهي ثواني الا دخلت الجازي
رفع عيونه مشاري
الجازي بخوف شهقت : بسم لله قل اعوذ برب الفلق
بغى قلبي يغدي وش جايبك ي ولد فهده ؟
مشاري والحزن طاغي ع ملامحه : سلامه قلبك
ي عمه جاي اتطمن ع الوالد
الجازي بعدم استيعاب : جبران؟؟ ليه هو هنا؟
وينه ؟ اخاف انك ملخبط
مشاري : الا داخل الغرفه يرتاح م تعشى تعبان شوي
الجازي بخوف : ليه شفيه ؟ والله وجهك ماش م يبشر بخير
توجهت لغرفه جبران
مشاري : لحظه ي عمه خليه يرت.. الا لما فتحت الجازي الباب !! الا فـــز مشاري ع صراخ الجازي بخوف الدنيـا
ف قلبــه ركض بسرعه مثل المجنون للغرفــٌه بصــدمــه نطق : يبـــه!!!!!
" بيت الجازي "
ركض مشاري بسرعه لابوه شششاله عن ظهرره
وحطه ب حضنه بخوف يرجف: يبــ..ـه ؟؟ الجازي بصدمــه انهارت بالبـكى : مـ..ـات ؟؟ مـ.. الا صرخ مشاري : لاااا لااااا ان شاءلله لا يارب
مسخ ع وجه ابوه برجفه : هو اكيد داخ اكيـ..د
قام وشال ابوه ركضض بسرعهه : باخذه للمستشفى
الجازي : بجي معك
مشاري باستعجال طلع : لااااا خليك انا بطمنك
بسرعهه فتح باب سيارته وركب ابوه ورا وركب
هو ودعسسسس بسسسرعه تارك الجازي وراهم
بصــدمــه وخوف ترجف طلعت جوالها من شنطتها
ودقات قلبها سريعه : يارب تحفظـه لنـ..ـا يارب
دقت ع ولدها ابو فهد بخوف ! اللي انهبل
بعد م وصل له الخبر !! _ " مشاري "
بعد م وصل للمستشفى ودخلو ابوه للطوارئ
يفحصونه وقف مشاري بالممر بخوف حاط
ايده ع فكه : يارب تستر !! والله مافيني حيل اتحمل
كل هالمصايب مره وحده !! رفع عيونه للدكتور اللي طلع فز من مكانه : عسى ماشر ي دكتور !! الدكتور : هو مريض سكر وضغط ؟
مشاري بخوف : ايهه
الدكتور : بنسوي فحوصات شامله بس اللي متبين لي
انه جلطه للاسف
جــــمـــد مشــــاري بصـــدمــه : جلطـــه !!! الدكتور : بندخله للعنايه الحين لحد م يستقر وضعه
مشاري : وضعه خطير؟
الدكتور : والله ماقدر اقولك شي لان ممكن تصير مضاعفات
مريض السكر للاسف معرض لكل شي بس نقول ان شاءلله
بيتحسن دعواتك
تنهد مشاري بضيق : يارب رحمتـك
الا بهاللحظه دخلو اخوانه وعيالهم بعد م درو
ابو فهد : وينه ؟؟؟ وينه ي مشاري ؟؟ مشاري بحزن م قدر ينطق !! فهد بخوف : تككككلم !!! جدي فيه شي !
ابو مناف : مشاري لاتحرق اعصابي اهرج !! مشاري : جلطـ..ـه
بـــصـــدمـــه اعتلت ملامـــح وجهــٌهم !!! ابو فهد : جلطـــه!!!! مشاري : لانه مريض سكر ف هي سببها
ابو مناف : وينه طيب ؟؟ شقالو عنه ؟؟ اثرت عليه؟؟ مناف بضيق : شكله م تحمل اللي صار !
مشاري : بيدخلونه العنايه لين م يستقر وضعه
ابو فهد بقهر : ااااخ ي راكان والله لو تشوفه عيني
اني مارحمه هالكلب النجس
ابو مناف ؛ وين طسس هالزفت ؟؟ والله لو صار بابوي
شي ماعرف الا هو وفيك خير دافع عنه
صد مشاري بضيق ومشى طلع وجلس ع الكراسي برا
غطى وجهه بكفوفه بتعب م حس بنفسه الا انهار
فقد اغلى اثنين ع قلبه ! ابوه وراكان رفع وجهه وتنهد
ب تنهــيــده عميـٌقه !!!! : والله لو صار بابوي شي ي راكان محد بيفكك من اعمامك ! والله يقلبونها عليك ااخ يارب سترك
..
" راكان "
بعد م توجه للرياض
مخنـــوق ! روحه يحس
بتطلـع من جوفـه !! عيونه م جفت من الدموع
وهو يسوق بايدينه اللي ترجف !
بعد م وصل وقف سيارته
ضايع منهار مرتبك يحس الدنيا فنت بعينه بعد اللي
سواه نزل راسه يحاول يتمالك اعصابه!!! :روحي تحترق ! والله بتعذب لاتذكرتها!
ماراح تفارق بـ..ـالي
غمض عيونه ومسح وجهه ! كان ع حاله هذا لساعه
بعد م تاخر الوقت وهو منطوي ع نفسه بحزن وضيق !
طالع حوله بضياع ! كان فجأه انقطع من شجره
لا اهل ولا اصدقاء ولا انيس وونيس بحياته اللي قلبت
سوداويه !! حرك سيارتهه ووجهه متجهم ومتورمه عيونه من الدموع
بعد م وصل للفندق نزل ودخل حجز غرفه
اخذ المفتاح وصعد بكل م فيه من تعب وارهاق
وروحه ع المحك !
دخل للغرفه قفلها نزل اغراضه ع الطاوله م
حس الا ب نفسه دخل للحمام
" يكره القارئ " فتح الدش ع البارد ورمى ملابسه ودخل تحته
يتغرق ب ببرودته لعل وعسى انه تبرد ع روحه اللي
تحترق غمض عيونه الا مرت ع باله كانها قدامه
طاح ع رجوله وقلبه يعتصر من الالم م كانت تعني
له شي ! يكرهها وكانت بلوه بحياته! بس م كان
متصور انه ف يوم بيكون ذنب روح شخص بهالدنيا
ب رقبته وبيلاحقه!! فتح عيونهه وحرك راسهه يحاول
ينساها بقهر وحده : انســـى ياراكـٌان انسـٌاهاا
قام ع حيلهه وقفل الدش اخذ المنشفه ونشف
فيه جسمه ولبس الروب وطلع قعد ع الكرسي
ب صمت يطالع بالارض ســرحـان كانت تمر
بخياله كانها قدام عيونه !! ب اسى ع نفسه وعليها !
الا قطع هالسرحان رنين جواله ! رفع عيونه لجواله
وهو مرهق مو طايق شي ! سكر الخط الا رجع
يدق ويدق كان هذا ع جواله الثاني !
بكل قهر فتح الخط وهو منها. بعصبيه :
خــــلاص ! بندر : بسم لله شفيك !! هذا انا بندر
عقد حواجبه راكان بتأفف قعد ع الكرسي : كلمني بعدين مالي نفس لشـ..ـيء
بندر : ضروري ي راكان تسمع اللي بقوله !
مسح راكان عيونه : مابي اسمع شي خلوني بحالـ..ـي
مابـ.. الا قاطعه بندر : م تبي تسمع شصار ب اللي ذبحت اخوك ريان!! الا كــٌـأن مويـــه بـــارده انكبــت عليــه رفـــع راسـٌـــه
بصـــدمـــه : شقـٌلت؟؟؟ بندر : اللي ذبحت اخوك اللي اسمها ذي والله نسيت اسمها
قاطعه راكان بصدمه وهو مستحيل ينسى اسمها : مــروه !!! بندر : ااي هاذي هي اليوم كنت بالقسم للشرطه
وكان معي واحد نراجع اللي انتهت محاكمتهم قبل
فتره ومن ضمنهم هي ! عاد اذكرك كنت توصيني اذا اي شي عنها اعلمك وهذاي جبت لك العلم !
راكـــان وكأن الصــٌاعقه نزلت عليـه : ١١ سـنه !!! مرت بهالسرعــه !!!! م تدري وين راحت ؟؟؟ مين اللي استلمها؟ اي شي عنها تعرف؟
" راكان "
بندر : مدري والله ي راكان م دققت بهالشي
راكان بقهر : شلون م دققت! م عندها اهل هي
مين اللي استلمها ! فهمني؟؟ ولا انتم طلعتوها
لرعاية او مكان او حتى زباله !!! فهمني
بندر بتنهد : والله ياراكان البنت اخذت جزاها
خلاص خلها تروح بقلعتها
راكان : تأكد لي متى طلعت ومين استلمها ورد
لي خبر !تسمعني بندر؟ انا باقي م خلصت منها !
بندر باستسلام : ان شاءلله
نزل راكان جواله وسكره رماه ع السرير
وقعد بكل ضعف وتعب حط ايدينه ع راسه
وتكى ع رجوله وهو يطالع بالارض بتفكير : شلون احلـها !! المصايب تتحاذف علي من كل جهه انتهيت !! رفع عيونه بهاللحظه كأنه يتخيلها قدامه
قاعده ع السرير مقابله له !
الا بهاللحظه شتت افكاره وخياله
غمض عيونه وبلع ريقهه بمراره الا وصل له شعار
رساله توصل ع جواله ! فتح عيونه ولف ع جواله
مسكه بخوف بلع ريقه م يدري ليه حس ان الشرطه
بتمسكه وبينكشف اللي سواه ! لحظه م شاف
الرســالة توســـعت عيــونـــه بصــدمــة !!!!
_
بعد ساعه "
بالمستشفى "
وهم متواجدين بقسم العنايه المركزه برا
دخل ابو فهد للممر عندهم
فهد : طمني عن جدتي ؟
تنهد ابو فهد ؛ كلمت عمتك شمايل ترجع لها وتقعد
عندها هالايام بعد والله قومو الدنيا ونزلوها لما درو
اخ الله يستر بس
ابو مناف : قول لهم م فيه الا العافيه خفيفه ان شاءلله
مناف : الله يقومه بالسلامه
ابو فهد بعصبيه : وينه مشاري خوي هالنجس ؟
لايكون راح يكلمه ؟
فهد : برا قاعد
الا قطع عليهم دخول راكان مثل المجنون حالته
م تسر عيونه مايله للاحمرار ومتورمه وازارير ثوبه مفتوحه
وشعره مبعثر وصوته مبحوح للاخير ووجهه متجهم
يتلفت حوله : وينـــ..ـه ؟؟؟ ابـ..وي وينههه
ابو فهد بصراخ وعصبيه : جااااي بسواد وجهك يالنجس
فهد : وش جايبك؟؟؟ مشى راكان وهو مو واعي فيهم كل اللي يفكر فيه هو ابوه
الا مسكهه ابو فهد ودفهه ضرب راكان ظهره بالجدار
بقوه عفس ملامح وجهه ب الم
الا مسكه ابو مناف بعصبيهه : ششين وقوي عييين
جاي بعد اللي سويته ب ابوك اللي رباك وكبرك!!! طالعه راكان وعيونه ذبلانه من الدموع والحزن
لف يطالع بباب العنايه المركزه بكل ندم
همس: ابـ..ـي اشوفـ..ـه
دف ابو مناف عنه وهو متوجه للباب يدفهم عنه الا مسكه
مناف وضربه بقوهه طاح راكان ع الارض
فهد : انقـــلع !!! لاعاد نشوفك هنا !! بحريقه تحرقك
الا قام راكان بدون م يحس بكل طاقه غضب بداخله
وبراكين مسك مناف بقووه بيضربه الا دف فهد راكان
وضررربه اقووووى حتى ان اختل توازنه ونزف من خشمه
ودارت الدنيا بعيونه م لمح الا بمشاري من بعيد يركض
له ومسكه قبل م يطيح ع الارض ويفقد وعييه !!
..
..
الا لحق عليه مشاري ع اخر لحظه ومسكه قبل
م يطيح ع الارض
غموض عيونه راكان وكان اخر م شافه هو مشاري!
مشاري بصدمه : راكان !!! راكااان فتح عيونك!! رفع عيونه لهم بصراخ : انجنــيتو انتم؟؟؟ بزران!!! كل واحد بطولي وعقلهه عقل ورع!! مناف : محد قال له يجي !
مشاري بقهر : ومين انت حتى ترده عنه ابوه!! وش دخلك!! ابو مناف بعصبيه : هو سبب البلاوي ذي كلها
تجاهله مشاري بقهر : راكان !! افتح عيونك!
التفت حوله ينادي النيرس : فيييي احد يجي يساعدني !!! ماهي ثواني الا حس بحركته بين ايدينه
نزل مشاري عيونه له : راكان !! تأوه ب الم فتح عيونه ع خفيف
فهد : ب سبع ارواح
مشاري بعصبيه بدون م يطالع ف فهد
: امسـٌـك لسـانك محد ناقصك انت بعد!! طالعه فهد باستحقار ثم تجاهله !
مشاري وهو يحاول يقوم راكان : قووم معي
تغسل وجهك وترتاح
راكان وهو شبه واعي قام واستند ع مشاري
ابو مناف : خله ينقلع لاعاد اشوفه يوطوط هنا لاقص
رجوله
مشاري بهمس : ماعليك منهم
طلعو برا ودخلو لدورة المياه " اجلكم الله"
استند راكان بايدينه ع المغسله
مشاري : غسل وجهك وبجيب لك شي تاكله مبين
من وجهك م اكلت شي ودايخ!
غسل راكان وجهه ب ارهاق وتعب مسح الدم
مشاري : لاتروح ابيك
راكان بسرحان يطالع ب المغسله
حط مشاري ايده ع كتف راكان بهمس : راكـان
م حس فيه الا يلف عليه وويضمهه اجهش بالبكى
وانهاار ! عقد حواجبه مشاري لاول مره يشوف
حالته كذا ! ضمهه ب خوف : شفييك ؟
راكان بنحيب وببحه صوته : تعبـ..ـان ي مشــ.. ااااخ
مشاري بخوف ضمه اكثر : جعله هالتعب فيني ولافيك
تكفى هد نفسسك وفهمني شفيك
راكان ودموعه تنزل بحرقه : قلبـ..ـي يحتـ..رق
انا انتهيـ..ـت
دب الخوف بقلب مشاري ابعد راكان عن حضنه
ويطالعه : شسويـت ؟؟ غير اللي لقيته عندك؟
لف راكان واسند ظهره ع المغسله وانحنى بضعف
مثل الركوع : مافينـ..يني حيل لو صار شي بأبوي
والله لاذبح نفسـ..ـي قلبي يحترق عليه وعليـ..ها
مشاري بخوف : ابوي بيطيب ان شاءلله بس مين
قال لك انه بالمستشفى ؟؟ دقو عليك اخواني؟
مسح راكان دموعه : لـ..لا
قرب مشاري له وسحبه : خلنا نطلع مو عاجبني حالك !
راكان باستسلام مشى معه بعد م طلعو وهو مارين
الا وقف راكـــان بصـــدمــه بوسـٌع عيـٌونــــه وهو
يشـــوف رجال الامن قدامه ويأشر عمه ابو مناف له : هذا راكان اللي تسألون عنه !
لف مشاري بصــــدمـــة ع راكـــان !!!! تســمر راكـــان بمكــانهه وانشششل جسمــه م جا
ببـٌالـــه الا مـــلاك اللي ذبحــها ودفنــها
همس بلاشعور : والله م تعمدت اذبحـ..ـها !
رجع بخطوه ع ورا وهو يشوفهم متوجهين لــه!!
.
انقـبض قـٌلبه بخـــوف بلـــع ريقــــه بغصــه
لف ع مشاري بخـوف : مشـ..ـ..ـاري ساعدنـ..ني
طالعه مشاري ب قهر واسى ع حاله : ليـــه سويت بنفسك كذا ليـــه تدمر نفسك ليه!! م تفكر ب شيبانك؟ م كفاك اللي صار ب اخوك ترجع
تمشي ع خطاه؟
طالعه راكان وهو مو مستوعب كلامه !
الا لف ع رجال الامن اللي قاطعوه : انت راكان ثنيان * راكان والربكه مبينه عليه برجفه ايدينه وهو يحاول
يتمالك نفسه والريق جف بحلقه : ايـ..ـه
رجل الامن : تفضل معنا
راكان ورجوله م تشيله من الخوف : ليـ.. ليـه
رجل الامن : في بلاغ ع سرقه سياره لو سمحت
تفضل معنا
عقد حواجبه مشاري باستغراب : سياره مسروقه؟؟ وش دخله هو؟ سيارته انسرقت يعني؟؟ راكان بعدم استيعاب وبنفس اللحظه كأن جبال
انهدت بصدره براحه ان م كان هذا سبب وجودهم
وبفرحه بداخله : اي سيـ..ـاره؟ انا م سرقت شي
رجل الامن : تفضل معنا للمركز وراح نفهم كل شي
وقته
الا تجمعو اعمامه وعيالهم عنده
ابو مناف : شصاير ؟ وش جايب لنا مصيبه بعد ي ولد
ثنيان؟
مشاري : مو صاير الا كل خير اكيد فيه سوء فهم
راكان : م سرقت سياره مين اللي قدم البلاغ ذا؟
رجل الامن بطوله بال : تفضل معنا بدون اي نقاش
ابو فهد بدهشه : سارق سياره؟؟؟؟ نعنبوك م كفتك
سيارتك؟؟ فهد بصدمه : لهالدرجه مطفر ولا فضاوه فيك حتى
تسرق !
مشاري بحده : وانتم ع طول م صدقتو ع الله ؟؟
اكيد فيه سوء فهم !! مسكوه رجال الامن واخذوه
ابو فهد : اي والله خذوه وياليت تربونه ولايطلع
لين م يرد عقله لراسه
طالع مشاري بحده ب اخوه !
ابو فهد وهو منتبه لنظرات مشاري : وانا صادق !! صد مشاري بقله صبر : اللهم طولك ي روح
لحقهه مشاري للمركز
_ " بعد ساعه "
راكان وهو بمركز الشرطه ومتكي بايدينه ع رجوله
وقاعد ع الكرسي بقلهه صبر يجهل هالبلاغ
الا دخل الضابط : السلام عليكم
رفع عيونه راكان ؛ وعليكم السلام
الضابط : تقدر تمشي لبيتك ي راكان ثنيان
عقد راكان حواجبه باستغراب : م فهمتك!
الضابط : حصل لبس بالموضوع والحمدلله
وضح كل شي ان السياره لك تقدر تتوكل ع بيتك
عقد راكان حواجبه باستغراب : ومين اللي بلغ؟
الضابط ؛ توكل ع بيتك ياراكان " عند مشاري "
وهو واقف بخوف وقله صبر ولايعرف كيف يتصرف
الا طلع له راكان مشى له مشاري بخطوات سريعه
: شصار ؟؟ راكان : يقول فيه لبس بالموضوع وطلعوني
عقد حواجبه مشاري باستغراب :م سرقته
راكان : لا
مشاري بحده : بس ذي موسيارتك من وين جبته؟
تجاهله راكان وطلع الا لحقه مشاري
بعد م طلعو وابتعدو عن المركز الا مسكه مشاري بعصبيه وقهر: وش جاب المخدرات بسيارتك!!! الا وقــف راكــٌان بصـٌدمه لف ع مشـاري !!
..
لف راكان على مشاري بصدمهه
طالعه : شقـ..لت ؟
التفت حوله مشاري يتاكد م احد يسمع
وسحبه : امش معي نتفاهم بالسياره
الا سحب راكان يده : ماراح اروح معك لاي مكان
فهمني وش اللي لقيته بسيارتي؟
مشاري بعصبيه سحبهه : امشش مععي!!! مشى معه راكان باستسلام ركبه السياره وركب هو
حرك سيارته يبتعد عن المكان ووقف عند اقرب
حديقه لف ع راكان اللي كان بصمت عميق
ب راسه الف فكره وفكره!! مشاري : تدري وش لقيت بسيارتك؟؟ لف يطالعه راكان بنظرات هاديه بعيونه الذبلانه !
فتح مشاري الدرج اللي قدام راكان ورماه بحضنه
بعصبيه ونظرات حاده فيه : فسر لي هذا اللي بحضنك!
نزل عيونه راكان يطالعه مسكه بايده ثم لف يطالعه
: لقيته بسيارتي؟؟ مشاري بعصبيه : لاتجحد ي راكان!!! لقيته بسيارتك
وليه خليتها وركبت سياره ثانيه؟؟؟ لمن كانت السياره
الثانيه !
راكان : مو لي ذي
قاطعه مشاري بعصبيه : قلت لك لاتجججحد!!! راكان : مدري مين حاطها بسيارتي ! من متى انا
اتعاطى ؟؟ مشاري : والله مدري عنك ! انت مو طبيعي من رجعت
واسلوبك وشخصيتك متغيره! لك فتره مسافر ولاترد
ع رسايلي ولا مكالماتي ومختفي ! وين كنت !
رايح تسربت وتسكر وتتعاطى؟؟ عقد حواجبه راكان : اسكر واتعاطى؟؟ مشاري بقله صبر وينتفض من العصبيه : لاتجنني!! لاترد علي بسؤال !! وين كنت وش اللي
قلب حالك !! انت م تتعض من موت اخوك !! تروح تمشي بنفس هالطريق !!! صد راكان وهو بالقوه يحاول يمسك نفسه : مو لي!! مشاري بصراخ : لاااااااتكذب !! انا اعرفك اكثر
من اي احد ثاني !! ليش ورطت نفسك بهالشي ؟؟ فهمني ليه ليه !!!! لهالدرجه مسترخص حياتك ؟
نزل راكان من السياره الا نزل مشاري بعصبيه
مشى له بخطوات سريعه وسحبه ووقف قدامه
: وين راااايح!! لف عنه راكان وسحب ايده : خلني مابي احد بحياتي
الا سحبه مشاري بعصبيههه دفهه للسياره
ومسكه من ياقته بنظراته الشرسه فيهه : لااااااتحدني ي راكاااان اني اضربك !!! لاتحدني
اني ادفنك هنا !!! ماسك نفسي عنك !! مجنون انت؟؟؟ هالبلا اللي تاكله اثر ع عقلك؟؟؟ راكان بكل استسلام بدون اي مقاومه : فكني
وخلني امشي مابي اي احد يفكر فيني ولابحياتي
ولا اي شي يخصني خلاص انسو اني من هالعايله حتى
عقد حواجبه مشاري باستغراب : تبي تتبرأ منا ؟
ابعده راكان وبكل اسى نطق : مصيري بختفي غصب عنكم وعني " يقصد السجن"
لف ومشى تارك وراه مشاري اللي يطالعه بصدمه !! وقف له تاكسي وركب متوجه للفندق !
..
" راكان "
بعد م وصل للفندق دخل وفصخ تي شيرته
وانسدح ع السرير يطالع بالسقف
كانت هموم الدنيا مثل ثقل الجبال ع صدره وكتوفه
ب ضـــيق مستـوطن قلــبه ومخنـوق !! غمض عيونه لاشعورياً انسابت دمعته بحرقهه
وانسابت الى مفارق شعره كانت تجي ع خياله !
بغصه بلع ريقه فتح عيونه النوم جافاه بحرقه قلبه
على ملاك وعلى جده ! وعلى نفسه !
بقى يطالع بالسقف والافكار تدور براسه حط ايده
ع صدره يمسحه كانت هالليله ثقيله مصايب
تتحاذف عليه من كل جهه ! غمض عيونه وتنهد
بتنهيده عميـــقه !!! _ " بعد اسبوع من هالاحداث "
كان راكان مختفي عن عايلته لاحس ولاخبر منه
منطوي ع نفسه بعد المصايب اللي صارت ! "
اما ببيت الجد جبران بعد م طلع من المستشفى
لما استقرت حالته وبدت ترجع عافيته له شوي شوي
م وقفت اتصالات مشاري ع راكان حتى يجي ويتحمز
لابوه بالسلامه ! بس مافيه رد منهه !
اما الجد جبران يحاول يخفي حزنه ع حال راكان
اللي تركه ولاحتى يفكر يجي يتطمن عليه !
اما الجازي اللي احرقت جوال راكان بالاتصالات بعد
م درت انه رجع ! اقلقتهم بالأسئلة كل يوم عنه !
_ " بيوم الجمعه الساعه ٥ العصر "
بيت الجد جبران اللي م فضى مجلسه من الضيوف
اللي يجون يتطمنون عليه ويتحمدون له بالسلامه
كان م عنده الا مشاري جالس معه يقهويه ويحاول
يوسع صدره !
الا بهاللحظه قطع عليهم دخول شخص
ب صوت مسموع : السلام عليكم
لف مشاري ع ورا ع صوته ! ورفع جبران عيونه
لحظه م لمح راكان قدام عيونه تهلل بالفرحه
والراحه بس م بينها كان متشره عليه طول هالفتره
م سأل عنه ولاكلف على نفسه يجي يتطمن
قام مشاري بصدمه : راكان !
ابتسم راكان بهدوء وقرب لجده سلم عليه
وباس راسهه وباس ايده : الحمدلله على سلامتك يالغالي الله لايوريني فيك مكروه
جبران بهدوء صد : ماله داعي جيتك كان م كلفت ع نفسك
ابتسم راكان وقعد عند رجول ابوه : افا انفدا هالوجه
انك تسامحني ولاتتشره علي لاتردني
جبران : مالي حتسي معك
مشاري : راضي راضي عليك م كانك تعرف الشيخ
جبران وعناده
قام راكان سلم عليه مشاري : اخبارك
راكان : بخير وانت ؟
مشاري : ماعلي خلاف
راكان : عشاك علي اليوم ي شيخ جبران بمناسبه
طلوعك من المستشفى بصحه وعافيه وترا هاه م يمديك
تردني ! عزمت اعمامي وعيالهم
مشاري بدهشه : والله مب هين!
جبران : بكيفك مالي كلمه عليك
ابتسم راكان : يالله ع خير اجل بدخل اسلم ع امي
وارجع لك
طلع راكان وتوجه للبيت دخل بصوت عالي : يااااااااا الجاااازي ي ام راكااان !
الا فزززت الجااااازي ع صوته وقلبها فز بفرحححههه
طلعت لهه الا شهقت وحطت ايدها ع صدرها : رااااااااكان ؟؟؟ اتسعت ابتسامته لها
الا فزززت الجااااازي ع صوته وقلبها فز بفرحححههه
طلعت لهه الا شهقت وحطت ايدها ع صدرها : رااااااااكان ؟؟؟ اتسعت ابتسامته لها
قرب لها وضضمهـــا حضنته الجازي والدنيا مو
سايعتها من الفرحهه : ياااجنيني انت قرت عيوني
بشششوفتك ياااابعد قلب امكك
ابتسم اكثر وابتعد باس راسها وايدها : ي جعلي اشوفك مستانسه
الجازي بفرحهه ضربته ع كتفه : نعنبوك من ولد
وين غديت؟؟ نشدت مشاري عنك ودقيت مير م ترد
مسح كتفه : بشويش ي الغاليه شفيك علي
الجازي : لاليلي ليل ولانهاري نهار م نامت عيني
اهوجس بك ياللي م تستحي م كأن وراك اهل
يخافون عليك ويشيلون همك مير والله ي راكانوه
لو تعيد حركتك ذي لازعل عليك وانا زعلي شين
باس ايدها : جعلني فدا لك مايهون علي زعلك والله
ولا زعل الوالد
الجازي : مريته؟ تطمنت عليه؟ تراه شايل بقلبه عليك
ي مقصوف الرقبه ابوك ذا اللي رباك وتعب عليك
ماصبرته يوم انه بالمستشفى
راكان : الا مريته تو وسلمت عليه وتحمدت له بالسلامه
الجازي : ذا ابوك ي راكان اسمعني زين وحط هالحتسي
براسك ترا مالك الا هو من بعد الله لاتزعله ولاتخليه
يشيل بخاطره عليك اكسبه وخلك يمه وبحيده
جايز لك شوفه مشاري ماخذ مكانك ؟؟ راكان : افا يايمه مشاري بحسبه اخوي انا وهو واحد
ضربته الجازي ع صدره : انت خبل؟؟ هذا ولد فهده
تربيتها وحيدها بعدين هو اللي شايل ابوك شيل
ووشغله م يسويه الا هو مير عيالي ؟
صفقت بايدينها وكشت بوجه راكان : ي حيف عليهم
رخوم محدن صار زيه
رفع حاجبه راكان باستنكار : يمه ؟ لاتدخلين مشاري
ب مشاكلك مع عمتي فهده
الجازي بعصبيه تقلده : عمتي فهده !! ياجعلك للي
مانيب قايله استغفرك ياربي
راكان : افاااا تدعين علي ؟
تأففت الجازي وتلفتت ورا راكان !
عقد حواجبه راكان والتفت وراه ثم التفت عليها : شفيك؟
الجازي : حماره القايله وينها؟
راكان باستغراب : حماره القايله؟
الجازي : زوجتتتك ي الخبل وينها ابليس ذي ؟؟ سكت راكان بهاللحظه بجمود بلع ريقهه بدون اي
تعابير!
الجازي : شصاير؟؟؟ لايكون مهببه ببلوه بعد؟؟ بعد ثواني من الصمت نطق بعد م ابعد عيونه عن
امه بهمس : طلقـ..ـتها!
توسسسعت عيون الجازي بصــــدمه : م اوحيتك
عيد عيد شقلت؟؟ طالعها راكان : طلقتها خلاص راحت بطريقها
الا عقد حواجبه بدهشه لما زغرطت الجاااازي
بفرحــــه : يالله لـــــٌك الحمـــد فكـــــه فكــه ي جعلتس
م ترجعــٌين
ضــٌمت راكــٌان : الليله ليله السعد والله لارقصصص
والولوش وانا اشوف وجهك منورر والله عقررربه
ربي كفانا شرها فكه فكههه ااااايي الحين الحين بخطب
بنت عبد العزيز والله تليق فيك بدال هالعوبا ي نعبنوها جعلها للدود !
..
وهي رايحه للصاله تاخذ جوالها الا لحق عليها راكان
بدهشه مسكها : لحظه وش بنت
عبدالعزيز ؟ لامابي زواج فكوووني زواج ماراح اتزوج
دفته الجازي عن طريقها : وخر عني بس اقطع واخس
انا امك وانا ادرى بمصلحتك
راكان : يمهه انا طالبك فكيني من الزواج ولاتفشلين عمرك
معهم ماراح اتزوج
حطت الجازي رجل ع رجل : لو تطير وتوقع ي ولد ثنيان
بتاخد هالبنت وحاجزتها لك
طالعها بصـٍـدمه !!! سحب راكان الجوال منها : قلت لك لاتفكرين انك
تخطبين او تحجزين وحده لي ! انا مابي الزواج
يكفي ابوي غصبني وماتحملت من المشاكا وطلقتها
تجين انتي بعد بتخطبين ذي ؟؟ مااابي الزواج مابيه
افهموني !
الجازي : وانت الحين بعقلك تقارن ذي حماره القايله
ب بنت عبدالعزيز اللي شايفه العز والدلال والذرابه؟
مير لو تشوفها تغير رايك تهوول القلب الخشم سله سيف
والعيون هالكبر تقل حور عين ماشاءلله تبارك الله
الله لايضرها خذ شور امرك تراها ابخص منك ف هالامور
راكان بتنهد واسى : ع اساس ان ملاك م كانت حلوه يوم
تمدحين ذي ؟
الجازي : سممم لله عليها بنت عبدالعزيز من ذي الهوله
والله عفنه وين الزين ؟؟؟ عيونك معميه !
طالعت براكان بشك: لايكون حبيتها ي المهبول؟؟ استعدل راكان بوقفته : المهم عزمت اعمامي وعيالهم
ع العشا الليله بمناسبه سلامه الوالد
الجازي بدهشه : عزمتهم؟؟ وين ؟؟ راكان : هنا
الجازي : نعنبوووووك توك تهرج العصر الحين تعزمهم
وانا فاضيه لهم؟؟ م علمتنا من بدري نجهز
القهوه والشاهي ولابخرنا البيت
راكان : انتي مسك البيت كله من ريحتك م يحتاج
تبخرينه
ابتسمت الجازي ب حيا ضربته ع ايده : ي عوبك عوباااه ي ولد ثنيان امدح امدح
الله يخلف ع ابوك واعمامك محدن يتغزل بي
راكان بضحك : والله كلك حلا وزين غلطان اللي
م يتغزل فيك جعلي فدوه لهالابتسامه انا
الجازي : ي شطانتك بسس
راكان : يالله بروح لابوي بقعد معه شوي
الجازي : زين
مشى راكان متوجه للباب
وبصوت عالي : ترا عزمت عمتي فهده احسبي حسابها
شهقت الجازي بعصبيه : ششششقلتت ؟؟؟ ي نعنبووك
تعزززمهاا لييييه ؟
طلع من البيت وهو كابت ضحكته يسمع حلطمه امه
دخل للمجلس : السسلام عليكم
مشاري وجبران : وعليكم السلام
قعد راكان قبال ابوه اخذ مشاري الفنجال يقهويه ومده له
اخذ راكان الفنجال ونزله طالع ب ابوه : بشرني عنك وعن صحتك؟
جبران : وانت وش تشوف ؟ليه تنشد عني؟
مشاري بضحك : افا واضح جبران للحين م رضى عليك !
راكان بتردد طالع ب ابوه
جبران: طلع الحتسي الي يقرقع بقلبك وش عندك؟
راكان : مابيك تتضايق وتزعل بس والله م كان بيننا نصيب طلبت هي الطلاق وطلقتها الله يستر عليها
مشاري وجبران بصدمــٌه يطالعونه
راكان : مابيك تتضايق وتزعل بس والله م كان بيننا نصيب طلبت هي الطلاق وطلقتها الله يستر عليها
مشاري وجبران بصدمــٌه يطالعونه
راكان : لاتطالعوني بهالنظره؟ م لحقها شر مني
ولاضريتها بشي اصبحنا الصبح الا تبي الطلاق
حاولت فيها افهم وش السبب ماهي لعبه
تكون وحده ع ذمتي واطلقها بيون وليله!
رفضت واصرت تبي الطلاق ولا بتجيك وتدخلك
بالموضوع وانت يكفي انك تعبان الفتره اللي راحت
ولا ابي احد يدخل بيني وبينها عطيتها مهله
يومين تفكر بس اصرت ع الطلاق وطلقتها وطلعت
من ذمتي والله يستر عليها م كان فيه نصيب
مشاري : الله يستر عليها عساها خيره
اما جبران بنظرات هاديه يطالعه !
راكان : تبي تهاوش؟
جبران : وانت ع طول تطلق؟؟ راكان : عطيتها مهله يومين تفكر م جا مني اي غلط!
والله م قصرت عليها بشي
جبران : م كملتو شهر !
راكان : نصيب ي الغالي هذا قرارها وانا مستحيل اغصبها
ع القعده معي وهي كارهتني
جبران : كان علمتني اكلمها واصلح بينكم
راكان : مابيننا اي مشكله ! هي فجأه تبي الطلاق
م تبي تكمل وش اسوي فيها؟
جبران : وهي الحين وين؟
راكان : وديتها عند خالتها
مشاري بصدمه: ليه هي عندها اهل؟
جبران : ومن وين طلعت خالتها ؟
راكان : سألتها ليه خالتك ذي م قلتي لي عنها وليه
انكرتي وجودها وهي من الاهل قالت بيني وبينها
مشاكل قبل ولا ابي اشغلها فيني بس تصالحو
ورجعت لها
جبران ؛ متوكد من هالحتسي ؟
راكان : اكيد
مشاري : يالله هذا ربي اللي كاتبه وش نسوي بعد مانقدر
نعترض
جبران : الزواج طعمه وكلن بياخذ طعمته
مشاري : صدقت يالغالي
قام راكان : يالله انا بقوم اجيب الحلا قبل م تهجدني
امي
مشاري : اي حلا؟
راكان : بيجونها حريم اعمامي وعماتي
وعمتي فهده اكيد
مشاري : اها حسبالي بس الرجال
راكان : تروح معي؟
مشاري : لابقعد عند الوالد انت خلص شغلك وتعال
راكان : طيب توصي شي يالغالي؟
جبران: سلامتك
راكان : فآمان لله
مشاري : بحفظه
طلع راكان الا نطق جبران : وراه طلقها؟ الولد قبل اسبوع
نفسيته براس خشمه وماهو راكان الاولي والحين
جاي والصدر منشرح؟
مشاري : يبه كلنا كذا نفسياتنا تقلب محدن يبقى ع حاله
لاتهوجس ! وسع صدرك وانبسط ان الامور ركدت
ورجع زي اول واحسن
جبران ؛ ماش حتسيه ماقنعني من وين خالتها ذي طلعت؟
ابيك تشوف وش صاير وينها فيه اسحب الحتسي منه
مشاري بتنهد : ابشر
" بيت عامر اخو اريج"
طلعن بخوف من غرفتها تدور تميم : تميم؟؟؟؟ وينك؟؟ تمممييم!! دخلت الغرف تدوره م حصلته جن جنونها بخوف
طلعت للحوش تصارخ ب اسمه : تميــــم!!!! تميم وينك؟؟؟؟ امتلت عيونها بدموع بخوف : يمه ولدي وين راح!! تميييييم ي يمه رد عليي!! الا بهاللحظه فتح الباب ودخل شهقت بخوووف
ركضت وضمتههه : وينككك ؟ وين رحت؟؟ ابعدته عن حضنها تطالعه الا استغربت
اكياس الحلويات والشيبس بايده
طالعته بخوف : مين عطاك هذا؟؟ من وين جبته؟
الا رفعت عيونها ع دخول فهد : انا
قامت بسرعه وسحبت تميم وراها : وش جابك؟
سكر فهد الباب وراه : جاي اكلمك
اريج : مابيننا كلام
فهد : الا بيننا
اريج : والله لانادي اخوي اذا م طلعت
فهد : ادري انه مو هنا ومسافر
رجعت اريج ع ورا بخطوه بدهشه : شدراك؟؟؟ فهد : ومخليك الكلب لحالكم هنا بالبيت؟
اريج : مالك شغل فيني
فهد : ناسيه انك ع ذمتي ؟؟ اريج : بتطلق وغصب مابيك افهم
شالت تميم ومشت بخطوات سريعه لداخل البيت
الا كان اسرع منها بلحظه ماهي بتسكر الباب الا
مسكهه ودفهه ابتعدت ع ورا بخوف
ضمت تميم لها : فهههد اطلللع
فهد : ليه خايفه مني؟؟ حسبالك بضرك انا؟
نزلت دموعها بخوف رصت تميم لحضنها اكثر : والله م تاخذ ولدي مني
عقد حواجبه باستغراب : ومين قالك باخذه ؟؟ رجعت ع ورا : فكني منك مابيكك ماعاد ابيك بحياتي
ولابحياه ولدي
فهد بعصبيه : تستهبلين انتي!!! ومين اللي بيقوم فيكم
واللي بيصرف ؟؟ حسبالك راتب عبدالرحمن اخوي
بيمشي لكم ؟؟؟ بقطعه غصب عنك وعنه واخليك ترجعين لبيتك ف لاتحديني ع الردى وارجعي معي بدون مشاكل
وعناد
اريج : مو بحاجه فلوسكم انا اصرف ع ولدي بنفسي
رفع حاجبه فهد ب استخفاف وسخريه : ليه تبين تصرفين من الضمان اذا تطلقتي ؟
ولا بتتوظفين ؟ ولا اخوك الرجال الكريم بيصرف
عليكم؟
اريج : مالك شغل فيني ولابتميم تراه مو ولدك
هو ولد اخوك ولا انت ابو له
استخف فهد بعصبيه من كلامها تقدم لها
سحب تميم بقوهه من حضنها : روحي لغرفتك ولمي اغراضك بتجين معي غصب
اريج بخوف وهي تحاول تاخذ تميم بانهيار ؛ جييبهه
لاتاخذ ولدددي لاتحرمني منه تكفى ي فهد الا ولدي
لاتوجعني فيهه
فهد : امشي معي والله ماخليكم لحالكم بهالبيت !!
طالعته ب انكسار وتردد
الا هزها صراخ فهد : اخلصصصي !!! طالعته بضيق ودموعها تنساب بحرقه ع خدها
دخلت غرفتها لبست عبايتها ولمت اغراضها
وطلعت وقفت قباله : عطني ولدي
نزل فهد تميم ومسك ايد امه
فتح الباب : يالله
طالعته بقهر : بس انا مو راضيه !
مسك ايدها غصب وطلعها معه ركبهم السياره وحرك
..
" مناف "
وهو طالع يمشي بالممشى وحاط السماعات باذنه
يتسمع للاغنيهه ومندمج الا بهاللحظه وقف لما
شاف هاالشخص قباله عقد حواجبه بشك
الملامح ذي مو غريبه عليه!! م كمل ثواني يحاول يتذكره الا هجم عليه هالشخص
مسكه من ياقته بقوووه وضرررربههه
مناف بصدمهه والم رجه ع ورا !! جابر بعصبيهه ينتفض مسك مناف وطيحه بالارض
يضربه بكل قوته : تبتلي ع اختي يابن* مناف وهو مو قادر يفك نفسه منه
تجمعو الرجال الموجودين بالممشى وسحبو
جابو بالقوه عن مناف اللي ينزف دم من خشمه
وكدمات
ساعده واحد من الشباب وقومه من الارض
جابر بصراخ هستيري : اختتي خسسرت وظيفتها
بسببك يالكلب اختي حياتها تدمرت بسببك يالوصخ
ي جعلك تشوفها ب اهلك والله ماراح ارحمكك والله
دف اللي ماسكينه بصراخ وعصبيه : فكووووووني
لححد يمسسسسكني !! لف ع مناف بعصبيه : تتبلى ع بنت ياقليل المروه !!! انت مو رجال ! انت حسافه عليك الشنب ! والله م تربيت
بسببك بيزوجها اخوي لواحد شايب بعمر جدي مو ابوي !! بسببك كلن يتكلم ف سمعتها يا****
امي طايحه بالمستشفى بسببك !! والله واللي رفع سبع
وبسط سبع اني لاخليك تندممم ع الساعه اللي تبليت
فيها ع اختي !! ياقليل الشرف !! يال*** يالخسيس بس والله والله انا وراككك وبوصل لاهلك
وابوك اللي بيربيك من جد وجديد يالكلب
دف اللي حوله بعصبيهه : ابعععدوو عنني !!! شوف ي مناف والكل يشهد علي ويسمع
والله لاذوقك من نفس هالكاس والله لاخليك تندم
وتعض اصابعك ندم ! واختي اشرف منكك وتاج ع راسك
يالوصخ ! بس هين انا اعرف شلون اخليك تدفع ثمن
نجاستك ي الكلب
لف ومشى بقهر بوسط مناف اللي يطالعه بصدمه
مو مستوعب ولاكلمه !! اخذ جواله من الارض ومشى بسرعه متوجه لسيارته
ركبها ودعسسس بسرعه ودمه يغلي من القهر !! _
بعد المغرب
"الجازي "
بحده للخدم : اخلصن وش له مقعادكن عندي ؟
بسرعه رتبن البيت
يالله ي ميري هاتي المبخره ذي عندي
وودي الثانيه للمجلس بخريهه يالله اخلصي تماطلين
ليه
عطتها ميري المبخره وهي تبخر الجازي الصاله
الا قاطعها دخول راكان ب اكياس الحلويات
والفطاير
طالعته الجازي : وش وش ذا ؟؟ وش جايب ي ولد ابوك؟
راكان : ميري تعالي خذيهه
لف ع امه : فطاير وحلا
الجازي بابتسامه : يازين وليدي وكرمك الله لايخليني منك
ي ضناي ويصلح قلبك وييسر امرك تعال تعال ابخرك
ابتسم راكان وقرب
بخرته الجازي بفرحه : يالله عقبال م ابخرك بعرسك
كشر راكان : بدينا
الجازي : لاتكشر بوجهي نعنبوك
وبعدين مرتن ثانيه م تعزم العوبا فهده
لاتحسبني نسيت ! بتجي
ترزح عندي لاخر الليل عشان ابوك عندي ! يمه منها تغار
راكان بضحك : كلكم مقطعتكم الغيره
" بيت جبران"
الجازي بعصبيه : وانا اغار من الهوله ذي ؟
راكان : افا ي يمه وين الاحترام
الجازي بقهر : لاتحامي عنها لا والله ي راكان
اطردك وخلها تهتم بك
راكان : ابشري ماراح احامي عنها انتي الاولى والاخيره
والغاليه وتاج ع راسها بعد
الجازيي بحيا : اي هذا هو الكلام السنع قوله قدام
ابوك خله يعرف مقدار الجازي
راكان : افا ي يمه وهو الشيخ جبران يقدر يبعد عنك؟
انتي بقلبه لا عمتي فهده ولاغيرها ياخذون مكانك
الجازي بحيا: روح روح بخر المجلس وبعد العزيمه
عطني مدحك وهالحتسي يالله
راكان بابتسامه: ابشري ي حلوه اللبن انتي
اخذ المبخره وطلع للمجلسس
ابتسم : السلام عليكم ي شيخ جبران
جبران : وعليكم السلام
قرب له راكان المبخره : تبخر جعلني والله ابخرك معرس
مشاري بضحك : لاتسمعك عمتي الجازي ولا امي
والله محد بيفكك من السنتهم
جبران : وخره عني كتمتني
ابعده راكان : افا باقي مكشر طويل العمر؟
مشاري : عطني عطني اتبخر
راكان لمشازي : جعلني ابخرك وانت معـ.. الا رمى مشاري علبه المناديل عليه : اسسسسكتت !! راكان : افا شفيك كانك هونت عن العرس؟
قام مشاري واخذ المبخره : اقول قم سو القهوه
هذا هي عند المنقل قدامك وابلع لسانك
راكان :وليه م تسويها ؟ م تعجبك قهوتي ي طويل العمر
ي راعي الكيف؟
مشاري ؛ انت اعلمك المكيال بس اقعد سوه قبل م يجون
تنهد راكان باستسلام وقعد عند الابريق يجهز القهوه
جبران : عزمت ي مشاري عمك علي " ابو نجد "
مشاري : اي ي يبه ولزمت عليه لين م وافق
راكان : حركات ي النسيب
طير عيونه مشاري فيه بمعنى اسكت !
راكان : لا واضح به علوم
جبران : ع خير ان شاءلله
راكان : تعال تعال ورني وين المويه حده بالابريق؟
مشى له مشاري ونزل المبخره قعد جنبه : انت حمار ؟؟ كانك بحياتك م سويت قهوه
راكان : الا اعرف ي غبي بس جبتك عندي بسألك
شصاير ع الزواج؟
مشاري بهمس : م تعرف تقصر صوتك؟
راكان : لاتخليني اعاند وارفع صوتي !
مشاري بحده وهمس : ولله لاتوطاك هنا تراي معصب
راكان بتقليد : لاتكفى ي مشاري لاتعصب علي !
ضربه ع صدره : اخلص بس قول شسالفه؟
مشاري : ولد عمها يهدد وطفشني ! وواضح ان ماراح
يجي منهم الا الشر ف بفك نفسي منهم
راكان: خذه من تجربتي وانا ولد اخوك والله فك نفسك
لاتسوي سواتي جاب لي الزواج البلا
طالعه مشاري بنظرات سخريه : يقال انك متعظ وبتنصحني؟
_ " ناصر"
وهو راجع من الدوام نزل من سيارته وقفلها وهو بطريقه
لبيته الا عقد حواجبه باستغراب من اللي بعبايتها
عند عتبه الباب قاعده ومستنده براسها ع الجدار بتعب
جمد بهاللحظه بمكانه وهو يتفحصها بنظراتهه قرب بشك بدون حيله رفعت عيونها له !!!
..
..
" بيت جبران"
طالعه مشاري بنظرات سخريه : يقال انك متعظ وبتنصحني؟ سو القهوه وانت ساكت وبعد العشا لاراحو
نتكي هنا وياك ونتفاهم
راكان : فكني منك بدور النوم م بقى الا اقعد معك
ضربه مشاري ع ظهره : كل تبن ي حمار والله لاقعد غصب
واقعدك معي
جبران : وش عندك تغنق " تهمس" انت وياه؟
لف راكان ع ابوه : اهاوشه ع الزواج م يبي يتزوج
طير مشاري عيونه ب راكان : يالكلب!! لف ع ابوه : يمزح معك الله يهديه هو ومزحه الثقيل
راكان بابتسامه يغيضه : الله يهديك وتتزوج
مشاري بهمس : اقسم بالله ي راكان لاحرقك بالمويه
الحاره ذي ابلع لسانك واسكت
راكان بصوت مسموع : افااا تهددني عشان اني نصحتك
بالزواج ومن بنت العم علي؟؟ قام مشاري : والله مردود ي الكلب
ابتسم راكان : عساك م رضيت
جبران : علامك انت وياه تتناقرون؟
الا قطع عليهم دخول ابو مناف : السلام عليكم
رد الكل : وعليكم السلام
قام راكان يسلم ع عمهه : حياك الله
ابو مناف : وانت تطلع وتختفي م عاد عرفنا لك
راكان : كان عندي شغل
ابو مناف : اجل الشغل يشغلك عن ابوك ؟
مشاري وهو يصرف الموضوع : حياك ي اخوي حياك
الا وينه مناف؟
ابو مناف : يقول تعبان بيرتاح الليله
قرب ابو مناف وباس راس ابوه: اخبارك ي الغالي
جبران : ماعلي خلاف
ابو مناف : الله يجعله
قعد ابو مناف بجنبه : الا وين قهوتكم ي الرجاجيل؟
مشاري : ننتظر الاخ يسويه
راكان : بتجهز ان شاءلله
ابو مناف : امي عندها احد؟ م مريتها اليوم
مشاري : اظن الحريم مجتمعين عندها
ابو مناف : ع خير اجل امرها بعد م يمشون
_ " الجازي "
دخلت ام مناف : السلام عليكم
الجازي : ياهلا وعليكم السلام حياتس
دخلت وضيفتها ماهي ربع ساعه الا تجمعو
كلهم من الرجال والحريم
_ " الرجال " راكان : ي عم ابو فهد
ابو فهد بدون نفس : هلا شبغيت ي راكان؟
راكان : قدام الكل اعتذر واطلب منك السموحه
ع عشا ذيك الليله لما تكلمت على ضيفك ماكان
مقصدي اني اهينه بوسط مجلسك ف لاتشيل
بخاطرك علي
ابوفهد : بعد م فشلتني جاي تعتذر؟
راكان : معك حق تزعل وتشره علي مالومك بس
انا اخطيت واعتذر لك
جبران : سامحه دامه تعذر لك
ابو فهد : والله اعتذر للرجال نفسه مو لي
راكان : ابشر ع خشمي عطني رقمه
ابو فهد : ع خير بعد العشا برسله
الا قطع عليه رنين جواله طلعه من جيبه شاف
الرقم الا فز من مكانه : عن اذنكم لازم ارد
طلع باستعجال يرد : ياهلا بندر قول لي عساك
لقيت ذي مروه وينها فيه
بندر : الله يرحمها ي راكان
جـــمــد راكــٌان بمكــانه بصــدمـه : ماتـ..ـت !!!
..
..
" راكان"
بصدمه مو مستوعب : شلون ماتت؟؟ تمزح ؟
بندر : لاوالله م امزح بس طلعت لها شهاده وفاه
توفت بسبب حادث سياره قبل اسبوع
راكان بعدم تصديق : من اسبوع؟؟؟ يوم بغيتها تقول
لي توفت؟؟ انت متأكد ؟
بندر : اي والله متأكد
راكان : واهلها؟
بندر : مالها اهل م لقيت اي معلومه عن اللي استلمها
راكان : تستهبل؟ ماتقدر تطلع من السجن الا في احد
مستلمها بس مين؟؟ بندر : والله م لقيت معلومات عنه !
راكان : اكيد وراها احد لازم اوصل له !
بندر : وش تبي توصل له ؟؟ خلاص هي برحمه ربي وربك
خلها ي راكان وش يفيدك لو وصلت له؟ افهم البنت ماتت
راكان : جيب لي اي معلومه عن اللي استلمها لو بس اسمه
انا راضي
بندر : لاحول ولاقوه الا بالله شفيك الا مصر ؟
راكان : بندر قلت لك جيب اللي طلعها تكفى ي بندر
طلبتك بهالشي
بندر بتنهد واستسلام: ان شاءلله
راكان : مشكور ي بعدي م قصرت وانتظر منك خبر هاه
بندر : ان شاءلله ، يالله تبي شي ؟
راكان : سلامتك
قفل الخط وهو يغلي من الفضول ! بوسط صدمته انها
ماتت فجأه !! : تو م شفى غليلي منك اخخ ليتني لو قدرت
اوصل لكك قبل م تروحين من ايديني ليت!! _ " بيت الجازي "
نزلت فهده فنجالها ع الطاوله لفت تتفحص بنظراتها
بين الموجودين : الا ي الجازي وينها مره ولدك ! ملاك ماشوفها؟
ابتسمت الجازي بخبث وتعدلت بجلستها
وبصوت مسموع : انقلعت عساها م ترجع
شر وربي زاحه عن طريق وليدي
ام فهد : ليه شصار ي عمه؟
الجازي والفرحه مبين بعيونها : طـٌلقــها
بوسط دهشه الكل !! فهده بصدمه : طلقها؟؟؟ توه م كمل شهر ع عرسه
وش به ولدتس انهبل
الجازي بحده كشرت : سم لله عليه محد مهبول غيرتس
ام مناف ؛ ليه ي عمه توهم معاريس
الجازي : اشوفكن متحسفات عليها؟؟ عوبا تروع
هدت حيل وليدي فكه ي عساها م تشوف الخير بدربها
فهده : بيردها بيردها
الجازي بعصبيه : فالتس م قبلناه اهب !! شمايل : من الاول الزواج كان غلط وهي تتبلى عليه
عقربه مو ادميه والله فرحت لما طلقها
الجازي : ان شاءلله بخطب له بنت عبدالعزيز العوض
فيها سم لله عليها
فهده : لاتفرحين البنيه م راح تقبل ب مطلق
وماتدرين امكن يردها
الجازي : انتي شفيتس ؟؟ حاطه دوبتس بدوبي
ولدي ولا ولدتس؟؟ انشغلي ب ولدتس مشاري
وزوجيه هو عوذه الله يكفيني شرتس
فهده : وانتي حارتس ولدي ؟؟ الله يكفيني شرتس انتي
_ " نرجع لناصر "
بلحظه م قرب لها انكمشت ع نفسها وبنظرات
عيونها اللي مبين فيها التعب منهلكهه وعبايتها اللي
كله غبااااار وحالتها م تسر الخاطر
جثى ع ركبته قرب لها وهو يتفحصها بنظراته : انتـ.. قاطعته ببحه صوتها بالقوه ينسمع ومسكت ايده : عطشـ..ـانـ..ـه
..
..
" ناصر"
قاطعته ببحه صوتها بالقوه ينسمع ومسكت ايده : عطشـ..ـانـ..ـه
نزل عيونه ع ايدها لثانيه ثم رفع عيونه يطالعها الالما تذكرها
سحب ايده من ايدها وقام عطاها علبه المويه : فيه جمعيات خيريه يتكفلون فيك
اختطفت علبه المويه من ايدينه وفتحتته تشرب بسرعهه وميته عطش
صد بعيونه عنها بتنهد !
ماهي لحظات الا همست : لاتخلينـ..ني
التفت عليها ناصر بنظرات حاده : م طفشتي انتي!!! كل شهر ترمين نفسك عند باب بيتي ! فكيني منك
والا والله لاتشوفين تصرف م يعجبك ولايسر خاطرك
قامت شروق من مكانها بقله حيله تقرب له
: ناصـ..ر تكفـ.. قاطعها بحدهه : الزمي حدك ولاتقربين !
الحسنه فيك معصيه اذلفي لاعاد اشوف وجهك
شروق : ناصـ..ر والله مالي الا انت
طالعها بسخريه : مالك الا انا؟ ليه وينه ذا اللي خنتيني
معه؟ بعد م كنتي ع ذمتي وينه؟؟؟ اخذتك غصب عن
اهلك وصرتي زوجتي واسمك بجنب اسمي
دلعتك ودللتك جيتيني؟؟ بشريني تبرو اهلك منك؟
هذا اللي ابيه قومي انقلعي عن وجهي
شروق : تتشمت فيني ؟؟ ابتسم بخفه : لا مو رجال اذا تشمت ب ببنت
عاد مابالك لو كانت رخيصه مثل رخص التراب
شروق : ابوك هو اللي تحرش فيني هو اللي بغاني
ناصر : ورحتي له عشان الفلوس ؟ واحد بكبر ابوك
تبينه ؟ عشان فلوس؟
قربت له ومسكت ايده بضيق : م رحت له ناصر انا احبك
انت هو اللي كان يهددني فيـ.. الا سحب ايده من ايدها بقرف
بصراخ : اقسم بالله لاكسر ايدك ذي !! اذلفي باللي م يحفظك روحي دوري ابوي
وينه عنك؟؟ ولا خلص وحذفك للكلاب بالشارع؟
شروق : ناصر انا زوجتـ.. دفها عن طريقهه وفتح الباب الا هي تسحب ايده
: تكفى لاتخليني بالشارع تكفى اترجاك ي ناصر
والله لا اكل ولا اشرب ومحد يبيني لا انت ولا اهلي
تكفى ناصر الله يخليك والله لو رحت لاهلي بيذبحوني
ابـوك غصبني مو بيـ.. الا دفها بقوه عنهه ودخل وضرب الباب بوجهها
ب انفاسسه السريعهه ودمه يـــغــٌلي وعروق رقبته
بارزه حط راسه ع الباب وهو يحاول يمسك اعصابه
شروق وهي تطق الباب بضيق : ناصـ..ـر تكفـ..ى
افتح لي ناصر الله يخليـ..ك افتح ماعندي مكان غيرك
لاتتركنـ..ـي ناصر تكفى لاتتـ.. الا رفـــع عيونــٌه ع صـــوت طــلقــه الــرصــاص
وانقـــطع صــوتــــها لاشعورياً فتح الباب بســـرعه
بوســـع عيـــونه جـــمــدت كـٌل خــليه فـــيــه !!!!!
..
..
*____________*
> *يتبــ؏ . .*
*استغفر الله*
*سبحان الله*
*الله اكبر*
*الحمد لله*
*لا اله الا الله*
*____________*
*اتفاعلو لأكمل نشر الروايه*
*____________*