الفصل 3
*– ࢪواية : بَليت بَك وانتَهى امرِي*
*فمَا انْت الا الذّ البَلاء*
*– الباࢪت«» :*
*– الڪَاتبه : سلطانه.*
ــــــــــــــــــــــــــــــــــــــــــــــــ
*قناة : روايـــات سـعـوديـــة:*
https://whatsapp.com/channel/0029Vb6e2kiCsU9HOZMBmG27
*________________*
*قروب إعادة الروايات بارتات/ مستند للبنات فقط📍*
https://chat.whatsapp.com/JxcHwDK9xsa3kUeP2J6UCG
*__________________*
> *الروايه لاتلهيڪم عن الصلاھ اللهم بلغت اللهم فأشهد .*
*__________________*
" اليوم الثاني المساء "
بعد م رتب راكان الحجوزات دق الباب ماهي دقايق الا سمع صوتها : مين ؟
راكان : افتحي فتحت الباب
دخل راكان قفلت الباب شاف شنطتها لف عليها
: خلصتي
ملاك: ايهه
مرر راكان لسانهه ع شفته للسفليه نزل عيونه وطلع
كرتون من الكيس ومده لها : خذي
طالعت بالكرتون ثم رفعت عيونها تطالعه : وش ذا؟؟ راكان : جوال !
ملاك : معي جوالي
راكان : كيف تبيني اتصل فيك ؟ بتكلف علي المكالمات
بكلمك بسكايب ولا اي برنامج مكالمات
عقدت حواجبها : سكايب؟
تنهد راكان : احسك تستغبين علي مرات !
المهم حملت لك البرامج
وفيه شريحه ! بيستقبلك مشاري
مع عمتي دلال ! بتقعدين عند عمتي ام مشاري
سالفه انك تقعدين ببيتنا لحالك
شيليها من بالك
ملاك بنظرات تحدي وببرود تكتفت : ابي اقعد عند امك الجازي وبغرفتك
رفع حاجبه بصدمه : شــقلتي !!!
ملاك : مو انت ولدها خلاص انا زوجتك ومكاني بمكانك
وش يقعدني عند عمتك ؟؟؟ راكان : ناويه تجلطيني انتي ؟؟
ملاك ببرود : لا باقي م وصلت لهالمرحله !!
راكان : براسك شر !! تدرين زين ان امي واللي بالبيت
م يطيقونك ليه بتروحين لهم ؟؟ تدورين المشاكل !! ملاك : بالعكس ابي اتصافى معهم واتصالح مع امك
راكان : انسي ماراح ترضى فيك لو تبوسين رجولهت
نزلت ايدينها بنرفزه وحده : انت اللي تبوس رجولها
مو انا !لاتخربط بالكلام
ثم لفت وقعدت ع طرف السرير وببرود نطقت : ولابقولهم
عن البنت اللي لقيتها بغرفتك
طــيــر عيــونه راكــان فــيــها : نعـــم !!! م انخلقت
اللي تهددنــي !! رفعت عيونها له : ولا انخلق اللي يهيـنني !! صد بتأفف مسح ع وجهه : يااااااارب رحمــتـك !! لف عليها وبحده : بكيفك بحريقه اقعدي عندها
بس بتتحملين اي شي يصير معك والمصايب ! والله
ماوقف معك لو الحق بصفك ! خلي هالشي بعقلك المصدي
ابتسمت : بدون م توصي ي زوجي
تنهد : قومي يالله تأخرنا
قامت بابتسامه واسعه : من عيوني " طلعو من الفندق وبعد م وصلو للمطار وخلص
الاجراءات لرحلتها لف عليها قبل م تروح لمقاعد الانتظار
عطاها الجواز ومعه مبلغ بسيط : خذيه بيكفيك وزود لككم يوم ! لو سألك ابوي عني قولي
له اني برتاح كم يوم وانك تبين الرجعه ! ياويلك ي ملاك
لو تقلبين وتحرفين ب السوالف ! والله مارحمك ساعتها
الا رفعت عيونها ع صوت النداء للرحله للرياضض !
راكان: انتبهي ع نفسك ولاوصلتي عطيني خبر
ملاك بسخريه : بتفقدني ؟؟ قرب اكثر لها ابتسم : ي عسى هالفقيده دهر مو بس كم يوم
تغيرت نظراتها فيه لاستحــُقـُار !!!!
..
" لندن 12 بمنتصف الليل "
المطار
ملاك وراكان "
راكان بتنهد : لاتتأخرين ع رحلتك ولاتخلين جوالك مقفل !
ملاك : خلني اعرف كيف افتحه بالاول عشان اتعلم
شلون اقفله !
ثم اخذت الجواز والفلوس منه بابتسامه : اشوفك بعد اسبوعين
راكان : الله لايقوله
ثم ابتسم يغيضها : م ودك نصير حبايب للحظه وتضميني ؟
طالعته باستحقار : ذا اللي ناقص اضمك!!
راكان : واللي البارحه وش تسمينها ؟
ملاك : مع السلامه
لفت ومششت
راكان باستحقار: كأني ميت ع حضنك عاد !!! وهو يطالعها لحد م اختفت عن انظاره
تنهد باستسلام : الله يستر ع المشاكل اللي بتصير ! والله م رجعت
الا انها ناويه ع شي !
تأفف : اااخ انا الحمار اللي مشيت ع
شورك ي مشاري حمار !
لف وابتسم بابتسامه واسعه : يالله عـيش احلى ايامك
وانبســط لاتعكر مزاجك ي ولد ثنيان !
مشى وهم متحمس ولا كأن صاير شي معه !! _ " التوقيت ب السعوديه 10 الصباح" " بيت ام مشاري "
مشاري وهو يتقهوى مع امه ودلال
دلال : وانت موافق ع البنت ؟
مشاري : مابيها بس وش اسوي ب ابوي ؟؟ دلال : حاول فيه تحايلهه امكن يطخ عن اللي براسه
فهده : والله ان البنت تهبل ولا ابيها تطير من ايدينك
ي الحمار انت اطلب شوفه وبتنهبل فيها وانا فهده بنت ابوي
سرح مشاري بهاللحظه لذاك للموقف اللي صادفها فيه
كيف كانت تطالعه مصدومه ومرتبكه الا سرعان م شتت
هالتفكير عنه لمما نادته امهه !
لف عليها : لبيه ي ام مشاري
فهده : وين سرحت؟
دلال : فيه بنت ببالك ؟؟ فهده بشهقه : تخخخسي وتهبي مانت من هالسرابيت
ضحك : لاوالله مافيه
فهده : اي رجال ولدي سم لله عليك الله يصلح قلبك ي ضناي
_ " العصر "
بالمطار
بعد م وصلت استقبلوها
دلال وهي ترحب فيها : تو م نورت السعوديه
ملاك : منوره ب اهلها
دلال : يالله نوصلك حتى ترتاحين من تعب السفر
ملاك : تسلمين ي عمري
ركبو السياره
دلال : م ودك تقعدين عندنا ؟
ملاك : الاودي بس ارتاح عند خالتي
دلال : براحتك
وصلها مشاري عند بيت الجازي وقلبه مو متطمن
نزل شنطتها يدري ان ابوه هالوقت بالبيت وبتصير
بلاوي
اخذت شنطتها وقفت ع باب البيت دقتهه والابتسامه
مً تفارق شفايفها ماهي ثواني الا فتحته الخدامه
دخلت ملاك ببرود طلعت شمايل : مين ؟؟ الا نزلت ملاك نقابها بابتسامه خبيثه : انـا زوجه راكان
توســـــعــت عيــُون شمـُايل بصـــدمه الا طلعت
الجازي : وش صـ.. الا شهقت : ابك وش هالجنــُيــه !!! لفت ملاك ع الخدامه : شيلي شنطتي وحطيها بغرفه راكان
لفت عليهم : بقعد عندكم كم يوم لحد م يرجع راكان من السفر
مــثــل الصـــاعقــه اللــي طــاحــت عليــهـم !! الا طــلع جــبران بهاللحظــه
" بيت الجد جبران"
ابتسمت ملاك ب بتسامه واسعه : السلام عليكم ي عم
شمايل بصدمه وحقد : وين السلام والراحه وانتي قبالنا !
الجد جبران : وعليكم السلام
تلفت وراها بترقب : راكان معك ؟
تنهدت ملاك : لا عيى يرجع معي مدري شلون يرتاح هناك
بديار هالفجور استغفرالله مارتحت حاولت فيه بس رفضض
وقال انا مستانس هنا ارجعي لحالك خلاني اتبهذل ي عمي
لحالي بين للمطارات
شمايل بصدمهه تدري ان ابوها بينفجر من العصبيهه
حاولت ترقع الموضوع : شدعوه راكان مو كذا م يطشك
لاتبالغين ي بنت ابوك !
رفعت حاجبها ملاك : هذا الصدق سوء عجبك ولا ماعجبك
جبران : الله لايسسسلم فيه عظظظم كان هالولد مافيه غيره
ع اهله ولاهو رجال !! انا ربيت حماااار حمار
مين جابك ؟
ملاك بتمسكن : مشاري ولدك مع دلال وحرص عليه انك م تدري
عشان م ترجعه غصب وقال بقفل جوالي لايفكرون يزعجوني
حطت الجازي ايدينها ع راسها وهي تشوف ملاك تزيد
الطين بلهه مبين الخباثهه فيها !
شمايل : خلاصصص !
جبران بعصبيهه مششى : والله لاتللله مم رقبتهه مثل التيس !!! طلع بصصراخ ينادي مششاري !
ملاك وهي تطالع الجد جبران الا شهقت من الالم لفت
الا ب ايد الجازي تضغط ع عضضدها والشرار يتطاير
من عيونها بعصبيه : اااانتي بلووووه ع وليييدي بلوه !!!! طالعت ملاك ب ايد الجازي ثم رفعت عيونها لها ببرود
مسكت ايدها ونزلتها : والله هاذي تربيتك لولدك وتحمليها
ابتسمت ببرود : عن اذنكم تعبانه من السفر
لفت للخدامه : دليني ع غرفه راكان
وهي بتمشي بوسط صدمه شمايل و الجازي الا وقفت
ولفت عليهم وابتسمت : الله يسلمكم مقدماً
صدت بدم بارد ومشت بكل هدوءء وصعدت لفوق ورا الخدامه
ضربت ايدينها الجازي ببعض : لاااااااااعزالله ماعينا خخير
من هالهوله
شمايل بقهرر : تقـــهر يمممه تقـــــهر شششلون راكان
راضضضي فيها !!!! ماششوف علامات ضضرب !!! ليته داسس ع رقبتهااا نججسههه كيف تبهر السالفهه وتقلبه
ع راكان !!! ياووويييلي والله ماراح يرحمه ابوي
االجازي : والله لانخشش عيونها من مكانها وانا بنت ابوي
ماهي خابره الجاززي زين !!! _ " ملاك "
دخلت لغرفه راكان نزلت الخدامه شنطها
ملاك : سوي لي اكل حبيبتي جوعانه
فهت الخدامه فيها ثم هزت راسهت بطواعيه وطلعت
قفلت ملاك الباب ولفت وهي تتأمل غرفته كلها ب تفاصيلها
نزلت عبايتها حطتها ع السرير شد انتبااهها برواز الصوره اللي ع الكوميدينا قربت اكثر شالتها ب ايدها تطالعها
الااااااااااااااااااااااا جمــــدت كـــــل خــــلــــيـــه
بجـُســـمهـا
وعصــــفــت فــــيـــها الذاكـــره لــورا ب كل سوداويــــه !!!
..
..
ملاك وراكان : " ملاك "
امتلت محاجر عيونها بالدموع بهاللحظه ب الحقد والكره
يحرق قلبها وجوفها ضغطت ب ايدينها بقوه ع الصوره
نزلت دمعتها بحرقه وانسابت ع خدها لحد م طاحت ع الصوره
الا بهاللحظه قطع حبل تفكيرها وحزنها الباب لما انفتح
بقوه رفعت راسها واستوعبت نفسها الا ع صوت الجازي
بعصبيه وكراهيه : وانتي ي مقصوفه الرقبه م تطسين ؟؟ هاه ؟؟؟ بلوه وبليتي فيها وليدي وجيتي وتربعتي بهالبيت
وش نيتس ؟؟؟ تبين الخير والعز ؟ شفاحهه؟؟ مسحت ملاك دمعتها وتغيرت ملامحها لجديه استجمعت
فيها نفسها وابتسمت ولفت عليها
بكل برود : افا ي خالتي م تبيني؟؟ طاحت عيون الجازي ع الصوره بين ايدين ملاك اشتطت
ب عصبيه مشت وبايدها عصاتها سحبت الصوره من
ايدين ملاك ببعصبيه وعيونها شرار : وخررري ايدينتس
النجسه ذي عن صوره عيالي يامال كسر الايد
امداتس تحوسين بغرفته وتنخشينه ؟؟ دفتها الجازي بعصبيه : لاتفرحححين والله لاطا ع رقبتس
بهالبيت وامسح فيتس بالارض وان كان فيتس خير
بس اهرجي وتبلي ع وليدي ماينلام ضناي يوم حذفتس
ورجعتس يبي الفكه مير انا الجازي لاتحسبيني زي
هالشايب جبران يوم صدقتس وحن عليتس ؟ لاااا
انا قليبي مايرحم والله لاوريتس نجوم القايله
ابتسمت ملاك : ماشاءلله عجوز وفيك حيل تهاوشين ؟
اللي بعمرك تكون ع سجادتها وماتبي الا ان ربي ينزل
رحمته عليها قبل م ياخذ روحها
استخفت الجازي من كلامها مسكت عضد ملاك بقووه
: مصصصصيبه تصيبتس
ي الهوله جعلتس للطاعون اللي م يفكتسس
تبيني امووت؟ انااا داريه انتي ناويه تذبحيييني
هاه ؟
عفست ملاك وجهها ب الم سحبت ايدها بقوه : شكلكم متعودين ع مده اليد ! تاكدت الحين ان
هالزوج المصون تربيتك
قاطعتها الجازي بعصبيه : وششش قلتتتتتتي ؟؟؟؟؟؟ لاتخليييني اقصص لسانتس هذا !! هالبيت
كلن فيه يحشم الثاني ويقدره مير انتي مب وجه
حشيمه وتقدير انا اللي بربيتس واعلمتس شلون
تمسكين هاللسان اللي يلوط اذانتس
ملاك وهي تستفزها : لو ع التربيه وتبيني امسك لساني
كان علمتي نفسك بالاول
الجازي وضغطها بدا يرتفع : لااا انتي بتجيييبين
لي الجلطه
مسكت راسها : لالا هاذي بتججلطني وبموووت
دخلت شمايل ع صراخ امها : شششفيه شصاير؟
مشت ملاك ببرود وقعدت ع طرف السرير ونطقت ل شمايل :
امسكي خالتي لاتطيح علينا ي حرام من فرحتها فيني
داخت
شمايل بنرفزه : تخسين محد فرحان بوجودك هنا
مصيره بيجي راكان ويقلعكك
ضحكت ملاك بسخريه وطالعت بالجازي ؛ لا واضح ف هالبيت
تحشمون الثاني وتقدرونه
..
..
*
" بيت فهد "
نزل هم يعدل الكبك
طلعت اريج من الصاله الا صادفته
ابتسمت : بتطلع ي روحي
فهد : اي بروح لسعود
قربت اريج وهي تسكر زرار ثوبه فهى فيها
فهد بدون م يحس بنفسه بريحه عطرها
اللي يشمه ارتبك بهاللحظه مسك ايدينها
ينزلها ودقات قلبه سريعه
وبلعثمه يدور بعيونه ع تميم : تميـ..ـم وين ؟؟ ماشوفه
فهمت اريج انه بدأ يرتبك من قربها ابتسمت
ورفعت عيونها تطالعه : ليه
تجاهل نظراتها وهو حاس فيها ومشى : ابيه يروح معي
رفع صوته : تميييييم وينك ي بابا ؟
اريج : طيب خلني اروح اجهزه
لف عليها فهد : بتطولين ؟
اريج : لا ثواني بس
فهد : استعجلي يالله
ابتسمت : ابشر من عيوني
صعدت لفوق طالعها فهد لحد ماختفت عن انظاره
مشى بتنهد قعد ع الكنب بنفسه : شفيك ي فهد
بديت تلين لها ؟ هالايام م فارقت ابتسامتها عن شفايفها
والفرحه بعيونها اشوفه لهالدرجه كانت منتظره مني
حنييه ؟؟ هالقد قسيت عليها ؟؟ زفر بعممق : والله اني بحيرهه ورطت نفسي
الا قطع عليه رنين جواله طلعهه من جيبهه
شاف الرقم الا رد بسرعه : الو هلا ي جراح
بشششر لقيته ؟؟ جراح : ابي تجيب لي ولد خالتك محمد اللي كان
مع سعود لان مسكنا واحد بس مابي يعترف
ويجحد مدري اذا هو اللي طعن اخوك ولا ف نبي
نتاكد اول قبل م نبدا الاجراءات الرسميه ونشوف
اذا اخوك يبي يرفع شكوى عليه ولا
فهد : ابشششر الحين اجيبه لك انتظرني
جراح : فهد لازم اخوك يرفع شكوى حتى يكون
مصرح لنا نستجوبه لان مافيه كاميرات بهالكافيه
حتى يثبت الطعن!
فهد ؛ ماعليك ازهله بيرفع شكوى وينسجن هالكلب
والله لو يبوس رجولي ويترجاني مااراح اخلييي
سعود يتنازل عنه
جراح : الحمدلله اللي ربي ستر وجت سالمهه
فهد : اي والله الحمدلله هالحيوان لازم يتربى
جراح ؛ ماعليك بس ارفعو شكوى واحنا نشوف شغلنا معه
فهد : والله م قصصرت ونعم الخوي خلصت الموضوع
لي بيومين
جراح : افا عليك مابيننا
فهد : يالله ساعه بالكثير واجي مع محمد
جراح : بانتظاركم
فهد ؛ ع خير
قام وقفل الخط مشى باستعجال
نزلت اريج وتميم معها : تاخرت عليك؟
فهد : يوه عاد بطلع كنت عندي شغله مهمه
اريج باستغراب : ماراح تروح للمستشفى ؟
تميم : بتاخذني بابا
طالعه فهد بتردد ثم ابتسم : تعال تعال والله ماردك
مشى له تميم بفرحه
مسك ايده فهد : بخليه عند مناف وسعود بالمستشفى
وبروح اخلص لي شغله امكن يرجعه مناف
اريج : طيب انتبه ع نفسسك وانتبه عليه لاوصيك
فهد : ان شاءلله
لف وطلع ابتسمت اريج وهي تودع تميم
طلعو وركبو السياره
لما حرك فهد الا بالسياره اللي حركت وراه و
دعسس اكثثثر ع البنزييين بقوووه باتجاه سسياره فههد !!!!!!
..
..
*
" ملاك "
شمايل بقهر : انطميي ولانسمع حسك
راحت ومسكت امها : تعالي ي يمه ماعليك من هالسفيهه
بيجي راكان ويربيها ويوريها الويل
ملاك بابتسامه : خالتي لاوصيك خذي عصير
ليمون ترا يهدي الاعصاب
شمايل وهي تطالعها بقرف : اسفهيها يمهه م يسوى عليك
تكلمين هالاشكال
الا دخلت الخدامه : بابا يبغى هاذي زوجه راكان
الجازي : قولي له نايمه
الا قاطعتها ملاك : الا قولي له اني جايهه
الجازي بعصبيه : عتبي عتبه هالباب بحشش رجولتس
حش حزته
اخذت ملاك عبايتها وهي تطالع ب الجازي وتغيضها :
م تحكم ولدك فيني قبلك ولاقدر مو عاد انتي تسوينه
لبست عبايتها ومشت الا سحبتها الجازي
بعصبيه : محد يكسسسر كلمتي
اخذت المفتاح : بربيتس وماتشوفين الا العين الحمرا
ملاك : ربي عيالك زين اول !
دفت الجازي شمايل ع برا : صبرتس
علي بس
وطلعو
قفلت الباب : انثبري هنا ياجعلتس ماتقومين من نومتس
وافرح
ملاك : عقبال ماشوف هالدعوه تستجاب فيك
طيرت عيونها الجازي : وشهوو
لفت ع بنتها شمايل
ا: اوحيتي وش قالت
هالمارجه ؟؟؟ مالها قعده عندي بالبيت مـ.. الا قاطعهم جبران بحده : وش عندتس ي مره ؟
لفت الجازي بربكه : هـ..اه
الا قطع عليهم ضرب الباب بصوت ملاك بترجي: افتحححي
حرام عليك ي خاله تقفلين الباب وانا
جوعانه وميته تعب من السفر يكفي ولدك وش سوا فيني
ارحميني
طيرت عيونها الجازي ولفت ع شمايل اللي ارتبكت اكثرر
اسستهاضض جبران بعصبيه وبحدهه ضرب عصاته
بالارض : وشش مسسسووويه !!! الجازي بارتباك عطت المفتاح لشمايل : افتحيه افتحيه
جبران بعصبيه : انهبلتتتي ؟؟؟؟ فتحت شمايل الباب وهي عارفه ان ابوها ماراح يمشيها لهم
الجازي : مابيها عندي اقلعها برا هالبيت
ملاك بتصنع بكى : والله لو ماجيت ي عم كان خلوني محبوسه هنا
يكفي اني اني رجعت وانا ساتره ع ولدك وساكته ع اللي سواه
القى هنا بعد هالمعامله الشينه ؟
طالعها جبران ب ترقب : وشش سسوا ؟؟ ملاك بتمثيل بتردد : مابي اقول لانه يهددني
جبران : عليك الامان ي بنيه قولي وش سوا هالكلب !
نزلت راسها ملاك بتردد : من اول ليله بلندن طلع لحاله
وخلاني بالفندق لحالي مارجع الا ع اخر الليل وسكران
ومعه وحده اجنبيه ودخل للغرفهه عندي وهي معها وطردني لتحت اللوبي قعدت ليلي كله للصبح تحت بين الاجانب والفندق مليان سكارى
ططططير عيييييونه جبراااان ب صصصدمهه وشيااااطين الجن تترااااقص حووله
بوسط صدمه شمايل والجازي !!!!
" بيت الجد جبران"
الجازي بعصبيه : ياااامقصوفه الرقبهه تتبلينهه ؟؟ ذا تربيتي ولدي ضناي مايسويها ولاله بهالسـ..
جبران بنبره تخفي وراها براككييين من الغضب : حسابه عسير
لف ومشى
رفعت عيونها ملاك تطالعه وهي كابحه ابتسامتها همست بنفسها
بتوعد
: باقي م شفتو شي اذا ماهديت سقف هالبيت عليكم
ماكون مروه
طالعت بالجازي اللي مصدومه من هدوء جبران المفاجئ
شمايل بعصبيه سحبت ملاك : اياااا السـسوسـه
ابليسس تبين تخربين بينه وبين ابوي ؟
سحبت ايدها ملاك بنبره حاده : ماكشفت لكم الا حقيقته
اللي معميين بعيونكم عنها !
لفت تطالع ب الجازي وكملت : ولدكم داشر ! يحسب
اني زي هالبنات اللي ينلعب عليكم بس مو انا ملاك
اللي ينداس عليها
لفت وتجاهلت نظرات الجازي الحاده فيها اخذت مفتاح غرفتها
وسكرته وقفلتهه بكل برود بوسط نيرااان شابه بضلوعهم
بحقد وكراهيه فيها
الجازي بتهديد : انا اعرف شلون اطلعها من هالبيت
جعل ربي م يسلم فيها عظم !! امشي معي امشي !
لحقتها شمايل وهي مترقبه فكره امها بفضول !
_ " ملاك "
اخذت جوالها فتحته اتصلت ع رقمه " من جهه ناصر "
وهو طالع من المطار بعد م رجع من لندن
انتبه ل رنين جواله ب جيبهه طلعه عقد حواجبه من الرقم
رفعه ورد بنبره صوته الثقيله الهاديه: مين معي !
ملاك : رجعت معي بنفس الطياره بعد !!! لمتى بتلاحقني انت
دخل ناصر شنطته ب السياره ب ابتسامته الهاديه وركب
السياره : ماشاءلله عندك دقه نظر !
ملاك بنرفزه: وانا يخفى علي شكلك؟اخلص جاوب !
رفع حاجبه ناصر : افهم من هالنبره انك تنافخين علي؟
ملاك : افهمه باللي تبي ! كنت بتفضحني عنده !
بدا يشك فيني بسببك !
ناصر : حلو دامك استوعبتي انه خبيث لايغرك افعاله
وضحكه معك تراه من تحت لتحت
ملاك : مالك شغل
ناصر بحده : الا لي شغل ترمين نفسك بالنار وعند مين؟
عشان هالعايله ؟ هو اخذت جزاته اللي سواه فيـ.. قاطعته ملاك ودمها يغلي من طرى هالطاري : محد اخذ
جزززاه !! والله لاذوقهم من نفس الكاس اللي ذقته !! اخذت نفس تهدي نفسها شوي وتنهدت : اسمعني ابيك
قاطعها ناصر : م تتأمرين علي بهالنبره الف مره اقولك !
ملاك بتأفف : وانت وش فيك علي ؟م انافخ ولا اتأمر!
ناصر : قصري صوتك وقته بسمع لك
ملاك بهدوء تحاول تمسك اعصابها قصرت صوتها
: تسمعني كذا استاذ ناصر ؟
ابتسم ناصر بسخريه : كملي
ملاك : ابي راكان يرجع دبر له اي بلوه وجيبه غصب
رفع حاجبه ناصر ب تعجب استفزه طلبها : امداك اشتقتي له!
ملاك : مالك علاقه ! مابيه يتهنى برا ويرتاح وانا موجوده بحياته !
ناصر : اذا ع الرجعه لازم ابتليه ب شي قانوني
ملاك بابتسامه : مسموح اهم شي يرجع
..
..
" فهد "
لما حرك فهد الا بالسياره اللي حركت وراه و
دعسس اكثثثر ع البنزييين بقوووه باتجاه سسياره فههد!!! ماهي اخر لحظه الا لف فهد ع الييمين بسسسرعه
تدارك السياره قبل تحدهه وسحب فرامل بقوهه
لدرجه فز قلب اريج ب خوف الدنيا بقلبها فزت
من مكانها بسرعه تركض لبرا
رفع راسه فهد يطالع بالسياره اللي تعدته بسرعه
حاول يلقط رقم اللوحه م قدر صرخ بعصبيه
ضرب الدريكسون بقوه
الا تذكر تميم لف عليه بخوف : تمييييم يبهه انت
فيك شي ؟؟؟ رفع راسه تميم وباين لون وجهه مخطوف من الخوف
ضمهه فهد بتنهد وراحه : الححمدلله حسبالي فيك شي
ابعده عن صدره ومسح ع وجهه : يعورك شي ؟
هز تميم راسه ب لا
فهد ب انفاس سريعه رجع بسيارته ع ورا الا انتبه ل اريج
فتحت الباب بخوووف
نزل فهد من السياره
طالعها : ادخلييي ادخلي
اريج بخوف امتلت الدموع بعيونها : شصاااير ؟؟؟ تميم وينه ؟؟؟ فهد وين ولددي !!! مشى فهد وفتح الباب نزل تميم وشاله : مافيه شي ي بنت الحلال ادخلي
اريج بخوف نزلت دموعها لما دخلو اخذت تميم
من ايدين فهد بسرعهه وضمته : يممممه ي روحححي
انت والله انجنيت يوم سمعت صوت السياره
رفعت عيونها لفهد : شصار ؟؟؟ فهد بتفكير وحقد : مدري هالكلب حدنا بالسياره
اريج بصدمه : حدددك ؟؟؟ مين ؟ م شفته ؟
فهد بقهر : لااا بس والله لاجيبه مادام راسي يشم الهوا
مايروح من ايديني
اريج بخوف : وش بتسوي ؟
قفل فهد الباب امشو داخل
مشت اريج معه بخوف : وش بتسوي قول لي ؟
فهد بتوعد وبراكين بداخله :
لاتشيلين هم هالوصخ بربيه وبعرف وش نيتهه
من اللي سواه
بشوف كاميرات البيت والشارع والجيران واصيدهه غصب
والله مايروح من ايديني
اريج بخوف : اخاف يسوي فيك شي ؟؟ فهد تكفى
انتبه
طالعها فهد : ماراح يصير شي خذي تميم لفوق
وهديهه
قرب له وباس راسهه : مافيه شي ي قلب ابوك يالله
روح لغرفتك مع ماما وانا شوي وبجيب لك بساكيت
وشيبسات
اريج بقلق نزلت تميم ووقفت تطالعه : تكفى حاول تعرف مين ذا دام ناوي عليك
ومعك تميم بيكون ناوي شر
بمسح ع وجهها بايده : لاتخافين م يصير لكم شي وانا
موجود
تغيرت لها نظراته ب استعطاف ع حركتهه نزلت دمعتها
: خايفـه يكون ناوي شي لك ولولدي والله ي فهـ.. لاشعوريا ضمها فهد ومسح ع شعرها : اشششش
لاتوسوسين والله ماراح ينحاش من بين ايديني
بجيبه ولو من تحت الارض
شدها لصدرههه يحاول يطمنها بحضنه
..
..
" بيت العم علي "
نجد وهي بغرفتها ب خوف
نزلت دمعتها من رساله التهديد اللي وصلت لها من ولد عمها
عناد ! طالعت بالمحادثه وعيونها مليانه دموع
وهي تقرأ كلامه ب تهديد وتوعد تدري فيهم بيسوونه بدون م يرف لهم جفن برحمه
نزلت جوالها بتردد : ياربي اسويها ولالا ؟
بعد حيره وتردد استجمعت نفسها وفتحت جوالها ع الواتس
بربكه ترجف ايدها وهي تكتب ارسلت نزلت جوالها بسرعه
بخوف حطت ايدها ع فمها بلحظه تراجعت
تن اللي براسهت : لالا ي نجد لا
وهي بتحذف الرساله ووتسوي استرجاع من المحادثه
الا سرعان م فتحها هو شهقت لما شافته اونلاين !! : فتحها !!
" من جهه مشاري "
وهو ماسك جواله باستغراب من الرساله من هالرقم : مساء الخير انت مشاري ولد العم جبران؟
رد : هلا اي مين معي ؟
الا ردت ع طول : اسفه غلطانه
الا توسعت عيونها بصدمه لما كتب : انتي نجد ؟
نششف الدم بعروقها بهاللحظه م توقعته بيعرفها ؟
ارسلت بخوف ترجف : مابي هالزواج يتم اعمامي ماراح يخلوني
واولهم عناد يهددني انه بيذبحك ويذبح ابوي والله يسويها مابي هالمشاكل كنسل الزواج
استعدل مشاري بقعدته ب اهتمام وتركيز ارسل : ارسل يهددك هالكلب؟؟ ردت نجد : هالزواج
مابيه يتم خايفه من المشاكل تكبر
مشاري بتهديد : انتي ف وجهي والله م يمسك شي
ارتبكت نجد اكثر من كلامه م ردت بحرف
الا ارسل مشاري :خايفه منهم؟؟ نزلت دمعتها بخوف بهاللحظه
_ " بيت الجد جبران "
الا ع نزول ملاك رفعت عيونها الجازي بعصبيه نطقت : وانتي وش جاااايبك ؟
ملاك ببرود دخلت وقعدت : ماجاني نوم
م كملت كلامها الا ع دخول الجد جبران ابتسمت ملاك : هلابك ي عم كنت ابيك بكلمه راس
قعد جبران بدون م ينطق حرف
الجازي ؛ اسكتي لاقص لسانك من عروقه
تجاهلتها ملاك : ي عم انا صراحه بعد اللي سواه ولدك
اخاف ع نفسي ولا ابي اقعد ببيتنا لحالي اخاف يجيب اخوياه
وهو مو بعقله ولا يسوي شي ف اذا ماعليك امر وانا بحسبه بنتك
ابي اقعد هنا بهالبيت وبغرفته م نبي نطلع بشقه لحالنا
شهقت الجازي بعصبيه طيرت عيوونها بشرار : تخسسيننن وانا اخت عبدالله والله ماتنثبريـ.. الا قاطعها جبران : ماقلتي الا الصحيح ي بنيتي البيت بيتك
ومقعداتس هنا مير دقي ع هالحمار وينه مايرد
ال جازي بعصبيه جن جنونها : ولله ماتنثبرررر ببيتي
الانطقت ملاك بكل هدوء مخفيه وراها ابتسامه شرانيهه وخباثه
بسألك ي عم راكان له اخو متوفي ؟؟ لان لما كنا بالبحرين سمعت راكان يكلم شخص وكان يهدده هذا ان راكان سبب بموت اخوه وبيفضحه عند العايله ؟
الا عم المكاااان هدوووووء مخييييييف بصصصصصصدمههههه!!
..
" بالمستشفى "
تحديداً بغرفه سعود
ام محمد " خاله سعود وفهد ومناف"
نطقت ب قلق : ي وليدي وش لكم بالمصايب
ليه تتهاوشون معهم؟ هذا وانتم العاقلين !
محمد : ي يمه والله محد تهاوش معه هو الملقوف
مناف : اكيد فيه شي بينك وبين ذا اعترف
سعود : مافيه شي بس هو براسه حرش
مناف بشك : ويوصل للطعن؟ اعترفو انتو الاثنين
وش صاير؟
محمد : مو صاير شي يابن الحلال
مناف : طيب وينه هو ؟ مو معقوله م تبي ي سعود تشتكي
عليه !
سعود بتنهد : سكر ع هالموضوع مافيني حيل
مناف بتنهد : طيب تعال معي ي محمد
محمد باستغراب : بقعد شوي وبلحقك
مناف : طيب يالله بنزل اجيب لي مويه
ام محمد : طيب ي يمه
طلع مناف
رفع عيونه سعود ل محمد اللي يأشر عليه بمعنى
وش يبي منك !
هز كتوفه محمد بمعنى مدري !
تنهد سعود
ام محمد : يالله ي يمه بتطلع وترتاح وترد لعافيتك
ونخطب لك ونفرح فيك انت ومحمد البنت تنتظر
عقد حواجبه سعود باستغراب : اي بنت؟؟؟ طالع محمد بامه وهو يحاول يصرف الموضوع : شدعوه ي يمه بدري بدري ماعلينا متى يطلعونك ي الحبيب ؟
طالع سعود ب محمد بنظرات شك : شفيه ي محمد !
لف ع خالته : اي بنت تنتظرني ؟؟؟ خاطبين لي وحده
من دون علمي ؟؟؟ ام محمد بربكه : هاه ؟؟ لالا ي يمه انا حسبالي ذي
الخطبه القديمه بس شكلكم كنسلتوه
رفع حاجبه سعود : ي خاله ترا م تعرفين تكذبين
مين قال لكم اني ابي الزواج؟
محمد : ياخي والله انك معطي الموضوع اكبر من
حجمه ترا اللي فيك مرض مو يعيقك عن انك تكمل
حياتك لاتكبره وانا اخوك
طالع سعود ب محمد نظره حاده فهم محمد وسكت : طيب خلاص ع راحتك
ام محمد : كل بنت تتمناك ي يمه الزين فيك ووظيفه
ورجال ويعتمد عليك ماشاءلله تبارك الله
سعود : والبنت اللي تتمناني بترضى ان زوجها مريض ؟
طالعته ام محمد بحزن واستسلام !
_ " مناف "
وهو نازل تحت دخل ل كورنر المقهى اللي جنب
المستشفى بيطلب قهوه الا انتبه للي وقفت جنبه
وطلبت لاتيه حار عقد حواجبه هالصوت مو غريب ع
مسامعه لف عليها عرفها من عيونها وهيأتها
لفت عليه لما انتبهت لنظراته عرفتهه تغيرت نظراتها
لحقد : هذا انت! تطلع بوجهي بكل مره
لف عليها مناف بتعجب : بالله؟؟؟ م كفاك موقف ذاك
اليوم لما هاوشتيني ع ان بس جبت لك بطاقتك!
انتي شفيك محسستني اني ميت عليك وادورك والاحقك
طالعته بحقد : نعم؟ بتقنعني ان ذي صدف؟؟ مناف ؛ مدري عنك كانك اول مره تشوفين رجال بحياتك
صادفتيه بموقفين وواخذتي مقلب بنفسك ان يدورك
استفزها كلامه اخذت كوب القهوه من جنبها بتكبه بوجهه
الا ع اخر لحظه مسك ايدها طاح الكوب منها
بحده نظراته فيها وبنبره حاده: حـــٌـدك عــــاد !!!!
ارعبتها حركته
..
..
" اريج وفهد "
ابعدها عن حضنه لحظه م استوعب نفسه
ارتبك اكثر : انـ..ـا لازم اطلع الحين
ابتسمت اريج من بين دموعها : بس تكفى
انتبه ع نفسك واشتكي عليه لاتخليه يعدي
اللي صار
فهد : ابشري يالله مع السلامه
اريج : بحفظ الله استودعتك يارب انتبه لك لاوصيك
فهد : ان شاءلله
لف وطلع
اريج بقلق : يارب تحفظه ولايصير فيه حسبي الله ونعم
الوكيل
قفلت الباب من بعد م طلع بخوف وهي شايله همه
ضمت تميم لها ماهي دقايق دخلت للصاله وقعدت
الا انتبهت ل رساله الواتس من اخوها : الو اريج انا برا افتحي لي
عقدت حواجبها باستغراب مو من عوايده يجي لهم !
ردت عليه : انت برا؟يالله دقايق
قامت وطلعت فتحت لهه وهي مو متطمنه من جيته
الا دخل ببشاشه : يااااهلا والله ب اريجج اوخيتي
سلم عليها طالعته باستغراب : هلافيك
عامر : تممميممم ؟؟ والله وكبرررت ي الصغير
ضضمه له وشاله
اريج : غريب تجي للبيت اول مره
عامر : افا م تبيني ازورك اوخيتي الوحيده ؟؟ اريج : لالا شدعوه بس مو من عوايدك وعشان فهـ.. قاطعها عامر : بتخلينا واقفين
اريج : لالا حياك تعال
دخلو وقعدو بالصاله
عامر بكراهيه : وين زوجك ذا؟؟ اريج بتنهد : شفيك عليه ي عامر؟ انت للحين
حاط دوبك من دوبه!
عامر بحقد : اشوفك تدافعين عنه ! ترا انا اخوك
اريج : لاتقول كذا كلكم عينين بالراس
عامر : المهم انا جاي عشان ** توسسعت عيون اريج بصدمه بعد مانهى كلامه :شقلت؟؟؟؟ لامستحيل عامر والله ماراح اسويها
عامر بتهديد : بتسوينه وغصبن عليككك
طالعته اريج بخوف ضمت تميم لها
_ " بيت العم علي "
ارسلت نجد له : انا اسفه اني ارسلت لك لاتفهمني غلط والله بس ماعندي الا هالحل مابي ابوي يدري " جدها"
ولا اقدر ارفضك بيزعل ابوي علي
ارسل مشاري : معذوره ي بنت الحلال مافهمتك غلط
وادري انك متربيه ولالك بهالسوالف بس احسن شي
سويتيه بس علميني هو جاكم من بعد ذاك اليوم ؟ خايفه منه؟
نجد : لا م جاء بس انا مابي المشاكل توصل لك ولاهلك
مشاري : م عاش من يهددني وماتوصلني منك تطمني
هو اذى لكم وابي اشيله من طريقكم هالورث حقك
ولو تنطبق السماء ع الارض م يشوفونه دامك بتكونين
حلالي وزوجتي !
ارتبكت اكثثثثر بهاللحظظظه من كلمه " حلالي وزوجتي"
مشاري : بيتم هالزواج باذن الله بس بلكي رقمه واي شي
يوصلك منهم ارسلي لي
نجد : فآمان لله
طلعت من الواتس بسرعه بارتباااااك
استغرب مشاري كلمتها انها سحبت نفسها بسرعه!
وهو بيطلع من الواتس الا وصل له اشعارات رسايل
وصور من رقم غريب فتح الصور الا جـــــمــــدت
مـــلامــٌحـه بصــور نجــد ب وضعيات شينـٌه وعاريه!
..
" بيت الجد جبران "
الا عم المكاااان هدوووووء مخييييييف بصصصصصصدمههههه!! شمايل بصدمه : شقــــلتي !!!! اكذبي غير هالكذبه ي
الخبيثه ي ابليس
قاطعتها الجازي بعصبيه قامت وسحبتها بقوه : قـــومي قومي مالــك قعده بهالبيت !!! قام جبران بكل هدوءء نطق بنبره هاديه : خليـها
لفت عليه الجازي بصدمه : شقــلت؟؟؟ وانت باقي واقف
بحيدها ؟ " بصفها"
الجد جبران بنبره شديده : قلت لك خليها !
سحبت ملاك ايدها منها وهي بداخلها مستانسه باللي يصير
: م توقعت ان كلامي بيصدمكم انا حسبالي ان عندكم علم
بس كان فضول اني اعرفه وخلاص مابي اي شي
ولا راح اجيب هالسيره
لفت مشت وصعدت لفوق
تاركه وراها شمايل والجازي ودمهم يغلي من القهر والعصبيه
ع سواتها !!! دخلت ملاك غرفتها اخذت جوالها
وارسلت ل ناصر مسج : كمل الباقي
ابتسم بكل مكر وسكر جواله
بعد م شاف رسالتها
وهي تدور رقم راكان الا انتبهت انه مسجل اسمه
ب " حبيبي " تنرفزت بهاللحظه بحقد !! : تخسي ي الكلب !! انا اعلمك كيف اخليك تدفع ثمن
هالكلمه ي راكان ثنيان! ارسلت له انها تبيه ضروري
سكرت جوالها بانتظار رده
_ " بالمستشفى "
انصدمت رؤى من حركتهه سحبت ايدها بهاللحظه
بقهر : احترم نفســك!!! مناف : لا احترمتي نفسك وقته بحترمك
رؤى : محترمه نفسي قبل ماشوف اشكـالك!!! الا وقفت ع حس المدير بعصبيه نطق بعد م تجمعو عليهم
: الممرضــه رؤى !!!! ارتبكـــت بهاللحظــه لما سمعت صوته لفت عليه : هـ..لا
المدير بعصبيه : سلمي بطاقتك والبالطو واعتبري ان
دوامك انتهى بهالمستشفى !
توسعت عيونها بصــدمــه !!! لفت عليه رؤى من بين دموعها : حسبي الله ونعم الوكيل فيك
الله لايوفقك !!! مشت وتعدتهه بقهر بخطوات سريعه
مناف : لحظه ي بنـ.. قاطعه المدير : نعتذر لك ع هالتصرف اللي بدر منها
بس ان شاءلله اول واخر مره !
مناف : ان شاءلله لان هالنوعيات تشوه سمعه مستشفاكم
واحسن شي سويته
ابتسم للمدير : عن اذنك
لف وطلع ركب سيارته بابتسامه : هذا درس لك حتى تحترميني
مره ثانيه !
حرك سيارته ومشى
_
مر الليله بكل هدوء بعد اللي صار الساعه ٢ ونص
" ملاك "
وهي نازله لتحت بهدوء وخفيهه وكلهم نايمين
فتحت الباب وطلعت للحديقه كانت مظظظلمهه وهي ماشيه للباب م حسسست الا بايد
تسحبها لهه ضرب ظهرها بصدره العريض
توسسسعت عيونها بصدمهه ع صوتــه وانفاسه الحاره تلفح
رقبتها : وين رايــحه ؟
شهقت بصدمه : راكــان !!!!!
..
..
فكها ناصر ب استفزاز : تشبهيني بهالكلب!
لفت عليه ملاك بعدم استيعاب : انــــت !
ناصر بشك : وين رايحه؟
لفت حولها ملاك بترقب ان احد بيلمحهم ثم لفت عليه
: انت وش جابك هنا؟؟ ناصر : كنت ابي اي اوراق رسميه تخص ذا الزفت راكان !
ملاك بهمس بعصبيه : م تعرف ترسل ؟؟ ولا تجهل تقنيه الرسايل
ناصر بحده قرب : تحبين تعانديني ؟
ملاك : جاي لهنا تبي تفضحني ؟؟ تبي كل شي بديت فيه ينقلب علي ؟
ناصر : والله زين عرفتي وين وصل فيك تهورك وجنونك ؟
بالاول جاوبيني وين كنتي بتروحين ولابسه عبايتك؟
ملاك : مالك دخل فيني !
ناصر : والله هالكلام وصليه لعمتي مناير وفهميها هالشي
ولا انا وش ابي فيك ؟ اشقي عمري عشانك وعشان مصايبك
ملاك بنظره تحدي : انا ماحتاج
رجال يتأمر علي ب افعال واقوال مو وصي علي انت!
رفع حاجبه ناصر : وانتي بظنك اني انا بحاجه لاذنك
حتى اكون وصي عليك؟
طالعته ملاك بنظره استحقار من فوق لتحت : انت ليه
شايف نفسك!! ناصر : وانتي ليه متمرده وعنيده !
صدت بتأفف قلبت عيونها
مسك وجهها من ورا النقاب ولفها عليه شد ع فكها : عيونك م تقلبينها بهالطريقه !! تحترميني غصب
تمردك واسلوبك هذا عنده هو مو عندي !
طيرا عيونها فيه بصدمه من حركته لاشعوريا سحبت ايده
الا هو يشد ع فكها اكثر اوجعها غرست اظافرها بايده
سحبه ع طول متناسي المـه !
ملاك بصدمه انفجرت بعصبيه : مــاتمد ايـٌدك لا اكســرها
لــك والله اسويـها ! تدري شلون !! انا ماعاد ابي مساعدتك
ابد بحريقه تحرقني معهم لاتتدخل ولاشوفك معتب هالبيت
ولاترسل !! انسى اني كنت بحاجتك وانا بفهم مناير هالشي
تحسب هي ان بتساعدني م درت انها بلتني ف واحد مريض
اقسم بالله لو اشوفك مقرب لي مره الثانيه لاجمع كل
اللي بهالمكان عليك
ابتسم ناصر ب سخريه ؛ وش بتقولين لهم؟ سارق ؟ قاتل؟
ملاك : لاتستهين فيني !
ناصر : انا اللي بكسر شوكتك
لمعت عيونها من بين حزنها الا بنظره تحدي تخفيها فيه : م تنكسر شوكتي ولا تنهد الجبال اللي بصدري من بعد هالسنين كلها !
ابعد من طريقي ولاتشوفك عيني !!! ناصر : ماقدر
ملاك بعصبيه قربت بنبره حاده : افهـم افهم انا ماعاد ابي
احد بحياتي !!! مااااعاد ابي بهالدنيا الا نفسي !! ناصر بعصبيه قرب : ليه م تقولينها لهالكلب راكان !! ليه تبينه ؟؟؟ ملاك بنرفزززه تتكلم بنبره سريعه : ليه حاط دوبك من دوبــه شدخلك فيني وفيهه !!! مالك علاقه فيه خله بحالـه انـا اللـ.. قاطعها ناصر ودمه يفور ويغلي وعروق جبينه ورقبته بارزه
من عصبيتهه : لانـــــي ابيــــك احتــٌرق من غيـٌــرتي !!! بهاللحظـــه جـــمدت ملامح مـــلاك بصـــدمـــه !!!!
..
" فهد "
بلحظه ماهو داخل للبيت استغرب هدوءه
توقع انهم نايمين خصوصا ان الوقت متاخر
صعد لفوق توجه لغرفه تميم فتحه بشويش
الا استغرب م لقاه موجود بفراشه : غرييه وينه؟ شكله نايم مع امه
سكر الباب وتوجه لغرفتهم فتحهه وهو داخل
الا عقد حواجبه بهاللحظه ووقف !! م كان احد موجود انقبض قلبه بهاللحظه
البيت كان فاضي تحت!
لف بسرعه ونزل : اريـــج ؟؟؟!!! يااا اريج!! دخل للمطبخ يشيك عليه بسرعه طلع وهو يتوجه
لغرف البيت وللصاله ودقات قلبه سريعه !! م لقى احد فيه جن جنونه بهاللحظه !! تذكر انها طول اليوم م ارسلت له ابداً
انقبض قلبهه بخوف طلع جواله بسرعههه
برجفه ايدهه يدور رقمها دق الا مقفل انهبل بخوف
: هاذي وين راحت!! مستحيل تطلع من دون اذني !! م جاء بباله الا افكار سوداويه ! بعد اللي صار معه هو
وتميم اليوم طلع من البيت مثل المجنون يدورها
وبايده جواله يدق ويرسل م كان يوصل لها !!! _ " مشاري "
وهو بسريره يطالع بالسقف كان بباله الف فكره وفكره
بلحظه حيره وصدمه م يدري يصدقها هي ولا يصدق
الصور اللي شافها فيه!! غمض عيونه وهو بتردد الا بلحظه غضب استوطنت
صدره
فتح عيونه واخذ جواله ارسل لها : اسمعيني ي بنت الحلال
انا فكرت واللي اشوفه اننا م نصلح لبعض
الله يستر عليك ويوفقك لاعاد ترسلين لي وانا بقول
لاهلي ان مافيه نصيب تجي مني احسن
ارسلهه بسرعه متجاهل شعور التردد بداخله
غمض عيونه وزفرر ب زفره عمميقه " عند نجد اللي اختطفت جوالها بسرعه لحظه م سمعت
اشعار الرساله فتحته الا سكن كل شي فيها بصمتت !
بشعور غريب بداخلها تجهل تفسيره! صح انها م تبي
تشقيه ولا تبي هالزواج بس م تدري ليهه عور قلبها كلامه!
كان كلامه بهاللحظه غير عن كلامه اليوم نزلت دمعتها
مسحتها بغرابهه من اسلوبه ولما قال لها لاترسلين لي!
نزلت جوالها بصدمه : لايكون يحسبني متعوده اكلم عيال!
شسويتي ي نجد !!! بكت بهاللحظه بقهر : انا ليه مقفله بوجهي !! كل مابي احلها تكبر اكثر ! شسوي !
" مشاري "
لما شاف انها قرته استغرب م ردت !
كان بيقولها عن الصور الا سحب نفسه ب اخر لحظه : لالا ي مشاري خلاص استر عليها وش دخلك فيها
قفل جواله الا بلحظته انتبه لمكالمه من رقم غريب
شكله راكان! رد بسرعه : الوو !! وينك ي كلب
رجعت بلوتك واختفيت ؟؟؟ الا عقد حواجبه من الصوت !!
..
..
" ملاك "
بهاللحظه رجعت بخطوه ع ورا بصدمهه
م استوعبت كلامهه بدون حتى ماترمش !
لفت بسرعه ومشت بخطوات سريعهه
تنهد ناصر بتنهيده عميقه ! م يدري هو ارتاح
بعد اللي قاله او رده فعلها عكس م توقع؟
كان يظن انها بتتهاوش معه وبتطول لسانها
بس صمتها؟؟ وانسحابها ؟ كان مستغرب منه
طالعها لين م اختفت عن انظاره استسلم بهدوء
وارتخت اكتافه للف وطلع من الحديقهه
اما ملاك بخطوات سريعه دخلت وصعدت فوق
لغرفتها وهي بصدمه مو مستوعبه شي !
نزلت عبايتها ورمتها ع الارض بلعثمه ! : هـ..ذا ! هذا وش يقصد !!! رفعت شعرها ع وجهها ودقات قلبها سريعهه : يحبني؟
ليه يحب وحده كانت مسجونه ! وحده حتى
شافت العذاب بحياتها ووحيده اكبر همها بهالدنيا
تنتقم منهم مثل م اخذو حياتها من ايدينها !
ليه يدخل نفسه بمشاكل معي !
يحب له وحده متزوجه حتى؟؟؟ سكرت عيونها بتأفف : اه ياربي انا وش بليت نفسي
فيه ؟
اخذت نفس عميق وتنهدت : خلاص ي ملاك ! طلعيه من بالك ومن حياتك
ماله وجود عندك ولاتحتاجين مساعدته اصلا
ركزي ع اللي انتي فيه ! وبعد م تخلصين منهم
تختفين عن هالناس كلها وتتعيشين لنفسك وبس !
لا راكان ولا ناصر ولاغيره !! عمرك لاتفتحين قلبك
لحب ولا لأي رجال ! عمرك لاتفتحينه ! بينداس عليك
ويحرقك ناره !
دخلت بفراشها وانسدحت وهي تطالع السقف
م يروح من بالها كلامه ! غمضت عيونها بقوه تحاول تبعد هالافكار
من راسها !
م حست الا بالباب بقوه يضضضرب فزت من مكانها
بهاللحظه بسرعه !! : ممين !! الجازي بعصبيهه وبداخلها فرحه : افتحي يال*** افتححي
عقدت حواجبها ملاك باستغراب : هاذي شفيها!! قامت وفتحت الباب الا قدامها شمايل والجازي
ملاك : بسم لله شفيكم شوي وبتكسرون الباب
شمايل والفرحه مبين من عيونها بخباثه :
والله ان كنت عارفه نيتك خبيثهه وربي كشفك
امشي امشششي قدامي والبسي عبايتك
ملاك : ع وش البس عبايتي لوين!دفتها الجازي واخذت عبايتها وسحبت ملاك
بعصبيه : امشي ي الفصعه ي اللي ماتستحين
انا داريه وليدي مامنه بلا مير والله محد بيفكتس
من ايدين جبران امشششي يبيتس
انقبض قلب ملاك بخوف : شفيه ؟سحبتها الجازي تحت ولبستها عبايتها غصب
وملاك بخوف بداخلها تحاول م تبينه الا دخلوها
بالمجلس غصب بعد م غطت وجهها بالطرحه
ووقفو شمايل والجازي عند الباب بكل حماس
طايرين من الفرحه مو سايعتهم الدنيا
الا توســــعت عيـــون مـــلاك بصدمهه لحظـــه م
شـــافـــت ناصـــر انـــشـــلـت بمــكــانــهـا !!! جبران ودمه يفـــور ويغـــلـي نطـق بنبره حـاده عاليـه: مــين هــذا وش
كــان يســوي هنا ببيتي وانتـــي معـه بانصــاص اللــيالـي !!
..
..
**____________*
> *يتبــ؏ . .*
*استغفر الله*
*سبحان الله*
*الله اكبر*
*الحمد لله*
*لا اله الا الله*
*____________*
*اتفاعلو لأكمل نشر الروايه*
*____________*