الفصل 4
*روايات عربيه (سعوديه يمنيه..) مميزه*
*بإدارة : شـٰٓمـُـس 𝓢𝓱𝓪𝓶𝓼 𝓐𝓵 𝓐𝓶𝓵🚶🏻♀* ⁞♩📚🖊️₎⇣℡
*اسم الكاتبتين: منارة اليمن وأميرة اليمن*
*رقم الروايه 2*
*الفصل (3) الجزء الثاني☆*
* رواية قلب تحت الحصار😔💔*
*تفاعلوالنستمر😍* *قراءة ممتعة 🥹💗⃟🎀*
روايات يمنية📚🇾🇪:
.
البـارت 21 ♡
قلـب تحـت الحصـار² ❤️🔥
للكـاتبتيـن: منـارة اليمـن وأميـرة اليمـن
👌🏻👇🏻 😍
📚 @rewayatyamania 🇾🇪
نزلين دموعها وهي تكمل: يا الله مااشتي اوطي رأس أهلي ولا أكسر ظهر أبي!!
يارب، عينني وخارجني منهم واشفني من هذا الادمان...
يارب، دلني فأنت ملجأي ومتجهي الوحيد...
يارب، كون معي في تجاوزي لمحنتي هذه...
ولا تشمت بي اعدائي...
انهارت بكاء وهي تسجد وتتكلم بحرقة: يارب، رد كيد ريناد في نحرها هي ومن معها...
يارب، ورني فيهم عجايب قدرتك،،
يارب، شل حقي منهم وانتقم منهم ياالله...
بحق نبيك الكريم وأهل بيته ياارب ياالله...
غمضت عيونها واستكانت،
وهي على سجادتها منهارة لآخر شي وطاقتها صفر...
فتحت عيونها بعد دقايق، ومسحت دموعها بقوة وهي تتكلم: خليش قوية يا رولا خليش قوية...
دام الله معش فهذا يكفيش...
الله ما عيفلتنيش وانا مظلومة مستحيل مستحيل!!
@rewayatyamania المصدر الأول للروايات
كملت تصلي العشاء، ورفعت سجادتها وهي تبسر نزار...
اللي صلى قاعد ورجع تمدد على السرير...
وزعت نظرها في الغرفة واستحت كيف تغير ثوب الصلاة...
بسرته مغمض لعيونه...
خطيت للدولاب وشلت لها روب بيت... وطرحة خلست ثوب الصلاة ولبسته بسرعة...
وغطت شعرها، وخرجت من الغرفة متجهة للمطبخ...
دخلت وبسرت نرجس قد بتسبر العشاء وتكلمت: مساء الخير للحلوين؟
لفت لها نرجس ببسمة: يا مساء الورد...
حيا بعروستنا... ما جابش للمطبخ؟
غلا: اسبر معش العشاء وابسر ما افعل لنزار!
نرجس: ايييش؟ هيا اجزعي ارجعي لاغرفتش...
انتي بالذات ماقد تعرستي لا انتي، ولا نزار يلاااا...
ضحكت غلا وهي تشل الملعقة من يدها، وبدأت تقلب في الطبخة وهي ترد: شلووش خلاص قد تم العرس...
نرجس: ماقد بدأ حتى يتم؟
غلا: اقول لش هذا مشو عليش...
اهتمي بدراستش وبسسس...
نرجس: هههههههه هذا جزاتي؟ أحمدي ربش ان معش أخت زوج ساعي؟
غلا: هههههههه طيب...
وانتي هو إلا عشاء مافيها لو ساعدتش؟
نرجس: امي عتضربني...
غلا: ههههههه ما تسويها عمتي...
نرجس بدأت تساعدها في العشاء وهي تتكلم: غلا بكلمش بحاجة في نفسي بس لا تفهميني غلط...
غلا بترقب: تحاكي؟
نرجس: من جنى..
غلا وهي تسكب ماء للطبخة، وتوطي الغاز تحتها ولفت لها: مالها جنى؟
نرجس بصوت واطي: مدري؟
بين احسها انطوائية وما يعجبها تتكلم...
ولا بتتفاعل معانا، وواصل بغرفتها مش اجتماعية؟
غلا: حتى انا انتبهت لهذا الشي...
بس يمكن ان عادها مستحية منكم؟
نرجس: طيب، ما اختلفنا تستحي...
بس احنا مش اسرة كبيرة... هو إلا أنا وأمي وأخوتي؟
ليش تستحي مننا ولها اسبوع عندنا؟
غلا وهي تطفي تحت الطبخة: خليها براحتها عتتعود معاها معاها... تعالي يلا نقدم العشاء...
نرجس: ونزار عيقدر يتعشى معانا؟
غلا بتفكير: مدري؟
خليني عتسير اسأله ماشي عتدي عشاه للغرفة...
نرجس: يلا وانا بخطى افرش السفرة!!!
♣︎♧♣︎♧♣︎
صنعـــاء!!!
دخل للبيت بهدوء، وصوت عصاته ظاهر مع ضربها للبلاط...
تكلم بصوت عالي وهو يتوجه للمجلس: العشاء يا غدييير؟
غدير من المطبخ: يلا شويه واقربه يا عم...
رد وهو يدخل للمجلس: حفظش يا بنتي...
بسر كمال وجمال اللي وقفوا لمن دخل وتكلم: الحبايب هانا؟
جمال: ههههه ايوة كمال جاء قبل شوية...
كمال تقدم من ابوه، وسلم عليه وهو يتكلم: الحمدلله على سلامتك يا ابه؟
للمه ما كلمتنا انك عتنزل إب؟
ابتسم محمد وهو يجلس بصدر المجلس،
وهو قد كلمهم لمن اتصلوا له في غيابه انه في إب: وليش اكلمك؟ استأذن منك مثلًا؟
كتم جمال ضحكته...
وتكلم كمال بقهر: مع، بس قصدي كان عينزل واحد مننا معاك..
عشان ينتبه لك؟
محمد: ليش جاهل انا وتنتبه لي؟
كمال: ماشي يا اباه مالك عليااا؟ انا بس خايف عليك؟
محمد: لا تخاف..أطمن أنا عادني بقوتي يا ولدي..
دخلت غدير بالعشاء مع بنتها وقطعوا مجبرهم!!!
♧♣︎♧♣︎♧
تقدمت منهم، وهم مجتمعين في الصالة حول العشاء...
منتظرين لهم وتكلمت: تعشوا...
قال ما يشتي وماله نفس للاكل؟
سامية: يووه؟ ويجلس بغير اكل؟
غلا وهي تجلس جنب نرجس: مدري، قال شابع؟
نوري: خلاص تعشوا انا برجع ادي له حاجة من خارج...
نرجس: ماشاءالله عليك يا دكتور؟
لازم يأكل اكل صحي...
نوري: مادخلش انتي تعشي...
نرجس قلبت عيونها وردت: سااامج...
نوري: هبلاااء...
نرجس: ا....
قطعتها سامية بحدة: بس انت وهي؟
مش وقت سماجتكم...
نوري حط يده على رقبته وتكلم بقهر: يمه على الاقل قدروني قدام مرتي؟
سامية بسرت جنى اللي بتأكل بهدوء، ومش هي حولهم: خلها تتعرف عليك على حقيقتك...
نوري: هههههههههه...
نرجس دكمت غلا وهمست لها: ابسري عيونها حمر كأنها بكت؟
غلا بتعجب: يمكن ذكرت اهلها وبكت؟
نرجس بعدم اقتناع: الله اعلم...
حتى ماردت على امي؟
غلا تنهدت وفكرها كله عند نزار والمهمة اللي موكلة لها!!!
📚 @rewayatyamania 🇾🇪
.
البـارت 22 ♡
قلـب تحـت الحصـار² ❤️🔥
👌🏻👇🏻 😍
📚 @rewayatyamania 🇾🇪
بــعـ مــ أسبـوع ـرور ــد!!!
سبرت برقعها وهي قدام التسريحة،
ورفعته من وجهها ولفت شلت شنطتها من على الكنبة،
ووقفت مكلمه نزار اللي على تلفونه: ودك شي قبل اخطى الجامعة؟
نزار بدون ما يبسرها: لا...
بسرته لثواني ولفت خرجت من الغرفة...
لقت سامية في الصالة،
ونرجس قدها جاهزة تخطى المدرسة وتكلمت: صباح الخير مرة ثانية ههههه...
سامية ونرجس: صباح النور...
سامية: هيا قد عتخطي الجامعة؟
غلا: ايوة...
سامية: وفوق ايش عتسيري؟
غلا: قد كلمت جيهان يراعوا لي بالحافلة...
يلا عتخطى قبل اتأخر...
نرجس بسرعة: راعي لي...
مدرستي على طريقش نخطى جمعة...
غلا: هيااا...
سامية: الله معاكن... انتبهين لأنفسكن...
لفت لصوت نوري اللي جلس،
وعيونه ملان نوم متكلم: شي صبوح يمه؟
سامية: ايوة... وينها جنى تصتبح معاك؟
نوري بتنهيدة: راقدة...
سامية: او تاعبة؟
نوري بتوتر: ايوة...
امس وجعتها بطنها وماقدرت ترقد...
سامية: سلامتها... يلا راعي ادي لك الصبوح...
غابت لدقايق ورجعت بالصبوح،
طرحته قدامه وهي تتكلم: واي حين عترجع لدراستك؟
نوري وهو يشل الخبز ويبدأ يصتبح: والله كان على اساس اخطى الاسبوع الاول...
بس جلست عشان نزار...
لفوا لصوت نزار وهو داخل للصالة: قد انا بخير...
تقدر ترجع لدراستك، قد فاتك الكثير...
صباح الخير...
نوري وسامية: صباح النور...
نوري: لا ماعليك، قد وسام بينسخ لي المحاضرات ويسجلهن لي...
نزار بعدما جلس: لا انت طير بس،
ما ينفعش.. اليوم بعد العصر تتوكل وترجع صنعاء...
نوري: بس...
قاطعه باصرار: ولا بس ولا هم يحزنون...
انا قد انا بخير وقريب عترجع عملي...
نوري: طيب حاضر...
سامية ونظرها لنزار...
اللي جالس زاعل من يوم ما بسر جده محمد: نزار...
بسرها نزار وتكلم بزعل باين: هلا يمه؟
سامية: غاثي مني او ايش؟
نزار بتنهيدة: مع...
سامية: على غيري يا ابن بطني...
نوري: لو جينا للصدق يمه...
كلنا زاعلين بسبب اللي فعلتيه، قدام محمد ودفاعش عنه؟
ساميه: ابوووك محمد، جدك يا نوري...
نزار بقهر: ما يشرفنا جد مثله...
سامية: بس انت وهو؟
نزار: يمه نفسي افهم حاجة واحدة؟
ليش بتدافعي عنه بعد كل اللي فعله بنا؟
يمه... نسيتي كيف طردنا بدون رحمة؟
وخلانا نتجعجع وانا ولد بعمر الـ١٧؟
سامية: انا خليتكم تتجعجعوا يا نزار؟
اخذ نفس وتكلم: يمه انتي ما قصرتيش معانا بشي!
ودرستينا وووفرتي لنا كل شي...
بس فعل محمد ما انساه لوما اموت...
نوري: يكفي انه فلتنا واحنا ايتام بأمس الحاجة له...
سامية بغموض: ومن قال انه فلتكم؟
نزار بتعجب: كيف يعني؟
وقفت سامية وهي تشل اوعية الصبوح: يجي يوم وتفهموا كل شي...
خطيت للمطبخ تاركه نزار ونوري في حيرتهم من كلامها المشفر!!!
@rewayatyamania المصدر الأول للروايات
الســـ ١٠:٣٠ـاعةةة فـــي الجامعــةةة!!
جالسات بالكافتيريا بيصتبحين مع بعض...
جيهان بفرحة: ردت لي روحي لمن قلتي عتدوامي!
غلا بزنط: هههههه انا عارفة ماتقدري بدوني؟
جيهان: شلوووش والله من صدق الجامعة بدونش يييع...
غلا: وانا ايامي بدونش كلها يع ههههه...
جيهان: هههههههه...
بسرت امل داخلة للكافتيريا وتكلمت: ابسري ابسري امل؟
غلا لفت بسرتها ورجعت تبسر جيهان: مالها تيه امل؟
جيهان: ولاشي بس لها فترة ماعاد بسرناها...
وبعدين الأسبوع الأول جلست معي وجابت لي عصير معاها...
شرغت غلا بالعصير اللي بتشربه،
وكحت بقوة وهي تتحاول تتكلم...
افتجعت جيهان، وفتحت الصحة الماء...
وهي تشربها وتضرب على ظهرها بخوف: الله الله اشربي اشربي...
شربت ماء وطرحت يدها على صدرها...
لوما رد لها نفسها وتكلمت: ما ادت لش قلتي؟
جيهان باستغراب: عصير...
غلا بصدمه مع شوية عصبية وتوتر: وشربتيه؟ جيهان شربتي العصير تحاكي؟
جيهان: غلا مالش؟
غلا بعصبية: شربتيه او معععع؟
جيهان بحدة: ماشي استكب عليا بدون ما انتبه؟
زفرت نفسها براحة وهي تهمس: الحمدلله...
جيهان: غلا مالش انصدمتي؟
غلا بتحذير: جيهان اسمعيني...
شدي لش نصيحة وخليها حلقة بإذنش...
في الجامعة، ما تشلي حاجة من احد ايّن كان ابدًا فاهمة؟
خاصة تيه أمل... ولا توثقي في اي شخص، بتسمعيني؟
جيهان بتنهيدة: طيب حاضر بس ليش؟
غلا وهي تشل شنطتها وتوقف: هكذا انتبهي لنفسش...
اذا مابحد انا معش، الجامعة ملان وحوش وذياب سوى بنات او عيال... هيا المحاضرة عتبدأ...
وقفت جيهان وهي ترد متعجبه: خير تمام!!
♧♣︎♧♣︎♧
الســـ١:٠٠ـاعةةة بعـــد الظهـــر!!
كانت جالسة مع جيهان منتظرات للحافلة..
لوما وصلتها رسالة لا تلفونها،
قرتها من الاشعارات بسرعة..
وكانت من رحاب تقول لها تحضر لا مكان اجتماعهم المعتاد...
بسرت اللي على تلفونها بتوتر وتكلمت: جيهان...
جيهان: هممم...
غلا: ...
📚 @rewayatyamania 🇾🇪
.
البـارت 23 ♡
قلـب تحـت الحصـار² ❤️🔥
👌🏻👇🏻 😍
📚 @rewayatyamania 🇾🇪
بسرت اللي على تلفونها بتوتر وتكلمت: جيهان...
جيهان: هممم...
غلا: انتي روحي مع الحافلة،
وانا عتسير للمول اللي بين اشتغل فيه...
بسرتها وبتعجب: ايش هو لييش عتسيري؟
غلا وهي توقف وتلبس شنطتها: رسلت لي بشرى قالت اسير...
جيهان: ليش عاد عتشتغلي هانك؟
غلا: مدري ماقد تكلمت مع نزار حول الموضوع...
المهم يلا خاطرش...
جيهان: الله معش!!!
وللحظة تذكرت...
هاه هاه غلا، بزي تيه؟
غلا لفت لها بإستغراب: ايش؟
جيهان بإبتسامة: بابه ، في يوم كنا متزاعلات اشترى لي ولش ميداليات الثنتين سوا، ونسيت ما امكنش وقتها...
المهم... خليها عندش، احتفظي بها...
وتذكريني دائمًا...
@rewayatyamania المصدر الأول للروايات
وصلت للمكان وبسرتهم كلهم مجتمعين وتكلمت: السلام عليكم...
الكل باصوات متفاوته: وعليكم السلام...
رحاب: هلا هلا بالعروسةة المزيونه، هلااا...
غلا ببرود: بسرعة ما تشتوا؟ مااشتيش اتأخر عن البيت؟
ريناد: اوووه والله وتطورنا...
وقد بنخاف نتأخر عن البيت، بدال ما كنا نخاف نتأخر عن العمل؟
اكرم بنظرات حادة: مبروك مؤخرًا استاذه غلاااا...
غلا: رحااااب؟ موضوعكم بسرعة؟؟
ماجيت لاهانا اسمع كلامكم هذا!!
رحاب: موضوعنا معروف يا غلا...
أيش احداث مهمتش للآن؟
غلا: ولاشي..
بدر: كييف ولاشي؟؟
غلا: ولاشي يعني ولاشي...
مابش لها تفسير ثاني...
ماجد: اشرحي لناااا؟؟
غلا: ما لقيت حاجة ببيتهم ولا بغرفته؟
ريناد: معقووول؟؟
غلا: ايوة... واحتمال اهله ما يعرفوا عمله...
امجد: طيب والحل؟؟
رحاب: كيف علاقتش معه؟؟
غلا بكذب: عادي مثل اي مرة وزوجها؟
أكرم بقهر: تقبلش بهذه السرعة؟
بعد اللي فعلتيه؟
غلا بحدة: اظن الشي اللي فعلته، انتوا اللي اجبرتوني عليه...
والمهم من هذا؟ انت مادخلك بحياااتي؟ كيف هي فاهم؟
بدر: بس خلاااص مش وقت الآن...
قولي لنا كيف حالة العقيد بعد الإصابةة؟؟
♣︎♧♣︎♧♣︎
نقل التلفون للإذن الثانية...
وهو يتكلم بتساؤل: تطلع صنعاء ليش يا فارس؟؟
حصل شي جديد؟
جاه صوت فارس من السماعة: لا بس أمي تاعبة شوية...
شطلع ابسرها ومنها ابسر العمل هناك...
نزار: طيب بطلع معاك..
فارس: لا خليك بذمار...
عادك تاعب لوما تفتهن، ورجعت نكمل مهمتنا...
نزار: وانت لقيت شي للآن بكلية الطب؟؟
فارس: لا والله ولاشي...
نزار: فارس تقول حسوا بنا؟
فارس: بدأت اشك انهم وقفوا عملهم هذه الفترة...
او حسوا بحاجة؟
نزار: خير برجع واتأكد بنفسي...
فارس: ان شاءالله يلا خاطرك... ودك شي؟
نزار: سلامتك انتبه لنفسك...
فارس: ابشر في امان الله.....
غلق الخط وسرح بنظره للفراغ، وهو يكلم نفسه: للآن ولا به أي دليل على عمل العصابة في الجامعة...
طيب والحل؟ لأي حين؟
غلا...
هي الرابط بيننا وبينهم وأكيد ان لها يد مع هذه العصابة...
انا لازم افصلها اليوم، واتكلم معاها يكفي تجاهل ودعممه!!
♧♣︎♧♣︎♧
لفت لبدر بعد سؤاله وبسرته بنظرات حادة: من اللي صوبه؟؟
اكرم: خفتي عليه؟؟
غلا بتجاهل له: مش على أساس طلبتوا اتزوجه؟
وادخل لاوسط بيته؟ عشان ادي لكم معلومات عن عمله؟
وعن الأدلة اللي قد جمعها...
ليش تزيدوا تسووا له كمين وتحاولوا قتله؟؟
رحاب: هذا الشي مش عليييش...
غلا بعصبية: كيييف مش علياااا؟
وانتوا كنتوا تشتوا تقتلوه ليلة عرسه؟
كان ليييش دخلتوني بهذه اللعبة القذره؟ دامكم ناويين قتله من البداية؟؟
ماجد: كان الهدف فارس، أو نزار...
بس جت برأس نزار ما نسوي له؟
ريناد بنص عين: بعدين مالش زاعلة عليه؟
أو بدأتي تحبيه من صدقش وتخافي عليه؟
حبيبتي لاتنسي انتي لأي غرض تزوجتيه؟
رحاب: هههههههه لا أكيد مش هي ناسيه...
أول ما تكمل مهمتها تنفصل عنه...
غلا بحدة: ومن أنتي حتى تقرري عني حياتي؟؟
رحاب: طززز براحتش لا تنفصلي...
بس لاتظني ان نزار عيتقبلش بحياته بعد اللي عتسويه معه؟
امجد: خلونا في الأهم ذلحين...
أي حين عنرجع لعملنا في الجامعة؟!
رحاب: لوما تجينا الأوامر من الزعيم..
غلا بطفش: خلصتوا؟ اشتي أروح لا يشك نزار بشي...
اكرم بحدة: نزار، نزار، نزار، اوووف؟؟
غلا بعصبية: أنت مالككككك الاااان؟؟
رحاب: ماعليش منه...
يلا روحي وبيننا تواصل...
غلا: مع السلامةة...
لفت وخطيت من عندهم وهي تبسر ساعتها 2 تمامًا...
♣︎♧♣︎♧♣︎
دخلت للغرفة، بعدما القت التحية على عمتها اللي بالمطبخ...
ونرجس بتساعدها...
بسرت نزار على الكنبه وبيده تلفونه...
وتكلمت وهي تعلق برقعها وطرحتها: السلام عليكم..
رفع نظره لها ورد بهدوء،
وهو يرتزح بظهره لاعرض الكنبه، ويمد يده عليها: وعليكم السلام.. اهلا وسهلا آنسه غلا شرفتي...
للآن في الجامعةة؟!
غلا بهدوء وهي تعلق عبايتها: كان معانا محاضرات إضافيةة...
نزار برفعة حاجب: ...
https://t.me/+Ecxq_OzMYh40M2E0
📚 @rewayatyamania 🇾🇪
.
البـارت 24 ♡
قلـب تحـت الحصـار² ❤️🔥
👌🏻👇🏻 😍
📚 @rewayatyamania 🇾🇪
رفع نظره لها ورد بهدوء،
وهو يرتزح بظهره لاعرض الكنبه، ويمد يده عليها: وعليكم السلام.. اهلا وسهلا آنسه غلا شرفتي...
للآن في الجامعةة؟!
غلا بهدوء وهي تعلق عبايتها: كان معانا محاضرات إضافيةة...
نزار برفعة حاجب: اهااااا محاضرات إضافية؟! حلووو...
غلا وهي تشل لها طرحه من دولابها،
وتطرحها على رأسها بعدما لبست روب: أيش قصدك؟!
نزار ببرود مستفز: ايش تتوقعي مثلا؟
غلا: مدري بك انااا؟
نزار بمباغته: فرحتي يوم تصاوبت؟ كنتي تظني بموت صح؟
غلا بسرته بتعجب،
وهي واقفة ومرتزحة لاعرض الدولاب: لدرجة كنت بسوي حفله!
نزار: هههههههه شي متوقع منش!!
غلا بملل: عتسير اساعد عمتي ونرجس!!
قاطعها: كملين، قصدش مراعيات لش تساعديهن؟
غلا بقلة صبر: نزار كلمني ما تشتي بالضبط؟
مالك اليوم؟
نزار بسرها بنظرات مريبة لثواني وتكلم: ايش غرضش من هذا الزواج؟؟
غلا ضحكت بخفة وهي ترد: اُعجبت بك لاغير..
نزار: حالية تيه بس الحقيقة ايش؟
غلا: مثلما سمعت..
رفع يده قدامها وبتهديد: لا تظنيني غافل عنش...
اشر لعيونه وكمل...
عيوني عليش بكل لحظةة...
خافت من كلامه بس ما بينت...
خطيت وهي تتكلم: تعال تغداء هيااا!!!
@rewayatyamania المصدر الأول للروايات
الساعـــ5:00ـةةة العصـــر!!!
وقف قدام الشقة اللي استأجرها له نزار،
ولف لجنى اللي واقفه جنبه،
بعدما فتح لها الباب واشر لها تدخل...
دخلت وهي تسحب شنطتها بيدها... ونوري دخل باقي الشنط حق ملابسهم...
غلق الباب وتقدم للصالة، وبسرها واقفة مكانها...
وبتتبسر الشقة...
تكلم ببسمة: عجبتش الشقةة؟
جنى بخفوت: حلوووة..
نوري: قريبة من الجامعة والكل...
عشان لمن ندوام مع بعض!
بسرته لثواني بعدها تكلمت: من قال انني شدرس؟؟
نوري: انا..
جنى بنبرة مهزوزة: إلا الدراسة يا نوري...
لاتجيب سيرتها قدامي...
التمس نبرة الخوف في صوتها ورد بهدوء: براحتش يا روحي...
ما عتغصبش على شي...
جنى: وين الغرفة برتاح تاعبة..
مسك يدها وخطي معاها للغرفة وهو يتكلم: هذه غرفة النوم...
بسرتها أنيقه باللون اللحمي مع الابيض ولفت لسؤال نوري: عجبتش؟ عجبش لونها؟
جنى: حالية...
تنهد نوري من برودها وتكلم: يلا ارتاحي، واجلسي بالغرفة...
جنى: وانت؟
نوري يطمنها: انا بالصالة لا تخافي...
هزت راسها بمعنى تمام ونوري لف،
وخرج من الغرفه مغلق للباب خلفه!!!
♧♣︎♧♣︎♧
جلس على الكنب اللي بالصالة، وهو يتصل لوسام وتكلم اول ما انفتح الخط: كيف انت؟
وسام: الحمدلله وانت؟ وصلت صنعاء؟
نوري: ايوة عاد انا وصلت...
وسام: الحمدلله على سلامتكم...
مدوام بكرة؟؟
نوري: اكيد ان شاء الله...
وسام كنت بقول لك ما فعلت من اللي قلت لك؟؟
وسام: تم كل شي، حجزت لها لابعد يومين عند طبيبة نفسية معروفة...
وان شاء الله يكون علاجها على يدها بعد الله...
نوري: ان شاءالله تسلم يا وسام...
وسام: الله يسلمك، المهم تقنعها تسير معك!
تنهد بهم وهو يرد: انا خايف تعصب، وتثور لمن تدري...
لأن واضح ما تشتي تتكلم مع اي احد باللي حصل معاها؟
وسام: ماعليك الدكتورة معاها طريقتها الخاصة...
وتعرف كيف تسحب منها الكلام...
نوري: إن شاء الله خير...
وسام: يلا اخليك ترتاح ولقانا بكره...
نوري: تم في امان الله...
غلق الخط،
وتمدد على الكنبه بتعب،
وكل فكره كيف يقنع جنى تسير معه لاعند الدكتورة؟!
لف على سؤال اخته: هذا صاحبك نوري؟
وسام: ايوة طلع صنعاء اليوم...
ولاء: هو وجنى؟
وسام: ايوة كان؟
ولاء: تقول عتوافق تسير لاعند الدكتورة؟
وسام: على الله...
المهم انتي واثقة من هذه الدكتورة عتقدر تعالجها؟
ولاء: الدكتورة وفاء معروفة بعملها...
وكم قد عالجت من ناس كانوا على حافة الجنون...
وانا ما كلمتك بها إلا وانا واثقة...
وسام: يلا ان شاءالله خير.. وتقدر تساعد جنى ، وتخليها تتكلم عشان نعرف الحقيقة ويرتاح قلب نوري...
ولاء بتردد: وسام!!
وسام: هاه؟
ولاء: لو يطلع ورسلت صورها لاحد مثلا ما عيفعل نوري؟
سكت لثواني بعدها تكلم: مدري والله ايش عتكون ردة فعله...
نوري واثق بها قوي وكأنه يعرفها من سنين...
ولاء: ماشاءالله عليه ما يفعل فعله إلا رجال ابن رجال والنعم به...
وسام: اي بالله والنعم به...
قومي افعلي حاجة اكلها هياا؟
ولاء بقهر: حاجة تأكلها؟ تيه الساع؟
وسام: ايوة جاوع سوي بيض او اي حاجة...
ولاء: عاد. عندي حل اضخم...
قوم اخرج اشتري لك شوارما، واكلنا وسدينا جوعنا يلاااه يا بطل...
وسام: ههههههه يا خطييرة...
ولاء: ههههه هيا... قووا والله متخوره لهن...
وسام وهو يوقف: من عيوني...
ولاء: جبررني يا أحلا اخ...
ضحك وسام وهو يخطى ويرد: المصلحةةة...
ولاء: ههههههههههه
♧♣︎♧♣︎♧
بعـــد يوميـــن...
رجم تلفونه لفوق السرير...
📚 @rewayatyamania 🇾🇪
.
البـارت 25 ♡
قلـب تحـت الحصـار² ❤️🔥
للكـاتبتيـن: منـارة اليمـن وأميـرة اليمـن
👌🏻👇🏻 😍
📚 @rewayatyamania 🇾🇪
بعـــد يوميـــن...
رجم تلفونه لفوق السرير،
بعد ما كمل يطبع فيه...
وخرج من غرفته...
بسرته امه وشهقت: نزار؟ ليش خررررجت؟ اجلس يا ابني عادك تاعب؟
نزار بملل: يماه الله يحفظش والله اني بخييير ، ولا فيني شي هاه ابسريني؟
وبهمس...
وعلى اساس ما تعرفيش؟ مش اول مرة؟ انتي دارية بشغلنا كيييف؟
سامية تنهدت وقربت: دارية ولأني دارية بين افتجع عليك يا أبني؟
ليش ما تبطل هذا الشغل؟ تصدق كل يوم بتخرج قلبي يكون معككك، وأمسك عليه لأي خبر يوصلني منك؟
نزار مسك يدها وحبهن: والله يا أم نزار ما عيقعش شي، وكل شي مقدر ومكتوب...
ودامني سلكت سلك ابي، مستحيل أتراجع عنه إلا لما انتقم من اللي قتلوه قدام عيوني...
واصفي بلادنا ووطنا من هولا العينات...
سامية: الله يوفقك يا ابني ويحرسككك، كون انتبه لنفسك انا واثقة فيك...
بس لا تشد على نفسك هاه؟
نزار هز رأسه: ان شاءالله يا أم نزار إن شاء الله لا تقلقي...
ودام الله معي ثم دعواتش ما عيحصل لي شي إن شاء الله...
وبتلفت...
ما قد روحتش نرجس والا غلا؟
سامية: دقائق ويوصلين يا أبني...
قلي ذاحين ليش خرجت؟ تشتي شي؟
نزار: لا أبدًا، خرجت بس افتهن من الحبس...
وزيد اشتي أقلش من غطوة شرجع دوامي، يكفي ضروري ما أكمل مهمتي بأسرع وقت؟
سامية بفضول: أيش هي مهمتك يا نزار؟ وليش انت ذاحين دكتور جامعي؟
نزار لف وجهه عنها: طبيعة عملي يماه وقدش دارية، وما اقدرش ادي لش تفاصيل لأنها مهمات سرية؟
@rewayatyamania المصدر الأول للروايات
دخل للشقة وفي يده أكل وهو طوال هذه المدّة كان يجي يتفاقد جبر، ويكون معه...
ويرتب الشقة...
حتى لما جوا اهل جبر يبسروه، قالهم انه فيه حمى طفيفة بس...
والشقة هذه حق سعد، وهو جالس معه لانه معه اختبارات، وابوه فرح انه رجع يدرس وما حسوش باللي فيها؟
بسره بدأ يرتجف، وعيونه مبهررة ، سار لعنده: جبررر جبررر؟ مالكككك؟
جبر وهو مستمر برجفانه: اشتي، اشتي حبة، ادي ليييي؟
سعد بعدم فهم: هاه؟
جبر ما استحملش، قام ينبش الشقة يدور علاجه: سعددد، وين علاااجي؟ كان فوق الكومدينو؟ بسرته؟
كان يتحاكى بحروف متقطعة، ومرتجفة بسبب حاجته للمخدرات...
سعد رفع حاجبه: قصدك العلبه البيضاء؟ الصغيرة؟
جبر بسرعة: ايوة ايوة هي؟ بسرتها؟
سعد قام وببرود: ايوة بسرتها؟ ورجمتها...
♧♣︎♧♣︎♧
فــي صنعـــاء... 💙
كان في شقته، متوتر كيف يقل لها؟
بسر ساعته، وانها الساعة واحدة ونص باقي نص ساعة، ويكون موعدها؟
ما قدرش يقلها طوال اليومين ، مفتجع لا تزعل او ما تتفاهمش معه؟
بسرها هادئة ، في غرفتها وتبسر للفراغ: حبيبتي جنى...
جنى لفت له بهدوء بدون ما تتحاكى...
نوري تنهد بقوة: جناتي، يا روحي عتجي معي اليوم؟
جنى ببرود: وين؟
نوري: مشوار؟ تجي؟
جنى: طيب؟
نوري فرح انها رضت، حبها في رأسها: رضي عليش يا روحي، يله قومي البسي واتجهزي...
وانا قد شليت سيارة صاحبي وسام...
جتى هزت رأسها وقامت...
هو فرح مبدئياً، بس مش داري ايش اللي عيحصل؟ ومتوتر مش قادر يخفي توتره؟
بس هو قده في الوسط واللي يحصل يحصل؟
♣︎♧♣︎♧♣︎
كان بينبش في أدراج غرفة أبوه، وبيتلفت بتوتر لا يدخل؟
هو متأكد ان ابوه داري وين عيال اخوه؟
بس مش راضي يقل لهم؟
بيدور على شي او طرف خيط يوصله لهم؟
سمع خطوات حد قريب، وباين انه مش ابوه بدليل ما بش صوت للعصية؟ " العصا اللي يتوكأ عليها"...
أخوه في عمله اكيددد؟
وما به في البيت غير مرة أخوه غدير..
اللي كانت طالعية لغرفتها، وسمعت صوت في غرفة عمها...
استغربت، ورجعت تفتح الباب بتوتر...
فتحتها، ودخلت بسرت الدنيا ظلام؟
لفت بعينها، ما بسرتش حد؟ حست انها بتتخيل...
خرجت وغلقت الباب بعدها...
اما هو قام خرج من قفى "وراء" الباب وهو يتنفس بقوة، لانه كان حابس لنفسه؟ لا تسمعه...
سمعها لما دخلت غرفتها، وهو خرج من غرفة أبوه زيما دخل بهدوء وبدون محد يحس عليه؟
♧♣︎♧♣︎♧
... بضحكة: داري ايش حصل لجبر؟
...: سيدي، بعد اللي حصل ملازم لشقته وما بيخرجش بالمرة، بس صاحبه معه واصل؟
بين ابسره بيدخل بعد الظهر ومعه اكل ويخرج وقت الصلاة، والصبح يسير عمله وهكذا؟
... ضحك بخبث: حلوووو حلووو، شكل معنا صيدة جديدة، وجبر مهما جلس يتخبى، عيرجع يظهر من جديد..
...: ايش نفعل يا سيدي؟
... بتفكير: خلوا جبر هذه الفترة، أكيد عيكملين الحبوب عليه ويرجع يطلبهن، وبعدها انا شاوريه...
ذاحين، أبدأو بصاحبه؟ خلوه يكون زي جبر وأخسسس..
عسب لو فكر جبر يلعب بذيله، ويحاكيه بشي يكون هو معنا والكل، ما يقدرش يتراجع بولا شي؟ او يفعل أي حاجة...
https://t.me/+Ecxq_OzMYh40M2E0
📚 @rewayatyamania 🇾🇪
.
البـارت 26 ♡
قلـب تحـت الحصـار² ❤️🔥
👌🏻👇🏻 😍
📚 @rewayatyamania 🇾🇪
فـــي المقـــر الرئيســـي...
دخل فارس لمكتب عماد اللي قام وهو مبتسم بإستفزار: هلا، هلا والله من جانا هلا بالعقيد فارس..
فارس جلس فوق الكرسي بدون ما يعبره وطرح رجل فوق رجل: آخر المستجدات يا عماد؟ ايش لقيت في الشحنة؟
عماد رجع مكانه بكسفة: اممم، مع ان اسلوبك جارح، بس معلش نعديها لك...
واعذرني اي شحنة؟
فارس: عماد؟ انت داري عن أيش بين أقصد؟
عماد هز رأسه: اها، قصدك اللي مسكتها وحولتها لي؟
مش قلت أستلمها أنا؟ وأحقق في القضية أنا؟
فارس برفعة حاجب وأستغراب: ايوة؟ ويعني؟
عماد بإبتسامة جانبية: يبقى هي لي، ومااشتيش حد يتدخل؟
وشاحل القضية بنفسي...
فارس قام بعصبية ومسكه من ياقة لبسه العسكري: عماددد؟ المراوغةةة مش حاليييةةة؟
وقلي أيش هي المستجدات؟ أحسن من ما اسحب القضية بالكامل ، وارجعها لي؟
عماد ضحك بإستفزار، وهو يمسك أيدي فارس: هدي هدي يا الحبيب مالك معصب؟
وبعدين ؟ بتفكر ان اللي أكبر مننا عيسمحوا بهذا اللعب؟
لا وألف لااااا؟
وبزلة لسان...
ومش لأنك في الأستخبارات العسكرية، تقدر تخطي الكل على ما تشتي؟
فارس استغرب كيف عرف بهويته؟ وانه في الاستخبارات؟ لأن شخصية الجسور والسبع، مخفية حتى على الجن الأزرق، ما حد يعرف بهم إلا المشير مؤيد وجد نزار واللوائين؟ معقولة عرف هوية الجسور؟
بنبرة حاول يخليها طبيعية، وبيدعي الغباء: أيش قصدك يا عماد؟
عماد: ...؟
@rewayatyamania المصدر الأول للروايات
نـرجع لذمــار... 💚
دخلت مع نرجس، وهن بيضحكين بخفة؟
تلاقين جنب الباب ووصلين بنفس اللحظة...
بسرهن نزار ورفع حاجبه: والله؟ وعشتووووا؟ وقد احنا بنضحك بدون لا حياء ولا احترام؟
غلا سكتت، ونرجس تقدمت له وبدلع: حبيبي أخيييي، نزاري...
ايش فعلنا؟ والله غير ضحكنا ذاحين واحنا داخليات لان احنا تلاقينا، لا تضبحش ولا تعصب مننا؟
نزار فرد عقادة حواجبه، وابتسم: من يضبح ويعصب من اخت ساعش؟ قلي لي من؟
نرجس تقدمت منه وحضنته وهي تضحك: جبررررني بأخي خلاك لي ولا حرمني منككك...
غلا بتتفرجهم، وبتحس ان نزار بيقع ثاني عند أهله؟ خاصة مع أخته نرجس...
بيقع طيب قوي، وطبيعته وشخصيته تتغير؟
فعلت نفسها مش مهتمة، وهي بتحس ان نظرات نزار عتحرقها...
لفت لسامية: عمه، شاسير ابدل واجي أكمل معش تمام؟
سامية: يوه ، ما بش داعي انتي سيري ارتاحي بس...
وكل شي قده جاهز أصلًا باقي اقرب...
غلا، تقدمت وحبت رأسها: يا روحي يا عمه، لا عاد تعسي شي، وانا بخير والله ما فيني شي...
شاجي اقرب انا...
سامية كانت تشتي تعترض، غلا حلفت: هيا وانا حلفت يا عمه، حرام ما عاد تعسي شي...
خليه لما اجي ثواني بس تمام؟
سامية ما عاد دريت ايش تقل: الله يحرسش يا بنتي، ويوفقش ويكون معش... الله يحفظش بس...
غلا ابتسمت: آمين يا عمة... يله سيري اجلسي؟
غلا دخلت غرفتها، ونزار متابع لها...
بيتفرج حركاتها، وبينتبه على اتفه تفاصيلها وتحركاتها...
ومستغرب كيف هي لعند أمه؟ وكيف باين ان امه بتحبها قوي؟
لف لصوت أمه: والله وعرفت تختار يا أبني، حلا وحماشة، وأدب وأخلاق وميييزة...
الله يحفظكم بس ، ويقر عيوني لما أبسر جهالكم...
نرجس بتأييد ودرعمه: ايوة من صوووودق، والله انك توفقت يا أخي بها، ما شاء الله تبارك الله...
عيني وقلبي ملااااان، لا اصرعكم عييين...
سامية: انتي ايش جلسش هنا، قومي اطلعي بدلي يله، وقومي قربي مع مرة اخوش...
نرجس بحلطمة: يعني ما شقدرش ادلع؟ ومعي مرة أخخخخ؟ وايش فيها اذا قربت هي لحالها؟ ما عتتحاكاش؟
سامية: بنتتتت؟ انا ما قلت؟ وبعدين عاد شي حيييياااء؟ عاد البنت ما قد لهاش شهر متزوجة وتفعلي هكذا؟
نرجس بزبج: اووووف...
لفت لنزار...
اقلك يا اخييي خلاص مرتك شريرة، ابسر كيف قلبت امي عليييا؟
نزار ضحك بخفة: هههههههه...
سيري سيري بس على ما قلت لش امي؟ يله!
نرجس طلعت لغرفتها: هيا بسرررتوا حتى انت يا نزارررر بدأت تتغير عليييا!
نزار ضحك، وسامية مسكت يده: ابرد لك من تيه المدلوزة، ويله سير غرفتك افتهن أمد ما نقرب تمام؟
نزار هز رأسه، بدون ما يتحاكى...
وحسه عند غلا، وكيف تصرفاتها، وكيف أمد هذه المدة أخته وامه حبنها؟
ايش بيبسرين فيها ينحب؟
وهو ما بيبسرش؟
تقدم يدخل غرفته، وهو مشوش ومش فاهم نفسه؟
يشك فيها؟ وهي صدق وراها شي؟ كايد؟
والا يصدق انها بريئة؟ ووراها شي مثلًا؟
عسب تستتر؟ او انها صدق أعجبت فيه؟ بس ليش كل بنت عتنعجب فيه تقله هكذا؟ وتطلبه للزواج؟
تنهد وفتح الباب...
ودخل...
📚 @rewayatyamania 🇾🇪
.
البـارت 27 ♡
قلـب تحـت الحصـار² ❤️🔥
👌🏻👇🏻 😍
📚 @rewayatyamania 🇾🇪
غلا ، بعد ما دخلت الغرفة...
غلقت الباب بيد ترجف، هي متأكدة انه كان يتفرجها؟
ولو عيونه تحرق كانت احرقتها؟
بدأت تخلس البرقع ، والبالطو وبتعلقهن...
وبتحاول تهدي نفسها شوية...
لبست روب وطرحة، وقبل ما تخرج سمعت رسالة وصلت لتلفون نزار...
قربت بإستغراب وفضول؟
مش تلفونه كان ضايع؟ اي حين لقيه؟
قربت، وبسرت رسالة من رقم مكتوب عليه "الكنج"...
فتحت الرسالة بفضول، وبسرتها رسالتين "هذا الملف اللي طلبته يا وحششش، ولا تنسى هاااا ، الموضوع بيننا محد يدرى به؟"
وكان ملف بي دي أف...
فتحته؟ بس ما رضاش يفتتح؟ إلا برمز...
فزت بقوووة، لما افتتح الباب، ونكع التلفون من يدها لفوق السرير...
لفت وهي مبهررة ومتوترة...
نزار بسرها جنب السرير، رفع حاجبه لما بسر تلفونه بغير مكانه، وبايييين انها فعلت شي غلط؟
تقدم بهدوء: آنسه غلا؟ مالش؟ مفجوعة؟ سويتي شي؟
غلا بتوتر: هاه؟ ولا شي...
بس بس تأخرت اشتي اسير اقرب...
خطت تشتي تخرج، مسكها من يدها ورجعها، وعلى نفس وضعيته: غلا؟ ما تشتيش تقلي لي شي؟
متأكدة؟
غلا مغصتها بطنها من الفجعة، بعدت يده بهدوء: ايش ممكن اشتي اقله؟
ولا شي.. ولو به شي قلت لك..
وذاحين خليني اسير لبعد عملي، لا تلهيني...
خرجت بسرعة من عنده، وبتحس قلبها في أرجلها..
أما هو تنهد، وبعثر شعره بشتات..
قرب وبز تلفونه، وبسره مفتوح، وصفحة صاحبه مفتوحة؟
دري انها فتحت تلفونه بس حمد ربه ان صاحبه رمز الملف، قبل ما تكشف اللي فيه؟
رسله لفارس وكتب "بما انك في صنعاء، ابسر هذا اللي طلبته...
لا تظن اني نسيت طلبك، بس انشغلت... وعلى طريقك ابسر اذا لقيت أي شي جديد...!
طرح تلفونه فوق الكمدينو، وخرج بعد ما سمعهم يداعوه غداء...
وهو ضروري ما يفعل حل مع غلا؟ ويحاسبها ليش عست تلفونه؟
@rewayatyamania المصدر الأول للروايات
نـرجع لصنعــاء..💙
وقف قدام المركز، بتوتر لف لجنى: حبيبي هيا ننزل؟
جنى بإستفسار: وين؟
نوري مسك يدها: جنى يا حبيبي، جي ندخل نبسر؟
جنى نزلت معه بدون رد، وهو تنهد ومتوتر من ردة فعلها..
نزل وغلق السيارة، مسك بيدها ودخلوا...
وأول ما دخلوا قرأت مكتوب " الدكتورة وفاء للأستشارات النفسية"
لفت لنوري بعنف، وهي مش مصدقة: نورررري؟ حتى انتتتت؟ حتى انتتتت؟
نوري وهو مفجوع: جنى حبيبي أهدأي!
جنى ودموعها باب عيونها وبإنفعال: لا ما شهدأش، ما شهدأش يا نوري؟
حتى انت؟ حتىىىى أنت يا نورررري تعتبررررنييي مجنوووونة؟
نوري توتر من صوتها، وإنفعالها...
قريب يشتي يحضنها يهدئها، وهي بعدت منه: بعدددد منييي؟ لا تلمسنيششش؟
انت ساعهمممم سااااعهممم؟ من قلي أوثق فيككك وأصددددق؟ من قلييي؟
نوري مسك ايديها الثنتين، وبيحاول يهديها: جنى يا روح نورررري، أهدأي، مش انتي مجنونة ماشي ماشي انا بسسس؟
جنى نترت أيديها منه وبنظرة صدمة، وعدم تصديق: أنت أيششش؟ أنت أيشششش؟
ما بش أي مبرر! قد دريت بكل شي...
وبسخرية...
ظنيت انك غييير بس طلعت ساعهم؟
ما بلا أخسسس منهم؟
رجعت دموعها تتشورغ بالدموع، وهي مصدقة ان نوري بيعتبرها مجنونة؟ ويشتي يعالجها...
لهذه الدرررجة تشتي تتخلص منييي؟ لهذه الدرررجة انا بنظركم مجنونة؟
بدأت تضربه فوق صدره...
ليش تزوجتنييي؟ ليششششش؟ كنت عتخليني ببيت أهل؟
يقتلني أبي؟ أهووون من اللي بين أعيششششه؟
نوري حاول يمسك نفسه، تنهد وهو يشد على شعره بضيق..
عجز عنها هذه المرة؟ صح انه توقعها ترفض وتفعل مشكلة؟
بس مش لتيه الدرجة؟
جنى رجعت على وراء، وهي تمسح دموعها: انا شرجع بيت ابي؟ وإلا أقلك! مع حتى بيت ابي ما عيستقبلنيششش؟
خليني اموت وارتااااح من تيه العيشة؟
نوري مسكها قبل ما تخرج وبنرفزة: جنىىىى؟ مالششش؟ أهدأي وكوني اسمعي ايش بين اقل؟
ممكن تهدأي عسب نتفاهم؟
جنى تشتي ترد!
بس في هذه الأثناء خرجت الدكتورة وفاء من مكتبها وبهدوء: أعتذر عن المقاطعة، وأعتذر عن انكم جلستوا منتظرين لهذا الساع؟ بس كنت اصلي انا وسكرتيرتي...
المهم هيا أدخلوا؟
جنى بحدة: من قااااال شدخلللل؟؟ منننننن؟ انا ما شدخلششش؟
فلتني يا نوررري؟ خلي لييي حالي انت مالككككششش دخل منييي؟
وفاء تقدمت وبهدوء مسكت بأيديها، وغمضت بعيونها بهدوء ورجع فتحتهن: جنى، صح؟
المهم ليش ما تشتيش تدخلي؟ انا ما اقاحصش والله؟
جنى رجعت دموعها تغورق عيونها: ليش الكل بيقلي مجنونة؟ انا مش مجنونة والله، وحتى ما سويت شي غلط...
انا انا كنت اشتي اعيششش بس...
وانهارت بالبكاء؟
وفاء طبطبت على ظهرها وحضنتها بخفة، ونوري ابتعد شوية...
وفاء بنبرة حنونه: محد بيقل أنش مجنونة.. محد يا جنى!
ومش أن زوجش أداش لهنا يعني أنه بيعتبر مجنونة؟ لا...
هذا دليل على حبه، وحنجه لش...
اقلش كيف؟
https://t.me/+Ecxq_OzMYh40M2E0
📚 @rewayatyamania 🇾🇪
.
البـارت 28 ♡
قلـب تحـت الحصـار² ❤️🔥
👌🏻👇🏻 😍
📚 @rewayatyamania 🇾🇪
اقلش كيف؟
أحيانًا الأنسان من كثر ضغوطاته النفسية،
والناس السيئة اللي من حوله، يشتي يفضفض؟
يشتي هدوء وراحة بال من كثرة التفكير؟
ومش كل من سار عند طبيب نفسي او مستشار نفسي يعني مجنون؟
لا بالعكس؟
جنى، بس تبكي بدون ما تقل شي، وتسمعها بس...
ووفاء أشرت لنوري يهدأ ويطمن؟
اللي بدوره تنهد، وهدأ شوية بسبب تعامل وفاء معها، واستجابة جنى لها؟
ممتن لها إنها أشتغلت شغل إضافي وأوقات راحتها، وخلت المركز فاضي لأجل جنى؟
لأنها توقعت ردة فعلها العنيفة تيه؟
@rewayatyamania المصدر الأول للروايات
عماد بتوتر لف وجهه: هاه، ولا شي..
المهم قضية الشحنة تغلقت لعدم كفاية الأدلة؟
فارس انصدم: كييييف؟ كيف لعدم كفاية الأدلة؟ والمخدرات اللي فيها؟
عماد سنب وابتعد منه: طلع ان ما بش فيها مخدرات، الطب الجنائي اكتشف انهن بودرة ذرة، والحبوب حبوب فاصوليا؟
فارس باقي شوية ويجنن، بهرر بعصبية: وييين التقرير؟
عماد رجم له ورق: هذا هو التقرير، وتغلقت القضية من الأعلى!
فارس، سحب الملف بسرعة ، ومش مستوعب كلامه..
وطنش آخر كلامه! اصلا أكيد ما عتتغلق إلا من شخص أعلى من عماد؟
وهو هكذا والا هكذا عيكتشف من هذا الشخص من خلال التقرير؟ الكامل للقضية..
بدأ يفتح التقرير، إلا وتوصله رسالة لتلفونه..
بسرعة خرجه وفتحه وبسرها من نزار!
وبدون تردد فتحها وانه الملف..
وكلامه على هاني؟
لما فتحه طلع برمز!!!
دخل الرمز الخاص بالسلك العسكري الإستخباراتي وأنفتح؟
خرج من المكتب حق عماد، ما يشتيهش يشك بأي شي؟
خرج من المقر بكله، وطلع فوق سيارته يتفرج ، على مهله..
ويقرأ على راحته؟
♧♣︎♧♣︎
اليـوم الثـاني...
ذمـار... 💚
في بيت أبطالنا، كملت تلبس البرقع وخرجت..
بسرت نرجس جاهزة: هيييا؟
نرجس: هيا..
نزار من وراهن: وييين؟
لفين له وانه لابس، استغربين..
نرجس: وين عتسيررر؟ وبعدين كيف تقل وين؟ المدرسة وهي الجامعة؟
نزار: ورعين، ادي تلفوني واجي.. شرجع لعملي!
غلا ارتجفت، فكرة انه يكون معها في الجامعة،
وهي مرته؟ ودارية بهويته؟ ما جتش ببالها أبدًا؟
أكيد ذاحين عيكون عيونه عليها واصل؟
وليش ما قلهاش من أمس؟
نرجس: يوووه؟ كيف ترجع؟ عادك تاااعب؟ ضروري ما ترتاح؟
نزار بنفسية: ماشي الحمدلله قدني بخييير تطمني!
لف لغلا وبحدة..
اسير ادي التلفون وأرجع، اجي وانتين ما بحد يا ويييلكن!
دخل غرفته، ونرجس فرحت: يسسس أخيرررًا؟ عيوصلني أخي المدرسة؟
من كثر عمله ما كانش يجي للبيت إلا بالنادر...
لفت لغلا..
بس ذاحين ، وبفضلش؟ قدو واصل هنا؟
غلا بإستفسار: ليش؟ نزار ما كنش يجي هنا؟
نرجس: يعني، مش خيرات؟ كان بالاسبوع نبسره مرة او مرتين!
وجت فترة ما جاش شهر كااامل؟
بس ذاحين كل يوم وهو هنا؟
ما تصدقيش فرحتي بوجوده عندنا وجنبنا؟ أحس بأمان، وراحة وهو عندنا مدري كيف اوصف لش إحساسي والله!
غلا بتسمع، وكأنها تشتي تسمع عن نزار أكثر،
ساكتة ومستمتعة بكلام نرجس!
بس بيوجعها قلبها لما تتذكر أيش فعلت؟
خرج نزار من غرفته ، وببرود: يله بعدي فوق السيارة!
نرجس صاحت بحماس: يااااييي؟ وسيارة وحركااات أخيييرًا؟
نزار ابتسم بخفة وكمل خطيته، فتح السيارة وطلع!
غلا ترددت تطلع قدام، بس رجعت تطلع وراء..
سمعته بسخرية: بسرتيني سواق أبوش؟
يله جي هنا..جنبي..
نرجس ما سمعتش البداية، سمعته حين قال "يله جي هنا جنبي؟"
ابتسمت وبزبج وضحكة: ايووواه ايووواااه هو كله عمل الرمسسةة والحب!
يله سيري يا مرة أخي جنبه يله!
ايش فعلتي به لدرجة مش قادر يجلس بدونش ثواني!
غلا استحت، ونزار ابتسم من هبالة نرجس...
بس حاول يبين انه جدّي: بنتتتت؟ ايش هذا الكلام؟ ما عبش أحترام؟ صدق اللي استحوا ماتوا؟
نرجس استحت، وارتبكت: ما اقصدش شي، بس يعني!
وسكتت بإحراج، أصلا اول مرة تحاكي نزار هكذا؟
أصلًا هي بتهتاب من نظرته؟ حتى لو ما فعلش حاجة؟
نزار ضحك بخفة: خلاص، سهل هذه المرة لش المرة الثانية ماشي!
لف لغلا..
وانتي عتجلسي متسمرة؟ والا ماهو؟ هيا اطلعي نشي نخطى..
غلا طلعت قدام جنبه، وهي تسبه وتلعنه داخلها..
ضروري بكل فرصة تجي له يحرجها؟ او ينرفزها؟
سخييييف..
طوال الطريق، والجو هادئ والصمت سيد الموقف!
ونزار نظره على الطريق، ونظره على غلا وأيديها اللي كانت، مجمزة لهن ببعض وباين التوتر فيها..
وهي ما رفعت نظرة لعنده أبدًا!
وصلوا نرجس، ونزلت..
لف لغلا وبسخرية: اوووف؟ ما عرفتش هادئة وساكتة؟
غلا بضيق لفت له: انت ايش تشتي؟
نزار وهو بيحرك وببرود وإستفزاز: ولا شي، بس مستغرب!
كيف تقدري تمثلي؟ ممثلة بارعة قوي؟
بتمثلي البراءة قدام أمي واختي؟ وانتي أخطر من إبليس؟
لدرجة أسأل نفسي؟ انتي غلا اللي جت لمكتبي وبكل وقاحة وبدون حياء!
طلبت أتزوجها؟
والا حد ثاااني؟ والا متلبسش جني؟
غلا ما استحملتش...
📚 @rewayatyamania 🇾🇪
.
البـارت 29 ♡
قلـب تحـت الحصـار² ❤️🔥
👌🏻👇🏻 😍
📚 @rewayatyamania 🇾🇪
غلا ما استحملتش إهاناته، وكلامه الجارح لها، وبصوت: نززززااااررر؟
ايش تشتيييي ذاحين انت من صباااح الصبح؟
ما بتدوووورررر؟
بتدور مشششاكل صح؟
نزار ضحك بإستفزاز: ايووووه، هذه غلا الوقحة، اللي اعرفها!
كنت بدأت احس بتأنيب الضمير هههههههههههههههه الحمدلله!
باني على حقيقتش، ما بحد لا أمي ولا أختي تمثلي قدامهن!!!
غلا لفت وجهها صلا الزجاج، وبدأت دموعها تتجمع في عيونها...
وسكتت، ما تشتيش ترد عليه! لأنه أكيد عيوجعها بكلامه!
وهي ما تشتيش لأنه بيضرب على الوتر الحساس!
وكلامه حتى لو فيه شي مجحف بحقها،
بس هذه الحقيقة من وجهة نظره!
وما تلومهش أبدًا...
@rewayatyamania المصدر الأول للروايات
عنـــد علـــوووش...
اللي قد لنا خيرات، منه🫣
كان بيرتب البضاعة، وصل له اتصال وبسره من العم مروان!
رد بسرعة: أرحب يا عم!
العم مروان: بقيت يا أبني!
وينك؟
علي: بين اشتغل في مكاني! خير تشتي شي؟
العم مروان بصوت تاعب: ايوة...
جي لمكتبي سريع...
علي: ذاحين الآن...
قفل منه، وعلى طول فلت اللي في يده وسار لمكتبه...
باين ان صوته تاعب؟ فيه شي؟
حس قلبه بيدق بقوة؟ لو يقع به شي! مش داري ايش عيفعل؟ مش متخيل حياته بدون العم مروان اللي له أفضال خيرات عليه...
اللي بيحس انه عوض من الله، بعد ما مات أبوه؟
♧♣︎♧♣︎♧
وصلوا لقبل الجامعة، عسب محد يبسرهم مع بعض...
وقبل ما تنزل مسك بيدها: لا تنسي! محد يعرف انش...
كمل بسخرية... زوجتي تمام؟
غلا بعدت يدها منه: تطممممن، وهذا اللي أشتيييه...
ولو ما كنتش اشتيه، ما طلبته منك من الأساس؟
فلتته وخطت...
وهو بيلاحقها بنظراته...
مشاعره متناقضة؟ أفكاره مشتتة؟
يشتي يصدق إنها بريئة؟ قلبه بيقله هكذا؟ خاصة بعد ما بسر كيف أمه وأخته بيحبنها؟
بس عقله بيقله ان وراها شي، وانه لا يوثق ولا يأمن لها أبدًا...
حرك سيارته، ووصل للجامعة ركنها في مكانها المخصص...
نزل وبيغلقها، وفي هذه الأثناء وصل له اتصال، بسر تلفونه...
وأنه من فارس!
رد بسرعة: أرحببببب يا خوووككك!
فارس: بقيييت، قل لي وينك؟
نزار: وين شاكون؟ في الجامعة؟
فارس بصياح: يا كلبببب؟ مش قلت لككك، عادك مريض يشتي لك راااحة؟ ليش تسيررر؟
نزار بدعممة: المهم اتصلت من صباح الصبح ما تشتي؟
فارس تنهد بيأس من عناده: عنيييد، رأسك يابس...
المهم اسمع، الملف اللي ارسلته لي موثوق مائة بالمائة؟
نزار استغرب؟: افااا عليككك، أكيييد! وانت داري؟ ليش؟
فارس وراسه مصدع: اسمع، انا قد شنزل ذمار قدني في الطريق...
ولما أوصل شاقلك باللي أكتشفته!
ويمكن ارجع اخليك بيوم تطلع معي؟
نزار: خييير ايش حصل؟
فارس: ما ينفعش في التلفون، المهم انتبه لنفسسسككك...
لا تجهدش روحك...
كمل بسخرية...
يا دكتوووور نزار!
نزار غمض عيونه بضبح: اللهم طولك يا روححح، هذه طبيعتك ما عتبطلهاااااششش؟
الله يصبرني عليككك...
فارس بزبج وضحكة: أووووب أووووب العقيد نزار عصب! ضبح!
خلاص يا دكتور، حقك عليا...
هههههههههههههههه...
نزار ، بأسنان مشدودة: نذذذذل، تااافه، انقلعععع من وجهي!
نرفزة من صباح الصبح!
غلق في وجهه، وسرعان ما تبدلت ملامحه، ابتسسسم!
مش داري كيف عتكن حياته بدونه؟
تنهد، ودخل مكتبه كل شي على ما هو؟
طول هذه المدّة ما ادوش بدله دكتور؟
لذلك سار على ما هو ورجع على ما هو، وبدأ يفرز الأشياء المهمات، وتكاليف الطلاب الأخيرة لما يجي موعد محاضراته؟
♣︎♧♣︎♧♣︎
وصلت لعندها: غلاااا!
غلا لفت لها: حيييا جيهان...
جيهان وصلت ودكمتها بكتفها، وغمزت: ما عدبش حيا لي؟ قلي لي كيف شعورش وانتي جيتي للجامعة مع زوجش؟
واللي وصلش زوجش؟
غلا ضحكت: شلوش، انتي وين واحنا وين!
جيهان: والله من صدق، تخيلي اول ما فعلتي لي الرسالة ان نزار عيوصلش! وعتجي انتي وهو...
قشننت، حسيت ان احنا في مسلسل رومانسسسسي مُبتذل!
غلا دكمتها في رأسها بخفة وهي تضحككك: صدق انش مهبووولةةة!
جيهان وهي تتشبث بيد غلا: هيا هيا أمانة احكي لي كيف شعورش؟
غلا: عادي، ما بش شعور...
كأنه أخي اللي بيوصلني!
جيهان بصدمة بعدت منها شوية: عادي؟ ما بش شعور؟ أخوش؟
غلاااااا؟ يا عديمة الأحسسساس، انا لو مكانش اني طايرة من الفرحة...
وبهيام...
وزيد اليوم عيدخل عندنا؟ وعيشرح؟ حرام لا اجلس اتفرجه وما عاد شستوعبش الدروس!
غلا: هههههههههههههههههه الله يهديش بسسس!
خلينا ندخل القاعة هيا!
♧♣︎♧♣︎♧
علي وصل للمكتب، دق ودخل...
وبلهفة: فيكم شي يا عم؟ اشلكم المستشفى؟
العم مروان بملامح تاعبة هز رأسه: ماشي ماشي، انا بخير ، هي شوية سعله...
وشوية برد عيسيروا...
خليتك تجي لموضوع!
علي: ايشش؟
العم مروان ابتسم: اجلس اول؟
علي جلس... وهو على أعصابه؟ مش مستعد يخسره ابدًا...
ولا مستعد...
https://t.me/+Ecxq_OzMYh40M2E0
📚 @rewayatyamania 🇾🇪
.
البـارت 30 ♡
قلـب تحـت الحصـار² ❤️🔥
للكـاتبتيـن: منـارة اليمـن وأميـرة اليمـن
👌🏻👇🏻 😍
📚 @rewayatyamania 🇾🇪
علي: ايشش؟
العم مروان ابتسم: اجلس اول؟
علي جلس... وهو على أعصابه؟ مش مستعد يخسره ابدًا...
ولا مستعد يقع به شي؟ أبدًا...
العم مروان: ما تقلقش يا أبني، انا قلت لك تجي عسب موضوع الولد اللي بيأذيك!
لما سرت بلغت عليه، وهو ذاحين يشتي العفو!
علي بعدم فهم: كيف؟
العم مروان: يعني الولد قال عيكتب تعهد ، ما عاد يتعرضش لك...
ويشتي عفو عسب البضائع الثانية! وانا جيت أشتي شورك! ايش قررت؟
وزيد موضوع ثاني... محلك حق مغسلة القات، بسرت كيف شغال؟ تشتي تفتح لك فرع ثاني؟
@rewayatyamania المصدر الأول للروايات
دخل قاعة المحاضرات، وأول ما دخلوا: السلام عليكم!
الكل رد: وعليكم السلام...
وبأصوات متفاوته...
طولت الغيبة يا دكتور! وين كنت؟ قلقنا عليك، تكون لقيت لك عمل بدل هذا بعد ما تعودنا عليك مثل الدكتور محمد؟
نزار أبتسم وبدون ما يبسرها: ما تقلقوش، بس كان معي شوية ظروف ومشاكل، وحليتها!
وهذا انا عندكم، عنكمل سوا!
واحد منهم: هو صدق يا دكتور؟ سمعت انك تزوجتتتت؟
نزار، سكت ثواني! الموضوع عيوصلهم؟ أصلا اللي جوا في عرسه خيرات، غير اللي من السلك العسكري؟
مش ضروري يخبي انه تزوج! بس ما عتكنش هي مرته قدامهم اكيد؟، رد: أيوة...
الثاني: دام الله السروووور يا دكتور...
الثالث: ليش ما تعزمنا؟ نجي نقوم بالواجب...
نزار وهو ينظر لها نظرة خافتة: سروركم، دايم...
أعتذر بس كان الموضوع بسرعة ما فضيت اعزمكم...
وبزبجة...
سهل اعزمكم في عرسي الثاني...
كلهم: اوووووووه قدو يشتي يتزوج، وما قد لعرسه شهر سوا؟
نزار ضحك بخفة وبسرها مرة ثانية: خلاص ، يكفي زبج وضحك خلونا ذاحين في الجد...
لف يبدأ يشرح، وهو مفعل وضعية الشخصية الجدية...
جيهان كانت تسمع، وكل شوية تلف لغلا وتتكلم: اسمعي ما بيقل؟ زواجكم مشاكل؟؟
يوه يوه ماله هذا؟ قده يشتي يتزوج الثانية وما قد لكمش إلا شهر سوا؟
اكيييد انتي مضبحة له؟ اكيددد!
غلا بهررت وهمست لها: والله يا كلبةةة؟ وبعديين يوووه منش انتي، كم روحش البعسسة، أمانه اسكتي خلينا نسمع ونركز ما بيقل؟
سكتين، وبعد دقائق سمعين بنات وراهن: والله ان الدكتور نزار جنتل وهيبة، هنيت لمرته!
الثانية: لا هو صدق ناوي يتزوج الثانية ، هذا انا هاه! والله ما اقلش مع...
الثالثة: ابسروا بس على كاريزما فيه؟ وشخصيته اللي محد يقدر يبعد عينه عنه؟
غلا كانت تسمعهن وبتتفحتت، وبتحس بغيرة؟ منهن!
كانت تشتي تلفتت وتخرررج عيونهن من مكانهن، بس مسكت نفسها وجالسة تسمع لهن بضيق...
جيهان بسرت غلا كيف باين متضايقة؟
لفت لهن بضبح وصوت رافع شوية: عتخلنا نسمع المحاضرات والا كيييف؟
إذا عجبتكن الجلسسسة والمجابر خرجتين خارج لو سمحتين؟
واحدة منهن تضايقت من أسلوبها ونبرة صوتها: وانتي مالش بتصيحي؟ وأنتي مش ضروري تكون اذنش عندنا، لا أنتي مهتمة، اسمعي المحاضرات وبس...
كل اللي في القاعة لف لهن، بسبب نبرة صوتهن...
نزار سمعهن ولف لهن، وبسر ان الشوشرة مكان غلا وجيهان...
رفع حاجبه: خييير؟ ايش حصل؟ ايش هذه الأصوات؟
واحده منهن وهي متوترة وشوية مياعة في صوتها: ولا شي يا دكتور، آسفين على إزعاجك...
جيهان تنرفزت: اشحطي لقفش من اللغاجةةة...
لفت لنزار... دكتور نزار، قلهن لو يشتين يتجابرين يخرجين خارج؟
من اول بيهدرين ولا خلنا نسمع شي!
غلا مسكت يدها وهمست: جيهان، أهدأي! بسسس عيب؟ مالش؟ ابسري كيف قد الكل بيبسرنا؟
جيهان بتبسر كيف الكل موجه انظاره لهن، وأستحت: آسفة يا دكتور اذا طيرنا وقت محاضرتكم، بس هن مش راضيات يفهمين بالحلا؟
نزار رفع حاجبه : خير، ذاحين ما بش شي...
كل واحدة تجلس مكانها بهدوء، اللي تشتي تتجابر تخرج خارج، هذه قاعة محاضرات، مش قاعة إجتماعات وأعراس؟
جيهان جلست براحة، بعد ما هزأ البنات، والبنات تضايقين بس ما علقنش، وجلسين...
نزار، بسر غلا مدنيه لرأسها، رجع لف: نرجع لموضوعنا؟
الكل رجع لمكانه، وبدأ يشرح، والكل رجع يركز معه...
♧♣︎♧♣︎♧
ظهـــ١٢:٠٠ـــر...
رولا كانت في الكافتيريا، وتلفونها بيدها، وهي بتتفرج في السراب؟ والفراغ!
مش دارية كيف تتصرف؟
فجأة ارتبكت ، من اليد اللي انحطت فوق كتفها!
لفت وبسرتها ريناد: ريناد!
ريناد: ايوة ريناد؟ مالش؟ بسرتي جني؟
رولا أرتبكت: مع مع...
طرحت تلفونها في شنطتها بتوتر...
كفلش جيتي؟
ريناد وهي شاكه فيها، وعينها على شنطتها: جيت ابسرششش؟
ابسر تشتي حبوب؟ أكيد قد كملين؟
رولاء ابتسمت بتكلف : هاه؟ ماشي مااشتيش!
اشتريت منش آخر مرة خيرات، مكفيني..
ريناد: اهممم؟ سابر!
لفين للبنات اللي دخلين...
وهن بيتشارعين...
: ليش اديتينا هنا؟ كنا عنصتبح في كليتنا؟
:مالش يا غلاااا؟ والله...