41/42
[٢١/٢، ٨:٥٠ م] null: .
البـارت 40 ¤
فـي قلبـي حكـايـة
للكاتبتين: ياسميـن أحمـد وإلهـام البحـري
👌🏻👇🏻 😍
📚 @rewayatyamania 🇾🇪
عند فيروز بتبسر لفرح كيف بتضحك وفي نفسها: عنرجع نبسر الضحك هذا من بعدا يافرح لوما تتزوجي غصب وزوجش يخليش تشقي ساع الخدم
منى بسرتها مطننة: مالش يافيروز
نور: ووو فيروز من شل عقلش
فيروز: هاه ماهو
منى ضحكت: خالد شل عقلش
فيروز: هيا ناهي لش ماعاد احناش حق ذيه الخبر مابلا بين افكر في خطبة رغد
منى: ليش مابه
نور: او به خبر شوعة
فيروز: مع مابش شي الله يوفقها
منى: آمين عقبال فرح وبناتش
نور: وان البنات كملين
منى ضحكت: ياويلش وبنتي وين شليتيها
نور: هيا ناهي قد بتدوري تتخارجي منـها
فيروز: مصير البنت لٱ عند زوجها
نور: والله انو صدقش قد بنبسر احنا وين
منى: سنة الحياة
@rewayatyamania المصدر الأول للروايات
عند الحجة فاطمة
ام المهندس امجد: ذاحين يا حجة فاطمة انا جاية اليوم اطرح لش خبر نشتي القرب منكم في بنتكم رغد
الحجة فاطمة: اهلا وسهلا نحاكي اخوتها ونحاكي البنت والله يكتب مافيه الخير
ام المهندس امجد: حقكم مابه شي
الحجة فاطمة: ان شاء الله خير لابه نصيب الله يوفقهم
ام المهندس امجد: بإذن الله لو به نصيب ماعذر من خير وكل واحد ما يأخذ الا نصيبه والتفتت لبنتها ومرة ابنها الكبير هيا خطينا
الحجة فاطمة: عادو بدري اجلسي عندنا
ام المهندس امجد: عندكم العافية قدو شرق مرة ثانية ان شاء الله
قامت ام المهندس وقامت معاها بنتها ومرة ابنها واشرت لفرح تقوم معاهن لبسين وودعين الكل وروحين
ام فادي: هيا وانا يا حجة فاطمة اشتي بنتكم فرح لابني فادي
الحجة فاطمة: اهلا وسهلا نحاكي ابوها واعمومها وان شاء الله خير
فيروز سمعت ام فادي واقتلب وجهها
ام فادي بتبسر لاعندها ومتقصده: وكيف ماكانت ياحجة فاطمة ولاتهمي شي شاوقع امها بدل امها
الحجة فاطمة: فيش الخير اذا به نصيب عيوفقهم الباري من عنده ويجمع بينهم على خير ويبعد عنهم المطابزين
فيروز دريت ان عمتها دارية باللي قالته لام فادي وشغلت نفسها وبتتجابر مع سلايفها
ام بسمة جالسة جنب ام فادي والحجة فاطمة
ام بسمة: امانه يا حجة فاطمة ان الجلسة معاكن مابش مثلها
ام فادي: صدقش والله
الحجة فاطمة: فوق عيني وراسي
يا ام بسمة نشتي نجي عندكم
ام بسمة وحاسه ان هي تشتي تخطب بنتها: حياش فوق عيني وراسي
الحجة فاطمة: ياسين عليش
ام بسمة قامت وبتصيح لبنتها: هيا شرق يابنتي
الحجة فاطمة: اجلسوا عندنا
ام بسمة: عندكم العافية قدو شرق الرجال لحاله نسير نبسر لاعاد يحتاج شي والا شي
الحجة فاطمة: كان سابر عاد معش الحج ماهكذا
ام بسمة ضحكت: ماعاد بش معانا الا الله ثم هو
الحجة فاطمة: عيجبركم بعافيته
ام بسمة: آمين يارب
هيا خاطركن هاه تمسوا على خير
الحجة فاطمة ونسوان عيالها
: مساش بالخير والعافية
فرح: هيا بسمة اجلسي
بسمة: قد امي بيصيحوا
فرح: يلا سابر حن قد جيتي
بسمة: شرجع ابسر ارجلش كم عتتكسر وتجي
فرح ضحكت: قريب قريب
بسمة: جعل صدق
وفي العشي الساعه 8 بعد ماالضيوف روحين
الحجة فاطمة: قومين افعلين العشاء اشتي اتجابر مع عيالي
سعد وسيف وعلي وخالد: هيا ماقد به، مابه يماه، خير
الحجة فاطمة: اليوم اتقدموا لفرح ورغد
خالد اقتلب وجهه: من اللي اتقدم لبنتي
الحجة فاطمة: بيت .....
اشتي تسألوا عليهم والبافي قدكم اخبر
سيف: ان شاء الله يماه
سعد: الله يوفقهن
علي: وانا يماه
الحجة فاطمة: وانت حاكينا ام البنت نسير عندهم ونبسر ماعيوقع
علي: على الله خير
عند فرح
بتصلي عشاء
دخلت رغد: عادش بتصلي
فرح: غسولت وصلحت العشاء وجيت ماسخيت عليش قلت قدش حريوة
رغد بقصتها: عادني فوق راسش
فرح بضحكة: ناهي ااااح
رغد: فرح يعني اركن قد فعلتي العشاء
فرح: ايوه
وين الباقي
رغد: نازل جنب الديوان بيتجابرين واعمومش وابوش نازل
رغد التفتت ولقت كيس: وهذا مافيه
فرح: شليت لي لدة لغطوة وحقي الملازم او نسيتي شاسير بيت ابي
رغد: هاه صح نسيت
فرح: هيا ننزل نقرب العشاء
رغد: هيا
.
.
عند فيروز وسلايفها:
فيروز: يعني ذاحين عيوقع معانا عرس نشتي نطقم مارأيكن
منى: ايوه ايوه
نور: مانطقم
فيروز: نلبس جمعة والجهال والكل
منى: تمام
نور: انا عن نفسي نبسر الموديل وبعدها سهل
منى: ايوه ضروري الموديل يوقع حالي
فيروز: ماهذا اكيد
دخلت فرح وقربت العشاء ابسرتها فيروز وبنبرة امر وكأن فرح خادمة: داعي خواتش يجين يتعشين واقطبي اتجهزي
فرح بسرتها: تمام
رغد بتبسرها: اول اجلسي اتعشي
وابسرت فيروز: وانتي صيحي لعيالش والا عادش تشتي من يخدمش
فيروز: او عيكتسر لقفها لٱ دعت خواتها
رغد: وانتي ماعيوقع بش
منى: صلين على النبي
نور: ...
📚 @rewayatyamania 🇾🇪
[٢٢/٢، ١٠:٢٩ م] null: .
البـارت 41 ¤
فـي قلبـي حكـايـة
للكاتبتين: ياسميـن أحمـد وإلهـام البحـري
👌🏻👇🏻 😍
📚 @rewayatyamania 🇾🇪
نور: مابش شي شاصيح لهم انا
وقامت نور تصيح للجهال يتعشوا
فيروز بسرت فرح وقلبت عيونها
فرح بسرتها وفي نفسها ياارب خراجك
عند الحجة فاطمة
كملوا يتعشوا عيالها وكل واحد منهم بيداعي مرته وجهاله
خالد: فرح هيا اقطبي وفي نفسه والله ماتتزوجي الا على ما اشتي انا
فرح لبست ونزلت قبل خالتها ودعت امها وقد هي عتبكي وماسكة نفسها
الحجة فاطمة بتحاكي خالد: اوبه للبنت حرام لو تغثيها لٱ اشرب من دمك
خالد: انا ابوها لو اقتلها محد له دخل يماه خاطرش وشل نفسه وخرج
الحجة فاطمة حبت بنتها وادت لها مصروف قومي بحين وانتبهي لنفسش
فرح: حاضر حبت امها وخرجت بعد ابوها طلعت السيارة جنب الطاقة وسكته
طلعت فيروز فوق السيارة هي والجهال والتفتت: صرفوا وانتي اي حين نزلتي
فرح: لوما كنتي بتتجهزي
فيروز: ولا تقولي خالتي معاها لدة اعاونها
خالد: ليش ماتعاوني خالتش يابنت
فرح: قلت شاعاونها وانت صيحت نزلت على طول
فيروز: اتمعذري بس
فرح: مشي معذرة ياخال...
خالد: اصااه كسرتين راسي
عمر: والله انو صدقك يا اباه
ايمن: ناهي وانت اهجع للركوزة حقك
عمر بيشاور اخوه: مش قلت لك كما هي موجودة بتوقع نثرات
ايمن: ولابه شي اسكت وبس
عمر: ناهي لك انت اجلس اوقف الا معاها ولا رضيت تحلى من اللي قد وقع لك من تحت راسها
ايمن: قدي اختي الكبيرة
عمر: عنقلهم
رهف بتجابر رنا: فاارحة قوي لان فرح عتجي عندنا
رنا: وانا مثلش عترقد عندنا في غرفتنا
رهف: ايوه اليوم نتفرج اي حاجه مانشتيش نرقد
رنا: والمدرسة
رهف: نغيب ياسعم ان فرح بتجي يومية
فرح ساكتة وبتسمع كل شي بيتحاكوا وجعها قلبها من اخوها وفرحت ان خواتها بيحبنها بس قلبها عند امها وعمتها وبتفكر مابيفعلين ذاحين وايش بيتجابرين
@rewayatyamania المصدر الأول للروايات
وصلوا البيت:
فرح نزلت بدون ولاكلمة دخلت الغرفة حق خواتها غيرت البالطو ولبست الروب
رهف ورنا غيرين وبيتجابرين معاها
سمعتهن فيروز وفتحت الباب وبصياح: حرام لوما تقومين ترقدين لٱ اجي اماسيكن
خالد سمع صياح وجاء لاعندهن
: هيا ماقد به
فيروز بصوت عالي: قلنا يقومين يرقدين معاهن مدرسة
خالد: ليش ماترقدين وانتين
رهف: نشتي نجلس مع فرح مابتجيش كل يوم عندنا
رنا: ايوه يا اباه نشتي نغيب غطوة
فيروز: ارقدي لش مرقدة قلك تغيب معش مدرسة اشتي تكملي وتوقعي اوائل وتدخلي الجامعة والا تشتي تجلسي في البيت
فرح: خلاص قومين ارقدين معايا والكل جامعة
فيروز: هيا ابسرتين بتهم نفسها ولاهي دارية اين انتين
خالد: خلاص يابنات غطوة غيبين الكل واجلسين جمعة
فيروز تشتي تتحاكى مسكها خالد وغلق الباب على البنات وسار غرفته
عمر وايمن بيسمعوا من الدرج
التفت عمر لايمن: وعادك عتقول ان هي اخت قلت لك حق نثرات ومشاكل وصياح
ايمن: ناهي وانت اشتي ادرى ليش قلبك عليها هكذا ماقد فعلت بك لوما قدك كذيه عليها
عمر: مشو على وجهك وبعدا ماعتفعل معي حرام لٱ اوريها ما انا ماناش مثلك يا اخضع ( أهبل ) شاسكت
ايمن: الله يزكيك عقلك اسير ارقد اخرج
عمر: سير في ستين داهيه لكن
.
.
عند خالد:
فيروز: مالك فعلت بي هكذا قدامها
خالد: هجعينا وانتي البنات يشتين يجلسين مع اختهن خلاص
فيروز: ايوه بناتي يغيبين من المدرسة اما هي ماتغيبش من الجامعة
خالد بضحكة: الا عتغيب او نسَيتي ماقلت لش
فيروز ذكرت وبضحكة مكر: هاه ايوه صّـح صّـح
خالد: هيا هجعينا هاه
فيروز: تمام بعدك وفي نفسها مقلع لكن ان شاء الله افتهن من قطيعها هذه الربحة وبعدها خالد مايفكر الا بي وبعيالي ونخلص من الدحس حق فرح
خالد: هيا مالروحي مطنن
فيروز: ولاشي يلا هاه شاسير ادي لك قسمك
خالد: ماهو
فيروز: الحلا اللي قسمنا اليوم
خالد: هاه يلا تمام سيري قطبة
فيروز سارت وفي نفسها الله يخارجني منش يافرح يارب تعجب المدير ويطلبها لابنه ونهجع لنا منها
.
.
عند فرح:
جالسة مع خواتها وبيتجابرين وفارحات بها
سمعتهن فيروز وفي نفسها: الله يشلش يافرح قلبتي عليا عيالي وزوجي كل ما اقول تسبر حياتنا تطلعي ساع الجني ويوقع صياح اووووف بس
ودخلت الحلا لزوجها وبيتحاكوا
فيروز: ذاحين قل لي ماعتفعل ماعتسوي غطوة
خالد: اكمل اكل واقلش
فيروز بسرته سكته
خالد: هذا طعيم من فعله
فيروز قلبت وجهها: بنتك
خالد متفاجئ: هذا الحلا فعلته هي والله ان هي حميش قصدي انو من السوق
فيروز في نفسها ماعيركز للحريوة الا امها وهذا أنت
خالد: هيا مالش ساكته
فيروز: مريعه تتحاكى
خرجت فرح وفي يدها الجاك تعبي ماء وسمعت ابوها
فيروز: ذاحين كيف عتفعل غطوة معاها ماخطتك
خالد بضحكة: ...
📚 @rewayatyamania 🇾🇪