34/35
.
البـارت 34 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
صاحباتها: عادهي عتبسر نفسها اللي يسمعها يقول مدري ماقد ملكت
واحدة ثانية: ابردين لكن
الثالثة: انا بين اقلكن خلنا نهجع وخلاص
عند فرح بتدور على بسمة وفي نفسها مالها غايبة؟ يووه
شلت تلفونها واتصلت لاعند امها تطمنها وبعدها اتصلت لاعند بسمة
بسمة: قدني في الطريق سارت عليا نومه
فرح: مشو عملش مدري مابتفعلي لانص الليل
بسمة: الله يقلعش والله انني بين اكتب البحث
فرح: تمام تمام عنقلهم يابتكتبي البحث
بسمة: مشو وقتش كما وصلت وبعدها وريتش
فرح بضحكة: اوصلي اول وبعدها سهل
بسمة: خاطرش خاطرش انا فوق الباص والا شاغلط عليش
فرح ضحكت وبسمة اتنرفزت وغلقت لا وجهها
فرح ضحكت وسمعها شخص ووقف بصدمة
وقال: فرح
هي عرفت انو الدكتور وبداخلها: الا والله انو هو هذا صوته ياربي معقولة
التفتت بهدوء وابتسامة هادئة مرسومة: اهلاً دكتور
فادي ضحك وقال: الدكتور في العيادة هانا زميلش فادي بس
فرح: طيب
فادي: كيف حالش؟ وبسر التلفون في يدها
فرح شافته لاوين بيشوف بسرت لايدها والتلفون بيدها دخلته الشنطة
فرح: الحمدلله وانت كيف حالك؟
فادي فهم انها ماتشتي تدي رقمها: الحمدلله رجعتي تداومي
فرح بحماس طفلة: ايوه قد كنت مشتاقة قووي للجامعة
فادي ابتسم على المرأة اللي بتصرفاتها طفولية وعفوية وهذا اللي يميزها: الله يوفقش
فرح شافت بسمة وخافت ان هي تفهمها غلط استأذنت من فادي ومشت
فادي: فرح وخرج كرته هذا رقمي اذا ماعتجيش الجلسة اليوم في العيادة بلغتيني
فرح اخذت الكرت وشكرته ومشيت
بسمة بتبسرها بنص عين سلمت عليها وقبصتها: ليششش بتنرفزيني لييشش
فرح: اااح يا جلفة قلت ابسر وين انتي مالش ماحضرتي وانش ماتستاهلي احد يسأل عليش
بسمة بضحكة: اوووف بس خليها على الله امس لا 2 وانا بين اكتب البحث الدكتورة قالت كل ثلاث مع بعض كتبت اسمش واسم سلا واسمي
فرح حضنتها: ما انحرمش منش ي بسمة
بسمة: ولامنش يلا اخطي نسير نصتبح قمت متأخرة يلا لبست وجيت
فرح: قد اصتبحت بس يلا نعيده معش
بسمة مسكت بيدها وسارين يصتبحين
@rewayatyamania المصدر الأول للروايات
عند فادي :
مشى وهو زاعل ليش خبت تلفونها وكأنها ماتشتيش تدي رقم تلفونها او ادرى ان معاها تلفون
اممممم معاها حق يافادي لاتنساش انو وقعت مشكلة لها بسببك
اوووف بس
شافه صاحبه: هيا مالك بتتأفف قلنا لك الجامعة تعب قلت مع اشتي احضر الماجستير والدكتوراة
فادي ضحك: اين انا ووين تفكيرك ضربه في كتفه هيا اخطى اخطى ربع ساعه وتبدأ المحاضرة
.
.
عند الحجة فاطمة: رغد وين جيتي
رغد: هوذني يماه عادني كملت اخبز ماتشتوا
الحجة فاطمة: جي ما اقلش
رغد: ها مافي نفسش
الحجة فاطمة: ابسري يابنتي انتي قدش مرة وحق مسؤولية
رغد اتذكرت المرة اللي جت لاعند امها : مالش يماه مابه ماقصدش بهذا الكلام
الحجة فاطمة: انا ماشالف وادور شاقلش دغري( على طول) به ناس يشتوا يجوا عندنا يتعرفوا عليش
رغد مغصتها بطنها وساكتة وقدهي محمرة وماعاد دريت ماتقول
الحجة فاطمة: هيا مالش سكتي بعدين قد حمرتي وماقد بش شي
رغد: اقوم اكمل العمل يماه خاطرش
الحجة فاطمة: ضحكت على رغد الله يسخر لش ابن الحلال يابنتي
رغد سمعتها وابتسمت وسارت تكمل عملها وفي المطبخ بينها وبين نفسها من هذا الشخص يمكن تكون نفس الذي بسرتني في العرس طيب كيف عيكون هذا الشخص وهل هم ناس محترمين وهو إنسان واعي وبيكون قد الزواج
فجأة ضحكت على نفسها يووووه شلوني مش وقت هذا التفكير وكل شي شعرفه في وقته بس اذا هو خير لي الله يقربه واذا شر الله يبعده عني
.
.
في المحاضرة
فرح خرجت الورقة الذي مكتوب فيها رقم فادي من الشنطة جلست تبسرها اووووووف صعب ان انا ارسلك ومستحيل ادخل نفسي في نفس المشكلة يكفي المشكلة الاولة توجعت وعانيت قوووووي منها
بسمة: فرح رقم من هذا وفي مه بتفكري
فرح: ها ولا شي
بسمة: انا شكلش هذا اليومتين مش عاجبني مدري ايش فيش ويعلم الله ايش مخبيه عليا
فرح: بسمة بين اقول لش مابه شي وارتفع صوتها بدون شعور
الدكتور: فررررح ايش في وقت محاضرة اذا به نقاشات خارجية لو سمحتي خارج القاعة
فرح انحرجت قوووي قدام زملاءها أعتذر يادكتور ما كان قصدي
بسمة بسرت لعند فرح وفي قلبها يعلم الله أيش فيش يا فرح
.
.
في البيت
الحجة فاطمة جالسة لوحدها وفارحة هذه الصدفة الذي مابش ساعها جوا لبناتي الثنتين في يوم واحد ياررررب ارزقهن عيال الحلال الذي يصونوهن ويستروا عليهن
دخلت رغد: أماه
الحجة فاطمة: امي وابي وروحي
رغد: أنا فدا لش
الحجة فاطمة: مافي نفسش
رغد: مابلا كملت علينا الدبه الغاز وماقد كملتش أفعل الغداء هاتوا تلفونكم اتصل لسيف
الحجة فاطمة: ...
📚 @rewayatyamania 🇾🇪.
البـارت 35 ¤
فـي قلبـي حكـايـة
للكاتبتين: ياسميـن أحمـد وإلهـام البحـري
👌🏻👇🏻 😍
📚 @rewayatyamania 🇾🇪
الحجة فاطمة: مافي نفسش
رغد: مابلا كملت علينا الدبه الغاز وماقد كملتش أفعل الغداء هاتوا تلفونكم اتصل لسيف
الحجة فاطمة: طيب من عيوني ها شلي التلفوني لكن ها لا تكملي عليا الرصيد
رغد: هههههههههه ولا عليش
شلت التلفون وبتتصل لعند سيف
سيف: الو
رغد: سيف كيف حالك
سيف: حيا بروح اخوها بخير وانتي كيف حالش
رغد: الله الله ايش الكلام الحالي هذا
سيف: ماهوش احلى منش
رغد: يعلم الله ماقد معك المهم نشتي غاز كمل علينا
سيف: ولا عليش ادي لش عيوني
رغد: تسلم عيونك
سيف: ولا تهمي شدي معي غداء من المطعم وارجع عتشل الدبه واعبيها لكم
رغد: تمام الله يحفظك
@rewayatyamania المصدر الأول للروايات
عند فرح بعد اذان الظهر
خرجين من المحاضرة بسمة بتسأل فرح: اشتي ادري مالش
فرح: مالي شي هيا اخطي نروح كملت المحاضرة
بسمة: بتتهربي مني يعني فيش شي
فرح: ولابه فيني شي
بسرت تلفونها رن
بسمة بسرت رقم غريب: جاوبي مالش
فرح جاوبت وجلست سكته
عمها سيف: الو فرح
فرح: عم سيف
سيف: ايوه ياروح عمش وين انتي
فرح: قد استغربت من عيتصل لي
سيف: لوما اشتربت لش التلفون والشريحة اتصلت للشركة عشان ادرى برقمش وسجلته ونسيت ما اسجل رقمي
فرح: سهل شاسجله ذاحين
سيف: قولي لي قد روحتي
فرح: ماشي عادني خرجت من المحاضرة
سيف: خلاص ريعي شاجي لش
فرح: لاتتعب نفسك ياعم
سيف: لاتعب ولاشي نسير نشتري غداء وروحنا
فرح: عمة مافعلوش غداء
سيف: كملت الغاز واتصلت لي قلت خلاص نشتري من خارج
ريعي قدني قريب منش
فرح بفرحة: تمام حاضر
بسمة: هذا عمش
فرح: ايوه
بسمة: هاه شكله عيجي لش
فرح: ايوه
خطيت فرح مع بسمة وجلسين فوق الكراسي
فرح سجلت رقم عمها وسجلته أبي روحي
بسمة لاحظت شخص بيبسر لاعندهم
فرح بتبسر بسمة ساكتة وبضحكة: هيا مالش مطننة
بسمة: ابسري هذك كيف خطي وبيتفرجنا
فرح: من هو وبسرت للبقعه اللي بتبسرها وشافت ولد بيتفرجهن
فرح اتضايقت: قومي نرحلنا من هانا
بسمة: بتبسري على نظرات يخ وقلة الذوق قومي قومي
فرح: يلا هيا
وهن بيخطين ويتجابرين على المحاضرات والبحوث
بسمة بتحس احد يلاحقهن
فرح: مالش
بسمة التفتت: هيا ابسرتي هذا ابن الكلب بيلاحقنا جحفه
فرح: اسكه نجلس هانك
سارين جلسين وهو بعدهن
شوية وقرب منهن: صباحكن ياحلوات
فرح مسكت بسمة اسكتي خليه يحاكي نفسه
بسمه: بتبسري على سامج
فرح: طنشي بنقلش
بسمة: ناهي لش
شوية بدأ يقرب فرح بتدعي من قلبها وبتتذكر ماوقع معاها
فجأة سمعت صوت تعرفه سعما تعرف نفسها
فادي: مالك يا اخ مابتدور
الولد: ولاشي انت ماتشتي
فادي: رحلك من هانا يلا
الولد: واذا ماسرتش ماعتفعل
فادي: شاربيك من جديد واوريك كيف يلاحقوا بنات الناس ياقليل الحياء
الولد قرب منه وهزر فادي: وانت مادخلك او بتغير
فادي بسر لاعند فرح وشبت النار في داخله وضرب الولد واتضاربوا
وفرح افتجعت على فادي
بسمة: الله الله هذا بين ابسره في الافلام الهندية بس شكله في الواقع احلى بالنسخة اليمنية
فرح ابسرت لاعندها لوما سكتتها: وقت المجبارة حقش تيه
ابسري اي احد عيقتلوا بعض
بسمة: ماعلينا منهم هيا اخطي
فرح: اقطبي
ولانهن كانين قريبات من البوابة
فرح شافت عمها صيحت له وهو افتجع قصده مدري مالها وصل وهم بيتضاربوا فرع بينهم
فرح وهي مفجوعه وبتبسر لفادي تطمن عليه بس خازيه منه
سيف: مالك يادكتور ماوقع
فادي: واحد قليل ذوق بيلاحق البنات قلنا نربيه
سيف: لو كنت قلت لي كان يوقع قسمه مني هذا قليل الذوق
فادي: وذاحين حصل خير قد ربيته بدلك وضحك والتفت لاعند فرح وبنبرة جديه: ضايقكن
بسمة: ايوه جلس يلاحقنا من بقعه لابقعه
فرح خزيت ونزلت راسها
فادي بسر فرح وقام: يلا عن اذنكم
سيف: هيا اخطى نروح جمعة
فادي: مع سيارتي عادني شانتظر لصااحب
سيف مسك بنت اخوه: كان خاطرك موعدنا العصر ان شاء الله
فادي: ان شاء الله
سيف: هيا فرح
فرح بسرت بسمة: اخطي نروحش
بسمة: مع شاروح انا
فرح: هيا اخطي ومسكتها وسارين لاعند السيارة وروحها سيف لابيتها وسار هو وفرح اشتروا غداء وروحوا البيت
.
.
عند خالد:
بيفكر كيف يخلي فرح تجي لعمله عشان ابن المدير يبسرها
هو بيجي كل سبت شاخليها تجي على الاقل افتهن منها واطمن عليها في نفس الوقت
بسر للساعة كمل الدوام غلق الملفات وروح البيت
.
.
عند فيروز:
روحوا جهالها من المدرسة
هيا اخطوا بدلوا قد ابوكم عيجي
وصل خالد سلم عليهم وسار يصلي
وفيروز بتجهز الغداء وتقرب
وفي الغداء خالد بيسأل عياله كيف المدرسة معاهم
فيروز بتلاحظ كيف خالد مطنن: مالروحي مطنن او عليه شي هموم
خالد ضحك: لو تدري في ايش بين افكر
فيروز باهتمام: ...
📚 @rewayatyamania 🇾🇪