10/11
[٢١/٢، ١:١١ ص] null: .
البـارت 11 ¤
فـي قلبـي حكـايـة
للكاتبتين: ياسميـن أحمـد وإلهـام البحـري
👌🏻👇🏻 😍
📚 @rewayatyamania 🇾🇪
وصلت الرساله للشخص المجهول وهو منتظر اول ماعرف انها تاعبة قلبه دق بسرعة وفي نفسه مالها مابيوجعها او بتتهرب مني او ايش؟ ما اظنش شخصية مثلها عتتهرب لو عتتهرب كانت عتقولها لا وجهي اذاً شكلها مريضة صدق شافعل رساله اطمن وابسر مالها
وصلت فرح رسالة:
مابه مالش سلامات؟
فرح بسرتها وردت:
دوخه وشكلها بدايه زكمه
وصلتها رسالة:
الله يشفيش ويعافيش يارب لما تروحي اشربي ليم واشربي فوار وان شاءالله تقومي بخيرة وموعدنا السبت اذا انتي بخيرة ان شاءالله طمنيني عليش
فرح قرتها وحست بشيء وفي نفسها:
ليش قلق عليا ويشتي يطمن؟
شفقه منه او ماهو يلا خير كله عيبان مع الايام ماشنساش انو مجرد اخصائي نفسي
مر اليوم كعادته
يوم الجمعه الصباح
الحجه فاطمة دخلت لمكان فرح: فرح قومي يابنتي
فرح: انا ذاهنه يا اماه
الحجة فاطمة: ها يا بنتي طمنيني كيف قدش اليوم افتهنتي؟
فرح: له الحمد شربت الليم والعلاج واختمدت ماقمت الا صليت فجر وماعاد جاش نوم
الحجة فاطمة: لاقدش بخيرة سهل يلا قومي هيا نصتبح ونخطى نسبر الغداء عمش سيف وسعد عيجوا وابوش والكل
فرح: يلا هيه على الله مانتصايحش اليوم انا ومرة ابي
الحجه فاطمة: عيخارجش الباري ياروحي
فرح: الله كريم يا اماه
و قت مابيسبرين الغداء:
رغد: يافرح
فرح: ها عمه هوذا عتجي ذلحين ريعي افتح الباب
سارت فرح تفتح الباب
الحجه فاطمة: من بيدقدق يافرح
فرح: عمه زينب يا اماه
الحجة فاطمة: حيا بها
دخلت زينب وسلمت على امها واتجابرين
وفرح دخلت الديمه ( المطبخ )
فرح وعمتها جالسه تعجن
فرح: عجين مه هذا
رغد: خبز ابسري لي الرز لاعاد يحرق
فرح: طيب تمام بس انتي داريه ياعمه جي نفعل بنت الصحن نفسي في بنت صحن
رغد: بس ماعبش وقت
فرح: قوا ياعمه نفسي عنفعلهن بساعتنا
رغد: طيب عيوني كم معنا فرح
فرح نبعت لعمتها وحبتها: انا فدالش
خرجت زينب من المخزان وبتتحاكى
فرح: يوه هذا صوت عمتي زينب او مه شكلها في المخزان
رغد: ايوه
فرح فلتت كل شي في يدها وحملت بسرعة لاعندها تبسر مالها
زينب: ههههههه او نكزتكن ( خوفتكن )
فرح: مع مابلا قلت ابسر مالش اذا تشتي حاجه
زينب: مع مابلا قلت شادخل المخزان ابسر اذا به كاكاو نرجع نفعل كيكه قدني خاورة لها
فرح: به ياعمه اشترينا امس ولاعليش الا احلى كيكه لاحلى عمه
رغد سمعتها: وانا ماهوو
فرح ضحكت: وانتي القلب ياعمه
زينب: انا فدا لش صدق
فرح: ياعمه قدو عيأذن نخطى نفرد بنات الصحن
رغد: ايوه اقطبي هيا مايخرجوا من الصلاة الا وقد الغداء جاهز
زينب بتصيح لرغد: ماعاد باقي ازيد اجي
رغد: مع يا اختي قد كملنا باقي بنات الصحن نحمرهن ونجهزه في الصحن ونقدم اتصلت لهم قالوا قدهم في الطريق
زينب: عيجوا كلهم
رغد: ايوه
زينب: يلا الله يعدي اليوم على خير
فرح: آمييين
رغد صيحت: هيا فرح ياللي نفسش في بنت الصحن جي عاونيني هيااا
فرح ضحكت هوذا عتجي غر لهيت( سرحت ) بين اجابر عمتي
@rewayatyamania المصدر الأول للروايات
بعد صلاة الجمعة الكل قده متجمع
فيروز من باب الديمه ( المطبخ ): جمعتكم مباركه
رغد بنص عين: على الجميع
فرح ساكته
فيروز: قلنا جمعة مباركة
فرح: قد جاوبت في نفسي
فيروز: يلا سابر غر قلنا يمكن مابتسمعوش
رغد: الا بتسمع يابي وعيني
في المجلس
خالد: كيف حالش يمه
الحجه فاطمه: الحمدلله وانت كيف حالك
خالد: في خير ونعمه اذا انتِ بخيره احنا كلنا بخيرين
الحجه فاطمه: ووين انت عادك ذكرت أمك مابتجي تبسرها الا في راس الشهر
خالد: والله عمل وبين اروح البيت تاعب خليها على الله
الحجه فاطمه: قد العمل اهم من امك وبنتك الذي فلتها ولا عاد سؤال نسيت انك خلفتها
فيروز سمعتهم ودخلت: مانسيهاش ولا شي بس معه عمل الله يعينه مسكين كم بيتعب
الحجه فاطمه: بين احاكي ابني مابين احاكيش
فيروز: سهل وانا ما قلت شي
الحجة فاطمة بسرت لعند بنات فيروز: وانتين مابتفعلين هنيه قومين افعلين لكن عمل مع عماتكن
البنات: حاضر
فيروز: جين جين وين عتسيرين اجلسين هنيه
الحجة فاطمة: خليهن يسيرين يفعلين لهن عمل
فيروز: عمل مه بناتي مابيفعلينش عمل في البيت عاد شاخليهن يفعلين عمل هنيه
الحجه فاطمة: كان خليهن هكذا لوما يجيفين ورجع تدوري بمن تزوجيهن البنت المشحوطه يتمناها كل واحد اما البنت الذي مش هي حق شحطه والله محد يقول لها وين انتي
فيروز: خالد بتبسر كيف بتتحاكى على بناتي
خالد: خلاص بس هجعنا اصه يمه قوا
الحجه فاطمه: يا عيبتك آخرتك تسكت امك بدل ماتقول لها تشحط بناتك لكن سهل
في المطبخ :
فرح: ماعدباقي يا عمه
رغد: ولا شي باقي نقدم بس
فرح: يلا عتسير افرش السفره ودخلت تفرش السفره في المجلس
📚 @rewayatyamania 🇾🇪
[٢١/٢، ١:١١ ص] null: .
البـارت 12 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
في المطبخ :
فرح: ماعدباقي يا عمه
رغد: ولا شي باقي نقدم بس
فرح: يلا عتسير افرش السفره ودخلت تفرش السفره في المجلس
رغد: عتجهز كل شي وانتي قدمي تمام
فرح: حاضر من عيوني
دخلت زينب معهن: هيا ماافعل معكن
رغد: جي ساعديني
فرح بتدخل الغداء للمجلس وقربت لعند ابوها تشتي تحب رأسه
خالد: قدمي قدمي لاعاد تقربيش
فرح تغيرت ملامحها: تمام بس قالت احب راسك واقول لك جمعة مباركة
خالد وهو بيبسرها بنظرات مش تمام: على الجميع
فيروز بصوت واطي: ناهي لش ناهي بالاصل انش عنده مش عند جدتش
فرح شلت الصحن وخرجت وفيها غصه
@rewayatyamania المصدر الأول للروايات
الكل تجمع على السفرة
وبيتجابروا
علي: يماه
الحجة فاطمة: هاه ي ابني مالك
علي: مابلا اشتي احاكيكم إن انا اشتي اخطب واتزوج
الحجة فاطمة: وهذا اللي بين ادوره اشتي ازوجك انت وفرح قبل ما اموت
علي وفرح: الله يطول بعمرش يا اماه
الحجه فاطمة: منى عيني ابسركم مرتاحين ياعيالي
رغد بتغير الموضوع: يعني ذاحين تشتي نبسر لك بنت حاليه ساعي او مه
كلهم ضحكوا
رغد: مالكم او قلت نكتة
علي: ياريت وبه مثلش يا اختي
رغد: مابش اطمن بس شاحاول ابسر لك واحدة ساعي
الحجه فاطمة: على عينك احد يا ابني
علي: مابش احد يا اماه اختاروا لي انتم وخواتي اللي تبسروها مناسبة
خالد: وانت قد معاك حق الخطبه يا اخي
علي: ايوه الحمدلله معي مبلغ ماله شي يكفي
خالد: الله يوفقك يا اخي ويتمها لك على خير
علي: آمين يارب
سعد وسيف: الله يوفقك يا اخي
علي: يارب
فرح: ياعم كيف مواصفات البنت اللي تشتيها
علي: اهم شي تكون مقبولة وبنت ناس ومحترمة بس ما اشتي شي
فيروز: به معانا عرس هذا الاسبوع نرجع نسير جمعه وبتحاكي رغد وزينب
رغد وزينب: ان شاءالله
فيروز: وانتن ي سلايفي
نور ومنى: ان شاءالله تمام
(نور: مرة سعد
ومنى مرة سيف للتوضيح )
.
.
وفي العصر..
النسوان جالسات لحالهن والرجال مع امهم لحالهم مخزنين
فيروز بتبسر لا عند فرح وقدهي تشتي تخنقها وتفتهن منها
رغد ملاحظة نظراتها لفرح وتشتي تبسر لا وين عتوصل
فرح بتجابر مرة عمها سيف وسعد وبيضحكين وهي بتجنن
نور: الله يسخر لش يارب ونجتمع هكذا جلسه حاليه لا نص الليل في عرسش يارب
فرح: عادو بدري ياعمه لوما اكمل جامعة
فيروز لقتها فرصه تدخل: قد جاء لها النصيب بس مارضتش
فرح: مشو بالغصب يا خاله ومابش نصيب اشتي اكمل ادرس اول
فيروز: قد قلنا هكذا كملي ادرسي بس ونهاية دراستش للديمه ياسعم مدري لا اينه
فرح: اهم شي شهادتي ماعيسيرش تعبي على الفاضي
رغد: سيري ي فرح ادي الشاهي الحليب
فرح: حاضر من عيني ياعمه
زينب بتحاكي رغد: غبني على قلبها فرح والخاله
رغد: الله يسخر لها من عنده
زينب: ربش كريم
فيروز: هيا مالكن ما بتتجابرين ما معانا
زينب: مابلا بين اسألها
رغد: مجابرة بين اخت واختها يا فيروز اتجابري مع سلايفش
نور ومنى مش مركزات بيتجابرين
#فجأة
ام فادي اتصلت لفيروز وخرجت من بينهن
ام فادي: هيا مه ما قالوا
فيروز: ابردي لش يااختي مارضتش البنت ولا جدتها وبيني وبينش البنت كسله وحق رقده وبتسير الجامعه ويعلم الله يمكن به واحد في راسها لوما رفضت ابسري لابنش واحده تعرفيها قوي أفضل
ام فادي: خير خير مابسرت منها الا كل خير المهم الله يوفقها
فيروز: آمين يارب خاطرش
ام فادي: الله معش
فيروز في نفسها عادش مابسرتي من الجمل الا أذنه والله لخليش تبسري نجوم الليل في نهار الباري وعتبسري
.
.
صباح يوم السبت..
كملت تصلي فجر وسارت تجلس فوق السرير بسرت الساعه عادهي 5:40
عادو بدري على الجامعه واليوم معي محاضرة
شاتمدد شويه لوما قدهي 7 واسير الجامعة
وصلت رساله لتلفونها من المجهول :
صباحش خير وبركة ان شاءالله اليوم تكوني بخيره واقدر ابسرش مابش هربه اليوم موعدنا على ماهو في المكان اللي متفقين عليه
بسرت فرح الرساله وضحكت وكل ما ابعد من تفكيري وتجي
ردت برساله: صباح النور ان شاءالله موعدنا على ماهو ومايتغير شي
المجهول:
بسر الرساله وابتسم ورجع يرقد وهو بيتخيل طيفها امامه
فرح:
ليش بيدق قلبي لوما ابسر رساله منه
اووف بس كيف قدني ملخبطه
امس كانت نظرات ابي لي مش طبيعيه مدري كيف او قدني حساسه قووي او ماهو الخبر بس ليش كسفني لما قربت احبه
لايكون خالتي قد عبت راسه عليا يعلم الله بس م بتفعل وما بتقول له
📚 @rewayatyamania 🇾🇪