في قلبي حكايه - 6/7 - مكتملة | روايتك

[٢١‏/٢، ١:١١ ص] null: . البـارت 7 ¤ فـي قلبـي حكـايـة 👌🏻👇🏻 😍 📚 @rewayatyamania  🇾🇪 فرح: شاحاكي ابي بس عشان يركز عليك ايمن: يا اختي حاولت ابعد بس ماقدرت فرح: عشان هكذا ضروري ابي يتابعك وينتبه لك هذا لمصلحتك ايمن بيبسرها سكته فرح شلت الشقارة منه والولاعه وطلعت وخلته يفكر في كلامها طلعت فرح لاعند ابوها والكل مجتمع فرح: اباه اشتي احاكيكم في حاجه فيروز نبعت لها: اتحاكي من به غريب ماقد به معش خالد: لحظة يا مرة ماتشتي ي فرح اتحاكي هانا قبال الكل فرح: مع يا اباه قوا اشتي لحالكم خالد: اتحاكي هانا مابش شي يتخبى هذولا اعمومش وخالتش وامي وعماتش من به غريب فرح سكتت خالد: هيا ماتشتي اتحاكي فرح: مابلا يا اباه اوبهوا لاخي ايمن فيروز: هيا مالش على اخوش ماقد فعل فرح: ولافعل شي انا بس عشان مصلحته وابي اخبر فيروز قاطعتها: انتي تشتي تتبلي على ابني والا ماهو خبرش يا بنت خلود خالد اتنرفز من مرته: اصه انتي خليني اسمع ماتشتي تقول فرح منصدمة ان هي ذكرت امها وبأسلوب حقارة خالد بيبسر بنته سكتت ومطننه الجده فاطمة بتتبسرهم سكته وفي نفسها عيس عشان تبسر مرتك مابتقل ومابتفعل لبنتك وكيف بتعاملها عمها سيف: مالش يا مرة اخي فرح ماعتتحاكى الا وبه شي مش هكذاك من راسها فيروز: ابني وتربيتي وداريه به يا سيف ساع الماء الباردة رغد وزينب بيبسرين الموقف سكته فرح: وانا ماقلت عليه شي ولا اتبليت عليه انا بين اقول لابي ينتبه له وبس هو في مرحله مراهقة فيروز: ولا عيوقع شي خليش من نفسش بس فرح: هو اخي وشاتحاكى اذا بسرت شي مشو سابر خالد: خير خير انا شابسر ماقصدش يا فرح فرح: كل خير يلا خاطركم اسير اصلي ايمن من وراها: فرح ماقصدها شي غلط يا اباه بس هي بسرتني وانا بين اشرب شقارة خالد اتنرفز وقام: ماهو يا كلب مابتفعل وهزر ايمن وفعل له ملطام وفرح صاحت: يا باه مش هكذا فيروز بتبكي: كله عملش تقتلي القتيل وتخطي في جنازته خالد: حرام وطلاق لو اسمع لش نفس ماتجلسي في بيت فيروز افتجعت من اليمين وبتبكي وبتدعي على فرح فرح سحبت اخوها من عند ابوها وحضنته وهو بيبكي واعمومها قاموا يهدأوا ابوها رغد وزينب: مش هكذا يا اخي بالهداوة انت داري انزهي مراهقة الجده فاطمة: تشتي تربيه ربيه ساع الناس وانتبه له واوبه له وابسر من بيصاحب مالضرب ماعيخارجك لا طريق خالد بيبسر لابنه: انا تفعل بي هكذا اشقى واتعب وانت تسير تشيقر تشتي توقع ابن سوق ما من ابوك فايدة وبصوت عالي قلي ماتشتي سيف وسعد وعلي: قلنا لك اهدأ سيف شل خالد وخرج وسعد وعلي شلوا ايمن يستفسروا منه بهدوء وينصحوه وفرح بتبكي على اخوها وماوقع به وبعد هذه الحادثه جلس خالد حانق من ابنه اسبوع وحاول ايمن يعتذر منه ويتأسف لوما قبل ابوه ووعد ابوه انو ماعاد يكررها وانو ينتبه لدراسته @rewayatyamania المصدر الأول للروايات عمر بسر ايمن مطنن عمر: هيا مالك ايمن: ها ولاشي عمر: بتذكر ماوقع بك من تحت راسها ايمن: ما شقدرش انكرها هي عدلت فيني يا اخي والا لو شي انني ضايع وحق شقارة وابن سوق في الشوارع عمر: ناهي ناهي عنقلهم قوم ارقد قوم قلك عدلت فيه ايمن بعدما اتجابر مع اخوه واتذكر هذاك اليوم طرح راسه على الوساده وغمض عيونه وفي نفسه كلام فرح صح وهي صيحت ونصحتني وفعلت الصح عشان مصلحتي حتى لو وقع منها ما وقع ماشحقد عليها هي اختي الكبيرة . . في غرفه النوم مع فيروز وخالد فيروز جالسه فوق السرير وبتفكر كيف تفعل بفرح مسكت صابرها (خدها) خالد: خير مالش للمه مطننه هكذا بعدين ابعدي يدش من صابرش شوعه هذه الحركة فيروز: ها ولاشي مالي شي خالد: كيف مالش شي بين ابسرش من اول ساكته ومطننه فيش حاجة فيروز: هو مابش شي بس بين أتعجب من عمتي خالد: خير مالها امي؟ فيروز: مالها شي بس بين ابسر فرح متغيره بين اسألها من فرح قامت تقلب فوقي وتقول ان انا خاله وماشوقعش ام ورغد تقول ان انا موسوسه للمه هذا كله مدري مالهن عليا خالد: خلاص ابردي لش لاعاد تتحاكي من فرح هيذك امي اخبر بها فيروز: داريه انها اخبر بس ردهن يوجع والخاله هي ام وانا زاعله حين مارضيت تتقبلني فرح من صغرها وكنت شطرحها في عيوني واعتبرها واحده من عيالي بس خيرة الله دام وبيبسروني هكذا شوعه خالد: مش انتي شوعه ولا شي بس الكل هكذا يبسر الخاله عدوه وبعدين خليش من عيالش بس وهي قدهي عند امي فيروز: يوووووه للمه شوقع عدوه مابين افكر فيها بس بين ابسر ها متغيره قلت يمكن مع الجامعة وبين اقول هكذا وهن نبعين لي خالد: لا تفكري بهذا الكلام ولا شي خلينا نرقد فيروز: طيب تمام تصبح على خير خالد: تلاقي الخير وفي نفسه بيوسوس بكلام مرته او... 📚 @rewayatyamania  🇾🇪 [٢١‏/٢، ١:١١ ص] null: . البـارت 8 ¤ فـي قلبـي حكـايـة 👌🏻👇🏻 😍 📚 @rewayatyamania  🇾🇪 خالد: لا تفكري بهذا الكلام ولا شي خلينا نرقد فيروز: طيب تمام تصبح على خير خالد: تلاقي الخير وفي نفسه بيوسوس بكلام مرته او قد اتعرفت على احد صوت ثاني في عقله مع ياخالد هي تربية امك وصوت ثاني هي جامعة وفيها اختلاط ضروري تنتبه لكلام مرتك قام مسك راسه وشرب حبه ورقد وهو ناوي على نيه . . فرح دخلت غرفتها بعد ما سارت خالتها وبناتها في الغرفه بقعة صغيرة وكان هذا المكان ملجأ لها تهرب فيه كل ما حست بضيق جلست وهي ضابحه قوي من كلام خالتها سرحت في تفكيرها أنا مش عارفه ليش احمل ذنب مش ذنبي إذا كانت الذي ماتخاف الله ما تتسمى ام فلتتني بدون ما تنزل دمعه من عينها فلتتني بدون ما يرف لها رمش عين وضميرها حتى ما قال لها بنتش ١٥ سنة وانا بين اعاني ١٥ سنه وانا بين اسمع الكثير والكثير يعايرني انها فلتتني وخلتني كأن انا جيت بالحرام هذه نظرة مجتمعي نظرة ناس ماتخاف الله في كسر الخواطر وهذاك اليوم مستحيل أنساه @rewayatyamania المصدر الأول للروايات نرجع شويه للماضي في المدرسة الصف السابع كان معها حفل وتكريم الاستاذة جالسه تصيح بالاسامي وتكرم الطالبات والأمهات صاحبتها الذي هي بنت جيرانهم بسرت لعندها: يووووه يا فرح بتبسري كيف بيكرموا الامهات بس انتي مابش معش ام من عيكرموا دخلت عمتها رغد وقاطعت تفكيرها فروح بدون شعور نزلت دمعتها [ذهبتِ في حال سبيلك وتركتي العالم بأكمل على كتفي ذهبتِ وها أنتِ في سعادة وماذا حال بي هل فكرتي بهذا ربما لا وليس ربما بل أكيد لأن أم كمثلك لن تفكر أبدا رغد: فرررح مالش يا قلبي فرح ارتجمت لفوق عمتها وبكيت وصاحت بشهقه تنزع الروح اخخخخخخ قلللللبي ياعمه قللللللبي رغد ضمتها قوووي: مالش يا فرح مالقلبش لا تفجعيني عليش فرح: بيوجعني يا عمه تعبت اتحمل تعبت كل ما أقول خلاص ماعبش شي يوجعني يتعمدوا وجعي رغد: كم مرة قلت لش لا تفكري بكلام الناس لا تسمعي فرح: كيف ما اسمع كلام الناس كيف هو قلب ياعمه أنا ايش ذنبي إذا كانت عتفلتني ليش تديني على هذه الحياة وتخليني اكره نفسي الف مرة رغد: خلاص يا فرح انا فدا لش كم جهدش عتتعبي روحش عادش صغيرة فرح: محد وصلني لهذا الشي غيرها لكن الله لا يبريها ولا يسامحها رغد وجعها قلبها على حال فرح وكيف بتتوجع مسحت دموعها: يلا يا قلبي قومي اغسلي وجهش وقومي ارقدي معش غطوة جامعة فرح: طيب تمام وسارت تغسل وجهها عشان ترقد وكان قلبها يوجعها رغم انها  تكلمت بالذي في قلبها بس ماتقدرت توصف الوجع الذي بتحس فيه غمضت عيونها وهي بتتذكر المواقف الذي واجهتها وكانت عتبكي رفعت عيونها لفوق عشان ماتنزل دمعتها بس يافرح يكفي تبكي وتتوجعي أنتِ مريتي باللي اقوى من كل هذا اتجاوزتي اشياء كثيرة قووي وموجعة وتفتت القلب انتي قوية ولاتخلي شي يهزمش بهذه الكلمات رقدت فرح بعد ما ادت لنفسها طاقه ايجابية... . . اليوم الثاني الصباح يوم الخميس الحجة فاطمة دخلت غرفة فرح وبتقومها من النوم فرح بتفتح عيونها بصعوبة وبتجاوبها بثقل:  صبحكم الله بالخير يا اماه الحجة فاطمة: صبحش بالعافيه حيا لبنتي فرح ابتسمت وفي نفسها عيجبرني الباري بعافيتش يارب ويخليش سراج وضيا لي فرح: جبرني بكم يا اماه الحجة فاطمة: ويجبرني بش يا روحي الغالي هيا عتقومي تصلي فجر عتشرق الشمس وماقد صليتي فرح: طيب تمام ورجعت تحت البطانية الحجه فاطمه: قومي هيا مالش رجعتي فرح: طيب بس شويه يهدأ راسي بيوجعني الحجه فاطمه جلست جنبها وبتهمس راسها: اين بيوجعش فرح: راسي بكله بيوجع الحجه فاطمه طرحت يدها في رقبه فرح وهي حمى ( درجة حرارتها مرتفعة ) يوووووه يا فرح انتي حاميه مالش ما تتكلمي فرح: ماشي مافيني شي بين احس نفسي باردة الحجه فاطمه: هي من الحمى تحسي ببرودة خلاص ارقدي لا تسيري الجامعة وانتِ مريضه وآنا عتبسر ماافعل لش عشان الحمى فرح: مع مع انا فدا لش عتقوم معي محاضرة ضرورية الحجة فاطمة: ابردي منها فرح: مع ياامه مااقدرش هوذا قمت ها الحجة فاطمة: على الله الله يحفظش بحفظه فرح: آمين يارب وقامت تتوضا عشان تصلي فجر كملت تصلي فرح وبسرت الحجة فاطمة تستغفر فرح: اسير ادفي لكم صبوح الحجة فاطمة: مع يابنتي لوما تقوم عمتش رغد فرح: كان ادي لكم قلص بن الحجة فاطمة: سيري ادي قلص بن ولا ازعلش فرح بضحكة: هههههه من عيوني الحجة فاطمة: عيخلي لش الباري عيونش فرح سارت تدي قلص بن لامها ولبست البالطو وسارت الجامعة . . عند الشخص المجهول قام الصباح نشيط وفي نفسه اول مرة احس بهذا النشاط هههههه هذا كله بسبب بنت بس والله ماهي بنت عادية فيها شي مميز اللي مرت فيه شكله مش قليل متشووووق اسمع اليوم منها البقية 📚 @rewayatyamania  🇾🇪