3/4
[٢١/٢، ١:١١ ص] null: .
البـارت 3 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
نجود خرجت من الفصل ونزلت الطابور
فرح دموعها بتنزل وبتحاكي نفسها ليش يارب وثقت فيها وحاكيتها ليششش
الله ياخذني سعما اتحاكيت عن حياتي ووثقت فيها واعتبرتها اخت وصاحبة بس استاهل استاهل عشان توقع في اذني وما اتحاكى مع احد لو حسيت بالموت ارجع ل ارحم الراحمين وهو عيفرجها عليا
سارت فرح غسلت وجهها وتحاول تخبي قهرها وخذلانها من صاحبتها وتتفرج لنفسها في المراية وبتقول لنفسها
انتي اقوى من هذا الوجع مريتي باللي اقوى يا فرح انتي قوية مش بسبب موقف بسيط وكلام مايعبر عنش عتنهاري لا لا لا اوقفي وواجهي الكل واثبتي نفسش بأفعالش الطيبة واعكسي تربيتش اللي تعبت فيها امش فاطمة مش تخلي اللي يسوى واللي مايسوى يبسر انهيارش انتي اقوى اقووى
حست بعد كلامها مع نفسها بطاقة وحيوية سبرت الطرحه حقها ونزلت للطابور شافتها نجود وهي نادمة بس فرح شافتها ولا كأن هي تعرفها وقررت فرح تعاملها معاملة اي انسانة غريبة وتكتم اي شي بيحصل معاها
@rewayatyamania المصدر الأول للروايات
وفي البيت :
عمتها زينب جاءت تبسر امها دقت الباب وفتحت رغد لأختها حيا الله من جاء
زينب: الله يحييش كيف انتي وكيف حالهم امي؟
رغد: له الحمد في نعمة نسأل عليش
زينب: سألت عليش العافية
وينهم امي
رغد: في مكانهم جالسين سيري ابسريها بتصلي ضحى وانا شاطلع الديمة اكمل الغداء واخبز
زينب: لش القوى يا اختي
رغد: ولكم العافيه هيا خاطرش
زينب بتصيح لامها: اماااه وين جيتوا
الحجة فاطمة: حياا
زينب وطت تسلم على ركب امها كيف انتوا؟
الحجة فاطمة: الحمدلله وانتي يا ابي كيف حالش؟
زينب: في خير له الحمد
الحجة فاطمة: عيجعلش مستورة عهدي وبعدي
زينب: آمين يا الله وانتوا الله يجبرني بعافيتكم ياروحي الغالي
الحجة فاطمة: وعيجبرني بش انتي واختش وبنت اخوش فرح
زينب: كيف هي فرح؟
الحجة فاطمة: مالها شي دريت انو معاها ام
زينب: يووه كيف لوما؟
الحجة فاطمة: حين سرنا بيت...... نبدي عليهم معاهم وفاء مرة ابنهم هوذك اتصلنا لش وانتي قلتي مدري من عيجوا عندكم في بيت زوجش رجعت سرت انا ونسوان اخوتش كل واحدة لاهيه قلت اسير ابدي عليهم
زينب: ايوه وماوقع
الحجة فاطمة: انا روحت وهي كانت مع البنات فسارت تدورني ومالقتني فجابرتها واحدة من نسوان الجيران وسألتها وين هي جدتش؟
زينب: يعووه يا اباه وبعدا
الحجة فاطمة: روحت وهي بتبكي ورجعت حاكيتها انا واختش دلا دلا
زينب: يلا عيس وما فعلت
الحجة فاطمة: ولا فعلت شي خلتنا نطنن
زينب: الله يسخر لها ويسعدها
الحجة فاطمة: بحوله وقوته يا بنتي ما اليتيم يوقع ساع الجمرة
زينب: ماعذر من خير
انا شاقوم اعاون رغد شامسي الليلة عندكم
الحجة فاطمة: حياش بيتش يابنتي اي حين ماتشتي تجي
زينب: الله يجبرني بعافيتش ياروحي
قامت زينب لاعند اختها بتعاونها وبيتجابرين
زينب: قذا جيت ماعاد باقي افعل معش
رغد: ولاعاد باقي شي سيري اجلسي بس
زينب: ماشاء الله على الحميش قد كملتي
رغد: ايوه قد قمت من بحين
زينب: حالي البكارة
رغد: يلا جي نسير نجلس عند امي لوما تجي فرح من المدرسة وعلي من العمل
زينب: يلا هي
اذكر هذاك اليوم
روحت من المدرسة سلمت على عمتي زينب واستأذنت ومارضيت اتغدا وسرت صلا غرفتي صليت ورقدت بعد مابكيت حتى العشاء ماتعشيته وكلمات عبير بتتردد في راسي
📚 @rewayatyamania 🇾🇪
[٢١/٢، ١:١١ ص] null: .
البـارت 4 ¤
فـي قلبـي حكـايـة
👌🏻👇🏻 😍
📚 @rewayatyamania 🇾🇪
(هناك أًناس يصنفون بأنهم اقرباء لك ولكن الايام تكشفهم بأنهم اخبث من الف عدو صريح تعرفهم)
يمكن صح انا بنت لقيطة ويمكن جيت بطريقة مشي سابرة ويجي لي حد يقولي لاتسمحيش لحد يشككش بنفسش راسي وجعني من كثرة التفكير
الشخص المجهول: وليش ماتحاكي حد من اهلش يسير معش للمدرسة يوقف كل واحدة عند حدها
فرح: ما حبيتش ادخل حد في مشاكلي لذلك كتمت من هذك اللحظة لحد الآن انت اللي بين اكلمه الآن بكل ماحصل معي ولحد الآن مش عارفه ماهو السبب
الشخص المجهول: يمكن لانني ارتحت لش وارتحتي لي
فرح: هو قدو شكله هكذا
الشخص المجهول: مستعد اسمع حكايتش بدون مااقاطعش
فرح: مابذكرش كل شي بس بذكر لك مواقف وجعتني وعادهي عالقة في ذاكرتي مواقف حصلت معي وعمري ١٤ و١٥ قووي اتعبتني بس الحمدلله عديتها
الشخص المجهول: ولو اسألش عن عمرش؟
فرح: الآن عمري 20
الشخص المجهول: المفروض قدش سنة ثانية جامعة صح
فرح: لما ارجع اكمل لك شاقول لك ايش سبب هذا الموضوع
الشخص المجهول: طيب المهم ولاتهمي شي وانا معش المهم ماتكبتي اي شي وفضفضي وحاكيني بكل شي
فرح: هو بين اكلمك الآن بكل شي بس ما اظنش انني شاقدر اكلمك بكل شي في يوم قصتي طويلة ويشتي لها عدة جلسات واظن خبرتك في علم النفس عتفيدني قوي وانت عتستفيد والكل
الشخص المجهول: يعني اعتبرها طردة تشتي تريحيلي لش
فرح بضحكة بسيطة: هههههه تقدر تعتبرها هكذا لانني اتأخرت فعلاً وامي قدهم قلقين عليا استأذنك
الشخص المجهول: تعجبني صراحتش الله معش ي فرح
فرح: تسلم
@rewayatyamania المصدر الأول للروايات
في بيت غبنا عنه.. بيت ابو فرح
جت عند فيروز جارتها وسلمين على بعض
فيروز: حيااا حياا
ام فادي: تسلمي
فيروز: كيف انتي وكيف ابنش
ام فادي: الحمدلله جيت عشان اكلمك بخصوص فادي
فيروز: مابه خير
ام فادي: اشتي بنت حاليه له
فيروز: طيب به واحدة على عيني لو تذكري بنت ال.... ماشاء الله عليها كاملة والكمال لله
ام فادي: لا انا اشتي واحدة قد هي في بالي
فيروز عوجت لقفها: تمام ولايهمش
ام فادي: انتي تعرفيها
فيروز: من هي
ام فادي: اللي اشتيها
فيروز: من قصدش
ام فادي: اشتي بنت زوجش فرح عجبتني
فيروز استغربت والله ماسبرت تتزوج وتسير تفتهن وترتاح على الاقل تجي تفعل عندي سنتين افتهن في روحي تجي تخدم ابوها
ام فادي: مالك ي فيروز
فيروز: هاه ولاشي ولاشي شاحاكيها واردش خبر
ام فادي: ان شاءالله خير لاتنسي اشتي اروح ازورها في بيت جدتها اشوفها واتعرف على جدتها
فيروز بارتباك: هاه تمام تمام شابلغهم
ام فادي: يلا استأذنك بروح فادي ينتظرني تحت
وبعد ماخرجت ام فادي
بتفكر ليش ما بناتي محد يشتيهن ليش او هن قله او ما ملين عينها والله ماتتم زواجتش يا فرح لو افعل مافعلت
عادني شاقهرش وازوج بناتي قبال عينش واخليش خدامه عندي وتحت ارجلي والا ما اوقع فيروز
جت بنتها: اماه مالش من بتجابري
فيروز بضبح: اقلعي من قبال وجهي ذاحين الجن بيتطايروا
بنتها زعلت وسارت لمكانها: مالها امي قلبت عليا ماقد فعلت؟؟
يلا خير تفعل ماتشتي شافعل مابيني وبين ارحم الراحمين تجاهها
.
.
وفي الطريق...
فرح بسرت رسالة من......
(خليش قوية مثل ما انتي ولاتخلي شي يتمكن منش ويخليش تضعفي انتي قوية وواجهتي امور محد يقدر يواجهها الله اختارش تكوني في هذا الوضع لان معش قدرة تتجاوزيه)
كمية القوة اللي وصلت ل فرح من هذه الرسالة خلتها تحس بنشاط وقررت تروح تساعد عمتها في البيت وتذاكر وتجد وتجتهد في مذاكرتها تشتي تكون الاولة في دفعتها وفي الجامعه بكلها
ظهرت ابتسامة في وجهها وبتقول لنفسها للامانه ي فرح محظوظة انو الصدفة اللي وقعت معش عرفتش على هذا الانسان المحترم واللي مستعد يسمعش ويحاول يساعدش بدون اي مقابل
صوت ثاني في عقلها.. مادراش يمكن عيفعل مثل مافعلين صحباتش من قبل ويحاول يستدرجش بس عشان يوصل لمعلوماتش وماوقع معش ويشفق عليش
ظهرت ملامح الحزن في وجهها
معقولة يكون..... هكذا؟!
يارب لايخذلني يا الله والله ان قد شبعت خذلان من كل شخص اقربه لي ويرجع اخس من حيه
يارب ان كانت نيته خير فيارب سهله واجعله شخص مفيد لي ويفيدني وافيده في دراسته وان كان في نيته شر يارب ابعده عني بدون ما اتوجع وانخذل وتنرسم صورة شوعه له في ذاكرتي
صاحب الباص: آخر موقف يا اختي
فرح: العفو منك يا اخي ناولته الحساب ونزلت من فوق الباص
وفي طريقها وهي بتمشي للبيت اتذكرت انو امها اتصلت لها الصبح وبتقول لها تروح بدري لانو مرة ابوها عتجي اتأففت فرح وقالت: يارب اكفيني شرها يا الله
دقت الباب وفتحت لها اختها سلمين على بعض ودخلين
فرح: السلام عليكم
خالتها وامها وعمتها: وعليكم السلام
فرح تحاول تكون طبيعية: حيا الله من جاء
فيروز وهي بتعوج لقفها: ...
📚 @rewayatyamania 🇾🇪