الفصل 25
ميلا:..بصراخها اللي أفزع الجالسين حوالها وبالبرتغالي..آه أيتها الحقيرة..طلعت من الغرفة..
<بالحديقة>
ساندرا:..بابتسامة..ماذا تقصد؟!
مارسيلو:..صر ع اسنانه..ساندرا كفي عن ألاعيبك إنني أكبح كافة أفكاري السيئة كيلا أتسبب بأي مكروه لك
ساندرا:ماتفكر به ليس صحيحا
مارسيلو:..وقف وبصراخ..إذا أريد رؤيتها حالا
سلمان:..عقد حواجبه ويناظرهم..مالذي يحدث الان
ساندرا:..تناظر سلمان..لاشي عزيزي لاشئ..ناظرت مارسيلو..طفلتي نائمة الان لاأريد إيقاظها
سلمان:..وقف وبعصبية..آه مارسيلو لقد فهمتك الان أنا لاأسمح لك بأن تتهجم على زوجتي وبمنزلي أيضا
ساندرا:..مسكت يد سلمان ولصقت نفسها فيه وهي ترجف ثم رفعت عيونها الغرقانة دموع..سام إنني خائفة
مارسيلو:أنا آسف حقا سام لكن علي أن أتأكد من ذلك بنفسي أريد رؤيتها حالا
سلمان:..بثقة..لك ذلك
ساندرا:..تناظره مصدومة..
ميلا:..جايتهم تمشي مسرعة وبتهجم..أيتها الحقيرة ظننتك صديقتي
مارسيلو:..مسكها..
ساندرا:..وقفت وتخبت وراه..
ميلا:..بوسط دموعها تصرخ..كيف لك ان تفعلي ذلك ايتها الوغدة انتي لاتستحقين ان تعاملي بإحسان ..بشهقاتها..ايتها الخائنة كيف لك ان تأخذي طفلتي مني
ساندرا:..داخت..
سلمان:..مسكها وجلسها..
الشغالة:..جايتهم تمشي شايلة لورا..
فرات:..اللي متكتفة عند باب البيت اللي يخرج عالحديقة بابتسامة رضا مرسومة على وجهها هي اللي دلت ميلا على مكانهم وهي اللي طلعت لورا بالوقت المناسب لفت رجعت لغرفة الحريم تتبختر بمشيتها ميتة من الوناسة..
ميلا:..من صدمة الموقف ماشالتها رجولها طاحت عالارض وبدموعها اللي ماوقفت مدت يديها للشغالة وبوسط شهقاتها..صـ.ـغـيـ.ـرتـي
مارسيلو:..جلس جنبها وبخوف..عزيزتي
الشغالة:..أعطتها لميلا..
ميلا:..ضمتها بحضنها وبوسط دموعها وشهقاتها..انتي على قيد الحياة انتي بخير..تبوسها..شكرا شكرا لك..تبكي..
مارسليو:..اللي حاضن زوجته وبنته بدموعه..انها بخير ميلي صغيرتنا آن بخير حقا بخير
سلمان:..اللي يناظر الوضع بصدمة..
ساندرا:..مسكت يده..سام انهم يكذبون انها طفلتنا هذه صغيرتنا سام..مسكت وجهه بين يديهاوبعيونها الغرقانة دموع كلها أمل..سام إنت تصدقني صحيح
مارسيلو:..وقف وبصراخ..لازلتي مصرة على الكذب لن أسامحك أبدا
سلمان:..ضحك ودف يديها عن وجهه وبالعربي..أصدقك أصدق وحدة خاينة كذابة تتلاعب بمشاعر الناس وإذا طفشت تركتهم كيف أصدقك بالله أكبر غلطة سويتها بحياتي اني تعرفت عليك من البداية كنت عارف ان هاذي وحدة من خططك
سلمان:..استرسل بكلامه..بالله فيه أب يشوف طفله ولايحس بأي عاطفة تجاهه هذا السؤال اللي أخذ كل تفكيري والحين وضح السبب..ضحك..يكون في علمك أنا مايشرفني يكون عندي أطفال منك وبعيد عنك إنك ممكن في يوم تكونين أم عيالي انتي وحدة كذابة استغلالية وماتعرفين معنى الحب ولا العايلة
ساندرا:..اللي دموعها شلالات تنزل..سام أنني أحبك حقا أحبك أنني زوجتك لقد قلت ذلك
سلمان:..بملامح وجهه اللي مليانة غضب يحاول يكتمه لايذبحها..أنا ماعندي الا زوجة وحدة وهي القنوع وانتي مثل ماقلت لك غــ.ـلـطـ.ــة أندم عليها طول عمري ومليون مرة قايل لك اسمي سلمان مو سام
ساندرا:..بدموعها..لاتفعل ذلك أرجوك
سلمان:آه صحيح الشرطة حول البيت مابتقدرين تهربين هالمرة وترا معاملتك بتكون بالسفارة يعني سالفتك مطولة وبتظلين بالسجن وبعدها بترجعين للبرازيل..ناظر ميلا ومارسيلو..ووقتها هم اللي بيقررون مصيرك بالمحكمة
السجانة1:..وصلت لهم ومسكت يد ساندرا..
ساندرا:..سحبت يدها بقوة وبصراخ..كيف تجرؤين على لمسي اتركيني..ناظرت سلمان مسكت يده وبدموعها..سام اه لا أقصد سلمان لاتتركهم يأخذوني أرجوك..تناظره بكل ترجي..أرجوك
سلمان:..سحب يده بتقرف منها وناظر السجانة..وش تنتظرين خذيها عن وجهي
السجانة1و2:..يسحبونها بالقوة..
ساندرا:..بصراخ..لا سام أرجوك سام لاتتركهم يأخذوني سام لاتتركني أرجوك ساااام
(غرفة سماهر)
فارس:..يناظرها مصدوم كل تفكيره وشلون عرفت..
ليالي:..بغصة..وش فيك ساكت وش صار لك ليه ماترد
فارس:كيف عرفتي
ليالي:..ابتسمت بقهر..هذا اللي هامك..مرت من جنبه متجهة للباب..
فارس:..مسكها بيدها قبل توصل الباب..لحظة ليالي
ليالي:..ناظرته..ابي ورقة طلاقي بكرة..سحبت يدها ومشت مسكت يد الباب..
فارس:..حاوطها بيديه من وراها وشالها وثبتها عالجدار..
ليالي:..لفت نفسها ووجهها بوجه تضربه..ابعد عني اتركني ماابيك
فارس:..مسكها من يديها وثبتها عالجدار وبَقى ماسكها وعيونه بعيونها..
ليالي:..بعيونها اللي مليانة دموع..اتركني ماابيك
فارس:ايه نعم صحيح كنت أحب جمانة وأبيها
ليالي:..عضت طرف شفتها بقهر ونزلت دموعها اللي تحاول تحبسها من البداية..
فارس:لكن واللي خلق السما وبسط الارض ان ربي شال حبها من قلبي وحط غلاتك وحبك مكانها انتي بس اللي أحبها وابي أقضي بقية حياتي معها انتي اللي بدونك يومي ماله طعم انا مااقدر أعيش بدونك والله والله مافي غيرك بقلبي وحياتي انتي بس والله احبك ليالي انتي الحين كل دنيتي وحياتي والله
(عند الحريم)
فرات:..وقفت وأخذت نفس وتنهدت بصوت مسموع مشت لعند الجدار اللي عليه العرض ثم لفت وجهها لهم وصفقت وعلى وجهها ابتسامة عريضة..أعتقد الحين وضحت لكم السالفة والغرض من العرض اللي صار أبي أوصل للكل أخوي بريء من تهمة هالافعى آه عفوا قصدي هالسيدة أخوي انفصل عنها فعلا وهي تمت تلاحقه مثل الكلب..عضت شفتها باستغباء..آه عفوا عالالفاظ نعيد ظلت تلاحقه وتغثه بحياته لحد ماوصلت لفكرة انها تخطف بنت من أهلها عشان تربطه فيها عالعموم الحاضر يبلغ الغايب..ناظرت شوق ودانة وكررت..الحاضر يبلغ الغايب واللي يبي نسخة من العرض حاضرين
ام سعد:..بصدمة..والله وطلعت ماانت هين ياسلمان
فرات:..بابتسامة..الحمدلله برد حرة قليبي فيها بعد عيني أخوي الله لايخليني منه
ام سعود:كلوووووش الحمدلله بان الحق الله يعلي شانك ياسلمان عاد الحين جا دوري..قامت..
ام فيصل:..مسكتها..على وين
ام سعود:بروح أكوفنها قليلة الخاتمة قايلة لكم أنا مي بصويحية يبي لها تأديب
ام فارس:ماشفتي السجانات
ام سعود:بكيفهم لكن والله ماتعتب هالباب الا وهي آخذه نصيبها من عندي
غدير:كفو يمه كفو
ام فيصل وأم سعد:..يقعدونها بالقوة..
ام فيصل:تبينهم يوصلونك بطريقهم مرة وحدة
ام سعد:اي والله توفر لهم المشوار بدل مايروحون ويرجعون
ام سعود:..بزعل..بتكسرون بخاطري يعني
ام فيصل:يعني لازم تضربينها
ام سعود:والله مايهنا لي نوم الى ماأجلدها
ام سعد:شفتيها منهانة وش تبين أكثر
ام سعود:..تحط يدها على قلبها..غصة غصة في صدري يانوار مابتبرد الا اذا ضربتها
ام سعد:اقول اهجدي بس اهجدي
ام فارس:..تنهدت..وأنا أقول غدير طالعة لمين
(غرفة ساندرا)
ساندرا:..اللي تطلع إثباتاتها وأوراقها الرسمية من دولابها وهي منهارة ناظرت السجانة..أريد الذهاب لدورة المياه
السجانة2:طيب
ساندرا:..متجهة للحمام..
السجانة:..وراها..
ساندرا:..وقفت قدام الحمام ولفت وناظرتها..هل ستدخلين معي ايضا
السجانة2:..واقفة وراهاناظرتها..بأنتظرك هينا
ساندرا:..دخلت الحمام غسلت وجهها ثم ناظرت نفسها بالمراية انفجرت تبكي بزيادة..انها النهاية لاأستطيع لاأستطيع أن أعيش بدون سام لقد عشت ذلك مرة لن أعيش ذَاك الإحساس مرة أخرى..وبوسط دموعها خرجت من جيبها علبة الدوا فتحتها وبلعتها مرة وحدة..
<بالحديقة>
سلمان:..اللي يناظر ميلا ومارسيلو بابتسامة على وجهه..أنا آسف حقا لما حدث لعائلتك
مارسيلو:..ناظره..لابأس بالنسبة لك ليس لك اي يد بهذا الامر على العكس اني شاكر لك حقا شكرا لك سام اوه..ابتسم..اقصد سلمان اعلم كم تكره أن تنادى بسام
سلمان:..ابتسم..لامشكلة لكني أعتذر عن عدم اخباركم بهذا الامر سابقا لقد كنت قلقا على الطفلة
ميلا:..بغبنة..تلك الخائنة لقد بحثت عن آن معنا لشهرين متتاليين دون راحة لقد كانت تسقط من شدة التعب والإرهاق كنت ممتنة جدا لها لن أسامحها أبدا لن أعفوا عنها أبدا لا أريد منها ان تقترب من عائلتي مجددا
سلمان:..ابتسم..
مارسيلو:أعتذر منك لكن سنغادر الان وسأرد جميلك يوما ما لن أنسى هذا المعروف نهائيا
(غرفة ساندرا)
السجانة2:..عند الباب..ايش فيها طولت..تدق الباب..هيه انتي
ساندرا:..ماترد..
السجانة2:هيه..فتحت الباب انفتح معها دفته..
ساندرا:..طايحة عالارض..
السجانة2:..خافت وتحركها..وش فيك انتي..شافت علبة الدوا اللي طايحة عالارض توترت وجرت لبرا الغرفة تنادي>>السجانة1..
<بالحديقة>
فرات:..تجري لجهة سلمان وبصراخها..سلووووم..نطت عليه فاتحة يديها..
سلمان:..ضم نفسه ورجع بخطواته على ورا..لا ماأبيك تحضنيني
فرات:..وقفت وبانت الصدمة بوجهها..ليه
سلمان:مو عشان شي بس..بخجل..القنوع أول وحدة بعد ذَا الخبر
فرات:..تكتفت وبزعل..الحق علي هذا جزاي اللي ساعدتك وشايلة همك
سلمان:..ضحك..انتي اول وحدة بسلم عليها
فرات:..ابتسمت..أنا قايلة انك أحسن أخواني..مدت يدها وبابتسامة..يالله سلم تعال
سلمان:..بضحكة..بعد القنوع بتكونين اول وحدة
فرات:..ناظرته بحقد وقفلت يدها..والله وعلموك مثلهم طبق الأصل
سلمان:..انفجر يضحك وعيونه وراها..
فرات:..بزعل..ماوراي أحد لاتناظر القنوع أصلا ماشافت شي ولا درت عن السالفة
سلمان:..اتسعت عيونه..ليه
فرات:راحت لبيتكم تقول تعبانة
سلمان:..بابتسامة..أجل بلغي الكل لاحد يقولها عن شي نهائي أنا بفاجئها
(بيت سلمان)
<بالصالة>
القنوع:..رامية كعبها عالارض ومتمددة عالكنبة تقلب بجوالها دق الباب عقدت حواجبها فتحت الباب تكتفت وناظرتها..خير وش تبين جاية لبيتي بعد
ساندرا:..بابتسامة..لايمكنني الابتعاد عن لورا اكثر من هذا الطابق لذا اريد ماء انه من أجلها
القنوع:..تنهدت مو عشانك عشانها..دخلت وراحت للمطبخ..
ساندرا:..دخلت وقفلت الباب وراحت جلست بالصالة تتلفت تدور شي تبيه..
القنوع:..طلعت من المطبخ واتجهت للباب شافته مقفول عقدت حواجبها..وين راحت..رجعت للمطبخ لمحت أحد بالصالة حطت الكوب على اقرب طاولة واتجهت للصالة واتسعت عيونها بصدمة..
ساندرا:..ماسكة بيدها ساند الإضاءة اللي فتحته وبابتسامة مرعبة على وجهها..أتعلمين شيئا ان لم أحصل على سام لن تحصلي عليه
القنوع:..تظهر اللامبالاة اللي تحتها خوفها اللي ماله حد..الحمدلله والشكر خذيه لك ماأبيه
ساندرا:..بزعل..لكن هو لايريدني لذلك لن يحصل عليك وانتي لن تحصلي عليه أبدا لن أغادر فارغة اليدين هكذا..بابتسامة..أوه أنني أعلم سرك
القنوع:..بلعت ريقها..وش تقصدين؟
ساندرا:..تضحك..لن أدعك تحصلين على السعادة ابدا
<عند ليالي>
ليالي:..بدورة المياه اللي عند غرف البنات تمسح وجهها وتعدل مكياجها حطت عطرها ودخلته بشنطتها وابتسمت فتحت الباب وطلعت..
سماهر:..واقفة عالباب..
ليالي:..انفجعت..بِسْم الله الرحمن الرحيم فجعتيني
سماهر:..تكتفت..ليه وش شايفتني جني
ليالي:لا مو قصدي بس
سماهر:..قاطعتها ومسكت يدها ودخلت معها الغرفة وقفلت الباب..ايش اللي يصير بينك وبينه
ليالي:..سكتت..
سماهر:ردي
ليالي:أسرار بيوت
سماهر:الله يالدنيا ليالي تعلمني أسرار البيوت يالله تكلمي وش فيه وش اللي صاير
ليالي:..ناظرتها وبكت..يقول انه يحبني بس كيف أصدقه جرحني ياسماهر جرحني غرز سكينة بقلبي كيف أصدقه بعد اللي عرفته بقلبه وحده غيري
(عند سلمان)
سلمان:..اللي يطّلع الدرج مبسوط متجه لبيته عقد حواجبه من السجانات اللي باين عليهم الارتباك والتوتر..وش فيكم ليش لسى مارحتوا؟!
السجانة1:..بتردد..بصراحة المستجدة فقدت السجينة
سلمان:..اتسعت عيونه بخوف..الــقــنــوع
<بيت سلمان>
:::ساندرا والقنوع واقفين قبال بعض والفاصل بينهم طاولة:::
القنوع:..بخوف..استهدي بالله واقصري الشر
ساندرا:..بكل مافيها من حقد..لا يهمني شي لقد ضاع كل شي لن أرحل هكذا سأدمر كل شي..نطت على الطاولة وضربت القنوع بالحديدة اللي بيدها بأقوى شي عندها..
القنوع:..طاحت عالارض وسط صرخات ألمها..
سلمان:..اللي وصل عند الباب وسمع الصراخ يدق الباب مرعوب وبصراخه اللي هز المكان حوله..القنوع افتحي حاولي تفتحين لي..يدق الباب بأقوى ماعنده وبصراخ..ساندرا بذبحك والله لأذبحك ان صار لها شي
القنوع:..اللي طايحة عالارض ماسكة بطنها تأن من ألمها ودموعها اللي تنزل من قوة ألمها..
ساندرا:..تضحك..أتسمعين صراخه هل أعجبك ذلك هل ترين خوفه لم يفعل ذلك لي قط كان فقط يبتسم لي لم يصرخ بمثل هذا الخوف من أجلي اخبريني ماالمميز بشأنك لماذا انتي مهمة بالنسبة له..راحت للمطبخ..
سلمان:..كسر الباب ودخل البيت يجري دخل الصالة وانصدم من منظر القنوع..
القنوع:..عالارض بوسط دمها تبكي وتتألم..
سلمان:..نزل عندها عالارض ورفع راسها لحضنه وغرقت عيونه دموع على شكلها..
القنوع:..بوسط اهاتها من الالم مسكته من ياقة ثوبه وشدته لها وبصوتها اللي يرجف..سـ.ـلمـان الله يخليك ساعدني بنتي لاتموت الله يخليك..بدموعها اللي تنزل..ماأبيها تموت
سلمان:..اتسعت عيونها بصدمة من اللي سمع..أي بنت
القنوع:..تبكي..بنتنا سلمان أنا حامل الله يخليك بسرعة حسّيت بشي انفجر بداخلي بتموت الله يخليك ماابيها تموت الا هي الشي الوحيد اللي ابيه هي..صرخت بألم..
ساندرا:..لها مدة واقفة وراهم مبتسمة وهي تشوفهم مشت لعند سلمان بخفة ورفعت يديها اللي ماسكة السكين لفوق ناوية الشر لسلمان..
سلمان:..سحب شماغه اللي طايح جنبه وحطه على راسها وشالها من الارض واعتدل بوقفته زين..
ساندرا:..وقفت ورا سلمان والابتسامة معتليه وجهها..لن تكون لاحد غيري أبدا
فرات:..واقفة وراها وضربتها بالتحفة على راسها..
سلمان:..لف مصدوم من اللي يصير..
ساندرا:..طاحت عالارض مغمى عليها..
فرات:..اللي ترجف من الخوف بصراخ..وش تنتظر روح بسرعة
سلمان:..خرج يجري شايل القنوع..
((المستشفى))
الدكتورة:..تمد له الورق باستعجال..تفضل وقع عالعملية
سلمان:..بخوف..عملية ايش
الدكتورة:زوجتك أجهضت ولازم نعمل لها تنظيف هذا عشان مصلحتها أولا حتى مايصير لها اي مضاعفات مستقبلا
سلمان:..وقع بيده اللي ترجف كيف بيواجها وهو يدري انها تبي هالبنت وش بتسوي اذا عرفت وش مصير علاقاتهم اكيد وصل لخط النهاية اللي ماعاد فيه رجعة عض طرف شفته بقهر ونزلت دموعه على الفرحة اللي مااكتملت..
<بعد العملية>
الدكتورة:الحمدلله على سلامة زوجتك الله يعوضكم بالأحسن وقدامكم الحياة زوجتك الحين بحاجتك اكثر خصوصا انها عاشت مع طفلها اربع شهور كانت مهتمة بنفسها لابعد حد وتكلمني وهي مبسوطة أتمنى ماتتركها وتتحمل اللي تقوله لك هي فترة وبتعدي ان شاء الله والله يعوضكم خير
سلمان:..جلس عالكرسي رجوله ماشالته تنهد..مشكور جزاك الله خير
الدكتورة:..راحت..
سلمان:..يعيد تقييم الأمور..يعني هي لها اربع شهور كيف مالاحظت وليه ماقالت لي..سكت ثم ضحك..ولا كنت أتعمد أزعلها وأضايقها طول المدة الاخيرة مع ساندرا يعني هي حملت بنفس ليلة زواج نور..سكت ونزلت دمعته بقهر..ضيعت أحلى فرصة لنا والسبب غبائي ماراح تسامحني أبدا أبدا..وقفوا قدّامه اثنين..انت سلمان سعد الـ***
((مركز الشرطة))
::فرات بغرفة وساندرا بالغرفة اللي مقابلتها::
فرات:..متكتفة وتمشي..
ساندرا:..وقفت وناظرت لها مع الفتحة اللي بالباب.. اعتادي على المكان لن أتنازل نهائيا لقد حاولتي قتلي
فرات:..ضحكت..حبيبتي انتي أنا منعت جريمة قتل واضحة مع سبق الإصرار والترصد واضح من اللي لازم تتعود على المكان
(بيت ابو سلمان)
::بعد ماراحوا الضيوف::
ام فارس:..تلبس عبايتها..
ام سعد:..مسكتها..وين رايحة
ام فارس:..بصوتها اللي يرجف..رايحة لبناتي..بكت..القنوع مدري وش صار لها وفرات بهالمصيبة اللي طاحت علينا
ام سعود:انتي روحي للقنوع وانا بروح لفرات
ام فيصل:لاوالله ماتروحين لحالك بروح معك
ام سعد:لا والله انا اللي بروح معها انتي مابتقدرين عليها لو صار شي
غدير:وانا معك يمه
ام فارس:عن اذنكم..خرجت..
ام سعد:ام فيصل انتي والبنات اهتموا بالبيت وحنا بنعطيكم خبر اذا صار شي
((المستشفى))
الضابط:أول شي الحمدلله على سلامتك زوجتك ونعتذر لك على غلط السجانة توها جديدة
سلمان:..صر ع اسنانه بغبنة..غلطكم ذَا كلّفنا كثير
الضابط:آسف عاللي حصل والسجانة بتاخذ جزاها وأدري إن النفسية مو تمام الحين لكن عملنا لازم ننجزه
سلمان:..تنهد..تفضل
الضابط:اولا صحيح ان الاعتداء على زوجتك القنوع تم من قبل زوجتك ساندرا
سلمان:عفوا صحح معلوماتك هي طليقته وفعلا تم الاعتداء على زوجتي من قبل طلقيتي
الضابط:بناء على موقع الحادث تم الاعتداء عليها بعامود اضاءة..مد له صورة..صحيح؟
سلمان:..ناظر الصورة..أنا ماكنت موجود وقت اللي صار أنا دخلت بعداللي صار
الضابط:يعني كلامك غير مؤكد اللي بيأكد ان ساندرا اعتدت على القنوع هي القنوع نفسها عالعموم بالنسبة لقضية أختك فرات زوجـتـ عفوا أقصد طليقتك متهمتها بمحاولة قتل
سلمان:..بصدمة..نعم!!أنا اللي برفع قضية قتل عليها انها حاولت تقتلني فرات اللي أنقذت حياتي
الضابط:اممم طيب..مد يده وصافحه..شكرا لك متى نقدر نقابل زوجتك وضعها يسمح الحين؟
سلمان:أتمنى تعطوني وقت حتى تهدأ نفسيتها شوي
الضابط:أوكي لكن توقع بأي وقت نجي
سلمان:..تنهد..طيب
الضابط:..مشى..
أبو سلمان:..يمشي وبقمة غضبه لدرجة وجهه قالب لسواد وبصراخه..انت انت..يأشر عليه بيده..
فارس:..وراه..
سلمان:..بنفسه..وصل
أبو سلمان:..ضربه كف ثم مسكه من ياقة ثوبه وشد عليه يخنقه..انت ماراح ترتاح الا اذا ذبحت عيالي مثل ماذبحت امك
فارس:..يفكه وبصراخ..يبه يبه اتركه بتذبحه
أبو سلمان:ليه ليه كل ماتسوي شي ينقلب علينا روح وفكنا منك جعلي ارتاح من شوفتك للأبد يارب
فارس:..لازال يحاول يفكه من يدين ابوه وبصراخ..يبه سلمان ماله شغل اتركه
سلمان:على امرك بروح وأتركم هذا وعد
ابو سلمان:..وقف عن خنقه..
فارس:..يضحك بصدمة..وش تقول انت ترا ابوي مايقصد شي من اللي قاله هو بس معصب
سلمان:..عينه بعين ابوه..لكن ابي اخلص اموري مع القنوع بالاول وبعدها أوعدك اختفي وهالمرة للأبد
(الشرطة)
<مكتب الضابط>
::على المكتب جهة اليمين بالنسبة للضابط سعد>فرات>ام سعد>ام سعود>غدير وجهة اليسار ساندرا::
الضابط:اذا يافرات انتي تنفين التهم الموجهة ضدك
فرات:..برجفة صوت..ايه نعم
سعد:..مسك يدها يحسسها بالامان..
ساندرا:..تبكي..ياالهي لقد حاولت قتلي حقا وتنفي ذلك بكل هذا البرود ماهذه المرأة الشريرة
ام سعود:..بغبنة..ووجع ان شاء الله اي والله اذا هي شريرة فأنتي منبع الشر ياوجه الأفعى الله اكبر عليك
الضابط:..بتعصيبة..هدوء لو سمحتوا!!!
ساندرا:..تبكي..أرأيت ذلك كل العائلة تتآمر لقتلي
ام سعود:..ماتحملت وراحت لجهتها..والله لأكسر فمك يالكذابة
ام سعد:..مسكتها..
غدير:..مسكتها..يمه انتي تثبتين اللي قالته بفعلك
سعد:..يسحبها مع امه..ياخالة استهدي بالله
فرات:..تهمس..عليك فيها ياعمة بردي حرتي
ام سعد:فرات انطمي ماتكفيك مصيبتك تجرين عمتك معك
الضابط:..وقف وبصراخ..كلكم برا ماعدا المتهمين
<برا المكتب>
السجانة1:احمدي ربك جت على الخصم ست شهور
السجانة2:الحمدلله على كل حال حسبي الله وكفى
السجانة1:وش فيك ليه ماتأكدتي
السجانة2:توترت ونسيت علامات التسمم
السجانة1:اول شي عالاقل كان شفتي علبة الدوا كيف لعبتها عليك
السجانة2:..تنهدت..ماراح أكررها مرة ثانية بإذن الله
::ترتيب الجلوس سعد>امه>غدير>ام سعود ويشوفون الحوار بين السجانات قدامهم::
ام سعود:..تنهدت..طول عمرها كذابة هالساندرا حتى ذي المسكينة اللي ماتعرفها ماسلمت منها
ام سعد:الحمدلله ربي فكنا منها
ام سعود:بعد ايش بعد مادمرت كل شي وراها
ام سعد:اهم شي ننفك منها
غدير:..رفعت يدينها..روحة بلا رجعة يارب
ام سعود:آمين آمين
((بالمكتب))
الضابط:بالنسبة للأقوال ان ساندرا تتهم فرات بمحاولة قتلها باطلة
فرات:..اعتلت وجهها ابتسامة وامتلت عيونها دموع..
الضابط:..استرسل..بناءا على أقوال الشاهد
ساندرا:..عضت على شفتها بقهر..اخبرني من هذا الشاهد
الضابط:..استرسل..ايضا ضدك قضية محاولة قتل سلمان سعد الـ**
ساندرا:..بتعصيبة..هذا افتراء كله افتراء
الضابط:ايضا ضدك قضية محاولة هرب واعتداء على القنوع سعود
ساندرا:..بصراخ..اين المحامي الخاص بي
الضابط:كل هالقضايا بالاضافة الى القضية الاساسية لاختطاف طفلة لمدة سبع أشهر
ساندرا:..بصراخ..هذا كذب اين السفير أريد ان أذهب للسفارة
الضابط:..تنهد..حنوكل لك محامي ونكلم لك السفير لكن ثقي تماما ان معاملتك عندنا أفضل لك مليون مرة من سفارتك
ساندرا:..بلعت ريقها بخوف..
((برا المكتب))
السجانة:..تسحب سجينة وبصراخ..امشي والله لاتنحبسين سنين على ذَا المشاكل اللي كل سوم تسوينها مابتشوفين النور طول حياتك
السجينة:..جاست عالكرسي جنب ام سعود وهي تخاصم..والله لأخد خفي خليني أرجع السجن والله لأدفنها بنت الذين
السجانة:..بصراخ..اسكتي خلينا نخلص قضيتك على خير
السجينة:..ناظرت ام سعود من فوق لتحت..ايش عند أهلك هينا ايش مسوية شكلك ست نظيفة ايش اللي جابك هينا
ساندرا:..خرجت من المكتب مرت من عندهم وقفت ناظرت السجانة..أريد أن أخبرهم بشي ضروري..رجعت لهم ووقفت قدامهم بابتسامة..بالنظر لأشكالكم فلابد وانه قد حدث شيئا كبيرا أخبروني هل فقدت طفلها
ام سعد:..ناظرتها بغبنة..
سعد:اسكتوا لاتردون عليها..ناظرها..وانتي توكلي على الله روحي فكينا شرك
ام سعود:..شدت قبضتها وصرت ع أسنانها وتنفست بصوت من القهر وظلت بمكانها ساكتة..
السجينة:..عيونها تنتقل بين ام سعود وساندرا..
ساندرا:..بابتسامة..هل حدث شي اكبر من ذلك..شهقت..هل فقدت رحمها..ضحكت..ياإلهي سأموت من السعادة أريد أن أرى وجهها الان
ام سعود:..اللي وصلت معها..
غدير:..مسكت يد امها..يمه تحملي عشان فرات لاتقولين شي
السجانة:..تسحب ساندرا..امشي آسفة ماتوقعت هالكلام توقعتها بتصلح الوضع..تدفها..قدامي يالله قدامي
ام سعود:..تضرب على صدرها بقهر ودموعها فعيونها..آه ياقلبي آه حسبي الله عليك آه
السجينة:..تهمس..أقولك ياخالة
أم سعود:..ناظرتها مستغربة..
السجينة:..تهمس..أنا لسى حمقانة عاللي حصل لي ولازم أطلع الطاقة دي من قلبي أو حموت كدا كدا بكمل بالسجن كم سنة زيادة ايش رايك أفرغ طاقتي وبنفس الوقت أكون بأساوي خير للغير ايش قلتي؟
ام سعود:..مسكت يدها..والله وفيك الخير يابنتي الله يوفقك ويكتب أجرك
السجينة:هيا لاتمشي للبيت اليوم انتظري برا
ام سعد:امك وش تسوي مع اللي جنبها
غدير:والله مدري عنها ياخالة
ام سعد:امسكي امك مو ناقصين مشاكل
فرات:..خرجت من المكتب..
سعد:..جرى لجهتها..
فرات:سعد
سعد:..مسك يديها..ياعيونه
::أم سعد وأم سعود وغدير عندها::
فرات:..امتلت عيونها دموع..ماابي انام بهالمكان ياسعد..ناظرت عمتها..عمة طلعت بريئة الله يخليكم خرجوني ماابي اقعد زيادة
سعد:بسوي كل اللي أقدر عليه
ام سعد:بنحاول يايمه بنسوي كل شي
فرات:..بدموعها..يقول بكرة اطلع الليلة لازم أظل عندهم..بترجي..سعد
سعد:..مسح دموعها وأخذها بحضنه..حتى لو ماخرجوك بقعد هينا معك مابروح بظل عندك ياعمري..ضمها بحضنه..لاتخافين
فرات:..ضمته تبكي..
السجانة:..دفته وبصراخها..أبعد..تفتشها ثم سحبتها..امشي يالله
مروان:..جاي جهتهم يجري..
فرات:مـرواااان..مسكت يدينه..
السجانة:..تسحبها..قدامي يالله
مروان:مابخليك ببقى هينا وبسوي المستحيل عشان اطلع ياروح أخوك
فرات:..مشت مع السجانة باستسلام ودموعها على خدودها..
((يوم جديد))
(المستشفى)
<غرفة القنوع>
القنوع:..بوجهها الذبلان وشفايفها البيضا من الجفاف متمددة عالسرير صحت فتحت عيونها..
سلمان:..عند طرف السرير من جهة رجولها..الحمدلله على سلامتك
ابوسلمان:..اللي جالس عالكرسي جنبها صر ع اسنانه بغبنة من سمع صوت سلمان اخذ نفس وابتسم..الحمدلله على سلامتك يابنتي
فارس:..ابتسم لها..الحمدلله على سلامتك ياقلب اخوك
ام فارس:..جنبها تمسح على راسها وتبوسه بعيون مليانة دموع..الحمدلله على سلامتك يمه الحمدلله اللي سلمك الحمدلله
القنوع:..باستغراب..يمه ليش تبكين المفروض اشوف الفرحة بوجهك..ناظرت سلمان..قلت لها صح قلت لها على بنتنا
سلمان:..نزل عيونه ساكت..
ام فارس:..ضمتها..معوضة خير يابنتي الله بيرزقك عاجل غير آجل العمر قدامك يايمه
القنوع:..بغصة تسألها..وش تقصدين؟!
ام فارس:يايمه اللي اخذ هو اللي أعطاك وبيعطيك وربي ان شاء الله بيكتب لك بنات وعيال بصحة وعافية ان شاء الله والعمر كله قدامك يارب
القنوع:..فكت امها وجلست عالسريروبعيونها اللي مثبتة على سلمان بصراااخ..وش اللي تقصده؟!
ابو سلمان:..حط يده على عيونه..
ام فارس:..ناظرت سلمان..احنا طالعين بنروح البيت نجيب بعض الاغـراض وراجعين..خرجت وخرج وراها فارس وابوه..
القنوع:..بعصبية..وش اللي تقصده أمي؟
سلمان:..شد على قبضته اللي أخفاها بجيبه من التوتر..انتي تدرين ان كل شي قضاء وقدر وعشان صحتك وماتعانين من اي مضاعفات
القنوع:..رمته بعلبة المناديل اللي جنبها..
سلمان:..استقبل الضربة برحابة صدر ذَا اقل شي توقعه تسويه..
القنوع:..صرت ع أسنانها..أنا قلت لك..نزلت دموعها وبصراخ..قلت لك هي الشي الوحيد اللي أبيه ليه توقع بأي حق من سمح لك
سلمان:..بعصبية وصراخ..عشان انتي تعيشين وقعت عشان ماأبي أفقدك لهاالسبب وقعت
القنوع:..ضحكت بوسط دموعها..عشان لاتفقدني تقول أصلا كل شي صار بسببك
سلمان:..انصدم من كلامها هالكلام انغرس مثل السكين بقلبه نزل راْسه عشان لاتفضحه دموعه..
القنوع:..بصراخ..كله بسببك بنتي راحت بسببك ايه اكيد ايش يهمك انت وعندك بنت ليه بتفرح لي مثلا وانت عندك عايلة ثانية اطلع رح لهم رح لحبيبة قلبك ساندرا أنا مالي مكان عندك اطلع ماتسمع اطلع..سحبت المخدة اللي وراها وحذفته فيها وبصراخ..اطلع ماابي أشوفك اطلع
سلمان:..خرج..
((برا مركز الشرطة))
<سعد ومروان وفرات اللي بينهم كل واحد ماسك يدها متجهين للسيارة>
سعد:الحمدلله على برائتك والحمدلله على سلامتك ياقلبي
مروان:الحمدلله ياقلب اخوك ومبروك البراءة
فرات:..بدموعها..الله يسلمكم ويبارك فيكم
::عند السيارة::
ام سعد:..تحضنها وتسلم عليها..كلووووش الحمدلله يايمه الحمدلله الف الف مبروك على برائتك يايمه وهي جعلها من هالحال واردى
فرات:..بكت..الله يبارك فيك ياعمة الله يبارك فيك ولايحرمني منك
::بعد ماسلموا عليها غدير وأم سعود وباركوا لها::
ام سعود:..بتدخل السيارة..
فرات:اقول ياعمة لاتدخلين السيارة الحين
ام سعود:..باستغراب..وليش ان شاء الله
فرات:..ابتسمت..بيفوتك اجل
ام سعود:..سمعت صوت الإسعاف لفت وناظرتها..
::ساندرا بين سجانتين ساندينها ماتقدر تمشي لوحدها مضروبة ومكسورة رجلها::
ام سعود:..راحت لسيارة الإسعاف..
ام سعد وغدير:..لحقوها..
ساندرا:..مو منتبهة للي حولها من الالم..
ام سعود:عسى ماتعورتي
ساندرا:..تأن..انه مؤلم جدا
ام سعود:..ضحكت بصوت عالي..
::لفوا اللي حولها كلهم يناظرونها::
مروان:..لف وجهه عالسيارة ويكلم سعد..أنا ماأعرفها وانت؟
سعد:يعني انا اللي اعرفها أول مرة أشوفها ماقابلتها بحياتي نهائيا
ام سعد:..تسحبها..
غدير:يمه اسكتي بيحطونك جنبها بالسجن
ام سعود:ياعلك من هالحال وأردى ان شاء الله جعلي اسمع خبرك قريب هذا ذنب الضعيفين سلمان والقنوع والله لو لي حيلة جلدتك جلد مو بمثل ذَا ألعن منه يالردية
ام سعد:..حطيت يدها على فمها..يالمهبولة بتدخلينا معك للسجن ادخلي لحالك
غدير:..بعصبية..يمه خلاص عاد اسكتي
::سحبوها ومشى الإسعاف::
ام سعود:آه ولو ان قلبي مابرد باقي بس ماعليه كفو والله بنت رجال
~~بعد يومين~~
(بيت سلمان)
{خلال هاليومين الأمور جدا كئيبة بالبيت القنوع بالغرفة ماتكلم احد يحط لها سلمان الاكل ويخرج ولاتقابل أحد نهائيا}
سلمان:..دخل حط الفطور عالكومدينة جنبها..
القنوع:..وجهها ذبلان والهالات تحت عيونها واضحة تناظر الستاير الطايرة بالهوا بدون اي تعبير..
سلمان:كيفك اليوم ان شاء الله أحسن
القنوع:..ماردت..
سلمان:انتهت إجازتي الاستثنائية مضطر أتركك لوحدك آسف
القنوع:..بدون ماتناظره وبعبرتها..أحسن ان شاء الله تروح وارتاح منك للأبد
سلمان:..تنهد وبابتسامة..لكن أمي والبنات موجودين واذا احتجتي شي اتصلي على طول عن إذنك سلام..خرج..
القنوع:..نزلت دموعها وبقهر..والله لأخذ روحك مثل ماأخذت روحي ان ماخليتك تندم على اللي سويته فيني ماأكون القنوع
((بالشركة))
<بأحد المستودعات>
سلمان:المعذرة وأنا أخوك تأخرت عليك بالايام اللي راحت نسيتك اساسا
........:ولا يهمك دامك بخير كل شي بينحل
سلمان:..بصراحة فيه واحد وراي وانا جاي اليوم عشان كذا تأخرت عليك..ابتسم..واكتشفت ان مروان وفارس نفس الشي وانا انتظرهم اليوم الوضع كله تحت المراقبة
.........:الوضع أكبر من توقعاتنا
سلمان:،.تنهد..للأسف ايه..مد له ملفات..هاذي خلها معك احتياطا لو صار شي
..........:..عقدحواجبه..وش تقصد؟
سلمان:عندي احساس فيه شي كبير بيصير قريب..وصلته رسالة من القنوع[ايه ابي منك شي وهو ورقة طلاقي]
<قسم مروان وفارس>
مروان:وش تبي أزعجتني
فارس:وش رايك بالوصية؟
مروان:وش فيها
فارس:أعطيها لسلمان أو أنتظر
مروان:لا لاتعطيه انت شايف وضعه الحين مع القنوع وضعه مايسمح نهائيا لأي مشاكل جديدة
فارس:..تنهد وبنفسه..اساسا هو بيتركها وبيترك الكل
<قسم سلمان>
سلمان:..دخل عقد حواجبه..وش فيهم وش صاير
موظف:..مر من جنبه ورجع وناظره بغبنة..كله منك كله منك..مشى..
سلمان:..ناظره..سلامات..اتجه لمكتبه بسرعة..ناير وش صاير
ناير:..اللي يرسل الفاكسات بأسرع مايمكن..فيه شي حصل بالكتيب اللي أرسلناه
سلمان:وش تقصد
ناير:الأسعار اللي كانت بالكتيب كلها غلط وبتكلف الشركة مبالغ مهولة نتيجة للشركة اللي تعاقدنا معها لها فروع بأنحاء العالم وهالمبلغ ممكن يعرض الشركة للإفلاس
سلمان:..اتسعت عيونه بصدمة..وشو!!!!
(بيت سلمان)
ام فارس:كيفك يابنتي اليوم
القنوع:الحمدلله طيبة
ام فارس:اليوم عماتك والبنات جايين يسلمون عليك
القنوع:ماأبي أشوف أحد
ام فارس:بابنتي كلهم قلقانين عليك وجايين بيتطمنون أطردهم يعني
القنوع:..ببكية..أنا ماأبي أشوف أحد
ام فارس:..تنهدت..ارتاحي الحين واذا جوا وقتها يصير خير
((بالشركة))
<مكتب خالد>
خالد:..واقف ورا مكتبه وبعصبية..تكلموا وش اللي صار وين الغلط بالضبط وش هالكارثة اللي سويتها ياسلمان
سلمان:..واقف قباله ساكت..
ناير:..جنب سلمان ناظره ثم رد..أستاذ مستحيل الغلط يكون من سلمان هو تأكد منه أربع مرات وأنا ثلاث مرات والكتيب أرسلناه بعد التدقيق يعني بعد ماإنت أطلعت عليه وأعطيتني الإذن وأرسلناه مستحيل يكون الغلط منا فيه أحد لعب بالاسعار قبل الإرسال
خالد:..ضحك وبعصبية..هذا تبريرك فيه أحد لعب الأسعار الحين القسم كله مسؤول نتيجة هالغلطة اللي بتكلف الشركة كثير هذا فرضا اذا عدت الأزمة على خير وماأعلنا الافلاس
سلمان:..عيونه بالأرض ومارد..
ناير:مستحيل حنتواصل مع الشركة والاسعار قابلة للتغيير يعني اكيد بيقبلون بالتعديل
خالد:اضفتوا بند التعديل
سلمان:لا ماأضفنا بند التعديل وَذَا كان الاتفاق الأساسي معهم
خالد:..سحب الملف اللي على مكتبه وضربه بالجدار وبصراخه اللي مليان عصبية..الحين تحجز تذكرة عالبرازيل وتقنع الشركة واذا رفضوا الأفضل انك ماترجع وتظل هناك لان الشركة بتحملك المسؤولية وترفع قضية ضدك
بيت ابو فيصل)
<غرفة ليالي>
ليالي:..متمددة على سريرها وبنفسها..عيونه كانت غير غير وهو يقول هالكلام أصدقه ولا لا يـووه والاه ماعاد ادري اصدق او لا
سماهر:..داخلة..الحلو وش شاغله عنا
ليالي:..تنهدت..ابد مثل ماتشوفين ولا شي
سماهر:..جلست عالسرير..وش قررتي
ليالي:ماأدري
سماهر:هالكلام اللي ابي اقوله الحين مو عشان فارس اخوي لا والله عشان مصلحتك انتي قبله هو جا لعندك واعترف لك بمشاعره كلها الحين وقبل ليه تتركين وساوسك تلعب فيك ليه ماتعطينه فرصة اذا ماعجبك الوضع او شكيتي بلحظة انه يكذب عليك اتركيه
ليالي:وضعي غير حتى لو قال كلمة حلوة مابسمعها لي بأسمعها لجمانة بأذكر بكل لحظة ان هالكلام ممكن يكون لها مااقدر مااقدر
سماهر:..تنهدت..بتتعبين وبتوديك ظنونك يمين ويسار وبتطري عليك أسوأ الأفكار لكن أعطيه فرصة وقاومي افكارك الشينة وشوفي بعيونك وقلبك هو يحبك او لا
ليالي:صعبة صعبة ياسماهر انكسرت قلبي انكسر
((بالشركة))
سلمان:..يكلم بجواله..الظاهر لازم الحين نعطيهم إنذار عاللي صار
.........:لا لا الحين لسى بدري بدري كذا بننكشف لهم
سلمان:..تنهد..هم بدوا بأول خططهم الخطيرة اللي راح كان تدريب بالنسبة لهم وش تبيني انتظر أنتظر لحد مايموت أحد منا وأخليهم يلعبون على راحتهم لا الحين جا دوري ابدأ ارد عليهم وقدامهم مو من وراهم بعد
..........:اترك الرد لحد ماترجع من البرازيل عالاقل بعد ماتحل المشكلة
سلمان:هم ناوين يتخلصون مني أول ماأرجع من البرازيل وقتها مابيمدي حتى أرد عليهم لازم نتحرك الحين
.......:..تنهد..على راحتك لكن بترك لك بعض الشغلات بنفس المكان
سلمان:اذا صار لي شي
......:..قاطعه..مابيصير لك شي ان شاء الله انت بس انتبه على نفسك
<مكتب أبو سلمان>
أبو سلمان:..بعصبية..وشو!!!
عبدالملك:..مد له الملفات..هاذي هي كل المستندات أنا اتصلت بالفريق القانوني عشان ندرس الوضع لكن أول حل أقترحه الاستاذ خالد كان الحل الودي لكن لازم نأخذ كل احتياطاتنا
ابو سلمان:الحين أبي كل مشرفين الأقسام عندي بسرعة
<قسم فارس ومروان>
فارس:..يهمس لمروان..سمعت الخبر اللي سمعته؟
مروان:ايه
فارس:تتوقع سلمان سلماننا ولا غيره؟!
مروان:ياكثر سلمان بشركتنا مستحيل يكون هو..بشك..صح؟!
(بيت أبو سعود)
~الصالة~
::نور وعمتها قاعدين يسولفون ويضحكون::
ابو سعود:..داخل..ماشاء الله ماشاء الله الله يديم المحبة الا اقول يامها قومي جيبي لي البندول مصدع
ام سعود:حاضر
نور:ارتاحي ياعمة أنا بروح أجيبه..راحت جابته ومدته له..
ابو سعود:..أخذه..ابي كاسة ليمون يامها
ام سعود:حاضر
نور:والله غير تجلسين أنا بسويه..راحت ورجعت والعصير بيدها مدته له..
ابو سعود:..أخذه منها..جيبي لي زنجبيل بشوية موية دافية يامها
نور:ارتاحي ياعمة أنا بجيبه..رجعت وهي شايلة شنطة الصيدلية بيد واليد الثانية شايلة كيس فيه ليمون وعسل وزنجبيل والكوب اللي طلبه حطت الأغراض عالطاولة قدامه..
ابو سعود:..اتسعت عيونه بصدمة..
ام سعود:..كتمت ضحكتها..
نور:من خوفي عليك ياعمي جبت كل الاغراض مرة وحدة عشان لاأتأخر عليك وتتعب زيادة بعيد الشر عنك
((الشركة))
<قسم سلمان>
خالد:..خارج من مكتبه يمشي بالممر اللي بين مكاتب الموظفين شايل الملفات بيده وواضح على وجهه القلق والتوتر متجهة لخارج قسمه..
ناير:..قطع طريقه ووقف قباله..
خالد:..عقد حواجبه..نعم فيه شي
ناير:ايه
خالد:..ناظر ساعته..بسرعة لاأتأخر عالاجتماع
ناير:سلمان وانا معه بريئين ن هالتهمة
خالد:تكلمنا بالموضوع قبل
ناير:..اعتلى صوته المكان..أقولك في واحد لعب بكل شي من ورآنا
خالد:..صر ع أسنانه..اذا ماقفلت عالموضوع بتفصل مؤقت وبيخصم من راتبك بعد
ناير:ليه ماتصدقني في أحد غيّر أسعار الكتيب
خالد:..بعصبية..أسبوع
ناير:لكن
خالد:أسبوعين
ناير:..بصراخ..والله ظلم حرام ظلم
خالد:..بعصبية وصراخ..ثلاث أسابيع خصم وأسبوعين فصل بعد ماتعتب هالأزمة
ناير:..يناظره بغبنة..
سلطان:..سحب ناير..اسف أستاذ مو كأنك تأخرت على اجتماعك
خالد:..لف عليهم وبصراخه..كل واحد على شغله..مشى..
سلطان:..حط يده على كتف ناير وبابتسامة..هد نفسك ايش فيك
ناير:..دف يده وناظره بعصبية..أدري ان لك يد بالموضوع
سلطان:..بصدمة..أنا أسوي كل شي يضر سلمان صحيح لكن أضر بالشركة بكبرها مستحيل كذا بتطير وظيفتي مني
ناير:..دفه عن طريقه..وخر عني بس
سلطان:..تنهد عقد حواجبه وبنفسه..كنت آخر واحد بالمكتب وغيرت التقارير ماكان احد وراي من ذَا اللي تجرأ وغيّر الأسعار هذا نيته واضحة تدمير الشركة
(بيت ابو سلمان)
~ع الغدا~
ام فارس:حياكم الله
ام سعد:الله يسلمك
ام فيصل:يازينها الجمعة اليوم
ام سعود:اي والله بدون اي ازعاج من الرجال يازينها
غدير:ايه يازينها فعلا لكن ياشين سببها
نور:..تقرص غدير..
جمانة:..تناظرها بتهديد..
ام فارس:..حطت عينها بالأكل وسكتت..
ام سعد:الا كيف القنوع
ام فارس:الحمدلله ماعليها
سماهر:كيف نفسيتها
ام فارس:والله مو مرة لك عليها
جمانة:ماعليك ياخالة بأطلع لها انا والبنات الحين وبتشوفين النفسية بعدين
ام فارس:تقول ماتبي تقابل أحد
ليالي:ماعليك ياخالة احنا عارفين لها
فرات:..لاتشيلين هم يمه كلنا بنحاول فيها اليوم
((بالشركة))
سلمان:..جالس قباله..
.........:..جالس على مكتبه..مشرفني والله وشر هالزيارة
سلمان:..اعتدل بجلسته..أبد جاي أسلم عليك
.........:..ابتسم..وش هالمحبة اللي طلعت فجأة توقعت المرة الجاية اللي بنتقابل فيها بتذبحني لكنك هادي على غير العادة..
سلمان:..رمى الملف على المكتب قدامه والابتسامة على وجهه..
........:..ناظره ثم مد يده وفتحه يتصفحه بملامح هدوء على وجهه..طيب وبعدين
سلمان:اختلاسات وكلها باسمك
........؛عادي أي أحد يقدر يزور توقيعي وين المشكلة
سلمان:..ابتسم..مو اي أحد يقدر يزوره ووصلنا المهم..خرج الفلاش من جيبه ورماها له..تفضل
........:..شغل الفلاش وناظر الفيديو اللي مصوره وهو مقابل سكرتارية شركات منافسة لهم يسلمهم ملفات..
سلمان:..بابتسامة..والحين؟!!
.........:..يحاول يسيطر على نفسه ويكون هادي لايكشف توتره..عادي أصحابي وتقابلنا وين الأهمية بالموضوع
سلمان:..ضحك..عالعموم أنا ماأبي شي منك أدري انك أضعفهم أنا أبي اللي وراك..صر ع اسنانه..اللي خطفني انا وفارس وفكر انه يرعب زوجتي واعتدى على بيتي ادري انه نفس الشخص وادري أنكم إنتوا الاثنين تشتغلون لمصلحة نفس الشخص وبلغه وبلغ كل اللي وراك بجيبكم قلت لكم قبل بجيبكم وبجيبكم على رواااق
مجهول(1):..صر ع أسنانه بغبنة ثم ابتسم..اللي خطفك معقولة ماتذكره يعني الكلام اللي حولك صحيح انت عندك فقدان ذاكرة مؤقت
سلمان:..عقد حواجبه..وش اللي تقصده
مجهول(1):ماتذكر الأيام اللي اختفيت فيها عن البيت اللي ساعدك ورجعك هو اللي تدور عليه وتبيه..ضحك..انت شفت وجهه كيف ماعرفته للحين
سلمان:..انصدم ويحاول يسيطر على تعابير وجهه قام واتجه للباب وصل له ثم لف عليه وبابتسامة..اه أحب أقولك لاتلعب بذيلك معي يا***انتبه زين لاتفكر اني ماأقدر أكشفك عشان ابي أعرف اللي وراك لا دام وصلت لك فالي بعدك أسهل منك بألف مرة سلم لي عالحبايب وانتبه على نفسك..خرج تارك مجهول(1)بوسط غبنته..
(بيت سلمان)
~الصالة~
::البنات جالسين متوزعين عالكنب::
القنوع:..ساكتة وعيونها بالأرض..
غدير:..نطت بوسط الجلسة بقمة حماسها..ماأقولكم ذاك اليوم فرات ايش سوت بالمركز
القنوع:..عقدت حواجبها ثم ناظرت غدير..أي مركز
غدير:مركز الشرطة
القنوع:..بصدمة..ليش ايش صار
سماهر:اه لانه لانه
نور:ساندرا اتهمتها بمحاولة قتل لان فرات ضربتها على راسها
ليالي:وهي الله اكبر عليها حصان حصان ماصار لها شي وللحين موجودة ماسافرت متى تتحاكـ
جمانة:..قرصتها..
ليالي:اه اه
القنوع:كل ذَا صار وانا مدري
فرات:انتي اللي عزلتي نفسك عن الكل
نور:..اللي جالسة عالكنبة قبالها حذفتها بالمخدة..ماتعرفين تسكتين انتي
القنوع:..بابتسامة تسليك..لا عادي عادي
غدير:..جلست عالكنبة وبزعل..الحق علي اللي بعلمكم السالفة
ليالي:أزعجتينا بالقروب امس وانت ترسلين وش صار خلاص عرفنا
غدير:..ناظرتها بحقد..
القنوع:أنا ماعرفت قولي وش صار
نور:..تفصفص..كملي كملي أنا معك جعل محد يسولف غيرك ياشيخة
غدير:..وقفت..الحين تخيلوني فرات وبعيوني دموع مانزلت بس فيها دموع..تقلد فرات بالضبط..سعد سعد الله يخليك لاتتركني لاتتركني
::انفجروا البنات ضحك ماعدا فرات اللي تناظر بزعل::
نور:..تناظر فرات..الله يالدنيا ماكأنك مقطعته حش وتذلينه اذا مرك يبي يشوفك
فرات:اصلا انا مشيتها لكم عشان القنوع ضحكت وأترفع عن الرد عليكم
غدير:أما سعد يمه يمه
ليالي:..بحماس..كملي وش سوا
غدير:..جلست..أزعجتكم بالقروب امس
ليالي:يالله عاد لاتصيرين بايخة
غدير:..وقفت وبحماسها..وش سوا..تقلده..ماراح أخليك والله بظل معك هينا ياعمري مابتحرك..تكتفت..قلبوا اتراك بوسط المركز والسجانة تسحبها وهو ماسكها وهي تبكي لاتتركني الله يخليك وهو والله ماأتركك مابقي يقول الا سأفديكِ بروحي ياروح قلبي وينزل دمعتين ويصير فيلم حصري قدامي
نور:..تفصفص..ناقصك الفشار
غدير:..بحسرة..اي والله خسارة
فرات:..تتصنع عدم الاهتمام..عادي واحد وزوجته ايش لك انتي
::لفوا عليها مصدومين::
سماهر:مستحيل
ليالي:وش فيك يابنت لايكون تعبانة
غدير:وبعدين معكم خليني اكمل لكم سالفتي وامي آه امي..بضحكة..جلست جنبها وحدة شكلها مسجونة وسيعة صدر تسولف على امي وامي قامطة
ام سعود:..دخلت..من اللي قامط يابنت
ليالي:انتي ياخالة ذَا كلام غدير
ام سعود:..مسكتها بأذنها..
غدير:آه يمه آه أذني
ام سعود:أشوف لسانك مايطلع الا من وراي
غدير:آسفة آسفة يمه بس انتي ماعندك ديمقراطية انتي ديكتاتورية
ام سعود:وشو
نور:تشبهك بهتلر ياعمة
ام سعود:..مسكتها بأذنها وشدتها بقوة..الله اكبر عليك الحين انا المزيونة الحليلة تشبيهني بأبو شنب صغير الظالم هذاك
غدير:آه آه يمه كيف تصدقينهم بسرعة انا بنتك
ام سعود:حتى هم بناتي
(بيت أسامة)
سلمان:..دخل يجر خطواته بحزن رمى نفسه عالكنبة..شدة وتزول شدة وتزول بتعدي على خير صح يا..سكت ثم ابتسم..حتى يوم رحت انت رجعت لك أدور عليك..بغصة تخنقه..انا قررت اني اختفي ياأسامة وش رايك اختفي ولا اقعد هينا..بضحكة خفيفة..بس انا وعدته خلاص
(بيت أبو سلمان)
فارس:ماشاء الله الاهل موجودين..يسلم على عماته..
مروان:..وراه..السلام عليكم..يسلم..