الفصل 24
فرات:..تبوس راس أمها بسرعة..صباح الخير..وتكمل طريقها..
ام فارس:تعالي تعالي وين رايحة
فرات:..لفت على أمها وصارت تمشي على ورا..بحجز لي مكان مضبوط عشان أصورهم وهم يتهزأون..كملت طريقها جري..
ام فارس:ارجعي يابنت بنت لاحول ولاقوة الا بالله الله يصلحك بس
<بالحديقة>
فرات:..تناظرهم..الله يازينكم بس..تصورهم..
سلمان:..متربع ومتكي بظهره عالجدار ونايم..
مروان:..حاط راْسه على رجل سلمان اليمين ونايم..
فارس:..حاط راْسه على رجل سلمان اليسار ونايم..
فرات:..تشاور نفسها..أصحيهم..ابتسمت..لا بتكون تهزيئة محترمة لهم خليني أصورهم..تتلفت..وين أتخبى آه..دخلت بوسط أشجار الحديقة وفتحت كام الجوال تسجل فيديو..
أبو سلمان:..يمشي لجهتهم..
فرات:..بتموت من الحماس وبنفسها..وصل وصل
أبو سلمان:..وقف قدامهم تكتف يناظرهم ثم تنهد بحزن حنى ظهره ومد يده ولمس راس سلمان بحنان..
سلمان:..ماحس بشي من تعبه..
ابو سلمان:..يناظره بعيون غرقانة دموع..ادري اني قاسي عليك لكن كل ماشفتك اتذكر امك ولا تذكرتها تذكرت انك سبب موتها وتولع النار اللي بجوفي وودي أذبحك للحين للحين ماالتئم جرحي لاشفتك اموت بحسرتي تحمل تحمل ياسلمان لاني بقسى عليك زيادة..اعتدل بوقفته ومشى لصلاة الفجر..
فرات:..اللي بين الأشجار تناظر أبوها مصدومة..
(بالشركة)
~قسم فارس ومروان~
مروان:..جالس على مكتبه وبوسط شغله المتراكم بسبب فصل فارس المؤقت..
وائل:..اللي وجهه ألوان من الكدمات وقف قبال مروان..
مروان:..رفع راْسه له ناظره ثم رجع عينه عالملفات..
وائل:أشوفك بخير أخوك زود السالفة حبتين توقعتك ميت او عالاقل بغيبوبة
مروان:..تنهد وهمس..جعلك بغيبوبة ياشيخ وارتاح منك
وائل:نعم قلت شي
مروان:..رِن جواله بنغمة رسالة وفتحه..ولا شي..رفع عينه لوائل..ماوراك شغل غيري
وائل:حبيت أقولك بلغ اخوك ان مالي يد باللي صار لك نهائي..اتجه لمكتبه..
مروان:..عقد حواجبه..كيف مالك يد بالموضوع آه شكله مغبون عشان درى اني أنا وفارس اخوان..ناظر جواله ويقلب بصور فارس وسلمان اللي راسلينها عقد حواجبه بزعل..ليتني مفصول معكم
~~بمطعم راقي~~
فارس:الحين شف طريقة الشرب الصحيحة..شفط الشاهي وطلع صوت..
سلمان:..يتلفت ويهمس..هيه هيه فرّوس فضحتنا العالم تناظرنا
فارس:..بعدم اهتمام..خلهم يناظرون هذا فطورنا وبفلوسنا وعلى طاولتنا
سلمان:فيه شي اسمه أدب
فارس:ناظرني بس ناظرني والحين طريقة اكل الكرواسون..دخله كله بفمه مرة وحدة..
سلمان:..حط يده على جبهته يحاول يخفي ملامح وجهه من الاحراج..
فارس:..يتكلم بفمه المليان..ها شفت كيف
سلمان:..يمد له الموية..اشرب اشرب لاتموت علي وابتلش فيك
فارس:..شرب وبصوت عالي..آآه الحمدلله
سلمان:..وده يختفي..الحق علي اللي أفطرك عَلى حسابي
فارس:..ببراءة..وش فيك صراحة ماتحمس نهائي ليت مروان معنا كان تشوف انواع التحديات
سلمان:..ناظره..أمانة عليك تسوي هالحركات عند ليالي
فارس:لا مقدر أخاف أطيح من عينها بس أتوقع هي بتسويها قبلي
سلمان:..بالبرتغالي..أوم تولو**أهبل**
فارس:..يحك أذنه..وشو
سلمان:..تنهد..طالع مع شايب شااااايب
(بيت ابو سلمان)
~ع العشا~
ابو سلمان:..يتعشى..
فرات:..تسرق نظرات لابوها وبنفسها..ليه يكابر دامه كان خايف عليه..ناظرت أبوها وهالمرة ركزت نظرها عليه وبنفسها..دام كان خايف ليه مابلغ ليه ماضمه بحضنه يوم رجع
ابو سلمان:..قطع حبل أفكارها..فرات
فرات:..فزت انفجعت..سم يبه
ابو سلمان:عندك شي تبين تقولينه قولي مو أحرقتيني بعيونك
فرات:سلامتك يبه مافي شي
(بيت سلمان)
<بالصالة>
سلمان:..متمدد عالكنبة يقلب بجواله..
القنوع:..طلعت من غرفة النوم..تقدر تجي تنام بالغرفة عالسرير جنبي عادي
سلمان:..ناظرها باستغراب ثم قفل جواله وحط يده على وجهه..أنا مرتاح عالكنبة
القنوع:..تغير وجهها فاجأها برده..أوكي على راحتك
<<بعد أسبوع>>
(بيت ابو سعود)
~بالصالة~
نور:..بخوف تحاول تخفيه..نعم
ابو سعود:..مد لها الفلاش..اطبعي لي الملفات
نور:..عقدت حواجبها..
ابو سعود:ملفات مهمة إياك تقرينها
نور:..ناظرته بغبنة..كان طبعتها بمكتبك ليه جايبها للبيت
ابو سعود:..ناظرها وقف واتجه لها ويمشي بخطوات واثقة كلها شر..
نور:..رجعت خطوتين لورا خايفة..
أبوسعود:نعم وش قلتي
نور:..بلعثمة..اللي اقصده دامها سرية يطبعونها الموظفين بالشركة أفضل
ابو سعود:مـ.ـو شـ.ـغـ.ـلـ.ـك هاذي شغلتي أنا أقرر وين أطبعها
نور:..بعيون غرقانة دموع وبغبنة..طيب بأطبعها
أبوسعود:..قرب منها وناظرها..هونت مابيك تطبعينها توكلي..ابتسم..قبل أحذف شي مرة ثانية
(بالشركة)
~قسم سلمان~
ناير:..جالس على مكتبه..ها خلصت
سلمان:..عينه بالكمبيوتر..خلصت التعديل وراجعته مرتين والحين الثالثة
ناير:أنا شيكت ليه القلق بس
سلمان:هالشركة مهمة مانبي أي غلط
ناير:..قام ومشى..على راحتك أنا نازل ماابي البريك يخلص وانا متنقع هينا
سلمان:..لف وهو جالس على كرسيه..اذا رجعت اطبع نسخة منه وأرسل الملف لشركة***أوكي
ناير:..بتعب..ان شاء الله ان شاء الله
::بعد نص ساعة::
سلمان:..يتمدد..اه خلصت من التدقيق أخيرا..قام وبنفسه..ان شاء الله ألحق عالشباب..خرج..
سلطان:..ابتسم..هين ياسلمان أنا أعلمك وشلون تمد يدك علي
~بمقهى الشركة~
مروان:..يتنهد..
فارس:..تنهد مثله..
سلمان:..يشرب الكوفي ناظرهم بزعل..لاحول وش هالكآبة أنا مناديكم عشان نوسع صدورنا ولاعشان تضيقون علينا
مروان:الشغل وااااجد
فارس:قد ماأسرع أبي أخلص تزيد بنفس سرعتي
سلمان:..ابتسم..طبيعي ذَا عمل مو لعب
مروان:ليتني أرجع طالب
فارس:لو دريت أن الوظيفة تعب هالكثر كان سحبت عالمحاضرات وتهنيت شوي
سلمان:عشان أبوي يدفنك وانت حي
مروان:..عقد حواجبه..وش دراك
سلمان:..يشرب..فرات قالت لي..ابتسم..وشفت إثباتات بعد
فارس:هالفرات ذي منجم ابتزاز متنقل
مروان:الله يستر منها بس
(بالليل)
<بالسيارة>
سلمان:..رِن جواله وبابتسامة..هلا والله حي ذَا الصوت
نور:الله يحييك ويسلمك كيف حالك
سلمان:الحمدلله تمام علومك انتي
نور:الحمدلله..سكتت..
سلمان:..بشك..نور فيه شي
نور:بصراحة ايه يغيت أسألك عن شي
سلمان:تفضلي
نور:..بصوت يرجف..توي مخلصة فيلم يحزن بس قصته عجيبة عن وحدة متزوجة وتخيل اللي متسلط عليها ابو زوجها عكس اللي نعرفه
سلمان:..عقد حواجبه..
نور:لو فعلا موجودة هالحالة برأيك كيف تتصرف؟
سلمان:توقفه عند حده
نور:وإذا كان أقوى منها
سلمان:تتصنع القوة حتى لو كانت بتموت من الخوف لازم تسيطر عالموقف ولاتبين ضعفها له
نور:..بكت..
سلمان:..شك بالوضع..نور
نور:اسفة بس مرة حزنتني الممثلة ضبطت الدور بشكل أليم حرقت قلبي عليها
سلمان:إلا سعود وينه
نور:معزوم
سلمان:أجل بمرك ونطلع نتعشى سوا
نور:أوكيه أنتظرك
::الحوار بالإنجليزي::
مجهول(2):لاتـقـلـق كل ديونك ستدفع
..........:..سكت يفكر..
مجهول(2):العملية كلها لن تستغرق أربع أيام
........:..بتردد..لكن
مجهول(2):..قاطعه..لماذا كل هذا التردد ستسدد ديونك ويخرج شقيقك من السجن وتعود لتكون إنسان صالح مرة اخرى
..........:لن أعود صالحا لأنني وقتها سأكون ارتكبت جريمة
مجهول(2):ليست جريمة انها فقط تحقيق للعدالة
.............:لكن كان صديقي في يوم لاأعتقد اني سأفعلها أعتذر
مجهول(2):كل ماستفعله أنك ستقوم بركله فقط وأنا سأتكفل بالباقي
(بيت أبو سعود)
ابو سعود:..عند الباب كل شوي يناظر ساعته..
::سلمان ونور راجعين للبيت ويسولفون وهم يمشون::
نور:..شافت عمها عند الباب وقفت ومسكت يد سلمان لاشعوريا..
سلمان:..عقد حواجبه مستغرب حركتها ثم شد على يدها ومشى بثقة..
ابو سعود:هلا والله بسلمان الحمدلله عالسلامة..يسلم عليه..
سلمان:..سلم عليه..الله يسلمك وش فيك واقف عالباب تنتظر أحد
ابوسعود:ايه استغربت نور مو موجودة بالبيت
نور:..سلمت على سلمان وبابتسامتها..مشكور أخوي الله يعطيك العافية على الخرجة الحلوة اشوفك على خير
سلمان:..ابتسم لها..انا موجود متى مااحتجتي لي لاتترددين اتصلي بأي وقت وتلاقيني قدامك
نور:ماتقصر الله لايحرمني عن اذنكم..دخلت..
سلمان:..لف على ابو سعود..وإذا خرجت وين المشكلة
ابو سعود:مامن مشكلة المقصد
سلمان:..قاطعه..على مااعتقد زوجها يدري وراضي بعد..عقد حواجبه..لايكون ملخبط من زوجها
ابو سعود:..بلعثمة..ايه لكن نور وحدة من بناتي وأفقدها لاغابت
سلمان:أها عساك ماتفقد غالي لكن خل حرصك ذَا لبناتك نور عندها زوج وأبو وأخوان حريصين عليها
ابو سعود:..صر ع اسنانه بغبنة..
سلمان:تصدق ياعم فيه قصة صارت لصديقي غريبة جدا
ابو سعود:..عقد حواجبه..خير اللهم اجعله خير
سلمان:يقول إن أبو زوج أخته متسلط على أخته
أبو سعود:أفا وش هالكلام ماعاد به رجال
سلمان:ايه لكن البلا اللي سواه صديقي
ابو سعود:..عقد حواجبه وبتردد..وش سوا
سلمان:أبد بس كسر يديه ورجوله حتى يوم تدخلوا عياله صفهم جنبه وكان يصرخ مثل المجنون ويقول..بنبرة تهديد..ماعاش من ينزل دمعة أختي وأنا حي
أبو سعود:..بلع ريقه..أها لاحول ولاقوة الا بالله
سلمان:..مد يده وصافح ابو سعود وعلى وجهه ابتسامة..عاد نشوفك على خير ان شاء الله
ابو سعود:..صافحه وبابتسامة..ان شاء الله ان شاء الله..يفك يده..
سلمان:..ضاغط على يده..نور عيني ياعم والعين اذا فيه شي بيأذيها نشيله بأي طريقة حتى لو اضطرينا نفقع هالعين بالنهاية
(يوم جديد)
(بيت سلمان)
::الحوار بالبرتغالي::
سلمان:..قدام لابه وبالسكايب..هـلـلـو
أليكس:..بزعل..مرحبا
سلمان:..عقد حواجبه..مابك لم أنت مستاء؟!
أليكس:من الجيد أنك تذكرتني هل كنت تخطط لأن تحضر جنازتي فقط؟!
سلمان:..ضحك..لم تغب عن بالي ابدا لكن حدثت بعض الأمور هنا
أليكس:..بلامبالاة..لايهم على أي حال كيف حالك وكيف تعيش
سلمان:..بابتسامة..أنني بخير آكل وأشرب وأعمل أيضا
أليكس:..عقد حواجبه..امّم هذا لايبدو مبشرا مابك ماالذي يحدث..بعصبية يكتمها..هل فعل لك شيئا سيئا
سلمان:..عقد حواجبه..من تقصد؟!آآه والدي انه يعاملني جيدا جدا على عكس المتوقع
أليكس:هل تظنني أحمق؟! لم يكلف نفسه عناء الاتصال بك يوما وتريدني أن أصدقك انه يعاملك جيدا
سلمان:..بتأفف..أليكس حقا انه يعاملني جيدا
أليكس:لاتكذب علي لايهمني ذاك الشخص طالما انه لايتسبب لك بأي أذى هذا يكفيني
سلمان:..ابتسم بحزن..أخبرتك كل شي على مايرام هنا
أليكس:كيف حال مروان..بحماس..هل تذكرني هل يريد أن يراني وهل
سلمان:..قاطعه بعدم اهتمام..لا لم يتذكرك أبدا
أليكس:..بزعل..هل اتصلت لتزيد جراحي سأغلق حقا
سلمان:..ضحك..انني امزح حقا لاتغضب
أليكس:آه هل علمت بما حدث مؤخرا
سلمان:..عقد حواجبه..ماالذي حدث؟!
أليكس:حدث شي مروع
(غرفة ساندرا)
::الباب يدق::
::الحوار بالبرتغالي::
ساندرا:لحظة..فتحت اتسعت عيونها بصدمة..سـااام
سلمان:..بابتسامة..مرحبا هل انتي مرتبطة بشي الان
ساندرا:لا
سلمان:اذا سنخرج معا للغدا بعد قليل سأنتظرك بالسيارة..راح..
ساندرا:..بوسط صدمتها مااستوعبت اللي يصير..
(بيت أبو فيصل)
~بالصالة~
أم فيصل:..تتقهوى وقبالها ليالي..لك أربع أيام عندنا أربع بعين العدو متى بتروحين لبيتك
ليالي:أفا يمه طفشتني مني
منصور:..جنبها وكاتم ضحكته..صدق متى ناوية تفارقين
ليالي:..ناظرته بزعل..بدل ماتقول وحشتيني يااختي البيت بعدك ماله طعم
منصور:..قاطعها..الا والله يازينه يهبل مافي احد يناقرني ويحط راْسه برأسي أسوي اللي أبيه بدون مايغثني أحد
ليالي:..بعصبية..و وجع يوجعك يانصير
منصور:..ضحك..بس هذا اللي قدرتي عليه أذكرك تمردغيني وأمردغك هينا لا لا لا غيّرك الزواج ماعدتي لويلو اللي أعرفها
ليالي:..صرت ع أسنانها..يمه شوفي ولدك
ام فيصل:وش فيه ولدي ماقال شي يبيك ترجعين لبيتك يحب لك الخير
منصور:..انفجر يضحك..
ليالي:..بزعل وصوت عالي..يـمـه
منصور:..وقف..يالله عن اذنكم توصون على شي
ام فيصل:سلامتك يمه
منصور:..يناظر ليالي بنص عين..ماتبين أوصلك لبيتك
ليالي:..حذفته بالمخدة..أذلف أبي فرقاك
منصور:..مسك المخدة وحذفها عليها وجرى..يالله سلام يمه اذا بغيتي شي اتصلي وقولي لي
ام فيصل:..تناظرها بنص عين..
ليالي:وش سويت الحين عشان انتظريني كذا
ام فيصل:الزوجة السنعة اللي تمسك أرضها لايتزوج عليها زوجها
ليالي:بالعكس يمه نسوي هالحركات عشان يشتاقون لنا
ام فيصل:امحق شوق قال شوق قال روحي نادي سماهر تتغدا معنا اليوم مافيه غير انا وانتي وهي نتغدا مع بعض أحسن لنا
ليالي:ان شاء الله
<بالمطعم>
::الحوار بالبرتغالي؛:
ساندرا:..ميتة من الوناسة مو قادرة تخفي ابتسامتها..
سلمان:..ياكل ناظرها والابتسامة على وجهه..ساندي
ساندرا:..بلمت فيه مو مصدقة انه ناداها وبدلعها وبفرحة.. سام
سلمان:.. نزل ملعقته وبحزن..انني آسف اسف حقا لاني لم أعاملكِ جيدا في الفترة الماضية كنت أخفي غضبا منك تحت ستار اللامبالاة لم أكن قادرًا على مسامحتك بالبداية لكن لا أستطيع تحمل أن أراك أمامي ولا أرتمي بين ذراعيك الرقيقة
ساندرا:..بعيونها اللي غرقانة دموع مو مصدقة أخيرا اللحظة اللي تنتظرها من فترة مسكت يده..أنا آسفة حقا لما فعلته بك لكن أنا حقا حقا أحبك ولم أتحمل فراقك..نزلت دموعها..أنا آسفة وأحبك من أعماق قلبي سام
سلمان:..مسح دموعها..أنا أيضا عزيزتي
(بيت فيصل)
سماهر:..تشتغل بالمطبخ تكلم بجوالها اللي حاطته سبيكر..
نور:ايه اقولك فرات تأكدت من السالفة
سماهر:..بصدمة..لحظة لحظة اللي فهمته الحين ان مروان وفارس يحبون جمانة وهذا سبب الخلاف اللي كان بينهم
نور:ايه فارس تورط بلحظتها مع امي والاسم اللي جا بباله ليالي
سماهر:هالكلام خطير وعاقبته كبيرة وش دراك انتي واختك
نور:فرات تقول مصادري السرية ماقالت لي كيف عرفت
سماهر:الكلام هذا ماعاد أسمعه ولا أبي أسمع أن فيه أحد غيرنا احنا الثلاث درا بهاالموضوع مفهوم
نور:اوكي طيب
سماهر:المهم الحين ان فارس مبسوط ومرتاح بحياته مع ليالي هذا كل اللي يهمني
نور:الله يوفقهم صادقة اهم شي انه مرتاح
سماهر:يالله سلام انا مشغولة
نور:اوكي سلام
ليالي:..اللي سمعت كل شي من ورا الباب نزلت دموعها بصدمة تمنت ان باب البيت مقفل ولادخلت ولاسمعت شي..
((بالليل))
(بيت أبو سلمان)
~غرفة ساندرا~
<ع الباب>
:الحوار بالبرتغالي:
ساندرا:..ماسكة يد سلمان وتحركها بدلع..لاأريدك أن تبتعد عني
سلمان:..بابتسامة..وأنا أيضا لكن لاأستطيع أن آتي إليك هذه الليلة تعلمين أني يجب أن أكون هناك
ساندرا:..بزعل..حسنا لكن لايمكنك أن لاتأتي إلي غدا
سلمان:..اخذها بحضنه..حسنا حسنا سآتي إليك مسرعًا غدا صباحا وسنذهب للفطور معا وسأجلس بجانبك أيضا مارأيك الان
ساندرا:..بابتسامة..حقا!
(بيت فارس)
فارس:..يتثاوب..أنا رايح أنام بتنامين معي
ليالي:لا
فارس:طيب تبين شي قبل أروح أنام
ليالي:ايه
فارس:امري ياعيني
ليالي:أبيك تطلقني
((يوم جديد))
(بيت سلمان)
~غرفة النوم~
سلمان:..قدام المراية يعدل شماغه.
القنوع:..داخلة للغرفة وبابتسامة..صباح الخير
سلمان:..يلبس كبكه بدون مايناظرها..صباح النور
القنوع:بتنزل للفطور اليوم او بتروح للدوام على طول
سلمان:بنزل للفطور
القنوع:حلو أجل ننزل مع بعض
سلمان:آسف لكن أنا وساندرا بننزل نفطر مع بعض اليوم
القنوع:.ناظرته مصدومة بتغيره عليها.
(بيت فارس)
فارس:.مسك يد الباب بيخرج تنهد ولف ناظرها.وش السبب ابي اعرف وش السبب
ليالي:.غرقت عيونها دموع وبصوت يرجف.رجعني لأهلي
فارس:عالاقل أبي أعرف وش السبب
ليالي:.صدت بوجهها عنه حتى مايشوف دموعها.
فارس:.تنهد.بأتركك عند أهلك اليوم وبكرة عشان ترتاح نفسيتك
ليالي:ماراح أرجع
فارس:.ناظرها.بترجعين لبيتك بدون نقاش
(بيت أبو سلمان)
(غرفة ساندرا)
::الحوار بالبرتغالي::
ساندرا:..لابسة فستان بيج طويل سادة مفتوح مع الجوانب لحد الركبة رافعة شعرها ذيل حصان حاطة روج وبلشر وردي واقفة قدام مراية تسريحتها تتعطر لبست أساورها قطع عليهم صوت دق الباب اتجهت له وقفت أخذت نفس وابتسمت ثم فتحته..
سلمان:..فاتح يديه لها مع ابتسامة واسعة مرسومة على ثغره وببحة صوته اللي ذبحت ساندرا..صباح الخير
ساندرا:..رمت نفسها بحضنه وضمته بقوة..لازلت أحاول إستيعاب أنك عدت إلي لاأصدق ذلك
سلمان:..ضمها بكل حب..صدقي عزيزتي لقد عدنا روح واحدة
ساندرا:..تنهدت مو مصدقة ثم رفعت عيونها له وبدلع..هلا ذهبنا لنتناول الطعام إني جائعة حقا
سلمان:..بابتسامته..هيا..لف وهي بحضنه بيمشي وقف..
القنوع:..تناظره بحقد بعيونها المليانة دموع لفت وكملت طريقها..
~~ع الفطور~~
::على طاولة الاكل سلمان وساندرا جالسين جنب بعض وقبالهم ام فارس وفرات والقنوع جالسين جنب بعض::
ساندرا:..تمد اللقمة لسلمان وبابتسامة..آآآه
فرات:..عيونها بتطلع من مكانها من كثر ماتنرفزت..
ام فارس:..عقدت حواجبها تناظرهم ثم شالت عينها عنهم..
القنوع:..عينها بصحنها رغم وضوح الانزعاج على ملامح وجهها..
سلمان:..ابتسم وفتح فمه..
ساندرا:..حطت اللقمة بفمه ثم مسكت وجه سلمان بين يديها تنهدت ثم نطقت بالعربي..آه الوسيم الخاص بي كم أنا سعيدة..حركت راْسه اللي بين يديه يمين ويسار بخفة وبابتسامة..لطيف لطيف حقا
القنوع:..قامت ومشت..
فرات:..دفت الكرسي بقوة وهي تقوم..
ساندرا:..فزت خافت..
فرات:..واقفة..الحمدلله شبعت
ام فارس:افطروا يابنات
فرات:وين نفطر يمه..ناظرت ساندرا..وفيه ناس تسد النفس لاحيا ولا مستحى..ناظرت سلمان..ياخسارة بس
((بالشركة))
<قسم فارس ومروان>
فارس:..متكي بيديه يفكر..
مروان:فارس
فارس:..مارد..
مروان:..عقد حواجبه..فارس فرّوس فصفص
فارس:..بدون نفس..نعم
مروان:..عقد حواجبه مصدوم..قلت فصفص ولارديت علي
فارس:..بوجه مكشر..مشغول
مروان:فارس وش فيك وش صاير معك فيه شي
فارس:..بعصبية..مافيني شي شوفني مافيني الا العافية
<عند سلمان>
سلمان:..يمشي بحذر فتح جواله على انه يصور فيديو لكن بالواقع يتأكد اذا فيه احد يراقبه أو لا دخل في دورة مياه الدور الأرضي دخل وقفل الباب رفع غطاء الإفرنجي شاف الظرف اللي ملفوف بكيس حتى يحميه من الموية ارتسمت على وجهه ملامح السعادة..وشلون أشكرك ماتوفيك الكلمات حقك بالشكر..خرج الكيس ورجع الغطا مكانه فتح الكيس وخرج الظرف رفع ثوبه ودخله تحت ثوبه وحاول يوازن ملابسه حتى مايشك احد فيه خرج من دورة المياه ثم اتجه للسيارة حتى يشوف الاغـراض اللي بالظرف وهو بيفتح هالظرف وصلته رسالة من مروان [فارس وضعه مو تمام نتقابل بمكان بعد الدوام رد لي أنتظرك]..
(بيت سلمان)
~غرفة النوم~
القنوع:..عالسرير تبكي..والحين وش الحل يعني نهايتنا بتكون كذا حتى لحظات حلوة مافيه كل اللي عشناه كآبة وحزن معقولة سلمان خلاص وصل حده خلاص وصل لفكرة الانفصال يعني بنترك بعض هذا اللي واضح خلاص حلت النهاية وش أسوي الحين كيف أتصرف معه كيف أحل هالوضع وش بسوي..بدموعها..يارب أفرجها علي يارب
((العصر))
<مقهى شباب>
::بعد ماوصل الطلب::
فارس:ايه ليش جايبيني هينا
مروان:عادي نبي نجلس مع بعض
سلمان:طفشنا نفس الروتين يوميا من الدوام للبيت والعكس خلونا نكثر من هالطلعات دايم..رِن جواله بنغمة الرسايل فتحها وكانت من القنوع[أنتظرك اليوم عالعشا]..
فارس:..بتأفف..بس أنا تعبان وأبي أنام ومالي نفس لأي خرجة
مروان:كلنا قرفانين مثلك بس طلعنا حتى نروق شوي
فارس:..سكت..
سلمان:..رفع كوبه وشفط بصوت..
فارس:..يناظره مصدوم..
مروان:..سوا نفس الشي..
فارس:..كاتم ضحكته..سلمان وش فيك وجهك صاير كأنه طماط
سلمان:..بملامح عدم تصديق..من قال
مروان:..أخذ له صورة ولف الجوال لجهته..أبد مو طماط
سلمان:كل ذَا عشان حرق لساني الكوفي شربته حار
فارس:..ضحك..يعني مو منحرج
سلمان:..يتصنع الثقة..أبدا
مروان:..اللي غمز لفارس..أها طيب..شرب موية ويحاول يبلع هوا وهو يشرب..
فارس:..يشتت سلمان..ايه واضح مرة صادق
سلمان:..تعدل بجلسته..كيفك عاد لاتصدق
مروان:..نزل تحت الطاولة وطلع صوت عالي ثم رجع فوق الطاولة..
سلمان:..اتسعت عيونها بصدمة تلفت الناس تناظره عقد حواجبه مستغرب..
::فارس ومروان مأشرين على سلمان بأصابعهم::
سلمان:..بان في وجهه العصبية من حركتهم مسك أصابع الاثنين ولفها لتحت..
مروان:..يتوجع..آه آه أوجعتني
فارس:آه مو تقول مو منحرج
سلمان:..لفها زيادة..إِيش ماسمعت
مروان:آه آه آسف هو اللي تكلم مو أنا
فارس:خلاص خلاص آسف مابعيدها مرة ثانية
سلمان:..بوجهه اللي قالب أحمر من كثر الاحراج..أنا الغلطان اللي طالع معكم جريت فارس قبل وش اللي خلاني أتوقع مروان غير
((بالليل))
<غرفة ساندرا>
::الباب يدق::
ساندرا:..لابس قميص نوم أسود عالرقبة ولفوق الركبة فتحت الباب بسرعة..
سلمان:..بزعل..ليه فتحتي على طول تخيلي مو أنا
ساندرا:..حاوطت رقبته بيديها..أنا أعرف طرقك للباب جيدا
سلمان:..ابتسم وحضنها ثم تنهد..لقد اشتقت إليك اليوم
ساندرا:وأنا كدت أموت من شدة شوقي وأنا أنتظر متى تأتي إلي
سلمان:..ضمها له بقوة ومشى فيها لداخل الغرفة..
ساندرا:..صرخت تفاجأت من حركته ثم ضحكت مبسوطة وضمته وتنهد..لقد اشتقت لمثل هذه اللحظات حقا
سلمان:..جلسها عالسرير وجلس جنبها وحط يده على خدها يتأملها بنظرات شوق قطع لحظتهم الحلوة رنة الجوال نزل راْسه بابتسامة..
ساندرا:..ناظرته بزعل..
سلمان:أنا آسف لحظات فقط..رد..نعم
القنوع:بتتأخر أنا جهزت العشا
سلمان:..بجلافة..لاتنتظريني أنا اليوم عند ساندرا
القنوع:..انصدمت وبصوت يرجف..آه طيب..قفلت..
ساندرا:..ميتة من الوناسة تمنت أنها عند القنوع بهاللحظة عشان تشوف وجهها..
سلمان:..وقف ويتمدد..أنا بأخذ شاور
ساندرا:أوكي
(بيت فارس)
~~بالصالة~~
فارس:..متمدد عالكنبة يراسل..السلام عليكم..كيفك..أخبارك..كيف نفسيتك الحين ان شاء الله أحسن..مااشتقتي لي، أنا اشتقت لك لولو..البيت بدونك مايسوى..
ليالي:..تقرأ كلامه بعيونها المليانة دموع..يكذب ويصدق كذبته
(بيت سلمان)
~بالمطبخ~
القنوع:..بعد ماكبت كل الاكل بالزبالة واقفة قدام المغسلة بدموعها اللي تنزل ووسط شهقاتها تغسل الصحون تفركها بقوة..حسبي عليك أشوف فيك يوم هاذي جزاتي أطيب خاطرك وخايفة عليك جعلك ماتتهنى..ترددت..استغفر الله العظيم بس حسبي عليها هي الكلبة الله لايذوقها يوم سعادة الله يحرق قلبها مثل مااحرقت قلبي وهو كيف كيف يبيعني بسهولة..تمسح دموعها بيدها من فوق..قال يحبني قال وش ذَا الحب حقه حب رخيص أبو ريال الحق علي أنا اللي مصدقته..لازالت دموعها تهل..حسبي الله بس حسبي الله
(بيت أبو سلمان)
(غرفة ساندرا)
سلمان:..خرج من دورة المياه لابس بنطلون بجامة كاروهات وبلوزة سودا بشعره المبلول المبعثر على وجهه ناظر ساندرا شافها نايمة تنهد ثم ناظر للكومادينة شاف جواله اللي يهتز باتصال*** طلع برا الغرفة ورد..نعم
........:على الموعد؟!
سلمان:ايه مثل مااتفقنا؟!
.......:أوكي أقابلك قريب
سلمان:أعيدها لك وأكرر لاحد يدري
........:أوكي لاتخاف تدري إني أحرص منك
(بيت سعود)
~~غرفة النوم~~
نور:..عالسرير رفعت راسها وتكت على يدها وبروقان وابتسامة..صباح الخير
سعود:..اللي فيه النوم..صباح النور ياقلبي
نور:يالله يالله خلنا نفطر مع بعض أخيرا ينفطر لوحدنا
سعود:..اللي ناظرها بابتسامة..حاضر حاضر
نور:..قامت من السرير وعلى باب الغرفة..أنا بجهز الفطور وانت خذ لك شاور سريع
سعود:أوكي..رِن جرس الباب..
نور:أنا بفتح انت رح خلص أمورك..اتجهت للباب وفتحته اتسعت عيونها بصدمة..
((بيت أبو سلمان))
(غرفة ساندرا)
::الحوار بالبرتغالي::
سلمان:..نايم ومعطيها ظهره..
ساندرا:..فتحت عيونها بشويش شافت سلمان جنبها قرصت خدها تتأكد للحين مو مصدقة انه جنبها قربت منه وحضنته..
سلمان:..صحى..أوه..لف عليها وهي باقي محاوطته بيديها وبابتسامته..صباح الخير حبيبتي
ساندرا:..دفنت نفسها بحضنه..صباح النور
سلمان:هلا أسرعنا بالنهوض حتى نفطر معا
ساندرا:..بحضنه..لاأريد
سلمان:..تنهد..لدي عمل
ساندرا:..دفنت نفسها زيادة وشدت عليه..
سلمان:..ضحك..عزيزتي تعلمين أنني أريد البقاء معك أكثر لكن لدي عمل يجب علي الاهتمام به
ساندرا:..بزعل..لاأريد أن أتركك
سلمان:..بابتسامة..وأنا أيضا
ساندرا:..تركته..ستفطر معي حتى لو كنت متأخرا
سلمان:..بابتسامة..حسنا حسنا
(بيت سعود)
~ع الفطور~
أبو سعود:العذر منكم ياعيالي بس توقعت أنكم صاحين قلت أجي أفطر معكم
نور:حياك ياعم بأي وقت البيت بيتك
أبو سعود:أمم راحت من الصباح مع السواق تزور وحدة مريضة تقول ماعندها أحد
نور:الله يكتب أجرها وياعم البيت بيتك حياك بأي وقت خذ راحتك
سعود:يايبه مثل ماقالت نور حياك الله بأي وقت..يآكل بسرعة..أنا تأخرت..وقف وهو ياكل..تبين شي
نور:سلامتك
سعود:يبه توصي على شي يبه
ابوسعود:لا لا مشكور
سعود:عن اذنكم..خرج..
نور:..تفطر وكل شوي تسرق نظرات لأبو سعود شاكة بهدوءه المفاجئ..
أبو سعود:..وهو يفطر بدون مايناظرها..أفطري على راحتك هالمرة ماوراي شي
نور:..بلعثمة..أنا ماقصدت شي أنا
أبو سعود:..قاطعها..اللي أبي أقوله أنا آسف عاللي صار بيننا قبل لكن أنا واحد عصبي وإذا صار شي مستقبلا تحملي عشان خاطر سعود اللي مايقدر يعيش بدونك
نور:ايه ان شاء الله ماصار الا كل خير..تناظره بشك مو مصدقته..
(بيت أبو سلمان)
<ع الدرج>
::ساندرا وسلمان ينزلون عالدرج::
ساندرا:..لابسة بنطلون جينز وبلوزة سودا سادلة شعرها وحاطة ميك أب خفيف الابتسامة مرسومة على وجهها ماسكة يد سلمان وسانده راسها على كتفه وتسولف له..
سلمان:..مبتسم لها ويسمع سوالفها التقت عينه بعين القنوع وقف..
القنوع:..عالجهة الثانية اللي مقابلتهم لابسة فستان أحمر قصير لتحت الركبة رافعة جزء من شعرها والباقي مسدول على ظهرها وبميك أب خفيف والروج الأحمر وبكعبها الأسود تنزل الدرج بكل ثقة ناظرتهم وعطتهم نظرة عدم اهتمام واستحقار وبنفسها..ماعاش من يكسر خاطري واكتئب عشانه
سلمان:..نزل عينه..
ساندرا:..عضت طرف شفتها بقهر توقعت انها بتكون مكتئبة ولاتنزل تقابلهم بعد اللي صار البارح لكن القنوع كسرت توقعاتها..
القنوع:..كملت تنزل الدرج تتبختر بمشيتها رافعة راسها بكل ثقة وتركتهم وراها..
(بعد أسبوع)
(بيت أبو سلمان)
~غرفة ساندرا~
::الحوار بالبرتغالي::
سلمان:..قدام المراية يلبس ساعته..حبيبتي الليلة سيأتون ضيوف عمل مهمين جدا كوني حذرة في تعاملك مع الجميع لاتغطي انطباع خاطئ عني حسنا؟
ساندرا:..متمددة عالسرير..هل هم بتلك الأهمية حقا؟
سلمان:..لف عليها وناظرها..نعم انهم مهمين جدا بالنسبة لي
ساندرا:حسنا سأهتم بكل شي بنفسي لأجلك سام
سلمان:..ابتسم وراح للسرير وباسها على خدها..شكرا شكرا جزيلا لك..اتجه للباب..هل تريدين شيئا؟
ساندرا:حبك فقط
سلمان:..ابتسم وعطاها بوسة بالهوا..وداعا..خرج..
(بيت فارس)
فارس:..يكلم بجواله..أمرك اليوم ناقصك شي
ليالي:..بنرفزة..لا شكرا لاتمرني ولا مو ناقصين شي
فارس:..أخذ نفس يهدي نفسه..وش فيك وش اللي مزعلك لهاالدرجة عشان تطلبين الطلاق مرة وحدة
ليالي:..بعصبية..راجع نفسك وتصرفاتك وبتعرف كل شي
فارس:..عقد حواجبه..أنا الحمدلله واثق من نفسي لان انتي اللي ماتدرين وش تسوين من الفضاوة شكلي لازم أخليك ترجعين تكملين هالترم ماتنفع لك جلست البيت
ليالي:..ضحكت بقهر..من النهاية أبي ورقة طلاقي
فارس:..عَصّب..طلاق مافي والبيت بترجعين له الليلة معي فاهمة..قفل..
(بيت أبو سلمان)
<بالمطبخ>
ساندرا:..لابسة تنورة سوداء ماسكة على جسمها لتحت الركبة وبلوزة بيضا رسمية مع اشارب أحمر رابطته فيونكة دخلت المطبخ وابتسمت..
القنوع:..عند المغسلة تمد الصحون للشغالة..خذي حطيها فوق
ساندرا:.ابتسمت.أوه لابد أنك أصبحت خادمة من شدة الفراغ الذي تشعرين به
القنوع:.ناظرتها وبابتسامة.والله على لبسك ذَا واضح من الشغالة
ساندرا:.وجهها انقلب أحمر من الغبنة ثم ابتسمت بخباثة وفتحت الثلاجة وبدلع..ياإلهي لم أستطع أن أنهض من سريري اليوم لقد كان سام متشبثا بي بقوة.تنهدت.أنه لا يريد أن تمر لحظة بدون احتضاني
القنوع:..تقطع السلطة وببرود..صدق يالله ياحظك
ساندرا:..صرت ع أسنانها وقفلت الثلاجة بقوة..إن لم تتأدبي معي ستندمين ياصغيرة
القنوع:..وقفت تقطيع ولفت عليها وناظرتها وبتحدي..شكلك ماعجبتك القهوة ياجدة تبيني أذوقك الشاهي
ساندرا:..بقهر..فقط اختفي من حياتنا
القنوع:..ببرود فقع قلب ساندرا..لهاالدرجة مهتمة فيني يالله ماكنت أدري اني محور الكون لبعض الناس..ضمت نفسها بدلع..واااه علي وااااه بس
ساندرا:.صرت على أسنانها ومشت وهي تتوعد بنفسها بقهر.
((بالليل))
(بيت سلمان)
<غرفة النوم>
القنوع:..لابسة فستان أبيض بكتف واحد ماسك لتحت الصدر وطايح لامة شعرها كعكة وبوف من قدام واقفة قدام مراية التسريحة تتعطر..
سلمان:..دخل ناظرها ثم شال عينه عنها..
القنوع:..لفت عليه ناظرته ثم تكتفت.خير وش جايبك آه صحيح ذَا بيتك الثاني.مشت تبي تطلع من الغرفة..
سلمان:..مسك يدها..
القنوع:..اتسعت عيونهاوناظرته..لك عين تمسك يدي بعد.سحبت يدها منه..
سلمان:..مسك يدها مرة ثانية وشد عليها وعينه بعينها..انتبهي على نفسك الليلة
القنوع:..عقدت حواجبها للحظة ثم شدت يدها منه..لا والله حلفت عليك خايف علي وخر بس..بتمشي..
سلمان:..مسك يدها ولفها له وعينه بعينها..أوعديني تنتبهين على نفسك لاتقعدين لحالك الليلة خلي أحد حولك لاتنفردين بنفسك نهائي
القنوع:..عقدت حواجبها..انت مو صاحي وش هالمزاجية العجيبة اللي عندك ميت عليها هناك وتترجاني هينا وش وضعك؟!
سلمان:..مسكها من كتوفها ووجهه بوجهها..لاتسألين عن شي بس أوعديني تسوين اللي قلت لك عليه
القنوع:..دفت يديه عنها..انت اخر واحد واحد أسمع له أو أصدق انه يخاف علي..خرجت..
(بيت أبو فيصل)
<غرفة ليالي>
ام فيصل:..تدق الباب..
ليالي:..قدام تسريحتها تلبس الحلق..حياك ياللي عند الباب
ام فيصل:..دخلت وجلست عالسرير..ها يمه جهزتي
ليالي:..جلست عالكنب تلبس كعبها..خلاص يمه تقريبا جهزت
ام فيصل:..بتردد..أقول لويلو
ليالي:..تقفل الكعب..امري يمه
ام فيصل:فارس وينه مامر ولا سلّم
ليالي:مشغول يمه
ام فيصل:..تناظرها بقلق..يمه كل اموركم زينة قولي الصدق
ليالي:..رفعت راسها وناظرت امها..يمه وش هالكلام خليه يشتاق لي كل شي تمام مافي شي..بنص عين..شكلك ماتبيني بالبيت صدق
ام فيصل:..تنهدت براحة..صدق يمه الله يطمن قليبك مثل ماطمنتيني..قامت وهي تمشي..أنتظرك تحت لاتتاخرين
ليالي:..بابتسامة..ان شاء الله..وبنفسها..سامحيني يمه سامحيني
(بيت ابو سعود)
<غرفة غدير>
ام سعود:..تدق الباب..غدير غديّر غديروه ووجع ان شاء الله
غدير:طيب طيب جاية..فتحت..هلااا والله
ام سعود:وين ذلفتي وش فيك مافتحتي لي على طول
غدير:..اللي واقفة قدام دولاب اكسسواراتها تلبس اكسسوارات..يمه كنت ألبس كويس مااخترب شعري علي
ام سعود:يالله مشينا تأخرنا
غدير:طيب اسبقيني وانا وراك على طول
ام سعود:ماني متحركة الا وانتي قدامي حركاتك ذي ماتمشي علي
(بيت أبو سلمان)
<غرفة فرات>
فرات:..لابسة فستان ليموني ناعم تناظر نفسها بالمراية وتعدل شكلها دق باب غرفتها..ايه طيب طيب..فتحت الباب عقدت حواجبها..خير غريبة جاي لغرفتي فيه شي صاير
(غرفة ساندرا)
ساندرا:..لابسة فستان اسود قصير تحت الركبة تاركة شعرها مسدول دق باب الغرفة..تفضل
الشغالة:..شايلة لورا اللي ميتة بكا..مدام بيبي جست كراي
ساندرا:..بعصبية..ضعيها بالسرير
الشغالة:..حطتها وطلعت..
ساندرا:..اتجهت للورا اللي بالسرير وتناظرها..
لورا:..اللي وجهها بينفجر من كثر ماهو قالب أحمر من كثر البكا ولازالت تبكي..
ساندرا:..بنبرة تخوف..ألن تصمتي حقا انا لم أعد احتمل وجودك ينبغي عليك في مثل هذا الموقف ان تصمتي أنا لم أنس مافعلته تلك الليلة حاولتي أن تجمعي بين سام وتلك الشيطان هل تفضلينها علي لتلك الدرجة حقا
لورا:..تبكي..
ساندرا:..صرت ع أسنانها..ينبغي عليك ان تصمتي حتى أعفو عنك ياصغيرة
سلمان:..دخل عقد حواجبه من ساندرا اللي معطيته ظهرها وتناظر البنت وهي تبكي..
ساندرا:..شالت لورا ولفت له بابتسامة..هااي بيبي
سلمان:..اتجه لها وضمها هي وبنته بحضنه وبابتسامته الدافية..ماذا تفعلين؟
ساندرا:..رفعت عيونها له وبوزت..انها تبكي أحاول أن أجعلها تهدأ دون أي فائدة
سلمان:..أخذ لورا منها..مرحبا باللطيفة
لورا:..سكتت على طول..
سلمان:..ناظر ساندرا..أرأيتي إنها لطيفة حقا..يبوسها على خدودها..
ساندرا:..بزعل..انها تفضلك علي
~~بغرفة استقبال الحريم~~
::القنوع جالسة وجنبها على اليمين امها وعماتها وعلى يسارها البنات وقبالهم الضيفة والمعازيم::
[ترتيب البنات:القنوع>غدير>فرات>نور >سماهر>ليالي> جمانة]؛؛طبعا دانة حضرت وشوق معها اكيد؛؛
دانة:..تهمس لشوق..وين الضرة الأجنبية
شوق:..ناظرتها بطرف عين..ايش لنا احنا خلينا بحالنا
دانة:حبيبتي هاذي فرصة ماتتعوض
شوق:اتركيها بحالها هي الحين متزوجة خلاص وانتي مابقي شي على زواجك ليه كل هالملعنة
دانة:..ابتسمت..أنا ماأنسى اللي سوته فيني كيف أنسى
شوق:حتى انتي ماقصرتي اجل تبينها تسكت لك
دانة:..ناظرتها بغبنة..الحين من زوجة أخوك انا ولا هي
شوق:قبل لاتصيرين زوجة اخوي انتي صديقتي وهي صديقتي قبلك
نور:..تهمس للبنات..أقولكم ذَا الآدمية ناوية شر
سماهر:..تهمس..أعوذ بالله منك اسكتي بس الليلة حلوة ليه تبين تنكدين
نور:والله أقوله صادقة ناظريها وتعرفين
فرات:..بهمس..خليها تفكر تسوي شي مو أحسن لها تعرف وش أسوي بها
سماهر:..قرصت نور..
نور:..توجعت..آه آه ليش وش سويت
سماهر:كله منك حمستيها
نور:بس أنا ماأقصد شي
سماهر:ادري بس ليه تقولين هالكلام وانتي تدرين تدور الزلة
غدير:الا اقولكم كأن ضيفتنا طفشت
فرات:غصب حبيبتي ناس جديدة عليها ومو ثنتين ثلاث جيش جيش
سماهر:الله أكبر عليك ياشيخة اذكري الله
فرات:انا عيني باردة الحمدلله
سماهر:ولو ذكر الله ماله شغل بالبارد والحار
فرات:ألف من ذكره لا اله الا الله ها أرتحتي الحين
غدير:قن قن وش فيك
فرات:وجهها مايطمن..ميلت راسها تناظرها..قنوعة وش فيك
القنوع:مافيني شي شوية تعب بس
<برا الغرفة>
ساندرا:..تناظر نفسها بمراية المدخل ابتسمت..أوكي..لفت للشغالة اللي وراها وشايلة لورا..لاتلحقي بي الان انتظري نصف ساعة واحرصي على ان تبدو نظيفة
الشغالة:..أوكي مدام..راحت..
ساندرا:..دخلت الغرفة بابتسامةوتلاشت ابتسامتها واعتلت وجهها الصدمة كل خلية من جسمها تجمدت..
~عند الرجال~
::بالجهة الخلفية من الحديقة بالتحديد ورا المجلس::
فارس:..جالس عالارض قدّامه طشت يغسل ويتذمر..الحين ليش الرجال كثير
مروان:..جنبه يغسل بالموية..إحمد ربك شف الحريم وين كثير بس شباب العايلة وكم واحد من اصحاب سلمان
سلمان:..اللي جاي لجهتهم يمشي ويهمهم مبسوط وبيده كاسات الشاهي حطها عندهم..نظفوا ونظفوها زين
فارس:..وقف غسيل ورفع راْسه له..الحين ليه نغسل وليه تلقفت وحلفت عالشباب مايساعدونا
سلمان:..بابتسامة..كـــ.ــيــ ـ.ــفــــ.ـــي
فارس:..بعصبية..هيا تعال والله ان تغسل معنا
مروان:..يأشر بيده لسلمان...يالله تعال معنا يالله بسرعة يالله
سلمان:لا حبيبي انت وإياه تذكرون حركة الكوفي انا مانسيت هاذي جزاتكم
فارس:..بنبرة قلة حيلة..لكن
سلمان:..قاطعه..أووش أووش..طلع من جيبه منديل ومده له..خذ خذ امسح ولا أقولك أنا بمسح لك دموعك أخاف يدخل الصابون بعيونك
فارس:..وقف وبتعصيبة..سلمان
سلمان:..بنظرة حادة..نعم خير وش فيه صاير شي
فارس:..جلس..جيب باقي الفناجيل
سلمان:..لف يمشي وهو كاتم ضحكته..
مروان:..بترجي..والله مانعيدها تعبت وانا اغسل
سلمان:..بدون مايلف..نـظـفـوا زيــن
فارس ومروان مع بعض:سلمااااان
<بالحديقة>
؛؛عالطاولة؛؛
>>الحوار بالبرتغالي>>
سلمان:أنا آسف لأنك تحملت كل مشقة السفر انني حقا آسف
......:اذا لماذا قمت بدعوتي من البرازيل الى هنا
سلمان:فالحقيقة أردت أن أن أتأسف لك لم حدث لعائلتك
........:كان بإمكانك فعلها عبر الهاتف والمفترض ان تأتي الي وليس العكس
سلمان:لكن كل هذا من أجلك
........:..عقد حواجبه..ماذا تقصد
سلمان:أردت ان أعطيك اجازة للترفيه وربما من أجل شي اخر
.........:لماذا تتحدث بألغاز دائما قل ماتريد يارجل مباشرةً
سلمان:..ضحك..ستفهم ستفهم قريبا وقريبا جدا
(عند الحريم)
::الحوار بالبرتغالي::
ساندرا:..جالسة باين عليها التوتر وتفرك يديها ببعض..
ميلا:..بفرحة..لا أصدق انني اقابلك هنا ماذا تفعلين هنا..شهقت..اذا هل عدتما معا..بابتسامة..حقا حقا؟!!
ساندرا:..بابتسامة..نعم عدنا مرةً أخرى
ميلا:..بفرحة من قلب..تهاني تهاني الحارة لكما..ناظرت القنوع وبهمس..اذا ماذا عنها؟
ساندرا:..تحاول تستوعب كلامها وتجمعه..لقد وجدني عندما كان في رحلة عمل ولم يتركني ابدا حتى أخذني معه
ميلا:..عقدت حواجبها..على الرغم من أنه بدا سعيدا عندما التقيته معها لايهم على اي حال لم تجيبيني ماذا عنها
ساندرا:بالتأكيد سيتركها
ميلا:ياللأسف تبدو فتاة لطيفة حقا
ساندرا:..ناظرتها..
ميلا:...تتدارك الموقف..اسفة اسفة اذا اين اختفيتي لم أجدك بحثت عنك في منزلك ولم أجدك
ساندرا:أخبرتك لقد وجدني ورحلت معه
ميلا:..بابتسامة..انتي محظوظة يافتاة ..تهمس..احذري من فقدانه مرة اخرى
ساندرا:لم أفعل أبدًا لن أفقده مجددًا
<عند دانة وشوق>
دانة:والله وعرف يختار وش ذَا الزين
شوق:حتى القنوع جميلة
دانة:..تناظرها..لاتقارنين القنوع بالبرازيليات حبيبتي
شوق:..تنهدت..طيب والنهاية وش اللي تبين توصلين له
دانة:..ابتسمت..ماعاد بسوي شي يكفيني ان هالمزيونة متكفلة فيها
ام فارس:ساندرا
ساندرا:نعم
ام فارس:وين لورا عماتها بيسلمون عليها..تقصد عمات ابوها..
ساندرا:..بلعثمة..لورا نايمة الان لكن سأذهب لتفقدها..قامت وخرجت..
(غرفة ساندرا)
ساندرا:..تنهدت براحة وهي تشوف لورا نايمة رِن جوالها بنغمة الرسايل فتحتها وارتسمت الابتسامة على وجهها..
<بالحديقة>
ساندرا:..اللي طلعت من البيت للحديقة عقدت حواجبها..ماذا يحدث هنا لماذا هذا الظلام..تمشي بشويش وتتلفت..سام سام..انفتحت الأنوار قفلت عيونها من النور اللي ضوا فجأة..
(عند الحريم)
القنوع:عن اذنكم..وقفت..
ام فارس:وين يمه
القنوع:تعبانة شوي ابي ارتاح
ام فارس:على راحتك
القنوع:..مشت..
سماهر:ليالي حبيبتي
ليالي:نعم
سماهر:اذا ماعليك امر ابيك تروحين لغرفتي افتحي شنطتي بتلاقين ساعة فيصل جيبيها لي..ابتسمت وهمست..تشوفيني أضيف الحريم
ليالي:..تنهدت بطفش..طيب..قامت وراحت..
فرات:..رِن جوالها ابتسمت ثم وقفت وتكلمت بثقة..حبايبي ممكن تسمعوني شوي
::::الكل ناظرها::::
فرات:..بابتسامة..بمناسبة هاللمة الحلوة مجهزة لنا عرض أتمنى يعجبكم
ام فارس:..وقفت وراحت لها وتهمس..سلامات انهبلتي يابنت
فرات:..ناظرت امهاوبثقة..يمه هالمرة اسمعي كلامي وخليني اكمل ولاتسوين شي تكفين يمه
ام فارس:..ناظرتها تنهدت..طيب..جلست..
<بالحديقة>
؛؛ع الطاولة؛؛>>الحوار بالبرتغالي>>
سلمان:..جالس..
مارسيلو:..قباله..
ساندرا:..تناظرهم مصدومة..
سلمان:..بابتسامة..عزيزتي لماذا فزعتي لقد حدثت مشكلة بسيطة بالتأكيد لذلك أضاء المكان مرة أخرى
ساندرا:..ابتسمت ثم مشت جهتهم رغم التوتر والقلق اللي مسيطر عليها..هاااي مارسيلو لا أصدق انك هنا..مدت يدها وصافحته..
سلمان:مارأيك؟!
ساندرا:..جلست جنبه وبلعثمة..في ماذا؟؟
سلمان:..بابتسامة..أليست مفاجئة جميلة؟!
ساندرا:آه نعم
سلمان:لقد اتصلت به وأصريت عليه ان يأتي لزيارتنا وتكفلت بكل شي فقط من أجلك عزيزتي
ساندرا:ولكن لماذا؟!
سلمان:..بابتسامة..لقد فكرت بأنك وحيدة وميلا هي صديقتك الوحيدة لذا دعوتها هي ومارسيلو لزيارتنا
مارسيلو:حقيقة انه لطف منك انك قمت بدعوتنا ذلك سيساعدنا في تحسن جو علاقتنا ايضا
ساندرا:..بلعت ريقها بخوف وقاطعته..اذا هل ستمكثون طويلا
مارسيلو:اسبوع او ربما اثنين
سلمان:ولكن أين لورا عزيزتي؟!
ساندرا:..بلعت ريقهاوبابتسامة باهتة..نائمة
سلمان:..لف يكلم مارسيلو وبحماس..صغيرتنا حقا جميلة أريدك ان تراها وتخبرني هل تشبهني أم تشبه والدتها
ساندرا:..ضمت يديها وحطتها على ركبها حتى تخبي الرجفة اللي تحسها واضحة لهم..
مارسيلو:..عقد حواجبه..ماذا لديكم طفلة هل قمتم بالتبني؟!
سلمان:..ضحك..ماذا؟تبني؟!لا يارجل انها طفلتي من ساندرا
مارسيلو:..عقد حواجبه..لكن حسب علمي أن ساندرا..سكت ثم ناظرها بحقد وغيظ يحاول يكتمه..أخبريني أن ماأفكر به ليس صحيحًا
(غرفة سماهر)
ليالي:..فتحت باب الغرفة وفتحت النور دخلت..ياالله وين ألاقي شنطتها وسط هالحوسة..اتجهت للسرير وانحنت تحوس بالأغراض..
فارس:..همس من وراها..اشتقت لك
ليالي:..اللي معطيته ظهرها فزت..بِسْم الله الرحمن الرحيم
فارس:..ضمها له من ورا..اشتقت لك
ليالي:..فكت يديها ودفته عنها لفت عليه وصرت على أسنانها..لاتلمسني قلت لك ابي ورقة طلاقي
فارس:..يتمالك نفسه لاينفجر عليها وبهدوء..ليش طيب ليش عالاقل قولي السبب
ليالي:..شدت على كلامها..أبي ورقة طلاقي بكرة فاهم بــ.ـكـ.ـرة
فارس:..عَصّب وبصراخ..طلاق مافيه يعني مافيه انتي تسمعين عالاقل لحد مااعرف وش اللي قلب حياتنا وش الـ
ليالي:..قاطعته بعيونها اللي امتلت دموع..جـمـاانـة
(عند الحريم)
ميلا:..اللي تشوف الحوار اللي يصير عند زوجها وسلمان وقفت بغبنة ورمشت بسرعة مو مصدقة ثم رمت كاسة العصير اللي بيدها عالجدار اللي عليه العرض ودموعها تنزل..
::اعتلى صراخ الضيوف من فعلها اللي بنظرهم ماله مبرر::
ام فارس:..بفجعة..بِسْم الله ذي وش صابها
ام سعد:اعوذ بالله من شر ماخلق
ام فيصل:الله يكفينا شرهم بهااليوم
ام سعود:يالله حيلهم بينهم وابعد عيالنا عنهم
غدير:..بابتسامة..كأني فهمت وش اللي يصير
<عند دانة وشوق>
دانة:..عقدت حواجبها..وش اللي يتكلمون فيه
شوق:شكله شي خطير ناظري شكل الرجال نفسه يذبح زوجة سلمان لكن ماسك نفسه لايسويها
دانة:ماراح امشي الليلة لحد مااعرف