الفصل 23
سلمان:..متكي راْسه عالقزاز بوجهه الخالي من التعبير بس يناظر اللي يمرون بدون مايبدي أي ردة فعل..
مجهول(2):..تنهد ووقف عند محطة..سلمان تبي شي أنا بنزل أجيب موية
سلمان:..مارد..
مجهول(2):لاتحمل نفسك أكثر مما تتحمل هذا قضاء وقدر وواجب عليك ترضى وتسلم..نزل ودخل السوبر ماركت..
سلمان:..كأنه كان نايم وصحى يتلفت بالسيارة..أنا وين وش هالسيارة وكيف دخلتها وش جابني هينا..نزل حس بدوخة استند عالسيارة تذكر وبعيون مليانة دموع..خلاص مات مات مات استوعب..مشى يجر خطواته ومخدته لازالت معه..
مجهول(2):..خارج من المحطة ناظر السيارة مافيها احد جرى وفتح الباب دوره مو فيها..وين راح وين راح وهو بهاالحالة..جرى يدوره حول المحطة لكن بدون فايدة طلع جواله واتصل وبصراخ خالطه الخوف..جمع الكل أقولك الكل خلهم يدورونه لايصير له شي
(بيت سعود)
~غرفة النوم~
نور:..متمددة عالسرير متغطية وحاضنة مخدتها عيونها حمرا من البكا تفكر بكل اللي يصير حضنت المخدة اكثر وحبست دموعها لاتخرج وبنفسها..كل اللي يصير عكس توقعاتي توقعت عمتي بتستقعد لي اذا تزوجت ولدها لكن اللي مستقعد عمي وش اللي يصير ليه يكرهني وش سر تعامله معي بذا الأسلوب انا مااعرفه ولاحصل لي اي احتكاك معه نهائيا..نزلت دموعها..وش هالكره ياربي وش اللي سويته له طيب
سعود:..داخل بسرعة اتجه لها وجلس جنبها مسك يدها وبخوفه عليها.. نور حبيبتي كيفك الحين ان شاء الله أحسن
نور:..بوسط دموعها..ابي اروح لاهلي ارتاح عندهم شوي
(بيت ابو سلمان)
<غرفة فارس ومروان>
فارس:..بدورة المياه وانتم بكرامة يأخذ له شاور..
مروان:..متمدد على سريره يكلم بجواله..هلا حبيبتي
جمانة:هلا قلبي ها طمني فيه أي خبر عنه
مروان:..تنهد بهم..للحين ماحصلناه وننتظر رد الشرطة
جمانة:حبيبي لاتضيق خاطرك ان شاء الله مافيه شي وبيرجع لكم قريب هو بس محتاج يغير نفسيته شوي
مروان:ان شاء الله الله يسمع منك
جمانة:حبيبي انتي ارتاح الحين لك كم يوم ماارتحت ساعة ماتضرك ارتاح شوي وارجع دور عليه مرة ثانية
مروان:بحاول
جمانة:حبيبي انتبه على نفسك وارتااااح
مروان:ان شاء الله ان شاء الله سلام..قفل غمض عيونه وأخذ نفس..
فارس:..طلع لاف المنشفة على جزءه السفلي لتحت الركبة تارك شعره المبلل مبعثر على وجهه بدون ترتيب..
مروان:..فتح عينه وناظره بكسل..
فارس:..ضم نفسه وبالمصري..ايه ده ايه ده اغتصاب بصري ده ولا ايه فيه ايه بتبصلي كده ليه
مروان:..ابتسم..الله والجسم عاد
فارس:..تخصر ويرمش بعيونه..يمه يمه من الغيرة
مروان:..ضحك..
فارس:..ابتسم..ايه كذا غير مودك شوي كلنا خايفين عليه مثلك بس نتفاءل ان شاء الله بيرجع طيب
مروان:..تنهد..ان شاء الله
فارس:..مسك يده وقومه..يالله قم قم
مروان:..وقف بكسل..
فارس:..يدفه..خذ لك شاور وخلنا ننزل تحت ونجلس شوي مع امي وإذا ماردوا الشرطة لنا خبر الليلة طلعنا انا وانت من الصباح ندور مرة ثانية
••••••••••••••••� �••••••••••••••••� ��•••
مجهول(2):..صر ع اسنانه..وشلون مالقيتوه
مجهول(1):..جالس ورا المكتب متكئ بيده يناظره وهو يحقق..
1:دورنا له بكل مكان مو موجود
2:كأن الارض بلعته
3و4:..ساكتين..
مجهول(2):..انفجر بعصبية..والله والله ان صار له شي وهو بذي الحالة ماتلومون الا أنفسكم مفهوم..خرج..
مجهول(1):..ناظره وهو يخرج ثم لف عالموظفين..ماأبي أي خبر يوصل للعم***باللي صار ان وصل إنَّا لقيناه وضعيناه..ابتسم..تعرفون أنا كيف أعامل الأوفياء صح؟!
الموظفين:..ناظروه بخوف..
••••••••••••••••� �••••••••••••••••� ��•••••
(بيت أبو سلمان)
<غرفة ساندرا>
ساندرا:..متمددة على سريرها تفكر..إلى أين ذهب أين اختفى..تنهدت بحزن..أعلم أنه كل شي بالنسبة لك لكن كيف لك ان تتركني..ناظرت لورا اللي نايمة بسريرها..وهذه هذه سأشرح لك حين تعود أعدك فقط عد إلي سالما سأشرح كل شي..غمضت عيونها وقطع عليها تفكيرها رِن جوالها ناظرت الرقم عقدت حواجبها ردت بالإنجليزي..هـلـلـو
::الحوار بالإنجليزي::
مجهول(2):مرحبا آنسة ساندرا اه مدام ساندرا
ساندرا:..صرت ع أسنانها بقهر..أخبرني الحقيقة هل انت وراء اختفائه
مجهول(2):عزيزتي كيف لك ان تطلقي مثل هذا الاتهام علي ياالهي لم الجميع يتهمني ظلمًا
ساندرا:..بشك..هل حقا ليس لك يد في ذلك
مجهول(2):اذا هو لم يعد حتى الان الى المنزل
ساندرا:..بحزن..لا لم يعد حتى الان لقد اعتقدت انه لديك واعلم انك ستعيده سالما
مجهول(2):..ضحك..
ساندرا:..عقدت حواجبها مستغربة..
مجهول(2):..بضحكة..عزيزتي عليك ان تعلمي شيئا مهما إياك ان تثقي بي حتى وان مددت لك يد المساعدة يومًا
ساندرا:..بخوف..ماالذي تعنيه؟!
(بيت ابو سلمان)
~~بالصالة~~
<عالقهوة>
أبو سلمان:..يتقهوى ساكت..
نور:الحمدلله اللي لحقت عليكم
سماهر:اي والله هاللمة الحلوة صادفنها فجأة
فرات:..تنهدت..هو اللي ناقصنا بس
مروان:..نزل راْسه بحزن..
فارس:..يلطف الجو..ان شاء الله بيرجع طيب وباأضربه لين يحب الارض
ام فارس:والله ياويلك مني ان لمسته
ابو سلمان:خلوه يرجع بالاول بعدين تهاوشوا عليه
~~انفتح باب البيت~~
سلمان:..دخل البيت ببجامته اللي بهت لون الدم اللي عليها ومابقي الا اثاره ويعرج برجله المجروحة من المشي عليها حفيان ووجهه اللي باهت لونه من التعب وقلة الاكل والعطش ماسك بيده طرف المخدة اللي تتدلى يجر خطواته وقف على مدخل الصالة يتفحصهم بعيونه..
:::عّم المكان هدوء بعدم استيعابه لوقفته قدامهم:::
سلمان:..استقرت عينه على ابوه وتكلم بالبرتغالي..لابد من أنك سعيد حقًا الان
:::الكل يناظر أبو سلمان بعدم فهم للي يقوله سلمان:::
ابو سلمان:..عقد حواجبه..
سلمان:..ابتسم وبالبرتغالي..لاشك في ذلك انت سعيد لأنك أثبت أنك على حق سعيد لإثباتك أن كل من يتواجد حولي يتأذى سواءًا الان او فيما بعد
ابو سلمان:..يناظره ساكت..
سلمان:..تحطم زيادة كان عنده أمل أبوه يدافع عنه صر ع أسنانه وبنفسه..متى أمحي هالامل متى..ابتسم وبالبرتغالي..هل استمعت باختفائي لأيام..بصراخ..حتى لو كان السبب موت أساااامة
أبو سلمان:..نطق بالعربي بعد فترة سكوته..كل اللي صار قضاء وقدر
سلمان:..تكلم بالعربي..كملها ليه ماتكمل جملتك
:::الكل تنتقل أنظارهم بين سلمان وأبوهم كاتمين أنفاسهم من الجو المتوتر يناظرون بخوف ينتظرون لحظة انفجار أبوهم:::
أبو سلمان:..سكت مارد عليه..
سلمان:..ضحك..أقولك أنا بكملها عنك اللي صار قضاء وقدر وانت مالك يد فيه..ناظره بغبنة..الظاهر مستحيل أسمع هالكلام منك..بيمشي ثم وقف ورجع ناظر أبوه..آه أنا آسف
أبو سلمان:..عقد حواجبه مستغرب ولازال ساكت يسمع بس..
سلمان:آسف اني رجعت مرة ثانية وللحين حي ما مت لاني عارف ان أمنيتك موتي..رفع كتوفه..ماتدري يمكن تتحقق هالامنية قريب..مشى وتركهم وسط صدمتهم من هالكلام..
(بيت سلمان)
<بالصالة>
القنوع:..جالسة وعينها ع مدخل البيت..كل ذَا حلم حلم بيدخل الحين ويقول بصوته المبحوح
سلمان:..دخل..
القنوع وسلمان:..بنفس الوقت..السلام عليكم
القنوع:..تناظره مصدومة ماتحركت ولا قالت شي..
سلمان:..ناظرها وببحة صوته..أنا داخل أبي أرتاح رجاءًا لأحد يزعجني..دخل الغرفة وتركها بصدمتها..
((يوم جديد))
(بيت سلمان)
<غرفة النوم>
سلمان:..واقف قدام التسريحة يعدل شماغه ويلبس كبكاته ولا كأنه صار شي..
القنوع:..دخلت الغرفة وبقلق تخفيه تحت ابتسامتها..كيفك اليوم
سلمان:..يلبس ساعته..الحمدلله طيب وانتي
القنوع:..بربكة..الحمدلله..قر� �ت منه وناظرته بتردد..ماتبي ترتاح اليوم
سلمان:..يتعطر ويناظر المراية..يكفي الأيام اللي غبتها عن العمل بدون عذر..ناظرها وبنبرة جديدة عالقنوع..تبين شي أنا رايح
القنوع:..بتوتر..لا سلامتك
(بيت ابو سلمان)
<غرفة ساندرا>
فرات:..تدق الباب..
ساندرا:..فتحت الباب..
فرات:..تكتفت وبدون نفس..امي تقول لك لاتنزلين للفطور اليوم
ساندرا:..عقدت حواجبها..ولماذا؟
فرات:الشباب بيفطرون معنا اليوم
ساندرا:ومالمشكلة في ذلك
فرات:..بنفسها..ذي ماينفع معها الشرح..تبين سلمان يزعل عليك ولا يكلمك
ساندرا:..سكتت..
فرات:لاتنزلين..لفت عنها ومشت..
ساندرا:..بقهر..لكني أريد رؤيته أنا قلقة عليه جدا
(بيت ابو سلمان)
<بالصالة>
~~على طاولة الاكل~~
ام فارس:..مجهزة فطور كأن عندها عزيمة..
فارس ومروان:..جالسين جنب بعض..
فرات:..داخلة ناظرت الطاولة بتعجب جلست..لاإله إلا الله
نور:..وراها جلست والابتسامة مالية وجهها..ماشاء الله ماشاء الله وش هالفطور
سماهر:الحمدلله مارحت بيتي..جلست..
مروان:..مد يده عالخبز..
ام فارس:..ضربته بيده..
مروان:..يناظر امه وبزعل..آه
فارس:..ضحك..قلت لك انتظر
ام فارس:..بتهديد..محد يمد يده عالاكل لحد مايجلس سلمان ويبدأ هو..جلست..
ابو سلمان:..داخل..حتى أنا
فارس:..بابتسامة..أوه
مروان:..ناظر امه..إذا أبوي مد يده مالي شغل بمد يدي بعد
ام فارس:حتى أبوك لو يمد يده ياويله
سلمان:..دخل..السلام عليكم
ام فارس:..قامت وراحت له وبابتسامة..وعليكم السلام هلا يمه
سلمان:..باس راسها..صباح الخير يمه
ام فارس:..ضمته قبل يبعد..صباح النور والسرور والعافية ياعيني ليه ليه بس تقلقني وأنا أمك تبيني أموت مكاني
سلمان:..ابتسم وضمها..الله يخليك لي ولايحرمني يالغالية
ام فارس:..تركته ومسكت يده ومشت..تعال يمه أفطر
سلمان:..ناظر الطاولة..ماشاء الله كل هالأكل عشاني
فارس:..بزعل..بسرعة ترا متنا جوع حالفة علينا مانذوقه لحد ماتأكل انت
ابو سلمان:..يناظرهم ساكت..
سلمان:..بنذالة ويناظر فارس بنص عين..عاد تصدقين يمه لي اربع ايام عالموية بس ميت جوع كويس اني واقف
ام فارس:..شهقت ومشت وهي ماسكة يده بسرعة..بِسْم الله عليك..جلسته..سم يمه سم عليك بالعافية
ابو سلمان:..ضام يديه ومتكئ عالطاولة يراقب..
سلمان:..ناظر أبوه وتجاهله..بِسْم الله..ناظر اخوانه..لاتلوموني اذا خلصت الاكل عنكم..بدا يأكل بسرعة..
:::الكل معلق عيونه عليه بصدمة:::
سلمان:..يآكل بسرعة ويبلع غصته ويكبح دموعه اللي ملت عيونه وبنفسه..حقير كيف لك نفس تاكل وهو ماله حتى أسبوعين متوفي..وقف اكل وناظرهم..وش فيكم قلت لكم لاتلوموني
فرات:..مدت يدها..آه آه إيه أصلا أنا مواصلة من البارح ومااكلت شي على غداي أمس
نور:..أكلت لقمة..طول ليلي البارح على أفلامي داخلة بجوي ونسيت آكل كويس اني أتنفس ولا نسيت أتنفس بعد
.
.
سماهر:..سحبت الخبز قبل فارس..خلوني آكل قبل تخلصونه عني
فارس:..ناظرها بزعل..ماحلى بعينك الا خبزتي
مروان:..يأكل تنهد..اه ياقسوة الجوع
سلمان:..ابتسم وهو يناظرهم نزل عيونه بصحنه لاتفضحه دموعه..
ام فارس:..ابتسمت..شوي شوي لاتوجعكم بطونكم ثم تمرضون الخير واجد وان خلص حطيت لكم غيره لاتخافون
سلمان:..عينه بصحنه..ورآنا دوامات يمه
فارس:..وقفت لقمته بحلقه..يووووه
مروان:..وقف أكل وناظر سلمان..ليه ليه تقلب المواجع علينا
سلمان:..رفع كتوفه وبابتسامته..هذا الصدق
(بالشركة)
<مقهى الشركة>
مجهول(2):خير وش بغيت
مجهول(1):امّم اللي ابي اقوله ان تستّري عليك بخصوص موضوع سلمان بس عشانك أخوي
مجهول(2):..ابتسم..ليه وش بتسوي مثلا..يناظره بتحدي..
مجهول(1):..بلع ريقه ويتصنع الثقة..أبسطها أبلغ العم باللي صار
مجهول(2):بـــــس..طلع جواله واتصل..
مجهول(3):..رد..ألو ألو
مجهول(1):..سحب الجوال منه وقفله..هالمرة فعلا متستر عليك عشانك اخوي
مجهول(2):..ابتسم..تنتظرني أمدحك ولا تبي تخوفني بكلامك
مجهول(1):لكن المرة الجاية أي شي يصير خارج إطار التخطيط ببلغ على طول..ابتسم..تعرفني نظامي مايحتاج..قام ومشى..
مجهول(2):..تنهد براحة..الحمدلله عدت على خير..ناظر اخوه وهو يمشي مبتعد عنه وبحزن..أدري انك تقدر تسويها لكن قلبك وش وضعه لو سويتها
~قسم سلمان~
ناير:..ينتظر على احر من الجمر..
سلطان:..عينه تنتقل مابين ساعته ومدخل القسم..
سلمان:..داخل..السلام عليكم
ناير:..جرى له وضمه..الحمدلله على سلامتك الحمدلله
سلمان:..ابتسم..الله يسلمك
ناير:..تركه وضربه وبعصبية..وش هالبياخة اللي فيك
سلمان:..يتوجع..آه آه أوجعتني
ناير:..بقلق..آسف آسف
سلمان:..ضحك..حنّيت على طول
ناير:وش أسوي رغم إني حاقد عليك بحركاتك اللي مالها سنع لكن أغليك..بنص عين..ياللي ماتعبرني
سلمان:..ضحك..الله يسعدك
سلطان:..مد يده..الحمدلله عالسلامة
سلمان:..صافحه..الله يسلمك..ضغط على يده وبابتسامة..عسى مافقدتني
سلطان:..ضغط على يده وتنهد..الحمدلله انك رجعت المكتب بدونك مايسوى
<قسم فارس ومروان>
وائل:..مبسوط رجع لمنصبه بسبب انسحاب مروان للظروف اللي مر فيها وبابتسامة معتليه وجهه يقلب بالملفات..
فارس:..يناظره ويهمس لمروان..تشوفه
مروان:أشوفه
وائل:..شال الملفات اللي على مكتبه كلها وحطها على مكتب مروان وبابتسامته..ابيها تكون جاهزة نهاية الدوام
مروان:..ناظر الملفات وتنهد..ياليل رجعنا لنفس الموال
فارس:..اخذ منها قدام وائل وحط على مكتبه..لازم تعدل بين موظفينك أستاذ وائل..بابتسامة..ولا بيرجعون يصوتون لغيرك أستاذ
مروان:..كتم ضحكته..
وائل:..ناظر فارس بغبنة..أصلا أنا كنت ناوي أوزعها بيننا لكن مروان قال لي قبل انه هو بيتكفل بها
مروان:..اتسعت عيونه..متى قلت هالكلام
فارس:..وقف وقرب وجهه من وائل ويناظره بتهديد..متى قال هالكلام ماسمعته
وائل:ماكنت موجود وقتها عالعموم خلصوا بدري ورجعوها لي عشان اراجعها..لف عنهم وراح لمكتبه..
((يوم جديد))
(بيت سلمان)
القنوع:..تفتح باب غرفة النوم بشويش خرجت تمشي على أطراف أصابعها للصالة شافته نايم عالكنبة مشت لعنده وقربت وجهها من وجهه عقدت حواجبها وبشك بنفسها..وش فيه مافي اي تعبير ماينفع يكون كذا لازم يفضفض
سلمان:..فتح عيونه وجهه بوجهها..
القنوع:..شهقت وجرت للغرفة وقفلت الباب بقوة..
سلمان:..عقد حواجبه..وش فيها..قام وراح لدورة المياه بدون اهتمام للي صار..
(بيت أبو سلمان)
~عالدرج~
سلمان:..باسفل الدرج..
ساندرا:..بأعلى الدرج..سام
سلمان:..لف وناظرها بدون نفس..نعم
ساندرا:..تجري له وضمته..لم أستطع أن أراك بالامس لقد خفت عليك كثيرا سام..تبكي..هل أنت بخير
سلمان:..تنهد..خلصتي
ساندرا:..وهي ضامته..لاترحل مرة أخرى وتتركني
سلمان:..فك يديها عنه..ابعدي اتركيني
ساندرا:..تمسح دموعها تعودت على أسلوبه..هل أنت بخير
سلمان:..بدون نفس..وش شايفة
ساندرا:..بحزن..أرى قلبا حزينا
سلمان:..صدّ بوجهه عنها..روحي لبنتك واهتمي فيها..بنفسه..أنا ماعاد أبي من هالدنيا شي يكفيني خيبات..قطع تفكيره رنة جواله بنغمة الرسايل فتح الرسالة وعقد حواجبه..
((الشركة))
<مقهى الشركة>
سلمان:نعم وش بغيت
سلطان:امّم بغيت أسألك متى ناوي تعتقها
سلمان:..كتم غيظه..وش اللي تقصده؟!
سلطان:..ابتسم..انت فاهم قصدي القنوع
سلمان:..ابتسم..وش هالاسلوب الزبالة اللي تتكلم فيه ذَا جارية هي عندي لاتسمعك بس
سلطان:قلت انها بتتركك اذا عرفت انك متزوج قبلها وفوق ذَا عندك بنت لكن خيبت توقعاتي وداست على كرامتها مدري وش اللي مصبرها عليك وهي مو لاقية غير العذاب عندك
سلمان:..عقد حواجبه..وإنت ايش دراك بأسرار بيتي
سلطان:انا لابغيت اعرف شي اعرفه قلي بس متى بتطلقها
سلمان:..ابتسم..الحين بقولك..قام وهجم على سلطان..
<الرحلة الميدانية لقسم فارس ومروان>
~بريك~
:فارس ومروان يفطرون مع بعض:
مروان:..فتح جواله اللي رِن بنغمة الرسايل تنهد..
فارس:وش فيك
مروان:وش فيه يعني ماتدري!!
فارس:..عقد حواجبه..ماسألتك إلا اني ماأدري
مروان:وائل يبيني بغرفة التجارب
فارس:..حط سندويشته..بروح معك
مروان:لا لا كمل فطورك انا بشوف وش يبي
^غرفة التجارب^
مروان:..دخل الغرفة تلفت مستغرب مافي احد..أستاذ وائل
::انطفت الأنوار واشتغل البروجكتر بعرض يغطي كامل الشاشة لطفل صغير يناظر أمه اللي مرمية عالارض مغطية بدمها اللي مالي المكان حولهاوارتفع الصوت اللي هز المكان بصراخ هالصغير::
مروان:..اللي ناظر الشاشة رجع بخطواته لورا رغم المكان الواسع الا انه حس بضيقة فتح أزارير الزِّي الموحد اللي لابسه يأخذ نفس لكن مافي فايدة وسط صوت بكا الطفل اللي يهز المكان لف وراح للباب حاول يفتحه لكن للأسف مقفول وقف العرض رجعت له أنفاسه بعد ماهدا لف بخوف وناظر العرض وبهتت
ملامح وجهه من الرعب..
::شاشة العرض عليها صورته وصورة سلمان وهم صغار وصورة أمهم بعد ثم بدا عد تنازلي..5..4..3..2..1..ابتدى فيديو::
مروان:..لف عالباب ويضربه بأقوى شي عنده..وقف العرض وقفه..جلس جنب الباب غمض عيونه وغطى أذنيه بيديه وبصراخ..وقف العرض وقفه..بترجي..الله يخليك لاتعيد ذاك اليوم وقف وقف..بوسط رجفته يسمع صراخ ولد ماقدر يفتح عيونه نهائيا اكتفى بصمته اللي صاحبته دموع حس ببلل فتح عينه شاف تحته دم شهق يتلفت حوله شاف سراب لسلمان طايح عالارض حاول يقوم ماشالته رجوله صار يزحف عالارض وبدون وعي..سلمان سلمان
فارس:..فتح الباب والاضاءة شاف مروان عالارض منهار جرى لعنده ورفعه..مروان
مروان:..يناظر فارس بوسط دموعه اللي ماوقفت وأنفاسه البطيئة اللي مو قادر يلاقيها..
فارس:..بخوف..بِسْم الله عليك وش فيك وش اللي صار..شاف الدم بفجعة..هذا من مين لايكون منك..ضمه له يحاول يرفعه..
مروان:..يناظره مو قادر يلاقي نفس تحول وجهه للون الأزرق..
فارس:..بخوف..مروان ليه ماترد ذَا كله مو صدق اصحى خلك معي خذ نفس
مروان:..بصوته المخنوق..سلمان..شهق شهقة أرعبت فارس..
فارس:..بصراخ..مـرواااان
((الشركة))
~قسم سلمان~
<غرفة المدير>
خالد:..صر ع اسنانه..طلاب مدارس الموظفين اللي بمكتبي
::سلمان وسلطان لاعبين ببعض لعب من الضرب::
سلطان:لكن هو
خالد:..بعصبية..بس إنتوا الاثنين فصل تأديبي اسبوع وإذا رجعتم معاملات ورقية عادية ماتشتغلون بصفقات مهمة واحمدوا ربكم اني خففت عنكم العقاب
~~قسم فارس ومروان~~
فارس:..داخل بتهجم وصراخ..ويـنـه ويـنـه
وائل:..خارج من مكتب سامي ناظره وهو عاقد حواجبه مستغرب..
فارس:..شافه جرى لجهته مثل المجنون وهجم عليه..
((بالليل))
(بيت ابو سلمان)
<مكتب ابو سلمان>
فارس:..واقف وساكت..
سلمان:..واقف متكتف وباين بوجهه التأفف..
ابو سلمان:..جالس على مكتبه ومعطيهم ظهره..
فارس:يبه هو اللي اعتدى على مروان كويس ماراح مروان من يدينا
سلمان:..يناظر رجله اللي يحركها يمين ويسار بتأفف..أنا مو بملزوم أبرر شي
فارس:..ناظر سلمان ويأشر بعيونه..
سلمان:..عقد حواجبه مافهم..
فارس:يبه تخيل عارض فيديو فيه كل فوبيات مروان صراخ بزروأمه وسط دمها يبه أنا مت مكاني حسبالي مروان مات بين يدي الحمدلله جت على إغماء بس
سلمان:..عقد حواجبه..
فارس:وزيادة عالارضية سائل أحمر يوم شفته انجنيت
مروان:..اللي كان برا المكتب يسمع دخل وقفل الباب..يبه فارس ماله شغل
ابو سلمان:..ضحك ثم لف عليهم..ماشاء الله عليكم مبسوطين وانتم تساندون بعض بالانجاز اللي سويتوه
فرات:..ورا الباب ملصقة أذنها..ياويلهم ياويلهم
فارس ومروان:..قمطوا..
سلمان:..يناظره بتبلد مشاعر..
ابو سلمان:..وقف وبصراخ..سود الله وجيهكم ياسويدين الوجه هاذي تربيتي هذا العشم فيكم..يصفق..ماشاء الله طلعت رجال بِسْم الله عليهم الف من ذكره رجال مو مثل اي رجال الرجال بعقله ياشاطر انت وإياه يالله تعرفون وين تروحون وإلى الفجر..اتجه للباب..
سلمان:..عقد حواجبه..وش يقصد؟
فارس:..بزعل..طيب ليالي لحالها بالبيت
مروان:وجمانة بعد
ابو سلمان:..لف عليهم وبعصبية..خلوني اصحى الصباح ولا احصلكم بالمكان..خرج..
فرات:..دخلت وهي تضحك..رجعتم لايام الثانوي..غمزت لهم..لاتنسون ترا الكاميرات لازالت موجودة..بحماس وهي خارجة.. خلوني اقول للبنات فاتهم نص عمرهم اه..لفت وناظرت سلمان..سلّوم ذي اول مرة لك معهم وقت ممتع جميعا..ضحكت..سلام اشوفكم الصباح..خرجت..
<بالحديقة>
::فارس ومروان جنب بعض جالسين على ركبهم ورافعين أيديهم فوق::
سلمان:..واقف قدامهم متكتف يناظرهم كاتم ضحكته..سلامات وش فيكم
فارس:..تنهد..حتى بعد ماتزوجنا نتعاقب..ناظر مروان.. كله منك
مروان:..يناظره من فوق لتحت..وش ذنبي أنا قلت أفزع لي ولا قلت لك اضرب الرجال
فارس:ايه استاهل هذا جزاي انا اللي خفت عليك..عطاه ظهره..
مروان:طيب طيب خلاص أنا اسف..يدقه بكوعه..خلاص عاد قلت لك اسف
فارس:..رجع جنبه..طيب طيب
سلمان:..انفجر يضحك..بزران بزرااااان
فارس:..ناظره بزعل..وانت
سلمان:أنا؟!
فارس:ايه انت
مروان:ناوي علينا
فارس:تبينا نتقابل بكرة في نفس المكان ونفس ذَا الوضعية
مروان:صف جنبنا
سلمان:..يعدل ياقة ثوبه..برستيجي مايسمح
مروان:بلا برستيج بلا هم اذا ماصفيت جنبنا بنتقابل بكرة بعد
سلمان:بـــــس
فارس:ليه وش تبي بعد
سلمان:عادي أبي أشوف هالوجيه الجميلة قدامي بكرة
مروان وفارس:..بعصبية مع بعض..سلمااااان
سلمان:..يضحك..كيفكم انا ابي اشوفكم بكرة
((يوم جديد))
(بيت أبو سلمان)
~قبل صلاة الفجر~
فرات:..نازلة تجري عالدرج..
ام فارس:..شايلة المبخرة..يالله صباح خير شوي شوي