الفصل 22
موظف الاستقبال:..قاطع كلامه..السلام عليكم
ابو سلمان:وعليكم السلام والرحمة..عقد حواجبه ناظر جواله يتأكد.
موظف الاستقبال:اسف عالازعاج لكن صاحب هالجوال كان وضعه مو طبيعي حاولنا نلحقه ولاقدرنا ضعيناه فحبينا نعطيكم خبر
ابو سلمان:..باستهزاء..مو غريبة عليه طول عمره وضعه مو بطبيعي لكن وش اللي صاير ومن معي
موظف الاستقبال:معك موظف الاستقبال من مستشفى** احنا بلغنا صاحب الجوال بوفاة والده وكان وضعه مو طبيعي حاولنا نلاقيه بشتى الطرق لكن ضيعناه وقدرنا نوصل لمعلوماتك من هالجوال فواجبنا نبلغك باللي صار تبلغ ذويه
ابو سلمان:..عقد حواجبه..لحظة لحظة قلت لي والده توفى
الموظف:ايه نعم
ابو سلمان:أبي اعرف اسم الوالد لو سمحت
موظف الاستقبال:اول شي وش علاقتك بصاحب هالرقم
ابو سلمان:أنا ابوه..وقف بعصبية..لاتطولها وهي قصيرة من اللي مات
الموظف:المريض اللي توفى أسامة هاشم الـ**
ابو سلمان:..رجوله ماشالته جلس من الصدمة.
الموظف:الو انت معي الو الو
ابو سلمان:..بصوت مخنوق..وينه
الموظف: صاحب الجوال قلت لك فقدناه وهو بحالة غريبة
ابو سلمان:..قاطعه..لا أقصد المريض
الموظف:المريض بالمستشفى موجود
ابو سلمان:انت قلت لي بأي مستشفى؟
<مكالمة>
مجهول(3):..بوناسة..صدق؟
مجهول(2):ايه
مجهول(3):..ضحك..يعني درع الحماية الأساسي راح
مجهول(2):..بشك..وش ناوي عليه ياطويل العمر
مجهول(3):..بابتسامة..وش اللي ناوي عليه أكيد نرجع سلمان لاهله سالم غانم
<مكالمة>
ابو سلمان:..بصوت حزين..الو
فارس:هلا يبه
ابو سلمان:وينك انت وأخوك
فارس:..بقلق..بالدوام يبه هلا يبه سم آمرني صاير شي
ابو سلمان:تعال انت وأخوك لمستشفى**
~بالمستشفى~
#غرفة المراقبة#
ابو سلمان:..يناظر الفيديو بقلق يحاول يخفيه..
مروان:..عينه على فيديو سلمان بعدم تصديق لتصرفاته..
فارس:..متوتر يفرك يديه ببعض.
::بعد ماانتهى الفيديو::
مروان:..بعيون غرقانة دموع..وين راح طيب
فارس:لازم ندوره
ابو سلمان:ايه طبعا لازم تدورن عليه انا خايف لايأذي احد وهو بهاالحالة
مروان:..اتسعت عيونه بصدمة..يعني انت الحين مو خايف عليه خايف على الناس منه
فارس:..عض شفته بقهر وبلع الكلام اللي يبي يقوله وظل ساكت.
مروان:..انفجر بصراخ..متى متى بتحس وترحمه متى تخاف عليه..بضحكة..انت متأكد انك ابوه
ابو سلمان:..ضربه كف.
مروان:..يناظر ابوه ونزلت الدمعة اللي في عينه.
فارس:..يسحب مروان طبعه برا الغرفة..احنا بندور عليه
(بيت ابو سعود)
~غرفة غدير~
<مكالمة جماعية>
غدير:..حاطة سبيكر وتحوس بدولابها..ايه انا خلاص قررت بطلقكم كلكم وأدور لي ناس جديدين يهتمون فيني
ليالي:وليه ان شاء الله
نور:الله يقويك محد بيتحملك كثرنا
فرات:..تضحك..كل ذَا الزعل عشان سحبت عليك امس
غدير:مو بس امس صايرة نذلة تسحبين علي دايم
نور:طيب ايش ذنبنا احنا نفّسي على فرات
فرات:..تنهدت..ليالي الجامعة بعدك عفن
غدير:..عصبت..ماشاء الله قفلوا قفلوا يالله على حسابي وتسحبين علي بعد
ليالي:..تضحك..ماتقصد ماتقصد
فرات:ماقلت الا الصدق
نور:لا اله الا الله اتركوا الجامعة وسولفوا بشي ثاني ترا طقيت من الطفش
ليالي:..بتكبر..أدري اني من اعتذرت عن ذَا الترم والجامعة صارت حايسة بدوني ازعجوني اتصالات يقولون من بعدك ضعنا ضعنا
فرات:..بتسليك..ايه ايه مرة بس لحظة لحظة غدير نور سلامات
غدير:خير
نور:امّم غدير ماعليها شرهة لكن انا وش فيه بِسْم الله علي لايكون طالع خبر عني
فرات:إنتوا الثنتين بنفس البيت ليه كل وحدة منكم تكلم بجوالها اجلسوا عند بعض بلا عبط
نور:أنا ببيتي
غدير:وأنا ببيتنا
فرات:..تضحك..نفس البيت تضحكون على بعض
غدير:هـه هـه هـه سامجة
ليالي:فراتوه وش سويتي مع سعدني بطلتي حركاتك الخايسة
فرات:..تنهدت..لاتذكريني بالله
نور:ليه خير وش صاير
ليالي:شكله بيجي عندكم الليلة
نور:..ضحكت..اعوذ بالله كل ذَا الهم عشان بيمرك انتي شفتيه بأسوأ حالاته جت على نص ساعة يمر يسلم ويمشي
فرات:..بضحكة..تقولين نص ساعة
غدير:كثري منها دايم اسمع اقل شي يجلسون ساعتين
فرات:أنا ماابيه ولا ابي شوفته
نور:ليه وافقتي عليه من الأساس
فرات:..بنفسها..أستاهل أنا اللي جبته لنفسي
غدير:أُوص أُوص انتي وهي بكرة كلكم تتجمعون وتتشكون من أزواجكم وبزارينكم من الحين ماأشوف ولا وحدة تجي تغثني خلوني أتهنا بعزوبيتي
ليالي:غديروه خفي علينا ياعزوبية انتي نشوفك بعدين
~~برا المستشفى~~
مروان:..واقف..
فارس:..يمد له موية..خذ اشرب
مروان:..شرب وتنهد..اه وبعدين وبعدين..بقهر..آه بس آه
فارس:يعني ماتعرف طبع ابوي وبعدين قم خلنا ندوره الله يلطف بحاله ويستر عليه
(بالليل)
ابو سلمان:..ناظر جوال سلمان عقد حواجبه..وبعدين مع هالحرف..الجوال يرن والمتصل "ن"فتح الخط..
ناير:..بعصبية..وبعدين معك ليه ماترد احرقت جوالك من كثر مااتصلت عليك أقلقتني يرحم امك ليه ماترد ليه
ابو سلمان:من معي
ناير:..تلعثم..آه آمم آسف..ناظر جواله..هذا مو رقم سلمان
ابو سلمان:ايه نعم
ناير:اجل انت مين
ابو سلمان:..تنرفز منه..معك ابوه خير وش بغيت
ناير:سلمان وينه
ابو سلمان:..تنهد..قل وش تبي
ناير:اليوم ماداوم غريبة دايم يعطيني خير وفوقه متفقين نطلع سوا
ابو سلمان:سلمان مفقود
(بيت ابو سلمان)
<بالصالة>
ام فارس:غريبة تاخر ابوك
القنوع:العادة ابوي مايفوت الغدا هي اهم وجبة عنده
ابو سلمان:..داخل بوجهه اللي صاير على سواد وباكتئاب نطق..السلام عليكم
ام فارس:وعليكم السلام هلا حياك الله
القنوع:..وقفت..بروح اجهز العشا
ابو سلمان:أحسبي اخوانك معي
القنوع:ان شاء الله..راحت..
ام فارس:..باستغراب..جايين عندنا
ابو سلمان:ايه
ام فارس:..بشك..ابو سلمان وش صاير
~~عند باب البيت~~
فارس:..يكلم بجواله..انا اسف بس مضطر أكنسل موعدنا الليلة حصل ظرف
ليالي:مو مشكلة عادي أهم شي انت طيب
فارس:..تنهد..أنا بخير الحمدلله لكن
ليالي:..بقلق..حبيبي وش فيك وش صاير
فارس:..بصوت يرجف..سلمان ماندري وينه كأن الارض بلعته واختفى
ليالي:نعم!!كيف وشلون
فارس:اذا رجعت البيت أفهمك الوضع يمكن ماارجع الليلة كلمي فيصل او منصور وروحي لأهلك
ليالي:ان شاء الله مو مشكلة انت بس انتبه على نفسك
فارس:ان شاء الله سلام
مروان:..ناظره بغبنة..والحل؟!
فارس:الحين خلنا ندخل وناكل ونشد حيلنا شوي ونفكر وش بنسوي وقتها
سعد:..جاي لجهتهم وبابتسامة..السلام عليكم شباب
مروان:..صدّ وجهه للجهة الثانية..
فارس:..بدون نفس..هلا هلا وعليكم السلام
سعد:..عقد حواجبه..عسى ماشر وش فيكم وجيهكم ماتطمن
(بيت سلمان)
~~غرفة النوم~~
القنوع:..جالسة عالسرير تناظر جوالها وبوسط نبضات قلبها السريعة حطت يدها على صدرها وأخذت نفس..اهدي اهدي بيكون طيب ان شاء الله صحيح الخبر قوي عليه بس مابيسوي في نفسه شي..ابتسمت..وش بيسوي مثلا..تذكرت شكله يوم رجع من الخطف امتلت عيونها دموع..لكن الحين هو لحاله مامعه احد..تمددت عالسرير ودفنت راسها بالمخدة تطرد الأفكار السودا..استودعته الله استودعته الله
(بيت ابو سلمان)
<بالصالة>
::ام فارس وفرات جالسين بجو صامت لكن يغطيه التوتر::
ساندرا:..واقفة قدامهم مابينهم الا كم خطوة متكتفة وبغبنة..إذًا الى أين ذهب؟
ام فارس:..تنهدت..الله وحده هو العالم
ساندرا:..بصراخ غطى المكان..الى أين ذهب كيف لكم أن تفقدوه وهو بتلك الحالة ألا تعلمون مالذي يعنيه أسامة لسام؟
فرات:..وقفت..هــيــه انتي لاترفعين صوتك ترا احنا أهله وخايفين عليه اكثر منك فلو سمحتي أذلفي لغرفتك دام النفس عليك طيبة
ساندرا:..ناظرتها بقهر صرت ع أسنانها وبالبرتغالي..فتاة وقحة..عطتهم ظهرها بتمشي..
فرات:..مسكتها مع شعرها وضحكت باستهزاء..
ساندرا:..توجعت..آه آه
ام فارس:..ابتسمت وظلت ساكتة..
فرات:سبيتيني صح اعترفي ترا انا مو وحدة تكون حي الله ملطشة لك..شدتها ونزلتها لتحت..فاهمة
ساندرا:..تصرخ وتحاول تفك نفسها..آه آه اتركيني
ام فارس:..بجدية..فرااات
فرات:..ناظرت أمها ثم فتحت يدها وناظرت ساندرا بتهديد..نعم يمه
ام فارس:يكفينا اللي حنا فيه
ساندرا:..عدلت شعرها..أوه ستندمين على فعل ذلك لي ستندمين
فرات:..عينها بعين ساندرا رفعت كتوفها وباستهزاء..الله يقويك
~~بالسيارة~~
ناير:..يكلم بجواله وبقلق..ايه هلا بشر عسى لقيتوه
فارس:نعم مين معي
ناير:..ابتسم..اه ايه انا صديق سلمان ناير والوالد هو بلغني الوضع
فارس:..بصوت كله ضيقة..لا مالقيناه للحين..بشك..لكن
ناير:آه تقصد رقمك حتى رقم مروان عندي سلمان أعطاني الأرقام من زمان عشان اذا اتصلت عليه بشي ضروري ومارد أقدر أوصله
فارس:آه عالعموم ارتاح أخوي حنا نقوم بالواجب مشكور تعبناك معنا
ناير:لا تعب ولاشي ولاتقول هالكلام مرة ثانية هذا واجب سلمان مثل اخوي ان شاء الله بكرة بعد الدوام انا بدور عليه وان شاء الله انه يرجع بالسلامة ونتطمن ونرتاح
فارس:لو تكرمت ياليت محد يدري
ناير:افا عليك لاتوصي حريص وإذا صار اي شي بلغني
فارس:مشكور اخوي ناير الله يجزاك بالخير ماقصرت
((يوم جديد))
(بيت ابو سعود)
ابو سعود:لا إله إلا الله إنَّا لله وإنا إليه راجعون الله يرحمه ويغفر له
ام سعود:الله يثبته ويحسن اليه
غدير:طيب وسلمان؟
عبدالله:للحين مالقوه الشباب كلهم بحالة استنفار
غدير:وانت جالس هينا وش تسوي ان شاء الله قم تحرك
عبدالله:..تمدد..اه بقوم بس بالعصر جسمي مهلوك تعب من السفر
غدير:..بقهر..اه يابرودك اه بس
(بيت سعود)
نور:..تكلم بالجوال..ابي اروح لاهلي واحتمال ابات عندهم
سعود:..رد..خذي راحتك روحي ولاتستأذنين حتى
نور:مشكور
(بيت فيصل)
فيصل:سماهر يالله تأخرنا
سماهر:..تدخل أغراضها بالشنطة بسرعة..يالله يالله خلاص جهزت أغراضي
فيصل:خلاص كل شي حسبتي حق كم يوم
سماهر:ايه كل شي
فيصل:يالله
~~بالسيارة~~
د.أحمد:..يلف بالسيارة..وين راح بس وين..وقف عند بيت أسامة نزل ودخل يدوره بالبيت امتلت عيونه دموع بلع غصته..الله يرحمك ياعمي الله يرحمك
<برا بيت أسامة>
فارس:..ناظر سعد..الباب مفتوح
سعد:وش تنتظر خلنا ندخل بسرعة لايكون داخل وصاير له شي :::دخلوا وقابلوا الدكتور:::
فارس:مين انت وايش تسوي بهالبيت
سعد:يبي لها سؤال اكيد حرامي
د.أحمد:إنتوا اللي مين وايش تسوون داخلين هالبيت بدون احترام لحرمته
سعد:..يهمس..ياولد لايكون غلطنا بالبيت
فارس:..يهمس..الا متأكد ذَا البيت
د.أحمد:..رفع صوته..ليش داخلين هالبيت
فارس:ندور على أخوي
د.أحمد:..عقد حواجبه..أخوك تقصد سلمان
فارس:..مستغرب..تعرفه
د.أحمد:مو موجود أنا دورته بكل البيت مو هينا
فارس:..بشك..ايش علاقتك بسلمان وايش تبي منه
سعد:وشلون دخلت البيت
د.أحمد:معك الدكتور أحمد صاحب هالبيت كان مثل الأب بالنسبة لي تكفل بمصاريفي بعد وفاة أبوي وسأل عني وكان يراسلني ويكلمني دايم كان يسعدني بأي طريقة حتى لو ماكان حاضر جسديا كان يدعمني معنويا واهتم فيني لحد ماصرت دكتور ووصاني قبل وفاته أهتم بسلمان كأنه أخوي لكن ماحصل وتقابلنا في حياته ولا مرة والأسوأ أني أنا اللي بلغته..نزلت دمعته ومسحها..بلغته بالوفاة..بضحكة..وقبلها كنت مكذب عليه بطلب من عمي والحين أدور له لاني اعتبر جزء من المشكلة ومعي الوصية اللي المفروض اعطيها لسلمان
فارس:عظم الله أجرك وانا اخوك
د.أحمد:جزاك الله خير
فارس:وبالنسبة للوصية أفضِّل أخذها أنا وأوصلها له لانه اكيد مايبي يشوفك بعد اللي صار لفترة
((بعد ثلاث أيام))
::خلص العزا وكان مكانه في بيت ابو سلمان::
(بيت ابو سلمان)
~~غرفة النوم~~
ام فارس:..تدخل أغراض بالدولاب..متى بتبلغ؟!
ابو سلمان:..جالس عالسرير ينزل شرابه..أبلغ ايش؟
ام فارس:..ضحكت ولفت عليه..مو من جدك
ابو سلمان:..ناظرها..أبلغ عن ايش بالضبط ولمين؟
ام فارس:..بصراخ..عن مين!!عن مين عن ولدك اللي ماندري أرضه من سماه ماندري هو حي ولاميت ولمين للشرطة يعني لمين
ابو سلمان:..ببرود..أخوانه وعيال عماته يدورون عليه
ام فارس:..بعصبية..أنا قايلته من قبل ماانت بصاحي فيك شي أنا سكت الأيام اللي راحت عشان العزا ببيتك واخوانه يدورون عليه وبيجيبونه لكن ماعادني ساكتة اذا مارحت انت انا بروح للشرطة
ابو سلمان:..ببرود يقتل..مافيه شي اقولك سلمان مافيه شي لو فيه شي وصلنا الخبر
ام فارس:..بغبنة..الله أكبر عليك وش هالقلب ولدك ولا فيه ذرة خوف عليه حرام عليك ولدك ذَا ولدك إتق الله كل اللي أنا خايفة منه لايكون أخذوه مرة ثانية
ابو سلمان:..اعتدل بجلسته ولف عليها..لا ماوصلوا له لو وصلوا كان اتصلوا وهذا اللي يطمن بالموضوع كله
ام فارس:..تكتفت..طيب دامك متطمن ماشاء الله عليك قول لي الولد وينه وينه
ابو سلمان:..تمدد عالسرير وعطاها ظهره يخفي قلقه..موجود موجود في مكان بهالبلد واكيد حي يرزق..ابتسم..مابيصير له شي وحتى لو صار له شي يطّلع منها سليم مثل كل مرة
<مكالمة>
مجهول(1):لقيته
مجهول(2):..تنهد بارتياح..صدق؟!!
مجهول(1):..بتردد..ايه لكن
مجهول(2):..بقلق..وش فيه وش صاير
مجهول(1):وضعه مرة مايطمن
مجهول(2):..بخوف..انت وينك أنا جايك
مجهول(1):أنا في حي****بالخرج
مجهول(2):..عقد حواجبه..وش وصله للخرج انا جايك لكن لاتبلغ****انك لقيته
مجهول(1):..تنهد..أوكي على أمرك
مجهول(2):..بتردد..ولا أقولك راقبه الليلة لايكون في احد حوله
(يوم جديد)
..بعز الظهر عند إشارة تحت الشمس الحارة اللي تغلي منها الارض جالس عالرصيف وضام ركبه لصدره يناظر السيارات الرايحة والجاية بنظرات كأنه مو من هالعالم كأنه شي غريب وجديد عليه وبوجهه المحروق من قعدته تحت هالشمس لأيام نزل راْسه على ركبه علّه يرتاح من هالتعب اللي هو فيه رعّف أنفه مسحه بظهر كفه ثم رفع راْسه يناظر هالدم اللي على يده ثم رجع راْسه على ركبته وكمل يناظر هالسيارات..
.....:..يناظره من بعيد بحرقة وحزن نزل من سيارته واتجه له وقف عنده ونطق..سلمان
(بيت أبو سلمان)
~مكتب أبو سلمان~
القنوع:.جالسة قباله وناظرته بكل جدية..يبه
ابو سلمان:..جالس ورا مكتبه..سمي يابنيتي امري
القنوع:أبيك ترجع سلمان للبيت
أبو سلمان:..يصرفها بابتسامة..هذولا اخوانه لا ليليهم ليل ولا نهارهم نهار يدورون عليه وبيلاقونه ان شاء الله
القنوع:..بنبرة عالية..يبه أبيك تبلغ عن سلمان لازم يرجع
ابو سلمان:..وقف بعصبية..بعد كل اللي سواه لك وكسرت خاطرك تبينه يرجع وين كرامتك وينها خبري بالقنوع كل شي الا كرامتها
القنوع:..ناظرته بغينة..يبه لاتنسى ان لك يد بالموضوع
أبو سلمان:..صدمته بردها..لكن هو الـ
القنوع:..قاطعته..وبعدين سلمان ماكذب عليك بشي قال كل شي يعرفه حتى هو انصدم مثلك يوم عرف ان عنده بنت
أبو سلمان:..بعصبية..بس حتى ولو هذا مايشفع له هذا الخسيس نزل دمعتك انا اللي كنت صاين هالدموع وحاميها لك انتي وخواتك كيف تنزل دموعك وانا حي كيف
القنوع:يبه دمعتي نزلت قبل سلمان والسبب كان انت
ابو سلمان:..انصدم ومن صدمته جلس..وش يعني هالكلام
القنوع:..تنهدت..ماضي وراح واللي رجع هالابتسامة ومسح على هالجرح هو سلمان يبه سلمان اللي انت تتمنى يوصلك خبر موته بكل لحظة
ابو سلمان:..صر ع اسنانه..
القنوع:..مسكت يده وبترجي..يبه أنا عمري ما طلبتك شي وماأبي أندم إني جيتك وطلبتك
أبو سلمان:..بوسط غبنته تنهد..حاضر يابنتي ان شاء الله مااخلص هاليومين الا وهو عندك..بنفسه..ساحركم هالسلمان ساحركم
القنوع:..بابتسامة..مشكور ماتقصر يبه جعلك ذخر لنا دوم
~~عند الإشارة~~
مجهول(2):..ناظره بعيون حزينة لوضعه ونطق..سلمان
سلمان:..رفع راْسه بتعب وناظره بعيون ماتقدر تلمحه زين واللي زادها أشعة الشمس اللي تضرب بوجهه تنهد بتعب ثم رجع أسند راْسه على ركبته من التعب..
مجهول(2):..مد يده لسلمان لمس طرف أصبعه راس سلمان..
سلمان:..دف يده بقوة وأبعد عنه لورا وبخوف..لاتلمسني لاتلمسني اللي يلمسني ويقرب مني يموت..بصراخ..يموت تسمع أنا منحوس أنا نحس إبعد عني قد ماتقدر إبعد
مجهول(2):..نزلت دمعته..انت ماانت منحوس ولاشي
سلمان:..بعيونه المتسعة ضم نفسه اكثر ويرجف من الخوف وبوسط رعبه نطق..إلا إلا منحوس وش اللي ماتفهمه من كلامي..صرخ..قلت لك إبعد
مجهول(2):..تنهد..طيب إنت تقول إنك منحوس وش رايك إني مثلك منحوس..ابتسم..وإذا منحوس لمس منحوس سمعت إن النحس ينفك ها وش رايك
سلمان:..عقد حواجبه يحاول يستوعب الكلام لكن مو قادر من التعب..إنت وش تقول
مجهول(2):هذا الصدق أنا منحوس وإنت منحوس خلني ألمسك وأطرد هالنحس عنا..مد يده..
سلمان:..ضرب يده وصرّ ع اسنانه..وخر عني لاتلمسني
مجهول(2):..ابتسم..أوكي أوكي مو مشكلة ماراح ألمسك سمعت إنك ماتنام زين وقاعد بدون أكل والشرب بالحسرة الأيام اللي راحت صح هالكلام؟
سلمان:..بوسط تعبه عَصّب..ايش لك انت ولي امري مثلا؟
مجهول(2):أوكي أوكي لاتعصب انت ماتبيني ألمسك ولا أقرب منك صح..حط علبة الموية قدّامه عالارض ورجع بخطواته لورا عن سلمان،.بس انت لازم تشرب عالاقل
سلمان:..بشك..ليه تساعدني
مجهول(2):عادي واحد مر باللي مريت فيه
سلمان:..ضيق عيونه عشان يشوف وجهه..انت تعرفني
مجهول(2):..بابتسامة..طبعا عزيز وغالي علي كيف مااعرفك
سلمان:..بوسط تردده مد يده اخذ الموية وشرب..
مجهول(2):..ابتسم وقرب منه..سلمان انت مالك ذنب باللي صار لاتلوم نفسك
سلمان:..رمى الموية وبعصبية..مالك شغل أنـ.ـا أنا السبب بكل شي..مسك راْسه ونزلت دمعته..أمي ماتت وكنت السبب هذا اللي قاله ابوي وكذبته أبوي قرر يعزلني وأسامة مارضي يتركني لكن نتيجة رفضه..انهلت الدموع..انه مات مات وبسبب أنا أنا أبوي صح كلامه صح واحد مثلي لازم يختفي ولايقرب منه أحد صح كلامه صح
مجهول(2):..بعيون غرقانة دموع..أنا مثلك بعد أمي ماتت وأبوي يقول أنا السبب ومات أبوي وأخوي يقول أنا السبب ومات أخوي واخوي توأمه يلومني ويقول انا السبب شفت كيف أنا منحوس أكثر منك خلني ألمسك عشان نفك هالنحس عن بعض ونرتاح..حنى ظهره ومد يده ولمس راس سلمان وبعثر له شعره..
سلمان:..انفجر يبكي ينتظر أحد يلمسه عشان يتأكد أنه مو منحوس..
مجهول(2):..نزلت دموعه وبصوت كله حنان..انت مالك ذنب وَذَا مو نحس هذا اسمه قضاء وقدر ادع له بالرحمة وأنا أخوك..تنهد..قم مشينا نروح لأهلك اللي ميتين من الخوف عليك أخوانك يدورون عليك مثل المجانين ارحمهم هم ماصدقوا تجيهم تبي تروح عنهم قم قم..مسك يده يرفعه..
سلمان:..سحب يده وبضعف خالطه انكسار..لا ماأقدر أقابلهم وأبوي ايه أبوي مابيخليني أقرب منهم
مجهول(2):وش هالكلام أبوك هو اللي مخليهم يدورونك حتى هو خايف عليك..تنهد..طيب عشان تحضر نفسك تقابلهم بلف فيك بالسيارة لحد مااجهز ومتى ماجهزت قول لي وأنا أوصلك للبيت
سلمان:..باستسلام تنهد..طيب بأفكر اذا برجع للبيت أو لا..قام ومشى وراه بدون تفكير..
((بالليل))
(بيت أبو سعود)
<مكتب أبو سعود>
نور:هلا عمي
ابو سعود:..جالس على مكتبه..ها كيف الاهل عساهم طيبين
نور:الحمدلله طيبين ماعليهم
أبو سعود:وسلمان؟
نور:الله يكون بعونه ويرجعه لنا سالم ياعم
أبو سعود:الله يطمن قلوبكم عليه يابنتي
نور:جزاك الله خير ياعم امر عمي وش بغيت
أبو سعود:مايآمر عليك عدو بغيتك ترتبين هالاوراق
نور:حاضر من عيوني ياعم..وهي ترتب الاوراق..
ابو سعود:..قطع عليها تركيزها بصراخ..مين قالك ترتبين هالاوراق
نور:..انفجعت وبارتباك خالطه لعثمتها..انت ياعم قلت لي أرتب هالاوراق
أبو سعود:..بعصبية..قلت لك رتبي أوراق العمل لا اللي قلته أوراق الطابعة مالك شغل بشي مالك فيه
نور:..صرت ع أسنانها بقهر..لكن ياعم أنت ماقلت أي الأوراق اللي تبيني أرتبها
أبو سعود:..ناظرها بغبنة ومسك حامل الاقلام القزاز اللي على مكتبه ورماه عليها..
نور:..صرخت بخوف ووخرت عنه وصقع الحامل بالجدار وطارت قطعه ومن هالقطع اللي طايرة صابتها بيدها ورقبتها لكن خدوش وجروح خفيفة..
أبو سعود:..صر ع اسنانه وتكلم بتهديد..أنا ماعندي حريم يردون علي بهالبيت
نور:..جلست عالارض ترجف من الخوف وبعيونها المليانة دموع تناظره مرعوبة وبنفسها..أنا وش ورطني مع هالوحش أنا وش سويت له عشان ألاقي هالكره منه
أم سعود:..تدق الباب..ابو سعود وش فيك وش صاير عساك طيب
أبوسعود:..وقف واتجه للباب وناظرها بطرف عينه..هالمرة بعديها لك عشان توك جديدة بهالبيت..فتح الباب وابتسم..حياك ياأم سعود الحقي بنت اخوك ربي ستر عليها رميت الحامل عالجدار يوم كنت أكلم الجوال نسيت انها موجودة ترتب
أم سعود:..تنهدت..إنت ماتترك هالعادة بتجيب أجل واحد منهم بيوم وينها..ناظرتها..بِسْم الله عليم يمه بِسْم الله عليك
نور:..نزلت دمعتها..
أم سعود:..دخلت وراحت لها وحضنتها..أكيد خفتي يمه..تمسح على راسها..بِسْم الله عليك عمك الله يهديه طول عمره يحذف اي شي جنبه اذا عَصّب نسيت أقولك الله يصلحه بس..تمسح على ظهرها..بس يايمه بس
ابو سعود:..ناظر نور..
نور:..اللي ترجف بخوف دفنت نفسها بحضن عمتها تبكي..
أبو سعود:..ارتسمت على وجهه ابتسامة ثم لف وخرج..
~~بالسيارة~~
مجهول(2):..يناظر سلمان..
سلمان:..متكي راْسه عالقزاز بوجهه الخالي من أي تعبير..