الفصل 21
ابو سلمان:اتركوها على راحتها
ساندرا:..مكتفية بالصمت اهم شي تكون موجودة عشان تنكد على القنوع..
::الشغالة جابت لورا::
فرات:..قامت وأخذتها وبابتسامة..هلا هلا بروح عمة هلا ياعيني..بنبرة طفولية..ياسباح النول سباح العافية والسرور
لورا:..تضحك..
ام فارس:..بعصبية..بنت لاتفجعينها
فرات:والله ماسويت شي انتي شايفتني بس صبحت عليها بس
ام فارس:مو بس انتي حتى المخفة اخوانك مثلك هبلتوا بالبزر
ابو سلمان:وينه حضرت جنابه مااشوفه
فرات:..شايلة لورا لفت على ابوها وبنص عين..اشتقت له يبه!!!
ابو سلمان:..بضحكة استهزاء..قال اشتقت له قال ناس مشتكين عليه وأبي أعلمه الأدب
ام فارس:..ناظرته..وليه هالناس مايكونون هم الغلطانين ويتبلون على المسكين وانت جاهز بس تتهجم على سلمان ولاتكلف نفسك تعرف الحقيقة
ابو سلمان:..ناظرها وقف..تأخرت على شغلي سلام
(بيت اسامة)
~~ع الفطور~~
اسامة:..ماسك ضحكته وعينه بأكله..
سلمان:،،يشرب قهوته ويقلب باللاب يتأكد من تقاريره رفع عينه على اسامة..عادي اضحك وراك ماسكها خلها تخرج
اسامة:..عينه عالاكل وماسك ضحكته..لا اصلا مافيني ضحكة ولاشي..رفع عينه على سلمان وانفجر بضحك..كل مااتذكر شكلك وانت طالع من الحمام ولا يوم سمعت صوت طيحتك وانت تتوجع عاااالم ثاني..يضحك..آه آه
سلمان:..تنحنح..عادي اصلا لازم يطيح الواحد عشان يتعلم
اسامة:..وقف ضحك وبجدية..ماتبي تقول وش اللي صاير معك
سلمان:..يجمع اغراضه..عادي شوي ضغوطات بس
اسامة:..تنهد..فضفض ياسلوم فضفض كثر الكبت يجيب المرض
سلمان:..وقف..عن إذنك تأخرت على دوامي..خرج..
(الشركة)
~~قسم سلمان~~
سلمان:..جلس على مكتبه..السلام عليكم
ناير:وعليكم السلام
سلمان:..بتردد..اممم ناير
ناير:..عينه عالكمبيوتر..نعم
سلمان:اسف عاللي قلته لك امس كنت معصب شوي
ناير:..عينه على كمبيوتره..قصدك..يقلده..مالك شغل فيني وش خصك انت ياأخي اتركني بحالي ليه تتدخل بأمور مالك فيها انت اصلا بكبرك مالك داعي بهاالقسم
سلمان:..بعثر شعره..اسف والله اسف ماكنت اقصد..بتعصيبة..كله من ذاك الـ..وقف كلامه وأخذ نفس.. يالله عاد انت تعرف غلاتك عندي والله ماكان قصدي اسف
ناير:..تنحنح..اممم طيب
سلمان:..بابتسامة..طيب ايش خلاص سامحتيني
ناير:خلاص خلاص لاتزعجني سامحتك
سلمان:شكرا شكرا..بنص عين..اشوفك حفظت كلامي كله لايكون حقدت
ناير:الا ذبحتني الغبنة بتسكت وإلا أزعل عليك مرة ثانية
سلمان:لا لا خلاص اسف اسف ماصدقت انك رضيت
ناير:أقول ماحسيت بشي غريب اليوم
سلمان:تقصد النظرات
ناير:ايه
سلمان:بعد اللي صار أمس هذا أقل شي يصير
يوسف:..داخل..السلام عليكم
سلمان:..وقف وبابتسامة..اهلًا وعليكم السلام والرحمة
ناير:..وقف وبابتسامة..هلا والله هلا
::بعد ماسلموا عليه وجلسوا::
ناير:وينك ماعاد تسأل ولاتقول بمر أخوياي بقسمي القديم
سلمان:ايه خلاص خلاص نسانا
يوسف:..يضحك..والله أخذني الشغل مااصدق ارجع البيت ارتاح
سلمان:شكلك لسى حاقد علي
يوسف:لا والله الله يسامحك لهاالدرجة انا بعينك ردي
سلمان:..ضحك..محشوم محشوم وانا اخوك
يوسف: جتنا معاملة بالغلط لقسمكم تطوعت أجيبها لكم عشان اسلم عليكم مرة وحدة..مد الأوراق..تفضل
ناير:..مد يده بياخذها..
سلمان:..سحبها بسرعة..مشكور مشكور ماتقصر
يوسف:..ابتسم..راجعها زين لاتوهق الشركة
ناير:ناظر من يتكلم
يوسف:..ضحك..لا يوسف الجديد ماتمر عليه الغلطة ماعدت يوسف القديم..ناظر ساعته..عن اذنكم تأخرت يالله سلام..خرج..
[بعد ثلاث شهور]
~~بالمستشفى~~
أسامة:أبي مسكنات أقوى
الدكتور:حالتك تستوجب انك تكون بالمستشفى انا مستغرب كيف متحمل الالم
أسامة:رجعنا لنفس النقاش ابي مسكّن قوي اخاف يغمى علي قدّامه مرة ثانية الاولى صرفتها وعدت على خير المرة الجاية لاقدر الله والله ان شافني غير ينجن ماتبقى فيه ذرة عقل
الدكتور:..اتسعت عيونه بصدمة..يعني لسى ماقلت له
أسامة:..تنهد..كنت أبي أقوله بس بعد الحالة اللي شفته فيها بطلت
الدكتور:هي بتكون له صدمة عمره سواء الحين او بعدين
أسامة:بأقوله اول ماأشوفه هالمرة ان شاء الله
(بيت سلمان)
القنوع:..صحت قامت بكسل وغسلت وجهها واتجهت للصالة وتمددت..يـــووووه يالكسل اللي فيني متى بيروح
ام فارس:..تدق الباب..افتحي يمه افتحي
القنوع:..راحت لعند الباب ناظرت لبسها رجعت وبدلت لبجامة واسعة وبعدين فتحت الباب..هلا يمه حياك
ام فارس:..دخلت..وش فيك طولتي علي
القنوع:بدلت يمه ورجعت فتحت لك
ام فارس:ايه يمه ماقلتي لي وش فيك
القنوع:.. عقدت حواجبها..بِسْم الله وش فيني
ام فارس:لك كم يوم مو عاجبني وضعك
القنوع:عادي يمه شوي كسل وخمول
ام فارس:تبين نروح للمستشفى
القنوع:..تتهرب..لا ليه المستشفى شوفيني قدامك طيبة الحمدلله
ام فارس:طيب على راحتك وش رايك تنزلين معي تحت فرات جننت لولو توها راجعة من الجامعة..ضحكت..فرات اللي ماتفوت النوم اول ماترجع من الجامعة صارت اول ماتجي لازم تمر لولو وتلعب معها وتطمني اذا عليها مو موجودة اصلا ماتسأل عن بنتها
القنوع:لا لا مالي نفس الحين يمكن بعد شوي اذا صحصحت نزلت لكم
ام فارس:على راحتك يابنتي
(الشركة)
~~قسم مروان وفارس~~
مروان:..جلس على مكتبه عينه بالملفات..وائل وين جزئيتك من تقرير المنتج***؟
وائل:..ببرود..ماقدرت أسويه علي ضغط فالتقارير
مروان:..بعصبية..وليه ماتكلمت من بدري الحين وقت التسليم كيف اتصرف قول لي
فارس:..يناظر وائل بحقد..
وائل:..ابتسم وببراءة..كنت ناوي اقولك بس مع ضغط التقارير نسيت
مروان:..ناظره بشك رِن تلفون مكتبه..نعم..حاضر
<مكتب سامي>
سامي:..يقلب بالتقارير..أوكيه كل شي تمام الحين وصلنا للتقرير المهم وينه
مروان:..بلعثمة..صراحة باقي جزء منه مو جاهز
سامي:نعم!! انت عارف انه اهم تقرير اليوم
مروان:ايه ادري بس المشكلة ان الموظف المسؤول عنه ماتكلم ولا أعطاني خبر بالتأخير اللي بيصير للتقرير بس قبل نهاية الدوام ان شاء الله بيكون على مكتبك
(بمواقف الشركة)
~~قدام السيارة~~
فارس:..يمد يده..أعطني المفتاح
مروان:..ناظره مستغرب..لكن اليوم دوري
فارس:ادري بس اليوم انا بأسوق عنك
مروان:..تنهد..اوكي على راحتك
(بالشركة)
~~قسم سلمان~~
سلمان:..لابس شنطته ع ظهره خارج من قسمه يتمدد..اه اه
سلطان:سلمان
سلمان:..لف عليه وبدون نفس..نعم!!
سلطان:..مد له أوراق..هذا تقرير الإحصائيات اللي كنت تبيها عشان عرضك
سلمان:..تنهد ومد يده بدون نفس..
سلطان:..طيح الورق من يده عالارض..أوبس..مسك يده.. اه يدي تعورني من كثر الضغط اللي علي اكيد ماحسيت بالضغط مثلي..ابتسم..لان شغلك تصنيف بس
سلمان:..صر ع اسنانه..اشكر نفسك الفضل يرجع بهالشي لك بعد اللي سويته لاتلومني
سلطان:..ضحك وتنهد براحة..مايهم اهم شي اشوفك متنكد..تغيرت ملامح وجهه ونبرة صوته..أوه اسف اسف
سلمان:..عقد حواجبه..وش فيك..انتبه للموظفين اللي مروا من عنده كتم ضحكته وبنفسه..السالفة كذا..نزل يأخذ الورق طيح نفسه وصرخ..آآه
::لفوا عليه الموظفين::
سلطان:..اتسعت عيونه بصدمة..
سلمان:..متمدد عالارض ماسك بطنه ويتألم..ليه رفستني ايش سويت لك انا ليه تذلني كل مرة تشوفني فيها انت مو قلت نبدأ صفحة جديدة ليه قولي ليه تسوي فيني كذا يعني هاذي جزاة اعتذاري لك قدام الكل انك تهيني كل يوم وبأي فرصة ليه طيب ليه
:::الموظفين اسندوه و وقفوه:::
موظف1:..ينفض ثوبه..انت بخير
موظف2:عسى ماتعورت
سلمان:..تألم ثم ابتسم..لا الحمدلله ماصار لي شي مو مشكلة اهم شي الاستاذ سلطان يكون مرتاح
موظف1:..ناظر سلطان..عيب عليك ياسلطان خلاص ذي صفحة وطويتوها
موظف2:الرجال اعتذر منك وتغير وبدأ صفحة جديدة والاعتذار كان قدام القسم كله ليه شايل بقلبك عليه
موظف1:المسامح كريم
سلطان:..بلعثمة..أنا أنا
سلمان:..عينه بالأرض..أنا آسف ادري ان شوفتي تذكرك بالماضي لكن بعوضك عن اللي راح وأكون لك نعم الزميل ومايصير خاطرك الا طيب
موظف1:..ناظر سلطان من فوق لتحت..
موظف2:..ناظره بعدم رضا واستحقار للي سواه..
سلمان:..فك يديهم عنه..عن اذنكم..نزل بياخذ اوراقه..
موظف1:..مسكه ونزل وأخذ الاوراق وأعطاها لسلمان.. تفضل
سلمان:..اخذها وابتسم..مشكور تعبتكم معي عن اذنكم..لف ومشى خطوة خطوة وهو يعرج..
سلطان:..بصوت عالي وعصبية..أنا ماسويت شي له
موظف1و2:..ناظروه بتكذيب وراحوا وتركوه..
سلمان:..وهو يمشي ارتسمت على وجهه الابتسامة وبنفسه..ذوق ياسلطان ذوق من نفس الكأس اللي ذوقتني إياه..كتم ضحكته وهو يسمع صراخ سلطان اللي يكذب فعلته..
<المنتزه>
~بالسيارة~
فارس:..نزل..
مروان:..صحى من غفوته وتلفت..
فارس:..رجع للسيارة ومد له العصير..تفضل
مروان:..ناظره..
فارس:..مد له زيادة..خذ وش تنتظر ادخله في وجهك مثلا
مروان:..أخذه..شكرا
فارس:..شرب من كاسته ثم تكلم..لاتضيق خاطرك هذا هو الشغل تعب مافيه راحة وإذا على حركات الموظفين من البداية كان حطيت له خط مايتعداه اما اذا انت ناوي تعدله الحين فماينفع لازم تصبر شوي لحد ماتعدله ويكون في علمك بتتعب معه
مروان:..ناظره بشك..وش سر هالكلام..رفع كاسته.. وهالتصرف وش اللي وراه؟!
فارس:..رفع حواجبه وناظره..عادي اسولف معك اخوك ولا نسيت
مروان:..اتسعت عيونه..اه يعني قصدك تساعدني
فارس:ايه
مروان:..بشك..اه امّمم مثل ذيك المرة اللي صوت لي فيها وكان قصدك شي ثاني
فارس:هالمرة والمرات الجاية أساعدك عشان سبب واحد بس
مروان:انك اخوي
فارس:ايه نعم ابي نرجع مثل قبل
مروان:..بعدم تصديق..اها طيب
فارس:..ناظره وتنهد وبنفسه..يبي لنا وقت نرجع زي زمان ويبي لنا وقت عشان انت ترجع تثق فيني باأصبر باأصبر
((بيت ابو سلمان))
سلمان:..داخل البيت رايح للمطبخ..
ساندرا:..بالمطبخ بقميص نوم نص الفخذ..
سلمان:..اتسعت عيونه بصدمة من المنظر اللي شافه وانقلب وجهه أحمر من كثر الغبنة أسرع بخطواته وشدها من يدها ومشى فيها لفوق..
<غرفة ساندرا>
سلمان:..دخل وهو شاد على يدها ورماها..
ساندرا:..طاحت عالارض من قوة الرمية وتوجعت وبصراخ..آه لقد آلمتني
سلمان:..بعصبية..وش هالمنظر وش هاللبس اللي تتمشين فيه ببيت مو بيتك يامدام
ساندرا:..بصراخ..مالك شغل فيني
سلمان:..رفع حواجبه..لا والله ومتعلمة كلام جديد بعد
ساندرا:..صرت ع أسنانها..لاشأن لك بي نهائيا أرتدي ماأريد
سلمان:..بصراخ..لا مو بكيفك حبيبتي دامك على ذمتي مثل ماتقولين مو بكيفك هاللبس حده هالغرفة برا ماتطلعين بملابس مثل ذي فاهمة
ساندرا:..ناظرته بقهر..
سلمان:ناقص انا أشكال مريضة زيادة..قفل الباب بقوة وهو خارج..
ساندرا:..ضحكت وتعدلت بجلستها..
ساندرا:..ضحكت وتعدلت بجلستها..لقد بدأت تلاحظني اذا هي الطريقة الصحيحة..تمسح على رجلها وتتوجع..آه لقد آلمتني حقا سام
(بيت مروان)
~ع العشا~
مروان:أقول جوجو
جمانة:هلا حبيبي
مروان:عندي صديق غلط على صديقه واعتذر لكن صديقه رفض اعتذاره وصار يتعمد يأذيه بطريقة مباشرة او غير مباشرة وفجأة اعتذر صديقه وقرر انه يبدأ صفحة جديدة معه والحين صديقي ذَا يسألني يسامحه او لا
جمانة:اممم صديقك ذَا طيب لانه رجع لك وقبل اعتذارك واعترف بغلطته وطلب تبدون مع بعض من جديد ذَا معناه انه شاريك ويبي يرجع مثل قبل معك ذَا اكبر دليل على انه يغليك
مروان:..يقلب بصحنه وارتسمت ابتسامة على وجهه..فعلا أتمنى يكون كلامك صحيح انه شاريني وماتكون وحده من ألاعيبه
جمانة:..قطبت جبينها..اطرد الشك اذا دخل الشك في علاقة دمرها
مروان:..تنهد..ان شاء الله بحاول.انتبه.لحظة مين قالك انه انا قلت لك ذَا صديقي
جمانة:..باستغباء..اه صديقك طيب بس قول لصديقك اللي قلته لك
(بيت أسامة)
سلمان:..دخل راح لدورة المياه بدل لَبْس دوامه لبجامة طلع راح الصالة ورمى نفسه عالكنب ونام..
((يوم جديد))
(بيت ابو سلمان)
~ع الفطور~
ساندرا:..ابتسامة على وجهها..
فرات:..تهمس للقنوع..ذي وش فيها صاير شي وانا ماادري
القنوع:مدري عن نفسي لا وانتم؟
فرات:لا حتى احنا سلمان وينه؟
القنوع:مدري بس اللي اعرفه انه مابات البارح بالبيت
فرات:..ناظرتها..متاكدة؟
القنوع:ايه حبيبتي مابخلي هالسلقة تتهنأ
فرات:..ضحكت..والله ياعليكم مسميات وبعدين وش ذنب سلمان الضعيف
القنوع:اهم شي مايبات عندها وانتهينا
فرات:اذا مابات عندها وش اللي مخليها مبسوطة هالقد
القنوع:..عقدت حواجبها بشك..اممم مدري
فرات:الله يستر من ذي الابتسامة
ام فارس:وش عندكم سولفوا معنا
فرات:سلامتك يمه اسأل القنوع عن نشاط عندي
ام فارس:آه ايه وراك ماتردين على سعد
فرات:..اتسعت عيونها..مين قال ماأرد أرد عليه دايم
ام فارس:واضح امس اتصل علي يسأل عنكً
فرات:..بنفسها..لا إله إلا الله فاضحني بكل مكان..يمه ارد عليه بس هو يبي اربع وعشرين ساعة والسماعة بأذني طيب محاضراتي امتحاناتي آكلي نومي والحل معه
ام فارس:..تنهدت..ايه حاصلك هو حاصلك تلاقين واحد مثله بهالوقت احمدي ربك عالنعمة يابنت وديري بالك عليها
فرات:..تسلك..ايه ان شاء الله ان شاء الله
ام فارس:ترا بيمرك الليلة يقول يبي يسلم عليك
فرات:..وقفت..نعم
ام فارس:..انفجعت من ردة فعلها..بِسْم الله وش فيك بيسلم عليك ويمشي
فرات:بس عندي بحث لازم يكون جاهز بكرة
ام فارس:بكيفك انا قلت لك عاد انتي اتصلي عليه وقولي له
(بيت أسامة)
سلمان:..صحى وتمدد بعثر شعره قام يجر خطواته بكسل..أسامة أسامة وينك..يفرك عيونه ويتثاوب..أسامة أسامة..اتجه على غرفته فتح الباب والغرفة ظلام..غريبة نايم للحين..فتح النور انصدم من المنظر اللي قدّامه..
(بيت فارس)
~غرفة النوم~
فارس:..واقف قدام التسريحة يلبس كبكاته ويعدل شماغه.
ليالي:..عالسرير نايمة فتحت عيونها تناظره مو باين لها فتحت عيونها اكثر وبصوت كله نوم..رايح دوامك الحين مو بدري؟!
فارس:عندي شغل كثير
ليالي:بتمر مروان
فارس:..يتعطر..ايه اكيد..لف عليها..تبين شي؟
ليالي:..رجعت لنومتها..سلامتك
فارس:ترا الليلة بنتعشا برا
ليالي:..وهي نايمة..طيب
فارس:..ابتسم..مااستوعبت شوي لازم ارسل لها رسالة
(غرفة ساندرا)
ساندرا:..قدام المراية تحط مكياجها الخفيف وتهمهم مبسوطة تنهدت..آه لقد كنت أعرف انه لايزال هناك مكانة لي في قلبك..ابتسمت وبنص عين..أيها المخادع الوسيم تتصنع البرود لاتعلق بك اكثر لك ذلك عزيزي سام لك ذلك
(بيت أسامة)
أسامة:..طايح عالارض وسط بركة دم..
سلمان:..يجر خطواته وسط نبضات قلبه اللي تتسارع من كثر الأفكار السوداء اللي جت في باله..أسامة..جلس عنده يناظره وبوجه معتليته الصدمة..هالدم مو منك صح..ضرب نفسه كف اخذ نفس..اول شي شوف من وين هالدم..رفع أسامة لازال ينزل دم لكن بكميات قليلة حط يده اللي ترجف على مكان الجرح وبصوت مهزوز..آه اممم انا ايش ابي اسوي..وقف وحط يده على شعره مشى خطوتين ورجع..ايه جوالي جوالي الإسعاف الإسعاف..راح بيجيب جواله رجع لاسامة وحط تحت راْسه مخدة وبتصرفات غريبة..لازم تكون مرتاح اسامة لازم يرتاح..راح جاب جواله ودق عالاسعاف..ألو لو سمحت أسامة طايح عالارض..شكله زلق..ضحك وبنبرة هادية..من زمان شكله زلق وانا مادريت عنه مع اني جنبه هينا بالصالة ولاحسيت تصدق تعالوا بسرعة تكفون..سكت يفكر..اقولكم لاتجون هو يمزح معي مثل حركاته دايم ولا اقول تعالوا عشان يعرف أنكم جايين ويبطل مقلبه السخيف..اه تبون تعرفون مكاني طيب لحظة اشوف وين مكاني..يفكر ثم تلفت بالغرفة..نسيت ماادري انا وين اصلا مااعرف انا وين
(الشركة)
~قسم فارس ومروان~
مروان:..يشتغل بالتقارير حايس..
فارس:..وقف جنب مكتبه حط قهوة لمروان ومسك كوب قهوته بفمه وأخذ من الملفات اللي مكدسة على مكتب مروان..
مروان:..يناظره وهو رايح..رجع الملفات
فارس:..جلس على مكتبه..أنا ماعندي شغل كثير اليوم خلص اللي عندك وانا بخلص اللي عندي
وائل:..داخل ناظره باستغراب..لايكون تساعده
فارس:..عينه على كمبيوتره..أساعده او مااساعده مو شغلك
وائل:..انصدم من رده..اوكي على راحتك
مروان:.ابتسم وبنفسه.ايه ياحبيبي جا دورك تذوق من دقات فارس شوي
((بالمستشفى))
~~الطوارئ~~
سلمان:..ببجامته اللي كلها دم جالس على الكرسي في الانتظار وبيده المخدة اللي كانت تحت راس اسامة ساكت يناظر الرايح والجاي بعدم استيعاب كأنه في عالم ثاني..
المسعف:. مسك موظف أمن مار من قدّامه وكلمه على جنب..هالرجال مو طبيعي خل عينك عليه
موظف الأمن:..ناظره مستغرب..ليه
المسعف:اتوقع تأثير الصدمة مسكين الله يكون في عونه انتبه له ياالله عن إذنك
سلمان:..يكتم ضحكته اخذ نفس..اووه..ضحك بشويش..
موظف الأمن:..يناظر سلمان عقد حواجبه..مو صاحي
دكتور الطوارئ:..خرج من داخل غرف الطوارئ
سلمان:..شافه قام ومشى لجهته..
دكتور الطوارئ:المريض نقلناه لغرفة العمليات حالته حرجة جدا وفوق كذا السرطان فحالة متقدمة جدا عنده كيف مو بداخل المستشفى
سلمان:..قطب جبينه يحاول يستوعب..لحظة لحظة كيف يعني مافهمت وشو اللي متقدم الدكتور المتابع لحالته أكد لي انه يتحسن وبعدين وش اللي حرجة تراه زلق وجرح راْسه بس سووا له غرز وبنرجع البيت وإذا مرة بيتنوم الليلة
دكتور الطوارئ:للأسف المريض عنده نزيف داخلي وبالقوة سيطرنا عليه اذا تحمل هالعملية وعدت على خير باْذن الله انه بيعيش ادع ربك انه يشفيه واحنا بنسوي كل اللي نقدر عليه
سلمان:..امتلت عيونه دموع وبابتسامة..مستحيل انت تمزح معي صح..سكت يحاول يجمع أفكاره مسك راْسه.. اممم أنـ.ـا أنـ.ـا ايه انا ابي الدكتور أحمد خلوه يجي الحين..بصراخ..أبيه الحين
<الشركة>
~قسم سلمان~
ناير:..يناظر ساعته..وش فيه تأخر وفوق ذَا مايرد..يتصل مرة ثانية..غريبة يتأخر المشروع ذَا يشتغل عليه من شهر يووه الحين بيفتح العين عليه مرة ثانية
((بالمستشفى))
~قدام غرفة العمليات~
دكتور احمد:..يمشي بخطواته السريعة لغرفة العمليات..
سلمان:..شافه ومشى له بخطوات ثقيلة وطاحت المخدة من يده..سمعت اللي يقولونه اكيد التقرير اللي قروه قديم في شي غلط بالموضوع..بصوت مهزوز وعيون معلقة كلها أمل..اكيد فيه غلط
دكتور احمد:..حط يده على كتف سلمان يطمنه..انا الحين بدخل واشوف الوضع..ابتسم..ان شاء الله كل شي يكون اوكي..لف عنه وبنفسه..وشلون ابلغه بالوضع وشلون..دخل غرفة العمليات..
<بعد ساعتين>
دكتورأحمد:..خرج من الغرفة ووراه أخصائي..
سلمان:..وقف ومشى له بخطوات سريعة..
دكتور أحمد:..نزل قبعته وبنبرة كلها حزن..البقا برأسك عظم الله أجرك وانا اخوك
سلمان:..دارت فيه الدنيا ماااال..
دكتور أحمد:..مسكه..
سلمان:..نزلت دموعه ناظر الدكتور احمد بقهر وسدد له لكمة على وجهه نزف منها من فمه..
موظف الأمن:..حاوط سلمان بيديه..
سلمان:..بصراخ ويحاول يفك نفسه..كذااب كذااب صلح له الغرز وقفل جرحه والسرطان هو يتحسن منه صلح له الغرز وبنرجع انا وإياه للبيت انت فاهم..بصراخ اكثر..قلت لك صلح له الغرز بسرعة ماتسمع انت ليه واقف تناظرني
دكتور احمد:..بصراخ وعيونه اللي غرقانة دموع..اصحى استوعب هو راح خلاص راح..بصراخ..راح لربه خلاص ادع له بالرحمة ترحم عليه قول الله يرحمه ويثبته
سلمان:..رماه بالجوال..
دكتور احمد:..حمى وجهه بيده وصرخ من ألم الضربة..
سلمان:..صر ع اسنانه وبعصبية..انت تسكت فاهم انت اصلا واحد كذاب جب لي دكتور غيرك
الأخصائي:..نطق بصوت عالي وواضح وعيونه بعيون سلمان..المريض أسامة توفى في غرفة العمليات الساعة10:12 دقيقة صباحا
سلمان:..الكلام نزل عليه مثل الصاعقة دف موظف الأمن اللي ماسكه وصار يرجع بخطواته لورا ضحك..تكذبون تكذبون علي أنا كل اللي سويته اني دخلت ونمت ولاسألت عنه..حرك راْسه بعدم تصديق..كيف صار هالشي بس عشان ماسألت عنه ولا دورت عليه..تذكر أسامة يوم كان يعاتبه ليه مايسأل عنه نزلت دموعه ودخل يده بوسط شعره..لا لا مستحيل سويتها مرة ثانية ماسألت عنه ولا دورت عليه..يبكي بصوت ويشاهق.. أنـ.ـا أنـ.ـا اللي ذبحته ذبحته مثل امي بالضبط..وهو راجع بخطواته لورا لمس المخدة بطرف رجله ناظرها بكى زيادة ثم وقف بكي وناظر المخدة مرة ثانية وتغيرت نبرته..آه أسامة ينتظرني بروح له تأخرت عليه بنتغدا مع بعض اليوم..نزل أخذ المخدة ثم لف يمشي ثم وقف يمسح دموعه اللي هلت من جديد..بـ.ـس بـ.ـس هـ.ـو مـ.ـاات..انفجر يبكي..أبـــوي مـــااات..مشى بسرعة تركهم وراه ودموعه اللي انهلت بدون توقف..
((الشركة))
<قسم فارس ومروان>
فارس:..عينه بجواله يراسل..لولو..عقد حواجبه وبنفسه.. ايش فيها ماترد..أرسل..حبيبتي لولو..اعتلت وجهه ابتسامة..
ليالي:..طارت عيونها من الفرحة لمَ قرت رسالته ردت باختصار..نعم
فارس:صباح الخير حياتي
ليالي:..أخذت نفس..خليك ثقيلة..صباح النور
فارس:الليلة بنطلع نتعشا برا
ليالي:..بوناسة ورا شاشة الجوال وابتسامة..اوكي
فارس:..أرسل..امّم ايش تحبين تاكلين هندي لبناني إيطالي صيني
ليالي:..تكتب..عادي اختار على ذوقك دامك معي كل شي حلو..أرسلت ثم شهقت..ياحيوانة وين الثقل
فارس:..رفع جواله ونزل راْسه تحت من قرأ الكلام وارتسمت ابتسامة السعادة على وجهه وصار يرفس مكتبه بخجل ثم أرسل لها..طيب سلام
مروان:..ناظره مستغرب..وش فيك
فارس:..تنهد وبابتسامة..مافيني شي
((بالشركة))
<مكتب ابو سلمان>
ابو سلمان:..ناظر جواله اللي يهتز قفله وكمل شغله رِن جواله مرة واثنين وثلاثة تأفف بعد ماكان يكتفي بقفله ثم رد بعصبية..خير وش تبي ازعجتني وانت تتصل