ياجرح زماني عجل بالشفاء ترى دواء علتي هو نفسه الطبيب - الفصل 20 - بقلم مؤلفه - مكتملة | روايتك

البنات اول ماسمعوا الصراخ طلعوا لحديقة البيت الكل تجمع:: ساندرا:..جالسة عالارض وتبكي بعربي مكسر..لم فعلتي ذلك لم افعل اي شي سيّء لك لمَ لمَ فعلتها القنوع:..تناظرها تكتفت..خلصتي ساندرا:..بدموع..لماذا غضبتي كل مااخبرتك ان اريد لصغيرتي ان ترى ابيها أردتك ان تقنعيه فقط ان يراها القنوع:..بنص عين..قولي لي الصدق هو ابوها الحقيقي ساندرا:..انقلب وجهها وكملت بكى.. القنوع:جاوبي ليه ماتردين..أخذت الترمس وفتحته وبدت تميله فوق ساندرا.. ام فارس:..دفت الترمس من يدها طاح بعيد ضربتها كف.. أنا ماربيت بناتي يسوون هالحركات القنوع:..ناظرت أمها وصرت ع أسنانها بقهر.. ساندرا:..تبكي.. سلمان:..دخل عندهم.. ام فارس:تعال يمه خذ زوجتك ودها الطوارئ سلمان:..شال ساندرا..عن اذنكم القنوع:..من سمعت أمها تقول زوجتك امتلت عيونها دموع وزادت غبنة لمَ شاغت سلمان شالها لفت وطلعت لبيتها قبل لاتخونها دموعها وتنزل.. ~~بالسيارة راجعين من المستشفى~~ ساندرا:..تتأمله بسعادة مو مصدقة.. سلمان:خلاص يكفي ماشبعتي نظر ساندرا:..تنهدت وبالبرتغالي..انني أعوض فقط مافات..مسكت يده.. سلمان:..ماابدى اي ردة فعل.. ساندرا:..بنبرة فيها كل الحب والشوق..لقد اشتقت إليك حقا والى نفسي القديمة اريد ان تعود حياتنا لمجراها الطبيعي الا يمكنك ان تفعل ذلك لامانع لدي من ان تكون القنوع معنا وايضاً في نفس المنزل سنكون شقيقتين..تنهدت..رغم انه من الواضح بأنها ستجعل الأمور أسوأ سلمان:..بالبرتغالي..فعلا ستجعل الأمور سيئة لابعد مدى <عند البنات> غدير:لا لا ماأصدق مستحيل تسويها القنوع جمانة:صدمتني صراحة ليالي:القنوع ماتسويها اكيد ام وجه مغسول بمرقة قايلة شي فرات:اي والله من دخلت بيتنا وانا ماني مرتاحة لها نور:يمكن صادقة..ناظروها..لاتناظروني كذا اللي اقصده ممكن القنوع كتمت وتحملت ولاقالت شي وانفجرت اليوم وصار اللي صار (بيت سلمان) القنوع:..تغسل وجهها..وجع مايستاهلون ابكي عشانهم لاتنزلين جعلها تروح ولاترجع هي اللي بدت اجل اسكت لها حسبي عليك هين والله مااخليك..تذكرت أمها بكت.. حسبي الله عليها امي ماضربتني ولا مرة لكن بسببها..بكت زيادة.. :::الباب يدق::: سماهر:افتحي قنوع افتحي انتظرك ماني رايحة القنوع:..فتحت بوجه احمر من البكا..نعم سماهر:..بنص عين..سويتيها صدق القنوع:اذا قلت لك لا بتصدقيني (غرفة ساندرا) سلمان:..داخل شايل ساندرا.. ساندرا:..ابتسامة عريضة مرسومة على وجهها.. سلمان:..رمى ساندرا عالسرير.. ساندرا:..ارتسمت الصدمة على وجهها وناظرته.. سلمان:..يتمدد وبالبرتغالي..آآآآه هل زاد وزنك خلال المدة التي هربتي بها عني؟!أذكر أنكِ كنتي أخف وزنًا!! ساندرا:..بارتباك..ربما شعرت بذلك لآتي أنجبت لورا سلمان:..بابتسامة..هل كنتي تظنين أنني أحمق ساندرا:..عقدت حواجبها..لماذا تعتقد ذلك سلمان:..بضحكة..ستصبحين صديقة للقنوع لكنك خائفة من أن تمانع ساندرا:..تألمت..لقد قامت بإحراقي مالدليل الأكثر وضوحا الذي تريده؟! سلمان:..بالعربي صرخ..اسـكـتـي برأيك كيف جيت من دون احد مايناديني لاني كنت موجود بالمكان وشفت كل اللي صار بنفسي ساندرا:..بهتت ملامحها بخوف.. سلمان:..يمشي بخطواته اللي سببت الرعب لساندرا قرب وجهه منها ونطق بتهديد..ياويلك ياويلك اذا فكرتي تعيدين الحركة معها او حتى قربتي منها بأتلذذ وأتفنن بتعذبيك..ابتسم..زي اللي بيصير الحين..بزاوية الغرفة دولاب مقسم مربعات كل مربع فيه تحفة مسك تحفة رماها عالارض وأخذ قطعة وجرح نفسه من تحت كوعه لفوق كفه بشوي وصار يرمي بقية التحف عالارض.. ساندرا:..مرعوبة اول مرة تشوف سلمان كذا.. سلمان:.. لف عليها بابتسامة كلها شر..تعتقدين انك الوحيدة الشريرة؟!!عدلي معلوماتك عزيزتي <الحريم> ام فارس:..سمعت الصوت..يمه بِسْم الله وش اللي يصير اليوم..قامت.. ام فيصل:لا اله الا الله الله يستر من هالليلة..لحقتها.. ((بيت سلمان)) سماهر:مصدقتك اكيد لكن في نسبة بسيــطة تخليني اتوقع تسوينها القنوع:..شالت عيونها عن سماهر وسكتت.. ::سمعوا الصوت:: سماهر:بِسْم الله وش ذَا القنوع:..عقدت حواجبها..الصوت قريب ((غرفة ساندرا)) ساندرا:..بعيون مليانة دموع..لمَ تفعل ذلك لي؟! سلمان:..نظراته كلها تهديد..ياويلك تقربين على عايلتي وخصوصا القنوع وإياك تحاولين تشوهين سمعتها مرة ثانية فاهمة ساندرا:..بصدمة..لكني من العائلة انا جزء منها انا زوجتك..بالبرتغالي وبصراخ..لمَ تصر على تجاهلي دائما سلمان:..بالبرتغالي..اذا فعلتي شيئا ما مجددا للقنوع..نزل وأخذ قطعة من التحف المكسورة ..سيكون هذا الوجه الوسيم الذي تحبينه كثيرا هو التالي..مد القطعة لوجه بيجرح نفسه.. ساندرا:..تبكي وبصراخ بالبرتغالي..لا لا لاتفعلها لن اقترب منها مجددا أعدك أعدك ::الباب يدق:: ام فارس:يمه وش فيكم سمعنا صوت لايكون احد منكم متعور ام فيصل:سلمان يمه رد بس عالاقل انتو طيبين ام سعد:ياولدي لاتخوفنا سلمان:..ناظر ساندرا وبالبرتغالي..مافعلته سأتغاضى عنه هذه المرة لكن..بتهديد..لن أتركك المرة القادمة حقا لن أتركك سلمان:..فتح الباب وبابتسامة..هلااا حياكم الله :::ام فارس وعماته والقنوع وسماهر كلهم عند الباب:: ام فارس:..بخوف..عساك بخير فيكم شي ام سعود:عسى محد تعور فيكم ام سعد:..ناظرت التحف المكسورة..وش اللي صاير هينا سلمان:..بابتسامة..ابد زعلت عشان قلت لها بنزل اساعد اخواني حذفتني بالتحفة حميت وجهي بيدي رجعت لورا نسيت دولاب التحف اللي وراي وصار اللي صار القنوع:..عقدت حواجبها بشك.. ام فارس:..تنهد..الحمدلله اللي سلمك ربي يايمه الحمدلله على سلامتك سلمان:..رفع يده يعدل شعره وبابتسامة..الله يسلمك يايمه ام سعد:..بفجعة..وش هالدم سلمان:..ببراءة..ويـن..رفع يدينه يناظرها..وين ماأشوف دم ام فيصل:..مسكت يده..هينا ذَا الدم..مسحت على ظهره.. ياقلبي عليك ماحسيت بشي..ناظرت ساندرا بقهر وبنفسها..كله من هالادمية ناويتك شر الظاهر سلمان:..ناظر يده المجروحة..اه تقصدون ذَا..ابتسم.. بسيطة بسيطة هي كانت معصبة عالعموم ماصار الا كل خير ساندرا:..نزلت راسها وعضت طرف شفتها مقهورة ونزلت دموعها ماقدرت تتحمل تحبسها اكثر.. ام سعد:..بغبنة..وتبكي بعد!!! ام سعود:..بعصبية..وين البسيط وش كبره هالجرح وتقول بسيط انا من يوم سمعت طريقتها بدخول هالبيت وانا قايلة يبي لها تأديب ولا في وحدة تحذف زوجها هاذي تبي تذبحه الله اكبر عليها..مشت لجهة ساندرا..والله لاعلمك وشلون تمدين يدك على ولدنا ياقليلة الخاتمة ام فيصل:..مسكتها..البنت منحرقة توها اتركيها ولا تبين الشرطة تجي وتمسك القنوع معها مرة وحدة وبعدين ذي مابتروح للشرطة مثلنا بتجيب حقوق الانسان لنا تراهم موب مثلنا مايتعاملون الا رسمي عاد انتي من يفك منهم لك سوابق مع الناس سلمان:..ضحك..حقوق الانسان مرة وحدة ياعمة نورة وبعدين وش اللي مسويته عمة مها سماهر:ترا مو وقتك تضحك وانت بهاالحالة سلمان:..بنص عين..ليه ممنوع اضحك بعد القنوع:..مسكت سلمان من يده وسحبته من بينهم ومشت فيه.. ساندرا:..فوق اللي صار لها كله زادتها القنوع قهر ناظرتهم وهم رايحين وبنفسها..سأجعلكِ تندمين لقد سرقتي حلمي ايتها الشيطان ام سعد:ايه يمه خذي زوجك ونظفي جرحه وعقميه هذول الحريم الصح مو ..لفت على ساندرا..مثل ذي هـه..مشت.. ام فيصل:..تدف ام سعود..امشي امشي ماقصرت ام سعد ام سعود:..وهي تمشي..قلبي محترق يبي لها تأديب متى تتركوني عليها بس آه متى ~~عند البنات~~ نور:وش هالاكشن اللي صاير اليوم ليالي:اليوم صراحة غرررريب سماهر:انا اللي قاهرني ان سلمان يبتسم ولا كأن صار شي غدير:مجبور حبيبتي عشان خاطر بنته يستحمل نور:..تناظر سماهر..ومن متى ان شاء الله سلمان كشّر في وجه احد او خاصم احد حتى لو ضايقه فيه الدنيا يبتسم الله يستر لايجي يوم ويموت من كثر الكبت سماهر:أعوذ بالله منك بِسْم الله عليه بس فرات:..تفكر..امممم فيه شي غلط جمانة:..تناظرها بنص عين..وشو ان شاء الله فرات:ليه مايكون سلمان هو اللي سوا كل شي غدير:عشان؟! فرات:عشان يأدب ساندرا لانها هي من حرقت نفسها واتهمت القنوع ليالي:لا اله الا الله اشتغل المحقق كونان فرات:بالله خليكم واقعيين شوي فكرتي مو منطقية ام فارس:..دخلت..انا وش قلت لك فرات:والله ماقلت شي هم يتكلمون انا ماتدخلت بشي نهائيا ام فارس:ايه طيب طيب روحي لسعد يبيك <سعد وفرات> سعد:وينك عن الجوال ليه ماتردين علي فرات:..تنهدت وبدون نفس..مشغولة سعد:..يهمس لها..اشتقت لك فرات:..بعدم اهتمام..اه اممم طيب سعد:..بزعل..يعني ماشتقتي لي فرات:..بنفسها..بالله كيف باشتاق لك وانا لي يومين متنقعة قدام وجهك وشلون اشتاق!! سعد:..بنص عين..تسبيني صح فرات:..اتسعت عيونها..لااا سعد:اممم اجل تقولين كيف اشتاق لك وانت قدامي يومين فرات:بالضبط هذا اللي قلته سعد:آه آه فرات:..تنهدت..وش فيك سعد:قلبي تعور فرات:دارية انك بتقول كذا تبي شي سعد:ايه فرات:..بنفسها..ياليل مااطولك..وش تبي سعد:..قرب وهمس..ابي بوسة او حضن مو مشكلة فرات:الحق علي اللي أسالك أساسا..مشت.. سعد:..رفع صوته..بيجي يوم وتقولين وينك ليه ماصرت تشتاق لي فرات:..تمشي بسرعة وبنفسها..فضحني فضحني حسبي الله على ابليسه (بيت سلمان) :::بالصالة::: القنوع:..تعقم جرح سلمان.. سلمان:أنا آسف القنوع:..ساكتة ولا ناظرته.. سلمان:كل اللي صار بسببي اسف القنوع:..ضغطت على جرحه بقطن التنظيف.. سلمان:..توجع وبنبرة طفولية..آه آه عورتيني القنوع:..رفعت عينها له..لا عاد تدافع عني مرة ثانية انا اعرف كيف اتصرف سلمان:..اتسعت عيونه..انا؟دافعت عنك متى؟ القنوع:..ناظرته بنص عين..يعني اضغط مرة ثانية سلمان:لا لا خلاص القنوع:اذا صار اي شي لاتتدخل سلمان:اسف مااقدر اسمع كلامك انا ماارضى احد يغلط على زوجتي القنوع:انا رضيت بالغلط من يوم دخلت هي للبيت سلمان:..تنهد..انا بصلح الغلط اللي ابيه تصبرين علي شوي بس ((يوم جديد)) (بيت سلمان) <بالصالة> سلمان:..صحى متكسر من نومة الكنب تمدد وتألم..آه آه كل جسمي يوجعني وش هالألم..وقف ويمشي يفرك عيونه من النوم رايح لدورة المياه.. القنوع:..فتحت باب غرفة النوم وبابتسامة عريضة..صباح الخير سلمان:..ناظرها بشك..صباح النور القنوع:لاتخرج بدوني ابي انزل معك اليوم سلمان:..عقد حواجبه..لكن لاتتاخرين علي وراي دوام القنوع:ادري ادري مابطول عليك..دخلت الغرفة وقفلت الباب.. ::بعد نص ساعة:: ~~بالصالة~~ سلمان:..يناظر ساعته قام ودق باب الغرفة..يالله تأخرت عالدوام القنوع:..فتحت الباب لابسة بجامة قطن لونها وردي فاتح تاركة شعرها مسدول على ظهرها ومبعثرته من قدام وحاطة ميك أب ناعم جدا..يالله جاهزة سلمان:..عقد حواجبه وبنفسه..على ذَا التأخير توقعتها تلبس فستان القنوع:..بابتسامة..يالله؟ سلمان:..تنهد..يالله القنوع:..مسكت يده ورفعت راسها له وبابتسامة..يالله ::طول ماهم نازلين عالدرج تتبسم له وتسولف له وتضحك معه ثم حطت راسها على كتفه وسكتت اما سلمان طول هالمدة خايف ينتظر شي يصير مروا من الصالة:: القنوع:..ماسكة يد سلمان ولاصقة فيه.. ام فارس:حي الله عيالي الفطور يالله تعالوا سلمان:بالعافية انا تأخرت مستعجل ساندرا:..ناظرتهم بصمت وبعدم اهتمام.. القنوع:..بابتسامة..بوصله يمه وارجع افطر معكم فرات:..ابتسمت وبنفسها..يمه يمه كيد الحريم ام فارس:خذوا راحتكم ::عند الباب مقابلين بعض:: سلمان:..مسكها من خصرها وشدها له وانفاسه تضرب وجهها ناظرها.. القنوع:..عينها بعينه توترت.. سلمان:..بابتسامة..قلبي مو مطاوعني أتركك ساندرا:..خارجة من الصالة شافتهم انصدمت ووقفت مكانها عيونها بتخرج من مكانها وهي تناظرهم بقهر.. القنوع:..ابتسمت ثم حاوطت رقبته بيديها ورفعت نفسها على أطراف أصابع رجليها حتى توصل له وباسته على خده وتنهدت.. ادري وانا بعد بس اللي مصبرني انك بترجع لي وبكون على احر من الجمر وانا انتظرك حبيبي سلمان:..حضنها ودفن نفسه بحضنها.. القنوع:..ضمته وصارت تمسح على راْسه.. سلمان:..همس لها..ها خلصتي القنوع:..بهمس..لا باااقي سلمان:..يهمس..خلاص كذا بيشوفونا القنوع:..دفنت راْسه بحضنها زيادة..اصبر شوي خلها تموت غبنة سلمان:..كتم ضحكته..طيب القنوع:..تركته وعلى وجهها ملامح زعل.. سلمان:..ابتسم ونزل وباسها على أنفها..راااجع راااجع لك ساندرا:..وجهها انقلب أحمر من القهر لفت عنهم ومشت بسرعة.. سلمان:يالله سلام..خرج وبنفسه..رغم اني عارف انها دقات لكن ليه انا مبسوط هالقد <الشركة> سلمان:..واقف برا عند باب الشركة ينتظر ويناظر ساعته كل شوي وبتأفف..لا حول شكلهم مطولين فارس:..يجر خطواته بشويش.. مروان:..وراه بمسافة.. سلمان:..اتسعت عيونه..ماشاء الله..يأشر لهم بسرعة.. فارس:..بكسل..السلام عليكم مروان:..بدون نفس..صباح الخير سلمان:وعليكم السلام وصباح النور وش فيكم بعيدين عن بعض وتكلموني بدون نفس بعد فارس:.باستهبال لف على مروان..احنا الصباح صح؟! مروان:.ناظره ساكت.. سلمان:.بوز بزعل.. فارس:..ناظر سلمان..الصباح طبيعي الواحد ماله نفس يقابل احد مروان:وفوق ذَا راجعين من اجازة بعد سلمان:..وقف بينهم وحط يديه على أكتافهم وابتسم..اليوم بعديها لكم لكن المرة الجاية لا فهمتوا حبايبي فارس:..يناظره..ذَا تهديد ولا دافع مروان:واضح تهديد سلمان:..لف وجهيهم عالشركة..هاذي وحدة من مهام الأخ الكبير اللي كنتوا تنتظرونه..يدفهم..يالله يالله تأخرنا ~~قسم سلمان~~ سلمان:..يجهز الأوراق.. ناير:..بتردد..امّم سلمان أبي اقولك شي سلمان:..عقد حواجبه..أسمع ناير:الاستاذ سحب منك تقديم العرض واعطاه لسلطان سلمان:..بعصبية..وليه ان شاء الله وش السبب هذا شغلي انا ناير:هد أعصابك لحظة سلطان قايل للقسم بدون لاندري انا وانت انك تسرق عروضه وتعرضها على أساس انت اللي مسويها وماقالوا لي عشان لا اقولك سلمان:..عَصّب وبصراخ..هين انا اوريك..راح لمكتب الاستاذ خالد.. ~~قسم فارس ومروان~~ وائل:..بابتسامة..هلاااا حياك الله ياعريس فارس:..يسلم عليه وبابتسامة..الله يسلمك مروان:..جلس على مكتبه شغل كمبيوتره وقاطعهم..وين الملفات لآخر المنتجات وائل:..ناظره بطرف عينه وبدون نفس..موجودة مروان:طيب دامها موجودة وش تنتظر جيبها فارس:..ابتسم.. وائل:..بقهر..حاضر الحين تكون على مكتبك..راح.. مروان:..ريّح على كرسيه وبنفسه..والله السلطة زينة!!! (بيت ابو سلمان) <بالمطبخ> القنوع:..ترفع باقي الاكل بالثلاجة.. ساندرا:..دخلت تشرب موية وتناظرها.. القنوع:..وقفت شغل وناظرتها.. فيه شي؟! ساندرا:..حطت كاسة الموية وتكتفت..هل انتي سعيدة؟! القنوع:..حطت يديها على صدرها..بمووووت من كثر السعادة الله يخلي لي سلماان بس..شالت من الاكل وتحط بالثلاجة.. ساندرا:..ابتسمت..حظا سعيدا لك لانها ستكون اخر ايامك..بتمشي.. القنوع:..قفلت الثلاجة..نعم وش قلتي ساندرا:..وقفت ولفت عليها.. القنوع:..باستهزاء..هـه..مشت لجهتها وقربت وجهها منها وبابتسامة..سنعيش انا وسلمان حيااااة طوووويلة وستعيشين انتي وحيدة..لفت بسرعة وضرب شعرها ساندرا بوجهها.. ساندرا:..غمضت عيونها وبالبرتغالي..أوتش عيني القنوع:..ببراءة..أوه اسفة مااقدر أقص شعري سلمان يمووت عليه..خرجت والابتسامة معتلية ملامح وجهها فرحة بالانتصار.. ~~قسم سلمان~~ <مكتب المشرف> خالد:طيب ياسلمان يعني انت تقول ان كل اللي قاله سلطان كذب سلمان:اي نعم كله كذب سلطان:..بتحدي..وش دليلك سلمان:نفتح عروضنا الحين سلطان:موافق بس قدام القسم كله سلمان:أوكيه سلطان:وإذا كانت العرض نفسه معناته انك سارق عرضي سلمان:..بكل ثقة..مستحيل اسرق عرضك لاني جاي بعدك وماقربت من كمبيوترك أساسا سلطان:أوكي ::بعد مااجتمعوا كل الموظفين بقاعة الاجتماع فتحوا عرض سلطان وسلمان بنفس الوقت:: سلمان:..اتسعت عيونه بصدمة.. ناير:..يهمس له..إهدى إهدى ممكن بس الشريحة الاولى سلمان:..على أعصابه وبنفسه..مستحيل ذَا نسخ ولصق وشلون وصل لكمبيوتري وبالبيت بعد سلطان:..ناظره وابتسم له ابتسامة انتصار. سلمان:..انفجر بنص العرض..مستحيل كيف وصلت لعرضي اكيد انك مخترق جهازي او واصل لاحد من خدم البيت سلطان:..ببراءة..شفتوا ماقلت لكم بيتهمني بالسرقة ليه ياسلمان ليه انا خلاص فتحت صفحة جديدة ونسيت كل اللي صار بيننا ليه مصر تنتقم مني انا مااخذت منك شي كل اللي سويته اني اجهز عروضي وانت تأخذها ليه تأخذ تعبي ليه سلمان:..بعصبية..اسكت يالخسيس هاذي اكيد وحدة من الاعبيك انا بـ خالد:..قاطعه وبعصبية..بس احترموا المكان اللي إنتوا فيه..ناظر سلمان..افصل بين العمل والعلاقات الشخصية لو سمحت وبعدين بعد الحكم عالعرض هذا العرض لسلطان بغض النظر عن كل اللي صار سلطان:..ناظر سلمان واعتلت وجهه ابتسامة انتصار. سلمان:..صر ع اسنانه بقهر وبنفسه..هين هين..ناظر اللي حوله واختنق من كثر نظرات الاتهام اللي تناظره خرج من القاعة بسرعة.. ناير:..يلحقه..سلمان سلمان (بيت فارس) فارس:..راجع من دوامه يدف نفسه فتح باب بيته عقد حواجبه..وش صاير لايكون الكهربا طافية ياليل مافيني أطارد..دخل..غريبة الجو بارد..مشى داخل البيت.. ليالي:..نطت بوجهه وبصراخ..حـي الله مـن جـا فارس:..انفجع ولصق بالجدار..بِسْم الله الرحمن الرحيم انتي وبعدين معك بتجيبين اجلي يوم ليالي:..كاتمة ضحكتها..لاتخاف انا بس امزح معك لو ابي اجيب اجلك صدق..بنظرة شر..مو ذي الطريقة وسويتها من زمان بعد فارس:..بلع ريقه..ايه ادري اصلا انتي ماتسوينها انتي طيبة انتي منبع الطيب كله ليالي:..انفجرت ضحك..امزح معك والله امزح حتى ذَا الكلام مزح فارس:..بنفسه..اغلب المزح انقلب جد (بيت أسامة) سلمان:..فتح الباب ودخل..السلام عليكم..يدور..سماسيمو وينك شف وش جبت معي أغراض الشوربة اللي تحبها..دخل المطبخ..مين قدك سماسيمو الشيف سلمان بيطبخ لك..بعد ماحط الاغراض عقد حواجبه..وينه وين راح..دور عليه بكل مكان مالقاه بدا الخوف يلعب فيه طلع دور عليه حول البيت يتلفت مثل المجنون..أسامة أسامة..راح للمسجد وسأل عنه برضه مالقاه تذكر انه مادور بغرفته رجع للبيت جري فتح باب غرفته وجمد مكانه.. أسامة:.عالارض. سلمان:..بصوت يرجف ماطلع من الخوف وهمس..أسامة أسامة..استجمع شجاعته ومشى خطوة يحس رجليه مخدرة بالقوة مشى هالخطوة..أسامة..أسرع بخطواته وجلس عنده وبلع ريقه..أسـ.ـامـ.ـة سلمان:..مد يده اللي ترجف وحركه وبصوت مليان خوف..ليه ماترد علي أسامة..يحركه بقوة وبصراخ.. أسامة أسامة رد علي أسامة:..تنهد وفتح عيونه..لا اله إلا الله محد يعرف ينام حتى لو هو ساكن لحاله ليه ماتتركني انام ليه الإزعاج سلمان:..انفجر بصراخ..ليه تنام عالارض وبدون ماتتغطى ليه ليه أسامة:..جلس وناظره بنظرة استغراب..عظامي توجعني نمت عالسجادة أريح لي وحر عشان كذا ماتغطيت سلمان:..امتلت عيونه دموع..ليه تخوفني ليه تبي تشوفني ميت..نزلت دموعه..خلاص انا تعبت والله تعبت ماعاد اتحمل شي جديد كل ماانحلت مشكلة تطلع ثانية وانت تبي تتركني بعد..مسح دموعه وضحك..وأبوي اسرق لحظات اخواني معه وأتخيل نفسي مكانهم..ضحك ووقف..انت انت انت مثلهم بالضبط اهم شي اللي ريحيك ليه ناوي تتركني..دموعه تنزل وبصراخ..ليه شايف اني في نفس البيت مع ابوي معناه اني مرتاح انا اتجرع القهر والغبنة كل يوم هناك قلت لك مابخليك تتركني هذا ذنبك انت اللي عرضت تربيني من كنت صغير مسؤوليتك تتحملها للنهاية فاهم تتحمل يعني تتحمل..غطى عيونه اللي انسابت منها دموعه وبينت مقدار الامه المكتومة بيده اليمين وكتم شهقاته اللي طلعت بصوت أنين وغطى فمه بيده اليسار عشان يكتمها اكثر لكن مافيه فايدة فضحته دموعه وشهقاته.. أسامة:..اللي انفجع اول مرة يشوف سلمان بهالحالة قام وحضنه ويمسح عليه..بِسْم الله بِسْم الله عليك وش فيك وش صاير معك اول مرة اشوفك بذا الحالة وش اللي مضيق خاطرك سلمان:..دف اسامة عنه وبدموع تنزل ماوقفت..خلاص ماعاد اتحمل تعبت وش اسوي اكثر من كذا محد يسمع لي محد حاس باللي فيني..يضرب صدره..آه موجوع موجوع داخلي يتقطع كل يوم يتقطع..شهق ومال.. أسامة:..لحقه ومسكه قبل يطيح وبخوف..سلمان سلمان سلمان:..دخل في نوبة النوم.. ((يوم جديد)) (بيت أسامة) أسامة:يالله يالله يابطل قوم صح النوم سلمان:..دفن راْسه بالمخدة..اممم ابي أنام أسامة:تراك متأخر على دوامك سلمان:..فز..اليوم الفرز لازم اروح بدري..يجري لدورة المياه.. اسامة:شوي شوي لاتطيح سلمان:..دخل الحمام زلق وطاح صقع راْسه بالأرض يتوجع..آه آه اسامة:..سمع صوت الطيحة جرى يدق الباب..سلمان سلمان انت طيب تقدر تتحرك سلمان:..يتوجع ويكتم ألمه..ايه ايه طيب مافيني شي (بيت ابو سلمان) ~~ع الفطور~~ ام فارس:..تحط اكل بصحن القنوع مدته لها.. القنوع:..أخذت صحنها وصارت تبعد الجبن.. ام فارس:..عقدت حواجبها..القنوع يمه احسني النعمة وراك تبعدين الجبن القنوع:مالي نفس فيه فرات:..اتسعت عيونها..لا لا مستحيل قنوع اللي تشرب الجبن ماتحبه غريبة صراحة