ياجرح زماني عجل بالشفاء ترى دواء علتي هو نفسه الطبيب - الفصل 19 - بقلم مؤلفه - مكتملة | روايتك

فرات:..ابتسامة خوف اعتلت وجهها وبشك..مستحيل يسويها صدق يلعب علي سعد:..يسوق بسرعة جنونية وبخوف.. يامجنون بتذبح نفسك عشان بس تصدقك وليتك تكذب عاد..ضحك.. لعيونها أصير مجنون..أسرع زيادة.. فرات:..عينها عليه وبتردد..يمزح مو من جده الحين بيوقف السيارة سعد:..يقرب اكثر وأكثر من الشجرة مابقي الا شي بسيط جدا ويصدم.. فرات:..ضغطت ع زر اللاسلكي وبصراخ..صدقتك صدقتك وقــف خلاص وقــــف سعد:..بآخر لحظة مابينه وبين الشجرة مسافة تذُكر لف عنها.. ::لكن للأسف لمست السيارة الشجرة وبدت تتقلب السيارة قدام عيون فرات::: فرات:..بصراااااخ..ســـــعــ� �ـد (بيت سلمان) ~~غرفة النوم~~ سلمان:..رمى نفسه عالسرير وبتعب..آآآه أخيرا القنوع:..تناظره بحقد وتهمس..أوووووووووش سلمان:..يهمس..آسف آسف القنوع:..حطت لورا عالسرير جنب سلمان.. سلمان:..مد يده لها.. القنوع:..ناظرته بتردد.. سلمان:..أشر لها بعيونه على يده وابتسامة تعب مرسومة على ملامح وجهه.. القنوع:..تمددت على يده ولورا بينهم بهمس..كيف مااتصلت ولا حتى مرة وحدة تتطمن على بنتها كيف ماانشغل بالها على بنتها سلمان:..حط يده الثانية على عيونه وتكلم بنبرة هادية تحكي كل التعب اللي فيه..استغلالية من عرفتها وهي استغلالية القنوع:..تناظره بزعل.. باقي ماسامحتك سلمان:..ابتسم وبهمس..ادري ادري لكن هالشي يثبت ان الموضوع فيه شي غلط القنوع:..عقدت حواجبها تفكر بكلامه وتعيد تقييم الوضع كله.. سلمان:..شبه نايم..انسي كل شي وخلّينا نرتاح نامي ولاحـ..راح بسابع نومة.. القنوع:..ناظرته وده تصدقه تتمنى يكون صادق غمضت عيونها وبنفسها..اللي يكذب مرة يعيدها مرات..تنهدت.. أحسن لي أنام ~~عند فرات~~ فرات:..بعد مامشت مسافة حتى توصل لسعد اللي داخل السيارة المقلوبة وصلت له فتحت باب السيارة وبوسط رعبها..يارب مايكون صار له شي يارب مايكون مات..نزلت راسها لمستوى شباك السيارة اللي صارت مقلوبة على تحت حتى تقدر تشوفه لكن يوم شافته ارتعبت من منظره كله مغطى بالدم والمكان اللي مافيه دم كله كدمات نادته.. سعد سعد تقدر تتكلم او تتحرك سعد:..فاقد وعيه مايرد.. فرات:..أخذت نفس مسكته غمضت عيونها وسحبته بأقوى ماعندها وطاحت وطاح معها بكت هالمرة..سعد سعد سعد:..مايرد.. فرات:..سحبت جوال سعد وفتحته واتصلت على أبوها.. ابو سلمان:..رد..هلا سعد فرات:..بصوت كله بكى..يـــــــبــــــه إلـحـقـه بـيـمـوت!!! ((بالمستشفى)) ~~صالة الانتظار~~ ام سعد : ..منهارة من البكى.. ام فارس: ..جالسه جنبها تهديها.. الله يقومه بالسلامة لك ويحفظه ان شاء الله مو بصاير الا الخير ام سعود:..جنبها وتمسح عليهاوتسمي..مافيه شي ان شاء الله وبتشوفين سعدوني بيقوم قدامك وبيشاطنك وقولي مها قالت ام فيصل:..حابسة دموعها..ماعليك يااختي ان شاء الله بيكون طيب وبيقوم لك بالسلامة ساندرا:..بنفسها..لمَ علي أن أشاهد هذه الدراما..تنهدت ثم ابتسمت..أريد فقط ان أرى ذاك الوجه الوسيم أبو سلمان:..بعد مااخذت الشرطة الاقوال من الكل واقف عند أم سعد يهديها.. ياأم سعد الولد طيب ان شاء الله مافيه شي لاتشيلين هم دامه طلع من السيارة معناته انه بخير الحمدلله لاتخافين وانا اخوك <عند البنات> فرات:.. عبايتها كلها غبار ودم سعد اللي نشف بيديها و بوسط صدمتها ساكتة بدون اي تعبير.. سماهر:..تمسح على ظهرها..لاتخافين ان شاء الله مافيه شي بيقوم طيب اكيد كلها جروح وكدمات وبيطلع معنا نور:ايه صح ان شاء الله طيب وبيروح معنا للبيت غدير:..ناظرت حالتها اللي تجيب الكآبة.. قومي معي نروح دورات المياه تغسلين يديك ووجهك قومي يالله فرات:..ناظرت يديها شافت الدم وصارت تمسح يديها بعبايتها بقوة..لا لا مابيموت بيرجع معنا هذا مو دم ذي لعبة يلعبها معي..ابتدت دموعها تنزل وبنفسها..أنا السبب كل اللي صار بسببي ليه ماقلت له اني مصدقته بس أكابر ليه قعدت أعذبه وأتذلذ بتعذيبه اعترف لي ومع انه اعترف طنشته أنا السبب باللي يصير كله الحين..بدت تزيد هالدموع وتخالطها شهقات الندم تحاول قد ماتقدر تكتم هالشهقات.. سماهر:..أخذتها بحضنها..ياعين أختك الله يجبر بخاطرك أكيد اللي شفتيه قدامك مو بهين الله يقومه بالسلامة وتشوفينه قدامك مافيه الا العافية ويطيب خاطرك نور:لاتخافين ذي غيمة كدر وتنجلي ان شاء الله الدكتور:..جاهم..عايلة المريض سعد :::تجمعوا عليه بوجيه مكتسيها القلق::: الدكتور:الحمدلله كل شي سليم كل اللي كان محتاجه شوية غرز براسه وكسر بيده ورضوض وكدمات بجسمه وارتجاج طفيف ام سعود:..قاطعته بعصبية..الله أكبر عليك كل اللي قلته وتقول مافيه شي عبدالله:..مسك أمه من يدها يبعدها عن الدكتور..يمه اسكتي شوي خليه يتكلم ام سعود:..سحبت يدها منه وكملت كلامها..انطم انت مالك شغل..ناظرت الدكتور..وانت اسمعني زين بتعيد تحاليلك كلها ودكتور غيرك بيتابع تحاليله كل ذَا الهرج اللي قلته وتقول مافيه شي اهب ياوجهك ماتخاف الله لازم تشوفه مقصوص نصين قدامك عشان تشوف فيه شي ابو سعود:..بنبرة حادة..أم سعود ام سعود:ماني ساكتة ولا واحد فيكم تكلم اجل نموت بحسرتنا وهو مو داري عن شي ابو سلمان:.قاطعها بعصبية.ام سعود اسكتي خليني أكلم الرجال.لف عالدكتور.يعني الولد طيب ام سعد:.هذا السؤال اللي كانت تبي تسأله نشف دمها وهي تنتظر معلقة عيونها بخوف عالدكتور. الدكتور:كل شي سليم الحمدلله ممكن يعاني من صعوبة اكل كم يوم لكن بيخف ان شاء الله وكل شي يبي له وقت حتى يتعافى ام سعد:.بكت وسجدت شكر لله. ابو سلمان:تنهد بارتياح.الحمدلله يارب لك الحمد (بيت أبو سلمان) ساندرا:.دخلت وطلعت الدرج بسرعة. ام فارس:.دخلت.بسم الله.تتنهد.الحمدلله اللي سلمه يارب لك الحمد أبو سلمان:.داخل وراها شايل الأغراض.بِسْم الله ام فارس:.عقدت حواجبها مستغربة من شافت غرفة المكتب مفتوحة لفت على ابو سلمان..انت تركت مكتبك مفتوح ابو سلمان:.عقد حواجبه مستغرب من سؤالها..أكيد لا ام فارس:.وهي وهي متجهة للمكتب.أنا متأكدة قفلت الباب وقفت وانقلب وجهه من شافت المكتب مقلوب وحايس وبخوف.يمه عيالي.طلعت الدرج تجري. (بيت سلمان) ساندرا:.شافت الباب مفتوح عقدت حواجبها مستغربة دخلت تلفت ماشافت أحد. ~غرفة النوم~ ::القنوع نايمة على يد سلمان ورايحين بسابع نومة ولورا وسطهم نايمة براحة:: ساندرا:.فتحت الباب بشويش ودخلت ضحكت بقهر وبنفسها..حقا هل هذا ماقمتي بفعله أيتها الصغيرة المزعجة جعلتيهما يتصالحان معا حقا..تناظر بحقد.. أيتها الفتاة السيئة سأقوم بقتلك لا أعلم لمَ لم أفعل حتى الان لكني سأقوم بها يوما ما لن تعيشي طويلا أعدك..ناظرت القنوع وصرت ع أسنانها..وهذه الأفعى اللي تنشر سمومها حول زوجي سأتخلص منها نهائيا..خرجت وهي مبيتة نية الشر لهم. ام فارس:.قابلتها ع باب البيت وبقلق..ساندرا ساندرا:.عدت من جنبها بدون ماتعبرها. ام فارس:.خافت زيادة مشت بسرعة وتجرأت ودخلت غرفة النوم شافتهم تنهدت براحة..الحمدلله..ابتسمت لا شعوريا وهي تشوفهم نايمين وبنفسها..الله يصلحكم لبعض ويكتب لكم اللي فيه الخير..أخذت لورا من عندهم وخرجت. (بالطيارة) ::فارس جنب الشباك وليالي عالطرف:: فارس:.حاط الكاب على وجهه ونايم. ليالي:.تنهدت بطفش ناظرت فارس شالت الكاب عن وجهه وبدت تلقط سلفيات لها معه ناظرت صورهم..بِسْم الله علينا كوبل يجنن واه واه بس باقي وضعية وحدة..ترددت وبنفسها.ليه الخوف.جهزت جوالها فتحت الكام وأخذت نفس ثم زمت شفايفها وقربتها من خده لآخر حد تقدر عليه رفعت جوالها تستعد تبي تأخذ الصورة. فارس:.حس بأنفاسها تلفح على خده فتح عينه ولف عليها. ليالي:.انصدمت وفزت من مكانها تعثرت بطرف يد الكرسي وطاحت ع الارض. فارس:.يناظرها مصدوم ثم كسر صوت ضحكته الجو الصامت اللي يغطي الطيارة.. فارس:..يناظرها مصدوم ثم كسر صوت ضحكته الجو الصامت اللي يغطي الطيارة .. ليالي:..تتلفت أكلها الاحراج ووجها صار أحمر من كثر ماهي منحرجة ومفتشلة.. فارس:..حاول يكتم ضحكته قام من مكانه ومد يده لها ويكافح عشان يمسك هالضحكة.. ليالي:..ناظرته بزعل دفت يده وقامت وجلست مكانها ولفت وجهها عنه.. فارس:..جلس مكانه يناظرها وبضحكة..ليالي عسى ماتعورتي ليالي:..بزعل من دون ماتناظره..بدري صح النوم كان نشرت فيديو بعد مابقي احد ماالتفت لي بسبب ضحكتك فارس:..بابتسامة..والله مو قصدي طلعت الضحكة لاشعوريا ليالي:..ماردت.. فارس:..يدق كتفه بكتفها وبدلع..لولو ليالي:..وقف قلبها لفت عليه مصدومة مو مصدقة اللي سمعته وحست بحرارة ووجهها صار أحمر..يــمـــه فارس:..عقد حواجبه..وش فيك ليالي:..ماردت تحاول تكتم فرحتها لايكشفها.. فارس:..بخوف..وش فيك يابنت لايكون تعورتي صدق وش فيه وجهك انخطف ليالي:..لفت وجهها عنه..مااافيني شي ((بالمستشفى)) ~~غرفة سعد~~ أم سعد:نامي يابنيتي نامي فرات:وانتي ياعمة نامي ارتاحي شكله مطول بنومته..عضت طرف شفتها وبنفسها..يالخبلة.قصدي ياعمة ان البنج مو فاك عنه قريب ام سعد:أدري وش قصدك مايحتاج تقولين لو انك رحتي مع اهلك وتريحتي بغرفتك احسن لك من هالضيقة فرات:لا والله ياعمة ماأروح واخليك لحالك ام سعد:الله يعطيك العافية يالله عاد ارتاحي حتى انتي تعبانة مثله فرات:لا والله ان تنامين انتي وترتاحين ام سعد:مااقدر ياعيني والله مااقدر بعد كل اللي صار مابقدر انام لحد مايفتح عينه ويكلمني فرات:بنتناوب ياعمة لازم تريحين لاتنسدحين جنبه ام سعد:..ضحكت..طيب طيب تناوب يمه من لسانك مثله فرات:..بابتسامة فيها تعب..لسى ياعمة ماشفتي شي ((يوم جديد)) (بيت سلمان) ~~غرفة النوم~~ القنوع:..نايمة على طرف السرير فتحت عيونها وهي بحضن سلمان ووجهها بوجه.. سلمان:..يسرق اللحظات يتأملها والابتسامة مرسومة على وجهه.. القنوع:..فزت لورا طاحت من السرير.. سلمان:..مسك يدها.. القنوع:..طاحت عالارض لكن راسها ماتعور لان سلمان لحقها.. سلمان:..جلس يناظرها وبخوف..بِسْم الله عليك تعورتي القنوع:..تناظره بحقد وهي جالسة عالارض..لااااتنام جنبي مرة ثانية ..قامت.. (بيت ابو سلمان) < الصالة> ~ع الفطور~ سلمان:..داخل..صباح الخير القنوع:..وراه..السلام عليكم ام فارس:..تفطر..هلا حياكم الله وعليكم السلام صباح النور تعالوا تعالوا ساندرا:..تطالعهم بنظرات من فوق لتحت حطت لقمتها بفمها مقهورة.. ابو سلمان:..بابتسامة يناظر القنوع..هلا وعليكم السلام حي الله بنيتي القنوع وسلمان جلسوا جنب بعض:: ابو سلمان:أقول ياأم فارس ترا العشا بعد يومين ان شاء الله عندنا بسلامة سعد ورجعة العيال ام فارس:حاضر ان شاء الله ابو سلمان:ترا العيال وصلوا الحمدلله واكيد ان عندك خبر بس تراني علمتهم مايجون يرتاحون اليوم وبكرة يجون ان شاء الله ام فارس:اي والله خلهم يتريحون تعبوا من الطيارة لهم يومين سلمان:اقول يمه وين فرات ابو سلمان:ايه مو انت بس نايم ماتدري وش صاير بالدنيا حولك سلمان:..ناظر ابوه وتنهد ثم لف لامه..وش اللي صاير ام فارس:أمس سعد صار له حادث والحمدلله ربي سلمه وعمتك وفرات عنده سلمان:الحمدلله على سلامته مايشوف شر ام فارس:الله يسلمك ((بالمستشفى)) سعد:..جالس على سريره يأكل شوي ويتوجع شويات وبوسط الامه يسرق نظرات لفرات.. ام سعد:..امه بجنبه ..انا بنزل اجيب لنا شوية أغراض من تحت فرات:..جالسة على الكنبة..لا ياعمة لاتنزلين قولي ايش تبين وانا بنزل أجيبها ام سعد:أغراضي مايعرفها احد غيري خليك بس..خرجت.. سعد:..على طول نزل الملعقة..آه آآه يـدي فرات:..قامت راحت له وبقلق..وش فيك انادي الممرضة سعد:..مد بوزه..وليه الممرضة وانتي عندي أبي آكل ويدي توجعني..أشر ع يده الثانية المجبسة بعيونه..وذي مثل ماتشوفين واعتقد واضح السبب فرات:..بنفسها..يمه منه استغلااال استغلااال..جلست قباله عالسرير وتأكله.. سعد:..متشقق من الوناسة وبتردد..ها سامحتيني صدق فرات:..عينها بالأكل..انت عارف ان طريقتك ابتزاز صح سعد:طيب كل اللي صار فيني وباقي ماسامحتيني..عيونه عليها بقلق ينتظر جوابها.. فرات:..بلامبالاة.. تستاااهل سعد:طيب استاهل مو مشكلة بس سامحتيني فرات:اممم سامحتك سعد:..ارتسمت ابتسامة على وجهه وحضنها..يعني خلاص قبلتي فيني فرات:..دفته وناظرته بتعصيبة..احترم نفسك لاتلمسني وانا لسى ماسامحتك من كل قلبي خصوصا الابتزاز اللي صار سعد:..يهمس وبزعل..حلال عليك تسوين اللي تبين وانا لا فرات:نعم قلت شي سعد:..بزعل..ابي سلطة هذا اللي قلته فرات:..كاتمة ضحكتها وأعطته لقمته وبنفسها..والله لأجننك ((يوم جديد)) (بيت ابو سعود) ~~ع الفطور~~ ابو سعود:اكيد انعزمتوا عالعشا بعد يومين ام سعود:ايه قصدك اللي عند ابو سلمان ابو سعود:ماشاء الله مايغيب عنكم شي ابد يالحريم الا وين عبدالله ماشفته اليوم ام سعود:هو وأخوياه بالمزرعة ريحوا وبيسافرون أبوسعود:وعلى وين ان شاء الله ام سعود:قال بيبلغني بعد عشا خاله غدير:ناس من ديرة لديرة وناس ختموا برامج الجوال كلها وبالبيت بعد ..تنهدت..لنا الله ابو سعود:..ماعطاها وجه..ايه الله يستر عليه الا ماقلتي لي يانور عندك شي بعد يومين؟ نور:..عقدت حواجبها..ايه عشا اهلي بس امر ياعم وش بغيت؟ ابو سعود:ابيك بشغلة سهلة يابنيتي تسوينها قبل تروحين ماتاخذ وقت منك عشر دقايق بالكثير سعود:..ناظر ابوه وبنفسه..وش قصد الوي من هالحركات..أخذ نفس..مو مشكلة اصبر شوي واتفاهم معه ام سعود:اترك البنت تساعد اهلها قولي وش تبي انا أسويه لك نور:لا ياعمة مو مشكلة انا أسويها لعمي (بيت سلمان) ~~غرفة النوم~~ سلمان:..جالس عالسرير ماسك الصورة يناظرها يفكر وبنفسه..وش سر هالصورة وهالارقام وش مغزاها وش اللي يبي يوصله لي وش افهم من هالصورة..بعثر شعره بقوة..يـــووووه ماعاد ادري خلاص <دورة المياه> القنوع:..تنشف شعرها عقدت حواجبها تفكر..لا لا لا مستحيل..ضحكت..ليه القلق والتوتر باقي باقي..أخذت نفس..خليني اركز كيف بتصرف بالعزيمة اكيد بتشرف وتتشمت (بيت ابو سلمان) ~~بالصالة~~ ام فارس:حياالله الضيوف فارس:..جالس قبال امه..وش ضيوفه يمه مروان:..بينه وبين فارس مسافة..يمه الله يهديك وش ضيوفه عيالي اشتقنا نسمعها ام فارس:ايه خلاص رحتم كنتوا عيالي فارس:لا الغالية زعلانة امي حبيبتي والله والله اشتقت اشتقت مروان:..قام وراح عندها وحط راسه على رجولها وتنهد..اه والله والله اشتقت يايمه اشـتـقـت لك ام فارس:ايه ايه اكذبوا علي ولا واحد منكم اتصل وقال كيفك فارس:..قام وجلس جنبها ومسك يدها ويمسح عليها.. يمه كل يوم بكل لحظة أصور وارسل لك مروان:..ناظرها..وانا بعد ام فارس:بالله اللي ترسلينها صور سنعة واحد يرسل صور أكل كل شوي او يصور يده مع الاكل وليته باين فيه الاكل والثاني يرسل صور تروع مرة محول عيونه ومرة مصور اسنانه وهو يمعجنها ومبتسم بعد الله يخلف علي بس عيال وش اقول بس ..تنهدت.. فارس:..ضحك..يمه وش اللي تروع ابيك تضحكين وتوسعين صدرك ام فارس:وش لون أوسع صدري وانا توي صاحية من النوم وافتح الصورة كويس ماوقف قلبي مروان:..ضحك.. فارس:..ضحك.. ام فارس:..بزعل..ايه عساكم تونستوا سلمان:..داخل..أفا من اللي مزعل الغالية كل شي الا امي عاد ام فارس:..دفتهم عنها..هلا والله هلا بعيني اللي يصبح ويمسي علي فارس:..مسك يد امه مرة ثانية ويمسح عليها..يمه سلمان:..سلم عليها ودف مروان وجلس جنبها حط يده عليها..كل شي ولا زعلك كلهم يزعلون بكيفهم الا انتي ام فارس:..تناظره وبابتسامة..الله لايخليني منك ياولدي سلمان:..انسدح على رجلها ودف مروان برجوله ومددها وسحب يد امه من فارس وحطها بحضنه..اه يازين هالمكان ليتني عرفته من زماااان ام فارس:يفداك هالمكان يايمه هالمكان من اليوم لك لحالك فارس:اقول ماكأنكم زودتوها سلمان:كيفي انا وامي حرين ليه اللقافة مروان:..بزعل..يمه شوفي سلمان يدفني برجوله ام فارس:كيفه اخوك الكبير بكيفه يسوي اللي يبغاه مروان:يمه طيب حتى احنا نبي تعاملينا بمساواة..بترجي..يمه ابي ارجع مكاني فارس:يمه هو عندك طول الوقت حنا لا نبي ناخذ شوية حنان ام فارس:عندكم حريمكم سلمان:..ضحك.. مروان:..بقهر..يمه!!!! سلمان:..يعدل سدحته وبابتسامة..يالله كل واحد يذلف لحرمته فارس:..بقهر..يمه حتى هو عنده حرمته ولا مو وحدة ثنتين..سكت وعض شفته بندم.. مروان:..ناظره بعصبية.. سلمان:..انقلب وجهه وقام جالس تنهد..عالعموم انا وراي شغل كثير بروح احجز الاغـراض للعزيمة..ناظر ساعته.. أوه تأخرت عن اذنكم..خرج.. ام فارس:..لفت على فارس وعيونها تنطق باللي تبي تقوله.. فارس:يمه والله والله ماكنت أقصد طلعت الكلمة بدون قصد والله مروان: اللي قلته غلط ولازم تعتذر فارس:طلعت وخلاص اكيد عارف اني ماكنت قاصد ام فارس:أساسا انت ايش دراك وحنا مانطقنا لكم بكلمة فارس:بالله يعني بأدري من مين من عبدالله هو اللي قالنا بالقروب وضاف شوية بهارات للسالفة ام فارس:..بعصبية.. الله المستعان بس الله المستعان [بعد يومين] (بيت ابو سلمان) <العزيمة> ~الرجال~ سلمان:..بزعل..ليه رحت بدوني أسامة:رحت وخلاص سلمان:أول وآخر مرة أسامة:مااحب اي احد يشوفني وانا بهالحالة سلمان:لكن انا مو اي احد أسامة:خصوصا انت سلمان:ليه طيب اسامة:ابي تظل صورة اسامة القوي الطيب في بالك ماتتغير سلمان:انت بتظل بذاكرتي بأحلى صورة لكن لاعاد تتكلم بصيغة الماضي مرة ثانية أسامة:..يتهرب..ان شاء الله ان شاء الله سلمان:ماتروح بدوني مرة ثانية أسامة:طيب ان شاء الله ~~الحريم~~ ام فارس:حياكم الله والحمدلله على سلامة سعد يانوار ام سعد:الله يسلمك ولايوريك مكروه يغالي والله يعطيك العافية ماله داعي الكلايف ام فارس:كلايف ايش الله يهديك هذا ولدنا وهاذي صدقة سلامته عسى ربي يحفظه ام سعود:كيفه عساه احسن ام سعد:الحمدلله احسن بكثير من اول الحمدلله ام فيصل:ها تراكم بكرة كلكم عندي الله يحييكم على سلامة سعد ام سعود:خيرك سابق ياأم فيصل لكن عندي بكرة حيـ ام فيصل:..قاطعتها..لا والله سبقتك انتي خليها اليوم اللي بعده ام سعد:..قاطعتهم..لا انتي ولاهي كثر الله خيركم وماتقصرون انا وافقت لأبو سلمان عشان رجعة العيال بالسلامة لكن اتركوا الولد يرتاح وبعدها سلامته ببيتي أنا أول وبعدها يصير خير نور:..داخلة.. السلام عليكم :::بعد ماسلمت:: نور:..جلست جنب فرات.. فرات:..تهمس لها..وش فيك تـأخـرتـي على أساس جاية بدري تساعديني نور:..متنرفزة..اوووص لاتسألين الله يخليك فرات:..مستغربة..ليه نور:..بتعصيبة..كان عندي شغل فرات:كان أجلتيه لبكرة وجيتي تساعديني نور:لو قدرت كان جيت بس الموضوع مو بيدي فرات:بنت ناظريني نور:..ناظرتها.. فرات:وش فيك وش اللي يصير معك نور:ولاشي مو صاير شي لاتفتحين مواضيع تسد النفس <<بحديقة البيت>> القنوع:..جالسة عالطاولة تتقهوى.. ساندرا:..جاية لجهتها ومعها كوب الشاهي.. ::الحوار بالإنجليزي:: ساندرا:..بابتسامة..مرحبا القنوع:..بالقوة تبتسم..اهلًا ساندرا:..جلست قبالها وبابتسامة..امم ماذا تفعلين وحدك هنا؟!..تشرب من كوبها.. القنوع:..بنفسها..يارب صبرك ع الملاقيف..ابتسمت لها..لا شي اريد بعض الهدوء ساندرا:..تكت بيدها عالطاولة وحطت كوبهاوبابتسامة..هل أستطيع ان أصارحك بشي القنوع:..بنفس ابتسامتها..لا أكره تكوين صداقات جديدة ساندرا:لاتقلقي بشأن هذا الامر لاني لااريد ان أكون صديقتك ايضا..بابتسامة..واااو هذا جميل نتبادل نفس المشاعر القنوع:..اكتفت بأنها تناظرها وتشرب قهوتها ولاترد.. ساندرا:انا لا أحب وجودك في حياتنا اقصد انا وسام اريد ان ترحلي ورجاءا ارحلي للأبد القنوع:..بتحدي..لاتحلمي بذلك لن اذهب من جانبه ابدا قبل ان ترحلي اولا ساندرا:..تنهدت واعتدلت بجلستها..لقد نصحتك لم ارد ان استخدم طرق ملتوية معك لذلك انني اسفة مقدما..كبت كوب الشاهي على نفسها.. القنوع:..ضحكت.. ساندرا:..عقدت حواجبها..لمَ تضحكين القنوع:..بضحكة..هل ستقومين بالصراخ الان وتقولين اني الفاعلة صحيح ساندرا:..صفقت وبابتسامة..انتي مذهلة يافتاة لدينا نفس العقل الاجرامي القنوع:في الواقع انا أفضل منك قليلا عليك ان تجعليه يبدو حقيقيا ساندرا:..عقدت حواجبها مافهمت.. القنوع:..قامت من كرسيها فتحت ترمس القهوة واتجهت لساندرا وكبتها عليها.. ساندرا:..اعتلى صوت صراخها من الالم.. ~الرجال~ فارس:..شايل لورا..بالله ماتشبهني مروان:..يدفه..وخر بس وخر تشبهني واااضــح سعود:لا انت ولاهي شكلها طالعة لامها عبدالله:أمداكم تحللون بزر مابانت ملامحه..سمعوا الصراخ.. سعد:..يحك أذنه..شكل الارتجاج عندي مو طفيف سمعت صوت فيصل:بِسْم الله الرحمن الرحيم سمعتوا سعد:..تنهد براحة..الحمدلله يعني مافيني شي عبدالله:ماكأنك صاير لك حادث قبل كم يوم منصور:..بعصبية..اذكر الله يارجال عبدالله:لا اله الا الله ~~الحريم~~ ام فارس:بِسْم الله ام فيصل:..قامت..وش تنتظرون لايكون احد طايح عليه شي وحنا جالسين هينا