الفصل 18
جمانة:وش فيك صاير بينكم شي
مروان:لا ابدا
جمانة:وش تسوون عادةً
مروان:..بسؤالها قلبت مواجعه..عادي مافي شي محدد نتفق عالبنات نمقلب الشباب وكان يسكتني اذا جيت ارد عالدكاترة ويآخذ حقي اذا أحد غلط علي وبذي الحالة اضطر أساعده..ضحك..وبالنهاية ابوي يجلدنا احنا الاثنين
جمانة:ليه احسك تتكلم عن ماضي هذا انتم موجودين الله يديمكم لبعض
مروان:لا انا قصدي بحكم انه شي صار وانتهى وان شاء الله الجايات اكثر
(بيت ابو سلمان)
~~عالفطور~~
ام فارس:فرات شفتي اخوك
فرات:لا ماشفته
ام فارس:القنوع سلمان رجع البارح
القنوع:..بدون اهتمام..ماادري عنه
ساندرا:..دخلت لابسة فستان موف فاتح ميدي ناعم جدا ونطقت بالعربي المكسر مع ابتسامة على وجهها.. صباح الخير
القنوع:..ناظرتها من فوق لتحت وكملت أكل بدون ماتنطق اي كلمة..
ام فارس:..بقلق..اقول ساندي شفتي سلمان البارح
فرات:..ضحكت..امي ساندي شغلتنا القديمة
القنوع:..ضحكت..
ساندرا:..عقدت حواجبها ماندري ليش يضحكون وفوق ذَا مافهمت ايش تقصد..
القنوع:يمه سيارته مو موجودة معناته مارجع من خرج
ام فارس:يمه وين راح لايكون صار للولد شي بِسْم الله عليه يارب احفظه يارب
ابو سلمان:..دخل..احسن جعله مايرجع
ام فارس:اعوذ بالله منك انت مافي بقلبك رحمة كأنه مو ولدك ليتك سكت بس..قامت من عندهم تتصل عليه لكن للأسف مايرد..
(فارس وليالي)
~~بالملاهي~~
ليالي:..بقمة حماسها..تكفى ذي بس ذي
فارس:صاحية انتي طلعت معك ألعاب مستحيل ألعابها لو ايش يصير بس عشان خاطرك
ليالي:..بنفس حماسها..ياالله عاد لاتصير خواف فرصتنا ذي بعدين ماندري نرجع هينا او لا
فارس:..يناظر اللعبة بخوف..لا مستحيل تبينا نموت
ليالي:الله أكبر كل ذَا الناس طلعوا ماصار لهم شي
فارس:طيب بس بشرط
ليالي:وشو
فارس:تكون اخر لعبة
ليالي:ان شاء الله..مسكته بيده..يالله
(مروان وجمانة)
~~بالحديقة~~
جمانة:أنا أحب الهدوء
مروان:نعم؟!
جمانة:..ناظرته..ماسألتني وش اللي أحبه
مروان:..ابتسم..صحيح ماسألتك وش اللي تحبينه؟
جمانة:أحب الهدوء أحب أتأمل يعني عادي أقعد بمكان فيه لوحات 4ساعات ماعندي مشكلة اهم شي يكون كل شي حولي هدوء
مروان:أحب الهدوء مثلك لكن ماأمانع أبدا الإزعاج أحب يكون فيه أحد حولي يزعجني أصارخ عليه وينرفزني زيادة
جمانة:تقصد فارس
مروان:ايه
جمانة:..تنهدت..شكله بالنهاية فارس بيكون زوجتك الثانية
مروان:..ضحك وعينه بعينها..لكن انتي حياتي..شال عينه عنها..اممم حياتي بعد
جمانة:..ناظرته بزعل..
مروان:..ضحك..بس انتي غلاتك غير
((الشركة))
~~قسم سلمان~~
::مكتب خالد::
خالد:سلمان التقرير لازم يجهز اليوم بكرة العرض الأولي
سلمان:ان شاء الله بيكون جاهز عالوقت لكن ابي رخصة اليوم للساعات الاخيرة
خالد:تفاهم مع رائد هو اللي عنده الرخص
سلمان:ايه داري بس قلت اعطيك خبر
(بيت ابو سعود)
~~ع الغدا~~
ام سعود:ماشاء الله تسلم يدك يانور
غدير:فعلا الاكل لذيذ وش رايك تمسكين دوري لمَ امي تطردني اطبخ
ام سعود:لا والله حلفت عليك من كثر ماتطبخين عاد
نور:ها ياعم عسى عجبك الاكل
ابو سعود:اممم ناقصه شي بس لابأس فيه توقعت تكونين مثلك امك طباخة صدمتيني
نور:..تغير وجهه..
ام سعود:..عقدت حواجبها وتغير الموضوع..الا سعود وينه
نور:..بابتسامة مرتبكة..سعود بدوامه بيتأخر اليوم
(بيت ابو سلمان)
ام فارس:ياربي هالولد ليه مارد..اتصلت مرة ثانية..
سلمان:هلااا
ام فارس:..بصراخ..وبعدين معك
سلمان:..وخر السماعة عن أذنه..اسف والله اسف كنت مشغول شوي
ام فارس:وينك مارجعت البارح وين نمت أكلت وليه ماترد علي ليه تختفي فجأة وينك
سلمان:..بوجهه اللي تغير من حزن وخالطه فرح ان فيه احد فكر فيه وبصوت خانقته العبرة..توقعت ان محد بيفقدني
ام فارس:لو ضاقت بك الدنيا تذكر اني موجودة وبكون بصفك وايش يصير ماراح اصدق الا انت ياولدي فقدتك طول السنين اللي راحت وانا ماعرفتك ويوم عشت بيننا تبيني ماافقدك ارجع يايمه ارجع انا انتظرك
سلمان:..يحاول يحبس دموعه لاتنزل..
ام فارس:انا مابتغدا اليوم الا وانت قدامي بجهز لك كبسة يحبها قلبك
سلمان:طيب..تذكر..اه لا مااقدر اجي اليوم تغدي يمه لاتنتظريني
ام فارس:..بزعل..وليه ان شاء الله الشغل مو بطاير
سلمان:أسامة من زمان ماقابلته ووعدته بتغدا معه
ام فارس:..تنهدت..طيب لكن أنتظرك اليوم ع العشا
سلمان:يمكن ماارجع البيت اليوم
ام فارس:طيب على راحتك لكن لازم ترجع البيت وأشوفك
سلمان:ان شاء الله
(ليالي وفارس)
~~بالملاهي~~
::وقفت عربة القطار فوق السكة بأعلى قمة::
فارس:..مرعوب..لا وش فيها وقفت لايكون خربت
ليالي:..تصور سلفي معه وتصور نفسها ولاهامها شي.. ابتسم ابتسم عشان الصور تطلع تماااام
فارس:..بصراخ..اقولك خربت وانتي ولاهمك
ليالي:اللعبة توقف عادي تجهز بس الحين بننزل
::تحركت العربة بسرعة:::
فارس:..يصارخ مفجوع..تـوبـة يـاربـي تـوووبــة
ليالي:..بحماس تصرخ..ونااااااسة
::برا اللعبة::
فارس:..يلهث وجلس عالارض وصوته راح من كثر الصراخ..خلاص مشينا مشينا
ليالي:..بزعل..تو بدينا نستانس تقول يالله
فارس:..اتسعت عيونه بصدمة..وقبل شوي وعدك وين راح
ليالي:شف أنا بطلع ذيك اللعبة وانت ناظرني مو لازم تطلع معي بعد ماالعب بروح كوفي او مطعم نأكل ها وش رايك
فارس:ماشاء الله عليك لك نفس تتقهوين وتحلين وبعد تآكلين وقلبة البطن اللي تصير من دخلنا هالمكان
ليالي:بطني ولا بطنك
فارس:..ناظرها بصدمة وبنفسه..وش ذَا نفس حركات فرات
(بيت ابو سلمان)
~~غرفة ساندرا~~
لورا:..تبكي..
ساندرا:..تمشي فيها وبالبرتغالي..ألن تكفي عن البكاء يكفي يكفي..مسكتها وحطت وجهها بوجه الصغيرة وبصراخ..يكفي قلت لك أيتها المزعجة
لورا:..بكت زيادة..
ساندرا:..ضحكت بقهر..لن تصمتي اذا ايتها المزعجة اصمتي وإلا سأقوم بقتـ..قاطعتها دقت الباب فتحت..
ام فارس:السلام عليكم
ساندرا:..بعربي مكسر..مرحبااا
ام فارس:سمعت الصغيرة تبكي لايكون يوجعها شي
ساندرا:..عقدت حواجبها..أعلم بأنك تسألين عن الطفلة لكن لاأعلم ماتقصدين
ام فارس:لا حول وش يفهمها ذي..أخذت الصغيرة منها.. انتي روحي سوي سليب راحة نهي شغل أنا تيك كير بيبي مافي مشكل
~~بالصالة~~
فرات:وازيني وازيني سلم عيني
ام فارس:بِسْم الله ماشاء الله بِسْم الله ماشاء الله ياأختي عالبنات وازينهم سلم قليبهم
فرات:..رِن جوالها ناظرت الشاشة كشرت وقفلت..
ام فارس:..ردي عليه..
فرات:..عقدت حواجبها..مين؟
ام فارس:مين غيره يعني ادري انه هو اللي متصل ردي عليه احسن لك
فرات:برد عليه يمه وبعدين وش دراك انه هو
ام فارس:دامك ماتبينه ليه وافقتي عليه
فرات:الله يهديك يمه ومين قال ماابيه..بنفسها..هين بكسر عينه ذَا السعد
(بالشركة)
::قسم سلمان::
سلمان:..يتمدد..اخيرا خلصت..ناظر ساعته..يوه كذا بتأخر..نسخ التقرير عالفلاش وحطه يدرج مكتبه قفل كمبيوتره وخرج..
.........:..من ورا الباب يراقب وينتظر فرصة الغدر بصمت..
عند العيادة~~~
سلمان: ليه ماخليتني أمرك
أسامة:لااا مو مشكلة ماكثر الله إلا الأُجر
سلمان:وصل دورك او باقي
أسامة:الحين دورنا ان شاء الله..نادوا عليه..يالله دخلنا
((بالليل))
::بيت أسامة::
<عالعشا>
سلمان:..بفرحة.. شفت قلت لك ان شاء الله كل شي بيكون تمام
أسامة:..بابتسامة.. ان شاء الله
سلمان:ماراح أخليك تغيب عن عيني لازم تظل معي لحد مااموت أنا أول
أسامة:..ضربه على كتفه لكن هالضربة أوجعت أسامة أكثر وبزعل..لاتفاول على نفسك
سلمان:حسّيت بشعوري الحين خوفك علي هو نفس خوفي عليك
أسامة:أنا آسف بس لاتقول مثل هالكلام مرة ثانية انت قدامك الحياة الزينة ان شاء الله
سلمان:..ضحك وبكمية حزن..وينها الحياة الزينة ذي مامر يوم حلو الا وصارت مصيبة صرت أشك إن فيه حياة حلوة مكتوبة لي
أسامة:وش تقول انت؟!!
سلمان:..ابتسم..اللي ابي أقوله ان حياتي بدونك مو كاملة عشان كذا لازم تقاوم وماتيأس عشاني
أسامة:..مد يده عالاكل..
سلمان:..أخذ الصحن بحضنه..مافي انت لك الشوربة بس
اسامة:بس لقمة خلني اذوقه وداعية
سلمان:لا مو وداعية ان شاء الله بتطيب وتآكل كل شي وبطبخ لك بعد
أسامة:أوه بيدلعني أحلى شي دلع سلّوم ولا أروع
سلمان:أبشر بدلعك أحلى دلع
(يوم جديد)
::عالفطور::
القنوع:..نازلة بكامل أناقتها..
ساندرا:..تناظرها من فوق لتحت..
القنوع:السلام عليكم
ام فارس:وعليكم السلام ماشاء الله وش هالزين
فرات:على وين ان شاء الله
القنوع:عندي مقابلة عمل اليوم
فرات:..ناظرتها بصدمة..القنوع اللي ماتفكر إلا بجلسة البيت والرسم تبي تشتغل
القنوع:جلسة البيت تجيب المرض فقررت أشوف لي شغلة وصار الحمدلله
ساندرا:فعلا عزيزتي العمل مهم انه شـ
القنوع:..ماعطتها وجه..عن اذنكم
(بالشركة)
::قسم سلمان::
سلمان:..يفتح الكمبيوتر عقد حواجبه..وين الفايل..يقلب بكمبيوتره..لا مستحيل متأكد اني سيفته..فتح درجه..وين الفلاش وش اللي يصير كيف اختفى عرضي وش اسوي الحين
ناير:سلمان ياالله على الاجتماع..راح..
((غرفة الاجتماع))
خالد:والحين العرض الأولي تفضل سلمان
سلمان:..بلعثمة..صراحة مو عارف ايش اقول
خالد:تفضل نسمعك
سلمان:العرض جاهز وكل شي تمام لكن
خالد:طيب
سلمان:مالقيته اختفى والمشكلة اني حافظة عالفلاش بعد ولا لقيت الفلاش
خالد:اممم
سلمان:الحين كل اللي ابيه ساعة بس أنسق العرض بحكم ان كل المعلومات موجودة ومرتبة
خالد:لكن مااتوقع ساعة تكفيك
سلمان:بتكفي ان شاء الله
خالد:طيب بأعطيك ساعة واللي شفعلك انك موظف ممتاز ولاتقصر بشغلك لكن هالمرة بس وماراح أسمح لأي موظف يرتكب نفس الخطأ مفهوم
سلمان:مفهوم
سلطان:..تنحنح..ممكن اقول شي
خالد:تفضل
سلطان:انا عندي عرض جاهز كنت أجهزه على أمل اشتغل بهالمشروع كان نفسي اشتغل فيه
خالد:ممتاز أعرضه خلنا نشوف
سلطان:..شغل عرضه..
سلمان:..ارتسمت ملامح الصدمة على وجهه..
(بيت فيصل)
سماهر:فيصل
فيصل:عيونه
سماهر:صراحة كنت احاول أشغل نفسي عن التفكير بهالموضوع لكن مااقدر اتحمل اكثر لازم اقول اللي بخاطري أو أمرض
فيصل:بِسْم الله عليك خير وش فيك وش اللي صاير
سماهر:لك علاقة بالموضوع
فيصل:..عقد حواجبه..اي موضوع
سماهر:عارف وش اقصد
فيصل:لا والله مدري وش تقصدين
سماهر:تسنيم ارتحت
فيصل:لا اله الا الله رجعنا رجعنا قلت لك هالبنت ماعرفها والله
سماهر:..قاطعته..انا ماقلت انك تعرفها اللي أقوله مالك علاقة ابدا بتعبها
فيصل:أنا مااااالي علاقة بأي شي
سماهر:..تناظره بشك مو مقتنعة..
(فارس وليالي)
~~بالكوفي~~
ليالي:عادي أسأل
فارس:اسألي
ليالي:ليه احس خاطرك مكسور
فارس:وليه تقولين كذا
ليالي:قلبي يقول ان بداخلك حزن شي انكسر وانت تحاول تصلحه وتضغط على نفسك
فارس:..ضحك..شكلي متزوج دكتورة نفسية سلامات وش فيك
ليالي:..ناظرته بنص عين..والحين تغطي على كلامي بضحكتك
فارس:الحمدلله مافيني شي
ليالي: وش اللي مكدرك عادي قول وأوعدك اللي بتقوله بيظل بهالمكان وينمسح حتى من ذاكرتي
فارس:..تكى ع الطاولة..وليه مايكون كل ذي تهيأت
ليالي:اممم لا مستحيل عمري كله إحساسي ماغلط
فارس:الا بذي غلط يامدام
ليالي:مـسـتـحـيـل
فارس:ليه مايكون عشان انا توي ببداية التعارف وأحاول أفهمك واتعود على طبيعة تصرفاتك لهاالسبب وصلك هالاحساس
ليالي:مو مشكلة عاندني بس بالنهاية بتجي وتعترف لي
(بالشركة)
~~بالمقهى~~
سلطان:..يتقهوى وعلى وجهه ابتسامة مو قادر يخفيها من زود وناسته..
سلمان:..جلس على نفس طاولته وناظره..
سلطان:هلا والله بالزميل اللي مايعرفني ابد
سلمان:..ابتسم..عساااك مبسوط
سلطان:طبعا لازم أكون مبسوط بعد شوفة وجهك وانت متوهق
سلمان:غصب تنبسط لان السرقة والكذب مو شي جديد عليك
سلطان:اممم نقدر نقول نفس الشي بحااالتك
سلمان:..عقد حواجبه.امممم لا لا حبيبي لاتقارني بواحد خسيس مثلك
سلطان:..قاطعه..أفهمك حبيبي انت..تلاشت ابتسامته.. انت سرقت حلمي بعد ماصدمتها فيني وأخذتها تحت جناحك يالمواسي اللطيف وبكلامك المعسول ضحكت عليها وهي صدقتك وفتحت قلبها لك وتركتني بسببك..صر ع اسنانه..وماسمحت لي حتى أفسر موقفي
سلمان:..ضحك..آآآه صحيح أنا سرقت حلمك..باستعباط.. مسكين
سلطان:اللي صار لك اليوم نبذة فقط من الجاي وهذا رد بسيط على سرقة حلمي
سلمان:..ابتسم.. هالمرة بعديها لك لكن ان فكرت مرة ثانية تسوي اي شي يخص شغلي بعلمك اخلاق سلمان الحقيقية كيف تكون
سلطان:..قاطعه..ماتقدر تسوي شي انت بيدي انا محاوطك من كل جهة وحلمي بيرجع لي طال الزمن او قصر
سلمان:..ضحك..لو تموت مابتوصل لها ولاتتجرأ تحلم بأشياء مستحيل تكون لك..باستهزاء..عشان لاتتأثر وتنصدم حبيبي
(بيت سعود)
::رِن جرس البيت::
نور:لحظة..فتحت..هلا عمي تفضل حياك الله
ابو سعود:لا لا تسلمين بس جيت ابيك بشغلة اذا فاضية
نور:هلا عمي امر
ابو سعود:مايامر عليك عدو
(بيت ابو سلمان)
سلمان:..داخل..
ام فارس:هلا والله حي ذَا الوجه السمح
سلمان:..سلم عليها ومليان تعب..
ام فارس:بِسْم الله عليك وش فيك يمه
سلمان:مافيني شي تعب الدوام
ساندرا:..قابلته..مرحبا عزيزي لقد عدت هيا لنأكل معا
سلمان:..كشّر بوجهه وبنفسه..اخلص من مصيبة تطلع بوجهي المصيبة الثانية
ام فارس:..بابتسامة..عاد ساندرا ماتركتني اشتغل لحالي ساعدتني طول الوقت
سلمان:..باستهزاء..ايه واااضــح راعية واجب
القنوع:..داخلة..
سلمان:..ناظرها وده يكلمها رغم انها كسرت خاطره لكن للحين يحس بشوقه لها..
ام فارس:هلا يمه وش صار
سلمان:..عقد حواجبه..
القنوع:قالوا بيردون لي خبر
ام فارس:الله يسر لك يابنتي تعالي تغدي معنا
القنوع:لا ماابي
سلمان:وانا مالي نفس
ام فارس:مو بكيفك انت وإياها رح بدل وانا والقنوع بتجهز السفرة
(بيت ابو سعود)
~~غرفة المكتب~~
ابو سعود:..جالس حاط رجل على رجل عينه بملفاته ويسرق نظرات لنور..ايه نظفي زين أنا مااحب الشغالات يدخلون مكتبي اما ام سعود او البنات غيرهم لااا
نور:حاضر ياعمي..حركت الكتاب تمسح تحته..
ابو سعود:..عَصّب وبصراخ..وبعدين معك ماتعلمتي تنظفين لاتحركين شي ماقلت لك رتبي قلت نظفي ايه ماتنلامين طالعة على ابوك اللي عمره ماسنّع احد
نور:..انصدمت من ردة فعله وحبست دموعها وبصوت مهزوز..طيب ان شاء الله مااحرك شي
بيت أسامة)
أسامة:..يكلم بجواله..مشكور الله يعطيك العافية ماقصرت
دكتور أحمد:..تنهد..بس اللي طلبت اني أسويه أنب ضميري انت عارف لولا العلاقة اللي بينا كان مانفذت اي شي من اللي قلته لي
أسامة:..ابتسم..داري وانا ماراح اقدر اوفيك جميلك
دكتور احمد:هذا يعرض مصداقيتي كطبيب للمساءلة
أسامة:لاتخاف انا احتجت شوية وقت حتى افهم سلمان الوضع
دكتور احمد:انت كذا صعبة الوضع على نفسك انا أعطيته أمل وانت بتحطم هالامل الوضع جدا صعب
أسامة:لاتشيل هم اترك الموضوع علي
(بيت ابو سلمان)
القنوع:..جالسة وقبالها ساندرا..
ام فارس:..جالسة بين القنوع وساندرا..
سلمان:..دخل وتوجه تلقائيا وجلس جنب القنوع..
ساندرا:..فار دمها وبان على ملامح وجهها الزعل..
القنوع:..ناظرته بطرف عينها وكملت اكل بدون اي اهتمام..
ام فارس:..ناظرتهم بابتسامة وناظرت ساندرا وحست بجسمها قشعر من نظراتها لهم وبنفسها..الله يكفيكم شر الحساد ياعيالي
:::طول القعدة ساكتين محد نطق بكلمة:::
سلمان:..يشيل من الاكل ويحط في صحن القنوع..
القنوع:..تناظره مو عاجبها اللي يسويه زهقت منه ووقفت اكل..الحمدلله شبعت عن اذنكم
ام فارس:لحظة لحظة ابي اقولكم ترا ابو سعود عازمكم بالمخيم يومين وكلكم معزومين حتى انتي ياساندرا
ساندرا:..تحمست وارتسمت على وجهها ابتسامة..حقا هل سأرى المخيمات اللي قرأت عنها قبل ان آتي
سلمان:..قاطعها..أعتذر مااقدر اروح
القنوع:وانا بعد مالي نفس أقابل احد
ساندرا:..كشرت وبسرعة تحولت هالتكشيرة لابتسامة خباثة..
~~غرفة فرات~~
فرات:..ردت بزعل ع جوالها اللي أزعجها من كثر مايرن..نـعـم
سعد:الله ينعم بحالك
فرات:وش تبي
سعد:..بشوق..ابي اسمع هالصوت
فرات:..بطفش..سمعته خلاص ارتحت
سعد:..بتهديد..تأدبي يابنية
فرات:..بتحدي..وش بتسوي
سعد:..بابتسامة خبيثة..ترا بنكون بالمخيم يومين تبين أعيد الذكريات القديمة وهالمرة اذا عدتها بزيد الكيلة شوي
فرات:..قشعر جسمها..ماتقدر تسوي شي اصلا..قفلت..وجع
سعد:..ضحك وبتوعد..هين يابنت سعد
((يوم جديد))
(بيت ابو سلمان)
~~بالصالة ع الفطور~~
ساندرا:..داخلة لابسة فستان ناعم قصير فوق الركبة يتحرك مع خطواتها ويرتفع زيادة وبابتسااامة..قود مورننينق
سلمان:..ابتسم عارف حركاتها ولا رجع نظراته لها..
ساندرا:..انقهرت لانه صار عكس توقعها..
ابو سلمان:..اعتلت وجهه نظرة عدم رضا عاللي يشوفه تنحنح.. قود مورننينق
فرات:..تهمس لامها..هاذي بتزيد سلمان قده جاب العيد من زماااان
ام فارس:..تدقها بكوعها وتهمس..اسكتي
::صوت طق الكعب عالارض وكل ماله يقرب هالصوت اكثر وأكثر::
القنوع:..داخلة لابسة جينز وبلوزة زيتي فضفاضة عليها رسومات صغيرة بالاسود سادلة شعرها الكيرلي الطويل ع جنب والجنب الثاني رافعته ورا أذنها اللي ابرز طول رقبتها ولابسة حلق لولو ناعم اللي أضفى على جمالها الطبيعي نعومة..السلام عليكم ..بابتسامة.. صباح الخير
سلمان:..فز قلبه من سمع صوت خطواتها بالكعب أسرت عيونه بجمالها وزادت نبضات قلبه من وصل صوتها لمسامعه حاول يخفي شوقه لها قد مايقدر لكن للأسف نظراته فضحته..
ساندرا:..ارتسمت على وجهها نظرة الحقد والقهر خصوصا انها تعرف حب سلمان لجمال العرب..
فرات:..تهمس لامها..وش السالفة عندنا عرض اليوم وانا مدري
ام فارس:..تهمس..ليته عرض السالفة باينة أكبر انتي خليك ساكتة بس
سلمان:..شال عيونه اللي فضحته..
القنوع:..مشت بدلع وجلست جنب سلمان..
سلمان:..ارتسمت على وجهه نظرات استغراب زادت نبضات قلبه فكر انها ممكن تكون سامحته لكن انتبه لنظراتها اللي كسرت خاطره وضحك ضحكة خفيفة يشفق فيها على نفسه وبنفسه..عطيت نفسك اكبر من حجمها
القنوع:..تناظر ساندرا نظرات كلها تحدي وبنفسها..والله لو تموتين ماتوصلين له
ابو سلمان:مين بيروح معي للمخيم بعد شوي رايح
فرات:كلنا يبه
ام فارس:ماعدا سلمان والقنوع
ابو سلمان:..عقد حواجبه..القنوع وش فيك لايكون تعبانة
القنوع:شوي يبه بس اريح شويات وبروح للمخيم
ابو سلمان:سلامتك يابنيتي سلامتك..ناظر سلمان عن طرف عين..جعل هالتعب باللي كسر خاطرك ياعيني جعلها تتحاذف عليه من كل جهة
سلمان:..نزل عينه بأكله وارتسمت على شفاهه ابتسامة..
ام فارس:..ناظرت ابو سلمان بعصبية..
فرات:..تحاول تغير الجو..سلّوم مابتروح كل الشباب بيكونون موجودين ماعدا العلة اخوانك
ام فارس:..بتعصيبة..العلة انتي بِسْم الله على عيالي
سلمان:فيني تعب من الدوام ابي ارتاح شوي
ساندرا:..قاطعتهم بابتسامة خبيثة وبالعربي..حسنا سأعتبر هذه فرصة ثمينة لك للتعرف على ابنتك سأتركها معك
سلمان:..اتسعت عيونه بصدمة..
فرات:..بنفسها..هب ياوجهك قال تعبان مافي بقلبها رحمة
ابوسلمان:..ناظره..وهي الصادقة أمسك بزرك اللي انت جحدته
ام فارس:وسلمان وش عرفه بالصغار
سلمان:..بتحدي..اللي كبر لحاله معتمد على نفسه مابيعجزه انه يهتم ببزر صغير
(بالليل)
~~بالمخيم~~
ساندرا:..تتلفت بالمكان..
ام سعد:..بتعجب..وااخزياه
ام فيصل:ياقليبي على بنيتي
ام فارس:..تنهدت..اي والله الله يجبر بخاطرها حتى سلمان الضعيف انصدم يوم شافها ويقول انه طلقها
ام سعود:ايه علميني انها من الاول ناوية على شر اثاريها هي اللي ناشبة له والله لاعلمها كيف تتبلى ع ولدنا
ام فارس:لا اسكتي عنه لاتزيدينه أبوه شاب عليه يكفيه ماجاه
~~عند البنات~~
غدير:..تهمس..يمه منها يمه
نور:أبوي وش قال
فرات:وش قال يعني بغى يروح فيها سلمان لو ماساعدته امي والقنوع
سماهر:الحمدلله ربي سلمه ابوي مايرحم
فرات:لكن سلمان ماسوا شي غلط كانت زوجته وانفصل عنها ورجعت له بسبب البنت يعني هو ماله اي ذنب باللي يصير
غدير:لحظة لحظة خالي ليه يعيب على سلمان وهو مسويها قبله
فرات:عليك نوووور هاذي السالفة كانت تلعب بخاطري لعب ودي أفجرها في وجه ابوي تكفين قوليها له
نور:..بنص عين..يمه منك الله أكبر عليك يالملسونة محد رد عليه غيرك يوم صارت سالفة الخطف
فرات:ياويلي من امي حالفة بتذبحني لو أتدخل
غدير:أبشري بقول اللي بخاطرك لاتخافين بوصله الكلام
سماهر:إنتوا الثنتين اسكتوا لااسمع لكم صوت تبون أبوي يزيد المسكين يمكن مايرد عليكم لكن اكيد بردها بسلمان
(بيت سلمان)
~غرفة النوم~
القنوع:..قافلة الأنوار واقفة قدام الشباك تناظر الرايح والجاي غرقانة بالتفكير بهمها مدت يدها تبي تفتح الشباك ووقفت اتسعت عيونها بصدمة وجمدت كل خلية بجسمها من الخوف..
(((بيت ابو سلمان)))
(غرفة سلمان القديمة)
لورا:..نايمة عالسرير
سلمان:..متمدد جنبها يفكر ويراجع اللي صار عساه يلقى شي يأكد ظنه..
القنوع:..دخلت الغرفة وملامح الخوف مرتسمة على وجهها..
سلمان:..عقد حواجبه وجلس..وش فيك؟!!
القنوع:..بصوت يرجف من الخوف..واحد ملثم دخل البيت وماأدري اذا فيه غيره برا او لا
:::برا المخيم:::
مجهول(3):..يهمس وبعصبية..كنسل الخطة البيت مو فاضي كنسل أقولك
مجهول(1):لكن ****راح ينفذ وانت تعرف عادته
مجهول(3):..صر ع أسنانه ويحاول يكتم غيظه..قله يوقف كل شي سلمان بيعرفه على طول حتى لو لابس مليون قنااااع
(خيمة الحريم)
ام فارس:اقول من وصلنا وحنا مالنا سيرة غيرها غيروا الموضوع
ام سعود:على طاريها وينها ماأشوفها
ام سعد:..تتلفت وناظرت جهة البنات.. هاذي وين راحت
ام فيصل:لايكون ضاعت بهاالبر
(بيت سلمان)
القنوع:..متخبية بغرفة الملابس قافلة الأنوار مرعوبة بيدينها اللي ترجف شايلة لورا وضامتها بحضنها ودموعها تنزل ماتوقف وبنفسها.. يارب ماتصحى الصغيرة وتبكي يارب أكفي شره عنا يارب والله ياربي اذا عدت على خير والله لاتعامل مع زوجته زين والله
بيت ابو سلمان)
:::مكتب ابو سلمان:::
......:..ماسك الكشاف بيديه حاس المكتب يدور على الأوراق لقى الورقة اللي يبيها تنهد براحة..
سلمان:..فتح النور واقف عالباب متكئ عالجدار..اممم خلاص لقيت اللي تبيه..يتمدد..آه تعبت وانا انتظر تأخرت علي..قفل الباب واعتدل بوقفته وبابتسامة..ماراح تعدي هالباب
.......:..دخل الورقة بجيبه ومشى بخطواته الواثقة لجهة سلمان..
(برا خيمة الحريم)
سعد:..بابتسامة..هلا والله
فرات:..بدون نفس..نعم وش تبي
سعد:..بضيق خاطر..لمتى هالاسلوب لايكون بنت وج وبتظلين على هالاسلوب
فرات:..رجعت طرف شعرها بيدها على ورا ورمشت بغرور..لحد ماتعتذر
سعد:لاحول على؟!!
فرات:طعنك بشرفي وممكن أتطلق منك بعدها
سعد:طيب أنا اسف انا الغلطان آآآسف
فرات:..ضحكت..لا ماابي هالاعتذار التسليكي
سعد:..بعيون مفتوحة عالاخر..وش تبيني أسوي لك اعتذاري ماتبينه وهالاعتذار أنا أقصده بكل معانيه
فرات:..بقهر..ابيك تندم لسى مااشوفك ندمان عاللي سويته
سعد:وأنا نادم وقلت لك اللي سويته كان عشان غلاتك ليه ماتصدقيني
فرات:..ساكتة..
سعد:أوكي مو راضية تصدقين وتبين اعتذار حقيقي مو تسليكي على قولتك
فرات:..رمشت بعيونها..ايه صح
سعد:..خلاص خليك جاهزة بكرة ان شاء الله بمرك وأعطيك هالاعتذار اللي تبينه
(بيت سلمان)
القنوع:..حطت لورا عالأرض وفتحت الباب بشويش جرت خطواتها بخوف تتلفت يمين ويسار لحدما طلعت برا بيتها ووصلت لدرج البيت الرئيسي وسمعت أصوات التكسير رجعت تهرول بسرعه على أطراف أصابعها دخلت الغرفة وقفلت الباب جلست عالأرض وغطت اذنيها بيديها اللي ترجف من الرعب..
((بخيمة الرجال))
ساندرا:..داخلة..هاااي..بعربي مكسر..السلام عليكم
فيصل:..يشرب شاهي نفثه على برا وشرق باللي يشربه وكح..
ابو سلمان:..انقلب وجهه..
سعود:..يناظر مصدوم..
عبدالله:..بابتسامة..يـاهـلا� �اا والله
منصور:..بنفس ابتسامة عبدالله..حـي الله من جـانـا!!
ابو سلمان:..وقف وكتم غيظه اللي ارتسم على وجهه وبالبرتغالي..امشي وراي بسرعة!!!
((بيت ابو سلمان))
~~مكتب أبو سلمان~~
........:..مسك سلمان من يده وشده وقلبه بحركة رياضية سريعة..
سلمان:..سحب معه مفرش الطاولة بحركة لاإرادية وطاحت التحف وتكسرت رغم وجع ظهره اللي يآلمه من الحركة إلا إنه لف المفرش علي يده وسحب قطعة التحفة المكسورة ووقف بسرعة وارتسمت ابتسامة على وجهه..أوووووه الأخ رياضي هـه بنشوف الحين..يحاول يصيبه بقطعة التحفة اللي بيده..
........:..يتفاداه ويحاول يوصل للباب..
سلمان:..قدر يمسك شـمـاغـه اللي متلثم فيه وسحبه..
........:..بحركااته الرياضية السريعة رمى سلمان مرة ثانية عالارض وثبت وجه سلمان عالارض حتى مايشوف وجهه.. أوووووش
سلمان:..اللي مثبت راْسه عالارض يحاول يحرك راْسه ضحك مقهور من قلة حيلته..
.......:..ضغط عليه زيادة وجلس على سلمان وهو مثبته وخرج من جيبه صورة وحطها بجيب سلمان وبدا يضغط على رقبة سلمان..
سلمان:..بدا يفقد وعيه من حركة الضغط وبصوت مقطع.. بـ.ـجـيـ.ـبـك والله لأجـيـبـ.ـك..فقد وعيه..
(بالسيارة)
مجهول(1):ليه مارديت على جوالك
مجهول(2):..مسح الدم النازل من شفته..كيف آخذه معي وعندي مهمة تعرف عادتي مستحيل اخذ جوالي معي لأي مهمة تكون عندي وفوق ذَا قال ان البيت فاضي كويس اني مانطقت ولا كان عرفني سلمان على طول
مجهول(1):..ضحك..أنا متأكد مليون بالمية انه يعرف ان لي يد باللي يصير لهم لكن ينتظر الفرصة المناسبة حتى يكشفني يبي يعرف من اللي وراي
مجهول(2):عشان كذا لازم تظل بعيد عن كل شي لفترة
مجهول(1):..ناظره..لا لا لا مجروح خبري فيك كل مهمة تطلع منها سليم غريبة تركته يجرحك
مجهول(2):ماقدرت عليه شكله رياضي مستوى أول
مجهول(1):..بنص عين..لايكون حنّيت عليه بحكم العلاقة اللي تربطك فيه
مجهول(2):..بثقة..أنا مايهمني اي شي اهم شي أحقق هدفي اللي ابيه من سنين
مجهول(1):..بشك..اممم هالمرة غير لكن بحاول أصدقك عشان ماعمرك ارتكبت اي غلطة
((بالمخيم))
~~عند خيمة الحريم~~
ابو سلمان:..بعصبية..هالمصيبة ذي فضحتنا وراكم ماعلمتوها الأصول ايه الشرهة مي عليكم على اللي جايبكم هينا وهي معكم
ام فارس:استهدي بالله ياابو سلمان حنا مادرينا عنها هي راحت ولاقالت شي مانقدر نحبسها هي حرة
ابو سلمان:..بصراخ.. بس فهموها الغلط اللي سوته..صر ع أسنانه..وأنا لي تفاهم مع هالسلمان اللي ماوراه غير المصايب
فرات:..تناظر بحقد وبنفسها..لا اله إلا الله وسلمان وش ذنبه الحين
(بيت ابو سلمان)
~~مكتب ابو سلمان~~
سلمان:..صحى رفع نفسه شوي وتوجع..آآه ..رفع نفسه شوي شوي لحد ماجلس تلفت يمين ويسار وناظر المخدة اللي تحت راْسه وعقد حواجبه وبنفسه..معقولة تكون القنوع ..قام حس بدوخة أستند عالجدار ومشى خطوة خطوة لحد مايرجع له توازنه..
(بيت سلمان)
~~غرفة الملابس~~
القنوع:..على أعصابها وبيدها علاقة الملابس الحديد..
سلمان:..دق الباب وبصوته المبحوح..قنوع افتحي
القنوع:..وسط خوفها بدون تركيز وبشك..مـيـن إنــت؟؟
سلمان:..ابتسم وسط الامه..سلمان
القنوع:..مسكت يد الباب أخذت نفس غمضت عيونها فتحت الباب وهجمت تضرب بالحديدة اللي بيدها وبصراخ..لاتقرب ياويلك تقرب لي
سلمان:..مسك يديها..قنوع أنا أنا هذا أنا
القنوع:..فتحت عيونها بشويش وبوسط دموعها..فكرت أحد هددك وأجبرك تتكلم عشان افتح لك ويسوي فينا شي..انفجرت تبكي بصوت..
سلمان:..ضحك وشدها لحضنه حضنها..خلاص بس بس ..ناظرها بنص عين وهي بحضنه..مأثرة عليك الأفلام مافي شي لاتخافين كل شي تمام..يمسح على راسها..بس بس ماصار شي تطمني
لورا:..قطعت عليهم بصراخها تبكي..
القنوع:..صرخة لورا صحتها من نوبة البكى اللي هي فيها انتبهت للي تسويه دفت سلمان ومسحت دموعها..
سلمان:..تلاشت ابتسامته وبنفسه..اذا قنوع ماطلعت من الغرفة اجل من اللي حط المخدة تحت راسي ..بهتت ملامحه بصدمة..اللي دخل البيت يعرفني والدليل ماتركني انام على ارض باردة..حط يده على جيبه..الصورة اللي أعطاني وش نيته يبي يساعدني ولا ذَا فخ جديد حتى لو كان يبي يساعدني فعلا فيه شي غفل عنه اني لمحت فيه شي مميز..ابتسم..
القنوع:..قطعت حبل أفكاره..يوه تعال خذ الصغيرة مااعرف لها
((يوم جديد))
(بيت سلمان)
~~غرفة النوم~~
سلمان:..نايم..
القنوع:..تصحيه..سلمان سلمااان
سلمان:..بنوم..نــعــم
القنوع: قوم لورا موراضيه تسكت مشيت فيها بكت رضعتها وبرضه بكت لعبت معها وباقي تبكي
سلمانوهو فيه نوم) باقي شي واحد
القنوع:..اتسعت عيونها وحطيتها جنبه..حبيبي هاذي بنتك انت مو بنتي
سلمان:..فتح عيونه وجلس..بس أنا بحياتي مامسكت طفل وكمان بذا الحجم
القنوع:..وهي خارجة من الغرفة بعدم اهتمام..بكيفك
(بالمخيم)
ساندرا:..تتأفف وبنفسها..هذا مكان ممل متى سنعود؟يجب أن أتظاهربالسعادة أيضا..تنهدت..لن أتحمل أكثر من هذا..وقفت..
فرات:ساندرا تعالي تقهوي
ساندرا:..تتصنع الابتسامة..لقد شربت الكثير والكثير من القهوة العربية
فرات:..باستغراب..ومن قال انها عربية تعالي بس تعالي
(فارس وليالي)
فارس:خلاص كل أغراضك جاهزة
ليالي:ايه ان شاء الله كل أغراضي معي
فارس:تأكدي ترا مافيه رجعة المطار بعيد
ليالي:لاتخاف كل شي معي
فارس:توكلنا على الله
(مروان وجمانة)
~~بالمطار~~
جمانة:خسارة كان نفسي نجلس اكثر
مروان:باْذن الله بنسافر مرة ثانية وننبسط بعد
جمانة:..لسى فيها الضيقة..ان شاء الله
مروان:..جرها لحضنه وحط يده عليها..وبعدين قلت لك بنسافر مرة واثنين وثلاثة
جمانة:..ابتسمت..ان شاء الله الله لايخليني منك
~~بالسيارة~~
فرات:..زعلانة..
سعد:..ناظرها..ترا الابتسامة صدقة يعني بس اقولك
وبعدين ماغصبتك تجين معي
فرات:..ناظرته بحقد وضحكت بقهر..كلمت أبوي وحطيتني قدام الامر الواقع وتقول ماغصبتك تجين معي
سعد:..ابتسم..عادي بإمكانك تقولين لا
فرات:..سكتت وهي من داخل تغلي..
سعد:..وقف السيارة ناظرها..يالله..نزل..
::مجهز طاولة عليها مشروبات باردة وكرسي فوقه مظلة::
فرات:..نزلت..ايه وش ناوي عليه ليه جايبني هينا
سعد:..راح لجهتها مسك يد ومشى لحد ماوصل عند الكرسي وجلسها عليه..
فرات:..جلست..طيب وبعدين
سعد:..مد لها جهاز اللاسلكي..اممم شي بسيط حيصير هينا وانتي عندك اللي تحتاجينه وعليك تقررين فقط لاغير
فرات:..عقدت حواجبها..وش تقصد وش اللي بيصير
سعد:..سحب يدها وحط اللاسلكي بيدها..أنا آسف..أشر عالزر اللي باللاسلكي..اضغطي عالزر اذا حسيتي اعتذاري مقبول اما اذا لااا اممم فهذا شي راجع لك
فرات: قلت مو مقبول ماله داعي هالحركات كلها
سعد:..تنهد..أوكي ..راح ركب السيارة وأشر على شجرة بعيدة مافيه غيرها بالمكان..تشوفين ذيك الشجرة
فرات:..عقدت حواجبها..إيه
سعد:امّم بكل بساطة أنا بركب سيارتي وبسوق متجهة لها بأسرع ماعندي اذا حسيتي انك قبلتي اعتذاري قولي اضغطي عالزر وقولي قبلت اعتذارك وقف وبوقف واجيك ونعيش سوا عالحلوة والمرة اما اذا لا باستمر أسوق لحد مـ
فرات:..قاطعته بضحكة..بطّل هالحركات الطفولية لأنك ماراح تأثر فيني
سعد:..تنهد ونزل من السيارة ورجع لها نزل وجهه لمستواها مسكها من كتوفها وعينه بعينها..أنا آسف آسف أتمنى تصدقيني وتعرفين ان كل اللي أسويه عشانك وهالحركات المجنونة برضه عشانك لاتلومين نفسك اذا صار شي عكس توقعاتك
فرات:..تناظره بشك وبنفسها..طول عمره عاقل مو صاحب حركات مجنونة
سعد:..لف وتركها بوسط افكارها ركب سيارته شغلها وناظر لها رفع اللاسلكي وأشر عليه..أنــتـظــرك!!!
فرات:..مدت لسانها له مو مصدقته..
سعد:..ضحك..أنتظرك..دعس سيارته واتجه للشجرة..