الفصل 17
يوم جديد))
(بيت ابو سلمان)
ام فارس:حياكم الله
ليالي:الله يسلمك ياخالة
ام فارس:متى مسافرين
جمانة:بنمر اهلي نسلم عليهم وبنسافر بعدها
ام فارس:وأنتم ليالي؟
ليالي:نفس الشي ياخالة
ام فارس:الله يسر لكم على خير حبيباتي
~~بالمجلس~~
فارس:خير وش صاير
مروان:أقلقتني برسايلك امس
سلمان:ابي اعرف وش صاير بينكم
فارس:..بابتسامة..ولااا شي
مروان:ايش فيكم الكل يقول كذا
سلمان:مو مدام الكل قال كذا معناته فيه شي الكل ملاحظه
فارس:مااااااافي شي
مروان:لاحول
سلمان:طيب خلاص ماراح أسأل لكن اول ماترجعون دوامات تروحون وترجعون بسيارة وحدة
فارس:ليش
مروان:بيتي بعيد عنه
سلمان:الحين تأكدت ابدا مافي بينكم شي أقنعتوني صراحة هــيــه انت وإياه اللي بينكم حي بس اسمعوا اللي قلته يتنفذ وكل يوم بنتظركم عند باب الشركة وخلوني اشوف واحد منكم مداوم بدون الثاني
فارس:وش بيصير مثلا
سلمان:..بتهديد..بتوطأ ببطونكم
(بالليل)
الشغالة:مدام هذا موجود مدام عند باب
ام فارس:دخليها ليش تشاوريني
الشغالة:حاضر
ام فارس:الله يستر من جاينا بهالليل
(بيت ابو سعود)
~ع العشا~
ابو سعود:مها
ام سعود:هلا ياأبو سعود آمر
ابو سعود:قولي لسعود من بكرة ان شاء الله هو وأهله الوجبات الثلاث معنا
غدير:وعبيد
عبدالله:اسمي عبدالله عبدالله
ابو سعود:عبدالله مو يقول يبي يسافر مع أخوياه
عبدالله:..بفرحة..يعني وافقت
غدير:ليه يبه هالظلم هو يسافر وانا لا
عبدالله:اوص بس اوص
ابو سعود:اسمع
عبدالله:نعم امر يبه
ابو سعود:خرابيط ودجة ماابي فاااااهم
عبدالله:..بابتسامة..حاضر مايصير خاطرك الا طيب
(بيت ابو سلمان)
ام فارس:..دخلت غرفة الحريم وقفت مستغربة وبنفسها.. مين ذي..هلا حياك الله
..........:..تكلمت..
ام فارس:..عقدت حواجبها.. هاذي وش تقول لحظة لحظة..خرجت برا الغرفة..فرات فرات
فرات:هلا يمه
ام فارس:في ضيفة عندنا عجزت افهم وش تبي
(بيت سلمان)
القنوع:..تكلم بجوالها..اي خلاص
سلمان:تمام الاغـراض كاملة ها جهزتي الموفي
القنوع:ايه من زمان
سلمان:رومانسي كوميدي
القنوع:من أول قلت لك جهزته اه منك زنان زنان الله يعيني بس
سلمان:..بزعل..يعني ماأقول شي مرة ثانية
القنوع:انا قصدي مو كذا
سلمان:لا انا زنان خلاص ماعاد بقول شي اصلا دايم انا ..بنبرة طفولية..زنان زنان
القنوع:وبعدين
سلمان:طيب طيب خلاص مع السلامة
القنوع:..بدلع..حبيبي
سلمان:..بابتسامة شقت وجهه..نـعـم مـاسـمـعـت!!!!
القنوع:أنتظرك..قفلت..
(بيت ابو سلمان)
سلمان:..داخل شايل الاغـراض..
فرات:سلمان
سلمان:هلا
فرات:..تمسكه وتسحبه على جنب..في وحدة هينا تبيك
سلمان:..عقد حواجبه..تبيني؟أنا؟!!
فرات:ايه انت انا قلت لامي كلام ثاني بس اللي فهمته انها تبيك بموضوع خاص
سلمان:وان شاء الله كيف تبيني أقابلها وامي عندها بتذبحني امي والقنوع قسم اني في خبر كان
فرات:وش اسوي لك يعني وش دراني عنها
سلمان:اقولك قولي لامي انها موظفة جايبة أوراق
فرات:عشان انا اروح فيها لو صار شي لا حبيبي وبعدين بلا عبط امي مو غبية
سلمان:اقولك بدخل واللي فيها فيها
فرات:طيب
سلمان:..راح..
فرات:عالاقل عطني اللي معك
سلمان:..دخل طاحت الاغـراض اللي بيده من الصدمة..
(بيت سعود)
نور:حبيبي يالله
سعود:جاااي خلاص
نور:الاكل صار ثلج وانت باقي على هالكتاب
سعود:حبيبتي بس هالجزئية وجاي
نور:طيب بس بسرعة حبيبي
:::الباب يدق:::
نور:..عقدت حواجبها..طيب خير اللهم اجعله خير..فتحت الباب..هلا والله عميمة هلا تفضلي حياك
ام سعود:لا لا ماني بداخله انا اصلا أبي انام بس جيت أبلغك عمك يقول من بكرة ان شاء الله الوجبات كلها معنا
سعود:هلا يمه حياك
ام سعود:تسلم حبيبي انا قلت لنور وهي بتبلغك يالله تصبحون على خير ماعاد اشوف من النوم
نور:وانتي من أهله عميمة
(بيت ابو سلمان)
:::الحوار بالبرتغالي:::
سلمان:..بعصبية واضحة ارتسمت على ملامح وجهه يحاول يكتمها صر ع اسنانه..
ساندرا:..بهدوء وعيون فيها الدموع تحاول تمسكها لاتنزل..لقد اشتقت لك عزيزي ســـام
سلمان:..بضحكة..لكن أنا لم أشتااق اليكِ ابدا حتى لمرة واحدة لم افعل ابدا ولا أريد رؤيتك ثم ان اسمي سـلـمـان وليس ســام أخبريني شيئا هل عدتي لتدمير حياتي مرة أخرى لقد فعلتي هذا سابقًا
ساندرا:..نزلت دموعها..لا حقا انا لم اقصد ان أجرحك ابدا انا احبك احبك حقا سـام ولم أنـ
سلمان:..بعصبية وصراااخ..توقفي عن قول أكاذيبك ايتها الخائنة أخبرتك لم أعد اتحمل رؤيتك ابدا اني اتقزز عندما انظر إليك الان ثم ان اسمي سـلـمـان وليس سام ولاتتجرئي حتى على نطقه بفمك القذر
ام فارس:بِسْم الله عليك يمه وش فيك هد أعصابك لاتتعب
فرات:..مسكته.. سلمان وش فيك معصب هد نفسك شوي من تكون ذي عشان تزعلك هالقد
ساندرا:..تكلمت بعربي مكسر..عزيزتي أنا زوجته!!!سلمان:..بصراااخ..اسكت ي اسكتي كنتي زوجتي كـنـتـي فااااهمة
ام فارس:..اعتلت وجهها صدمة..
فرات:كيف زوجته..تضحك..تمزحين صح زوجته الوحيدة فوق قنوع..لفت على سلمان..سلمان من ذي شكلها غلطانة والله لو تسمعها القنوع تذبحها
ساندرا:..بعربي مكسر..لقد أحضرت لك شيئا جميلا لابد لو انك علمت بوجوده لفعلت المستحيل حتى تراه
سلمان:..بصراخ..ماابي اشوف شي منك ولا ابي اشوفك انتي ماتفهمين انـتـ
ساندرا:..مدت هالصغيرة اللي بين يديها له..
سلمان:..انخرس ويناظر بصدمة..
ساندرا:..بالبرتغالي..قل مرحبا لصغيرتنا لـــورا!!!
ام فارس:..تشد فرات..وش تقول ذي وجه سلمان مايطمن
فرات:..بصدمة..يمه مدري وش قالت لكن واضح فيه مصيبة بتقوم بهالبيت
سلمان:..رجع بخطواته لورا ولف مشى بصدمته وتركهم وراه..
ام فارس:سلمان يمه ارجع ارجع
ساندرا:..بعربي مكسر وابتسامة على وجهها..لاتقلقي سيدتي هذا طبعه عندما يتفاجأ من شي يغادر المكان دون ان ينطق بحرف واحد ليفكر جيدا لاتخافي عليه
بيت سلمان)
سلمان:..دخل..
القنوع:هلا حبيبي
سلمان:..عيونه عالارض كمل طريقه بدون لاينتبه لها..
القنوع:..عقدت حواجبها..ايش فيك صاير معك شي
سلمان:..بوسط أفكاره اللي توديه وتجيبه جلس عالارض يحاول يستوعب الوضع..لا لا مستحيل مستحيل يكون عندي طـ.ـفـ.ـل منها مستحيل
:::باب البيت ينضرب بقوة جنونية:::
القنوع:خير اللهم اجعله خير وش اللي يصير..فتحت الباب..
ابو سلمان:..دخل بصراااخ وتهجم..ويـنـه ويـنـه
سلمان:..وقف..
ابو سلمان:إنــت إنـــت..ضربه كف..
سلمان:..رفع عينه لأبوه يناظره..
ابو سلمان:..عَصّب زيادة وضربه كف أقوى بالجهة الثانية..
سلمان:..عض طرف شفته بقهر وجرحها نزف الجرح على خفيف ثم ابتسم..
ابو سلمان:..وصلت معاه انفجر بعصبية وصار يضربه ويرفسه وبصراااخه الهستيري..يالخسيس ياسويد الوجه
سلمان:..طاح عالارض ويتحمل ضرب ابوه بدون مقاومة..
القنوع:..حاوطت ابوها من وسطه وتحاول تبعده عن سلمان وبصراخ..لااا يكفي خلاص يبه حرام عليك ولدك ذَا اتركه
ابو سلمان:اتركيني لو تعرفين وش اللي سواه طلبتيني أزيده
ام فارس:..دخلت وجرت لجهتهم وتشد ابو سلمان مع القنوع..حرام عليك بتذبح الولد اتركه اتركه
ابو سلمان:..مكمل ضربه وبصراخ..اتركوني خلوني أبرد حرتي هاللي مايستحي الخسيس الكذااااب
سلمان:..ضحك وارتفع صوت ضحكته..
ام فارس:..بخوف..يمه طار عقل الولد طااار ياربي احفظه يارب
ابو سلمان:..انفجر بكمية غبنة داخله..ويضحك بعد!!!
سلمان:..وقف ومسح الدم اللي ينزل من فمه من ضرب ابوه وصرّ ع اسنانه بقهر وشد على كلامه..أنا ماكذبت من البداية قلت لك اني كنت متزوج
القنوع:..اعتلت وجهها صدمة مو مصدقة اللي تسمعه..
ابو سلمان:..بعصبية..قلت لي انك متزوج ومنفصل لكن ماقلت لي ان عندك بزر
سلمان:..بصراااخ..وأنا ايش دراني ايش دراااني اذا كانت هربت بأول اسبوع والحين جايتني بعد كم شهر وبيدها بزر وتقول بنتك انا مو مصدقها الموضوع كله بكبره غلط
ابو سلمان:..ضحك..ااااه ايه أنكر أنكر نسب بنتك واجحدها مو انت خسيس مو غريبة عليك
سلمان:..بصراااخ..قلت لك الموضوع غلط فيه شي غلط
ابو سلمان:أنا لو ادري ان عندك بزر ماارخصت بنتي لك
سلمان:انا ماكذبت ابد عليك وهالبزر وراه سالفة ليه ماتصدقني..بصراااخ..ليه ليه
ابو سلمان:انت الكلام معك ضااايع..خرج..
••••••••••••••••� �••••••••••••••••� ��•••••
مجهول(2):تطمن ياطويل العمر اكيد الحين الدنيا قايمة عندهم
مجهول(3):..ضحك..آه أمنيتي أشوف وجهه
مجهول(2):عسى هالضحكة دوم ياطويل العمر
مجهول(3):..ناظره..انت تدري يا***اني أعزك وأغليك وان اعتبرك واحد من عيالي
مجهول(2):ادري ياعم ****وادري ماتعصب علي الا عشان مصلحتي
مجهول(3):وعدي لك مانسيته ولا في يوم بأنساه حقك بآخذه لك مثل ماشفت ****يموت قدامك انت واخوانك بخليك تشوفه يتعذب اول وبخليك تشوفه يموت قدام عياله موتة شنيعة
مجهول(2):..بعيون فيها الدموع..الله يخليك لنا ويبقيك تاج على رؤوسنا
<فارس وليالي>
فارس:..يمشي ساكت ويصور..
ليالي:..بنفسها..ياربي وش ذَا الطفش مايتكلم ولايسولف وش ذَا لمتى لمتى بس الله يصبرني
فارس:..لف عليها وصورها ناظر الصورة ضحك على تعابير وجهها..
ليالي:..انصدمت وانحرجت منه وبزعل..إمسحها
فارس:..ببرود يناظر كاميرته..لااا
ليالي:..راحت لعنده تبي الكاميرا..
فارس:..يبعد الكاميرا عنها..
ليالي:..تلحق ورا الكاميرا بالاخير عصبت بدون ماتحس بنفسها دفته وطيحته عالارض..
فارس:..يناظرها مصدوم..
ليالي:..جلست فوقه وأخذت الكاميرا تدور صورتها تبي تمسحها وابتسمت.. عشان لاتتحدى مرة ثانية عشرة العيال تجيب فايدة بالنهاية
فارس:..يضحك..
ليالي:..عقدت حواجبها مستغربة بعدين استوعبت نفسها قامت بسرعة وبفشلة..اسفة والله ماكان قصدي اسفة
فارس:..قام وينفض نفسه..لا عادي مو مشكلة عالاقل عرفت شي عنك
<مروان وجمانة>
مروان:..يتأمل جمانة وهي تناظر البحر..
جمانة:..انتبهت له ولفت عليه وبابتسامة..اممم فيه شي
مروان:..تنهد وبابتسامة..حي ذَا الصوت
جمانة:..ضحكت..طيب على وين بنروح الحين
مروان:اممم وش رايك الملاهي
جمانة:أوكي نغير شوي
(بيت ابو سلمان)
ام فارس:تفضلي بهالغرفة لحد مانرتب مكان لك وللصغيرة
ساندرا:..بابتسامة..شكرا
(بيت سلمان)
سلمان:..يدق الباب..قنوع افتحي طيب اسمعني عالاقل
القنوع:..ماردت..
سلمان:..بصراخ..القنوع ليه ماتسمعيني ليه محد راضي يصدقني هالبنت مستحيل تكون بنتي الموضوع
القنوع:..فتحت الباب وقاطعته بصراخ..الموضوع فيه شي غلط وشو الشي ذَا اقولك انا وشو اني كنت لعبة بين يدك انت وأبوي،أبوي لعبها صح خلاني اتزوجك بدون ماارد له طلب وانت استمريت في كذبك علي..بدموع..سمحت لك تدخل قلبي رغم اني قفلته ووعدت نفسي مااعيش الكذبة مرتين..ضحكت بقهر..والمصيبة عشت الكذبة مرة ثانية وفوق ذَا أخذت كل شي مني
سلمان:..مسكها من كتوفهاوقاطعها..والله هالادمية انفصلنا انا وهي قبل سالفة خطبتنا حتى وهالبنت مستحيل تكون بنتي ليه ماتصدقيني..بترجي..عالاقل انتي صدقيني
القنوع:..دفت يديه..اسمع انت وش تقول مستوعب اللي تقوله كيف تبيني اصدقك وانت حكمت على هالمسكينة اللي مالها ذنب بشي قبل حتى ماتشوفها انت بهالطريقة..بصراخ.. تصير نسخة ابوي
سلمان:..انصدم..
القنوع:وش فيك انصدمت..ضحكت..ايه تصرفك مع بنتك الحين نفس تصرف ابوي معك وش تفرق عنه..بصراخ.. قول قول لي وش الفرق بينك وبينه
سلمان:..سكت..
القنوع:..تنهدت بضيقة..بالنسبة لنا راح نظل فترة لحد مانشوف وش بيكون وضعنا مع ان النهاية واضحة وش بتكون بس بنظل فترة لا نشمت الناس فينا..لفت بتدخل الغرفة..
سلمان:..مسكها بيدها ولفها عليه..لحظة اسمعيني مستحيل تكون نهايتنا كـ
القنوع:..ضربته كف وسحبت يدها وصرت ع اسنانه.. لاتلمسني مرة ثانية فااااهم..دخلت وقفلت الغرفة..
سلمان:..ضحك وتنهد..وافقتي تصيرين زوجتي تذكرين ترا ذَا الكلام صار قبل امس وعند اول مشكلة بعتيني..ضحك وبصوت يرجف..شــكرا شــكرا يـازوجـتـي
القنوع:..دموعها تنزل وبهمس..انت انت اللي كذبت علي كيف ارجع اثق فيك كيف؟!
((يوم جديد))
(بيت ابو سلمان)
~مكتب ابو سلمان~
سلمان:..عيونه بالأرض..
القنوع:..ساكتة وباين اثر الدموع بوجهها..
ساندرا:..تتلفت والابتسامة مرسومة على وجهها ونطقت بالإنجليزي..والأولاد لديك مكتب جميل ولطيف أيضا سيدي
ابو سلمان:..بدون نفس نطق بالإنجليزي..شكرا..استرسل بكلامه بالعربي..اجتمعت معكم اليوم عشان يوضح الوضع للكل ونتفادى اي مشكلة تصير مستقبلا
سلمان:..ناظر ابوه ساكت..
ابو سلمان:..بهدوء..سلمان وضح لنا وضعها معك
سلمان:هاذي تكون زوجتي السابقة ومالي اي علاقة فيها من تركت البرازيل
ساندرا:..تتأمله وهو يتكلم مع ابتسامة مرتسمة على وجهها..
القنوع:..تناظرها من فوق لتحت بغيظ..
ابو سلمان:لكن انت ماوقعت أوراق الطلاق صحيح هالكلام
سلمان:..بلعثمة..انا ماكنت وقتها أفكر بموضوعي معها جمعت أغراضي وجيت هينا
ابو سلمان:يعني رسميا هي الى الان زوجتك
سلمان:..نزل راْسه بخيبة..ايه
ابو سلمان:هي زوجتك فعلا ماكذبت
سلمان:..بعصبية..بس انا ماابيها انا الحين متزوج ومرتاح بحياتي ماابيها خلها تذلف
ابو سلمان:..يصفق..شاااطر شاااطر صراحة!!
فارس وليالي>
ليالي:..تصحي فارس..قوم يالله
فارس:..نايم..اممم طيب
ليالي:بيفوتنا العرض يالله قوم خلينا نلحق عليه
فارس:يـــووووه ..جلس عالسرير..وبعدين معك انتي لازم يعني لازم قلت لك طيب بقوم بقوم ايش اللي مافهمتيه من كلامي..بصراخ..ردي
ليالي:..خااافت منه وبصوت يرجف..خلاص طيب كمل نومتك
(بيت ابو سعود)
~ع الفطور~
ام سعود:تو مانور البيت
سعود:منور باهله يالغالية
غدير:يمه قصدك نورت السفرة ترا بيتهم فوق وسعود كل شوي طايح بكبدي أقابله بكل وقت ماكأن له بيت يضفه
ام سعود:..تناظرها..
سعود:..وده يخاصمها بس مستحي من نور..
نور:منور بأهله عمتي عساه دوم
ابو سعود:تسلم يدك يامها على هالفطور الزين
ام سعود:عافية على قلبك ياابو سعود
ابو سعود:عاد الغدا اليوم لازم نذوقه من يد بنتنا
نور:أبشر ياعم من عيوني
ابو سعود:تسلم عيونك يابنتي
غدير:ايه بدينا الدلع وانا محد حتى يفكر يعبرني
(بيت ابو سلمان)
:::خارجين من المكتب::؛
سلمان:..مسك يد ساندرا وسحبها مشى فيها لحديقة البيت..
القنوع:..تناظرهم وبضحكة..ويقول يـحـبـنـي!!!
~~بالصالة~~
فرات:ها وش صار
القنوع:ابد ولاشي
فرات:كيف ولاشي
القنوع:مثل ماسمعتني ابوي قال لسلمان يحل المشكلة ذي بطريقته وكالعادة قاله ان فقد الأمل فيه زيادة وانه ماراح يتعدل طول عمره
فرات:..بغبنة..ابوي مايترك عادته يحطم بسلمان مو شي جديد طيب عالاقل احترم زوجاته..انتبهت..اسفة والله
القنوع:لا عادي لازم أتعود
فرات:..بتردد..انتي كيفك
القنوع:الحمدلله طيبة ليه وش فيني
فرات:قصدي كيفك مع ذَا الوضع
القنوع:ليه هو كان في وضع قديم عشان يصير فيه وضع جديد؟!!
<بالحديقة>
::الحوار بالبرتغالي::
سلمان:..صر ع اسنانه بقهر..تكلمي وش هدفك ليش راجعة
ساندرا:..بابتسامة..اممم اعتقد بأنني لا اريد لصغيرتي ان تعيش بين أبوين منفصلين هذا مؤلم نوعا ما
سلمان:..ضحك بقهر..من اي وقت بدأتي الاهتمام بمشاعر الآخرين ثم
ساندرا:..قاطعته..منذ ان أنجبتها ولا اهتم سوا بمشاعرها ومشاعرك ايضا
سلمان:..ضحك واعتلت ضحكته..حقا مثلما فعلتي بي عندما هربتي فعلا لقد اهتممتي بمشاعري جيدا أشكرك على ذلك لكن لنترك صغيرتك جانبا هناك شئ ما خاطئ الا تنوين اخباري
ساندرا:..شالت عينها عنها..
سلمان:..عقد حواجبه من حركتها..اممم لن أغضب وسأتفهم الا تريدين التحدث الا تريدين اخباري بشي إطلاقا
ساندرا:عن ماذا تتحدث؟
سلمان:..تنهد..حسنا لقد منحتك فرصة الان ورفضتيها تأكدي..بتشديد على كلامه ونظرات مرعبة..بأني لن أعفو عنك نهائيا بخطأك القادم وبالنسبة لنا لن يكون لنا مستقبل تقبلي الواقع
ساندرا:..بنظرات فيها ترجي..لكني لازلت أحبك وأقع في غرامك كأنني أراك لأول مرة انني نادمة أشد الندم على تركك بتلك الطريقة انا لست احبك فقط سام بل أتنفسك بكل لحظة
سلمان:..ضحك وباستهزاء..لن تنطلي علي حيلك عزيزتي مرة اخرى..لف بيمشي..اه ثم ان اسمي سلمان وليس سام
(بالشركة)
~~قسم سلمان~~
سلمان:..داخل..الـسـ.ـلام عـلـ.ـيـكـ.ـم
ناير:هلا وعليكم السلام لاحول سلامات سلامات انت وش يصير معك ياأخي خلني أفزع لك والله لأدبهم لك
سلمان:...عينه على***..مايحتاج مشكور لااحتجت انت اول واحد بفكر فيه انت
ناير:وش تناظر..لف..اه هذا الموظف الجديد ماشاء الله عليه شغيّل..يأشر له..
*****:..مد يده بابتسامة..أهلا قالوا لي لنا زميل برحلة عمل الحمدلله عالسلامة
سلمان:..صافحه..الله يسلمك..ضغط على يده..أتمنى تتأقلم عالشغل معنا عاد الاستاذ خالد يبي كل شي متقن
سلطان:..ناظره بتحدي..لاتشيل هم انا كل شي أنفذه يكون متقن
ناير:..يناظرهم بشك..هو انتم تعرفون بعض؟
سلطان:..لف عليه بابتسامة..اول مرة أقابله
سلمان:فعلا نفس الشي
سلطان:..بابتسامة مصطنعة واضحة..وجهه مريح من اول مرة
سلمان:بس انت للأسف لا
سلطان:..ضحك وصرّ ع اسنانه..عن إذنك وراي شغل
سلمان:تفضل..بنفسه..كـمـلـت والله كـمـلـت!!
(بيت سلمان)
::رِن جرس البيت::
القنوع:طيب جاية..فتحت الباب اتسعت عيونها بصدمة وبنفسها..وقاااااحة
ساندرا:..شايلة بيدها باقة ورد وباستخفاف بالقنوع نطقت بالبرتغالي..لأرى اي لغةٍ تتحدثينها..تطالع فيها من فوق لتحت ابتسمت ونطقت بالإنجليزي..هاي لقد أتيت لاعتذر لابد ان الامر كان كالصاعقة بالنسبة لكِ..تمد لها الباقة.. أنا اسفة حقا أتمنى ان نكون صديقتين
القنوع:..ابتسمت وبنفسها..أول كذبة..بابتسامة..اممم لا اعتقد ذلك ألم يشكل الامر صدمة اكبر بالنسبة لكِ..بابتسامة اكبر..لأنك الزوجة السابقة
ساندرا:..صرت ع أسنانها بغيظ..
القنوع:..بلا مبالاة..اممم أين هي الطفلة
ساندرا:..تتمشى بالبيت..اه صغيرتي..لفت للقنوع وابتسمت..انها في احضان جدتها لقد نامت كالملاك لابد انها شعرت بحنان جدتها عموما لقد اتيت لاعتذر وأغادر ..مدت يدها..انا اسفة
القنوع:..صافحتها وبابتسامة..لاداعي للاعتذار فأنتِ لست طرفًا بالنزاع حتى
ساندرا:..ابتسمت بغبنة من تهميش القنوع لها وأشرت على لوحة..اممم ينبغي عَلَيْكِ ان تزيليها
القنوع:ولماذا افعل ذلك؟!
ساندرا:ان سام لايحب هذه الرسومات انه يكرهها حقا
القنوع:..ضحكت..هل انتي واثقة من ذلك تعنين سلمان صحيح؟لكن هو من اختار كل لوحة في هذا المنزل
ساندرا:..كشرت..حسنا اذا سرني التعرف عليك الى اللقاء
القنوع:..بابتسامة وبنفسها..اول وآخر مرة بخليك تدخلين بيتي
ساندرا:..بنفسها..سيُصبِح منزلي قريبا
القنوع:..قفلت الباب ضحكت..جاية تحذرين اجل هين مابخليك تآكلين الجو بنكد عليك عيشتك
(بيت ام فيصل)
ام فيصل:لا حول ولاقوة الا بالله
ابو فيصل:الله يصبر اَهلها ويقومها بالسلامة
فيصل:..داخل..السلام عليكم
سماهر:..وراه..السلام عليكم
ام فيصل:وعليكم السلام هلا يمه حياكم الله
سماهر:وش فيك عميمة ضايق خاطرك اشتقتي
ام فيصل:الله يسعدها والشوق لسى ما أمداه توها راحت
سماهر:..ضحكت..
فيصل:..ضحك..الحمدلله ماسمعتك لو هي فيه كان زعلت وطولت وهي مارضت
ام فيصل:..تنهدت..والله سمعت الحين خبر مهو بزين ابد
فيصل:اعوذ بالله من الشيطان الرجيم وش فيه يمه عسى اهلنا بخير
ام فيصل:لا الحمدلله اهلنا طيبين الله يبعد الشر عنا وعن المسلمين
سماهر:وش صاير ياخالة خوفتينا
ام فيصل:تسنيم بنت جيرانا بالعناية
سماهر:..ناظرت فيصل بصدمة..
فيصل:..بهتت ملامحه تذكر كلامه معها..
سماهر:..عقدت حواجبها بشك..
فيصل:الله يقومها لهم بالسلامة ويهديهاا
بالشركة)
::قسم سلمان::
ناير:..حط العصير على مكتب سلمان..تفضل
سلمان:مشكور تعبت نفسك
ناير:قول أسمعك
سلمان:..عقد حواجبه..نعم؟!
ناير:أنا الحين أعرفك زين واااضــح واصلة معك
سلمان:..ضحك من القهر..بذي صدقت
ناير:فيه شي مضايقك من قبل تجي الدوام والموظف الجديد اللي ماتعرفه نهااائيا ابد مارفع ضغطك زيادة
سلمان:..ابتسم..
ناير:عشان كذا قلت لنفسي ياولد خويك متضايق برد عليه شوي وسولف معه
سلمان:طيب مشكور
ناير:..بنص عين..ماتبي تقول شي
سلمان:ماااافي شي عشان أقوله
ناير:فضفض فضفض وارتاح
سلمان:كل شي بوقته حلو
ناير:الظاهر اني زميل عمل فقط
سلمان:لا والله انك اخو ياناير
ناير:ادري لكن انا مثل النحلة
سلمان:لاحول وش دخل النحلة الحين
ناير:اممم نشيط أحل مشاكلك ومشاكلي وأتعب بشغلي واصلا كل شي يطّلع مني حتى لو غلط مثل العسل
سلمان:ماتلاحظ انك زودتها شوي
ناير:..بدلع..يحق لي
(بالليل)
ام سعود:يمه ارتاحي انتي انا بسويه وانتي المرة الجاية ان شاء الله
نور:لاوالله ياعمة عمي خاطره يذوق من يدي
ام سعود..تدفها..اطلعي انتي المرة الجاية اطلعي بس
نور:..تنهدت بقلة حيلة..حاااضر
~~~~~~~~~~~~~~~~~~~~~~~~~~~~~~~
سلمان:..فتح باب البيت بشويش ودخل يمشي على هونه يتلفت يدوره عقد حواجبه مستغرب..وينه
..........:..فتح الأنوار..
سلمان:..جلس على ركبه مغمض عيونه.. آسف والله آسف أدري أني ناكر جميل وخاين عشرة..فتح عيونه اللي منزلها عالارض..لكن مريت بظروف الله العالم فيها وانت مارحت عن بالي ابد انتظرتـ..رفع عيونه عليه تعلثم بالكلام..إنت
أسامة:..ابتسم وبصوت ماااليه التعب ويعاتبه..طولت إنتظرتك طولت علي وينك وين رحت وتركتني ياسلمان نسيتني صح بس أنا مانسيتك كل يوم اقول الحين بيدخل البيت الحين بيجي ويرتمي بحضنك ويشتكي لك ليه ماسألت عني ليه مادقيت علي وين رحت أبطيت أبطيت على أسامة اللي كنت تدور عليه أول ماتصحى من نومك
سلمان:..ساكت وجاته الصدمة من منظر أسامة اللي صاير هيكل عظمي من المرض اللي فيه امتلت عيونه دموع ونزلت لا شعوريا هالدموع ماقدر يمسكها وبصوته المبحوح اللي فيه العبرة..وش فيك ليه صاير كذا ..قام..أسامة..ليه وجهك كذا وش فيك صاير بذا الضعف..مسكه بيده ومشى فيه..مشينا المستشفى نشوف ايش فيك
أسامة:..بصوت واطي..اللي فيني مااااله علاج غير عند ربك
سلمان:..اللي معطي ظهره لاسامة عرف مقصده وانفجر يبكي..أنا آسف آسف تأخرت عليك سامحني لكن الحين مو وقت الاعتذار لاأسمعك تقول هالكلام ربي يساعدنا واحنا نسعى مشينا مشينا الحين
أسامة:..لف سلمان لجهته..
سلمان:..دموعه شلال ينزل ناظره عين بعين اعتلى صوت شهاقاته اللي ماقدر يحبسه اكثر..
أسامة:..يمسح دموعه وبابتسامة..هالدموع تعني انك فهمت وش اللي فيني خلاص خلني أقعد ببيتي وأشوفك قدامي هاذي قمة سعااادتي
سلمان:..انفجر بعصبية وسط دموعه اللي ماجفت ونطق بحسرة..ليه ليه هاليأس اذا هاذي قمة سعادتك فهي قمة تعاستي انتظر متى أفقدك عاجبك وضعي وأنا أنتظر متى تروح مني طيب فكر فيني حس فيني مايكفي اللي أنا فيه تبيني أتعذب بشويش وانا اشوفك تموت قدامي انا هربت منهم وجيت ابي حضن الأمان اللي يحميني الاقيك انت بعد تبي تروح وتتركني لا لا ماني محللك ولا مسامحك أبد..بترجي..تكفى عشاني خلنا نروح أقلها نشوف وش يقولون
أسامة:رحت وعرفت كل شي وسويت كل شي مافيه فايدة
سلمان:لا هالمرة انا معك ماراح أتركك تكفى
أسامة:..رحم حالته..خلاص بروح مرة ثانية عشانك
سلمان:يالله مشينا
أسامة:الحين؟ الحين مافي احد من اصبح افلح
سلمان:طيب بس أنا بنام عندك الليلة وبتأكد من كل شي بنفسي
أسامة:أخيرا بتنام عندي ..ابتسم..تتذكر يوم طردتني من غرفتك تقول خلاص انا كبير اطلع برا غرفتي
سلمان:ليه تتذكر اللي راح بنظل مع بعض وبتربي عيالي وعيالهم بعد وبخليك انت توصلهم للمدرسة وتذاكر لهم بعد
أسامة:..ضحك..من الحين مخطط علي
سلمان:مابخليك تروح لمكان انا وراك وراك
(بيت ابو سعود)
ابو سعود:..يأكل..من مسوي العشا الليلة
ام سعود:أنا
سعود:..ناظر ابوه..
ابو سعود:..حط الملعقة..تسلم يدك بس توقعت نور اللي بتصلحه اليوم
نور:..ناظرته ثم نزلت عينها بصحنها ساكتة مستغربة من ردة فعله وش يبي بالضبط..
ام سعود:توها عروس لاحقة عالمطبخ انا اللي رفضت وخرجتها
ابو سعود:كان ودي أذوق طبخها
سعود:نور اي شي تصلحه دايم يكون حلو ولذيذ
ابو سعود:صحيح صحيح ماقلنا شي بس متى بنذوقه
نور:حاضر ياعم بكرة ان شاء الله بتذوقه
ابو سعود: سمعتوا كلكم شاااهدين
(ليالي وفارس)
~~عالاكل~~
فارس:..يناظر أكله..اممم ابي اقول شي
ليالي:..تحوس بصحنها ساكتة..
فارس:أنا اسف ماكان قصدي
ليالي:اوكي
فارس:أنا لمَ أكون نايم احيانا اعصب ومااحس باللي أقوله
ليالي:طيب
فارس:والله آسف أوعدك اني احاول ماتتكرر هالحركة مرة ثانية ها وش قلتي
ليالي:طيب ان شاء الله
فارس:كعربون اعتذار حجزت لنا تذاكر للعرض اللي فوتناه
ليالي:..ناظرته..لكن كلها انحجزت
فارس:لعيونك احجز
ليالي:..ماتت من الوناسة على هالكلمة لكن باقي تتصنع الزعل..
فارس:أتمنى تتحمليني شوي انا شخص مايحب يغير نظامه يحب روتينه الممل والوضع جديد علي شوي ولازم نتأقلم على بعض يبي لي فترة شوي
ليالي:ان شاء الله
فارس:وبعد حجزت لنا تذاكر للملاهي
ليالي:..بحماس..صدق
((يوم جديد))
(بيت أسامة)
سلمان:يالله مشينا
أسامة:على وين
سلمان:وش اللي على وين يالله بسرعة
أسامة:لحظة لحظة أنا حجزت موعد والموعد الساعة4 انت رح دوامك الحين ووقتها تعال وخذني شفت انا ماعندي اعتراض لكلامك ها ارتحت
سلمان:مابتركك لحالك بلا دوام بلا هم
أسامة:..يدفه..رح أنا مافيني شي شفني قدامك طيب اقدر امشي أجيب اللي ابيه رح
سلمان:لكن
أسامة:..قاطعه ووصله عند الباب..يالله روح دوامك ولا تبي ابوك يمسك عليك شي وبعدين بتجي وتلاقيني انتظرك
سلمان:..تنهد..طيب انا بروح لكن راجع لك لاتتحرك تراك وعدتني
أسامة:طيب طيب يالله روح
(مروان وجمانة)
~~بالكوفي~~
جمانة:عرفني عليك
مروان:..انصدم من سؤالها..
جمانة:..ضحكت..وش فيك انصدمت عادي ابي أتعرف على شريك حياتي شكلك ماتوقعت هالسؤال
مروان:الصراحة إيه
جمانة:طيب أعيد السؤال مرة ثانية ..ابتسمت..عرفني عن نفسك أستاذ مروان
مروان:اممم أنا رجل مسالم أحب أتابع الأخبار مايهم وش نوعها بس أتابع وأعشق الترندات واشوف وأشوف وش جديدها..بابتسامة..ايه وأحب أفلها وانبسط مع فارس..تغير وجهه..